轉堂
Topic: 10奇遇 Trek
請先看<提示>.

咁香港好多中小學都話以前係亂葬崗架啦,不過傳既唶,無人知真定假.但係我間小學就唔同啦,每一個學生都知係真架!因為係學校入邊條路面同埋山邊,仲有幾塊墓碑係到架~~~~~!有一年擴闊出面條山路,仲係路下面挖左幾副野出黎添呀~~~~~~~~~!

不過話晒係天主教學校,又無人撞過野喎!只係有一次怪怪地咁唶!

個日上左幾堂,轉堂,成班同學係到等阿sir黎,都無乜野呀.咁阿sir黎到,Good 完你個 morning之後,阿sir就叫攞本書出黎,打開本書第幾頁啦.

點知,無人理喎,個個係到唔知做乜喎!再叫多次,都係無人理喎!你估阿sir點做?

結果阿sir攞住本書,由第一行第一張枱開始,逐張台用本書大力拍,一路拍一路叫攞本書出黎,攞本書出黎,攞本書出黎......,拍到最後一行,最後一張枱,我見個行居然有同學都未攞本書出黎!我自己都係阿sir拍到黎先知,先識攞本書出黎!

個日真係好似成班一齊魂魄唔齊咁!當時我就即刻細細聲同隔離個同學講:阿sir好似有經驗,以前都試過,唔係第一次咁既!唔係最多拍幾張唶,無理由拍足40張枱架?

又估下跟住會點?阿sir居然......無鬧人,若無其事咁,繼續上堂呀!嘩!!!!!

咁你話勒,到底點解~~~~?呵!呵!呵!