人人平等
Topic: 4實例 Live eg
請先看<提示>.

終於有機會講人人平等啦!

有人父母有錢,有人天生智力較低,有人盲,有人靚,有人高,黑,怪......,怎樣才算平等?什麼方面?對什麼人?是否應該人人平等?

現在講究人權,平等,還要分門別類,男女平等,宗教平等,年齡,種族,殘疾,家庭崗位......,還要立法消除歧視.受到不公平對待的人,受欺壓的人,會投訴,會要求平等,反過來又可以嗎?男人爭取男女平等,白人爭取同黑人平等,有錢人爭取同窮人平等,異性戀爭取同同性戀平等,有人理嗎?這是否變相歧視?

點解我咁靚仔,但係甩頭髮,點解你咁樣衰,但係咁多頭髮?點解咁唔公平呀?!咁都叫唔公平?如果我話點解我咁靚仔,仲咁多頭髮,點解你咁樣衰,但係仲甩頭髮?點解咁唔公平呀?!咁係咪唔算唔公平?係咪等於男人爭取男女平等?邊樣先至算係唔公平?

又或者我請個後生女,唔請老男人,我無性別歧視啦,夠平等啦?!年齡歧視?咁我請個老男人,唔請後生女,我無年齡歧視啦,夠平等啦嗎?!又性別歧視?咁兩個都唔請,無優待邊個,實無歧視啦?性別兼年齡歧視?咁點做至平等呀??!咁本地大肚婆同印度人同無神論白人,我又應該升邊個呀!?

仲有人會話天生條命好,就有得享受,天生條命差,就要受苦,根本無平等.同樣,有人會話先天因素不好,但後天努力,一樣可以成功,先天因素好,但後天不努力,一樣可以變廢人,這樣就叫平等.咁到底有平等定無平等?

其實這些全部都是對平等的理解錯誤.平等,不是講先天後天條件,是如何對待自己,對待別人.你會否對有權有勢的人好過對自己?你會否對自己好過對所有其他人?你想不想別人對有權有勢的人好過對你自己?你想不想別人對他自己好過對你?

緬甸風災,死幾十萬人,幾百萬人等待救援,四川地震死幾萬人,幾十萬人等待救援,災情相差十倍.但風災過了十幾天,只有少數的籌款及捐助,地震過了幾天,已經有幾億善款.中國人是人,緬甸人不是人嗎?你自己問心,你有平等對待兩地災民嗎?

這才是平等的真正意思,所以不用分男女平等,宗教平等,種族平等,兒童老人平等......,只要對任何人,都跟對自己一樣,不會因為不同人就不同的對待,你就成功做到人人平等.是否應該人人平等?不用問了吧!? <>:<>