Topic: 5後記 Afterword
請先看<提示>.
講多幾句道德高地啦!
"因為你企係道德高地,所以搞到我好似好無道德咁!"
乜原來有相對道德架?道德唔係有就有無就無既咩?
照你咁講,即係因為有人有道德,先至顯得有人無道德遮!
咁只要無人有道德,咁咪無人無道德囉!
咁即係所有人都無道德,就即係所有人都有道德啦!
同樣道理,都係因為有人係好人,先至顯得有人係壞人遮!
咁只要無人係好人,咁咪無人係壞人囉!
咁即係所有人都係壞人,就即係所有人都係好人啦!
全人類都係好人,世界仲邊到會有問題呀?
話!精彩呀!呢個世界幾千年黎既問題,都比你既理論解決晒啦!
全人類五千年黎最精彩既理論都比你講左,最偉大係你啦!
大家一齊黎做壞人啦,相對道德呀,大家記住啦!嘩哈哈哈哈! D9N