解決爭拗
Topic: 8歪理False Truth
請先看<提示>.

事情:有人,就有爭拗.尤其係政治爭拗.

問題1:點解有爭拗?
問題2:點解決爭拗?

解題:
-----------
不同人,有不同想法.
誰對,誰錯?
各有道理,互相反駁.

最後,靠感覺!
覺得佢啱,覺得你講得通.
即係咩?

即係靠估!
因為,無確定對錯既方法!
其實,唔係無,係無人用!

有問題,要思考.
要思考,即係哲學.

哲學式思考,就要一步一步.
最明顯,就係數學.

解決數學問題,最基本方法:確定問題,由問題開始,逐步計算,直至得出答案.
解決哲學問題,用同樣方法:確定問題,由問題開始,逐步推理,直至得出問題根源,找出解決問題根源的方法.
解決一般爭拗,用一樣方法:確定問題,由問題開始,逐步推理,直至得出問題根源,找出解決問題根源的方法.

一般爭拗:無由問題開始,逐步推理.
各有各講,你鍾意由呢到講起,佢鍾意由個到講起,但係其實講唔出,同個問題有乜邏輯推理關係.
即係咩?犯左三種思考通病!

所以,確定論點對錯既方法,就係:
1.分析有無用以下方法:確定問題,由問題開始,逐步推理,直至得出問題根源,找出解決問題根源的方法.
2.分析有無犯三種思考通病.

雖然數學都有解唔到既問題,哲學亦都有無答案既問題.
但係,有系統既解決問題方法,始終解決左絕大部份問題.
而唔係好似一般爭拗咁,絕大部份無結論,只可以有[共識].
同時,可以分辨爭拗:由思考方法決定對錯,而唔係由論點[覺得]對錯.

立法會拉布,不單分唔到對錯,更加無共識.
政府鍾意,話要就要.
建制派人多,無道理都照投贊成票.
民主派無符,一咪拖延投票.
就係因為無分辨爭拗對錯既方法!
-----------

答案1:無確定對錯既方法.
答案2:有確定對錯既方法.

三種思考通病:
1. 思考別人的說話當作思考問題本身.
"試練習."
別人的說話:試舉例.
問題本身:試指正.
2. 跟隨別人的錯誤方向去思考.
"再練."
錯誤方向:再舉.
正確方向:再正.
3. 根據沒有先行肯定對錯的論點作為思考的基礎.
"練."
錯誤論點:舉.
正確論點:正.

以證:共識,係唔知邊個啱邊個錯既代名詞!議員拉布,係對歪理無能為力既證明!

結論:由論點覺得對錯,係錯誤既分辨對錯方法.由思考方法決定對錯,先至係正確既分辨對錯方法.

得分:7086/10

君子與小人
Topic: 8歪理False Truth
請先看<提示>.

事情:孔子其中一句:君子坦蕩蕩,小人長戚戚.

問題1:君子點樣坦蕩蕩?
問題2:小人點樣長戚戚?

解題:
-----------
坦蕩:無收埋,無隱瞞.
收埋甚麼,隱瞞甚麼?

戚戚:擔心.
擔心甚麼?

點解一齊講,一齊比較?

對人收埋,隱瞞.
對人擔心.

自己算計人,自然擔心人算計自己.
所以對人收埋,隱瞞,提防.
所以長戚戚.

自己唔算計人,自然唔擔心人算計自己.
所以對人無收埋,無隱瞞,無提防.
所以坦蕩蕩.
-----------

答案1:君子自然坦蕩蕩.
答案2:小人自然長戚戚.

三種思考通病:
1. 思考別人的說話當作思考問題本身.
"試練習."
別人的說話:試舉例.
問題本身:試指正.
2. 跟隨別人的錯誤方向去思考.
"再練."
錯誤方向:再舉.
正確方向:再正.
3. 根據沒有先行肯定對錯的論點作為思考的基礎.
"練."
錯誤論點:舉.
正確論點:正.

以證:係小人未搞搞震之前,唔需要理佢地,只需要堂堂正正開開心心做人.但係小人一搞搞震,就要指出佢既錯,阻止佢講歪理,害人.

結論:就算真係比小人害,都唔需要長戚戚,只需要坦然面對.

得分:3344/10

正音
Topic: 8歪理False Truth
請先看<提示>.

事情:有大學教授經常話香港人講廣東話唔正音.

問題1:廣東話有正音?
問題2:中文有正音?

解題:
-----------
中文:唔係併音語文.
所以:中文無正音!

廣州音:係正音?
順得中山台山湛江.....:全部唔係正音?

潮州話:個個縣市,都唔同音.
咁潮州市係正音?定係汕頭市係正音?

廣東話:即係粵語.
廣西話:都係粵語.

廣東+廣西:原本係一個省-----粵.
粵既省府:最初係桂林.
粵語正宗:係桂林話,唔係廣州話.
講正音?全廣東人,唔通要講桂林話?

中文特點1:可以比唔同方言,唔同口音既人,一寫出黎就可以溝通到,明人地講乜!
爸爸媽媽哥哥姐姐:全部同一個義思都有兩個音.
弟弟妹妹:分別有三,四個音.唔通又話人唔啱音?

中文特點2:一個字,一個字,講;所以一個字,一個字,寫.
併音語文:黐住講,黐住寫.
北京話:明顯唔係正宗中文!

普通話:北京話為基礎,去除黐住講,去除怪音.
讀"合"字:居然合唔埋口!
讀"含"字:一樣合唔埋口,乜都含唔住!
正常人:會咁講野咩?

中文特點3:用助語詞,改變語調,表達不同語氣,自古至今不變(之乎者也).
粵語:大量"呢啦囉架喎"等助語詞,除助語詞外,其他詞語基本同音調.
北京話:音調大幅高低起伏.

我既認知:只有唔正常低能仔講野,至會"1.合唔埋口,2.講野黐埋一嚿,3.音調大幅高低起伏"!
學普通話:等於學唔正常低能仔講野!
衰過學英文th音!

普通話:四聲,容易學.
粵語:九聲,幾乎世上最難學.
最蠢既廣東人:都講得好粵語.
即係最叻既北京人:蠢過最蠢既廣東人?

粵語:用詞豐富,表達精確.
普通話:用詞貧乏,表達不清.
應該學好野,定學易野?

語言:配合文字.
普通話:方便溝通?
簡體字:有助掃除文盲?

正體字:共產黨稱為繁體字.

簡體字:二千幾個.
其他常用字:七千幾個.
平均筆劃:九劃變七劃,無助書寫效率.
電腦輸入:少筆劃變成無意義.
繁簡字庫:增加混亂.
繁簡轉換:製造錯誤,製造笑話.

認知心理學:簡體字混亂,正體字易分辨.
港台:用正體字,文盲基本掃除,因為有普及教育.
大陸:用簡體字,文盲超過兩成,因為無普及教育.
掃除文盲:關教育事,唔關簡體事.
簡體字:無助認字,無助書寫,一無事處.

中文字簡化:始於一百年前.
留學生:接觸歐美文化,學併音文字.
相比中文:併音易學.
提倡改革中文為併音文:先簡化中文作為過渡.

併音易學?
中文難學?

一般既中國人:都學得好中文.
中國留學生:覺得併音易學.
外國留學生:覺得中文難學.
即係一般外國人:蠢過一般中國人?

基本語文訓練:小學六年,全球一樣.
全球邊種語文最易?-----------------無分別!

併音文字:
識讀,唔等於識解.
識講,一樣會串錯.
唔同方言,唔同文字.
二千年口音改變,無法讀古文.

有併音都變?
跟住併音講,點解會變?
咁併音有乜意義?

中文字:
識講,唔等於識寫.
識讀,一定會識解.
唔同方言,一種文字.
二千年口音改變,無阻讀通古文,承傳文化.

大陸人:學簡體字,唔識睇古文.
簡體字:破壞承傳文化.

再問一次:
應該學好野,定學易野?
-----------

答案1:粵語無正音.
答案2:中文無需正音.

三種思考通病:
1. 思考別人的說話當作思考問題本身.
"試練習."
別人的說話:試舉例.
問題本身:試指正.
2. 跟隨別人的錯誤方向去思考.
"再練."
錯誤方向:再舉.
正確方向:再正.
3. 根據沒有先行肯定對錯的論點作為思考的基礎.
"練."
錯誤論點:舉.
正確論點:正.

以證:粵語係正宗中文,中文係無需正音,但係中文字就必須寫正體字!

結論:提倡普通話同簡體字,等於破壞中華文化,罪大惡極!

得分:{9(3[9)}4]/10

th音
Topic: 8歪理False Truth
請先看<提示>.

事情:英文th音,要申條脷出黎講野.中文無.

問題1:學th音?
問題2:講th音?

解題:
-----------
故事1:
小學二年級,英文堂,老師教th音.
叫學生要申出脷尖吹氣.
個個同學猛學猛講.
我話:先生,咁樣講野好似扮黐脷筋講野,好似正常人學唔正常人講野,好似笑緊d黐脷筋既人,我唔鍾意.
老師:都唔使勉強既,講唔到可以唔申條脷出黎都得.
所以我就無練過申條脷出黎既th音.
直到今時今日,都係this=dis,the=der,throw=frow,through=夫,although=餓刀.
直到六年班,都無一個英文老師話過我地班既人,講th音唔正.
自然,亦都唔會話任何一班既同學,講th音唔正.

故事2:
升中一,英文堂,老師叫我讀課文.
老師:你既th音唔正喎,要申條脷出黎喎,小學無教咩?
我:我一向都係咁講,先生無話過我喎!係喎,點解呢?
我諗諗諗諗諗:呀我記得點解啦!
我就講左故事1比先生同全班同學聽.
於是乎,英文老師都無再話過我地班既人,講th音唔正.

故事3:
中三,有個去英國進修英文幾年既老師番黎教英文.
又話我th音唔正.
我又講故事1同故事2比佢聽.
我:老師,黐脷筋英文叫咩呀?有無見過黐脷筋既西人,佢地講英文點架?
老師:等我研究下.

故事4:
每次有留學既同學番香港,我都會問:有無見過黐脷筋既西人,佢地講英文點架?知唔知黐脷筋英文叫咩呀?
連讀醫科既同學都有問,最後佢有答我:黐脷筋有英文學名架.
不過唔知係咪我講呢隻,條脷較長,申左條脷出黎講野既黐脷筋唶!
我到依家都未係電視,電影見過黐脷筋既西人,唔知佢地講野同無黐脷筋既西人講野有乜分別囉!
邊個可以話我知呀?
-----------

答案1:唔學th音.
答案2:唔講th音.

三種思考通病:
1. 思考別人的說話當作思考問題本身.
"試練習."
別人的說話:試舉例.
問題本身:試指正.
2. 跟隨別人的錯誤方向去思考.
"再練."
錯誤方向:再舉.
正確方向:再正.
3. 根據沒有先行肯定對錯的論點作為思考的基礎.
"練."
錯誤論點:舉.
正確論點:正.

以證:分明係負責發明英文字個個古代人自己天生黐脷筋啦!我特登睇英文台新聞都大把西人講th音無申條脷出黎啦!唔會真係英國人全族黐脷筋掛?

結論:盲目,人教乜你學乜!學而不思則點呀?我小學二年班都識諗下先生教既野啱唔啱先學啦,你呢?學黐脷筋,正蠢才!教黐脷筋,正廢物!

得分:<3333/10

買地?
Topic: 8歪理False Truth
請先看<提示>.

事情:全世界從古至今都有買地起屋耕田辦公營商.

問題1:應該買地?
問題2:應該比人買地?

解題:
-----------
人人有地,好似公平.

環保:雨林,山林,唔破壞得.
填海:有限.

人口增加,土地不加.

買晒d地,幾代後無地買.

一家人一間屋?
一百年前以經唔夠地.

一家人一耕地?
後代越分越少地.

先霸地先發達.
無錢買地,子孫無運行.

公平?

一千呎地:可以一間屋一家人,亦可以一座大廈住50家人.
你可以擁有一千呎既家,唔可以擁有一千呎既地!
-----------

答案1:唔應該.
答案2:唔應該.

三種思考通病:
1. 思考別人的說話當作思考問題本身.
"試練習."
別人的說話:試舉例.
問題本身:試指正.
2. 跟隨別人的錯誤方向去思考.
"再練."
錯誤方向:再舉.
正確方向:再正.
3. 根據沒有先行肯定對錯的論點作為思考的基礎.
"練."
錯誤論點:舉.
正確論點:正.

以證:買地同買樓一樣,是錯誤將適合古代生存之思想,未經思考,就照用於現代社會.

結論:地球係所有人既,包括未出世既人,唔可以先出世先霸地.地球所有資源,亦都係所有人既,包括幾萬年後既人,唔可以資源壟斷.

得分:1or4not5and8/10

權力世襲
Topic: 8歪理False Truth
請先看<提示>.

事情:專制政府有權力世襲.

問題1:民主有無權力世襲?
問題2:點解決權力世襲?

解題:
-----------
有權有錢有勢:互相巴結,結婚,生仔.
有人事關係:入政府做公務員,升職話咁易.
入到權力核心:繼續互相巴結,結婚,生仔.
循環,循環,再循環.

繼承父志,有心服務市民?
咁又點?
權力世襲,始終係權力世襲!

禁止3族3代再做官?
做到退休,剛剛好第4代,吹咩!

仲有官商勾結,利益輸送,延後利益,協助隱瞞,選責性執法,重罪輕判.............

請參考[政治,選舉4]一文:行政,司法,立法,軍隊,四方面的高官,都應該有任期10年,頭2年由上一任帶,學習,6年時間全力運作政府,最後2年再帶下一任,10年後完成退任.行政,立法繼任人選由電腦抽籤,任何合法公民也有權做總統,議員.司法,軍隊繼任人選同樣由電腦抽籤,任何合資格律師,軍人也有權做大法官,元帥.

請參考[改革之後]一文:唔會有老人政治,唔會有政黨政治,全部係20-30歲後生仔女,做政府官員.無經驗,點都好過只識玩權力玩政治既經驗,所以政府再無秘密會議秘密檔案,所有會議都要公開直播比市民監察.
-----------

答案1:任何制度都一定有權力世襲.
答案2:電腦抽籤,只准做10年.

三種思考通病:
1. 思考別人的說話當作思考問題本身.
"試練."
別人的說話:試舉.
問題本身:試正.
2. 跟隨別人的錯誤方向去思考.
"再練."
錯誤方向:再舉.
正確方向:再正.
3. 根據沒有先行肯定對錯的論點作為思考的基礎.
"練."
錯誤論點:舉.
正確論點:正.

以證:民主?大把改進空間,點解過左300年都唔檢討改善?

結論:可以做幾十年,玩老人政治,乜野制度,都係死路一條!

得分:c=8/10

斯德哥爾摩症
Topic: 8歪理False Truth
請先看<提示>.

事情:西人發現斯德哥爾摩症.

問題1:誰人有斯德哥爾摩症?
問題2:何解有斯德哥爾摩症?

解題:
-----------
斯德哥爾摩症:又稱為人質情結,人質綜合症.

症狀:被害者對於犯罪者產生情感,甚至反過來幫助犯罪者的一種情結.
條件:生命受威脅,犯罪者略施小惠,與所有其他觀點隔離,相信不可能逃離.
結果:當救援到來時,受害人可能會抗拒營救.

例1:情人
'阿女,佢比左d乜野比你食呀?點解佢咁樣對你,你仲對佢死心塌地,幫住佢講好說話呀?'
'佢對我係真心架,無論點我都唔會離開佢!'

例2:老人
'明明係建制派幫政府通過既政策,令到你生活越來越差,點解你仲要幫住佢地呢?'
'民主派阻住政府施政,搞亂香港!'

例3:大陸人
'比共產黨玩左60年,點解你地仲繼續信共產黨?'
'無產階級專政,共產黨萬歲!'

例其他:走狗,漢奸,批鬥,子鬥父,婦鬥夫,房奴,納粹集中營,蘇聯階級鬥爭,地產商奴隸,印度種姓,回教婦女,天主教徒,金融海嘯,歐債美債,假ufo襲地球........

點解會咁?
愛情係盲目,老懵懂,洗腦,催眠,比鬼迷,外星科技?

可能成因?
無膽面對事實!唔肯承認自己蠢,比人呃!自欺欺人!

真正成因:
寵物:狗,貓......
動物園訓練表演:海豚,馬騮......
斯德哥爾摩症:純粹想生存!

真正原因:
1.無勇氣:寧死不屈!
2.無正確思考:不分對錯!

無勇氣,無正確思考:同畜生有乜分別!

解決方法:
1.你答.答呀!即刻答!
2.講左好多次,我唔再講啦!
-----------

答案1:所有人.
答案2:無勇氣,無正確思考.

三種思考通病:
1. 思考別人的說話當作思考問題本身.
"試練."
別人的說話:試舉.
問題本身:試正.
2. 跟隨別人的錯誤方向去思考.
"再練."
錯誤方向:再舉.
正確方向:再正.
3. 根據沒有先行肯定對錯的論點作為思考的基礎.
"練."
錯誤論點:舉.
正確論點:正.

以證:斯德哥爾摩症?無所不在!正確應該叫------惡勢力下畜生求生本能症!

結論:根治之法,在於根源!一日不根治,永世無樂土!

得分:五+三x五-四/十

意識形態
Topic: 8歪理False Truth
請先看<提示>.

事情:大陸人成日講意識形態.

問題1:咩係意識形態?
問題2:點解叫意識形態?

解題:
-----------
意識形態英文:ideology.

共產,資本,大同,民主,自由,專政,法治,自私,大愛,享樂,環保.........

全部都係意識形態.

即係咩?

即係做人原則,做人宗旨囉!

社會意識形態:共產,資本,大同........
政治意識形態:民主,帝制,專政,........
法制意識形態:法治,人治,巫治........
宗教意識形態:戒律,大愛,放下,無為........
個人意識形態:平等,自由,享樂,互助........
道德意識形態:仁,寬恕,以眼還眼........
休閒意識形態:玩,旅行,訓教,shopping........
.
.
.
-----------

答案1:做人原則,做人宗旨.
答案2:鬼知邊個咁白痴.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:翻譯都用下腦啦,翻譯到唔清唔楚,自己都唔知咩意思!

結論:意識形態係垃圾,以後用番做人原則,做人宗旨.社會原則,政治原則,法制原則,宗教原則,個人宗旨,道德宗旨,休閒宗旨,......即刻清楚晒!

得分:-199不分/10

天橋
Topic: 8歪理False Truth
請先看<提示>.

事情:古有過河橋,於是有人發明行車天橋,之後又有行人天橋.

問題1:天橋比車行?
問題2:天橋比人行?

解題:
-----------
故事:
15年前,搭巴士,塞車.
我坐係巴士上層.
見一個阿伯企係行人天橋樓梯中間,上緊.
右手扶欄,一腳站上一級,一腳站下一級.
10分鐘,巴士行左十米.
再望,阿伯同一姿勢,同一位置.
10分鐘,阿伯一步都無郁過!
一步都無郁過!
一步都無郁過!
我想落車,睇下個阿伯.
但係終於塞完車,架巴士終於開走.
希望阿伯無事啦!

請問政府,專家:
人重要定車重要呀?
方便車行得快,定方便人過馬路緊要呀?
你老左會唔會風濕骨痛呀?
點解成日要話d老人貪方面亂過馬路,唔行天橋呀?
你老左試下日日捉你去行天橋好無呀?
-----------

答案1:對.
答案2:錯.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:行人天橋,係閉門造車.天橋隧道,只應該比車行.

結論:唔單只行人天橋要起電梯啦,行人隧道都要起電梯呀,尤其係多老人用個d呀,聰明人!起多d行人天橋行人隧道呀笨!

得分:尊卑不分/10

無友不如己者
Topic: 8歪理False Truth
請先看<提示>.

事情:孔子話無友不如己者.有人話唔好同壞人做朋友,又有人話唔好睇唔起人,係'沒有不如自己的朋友'.

問題1:無友不如己者點解?
問題2:無友不如己者點做?

解題:
-----------
朋友:係對待朋友.

朋友:唔係老師,長輩.唔係後輩.

朋友:唔係要黎學,唔係要黎用,係要黎幫既.

唔同壞人做朋友:壞人邊有機會變好?
唔同蠢人做朋友:蠢人邊有機會變叻?

對待朋友:就當係自己一樣.

自己唔好:都唔想朋友唔好.
自己好:朋友都要一樣咁好.
-----------

答案1:對待朋友,等於對待自己.
答案2:互相幫助,幫朋友變好,幫自己變好.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:我從來唔怕同壞人蠢人做朋友,亦都唔會只同好人叻人做朋友.幾壞幾蠢既朋友,我都有信心,唔會我學壞,只會你變好.幾好幾叻既朋友,我都好肯定,唔會我帶壞你,只會你教好我.

結論:做朋友,係用個心,係真心,唔係機心!

得分:軒輊不分/10