中文上至下,右至左
Topic: 5後記 Afterword
請先看<提示>.

中文幾千年來都是上至下,右至左,只是因為90年代開始大量使用電腦,才出現大部分橫式中文均變成左至右.

其實word甚至早期word perfect,都可以出右至左,甚至直排上至下出版印刷,中東文字都是右至左,用電腦一直都無問題!所以根本無需跟隨英文左至右寫法!

現在只是20年的混亂,希望能盡快改回右至左,甚至多用直落式中文,還我中文傳統! like!

通櫃
Topic: 5後記 Afterword
請先看<提示>.

科技進步,為什麼X光機發明幾十年,入監獄還要用手伸入胱門檢查這麼落後?

咁多恐怖襲擊,搭飛機又唔見個個要通櫃?

有錢人就社會服務令,係病人唔係壞人,窮人就雖然係病人,但係都要重判以收阻嚇作重!

有幾多窮人比差佬權貴寃枉,坐寃枉監,大家知啦!哼! +1LY

自私
Topic: 5後記 Afterword
請先看<提示>.

人之初性本善,人之初性本惡,其實即係一樣,都係自私.

性本善,想自己好,又想家人好.

性本惡,只想自己好,只想家人好.

每個人都自私,只係後來有聰明人開始發現對自己好,會影響其他人,有時會損人利己,人地自私,一樣會影響我,會佢好我唔好,又會覺得己所不欲,勿施於人,之後又會諗到雙贏,共贏,能夠做到大家都好,自己先至會真係好.

蠢人自私,就只會對自己好,就以為真係會好,無諗過人地唔好,對自己有咩影響.

你好有錢,就好?一定唔會食到毒菜心毒米?人地揾錢揸幾更車,就一定唔會O盒眼訓撞中你架車?你住得好,行街就一定唔會比跌野掟中?你乾淨清潔,就唔會有傳染病傳染到你?你好高貴,D仔女就唔會有人叫佢索K?你國家豐衣足食,人地就唔會侵略你?

只有人人都好,自己先至真正會有好日子過!

人無分自唔自私,無分性本善性本惡,只有分聰明人,同蠢人.你,係邊種? <.|.>

銷煙/食煙
Topic: 5後記 Afterword
請先看<提示>.

虎門銷煙,係銷煙,唔係鴉片,唔係只係鴉片,係所有煙!包括鴉片!如果唔係就唔會叫虎門銷煙,而係叫虎門銷鴉片!

點解銷煙?係因為1,對身體有害,2,大量財富比左外國人,而對國對人毫無好處.

食煙同食鴉片有乜分別?1同2都一樣,點解唔禁煙?點解要食煙?二手煙仲要害埋其他人,食煙仲衰過食鴉片!

身為中國人,你食煙?身為廣東人,你夠膽食煙?身為香港人,你竟然夠膽食煙?

你對唔對得住林則除?你對唔對得住鴉片戰爭死既中國人?你對唔對得住比鴉片累死既中國人?講!

早知你地咁鍾意食煙索K,一早就唔好銷煙啦,搞到比外國人搶左幾億白銀,搞到中國窮左百幾年,仲要割讓左香港百幾年.唔係因為咁,中國使乜衰左百幾年呀?林則除根本就唔係民族英雄,林則除根本就係千古罪人!你個心係唔係咁諗呀?

你食得煙索得K既,都擺到明係反林則除架啦,唔係點解食煙索K呀?你夠膽食煙,夠膽你就大大聲聲講:虎門銷煙係錯既,林則除係千古罪人!

唔係林則除?你有係香港咁自由民主咁生活?你受緊共產黨迫害呀!

唔係林則除?你有係香港咁幸福舒服既生活?而加既中國,分分鐘慘個長期飢荒既非洲國家呀!

唔係林則除?你呀爺個呀爺食鴉片死左啦,唔死都乞食呀,你有命出世?

食煙?索K?你地食X啦! +4LT

國恥
Topic: 5後記 Afterword
請先看<提示>.

點解日本仔侵略中國係中國既國恥?呢個問題我由細細個已經成日問大人,問到今時今日,問左幾十年,都無人答到我.

一個愛好和平既大肥仔,唔鍾意打交,無學過功夫,比一個好勇鬥狠,學過功夫,成日周圍蝦蝦霸霸既普通身形細路打,係邊個羞耻呀?唔係打人果個咩?比人打仲要羞耻呀?

人同國家既道理會唔同,會相反既咩?

定係因為大家都鍾意蝦蝦霸霸好勇鬥狠,但係大隻果個反而唔夠打,所以羞耻呀?咁即係兩個都唔係好人啦,比人打都抵死啦,仲要人同情你呀?羞耻?

有幾多人諗過呢個問題呀?再講多一次,唔好盲目咁信人講既野,自己諗清楚,唔好人話啱你話啱,人話錯你話錯.

點為之羞耻呀?羞耻唔係人地做既野令到你羞耻,係你自己做既野令到你自己羞耻!

日本仔侵略中國,唔係中國既國恥,係日本既國恥!我話既! \\/`.`\//

歷史自有公論
Topic: 5後記 Afterword
請先看<提示>.

穩定壓倒一切對嗎?無錯,應該穩定壓倒一切!

穩定壓倒一切,那應該壓倒貪污腐敗,還是壓倒反貪腐?應該壓倒濫權弄權,還是壓倒維權平權?

你不去壓倒貪污腐敗,弄到人民出來反貪腐,反而去鎮壓反貪腐?

你不去壓倒濫權弄權,弄到人民出來維權平權,反而去鎮壓維權平權?

如果你壓倒貪污腐敗,人民又怎會出來反貪腐?如果你壓倒濫權弄權,人民又怎會出來維權平權?

無錯,歷史自有公論,公論就是:

六四鎮壓是錯,應該鎮壓貪污腐敗,而不是鎮壓反貪腐!

鎮壓投訴豆腐渣學校是錯,鎮壓投訴毒奶粉是錯,鎮壓要求言論自由要求民主是錯,應該鎮壓濫權弄權,而不是鎮壓維權平權!

用人命換取經濟,更加錯!

穩定壓倒一切!  歷史自有公論!  六四鎮壓,就是錯!

話穩定壓倒一切是錯呀笨!那既然穩定壓倒一切是錯,因為這樣而鎮壓六四即是錯啦?

即是無論穩定壓倒一切是對還是錯,六四鎮壓都是錯啦!

是又死,不是又死,我看你怎死! \/'.'\/

打擊樓價
Topic: 5後記 Afterword
請先看<提示>.

界王:今次打擊樓價做得好呀!
官:小炒家離場,樓市穩定啦!
界王:小市民又會多謝你啦!
官:班議員都無得鬧啦!
界王:呀子威話佢地D樓唔受影響喎!
官:兩年之內唔賣咪唔受影響囉!
界王:咁我個小界王又可以大手大手咁入貨啦!
官:擺兩年嗻,你地又唔等錢洗o既!
界王:兩年後D貨係晒我地班大炒家手上,想賣幾貴都得啦!
官:小市民買唔起,你地都實唔會減價架啦!
界王:我地又唔等錢洗,再擺幾耐都得啦!
官:買得起就買,買唔起就唔好買囉!
界王:樓市升,賣地又升啦!
官:總之地產商,大炒家,同我地,有錢齊齊揾啦!
界王:幾時打擊埋股市D小炒家呀?
官:研究緊,一定有既!
界王:為官商勾結,唔係,係合作順利,干杯!
官:干杯!哈哈哈! \\"."//

偷換概念
Topic: 5後記 Afterword
請先看<提示>.

偷換概念,好似好難分辨,但係其實很簡單.

從最基本想清楚,根本只是引人犯上思考通病3種之中的其中1種吧.記得嗎?

1. 思考別人的說話當作思考問題本身.
2. 跟隨別人的錯誤方向去思考.
3. 根據沒有先行肯定對錯的論點作為思考的基礎.

任何形式的思考的問題,都離不開這3種思考通病.

記得,引至思考錯誤的,最重要的不是[思考的內容],而是[思考的方法]! ( ` ~ ` )

揪水,寸,道德高地
Topic: 5後記 Afterword
請先看<提示>.

揪水同寸,其實同人身攻擊一樣,都係講歪理既方式,請參考前文,不作多解.

寸,揪水,人身攻擊,合稱為歪理兵器譜頭3位,係專講歪理既蠢人所專用既.

道德高地,其實同揪水,寸,人身攻擊,又有什麼分別?

話人佔據道德高地,就等於解釋左自己無錯?解釋左人地錯?何謂道德高地?何謂道德平地?何謂道德低窪?邊個定?邊個有權定?你話係就係?

點解道德高地等於錯呀?唔係係道德低窪先至錯咩?點解你話人佔據道德高地等於自己啱呀?你既邏輯思考係咪有問題呀?

我話我至係道德平地,你至係道德低窪,得唔得?無論我係道德高地定道德平地,你都係係道德低窪,所以始終係你錯,點呀?

還記得我的小提示第10點嗎?"講不出點解,但堅持自己對人地錯,等於唔講道理."

知道點樣對付揪水,寸同人身攻擊了嗎? DNGF

人身攻擊
Topic: 5後記 Afterword
請先看<提示>.

怎樣才是人身攻擊?

跟問題有關,有解釋,有理由,即使是講人,都不是人身攻擊.

只講人壞話,罵人,跟問題無關,無解釋,無理由,就是人身攻擊.

只話人人身攻擊,卻不提自己比人講的問題到底如何,誰對誰錯,全無解釋,理由,都是人身攻擊.

人身攻擊以經係失敗的方法,話人人身攻擊就當自己無錯對方錯,更加係失敗的歪理! FXG