政改
Topic: 5後記 Afterword
請先看<提示>.

政改新方案,又係唔清唔楚!

而加係人大話要徇序漸進達至普選,2017就要全面普選特首,2020就要全面普選立法會,咁即係每屆要改2分1同3分1啦!咁你係咪應該先講好晒,知道左全面普選係點,然後每屆改2分1同3分1,咁先符合徇序漸進既原則呀?無理由今屆改1成,下屆改9成,人大都唔會同意啦!咁有乜理由唔講左全面普選係點先呢?呀香港政府!

如果下屆改9成都得,咁不如今屆改9成先啦!你唔係話呢個政改新方案,求其改D,就已經係改左2分1同3分1下話?咁所謂既全面普選,大家都估到會係點啦!咁預備定900萬人上街都得啦!所有番左大陸打工,移左民既人,一定全部番晒黎遊行,肯定有900萬香港人!

一係你就叫人大出黎話支持呢個方案,係改左2分1同3分1,等我地準備遊行,一係就唔該講左全面普選係點先,唔係唔好係到浪費我地香港人既時間!

民主派既人又係既,好似我咁講,咪清清楚楚個問題係邊到囉,成日講路線圖路線圖,都唔知你講乜!講野要9成人都聽得明先得架嗎,淨係你地聽得明,有鬼用咩!聽唔明又點支持你呀?

骨灰龕
Topic: 5後記 Afterword
請先看<提示>.

骨灰龕又話無位!

人無地方住,係咪收舊樓重建起新樓呀?仙人無地方住,咁係咪應該收墳場改建公眾骨灰龕大樓呀?

將全港墳場全部收番,起9萬億個骨灰龕位都得啦,只要萬份一肯比政府收番,將唔肯收既換位掉走,集合成幾組地,起公眾骨灰龕大樓,再換免費骨灰龕位,優先揀位,都有9億個骨灰龕位啦,又有幾難解決呀?呀香港政府?

根本十幾年前將軍澳就唔應該起墳場啦!

老人院
Topic: 5後記 Afterword
請先看<提示>.

成日話唔夠老人院,要排好耐,又貴!

早排又話好多空置工廈,可以申請改變用途!

轉做老人院,大把位啦,好多都唔係好嘈,空氣差既區,肯定解決到問題,仲好平添,比D低收入低積蓄既老人申請,乜都搞點啦,有幾難解決呀?呀香港政府?

勇氣
Topic: 5後記 Afterword
請先看<提示>.

後記是一些小事情,隨筆,感覺.

你夠膽試嗎?無膽呀?

壞人聽講經常用這句,引人犯罪,吸毒,賭博等.

係,我係無膽.

那你夠膽對欺善怕惡,不講道理,比自己大隻的人面前講道理嗎?

你夠膽對下達屠殺平民的軍官說不,再加以制止,拘捕嗎?

你夠膽為正義,公理,抗爭,甚至犧牲嗎?

不敢嗎?

夠膽做壞事,有什麼用?

夠膽做壞事,不是勇氣,是無勇氣,是無勇氣對壞人說不,是無勇氣維護正義.

夠膽做好事,才是真真正正,有---------勇氣!  

中國人最缺的就是勇氣,如果想要中國好,就要教中國人有真真正正的勇氣! &*&

紀念偉人
Topic: 4實例 Live eg
請先看<提示>.

偉人對世界所作出的貢獻,是因為他的所作所為嗎?生平故事,讀了從中可以學習,跟隨便可以一樣做偉人,或者成功嗎?

錯!

偉人對世界有貢獻,是因為他的思想,令到他們明白是非道理,明白應該做什麼,才有他們的行為,才成為他們的生平故事.

所以他們的思想才值得紀念,才值得知道.

所以紀念偉人無意義,生平故事更加無意義,讀了只會令人想一樣出名,想令人記得自己的名字,不論流芳百世,還是遺臭萬年.人們亦只會記得他們的人名,故事,卻不知道他們更想人知道的思想,道理.

所以歷史不應該記名,只應該寫曾經有人發生過這樣的事.紀念偉人,更加不應該記他們的名字生平,只應該記下他們的思想.人們不記得他們的人名故事,只記得他們的思想,道理,偉人會更開心,更安慰.

人物故事,不及所講.

識我不如明白我所講,所以我亦一樣,認同我的,請不要問我的名字,故事,不認同我的,更加無必要知道,我亦不會講.與其浪費時間查我的名字,生平,倒不如用這些時間好好思考我講的問題,我亦會更開心,更安慰.

最後,提提大家,我的理論,思想,是完整的,要用,就要全部用.跟d唔跟d,衰左唔關我事.

還有,講不出點解,但堅持自己對人地錯,等於唔講道理.

完成!  88!

打招呼,筷子
Topic: 4實例 Live eg
請先看<提示>.

握手擁抱就叫熱情,打恭作揖就話做作.用刀叉就叫文明,筷子就原始.

接吻就叫交換益菌,用筷子就反而傳播病毒.

抱拳避免接觸,防止疾病傳染,不是有禮得來又健康嗎?

用一對筷子不是好過十幾把刀刀叉叉嗎?加多幾對公筷就很衛生啦!

健康的人一起食飯,不是一樣交換益菌嗎?有病還一起吃飯,跟有病還接吻,都不好啦!

用十幾把刀叉,又危險又亂,好?為什麼不在廚房先切好呢?

洗碗呀嬸一定好高興:我好鍾意洗碗架,多謝發明用刀叉食西餐的聰明人呀,一個人食野我就有十幾把刀叉洗啦,好開心呀!

用手食包食薯條食雞食薄餅,好有文化好衛生嗎?有無洗手先呀?

中國人幾千年前以經明白任何問題都不可單看一面的.西方人,你懂嗎? '~'

環保
Topic: 4實例 Live eg
請先看<提示>.

環保,其實不是環境保護,正確來說應該是保護自然,不論生物死物,讓其自然發展,不受過分人為影響改變.

自然,包括動植物,水,空氣,土,石,風雨.

改變,包括多,少,大,細,變種,淘汰,絕種.

不適合自然環境而絕種,卻人為保育,並不算環保,是反環保.

氣候變化,湖河海,變大變小,地方變沙漠變樹林,不加干擾,是環保.

氣候,環境因人改變,千年如是.人是自然一部分,人的影響,與其他動植物無異.

問題仍是不必要的生產,經濟活動,產生對自然過分影響.只要改變現有社會運作模式,只作足夠之生產,活動,無論自然怎樣變化,即使人要絕種,皆是環保. L.|.J

生仔唔生女
Topic: 4實例 Live eg
請先看<提示>.

點解文化大革命,反舊思想時,沒有反重男輕女?無反等於同意,那現在承認文化大革命錯,重新推崇孔子,文化大革命是錯,當時認為對的重男輕女,現在是否明白了是錯的?

既然生仔有用,生女無用,你呀媽係女人,即係你呀媽都無用啦!以後你比人鬧你呀媽,記得讚佢鬧得好,一齊鬧啦!你老婆都係女人,你老婆比人鬧,記得要同人講對唔住,係你老婆無用啦!你個仔鬧呀媽,記得讚佢叻仔呀!

你係女人都要生仔唔生女,咁你就唔好怪你男朋友同老公唔要你啦,你個仔唔養你係正路,無用仲養來做咩?

生仔生女,唔係睇佢有無用,係睇你有無用,你做父母無用,無本事養,無本事教,仔女都唔應該生,教得好,養得好,仔女一樣可以成材,生仔生女,又有什麼分別? ~(*;*)~

弱肉強食
Topic: 4實例 Live eg
請先看<提示>.

有些哲學家說弱肉強食是大自然定律,什麼物競天擇,人應該鬥強,像獅子一樣,勝者為皇等等.

那獅子應該學什麼?獅子學豬?豬學鷹?鷹學海豚?海豚學狗?狗學蚊?蚊學蛇?蛇學人?

為何人要學獅子?如果不學獅子,學其他生物得嗎?人學曱甴?曱甴學貓?貓學羊?羊學八爪魚?八爪魚學烏蠅?烏蠅學螞蟻?螞蟻學紅虫?紅虫又學人?

我想知紅虫與紅虫之間有沒有弱肉強食呀?海豚與海豚之間呢?蚊呢?曱甴呢?烏蠅呢?

曱甴可以由恐龍年代生存到現在都無絕種,生存能力最強,人是否應該學曱甴呢?

烏蠅在屎中也可找到食物,絕對可以應付惡劣環境,是否都好應該學呢?

獅子要靠人保護,才不至於絕種,為什麼不是獅子學人而是人學獅子呢?那些哲學家為什麼不學烏蠅曱甴呢?

弱肉強食是不同動物之間的,人與人之間又怎可弱肉強食呢?況且不同生物就有不同的生存方式,又怎可學其他生物呢?

人懂得分是非對錯,思考,要同其他人接觸,所有人之間都要互相依靠,才能衣食住行俱備.所以人最好的生存方式,不是只顧自己成功,自己幸福,而是大家都好,才算成功. 20/10

風水
Topic: 4實例 Live eg
請先看<提示>.

如果風水準,有效,就應該推廣至全世界.

那些屋,地方風水差,就不起樓,或不再住人,不單人人身體健康,避免意外,更可預防跳樓,燒炭自殺,凶殺案,家庭暴力,減少問題家庭,問題青少年,離婚等問題.

風水山墳,更加重要,將所有人都安排死後有風水墓穴安葬,個個子孫都大富大貴,就無乞兒,無黑社會,更加無戰爭.因為去打仗,分分鐘死於荒山野巔,或隨便被埋於風水極差的亂葬崗,影響子孫無運行,又窮又衰.做逃兵,最多處死,但家人還可領回屍體,安葬於風水墓穴,令子孫行運.與其保家衛國只會害自己子孫,反而益了逃兵子孫,有誰還肯當兵?橫死掂死,個個寧願做逃兵啦!無士兵,那還有仗打?天下太平啦!為了子孫,風水師父一早就應該這樣做啦,對嗎?

其實風水就算準,都不應依賴呀!這只會使人懶得去認真解決問題.學好正確思考,才真正可以解決自殺,解決家庭問題,社會問題,與及消除戰爭呀!不要被風水師父搵笨啦! \.:./