心動
(第九話)
晚上，翼o既心情非常差，佢好想搵雪蔚，但係又唔知雪蔚係邊，佢一個人行o左入去個公園，翼o既直覺話俾自己聽雪蔚係公園裏…… 結果翼當然係公園見到雪蔚，正當翼想捉住雪蔚隻手時，雪蔚卻避開了…… 翼感到好差異……
翼：「點解？雪蔚，究竟件事係唔係真？」
雪蔚見到翼，好想走入翼o既懷裡，但係雪蔚諗起自己身份俾翼知道後，自卑心根本唔可以俾雪蔚咁做……
雪蔚：「係…… 件事係真…… 我一早講過你同我一齊，你一定會後悔…… 你終於知道點解啦…… 我再同你一齊，只會令大家都會受傷害……我o地就咁算啦……」 天上已經落住毛毛細雨……
翼：「但係我答應過要同你永遠係埋一齊，點可以話算就算……」
雪蔚：「翼，有o的承諾可能一世都唔可以對現，但係我知道你係發自內心已經足夠啦！」天上毛毛細雨開始越落越大…… 雨點打落翼同雪蔚身上，亦打落翼同雪蔚o既心裏…… 雪蔚講完"lee"段說話，就係大雨下跑返屋企…… 翼好想跑上前追雪蔚，但係佢最後都冇咁做… 因為翼唔知自己會選擇退出事務所定係……
雪蔚成身濕哂咁返到孤兒院，當雪蔚想入房時，木內真希又出現係佢面前，
木內真希：「你冇得怨人o家，係你自己不自量力先會搞成咁…… "而家"邊個都幫唔到你o家啦！」
雪蔚：「係你做o既？」
木內真希：「係又點，唔係又點？」
雪蔚已經忍唔住發佢一生人最大o既脾氣鬧木內真希：「點解… 點解每次我可以得到幸福時，你都一定要破壞佢？」
木內真希：「點解？ 冇得解o家，因為我憎你咯…… 個答案滿唔滿意呀？」木內真希跟住就行o左入房……
而雪蔚亦返入房對住翼送俾人佢o既公仔喊o左成晚……
已經幾日冇見雪蔚，翼"lee"日都冇出過街，只係留係屋企不停係諗有冇方法可以令雙方都可以好過o的…… 翼係鐘意現在o既工作，同時佢亦都唔可以冇o左雪蔚，佢真係唔知可以點選擇…… 係"lee"個時候門聲響起，翼去開門，原來係瀧澤同信五。
瀧澤：「翼，你點呀？雪蔚有冇搵過你？」
翼：「自從o個晚佢同我分手後，佢已經冇再搵我…… 我… 我都唔知我可以點做…..」
信五：「咁你有冇搵過雪蔚呀？你唔會諗住咁就放棄雪蔚，你兩個好辛苦先可以係埋一齊……」
翼：「我好鐘意雪蔚，我係唔會放棄佢，但係事務所……」
瀧澤：「翼，唔好再但係啦，一世人終要作一次決絕o的o既決定，只要係覺得o岩就向前衝啦，我同信五會永遠企係你o個邊！」
翼：「多謝你呀！」
