政治爭拗
Topic: 5後記 Afterword
請先看<提示>.

我一開始已經講過,爭拗是因為不懂正確邏輯思考,又犯了3個思考通病,所以無論政改如何,就算有真普選,都只會爭拗永遠不斷.

所以要解決,只有一個辦法:

1.所有政府官員,局長司長特首,加上所有議員,一齊去上堂,搵幾個理科大學教授,學如何將邏輯思考運用於民生政治社會等問題,(理科大學教授應該識教邏輯吧!),每週一堂,唔識學到識為止.

2.每次立法局開會,請3個大學教授,去即場聽所有政府官員議員同被傳召人士發言,3個有2個教授話你發言無邏輯,政府官員同被傳召人士就要認錯,議員就無論贊成定反對,都唔準投票,只準投棄權票.(3個有2個教授話你無道理無邏輯,你都唔好意思投票啦掛?)

咁樣就算政改係假普選,甚至無改過,都唔怕解決唔到政治爭拗啦!

其實法庭都應該一樣,請3個大學教授去,無邏輯就唔可以做証供,唔可以做抗辯理由,唔可以做控罪理由,唔可以做判詞啦!

法律都應該搵理科大學教授重新寫過啦,法律係應該清清楚楚比人知道自己有無犯法架嗎,有乜理由一般人係睇唔明,唔知道自己有無犯法架?淨係律師同法官睇得明既,係打羸官司既技巧,唔係法律!  凹`凹`凹`凹`凹

深層次矛盾
Topic: 5後記 Afterword
請先看<提示>.

貧富懸殊,低收入,最低工資廿蚊?

高樓價,買唔起,做假交易,炒高樓價,縮水樓,屏風樓,又唔立法,又無皇管!

污染,環保,食物標籤,又講十幾年,又過唔到立法會功能組別!

體育,休閒設施,又唔夠,又比晒D地去起樓!

文化,西九,又無大戲份,變地產項目!

仲有舊啟德發展,高鐵,菜園村,保育,重建.......!

全部都有解決辦法,但係因為功能組別,應過過唔到,唔應過又過左!

所有政治,社會,民生,經濟,環保,體育,文化,全部深層次矛盾,根源就係功能組別!

中央政府成日話香港有深層次矛盾,要特首同香港政府搞點佢,但係又唔比人解決,取消功能組別,咁自相矛盾,咁即係想點?

深層次矛盾,其實唔係係香港社會到,係係中央政府班領導人個腦個到!

搞點佢地咪解決到香港既深層次矛盾囉! 凸.凸.凸.凸.凸

小提示6
Topic: 2提示 Hint
12.夠膽做壞事,不是勇氣,是無勇氣,是無勇氣對壞人說不,是無勇氣維護正義.
夠膽做好事,才是真真正正,有---------勇氣!  
中國人最缺的就是勇氣,如果想要中國好,就要教中國人有真真正正的勇氣!

小提示5
Topic: 2提示 Hint
8.偉人的思想才值得紀念,才值得知道.
人們不記得他們的人名故事,只記得他們的思想,道理,偉人會更開心,更安慰.

9.人物故事,不及所講.
識我不如明白我所講,所以我亦一樣,認同我的,請不要問我的名字,故事,不認同我的,更加無必要知道,我亦不會講.與其浪費時間查我的名字,生平,倒不如用這些時間好好思考我講的問題,我亦會更開心,更安慰.

10.講不出點解,但堅持自己對人地錯,等於唔講道理.

11.最後,提提大家,我的理論,思想,是完整的,要用,就要全部用,否則,就變得不完整,變成有缺憾的理論.所以跟d唔跟d,衰左就唔關我事.

養寵物
Topic: 5後記 Afterword
請先看<提示>.

養寵物有愛心?

對寵物好,寵物都開心?

如果日日都困住你,每日只見到一班大灰熊,間中帶你出街,有時先會見到其他人,你會唔會開心呀?大灰熊對你好好架喎!係有時叫你做佢想你做既動作,同埋幫你絕育遮!

咁樣算唔算精神虐待?精神虐待算唔算虐待?係咪應該同愛護動物協會投訴?

你以為你養寵物比養家禽家蓄有愛心嗎?你既想法等於動物既想法嗎?

只不過係養寵物的藉口!

養黎看羊看門口捉老鼠,無問題,養黎玩當寵物,就唔啱!

真係對動物好,唔該唔好養寵物! 凸凹`~`

公投
Topic: 5後記 Afterword
請先看<提示>.

何謂公投?由公眾投票去決定一件政治決定就係公投.咁普選特首算唔算公投呀?由公眾投票去決定誰做特首,仲唔係公投?普選立法會即係變相公投啦!選舉根本就係屬於公投的一種!

基本法同人大常委都規定唔單只可以公投,仲一定要有公投,點會唔可以公投?如果唔參與公投,親中派唔該唔好選特首,唔好選議員!如果基本法同人大真係規定唔可以公投,但係又規定要有普選特首普選立法會,咁自相矛盾,咁就真係笑死人啦!哈哈哈哈哈哈! 凹~?~凸

電器棄置費
Topic: 5後記 Afterword
請先看<提示>.

根本污染就係生產商做成,關用家咩事,點解要用家比錢?用家比錢污染就會減少?生產商一日唔研究改用更環保既生產方式同產品,污染點會少?

一個型號既電器,要做幾多百部測試機直至合乎各樣安全標準?這些測試機無污染嗎?有無跟生產商收棄置費?舊型號賣唔出既幾多百部倉底貨,無經過用家手就棄置,這些倉底貨無污染嗎?有無跟生產商收棄置費?

有無資訊比用家,去買最少污染既產品?用家知道那件產品多污染少污染嗎?用家不想買無環境污染既產品嗎?是用家想要污染嗎?唔令到生產商改善生產方式同產品污染程度,收電器棄置費,有咩用? 凸凸_;_

80後?
Topic: 5後記 Afterword
請先看<提示>.

80後有乜咁特別?同40,50,60後咪一樣咁激,係70後斯文之嗎!60年代唔係天星小輪加5仙暴動咩?70年代唔係聖誕中環暴動咩?80年代唔係南華降班暴動,九龍彌敦道暴動咩?係90年代太平D之嗎!與其研究80後點解咁激,不如研究70後點解咁斯文啦,專家!

因為ICAC成立,無貪污,係乾淨既環境下成長囉!80後因為同大陸接觸多左,貪污又多番,社會風氣又差左,官商勾結又死灰復燃,咪又變番以前咁囉! :-凸

選舉代表
Topic: 5後記 Afterword
請先看<提示>.

選舉代表有權投票,但要投票給所代表的選民希望選的人,而不是投給選舉代表自己所希望選的人.

要知道所代表的選民意向,就要根據選民先作一次投票,代表再根據投票結果,投出正式一票.單靠代表諮詢選民根本無可能,只有靠政府做.

如果化表是選民選出來叫你做代表,你就可以自己決定投票,但如果不是全港選民選出來,就不可以,否則,如何代表選民意願?

所以,無論特首選舉委員會又好,區議員互選立法會議員又好,有多少人都無問題,只要提名前,及正式投票前,有兩次全港選民投票,選舉委員及區議員,再根據投票結果,記名投票,就算是公正的,能夠代表民意的選舉.

當然,無選舉代表,有全民普選,就最好啦!  凹@.@凹

校園驗毒
Topic: 5後記 Afterword
請先看<提示>.

驗毒不是要幫那些學生嗎?叫所有學生有無索K都同意抽驗,驗十個才有一個,浪費資源,有什麼用?驗十個有九個才有用嗎!

醉酒駕駛可以隨時要司機吹波波,學生為什麼要簽同意書才可抽驗?索K有私隱,飲酒就無私隱嗎?醉駕危害他人,索K就不會危害他人?未試過有人吸食毒品之後,神知不清犯罪,傷人嗎?

校園驗毒可以阻止毒品入侵校園嗎?要驗毒就應該好似醉駕吹波波一樣,周街見到紋身漢,金毛飛仔飛女,返學時間周街去,夜半不回街去公園坐,與及去夜場那些人,見一個驗一個啦!九成中啦!捉晒呢D人,無晒貨源,何來毒品入侵校園呀? M'_:_'M