講大話
Topic: 7證 Proof
請先看<提示>.

事情:人人講大話.

問題1:問題係?
問題2:問題呢?

解題:
-----------
無中生有講大話:作大,認叻.
因為想生存.

講過唔認數講大話:言而無信,不負責任.
因為想生存.

隱瞞事實講大話:避免誤會,避免傷心.
因為想生存.

做錯事講大話:怕鬧怕罰怕死.
因為想生存.

各式各樣講大話:開心,搞笑,呃神騙鬼,讚老細,....
因為想生存.

大話揭穿:更好生存?
比人講大話欺騙:更好生存?
為怕比人發現講大話而擔心:更好生存?

研究對人講大話:用好多時間,精神,智慧.
研究有無人對你講大話:用更多時間,精神,智慧.
更好生存?
-----------

答案1:因為想生存,所以講大話.
答案2:因為想生存,更唔應該講大話.(就算為好心.)

以證:講大話,以為好聰明,其實係死蠢.

結論:唔講大話,就係真正成功既自私,就係真正成功既生存方式!

得分:-絕招風雷電/10

散沙
Topic: 7證 Proof
請先看<提示>.

事情:中國人就係一盤散沙.

問題1:點解係散沙?
問題2:點解唔係散沙?

解題:
-----------
以理服人,以德服人.

服從:合作,團結.

唔服:散沙.

一個正確思考同三個思考通病:有邏輯推理.

上司有正確思考:以理服人.
上司無正確思考:下屬唔服.

下屬有正確思考:會點呢?------上司有理-服,無理-唔服.
下屬無正確思考:又會點呢?------堅持自己對上司錯,唔合作,唔團結.

警察,軍隊,第一規條:絕對服從上司既命令,唔係散沙.
運動隊伍,各樣組織,無第一規條:唔服,散沙.
-----------

答案1:上司下屬都無正確思考,就係有自我意志既散沙,勉強算係人,唔係機械人.
答案2:盲目服從,就唔係散沙,係團結既機械人.團結,但唔盲目服從,就係?------人!

以證:散沙,代表中國人有思考,唔盲目,但係唔識一個正確思考同三個思考通病.

結論:人人學識一個正確思考同三個思考通病,就係真正成功既自私,就係真正成功既生存方式!

得分:-超人死光/10

乜都叻
Topic: 7證 Proof
請先看<提示>.

事情:國家領袖,高官,有人乜都識,乜都叻,問乜都識答,乜都啱.

問題1:有人乜都叻?
問題2:應該乜都叻?

解題:
-----------
何謂選賢與能?
選賢良,有能力的人做總統,議員,司長局長.
錯!

何謂民為貴,君為輕?
公僕,服務市民.
錯!

能力越大,責任越大?
錯!

依賴叻人,聖人,神?
錯!

選賢與能,只是選出,再頒獎,鼓勵.
賢人能人,為什麼要服務市民,普通人反而更貴,更高等?
能力大,責任大,還有否平等?
普通人對社會無責任,可全依賴叻人,聖人,神?

全世界無數人研究哲學,教學,科學,醫學.....,解決社會既問題,盡自己對社會既責任.
-----------

答案1:無人乜都叻.
答案2:無人乜都識,無學過無見過無聽過無諗過就唔識,唔識就話唔識,唔好唔識都扮識.

以證:唔好求到支簽話有張良,就一味係到等張良!唔好預言話有救世主,就一味係到等救世主!每個人都係張良,每個人對呢個世界都有責任.

結論:你唔係乜都識,但係社會大家都有份,都有責任,一定要思考,知道有問題要出聲,講出錯處,點樣改點樣做先啱,唔可以避.繼續依賴叻人解決社會既問題,唔負責任,抵你永世都咁窮,無好日子過.

得分:-LOG(pi)/10

好哲學
Topic: 7證 Proof
請先看<提示>.

事情:幾千年來,古今中外,好多人研究哲學.

問題1:何謂好哲學?
問題2:何謂壞哲學?

解題:
-----------
高深,完整,無漏洞.
專家至識,普通人無學過,解釋都唔明.

有獎攞又點?班專家話勁又點?
無人明,無人用,對世人無幫助,有乜咁好?

易學.
易用.

人人學得識,聽得明,用得著.
解決到9成做人處世問題,有用,好用!
-----------

答案1:你答啦.
答案2:請你答.

以證:研究哲學點解比人話無用?9成人聽唔明,又完全無見得到既用途,點會有人認同哲學?

結論:一個正確思考同三個思考通病,就係好哲學,嗎?

得分:-0.987654321/10

UFO
Topic: 7證 Proof
請先看<提示>.

事情:外星人有UFO.

問題1:UFO代表什麼?
問題2:點睇UFO?

解題:
-----------
驚?
侵略?
搶資源?

外星人有UFO:高科技.
高科技:高智慧.
高智慧:理性,文明.
理性,文明:侵略?和平相處?

成功既生存方式:請參考[人人有責任]一文-----我講既野,唔單只講比呢個世界聽架,淨係得自己個星球好,都唔係真係會好架,只有所有星球都好,呢個宇宙先至真係會好架,聽唔聽到呀?ufo!

UFO:星際穿梭.
星際穿梭1次:等於全球每年消耗幾多萬億倍能源,資源?
用大量能源,資源:為搶小小能源,資源?

UFO到地球:要幾錢?
星際穿梭如果要錢:超級富豪旅行?
星際穿梭如果要錢:有無國家夠錢?

UFO到地球:為乜事?為左威?滿足個人慾望?
潛落萬米海底:為乜事?
走近火山口:為乜事?
外星人玩UFO,你仲玩緊飛機遊艇,好成功好威好有滿足感?好醜呀!
-----------

答案1:只要提高智慧,根本有足夠能源,資源玩UFO,爭乜鬼,鬥乜春?
答案2:好驚呀!侵略呀!搶能源,資源呀!星球大戰呀!........要打幾千年前一早打左啦!白痴!

以證:外星人已經玩到UFO,黎左地球幾千年,仲鬥乜鬼呀?幾時先追得上呀?

結論:如果外星人都要搵錢,無可能有UFO!

得分:9*連珠x黑洞爆炸/10

原本意思
Topic: 7證 Proof

請先看<提示>.

事情:古人智慧.

問題1:如何理解?
問題2:如何留傳?

解題:
-----------
古文難明,需要解釋.
不斷有人解釋古文意思.
結果不斷演變,再非原文意思.

應該解釋個別字詞,而非解釋全文意思.
讓人讀原文原句,自己領悟.

但領悟不同,一樣會不斷演變,再非原文意思.
繼而分裂,立派系,鬥爭,爭論.
例子:佛教,天主教,回教......

原因:只記錄結論,無記錄思考過程.
因而:有不同領悟,不同解釋.
-----------

答案1:讀原文原句,根據字詞解釋,自己領悟原本意思.
答案2:留傳後世,要記錄結論,更要記錄思考過程.

以證:古人智慧不低,但錯在一.無記錄思考過程;二.無教人學識思考及思考通病.

結論:我講的都是錯的,不要信我,信自己的思考與分析.

得分:+-167/10

定問題
Topic: 7證 Proof
請先看<提示>.

事情:正確思考方法,第一步要先確定問題.

問題1:如何確定問題?
問題2:如何否定問題?

解題:
-----------
問題,題目,的思考,都係思考.
所以,問題,題目,的思考通病,即係思考通病.

三種思考通病,次序,由常犯開始.
定問題,題目,要由重要性開始.
所以,次序,倒轉.

例1:宗教
三種思考通病:
3. 根據沒有先行肯定對錯的論點作為思考的基礎.
"應否信神?"
錯誤論點:假定有神.
正確論點:有無神?
2. 跟隨別人的錯誤方向去思考.
"有無神?"
錯誤方向:我要知有無神.
正確方向:為何要知有無神?
1. 思考別人的說話當作思考問題本身.
"為何要知有無神?"
別人的說話:神幫你做好人.
問題本身:我應該如何做好人?
0. 確定問題.
"我應該如何做好人?宗教神鬼跟我應該如何做好人有沒有關係?"

例2:講大話
三種思考通病:
3. 根據沒有先行肯定對錯的論點作為思考的基礎.
"係人都講大話?"
錯誤論點:只有人講大話.
正確論點:動物會否講大話?
2. 跟隨別人的錯誤方向去思考.
"動物會否講大話?"
錯誤方向:所有生物,嬰兒都講大話.
正確方向:為何講大話?
1. 思考別人的說話當作思考問題本身.
"為何講大話?"
別人的說話:講大話對自己有好處.
問題本身:應否講大話?
0. 確定問題.
"應否講大話?講大話好還是不講大話好?"

-----------

答案1:先否定錯誤問題,從而得出正確問題本身.
答案2:運用三種思考通病,倒轉次序分析.

以證:思考題目都係思考.確定問題的思考通病,都係一般思考通病.

結論:學識思考通病,才能真正思考,否則,一切思考,都是垃圾.

得分:-109700/10

識思考
Topic: 7證 Proof
請先看<提示>.

事情:思考.

問題1:為何學思考?
問題2:如何教思考?

解題:
-----------
老子講道德經:只講道理,無講如何得出道理.
佛祖講佛經:只講道理,無講如何得出道理.
耶穌講聖經:只講道理,無講如何得出道理.
穆罕默德講道可蘭經:只講道理,無講如何得出道理.

孔子講學:不只講道理,更重要講如何得出道理.(學而不思則罔,思而不學則殆.)

曾子,孟子,子思:只講道理,無講如何得出道理.
結果:孔子既道理變成垃圾規條!

無人可以乜都識,可以講出將來發生既問題,可以指出未來不斷出現既歪理.

請參考[馬克思哲學]一文之以證:教人學識正確思考方法,重要過講出自己的思考結論.
自己思考得出既道理唔重要,最重要係教識人思考,令人可以思考得出相同既道理!
-----------

答案1:所有人可以自己想出道理,而非死記道理.
答案2:不只講道理,更重要講如何得出道理.

以證:教學,唔係教人記得道理,而係教人記得思考.(子曰:不憤不啟,不悱不發,舉一隅不以三隅反,則不復也.)唔單只要思考,仲要用正確既方法思考!

結論:我講既道理唔重要,你識思考先至最重要!

得分:-11000/10

撮要四(依賴,責任)
Topic: 6講 Talk
請先看<提示>.

我無講過我係好人,我係壞人,我講既野都係錯既,唔好信我,信自己既思考同分析.我講左咁多次,都係想大家學識正確既思考方法,唔好盲目信人.

好似呂布咁,人地話佢反骨,係壞人,你就話佢係壞人.我話呂布係好人!因為佢既軍師係陳宮.陳宮係邊個?就係因為曹操一句"寧教我負天下人,莫教天下人負我"而同曹操分道揚鑣既人.好明顯陳宮係唔會幫奸人,佢幫得呂布就肯定認為呂布係好既!

呂布點解殺丁原又殺董卓呀?因為比董卓呃以為丁原係壞人所以大義滅親,之後因為王允同貂蟬令佢知道董卓先係壞人,滿朝文武同皇帝都想殺佢,呂布知錯能改殺董卓,咁有咩唔啱呀?你最多話佢唔夠醒比人呃,武將唔夠醒好出奇呀?醒就唔使請軍師啦!得幾多個武將醒呀?

完全盲目,一句係反覆小人,就個個將知錯能改大義滅親既呂布當係反骨仔!點為之反骨仔呀?唔幫好人走去幫壞人先叫反骨仔!唔再幫壞人走去幫好人,叫做改邪歸正!我今日就要為呂布正名!呂布唔係反骨仔,呂布係知錯能改,大義滅親,萬夫莫敵既忠臣,係真英雄!

仲有孔子,孔子既中心思想係仁,錯,錯晒!孔子係無中心思想既,論語提到最多是仁,係因為論語主要是記錄學生主動問孔子答,而非孔子主動講給學生知.學生問得最多,並不表示孔子最注重.要知道孔子最注重什麼,便要知道孔子最喜歡那個學生.

孔子最喜歡的,是顏回.顏回最好的是什麼?是聞一知十,是舉一反三.那代表孔子最注重什麼?無錯,是思考.不懂思考,只懂死記教條,怎能舉一反三,怎能聞一知十?面對不同問題,不是死記以仁為本,而是懂得思考解決方法,才是孔子最希望學生可以做到的.將以仁為本當作孔子的中心思想,實在是太小看孔子啦!

所以唔好再依賴神,聖人,叻人,要學懂思考,更加要學懂知錯能改,這個世界才會有美好的將來,否則,繼續有盲目的人,世界就永遠不會有好日子過.

雖然有D野我講得好慷慨激昂,但係我要既係冷靜既思考,唔係盲目既熱情.我都係為解決問題而討論,唔係為拗贏而拗.我太理性?成日講邏輯?係你太唔理性,太感性唶!我講既大部份都只係一步既邏輯思考,何來太理性?中庸之道,平衡理性與感性,係咪?

我講既野,每個人都應該學得識,只要大家都識一步既邏輯思考,世界就可以解決9成既問題,將來既人如果學識兩步既邏輯思考,就可以再解決9成既問題,如果一步既邏輯思考都話學唔識,咁就乜都唔使改,當我咩都無講過,大家繼續捱,一世比有錢佬欺壓!學思考其實不難,我出左名親朋戚友都知道我又蠢又鈍,我都做得到,還有誰做不到呢?

唔好求到支簽話有張良,就一味係到等張良!唔好預言話有救世主,就一味係到等救世主!每個人都係張良,每個人對呢個世界都有責任,唔好好似十個救火的少年咁,火唔燒到埋黎都唔幫手救火,淨係係到睇,人地救唔到犠牲左仲要話人,到火燒到埋黎,結果自己都燒埋,就無得救!夠膽做壞事,不是勇氣,是無勇氣,是無勇氣對壞人說不,是無勇氣維護正義.夠膽做好事,才是真真正正,有勇氣!大家攞出你地既勇氣出黎,一齊出手,解決社會既問題!

仲有,而加大家最緊要做既係救人,救災,唔好再掛住揾錢啦,幫助各地既災民先啦!

我已經盡左我做人既責任,以後既事就係你地既責任!講完我就走架啦,唔好諗住依賴我.我唔係神,唔係聖人,唔係乜都識,無學過無見過無聽過無諗過就唔識,唔識就話唔識,唔會唔識都扮識.我應該會比權貴有錢佬溶左,人間蒸發,或者比共產黨捉去,判煽動顛覆國家,即時槍斃.今晚之後都應該唔會再見到我,見到都當見我唔到,廢事煩.

詳細既唔講啦,要講起碼講三,四個鐘,想知可以搵番前面睇,我已經寫晒係呢個blog,最緊要由尾睇起,由最舊睇起,唔係倒練真經,經脈逆流,走火入魔,唔關我事.

最後講多次,我係壞人,我講既野都係錯既,唔好信我,信自己既思考同分析.我可能特登講D錯野,黎比你地諗下啱唔啱架.  BYE

撮要三(改革)
Topic: 6講 Talk
請先看<提示>.

都話我講既野都係錯既,唔好信我,信自己既思考同分析囉!你應該答"唔!我諗到啦,啱!"係你諗到啦啱,唔係我講得啱,知唔知?我地要用家庭既運作模式,同全世界既人一齊,重新建立一個新既社會,解決社會既問題.最重要既原則,依次係:第一係平等,第二係自由,跟住係公正,法治,民主,同埋和平.大前提係環保,同可持續發展.要成功咁生存,無適合生存既環境點生存?

如果用這種模式運作,有好多好處.很多無必要的功作已經可以不用存在,浪費資源,能源,起碼同錢有關的職業可以消失,亦沒有必要因為令人有工作賺錢,而去製做職位,製造相同的工作,產品,作無謂競爭,浪費.這樣最少3分之2的工作可以減少,即一般人只要肯做10年工,即30歲就可以退休.之後就可以做有意義的事,做義工,結婚生子,教育子女,照顧父母.好過現在人人沒有時間與家人相處,老人沒人理,孩子沒人教.放且現今社會複雜,父母應該用更多時間教導,關心子女,幫助子女發展.有時間更加可以研究自己有興趣的科學,哲學,醫學,社會學,宗教,人際關係,教育,沙漠化,環保.....等,好過現在99.999%人只用腦筋去研究揾錢,但是卻連錢的失敗也沒人研究.我相信到時人類的進步將會快幾百倍!(因為現在只有0.001%的人用腦研究去令人進步,而不是100%!)

還有就是可以減少很多犯罪,黑社會,社會衝突.只要肯做10年工,就可以以後有飯食,還有誰願意做黑社會?去種毒品,賣毒品,研製新毒品?誰人不想做好人?不怕無工做,無錢開飯,還有誰去偷搶騙,去做妓女,去操控妓女,去拐賣婦女兒童?去偷渡,去走私,做貪官污吏?去為了賣軍火,去引發衝突,去製造戰爭?沒有無謂的壓力,有誰會去搞破壞來發洩?沒有錢,何來賭?何來賭徒問題?當然,世界唔會無問題,唔會無人痴線,但會少好多!住在無資源,無好農地,永遠無可能富庶地方的人,就要去幫佢地.可以唔幫嗎?換轉你是他們,你說可以怎樣?

不可用什麼分數呀,記錄多少工作可作多少活動呀買珍貴物品食品呀等方法.不要以為沒有錢字就得,錢,只是一個名,實際是記錄個人所得多少的任何方法都一樣.只有像一家人一樣,不計多少,才不會同錢一樣失敗的!

實際要點做?我會講個大慨,詳細既留番比後生仔去諗,等你地有機會思考下,唔好乜都我講晒.無國家,種族主義,一個不用錢運作的社會,所有人都可免費讀到高中,18歲不論男女做2年軍訓,20到30歲做工,包括政府工,之後退休,結婚拍拖生小孩,做義工,做研究,照顧父母.軍訓並非教打仗,是教災難應變,如何分工合作,是救援軍.到有災難既時候,所有人都識得點應付同幫手.所有工都是頭2年由上一任帶,學習,6年時間全力工作,最後2年再帶下一任,10年後完成退休.無升職,無轉工,除非有病或者受傷唔做得.

唔會有老人政治,唔會有政黨政治,全部係20-30歲後生仔女,做政府官員.無經驗,點都好過只識玩權力玩政治既經驗,所以政府再無秘密會議秘密檔案,所有會議都要公開直播比市民監察.首先由理科同哲學既大學生接管政府,做決策,由理科同哲學既大學教授比議見,再慢慢過渡到正常結構既政府,即係20-30歲既人都有.地產商,大企業?主席,董事會,總裁,都係20-30歲後生仔女電腦抽籤.富豪?無啦!大家唔使再比有錢佬欺壓啦!

教育自然要改革,應該訓練正確思考,唔係訓練工作技能,另外要教同家人相處,同其他人相處,仲有教應變能力,處理壓力,領導能力,耐性,人際關係,分析能力,社會和諧,心理,記憶力,意志,定力,集中力....等等的訓練,唔好唔記得教有災難要點做,先唔會混亂,先唔會鹽都走去搶!

宗教,是學術一種,喜歡可以研究,但沒有工做.喜歡可以信,但不應傳教,應由每個人自己決定.其實只要認認真真去做個好人,認認真真去解決問題,事情因為應該而做,因為對而做,因為不應該而不做,因為錯而不做,而不是做自私自利的假好人,因為對自己有好處而做好事,因為對自己有壞處而不做壞事,就得啦,又何需理會有無鬼神呢?

唱歌演戲運動員,30後吧.簡單一句,不是必需的,30歲後做吧.其他各行各業,不能盡錄,自己思考思考吧!

這樣的社會,無競爭,無進步?証據呢?競爭必須單打獨鬥嗎?公司,學校,國家,不須團體合作嗎?集合全球智慧不會更好嗎?不為競爭而競爭,才是真進步.不為個人,金錢而思考,為各人各種不同興趣,專長,為全人類而思考,絕對有更加大進步.

咁樣改革之後,自然就做到人人平等既社會.平等,不是講先天後天條件,是如何對待自己,對待別人.這才是平等的真正意思,所以不用分男女平等,宗教平等,種族平等,兒童老人平等......,只要對任何人,都跟對自己一樣,不會因為不同人就不同的對待,你就成功做到人人平等!