一切錯誤由此起 This Cause All Wrong
Fri, 14 Jul 2017
土地不足?
Topic: 11玩嘢PlayPolitic
請先看<提示>.
大家記唔記得係<公屋新數學>入面有呢一句呀:"個個官員,議員,政黨,專家,學者,都話房屋問題,係土地供應問題喎!哈哈哈哈哈哈哈哈哈哈哈哈!"?
咁到底香港要幾~多土地先至夠比人住呀?又到底而加爭幾~多土地起樓至唔使迫劏房唐樓劏房新樓呀?
不如我計比你地睇啦,你班勤力既死懶鬼!
我當每間屋五百呎,住兩個人,一千呎有兩間屋,一百平方米等於一千一百呎,比多你啦,每一百平方米兩間屋住四個人,夠晒闊落啦!咁八百萬人即係要四百萬間屋,二百萬個一百平方米啦.
用平方公里計既話,除番六個零,即係二百平方公里啦.如果每座樓三十二層高,二百除三十二,即係6.25平方公里.
咁香港有幾大呀?計埋海有二千七百幾平方公里,淨計陸地一千一百零五平方公里.咁6.25除1千,豪果一百比你啦,即係0.625%!一百六十分一既土地,就夠晒比全香港8百萬人,每兩個人有五百呎既屋住!唔夠土地喎,哈~!哈~!哈~!
我當你D樓平均無咁高嘞,有一半都係兩三層以下既村屋同豪宅嘞,平均8層高,成番個4,都係廿五平方公里,2.5%既土地,有幾唔夠土地呀又?!計埋所有走廊樓梯大堂電梯水電煤氣錶房垃圾房,加埋D空間比你唔好窗望窗嘞,比夠4倍你,都係10%,十分一既地啫,咁都無?
咁香港而加實際又用左幾多地呢?根據規劃署網頁公布既資料:2015年,住宅用地七十七平方公里,工商業用地三十平方公里,政府機構社區設施同休憩用地五十平方公里,道路鐵路機場五十六平方公里,其他農地魚塘乜鬼個D唔講嘞,上網自己睇.
http://www.pland.gov.hk/pland_tc/info_serv/statistic/landu.html
得7.7%,無10%喎!係呀,但係我比左4倍你,先要10%炸喎!仲要兩個人一伙喎!而加平均住戶人數係2.8,八百萬除2.8,二百八十六萬間屋炸喎,除四百萬,7.14,即係而加7.2%既地就夠晒囉喎!而加有7.7%喎,夠有凸喎!
走廊樓梯大堂電梯水電煤氣錶房垃圾房,加埋D空間比你唔好窗望窗,真係要4倍?而加D樓,平均得8層咁少?淨計市區樓平均得十四,五層?仲要呢個計法,平均2.8人有五百呎喎!咁點解而加咁多人要住劏房,連D新樓都要得百幾呎既呢?吓?
仲有唔好唔記得,我一百平方米有千一呎,豪左野比你架喎!計番真,72除1.1,只係65平方公里,除77平方公里,,只係84.4%既現有用地已經夠晒啦,有成15.6%,十二平方公里既地比你重建同發展走棧喎!
仲要而加常住人口得七百四十萬人,八百萬乜人口都夠啦!政府推算2043年人口頂峰都係822萬,八百萬除84.4%,948萬,再多一百萬人口都夠晒喎!呢個仲係住宅平均只有8層樓高既數黎計架咋喎!!!
土地供應不足?政府同有錢佬出左D乜野蠱惑?哼!你D人都唔叫政府計條數出黎,睇清睇楚點解而加唔夠,實際同理論點解相差咁多,咁你話要再攞個D地係咪真係夠,你點知呀?咁佢再攞多幾多地,到時又話:"啊!唔夠地喎!又要多D地喎!"再攞又話唔夠,再攞又話唔夠,比幾多次都話唔夠都得架啦!游得佢隨口噏,學人做議員?超!無比人DQ果D都遲晒職佢啦!成班廢物!
結論:
1.土地供應夠晒有凸,一呎地都唔使比你.郊野公園地更加唔使開發,唔准開發!
2.人講乜你信乜,唔肯搵真相,咁你地比心機去搶個D得百幾呎既劏房新樓囉喎!做死一世權貴有錢佬既搵錢奴隸供樓奴隸啦,勤力既死懶鬼!
3.玩政治,就係咁簡單!嘻!
Thu, 15 Jun 2017
同化6
Topic: 12假史 Liestory
請先看<提示>.
同化,漢化,漢族?三國之後南北朝到唐朝都死光死淨啦,仲點漢化呀?
三國之後兩晉個陣,你自己寫D歷史都話華北胡人多到同漢人一半半架啦,到南北朝個陣五胡亂華,你自己寫D歷史話成個華北殺到千里無人煙,漢人同胡人比例得番百分一都唔知有無,全部北朝都係胡人做皇帝,只係用番中文改左中文名,跟住隋朝唐朝都係北朝鮮卑人既高官貴族推翻前朝自己做皇帝之嗎!咁即係由隋唐開始中國人就已經開始亡國啦,比人滅國滅族千幾年,仲漢乜鬼野族華乜鬼野人呀!自欺欺人既騙子民族!
唐朝係漢人既天下咩?點解到今日都搵唔到唐朝皇帝李家李世民早先族譜到底係源自邊到呀?因為佢地跟本就係改左個中文名既鮮卑人高官貴族!所以無可能搵到佢地既祖籍!
你睇吓,佢地D開國功臣同皇后個姓名呀,尉遲敬德,長孫無忌,呢D係中國人既姓咩?南北朝之前有呢D姓咩?胡人做皇帝,會娶中國女人咩?會重用中國人咩?梗係唔會啦!所以隋朝楊堅楊廣係胡人,反佢地既李淵李世民一樣係胡人!
李世民得閒就騎馬打獵,呢D係中原皇帝習慣咩?北方外族叫佢做天可汗,哈,天子就天子啦,呢D係中原稱呼咩?唐朝豪放女,衣著豪放,點解突然D文化唔同晒呀?呢D係華夏文化咩?武則天嫁完李世民,又嫁比佢個仔唐高宗,娶老母係華人風俗習慣咩?唔係,但係娶老母,就係鮮卑人既風俗習慣!
以上種種,全部都證明,唐朝,唔係中國人統治中國既朝代,而係同蒙古滿清一樣,由強大既北方野蠻侵略者統治中國既年代!直到唐末宋初既五代十國,都有北方五代既其中三代國王係沙陀人!沙陀人係咩野人呀?唔知,總之就唔係中國人!
宋朝皇帝咪同隋唐一樣,都係北方五代既高官貴族推翻前朝自己做皇帝之嗎!你以為宋朝係番漢人天下呀?咁明朝皇帝係啦掛?朱元璋農民黎喎!超,都無草原比你放羊打獵,唔改行耕田,老豆都出唔到世啦,仲輪到佢無飯食走去做和尚咩!隋唐宋元明清一樣呀,都係北方胡人侵略殖民又改左中文名既後代統治中國咋,死傻仔!
日本仔仲成日話自己承傳左正宗既大唐文化?同你地日本仔一樣,都係外族人學左D唔湯唔水既中華文化黎咋,傻仔!唐朝係滅你國滅你族既外族人呀,中國人!認做唐人咪即係認賊作父囉,矇仔!我地百越人叫唐人唔叫漢人華人,因為唐朝幫我地消滅左你班殖民侵略者!有半唐番,無半漢番半華番,因為我地知道根本就再無華人!
當自己係華人,而唔知自己原來係百越人,呢D就係犯左三個思考通病之三,根據未肯定既野作為思考既基礎,人講你係華人就當自己係,已前九成無書讀加嗎!仲中華民族?而加根本就再無正宗漢族,個D長江黃河流域既所謂漢族,根本就係呢二千年黎屠殺滅絕左漢族既北方野蠻侵略者既後人!你D北方人,比五胡亂華遼金夏蒙古韃子清狗係咁大屠殺左千幾年,滅種左咁多次,認做韃靼族就啱啦!
種族,朝代,國家,係三樣唔同既野黎架,唔可以撈到亂晒架!遼金夏你都唔會叫遼族金族夏族啦,你都叫番佢地契丹,女真,黨項族啦,啱唔啱呀?所以以前有華夏族,有漢朝,而加有中國,但係就絕對無漢族,無華僑!
真相永遠都係咁殘酷,有幾殘酷?二千年既侵略屠殺,長江黃河流域,根本再無正宗中華民族,一早全部變晒侵略者既後代.改個中文名就當係中國人呀?自從千五六年前南北朝開始,一直至到清朝,所有出身自長江以北既政權統治者,根本全部都係外族人!中華民族只係剩底文化同文字,中華民族, 早已經名全實亡!共產黨不斷咁摧殘中文同中華文化,因為佢地根本就唔係正宗中國人!我地珠江流域既百越人,當然唔係中國人.我宣佈,由呢一刻開始,中華民族,正式係呢個宇宙,消失~~~~~!
Wed, 7 Jun 2017
同化5
Topic: 12假史 Liestory
請先看<提示>.
跟你既生活方式就比你同化左,咁水上人呢?
蜑家人或者蛋家人同鶴佬無跟你耕田種菜養豬牛羊雞鴨鵝,即係無比你同化啦?係你D歷史話長江黃河流域既北方人唔熟水性架!咁所有漁民都可以唔使認做漢人啦!恭喜晒恭喜晒!
講得多你D中文,又話比你同化左!咁歐洲全部英文法文德文俄文都源自拉丁文啦,咁你唔話全部歐洲人同化左做一個叫拉丁族既"文"族?白痴!
咁人地個民族無文字,返學讀書學左,用下用下加多左中文詞語係自己既語言入面,好正常啫,咁就要變左個種族?咁日本人韓國人越南人平時講野都加入左好多中文啦,又唔見你話佢地同化左做漢人?
佢地講野有好多用中文寫唔出加嗎,所以無同化囉!哦!咁廣東話潮州話福建話平時講野都好多用中文寫唔出架喎!我地自己夾硬加D口字邊或者做D字出黎寫,北方中國人完全唔識呢D字個喎!仔字同D字都淨係我地潮福粵人識用啦!根本秦始皇侵略珠江流域之前既古代無既字,都係我地自己作既字,唔算係中文!所以我地同日本韓國越南人一樣,都唔係漢族華人!
比人侵略就"話"大量南下,所以無絕種?真係咁易過條長江既話,個D北方胡人侵略又點會打入左長城就停係到唔繼續南侵過埋條長江呀?五胡亂華又係咁,遼金夏又係咁,平民百姓逃難過長江易過軍隊過長江?鬼都呃唔到啦!你睇吓劉關張帶住幾萬平民走難過江幾難吖!唔係張飛喝斷長板橋,D平民死左九成啦!跟本就只係得高官同少量士兵D家人,再加D有錢人走得到之嗎,窮人一百個都唔之有無一個啦!仲話同化左百越人?假到出汁!
莫講話你比人大屠殺幾十百次啦,就算無大屠殺呀,你D中國人咁鍾意野蠻互相殘殺,自己又春秋戰國七國咁亂,再三國亂殺一通,再五代十國又亂殺一通,一路到咩三反五反文革係咁自己亂殺一通.擺到明就算無人入侵大屠殺,你都自己每幾百年殺一次殺到自己絕種架啦,漢族華人!仲有你D皇帝又個個鍾意重用貪官害死清官忠臣,搞到民不潦生餓死多過病死,想唔絕種都難啦,中原人!
跟左人地個D語言文化生活方式,就同化左做人地個民族呀?咁猶太人都變晒其他民族啦!猶太人仲滅國幾千年添呀!我地百越人都係比你地漢人滅國二千幾年之嗎!咁點解你話猶太人係猶太人,但係我地百越人就唔係百越人係漢人呀?吓!
而加有D所謂小數民族既人數得幾百萬,甚至幾十萬,計番轉頭,一千年前,十個人都唔知有無.咁二千幾年前既百越人,到底去晒邊呢?會唔會真係隱瞞左歷史真相,其實係比你秦始皇大屠殺,所以殺到得番咁少呀?你比人殺到個北方千里無人煙,而加都有幾億漢人,點解我地南方D小數民族,會越黎越少人既呢?淨係你識生仔,小數民族唔識生仔?專係生女?語言文化生活方式既同化唔係雙向既咩?點解淨係小數民族同化做漢族咁單方向既呢?仲要人多同化做人少個喎,哈!
千變萬化既歪理,同化,哈哈!好野!
乜野叫同化!語言文化同生活方式可以同化,但係種族就絕對無可能同化!只有華夏民族先會講得出---"同化晒做漢族"---呢D咁無恥既歪理!
Tue, 23 May 2017
同化4
Topic: 12假史 Liestory
請先看<提示>.
點解而加中國D"小數民族"無五胡亂華同遼金夏個D種族呀?有架原來!不過比中國政府改到D名亂晒大龍之馬!唔單只北方個D比佢改晒,連我地南方個D原百越族既都一樣比佢改到亂晒架!車!自己個種族都可以改啦,華夏族變漢族,改人地種族,好出奇呀?
點解改人種族呀?咪又用改省名一樣用同一招囉!之前講過啦,百越個越就改做粵語個粵,跟住再分開廣東廣西,改到大家唔知到歷史事實,改到乜野真相都無人知,呃得就呃囉!仲要張D省界分到潮州一半係廣東,一半係福建,粵語人又一半係廣東,一半係廣西,等你D人唔可以團結,咁咪容易統治控制呃囉!
除左改族名改地方名,仲有另一招,就係改歷史!一係就"話"殺晒,一係就"話"走晒!先黎既唔係比後黎既打贏之後殺晒,就係輸左走晒去西域.但係人地殺到眼紅,又會偏偏淨係殺淨你D漢族既,蝦!你自己又從來唔屠殺人地既!第一次侵略百越打輸左比人大屠殺,就記錄得咁詳細,第二次再侵略打贏左,就一句講完!有邊個國家會打輸詳細講打贏求其講呀?蝦蝦!事實真相會唔會啱啱相反,第一次侵略打輸,所以第二次侵略贏左大屠殺報仇呀!吓?秦始皇喎!坑殺左幾多十萬六國士兵呀?吓?
改晒你D種族囉,改埋D地名省名,再改埋讀既歷史,以前又無乜人有書讀,更加無乜人讀歷史,過多幾代,咪唔會知真相,唔會作反囉!越南復國之前肯定未改得夠盡啦,結果咪比我地D同宗成功趕走左你班侵略者囉!無恥中國鬼!
唔著自己既傳統服飾,就係比你同化左呀?換D方便工作既衣著啫,著傳統服飾點做野呀?仲有歧視呢?你試吓著晒小數民族服裝,又唔學你D中文,睇下你會唔會請?請左又係咪人工少少,又專比最難既野人地做?再豬多籍口扣人工唔出糧?而加D巴基斯坦人印度人,係香港搵工個陣都比你歧視啦!何況大陸D少數民族出黎大城市搵工?有無比你歧視呀?大聲D講吖!
呢D只係叫城市化,唔係叫同化!你自己鍾意改種族,唔好迫人改!你無恥係你既事!哼哼~,你鍾意講大話作假歷史係你既自由,無問題!HEEE!但係我唔得!!!我就係鍾意講真話搵真相講真歷史,吹咩!
Sun, 21 May 2017
同化3
Topic: 12假史 Liestory
請先看<提示>.
五胡亂華個陣,好多匈奴,鮮卑,羯,氐,羌族既人入左中原,敢請問而加中國D"小數民族"點解無晒匈奴,鮮卑,羯,氐,羌族既?又"同化晒"做漢人呀?明明你D歷史話佢地不斷大屠殺,殺到個長江以北既漢人所餘無幾,死晒咁滯個喎,咁都仲係胡人同化做漢人,唔係漢人同化做胡人呀?好野好野!
去到宋朝個陣,遼金夏又係入主中原,又敢問而加中國D"小數民族"點解又係無晒契丹,女真,黨項族架?又同化晒做唐人呀?又係明明你D歷史話佢地一樣不斷大屠殺,殺到個長江以北既"唐人"所餘無幾,死晒咁滯個喎,再加埋蒙古人係全世界都出晒名,去到邊都大屠殺啦,又係你少數同化左人地多數呀?好野好野好好野!
所以我上次講"返學洗腦"個時都話啦,要睇清睇楚每一字每一句每一幅圖,仲要將唔同時代既中國歷史夾番埋黎慢慢分析,先可以睇穿所有中國歷史入面咁多呢D自相矛盾,解唔通既假歷史,再搵番所有真相出黎架啦!無錯啦!係咪呀?中國歷史?全部假架!呃人洗腦架!
好嘞當你贏嘞,漢朝個陣同化就話叫漢族啫,漢朝之後五胡亂華到唐朝呢段時期同化既,又叫漢族?係都應該叫唐族啦下話?唐朝之後到宋朝呢段時期同化既,應該叫宋族啦!元朝之後到明朝呢段時期同化既,應該叫明族啦!漢朝打後同化既,都唔應該叫華人啦下話?漢朝之前同化先至叫華人華夏族,啱唔啱呀?
所以而加全世界既華僑,都唔應該叫做華僑,頂多叫做"明僑"啦,何況九成九明僑都係講廣東話潮州話福建話既,都唔講北方漢人唐人話既!近十幾廿年講普通話個D"普僑"唔計啦!
我地其實一路都係頂籠自認做唐人,無認過做漢人個喎,全世界都係得唐人街唐人街,無漢人街個喎!點都無理由迫我地廣東人潮州人福建人認做漢人啦下話?其實到底點解淨係同化做漢人唐人,唔同化做宋人明人既呢,吓?
學中文,寫中文,改中文名,跟你既生活方式,就叫同化左做你既人?學中文,寫中文,改中文名,或者用中文寫自己個名,但係無跟你既生活方式,繼續着自己既傳統服飾,繼續自己既生活方式,咁就叫無比你同化到,就係小數民族呀?
滿清人而加夠學晒中文,寫晒中文,改晒中文名,跟晒你既生活方式啦,夠無着自己既傳統服飾,無繼續自己既生活方式啦,又唔見你話滿清人同化左做漢人?仲有幾多人識講滿清話識寫滿清文,仲有滿族名呀?點解你叫佢地滿族,但係我地就同化晒做漢族呀?吓!
嘩,我係呢個種族,唔准改變生活環境,,唔准改變服飾,唔准改變生活方式既?一改就比人同化左,一改就種族都要改埋呀?咁你係咁城市化,個個小數民族唔比改,屎都無得食啦!照呢種定義,咁你成中國十幾億人,個個後生仔女都學英文,寫英文,改英文名,住洋樓,着西服,跟晒西式既城市生活方式,咁即係中國人都同香港人新加坡人一樣,同化左做西人啦,咁無漢族囉,同化晒做英國人LU!好野!
啊,人少就要着傳統服裝先叫無被同化,你人多就唔使着傳統服裝都係同化晒人地,又係玩公你贏字我輸既歪理,哼!你有人着傳統民族服裝咩?你有咩?漢族服裝係點呀?無人知呀?咁你仲有咩民族可言呀?漢族?漢你條命咩!
Sat, 20 May 2017
同化2
Topic: 12假史 Liestory
請先看<提示>.
嘩!同化真係好野呀!你侵略我珠江,我又同化變晒你班侵略者,人地侵略你長江黃河,侵略者"又"同化變晒你,公你贏字我輸,你玩囇啦,中國鬼!都話全宇宙最無恥係你架啦!
識講中文,用中華文化,就同化左做你呀?日本人韓國人越南人都隻隻中文字都識,又識孔子三國,又用晒你D文化啦,仲個個用中文寫名添!咁即係日本人韓國人越南人都"同化"左做中國人啦,你叫人自認中國人,睇下人睬唔睬你吖笨!
上次都講啦,越南人都同珠江流域一齊比中國統治左成千年啦,成千年,無理由無同化啦,以後叫越南人做華僑吖嗎笨!越南排華?傻仔,趕埋自己出越南啦!咁樣指住越南人黎笑吖嗎,中國鬼子!
中南美人印度人都講晒西班牙文葡萄牙文英文著西服住洋樓跟晒西式文化生活方式啦,唔通又"同化"晒做西班牙人葡萄牙人英國人囉喎?
南非人新加坡人都講英文有英文名著西服住洋樓跟晒西式文化生活方式啦,咁南非人都"同化"左做英國人啦喎?新加坡人可以唔認自己做華人,叫自己做英族,英人啦,"同化"左吖嗎!
香港人都同新加坡人一樣,都講英文用英文名著西服住洋樓跟晒西式文化生活方式啦,咁香港人都"同化"左做英族人啦,唔好再迫我地認做華人漢人唐人中國人囉喎,YEAH!
蘇格蘭人威爾斯人北愛爾蘭人都講英文架,你試下話佢地"同化"左做英格籣人,迫佢地唔再叫自己做蘇格蘭人威爾斯人北愛爾蘭人吖,睇下佢地同唔同你死過?
既然人地講蘇格蘭話威爾斯話北愛爾蘭話又識英文都無"同化"左做英格籣人,咁我地講廣東話潮州話福建話又識識地北方侵略者普通話既廣東人潮州人福建人等等珠江流域既人,都一樣可以堅持自己無"同化"左做漢人漢族華人唐人啦,下話?
話時話照你個套歪理,唔係,係"所謂"既道理,漢朝就同化左做漢人,咁越南人由漢朝到唐朝成千年比你統治,再加埋咁多個D被迫南下既移民,咁真係無理由無同化左做漢人個喎!咁你地中國人幾時向全世界公報越南人係漢族啫,吓?
越南排華,其實係同我地珠江流域既人一樣,比你地中國D假歷史呃左,我地當左自己係華人,佢地又當左我地係華人,加上二千年既"殖民遺毒",自私貪心衰格壓榨,先至排華啫!你睇吓吖,累到我地百越人兄弟相殘,你話你D中國人幾賤格吖!
Thu, 18 May 2017
同化1
Topic: 12假史 Liestory
請先看<提示>.
漢人,唐人,華人,中國人,中華民族,華夏族,中原人.一個種族有咁多種稱呼,世所罕有.全世甲都無D咁既人,咁既國家.到底邊種叫法先至最正宗,最正確呢?又點解會有咁多種叫法呢?
一開始,長江黃河流域既人,以為自己係世界中央,就叫中原人.首個朝代夏朝成立,又建立於華山一帶,又叫華夏族.到漢朝強大,又叫漢人.再到唐朝強大,又叫做唐人.到中華民國成立,又叫中華民族,再簡稱做華人,中國人.
唐人街?華埠?華僑?唐人華人漢人?係咪即係一樣架?可唔可以淨係認做唐人,唔認做漢人華人架?又可唔可以淨係認做華人,唔認做漢人唐人架?認做中國人,唔認做華人漢人唐人呀?又或者認做漢人,唔認做中~國人又得唔得呀?
而家中國都幾十個民族啦,點解漢朝統治就叫漢族,唐朝統治就叫唐人,用強大既朝代名黎命名一個民族呀?咁元朝咁強大,做乜唔叫元族啫?清朝都勁啦,叫埋清族啦!
呢D叫做同化喎!漢朝擴張領土,侵略屠殺,將長江黃河流域既中文同中原文化傳比其他"化外"之民,包括我地珠江流域嶺南七省既百越人,生活同語言都加入左中原文化,同化左,"漢"化左,咪叫漢人囉!
咁唐人呢?長江黃河流域比五胡亂華,入侵屠殺,霸左黎住,做埋皇帝,跟住又學左中原文化,用中文,改埋中文名,又"同化"左喎,跟住仲"統一"埋南方,隋朝又再傳唐朝,又強大起黎,又抗張領土,侵略屠殺去到西域,D"漢人"覺得國家強大,好威,咪又唔叫漢人,改叫唐人囉!
強大你就認,照咁睇如果蒙古同滿清唔分級唔打壓你,人地咁強大,你都肯定認做元人清人架啦,真係講到無恥邊夠你中國人玩呀?
Mon, 10 Apr 2017
登月真假
Topic: 10奇遇 Trek
請先看<提示>.
我終於都根據一樣基本既中學物理常識,發現多一個登陸月球D片係假既理由!美國未必無上個月球,但係D片就一定係假!點解?
仲記唔記得中學有個實驗,有個玻璃樽入面有個汽球扮肺,樽既另一頭有塊膠扮橫隔膜,一拉大塊膠個樽入面既氣壓降低,個汽球就即刻漲起呀?
係近乎真空既月球表面,太空衣應該好似米芝蓮人咁樣漲晒先係!但係你睇個D片,個D太空人件太空衣,縐忟忟,都完全無漲既,仲唔係假既?!
唔好搞錯,唔係坐係太空站個減壓艙或者火箭入面果款太空衣播!係出面做野個款太空衣喎!
係你D科學家自己話,月球既引力得地球既六分之一,太細,唔足以鎖住氣體,所以月球係無大氣層個喎!
你睇吓,係國際太空站,同月球表面一樣近乎真空既情況,但係行出去做野著個D太空衣,仲厚過幾十年前登月個D喎!唔係應該技術有進步,件太空衣更輕巧,更方便既咩?
件太空衣入面,'話'係有接近0.9個大氣壓力個喎,唔係淨係得個頭盔入面有氣壓個喎.既然件野唔係貼實個身,入面同出面有氣壓差,無理由縐忟忟唔漲起架?
如果太空衣真係得,頭盔都好似太空衣咁整得啦,使乜整咁大個金屬頭盔呀?你話係咪嘞!
你如果淨係睇個D陰謀論講個D,就淨係留意個D光呀影呀風呀星呀熱呀咁,就睇唔到太空衣縐忟忟呢個問題啦,係咪?
就算我講既野係錯既,無問題,最緊要你自己睇,自己諗,自己搵,唔好人講乜你講乜,人唔講你就唔睇唔講唔諗唔理,最好你諗到搵到點解我講既野係錯既,甚至更加難發覺既問題,咁就更加恭喜你添啦!包你唔會比人洗腦呀!
Fri, 27 Jan 2017
量入為出?
Topic: 11玩嘢PlayPolitic
請先看<提示>.
葉劉淑儀質疑量入為出,量入為出到底啱唔啱?
基本法107條規定:香港政府的財政預算以量入為出為原則,力求收支平衡,避免赤字,並與本地生產總值的增長率相適應.
咁違反量入為出得唔得?可唔可以量出為入,量出為出,量入為入呢?政府既財政政策,又有無做過違反過呢?唔得?無?
因為舊年既收入少左,所以加稅,呢樣個樣加價,令到今年收入多番!或者收入多左,所以減稅,呢樣個樣減價,減少市民負擔!咁係咪量入為入呀?政府係咪有做個呀?! (減商業登記徵費,破產欠薪基金)
因為預計支出多左,所以加稅加價,或者相反,咁係咪量出為入呀?政府有無做個呀?!唔使我講例子大家都應該記得啦!
因為舊年某D野支出多左,所以今年其他野使少D,或者舊年有D野支出少左,所以今年其他野又可以使多D,咁係咪量出為出呀?
又或者因為預計將來支出多左,所以而加唔肯使錢,咁又係咪量出為出呀?
戰後嬰兒潮,未來人口老化,開支太大,全民退保到時會爆煲,所以而加唔可以使錢實行全民退保!量出為出!哈!
咁量入為出,係咪量舊年既入,為今年既出呀?定係今年既入,為今年既出呀?定係每個月都要量入為出呀,每日使唔使呀?
又可唔可以量出年收入,為今年既出呀?量五年後,十年後,卅年後既入,為今年既出又得唔得呀?應該唔得啦?!要力求收支平衡,同避免赤字喎,量幾年後既入,點力求今年收支平衡,同避免赤字呀?
個D大白象工程,咩高鐵呀,新跑道呀,故宮呀,將來唔知幾多十年後會增加本地收益,所以而加就算超支赤字都要洗錢起,死都要死出黎!哈!哈!留意呢到我係用洗錢唔係用使錢架!
咁既然可以量卅年後既入,為今年既出,咁因為幾十年後收入少,所以而加就要使多D,等到時唔使咁大開支,實無理由唔得啦吓?
因為幾十年後老人多,打工仔要一個養幾個,利得稅同入息稅都少,靠政府養老人更加唔掂,所以而加更加要趁有錢搞大個全民退保,咁就唔怕到時搞唔掂啦!好野!
基本法話,要力求收支平衡,避免赤字,同埋與生產總值增長率相適應喎!睇清楚D?力求啫,無話一定要~平衡吖,避免啫,咁避免唔到赤字,咁點先?叫D官比番錢政府呀?係又好呀!生產總值負增長,咁又點呀?係咪成年唔使錢,唔出糧比D公務員呀?金融風暴金融海嘯個陣,咪一樣,只係使少D D咁DUR DUR!仲有收入大增個幾年,咪又一樣無大使幾倍!完全違反晒基本法喎!
中國政府自己又有無違反量入為出呀?我無興趣知喎,想知自己去研究囉!
其實政府既財政預算,唔係睇咩量入為出,量出為入,量出為出,量入為入,而係應該睇個政府短視定係目光夠長遠既啫!儲儲埋埋D錢,永遠都話未到時候用,唔通等D窮人餓死晒先用咩?政府收稅唔用係窮人到,唔使收稅啦!
結論:
1.財政預算以量入為出為原則,擺明就係有人想玩死香港啦!
2.政府違反左量入為出咁耐咁多次都無人知,你班玩左政治幾十年既高官,特首,司長局長副局長政治助理,仲有所有立法會區議會議員,同埋個D政黨高層,你地仲有面企出黎呀?唔該,全部遲職,無人想再見到你地班廢柴!
3.玩政治,就係咁簡單囉!
Tue, 27 Dec 2016
左閃右避
Topic: 10奇遇 Trek
請先看<提示>.
上次講耳聽八方既超能力就個個都得吖,咁眼看四面,一眼關七,或者再勁D既超能力又得唔得呢?我呢次就唔知算唔算嘞!十幾廿年前,有一次行行吓街,係邊度真係唔記得啦,之所以唔記得,係因為當時既情況,令到我真係連件事都差D唔記得左.
個日係條街到行行吓,突然間覺得有D唔妥,即刻停底擰個頭向側邊,一望,有好多件野向住我呢個方向飛緊埋黎,係咩真係唔記得,只記得大慨係長長地手掌咁上下長度,唔係好危險不過飛中應該都幾傷吓既野.
呢搾野其中有3件一望個陣已經飛到我面前,唔到一秒就會先後飛中我.就係呢個時候,我開始聽到有把女人聲離遠係我後面尖叫.咁既情況,我仲可以點呢?擋又唔係,隻手都會受傷,走又走唔切,點好呢?
無辦法,我唯有氣定神閒,好似MATRIX 咁,左閃右避,個頭向左側一側,再向右側一側,再黎個FLICK 水髮咁樣既上半身順時針轉一圈,一秒之內,一氣呵成,三個簡單清脆既動作,就避開晒個3件野!
跟住我再若無其事咁,望一望唔小心整到D野差D飛中我既人,見佢木無表情,應該都係驚魂未定,唔識反應.隨住女人既尖叫聲開始停,我就擰番向前,施施然咁慢慢行,離開案發現場,望都無望到個尖叫既女人係咩人同咩表情.其間仲聽到後面離遠有人話:"嘩,你見唔見到呀?佢點做到架?"好自然,我亦都係無望到周圍有咩人同咩表情既.係咪好瀟灑呢!
喟,咁梗係要扮晒無野,令到所有人都覺得唔係咁大件事啦,唔係既話,D人覺得我好勁,搞大左件事,比人知道我有超能力,捉左我去做實驗,仲得了既?
就係因為我咁若無其事,搞到連自己都對件事無咩印象,所有細節都唔記得,唔係諗起耳聽八方,諗起超能力,真係都醒唔起有件咁既小事.
而加講番出黎,無證無據,就算真既都當估仔聽架啦!應該唔怕比人捉去做實驗既!當日見到既人,同埋果個尖叫既女人,如果有寫低擺上網就好嘞,等我都可以知道番當時既詳細情況,同埋飛埋黎既係咩野吖嗎!
不過唔好話我唔警告你呀,想捉我去做實驗?因住我變X-MEN咁反擊呀!到時唔好怪我呀!哮~!
Newer | Latest | Older
