政策
Topic: 8歪理False Truth
請先看<提示>.

事情:政府推出好多政策.

問題1:政策之間有乜關係?
問題2:政策如何配合?

解題:
-----------
人口:老化.
退休:社會負擔大.
減負擔:延遲退休.
唔退休:年青人難搵工.
無工作:叫人讀書副學士.
增加學位:多人高學歷.
有人無工做:高學歷,人多爭.
有工無人做:辛苦工,唔想做.
供求定律:市場調節.
供過於求:人工低.
求過於供:人工高.
高學歷人工低:低學歷人工高----小小,但係都係低.
無錢:唔生.
人口:更老化.
再黎一圈.再黎兩圈.再黎三圈......

生育:一兩個.
人口政策:鼓勵多生.
人多:叫人小生.
老化:又叫人多生.
又話地小人多:又叫人生.
生左:又話無地無屋樓價高.
樓價高:樣樣貴.
無錢:唔生.
又再黎一圈.再黎兩圈.再黎三圈......

老人多:又唔夠老人院.
輪侯時間:死都未輪到.
政府同團體:又唔大搞.
叫人照顧父母:又唔定最高工時.
日做野做:無時間照顧父母.
送去老人院:又唔夠老人院.
又再黎一圈.再黎兩圈.再黎三圈......

青年問題:童黨,吸毒,打機,援交.
叫人關心子女:又唔定最高工時.
日做野做:無時間關心,教育子女.
無人理:童黨,吸毒,打機,援交.
又再黎一圈.再黎兩圈.再黎三圈......

政府:怕老化負擔.
供強積金:自己搞掂.
中產:有錢.
子女:見父母有強積金.
即係:將來唔使供養父母.
自己:都要供強積金.
無剩錢:點養父母?
父母:既然自己供強積金.
比錢生子女:又唔會供養.
不如:生小個.
留番D錢:退休慢慢使.
有錢:都係唔生.
又再黎一圈.再黎兩圈.再黎三圈......

殘疾:特殊教育.
自小分隔:無接觸正常人.
融入社會:唔識點融.
正常人:無接觸殘疾.
手語,凸字:學校無教.
溝通:無法.
接納殘疾:點接?

人工太少:攞綜援.
政府:唔想養窮人.
扶貧:最低工資.
在職貧窮:唔夠養家.
搞小生意:唔比做小販.
照做:照捉.
無錢:老婆不滿.
離婚:老婆仔女攞綜援.
結果:都係政府養.

輪侯公屋:大量單身.
35歲以上單身:4,5萬人.
計分制:每年配額2,3千.
點解咁少:歧視單身.
咁大年紀:仲係咁窮.
好明顯係:無本事.
就算幫你:都唔會發達.
所以唔幫:由得你繼續窮.
單身窮人:無錢結婚,無錢生仔.
無公屋:捱貴租.
更加窮:更加無錢結婚生仔.
老左無人無物:攞綜援.
結果:都係政府養.
財政負擔更大:越唔幫越大鑊.
一早比公屋:起碼儲到錢.
唔夠錢結婚生仔:都起碼夠養老.
單身最慘:點解反而唔幫?

越唔幫,越大鑊.越算計,越無計.聰明反被聰明誤!
越幫人,越著數.越唔計,越有計.隨笨有精!

其他政策:請繼續解題.
-----------

答案1:自相矛盾,打困籠,綁死結.
答案2:無配合,惡性循環.

以證:政府政策,特首政綱,議員政綱,全部都係臘鴨.聽落好,就係好政策?請參考[新社會全面改革6]一文:不能夾得埋實際運作的理論,無論獨立來看如何完美,都只是錯的理論.

結論:一開始錯左,只重搵錢,生產總值,量入為出,唔係以人為本,為市民解決問題,尤其係老弱傷殘,結果跟住一路錯晒,無得救.

得分:好壞不分/10

輪侯公屋
Topic: 8歪理False Truth
請先看<提示>.

事情:起極都唔夠公屋,輪侯人數標升.

問題1:點解唔夠公屋?
問題2:唔夠公屋點解決?

解題:
-----------
公屋居民人數:增長加快定減慢?
65年:一百萬人.
81年:二百萬人.
2011年:三百四十萬人.
前十五年:住多一百萬人.
後三十年:點解只係住多一百四十萬人?

四十五年前公屋:平均一家六口.
三十年前公屋:平均一家五口.
十五年前公屋:平均一家四口.
今年公屋:平均一家三口.

公屋政策:戶籍不傳子女,每兩年入息審查.
不傳子女:子女成年盡早申請公屋.
入息審查:分戶增加總入息限額.
以前住戶:一家三代人.
今日住戶:一家兩老,一家年青夫婦加子女,一家單身青年.
一家變三家:三倍需求.梗係起極都唔夠啦!

多錢子女:出去買樓.
父母:繼續住公屋.
小錢子女:申請多間公屋.
政策成效:不單無謄出公屋,仲加大需求,更加令樓價標升,正一唔衰攞黎衰!

公屋富戶:入息同資產,限額幾多?

一個人:點先算有錢?
七十三萬儲蓄:咁都算多?

六十歲:再多都唔使報.
五十九歲:七十三萬儲蓄要搬走?

進修唔使錢?拍拖唔使錢?結婚唔使錢?生仔唔使錢?供書教學唔使錢?搞生意唔使錢?退休唔使錢?睇醫生唔使錢?死老豆唔使錢?

兩個人:點先算有錢?
百一萬儲蓄:咁都算多?

進修唔使錢?生仔唔使錢?供書教學唔使錢?搞生意唔使錢?退休唔使錢?睇醫生唔使錢?死老豆唔使錢?

三個人:五萬月薪,百四萬儲蓄,咁都算多?
平均一人:萬七月薪,四十七萬儲蓄,咁都算多?

今年樓價:五百呎四百萬,最偏遠最平居屋都要百幾萬.
買樓:夠比首期?唔使裝修?
政府要人使晒D錢:先至安樂?

四個人:六萬月薪,百七萬儲蓄,咁都算多?
平均一人:萬五月薪,四十四萬儲蓄,咁都算多?

五個人:七萬月薪,二百萬儲蓄,咁都算多?
平均一人:萬四月薪,四十萬儲蓄,咁都算多?

六個人:八萬月薪,二百二萬儲蓄,咁都算多?
平均一人:萬三月薪,三十七萬儲蓄,咁都算多?

七個人:八萬八月薪,二百五萬儲蓄,咁都算多?
平均一人:萬二月薪,三十五萬幾儲蓄,咁都算多?

增建公屋:猛話無地.
九龍:以前有啟德機場.
高度限制:十五層.
今日:七成樓仍然少過十五層,多數七至十層.
全部重建三四十層:九龍最少住多一倍人.
每年人口:增加八萬.
二百萬:夠玩廿五年.

村屋丁屋:都起公屋.
又可以住多:二百萬人.

收購豪宅屋:三千呎住一家,變住二百家.
港島半山加九龍塘:又住多五十萬人.

無地起新樓,唔識將平房變大廈?咁就唔好起啦笨!填海啦!

因為:政府既錯.
唯有:重新黎過.
先解決:有屋住[需要].
再解決:住得好[需求].
需要,需求:邊樣重要?
唔通:先滿足你住得好.
再去理:劏房劏到去工廠?

學唐樓劏房:或者最舊式公屋.
未入伙公屋:全部劏一百呎.

所有輪候家庭:先入住劏房公屋.
將豪宅變公屋:安置村屋丁屋家庭.
村屋丁屋變公屋:安置劏房公屋加村屋丁屋家庭.
九龍舊樓家庭:入住劏房公屋.
九龍舊樓變公屋:安置劏房公屋九龍舊樓家庭.
劏房公屋變正常公屋:繼續安置舊樓家庭.

點解無地:因為賣地.
富豪自私:只顧自己享受.
一座七層唐樓:假設收購要一億.
香港首富:可以買一千座唐樓.
痴起上黎:真係做得出.
幾個富豪:一齊咁做.
到時真係:窮人企都無地企.
可以點呀?人地犯法呀?

一家人住一百萬呎:一萬家人住一百呎.
人口爆炸:仲應該賣地起獨立屋?
乜地都比有錢人買晒,遲早窮人都係住番晒落海,訓水抱!
-----------

答案1:政府政策整死自己.
答案2:取消笨策,三家變番一家.同時唔好再賣地,比人起村屋丁屋豪宅屋.

以證:如果變番平均一家四,五口,五百萬人住公屋啦,點會唔夠公屋唔夠私樓呀?樓價點會咁貴呀?死蠢!

結論:唔夠地,唔夠屋,樓價貴,係政府,專家同地產富豪[講]出黎,再加上大家既配合---唔思考!恭喜恭喜!抵你有今日,慢慢捱啦!

得分:貧富不分.公私不分/10

重建
Topic: 8歪理False Truth
請先看<提示>.

事情:舊樓需要重建.

問題1:重建有無問題?
問題2:重建問題點解決?

解題:
-----------
二十年前舊樓:七層.
重建後收回成本:要起二十層.
十年前舊樓:七層.
重建後收回成本:要起三十層.
今日舊樓:七層.
重建後收回成本:要起三四十層.
十年後舊樓:十層.
重建後收回成本:要起五六十層.
二十年後舊樓:十五層.
重建後收回成本:要起八九十層.
三十年後舊樓:二十層.
重建後收回成本:要起過百層.

屏風樓:空氣污染,氣溫上升.
維持三四十層:政府蝕本,破產.
收回成本:賣貴幾倍.
三萬蚊呎:二百呎豪宅六百萬.
一萬蚊供一百年:供樓奴隸.

財政紀律:量入為出.
明知買[入]舊樓重建,會令政府破產,還應否賣[出]土地興建私樓?
只顧自己有樓升值,不理子孫為買樓做死一世?

今日私樓:有地鋪,小商場.
新屋宛:有會所,大商場,無小商場.
老人院:需求日增.
無小商場:去邊到做老人院?
大商場:幾貴?
商廈:中環尖沙咀?
工廠:業主肯?政府比?
可持續發展:有無計劃?
政府負責?奉旨幫老人院搵錢?

丁屋:無地起新屋.
重建:三層變七層,丁屋變唐樓?
唐樓問題:劏房,一樓一,品流複雜.日日驚石屎剝落,隨時倒塌.
鄉間小路:無規劃,混亂.
有事:消防車無路入,唔夠位停救傷車.
只顧自己有丁屋住,不理子孫死活?

居屋:一樣會舊.
重建:有無規定賣比政府?
無補地價:夠買私樓?
比完首期:又要供樓幾十年?
業主數目:兩座都起碼五百個.
再買居屋:有無咁多2手居屋?
公屋重建:起定新樓比租戶搬.
居屋重建:政府有無責任起新居屋比你搬?
賣比發展商:有補地價.
居屋地越賣越少:居屋需求會少?
應該政府還是發展商重建居屋?

出售公屋:一樣會舊.
重建問題:同居屋一樣.
無補地價:夠買私樓?
比完首期:又要供樓幾十年?
業主數目:兩座都起碼過千個.
再買出售公屋:有無咁多2手出售公屋?
公屋重建:起定新樓比租戶搬.
出售公屋重建:政府有無責任起新出售公屋比你搬?
賣比發展商:有補地價.
公屋地越賣越少:公屋需求會少?
應該政府還是發展商重建出售公屋?
-----------

答案1:有好多問題.
答案2:不再賣地,只起公屋.村屋丁屋,都起公屋.

以證:有願景,有理念喎!頭馬仲係重建局阿頭喎!靠佢地?香港死得啦!

結論:市建局,房協,二十年重建資料,收購幾錢,起幾高,賣幾錢,賺定蝕,有記錄,自己揾.

得分:新舊不分/10

生後代
Topic: 8歪理False Truth
請先看<提示>.

事情:係人都生後代.

問題1:生幾多個?
問題2:幾多歲生?

解題:
-----------
生得多:人口年輕化.
人口膨脹:糧食危機,能源危機,土地短缺,管理,衝突....
工作增加:浪費,破壞環境,污染,生態失衡,生物絕種....

生得小:人口老化.
趨勢長命:八九十歲.
人口縮小:照顧好多老人.
工作減少:唔夠供養咁多老人.

飽和點:假設現在人口.
各年齡人數不變:出生率等於死亡率---人口大至不變.
同齡結婚:30-35歲生.
一對成人:生一對子女.
3代:人口平衡.

遲婚:40歲.
高齡產婦:危險.
2代:難同時照顧老幼.
早婚:20歲.
要工作:無時間教育子女.
生一個:人口都爆炸.
4,5代:更難同時照顧更多老幼.
-----------

答案1:最多生2個.
答案2:30-35歲.

以證:兩個就夠晒數,都要計埋幾歲生至得.只准生一個,就可以阻止人口膨脹咩?白痴!

結論:人口老化少問題,人口年輕化先至大問題.

得分:男女不分/10

產生思考
Topic: 7證 Proof
請先看<提示>.

事情:哲學家科學家研究人如何產生思考.盲人呢?

問題1:盲人如何產生思考?
問題2:人如何產生思考?

解題:
-----------
思考時,腦中出現什麼?
思考影像:用眼.
思考說話:用口耳.
思考文字數字:用眼口耳.
思考句子算式:用邏輯,推理.

盲人思考:如何思考影像?文字?如何思考凸字?
聾人思考:如何思考說話?聲音?如何思考手語?口形?
啞人思考:如何思考說話?如何思考手語?口形?
盲聾啞人思考:如何聯繫說話與文字?
無嗅覺:如何思考氣味?
無味覺:如何思考口味?
無觸覺:如何思考感覺?

維根斯坦:語言只能描述世界,不能解釋世界-----語意問題.
佛祖:瞎子摸象,未能完全接觸整體-----感覺問題.
公孫龍子:白馬論,指物論,通變論,堅白論,名實論-----語意問題x感覺問題.
老子,康德,哥德爾:道可道,非常道-----一樣係語意問題x感覺問題.

語意問題:語言由人發明,並非由世界發明,固只可形容人感覺到的世界,而不可解釋世界,更不可解釋人感覺不到的.
感覺問題:人只可知道自己可感覺到的事物全在,不等於人無感覺到的事物不全在.

其實思考時,腦中[最先]出現什麼?

根據我自己經驗:思考最先是[一點]想法,再用千萬份一秒,變成腦中一句或多句,甚至一大段自己[明]自己想什麼的說話,快得[以為]自己用說話一句一句思考.

請參考[思考vs靈感]一文:其實靈感跟本不是突如其來,而是思考所得,只不過有時腦筋會用最快的方法思考,而沒有通過一般思考所需要的,一句一句的在心中"講"出來,以至有突然出現靈感這種感覺.而事實上靈感在事後都可以一句一句地"想通",解釋,對嗎?

無語言:圖像思考,會否更小限制?
[一點]想法:無語言圖像聲音,會否更快,更完全?
無語言文字圖像聲音:如何傳遞,記錄想法?如何邏輯推理?
動物昆蟲細菌:無語言,用[一點]想法?
演變進化:由[一點]想法,圖像聲音,到語言?
再改進:又由語言,圖像聲音,到[一點]想法?

天才發明語言?搵專家再發明新語言?可解決語意問題?不可能!
[一點]想法都一樣有語意問題:只可形容人感覺到的世界,而不可解釋世界,更不可解釋人感覺不到的.

時間:是什麼感覺?用什麼方式感覺?是比較,不是感覺.
其他感覺:如何開發?還有其他感覺?有又如何?
理解世界:有可能嗎?可擁有所有感覺世界之感覺?有用嗎?

人最重要是:以成功的方式生存.不是成功地生存,不是生存.

子曰:吾嘗終日不食,終夜不寢,以思.無益,不如學也.

請參考[作解釋]一文:有問題,就有解釋,但應該要研究,而不是作解釋,靠估!現在不明白,研究不到,便留給將來的人,始終會有人想得通.世事何其多,有可能樣樣會嗎?不懂就不懂,未知就未知,有必要樣樣識答嗎?但有些事,知道了也無意義,就無謂浪費時間,資源去研究啦!難道知道無神,做人就可以不用講道理嗎?
-----------

答案1:不知道,但相信同所有人一樣,包括盲聾啞普通人.
答案2:用[一點]變[說話/影像/凸字/手語]思考.

以證:人的感覺未必完全感覺世界.人的說話肯定不是世界.人的思考必定不能世界.

結論:思考如何產生思考,不如思考為何思考.思考無感的思考,不如思考有覺的思考.

得分:-無限x0/10

死
Topic: 7證 Proof
請先看<提示>.

事情:人生自古誰無死,但係有人唔想死,如果可以唔使死,你估你想死唔死?

問題1:點解要死?
問題2:死唔死好?

解題:
-----------
生:唔會死就唔會生.
老:生長減慢.
病:微生物,為生存.
死:會生就會死,會死才會生.

長命:不斷打工幾百年!
長生不死:不斷打工千萬年!
唔死:人口爆炸.
食物:唔夠,餓死,快過恐龍絕種.

生後代:人人有變化.
強項:自然全面進步.
弱項:自然全面改進.
無變化:弱項永遠無進步.

全能:咪唔怕無進步,咪唔死都得囉!
乜都叻:做邊樣先?思考乜野先?
永生:你做晒佢.

其他人:短命,無能.
唯有:依賴全能,永生既人.
梗係:嘆世界,唔使做,正呀!
-----------

答案1:唔死唔得.
答案2:死好過唔死.

以證:長命,不死,係蠢人先會想!

結論:人人都有用.幾叻既人,老左唔死都無用.最叻既人,就係全能永生既......奴隸!

得分:-變幻原是永恆+灰飛煙滅/10

感情
Topic: 7證 Proof
請先看<提示>.

事情:人有各種感情.感性時候多於理性.

問題1:感情何解?
問題2:情感可解?

解題:
-----------
喜:成功生存.
怒:消滅威脅生存.
哀:失去生存.
懼:怕死,想生存.
愛:互助生存.
惡:討厭阻礙生存.
欲:增加幫助生存.

親情:同種生存.
友情:同類生存.
愛情:延續生存.

感性唔等於理性?
感情重於理性?理性重於感情?

感性:處理明顯情況,為生存.
理性:分析複雜情況,為生存.

感性:處理表面情況,為生存.
理性:分析實質情況,為生存.

感性:處理短期情況,為生存.
理性:分析長遠情況,為生存.

感性:處理緊急情況,為生存.
理性:分析唔急情況,為生存.
-----------

答案1:不解.
答案2:無解.

三種思考通病:
1. 思考別人的說話當作思考問題本身.
"憎人富貴厭人貧."
別人的說話:無話.
問題本身:無題.
2. 跟隨別人的錯誤方向去思考.
"愛情係盲目."
錯誤方向:無方.
正確方向:無向.
3. 根據沒有先行肯定對錯的論點作為思考的基礎.
"感情變淡."
錯誤論點:無論.
正確論點:無點.

以證:無證.

結論:唔使再講啦掛?

得分:-無限x無限/10

人所有思考
Topic: 7證 Proof
請先看<提示>.

事情:乜都有人思考.

問題1:何謂思考?
問題2:為何思考?

解題:
-----------
頭身手腳:行動.
五臟六腑:自動.
眼耳口鼻皮膚:接收訊息.
大腦控制:思考.

飛烏蟲魚:思考動植物,為生存.
山水草木:思考環境,為生存.
天地星辰:思考天氣變化,災難,為生存.
衣食住行:思考日常需要,為生存.

人鬼神:思考生死,不解之謎,為生存.
古住今來:思考將來,為生存.
數理化醫:思考事理,為生存.

社會人倫:思考人際關係,為生存.
哲理情感:思考抽象概念,為生存.
政治,法律,兵法:思考國家大事,為生存.
心理學:思考潛意識,為生存.

語言文字:思考表達思考,記錄思考,為生存.
探討思考:思考如何思考,為生存.
唯物唯心:思考思考之原.
先驗經驗:思考思考之本.
重要既係?:為何思考?
-----------

答案1:大腦活動.
答案2:想生存.

三種思考通病:
1. 思考別人的說話當作思考問題本身.
"請講."
別人的說話:請講.
問題本身:請講.
2. 跟隨別人的錯誤方向去思考.
"你講."
錯誤方向:你講.
正確方向:你講.
3. 根據沒有先行肯定對錯的論點作為思考的基礎.
"我唔講."
錯誤論點:我唔講.
正確論點:我唔講.

以證:人所有行為,所有思考,都係想生存.

結論:越多危害生存,就係失敗既自私.最少危害生存,就係成功既自私.所以人人都好,至係成功既生存方式!寸爆你班自私精,問你死未?

得分:-無限為有限/10

失敗既自私
Topic: 7證 Proof
請先看<提示>.

事情:人人都自私.

問題1:為何自私?
問題2:應該如何自私?

解題:
-----------
想生存:所以想自己好.
想自己好:就係自私.

無禮貌:你鬧人,人鬧你.死蠢!
有禮貌:互相尊重.聰明!

爭先恐後:驚執輸,成日輸.死蠢!
守秩序:唔使迫,舒服晒.聰明!

唔幫人:自己顧自己,有事無人幫.死蠢!
互相幫助:有事一齊幫手,更快解決.聰明!

報仇:以牙還牙,不斷循環,錯完又錯.死蠢!
教育:道歉,認錯,改過,唔再錯.聰明!

貪心:多過頭,用唔到,擺到爛.自己無既,又無份.死蠢!
分享:一齊用,樣樣有份,無浪費.聰明!

其他自私:請繼續解題.
-----------

答案1:因為想自己好,即係想生存.
答案2:想清楚邊個方法,先至真係會令自己好.

三種思考通病:
1. 思考別人的說話當作思考問題本身.
"有咩例子?"
別人的說話:怨怨相報何時了?
問題本身:點做解決問題,點做最聰明.
2. 跟隨別人的錯誤方向去思考.
"自私自利."
錯誤方向:自唔自私.
正確方向:聰明同蠢.
3. 根據沒有先行肯定對錯的論點作為思考的基礎.
"虎毒不食兒."
錯誤論點:禽獸都有善心.
正確論點:想後代生存.

以證:人無分自唔自私,無分性本善性本惡,只有分聰明人,同蠢人.你,係邊種?

結論:只顧自己好,以為真係會令自己好,就係失敗既自私.只有全球合作,人人都好,自己先至真正會有好日子過!

得分:-無限接近/10

人所有行為
Topic: 7證 Proof
請先看<提示>.

事情:一樣米養百樣人.各種行為,甚至完全相反.

問題1:各種行為基於什麼?
問題2:各種行為為什麼?

解題:
-----------
生物:動物,植物,微生物,細菌,病毒.
原始本性:食,繁殖,避險.
原因:想生存.

懶惰:不勞而獲.因為想生存.失敗!
勤力:多勞多得.想更好生存.成功!

恨:憎壞人,不滿威脅生存.因為想生存.失敗!
愛:識好人,幫助生存.想更好生存.成功!

邪惡:損人利己.因為想生存.失敗!
正義:雙贏共贏.想更好生存.成功!

奸:損人利己.因為想生存.失敗!
忠:雙贏共贏.想更好生存.成功!

貪:損人利己.因為想生存.失敗!
廉:雙贏共贏.想更好生存.成功!

消極:只為想生存.失敗!
積極:想更好生存.成功!

用錢:損人利己.因為想生存.失敗!
唔用錢:雙贏共贏.想更好生存.成功!

講神鬼:求神保佑.因為想生存.失敗!
講科學,講道理,講思考:自己盡力解決問題.想更好生存.成功!

其他行為:請繼續解題.
-----------

答案1:生物唯一原始本性.
答案2:為生存.

三種思考通病:
1. 思考別人的說話當作思考問題本身.
"人不為己天誅地滅."
別人的說話:自私.
問題本身:請你答.
2. 跟隨別人的錯誤方向去思考.
"性本善,性本惡."
錯誤方向:善惡.
正確方向:行為因由.
3. 根據沒有先行肯定對錯的論點作為思考的基礎.
"物競天擇."
錯誤論點:弱肉強食.
正確論點:互相依賴.

以證:繼續生存,更好生存,就係人既原點,亦係目標!

結論:只想自己好,係失敗既自私,係失敗既生存方式.大家都好,就係真正成功既自私,就係真正成功既生存方式!

得分:-接近無限/10