心動
(第八話)
鈴……鈴……
翼屋企o既電話響起，翼係熟睡中被電話聲嘈聲，可能係"尋日"同雪蔚玩得太攰……
翼未醒o既聲音：「喂……我係翼……」
瀧澤：「翼，大件事呀！！唔好再睡啦，快o的起身呀，社長十萬火急咁搵你，你快o的返o黎啦，仲有呀，你樓下應該有好多記者，事務所已經派車去你屋企。」
翼聽到瀧澤講到咁大件事，就即刻起身望望窗口，真係有好多記者，翼感到好疑惑，直到佢上到事務所架車時，翼助手俾o左今日份報紙翼睇。翼見到報紙o既內容，真係嚇到呆o左……
報紙o既內容係講：「今井翼與十五年前連環殺手o既女兒拍拖。據可靠消息報道，今井翼o既女朋友叫永奈雪蔚，佢父親就係十五年前連環殺手永奈太郎o既女兒，連環殺手永奈太郎在十五年前殺死十個黑幫大佬，最後被警方拒捕，被判終生監禁，而永奈太郎太太在永奈太郎被判終生監禁後，自殺身亡。其女兒永奈雪蔚則交由孤兒院照顧。今井翼與永奈雪蔚已經交往了一個多月，這段戀情究竟可唔可以Johnny
’s事務所認同，都係未知之數……」翼根本唔能夠眼前o既事實，佢好想打電話俾雪蔚，問清楚一切，但係社長喜多川卻緊急叫翼見佢。
社長室
喜多川見到翼之後好激動，拍哂檯咁講：「翼… 你有冇搞錯呀？你應該知道事務所旗下藝人係唔可以咁高調拍拖，你仲要搵過連環殺手o既女拍拖……. 想唔見報都唔得啦？唔係話唔俾你拍拖，但係你都應該搵個身家清白o既女仔呀……」
翼：「我…我都係"而家"先知"lee"件事……」
喜多川：「我唔理幾時知，你只係得兩條路可以選擇，一就同個女分手，二就退出事務所。」喜多川用決絕o既語氣對翼講。
翼：「但係… 但係……」
喜多川：「你唔洗但係啦…… 你"而家"手頭上o既工作已經全部停止，你放假休息幾日先啦。」
翼只好聽喜多川o既說話，翼係社長室出o黎時，已經冇哂心機…… 瀧澤、Subaru、裕、信五好擔心翼，所以一直係社長室等候，
信五：「翼，你冇o野呀？究竟件事係唔係真o家？」
翼：「我唔知…… 我好亂呀…… 我想返屋企靜下……」
正當信五想再安慰翼時，瀧澤阻止信五：「俾佢一個人靜下啦……」
翼返到屋企時，不停打電話俾雪蔚，但係每次都係唔通…… 令翼更加擔心雪蔚，同埋"lee"件事可信性係非常高……
另一方面，雪蔚知道自己身份被揭發時，都感到非常驚訝，亦係"lee"個時候佢知道佢同翼已經冇可能繼續發展…… 雪蔚一早就知道會有"lee"一o既出現…… 不過估唔到係咁早…… 雪蔚係餐廳返工時，餐廳裡好多都係翼o既fans，佢o地不停對雪蔚講埋o的令雪蔚好難受o既說話…… 餐廳經理見到咁o既情況，只好叫雪蔚入房，
經理：「雪蔚你點搞o家？？搞到人o地o既fans都過咩o黎，會阻住其他客人o家！」
雪蔚：「真係好對唔住呀！」雪蔚o既眼淚已經忍唔住想喊出o黎……
經理：「你都係返屋企休息先啦，係適當o既時候我會叫你返o黎開工。」
雪蔚：「但係……」
經理：「雪蔚，我知你幫得手，但係"lee"個時候你都係返屋企休息好o的。」
雪蔚只好返屋企，係路上，雪蔚覺得街上所有人都用鄙視o既眼光望住佢，雪蔚好驚，所以一支箭咁跑返孤兒院……
雪蔚返到孤兒院時，開着手提電話，發現所有來電都係翼，雪蔚好想打電話俾翼，聽下翼o既聲音，可惜雪蔚已經冇膽打俾翼……
