《你快樂我便快樂》

第四話(最終話)…

松潤同里樂識o左都差唔多一個月, 可能佢o地真係一拍即合, 所以佢o地已經o係埋一齊啦~仲成日出雙入對添呀!!真係羨慕死人呀!!

松潤: 「翼子, 不如放學之後去行街丫~」

翼子: 「乜你冇約里樂咩?!咁得閒約我呀?! 」

松潤: 「咁串o架你?!我都有約里樂呀, 諗住我o地三個一齊去嘛!! 」

翼子: 「我唔阻住你o地拍拖啦, 我…我陣間約o左人呀!! 」

松潤: 「哦, 咁下次先啦!!里樂, 你行得未呀?? 」

里樂: 「唔, 行得啦!!翼子,你係咪都一齊去呀?! 」

翼子: 「我有o野做唔去啦…拜拜….

唉~陣間去邊度好呢, 又唔想咁早返屋企~」

翼子: 「電話響, 喂喂, 我係北原翼子!! 」

雅紀: 「翼子, 你而家得唔得閒呀?!我有o的o野想搵你幫手呀!! 」

翼子: 「得閒, 你o係邊度呀, 我過o黎搵你丫~」

雅紀: 「咁我o係 "Muji" 門口等你丫~」

翼子: 「咁好啦, 我好快到o架啦~ (希望唔好撞到松潤啦!!) 」

Muji大門口……

翼子: 「雅紀, o黎o左好耐啦?! 」

雅紀: 「唔係呀, 一陣之嘛!!我媽媽下個星期生日, 要買禮物比佢呀, 但係我又諗唔到買咩送比佢, 所以咪叫你

出o黎幫我揀o下囉~」

翼子: 「冇問題丫, 我o地去o個邊先丫~

係呢?!乜你o地Arashi o個幾個好得閒咩?! 」

雅紀: 「都唔係o既, 原本要幫Magazine影相o既, 不過因為翔大學有Test, 所以咪取消o左囉~」

翼子: 「成日都係因為翔令到o的工作取消o既~」

雅紀: 「咁佢都唔想o既~係呢, 我o地聽松潤講, 佢而家好似同里樂拍緊拖喎!!係咪真o架?! 」

翼子: 「嗯…係呀! o係學校仲成日出雙入對添~」

雅紀: 「咁你係咪好唔開心呢?? 」

翼子: 「我話冇你都唔信啦~」

雅紀: 「咁佢o地係幾時開始o架?! 」

翼子: 「上個禮拜囉, o個日放學之後我同佢兩個去o左Coffee Shop, 之後我行開o左, 松潤就向里樂表白啦~

不過佢表白o既過程都比我睇到晒, 因為我醒起漏o左o的o野要返去個位拎, 所以…」

雅紀: 「咁佢o地知唔知你見到呀?! 」

翼子: 「唔知o架!!我問佢o地做乜, 佢o地仲懶神秘咁話係『秘密』……」

雅紀: 「點解你唔同松潤講清楚喎?!咁樣令到自己咁辛苦~」

翼子: 「算啦, 只要佢開心同幸福, 我就會覺得一樣咁開心o架啦~同埋佢o地一齊之前里樂都打過電話同我

講話鍾意松潤, 叫我幫o下佢, 咁我冇理由……」

雅紀: 「翼子你真係一個超級大好人呀!!如果我係你, 實會同佢鬥過呀!! 」

翼子: 「冇所謂啦, 佢o地而家一齊咪幾開心!! 」

某星期六……

翼子: 「有冇搞錯呀, 點解今日頭頭碰著黑o架?!又仆親, 又無啦啦比人鬧, 而家仲要收買人命咁……唉~~~」

沙沙沙沙沙……

翼子: 「o下?!仲要落雨添, 真係慘無人道呀!!!

哎…呀, 仲整趺晒o的貨添……」

突然, 翼子頭上多o左一把傘子幫佢擋雨…,而面前亦出現o左一個熟識o既人影……

翼子: 「咦?!乜係你呀??你點會o係度o既?! 」

雅紀: 「係呀~因為我知你每個禮拜六都會幫你舅父間舖頭做兼職o既, 而家又落緊雨, 我知你一定冇帶遮,

所以咪o黎搵你囉!! 」

翼子: 「雅紀, 你真係細心呀!! 」

雅紀: 「唔知我有冇機會可以以後對你都咁細心呢?! 」

翼子: 「o下?! 」

雅紀: 「其實我好鍾意你o架!!但係因為我知你之前一直都係鍾意松潤, 所以一直都冇機會同你講!!

但係而家松潤佢已經同里樂一齊……咁你願唔願意同我一齊呀?! 」

翼子: 「嗯……」

雅紀: 「我應承你, 我一定會對你好好o架~好過松潤對你好多好多倍o架!!!!!! 」

翼子: 「嗚嗚嗚嗚……」

雅紀: 「你做乜喊呀, 翼子?? 」

翼子: 「我…我聽到你咁講所以好開心呀……」

雅紀: 「多謝你呀, 翼子……」

呢個時候, 佢o地已經忍唔住o係雨中相擁啦……好幸福呀!!!除o左松潤同里樂, 呢個世界又多一對小情人啦!!

祝佢o地永遠快樂呀!!!…..

〈END完〉