謊蕪領土
Topic: 12假史 Liestory
請先看<提示>.

話說仲係當年 F.1 中史,除左見到條黃河變左之外,我仲發覺到一D好奇怪既野喎!

點解春秋戰國既地圖,個楚國既地圖咁怪既呢?楚國領土包括左成條長江流域中下游同埋成個珠江流域,咁大,但係點解淨係得長江邊有一兩個城市地名,成個珠江流域都無一個地名既呢?點解楚國咁大,大過秦國咁多倍,乜唔係應該最強大既咩?點解會打輸比秦國既呢?

大家其實發唔發現到架?梗係發現到啦!係人都見到啦,係得我以為自己好醒,得我見到啫!只不過你地唔夠膽講之嗎!可?我唔理你知唔知啦,咁我都會繼續講落去架勒!當講比D唔睇書既人知囉!

一路教落去,成個珠江流域真係乜野都無個喎!珠江流域,魚米之鄉,唔係兵家必爭之地黎架咩?點解春秋戰國幾百年,打到七國咁亂,但係成個珠江流域,一個歷史戰場,一件歷史事跡,一個歷史人物都無既呢?

其實再一路教落去,去到三國時代,又係打到成個中國亂晒龍,但係個珠江流域都仲係一個歷史戰場,一件歷史事跡,一個歷史人物都無個喎!吓?李鄭屋古墓都算呀?

一直去到唐朝先有囉!呀韓愈係潮州寫左篇祭鱷魚文囉!野史就早少少,係南北朝呀達摩坐船黎到珠江上岸,跟住一葦渡江去左北方少林寺囉.但係去到唐朝呀六祖慧能係少林繼承左衣缽,都要比中原人話係南蠻,追殺佢想搶番個衣缽,要番黎嶺南匿埋,老左先夠膽出番黎,將禪宗發揚光大囉!

去到一千四百年前先至有正式歷史,春秋到唐朝中間千幾年咩都無,咁到底珠江流域係咪屬於楚國架?將條國界夾硬"括"理落黎,再油埋同一隻色,就話係楚國既領土?係真唔係架?