馬克思哲學
Topic: 7證 Proof
請先看<提示>.

事情:馬克思引用辯證唯物論看歷史,創立歷史唯物論用於解釋歷史,推論歷史.共產黨稱之為科學.

問題1:辯證唯物,歷史唯物是哲學還是科學?
問題2:未來歷史可否推論?

解題:
-----------
唯物:先有事物,後有思想.
辯證:原自黑格爾辯證法,又名正反合-事物有兩面,相互阻礙發展,同時相互推動發展.
歷史唯物:生產力影響社會模式發展,社會模式影響生產力發展,同時令生產力發展,生產力發展同時又令社會模式發展.

辯證法:明顯係抄相生相尅,物極必反,否極泰來.
共產主義:似係抄大同世界.
資本主義:差不多係抄小康社會.
無政府主義:九成九係抄無為而治.

歷史:如陰陽相生相尅,還是如五行相生相尅?

康德先驗論:人只能理解事物的現象,不能理解事物的本體.
哥德爾不完備定理:任何數學系統,皆存在不能證明或否證之命題.
康德,哥德爾:直頭係抄道可道,非常道.

中國人講左幾千年既理論,西人只講左幾百年,仲以為自己好叻,仲要錯用玄學當哲學,真係笑爆咀.
-----------

答案1:辯證唯物,歷史唯物不是哲學,也不是科學,是玄學.
答案2:歷史不可推論未來,只可總結過去錯誤.

三種思考通病:
1. 思考別人的說話當作思考問題本身.
"歷史唯物."
別人的說話:歷史受生產力與及社會模式互相影響而發展.
問題本身:歷史可否推論?
2. 跟隨別人的錯誤方向去思考.
"歷史唯物."
錯誤方向:歷史可推論.
正確方向:應怎樣看待歷史.
3. 根據沒有先行肯定對錯的論點作為思考的基礎.
"歷史唯物."
錯誤論點:用辯證唯物論看歷史.
正確論點:辯證唯物只是玄學.用玄學推論歷史,不如占卜.

以證:教人學識正確思考方法,重要過講出自己的思考結論.請參考[解決根本問題]一文:個D一咪話自己啱,叫人信,但係又唔教人學識正確既思考方法,叫人自己諗答案既,全部都係垃圾!淨係自己識得諗,人地唔識,咁有乜用呀?你死左咁點呀?淨係識聽得明,唔識諗得明,咪又係解決唔到問題! (子曰:學而不思則罔,思而不學則殆.)

結論:只講出自己的思考結論,只想自己出名成功,係失敗既自私,係失敗既生存方式.教人學識正確思考方法,所有人都好,就係真正成功既自私,就係真正成功既生存方式!

得分:-100/10

共產主義
Topic: 7證 Proof
請先看<提示>.

事情:馬克思創立共產主義.

問題1:共產主義國家為何失敗?
問題2:共產主義可否實行?

解題:
-----------
1.馬克思理論
馬克思只講過共產主義世界有幾好,但係無講過共產主義世界如何運作.
共產政府管治方式:無講.
共產公民配合方式:無講.
根本唔知點實行,但係又有人信!

2.共產國家嘗試實行方法
實行社會主義(共產主義初級階段):我幾十年坐辦公室歎冷氣叫你做野,你幾十年耕田,洗廁所,開礦,但係大家人工一樣!好似仲要我多D!
梗係失敗啦!搵笨咩!邊個會勤力呀?

無產階級專政:但係打壓無產階級,工人農民示威,維權,反官商勾結,全部有罪!

思想控制:互相監視,批鬥,反資本主義思想.你有信心人地錯咪比人講囉,實講多錯多格!辯論實輸格!除非?......

3.用錢運作
請參考[金錢社會1-5]一文:
既然自由經濟不行,那共產主義,規劃經濟又怎麼樣?
一樣不行,而且問題更加明顯化,因為所有人都一齊越來越少錢,由100元,變成99元,98,97,96......,直到70,60,50元.共產國家的快速崩潰,就是這個原因的事實證明.只要是[用錢來運作],就注定失敗!

4.歷史演變
馬克思推論:
高度發展資本主義:高度發展生產力.
強大生產力:大量剩餘價值,大量剝削工人.
大量剝削工人:階級革命.
階級革命:實行社會主義,無產階級專政.
完成社會主義:達至共產主義.

正確推論:
高度發展資本主義:高度發展生產力.
高度發展生產力:需要高度發展智慧,知識.
高智慧:發現[用錢來運作這種社會模式是不可行].
唔用錢:用家庭模式.
真正成功既生存方式:自然達成大同世界.
-----------

答案1:共產主義國家又傻又蠢又搵笨又矛盾,所以失敗.
答案2:共產主義無可能實行,大同世界自然會實現.

三種思考通病:
1. 思考別人的說話當作思考問題本身.
"馬克思推論."
別人的說話:歷史會演變成共產主義.
問題本身:社會運作模式最好是怎樣?
2. 跟隨別人的錯誤方向去思考.
"共產主義資本主義."
錯誤方向:如何用錢來運作?
正確方向:應否用錢來運作?
3. 根據沒有先行肯定對錯的論點作為思考的基礎.
"歷史唯物主義."
錯誤論點:生產力決定社會模式的演變.
正確論點:智慧決定社會模式可以演變,仲可以突變.

以證:人唔單只會改良(舉一反三,聞一知十),仲會反省(吾日三省吾身;過而不改,是為過也).所以歷史不會只受生產力發展影響,而朝住一條路發展,仲會受好多其他野影響,包括發現用錢既錯,而改行第二條路.人類歷史唔係階級鬥爭既歷史,人類歷史係勤力思考,勤力改良,勤力反省既歷史.

結論:資本主義社會主義共產主義,只講錢,只想自己好,係失敗既自私,係失敗既生存方式.大同世界,先講做人道理,關心所有人,所有人都好,就係真正成功既自私,就係真正成功既生存方式!

得分:--66/10

法律
Topic: 7證 Proof
請先看<提示>.

事情:所有國家都有法律作為管治方式.

問題1:法律根據什麼寫成?
問題2:應該根據法律行事做人?

解題:
-----------
定立法律,唔想人犯錯.
犯法要受罰,唔犯法唔使罰.

何謂犯錯?
根據做人道理,道德標準,分辦對錯.
法律多數不管個人,只管影響他人.
所以法律主要基於:己所不欲,勿施於人.

可惜,法律變成行為標準.
因為,唔需要做好人,只需要唔犯法.

有錢人,壞人,打官司,走法律罅.
法官,律師,法律觀點,各自演釋.

皆因法律條文,只寫出結論,無寫出思考過程.
結果,法律變成文字遊戲.

例子:相反判詞一案
~~~~~~~~~~~
2007年,法官口頭裁定上訴得直,7個半月後,書面判決竟變成上訴失敗,被上訴方發現錯誤之後,同日下午即改判詞,繼續上訴得直!

兩份判決書,完全相反,話改就改,想怎判就怎判!哈!

只要特登將關鍵一段抽起,就可以贏變輸,輸變贏!

上網可得到終審及上訴判詞,自己慢慢研究吧!
~~~~~~~~~~~

文字遊戲,證據確鑿!
-----------

答案1:法律根據[己所不欲,勿施於人]寫成.
答案2:應該根據做人道理,道德標準行事做人.

三種思考通病:
1. 思考別人的說話當作思考問題本身.
"凡事以法理為依歸."
別人的說話:根據法律判斷是非.
問題本身:根據什麼準則做人.
2. 跟隨別人的錯誤方向去思考.
"凡事以法理為依歸."
錯誤方向:做人唔好犯法.
正確方向:做人唔只唔好犯法,仲要做好人.
3. 根據沒有先行肯定對錯的論點作為思考的基礎.
"凡事以法理為依歸."
錯誤論點:法庭最公正.
正確論點:法律條文唔清楚,法官以假法治掩飾,實施真人治.

以證:做人道理大於法律.法律根據做人道理而定,根據做人道理改進而修改,而不是做人道理根據法律為解釋,根據法律而改變.法律係"只記錄結論,無記錄思考過程"的又一失敗例子.結論與思考過程同樣重要,因此法律條文要記錄結論及思考過程,否則無頭無尾無邏輯,淨係得個結論,都係等於無法律.

結論:定立法律規範行為,只想自己好,不受他人影響,係失敗既自私,係失敗既生存方式.根據做人道理行事做人,所有人都好,就係真正成功既自私,就係真正成功既生存方式!

子曰:道之以政,齊之以刑,民免而無恥;道之以德,齊之以禮,有恥且格.

得分:-2/10

平等機會
Topic: 7證 Proof
請先看<提示>.

事情:有人話無平等條件,但係有平等機會.

問題1:真係有平等機會?
問題2:點至有平等機會?

解題:
-----------
以前:無平等.
後來:有人覺得應該平等.
再後來:開始有人爭取平等.
終於:人人認同人人平等.

於是:開始消除歧視.
之後:立法保障平等.
另外:宣傳平等概念.
不過:好似有D唔妥.

窮人:仍然仲係窮人.
有錢:更加越係有錢.
點解:唔係有平等咩?
原來:起跑條件唔平等.

不滿:又開始擴大.
有人:再次研究問題.
指出:雖然起跑條件唔平等.
但係:係有平等機會.
只要:你有能力.
一樣:可以出人頭地.
大家:又再繼續
努力:爭取機會.

可惜:無先勤力思考.
結果:又比人呃左.
機會:邊個比你?
咪又係:比權貴搾住.
無權勢:好叻先有機會.
有權勢:蠢仔都大把機會.
好機會:咪又係比晒自己友.
何來:有公平競爭?

如果:窮人同有錢仔一樣咁叻.
你估:邊個機會大呀?
梗係:唔使講都知啦!
唔通:人人有機會變有錢享有特權,咁就叫有平等機會?
-----------

答案1:資本主義之下絕對無平等機會.
答案2:機會唔係比權貴搾住,而係比窮人搾住,就真係會有平等機會.

三種思考通病:
1. 思考別人的說話當作思考問題本身.
"有公平,有平等."
別人的說話:平等唔係條件,而係平等機會.
問題本身:何謂平等?
2. 跟隨別人的錯誤方向去思考.
"有平等機會."
錯誤方向:何謂平等機會?
正確方向:何謂平等?
3. 根據沒有先行肯定對錯的論點作為思考的基礎.
"消除歧視."
錯誤論點:男女平等,宗教平等,種族平等,年齡平等...
正確論點:何謂平等?

以證:平等機會,係權貴用黎呃窮人有平等既假議題.

結論:平等條件,平等機會,都唔係平等真義.請參考[人人平等]一文:平等,不是講先天後天條件,是如何對待自己,對待別人.只要對任何人,都跟對自己一樣,不會因為不同人就不同的對待,你就成功做到人人平等.

得分:0/10

勤力努力
Topic: 7證 Proof
請先看<提示>.

事情:做人要努力
名言:多勞多得;勤有功,戲無益.
因為:要勤力搵食,勤力搵錢.
懶惰:不能成功.

問題1:勤力就得?
問題2:如何勤力?

解題:
-----------
耕田:一畝田一畝收獲.
努力耕田:兩畝田兩畝收獲.
努力研究:一畝田兩畝收獲.

搬運:一次一籮穀.
勤力搬運:兩次兩籮穀.
勤力思考:一次一擔兩籮穀.
勤力研究:一次一車四籮穀.

搵錢:一世人搵一世錢.
勤力搵錢:一世人搵三世錢.
勤力思考:一世人搵十世錢.
勤力研究:唔使揾錢,因為錢係失敗既發明.

讀書:學識知識.
努力讀書:明白更多知識.
努力思考:理解消化知識.
努力研究:創造新知識.

懶惰:難完成工作.
努力思考:易完成工作.
努力研究:發明機械,科技,輕鬆完成工作.

勤力:分腦筋勤力,體力勤力.
盲目勤力:浪費時間,人力,資源,能源.
思考勤力:分辨對錯,不用做無謂多餘工作.

辛亥革命百年:推翻帝制,實現民主自由.
努力革命:革命尚未成功,同志仍需努力!
努力思考:應該消除老人政治,與權貴勢力.
努力研究:實現大同世界所需科技,社會環境已成,係時候啦!
-----------

答案1:勤力思考勝過勤力做野.
答案2:先勤力思考,再勤力做野.

以證:懶惰思考比懶惰工作更差.

結論:人應該勤力學思考,勤力練習思考,勤力用正確思考去解決問題,勤力用正確思考去達成目標.

得分:1/10

買樓
Topic: 7證 Proof
請先看<提示>.

事情:人人想買樓,唔想租樓,唔想住公屋,住公屋都想買居屋.
原因:個個話買樓好過租樓,有樓就有安樂窩.

問題1:買樓有安樂窩?
問題2:有樓最好?好過租樓?好過住公屋?

解題:
------------------
傳統思想:有瓦遮頭,唔使訓街.
做法:自己買地起屋,單層,或連角樓,可住過百年,住幾代人.
建屋:城市-請幾個人搞掂;鄉村-同村兄弟幫手,你幫我起屋,我幫你起屋,人工都慳番.
傳統住屋:磚屋,木棟棟樑,瓦片,自己修補容易,重建不難.

買樓:50年前,買個陣都心想有安樂日子.
今日:日日驚石屎剝落,倒塌,無錢維修,驚收購商放火,斷電,淋紅油,倒屎,鎖大閘.
大廈:鋼筋,石屎,打樁,住過百年?可自己修補?自己重建?無可能.
安樂日子:初時好似有,以為有,越住越唔安樂.

50年後:輪到今日既年輕業主,新樓變舊樓,無日安樂.

以偏蓋全:唔係個個業主都會有呢D問題.
所有舊樓最後一手業主都會有呢D問題:呢個係百分之百,以全蓋全既問題.

租樓:大幅加租,迫遷,安全設施不足.
無樓:但係可以申請公屋.

住公屋:平租,無迫遷,安全設施充足.
樓宇有問題:政府負責維修.
樓宇太舊:政府請你住新公屋.
收購商放火,斷電,淋紅油,倒屎,鎖大閘:未驚過.
平租:儲錢,結婚,生細路.
多錢:生多個細路.
太多錢:去旅行,買靚衫,大裝修,換家私,食好野.
安樂日子:日日都咁安樂.
------------------

答案1:買樓無安樂窩,只有短期假安樂.
答案2:住公屋最好,最安樂;租樓次之,買樓最大鑊.

三種思考通病:
1. 思考別人的說話當作思考問題本身.
"買樓好,要買樓,一定要有樓."
別人的說話:買樓有安樂,無樓無安樂.
問題本身:為什麼要買樓.
2. 跟隨別人的錯誤方向去思考.
"買樓保值."
錯誤方向:樓最緊要可以保值.
正確方向:樓最緊要有瓦遮頭,長住,長遠解決住屋需要,唔係最緊要保值,只顧短期假安樂,短視,無視長遠年老時住屋問題.
3. 根據沒有先行肯定對錯的論點作為思考的基礎.
"買樓好過租樓."
錯誤論點:古代真係買屋好過租屋,不過而加係21世紀.
正確論點:現代城市高樓大廈,梗係住公屋好過買樓.

以證:買樓無安樂窩,住公屋最好,最安全,最有保障,最適合城市人,最聰明.政府應該讓九成人租住公屋,而非要人買樓,推卸房屋責任.

結論:買樓有安樂窩,是錯誤將適合古代生存之思想,未經思考,就照用於現代社會(即係思考通病之3:根據沒有先行肯定對錯的論點作為思考的基礎.),結果只有白白辛勞一世,為地產商賺錢,浪費一生智慧,時間,汗水.可悲!政府亦不應將適合古代管治之思想,未經思考,就照用於現代社會,叫人買樓,浪費市民一生,可恥!

得分:1000/10

資源有限
Topic: 7證 Proof

請先看<提示>.

科目:經濟學.
創始人:亞當史密斯.
基礎:慾望無限,但是資源有限.
假設:因為資源有限,所以必須互相競爭.
同時:有競爭才有進步.

問題1:資源是否有限?
問題2:無競爭有無進步?

解題:
------------------
產品:來自資源.
資源:來自能源.
能源:來自太陽.
太陽:來自宇宙.
事實:宇宙無限,所以能源無限,所以資源無限,所以產品無限.
今日產量:不夠60億人平均分,但是夠500年前30億人平均分.
500年前產量:不夠30億人平均分,但是夠1000年前10億人平均分.
產量提高:因為能力提高.
能力提高:因為智識提高.

柴唔夠用:發明油.
油唔夠用:發明火水.
火水唔夠用:發明煤.
煤唔夠用:發明石油.
石油唔夠用:發明核能,風能,水能,太陽能.

愛因斯坦:無人同佢競爭.
諾貝爾:無人同佢競爭.
瓦特:無人同佢競爭.
進步:因為對科學,智識,道理的追求.

競爭:無提升能力,一樣唔夠分.
唔夠分:騙,偷,搶,打,殺.
------------------

答案1:資源無限,只是能力有限.
答案2:有競爭無進步,只有破壞,有智識才有進步.

三種思考通病:
1. 思考別人的說話當作思考問題本身.
"經濟學基礎,假設,理論."
別人的說話:慾望無限,但是資源有限?
問題本身:如何令資源夠所有人生存.
2. 跟隨別人的錯誤方向去思考.
"有競爭才有進步."
錯誤方向:進步必須有競爭?
正確方向:什麼令人有進步.
3. 根據沒有先行肯定對錯的論點作為思考的基礎.
"因為資源有限,所以必須互相競爭."
錯誤論點:資源有限?
正確論點:資源無限,只是能力有限.

以證:經濟學基礎假設是錯,一切經濟理論都是廢話.跟本不應該競爭,而是應該去研究去提升能力,去運用資源,能源.

結論:唔夠分是因為99.999%人只用腦去揾錢,只有0.001%的人用腦研究去令能力進步.如果99.999%人用腦去研究,而不是99.999%人用腦去揾錢,一早夠分有凸,根本不用競爭.

得分:100/10

派錢
Topic: 7證 Proof
請先看<提示>.

事情:政府話要幫市民.
幫誰:最需要的人.
方法:派六千元,關愛基金.
做法:1:派六千元:經銀行戶口.2:關愛基金10個援助項目.

問題1:誰最需要幫?
問題2:是否幫助到最需要的人?

解題:
關愛基金原則:最需要幫,而正常社會福利沒有包括的人.
誰是這種人:好明顯是-----------------露宿者.
露宿者有無銀行戶口:九成九無.
有無預算通知露宿者有錢派:十成十無.
露宿者攞到六千元:攞你條命.
關愛基金10個援助項目有無包括露宿者:有你個頭.
露宿者能夠受惠於關愛基金:發你個夢.

答案1:露宿者.
答案2:幫不到露宿者.

三種思考通病:
1. 思考別人的說話當作思考問題本身.
"派六千元,舒解民困."
別人的說話:派六千元就幫助到窮人?
問題本身:誰人需要幫,怎樣幫.
2. 跟隨別人的錯誤方向去思考.
"派六千元現金好過注入強積金."
錯誤方向:有幾百萬人需要政府派錢?九成人都好窮?
正確方向:係一成人好窮,派五萬四比他們.
3. 根據沒有先行肯定對錯的論點作為思考的基礎.
"因為正常社會福利沒有包括部份最需要幫的人,所以要成立關愛基金."
錯誤論點:最需要幫的人,但正常社會福利卻沒有包括,是正常?
正確論點:係社會福利有問題,要改正.

以證:大有錢佬都攞到六千元,但是露宿者一分錢都無.

結論:政府高官,關愛基金委員會各專家,教授,大老板,全部都是最廢的人.香港靠佢地,死硬.

得分:20/10

清晰
Topic: 7證 Proof
長編大論,無人睇.
簡短,唔夠說服力.
科學化,夠簡潔,又夠說服力.
以後,就咁寫.

普世價值
Topic: 5後記 Afterword
請先看<提示>.

什麼是普世價值?那些是普世價值?

普世價值是西方白人的價值?有人想強加於中國人身上?

你說愛是普世價值?我說仁才是普世價值,我說知錯能改,善莫大焉才是普世價值!

我說普世價值是中國傳統價值!可以嗎?

已所不欲,勿施於人,孔子講了2500年!你想不想無自由?你想不想無公平?你想不想無人專重?你想不想被歧視?你想不想無人權,做奴隸?這還不是中國傳統價值?

不是別人想將西方白人的價值強加於中國人身上,是你不承認中國傳統價值,是你將共產主意的西方價值強加於中國人身上呀,惡人先告狀的共產黨!

其實大家又犯上思考通病3種之中的----------------------全部3種啦!

1. 思考別人的說話當作思考問題本身.
"普世價值是自由,民主!"你就思考這句話對不對?
2. 跟隨別人的錯誤方向去思考.
"普世價值是西方白人的價值!"你就思考西方東方!
3. 根據沒有先行肯定對錯的論點作為思考的基礎.
"世界上有普世價值,普世價值就是什麼什麼!"你肯定有普世價值?

普世價值就是全世界都認同,每個人都應該這麼想的,就是普世價值.

你要知道什麼是普世價值?還不是要靠正確的思考方法!不懂思考,又怎知什麼有價值,什麼無價值?

所以普世價值只有一樣,就是------------"用正確的思考方法,去解決問題!"

沒有正確的思考方法,什麼都沒有價值,什麼都不是普世價值!

我相信古今中外,未來全宇宙,沒有一種人,認為不應該思考,認為思考沒有價值吧?  045T