《你快樂我便快樂》

第三話…

又到o左第二日啦……

里樂: 「早晨呀, 翼子, 今日松潤會唔會返學呀?! 」

翼子: 「佢?!應該會, 我諗佢過多十分鐘左右就會出現o架啦!! 」

里樂: 「o下?!真o既?!等我去洗手間梳返好個頭先~」

松潤: 「喂~我返o黎啦!!翼子, 個新同學o係邊呀?! 」

翼子: 「你同佢真係冇緣呀, 佢o岩o岩行開o左呀, 不過應該好快返o黎啦……」

松潤: 「呀呀呀……我想知o個個新同學係咪行緊過o黎o個個?! 」

翼子: 「邊度呀?!哦……咪就係o個個囉~」

松潤: 「o下?!係咪真o架?!唔好呃我呀!! 」

翼子: 「你都傻o既, 我呃你仲乜o者!! 」

松潤: 「咁我同佢都唔係冇緣丫…佢就係我上次講o個個可愛Sales呀…呢…原宿o個個呀!! 」

翼子: 「o下?!乜原來就係佢呀?! (係咪咁有緣呀?!) 」

里樂: 「唔……唔…我係…阿部里樂呀!!以後請多多指教呀!! 」

松潤: 「你叫里樂呀?!我叫……」

里樂: 「松本潤丫嘛~我梗係知道啦!!! 」

松潤: 「嘻嘻…你以後有咩事都可以問我同翼子o架!!係咪呀, 翼子?? 」

翼子: 「er…係…係呀!! 」

里樂: 「我會o架啦!! 」

兩星期後o既某一日放學後, 在那Coffee Shop內……

里樂: 「嘩!!行到好累呀~不過好彩收穫都唔差!! 」

松潤: 「你梗係啦, 成日都話要返兼職唔得閒, 幾難得今日我o地幾個可以一齊出o黎行街呀?! 」

里樂: 「係呀……你睇o下, 呢件衫幾鬼靚呀?! 」

松潤: 「我知呀~原本我都想買o架, 不過見你鍾意, 所以先讓比你買咋!! 」

里樂: 「如果你都想要, 不如去多次買番丫, 下次一齊著都好丫!! 」

松潤: 「都好喎~」

翼子: 「我就覺得件衫一o的都唔襯松潤你啦~」

松潤: 「唔係丫, 我覺得我同里樂著起都會咁可愛呀!!哈哈……」

雅紀: 「丫, 我醒起我要去返頭先有間舖頭買o的o野, 翼子, 你同我去丫, 你o地兩個留o係度等我o地,

我o地好快返o黎o架啦~」

說時遲, 那時快, 雅紀已經以最快o既速度捉o左翼子出去啦, 如果唔係翼子實會『火山爆發』都似呀!!!

翼子: 「你做乜拉我出o黎喎~」

雅紀: 「你估我唔知你點諗咩?!不過, 我驚你o係Coffee Shop再留多一陣, 人o地間舖頭比你炸o左都似呀!! 」

翼子: 「你駛唔駛咁講我呀?!我下次第一個炸o左你呀!! 」

雅紀: 「你炸o左我都冇用啦~唔好講我住先!!講返佢o地丫, 我諗你自己都應該覺得佢o地兩個其實你

好o岩Key o架?! 」

翼子: 「知……不過……」

雅紀: 「不過你同里樂係好朋友, 而你又鍾意松潤丫嘛, 係咪?! 」

翼子: 「嗯…咪係囉…」

雅紀: 「咁你而家諗住點呀?! 」

翼子: 「唉~我都唔知呀……」

雅紀: 「唔好咁啦, 成日都愁眉苦臉, 我識o個個翼子都唔係咁o既~」

翼子: 「 嘻~多謝你呀, 雅紀, 我知點做o架啦!! 」

雅紀: 「真係??你點做, 我都會支持你o架!! 」

翼子: 「係!!我o地都出o左o黎咁耐啦, 都係時候返去o架啦~」

雅紀: 「唔唔…」