小提示7
Topic: 2提示 Hint
13.講道理要9成人都聽得明先得架嗎,淨係你地聽得明,有鬼用咩!9成人聽唔明,都係等於無道理.

14.有關係的,互相影響的問題,就要夾埋來思考.無關係的,沒有影響的問題,就不要撈埋來思考.

15.人之初性本善,等於人之初性本惡,等於自私,等於想有好日子過.人無分自唔自私,無分性本善性本惡,只有分聰明人,同蠢人.

16.解決方法最後引發既問題,就係原來既問題,就係成功既方法,就係圓滿解決問題!問題不斷循環惡化,同不斷循環解化,係相反既,知無?

圓滿解決問題
Topic: 5後記 Afterword
請先看<提示>.

一個問題可以引發另一個問題,一個問題的解決方法亦都可以引發另一個問題.

引發既問題,又要有解決方法,又會再引發第三個問題.

如果不斷引發新問題,就係失敗既方法.

如果每引發一個問題,都要有一個解決方法,即係用錯方法.

所以真正解決問題,就要一開始就將所有引發既問題都自動解決.

如果最後引發既問題,就係原來既問題,就係成功既方法.

因為一開始以經有解決方法,無再引發新既問題,即係所有問題都順利解決.

咁,就為之圓滿解決問題!

唔好當左打困籠,當左失敗既解決方法.

因為而加唔係"問題1->問題2->問題3->問題4->.......->問題n",
唔係"問題1->問題2->問題3->問題4->.......->問題n->問題1",
亦都唔係"問題1->解決1->改善1->問題2->解決2->改善2->問題3->解決3->改善3.......->問題n->解決n->改善n->問題1"(如果n=2,即係自相矛盾),
而係"問題1->解決1->改善1->問題2->改善2->問題3->改善3.......->問題n->改善n->問題1".

問題不斷循環惡化即係惡性循環,不斷循環解化即係良性循環,係好大分別既,知無?  LOL

捐贈器官
Topic: 5後記 Afterword
請先看<提示>.

捐贈器官幫到咩人?

幫到所有器官移植輪候名冊既人.

名冊上既係咩人?係所有需要器官移植既人?定係有錢做手術既人?

無錢做手術會唔會唔比登記?登記左會唔會因為無錢做手術,輪到你都唔到你?

結果淨係幫到有錢人?

幫唔到窮人,就唔好捐啦!做咩要幫有錢人呀?有錢比錢囉!

器官移植手術,係咪應該免費呀?

我捐器官出黎幫人,你D醫生同醫院,攞黎賺錢?我做乜要免費幫你賺錢呀?

所以器官移植手術,包括輸血,都應該免費,因為係人地好心人捐出黎既野,你無權攞人地捐出黎既野去賺錢咁賤格!

人地捐血捐器官,醫生護士同醫院就應該捐做手術捐病房捐藥!係咪?

點解無人講?咁多年都用人地捐出黎既器官同血去賺錢,有無搞錯?!

咁明顯既野,點解無人肯去思考,點解! sLB

求職/求學,面試
Topic: 5後記 Afterword
請先看<提示>.

為什麼要面試?

求職面試,為要揾出最適合份工既人.

咁求學面試呢?

為要揾出最適合讀呢間小學既細路.

吓?

有普通學校唔適合比普通細路讀既咩?

要揾叻既細路黎讀!

你間名校黎喎!原來唔係因為你教得叻,係靠D細路自己本身叻呀?

係唔想收D難教既細路!

名校都唔識教難教既細路,要3等學校先識教呀?咁即係3等學校仲教得好過你名校啦!

而加你唔係大學選科睇你想讀邊科,需要適合既材能喎!係報讀小學炸喎!

係咪應該面試為左搵最需要幫助,最需要好老師既細路去幫去教呀?

最差最難教既細路都教得好,先至算係名校呀嗎,係咪呀?

最差最難教既細路仲要去最差既學校,你即係制做社會問題遮!

名校?你有咩資格挑選好學生呀?挑!  +YJ

中文上至下,右至左
Topic: 5後記 Afterword
請先看<提示>.

中文幾千年來都是上至下,右至左,只是因為90年代開始大量使用電腦,才出現大部分橫式中文均變成左至右.

其實word甚至早期word perfect,都可以出右至左,甚至直排上至下出版印刷,中東文字都是右至左,用電腦一直都無問題!所以根本無需跟隨英文左至右寫法!

現在只是20年的混亂,希望能盡快改回右至左,甚至多用直落式中文,還我中文傳統! like!

通櫃
Topic: 5後記 Afterword
請先看<提示>.

科技進步,為什麼X光機發明幾十年,入監獄還要用手伸入胱門檢查這麼落後?

咁多恐怖襲擊,搭飛機又唔見個個要通櫃?

有錢人就社會服務令,係病人唔係壞人,窮人就雖然係病人,但係都要重判以收阻嚇作重!

有幾多窮人比差佬權貴寃枉,坐寃枉監,大家知啦!哼! +1LY

自私
Topic: 5後記 Afterword
請先看<提示>.

人之初性本善,人之初性本惡,其實即係一樣,都係自私.

性本善,想自己好,又想家人好.

性本惡,只想自己好,只想家人好.

每個人都自私,只係後來有聰明人開始發現對自己好,會影響其他人,有時會損人利己,人地自私,一樣會影響我,會佢好我唔好,又會覺得己所不欲,勿施於人,之後又會諗到雙贏,共贏,能夠做到大家都好,自己先至會真係好.

蠢人自私,就只會對自己好,就以為真係會好,無諗過人地唔好,對自己有咩影響.

你好有錢,就好?一定唔會食到毒菜心毒米?人地揾錢揸幾更車,就一定唔會O盒眼訓撞中你架車?你住得好,行街就一定唔會比跌野掟中?你乾淨清潔,就唔會有傳染病傳染到你?你好高貴,D仔女就唔會有人叫佢索K?你國家豐衣足食,人地就唔會侵略你?

只有人人都好,自己先至真正會有好日子過!

人無分自唔自私,無分性本善性本惡,只有分聰明人,同蠢人.你,係邊種? <.|.>

銷煙/食煙
Topic: 5後記 Afterword
請先看<提示>.

虎門銷煙,係銷煙,唔係鴉片,唔係只係鴉片,係所有煙!包括鴉片!如果唔係就唔會叫虎門銷煙,而係叫虎門銷鴉片!

點解銷煙?係因為1,對身體有害,2,大量財富比左外國人,而對國對人毫無好處.

食煙同食鴉片有乜分別?1同2都一樣,點解唔禁煙?點解要食煙?二手煙仲要害埋其他人,食煙仲衰過食鴉片!

身為中國人,你食煙?身為廣東人,你夠膽食煙?身為香港人,你竟然夠膽食煙?

你對唔對得住林則除?你對唔對得住鴉片戰爭死既中國人?你對唔對得住比鴉片累死既中國人?講!

早知你地咁鍾意食煙索K,一早就唔好銷煙啦,搞到比外國人搶左幾億白銀,搞到中國窮左百幾年,仲要割讓左香港百幾年.唔係因為咁,中國使乜衰左百幾年呀?林則除根本就唔係民族英雄,林則除根本就係千古罪人!你個心係唔係咁諗呀?

你食得煙索得K既,都擺到明係反林則除架啦,唔係點解食煙索K呀?你夠膽食煙,夠膽你就大大聲聲講:虎門銷煙係錯既,林則除係千古罪人!

唔係林則除?你有係香港咁自由民主咁生活?你受緊共產黨迫害呀!

唔係林則除?你有係香港咁幸福舒服既生活?而加既中國,分分鐘慘個長期飢荒既非洲國家呀!

唔係林則除?你呀爺個呀爺食鴉片死左啦,唔死都乞食呀,你有命出世?

食煙?索K?你地食X啦! +4LT

國恥
Topic: 5後記 Afterword
請先看<提示>.

點解日本仔侵略中國係中國既國恥?呢個問題我由細細個已經成日問大人,問到今時今日,問左幾十年,都無人答到我.

一個愛好和平既大肥仔,唔鍾意打交,無學過功夫,比一個好勇鬥狠,學過功夫,成日周圍蝦蝦霸霸既普通身形細路打,係邊個羞耻呀?唔係打人果個咩?比人打仲要羞耻呀?

人同國家既道理會唔同,會相反既咩?

定係因為大家都鍾意蝦蝦霸霸好勇鬥狠,但係大隻果個反而唔夠打,所以羞耻呀?咁即係兩個都唔係好人啦,比人打都抵死啦,仲要人同情你呀?羞耻?

有幾多人諗過呢個問題呀?再講多一次,唔好盲目咁信人講既野,自己諗清楚,唔好人話啱你話啱,人話錯你話錯.

點為之羞耻呀?羞耻唔係人地做既野令到你羞耻,係你自己做既野令到你自己羞耻!

日本仔侵略中國,唔係中國既國恥,係日本既國恥!我話既! \\/`.`\//

歷史自有公論
Topic: 5後記 Afterword
請先看<提示>.

穩定壓倒一切對嗎?無錯,應該穩定壓倒一切!

穩定壓倒一切,那應該壓倒貪污腐敗,還是壓倒反貪腐?應該壓倒濫權弄權,還是壓倒維權平權?

你不去壓倒貪污腐敗,弄到人民出來反貪腐,反而去鎮壓反貪腐?

你不去壓倒濫權弄權,弄到人民出來維權平權,反而去鎮壓維權平權?

如果你壓倒貪污腐敗,人民又怎會出來反貪腐?如果你壓倒濫權弄權,人民又怎會出來維權平權?

無錯,歷史自有公論,公論就是:

六四鎮壓是錯,應該鎮壓貪污腐敗,而不是鎮壓反貪腐!

鎮壓投訴豆腐渣學校是錯,鎮壓投訴毒奶粉是錯,鎮壓要求言論自由要求民主是錯,應該鎮壓濫權弄權,而不是鎮壓維權平權!

用人命換取經濟,更加錯!

穩定壓倒一切!  歷史自有公論!  六四鎮壓,就是錯!

話穩定壓倒一切是錯呀笨!那既然穩定壓倒一切是錯,因為這樣而鎮壓六四即是錯啦?

即是無論穩定壓倒一切是對還是錯,六四鎮壓都是錯啦!

是又死,不是又死,我看你怎死! \/'.'\/