發夢
Topic: 10奇遇 Trek
請先看<提示>.

大家發夢係黑白定彩色呢?幾十年黎,發咁多夢,但係諗番都無辦法記得到底係咩色,除左一次!

前年年頭有晚發夢,夢見自己無啦啦撞親頭殼頂,跟住就好似電影d特別效果咁,黑白畫面,由頭殼頂中間開始零零捨捨一撻紅色,越變越大撻,最後成個畫面都變成紅色!

跟住第二日,仲諗緊呢個夢咩意思,會唔會鴻運當頭既時候,之前係灣仔夾檔個老細,突然間係外國番左黎,打電話比我,叫我一齊番大陸行下,睇下有咩好賣,睇下有咩好做喎!

嘩!嚇得我吖,梗係死都唔去啦,容乜易真係遇到扑頭黨,番唔到落黎架!

結果佢自己行完番落黎,咪又係話無咩好野搞!咁即係唔係鴻運當頭啦,十成十都係避過一劫啦!耶!

咁係咪即係我發開黑白夢呢?定發開彩色夢呢?又好似多數係好淡好淡既彩色播!有無人知呢?

同埋原來我發夢係第三身,唔係第一身,唔係點睇到自己頭殼頂呢?咁你地呢?