盲目依賴
Topic: 6講 Talk
請先看<提示>.

咁樣改革之後,自然就做到人人平等既社會.

平等,不是講先天後天條件,是如何對待自己,對待別人.這才是平等的真正意思,所以不用分男女平等,宗教平等,種族平等,兒童老人平等......,只要對任何人,都跟對自己一樣,不會因為不同人就不同的對待,你就成功做到人人平等.

我無講過我係好人,我係壞人,我講既野都係錯既,唔好信我,信自己既思考同分析.

我講左咁多次,都係想大家學識正確既思考方法,唔好盲目信人.

好似呂布咁,人地話佢反骨,係壞人,你就話佢係壞人.我話呂布係好人!因為佢既軍師係陳宮.陳宮係邊個?就係因為曹操一句"寧教我負天下人,莫教天下人負我"而同曹操分道揚鑣既人.如果佢係肯跟奸雄,就即刻跟左曹操啦,仲點會即刻走呀?好明顯陳宮係唔會幫奸人,佢幫得呂布就肯定認為呂布係好既!

仲有呂布點解殺丁原又殺董卓呀?因為比董卓呃以為丁原係壞人所以大義滅親,之後因為王允同貂蟬令佢知道董卓先係壞人,滿朝文武同皇帝都想殺佢,呂布知錯能改殺董卓,咁有咩唔啱呀?你最多話佢唔夠醒比人呃,武將唔夠醒好出奇呀?醒就唔使請軍師啦!得幾多個武將醒呀?得周瑜同姜維囉!頂多咪加埋關公同陸遜!

完全盲目,一句係反覆小人,就個個將知錯能改大義滅親既呂布當係反骨仔!點為之反骨仔呀?唔幫好人走去幫壞人先叫反骨仔!唔再幫壞人走去幫好人,叫做改邪歸正!如果咁都叫反骨仔,咁電視同電影果D改邪歸正既男主角女主角全部都係反骨仔啦!

既然大家都係信三國演義,信劉備關公係好人,信曹操董卓係壞人,咁係咪應該信陳宮同呂布都係好人呀?

我今日就要為呂布正名!呂布唔係反骨仔,呂布係知錯能改,大義滅親,萬夫莫敵既忠臣,係真英雄!

仲有孔子,孔子既中心思想係仁,錯,錯晒!孔子係無中心思想既,論語提到最多是仁,係因為論語主要是記錄學生主動問孔子答,而非孔子主動講給學生知.學生問得最多,並不表示孔子最注重.要知道孔子最注重什麼,便要知道孔子最喜歡那個學生.如果孔子最注重仁,他最喜歡的就是什麼曾參或者曾我,但不是!

孔子最喜歡的,是顏回.顏回最好的是什麼?是聞一知十,是舉一反三.那代表孔子最注重什麼?無錯,是思考.不懂思考,只懂死記教條,怎能舉一反三,怎能聞一知十?以仁為本點樣解釋[以貌取人,失之子羽],點樣解釋[子不語怪力亂神],[敬鬼神而遠之],[未知事人,焉知事鬼神?],[未知生,焉知死?],點樣解釋[知錯能改,善莫大焉],點樣解釋[學而不思則罔,思而不學則殆],全部解唔到!但係舉一反三就全部可以解到!面對不同問題,不是死記以仁為本,而是懂得思考解決方法,才是孔子最希望學生可以做到的.將以仁為本當作孔子的中心思想,實在是太小看孔子啦!

[知錯能改,善莫大焉],一個人能夠做到最好的事,就事知錯能改.沒有好事好得過知錯能改,重要在不單知錯,而在於能改,知錯但不能改,又再不斷重複犯錯,根本不能解決問題,知錯能改,當然值得寬恕.所以不單要指出別人問題錯在那裡,更加要讓人知道怎樣改,幫他改,再寬恕,才能完全解決問題.單單講愛,講寬恕,但又不去點出錯在那裡,不教人怎樣改,問題不斷重複犯錯,原諒人七十個七次,又有什麼用?同一個問題,不同的方式處理,一個完全解決問題,一個完全無解決問題,你說孔子跟耶穌誰更有資格做聖人?仁,包含仁愛,愛只是仁的一部份,怎可以愛就是最大呢?況且仁亦不是做人宗旨,用思考去面對,解決每日遇到的問題,才是真正應該有的做人宗旨.耶穌,又那有資格跟孔子相比呢!?

回頭是岸本來希望人不要因為錯得太多,改都無用,所以繼續錯,因為無論錯得多大,只要肯改,都可以再做好人.但原諒人七十個七次,則只叫人原諒,卻沒有叫人改,反而令人錯幾多次都覺得別人要原諒佢,完全達不到勸人改過的意思.

放下屠刀,立地成佛意思是如果你大徹大悟,不單改過可以再做好人,甚至大惡人都可以得道成佛,所以十惡不赦的人都不要放棄改過的機會.但臨死認錯可以上天堂,卻令人放膽做一世壞人,因為只要臨死認錯,就可以上天堂.

我不入地獄,誰入地獄是指得道之人,希望幫所有人改過,不用落地獄,地獄內只有自己,不再見有人,才算成功.但釘十字架替世人受苦,卻只令人覺得不用承擔自己的錯,有人代為承受後果.

這些好明顯是同一個意思,不同講法的道理,但效果卻差天共地.沒有思考,不理解,盲目記著規條,卻用錯誤的方式講解,你說後果有多壞?天主講權,惡,威,罰,耶穌講仁慈,愛,寬恕,完全相反卻說是同一個宗教,但又有人信.佛祖菩提樹下悟道,叫人不要執著,不要煩惱自尋,自己不斷思考,卻叫人不要思考,自相矛盾,但又有人信.老子莊子烈子叫人不要教化,不要聖人,不要思考,但自己寫卻長篇大論,邏輯思考推理卻非常複雜,要非常有腦才看得明,令到人非常有腦卻原來叫人不要用腦,自己做不到卻叫人做,但又有人信.

要講道,孔子比老子更加道.老子叫人唔好太過聖人教化,要上德不德,是以有德,要唔好教化,但係物極必反,咁樣只會係教化同唔教化之間兩頭擺.但係孔子知道[過猶不及],要達至中庸,平衡,先至唔會兩頭擺,所以孔子講道理,講規矩之餘,都會同學生享受大自然,享受自由,達到平衡.

不是說孔子最好,孔子都有錯,但他有思考,分析,[吾日三省吾身],知道自己錯,知道怎樣改,令自己進步,令人進步.孔子亦不會自相矛盾,自己做不到卻叫人做,自己不斷思考,卻叫人不要思考,更加不會叫人盲目地信自己,反而是叫人各自思考各自想知的不同問題,去解決問題,真的想不通才去問,才去學.

所以唔好再依賴神,聖人,叻人,要學懂思考,更加要學懂知錯能改,這個世界才會有美好的將來,否則,繼續有盲目的人,世界就永遠不會有好日子過.   HeH

改革之後
Topic: 6講 Talk
請先看<提示>.

除左同錢有關的職業,仲有d咩工會唔同左少左?

唔會有老人政治,唔會有政黨政治,全部係20-30歲後生仔女,做政府官員.無經驗,點都好過只識玩權力玩政治既經驗,所以政府再無秘密會議秘密檔案,所有會議都要公開直播比市民監察.首先由理科同哲學既大學生接管政府,做決策,由理科同哲學既大學教授比議見,再慢慢過渡到正常結構既政府,即係20-30歲既人都有.所以全世界既政府,唔該你地,自動自覺,交出權力,無謂比人唾罵,無謂同市民為敵.中東既政府同人民,唔好再打啦,和平咁演變啦!

地產商,大企業?主席,董事會,總裁,都係20-30歲後生仔女電腦抽籤.富豪?無啦!大家唔使再比有錢佬欺壓啦!各位有錢佬,而加開始,攞你地D錢黎幫窮人啦!炒樓個D,攞D樓出黎比乞兒住啦!唔好一個人霸幾層樓,要人訓街啦!

能源,唔使計成本,可以全面使用無污染,再生能源,風力水力太陽能.因為少左3分之2的工作,所以用少好多電,唔使再用核電!

產品同包裝,應該點生產?唔係計成本,係計所用既能源資源多少,同產生既污染.所以亦都唔使浪費係宣傳廣告.廢物處理,亦都唔使因為計成本,而無人去理,或者掉去人地國家,污染人地.私家車,咁唔環保,坐公共交通,或者單車啦!

如果太多工,要卅幾歲退休,可以當老師係義工,30歲之後做,咁就可以提前30歲退休.不過就算真係32,33歲退休,都無所謂啦!

教育自然要改革,應該訓練正確思考,唔係訓練工作技能,另外要教同家人相處,同其他人相處,仲有教應變能力,處理壓力,領導能力,耐性,人際關係,分析能力,社會和諧,心理,記憶力,意志,定力,集中力....等等的訓練,唔好唔記得教有災難要點做,先唔會混亂,先唔會鹽都走去搶!

藝術創作怎麼做?當然是30歲退休後做啦!金銀珠寶呢?不是必需品,鍾意的人30歲後自己去開礦養珠吧,沒理由要其他人為你個人享受冒險,辛苦吧,沒有錢的啦!時裝設計?30前設計實用些,不必為設計而設計,退休後自己興趣,任何人喜歡怎樣設計便怎樣設計,這是研究自由.模特兒?沒有這行業啦!

學術研究,用網絡與全世界志同道合的人交流合作,認為應該做實驗的便向政府申請,在一間研究院(即現在的大學)做實驗,免卻重覆浪費,而任何成果都不再是一人功勞,而是所有人的成果.沒錯,大學只會做學術研究,是30歲後任何人都可以去跟其他人一起學習研究的地方.

宗教,是學術一種,喜歡可以研究,但沒有工做.喜歡可以信,但不應傳教,應由每個人自己決定.其實只要認認真真去做個好人,認認真真去解決問題,事情因為應該而做,因為對而做,因為不應該而不做,因為錯而不做,而不是做自私自利的假好人,因為對自己有好處而做好事,因為對自己有壞處而不做壞事,就得啦,又何需理會有無鬼神呢?

唱歌演戲運動員,30後吧.簡單一句,不是必需的,30歲後做吧.其他各行各業,不能盡錄,自己思考思考吧!

這樣的社會,無競爭,無進步?競爭什麼?進步什麼?証據呢?製造污染,不環保產品?不理後果,應不應該,只要快人一步,出名,去搶先登記,做無謂實驗?競爭必須單打獨鬥嗎?公司,學校,國家,不須團體合作嗎?集合全球智慧不會更好嗎?不為競爭而競爭,才是真進步.不為個人,金錢而思考,為各人各種不同興趣,專長,為全人類而思考,絕對有更加大進步.

有人會覺得這樣的社會令人無目標,無成就感,無心機,變懶,30歲退休後會有更多懶人.為什麼人想要成功,有成就?主要都是為了家人可以有更好的生活,還有一些是為了出名,個人欲望.但現在的社會,不能保證家人有長期的好生活,無論多成功,都怕子子孫孫會變窮.改革的新社會卻可以,這個就是工作目標,而30歲後做義工或研究對世界的貢獻,比起只為自己出名或滿足個人欲望更加有成就感,所以大家會更有心機.

現在的流浪漢或懶人,其實大部分都是不想只為錢而工作,太沒意義而無心機工作,這些人在新社會便會很有心機,很積極工作,反而是那些想出名,有個人欲望的會變得無心機工作,變懶,不過這些人數目肯定比現在的懶人流浪漢更少,問題不會變得嚴重.

做10年工就可以不用憂柴憂米,都不肯積極工作?寧願博做到六七十歲有得享福,都唔揀做十年就一定無擔憂?咁既數都唔識計?如果有人亂浪費,亂買野,即係想破壞呢個成功既生存方式.咁既然你唔鍾意改,你就用番現有既生存方式,即係人地30歲退休,你就做到死個日,你都要做野!你鍾意捱,咪比你捱囉!  Vv'Q'wW

改革社會
Topic: 6講 Talk
請先看<提示>.

都話我講既野都係錯既,唔好信我,信自己既思考同分析囉!想激死我呀?

你應該答"唔!我諗到啦,啱!"係你諗到啦啱,唔係我講得啱,知唔知?

我地要用家庭既運作模式,同全世界既人一齊,重新建立一個新既社會,解決社會既問題.

最重要既原則,依次係:第一係平等,第二係自由,跟住係公正,法治,民主,同埋和平.

大前提係環保,同可持續發展.要成功咁生存,無適合生存既環境點生存?

如果用這種模式運作,有好多好處.很多無必要的功作已經可以不用存在,浪費資源,能源,起碼同錢有關的職業,銀行,股市,保險,可以消失,亦沒有必要因為令人有工作賺錢,而去製做職位,製造相同的工作,產品,作無謂競爭,浪費.這樣最少3分之2的工作可以減少,即一般人只要肯做10年工,即30歲就可以退休.之後就可以做有意義的事,做義工,結婚生子,教育子女,照顧父母.好過現在人人沒有時間與家人相處,老人沒人理,孩子沒人教.放且現今社會複雜,父母應該用更多時間教導,關心子女,幫助子女發展.有時間更加可以研究自己有興趣的科學,哲學,醫學,社會學,宗教,人際關係,教育,沙漠化,環保.....等,好過現在99.999%人只用腦筋去研究揾錢,但是卻連錢的失敗也沒人研究(暫時可能只有我一個).我相信到時人類的進步將會快幾百倍!(因為現在只有0.001%的人用腦研究去令人進步,而不是100%!)

還有就是可以減少很多犯罪,黑社會,社會衝突.只要肯做10年工,就可以以後有飯食,還有誰願意做黑社會?去種毒品,賣毒品,研製新毒品?誰人不想做好人?不怕無工做,無錢開飯,還有誰去偷搶騙,去做妓女,去操控妓女,去拐賣婦女兒童?去偷渡,去走私,做貪官污吏?去為了賣軍火,去引發衝突,去製造戰爭?沒有無謂的壓力,有誰會去搞破壞來發洩?沒有錢,何來賭?何來賭徒問題?當然,世界唔會無問題,唔會無人痴線,但會少好多!

住在無資源,無好農地,永遠無可能富庶地方的人,就要去幫佢地.可以唔幫嗎?換轉你是他們,你說可以怎樣?

不可用什麼分數呀,記錄多少工作可作多少活動呀買珍貴物品食品呀等方法.不要以為沒有錢字就得,錢,只是一個名,實際是記錄個人所得多少的任何方法都一樣.只有像一家人一樣,不計多少,才不會同錢一樣失敗的!

實際要點做?我會講個大慨,詳細既留番比後生仔去諗,等你地有機會思考下,唔好乜都我講晒.

無國家,種族主義,一個不用錢運作的社會,所有人都可免費讀到高中,18歲不論男女做2年軍訓,20到30歲做工,包括政府工,之後退休,結婚拍拖生小孩,做義工,做研究,照顧父母.

就當國家只是不同地區的政府機關,種族只是不同的文化累積,天下本一家,好嗎!?

軍訓並非教打仗,是教災難應變,如何分工合作,是救援軍.到有災難既時候,所有人都識得點應付同幫手.

所有工都是頭2年由上一任帶,學習,6年時間全力工作,最後2年再帶下一任,10年後完成退休.無升職,無轉工,除非有病或者受傷唔做得.

要做到30歲退休,可以逐步黎,每半年減5歲,今年60歲退休,半年後55,一年後50,3年後就30,同時逐漸將無必要的工取消,工作取消了的人,轉工取代提早5年退休的人,如此類推.

所有工都是電腦抽籤.中西牙醫及建築師等小數工作需要長時間經驗及訓練,跟其他不用面對人的科研有所不同,而且一開始已經有心為人服務,所以有可能做20-30年,不過仍然是30歲退休,但形式可以是30前訓練及做醫院,之後10至20年做研究及訓練新人,最後10年做街坊診所.研究係興趣,訓練新人同街坊診所當係義工,所以30歲之後做.

因為所有工作都是對社會有貢獻,而並非為個人成就,所以除非選擇中西醫等,任何人也有可能抽中做總統,文員,農夫,清潔,地盤,任何工作.當然會有健康,體能或能力考試,如消防,警察,牙醫等.

傷殘人事,有重病的人,智力較低的人呢?當然不用做啦!跟本無那麼多工作做啦!  "x"

原始本性
Topic: 6講 Talk
請先看<提示>.

講左咁多根本問題關鍵問題,其實點解會發生?

一切一切,都係源於人類既原始本性,想生存,想繼續生存.

想生存,就要自己好,想自己好,即係自私.

人之初性本善,人之初性本惡,其實都係一樣,即係自私,即係想自己好,即係想生存!

性本善,想自己好,又想家人好.

性本惡,只想自己好,只想家人好.

每個人都自私,只係後來有聰明人開始發現對自己好,會影響其他人,有時會損人利己,人地自私,一樣會影響我,會佢好我唔好,又會覺得己所不欲,勿施於人,唔應該損人利己,之後又會諗到雙贏,共贏,能夠做到大家都好,自己先至會真係好.

蠢人自私,就只會對自己好,就以為真係會好,無諗過人地唔好,對自己有咩影響.

你好有錢,就好?一定唔會食到毒菜心毒米?人地揾錢揸幾更車,就一定唔會O盒眼訓撞中你?你住得好,行街就一定唔會比跌野掟中?你乾淨清潔,就唔會有傳染病傳染到你?你好高貴,D仔女就唔會有人引誘佢索K?你有冷氣暖氣,全球暖化所引發既惡劣反常天氣就唔會影響到你?唔得呀嗎!

中東咁亂,搞到油價標升,你就可以生活安定?你D食物安全,人地奶粉唔安全,就唔會搶購到你都買唔到奶粉?你有錢住淺水灣別墅,環境就好過深水埗窮人區?白紋伊蚊唔會飛過淺水灣?你國家豐衣足食,人地就唔會侵略你?係就唔會揾籍口發動鴉片戰爭,八國聯軍黎打你搶你啦!到今時今日都仲係揾籍口打伊拉克伊朗阿富汗呀!過左百幾年都無進步呀!你好多好多錢,就無人搞到你?邊個比人呃左成間公司呀?邊個比人綁票呀?邊個比人盜墓呀?唔通係窮人呀?   

淨係自己好就真係會好?唔得呀嗎!有錢佬!

只有人人都好,自己先至真正會有好日子過!

人無分自唔自私,無分性本善性本惡,只有分聰明人,同蠢人.你,係邊種?

又係一步既邏輯思考!

人地唔好,會影響到自己唔好.

所以想自己真係好,就要做到人人都好.

淨係得自己好,係失敗既自私.所有人都好,就係真正成功既自私!就係真正成功既生存方式嘞!

所以家庭既運作模式,就係成功既社會運作模式!

有些哲學家說弱肉強食是大自然定律,什麼物競天擇,人應該鬥強,像獅子一樣,勝者為皇等等.

那獅子應該學什麼?獅子學豬?豬學鷹?鷹學海豚?海豚學狗?狗學蚊?蚊學蛇?蛇學人?

為何人要學獅子?如果不學獅子,學其他生物得嗎?人學曱甴?曱甴學貓?貓學羊?羊學八爪魚?八爪魚學烏蠅?烏蠅學螞蟻?螞蟻學紅虫?紅虫又學人?

我想知紅虫與紅虫之間有沒有弱肉強食呀?海豚與海豚之間呢?蚊呢?曱甴呢?烏蠅呢?

曱甴可以由恐龍年代生存到現在都無絕種,生存能力最強,人是否應該學曱甴呢?

烏蠅在屎中也可找到食物,絕對可以應付惡劣環境,是否都好應該學呢?

獅子要靠人保護,才不至於絕種,為什麼不是獅子學人而是人學獅子呢?那些哲學家為什麼不學烏蠅曱甴呢?

弱肉強食是不同動物之間的,人與人之間又怎可弱肉強食呢?況且不同生物就有不同的生存方式,又怎可學其他生物呢?

人懂得分是非對錯,思考,要同其他人接觸,所有人之間都要互相依靠,才能衣食住行俱備.所以人最好的生存方式,不是只顧自己成功,自己幸福,而是大家都好,才算成功.對嗎?  d"b

解決根本問題
Topic: 6講 Talk
請先看<提示>.

我又要再一次強調我既格言:我講既野都係錯既,唔好信我,信自己既思考同分析.

呢個根本問題,又係一步既邏輯思考!

用錢黎運作既社會模式可行,就要每個人只要勤力都一定賺到錢.

事實係無可能做到人人有錢賺,所以用錢黎運作既社會模式係唔可行!

那到底應該怎麼改,怎麼解決呢?不用金錢,應該怎樣運作這個社會呢?

其實現實是有可行方法,而且每個人都有做,還做了幾千年.想到嗎?就是家庭的運作模式啦!
即是什麼?就是互相之間幫忙,做事,不計錢啦!

大家想想,如果一家人之間都要計錢會是什麼結果?住,收錢,食,收錢,衣服,收錢,零用錢,收息,睇電視,上網,聽mp3,比錢,看病,照顧,打掃,還有上學,學琴,游水,旅行.....除了有賺錢的父親,有誰不是一身債?要幾多歲才可以還得清比父親呀?

原來不計錢好地地,一計錢便大問題,跟本沒可能解決!相反,現在全球的經濟貧富懸殊問題,如果不計錢,當全世界是同一個家,互相幫忙,互相照顧,一樣可以變得好地地.

好似大災難咁,日本啱啱9級地震,救援物資,重建,都係全部無同災民計錢啦!如果全部要同災民計錢?全世界咁多天災,每次大災難都要多幾十萬窮人啦!點搞呀?

其實,實行方法好簡單,只要每個人繼續工作,公司繼續運作,田繼續耕,蓄牧繼續養,但是不會有錢收,不過有記錄,証明有盡社會責任,就可以去街市買食物,去商店買衣物,日用品,可以坐車,住屋,小孩更是必定有書讀,不怕父母無錢無書讀,就可以啦!

呢個唔係共產主義,共產主義同資本主義一樣都係用錢黎運作既社會模式,只要用錢,就一定失敗.

我講既係家庭既運作模式,係唔用錢,但係一樣有個人財產,係用左幾千年,恆之有效既模式,係完全唔同既野黎!

如果你係都要話我講既同共產主義一樣,咁你不如話共產主義係廢話啦!講到幾高深幾複雜,一個家字咪講晒囉!懶巴閉!又話要咩高度發展既資本主義先可以產生共產主義,原始部落都做到啦,大家一齊打獵一齊分呀嗎!一齊起屋一齊住呀嗎!一齊做獸皮一齊著呀嗎!原始部落係高度發展既資本主義呀?白痴!

唔好晒我時間,同我講共產主義資本主義社會主義,我一路講緊既,係正確既思考方法,同埋三個思考通病,唔係乜野乜野主義.個D一咪話自己啱,叫人信,但係又唔教人學識正確既思考方法,叫人自己諗答案既,全部都係垃圾!

淨係自己識得諗,人地唔識,咁有乜用呀?你死左咁點呀?淨係識聽得明,唔識諗得明,咪又係解決唔到問題!

好似學睇鐘咁,我細個5,6歲呀媽教我學睇鐘,我唔明喎!咩唔明呀?短針指住1字,長針指住3字,咪1點3囉,仲有個支就係秒針,乜你咁蠢架!我識呀!但係咩意思唶?1點3即係幾時呀,幾時係上晝,幾時係下晝,幾時係夜晚呀?6點到12點就上晝,12點個太陽就係頭頂最高,12點到6點就下晝,跟住再到6點就夜晚,12點就半夜,到6點天光就第二朝!點解轉兩個圈呀?點解朝頭早又6點夜晚又6點呀?因為一日24個鐘,個鐘轉兩次就係一日!咁點解唔係天光開始計起第2日,一天光就6點唔係12點呀?因為日頭有長有短,北方夏天日頭可以長多幾個鍾,冬天夜晚又可以長多幾個鍾,所以由半夜開始計起囉!哦!完來半夜開始就已經係第2日啦!係呀!

咁中國得子丑寅卯12個時辰呢?中國一日分12個時辰,一個時辰即係西式兩個鐘囉!咁一個鐘有12個字,咁一個時辰點分呀?無分得咁細,淨係分4刻,一刻即係半個鍾,兩刻即係一個鍾,三刻即係個半鍾,四刻即係下個時辰!咁秒呢?無啦,好似睇電視古裝片咁,一柱香半柱香時間,大概,靠估囉!咁係咪12點到2點係子時,2點到4點係丑時咁呀?唔係喎,係11點到1點子時,1點到3點丑時噃!點解呀?因為午時係日頭最高個段時間,1點到2點個日頭落番低過11點到12點啦!哦!午時係計日頭最高個段時間!咁中國咪夜晚11點已經係第2日囉?係呀!哦~!明晒!

你地有幾多過好似我咁樣,識睇鐘既時候就明白幾多點幾多點即係咩野意思?有幾多個係識睇鐘之後,唔知幾耐先知頭先講個D野?

咁先係架嗎!講野要人自己諗得明先得架!淨係一味我話係就係,叫你信就信啦,一知半解咁,有乜用呀?  丶乂丶丿

根本問題
Topic: 6講 Talk
請先看<提示>.

講完關鍵既問題,就要講到最重要既根本問題.

要真正咁解決社會既問題,除左要解決關鍵既問題,更重要係解決根本既問題!

乜野係根本問題?

就係呢個社會既運作模式.即係乜野?

即係用錢黎運作既社會模式!

呢個又係犯左思考通病3既例子:幾千年黎都係咁用錢,就一定啱?

用錢來運作這種社會模式是由[演變]而成的,並非由聰明人經過分析,研究,証明可行才開始使用的.所以應該先研究那其實可行嗎?

怎樣才算可行呢?[每個人只要勤力都一定賺到錢],就可算可行吧!如果每個人都勤力做工,不偷不搶,不懶不騙,無天災人禍,都不能做到人人有錢賺,還可算可行嗎?不可以吧!那是否人人勤力,都一定賺到錢呢?

用上面這個最簡單最完美的情況來計計,假設有3個人,每人100,你賺我,我賺他,他賺你,一年後,我有110,你有105元,大家都有賺啦,但是從那裏賺來?肯定從他那裏賺來,他結果只有85,根本來來去去都係總共得個300元,始終不能有錢齊齊賺!

用數學歸納法,情況就算有4個5個,直到 n+1個人,都沒辦法做到所有人有錢賺!即係呢個世界係塘水滾塘魚,根本就無多到錢!

每個人返工,都明明有錢賺,點會有人無錢賺呀?

你計番貨幣扁值,通貸膨脹,同人口增長未先?如果係多左錢,咁買到既野應該越買越多,越買越好,而唔係越買越少,越買越平,越買越差啦!咁就証明窮人既錢係越黎越少啦,係咪呀!

大家又犯左思考通病之2啦:跟隨別人的錯誤方向去思考.

方向唔係"年年有糧出,即係年年有錢賺!",而係"今年出既糧,唔夠買番舊年買到既野!"

係最完美既情況之下,都唔可能人人有錢賺,何況現實,係有天災人禍,有老弱傷殘,有高矮肥瘦?用錢黎運作,係永遠都會有窮人,係會不斷咁製造窮人,所以係唔可行既!

係呀!我講既野都係錯既,唔好信我,信自己既思考同分析.咁你計條數黎睇,睇下點樣可以3個人都多過100蚊囉!

講不出點為之對,但堅持自己對人地錯,等於唔講道理.

經濟專家係話錢唔係零和遊戲,但係從來都無計過條數出黎證明囉!

經濟學權威的理論,難道會錯嗎?經濟學權威錯在根本沒有想過經濟學最基本的理論---用錢運作是否可行.他們只根據[經濟學<需要>用錢來運作],而忽略了[用錢來運作這種社會模式是不可行],就等於[數學是<需要>用數目],但[<基礎>是 1+1=2,不是1+1=3].忽略了<基礎>的對錯,之後所有理論都無意義!所以一切經濟理論都只是廢話!

如果你看真一點,我講的例子不是三個人,而是三個單位.這三個單位所代表的,可以是三家人,三條村,三個省,三個國,或者世界的三份之一人口呢?又或者將三個單位看成是銀行,老板跟伙計,政府,銀行跟百姓,發達國家跟第二,三世界呢?你還會堅持這個例子是錯的嗎?

第三世界d錢咪比第一第二世界賺晒囉!係咪呀?

你越賺得多錢,只會令別人更窮,令社會更不安定,而不會令生活更安定的.

你睇下歐洲政府既債務危機!美國國債舊年年尾係14兆美元啦!仲有老年化呢,過多十幾年,一個後生仔要揾錢養兩個老人,仲有單身老人,要靠後生仔交既稅養,你肯定夠錢使?得就唔使各國政府咁頭痕啦!

為左老年化,夾硬叫人生細路?為左有錢使,夾硬創造工作職位,浪費資源,能源,破壞環境?

金錢不是萬惡之源,只是沒有人研究過,由社會自然演變而成的失敗[發明]吧!  廿;一卜

假警察,假軍隊
Topic: 6講 Talk

請先看<提示>.

唔使懷疑,係,我講既野都係錯既,唔好信我,信自己既思考同分析.

講到公安就唔可以唔講埋警察同軍隊.

點解警察既權威又係無晒,係市民既心目中,警察永遠都係偏幫有權有勢有錢人,打壓我地D窮人呀?

點解軍隊又係永遠企係無良既政府個邊,唔係企係市民呢邊保護市民呀?

梗係啦!大家有無聽過警察同軍隊既第一規條呀?實有啦,係咩呀?絕對服從上司既命令!

佢地既上司係咩野人呀?梗係同政府高官,同權貴,同有錢人有密切關係既人黎架啦,佢地既命令就梗係保護D權貴同有錢人啦,點會企係市民呢邊保護市民呀?

所以軍隊同警察既第一戒條,應該要改,第一戒條唔係絕對服從上司既命令!

第一戒條,其實即係做人既第一戒條,所有人都應該要遵守既,就係:絕對"唔可以盲目咁"做人,絕對"唔可以盲目咁"服從上司既命令!

加番"唔可以盲目咁"呢六個字就啱啦!

做人做咩都唔可以盲目架啦,點可以有咁無邏輯既規條呀?仲要係第一規條?

軍隊同警察要絕對服從既,係行軍佈陣,捉賊破案既策略性指令,唔係打壓平民,偏幫權勢,手無寸鐵都照拉照打照殺,呢d咁唔合理既假理由,呢d咁無邏輯既行動前提!

策略戰術係命令,行動理由就唔係命令!有理由就服從命令,無理由就絕對唔服從命令!

唔該你分清楚,唔好撈埋黎誤導警察,軍隊,呃人做你地隻狗!你地先至係欺騙市民,欺騙軍警既賤狗!

仲有,戰爭都係由人發動的,而執行的是盲目遵循命令的軍隊.所以要阻止戰爭,軍隊的第一戒條仲要加多少少野,就係:

1. 絕對"唔可以盲目咁"服從上司既命令!
1A.任何人都唔可以進攻,只準防守.
1B.任何人進攻或命令進攻,其他人都有權即時逮捕佢,逮捕唔到就寧死不從.

只要全世界既人都遵守呢個規則,咁就唔怕比野心家同好戰份子利用.咁鍾意打,自己打囉!

而加既警察同軍隊,根本就係假警察,假軍隊!

各位警察,各位軍人,你地比上司呃左啦,做左權貴既私人警察,私人軍隊啦!

各位警察既家人,各位軍人既家人,你地快d打電話比你做警察同軍人既阿仔阿女,兄弟姊妹,老公老婆,阿爸阿媽,話比佢地知,唔好再咁蠢做權貴既私人警察,私人軍隊啦!企番過黎我地市民大眾既呢一邊,保護市民大眾啦!最緊要話佢地知,正確既第一戒條唔係絕對服從上司既命令,而係絕對"唔可以盲目咁"服從上司既命令!

假警察,假軍隊,加埋之前講既假行政,假立法,假民主,同假司法,根本全世界既政府都係揾笨,全部都有呢個無邏輯既漏洞,等D權貴可以玩政治,玩權力,可以控制成個政府,變成佢地既私人政府,私人議會,私人民主,私人法庭,私人警察,私人軍隊!

全世界都係權貴既世界!

有錢佬玩晒,市民永遠無運行!

大家如果唔想咁樣,所有人就要一齊企出黎,學識正確既思考方法,堵塞呢個漏洞,改革政府,改革軍隊,咁先可以真正解決社會既問題!

思考通病之3:根據沒有先行肯定對錯的論點作為思考的基礎.

有二三百年既民主制度,憲政制度就一定啱既咩?唔可以錯唔可以改進既咩?

事實証明,好過軍事政權,好過封建制度,都唔等於最好,都一樣有漏洞,都一樣需要改革! b.b

假法治
Topic: 6講 Talk
請先看<提示>.

講左行政,立法,就梗係要講埋司法.

法庭都一樣有呢個關鍵既問題.無錯,法官律師係法律專家,但係唔係邏輯專家.

所以法庭應該每次有1個理科,或者哲學既大學教授出席,由全港既大學教授電腦抽籤,負責評定每個人講既野有無邏輯.

証人講既野無邏輯,就唔可以作為証供,律師講既野無邏輯,就唔可以作為辯護理由,檢控官講既野無邏輯,就唔可以作為檢控理由,法官講既野無邏輯,就唔可以作為判罪理由,同埋量刑理由.

點解法庭既公正性已經蕩然無存?係市民既心目中,法官永遠都係偏幫有權有勢有錢人,權貴就多數輕判,窮人就多數重判呀?有錢人就社會服務令,係病人唔係壞人,窮人就雖然係病人,但係都要重判以收阻嚇作重!就係因為呢個漏洞,無人評定佢地講既野有無邏輯,令到佢地鍾意點判就點判!哼!

偷拍裙底係咪病人唔係壞人呀?打機唔理仔女係咪病人唔係壞人呀?爛賭唔理仔女係咪病人唔係壞人呀?又唔見判心理治療!咪又係坐晒監!有錢女呢?連社會服務令都唔使呀!咩邏輯呀?擺到明就係偏幫自己友啦!你估而加係三百年前咩!雖然唔係個個都大學畢業,唔係個個都留心上堂,但係個個都識字架!一步既邏輯咁簡單,如果咁都呃到人,咁全世界既人不如一齊去世啦!人地都當你死囉,仲唔一齊去死?

講到法庭就唔可以唔講埋大陸既法庭.

大家點解咁驚大陸D國家安全法例搬黎香港呀?點解成日咁容易判呢個洩露國家機密,果個煽動顛覆國家呀?

你地睇過咁多大陸D法庭新聞,有無見過盤問証人,有無見過出示証物,有無見過盤問犯人呀?

梗係無啦!法官只係會讀一張公安比佢既紙,話証人話乜乜乜,証物顯示乜乜乜,犯人承認乜乜乜,最後一句,証據確鑿!跟住就哦,証據確鑿,判刑!法官有無見過証人架?有無見過証物架?律師有無得盤問証人,辨別証人証物既可信性架?梗係無啦!

唔使你講啦,我講既野都係錯既,唔好信我,信自己既思考同分析,係人都知啦!大陸既法庭係咪我講咁樣,問程翔就最清楚嘞,唔使拗!
 
大家可以上網搵劉曉波,趙連海個D判決書睇下,無論被告同律師講咩,都話同事實不符,而講既幾十點證據,都係同個指控無關,證明唔到個控罪,但係結論都係事實清楚,証據確鑿!

大陸法係假定有罪,要証明自己無罪,但係你唔比機會律師盤問証人,辨別証人証物既可信性,相關性,可証性,咁點証明被告無罪呀?

呢D叫做法治咩?呢D叫做假法治!全中國既人,你地知唔知呀,你地比中國共產黨呃左啦,你地生活係假法治之下呀!你地永遠都得唔到公平公正既審判架!佢地話你有罪,你就有罪架啦!

所以就算大陸法庭唔係我講咁樣,都同全世界既法庭一樣,有呢個無邏輯既漏洞.無論証人講乜,無論証物係點,只要佢想你有罪,佢都可以講到你証據確鑿,講到你有罪,所以都一樣係假法治啦!  *.~

呃飯食,扯貓尾
Topic: 6講 Talk
請先看<提示>.

係呀!又係個句格言:我講既野都係錯既,唔好信我,信自己既思考同分析.

呢個關鍵既問題咁明顯,好難諗咩?普通人無去諗就話遮,我諗一諗都即刻諗到啦!點解你D議員,日日坐係立法會入面,面對住呢個問題2,30年,都會諗唔到呀?話你地唔係呃飯食,都唔知有無人信呀?

點解無人講呀?得兩個原因,一,諗唔到,唔識講.二,諗到,但係唔講.

做立法會議員,比咁多人工你,就係要你用腦諗辦法幫市民解決問題.咁明顯既問題,日日對住都諗唔到,即係無腦啦,唔係呃飯食係乜野?

諗到但係唔講,明知有問題都唔出聲,即係呃飯食!

無論係諗唔到唔識講,定係諗到但係唔講,原因都係一樣,就係呃-飯-食-!

點解無人講呀?梗係唔講啦,比我做議員,我都唔講啦,講左咪比人知我日日亂講野,講左咪比人知我呃飯食,同D官員打聾通,扯貓尾?

官員無份呃飯食咩?成日問你問題,就講個句:唔評論個別個案.有無搞錯呀?

評論同解釋你識唔識分呀?評論係同件事無關,唔需要負責任既人講既意見,解釋就係同件事有關,需要負責任既人講既野!咁簡單既中文都唔識分就番去讀幼稚園啦!學人做高官!

評論,唔需要負責,解釋,需要負責.又係一步既邏輯思考能力都無!

你係問責官員,你係要負責既,所以你唔可以,唔準評論,你只可以,同埋必須,要解釋!

仲有,邊個話個別個案就唔使答呀?邊個比權你,幾時講既,邊個定,寫左係邊?無人講過可以唔使答!

只要市民想知,無論係個別定重複既個案,你都必須要解釋!

由今日開始,我地唔要聽到任何官員再講唔評論個別個案,知唔知!

邊個官員再講唔評論個別個案,即係公然當自己唔需要負責任,即係失職,唔該你向公眾道歉,同時接受讉責同處分!

如果係立法會入面講,即係欺騙市民自己唔需要負責任,即係嚴重咁藐視立法會,主席唔該讉責佢,要佢道歉,唔道歉就趕佢出立法會!如果主席唔讉責佢,即係偏袒官員,唔公正,即係嚴重咁藐視立法會,主席唔該讉責自己,要自己道歉,唔道歉就趕你自己出立法會!

仲有個句:根據既定政策.即係乜野政策,邊個定,幾時定,寫左係邊,有無資詢過市民?

既然有既定政策,係咪應該話比市民知,等市民知道乜野可以做乜野唔可以做呀?點解次次淨係講既定政策4個字呀?無內容架?市民唔可以知架?

既定政策,即係乜野政策?一步既邏輯思考!我都唔要求多啦,只係一步既邏輯思考能力遮!你地都無!

你班官員,咁簡單既中文都唔識,問野又次次問非所答,問你一就答二,問你甲你就答丙,你地用英文黎學中文架?點解你地d中文咁差都可以做高官架?有邊個覺得班高官唔係成日問非所答架?

你班議員,點解可以比一句唔評論個別個案就過骨?點解唔追問乜野既定政策?點解?

話你地唔係呃飯食,無同D官員扯貓尾,真係有無人信?有無人信呀?你地夠膽就行出街大大聲講一次"我無呃飯食",睇下市民比咩反應你地,睇下係噓你地定拍手支持你地?

就算你地真係無呃飯食,無同D官員扯貓尾,咁又點呀?成日話爭取民主,爭取人權,爭取法治,爭取平等,爭取自由,爭取呢樣個樣!靠你地呀?等多五千年都爭取唔到啦!

你地係做好多野呀,但係成日做埋D治標唔治本既野,唔治本永遠都有新問題出現,治幾多次標都無用啦!

你地知唔知醜,面唔面紅,慚唔慚愧呀?知醜就向公眾道歉啦!不過我都知到你地唔知醜架啦,唔緊要!預左啦!

大家估下呢班官員同議員,就算肯修改議事規則,解決左個關鍵既問題,比大學教授負責評審,會唔會特登講野無邏輯,令到提交既政策被收回,又會搞到自己無得投票,令到市民大眾都同意既野,票數唔夠唔通過呀啦?跟住又話呢個方法唔得,仲衰,仲大鑊,要改番轉頭呀啦?

如果係咁就好啦,可以比大家睇到,比機會呢D人改係無用既,佢地唔會諗住改好自己,而只係會諗辦法整衰晒.咁大家就可以一心一意,官迫民反,改朝換代,重建新制度囉!  0.+

咁至算有邏輯
Topic: 6講 Talk
請先看<提示>.

所以道理同問題之間要有邏輯關係.

至於道理本身既邏輯,就即係用正確既思考方法,要講得出整過思考過程,同時無犯到三個思考通病.

呢個正確思考方法,同三個思考通病,係好簡單,只要肯學肯練習,大家一定學得識.所有人都要識思考,先可以監察住政府,唔會比人欺騙.記得唔好盲目信人,唔好比人煽動情緒,要冷靜思考.

正確既思考方法就係:
先確定問題,直接思考問題本身,逐步追尋問題的根源,找出解決問題根源的方法,再反方向逐步推論,看是否能解決原本的問題.
例如,點解政府可以亂施政,議員可以亂投票?因為無論佢地講既野有無道理,有無邏輯,你都阻唔到佢做定唔做同亂投票!所以要有人評定佢地講既野有無道理,有無邏輯,無邏輯就唔可以咁做,唔可以投票!咁就可以阻止政府亂施政,議員亂投票嘞!

錯既思考方法當然數之不盡,但最常犯既三個思考通病就係:
1. 思考別人的說話當作思考問題本身.
應該要諗個問題,得出自己既答案,而唔係諗人地講個句野啱唔啱.
例如,你要諗既,唔係我講個句"貧窮最大既問題係租金貴!"啱唔啱,而係應該諗"貧窮最大既問題係乜野?".

2. 跟隨別人的錯誤方向去思考.
比人引左去錯既方向諗,就會比人誤導.
例如,"最低工資高過22蚊,好多公司會執粒!",就係引左你去錯既方向諗,你應該諗"最低工資要幾多錢,工人先至夠!".

3. 根據沒有先行肯定對錯的論點作為思考的基礎.
唔好因為幾千年黎人地都係咁做,或者個個都係咁講,你就當左啱.好多野都係因為咁樣而搞錯晒.
例如,哲學係文科,幾百年黎都係.哲學真係文科,唔係理科?你肯定?其實有讀書既都知,唔係任何科目包含哲學,而係哲學包含晒任何科目,所有科目都係哲學之下既分枝,所以唔係哲學屬於咩科,而係咩科都屬於哲學.我之前咁講,係因為我而加要講呢個例子,所以特登講錯既.
又例如,議會政治幾百年黎都係所有人講完野就投票,小數服從多數,咁就係民主.幾百年黎都係咁投票就一定啱?小數服從多數,咁就真係民主?你肯定?

其實引至思考錯誤既,最重要既唔係[思考既內容],而係[思考既方法].

如果思考既方法不正確,思考既內容跟本唔會有意思,就算啱都係撞啱.我所講既三個思考通病,其實都係因為一般人只分析[思考既內容],而無分析[思考既方法]而產生既!

所以如果要知道自己既對錯,記得一定要留意[思考既方法],要正確既思考,記得一定要"先確定問題",否則,思考乜野都無用!

仲有記得要講得出整過思考過程,無頭無尾無邏輯,淨係得個結論,都係當你無道理.

思考完之後,最緊要分析番自己對錯,睇下有無犯左三個思考通病.唔好急,慢慢諗,最緊要啱.思考最重要既,係[啱],唔係[快]!

咁樣得出黎既道理,就為之有邏輯既道理嘞!

辯論係要解決問題,係要睇下邊個講既野啱,邊個唔啱!講理由係要用正確既思考方法,係要有邏輯!咁樣既辯論先有意思,咁樣既發言先有用加嗎!

而加既立法會同政府,講野無道理,一味靠人多.政府靠多票,迫市民接受,市民靠多人,迫政府同意.咁叫民主咩?咁樣唔係叫民主,咁樣叫人多蝦人少,持強凌弱!

真正既民主唔係咁樣架!真正既民主應該係贏既堂堂正正,有根有據,輸既心服口服,願意配合,而唔係好似而加咁,贏既閃閃縮縮,無根無據,輸既口唔服,心更加唔服,唔願意配合囉!小數服從多數,服從服從,要服,仲要從!唔係願賭服輸個服,係以理服人,以德服人個服呀!

而加既政府,根本就係假施政,假立法,假民主! WB7