|
Општината преку Локалниот Акционен
План за заштита на животна средина
има визија да прерасне во место каде :
1. Населението учествува во
одлучувањето и креирањето на
секојдневието, преку стимулирана
двонасочна комуникација на
населението и локалната самоуправа и
анкетирање на мислењата во рамките
на месните заедници и граѓанските
совети;
2. Растот и развојот е во корист на
заедницата, при што не е неопходен
константен раст заради економска
виталност, иако има големи
потенцијали, туку да се следат
лимитите на капацитетот на средината.
Сопиште да е место во кое развојот ги
исполнува задачите на овој план;
3. Се поддржува развој на
популацијата и стимулирање на
репопулацијата на поранешните
жители од Скопје во општината, преку
стимулирање на добрососедството, со
чувство за простор, заедништво,
традиција, култура и со еднаква шанса
за секој богат и сиромашен, млад и
стар;
4. Се води грижа за доброто на
населението, со изградба на
инфраструктура за поедноставен
живот на хендикепираните и
изнемоштените, со организирање на
младински активности, со подобра
здравствена заштита и со развивање
на културниот живот. Да се развијат
институции за помош на населението,
преку партнерства на граѓаните
јавниот и приватниот сектор;
5. Се развиваат населбите преку
урбанизација со одржливо користење
на капацитетот на просторот, како и
преку соодветна конзервација и
искористување на постоечките градби.
Ова е заедница каде што луѓето можат
слободно да пешачат заштитени од
колите со тротоари, асфалтираните
улици овозможуват лесен проток на
сообраќајот, а има и слободни
простори;
6. Се заштитуваат и конзервираат
природните суровини и чува животната
средина, се истакнува убавината на
природните реткости, природните
резервати, се стимулира соработката
за намалување на загадувањето,
штедењето на енергијата и водата.
Општината да е место со чиста вода за
пиење, свеж воздух и плодна
незагадена земја за земјоделството;
7. Настануваат нови можности за
вработување на сите работоспособни
лица, со стимулирање на
реализацијата на нови идеи и
иницијативи за мало стопанство,
пазари, продавници, аптеки, детски
градинки, државни установи и слично.
Како комбинација на градски и селски
населби, општината Сопиште да
претставува витален економско-стопански
регион со деноноќни работни места и
услуги, место каде покрај живеењето
луѓето ќе имаат работа и услуги за
подобар живот.
Цел на Планот
а) Обединување на сите релевантни
фактори од научниот, јавниот,
приватниот и невладиниот сектор за
креирање долготрајна програма за
одржлив развој на Опшината Сопиште
во место погодно за живеење во
наредниот век, на општо задоволство
на сите засегнати;
б) Дефинирање на состојбата на
животната средина во Сопиште,
поставување приоритети и изведба на
активности за унапредување на
животната средина, преку вклучување
на јавноста и сите релевантни
институции како претставници на
науката, стопанството, власта и
невладиниот сектор.
При тоа активностите за изведба на
ЛЕАП се:
1. Започнување на програмата;
2. Вклучување на јавноста и
институциите во програмата;
3. Создавање на Документот ЛЕАП;
4. Имплементација на Документот и
следење на резултатите;
5. Развој на ЛЕАП во долгогодишна
програма за одржлив развој на
Сопиште.
Очекувани резултати
· Издигната еколошка свест на
граѓаните;
· Поголема запознаеност на граѓаните
за ЛЕАП;
· Вклучено население во изведба на
ЛЕАП;
· Издигната јавна свест за учество на
граѓаните во креирање на општината и
партиципација во локалната
самоуправа.
Имплементација на Документот
· Идентификација на финансиски
извори;
· Калкулација на ризиците на
загадувањето врз здравјето, животот,
животната средина;
· дефинирање на мали, применливи и
лесно финансирачки проекти;
· анализа на ЛЕАП преку работилници
со ЛУК, Советот на Општина,
Градоначалникот и јавноста;
· контрола на листата на проблемите и
адаптација на стратегијата на ЛЕАП (предлози
за акција);
· донаторски конференции и креирање
акции за собирање финансиски
средства за малите проекти.
Страна: |:1:|:2:|:3:|:4:|
Симни
брошура
|
