信共產黨
Topic: 8歪理False Truth
請先看<提示>.

事情:共產黨成日話香港人唔信共產黨.

問題1:信唔信共產黨?
問題2:共產黨信唔信共產黨?

解題:
-----------
千祈唔好信共產黨.無論邊個,無論幾似好人,無論點,你都唔好信!

以上,係我細個我老豆教我地既!
走落黎香港之前,只係對左共產黨十年,都明白既道理,點解大陸人對左共產黨幾十年,都唔識教自己既子孫!

我要鬧醒你班大陸人!

平反64?還死左既學生一個公道?

點解你班阿爸阿媽阿爺阿嫲阿公阿婆,比共產黨玩左40年,都唔教識班大學生?
見左李鵬一次講廢話,你地仲信佢地會肯反貪腐?
咁多軍隊坦克入城,你地仲以為唔會鎮壓?

個個淨係識講錢,共產黨自己都唔信共產啦,你仲信佢!

讀到大學,就咁就無左!
係呀,係共產黨殺佢地架,但係,係你地班父母祖父母累死你地既子孫架!
唔好再怨共產黨啦,要鬧,就鬧你地自己!

共產黨會還死左既學生一個公道?
3反5反呢?文化大革命呢?晒氣!
好多唔信共產黨既都比信共產黨既人累死埋啦!唉!

平反64?
南京大屠殺,日本都唔認呀,又要叫日本平反南京大屠殺呀?

個個中國人都知南京大屠殺啦,使鬼平反呀!
本本書都係咁寫,有相為証,使鬼理佢認唔認咩!

以後都唔需要平反64,因為--------呢個係事實!
只需要全世界既華人,以後每本歷史書,任何新書小說漫畫既封面封底同序,仲有所有網頁同個人網誌,全部都寫"8964,中共鎮壓,屠殺手無寸鐵既學生同平民!"就得啦!
寫出事實,寫出真相,使鬼理共產黨認唔認呀!

香港班高官,個個都唔敢提8964.
一句真話都唔敢講,無資格做人!
-----------

答案1:唔好信共產黨.
答案2:共產黨都唔信共產黨.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:信共產黨,抵你死,衰左唔抵可憐!共產黨既走狗,睇下幾時利用完你之後,輪到你比共產黨玩死!咩吾爾開希,王丹,劉曉波,程翔......,唔好再怨共產黨啦,要怨就怨你自己,點解要信共產黨咁笨!

結論:各位信同唔信共產黨既死難者,終於知道自己點死啦?解開心結,安息吧!

得分:青紅皂白不分/10

權利與義務
Topic: 8歪理False Truth
請先看<提示>.

事情:聽講有權利就有義務.

問題1:點解有權利就有義務?
問題2:有權利可否無義務?

解題:
-----------
權利與義務:關符法律.
法律:係點黎呀?
請參考[法律]一文:主要基於'己所不欲,勿施於人.'

你想唔想:有權利無義務?
你想唔想:自己有權利去泳池游水,無義務保持泳池清潔?
你又想唔想:其他人有權利去泳池游水,無義務保持泳池清潔?人地游完先到你游喎!
你想唔想:有義務無權利?
你想唔想:其他人有義務保持泳池清潔,無權利去泳池游水?
你又想唔想:自己有義務保持泳池清潔,無權利去泳池游水?

吸煙:有二手煙.
二手煙:有肺癌.

係:你有權食煙,唔可以唔比你食煙.
有權利食煙:就有義務二手煙唔影響他人.

無方法控制二手煙:你就無權利食煙!
-----------

答案1:因為己所不欲,勿施於人.
答案2:有權利唔可以無義務.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:我都有權唔食你d二手煙!唔該立法,要煙民盡番佢地既義務!唔控制二手煙,就告你蓄意傷害他人身體!

結論:點控制二手煙?關我鬼事!匿埋係屋企柵埋窗柵埋門食囉!唔鍾意成屋都係煙味,就咪食煙啦,自相矛盾!

得分:權責不分/10

歷史使命
Topic: 8歪理False Truth
請先看<提示>.

事情:所有事,物,都有歷史使命.

問題1:何時開始歷史使命?
問題2:何時完成歷史使命?

解題:
-----------
發現,有用,用.
發覺,有問題,改進.
反省,有錯,唔用,轉用其他.

例1:錢
天生要用錢?
發現:貝殼,金,銀,寶物,代替以物易物.
發覺:重,難計,改用金銀兩,碎銀,銀票,最後變成吊錢,貨幣,支票,信用卡,八達通,網絡交易貨幣......
反省:永遠不能人人有錢賺,社會運作模式不可行,唔用.轉用家庭模式.請參考[金錢社會1-5]一文.

例2:工作方式
天生要一世工作?
發現:工作,有衣食住行,錢.
發覺:短工時,有休息,更有效率.讀書,研究,好過盲目勤力.
反省:為賺錢,多餘行業,浪費人力物力資源能源污染破壞,唔做.轉做10年必需工作,再投身興趣,研究,義工.請參考[新社會全面改革1-6]一文.
-----------

答案1:需要時開始歷史使命.
答案2:知錯時完成歷史使命.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:人並不是天生要用錢,亦不是天生要一世工作的.

結論:錢,一世工作,都已經完成歷史使命.

得分:對錯不分/10

面子
Topic: 8歪理False Truth
請先看<提示>.

事情:中國人,要面子.

問題1:如何有面子?
問題2:面子有乜用?

解題:
-----------
一.
有道理,辯論自然拗得贏,自然有面子.
無道理,要面子,死都要拗贏.

你咁鍾意贏,比你贏囉!
比你拗贏又點?
為拗贏而拗,解決唔到問題,拗贏有乜用?

二.
做得好,自然有人讚,自然有面子.
有做錯,要面子,唔認錯,唔改過,當無錯.

唔改過,錯完又錯,不斷再錯:有面子?
肯認錯,肯改過,唔再錯:無面子?

[知錯能改,善莫大焉.]

做得好:解決問題.
肯改過:一樣係解決問題.

解決到問題,先有用.
解決唔到問題,要面子,有乜用?

[面係人地比,架係自己丟.]

例子:
不斷強收地,武力鎮壓,比全世界鬧,無面.
烏坎村,認錯,捉貪官,解決問題,全世界讚,有面.
-----------

答案1:有道理,解決問題,就有面子.無道理,掩飾問題,就無面子.
答案2:面子乜用都無.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:面係人地比,唔係你想要就有.

結論:越要面,越無面.面子根本唔重要,解決問題先至最重要.

得分:輕重不分/10

判詞
Topic: 8歪理False Truth
請先看<提示>.

事情:法官要寫判詞,作為判罪理由,同埋量刑理由.

問題1:判詞難唔難寫?
問題2:判詞有乜特別?

解題:
-----------
刑事案:由倍審團決定.
倍審團:無讀過法律,只靠法官簡單講解有關法例,又可以判案.
判左有罪:法官即寫判詞.
判左無罪:法官又寫得出相反判詞.
贏又得,輸又得:判詞隨時寫得出.

請參考[法律]一文:相反判詞一案,兩份判決書,完全相反,話改就改,想怎判就怎判!哈!只要特登將關鍵一段抽起,就可以贏變輸,輸變贏!

法官寫判詞:幾百年經驗.
有漏洞:應該可以改善.
可以減少:因判詞有漏洞而上訴.

事實呢?上訴再上訴!
因為咁:做律師既後輩,有好多律師費,成功幫有錢佬分左一大份身家.

做過律師再做法官,好清楚點打官司!
判詞有無通水,暗號?
無讀過法律,跟過大狀,點鬼知!

例子:
~~~~~~~~~~~
一個月前,2012年9月4日:覆核申請 CAAR 2/2012,原觀塘裁判法院刑事案件2011年第6293號.
第54段:不論申請人的立場如何,本庭認為以本案的背景而言,一名合理的法官,在考慮過全部有關因素後,不會合理地認為判答辯人罰款是屬於恰當的判刑範圍之內.......

但係偏偏:裁判官就判罰款!哈!
點解?

第55段:本庭認為就每項控罪適當的量刑基準是6個月監禁,而適當的總量刑基準是8個月監禁.......

法官個人'認為'呢點重要,'認為'個點唔重要,'認為'呢個証供可信,'認為'個個証供唔可信.......
通常無解釋,靠感覺,無根據.
~~~~~~~~~~~

真人治,假法治!

請參考[假法治]一文:証人講既野無邏輯,就唔可以作為証供,律師講既野無邏輯,就唔可以作為辯護理由,檢控官講既野無邏輯,就唔可以作為檢控理由,法官講既野無邏輯,就唔可以作為判罪理由,同埋量刑理由.

三權分立,互相監察?
邊個監察法官?
ICAC?申訴專員?
原來係法官自己!哈!

請參考[政治,選舉2]一文:為阻止濫用權力而設的三權分立居然有一權不是民選,等於只有二權分立,等於完全起不到作用,可笑嗎?

判詞:有無法例規管?
終審判詞有錯:可以點?
無得上訴,坐冤枉監囉,點呀!
-----------

答案1:判詞好易寫.
答案2:判詞好乜特別.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:法庭同政府,立法會一樣,都有呢個關鍵既無邏輯,結論當理由既問題.無錯,法官律師係法律專家,但係唔係邏輯專家.

結論:所以法庭應該每次有1個理科,或者哲學既大學教授出席,由全港既大學教授電腦抽籤,負責評定每個人講既野有無邏輯,尤其係法官判詞.控辨雙方仲要有即場既判詞反對權,等大學教授評理.否則終審判詞有錯,就係咁先啦.

得分:法理不分/10

境外敵對勢力
Topic: 8歪理False Truth
請先看<提示>.

事情:中國共產黨有境外敵對勢力.

問題1:誰是境外敵對勢力?
問題2:如何應對境外敵對勢力?

解題:
-----------
除左中國,仲有無國家有境外敵對勢力?

有無證據?次次都搵唔到證據?
幾十年都查唔到?指明道姓?
知道又唔去反攻,消滅境外敵對勢力?
唔阻止對方搞事?
點解次次都係事後'定性為'境外敵對勢力?
一早無消息?次次都搞左事至知?
情報部門咁屎?食左屎?

因為根本就無!
'定性為'即係------靠估!
呢d叫思覺失調!

思覺失調病徵之一:
個個都想害佢.
自己永遠無錯.

思覺失調成因之一:
做得衰野多.
驚受害者報仇.

思覺失調例子:
自己以前放炸彈.
而加話人示威係暴力,阻礙政府施政.
有推撞,掟蕉又話人暴力升級.
暴力升級?
你以前暴動放炸彈,而加會放導彈?
唔係你官商勾結,搞到貧富懸殊,點會示威?

你政府做得好,邊個有藉口搞事?邊個想搞事?
邊有機會比你'幻想出黎既境外敵對勢力'?
政府會承認示威,革命因自己做得差?

有因必有果!
官迫民反!千古不變!
-----------

答案1:共產黨自己就係境外敵對勢力.
答案2:睇心理醫生啦.認錯啦,改過啦.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:根本就無境外敵對勢力,痴線佬就有一大班!

結論:唔認錯,唔改過,有無境外敵對勢力,你都唔捱得幾耐.

得分:痴傻不分/10

高官
Topic: 8歪理False Truth
請先看<提示>.

事情:政府高官自稱國家領導人,要市民聽從政府決定.

問題1:高官是領導人?
問題2:市民聽從政府決定?

解題:
-----------
傳統思想:民為貴,社稷次之,君為輕,官員更輕.
西方現代思想:政府係市民公僕,為市民服務.

父母官:唔係要市民孝順,聽話.
父母官:係要愛民如子!養兒一百歲,長憂九十九!

市民:係國家主人,僱主.
官員:係僕人,工人.

軍隊,警察:應該保護主人,唔係保護上司.
示威,請願:梗係政府做得唔好,先有人抗議遊行.
示威:要保護市民,唔係保護官員.
請願:要幫市民見官員,唔係幫官員避開市民.

高官:雖然比較叻.
但係:唔等於高高在上.
市民:雖然無咁叻.
亦都:唔等於無責任,可以依賴高官.
每個人:對呢個世界都有責任.

請參考[乜都叻]一文:你唔係乜都識,但係社會大家都有份,都有責任,一定要思考,知道有問題要出聲,講出錯處,點樣改點樣做先啱,唔可以避.繼續依賴叻人解決社會既問題,唔負責任,抵你永世都咁窮,無好日子過.
-----------

答案1:政府高官,係僕人總管,行政總裁,係低級官員既領導人,唔係市民既領導人.
答案2:係政府要聽市民話,唔係市民要聽政府話.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:無論傳統定係現代思想,市民先係國家主人!唔該所有高官,唔好再當自己高高在上.市民都唔好再當高官高高在上,你先至係國家主人.

結論:淨係想享受特權,住總統套房,無心服務市民,就唔好做政府高官.市民叫官員做野,都要平等對待,有禮貌,唔好好似你老板對你咁衰.大家都係人,己所不欲,勿施於人.

得分:主僕不分/10

示威
Topic: 8歪理False Truth
請先看<提示>.

事情:現代人以示威,遊行,集會,用和平方式對問題表達不滿.

問題1:示威有乜用?
問題2:示威解決到問題?

解題:
-----------
幾百年前:無電視電台報紙雜誌,更加無電腦網絡.
有不滿:想向政府表達.
唯一方法:示威,遊行,集會.

廿一世紀:電視電台報紙雜誌電腦網絡,乜都有.
示威,遊行,集會:仍然最有力.

咁又點?
國民教育示威:政府改小小,都係唔撤回.
光復上水示威:明明有辦法,唔示威,幾年都唔做野.
釣魚台示威:日本唔走,中國唔敢上,無改變.
平反64示威:唔平反,唔認錯.
占領華爾街:繼續偏袒富豪.
8964示威:反貪腐?殺殺殺!

示威有乜唔好?
煽動群眾:盲目附和,甚至搗亂.
官方煽動群眾:混入人群煽動,製做清場,武力鎮壓籍口.

講唔贏:點鬧都無用.
你話佢錯:佢話唔係.
你話你啱:佢又話唔係.
吹呀?

政府唔改唔做:你又唔服氣.
迫到政府做:佢又唔服氣.
迫到政府發脾氣:你就因住無命.
政府迫到你發脾氣:睇下最後邊個無命.

無一套可以肯定邊個啱邊個錯既方法:政府改幾多,做幾多,甚至唔改唔做,你都無符.
-----------

答案1:示威唔一定有用.
答案2:示威多數解決唔到問題.

三種思考通病:
1. 思考別人的說話當作思考問題本身.
"試下練習啦."
別人的說話:試下舉例啦.
問題本身:試下指正啦.
2. 跟隨別人的錯誤方向去思考.
"再試下練習啦."
錯誤方向:再試下舉例啦.
正確方向:再試下指正啦.
3. 根據沒有先行肯定對錯的論點作為思考的基礎.
"練習啦."
錯誤論點:舉例啦.
正確論點:指正啦.

以證:示威,好彩就有改善,唔好彩命都無.

結論:正確思考方法,同三種思考通病,就係一套易學易明易用,無讀過書既人都可以肯定邊個啱邊個錯既方法.學識佢就唔使示威啦!

得分:是非不分/10

監察政府
Topic: 8歪理False Truth
請先看<提示>.

事情:中國人多地大,難以監察政府.

問題1:如何監察政府?
問題2:如何監察各級官員?

解題:
-----------
貪官:用ICAC.
濫權:可以點?
屈平民:可以點?
官官相衛:公安幫政府捉人,法官幫手入罪.
可以點?

恢復傳統職位.

史官:歷史事實,想點寫就點寫,皇帝都無得改,唔準搞史官.
欽差大臣:尚方寶劍,先斬後奏,上斬昏君,下斬讒臣.

有史官:仲使等歷史自有公論?即刻有啦!
有欽差大臣:仲有貪污腐敗,濫權弄權,陷害忠良?

點解無左:梗係取消啦共產黨!
有史官有欽差大臣:共產黨無晒人啦!
-----------

答案1:恢復史官.
答案2:恢復欽差大臣.

三種思考通病:
1. 思考別人的說話當作思考問題本身.
"練習1."
別人的說話:舉例1.
問題本身:指正1.
2. 跟隨別人的錯誤方向去思考.
"練習2"
錯誤方向:舉例2.
正確方向:指正2.
3. 根據沒有先行肯定對錯的論點作為思考的基礎.
"練習3"
錯誤論點:舉例3.
正確論點:指正3.

以證:監察政府,監察官員,以前既中國人最聰明.

結論:淨係得廉政公處,管得到貪污腐敗,管唔到濫權弄權,陷害忠良.搵香港ICAC番大陸,好似國際刑警咁,可以係大陸執法,做埋史官同欽差大臣,共產黨所有衰野就無所遁形,大陸就有得救.

得分:古今中外不分/10

理性?
Topic: 8歪理False Truth
請先看<提示>.

事情:激進議員比保皇黨同政府話唔理性.

問題1:點為之理性?
問題2:激進就唔理性?

解題:
-----------
斯文敗類,無論幾斯文,都係斯文敗類.

咩叫理性?
講野有頭有尾有道理有解釋有邏輯,就係有理性.

咩叫無理性?
講野無頭無尾無道理無解釋無邏輯,即係講歪理,就係無理性.

點為之斯文敗類?
扮到好斯文,但係專做壞事,專講歪理,就係斯文敗類.

無論一個人幾斯文,只要佢講既野,係無頭無尾無道理無解釋無邏輯,就係一個無理性,專講歪理既斯文敗類.

無論一個人幾粗魯,只要佢講既野,係有頭有尾有道理有解釋有邏輯,就係一個有理性既粗魯好人.
-----------

答案1:有頭有尾有邏輯,又無犯三種思考通病,就係真理由,就係理性.
答案2:斯文敗類先至唔理性.

三種思考通病:
1. 思考別人的說話當作思考問題本身.
"練習1."
別人的說話:舉例1.
問題本身:指正1.
2. 跟隨別人的錯誤方向去思考.
"練習2"
錯誤方向:舉例2.
正確方向:指正2.
3. 根據沒有先行肯定對錯的論點作為思考的基礎.
"練習3"
錯誤論點:舉例3.
正確論點:指正3.

以證:將斯文等同理性,粗魯等同無理性,講d咁既歪理黎呃人既,就係一個徹頭徹尾既斯文敗類.比斯文等同理性,粗魯等同無理性,呢d咁簡單既歪理都呃到既人,你自己話,你抵唔抵鬧?

結論:仗義每多屠狗輩,斯文敗類最斯文,因為佢地要扮斯文,黎掩飾佢係敗類!

得分:兵賊不分/10