意識形態
Topic: 8歪理False Truth
請先看<提示>.

事情:大陸人成日講意識形態.

問題1:咩係意識形態?
問題2:點解叫意識形態?

解題:
-----------
意識形態英文:ideology.

共產,資本,大同,民主,自由,專政,法治,自私,大愛,享樂,環保.........

全部都係意識形態.

即係咩?

即係做人原則,做人宗旨囉!

社會意識形態:共產,資本,大同........
政治意識形態:民主,帝制,專政,........
法制意識形態:法治,人治,巫治........
宗教意識形態:戒律,大愛,放下,無為........
個人意識形態:平等,自由,享樂,互助........
道德意識形態:仁,寬恕,以眼還眼........
休閒意識形態:玩,旅行,訓教,shopping........
.
.
.
-----------

答案1:做人原則,做人宗旨.
答案2:鬼知邊個咁白痴.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:翻譯都用下腦啦,翻譯到唔清唔楚,自己都唔知咩意思!

結論:意識形態係垃圾,以後用番做人原則,做人宗旨.社會原則,政治原則,法制原則,宗教原則,個人宗旨,道德宗旨,休閒宗旨,......即刻清楚晒!

得分:-199不分/10

天橋
Topic: 8歪理False Truth
請先看<提示>.

事情:古有過河橋,於是有人發明行車天橋,之後又有行人天橋.

問題1:天橋比車行?
問題2:天橋比人行?

解題:
-----------
故事:
15年前,搭巴士,塞車.
我坐係巴士上層.
見一個阿伯企係行人天橋樓梯中間,上緊.
右手扶欄,一腳站上一級,一腳站下一級.
10分鐘,巴士行左十米.
再望,阿伯同一姿勢,同一位置.
10分鐘,阿伯一步都無郁過!
一步都無郁過!
一步都無郁過!
我想落車,睇下個阿伯.
但係終於塞完車,架巴士終於開走.
希望阿伯無事啦!

請問政府,專家:
人重要定車重要呀?
方便車行得快,定方便人過馬路緊要呀?
你老左會唔會風濕骨痛呀?
點解成日要話d老人貪方面亂過馬路,唔行天橋呀?
你老左試下日日捉你去行天橋好無呀?
-----------

答案1:對.
答案2:錯.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:行人天橋,係閉門造車.天橋隧道,只應該比車行.

結論:唔單只行人天橋要起電梯啦,行人隧道都要起電梯呀,尤其係多老人用個d呀,聰明人!起多d行人天橋行人隧道呀笨!

得分:尊卑不分/10

無友不如己者
Topic: 8歪理False Truth
請先看<提示>.

事情:孔子話無友不如己者.有人話唔好同壞人做朋友,又有人話唔好睇唔起人,係'沒有不如自己的朋友'.

問題1:無友不如己者點解?
問題2:無友不如己者點做?

解題:
-----------
朋友:係對待朋友.

朋友:唔係老師,長輩.唔係後輩.

朋友:唔係要黎學,唔係要黎用,係要黎幫既.

唔同壞人做朋友:壞人邊有機會變好?
唔同蠢人做朋友:蠢人邊有機會變叻?

對待朋友:就當係自己一樣.

自己唔好:都唔想朋友唔好.
自己好:朋友都要一樣咁好.
-----------

答案1:對待朋友,等於對待自己.
答案2:互相幫助,幫朋友變好,幫自己變好.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:我從來唔怕同壞人蠢人做朋友,亦都唔會只同好人叻人做朋友.幾壞幾蠢既朋友,我都有信心,唔會我學壞,只會你變好.幾好幾叻既朋友,我都好肯定,唔會我帶壞你,只會你教好我.

結論:做朋友,係用個心,係真心,唔係機心!

得分:軒輊不分/10

反叛
Topic: 8歪理False Truth
請先看<提示>.

事情:人人都話青少年反叛.

問題1:點解反叛?
問題2:點解決反叛?

解題:
-----------
請參考[孔子1]一文:大部分人看孔子的智慧,都知要看論語,而論語提到最多是仁,所以認為孔子最注重仁.完全錯!........面對不同問題,不是死記以仁為本,而是懂得思考解決方法,才是孔子最希望學生可以做到的.將以仁為本當作孔子的中心思想,實在是太小看孔子啦!

請參考[阿Q,差不多先生]一文:阿Q精神,差不多態度,其實都是很好的,只不過一百年前科學精神剛傳到中國,所以被兩位大文學家拿來跟科學精神作比較,鼓勵大家學習科學精神吧........西方專家面對近幾十年都市人壓力越來越大,才發現阿Q跟差不多的好處,但卻不知道中國人已經用了阿Q跟差不多來平衡心理幾千年,還自鳴專家,哈!跟我們中國人還差很遠啦!是不是很阿Q呢?!

請參考[80後?]一文:80後有乜咁特別?同40,50,60後咪一樣咁激,係70後斯文之嗎!60年代唔係天星小輪加5仙暴動咩?70年代唔係聖誕中環暴動咩?80年代唔係南華降班暴動,九龍彌敦道暴動咩?係90年代太平D之嗎!與其研究80後點解咁激,不如研究70後點解咁斯文啦,專家!

請參考[養寵物]一文:養寵物有愛心?對寵物好,寵物都開心?如果日日都困住你,每日只見到一班大灰熊,間中帶你出街,有時先會見到其他人,你會唔會開心呀?大灰熊對你好好架喎!係有時叫你做佢想你做既動作,同埋幫你絕育遮!........真係對動物好,唔該唔好養寵物!

請參考[國恥]一文:點解日本仔侵略中國係中國既國恥?呢個問題我由細細個已經成日問大人,問到今時今日,問左幾十年,都無人答到我.一個愛好和平既大肥仔,唔鍾意打交,無學過功夫,比一個好勇鬥狠,學過功夫,成日周圍蝦蝦霸霸既普通身形細路打,係邊個羞耻呀?唔係打人果個咩?比人打仲要羞耻呀?人同國家既道理會唔同,會相反既咩?

請參考[求職/求學,面試]一文:為什麼要面試?求職面試,為要揾出最適合份工既人.咁求學面試呢?........要揾叻既細路黎讀!你間名校黎喎!原來唔係因為你教得叻,係靠D細路自己本身叻呀?係唔想收D難教既細路!名校都唔識教難教既細路,要3等學校先識教呀?咁即係3等學校仲教得好過你名校啦!........係咪應該面試為左搵最需要幫助,最需要好老師既細路去幫去教呀?........名校?你有咩資格挑選好學生呀?挑!
-----------

答案1:因為大人講野無道理,仲以為自己有道理,但係又講唔出個道理.
答案2:大人細路都要學識正確思考方法,同埋三種思考通病.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:你地反叛,純粹大人講東你去西,人話啱你話錯,叫你唔好做你偏要做.呢d叫純粹行為反叛.

結論:我反叛,係要你大人講東,我講到你都要跟我講西,你話啱,我講到你都要話錯,你話唔好做,我講到你都話應該要做!呢d先叫真正思想反叛,踢爆歪理!

得分:5-4-1-4/10

打左面打右面
Topic: 8歪理False Truth
請先看<提示>.

事情:耶穌話比人打左面,要比人打埋右面.

問題1:點解打完左面打右面?
問題2:可唔可以唔使打右面?

解題:
-----------
原句:只是我告訴你們,不要與惡人作對;有人打你的右臉,連左臉也轉過來由他打.

怨怨相報何時了.

菩提本無樹,明鏡亦非台,本來無一物,何處惹塵埃?

莫執著!放下!

請參考[孔子4]一文:原諒人七十個七次-回頭是岸;臨死認錯上天堂-放下屠刀,立地成佛;釘十字架替世人受苦-我不入地獄,誰入地獄;這些好明顯是同一個意思,不同講法的道理,但效果卻差天共地........沒有思考,不理解,盲目記著規條,卻用錯誤的方式講解,你說後果有多壞?

我話:

無膽匪類,只敢欺善怕惡.

堂堂正正,光明正大,頂天立地,唔使怕.
要見義勇為,否則永遠惡人惡晒,好人永遠無好日子過.

請參考[勇氣]一文:那你夠膽對欺善怕惡,不講道理,比自己大隻的人面前講道理嗎?你夠膽對下達屠殺平民的軍官說不,再加以制止,拘捕嗎?你夠膽為正義,公理,抗爭,甚至犧牲嗎?不敢嗎?夠膽做壞事,有什麼用?夠膽做壞事,不是勇氣,是無勇氣,是無勇氣對壞人說不,是無勇氣維護正義.夠膽做好事,才是真真正正,有---------勇氣!
-----------

答案1:唔識解.
答案2:最好啦.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:欺善怕惡正廢物!連廢物都驚,我就唔使做人!

結論:無勇氣維護正義,等於幫凶,等於無膽匪"女"!

得分:9*4*1*3/10

鳳凰
Topic: 8歪理False Truth
請先看<提示>.

事情:鳳凰是一對中國傳說中的神鳥.

問題1:鳳是雄?
問題2:凰是雌?

解題:
-----------
鳳凰是遠古傳說.

遠古年代:母系社會.
雌雄,陰陽:女行先.

近代:父系社會.
男女,夫婦,正負:男行先.

所以:鳳凰是先雌後雄,先陰後陽.
龍鳳配:無搞gay.
-----------

答案1:鳳是雌.
答案2:凰是雄.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:盲目,唔思考,人講乜你信乜,錯晒.

結論:請你唔好盲目,學識思考,唔好人講乜你信乜,唔該,多謝.

得分:遠近不分/10

鬼
Topic: 8歪理False Truth
請先看<提示>.

事情:全世界都話有鬼.

問題1:有鬼?
問題2:有鬼又點?

解題:
-----------
鬼點解搞人?
比鬼搞應該點做?
人又會唔會無啦啦搞d鬼?

佛祖講過?
耶穌講過?
老子講過?

孔子講過!

請參考[宗教]一文:
~~~~~~~~~~~
孔子學生問事鬼神,孔子答未知事人,焉知事鬼神?學生再問死,孔子答未知生,焉知死?未知怎樣好好地對待家人朋友及其他人,又怎知如何對待鬼神呢?與其研究如何對待鬼神,不如認認真真研究如何對待家人朋友及其他人吧!未知怎樣好好地生存做人,又怎知死後如何呢?與其研究死後如何,不如認認真真研究如何生存做人吧!

怎樣?精彩吧!孔子2500年前以經想通,提升自己到不需要宗教的層次,你不會連2500年前的古代人都不如吧?!
~~~~~~~~~~~

鬼同UFO有無關係?
鬼點睇UFO?
UFO點睇鬼?

見過鬼又點?
撞過鬼又點?
見過UFO又點?

我3樣都試過啦!咁又點?!
唔使做呀?唔使返學呀?唔使講做人道理呀?

大把人見過鬼,撞過鬼,見過UFO啦!
有乜好驚!
-----------

答案1:唔需要理有無鬼.
答案2:有無鬼都係咁.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:唔死都死左啦,搞咩呀!啦啦聲走好過啦,好過繼續做鬼啦!你既事緊要得過孔子咩!

結論:理得你有無鬼,鍾意搞又好,嚇又好,要死唔使病.

得分:--=+0276**/10

貢獻之所得
Topic: 8歪理False Truth
請先看<提示>.

事情:貢獻越大,所得越大.

問題1:貢獻越大所得越大?
問題2:貢獻越大所得幾多?

解題:
-----------
如果貢獻越大,所得越大.
無貢獻,但係好運,好命,又得好多.
咁有貢獻,應該得幾多?

或者能力越大,所得越大?
科學家又唔見一定得到好多!

再唔係成就越大,回報越大?
有成就無貢獻,咁又應該有幾多?

咁最無用既人,應該有幾多?
不單無貢獻,仲要有破壞無建設,咁又應該有幾多?

得到基本生存條件?
咁計番轉頭,最有能力有貢獻有成就,最多應該得幾多?最盡應該比幾多?

無得計喎!
咁點呀?

又要我講多次?
只想自己好,以為真係會令自己好,就係失敗既自私.只有全球合作,人人都好,自己先至真正會有好日子過!

想有成就,係咪失敗既自私?
有貢獻,得到既,就係:自己真正有好日子過!
-----------

答案1:每個人貢獻越大,大家所得越大.
答案2:貢獻越大,所得既係越接近真正既好日子!

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:貢獻越大的確所得越大.不過唔係一定要實質物質,先至叫有所得.

結論:貢獻,其實倒頭來得益既,係自己.

得分:彼此不分/10

信共產黨
Topic: 8歪理False Truth
請先看<提示>.

事情:共產黨成日話香港人唔信共產黨.

問題1:信唔信共產黨?
問題2:共產黨信唔信共產黨?

解題:
-----------
千祈唔好信共產黨.無論邊個,無論幾似好人,無論點,你都唔好信!

以上,係我細個我老豆教我地既!
走落黎香港之前,只係對左共產黨十年,都明白既道理,點解大陸人對左共產黨幾十年,都唔識教自己既子孫!

我要鬧醒你班大陸人!

平反64?還死左既學生一個公道?

點解你班阿爸阿媽阿爺阿嫲阿公阿婆,比共產黨玩左40年,都唔教識班大學生?
見左李鵬一次講廢話,你地仲信佢地會肯反貪腐?
咁多軍隊坦克入城,你地仲以為唔會鎮壓?

個個淨係識講錢,共產黨自己都唔信共產啦,你仲信佢!

讀到大學,就咁就無左!
係呀,係共產黨殺佢地架,但係,係你地班父母祖父母累死你地既子孫架!
唔好再怨共產黨啦,要鬧,就鬧你地自己!

共產黨會還死左既學生一個公道?
3反5反呢?文化大革命呢?晒氣!
好多唔信共產黨既都比信共產黨既人累死埋啦!唉!

平反64?
南京大屠殺,日本都唔認呀,又要叫日本平反南京大屠殺呀?

個個中國人都知南京大屠殺啦,使鬼平反呀!
本本書都係咁寫,有相為証,使鬼理佢認唔認咩!

以後都唔需要平反64,因為--------呢個係事實!
只需要全世界既華人,以後每本歷史書,任何新書小說漫畫既封面封底同序,仲有所有網頁同個人網誌,全部都寫"8964,中共鎮壓,屠殺手無寸鐵既學生同平民!"就得啦!
寫出事實,寫出真相,使鬼理共產黨認唔認呀!

香港班高官,個個都唔敢提8964.
一句真話都唔敢講,無資格做人!
-----------

答案1:唔好信共產黨.
答案2:共產黨都唔信共產黨.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:信共產黨,抵你死,衰左唔抵可憐!共產黨既走狗,睇下幾時利用完你之後,輪到你比共產黨玩死!咩吾爾開希,王丹,劉曉波,程翔......,唔好再怨共產黨啦,要怨就怨你自己,點解要信共產黨咁笨!

結論:各位信同唔信共產黨既死難者,終於知道自己點死啦?解開心結,安息吧!

得分:青紅皂白不分/10

權利與義務
Topic: 8歪理False Truth
請先看<提示>.

事情:聽講有權利就有義務.

問題1:點解有權利就有義務?
問題2:有權利可否無義務?

解題:
-----------
權利與義務:關符法律.
法律:係點黎呀?
請參考[法律]一文:主要基於'己所不欲,勿施於人.'

你想唔想:有權利無義務?
你想唔想:自己有權利去泳池游水,無義務保持泳池清潔?
你又想唔想:其他人有權利去泳池游水,無義務保持泳池清潔?人地游完先到你游喎!
你想唔想:有義務無權利?
你想唔想:其他人有義務保持泳池清潔,無權利去泳池游水?
你又想唔想:自己有義務保持泳池清潔,無權利去泳池游水?

吸煙:有二手煙.
二手煙:有肺癌.

係:你有權食煙,唔可以唔比你食煙.
有權利食煙:就有義務二手煙唔影響他人.

無方法控制二手煙:你就無權利食煙!
-----------

答案1:因為己所不欲,勿施於人.
答案2:有權利唔可以無義務.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:我都有權唔食你d二手煙!唔該立法,要煙民盡番佢地既義務!唔控制二手煙,就告你蓄意傷害他人身體!

結論:點控制二手煙?關我鬼事!匿埋係屋企柵埋窗柵埋門食囉!唔鍾意成屋都係煙味,就咪食煙啦,自相矛盾!

得分:權責不分/10