黑朱古力
Topic: 10奇遇 Trek
請先看<提示>.

早排有個電視節目話日日食黑朱古力對血管好喎,咁我又買左包黎食啦.每日食一兩粒,都唔覺有乜野.點知個零月之後,無啦啦開始頭痛,過一排又耳鳴,再過一排仲頭暈,一日到黑係到頭痛,頭暈,耳鳴,諗黎諗去,都無乜特別原因,諗諗下,唔通係食左黑朱古力?於是就停食左一個禮拜,真係慢慢好番喎,無頭暈耳鳴,只係仲有小小頭痛.

咁我又試吓食一粒啦,四五點食,夜晚八九點又即刻頭暈耳鳴,原來真係有關!停左個幾月之後,終於頭痛都好番埋,D黑朱古力而加仲有幾粒未食係雪櫃.

估唔到只係黑朱古力都可以咁大件事,個隻頭痛係平時扯住扯住,一打乞嚏或者咳就由後頸沖上頭殼頂咁痛.耳鳴就仲勁,電視D人聲細一格就無事,大一格就即刻 WANGWANG 聲.房個冷氣機停吓開吓個D 轟轟聲,係個腦入面,好似成個腦係一個乜都無既空洞咁,D轟轟聲就係入便撞來撞去產生回音,嘩!轟到我呀!好彩食一兩粒咋,個節目仲話每隔兩個鍾食一粒添呀!聽佢講真係死得呀!

所以真係唔好人地話好就照食,唔同地方唔同飲食習慣,人地既好野我地既身體未必受得.咁你地又有無周身唔舒服呀?諗吓有無長期食左飲左D咩啦,零食到補品,咖啡到涼茶都有可能架!