原本意思
Topic: 7證 Proof

請先看<提示>.

事情:古人智慧.

問題1:如何理解?
問題2:如何留傳?

解題:
-----------
古文難明,需要解釋.
不斷有人解釋古文意思.
結果不斷演變,再非原文意思.

應該解釋個別字詞,而非解釋全文意思.
讓人讀原文原句,自己領悟.

但領悟不同,一樣會不斷演變,再非原文意思.
繼而分裂,立派系,鬥爭,爭論.
例子:佛教,天主教,回教......

原因:只記錄結論,無記錄思考過程.
因而:有不同領悟,不同解釋.
-----------

答案1:讀原文原句,根據字詞解釋,自己領悟原本意思.
答案2:留傳後世,要記錄結論,更要記錄思考過程.

以證:古人智慧不低,但錯在一.無記錄思考過程;二.無教人學識思考及思考通病.

結論:我講的都是錯的,不要信我,信自己的思考與分析.

得分:+-167/10

定問題
Topic: 7證 Proof
請先看<提示>.

事情:正確思考方法,第一步要先確定問題.

問題1:如何確定問題?
問題2:如何否定問題?

解題:
-----------
問題,題目,的思考,都係思考.
所以,問題,題目,的思考通病,即係思考通病.

三種思考通病,次序,由常犯開始.
定問題,題目,要由重要性開始.
所以,次序,倒轉.

例1:宗教
三種思考通病:
3. 根據沒有先行肯定對錯的論點作為思考的基礎.
"應否信神?"
錯誤論點:假定有神.
正確論點:有無神?
2. 跟隨別人的錯誤方向去思考.
"有無神?"
錯誤方向:我要知有無神.
正確方向:為何要知有無神?
1. 思考別人的說話當作思考問題本身.
"為何要知有無神?"
別人的說話:神幫你做好人.
問題本身:我應該如何做好人?
0. 確定問題.
"我應該如何做好人?宗教神鬼跟我應該如何做好人有沒有關係?"

例2:講大話
三種思考通病:
3. 根據沒有先行肯定對錯的論點作為思考的基礎.
"係人都講大話?"
錯誤論點:只有人講大話.
正確論點:動物會否講大話?
2. 跟隨別人的錯誤方向去思考.
"動物會否講大話?"
錯誤方向:所有生物,嬰兒都講大話.
正確方向:為何講大話?
1. 思考別人的說話當作思考問題本身.
"為何講大話?"
別人的說話:講大話對自己有好處.
問題本身:應否講大話?
0. 確定問題.
"應否講大話?講大話好還是不講大話好?"

-----------

答案1:先否定錯誤問題,從而得出正確問題本身.
答案2:運用三種思考通病,倒轉次序分析.

以證:思考題目都係思考.確定問題的思考通病,都係一般思考通病.

結論:學識思考通病,才能真正思考,否則,一切思考,都是垃圾.

得分:-109700/10

識思考
Topic: 7證 Proof
請先看<提示>.

事情:思考.

問題1:為何學思考?
問題2:如何教思考?

解題:
-----------
老子講道德經:只講道理,無講如何得出道理.
佛祖講佛經:只講道理,無講如何得出道理.
耶穌講聖經:只講道理,無講如何得出道理.
穆罕默德講道可蘭經:只講道理,無講如何得出道理.

孔子講學:不只講道理,更重要講如何得出道理.(學而不思則罔,思而不學則殆.)

曾子,孟子,子思:只講道理,無講如何得出道理.
結果:孔子既道理變成垃圾規條!

無人可以乜都識,可以講出將來發生既問題,可以指出未來不斷出現既歪理.

請參考[馬克思哲學]一文之以證:教人學識正確思考方法,重要過講出自己的思考結論.
自己思考得出既道理唔重要,最重要係教識人思考,令人可以思考得出相同既道理!
-----------

答案1:所有人可以自己想出道理,而非死記道理.
答案2:不只講道理,更重要講如何得出道理.

以證:教學,唔係教人記得道理,而係教人記得思考.(子曰:不憤不啟,不悱不發,舉一隅不以三隅反,則不復也.)唔單只要思考,仲要用正確既方法思考!

結論:我講既道理唔重要,你識思考先至最重要!

得分:-11000/10

撮要四(依賴,責任)
Topic: 6講 Talk
請先看<提示>.

我無講過我係好人,我係壞人,我講既野都係錯既,唔好信我,信自己既思考同分析.我講左咁多次,都係想大家學識正確既思考方法,唔好盲目信人.

好似呂布咁,人地話佢反骨,係壞人,你就話佢係壞人.我話呂布係好人!因為佢既軍師係陳宮.陳宮係邊個?就係因為曹操一句"寧教我負天下人,莫教天下人負我"而同曹操分道揚鑣既人.好明顯陳宮係唔會幫奸人,佢幫得呂布就肯定認為呂布係好既!

呂布點解殺丁原又殺董卓呀?因為比董卓呃以為丁原係壞人所以大義滅親,之後因為王允同貂蟬令佢知道董卓先係壞人,滿朝文武同皇帝都想殺佢,呂布知錯能改殺董卓,咁有咩唔啱呀?你最多話佢唔夠醒比人呃,武將唔夠醒好出奇呀?醒就唔使請軍師啦!得幾多個武將醒呀?

完全盲目,一句係反覆小人,就個個將知錯能改大義滅親既呂布當係反骨仔!點為之反骨仔呀?唔幫好人走去幫壞人先叫反骨仔!唔再幫壞人走去幫好人,叫做改邪歸正!我今日就要為呂布正名!呂布唔係反骨仔,呂布係知錯能改,大義滅親,萬夫莫敵既忠臣,係真英雄!

仲有孔子,孔子既中心思想係仁,錯,錯晒!孔子係無中心思想既,論語提到最多是仁,係因為論語主要是記錄學生主動問孔子答,而非孔子主動講給學生知.學生問得最多,並不表示孔子最注重.要知道孔子最注重什麼,便要知道孔子最喜歡那個學生.

孔子最喜歡的,是顏回.顏回最好的是什麼?是聞一知十,是舉一反三.那代表孔子最注重什麼?無錯,是思考.不懂思考,只懂死記教條,怎能舉一反三,怎能聞一知十?面對不同問題,不是死記以仁為本,而是懂得思考解決方法,才是孔子最希望學生可以做到的.將以仁為本當作孔子的中心思想,實在是太小看孔子啦!

所以唔好再依賴神,聖人,叻人,要學懂思考,更加要學懂知錯能改,這個世界才會有美好的將來,否則,繼續有盲目的人,世界就永遠不會有好日子過.

雖然有D野我講得好慷慨激昂,但係我要既係冷靜既思考,唔係盲目既熱情.我都係為解決問題而討論,唔係為拗贏而拗.我太理性?成日講邏輯?係你太唔理性,太感性唶!我講既大部份都只係一步既邏輯思考,何來太理性?中庸之道,平衡理性與感性,係咪?

我講既野,每個人都應該學得識,只要大家都識一步既邏輯思考,世界就可以解決9成既問題,將來既人如果學識兩步既邏輯思考,就可以再解決9成既問題,如果一步既邏輯思考都話學唔識,咁就乜都唔使改,當我咩都無講過,大家繼續捱,一世比有錢佬欺壓!學思考其實不難,我出左名親朋戚友都知道我又蠢又鈍,我都做得到,還有誰做不到呢?

唔好求到支簽話有張良,就一味係到等張良!唔好預言話有救世主,就一味係到等救世主!每個人都係張良,每個人對呢個世界都有責任,唔好好似十個救火的少年咁,火唔燒到埋黎都唔幫手救火,淨係係到睇,人地救唔到犠牲左仲要話人,到火燒到埋黎,結果自己都燒埋,就無得救!夠膽做壞事,不是勇氣,是無勇氣,是無勇氣對壞人說不,是無勇氣維護正義.夠膽做好事,才是真真正正,有勇氣!大家攞出你地既勇氣出黎,一齊出手,解決社會既問題!

仲有,而加大家最緊要做既係救人,救災,唔好再掛住揾錢啦,幫助各地既災民先啦!

我已經盡左我做人既責任,以後既事就係你地既責任!講完我就走架啦,唔好諗住依賴我.我唔係神,唔係聖人,唔係乜都識,無學過無見過無聽過無諗過就唔識,唔識就話唔識,唔會唔識都扮識.我應該會比權貴有錢佬溶左,人間蒸發,或者比共產黨捉去,判煽動顛覆國家,即時槍斃.今晚之後都應該唔會再見到我,見到都當見我唔到,廢事煩.

詳細既唔講啦,要講起碼講三,四個鐘,想知可以搵番前面睇,我已經寫晒係呢個blog,最緊要由尾睇起,由最舊睇起,唔係倒練真經,經脈逆流,走火入魔,唔關我事.

最後講多次,我係壞人,我講既野都係錯既,唔好信我,信自己既思考同分析.我可能特登講D錯野,黎比你地諗下啱唔啱架.  BYE

撮要三(改革)
Topic: 6講 Talk
請先看<提示>.

都話我講既野都係錯既,唔好信我,信自己既思考同分析囉!你應該答"唔!我諗到啦,啱!"係你諗到啦啱,唔係我講得啱,知唔知?我地要用家庭既運作模式,同全世界既人一齊,重新建立一個新既社會,解決社會既問題.最重要既原則,依次係:第一係平等,第二係自由,跟住係公正,法治,民主,同埋和平.大前提係環保,同可持續發展.要成功咁生存,無適合生存既環境點生存?

如果用這種模式運作,有好多好處.很多無必要的功作已經可以不用存在,浪費資源,能源,起碼同錢有關的職業可以消失,亦沒有必要因為令人有工作賺錢,而去製做職位,製造相同的工作,產品,作無謂競爭,浪費.這樣最少3分之2的工作可以減少,即一般人只要肯做10年工,即30歲就可以退休.之後就可以做有意義的事,做義工,結婚生子,教育子女,照顧父母.好過現在人人沒有時間與家人相處,老人沒人理,孩子沒人教.放且現今社會複雜,父母應該用更多時間教導,關心子女,幫助子女發展.有時間更加可以研究自己有興趣的科學,哲學,醫學,社會學,宗教,人際關係,教育,沙漠化,環保.....等,好過現在99.999%人只用腦筋去研究揾錢,但是卻連錢的失敗也沒人研究.我相信到時人類的進步將會快幾百倍!(因為現在只有0.001%的人用腦研究去令人進步,而不是100%!)

還有就是可以減少很多犯罪,黑社會,社會衝突.只要肯做10年工,就可以以後有飯食,還有誰願意做黑社會?去種毒品,賣毒品,研製新毒品?誰人不想做好人?不怕無工做,無錢開飯,還有誰去偷搶騙,去做妓女,去操控妓女,去拐賣婦女兒童?去偷渡,去走私,做貪官污吏?去為了賣軍火,去引發衝突,去製造戰爭?沒有無謂的壓力,有誰會去搞破壞來發洩?沒有錢,何來賭?何來賭徒問題?當然,世界唔會無問題,唔會無人痴線,但會少好多!住在無資源,無好農地,永遠無可能富庶地方的人,就要去幫佢地.可以唔幫嗎?換轉你是他們,你說可以怎樣?

不可用什麼分數呀,記錄多少工作可作多少活動呀買珍貴物品食品呀等方法.不要以為沒有錢字就得,錢,只是一個名,實際是記錄個人所得多少的任何方法都一樣.只有像一家人一樣,不計多少,才不會同錢一樣失敗的!

實際要點做?我會講個大慨,詳細既留番比後生仔去諗,等你地有機會思考下,唔好乜都我講晒.無國家,種族主義,一個不用錢運作的社會,所有人都可免費讀到高中,18歲不論男女做2年軍訓,20到30歲做工,包括政府工,之後退休,結婚拍拖生小孩,做義工,做研究,照顧父母.軍訓並非教打仗,是教災難應變,如何分工合作,是救援軍.到有災難既時候,所有人都識得點應付同幫手.所有工都是頭2年由上一任帶,學習,6年時間全力工作,最後2年再帶下一任,10年後完成退休.無升職,無轉工,除非有病或者受傷唔做得.

唔會有老人政治,唔會有政黨政治,全部係20-30歲後生仔女,做政府官員.無經驗,點都好過只識玩權力玩政治既經驗,所以政府再無秘密會議秘密檔案,所有會議都要公開直播比市民監察.首先由理科同哲學既大學生接管政府,做決策,由理科同哲學既大學教授比議見,再慢慢過渡到正常結構既政府,即係20-30歲既人都有.地產商,大企業?主席,董事會,總裁,都係20-30歲後生仔女電腦抽籤.富豪?無啦!大家唔使再比有錢佬欺壓啦!

教育自然要改革,應該訓練正確思考,唔係訓練工作技能,另外要教同家人相處,同其他人相處,仲有教應變能力,處理壓力,領導能力,耐性,人際關係,分析能力,社會和諧,心理,記憶力,意志,定力,集中力....等等的訓練,唔好唔記得教有災難要點做,先唔會混亂,先唔會鹽都走去搶!

宗教,是學術一種,喜歡可以研究,但沒有工做.喜歡可以信,但不應傳教,應由每個人自己決定.其實只要認認真真去做個好人,認認真真去解決問題,事情因為應該而做,因為對而做,因為不應該而不做,因為錯而不做,而不是做自私自利的假好人,因為對自己有好處而做好事,因為對自己有壞處而不做壞事,就得啦,又何需理會有無鬼神呢?

唱歌演戲運動員,30後吧.簡單一句,不是必需的,30歲後做吧.其他各行各業,不能盡錄,自己思考思考吧!

這樣的社會,無競爭,無進步?証據呢?競爭必須單打獨鬥嗎?公司,學校,國家,不須團體合作嗎?集合全球智慧不會更好嗎?不為競爭而競爭,才是真進步.不為個人,金錢而思考,為各人各種不同興趣,專長,為全人類而思考,絕對有更加大進步.

咁樣改革之後,自然就做到人人平等既社會.平等,不是講先天後天條件,是如何對待自己,對待別人.這才是平等的真正意思,所以不用分男女平等,宗教平等,種族平等,兒童老人平等......,只要對任何人,都跟對自己一樣,不會因為不同人就不同的對待,你就成功做到人人平等!

撮要二(根本)
Topic: 6講 Talk
請先看<提示>.

要真正咁解決社會既問題,除左要解決關鍵既問題,更重要係解決根本既問題!乜野係根本問題?就係呢個社會既運作模式.即係用錢黎運作既社會模式!用錢來運作這種社會模式是由[演變]而成的,並非由聰明人經過分析,研究,証明可行才開始使用的.那其實可行嗎?怎樣才算可行呢?[每個人只要勤力都一定賺到錢],就可算可行吧!如果每個人都勤力做工,不偷不搶,不懶不騙,無天災人禍,都不能做到人人有錢賺,還可算可行嗎?不可以吧!那是否人人勤力,都一定賺到錢呢?

用最簡單的例子,假設有3個人,每人100元,互相買野賣野賺錢,結果是不能有錢齊齊賺,根本來來去去都係總共得個300元,!用數學歸納法,情況就算有4個5個,直到 n+1個人,都沒辦法做到所有人有錢賺!即係呢個世界係塘水滾塘魚,根本就無多到錢!係最完美既情況之下,都唔可能人人有錢賺,何況現實,係有天災人禍,有老弱傷殘,有高矮肥瘦?用錢黎運作,係永遠都會有窮人,係會不斷咁製造窮人,所以係唔可行既!

係呀!我講既野都係錯既,唔好信我,信自己既思考同分析.咁你計條數黎睇,睇下點樣可以3個人都賺多過100蚊囉!講不出點為之對,但堅持自己對人地錯,等於唔講道理!

你越賺得多錢,只會令別人更窮,令社會更不安定,而不會令生活更安定的.金錢不是萬惡之源,只是沒有人研究過,由社會自然演變而成的失敗[發明]吧!

那到底應該怎麼改呢?其實現實是有可行例子,而且每個人都有做,還做了幾千年.就是家庭的運作模式啦!即是什麼?就是互相之間幫忙,做事,不計錢啦!大家想想,如果一家人之間都要計錢會是什麼結果?除了有賺錢的父親,有誰不是一身債?要幾多歲才可以還得清比父親呀?原來不計錢好地地,一計錢便大問題,跟本沒可能解決!相反,現在全球的貧富懸殊問題,如果不計錢,當全世界是同一個家,互相幫忙,互相照顧,一樣可以變得好地地.

呢個唔係共產主義,共產主義同資本主義一樣都係用錢黎運作既社會模式,只要用錢,就一定失敗.我講既係家庭既運作模式,係唔用錢,但係一樣有個人財產,係用左幾千年,恆之有效既模式,係完全唔同既野黎!唔好晒我時間,同我講共產主義資本主義社會主義,我一路講緊既,係正確既思考方法,同埋三個思考通病,唔係乜野乜野主義.個D一咪話自己啱,叫人信,但係又唔教人學識正確既思考方法,叫人自己諗答案既,全部都係垃圾!

淨係自己識得諗,人地唔識,咁有乜用呀?你死左咁點呀?淨係識聽得明,唔識諗得明,咪又係解決唔到問題!講野要人自己諗得明先得架!淨係一味我話係就係,叫你信就信啦,一知半解咁,有乜用呀?

講左咁多根本問題關鍵問題,其實點解會發生?一切一切,都係源於人類既原始本性,想生存,想自己好,即係自私.人之初性本善,人之初性本惡,其實都係一樣,即係自私,即係想自己好,即係想生存!蠢人自私,就只會對自己好,就以為真係會好,無諗過人地唔好,對自己有咩影響.只有人人都好,自己先至真正會有好日子過!人無分自唔自私,無分性本善性本惡,只有分聰明人,同蠢人.你,係邊種?淨係得自己好,係失敗既自私.所有人都好,就係真正成功既自私!就係真正成功既生存方式嘞!

所以家庭既運作模式,就係成功既社會運作模式!人懂得分是非對錯,思考,要同其他人接觸,所有人之間都要互相依靠,才能衣食住行俱備.所以人最好的生存方式,不是只顧自己成功,自己幸福,而是大家都好,才算成功.對嗎?

撮要一(關鍵)
Topic: 6講 Talk
請先看<提示>.

首先,我要講以下既野,係因為我"忍無可忍,我要出手,解決社會既問題!"

點解忍無可忍?大家對政治民生社會問題,討論左幾十年,討論過幾百幾千次,但係最關鍵既問題都唔討論,咁又有乜用?其他野比你討論完又點?政府一句唔做,你吹呀?保皇黨投反對票,你咬佢食呀?呢個先係最關鍵既問題呀嗎!解決左呢個問題,其他問題先解決到加嗎!唔解決呢個問題,討論其他問題又有咩意思呢?學電台節目瘋show快活人話齋,你等多三百年都解決唔到問題啦!所以唔好晒時間講其他野啦,講左呢個最關鍵既問題先啦!

而加個問題係咩野?就係無論官員發言有無道理,你都阻唔到佢做定唔做,無論議員發言有無道理,你都阻唔到佢亂投票!要有人評定佢地講既野有無道理,有無邏輯先得加馬!官員無邏輯,唔該再解釋,解唔到唔該收番,唔可以咁做!議員無邏輯,唔該再講過,唔係無得投票!咁先可以阻止政府亂施政,議員亂投票加嗎!啱唔啱?

唔啱!係呢到,我要先強調我既格言:我講既野都係錯既,唔好信我,信自己既思考同分析.

講番關鍵問題,要解決呢個關鍵問題,立法會應該修改議事規則,應該每次有3個理科既大學教授出席,由全港既大學教授電腦抽籤,負責評定每個官員,議員,甚至傳召人員講既野邊個啱邊個錯.點解要有3個教授,係因為如果有異意,可以有2對1多數.因為邏輯係理科既強行,所以由數,理,工,醫科教授負責.哲學系都得.

而加既立法會同政府,講野無道理,一味靠人多.政府靠多票,迫市民接受,市民靠多人,迫政府同意.咁叫民主咩?咁樣唔係叫民主,咁樣叫人多蝦人少,持強凌弱!真正既民主唔係咁樣架!真正既民主應該係贏既堂堂正正,有根有據,輸既心服口服,願意配合,而唔係好似而加咁,贏既閃閃縮縮,無根無據,輸既口唔服,心更加唔服,唔願意配合囉!小數服從多數,服從服從,要服,仲要從!而加既政府,根本就係假施政,假立法,假民主!

呢個關鍵既問題咁明顯,好難諗咩?普通人無去諗就話遮,我諗一諗都即刻諗到啦!點解你D官員,議員,日日坐係立法會入面,面對住呢個問題2,30年,都會諗唔到呀?成日話爭取民主,爭取人權,爭取法治,爭取平等,爭取自由,爭取呢樣個樣!靠你地呀?等多五千年都爭取唔到啦!你地係做好多野呀,但係成日做埋D治標唔治本既野,唔治本永遠都有新問題出現,治幾多次標都無用啦!

講左行政,立法,就梗係要講埋司法.法庭都一樣有呢個關鍵既問題.無錯,法官律師係法律專家,但係唔係邏輯專家.所以法庭應該每次有1個理科,或者哲學既大學教授出席,由全港既大學教授電腦抽籤,負責評定每個人講既野有無邏輯.點解法庭既公正性已經蕩然無存?係市民既心目中,法官永遠都係偏幫有權有勢有錢人,就係因為呢個漏洞,無人評定佢地講既野有無邏輯,令到佢地鍾意點判就點判!呢D叫做法治咩?呢D叫做假法治?

仲有警察同軍隊都係.警察同軍隊既第一規條呀係咩呀?絕對服從上司既命令!佢地既上司係咩野人呀?梗係同政府高官,同權貴,同有錢人有密切關係既人黎架啦,佢地既命令就梗係保護D權貴同有錢人啦,點會企係市民呢邊保護市民呀?所以軍隊同警察既第一戒條,應該要改,第一戒條,同做人既第一戒條一樣,所有人都應該要遵守既,就係:絕對"唔可以盲目咁"做人,絕對"唔可以盲目咁"服從上司既命令!加番"唔可以盲目咁"呢六個字就啱啦!做人做咩都唔可以盲目架啦,點可以有咁無邏輯既規條呀?仲要係第一規條?而加既警察同軍隊,根本就係假警察,假軍隊!

假警察,假軍隊,加埋之前講既假行政,假立法,假民主,同假司法,根本全世界既政府都係揾笨,全部都有呢個無邏輯既漏洞,等D權貴可以玩政治,玩權力,玩市民,操控成個政府,變成佢地既私人政府,私人議會,私人民主,私人法庭,私人警察,同埋私人軍隊!全世界都係權貴既世界!有錢佬玩晒,市民永遠無運行!大家如果唔想咁樣,所有人就要一齊企出黎,學識正確既思考方法,堵塞呢個漏洞,改革政府,改革軍隊,咁先可以真正解決社會既問題!

講左咁耐無邏輯,究竟點先至算有邏輯?邏輯分兩部份,兩樣都同時有,先至算有邏輯.第一,講既道理同問題之間要有邏輯關係,第二,講既道理本身要有邏輯.至於道理本身既邏輯,就即係用正確既思考方法,要講得出整過思考過程,同時無犯到三個思考通病.正確既思考方法好簡單,就係:先確定問題,直接思考問題本身,逐步追尋問題的根源,找出解決問題根源的方法,再反方向逐步推論,看是否能解決原本的問題.三個思考通病亦都好簡單,就係:1. 思考別人的說話當作思考問題本身.2. 跟隨別人的錯誤方向去思考.3. 根據沒有先行肯定對錯的論點作為思考的基礎.辯論係要解決問題,係要睇下邊個講既野啱,邊個唔啱!講理由係要用正確既思考方法,係要有邏輯!咁樣既辯論先有意思,咁樣既發言先有用加嗎!

聽有錢人,惡人話
Topic: 7證 Proof
請先看<提示>.

事情:有人選擇聽有錢人,惡人話,有人選擇跟有錢人,惡人鬥.

問題1:聽話好無?
問題2:點做至好?

解題:
-----------
有錢人,惡人,有權勢.
唔聽話,驚影響家人.
惡晒?最惡最有權勢?唔夠人有錢,唔夠人惡呢?
將來佢老左,你又老左呢?
就算最惡,一樣唔會好.

一齊唔聽話,無人幫佢地,點影響家人?
聽話,佢好,你有可能好.
佢坐係後面,你行先死先.
怕佢地,佢有好日子過,你永無好日子過.
個別跟有錢人,惡人鬥,攬住一齊死,你無好日子過,佢都無好日子過.
一齊跟有錢人,惡人鬥,你有好日子過,佢永無好日子過.

做有錢人,惡人,就會好?
對住同你鬥,寧願攬住一齊死既人,都無好日子過.
唔夠人有錢,唔夠人惡,一樣都無好日子過.
你最惡最有錢,人地唔會諗辦法惡過你有錢過你?你唔會老?
有錢人,惡人合作?既然要合作先有好日子過,不如同所有人一齊合作啦!

警察,軍隊,聽政府話,打壓市民.
貪官,權貴,官商勾結,玩政治,玩權力,玩弄市民.
警察家人,軍隊家人,一定唔受影響?
保護市民,對抗貪官,權貴,家人先至無事.
----------

答案1:唔好聽有錢人,惡人話.
答案2:一齊跟有錢人,惡人鬥最好.

以證:做有錢人,惡人,同做普通人一樣,都係無好日子過.警察,軍隊,幫權貴有錢佬,最白痴.

結論:聽有錢人,惡人話,只顧自己唔受影響,係失敗既自私,係失敗既生存方式.一齊跟有錢人,惡人鬥,一齊唔受影響,就係真正成功既自私,就係真正成功既生存方式!

得分:-1458/10

10個救火的少年
Topic: 7證 Proof
請先看<提示>.

事情:舊歌,講10個救火的少年,未夠火已經走剩3個,救唔到火,結果燒死晒,仲要比人鬧無用.

問題1:應唔應該救火?
問題2:邊個要比人鬧?

解題:
-----------
故事改編1:
好大好大火,無路走,好多人被困,10個主動救火的少年,幾個諗諗下又怕死,幾個爭話事,有個得把口,最後得番3個,救唔到火,結果燒死晒.其他人火唔燒到埋黎都唔幫手救火,淨係企係到睇,人地救唔到犠牲左仲要話人,到火燒到埋黎,結果自己都燒埋,無得救!

故事改編2:
孫中山搞革命救國,多次失敗,死左好多人,但係有人唔幫手不特止,仲要話人搞革命多餘,使乜理人,顧住自己最好.最後辛亥革命成功,為革命犧牲既受人專敬為烈士,而無幫手既人,於列強瓜分中國之下,生活艱苦!
天下不平,何以為國?國不成國,何以為家?
-----------

答案1:所有人都應該救火.
答案2:無份救火既都抵鬧.

以證:修身齊家治國平天下,錯!修身平天下治國齊家,正確!

結論:想生存,但係只顧自己,唔合作出力,係失敗既自私,係失敗既生存方式.想生存,為大家,一齊出力,就係真正成功既自私,就係真正成功既生存方式!

得分:-1000/10

供求曲線
Topic: 7證 Proof
請先看<提示>.

事情:經濟學根據供求定率生產,銷售.

問題1:生產什麼?
問題2:生產幾多?

解題:
-----------
經濟學根據:供求曲線,機會成本等.
產品定價:由自由市場定價.

工人工資:都係由市場定價?當工人係貨物產品?係咪搞錯左呀?
薪金:應該由工作必須性定價.
由智識技術,缺乏性決定薪金:定價自然唔合理.
無人炒股唱歌拍戲打籃球:無人要死.
無人耕田捉魚養家畜家禽:無人唔使死.

要食飯:要有錢.
要搵錢:不斷生產,不斷工作.

要生存:可以唔需要錢.
唔使搵錢:無需不斷生產.
無多餘生產:唔使捱成世.
無多餘產品:無浪費資源,能源.

為錢而生產:唔理生產過程同產品污染環境.
為生存而生產:避免污染環境.

以生存為生產根據:能源成本曲線,污染成本曲線,資源成本曲線.
-----------

答案1:生產維持生存,有利生存的產品,而非為賺錢不斷出新產品.
答案2:不必為錢做人,只需為足夠生存而生產.

三種思考通病:
1. 思考別人的說話當作思考問題本身.
"供求定率."
別人的說話:根據需求決定生產.
問題本身:根據什麼決定生產?
2. 跟隨別人的錯誤方向去思考.
"自由市場."
錯誤方向:工人工資由市場定價.
正確方向:工資應該由工作必須性定價.
3. 根據沒有先行肯定對錯的論點作為思考的基礎.
"經濟增長."
錯誤論點:要不斷工作,不斷搵錢,才能維持人人有飯食,才能提升生活質素.
正確論點:不需不斷工作,唔用錢,更能維持人人有飯食,更能提升生活質素.

以證:工人工資定價唔合理.工人農夫地位應該比權貴有錢佬更高.

結論:為賺錢而無視浪費資源,能源,環境污染,只想自己好,係失敗既自私,係失敗既生存方式.唔用錢,重視資源,能源,環保,大家都好,就係真正成功既自私,就係真正成功既生存方式!

得分:-500/10