*Kung ano ang puno ay sya ang bunga. Ang bayabas ay
hindi mamumunga ng mangga.
* Ang tunay na kaibigan
karamay kailan man.
* Ang tunay na kaibigan,
nakikilala sa kagipitan.
* Ang matapat na kaibigan,
tunay na maaasahan.
* Ang tunay mong pagkatao,
nakikilala sa gawa mo.
* Ang tao kapag mayaman
marami ang kaibigan.
* Magkulang ka na sa
magulang huwag lamang sa biyenan.
* Ang pag-aasawa ay hindi
biro, 'di tulad ng kanin
Iluluwa kung mapaso.
* Ang lumalakad nang mabagal,
kung matinik ay mababaw. Ang lumalakad nang matulin, kung matinik ay
malalim.
* Ang hindi lumingon sa
pinanggalingan hindi makakarating sa paroroonan.
* Ang langaw na dumapo sa
kalabaw, mataas pa sa kalabaw ang pakiramdam.
* Maraming salita, kulang sa
gawa.
* Madaling sabihin, mahirap
gawain.
* Wala kang mabubunot sa
taong kalbo.
* May tainga ang lupa, may pakpak ang balita.
* Kung ano ang itinanim,
iyon din ang aanihin.
* Ako ang nagtanim, ang
nagbayo at nagsaing, saka nang maluto'y iba ang kumain.
* Aanhin pa ang damo kung
patay na ang kabayo.
* Kung matigas ay bato, kung
malambot ay tao.
* Pili nang pili, natapatan
din ay bungi.
* Huwag magbilang ng manok
hangga't hindi napipisa ang itlog.
* Kung sino ang unang
pumutak, siya ang nanganak.
* Nauntog akong minsan ayaw
ko nang maulit. Baka sa susunod ngipin ko ang mabungi.
* Huwag kang magbibintang
kung hindi mo nakakamayan.
* Magkupkop ka ng kaawa-awa,
langit ang iyong gantimpala.
* Ang mabuting gawa
kinalulugdan ng madla.
* Kung ang nabasagan ay
hindi nanghihinayang, ako pa kayang nakabasag lamang.
* Kapag bukas ang kaban,
nagkakasala sinuman.
* Ang butong tinangay na aso,
walang salang nalawayan ito.
* Ang utang ay utang, hindi
dapat kalimutan.
* Ang iyong hiniram, isauli
o palitan. Upang sa susunod, hindi ka makadalaan.
* Kung labis ang tamis ang
lasa ay mapait.
* Ang bungang hinog sa sanga
matamis ang lasa.
Ang bungang hinog sa pilit kung kainin ay mapait.
* Walang humawak ng lutuan na hindi naulingan.
* Sala sa lamig, sala sa
init.
* Gawain mo sa kapwa mo. Ang
nais mong gawain niya sa iyo.
* Ang sakit ng kalingkingan
damdamin ng buong katawan.
* Ang mabigat ay gumagaan
kapag pinagtutulung-tulungan.
* Masakit ang katotohanan.
* Madaling pumitas ng bunga
kung dadaan ka sa sanga.
* Ibong sa hawla'y ikinulong
nang mahigpit kapag nakawala'y hindi na babalik.
* Nawawala ang ari-arian,
nguni't ang uri ay hindi.
* Ang pag-ilag sa kaaway ang
tunay na katapangan.
* Bago mo batiin ang dungis
ng ibang tao,
ang dungis mo muna ang tingnan mo.
* Minamahal habang mayroon,
kung wala ay patapon-tapon.
* Ang gawa sa pagkabata,
dala hanggang sa pagkamatanda.
* Ang taong mainggitin,
lumigaya man ay sawi rin.
* Sa taong may tunay na hiya,
ang salita ay panunumpa.
* Walang matiyagang lalaki
sa pihikang babae.
* Walang matibay na baging
sa mahusay maglambitin.
* Ang bayaning nasugatan,
nag-iibayo ang tapang.
* Kung takot sa ahas, iwasan
mo ang gubat.
* Kapag may isinuksok, may
madudukot.
* Matutuyo na ang sapa
nguni't hindi ang balita.
* Ang tunay na anyaya, may
kasamang hila.
* Ang damdaming nasugatan,
gumaling man ay balantukan.