人心回歸
Topic: 8歪理False Truth
請先看<提示>.

事情:中共覺得香港人心未回歸,愛英國多過中國.

問題1:人心未回歸?
問題2:人心在何處?

解題:
-----------
港英:中共
ICAC:貪腐
安置:強拆
安居樂業:民不聊生
可以講鴉片戰爭:唔准講8964
.
.
.
.
請繼續.

五六十年代:香港重投國際運動比賽.
最好既運動員:選擇代表台灣中華民國.
差d既運動員:先至代表香港.
有d運動員:番大陸代表中華人民共和國.

每年十月:自發插國旗.
青天白日旗:出自家庭窗口.
大陸唔鍾意提:唔提就無?

回歸頭幾年:97,98,99年.
未禁之前:十月比回歸前更加多青天白日旗.
人心未回歸?唔愛國?
董建華上身:唔提就無!唔提就無!唔提就無!

回歸十幾年:十月周街5星旗.
邊個插:政府插.
自發插:一支都無.
七十年代至今時今日:四十幾年.
自發插5星旗:一支都無!一支都無!係一支都無!

你夠膽:做民調.
睇下香港人:鍾意毛澤東,戴安拿英女皇,定係孫中山?
睇下香港人:鍾意共產黨,保守黨,定係國民黨?
睇下香港人:鍾意中華人民共和國,英國,定係中華民國?
試下問下香港人:鍾意做中華人民共和國國民,英國國民,定係中華民國國民呀?
試下呀笨!
-----------

答案1:人心無需回歸.
答案2:人心一向在中國.

三種思考通病:
1. 思考別人的說話當作思考問題本身.
"練習1."
別人的說話:舉例1.
問題本身:指正1.
2. 跟隨別人的錯誤方向去思考.
"練習2"
錯誤方向:舉例2.
正確方向:指正2.
3. 根據沒有先行肯定對錯的論點作為思考的基礎.
"練習3"
錯誤論點:舉例3.
正確論點:指正3.

以證:香港人一向都係中國人,愛中國.

結論:憎恨既,係毛澤東,共產黨,中華人民共和國;鍾意既,係戴安拿,英女皇,保守黨,英國;但係最愛既,係孫中山,國民黨,同中華民國!

得分:情仇兩不分/10

居港權
Topic: 8歪理False Truth
請先看<提示>.

事情:菲傭,雙非BB有居港權.

問題1:為何要居港權?
問題2:應該要居港權?

解題:
-----------
菲律賓:窮.
菲傭:賺錢.  
要居港權:賺更多錢.
賺錢:想有好日子過.

菲律賓窮:政府貪污嚴重.
ICAC:廉潔政府.
將香港既好野:帶番菲律賓.
全亞洲:幾百萬菲傭.
菲傭水平:學歷高.
成立菲傭黨:菲傭選總統.
叫所有親戚朋友投票:一定贏.
居港權:自己好,有乜用?
搞好個國家:唔好過離鄉別井?  

雙非BB:父母都係大陸人.
落香港生:安全醫療,一孩政策,教育,毒奶粉.....
有居港權:想有好日子過.

打擊偷渡:變假結婚.
打擊假結婚:變來港生仔.
打擊來港生仔:變其他問題.
淨係顧住香港好:就真係會好?
父母祖父母走落香港避共產黨:加陣仔女咪又係要驚共產黨!
一日唔解決共產黨:一世都有問題!
-----------

答案1:想生存.
答案2:要解決腐敗既政府.

三種思考通病:
1. 思考別人的說話當作思考問題本身.
"練習1."
別人的說話:舉例1.
問題本身:指正1.
2. 跟隨別人的錯誤方向去思考.
"練習2"
錯誤方向:舉例2.
正確方向:指正2.
3. 根據沒有先行肯定對錯的論點作為思考的基礎.
"練習3"
錯誤論點:舉例3.
正確論點:指正3.

以證:就算有居港權,都絕對唔會有好日子過.各家自掃門前雪,不理他人瓦上霜.一定唔會有好日子過.

結論:講最後一次,只顧自己好,以為真係會令自己好,就係失敗既自私.只有全球合作,人人都好,自己先至真正會有好日子過!

得分:你我不分/10

保釣
Topic: 8歪理False Truth
請先看<提示>.

事情:中日爭奪釣魚台島.

問題1:需要保衛釣魚台?
問題2:需要做甚麼?

解題:
-----------
釣魚台島:海域資源豐富.

日本:地震,海嘯,無資源.
想生存:軍國主意,侵略,霸佔,植民.

比著你係日本人:你會點做?
咪又係咁做!

想生存:五胡亂華.
想生存:遼金夏入侵.
想生存:蒙古滅宋.
想生存:滿清入關.
想生存:英國鴉片戰爭.
想生存:英法聯軍.
想生存:八國聯軍.
想生存:俄國侵略.
想生存:日本侵略.
想生存:南北韓,印度,越南,菲律賓,外蒙古,烏茲別克,美國......永無寧日!

澳洲,格寧蘭:又大又少人.
比日本人移居:好過打仗啦!
-----------

答案1:不需要保釣.
答案2:睇諒日本人,幫手諗辦法.

三種思考通病:
1. 思考別人的說話當作思考問題本身.
"練習1."
別人的說話:舉例1.
問題本身:指正1.
2. 跟隨別人的錯誤方向去思考.
"練習2"
錯誤方向:舉例2.
正確方向:指正2.
3. 根據沒有先行肯定對錯的論點作為思考的基礎.
"練習3"
錯誤論點:舉例3.
正確論點:指正3.

以證:爭贏左又點呢?只處理問題表象,並無解決問題.搵出問題根源,想出解決問題根源既方法,才算解決問題.

結論:再講多次,只顧自己好,以為真係會令自己好,就係失敗既自私.只有全球合作,人人都好,自己先至真正會有好日子過!

得分:紅黃黑白不分!明/10

國民教育
Topic: 8歪理False Truth
請先看<提示>.

事情:香港政府想推行國民教育.

問題1:需要國民教育?
問題2:需要甚麼教育?

解題:
-----------
國家道理:根據做人道理引申而成.
做人要講道理,講信用,講和平:唔通國家可以無道理,無信用,好戰?
請參考[國恥]一文:人同國家既道理會唔同,甚至相反既咩?

做人要知錯能改:國家既錯唔准提?
國家只要做出成績,就唔使認錯:人只要賺到錢,以前做乜衰野都無所謂?
咁都得既國民教育:大家既下一,二,三,四,五代,會係咩世界?

你係衰人,成日做壞事:唔通你叫人愛你,就會愛你咩!
愛係發至內心:你係好人,就自然會愛你.
個國家腐敗,成日欺壓人民:唔通你教人愛國,就會愛國咩!

香港:一向都無國民教育架啦!
8964:咪一樣衝晒出黎!
保釣:咪一樣衝晒出海!
四川大地震:咪一樣衝晒出黎捐錢!
譚作人李旺陽:咪一樣衝晒出黎鬧!
魏徵直諫唐太宗:點樣唔愛國呀?
嚴厲批評政府同高官:絕對係愛國既表現!

自細無國民教育:就唔識愛國?
毛澤東鄧小平:即係唔愛國啦?
孫中山辛亥革命烈士:唔愛國咩?
推翻腐敗政府:都係愛國既表現!
你夠膽:話孫中山毛澤東鄧小平辛亥革命烈士唔愛國呀笨!

不干涉別國內政:吓?
不干涉別人家事:虐待仔女都唔應該理呀?
-----------

答案1:不需要國民教育.
答案2:只需要教做人道理,自然就知道家既道理,國既道理.

三種思考通病:
1. 思考別人的說話當作思考問題本身.
"練習1."
別人的說話:舉例1.
問題本身:指正1.
2. 跟隨別人的錯誤方向去思考.
"練習2"
錯誤方向:舉例2.
正確方向:指正2.
3. 根據沒有先行肯定對錯的論點作為思考的基礎.
"練習3"
錯誤論點:舉例3.
正確論點:指正3.

以證:教育局高官,咁都唔識,學人做教育?仲有其他司局長,特首,校長,全部遲識啦!

結論:做人道理係家教教既,唔係學校教既.所有父母,長輩,唔該你,咁既歪理講成個月都講唔羸,你話死唔死呀?反省吓啦!

得分:黨國不分/10

政府會議
Topic: 8歪理False Truth
請先看<提示>.

事情:政府開好多會議,好多閉門,秘密會議.

問題1:點解要咁多秘密會議?
問題2:應唔應該有咁多秘密會議?

解題:
-----------
警察會議,廉處會議:秘密調查,秘密行動.
示威安排:秘密行動?當遊行係黑社會?
政府,行政,立法,普通會議:秘密調查,秘密行動?

商業會議:商業秘密.
政府會議,行政會議,立法會議:商業秘密?
呃市民,分利益,官僚推卸:所以要秘密會議.

政商會議:同政府開會,講商業秘密?
官商勾結:所以要秘密會議.
-----------

答案1:唔想比市民知,就話係秘密會議.
答案2:唔應該有咁多秘密會議.

以證:一句秘密,就乜都可以唔比市民知.

結論:除左警察,廉處秘密行動,要公開所有會議,網絡直播,尤其係同商家既會議.

得分:忠奸不分/10

結論與理由
Topic: 8歪理False Truth
請先看<提示>.

事情:結論,需要理由.

問題1:何謂真理由?
問題2:何謂真結論?

解題:
-----------
例一.
黃毓民責罵曾蔭權是最沒有政治倫理的人,理由是委任一個民望最低的局長林瑞麟,出任政務司司長一職,是與公眾為敵,是政治亂倫.
曾蔭權斥黃毓民十足爛仔行為,這裏不是黑社會地方.

政治亂倫:係結論.
結論既理由:委任一個民望最低的局長林瑞麟,出任政務司司長一職,是與公眾為敵.
有理由既結論:就係有道理.

爛仔行為:係結論.
結論既理由:無講.
有結論,無理由:等於無解釋,等於講歪理.


例二.
梁振英大宅僭建被揭發,建制派認為只是犯了非常嚴重的疏忽,不覺得梁振英有誠信問題.

疏忽?疏忽什麼?大話唔夠精密?唔記得自己講過乜野大話?唔記得毀滅罪證?到底係乜野嚴重疏忽?
疏忽唔係錯?疏忽即係同意有錯啦!無錯又點算嚴重疏忽呀?嚴重疏忽等於犯法無罪呀?
嚴重疏忽同誠信有乜關係呢?點解係嚴重疏忽就等於唔係誠信問題呢?

你講大話,誠信有問題:我只係嚴重疏忽.
你有錯:我只係嚴重疏忽.
你犯法:我只係嚴重疏忽.
你誤殺:我只係嚴重疏忽.
唔係咁都得下話?

嚴重疏忽:係結論.
結論既理由:無講.
誠信無問題:係結論.
結論既理由:只是嚴重疏忽.
用無理由既結論當理由去解釋另一個結論:等於無解釋,等於講歪理.


思考通病之3:根據沒有先行肯定對錯的論點作為思考的基礎.
用無理由既結論當理由去解釋另一個結論,就係犯左思考通病之3!
-----------

答案1:有頭有尾有邏輯,又無犯三種思考通病,就係真理由.
答案2:用真理由得出既結論,就係真結論.

以證:結論當理由,係講歪理既人常用既歪理.

結論:講道理,係要結論[既]理由,唔係結論[當]理由.

得分:因果不分/10

解決問題
Topic: 8歪理False Truth
請先看<提示>.

事情:社會好多問題要解決.

問題1:政府如何解決問題?
問題2:如何才算解決問題?

解題:
-----------
發燒:比退燒藥.
流鼻水:比收鼻水藥.
咳嗽:比止咳藥.
喉嚨痛:比喉糖.
肚瀉:比止疴藥.
咁叫醫病咩?
咁叫處理症狀!
搵出病因:感冒菌入腸.
殺菌:打抗生素針.
咁先叫醫病!

請參考前3編[歪理].
重建問題:亂買入亂賣出.
公屋問題:越限制越唔夠.
生育問題:又生又唔生.
老人問題:話理實唔理.
青年問題:叫人教唔比教.
殘疾問題:真分隔假接納.
扶貧問題:假扶真貧.
咁叫解決問題呀?
咁叫處理問題!

處理問題:重建問題變公屋問題變生育問題變老人問題變青年問題變扶貧問題變其他問題.

重建問題:不買入舊樓,不賣出土地.
公屋問題:所有地,只起公屋,三代一戶.
生育問題:三十歲結婚,最多生兩個.
老人問題:根據生育問題,得閒照顧.
青年問題:根據生育問題,得閒教仔.
殘疾問題:無分隔教育,真懂得接納.
扶貧問題:人工高,無窮人.
咁先叫解決問題!

解決問題:解決扶貧問題就解決青年問題就解決老人問題就解決生育問題就解決公屋問題就解決重建問題就解決其他問題.

最低工資:高多一倍.
人工小:慢慢做.
唔夠錢使:做幾份工.
無精神:求其做.
人工高:比心機做.
一個頂幾個:老板仲好賺,隨笨有精.
夠養家:無為錢擔憂.
心情好:無家暴.
家庭和睦:解決家庭問題.
老婆唔使做:有時間照顧仔女.
解決青年問題:政府負擔小一筆.
夠養父母:解決退休問題.
父母唔使做:唔使捱到老.
身體好:醫療負擔又小一筆.
有錢結婚:解決單身問題.
有錢生仔:解決老化問題.
一家三代:解決公屋問題.
福利開支大減:無需依賴高樓價.
所有人住公屋:解決重建問題.
安居樂業:解決其他問題.
-----------

答案1:頭痛醫頭,腳痛醫腳.只處理問題表象,並無解決問題.
答案2:搵出問題根源,想出解決問題根源既方法,才算解決問題.

以證:處理問題,問題只會不斷變,不會解決.做幾多野都係晒時間!

結論:解決問題,唔係玩政治既人會真心做既事,大家唔使旨意.

得分:表裏不分/10

政策
Topic: 8歪理False Truth
請先看<提示>.

事情:政府推出好多政策.

問題1:政策之間有乜關係?
問題2:政策如何配合?

解題:
-----------
人口:老化.
退休:社會負擔大.
減負擔:延遲退休.
唔退休:年青人難搵工.
無工作:叫人讀書副學士.
增加學位:多人高學歷.
有人無工做:高學歷,人多爭.
有工無人做:辛苦工,唔想做.
供求定律:市場調節.
供過於求:人工低.
求過於供:人工高.
高學歷人工低:低學歷人工高----小小,但係都係低.
無錢:唔生.
人口:更老化.
再黎一圈.再黎兩圈.再黎三圈......

生育:一兩個.
人口政策:鼓勵多生.
人多:叫人小生.
老化:又叫人多生.
又話地小人多:又叫人生.
生左:又話無地無屋樓價高.
樓價高:樣樣貴.
無錢:唔生.
又再黎一圈.再黎兩圈.再黎三圈......

老人多:又唔夠老人院.
輪侯時間:死都未輪到.
政府同團體:又唔大搞.
叫人照顧父母:又唔定最高工時.
日做野做:無時間照顧父母.
送去老人院:又唔夠老人院.
又再黎一圈.再黎兩圈.再黎三圈......

青年問題:童黨,吸毒,打機,援交.
叫人關心子女:又唔定最高工時.
日做野做:無時間關心,教育子女.
無人理:童黨,吸毒,打機,援交.
又再黎一圈.再黎兩圈.再黎三圈......

政府:怕老化負擔.
供強積金:自己搞掂.
中產:有錢.
子女:見父母有強積金.
即係:將來唔使供養父母.
自己:都要供強積金.
無剩錢:點養父母?
父母:既然自己供強積金.
比錢生子女:又唔會供養.
不如:生小個.
留番D錢:退休慢慢使.
有錢:都係唔生.
又再黎一圈.再黎兩圈.再黎三圈......

殘疾:特殊教育.
自小分隔:無接觸正常人.
融入社會:唔識點融.
正常人:無接觸殘疾.
手語,凸字:學校無教.
溝通:無法.
接納殘疾:點接?

人工太少:攞綜援.
政府:唔想養窮人.
扶貧:最低工資.
在職貧窮:唔夠養家.
搞小生意:唔比做小販.
照做:照捉.
無錢:老婆不滿.
離婚:老婆仔女攞綜援.
結果:都係政府養.

輪侯公屋:大量單身.
35歲以上單身:4,5萬人.
計分制:每年配額2,3千.
點解咁少:歧視單身.
咁大年紀:仲係咁窮.
好明顯係:無本事.
就算幫你:都唔會發達.
所以唔幫:由得你繼續窮.
單身窮人:無錢結婚,無錢生仔.
無公屋:捱貴租.
更加窮:更加無錢結婚生仔.
老左無人無物:攞綜援.
結果:都係政府養.
財政負擔更大:越唔幫越大鑊.
一早比公屋:起碼儲到錢.
唔夠錢結婚生仔:都起碼夠養老.
單身最慘:點解反而唔幫?

越唔幫,越大鑊.越算計,越無計.聰明反被聰明誤!
越幫人,越著數.越唔計,越有計.隨笨有精!

其他政策:請繼續解題.
-----------

答案1:自相矛盾,打困籠,綁死結.
答案2:無配合,惡性循環.

以證:政府政策,特首政綱,議員政綱,全部都係臘鴨.聽落好,就係好政策?請參考[新社會全面改革6]一文:不能夾得埋實際運作的理論,無論獨立來看如何完美,都只是錯的理論.

結論:一開始錯左,只重搵錢,生產總值,量入為出,唔係以人為本,為市民解決問題,尤其係老弱傷殘,結果跟住一路錯晒,無得救.

得分:好壞不分/10

輪侯公屋
Topic: 8歪理False Truth
請先看<提示>.

事情:起極都唔夠公屋,輪侯人數標升.

問題1:點解唔夠公屋?
問題2:唔夠公屋點解決?

解題:
-----------
公屋居民人數:增長加快定減慢?
65年:一百萬人.
81年:二百萬人.
2011年:三百四十萬人.
前十五年:住多一百萬人.
後三十年:點解只係住多一百四十萬人?

四十五年前公屋:平均一家六口.
三十年前公屋:平均一家五口.
十五年前公屋:平均一家四口.
今年公屋:平均一家三口.

公屋政策:戶籍不傳子女,每兩年入息審查.
不傳子女:子女成年盡早申請公屋.
入息審查:分戶增加總入息限額.
以前住戶:一家三代人.
今日住戶:一家兩老,一家年青夫婦加子女,一家單身青年.
一家變三家:三倍需求.梗係起極都唔夠啦!

多錢子女:出去買樓.
父母:繼續住公屋.
小錢子女:申請多間公屋.
政策成效:不單無謄出公屋,仲加大需求,更加令樓價標升,正一唔衰攞黎衰!

公屋富戶:入息同資產,限額幾多?

一個人:點先算有錢?
七十三萬儲蓄:咁都算多?

六十歲:再多都唔使報.
五十九歲:七十三萬儲蓄要搬走?

進修唔使錢?拍拖唔使錢?結婚唔使錢?生仔唔使錢?供書教學唔使錢?搞生意唔使錢?退休唔使錢?睇醫生唔使錢?死老豆唔使錢?

兩個人:點先算有錢?
百一萬儲蓄:咁都算多?

進修唔使錢?生仔唔使錢?供書教學唔使錢?搞生意唔使錢?退休唔使錢?睇醫生唔使錢?死老豆唔使錢?

三個人:五萬月薪,百四萬儲蓄,咁都算多?
平均一人:萬七月薪,四十七萬儲蓄,咁都算多?

今年樓價:五百呎四百萬,最偏遠最平居屋都要百幾萬.
買樓:夠比首期?唔使裝修?
政府要人使晒D錢:先至安樂?

四個人:六萬月薪,百七萬儲蓄,咁都算多?
平均一人:萬五月薪,四十四萬儲蓄,咁都算多?

五個人:七萬月薪,二百萬儲蓄,咁都算多?
平均一人:萬四月薪,四十萬儲蓄,咁都算多?

六個人:八萬月薪,二百二萬儲蓄,咁都算多?
平均一人:萬三月薪,三十七萬儲蓄,咁都算多?

七個人:八萬八月薪,二百五萬儲蓄,咁都算多?
平均一人:萬二月薪,三十五萬幾儲蓄,咁都算多?

增建公屋:猛話無地.
九龍:以前有啟德機場.
高度限制:十五層.
今日:七成樓仍然少過十五層,多數七至十層.
全部重建三四十層:九龍最少住多一倍人.
每年人口:增加八萬.
二百萬:夠玩廿五年.

村屋丁屋:都起公屋.
又可以住多:二百萬人.

收購豪宅屋:三千呎住一家,變住二百家.
港島半山加九龍塘:又住多五十萬人.

無地起新樓,唔識將平房變大廈?咁就唔好起啦笨!填海啦!

因為:政府既錯.
唯有:重新黎過.
先解決:有屋住[需要].
再解決:住得好[需求].
需要,需求:邊樣重要?
唔通:先滿足你住得好.
再去理:劏房劏到去工廠?

學唐樓劏房:或者最舊式公屋.
未入伙公屋:全部劏一百呎.

所有輪候家庭:先入住劏房公屋.
將豪宅變公屋:安置村屋丁屋家庭.
村屋丁屋變公屋:安置劏房公屋加村屋丁屋家庭.
九龍舊樓家庭:入住劏房公屋.
九龍舊樓變公屋:安置劏房公屋九龍舊樓家庭.
劏房公屋變正常公屋:繼續安置舊樓家庭.

點解無地:因為賣地.
富豪自私:只顧自己享受.
一座七層唐樓:假設收購要一億.
香港首富:可以買一千座唐樓.
痴起上黎:真係做得出.
幾個富豪:一齊咁做.
到時真係:窮人企都無地企.
可以點呀?人地犯法呀?

一家人住一百萬呎:一萬家人住一百呎.
人口爆炸:仲應該賣地起獨立屋?
乜地都比有錢人買晒,遲早窮人都係住番晒落海,訓水抱!
-----------

答案1:政府政策整死自己.
答案2:取消笨策,三家變番一家.同時唔好再賣地,比人起村屋丁屋豪宅屋.

以證:如果變番平均一家四,五口,五百萬人住公屋啦,點會唔夠公屋唔夠私樓呀?樓價點會咁貴呀?死蠢!

結論:唔夠地,唔夠屋,樓價貴,係政府,專家同地產富豪[講]出黎,再加上大家既配合---唔思考!恭喜恭喜!抵你有今日,慢慢捱啦!

得分:貧富不分.公私不分/10

重建
Topic: 8歪理False Truth
請先看<提示>.

事情:舊樓需要重建.

問題1:重建有無問題?
問題2:重建問題點解決?

解題:
-----------
二十年前舊樓:七層.
重建後收回成本:要起二十層.
十年前舊樓:七層.
重建後收回成本:要起三十層.
今日舊樓:七層.
重建後收回成本:要起三四十層.
十年後舊樓:十層.
重建後收回成本:要起五六十層.
二十年後舊樓:十五層.
重建後收回成本:要起八九十層.
三十年後舊樓:二十層.
重建後收回成本:要起過百層.

屏風樓:空氣污染,氣溫上升.
維持三四十層:政府蝕本,破產.
收回成本:賣貴幾倍.
三萬蚊呎:二百呎豪宅六百萬.
一萬蚊供一百年:供樓奴隸.

財政紀律:量入為出.
明知買[入]舊樓重建,會令政府破產,還應否賣[出]土地興建私樓?
只顧自己有樓升值,不理子孫為買樓做死一世?

今日私樓:有地鋪,小商場.
新屋宛:有會所,大商場,無小商場.
老人院:需求日增.
無小商場:去邊到做老人院?
大商場:幾貴?
商廈:中環尖沙咀?
工廠:業主肯?政府比?
可持續發展:有無計劃?
政府負責?奉旨幫老人院搵錢?

丁屋:無地起新屋.
重建:三層變七層,丁屋變唐樓?
唐樓問題:劏房,一樓一,品流複雜.日日驚石屎剝落,隨時倒塌.
鄉間小路:無規劃,混亂.
有事:消防車無路入,唔夠位停救傷車.
只顧自己有丁屋住,不理子孫死活?

居屋:一樣會舊.
重建:有無規定賣比政府?
無補地價:夠買私樓?
比完首期:又要供樓幾十年?
業主數目:兩座都起碼五百個.
再買居屋:有無咁多2手居屋?
公屋重建:起定新樓比租戶搬.
居屋重建:政府有無責任起新居屋比你搬?
賣比發展商:有補地價.
居屋地越賣越少:居屋需求會少?
應該政府還是發展商重建居屋?

出售公屋:一樣會舊.
重建問題:同居屋一樣.
無補地價:夠買私樓?
比完首期:又要供樓幾十年?
業主數目:兩座都起碼過千個.
再買出售公屋:有無咁多2手出售公屋?
公屋重建:起定新樓比租戶搬.
出售公屋重建:政府有無責任起新出售公屋比你搬?
賣比發展商:有補地價.
公屋地越賣越少:公屋需求會少?
應該政府還是發展商重建出售公屋?
-----------

答案1:有好多問題.
答案2:不再賣地,只起公屋.村屋丁屋,都起公屋.

以證:有願景,有理念喎!頭馬仲係重建局阿頭喎!靠佢地?香港死得啦!

結論:市建局,房協,二十年重建資料,收購幾錢,起幾高,賣幾錢,賺定蝕,有記錄,自己揾.

得分:新舊不分/10