同類問題,不同情況
Topic: 5後記 Afterword
請先看<提示>.

你講既同我講既都完全唔同!

係唔同情況呀,但係係同類問題喎!

同一條道理,只要是同類問題,就算在不同情況,都一樣可以用,可以解釋.

如果唔得,就係歪理.

你用係人地身上就得,我用係你同你屋企人身上就唔得?對我黎講,你同人地,都係人地黎嗻,有乜唔同呀?

記唔記得自己既道理,要點樣呀?  TLD4

撮要精華
Topic: 6講 Talk
請先看<提示>.

首先,我要講以下既野,係因為我"忍無可忍,我要出手,解決社會既問題!"

點解忍無可忍?討論左幾十年,但係最關鍵既問題都唔討論,咁又有乜用?政府一句唔做,你吹呀?保皇黨投反對票,你咬佢食呀?呢個先係最關鍵既問題呀嗎!唔解決呢個問題,討論其他問題又有咩意思呢?學瘋show快活人話齋,你等多三百年都解決唔到問題啦!而加個問題係咩野?就係無論官員發言有無道理,你都阻唔到佢做定唔做,無論議員發言有無道理,你都阻唔到佢亂投票!所以要揾理科既大學教授評定佢地講既野有無道理,有無邏輯先得加馬!官員無邏輯,唔該再解釋,解唔到唔該收番,唔可以咁做!議員無邏輯,唔該再講過,唔係無得投票!咁先可以阻止政府亂施政,議員亂投票加嗎!啱唔啱?

唔啱!係呢到,我要先強調我既格言:我講既野都係錯既,唔好信我,信自己既思考同分析.

而加既政府,根本就係假施政,假立法,假民主!法庭都一樣有呢個關鍵既問題.就係因為呢個漏洞,無人評定法官講既野有無邏輯,令到佢地鍾意點判就點判!呢D叫做法治咩?呢D叫做假法治?仲有警察同軍隊既第一規條呀係咩呀?絕對服從上司既命令!佢地既上司係咩野人呀?梗係同權貴有關係既人黎架啦,佢地既命令就梗係保護D權貴同有錢人啦,點會企係市民呢邊保護市民呀?做人做咩都唔可以盲目架啦,點可以有咁無邏輯既規條呀?仲要係第一規條?而加既警察同軍隊,根本就係假警察,假軍隊!

根本全世界既政府都係揾笨,全部都有呢個無邏輯既漏洞,等D權貴可以玩政治,玩權力,玩市民,操控成個政府,變成佢地既私人政府!全世界都係權貴既世界!有錢佬玩晒,市民永遠無運行!大家如果唔想咁樣,所有人就要一齊企出黎,學識正確既思考方法,堵塞呢個漏洞,改革政府,改革軍隊,咁先可以真正解決社會既問題!

講左咁耐無邏輯,究竟點先至算有邏輯?邏輯分兩部份,兩樣都同時有,先至算有邏輯.第一,講既道理同問題之間要有邏輯關係,第二,講既道理本身要有邏輯.至於道理本身既邏輯,就即係用正確既思考方法,要講得出整過思考過程,同時無犯到三個思考通病.正確既思考方法好簡單,就係:先確定問題,直接思考問題本身,逐步追尋問題的根源,找出解決問題根源的方法,再反方向逐步推論,看是否能解決原本的問題.三個思考通病亦都好簡單,就係:1. 思考別人的說話當作思考問題本身.2. 跟隨別人的錯誤方向去思考.3. 根據沒有先行肯定對錯的論點作為思考的基礎.辯論係要解決問題,係要睇下邊個講既野啱,邊個唔啱!講理由係要用正確既思考方法,係要有邏輯!咁樣既辯論先有意思,咁樣既發言先有用加嗎!

要真正咁解決社會既問題,除左要解決關鍵既問題,更重要係解決根本既問題!乜野係根本問題?就係呢個社會既運作模式.即係用錢黎運作既社會模式!錢是由以物易物[演變]而成的,並非由聰明人經過分析,研究,証明可行才開始使用的.用最簡單的例子就可以証明,係最完美既情況之下,都唔可能人人有錢賺,何況現實,係有天災人禍,有老弱傷殘,有高矮肥瘦?用錢黎運作,係永遠都會有窮人,係會不斷咁製造窮人,所以係唔可行既!

係呀!我講既野都係錯既,唔好信我,信自己既思考同分析.

你越賺得多錢,只會令別人更窮,令社會更不安定,而不會令生活更安定的.金錢不是萬惡之源,只是沒有人研究過,由社會自然演變而成的失敗[發明]吧!那到底應該怎麼改呢?其實現實是有可行方法,仲係用左幾千年,恆之有效既模式,就是家庭的運作模式啦!即是互相之間幫忙,做事,不計錢啦!原來不計錢好地地,一計錢便大問題,跟本沒可能解決!相反,現在全球的貧富懸殊問題,如果不計錢,當全世界是同一個家,互相幫忙,互相照顧,一樣可以變得好地地.

呢個根本問題同關鍵問題,其實點解會發生?都係源於人類既原始本性,即係想生存,即係想自己好,即係自私,即係人之初性本善,即係人之初性本惡!蠢人自私,就只會對自己好,就以為真係會好,無諗過人地唔好,對自己有咩影響.只有人人都好,自己先至真正會有好日子過!人無分自唔自私,無分性本善性本惡,只有分聰明人,同蠢人.你,係邊種?淨係得自己好,係失敗既自私.所有人都好,先至係成功既自私!先至係真正成功既生存方式!所以家庭既運作模式,就係成功既社會運作模式!

都話我講既野都係錯既,唔好信我,信自己既思考同分析囉!

用家庭既運作模式,有好多好處.很多無必要的功作,浪費資源,能源,同錢有關的職業可以消失,亦沒有必要因為令人有工作賺錢,而去製做職位.這樣最少3分之2的工作可以減少,即一般人只要肯做10年工,即30歲就可以退休.之後就可以做義工,做研究.還有就是可以減少很多犯罪,黑社會,社會衝突,更沒有賭徒問題.不可用什麼計分數的方法,不要以為沒有錢字就得,錢,只是一個名,實際是記錄個人所得多少的任何方法都一樣.只有像一家人一樣,不計多少,才不會同錢一樣失敗的!

我講既野,每個人都應該學得識,只要大家都識一步既邏輯思考,世界就可以解決9成既問題,學思考其實不難,我出左名親朋戚友都知道我又蠢又鈍,我都做得到,還有誰做不到呢?

唔好求到支簽話有張良,就一味係到等張良!唔好預言話有救世主,就一味係到等救世主!每個人都係張良,每個人對呢個世界都有責任,唔好盲目依賴,唔好死記教條,要學識正確既思考方法,去解決每日遇到的問題.唔好好似十個救火的少年咁,火唔燒到埋黎都唔幫手救火,淨係係到睇,人地救唔到犠牲左仲要話人,到火燒到埋黎,結果自己都燒埋,就無得救!夠膽做壞事,不是勇氣,是無勇氣,是無勇氣對壞人說不,是無勇氣維護正義.夠膽做好事,才是真真正正,有勇氣!請大家攞出你地既勇氣出黎,一齊出手,解決社會既問題!

仲有,而加大家最緊要做既係救人,救災,唔好再掛住揾錢啦,幫助世界各地既災民先啦!

詳細既唔講啦,要講起碼講三,四個鐘,想知可以搵番前面睇,我已經寫晒係呢個blog,最緊要由尾睇起,由最舊睇起,唔係倒練真經,經脈逆流,走火入魔,唔關我事.最後講多次,我係壞人,我講既野都係錯既,唔好信我,信自己既思考同分析.我可能特登講D錯野,黎比你地諗下啱唔啱架.講完.  BYE

小提示8
Topic: 2提示 Hint
17.自己話啱既道理,唔該你先用一次係你自己同你屋企人身上,都要大大聲聲話啱,先至好攞出黎講,叫人信,叫人做,唔係就唔好講出黎,晒人地時間聽你講廢話!

18.辯論唔係比你玩表情語氣聲調去計分,辯論既目的,係要解決問題,係要睇下邊個講既野啱!

19.邏輯分兩部份,兩樣都同時有,先至算有邏輯.第一,講既道理同問題要有邏輯關係,第二,講既道理本身要有邏輯.至於道理本身既邏輯,就即係用正確既思考方法,要講得出整過思考過程,同時無犯到三個思考通病.

20.做人既第一戒條,所有人都應該要遵守既,就係:絕對"唔可以盲目咁"做人!

21.講野要人自己諗得明先得!淨係一味我話係就係,叫你信就信,一知半解咁,有乜用呀?
淨係自己識得諗,人地唔識,咁有乜用呀?你死左咁點呀?淨係識聽得明,唔識諗得明,咪又係解決唔到問題!

女人被動
Topic: 5後記 Afterword
請先看<提示>.

女人為何這麼被動?

你要浪漫,但你不會主動製造浪漫,要等男人製造浪漫!你既然要浪漫,為何不主動製造浪漫,而要等男人製造浪漫?

你喜歡風趣幽默,聽笑話,但你不會主動講笑話,要等男人講笑話!男人不風趣幽默,你就話人不風趣幽默,不懂講笑話,無情趣!無情趣的,不是你嗎?

你要人專重,但你有專重男人嗎?當你用尖酸刻薄的言語侮辱男人,鬧男人時,你值得專重嗎?因為男人不可以打女人,鬧女人,如果打你就是男人錯,你就可以肆無忌憚,有持無恐地侮辱,激怒男人?令自己由加害者變成受害者?

己所不欲,勿施於人,你懂嗎?

學會主動吧!不是主動行動,是學會主動付出,不要只會被動接受!付出,明嗎?  lol

人人有責任
Topic: 6講 Talk
請先看<提示>.

仲有姜子牙,佢唔係偉人!

幾千年的歷史証明,只得一個姜子牙是老年都無退步,但結果卻令人人以為自己也是姜子牙,一樣可以6,70歲有能力做大事,結果令中國比老人政治害苦幾千年!就算你幾叻,你都唔應該等運到呀!你怎可完全依賴算命呢?算到自己會做丞相,就乜都唔做,只係去釣魚,仲要用直鉤玩願者上釣!你應該收徒弟將自己所學傳授下一代呀!等年青人去繼承去完成去運用你的所學呀!所以無論姜子牙你幾叻都好,做過幾多好事,但你的行為,教壞細路等運到,依賴算命,教壞老人戀棧權力,令中國受害幾千年,這個最壞的影響,比任何其他人的錯都嚴重,在我眼中,你是最最最大罪的千古罪人!

老人的經驗有用,但都不及有天才的年輕人,就如孔明勝曹操.所以重要決策都應該留給20-30歲的年青人,老人的經驗可以提點,建議,將自己所學傳給年青人,但不應話事.無論對錯都讓年青人自己決定自己承擔結果.讓自己受年青人尊重而不是受人咒罵,比証明自己是另一個姜子牙但失敗,好得多啦,係咪?

我自己一過30歲之後,都發覺急速退步很多,我講既野9成都係30歲之前諗既.所以我已經決定30歲之後都不會爭話事,希望將來有日,世界都不再受老人政治所累,就可喜可賀啦!

雖然有D野我講得好慷慨激昂,但係我要既係冷靜既思考,唔係盲目既熱情.我都係為解決問題而討論,唔係為拗贏而拗.

唔爭在簡單講埋結婚,拍拖,性呢個問題.

拍拖,結婚,性是原始本能,都是成年人都想,好正常的.但拍拖不應該跟配偶以外的人拍,浪費時間,精神,金錢,心思,最緊要是浪費感情在不是配偶的人身上,幾年後,啊,分手,又再搵第二個拍拖,又浪費時間,精神,金錢,心思,感情幾年,啊,又分手,不蠢嗎?所以次序應該是,結婚,拍拖,性.無人話結婚就一定要即刻訓同一將床,同一間房,即刻要有性.先結婚,成為一家人,一起生活,然後慢慢拍拖,培養感情,同時慢慢了解對方,慢慢適應,遷就.到感情深厚,先同一間房同一將床,到想生仔女或者雙方都想,才有性.

雖然方法夠合情合理,但問題能否真正解決,最重要還是大家能否做到平衡,平衡感性與理性,平衡個人與社會,平衡自由與責任.如果仍然只要愛情,性,自我中心,只顧滿足自己意願,不理後果,不肯遷就,相量,不理對自己,家人,子女,社會的責任,那麼如何可行的解決方法,都解決不了問題的!

我太理性?成日講邏輯?係你太唔理性,太感性唶!只係一步既邏輯思考,何來太理性?中庸之道,平衡理性與感性,係咪?

我講既野,全部都只係一步既邏輯思考,每個人都應該學得識,只要大家都識一步既邏輯思考,世界就可以解決9成既問題,將來既人如果學識兩步既邏輯思考,就可以再解決9成既問題,如果一步既邏輯思考都話學唔識,咁就乜都唔使改,當我咩都無講過,大家繼續捱,一世比有錢佬欺壓!

學思考覺得難其實不難,學思考覺得難,係因為無實際感覺,即係五觀實際的感覺,令你知道你學到做到什麼,做到幾多,幾好.但係學思考就無.所以要令到有實際感覺,感覺到思考有進步.上學根本就是在訓練思考,由幼稚園,到小學,中學,到大學,由123,到加減數,到三角幾何,每一堂都在訓練你思考,由淺入深,由能夠思考1秒鐘,到能夠思考1分鐘,10分鐘,一個鍾,你已經懂得有步驟去思考,而不是胡亂去思考,你已經有能力長時間思考,而不會混亂.感覺到思考有進步啦?

但到底要怎樣訓練呢?最重要是運用科學,數學所用的思考方法-[續步續步的由問題推論到答案],來思考做人處世的問題.要習慣用於非科學問題上並不易,所以可以用[反正推論法].

先由答案開始續步推論到問題,知道問題與答案的關係,再由問題續步推論到答案,就可以續漸讓你習慣用這種方法去思考問題.例如:點為之成功既生存方式?要人人都好,自己先至真係好,先係成功既生存方式,所以點為之成功既生存方式?就要自己真係好,就要做到人人都好.這樣就可以讓你慢慢習慣由問題續步推論到答案,最後不用先由答案開始推論到問題,都可以由問題推論到答案.很簡單的訓練吧?!

要思考做人處世的問題,就要學懂思考方法,要學懂思考方法,就要訓練思考,要訓練思考,就要先學懂續步推論,要學懂續步推論,就要用心上學,通過不同科目的訓練,才能成功.所以為什麼要上學呢?上學就是要通過不同科目的訓練,來學懂續步推論,然後可以訓練思考,達至學懂思考方法,最後可以思考做人處世的問題.明嗎?

要練習思考,保持思考能力,最好是用[反正推論法],練習去思考學校學的問題,然後嘗試思考日常社會發生的問題,不要未學行先學走,一開始就思考社會民生問題.保持運用思考的能力.每日用15分鐘,不難吧?!我出左名親朋戚友都知道我蠢鈍,我都做得到,還有誰做不到呢?

唔好求到支簽話有張良,就一味係到等張良!唔好預言話有救世主,就一味係到等救世主!每個人都係張良,每個人對呢個世界都有責任,唔好好似10個救火的少年咁,火唔燒到埋黎都唔幫手救火,淨係係到睇,人地救唔到犠牲左仲要話人,到火燒到埋黎,結果自己都燒埋,無得救!

夠膽做壞事,不是勇氣,是無勇氣,是無勇氣對壞人說不,是無勇氣維護正義.夠膽做好事,才是真真正正,有勇氣!

大家攞出你地既勇氣出黎,一齊出手,解決社會既問題!

仲有,而加大家最緊要做既係救人,救災,唔好再掛住揾錢啦,幫助各地既災民先啦!

知道我是誰是無意思的,知道我講的對不對才是有意思,所以認同我的,請不要問我的事,不認同我的,更加無必要知道,我亦不會講.與其浪費時間研究我,倒不如用這些時間好好思考我講的問題,我亦會更開心,更安慰.所以我唔接受訪問,唔好煩我!記得,是思考我講的問題,不是思考我的說話對不對!

我已經盡左我做人既責任,以後既事就係你地既責任!講完我就消失架啦,唔好諗住依賴我.我唔係神,唔係聖人,唔係乜都識,無學過無見過無聽過無諗過就唔識,唔識就話唔識,唔會唔識都扮識.我應該會比權貴有錢佬溶左,人間蒸發,或者比共產黨捉去,判煽動顛覆國家,即時槍斃.之後都應該唔會再見到我,見到都當見我唔到,廢事煩.

我講既野,唔單只講比呢個世界聽架,淨係得自己個星球好,都唔係真係會好架,只有所有星球都好,呢個宇宙先至真係會好架,聽唔聽到呀?ufo!

最後順便講埋呢個,我諗左兩年,睇創新基金呢個又唔算係新科技,d化學野又話污染又話要攞牌,我又唔熟化學,睇下邊個鍾意發明野既識整,揾人整左佢啦.成日見新聞成船人意外救唔番,其實飛機救生衣,即係自動水抱,都可以用係水上意外啦,不過而加所謂"太貴",要成千五蚊,所以無乜人會咁樣用.有事一拉繩就自動脹大充氣,成個波咁浮起水面等人救,脹到好似浮板呀,艇仔咁又得.行船又用得,大郵輪又用得,可以救番好多人.長形小阻力,水底用又得.最好係輕便,綁係手臂或者腰就得,不過壓縮氣就太浪費,亦都唔使咁快,因為十零廿秒都無咁易浸親,最好用唔會污染既化學反應.揾人整左一人派兩個,出年2012世界未日啱用呀!其實2012唔係世界未日,係權貴,有錢佬同玩政治既政客未日!講完.  

所有野我已經寫晒上呢個blog,想知可以睇番前面D舊文,最緊要由尾睇起,由最舊睇起,唔係倒練真經,經脈逆流,走火入魔,唔關我事.

最後講多次,我係壞人,我講既野都係錯既,唔好信我,信自己既思考同分析.我可能特登講錯D野,黎比你地諗下啱唔啱架.講完.  BYE 生日快樂

盲目依賴
Topic: 6講 Talk
請先看<提示>.

咁樣改革之後,自然就做到人人平等既社會.

平等,不是講先天後天條件,是如何對待自己,對待別人.這才是平等的真正意思,所以不用分男女平等,宗教平等,種族平等,兒童老人平等......,只要對任何人,都跟對自己一樣,不會因為不同人就不同的對待,你就成功做到人人平等.

我無講過我係好人,我係壞人,我講既野都係錯既,唔好信我,信自己既思考同分析.

我講左咁多次,都係想大家學識正確既思考方法,唔好盲目信人.

好似呂布咁,人地話佢反骨,係壞人,你就話佢係壞人.我話呂布係好人!因為佢既軍師係陳宮.陳宮係邊個?就係因為曹操一句"寧教我負天下人,莫教天下人負我"而同曹操分道揚鑣既人.如果佢係肯跟奸雄,就即刻跟左曹操啦,仲點會即刻走呀?好明顯陳宮係唔會幫奸人,佢幫得呂布就肯定認為呂布係好既!

仲有呂布點解殺丁原又殺董卓呀?因為比董卓呃以為丁原係壞人所以大義滅親,之後因為王允同貂蟬令佢知道董卓先係壞人,滿朝文武同皇帝都想殺佢,呂布知錯能改殺董卓,咁有咩唔啱呀?你最多話佢唔夠醒比人呃,武將唔夠醒好出奇呀?醒就唔使請軍師啦!得幾多個武將醒呀?得周瑜同姜維囉!頂多咪加埋關公同陸遜!

完全盲目,一句係反覆小人,就個個將知錯能改大義滅親既呂布當係反骨仔!點為之反骨仔呀?唔幫好人走去幫壞人先叫反骨仔!唔再幫壞人走去幫好人,叫做改邪歸正!如果咁都叫反骨仔,咁電視同電影果D改邪歸正既男主角女主角全部都係反骨仔啦!

既然大家都係信三國演義,信劉備關公係好人,信曹操董卓係壞人,咁係咪應該信陳宮同呂布都係好人呀?

我今日就要為呂布正名!呂布唔係反骨仔,呂布係知錯能改,大義滅親,萬夫莫敵既忠臣,係真英雄!

仲有孔子,孔子既中心思想係仁,錯,錯晒!孔子係無中心思想既,論語提到最多是仁,係因為論語主要是記錄學生主動問孔子答,而非孔子主動講給學生知.學生問得最多,並不表示孔子最注重.要知道孔子最注重什麼,便要知道孔子最喜歡那個學生.如果孔子最注重仁,他最喜歡的就是什麼曾參或者曾我,但不是!

孔子最喜歡的,是顏回.顏回最好的是什麼?是聞一知十,是舉一反三.那代表孔子最注重什麼?無錯,是思考.不懂思考,只懂死記教條,怎能舉一反三,怎能聞一知十?以仁為本點樣解釋[以貌取人,失之子羽],點樣解釋[子不語怪力亂神],[敬鬼神而遠之],[未知事人,焉知事鬼神?],[未知生,焉知死?],點樣解釋[知錯能改,善莫大焉],點樣解釋[學而不思則罔,思而不學則殆],全部解唔到!但係舉一反三就全部可以解到!面對不同問題,不是死記以仁為本,而是懂得思考解決方法,才是孔子最希望學生可以做到的.將以仁為本當作孔子的中心思想,實在是太小看孔子啦!

[知錯能改,善莫大焉],一個人能夠做到最好的事,就事知錯能改.沒有好事好得過知錯能改,重要在不單知錯,而在於能改,知錯但不能改,又再不斷重複犯錯,根本不能解決問題,知錯能改,當然值得寬恕.所以不單要指出別人問題錯在那裡,更加要讓人知道怎樣改,幫他改,再寬恕,才能完全解決問題.單單講愛,講寬恕,但又不去點出錯在那裡,不教人怎樣改,問題不斷重複犯錯,原諒人七十個七次,又有什麼用?同一個問題,不同的方式處理,一個完全解決問題,一個完全無解決問題,你說孔子跟耶穌誰更有資格做聖人?仁,包含仁愛,愛只是仁的一部份,怎可以愛就是最大呢?況且仁亦不是做人宗旨,用思考去面對,解決每日遇到的問題,才是真正應該有的做人宗旨.耶穌,又那有資格跟孔子相比呢!?

回頭是岸本來希望人不要因為錯得太多,改都無用,所以繼續錯,因為無論錯得多大,只要肯改,都可以再做好人.但原諒人七十個七次,則只叫人原諒,卻沒有叫人改,反而令人錯幾多次都覺得別人要原諒佢,完全達不到勸人改過的意思.

放下屠刀,立地成佛意思是如果你大徹大悟,不單改過可以再做好人,甚至大惡人都可以得道成佛,所以十惡不赦的人都不要放棄改過的機會.但臨死認錯可以上天堂,卻令人放膽做一世壞人,因為只要臨死認錯,就可以上天堂.

我不入地獄,誰入地獄是指得道之人,希望幫所有人改過,不用落地獄,地獄內只有自己,不再見有人,才算成功.但釘十字架替世人受苦,卻只令人覺得不用承擔自己的錯,有人代為承受後果.

這些好明顯是同一個意思,不同講法的道理,但效果卻差天共地.沒有思考,不理解,盲目記著規條,卻用錯誤的方式講解,你說後果有多壞?天主講權,惡,威,罰,耶穌講仁慈,愛,寬恕,完全相反卻說是同一個宗教,但又有人信.佛祖菩提樹下悟道,叫人不要執著,不要煩惱自尋,自己不斷思考,卻叫人不要思考,自相矛盾,但又有人信.老子莊子烈子叫人不要教化,不要聖人,不要思考,但自己寫卻長篇大論,邏輯思考推理卻非常複雜,要非常有腦才看得明,令到人非常有腦卻原來叫人不要用腦,自己做不到卻叫人做,但又有人信.

要講道,孔子比老子更加道.老子叫人唔好太過聖人教化,要上德不德,是以有德,要唔好教化,但係物極必反,咁樣只會係教化同唔教化之間兩頭擺.但係孔子知道[過猶不及],要達至中庸,平衡,先至唔會兩頭擺,所以孔子講道理,講規矩之餘,都會同學生享受大自然,享受自由,達到平衡.

不是說孔子最好,孔子都有錯,但他有思考,分析,[吾日三省吾身],知道自己錯,知道怎樣改,令自己進步,令人進步.孔子亦不會自相矛盾,自己做不到卻叫人做,自己不斷思考,卻叫人不要思考,更加不會叫人盲目地信自己,反而是叫人各自思考各自想知的不同問題,去解決問題,真的想不通才去問,才去學.

所以唔好再依賴神,聖人,叻人,要學懂思考,更加要學懂知錯能改,這個世界才會有美好的將來,否則,繼續有盲目的人,世界就永遠不會有好日子過.   HeH

改革之後
Topic: 6講 Talk
請先看<提示>.

除左同錢有關的職業,仲有d咩工會唔同左少左?

唔會有老人政治,唔會有政黨政治,全部係20-30歲後生仔女,做政府官員.無經驗,點都好過只識玩權力玩政治既經驗,所以政府再無秘密會議秘密檔案,所有會議都要公開直播比市民監察.首先由理科同哲學既大學生接管政府,做決策,由理科同哲學既大學教授比議見,再慢慢過渡到正常結構既政府,即係20-30歲既人都有.所以全世界既政府,唔該你地,自動自覺,交出權力,無謂比人唾罵,無謂同市民為敵.中東既政府同人民,唔好再打啦,和平咁演變啦!

地產商,大企業?主席,董事會,總裁,都係20-30歲後生仔女電腦抽籤.富豪?無啦!大家唔使再比有錢佬欺壓啦!各位有錢佬,而加開始,攞你地D錢黎幫窮人啦!炒樓個D,攞D樓出黎比乞兒住啦!唔好一個人霸幾層樓,要人訓街啦!

能源,唔使計成本,可以全面使用無污染,再生能源,風力水力太陽能.因為少左3分之2的工作,所以用少好多電,唔使再用核電!

產品同包裝,應該點生產?唔係計成本,係計所用既能源資源多少,同產生既污染.所以亦都唔使浪費係宣傳廣告.廢物處理,亦都唔使因為計成本,而無人去理,或者掉去人地國家,污染人地.私家車,咁唔環保,坐公共交通,或者單車啦!

如果太多工,要卅幾歲退休,可以當老師係義工,30歲之後做,咁就可以提前30歲退休.不過就算真係32,33歲退休,都無所謂啦!

教育自然要改革,應該訓練正確思考,唔係訓練工作技能,另外要教同家人相處,同其他人相處,仲有教應變能力,處理壓力,領導能力,耐性,人際關係,分析能力,社會和諧,心理,記憶力,意志,定力,集中力....等等的訓練,唔好唔記得教有災難要點做,先唔會混亂,先唔會鹽都走去搶!

藝術創作怎麼做?當然是30歲退休後做啦!金銀珠寶呢?不是必需品,鍾意的人30歲後自己去開礦養珠吧,沒理由要其他人為你個人享受冒險,辛苦吧,沒有錢的啦!時裝設計?30前設計實用些,不必為設計而設計,退休後自己興趣,任何人喜歡怎樣設計便怎樣設計,這是研究自由.模特兒?沒有這行業啦!

學術研究,用網絡與全世界志同道合的人交流合作,認為應該做實驗的便向政府申請,在一間研究院(即現在的大學)做實驗,免卻重覆浪費,而任何成果都不再是一人功勞,而是所有人的成果.沒錯,大學只會做學術研究,是30歲後任何人都可以去跟其他人一起學習研究的地方.

宗教,是學術一種,喜歡可以研究,但沒有工做.喜歡可以信,但不應傳教,應由每個人自己決定.其實只要認認真真去做個好人,認認真真去解決問題,事情因為應該而做,因為對而做,因為不應該而不做,因為錯而不做,而不是做自私自利的假好人,因為對自己有好處而做好事,因為對自己有壞處而不做壞事,就得啦,又何需理會有無鬼神呢?

唱歌演戲運動員,30後吧.簡單一句,不是必需的,30歲後做吧.其他各行各業,不能盡錄,自己思考思考吧!

這樣的社會,無競爭,無進步?競爭什麼?進步什麼?証據呢?製造污染,不環保產品?不理後果,應不應該,只要快人一步,出名,去搶先登記,做無謂實驗?競爭必須單打獨鬥嗎?公司,學校,國家,不須團體合作嗎?集合全球智慧不會更好嗎?不為競爭而競爭,才是真進步.不為個人,金錢而思考,為各人各種不同興趣,專長,為全人類而思考,絕對有更加大進步.

有人會覺得這樣的社會令人無目標,無成就感,無心機,變懶,30歲退休後會有更多懶人.為什麼人想要成功,有成就?主要都是為了家人可以有更好的生活,還有一些是為了出名,個人欲望.但現在的社會,不能保證家人有長期的好生活,無論多成功,都怕子子孫孫會變窮.改革的新社會卻可以,這個就是工作目標,而30歲後做義工或研究對世界的貢獻,比起只為自己出名或滿足個人欲望更加有成就感,所以大家會更有心機.

現在的流浪漢或懶人,其實大部分都是不想只為錢而工作,太沒意義而無心機工作,這些人在新社會便會很有心機,很積極工作,反而是那些想出名,有個人欲望的會變得無心機工作,變懶,不過這些人數目肯定比現在的懶人流浪漢更少,問題不會變得嚴重.

做10年工就可以不用憂柴憂米,都不肯積極工作?寧願博做到六七十歲有得享福,都唔揀做十年就一定無擔憂?咁既數都唔識計?如果有人亂浪費,亂買野,即係想破壞呢個成功既生存方式.咁既然你唔鍾意改,你就用番現有既生存方式,即係人地30歲退休,你就做到死個日,你都要做野!你鍾意捱,咪比你捱囉!  Vv'Q'wW

改革社會
Topic: 6講 Talk
請先看<提示>.

都話我講既野都係錯既,唔好信我,信自己既思考同分析囉!想激死我呀?

你應該答"唔!我諗到啦,啱!"係你諗到啦啱,唔係我講得啱,知唔知?

我地要用家庭既運作模式,同全世界既人一齊,重新建立一個新既社會,解決社會既問題.

最重要既原則,依次係:第一係平等,第二係自由,跟住係公正,法治,民主,同埋和平.

大前提係環保,同可持續發展.要成功咁生存,無適合生存既環境點生存?

如果用這種模式運作,有好多好處.很多無必要的功作已經可以不用存在,浪費資源,能源,起碼同錢有關的職業,銀行,股市,保險,可以消失,亦沒有必要因為令人有工作賺錢,而去製做職位,製造相同的工作,產品,作無謂競爭,浪費.這樣最少3分之2的工作可以減少,即一般人只要肯做10年工,即30歲就可以退休.之後就可以做有意義的事,做義工,結婚生子,教育子女,照顧父母.好過現在人人沒有時間與家人相處,老人沒人理,孩子沒人教.放且現今社會複雜,父母應該用更多時間教導,關心子女,幫助子女發展.有時間更加可以研究自己有興趣的科學,哲學,醫學,社會學,宗教,人際關係,教育,沙漠化,環保.....等,好過現在99.999%人只用腦筋去研究揾錢,但是卻連錢的失敗也沒人研究(暫時可能只有我一個).我相信到時人類的進步將會快幾百倍!(因為現在只有0.001%的人用腦研究去令人進步,而不是100%!)

還有就是可以減少很多犯罪,黑社會,社會衝突.只要肯做10年工,就可以以後有飯食,還有誰願意做黑社會?去種毒品,賣毒品,研製新毒品?誰人不想做好人?不怕無工做,無錢開飯,還有誰去偷搶騙,去做妓女,去操控妓女,去拐賣婦女兒童?去偷渡,去走私,做貪官污吏?去為了賣軍火,去引發衝突,去製造戰爭?沒有無謂的壓力,有誰會去搞破壞來發洩?沒有錢,何來賭?何來賭徒問題?當然,世界唔會無問題,唔會無人痴線,但會少好多!

住在無資源,無好農地,永遠無可能富庶地方的人,就要去幫佢地.可以唔幫嗎?換轉你是他們,你說可以怎樣?

不可用什麼分數呀,記錄多少工作可作多少活動呀買珍貴物品食品呀等方法.不要以為沒有錢字就得,錢,只是一個名,實際是記錄個人所得多少的任何方法都一樣.只有像一家人一樣,不計多少,才不會同錢一樣失敗的!

實際要點做?我會講個大慨,詳細既留番比後生仔去諗,等你地有機會思考下,唔好乜都我講晒.

無國家,種族主義,一個不用錢運作的社會,所有人都可免費讀到高中,18歲不論男女做2年軍訓,20到30歲做工,包括政府工,之後退休,結婚拍拖生小孩,做義工,做研究,照顧父母.

就當國家只是不同地區的政府機關,種族只是不同的文化累積,天下本一家,好嗎!?

軍訓並非教打仗,是教災難應變,如何分工合作,是救援軍.到有災難既時候,所有人都識得點應付同幫手.

所有工都是頭2年由上一任帶,學習,6年時間全力工作,最後2年再帶下一任,10年後完成退休.無升職,無轉工,除非有病或者受傷唔做得.

要做到30歲退休,可以逐步黎,每半年減5歲,今年60歲退休,半年後55,一年後50,3年後就30,同時逐漸將無必要的工取消,工作取消了的人,轉工取代提早5年退休的人,如此類推.

所有工都是電腦抽籤.中西牙醫及建築師等小數工作需要長時間經驗及訓練,跟其他不用面對人的科研有所不同,而且一開始已經有心為人服務,所以有可能做20-30年,不過仍然是30歲退休,但形式可以是30前訓練及做醫院,之後10至20年做研究及訓練新人,最後10年做街坊診所.研究係興趣,訓練新人同街坊診所當係義工,所以30歲之後做.

因為所有工作都是對社會有貢獻,而並非為個人成就,所以除非選擇中西醫等,任何人也有可能抽中做總統,文員,農夫,清潔,地盤,任何工作.當然會有健康,體能或能力考試,如消防,警察,牙醫等.

傷殘人事,有重病的人,智力較低的人呢?當然不用做啦!跟本無那麼多工作做啦!  "x"

原始本性
Topic: 6講 Talk
請先看<提示>.

講左咁多根本問題關鍵問題,其實點解會發生?

一切一切,都係源於人類既原始本性,想生存,想繼續生存.

想生存,就要自己好,想自己好,即係自私.

人之初性本善,人之初性本惡,其實都係一樣,即係自私,即係想自己好,即係想生存!

性本善,想自己好,又想家人好.

性本惡,只想自己好,只想家人好.

每個人都自私,只係後來有聰明人開始發現對自己好,會影響其他人,有時會損人利己,人地自私,一樣會影響我,會佢好我唔好,又會覺得己所不欲,勿施於人,唔應該損人利己,之後又會諗到雙贏,共贏,能夠做到大家都好,自己先至會真係好.

蠢人自私,就只會對自己好,就以為真係會好,無諗過人地唔好,對自己有咩影響.

你好有錢,就好?一定唔會食到毒菜心毒米?人地揾錢揸幾更車,就一定唔會O盒眼訓撞中你?你住得好,行街就一定唔會比跌野掟中?你乾淨清潔,就唔會有傳染病傳染到你?你好高貴,D仔女就唔會有人引誘佢索K?你有冷氣暖氣,全球暖化所引發既惡劣反常天氣就唔會影響到你?唔得呀嗎!

中東咁亂,搞到油價標升,你就可以生活安定?你D食物安全,人地奶粉唔安全,就唔會搶購到你都買唔到奶粉?你有錢住淺水灣別墅,環境就好過深水埗窮人區?白紋伊蚊唔會飛過淺水灣?你國家豐衣足食,人地就唔會侵略你?係就唔會揾籍口發動鴉片戰爭,八國聯軍黎打你搶你啦!到今時今日都仲係揾籍口打伊拉克伊朗阿富汗呀!過左百幾年都無進步呀!你好多好多錢,就無人搞到你?邊個比人呃左成間公司呀?邊個比人綁票呀?邊個比人盜墓呀?唔通係窮人呀?   

淨係自己好就真係會好?唔得呀嗎!有錢佬!

只有人人都好,自己先至真正會有好日子過!

人無分自唔自私,無分性本善性本惡,只有分聰明人,同蠢人.你,係邊種?

又係一步既邏輯思考!

人地唔好,會影響到自己唔好.

所以想自己真係好,就要做到人人都好.

淨係得自己好,係失敗既自私.所有人都好,就係真正成功既自私!就係真正成功既生存方式嘞!

所以家庭既運作模式,就係成功既社會運作模式!

有些哲學家說弱肉強食是大自然定律,什麼物競天擇,人應該鬥強,像獅子一樣,勝者為皇等等.

那獅子應該學什麼?獅子學豬?豬學鷹?鷹學海豚?海豚學狗?狗學蚊?蚊學蛇?蛇學人?

為何人要學獅子?如果不學獅子,學其他生物得嗎?人學曱甴?曱甴學貓?貓學羊?羊學八爪魚?八爪魚學烏蠅?烏蠅學螞蟻?螞蟻學紅虫?紅虫又學人?

我想知紅虫與紅虫之間有沒有弱肉強食呀?海豚與海豚之間呢?蚊呢?曱甴呢?烏蠅呢?

曱甴可以由恐龍年代生存到現在都無絕種,生存能力最強,人是否應該學曱甴呢?

烏蠅在屎中也可找到食物,絕對可以應付惡劣環境,是否都好應該學呢?

獅子要靠人保護,才不至於絕種,為什麼不是獅子學人而是人學獅子呢?那些哲學家為什麼不學烏蠅曱甴呢?

弱肉強食是不同動物之間的,人與人之間又怎可弱肉強食呢?況且不同生物就有不同的生存方式,又怎可學其他生物呢?

人懂得分是非對錯,思考,要同其他人接觸,所有人之間都要互相依靠,才能衣食住行俱備.所以人最好的生存方式,不是只顧自己成功,自己幸福,而是大家都好,才算成功.對嗎?  d"b

解決根本問題
Topic: 6講 Talk
請先看<提示>.

我又要再一次強調我既格言:我講既野都係錯既,唔好信我,信自己既思考同分析.

呢個根本問題,又係一步既邏輯思考!

用錢黎運作既社會模式可行,就要每個人只要勤力都一定賺到錢.

事實係無可能做到人人有錢賺,所以用錢黎運作既社會模式係唔可行!

那到底應該怎麼改,怎麼解決呢?不用金錢,應該怎樣運作這個社會呢?

其實現實是有可行方法,而且每個人都有做,還做了幾千年.想到嗎?就是家庭的運作模式啦!
即是什麼?就是互相之間幫忙,做事,不計錢啦!

大家想想,如果一家人之間都要計錢會是什麼結果?住,收錢,食,收錢,衣服,收錢,零用錢,收息,睇電視,上網,聽mp3,比錢,看病,照顧,打掃,還有上學,學琴,游水,旅行.....除了有賺錢的父親,有誰不是一身債?要幾多歲才可以還得清比父親呀?

原來不計錢好地地,一計錢便大問題,跟本沒可能解決!相反,現在全球的經濟貧富懸殊問題,如果不計錢,當全世界是同一個家,互相幫忙,互相照顧,一樣可以變得好地地.

好似大災難咁,日本啱啱9級地震,救援物資,重建,都係全部無同災民計錢啦!如果全部要同災民計錢?全世界咁多天災,每次大災難都要多幾十萬窮人啦!點搞呀?

其實,實行方法好簡單,只要每個人繼續工作,公司繼續運作,田繼續耕,蓄牧繼續養,但是不會有錢收,不過有記錄,証明有盡社會責任,就可以去街市買食物,去商店買衣物,日用品,可以坐車,住屋,小孩更是必定有書讀,不怕父母無錢無書讀,就可以啦!

呢個唔係共產主義,共產主義同資本主義一樣都係用錢黎運作既社會模式,只要用錢,就一定失敗.

我講既係家庭既運作模式,係唔用錢,但係一樣有個人財產,係用左幾千年,恆之有效既模式,係完全唔同既野黎!

如果你係都要話我講既同共產主義一樣,咁你不如話共產主義係廢話啦!講到幾高深幾複雜,一個家字咪講晒囉!懶巴閉!又話要咩高度發展既資本主義先可以產生共產主義,原始部落都做到啦,大家一齊打獵一齊分呀嗎!一齊起屋一齊住呀嗎!一齊做獸皮一齊著呀嗎!原始部落係高度發展既資本主義呀?白痴!

唔好晒我時間,同我講共產主義資本主義社會主義,我一路講緊既,係正確既思考方法,同埋三個思考通病,唔係乜野乜野主義.個D一咪話自己啱,叫人信,但係又唔教人學識正確既思考方法,叫人自己諗答案既,全部都係垃圾!

淨係自己識得諗,人地唔識,咁有乜用呀?你死左咁點呀?淨係識聽得明,唔識諗得明,咪又係解決唔到問題!

好似學睇鐘咁,我細個5,6歲呀媽教我學睇鐘,我唔明喎!咩唔明呀?短針指住1字,長針指住3字,咪1點3囉,仲有個支就係秒針,乜你咁蠢架!我識呀!但係咩意思唶?1點3即係幾時呀,幾時係上晝,幾時係下晝,幾時係夜晚呀?6點到12點就上晝,12點個太陽就係頭頂最高,12點到6點就下晝,跟住再到6點就夜晚,12點就半夜,到6點天光就第二朝!點解轉兩個圈呀?點解朝頭早又6點夜晚又6點呀?因為一日24個鐘,個鐘轉兩次就係一日!咁點解唔係天光開始計起第2日,一天光就6點唔係12點呀?因為日頭有長有短,北方夏天日頭可以長多幾個鍾,冬天夜晚又可以長多幾個鍾,所以由半夜開始計起囉!哦!完來半夜開始就已經係第2日啦!係呀!

咁中國得子丑寅卯12個時辰呢?中國一日分12個時辰,一個時辰即係西式兩個鐘囉!咁一個鐘有12個字,咁一個時辰點分呀?無分得咁細,淨係分4刻,一刻即係半個鍾,兩刻即係一個鍾,三刻即係個半鍾,四刻即係下個時辰!咁秒呢?無啦,好似睇電視古裝片咁,一柱香半柱香時間,大概,靠估囉!咁係咪12點到2點係子時,2點到4點係丑時咁呀?唔係喎,係11點到1點子時,1點到3點丑時噃!點解呀?因為午時係日頭最高個段時間,1點到2點個日頭落番低過11點到12點啦!哦!午時係計日頭最高個段時間!咁中國咪夜晚11點已經係第2日囉?係呀!哦~!明晒!

你地有幾多過好似我咁樣,識睇鐘既時候就明白幾多點幾多點即係咩野意思?有幾多個係識睇鐘之後,唔知幾耐先知頭先講個D野?

咁先係架嗎!講野要人自己諗得明先得架!淨係一味我話係就係,叫你信就信啦,一知半解咁,有乜用呀?  丶乂丶丿