Ji niha pêve Kovara NÛBÛN dê li şûna Kovara Dîcle li Dihokê bêt weşandin
Dîcle kovarek mehane ya siyasî - çandî - giştî ya ser bi Hikûmeta Herêma Kurdistanê ve bû. Li nîsan 1998 yekem jimara wê derket û weşana wê berdewam bû ta sala 2001. Lê ew ji ber hindek sedeman hat rawestandin.
Niha dê li şûna wê Kovara NÛBÛN bikeve ber destê xwendevanan û dê bibe temamkera Kovara Dîcle lê naveroka wê dê bihêt guhortin.
Ebdal Nûrî, sernivîserê Nûbûnê, dibêje:
- NÛBÛNa niha li ber destê we, bi hejmar û niyeta xwe ve berdewamiya kovara Dîcleya berê ye. Lê bi ruxsar, xeml, raman û naveroka xwe ve, NÛBÛN bi hemû raman û bîr û rengên peyva "nûbûn" bi xwe ve hembêz dike.
NÛBÛN dê bizive bo bicîanîna çend armancan, mina: cihê kovar jê derdikeve ku bajarê Dihokê ye. Li ser fer û pûtê pê dike rola xwe bibîne di hevnaskirina zaravên kurdî daku ji ber jihevparçebûna Kurdistanê ji hev dûr nebin. Herweha xizmetkirina çand û kultura kurdî bike bi
handan û nasandina wan bi tîpên latînî û ya ji hemiyan pitir ev kovar dixwaze xebatê jê re bike: bihêzkirina hest û hişyariya kurdatiyê ye ku her car fayl (dosya – MN) taybet li dor kultur û dê di kovarê de hebe.
NÛBÛN azadî ye û ji azadiyê re kar dike. Em li benda berhem û nivîsînên we ne çunke pişikdariya we dê NÛBÛNê nûtir û bixemiltir û biramantir bibe.
Hûn dişên bi rêya internetê û faksan babetan bo NÛBÛNê rewane bikin.
