國恥
Topic: 5後記 Afterword
請先看<提示>.

點解日本仔侵略中國係中國既國恥?呢個問題我由細細個已經成日問大人,問到今時今日,問左幾十年,都無人答到我.

一個愛好和平既大肥仔,唔鍾意打交,無學過功夫,比一個好勇鬥狠,學過功夫,成日周圍蝦蝦霸霸既普通身形細路打,係邊個羞耻呀?唔係打人果個咩?比人打仲要羞耻呀?

人同國家既道理會唔同,會相反既咩?

定係因為大家都鍾意蝦蝦霸霸好勇鬥狠,但係大隻果個反而唔夠打,所以羞耻呀?咁即係兩個都唔係好人啦,比人打都抵死啦,仲要人同情你呀?羞耻?

有幾多人諗過呢個問題呀?再講多一次,唔好盲目咁信人講既野,自己諗清楚,唔好人話啱你話啱,人話錯你話錯.

點為之羞耻呀?羞耻唔係人地做既野令到你羞耻,係你自己做既野令到你自己羞耻!

日本仔侵略中國,唔係中國既國恥,係日本既國恥!我話既! \\/`.`\//

歷史自有公論
Topic: 5後記 Afterword
請先看<提示>.

穩定壓倒一切對嗎?無錯,應該穩定壓倒一切!

穩定壓倒一切,那應該壓倒貪污腐敗,還是壓倒反貪腐?應該壓倒濫權弄權,還是壓倒維權平權?

你不去壓倒貪污腐敗,弄到人民出來反貪腐,反而去鎮壓反貪腐?

你不去壓倒濫權弄權,弄到人民出來維權平權,反而去鎮壓維權平權?

如果你壓倒貪污腐敗,人民又怎會出來反貪腐?如果你壓倒濫權弄權,人民又怎會出來維權平權?

無錯,歷史自有公論,公論就是:

六四鎮壓是錯,應該鎮壓貪污腐敗,而不是鎮壓反貪腐!

鎮壓投訴豆腐渣學校是錯,鎮壓投訴毒奶粉是錯,鎮壓要求言論自由要求民主是錯,應該鎮壓濫權弄權,而不是鎮壓維權平權!

用人命換取經濟,更加錯!

穩定壓倒一切!  歷史自有公論!  六四鎮壓,就是錯!

話穩定壓倒一切是錯呀笨!那既然穩定壓倒一切是錯,因為這樣而鎮壓六四即是錯啦?

即是無論穩定壓倒一切是對還是錯,六四鎮壓都是錯啦!

是又死,不是又死,我看你怎死! \/'.'\/

打擊樓價
Topic: 5後記 Afterword
請先看<提示>.

界王:今次打擊樓價做得好呀!
官:小炒家離場,樓市穩定啦!
界王:小市民又會多謝你啦!
官:班議員都無得鬧啦!
界王:呀子威話佢地D樓唔受影響喎!
官:兩年之內唔賣咪唔受影響囉!
界王:咁我個小界王又可以大手大手咁入貨啦!
官:擺兩年嗻,你地又唔等錢洗o既!
界王:兩年後D貨係晒我地班大炒家手上,想賣幾貴都得啦!
官:小市民買唔起,你地都實唔會減價架啦!
界王:我地又唔等錢洗,再擺幾耐都得啦!
官:買得起就買,買唔起就唔好買囉!
界王:樓市升,賣地又升啦!
官:總之地產商,大炒家,同我地,有錢齊齊揾啦!
界王:幾時打擊埋股市D小炒家呀?
官:研究緊,一定有既!
界王:為官商勾結,唔係,係合作順利,干杯!
官:干杯!哈哈哈! \\"."//

偷換概念
Topic: 5後記 Afterword
請先看<提示>.

偷換概念,好似好難分辨,但係其實很簡單.

從最基本想清楚,根本只是引人犯上思考通病3種之中的其中1種吧.記得嗎?

1. 思考別人的說話當作思考問題本身.
2. 跟隨別人的錯誤方向去思考.
3. 根據沒有先行肯定對錯的論點作為思考的基礎.

任何形式的思考的問題,都離不開這3種思考通病.

記得,引至思考錯誤的,最重要的不是[思考的內容],而是[思考的方法]! ( ` ~ ` )

揪水,寸,道德高地
Topic: 5後記 Afterword
請先看<提示>.

揪水同寸,其實同人身攻擊一樣,都係講歪理既方式,請參考前文,不作多解.

寸,揪水,人身攻擊,合稱為歪理兵器譜頭3位,係專講歪理既蠢人所專用既.

道德高地,其實同揪水,寸,人身攻擊,又有什麼分別?

話人佔據道德高地,就等於解釋左自己無錯?解釋左人地錯?何謂道德高地?何謂道德平地?何謂道德低窪?邊個定?邊個有權定?你話係就係?

點解道德高地等於錯呀?唔係係道德低窪先至錯咩?點解你話人佔據道德高地等於自己啱呀?你既邏輯思考係咪有問題呀?

我話我至係道德平地,你至係道德低窪,得唔得?無論我係道德高地定道德平地,你都係係道德低窪,所以始終係你錯,點呀?

還記得我的小提示第10點嗎?"講不出點解,但堅持自己對人地錯,等於唔講道理."

知道點樣對付揪水,寸同人身攻擊了嗎? DNGF

人身攻擊
Topic: 5後記 Afterword
請先看<提示>.

怎樣才是人身攻擊?

跟問題有關,有解釋,有理由,即使是講人,都不是人身攻擊.

只講人壞話,罵人,跟問題無關,無解釋,無理由,就是人身攻擊.

只話人人身攻擊,卻不提自己比人講的問題到底如何,誰對誰錯,全無解釋,理由,都是人身攻擊.

人身攻擊以經係失敗的方法,話人人身攻擊就當自己無錯對方錯,更加係失敗的歪理! FXG

夾埋/=撈埋
Topic: 5後記 Afterword
請先看<提示>.

有關係的,互相影響的問題,就要夾埋來思考.

無關係的,沒有影響的問題,就不要撈埋來思考.

偏偏,有關係的問題,就分開不提.無關係的問題,就撈埋來講,誤導大眾.

有什麼例子?看我之前寫的,就知道怎麼夾埋相關的問題.看那些深層次矛盾,就知道政府怎麼撈埋無關的問題作解釋.

夾埋唔等於撈埋,請大家分清楚,看清楚,想清楚! +HGC

戰爭,軍隊
Topic: 5後記 Afterword
請先看<提示>.

戰爭都係由人發動的,而執行的是盲目遵循命令的軍隊.所以要阻止戰爭,軍隊的戒條要改,第一條唔係絕對服從命令,而係:

1A.任何人都唔可以進攻,只準防守.

1B.任何人進攻或命令進攻,其他人都有權即時逮捕佢,逮捕唔到就寧死不從.

防守既命令就應該絕對服從命令!只要全世界既人都遵守呢個規則,咁就唔怕比野心家同好戰份子利用.

咁鍾意打,自己打囉! TLS

政治爭拗
Topic: 5後記 Afterword
請先看<提示>.

我一開始已經講過,爭拗是因為不懂正確邏輯思考,又犯了3個思考通病,所以無論政改如何,就算有真普選,都只會爭拗永遠不斷.

所以要解決,只有一個辦法:

1.所有政府官員,局長司長特首,加上所有議員,一齊去上堂,搵幾個理科大學教授,學如何將邏輯思考運用於民生政治社會等問題,(理科大學教授應該識教邏輯吧!),每週一堂,唔識學到識為止.

2.每次立法局開會,請3個大學教授,去即場聽所有政府官員議員同被傳召人士發言,3個有2個教授話你發言無邏輯,政府官員同被傳召人士就要認錯,議員就無論贊成定反對,都唔準投票,只準投棄權票.(3個有2個教授話你無道理無邏輯,你都唔好意思投票啦掛?)

咁樣就算政改係假普選,甚至無改過,都唔怕解決唔到政治爭拗啦!

其實法庭都應該一樣,請3個大學教授去,無邏輯就唔可以做証供,唔可以做抗辯理由,唔可以做控罪理由,唔可以做判詞啦!

法律都應該搵理科大學教授重新寫過啦,法律係應該清清楚楚比人知道自己有無犯法架嗎,有乜理由一般人係睇唔明,唔知道自己有無犯法架?淨係律師同法官睇得明既,係打羸官司既技巧,唔係法律!  凹`凹`凹`凹`凹

深層次矛盾
Topic: 5後記 Afterword
請先看<提示>.

貧富懸殊,低收入,最低工資廿蚊?

高樓價,買唔起,做假交易,炒高樓價,縮水樓,屏風樓,又唔立法,又無皇管!

污染,環保,食物標籤,又講十幾年,又過唔到立法會功能組別!

體育,休閒設施,又唔夠,又比晒D地去起樓!

文化,西九,又無大戲份,變地產項目!

仲有舊啟德發展,高鐵,菜園村,保育,重建.......!

全部都有解決辦法,但係因為功能組別,應過過唔到,唔應過又過左!

所有政治,社會,民生,經濟,環保,體育,文化,全部深層次矛盾,根源就係功能組別!

中央政府成日話香港有深層次矛盾,要特首同香港政府搞點佢,但係又唔比人解決,取消功能組別,咁自相矛盾,咁即係想點?

深層次矛盾,其實唔係係香港社會到,係係中央政府班領導人個腦個到!

搞點佢地咪解決到香港既深層次矛盾囉! 凸.凸.凸.凸.凸