Prishtinë, 27 maj, 2003 - Kryeministri Bajram Rexhepi priti sot përgjegjësin për Ballkanin në Ministrinë e Jashtme të Gjermanisë, Johan Haindl. Në takim është biseduar për situatën në Kosovë, përmbushjen e standardeve dhe integrimet evropiane. 

E premte, 23 maj, 2003

Statusi final i Kosovës nuk mund të shtyhet përgjithmonë, por tani nuk është koha, thotë Steiner
OHËR , 23 maj, 2003 – Çështja e zgjidhjes së statusit përfundimtar të Kosovës nuk mund të shtyhet për një kohë të pafundme, megjithatë nuk është koha që kjo të ndodhë tani, është shprehur kryeadministratori i Kosovës, Michael Steiner, duke komentuar propozimin e disa kongresistëve amerikanë për miratimin e një rezolute për pavarësinë e Kosovës.

Varrosen 29 viktima të Mejës
Gjakovë, 23 maj 2003 - Me vendimin e kryetarit të Komunës së Gjakovës Aqif Shehut,për ditën e varrimit të 29 viktimave të Mejës sot për qytetarët e kësaj komune shpallë ditë zie.29 viktimat që u identifikuan kohët e fundit do të varrosën në Mejë, ku edhe para katër vjetëve më 27 prill për një ditë u zhdukën nga forcat serbe afro 400 banorë të këtijë rajoni. Ceremonia mortore fillon në orën 13.

Për herë të parë në QKU kryhet operacioni në zemër të hapur
Prishtinë, 23 maj 2003 - Të premten në Prishtinë, përfaqësues të Qendrës Klinike Universitare dhe Instituti i Zemrës në Lahr të Gjermanisë kanë mbajtur një takim me gazetarë, ku është bërë e ditur se nesër në Qendrën Klinike Universitare për herë të parë në Kosovë do të bëhet operacioni “Në zemer të hapur

Leka Zogu viziton Kosovën më 7 dhe 8 qershor
Prishtinë, 23 maj 2003 - Pretendenti i fronit mbretëror në Shqipëri Leka Zogu do të vizitojë Kosovën më 7 dhe 8 qershor. Ai do të vizitojë edhe qendrën memoriale të familjes Jashari në Prekaz. Është kjo vizita e parë zyrtare e Leka Zogut në Kosovë.

lAJMET KRYESORE, SHKURT:

Rexhepi do të merr pjesë në Forumin Ekonomik të Athinës
PRISHTINË 20 maj, 2003 - Kryeministrin e Kosovës Bajram Rexhepin nuk e penguan masat e fundit të UNMIK-ut, që ai të merr pjesë në Forumin Ekonomik të Athinës, i cili do të mbahet në fund të kësaj jave, në kryeqytetin grek.

 E enjte, 15 maj, 2003

Lajmet

Shtajner për shkak të rezolutës së miratuar sot ndëshkon institucionet vendore
Prishtinë, 15 maj - Sipas njoftimeve te Qik-ut; - Zyra e shefit të UNMIK-ut Mihael Shtajner ka lëshuar një komunikatë në të cilën thuhet se për shkak të Rezolutës së sotme të miratuar në Kuvendin e Kosovës, pjesëmarrja në tri takime ndërkombëtare - në Këshillin e NATO-s në Bruksel, në Konferencën parlamentare të Paktit të Stabilitetit, poashtu që pritet të mbahet në Bruksel dhe në Konferencën rajonale të Paktit të Stabilitetit që do të mbahet në Ohër, - nuk mund të merret parasysh pjesëmarrja e përfaqësuesve të institucioneve të përkohshme të Kosovës. Në këto takime ishte paraparë të merrnin pjesë përfaqësuesit e institucioneve vendore bashkë me delegacionin e UNMIK-ut.
Shtajner, duke justifikuar këtë vendim thotë se bashkësia ndërkombëtare ka pritur nga Kuvendi i Kosovës që të veprojë drejt ndërtimit të një të ardhme e cila nuk e kthen Kosovën prapa. Rezoluta e miratuar është kundër frymës së pajtimit që proklamon rezoluta 1244 e KS dhe Korniza kushtetuese.
Sipas Shtajnerit kjo rezolutë ka një efekt ndarës brenda parlamentit të Kosovës. Ai një vendim të tilla e ka marrë pasi që ka kontaktuar me shefin e NATO-s Robertson, shefin e politikës së jashtme të BE-së Havier Solana, koordinatoritjmn re Paktit të Stabilitetit Erhad Busek dhe përfaqësues të zyrave përendimore në Prishtinë.

edhe kosovalive njofton se;
Institucionet e Kosovës ndëshkohen shkaku i rezolutës mbi njohjen e vlerave të luftës
-Kryeministri i Kosovës nuk do të marrë pjesë në kuadër të delegacionit të UNMIK-ut në tri takime ndërkombëtare që planifikohet të mbahen këtë muaj në Bruksel dhe Ohër, kështu vendosi shefi i UNMIK-ut, Michael Steiner, disa orë pasi Kuvendi i Kosovës miratoi një rezolutë për njohjen e vlerave të luftës së popullit të Kosovës.

Deputetët njëzërit miratuan Rezolutën e luftës çlirimtare të popullit të Kosovës
Prishtinë, 15 maj - Deputetët e pranishëm në sallën e Kuvendit të Kosovës në seancën e sotme njëzërit miratuan Rezolutën e luftës çlirimtare të popullit të Kosovës për liri e pavarësi. Tekstin e rezolutës e lexoi shefi i grupit parlamentar të AAK-së Bujar Dugolli, i cili tha se teksti i saj është përkrahur nga grupi parlamentar i LDK-së dhe ai i PDK-së.
Fillimisht Sabri Hamiti, kryetar i Grupit parlamentar të LDK-së e përkrahu miratimin e kësaj rezolute. Këtë e bëri në emër të grupit parlamentar të PDK-së Arsim Bajrami, si dhe Faik Marolli në emër të grupit të monoriteteve joserbe.
Por shefi i grupit parlamentar të koalicionit serb "Kthimi" Dragisha Kërstoviq kundërshtoi ashpër vënien në rend dite të kësaj rezolute dhe tha se deputetët serbë do ta braktisin sallën, gjë që edhe e bënë, duke mos marrë pjesë në këtë pjesë të seancës së sotme, kur po votohej rezoluta.
Sabri Hamiti, duke folur për këtë dokument tha se "dëshirojmë të japim mendimin për ato vlera për të cilat njerëzit e këtij vendi i kanë dhënë për vite e vite me qëllim të njëjtë dhe të vetëm, që të jetojnë të lirë, që të jetojnë të pavarur që të vendosin vetë për mënyrën e jetesës së vet dhe që të vendosin për të ardhmen e vet".
"Në këto vite ne kemi tipat e ndryshme të veprimtarëve qysh janë të ndryshme edhe biografitë dhe situatat sociale dhe politike. Këta njerëz këta veprimtarë që dijen e vet, mundin e vet, djersën dikush edhe pasurinë i kanë dhënë për këtë qëllim, dikush në një kohëzgjatje më të madhe dikush me një koncentrim dhe flijim të menjëhershëm të gjithë e kanë vlerën e barabartë në audionin e vlerave të njerëzve që punojnë për vendin dhe njerëzit e vet".
"Kujtoj që me arsyen politike dhe me arsyen shoqërore kemi arritur të ndërtojmë një tekst, i cili i nderon veprimtarët që kanë dhënë gjithë mundin, po edhe jetën për Kosovën e lirë e demokratike, e nderon një organ përfaqësues, siç është Kuvendi ynë dhe të tjerët veç e veç", tha deputeti i LDK-së Hamiti.
Ai theksoi se ky është një moment i veçantë për Kuvendin e Kosovës, që duke "vlerësuar punën e pararendësve dhe bashkëkohanikëve tanë, vlerësojnë punën tonë ose shkurt krijojnë rrugën kah ndërtimi i një shoqërie demokratike e të pavarur, e cila do të jetë e barabartë për të gjithë qytetarët e saj".
Arsim Bajrami në emër të të grupit parlamentar të PDK-së tha se kjo rezolutë është shansë për të krijuar një unitet politik në Kosovë.
Bujar Dugolli nga AAK tha se kjo rezolutë mundëson që e kaluara të mos shfrytëzohet nga askush për përçarje.
Dragisha Kërstoviq nga koalicioni serb "Kthimi" tha se nuk mund të pranojë një dokument që njeh për çlirimtarë njerëzit, që sipas tij, u kanë shkaktuar shumë dëme serbëve në Kosovë.
Në vazhdim të seancës së sotme deputetët miratuna Projektligjin për kooperativat bujqësore dhe rekomandimet e Këshillit prokurorial dhe gjyqësor për emërimin e gjykatësve.

Filloi privatizimi
PRISHTINË,15 maj, 2003 - Bordi i Agjencisë Kosovare të Mirëbesimit (AKM) shpalli të enjten tenderët për privatizimin e gjashtë ndërmarrjeve të pronësisë shoqërore, me çka edhe filloi procesi i privatizimit në Kosovë.

Në një aksident trafiku humbën jetën tre aktorë shqiptarë të Shkupit
Tetovë, 15 maj - Mbrëmë në rrugën Tetovë-Shkup në një aksident trafiku kanë humbur jetën aktorët e Dramës shqipe të Teatrit në Shkup, Fazli Shaqiri, Hazir Zhuta dhe Veli Aliu, njofton korrespondenti i Radio Kosovës nga Shkupi.

Për shkak të helmimit ndihmë mjekësore kanë kërkuar 130 studentë Preshtinës
Prishtinë, 15 maj - Për shkak të helmimit në mensën e tyre prej dje e deri më sot në mëngjes ndihmë mjekësore kanë kërkuar 130 studentë Preshtinës. Sipas mjekëve të Klinikës infektive ndihmë mjekësore sot kanë kërkuar 32 studentë, prej të cilëve dy janë ndalë në spital për kurim të mëtejshëm.
Rasti i parë është paraqitur dje rreth 14.00 dhe mjekët dyshojnë se studentët janë helmuar me ushqim.
Drejtori i Qendrës së Studentëve Nazmi Halimi thotë se 25 studentë banues në këtë qendër janë helmuar, ndërsa janë marrë masat për evitimin e pasojave, thotë ai.
Studentët kanë paralajmëruar sot pasdite një protesët.

Pentagoni ka premtuar angazhimimin amerikan për Shqipërinë në zhvillimin e strategjisë së saj ushtarake
Uashington, 15 maj - Nënsekretari i amerikan i Shtetit Pol Uolfovic, njëri nga arkitektët e luftës në Irak, i premtoi ndihmë ministrit shqiptar të Mbrojtjes Pandeli Majko për ushtrinë shqiptare në disa fusha: rritjen e aftësive të Shqipërisë që forcat e saj të armatosura të mund të veprojnë në të ardhmen me NATO-n, mbështetjen e reformës në ushtri dhe veprimtaritë e përbashkata në çështjet e sigurimit të kufijve të mospërhapjes së shkatërrimit në masë dhe të operacioneve të kontrollit detar. Shtetet e Bashkuara janë tepër të ndieshme ndaj çështjeve të tilla si ato që kanë të bëjnë me armët e shkatërrimit në masë.
Shqipëria është treguar e gatshme të bashkëpunojë në këtë fushë dhe kjo është konkretizuar me marrëveshjen që z. Uolfovic dhe ministri shqiptar i Mbrojtjes nënshkruan të hënën në Pentagon. Marrëveshja përcakton bazën ligjore për të dy vendet si dhe masat për të penguar përhapjen e armëve të shkatërrimit në masë dhe për të përmirësuar aftësitë e Shqipërisë në sigurimin e kufijve të saj mjaftë të depertueshëm të njohur për trafiqet e ndryshme që shpeshherë kalojnë pa u ndëshkua.
Majko tha se Shqipëria është e hapur për të lejuar një prani më të madhe ushtarake amerikane në vend, nëse kjo do të kërkohej nga SHBA-të.

E shtunë 10 maj 2003

Pas një letre kërcënuese të drejtuar z. Fatmir Rexhepi, AKSH-ja deklaron:
DISTANCOHEMI DHE DËNOJMË ASHPËR AKTIN KËRCËNUES NDAJ DEPUTETIT TË LDK-së FATMIR REXHEPI

Sekretariati Vendimarrës i Frontit Për Bashkim Kombëtar Shqiptar dhe Shtabi i Përgjithshëm i AKSH shprehin keqardhjen e tyre lidhur me letren kercenuese qe i është drejtuar anëtarit të Kryesisë së LDK dhe deputetit të Parlamentit të Kosovës Fatmir Rexhepi. Ne e dënojmë ashpër këtë akt të paprecedent dhe i hedhim posht me neveri insinuatat se gjoja pas këtij veprimi kriminal qëndrojnë pjestarë të AKSH. Deklarojmë se në AKSH nuk ekzistonë asnjë person me emrin "Spartak Tusha" dhe se në strukturat e kësaj Armate nuk ekzistonë emërtimi i funksionit të "Shefit Ekzekutiv" ! Konstatojmë se qarqe të caktuara antishqiptare tani kur FBKSH, si një Lëvizje e fuqishme politike e kombëtare dhe krahu i saj i armatosur AKSH po përparojnë në të gjitha drejtimet, përpiqen të njollosin emrin dhe vepren e mirë të tyre.

FBKSH është udhëheqsja e vetme politike e AKSH. Ajo nuk do e lejoj kurrë këtë Armatë popullore të shndrrohet në një organizatë terroriste dhe për më keq, që luftën e shenjtë kundër kolonializmit serbo-sllavomaqedon, luftën për çlirimin dhe ribashkimin e trojeve etnike shqiptare, ta shndërromjë në luftë kundër vetvetes, kundër forcave politike shqiptare apo udhëheqësve, anëtarëve dhe simpatizantëve të tyre.

Distancohemi kategorikisht nga akti i kryer kunder deputetit Fatmir Rexhepi dhe ju bëjmë thirrje të gjitha masmediave, posaçërisht atyre pranë LDK që të mos manipulojnë opinionin me të pavërteta absurde, pasi për AKSH dhe udhëheqjen e saj politike FBKSH akte të tilla konsiderohen kriminale dhe luftohen si të tilla.

Shtabi i Përgjithshëm i AKSH u ka dhene detyrë urgjente strukturave të specializuara që të zbulojnë, të kapin dhe të dorëzojnë para organeve të drejtësisë të ashtuquajturin "Spartak Tusha" i cili edhe më parë ka lëshuar letra të tjera kërcënuese ndaj qytetarëve të ndryshëm.

PËR SEKRETARIATIN VENDIMARRËS TË FBKSH

K R Y E T A R I
Mr. Valdet Vardari

SEKRETARI POLITIK
Av. Alban Vjosa

SHEFI I SHTABIT TË PËRGJITHSHËM TË AKSH
Gjeneral *** Vigan Gradica

Në Nju Jork përfundoi Forumi për Kosovën

Barometri diplomatik: Prof. Dr. Mehdi Hyseni
TMK-ja nuk është firmë private e Çoviqëve të Unionit Serbomalazez

Përkundër faktit se, kohëve të fundit kanë zënë të ringjallën bakcilët virusoidë të regjimit allktual serb të Sllobodan Millosheviqit kundër interesave jetike të shqiptarëve dhe të Kosovës, ekzistenca dhe fati i Trupave Mbrojtëse të Kosovës(TMK) nuk mund të vihen në pikëpyetje jo vetëm nga Unioni Serbo+Malazez i Nebojsha Qoviqit dhe i Rada Trajkoviqit, por as nga kryeadministratori i UNMIK-ut apo i ndonjë asociacioni tjetër qoftë edhe me karakter (qeveritar apo joqeveritar) ndërkombëtar, sepse TMK-ja është institucion legjitim dhe legal si mbi bazën e së drejtës së brendshme, ashtu edhe të asaj ndërkombëtare publike, në saje të së cilit ka zhvilluar luftën çlirimtare kombëtare dhe antikoloniale kundër pushtuesit të huaj serbonmalazez në vitin 1998-1999.

Është e domosdoshme, t’i përkujtojmë si Unionin Serbo+Malazez, ashtu edhe titullarët e institucioneve më relevante ndërkombëtare (NATO, OKB, OSBE, BE), se TMK-ja nuk është kurrfarë fantazme, e shfaqur nga hiri i ndonjë feniksi të huaj, apo nusprodukt i ndonjë firme mikste private-publike e “Beretave të Kuqe” të Klanit të Zemunit, apo pronë vetjake e aparatit shtetëror të Beogradit, por është krijesë e natyrshme ushtarake popullore, e lindur nga gjiri i popullit shqiptar, në çastin më kritik të historisë së mbrojtjes së qenies së tij dhe të Kosovës nga hordhitë barbare gjenocidale dhe pushtuese të Serbisë. Prandaj, me fatin dhe me ekzistencën e saj nuk mund të luajë as Serbia, e as ndonjë përfaqësues i “paudhëzuar” dhe i njëanshëm i bashkësisë ndërkombëtare, që me çdo kusht don të hudhë “ndonjë gurë” për të rehabilituar politikën gjenocidale të Serbisë, në disfavor të luftës çlirimtare kombëtare të UÇK-së=TMK-së kundër okupatorit kolonialist serbomadh. Për fatin e sotëm dhe, të nesërm të TMK-së, mund të vendosë vetëm populli shqiptar i Kosovës, e askush tjetër. Këtë të drejtë sovrane e ka vetëm populli shqiptar, e jo asnjë nga eksponentët e politikës dhe të propagandës ultranacionaliste serbomalazeze as në Podogoricë, as në Beograd. Mashtrohen kryeultranacionalistët e dëshmuar serbomalazezë, siç janë Nebojsha Çoviqi dhe Rada Trajkoviqi (përfaqësues direkt dhe indirekt të Qeverisë serbomalazeze), nëse llogarisin, se shqiptarët dhe TMK-ja, i kanë flakur nga kujtesa e tyre terrorin dhe gjenocidin shtetëror serb dhjetëvjeçar, të kryerë mbi popullin shqiptar dhe mbi Kosovën, e tani (për shkak të përsëritjes së kërkesave kolektive paranoide, dhe akuzave të trilluara antishqiptare, të reprizuara nga teknologjia shfarosëse e politikës serbomadhe të Slobodan Milosheviqit dhe të Kishës Orotodkse Serbe), në mënyrë të “vullnetshme”, sipas diktatit të Serbisë dhe të disa nga aleatët e tyre, do të “pajtohen”, që fatin e vet dhe të Kosovës, sërish ta kenë lënë në duar të bandave kriminale ushtarake, paramilitare dhe policore serbomalazeze. Kjo strategji e “tokës së djegur” dhe e operacioneve luftarake “Patkoi”, në saje të së cilave Serbia e Slobodan Milosheviqit, (1998-199) Kosovën e shndërroi në varreza kolektive shqiptare, dhe në një tokë shkretëruar pa shqiptarë, nuk ka më asnjë gjasë të përsëritet, jo në Kosovë, por në asnjë trevë të banuar me shqiptarë, që ndodhet edhe jashtë Kosovës, sepse do t’i mborjnë pjesëtarët e devotshëm të ushtrisë çlirimtare kombëtare shqiptare.

Popullin shqiptar dhe Kosovën, do ta mbrojë vetëm ushtria legjitime shqiptare

Pavarësisht nga nomenklatura e listës së “dëshirave” të politikës kolonialiste serbomadhe, që sërish Kosovën dhe shqiptarët, t’i fusë në ingranazhet e sundimit të saj hegjemonist, duke parashikuar eliminimin me çdo kusht nga skena politike dhe ushtarake të faktorit ushtarak shqiptar, të quajtur TMK, kjo strategji dhe taktikë është pazbatueshme në praktikë. Mirëpo, një kërkesë e këtillë e politikës së krerëve të Qeverisë së Unionit të Serbisë dhe të Malit të Zi, nuk duhet nënçmuar në asnjë mënyrë, por duhet të merret me seriozitetin më të madh nga ana e palës shqiptare, sepse prapavija e saj është tërësisht antishqiptare, dhe e barasvlershme me objektivat dhe me synimet e politikës grabitçare e gjenocidale të regjimit policor ushtarak të diktatorit Slobodan Milosheviq.

Drejtpërdrejt dhe tërthorazi, të gjitha sulmet dhe akuzat, që TMK-së po i adresohen nga politika dhe propaganda zyrtare serbomalazeze e Beogradit, kanë për qëllim që të ulin “pazarin” e fillimit të bisedimeve me Prishtinën zyrtare, duke e llogaritur Kosovën si problem të vetin të “brendshëm”, e kursesi si problem fqnijësor ndërkombëtar. Mirëpo, për të arritur këtë objektiv, politika zyrtare serbe ka ndikuar që, së pari, t’i imponohet bashkësisë ndërkombëtare në Kosovë. Këtë e provojnë sheshit edhe parametrat e administrimit të UNMIK-ut, së pari “standardet”, pastaj, ku ta dijsh edhe për sa kohë (10, 20, 30 vjet), të vihet në “rend dite” debatimi i statusit përfundimtar të Kosovës. Mëpastaj, për shkak ushtrimit të trysnisë së politikës iracionale të Beogradit, nga politika shqiptare dhe nga UNMIK-u kërkohet që të vihet në jetë decentralizimi i “pushtetit shtetëror” shqiptar?! Për çfarë decentralizimi të pushtetit qeverisës të mbizotëruar shqiptar, mund të bëhet fare fjalë, kur dihet, se në të gjitha institucionet e Qeverisë e të Kuvendit të Kosovës, janë të përfshirë si minoriteti serbomalazez, ashtu edhe përfaqësuesit e minoriteteve të tjera në Kosovë.Domethënë, tanimë, brenda kësaj periudhe katër vjeçare, parktikisht dhe demokratikisht janë vënë në jetë të gjitha standardet e integrimit politik, ekonomik, kulturor, të sigurisë e të tjera të një shoqërie të përbashkët multietnike pluraliste në Kosovë. Kështu, të paktën flasin raportet dhe vlerësimet zyrtare të titullarëve të strukturave ndërkombëtare të UNMIK-ut dhe të KFOR-it në Kosovë.

Natyrisht, nëse vërtet, duam t’i zgjidhim problemet në frymën objektive dhe të kritereve të proceseve integruese, të parimeve të demokracisë, të pluralizmit dhe të normave të ligjshme të bashkëjetesës ndëretnike në Kosovë sipas standardeve dhe vlerave universale të sistemit juridik ndërkombëtar dhe të drejtësisë ndërkombëtare, ashtu siç parashikon agjenda paqësore e Rendit të Ri Ndërkombëtar, atëherë, s’ka dyshim se në Kosovë (u pëlqeu apo jo, kjo ekstremistëve dhe ultranacionalistëve të politikës serbomalazeze si në Prishtinë, ashtu edhe në Beograd), patjetër, është i domosdoshëm decentralzimi, përkatësisht zhbërja e menjëhershme e të gjitha institucioneve të krijuara paralele serbomalazeze në Kosovë ( krijimi etnikisht i pastër i Universitetit në Mitrovicë, themelimi i Kuvendit të komunave dhe i disa asociacioneve me karakter policor-paramilitar në Mitrovicë, Graçanicë dhe në Kamenicë etj.), sepse kjo dukuri çon drejt politikës së segregacionit dhe aparteidit të shoqërisë multietnike në Kosovë. Për më tepër, ato kanë karakter ilegal dhe antiligjor, që nuk përputhen me sismetin e ligjeve dhe të ligjshmërive të institucioneve dhe të organeve legale të Qeverisë multietnike të Kosovës, si dhe janë në kolozion flagrant me dispozitat e Rezolutës 1244 të Këshillit të Sigurimit të Kombeve të Bashkuara.

Prandaj, një nga problemet më serioze, që e rrezikojnë procesin e ndërtimit të një shoqërie të lirë dhe demokratike në Kosovë, është fenomeni dezintegrues dhe destabilizues serbomalazez, i cili kursesi nuk po mund të lirohet nga steretipet dhe indoktrinimi i politikës së perënduar gjenocidale të Serbisë së Slobodan Mikosheviqit. Fenomeni dezintegrues serbomalazez, jo vetëm se është komik, por edhe absurd, dhe i joligjor, sepse thelbi i tij përbëhet nga dy komponente të papranueshme edhe për politikën dhe interesat e shumicës shqiptare(mbi 90%), edhe për politikën paqësore ndërkombëtare në Kosovë. E para, nënkupton “decentralizimin” e pushtetit si në shkallë horizontale, ashtu dhe vertikale, jo sipas përfaqësimit të paritet nacional të përqindjes së minoritetit serbomalazez, por sipas krietereve të një çelësi abstrakt të ashtuquajtur “mbrojtje e interesit të përgjithshëm nacional dhe shtetëror serb në Kosovë”. Ky “parim” mund të jetë i aplikueshëm dhe i pranueshëm vetëm në Serbi, ku shumica janë serbë, e assesi në Kosovë, e cila përbëhet nga 93% e shumicës dërrmuese shqiptare. Natyrisht, që në Kosovë, do të mbrohen njësoj të gjitha të drejtat dhe lritë themelore të të gjitha minoritetve, që janë rezidentë të saj, por mbrojtja e interesit kombëtar dhe shtetëror të Kosovës, do të jetë në ngarkim të detyrueshëm vetëm të shumicës dërrmuese të popullit shqiptar, që sipas ligjit dhe të drejtës historike, janë të vetmit titullarë të mbrojtjes kombëtare dhe shtetërore të Kosovës. E dyta, sipas traditës së deritashme (edhe pse si minoritet) të politikës kolonizuese serbe, duan që, duke e “decentralizuar” përfundimisht sistemin ligjor dhe demokratik të administratës vendore dhe ndërkombëtare në Kosovë, t’i krijojnë kushtet reale për kthimin e ushtrisë dhe të policisë kriminale serbomalazeze në Kosovë, me qëllim që sërish Kosovën dhe shumicën shqiptare mbi 90%, ta shndërrojnë në minoritet vasal të pakicës 5% serbomalazeze. Këto janë tendencat kryesore të “pakënaqësisë” së përfaqësuesve dhe të liderëve të minoritetit në Kosovë, dhe kryesisht të politikës zyrtare të Beogradit, e jo kurrfarë “diskriminimi” i minoritetit serbomalazez në Kosovë, siç pohon me paturpësi politika dhe propaganda serbomalazeze Beogradit.

Për t’i konkretizuar këto qëllime amorale dhe antivicilizuese në kurriz të shqiptarëve dhe të Kosovës, politika propagandistike serbomalzeze, është duke manipuluar dhe mashtruar opnionin e brendshëm dhe të jashtëm ndërkombëtar, se minoriteti serb në Kosovë “është viktimë e terrorizmit shqiptar”, e jo shqiptarët dhe Kosova viktima të terrozimit dhe të gjenocidit shtetëror të Serbisë së Slobodan Milosheviqit. Ndërrimin e kësaj teze antishqiptare, mund ta gëlltisin vetëm politikat simpatizuese dhe ekzekutore të gjenocidit dhe të krimeve të luftës së makinerisë së fashizmit hitlerian, dhe ultranacionalistët( dje dhe sot, dora e djathtë e regjimit gjenocidal të Slobodan Milosheviqit), serbomalazezë, Nebojsha Çoviq ( kryetar i Qendrës koordinuese për kthimin e refugjatëve serbomalazezë në Kosovë, dhe zëvendëskryeministër i Qeverisë së Serbisë), dhe Rada Trajkoviq ( deputete në Kuvendin multietnik të Kosovës, dhe lidere e “povratakut” etj.).

E vlen të nënvizojmë se, të gjitha bojkotimet dhe shantazhet e deritashme, që i janë bërë politikës ndërkombëtare të UNMIK-ut dhe të KFOR-it në Kosovë, janë realizuar nga përzierja direkte dhe indirekte e politikës ultranacionaliste të qeverisë serbe të Beogradit përmes tandemit të saj të dalluar ekstremist Nebojsha Çoviq dhe Rada Trajkoviq. “Sondën” e tyre të urrjetjes dhe të jotolerancës ndaj etnikumit indigjen shqiptar në Kosovë, e provojnë edhe deklarat më të reja kundër ekzistencës së TMK-së dhe interesave vitale të shqiptarëve në Kosovë.

Sa është e “hapur” dhe e “sinqertë” politika e “demokratizuar” e qeverisë serbomalazeze për të hyrë në bisedime me palën shqiptare për zgjidhjen e drejtë të statusit të Kosovës, këtë në mënyrë spektakulare dhe transparente të nacionalshovinizmit serbomadh, e ka deklaruar edhe Nebojsha Çoviq, duke nënvizuar se: “ TMK-ja, duhet të kapë lopatën, dhe ta veshë uniformën punëtore, e jo të modernizohet në kuptmin ushtarak dhe të mbrojetjes së Kosovës”.(Tanjug,5.5.2003).

Ky kualifikim “politik” i Nebojsha Çoviçit në adresë të TMK-së-faktorit ushtarak shqiptar, nuk ka kurrfarë mbështeje as sipas paragrafëve të Rezolutës 1244 (të cilën politika serbomadhe, e interpreton, nga këndvështrimi i saj kolonialist mbi Kosovën), as sipas së drejtës ndërkombëtare. Në rastin e parë, pikërisht sipas kësaj rezolute, edhe është bërë demobilizimi i UÇK-së në TMK (këtë të vërtetë, tanimë, e dinë edhe harabelët e stepave të Kaukazit, e lëre më opinioni politik në Kosovë dhe në Nju-Jork). Në rastin e dytë, TMK-ja është dalë nga lufta e drejtë çlirimtare kombëtare kundër agresionit dhe gjenocidit të Serbisë, e cila njihet me emrin Ushtria Çlirtimtare e Kosovës(UÇK). Statusi i saj ka bazën e njohjes së drejtës ndërkombëtare, dhe të bashkësisë ndërkombëtare, të legalizuar qysh nga Konferenca e Rambujesë ( 1999), ku edhe ishte palë direkte nënshkruese e Marrëveshjes ndërkombëtare për përfundimin e luftës në Kosovë. Njohja e statusit juridik ndërkombëtar, si lëvizje nacionalçlirimtare e UÇK-së-TMK-së si nga Shtetet e Bashkuara të Amerikës, ashtu edhe nga bashkësia ndërkombëtare, është bërë në përputhje me Rezolutën 2105/XX, të miratuar nga Asambleja e Përgjithshme e OKB-së, më 20.12.1965. Prandaj, këtë të drejtë legjitime dhe legale askush nuk mund t’ia tjetërsojë TMK-së qoftë politika kolonizatore e Unionit SMZ, qoftë ndonjë ndonjë eksponent i verbër, simpatizues i saj, i tanishëm apo i dikurshëm.

Si Nebojsha Çoviçi, Momçilo Trajkoviqi, Rada Trajkoviqi, Oliver Ivanoviqi, si dhe e gjithë “orgjia” klerikëve të fundamentalzimit osrtodoks serb në Kosovë, dhe në Serbi, duhet ta kenë të qartë se, gjatë viteve 1989-1999, gjenocidin mbi shqiptarët në Kosovë (nuk e kanë kryerë shqiptarët as TMK-ja mbi pakicën serbomalazeze, ashtu siç po gënjen dhe po shpif haptazi, dhe pa kurrfarë turpi politika e sotme zyrtare serbe “pasmilosheviqiane”), por atë e kanë kryerë vetë serbët dhe Serbia, të cilin e kanë frymëzuar, përgatitur dhe ndihmuar me të gjitha mjetet, pikëspari fundamentalizmi dhe ekstremizmi agresiv i politikës së Kishës Ortodokse Serbe, së bashku me Akademinë e Shknecave dhe të Arteve Serbe, shërbimeve të ndryshme sekrete të sigurimit policor dhe ushtarak të Serbisë, duke marrë për bazë projektet hegjemonsite të Serbisë së Madhe të Ilia garashaninit(1844), të Vasa Qubriloviqit dhe Ivo Andriqit (1937), të Vuk Karazhiqit(1847) dhe Kushtetutës së Vidovdanit (1921)...etj.). Këtë ndërrim të tezave, nuk do ta pranojnë as shqiptarët, as TMK-ja e as bashkësia ndërkombëtare. Ngase miliona viktima shqiptare, kroate dhe myslimane boshnjake, kanë dëshmuar para gjithë botës se janë vepër monstruoze, antinjerëzore dhe antiligjore e Serbisë hitelriane të Slobodan Milosheviqit, e jo e kursesi e shqiptarëve të Kosovës, as e kroatëve të Kroacisë e as e boshnjakëve të Bosnjës. Në këtë rast, forcat militare, paramilitare dhe policore të Serbisë, që kanë kryerë vepra makabre-penale ndërkombëtare, gjenocd dhe reprezalije mbi popullin shqiptar dhe Kosovën (pavarësisht nga dëshirat dhe taktikat dredhuese e mistifikuese të ultranacionalistëve serbomëdhenj, që para botës së civilzuar po orvatën si “engjuj” ta fshehin barbarinë e tyre të shekullit XX, duke u paraqitur si “viktima” e jo si xhelatë të pamëshirshëm), as vetë Unioni Serbo+Malazez, nuk kanë kurrfarë shansi ligjor, që të rehabilitohen nga drejtësia ndërkombëtare dhe bota e sotme e qytetëruar demokratike. Ata, të cilët tentojnë t’i rehabilitojnë serbët dhe Serbinë nga tre gjenocidet e kryera mbi shqiptarët, kroatët dhe myslimanët boshnjakë, nuk i përkasin botës së sotme të civilizuar, as rendit juridik pozitiv ndërkombëtar, por rendit të errët skllavopronar, kancelarive bizantine evropiane të kohës së Aleancës së Shenjtë, si dhe sistemeve kolonialiste diktatoriale të metropoleve të ndryshme evropiane në Afrikë dhe në Azi para dhe pas përfundimit të Luftës së Dytë Botërore.

Sipas së drejtës ndërkombëtare, veprat penale ndërkombëtare të gjenocidit nuk mund të përshkruhen, pavarësisht nga afati i vjetërsisë së tyre, dhe dëshira e shkretë e Rada Trajkoviqit, që ta rikthejë “VJ”-në kriminale në Kosovë. Natyrisht, kjo nuk duhet kuptuar vetëm si dëshirë personale e Rada Trajkoviqit(deputete e Kuvendit të Kosovës), por si një luftë e re kolektive e të gjitha subjeketeve politike, ushtarake, policore e paramilitare të Serbisë dhe të Malit të Zi, që paraqet rrezik të madh për mbrojtjen dhe sigurinë e përgjithshme të shqiptarëve jo vetëm në Kosovë, por edhe më gjerë në “enklavat” e kolonizuara shqiptare të Serbisë dhe të Malit të Zi.

TMK-ja ka luftuar për Kosovën e lirë, të pavarur dhe demokratike, të cilën do ta mbrojë si të tillë!

Edhe pse kohëve të fundit, me të madhe janë duke u luajtur “lojëra të pakufijshme” rreth fatit të Kosovës dhe të shqiptarëve, si rrjedhim i propagandës luftënxitëse të Serbisë. Administrata e Miahael Shtajnerit (UNMIK) as (KFOR-i), nuk do të duhej të përligjnin rivendikimet e politikës propagandistrike të qarqeve politike të Serbisë, as të provokatorëve të saj, siç janë Nebojsha Çoviqi dhe Rada Trajkoviqi, të cilët janë “stozherët” dhe kritikuesit më të skajshëm të politikës së bërë të deritashme të administratës së UNMIK-ut dhe të KFOR-it në Kosovë. Asnjë nga rezultatet e deritashme pozitive të këtyre dy institucioneve ndërkombëtare paqësore në Kosovë, nuk janë të pranueshme as për liderët ekstremistë të minoritetit serb, as për qeverinë serbe të Beogradit. Presionet indivduale dhe kolektive të politikës serbe kundër Mihael Shtajnerit dhe titullarëve të tjerë të UNMIK-ut dhe të KFOR-it në Kosovë, bëhen në mënyrë të organizuar sistematike, dhe të planifikuar në detaje, për të nxjerrë koncesione si nga pala e dëmtuar shqiptare, ashtu edhe nga bashkësia ndërkombëtare.

Rasti më drastik dhe më shantazhist i liderëve nacionalistë serbomalazezë kundër kryeadministratorit të UNMIK-ut, Mihael Shtajener, është kërkesa amorale dhe provokative e tyre, që atë ta detyrojnë, të marrë ndonjë vendim arbitrar në kufizimin e ushtrimit të drejtave dhe detyrave të TMK-së. Këtë e ilustron edhe deklarata e Nebojsha Çoviqit: “ Të ndërpritet moderniizimi i mëtejmë i TMK-së nga ana e bashkësisë ndërkombëtare, e cila edhe e ka krijuar atë”. Me një fjalë, Çoviqi ka kërkuar nga Mihael Shtajneri, që TMK-në ta vërë në pozitë jashtë loje të sistemit politik dhe ushtarak të Kosovës. Po qe se arrihet një imperativ i këtillë (bllokimi i aktiviteteve dhe i modernizimit të TMK-së) i palës akuzuese shpifëse serbe, atëherë pa dyshim do të vijë deri te polarizimi politik dhe ushtarak, si dhe implikimet e paparashikuara ndëretnike në Kosovë, që do të çonin në konfrontimin direkt të forcave të armatosura gjithëshqiptare dhe atyre serbomalazeze. Me këtë rast, në Kosovë, do të fillonte çdo gjë nga e para. Këtë, “mollë sherri” është duke kërkuar Serbia me në krye Nebojsha Çoviqin dhe me Rada Trajkoiviqin. Gjithashtu, këtë strategji të një lufte të re të mundshme shqiptare-serbe, e dokumentin edhe statusti i sotëm politik, adiminstrativ dhe gjeopolitik i Mitrovicës së Veriut. Deri tani, politika shqiptare me urti iu ka shmangur një rreziku të këtillë (të përgatitur qe katër vjet rresht nga politika zyrtare e Beogradit), duke u treguar e moderuar, dhe në raste të caktuara, edhe e dëmtuar në favor të saj, mirëpo, të gjithë këtë e ka bërë për hir të shpëtimit të procesit të ndërtimit të një paqeje të qëndrueshme dhe të mirëbesimit të ri ndëretnik në Kosovë. Natyrisht, duke shpresuar se Serbia fqnije, do të pendohej, duke kërkuar falje botërisht për të gjitha masakrat dhe shkretënimet, që i ka bërë mbi shqiptarët dhe Kosovën (1998-1999. Mirëpo, fatkeqësisht, edhe pse politika e urtë shqiptare ia dha shansin Serbisë “pasmilosheviqiane”, që t’i normalizojë marrëdhëniet me Kosovën, udhëheqja e saj (në emër të demokracisë dhe të integrimeve evropiane dhe rajonale, duke i mashtruar në mënyrë perfide, dhe duke i përvetësuar gradualisht si shtetet fqinje, ashtu edhe BE-në, Këshillin e Evropës, OSBE-në etj.) në krye me Nebojsha Çoviqin (ish-sps i S.Milosheviqit), ka filluar ta rikatulizojë strategjinë e politikës dhe të propagandës gjenocidale të regjimit fashist të Slobodan Milosheviqit, duke u përzier direkt në çështje të brendshme të Kosovës. Këtë e vërteton edhe përmbajtja e kësaj deklarate, të dhënë për opinionin publik nga deputja e Kuvendit të Kosovës, Rada Trajkoviq: “Janë krijuar kushtet që politika zyrtare serbe, t’i propozojë UNMIK-ut dhe KFOR-it ofertën për pranimin e forcave ushtarake dhe speciale të Unionit SMZ në strukturën e këtyre dy institucioneve ndërkombëtare paqësore, me qëllim që, së ba- shku ta luftojnë terrorizmin shqiptar”!? (lk.6.05.2003).

Sipas këtij “vizioni largpamës” tendencioz dhe subjektiv të dr.Rada Trajkoviqit, për “luftimin e terrorizmit shqiptar” në Kosovë, KFOR-i dhe UNMIK-u (edhe pse kanë dispozicion mbi 27000 mijë forca ushtarake nën komandën e NATO-s), paskanë aq nevojë të “madhe për t’u përforcuar me frocat rezerviste speciale dhe kriminele ushtarake” të Unionit të SMZ-së, të cilat para katër viteve kanë kryer akte gjenocidale dhe maskara ndaj popullatës civile shqiptare në Kosovë. Eh, po ky është kulmi i cinizmit të politikës hipokrite serbomadhe! Jo, zonja deputete e Kuvdendit multietnik të Kosovës, Rada Trajkoviq, ushtria, paraushtria dhe policia serbe e jotja dhe e Slobodan Milosheviqit, e kanë konsumuar përgjithmonë “kredinë e ushtrimit të detyrimit ushtarak” në Kosovë. Vendi i atyre forcave ushtarake speciale serbomalazeze(që çoviqët, trajkoviqët dhe ivanoviqët, duke parë ëndrra në diell, qe katër vite me radhë) , të kërkuara nga Rada Trajkoiviq, nuk është KFOR-i as UNMIK-u,as TMK-ja, as Kosova, por është Gjykata Ndërkombëtare e Hagës, dhe burgjet ndërkombëtare, të cilat patjetër, së bashku me Slobodan Milosheviqin, dhe me urdhërdhënësit e tjerë ushtarakë e policorë, duhet të japin llogari për krimet dhe masakrat e kryera ndaj shqiptarëve, dhe plaçkitjes dhe djegies së pasurisë së tyre të luajtshme dhe të paluajtshme në Kosovë. Pavarësisht nga ndërrimi i tezave të Nebojsha Çoviqit dhe të Rada Trajkoviqit, si rrjedhim i ushtrimit të trysnisë së politikës dhe propagandës subversive të Beogradit dhe të Podogricës, politika shqiptare nuk ka asnjë arsye, që të tërhiqet nga llogoret e luftës së mbrojtjes së vërtetës së hidhur historike të çështjes shqiptare dhe të Kosovës gjatë viteve 1998-1999, por nevojitet përherë të jetë e zgjuar dhe objektive, duke vepruar vazhdimisht dhe intensivisht në çjerrjen e krimeve të luftës dhe të hollokaustit serbomalazez para opinionit demokratik ndërkombëtar.Çdo shfaqje e dilemës dhe e tendencave ndjellakeqe (me prirje të interesit personal apo të grupeve politike të interesit në favor të politikës së mbrojtjes së interesave të huaja antishqiptare), me qëllim që të heshin dhe të murkullojnë veprën antinjerëzore-hollokaustin serbomalazez mbi shqiptarët dhe Kosovën, sipas normave të së drejtës zakonore dhe të së drejtës ndërkombëtare, do të thotë mbështetje dhe justifikim amoral, apolitik dhe antiligjor ndaj së vërtetës mbi shqiptarët dhe Kosovën.

S’ka dyshim se, si çdo shtet dhe popull në botë, edhe Kosova dhe populli i saj ka nevojë të domosdhsme, dhe mbi të gjitha e gëzojnë të drejtën e ligjshme të mbrojtjes së interesave të tyre vitale kombëtare dhe shtetërore, por këtë të drejtë nuk mund ta kërkojnë, as ta jetësojnë përmes trupave invaduese gjenocidale të Serbisë dhe të Malit të Zi. Përkundrazi, Kosova dhe populli shqiptar, në rast kërcënimi të rrezikut, do t’i thërrasin në ndihmë miqët e tyre të dëshmuar, Shtetet e Bashkuara të Amerikës e cila drejtpërdrejt me aletët e saj, ka ndikuar dhe ka marrë pjesë në rolin kryesor në çlirimin e Kosovës, dhe në shpëtimin e shqiptarëve nga shfarosja kolektive, si pasojë e ushtrimit të agresionit dhe të gjenocidit të forcave ushtarake, paramilitare dhe policore të Serbisë. Në qoftë se në Kosovë ka “lëshuar rrënjë” ndonjë “terrorizëm” , KFOR-i, UNMIK-u dhe TMK-ja, kanë forca të mjaftueshme për zhdukejn e tij, si dhe të shfaqjes së çdo rreziku tejtër, që do t’i kanoset Kosovës dhe popullit të saj. Populli shqiptar i Kosovës, as vetë Kosova, nuk kanë kurrfraë nevoje,që t’ i thërrasin në mbrojtje xhelatët dhe vrasësit e tyre barbarë, por kanë nevojë për miqë dhe aleatë besnikë, sikurse që janë Shtetet e Bashkuara të Amerikës dhe aleatët e tyre të Evropës Perëndimore. Po e përsëris, dhe do ta përsëris gjithmonë këtë fakt historik humanitar miqësor, sikur të mos ishte ndërhyrja direkte e SHBA-së me koalicionin e NATO-s në mposhtjen e forcave oukpuese serbe, dhe të objektivave të tyre ushtarake, sot Kosova do ishte e tërësisht e boshatisur nga shqiptarët, si rrejdhim i hollokaustit serbohitlerian në zemër të Evropës( 1998-1999).

Si trajkoviqët, çoviqët dhe mbështetësit e tyre të politikës paranoide të Beogradit, duhet ta mbajnë parasysh faktin se, Kosova më kurrë nuk do të jetë “bashki” e varfër e tyre me status kolonial,sikurse deri në qershor të vitit 1999, e shqiptarët “monedhë kusuri”, për t’i shfrytëzuar ekonomikisht, dhe për t’i pacifikuar përmes terrorit dhe gjencodit, sa herë “t’iu teket” për rrumbullakësimin e llogarive dhe të transaksioneve me aleatët e tyre sllavë dhe prosllavë në kurriz të territorit indigjen shqiptar dhe të pavarësisë së Kosovës.

Pavarësisht nga politika kompremetuese dhe provokuese e nacionalizmit dhe e hegjemonizmit serbomalazez, brenda këtij katërvjeçari nën administrimin juridik ndërkombëtar (UNMIK dhe KFOR) si politika shqiptare, ashtu edhe faktori ushtarak TMK-ja, me angazhim dhe punë konkrete, kanë dëshmuar para bashkësisë ndërkombëtare, se janë për normalizimin dhe respektimin e marrëdhënieve ndërfqinjësore, me të gjitha vendet fqnije të Kosovës, që ndjekin politikën e paqes dhe të fqinjësisë së mirë. Mirëpo, ky përacktim racional dhe largpamës i politikës shqiptare, nuk duhet të kekqkuptohet dhe të keqinterpretohet, si “akt nënshtrimi”, apo “akt falimentues” siç po vepron politika e njëanshme destruktive e Beogradit, duke e cilësuar politikën shqiptare si “diskriminuese” ndaj pakicës serbe. Logjikisht dhe praktikisht një provokim i këtillë është i paqëndrueshëm për realitetin e bashkëjetesës në Kosovë, mirëpo, sipas llogarisë së prizmit politik të Serbisë, është dobiprurës, po qe se këtë karremë të trilluar, do ta kapërdinte politika shqiptare dhe UNMIK-u e KFOR-i në Kosovë. Përmes “devizës” së trajkoviqëve e çoviqëve, “pakica serbomalazeze në Kosovë, është e diskriminuar në atë shkallë nga të drejtat e saj elemenatre” sa që, sipas sponosrëve të politikës nacionalsite serbe, “ ajo është duke përjetuar burgun më të rëndë shtëpiak”, Serbia ka për qëllim që, së pari përmes rikthimit të forcave ushtarake e policore (qoftë në kuadër të KFOR-it, qoftë të UNMIK-ut), si dhe të gjithë “refugjatëve” kolonistë, të krijojë një gjendje kaotike në Kosovë, gjë që kjo fazë do të ishte vendimtare për rikthmin e sovranitetit shtetëror të Serbisë në Kosovë. Në të vërtetë kjo është “poenta” kryesore e kërkesës së decentralizimit të “pushtetit shtetëror” shqiptar dhe të misionit paqësor ndërkombëtar në Kosovë. Për këtë arsye, Serbia i anatemon politikën shqiptare dhe të UNMIK-ut, kinse nuk janë në funksion të mbrojtjes së drejtave të minoritetit serbomalazez, ky pretekst është një nga shkaqet parësore dhe të ngutshme, që Serbia po kërkon të hyjë në dialog me palën shqiptare, e jo për debatuar për zgjidhjen përfundimtare të statusit të Kosovës.

Nëse qarqet e larta zyrtare serbomalzeze, inisitojnë edhe më tej, që të pezullohet TMK-ja, dhe haptazi të nëpërkëmbet e drejta e vetëvendosjes së shqiptarëve në Kosovbë, atëherë politika shqiptare, nuk duhet të “zihet në gjumë”, por të reagojë me të gjitha format dhe me mjetet e ligjshme dhe demokratike, që i ka në dispozicion, të parashikuara me Kartën e Kombeve të Bashkuara dhe me të drejtën ndërkombëtare, në bazë të së cilave UÇK-ja=TMK-ja është njohur si faktor i ligjshëm ushtarak kombëtar shqiptar. Për këtë qëllim nevojitet që Qeveria dhe Kuvendi i Kosovës, t’i ushtrojnë kërkesë të posaçme Sekretetarit të Përgjithshëm të OKB-së, z. Kofi Annan, se janë pjekur të gjitha kushtet për revizionimin e Rezolutës 1244, dhe në vend të saj, të miratohet një Rezolutë e re për Kosovën, në frymën e Deklaratës për njohjen e pavarësisë vendeve dhe popujve të koloniazuar, të sanksionuar në Rezolutën 1514 (XX), të miratuar nga Asambleja e Përgjithshme e Kombeve të Bashkuara, më 14 dhjetor 1960, si dhe në përputhje me dispozitat përkatëse të Kartës së Kombeve të Bashkuara, ashtu edhe me normat e parimet juridike bazë të së drejtës ndërkombëtare.

Çdo vonesë e mosmiratimit të një rezolute të tillë për zgjidhjen e statusit definitiv të Kosovës, politika dhe propaganda kolonialiste, do ta shfrytëzojë për provokime dhe ndërhyrje të vazhdueshme në çështje të brendshme të Kosovës, me qëllim që të shkaktojë konflikte të reja të armatosura jo vetëm në Kosovë, por edhe në përmasa ballkanike. Natyrisht, duke u thirrur dhe, duke luajtur në “letrën e terrorizmit” shqiptar në Ballkan, terrorizëm ky vërtet serbomadh, e jo kursesi shqiptar, që është zbatuar në kombinim me gjenocidin mbi kurrizin e shqiptarëve dhe të Kosovës gjatë viteve 1989-1999, por që ka gjasë të rishfaqet sërish nga bandat kriminele të forcave ushtarake, paramilitare dhe policore serbe, po qe se OKB-ja me procedurë urgjente nuk e miraton Rezolutën për njohjen e vetëvendosjes së Kosovës.

Në rast të mohimit të së drejtës së vetëvendosjes Kosovës nga Këshilli i Sigurimit të Kombeve të Bashkuara, politika shqiptare, duke mos humbur intensitetin e saj për asnjë orë, as për asnjë hap, duke shfrytëzuar instrumentet e ligjshme institucionale (Qeveria dhe Kuvendi), të nxjerrin aktin përkatës ligjor për shpalljen e Referendumit gjithëpopullor, ku populli i Kosovës me votën e lirë dhe demokratike, do të pëcaktohej për Kosovën e lirë dhe të pavarur, ashtu sikurse në Referendumin e bërë në shtator të vitit 1991.

Teuta Llalla
Shqipja - gjuha që lindi gjuhët indo-europiane

Nga pellazgjishtja në ilirishte dhe në shqipe u trashëgua dhe u ruajtë gjuha më e vjetër e Europës - (shih më poshtë figurën e gjuhëve)

Në kohën parahistorike, pra shumë në lashtësi njerzit mereshin vesh me anë të veprimeve dhe shenjave. Kështu lindi nevoja për komunikim me anë të një gjuhe të përbashkët. Dhe filluan të lindin gjuhët e para. Por, cila është gjuha e parë indoeuropiane?
Nga shumë historian të huaj dhe shqiptar jemi njohur se mund të jenë gjuha latine dhe gjuha greke !? Mirëpo nuk është e vërtet se latinishtia dhe greqishtja janë gjuhët e para indoeuropiane; tashmë është vërtetuar me argumente të forta se gjuha shqipe është gjuha mëmë indoevropiane.
Por lindë pyetja me të drejtë, se në gjuhën shqipe nuk është gjetur asnjë dokument i vjetër historik.?
Ku e kemi zanafillën! Mos vallë jemi ne pasardhë të tyre që janë quajtur grekë të lashtë, që në të vërtetë ishin pallazgjik ose shqiptarët!
Në ndihmë për të vërtetuar vjetërsin e gjuhës dhe historisë na erdhën ‘’Arqeologjët’’.
Arqeologjët gërmojnë për të gjetur vendbanime të lashta e varre, me qëllim që të zbulojnë teknikën e ndërtimit të tyre, mbledhin vegla pune, armë, sende shtëpiake, monerdha, stoli etj. Dhe shkencëtarët na zbulojnë kohës që i përkasin dhe popullatës. Këto bëjnë të mundur që të njohim veprimtaritë shoqërore dhe fetare të popullatës para zbulimit të shkrimit.
Po pse nuk u shkruajt gjuha shqipe ashtu si latinishtja dhe greqishtja?
Sot dhe dje në lashtësi letrarët dhe priftërinjt u interesonte latinishtja dhe greqishtja, që janë gjuhë letrare dhe diturore.
Kështu që dijetarët e lashtë grekë dhe romakë shkruajtën për ato ngjarje të kohës që ata mund ti vërtetonin dhe ti ruanin për brezat e tyre të ardhshëm.
Fatkeqësisht, shqiptarët e lashtë nuk lanë absolutisht asgjë të shkruar, as letërsi, madje as edhe një mbishkrim. Në ndihmë pra siç e thash na erdhën arqeologjët. Kërkimet e tyre kanë nxjerrë nga toka poçeri qeramike, armë guri, bronzi, hekuri, gurë të çmuar etj.
Dhe këto të gjitha na ndihmojnë të rindërtojmë kulturën parahistorike.
Kurse shkencëtarët e gjuhës na kanë bërë të njohim të fshehtat e gjuhëve, sepse analiza gjuhësore mund të ndjekë një gjuhë të shkruar që nga fillesat e saj më të herëshme, dhe të zbulojmë lidhjet e saj me gjuhët e tjera dhe me burimin familjar të përbashkët.
Pra gjuha njihet si një nga karakteristikat themelore të një indentitetit etnik të një populli. Fjala ‘’Gjuhësi’’ është përkufizuar si studim i ligjërrimit njerzor. Aspekte të rëndësishme të një studimi të gjuhës janë; ‘’Klasifikimi i tingujve të gjuhës së folur, fjalë formimi, duke përfshirë gjininë, rrënjën, kompozimi, përkufizimi i saktë i fjalëve, renditja e duhur e fjalëve brenda një fjalie, gjurmimi i prejardhjes së një fjalie në gjuhën e origjinës, zhvillimi dhe ndryshimi i fjalës nëpërmes viteve, si dhe transpetimi i fjalës nga një gjuhë në tjetrën’’.
Në këtë aspekt, studimi historik i një gjuhe në proçesin e ndryshimit nëpër vite e zgjidh ‘’Arqeologjia’’ duke hedhur dritë mbi një kulturë parahistorike.
Ashtu si në Arqeologji edhe në kërkimet shkencore të gjuhës shqipe u morrën të huajt dhe jo vetë shqiptarët. Sepse shqiptarve u duhet të mbroheshin nga pushtuesit e ndryshëm dhe nuk e linin të tjerët që të diturohej.
Nga shekulli 19 dhe 20 shkenca e gjuhësis krahasuese bëri të mundur që studiuesit të përcaktonin origjinën e gjuhës shqipe dhe lidhjet e saj me gjuhët e tjera indoeuropjane.
Disa nga studiuesit e gjuhëve të europës kanë thënë për gjuhën shqipe mbas shumë vite studimi.
Gotfrik Lajbnik 1646-1717, ishte filolog dhe deklaroi ‘’se gjuha shqipe rrjedh nga ilirishtja’’.
Hans Tunman 1746-1778, historian suedez profesor në Universitetin e Halles të Gjermanisë, ishte albanologji i parë, që studioi shkencërisht origjininën e gjuhës së popullit shqiptar. Ai bëri kërkime në burrimet greke, latine, bizante dhe studioi fjalorin tre gjuhësh, sllav, grek dhe shqip të Theodhor Kavaliotit të vitit 1770.
Hans Tunman arriti në përfundimin se shqiptarët janë vazhdues autokton të popullsisë së lashtë ilire, që as u romanizuan e as u asimiluan nga dyndjet e mëvonshme.
Johan Fon Han 1811-1869, austriak i diplomuar për drejtësi në Universitetin e Haidelbergut, i cili shërbeu si gjykatës i shtetit të ri grek, dhe më vonë si nënkonsull në Janinë, Johani iu fut studimeve të gjuhës shqipe bashkë me të ndriturin gjuhëtarin shqiptar Kostandin Kristoforidhin.
Botoi tre vëllime ‘’Studime shqiptare mbi kulturën, gjuhën dhe historinë’’ Duke nxjerrë përfundimin se shqipja rrjedh nga ilirishtja dhe ilirishtja nga pellazgjishtja.
Franc Bop 1791-1867, profesor i Universitetit të Berlinit dhe themeluesi kryesor i gjuhësisë së krahasuar historike indoeuropjane.
Botoi në vitin 1854 veprën e tij dhe nxorri përfundimin se shqipja bënë pjesë në familjen indoeuropjane dhe është gjuhë e veçantë pa simotër gjuhë tjetër.
Dhimitër Kamarda filolog italian me origjinë shqiptare botoi veprën ’’Një ese e gramatikës krahasuese rreth gjuhës shqipe’’ më 1864, vërtetoi me dokumenta lashtësinë e gjuhës shqipe. Si një gjuhë ndër më të vjetra në botë.
Gustav Majer 1850-1900, profesor austriak në Universitetin e Gracit, antar i akademisë së shkencave të Vjenës, i cili u specializua në fushën e studimit të gjuhëve shqipe, greke dhe turke. Botoi librin ‘’Mbi pozitën e gjuhës shqipe në rrethin e gjuhëve indoeuropjane’’ në vitin 1883, që më vonë u pasua me 8 vëllime shkencore mbi historinë, gjuhën, poezinë, përrallat popullore shqipe dhe ngulmimet e arbëreshëve në Itali dhe Greqi.
Eduard Shnejder një studiues francez që shërbeu në qeverinë osmane të Shkodrës, shtoi në librin e tij për ‘’Pellazgjët dhe pasardhësit e tyre,, më 1894, një leksion i hollësishëm teknik, ku gjuha shqipe paraqitet si ‘’tingëllimi më i pastër e më besnik i gjuhës pellazgje’’.
Holder Pedersen 1867-1953, danez i cili punoi 35 vjet si profesor i gjuhësisë së krahasuese indoeuropjane në Universitetin e Kopenhagës. Për 35 vjet me rradhë botoi një varg punimesh shkencore mbi gjuhën shqipe, duke dhënë analiza të vleshme. Gjithashtu mblodhi e botoi folklorin shqiptar.
Norbert Jokli 18877-1942, gjuhëtar austriak me origjinë gjermano-çifute, biblotekar në Universitetin e Vjenës i kushtoi gjithë jetën studimeve të gjuhës shqipe. Para se të fillonte lufta e dytë botërore, atë e ftuan tu mësonte albanologjinë studiuesve shqiptar, mirëpo vdekja e tij në një kamp përqëndrimi nazist e privoi Shqipninë nga shërbimet e këtij studiuesi të madh.
Zef Skiroi 1865-1927, filolog i shquar italian me origjinë shqiptare bashkë me, Joklin dhe danezin Pedersen, janë cilësuar si tre albanologjët më të shquar. Studimet e profesor Skiroi nxorrën në dritë librin e tij ‘’Gjuha shqipe’’ në Romë më 1932.
Mbas studimeve të shkencëtarëve të huaj rreth gjuhës dhe historis të shqiptarëve dolën dhe studiuesit e parë shqiptarë në drejtim të gjuhës shqipe si De Rada, Pashko Vasa, Kostandin Çekrezi, Kristo Dako, Profesori i madh dhe i shquar Eqerem Çabej, Androkli Kostallari, Aleks Buda, Shaban Demiraj, Mahir Domi etj.
Kështu mbas shumë studime nga shkencëtarë dhe gjuhëtarë të huaj, duke u bindur me një vargë argumentesh nxorrën përfundimin se populli shqiptar dhe gjuha shqipe e tij e kanë prejardhjen nga ilirët dhe ilirët nga pellazgjët parahistorik.
Në krahasimin gjuhësor midis shqipes, greqishtes dhe latinishtes së vjetër, është vërtetuar se shqipja, si gjuhë është formuar më herët se këto të dy gjuhë të vjetra.
Dhe ato pak fjalë greke dhe latine që kanë hyrë në shqipen e sotme duhet që më parë të kenë hyrë në ilirishten, që më vonë u trashëguan në shqipen.
Një vërtetim i pamohushëm për vjetërsinë e gjuhës shqipe janë emërtimet e qyteteve, maleve dhe lumenjëve që janë trashëguar deri më sot duke u qëndruar edhe pushtimeve të gjata nga popujt e tjerë, si p.sh; SCUPI-SHKUPI, SCODRA-SHKODRA, LISSUS-LEZHA, DURRACKIUM-DURRËS, MATHI-MATI, lumi DRINUS-DRINI, mali TOMORRIS-TOMORRI etj.
Trashëgimi nga pellazgjishtja në ilirishte dhe në shqipe, kemi dhe emrat e vjetër që janë edhe sot tek emërtimi i njerëzve si; HEKTOR, ALKET, TOMOR, DRINI, ILIR, TEUTA, GENTI, BARDHYLI etj. Të tilla emra janë mbi 800, që ka mbledhur studiuesi Mahir Domi.
Po t’i hedhim një vështrim të shpejtë hartës të Europës, do të vëmë re, se shumë qytete, dhe krahina kanë emërtime të kuptimit në gjuhën shqipe dhe vetëm në gjuhën shqipe si, Toskana në Itali, e ka marrë këtë emër prej banorëve të saj, se ata ishin toskë nga Shqipnia.
Siçilia e ka marë këtë emër që në lashtësi nga shqiptarët, për arsye se ishulli e ka formën si të kalit. Pra Siçili-si e kalit, Sikilia.
Brindizi ka kuptimin e flalës shqipe, si bri dashi.
Kryeqyteti i Francës. Parisi është në shqip i pari ose si i pari, dhe Parisi është qyteti i parë i Francës.
Marrsiella, qytet i francës e ka marrë këtë emër nga shqiptarët në lashtësi sepse ai ka qenë qytet tregëtar, pra marr- dhe sjell, është një term i zakonshëm shqiptar.
Po të vërejmë emërtimet e qyteteve të lashta greke, kanë emra të kuptimit shqiptar si, Athina -athenë, Edessa-edesha, Thiva-theva.
Pra, një vështrim në hartën e Europës, vërejmë emërtime të qyteteve në gjuhën shqipe, por po të studioet dhe më gjerë, atëherë do të zbulojmë dhe më shumë fjalëm shqipe.
Dy veprat e mëdha të shkruar nga Homeri, që dhe fjala Homer është shqipe, duke patur parasysh që ai ishte i verbër, pellazgjikët i vunë emrin i Mjerë, Homer. Iliadha ose Troja dhe Odhiseas ose Udhë s’sheh. Janë legjenda pellazgje ose shqiptare, që u shkruajtën nga Homeri dhe gjatë shekujve u përvetësuan nga shkruesit e mëvonshëm grekë.
Në Iliadhën, të gjithë kryetarët e fiseve, pjesmarrës në betejën e Trojës, dhe nga vendet që vinin kanë emra të kuptimit në shqip.
Mikena-mik jemi, kishte mbret Agamemnonin-ai që mendon, është i zgjuar, i ditur etj. Menelaos-mëndja e la, ishte mbret i Spartës, vëllai i Agamemnonit.
Mirmidonët-mirditorët, kishin mbret Aqilean ose Akilin, që do të thotë-aq i lehtë. Elena-e lanë ment. Priami, mbreti i trojës, që është-drejto amën. Paridi-është i pari që di, etj.
Leximi i vëmëndëshëm i poemës Iliadha, do të vërejme se ngjarjet na flasin për luftera midis fiseve pellazgjike ose shqiptare, dhe fjala e urtë shqipe thotë ‘’i yti ta fut, i yti të nxjerrë sytë, i yti të vjedh’’ etj.
Në veprat e Homerrit pasqyrohen ngjarje, legjenda dhe histori shqiptare.
Në të gjitha kohërat grekët kanë pasur maninë për të përshtatur emrat jo grek, në emra grek. Pra për të përkthyer në greqisht çdo fjalë jo greke.
Kjo mënyrë veprimi ka ndryshuar dhe mënyrën e shqiptimit të fjalive ose të emrave gjë që e bën të pakuptueshëm.
Në qoftëse të lashtët grek dhe grekët e sotëm nuk do të kishin bërë gjithshka greke, megjithë shtrëmbërimin e shqiptimit fillestar në pjesën më të madhe të gjuhës pellazgje ose shqipe, ne nuk do kishim vërshtirsi për të rindërtuar fjalët e lashta parahistorike shqipe, të shkruara greqisht apo të përkthyera keq në greqisht si ‘’Piellbardh në-piellazgos, piellzis në-piellzious’’ etj.
Po të njohim perënditë e lashta të Olimbit ku besonin grekët në lashtësi, do vërejmë se ato perëndi quhen në fjalën shqipe si; Zeus-Zë, është perëndia më e fuqishme, dhe kishte për grua perëndin Herën-Era. Perëndia tjetër Letos-Lëton, Zeusi më vonë u martua me perëndeshën Mentis-ment, dhe lindën Athinanë. Marsi, ishte perëndia e luftës, dhe shumë herë nxiste grindje midis njerëzve, dhe duhet ta ketë marrë emrin nga shqipja ‘’i marrë’’.
Perrëndia Apollon, mendoj se e ka marrë këtë emër nga shqipja, apo-loni, dhe vërtet Apolloni ishte perëndi i muzikës, poezis dhe harqeve, dhe ç’farë bënte Apolloni! Luante muzikë, i ndryshonte drejtimin shigjetave.
Loja më e dashur për të luajtur për fëmijët është, shigjeta. Perëndia e detit quhej, Tetesi, që shumë herë në shqipe T zëvëndësohet me D.
Po të shohim ditës e javës në gjuhën shqipe me vëmëndje kanë një kuptim të plotë shqiptar dhe të perëndive ku besonin pellazgjët.
E diela, është dita që përfaqson Diellin, po të vërejmë e diela është dita më me shumë diell. E hëna, përfaqson Hënën. E marta, është dita e Marsit, dhe quhet si ditë e marrë. E mërkura, është dita e Mërkurit. E enjta, nuk është zbuluar akoma. E premtja, është dita e zezë, të pren, e prenë. E shtuna, përfaqson Saturnin. Po të shohim grekët ditët e javës i emërtojnë, e diela përfaqson Zotin, e hëna është dyshi, e marta, është treshi, e mërkura, është katra, e enjtia, është e pesta, e premtja, është dita e shën Mërisë, e shtuna, e kanë marë nga hevrejtë.
Siç shihet shqiparët emërtimin e ditëve të javës e kanë më të vjetër se grekët, gjë që tregon se shqiptarët janë më të vjetër si popull në Ballkan.
Betimin pellazgjët e bënin për kokën e nënës, babait, ashtu si betohen dhe shqipëtarët sot, për kokën e nënës dhe të babait.
Pra edhe këtu kemi betimin e trashëkuar nga pellazgjët tek shqiptarët e sotëm, që janë shtarshëgimtarët e vërtetë të popullsisë që banonte në pjesën më të madhe të europës.
Gjatë shekuj shumë popuj, dikur të mëdhenj, janë shkataruar ose asimiluar nga popuj të tjerë duke humbur gjuhën, zakonet pa lenë gjurmë. Mirëpo pellazgjët me zakonet, muzikën, veshjen dhe veçanërisht me gjuhën e tyre shqipe, i kanë qëndruar kohës në trevat e tyre shqiptare, ndonëse tashmë të tkurrura, përgjat pregut perendimor të gadishullit Ballkanik
Studiuesit e gjuhëve vënë në dukje se gjuhët moderne nuk janë të izoluara, por i takojnë një familje të veçantë gjuhësh simotra, disave mundë ti gjihet edhe gjuha amë e përbashkët. Duke shkuar sa më thellë në proçesin e rindërtimit historik, ku del qartë se shumë prej këtyre gjuhëve amë e kanë prejardhjen nga një gjuhë e pashkruar, edhe më e lashtë që është shqipja.
Aspektet teknike të kësaj çështje u takojnë specialistëve. Pra është i pakundërshtueshëm fakti që shqipja është një nga gjuhët më të vjetra indoevropjane dhe shqiptarët janë populli parahistorik dhe ndër më të vjetrit në europë.
Shihet qartë se gjuhësia hedh dritë në kërkimet për origjinën parahistorike të popullit shqiptar dhe të gjuhës së tij.
Prandaj duhet t’ia lemë specialistëve që të merren me misteret e pa zbuluara akoma të çështjes mbarë shqiptare.
Në përfundim duhet thënë dhe theksuar se mendimi i përgjithshëm shkencor është se populli shqiptar dhe gjuha shqipe janë pasardhësit modernë të Ilirve dhe Pellazgjikëve, dhe fillesave indoeuropjane. Kjo e bënë edhe më të qartë arsyjen përse populli shqiptar i vjetër është mbajtur i patundur pas gjuhës dhe kulturës së tij të lashtë. Ndonëse atdheu i ynë është pushtuar shpesh nga grekërit, romakët, sllavët dhe turqit, edhe ndonëse ne shpesh kemi përdorur gjuhëra tregëtie, të ardhura gjetkë, njerzit, që sot njihen si shqiptar, kanë ruajtur me vendosmëri e sukses, zakonet, traditat dhe indentitetin tonë të lashtë, Ilir e Pellazgjik. Por që të ruhen edhe në të ardhmen duhet që ne të ndërtojmë, të pregatisim specialistë shkencor, pedagogjik, historik, juridik etj.
Që të pregatiten këto, duhet që shqiptarët të kujdesen për zhvillimin e më tejshëm arsimor-shkencor, të ndërtojnë institucione, universitete të tyre kombëtare dhe ti ruajnë me fanatizëm nga armiqtë shekullor të popullit shqiptar.
Arqeologjia, gjuha, dhe kronika të herëshme, hedhin dritë në atë që ndryshe do të ishte një e shkruar krejt e pakuptueshme e shqiptarëve parahistorik.
Fatmirësisht, Shqipëria gjendet në mes dy gjytetërimeve klasike, të Greqis dhe Romës, dhe shumë herë u përplas me të dyja këta.
Shumë të dhëna historike greke, latine përmendin rastësisht ndonjë kontakt ushtarak, diplomat, tregëtar dhe fetar me shqiptarët.
Më vonë udhëtarë europian, dijetar, aventurier shkruajtën për ashpërsinë malore të vendit, për luftëtarët krenarë, për veshjen karakteristike.
Ulian Shekspir nuk e ka vizituar kurrë Shqipërinë, por ai vendosi komedinë e tij ‘’Nata e Dymbëdhjetë’’ në Iliri, pra në Shqipëri.
Lordi Bajron ngeli kaq i gëzuar dhe i lumtur në takimet me shqiptarët, sa që i shkruante nënës së tij se do të blinte një kostum shqiptar dhe do ta vishte.
Por që fatkeqësisht kjo veshje u përvetësua nga grekërit dhe njihet sot si kostumi kombëtar grek.
Përallat, legjendat dhe trimëria shqiptare do arrinin deri në Filipine, ku historia e dashurisë diku në mbretërinë e Shqipnis me titull ‘’FLORANT AT LAURA’’ do të shkruej në gjuhën tagaloge nga autori filipinas Leonard Tugjy.
Legjenda e heroit kombëtar Skënderbeut, tregohet nga çifuti spanjoll në veprën e Leongfellout me titull ‘’Përrallat e hanit buzë rrugës’’.
Shqipëria sot është zvogëluar është bërë një sanduiç i vogël midis ish-Jugosllavis dhe Greqis. Sot Shqipëria është si një dragua i fort i rrethuar prej çakenjsh dhe dhelpra të cilën i kanë lidhur këmbët dhe bëhen gati ta çajnë përsëri, dhe ta përlajnë të tërë si dikur më 1878.
Shqipëria duke u pushtuar nga grekërit, romakët, sllavët dhe turqit, u zvogëlua dhe shqiptarët u detyruan që një pjesë të asimilohej, një pjesë të emigrojë dhe disa fise u larguan për të jetuar të fshehur në male të larta. Kështu shqiptarët gjithmon kanë qenë nënpresionin e zhdukjes dhe nuk u ngeli kohë që të mendonin për shkruatjen e gjuhës së tyre shqipe, sepse nuk e lanë të tjerët rehat për zhvillimin e më tejshëm të gjuhës që lindi gjuhëra të tjera.

Vërej; Për këtë studim u shfrytëzuan libri ‘’Enigma’’ i autorit francez Robert D’Angly, libri i autorit amerikan Edwin E.Jacquen ‘’Shqiptarët’’. Librat e autorit grek Aristidh Kolia ‘’Arvanitët dhe preardhja e grekëve’’ dhe ‘’Gjuha e Zotit’’. Revista ‘’Ekskluzive’’ botim i Prishtinës, libri ‘’Iliada’’ i autorit Homeri, përkthim i Gjon Shllakut, Tiranë 1965. Biblioteka e papa Antonio Bellushit dhe revista italiane-greke-shqiptare ‘’Lidhja’’ 1980-2003, organ i ‘’Lidhjes së Arbëreshëve të Italis së Jugut’’.
Pema e lartëme është bërë ndërtimi i gjuhëve Indoeuropiane, dhe është botuar në vitet 1970 nga Instituti i gjuhëve në Suedi, dhe në vitet 1985 në disa revista ne Greqi.
Gjuha e parë siç shihet është APBANITIKH-Arvanitiki-Shqipja dhe me rradhë Armenishtja, Greqishtja etj. Pra siç shihet qartë shqipja është gjuha mëmë e gjuhëve Indoeuropjane. Që të ruhet dhe të pasurohet edhe me më shumë vërtetime, duhet që shkencëtarët dhe studiuesit shqiptarë të punojnë më shumë në këtë drejtim të përkrahur edhe nga Institucionet shtetërore studiuese përkatëse.

Prof.Teuta Llalla, mësuese e gjuh-letërsis shqipe në gjimnazin e Tetovës.

PEMA E GJUHËVE - MUND TË SHIHNI SE GJUHA E PARË, VAZHDIMËSI E PANDËRPRERË E GJUHËS PROTO-INDO-EUROPEANE (BURIMI I GJUHËVE INDO-EUROPEANE) ËSHTË SHQIPJA.

E enjte 8 maj 2003
Shkurt lajmet

Në Kosovë dhe rajon s’ka SARS, thotë Ahmeti i QKU-së
PRISHTINË 5 MAJ 2003 – Drejtori Qendrës Klinike Universitare (QKU), në Prishtinë Salih Ahmeti, tha të shtunën për KosavaLive se në një takim të enjten me përfaqësues shëndetësorë të qendrave rajonale kanë konstatuar se sëmundja misterioze e SARS-it nuk ka arritur në këto vende e as në Kosovë, madje nuk ka as raste të dyshimta.

Numri i saktë i banorëve të Kosovës ende mbetet vetëm në vlerësime
PRISHTINË 5 maj 2003 – Drejtori i përgjithshëm i Entit të Statistikave të Kosovës (ESK) Ronnie Andersson thotë se regjistrimi i popullatës do të zhvillohet në vitin 2005 dhe se për këtë nevojitet një vendim politik.

NATO mbetet me 17 mijë ushtarë në Kosovë deri në fund të vitit
BRUKSEL 3 MAJ 2003 – Misioni paqeruajtës i KFOR-it do të reduktohet deri në fund të këtij viti në rreth 17 mijë ushtarë nga 27 mijë sa ka aktualisht në terren, bëjnë të ditur zyrtarë të NATO-s në Bruksel.

Sipas një diplomati në disa fshatra të Maqedonisë kryetarët e komunave po u ndajnë uniforma shqiptarëve
Shkup, 5 maj - Një diplomat i huaj në Shkup ka thënë se ka të dhëna se që në disa fshatra të Maqedonisë kryetarët e komunave po u ndajnë uniforma shqiptarëve, duke e cilësuar këtë si pjesë të skenarit për destabilizimin e Maqedonisë. Njëkohësisht Misioni ndërkombëtar në Maqedoni ka pranuar se posedon të dhëna se në disa fshatra të Malit të Sharrit në rrethinat e Tetovës dhe Kumanovës kryetarët e këtyre komunave janë duke ndarë uniforma shqiptarëve vendorë. Sipas një diplomatit të panjëjtësuar perëndimor kryetarët e komunës së Tetovës dhe Kumanovës janë duke ndarë uniforma dhe se këta dy drejtues komunalë janë anëtar të Partisë Demokratike Shqiptare. Bashkësia ndërkombëtare ka fotografinë e plotë se çfarë po ndodh saktësisht në terren. Shërbimet e fshehta ndërkombëtare kanë të dhëna se kohët e fundit janë duke iu ndarë uniforma banorëve shqiptarë në malet e Sharrit dhe atyre të rrethinës së Kumanovës, thekson ky diplomat perëndimor. Ai ka thënëse se kjo është pjesë e destabilizimit të Maqedonisë në të cilën janë duke marrë pjesë Arbër Xhaferi dhe Menduh Thaçi. Ky i fundit para disa ditëve ka kërcënuar destabilizimin e Maqedonisë.

Presidenti Moisiu ka theksuar se nuk duhet të politizohet mosdekretimi i marrëveshjes ushtarake Shqipëri-Greqi
Tiranë, 5 maj - Presidenti i Shqipërisë Alfred Moisiu ka paralajmëruar që të mos politiizohet mosdektretimi nga ana e tij e marrëveshjes ushtarake mes Shqipërisë dhe Greqisë. Moisiu e ka quajtur politizimin për këtë çështje pasojë për mosfirmosjen dhe ka paraqitur rezervat vetëm të natyrës teknike për disa formulime. Ministri i Mbrotjes të Shqipërisë Pandeli Majko paralajmëroi se Shqipëria do të tregohet e matur në raportet e saj me Greqinë në konfliktin që lidhet me legalizimin e emigrantëve shqiptarë.

PRISHTINE, 3 maj - “Mediat kosovare duhet t’i përcjellin standardet ndërkombëtare për zhvillimin e një gazetarie të mirëfilltë dhe jo të cënuar”. Kështu porosisin gazetarët kosovarë në ditën ndërkombëtare të lirisë së shtypit.
“Nuk mund të thuhet se në Kosovë ka liri të shtypit dhe kjo është pasojë e mospërkrahjes së institucioneve vendëse, por njëkohësisht edhe nga vetë censurimi i theksuar i mediumeve kosovare”, theksojnë gazetarët në Prishtinë.
Sipas shefes së korrespodenturës së Radios “Evropa e Lirë” në Prishtinë, Arbana Vidishiqit, mediumet kosovare duhet të përcjellin standardet ndërkombëtare, në mënyrë që të zhvillohet një gazetari e mirëfilltë në vend.
Ndërsa redaktori i të përditshmes “Koha Ditore” Ardian Arifaj dhe gazetari i agjencisë së lajmeve “Kosova Live”, Faton Osmani shprehen se “disa media janë duke u angazhuar që të thyejnë shumë barriera, me të cilat ballafaqohen çdo ditë”. Sipas tyre, ka raste kur edhe vetë institucionet më të larta vendëse reagojnë ndaj mediave pa asnjë fakt.
Në ditën ndërkombëtare të shtypit edhe përfaqësuesit e Këshillit të Evropës u kanë bërë ftesë qeverive për krijimin e një ambienti më të sigurtë për gazetarët. Ata me këtë rast kanë dënuar vrasjen e gazetarëve gjatë luftës në Irak si dhe kërcënimet fizike ndaj gazetarëve në gjithë botën.

lajme;shkurt e trup:

E marte, 29 prill, 2003

lajme,shkurt e trup:

Pesë kushërinj kanë humbur jetën në një fatkeqësi në Luzhan të Pejës nga rrëshqitja e madhe e dheut
Pejë, 26 prill - Pesë kushërinj kanë kanë humbur jetën dje pasdite në komunës së Pejës. Fatkeqësia ka ndodhur në fshatin Lozhan kur ata ishin duke hapur një kanal ujësjellësi. Një masë e madhe dheu kishte rrëshqitur dhe ka zënë të paktën gjashtë vetë, pesë prej të cilëve kanë mbetur të vdekur në vend, ndërsa një tjetër ka shpëtuar dhe aktualisht ndodhet në gjendje të rëndë në Spitalin e
Pejës.
Nga shembja e dheut kanë humbur jetën Salih Hoxha, Halil Hoxha, Daut Hoxha, Kamber Hoxha dhe Albert Hoxha, të gjithë kushërinj nga fshati Llozhan i Pejës. Ka shpëtuar vetëm Hilmi Hoxha, i cili ka marrë lëndime të rënda trupore dhe ndodhet në shërim në spitalin e përgjithshëm në Pejë.

Kryeministri i shpreh ngushëllime familjes Hoxha 
Prishtinë, 26 prill - ”Humbja që pësuat dje është një goditje e rëndë për të gjithë juve. Në të njëjtën kohë kjo është edhe humbje për të gjithë ne në Kosovë, në kohën kur kemi nevojë...

Sipas Zyrës amerikane, bartja e kompetencave tek institucionet e Kosovës duhet të bëhet deri në fund të këtij viti
Prishtinë, 26 prill - Shtetet e Bashkuara të Amerikës konsiderojnë se Misioni i UNMIK-ut në Kosovë duhet ta bëjë bartjen e kompetencave jo të rezerevuara tek institucionet e përkohshme me kohë deri në fund të vitit, thuhet në një komunikatë të Zyrës Amerikane në Prishtinë. Kërkohet nga UNMIK-u dhe përfaqësuesi special i sekretarit të përgjithshëm të OKB-së që të vendosin rreth mundësive për zbatimin e bartjes së kompetencave.
Shefi i Zyrës amerikane në Prishtinë Rino Harnish nëpërmjet një komunikate për shtyp në emër të Departamentit të Shtetit ka thënë se, ashtu siç ia ka bërë të qartë ambasadori Riçard Uiliamson KS të OKB-së më 23 prill, Shtetet e Bashkuara të Amerikës konsiderojnë se UNMIK-u duhet të përfundojë transferin e të gjitha kompetencave jo të rezervuara tek institucionet e përkohshme të Kosovës sipas orarit deri në fund të këtij viti.
Ashtu siç tregon edhe deklarata e ambasadorit Uiliamson në KS, thotë Harnish, situata në Kosovë vazhdon të jetë me një rëndësi të madhe për SHBA-të.
"Në mesin e çështjeve që vazhdojnë ta brengosin janë krimi i organizuar, frikësimi i dëshmitarëve, tensionet ndëretnike dhe dhuna ekremiste", thuhet në komunikatë. Po ashtu theksohet se përfaqësuesi special i sekretarit të përgjithshëm të OKB-së Mihael Shtajner duhet të punojë bashkë me institucionet e përkohshme për të siguruar një legjislacion të mirëfilltë, ndërsa institucionet e Kosovës duhet të respektojnë objektivat e parapara me Rezolutën 1244. UNMIK-u dhe përfaqësuesi special i OKB-së duhet të vendosin rreth hollësive për zbatimin e bartjes. Mirëpo, atmosfera në Kosovë shton edhe më shumë rëndësinë e konsultimit të përfaqësuesit special të sekretarit të përgjithshëm me kohë dhe në hollësi me të gjitha palët, thuhet në komunikatë.

Ambasadori amerikan në Shkup thotë se Marrëveshja e Ohrit do të zbatohet me, ose pa angazhimet e PDSH-së
Shkup, 26 prill - Ambasadori amerikan në Shkup Lorens Batler ka thënë se Marrëveshja e Ohrit do të zbatohet me ose pa angazhimet e Partisë Demokratike Shqiptare.Ai ka theksuar se ishte i habitur kur kishte parë se në seancën e kaluar të Parlamentit në fillim të javës kur debatohej mbi dërgimin e ushtarëve të Maqedonisë në Irak mungonin deputetët e PDSH-së. Ai tha se kishte mbetur i zhgënjyer edhe pasi kishte biseduar me ta, miqtë e tij të PDSH-së, siç i quajti ai.
 

Moisiu : Shqipëria humbi një njeri të kulturës, një njeri që ka lënë shumë vlera
Tiranë, 26 prill -  Presidenti shqiptar, Alfred Moisiu, ka bërë homazhe të shtunën me rastin e vdekjes së njërit nga përkthyesit më të njohur shqiptarë, Robert Shvarc. Me këtë rast ai u ka shprehur ngushëllimet e tij më të sinqerta familjes dhe të të afërmve të këtij personaliteti të shquar të letrave shqipe.

U shënua 5- vjetori i UÇK-së për ZOP-in dhe dita e Zonës së II 
Prizren, 26 prill - Të shtunën në kazermën ushtarake të TMK-së "Remzi Ademaj "në Prizren, në praninë e oficerëve, nënoficerëve, përfaqësues nga SHP I TMK-së, etj., është shënuar 5- vjetori i daljes në skenë të UÇK-së në Zonën Operative të Pashtrikut dhe njëkohësisht është shënuar edhe dita e Zonës së Dytë të TMK-së.

Sistemi gjyqësor nuk është i paanshëm  
Prishtinë, 26 prill - Në Konferencën rajonale për punën e sistemit gjyqësor, organizator i së cilës është Këshilli për Mbrojtjen e të Drejtave e të Lirive të Njeriut në Prishtinë, në ditën e dytë të punime është diskutuar për sistemin gjyqësor të pasluftës dhe çështjeve të tjera që kanë të bëjnë me organizimin dhe funksionimin e gjyqësisë.

Ministrat e Blerit kanë përgatitur dorëheqje
Londër, 26 prill - Ministrat në Qeverinë e kryeministrit britanik Toni Bler, janë të gatshëm të japin dorëheqje së bashku me atë, nëse Dhoma e Poshtme e Parlamentit do të votojë kundër Qeverisë dhe politikës qeveritare në Irak, njoftojnë të shtunën gazetatat londineze "Tajms" dhe "Gardian".
 

Në Institutin Albanologjik është promovuar monografia “Mëmëdheu”
Prishtinë, 26 prill - “Shqiptarët janë ndër popujt e rrallë që plaga e thellë e mërgimit nuk i është hequr qafe kurrë, por shqiptari edhe kur ka qenë i detyruar ta lëshojë vendin e vet atë nuk e ka mohuar asnjëherë, madje e kanë ngritur në kult,”- ka thënë Nezir Myrtaj me rastin e promovimit në Institutin Albanologjik të monografisë “Mëmëdheu”, botuar në dhjetëvjetorin e themelimit të Shoqatës Kulturore Shqiptare “Mëmëdheu” të St.Gallenit të Zvicrës.

Bisedë me Shaqir Shaqirin, ish-zëdhënës i KP të PMB-së
 Pse po e përdorë Serbia ish-UÇPMB-në dhe spektrin politik si lapsus politik?
Prishtinë, 26 prill - ” Beogradi me këto aktakuza të reja ka për qëllim frikësimin e shqiptarëve dhe kthimin e tyre në gjendjen e para konfliktit në Luginë të Preshevës, dhe mbi të gjitha disiplinimin e shqiptarëve, për t'i detyruar ata që të ikin nga shtëpitë e tyre, ashtu siç kanë vepruar në Medvegjë,”- u shpreh për Kosovapress-in Shaqir Shaqiri, ish-zëdhënës i KP të PMB-së

KFOR-i nuk gjeti asnjë ''terrorist'' në Shalë të Bajgorës
Mitrovicë, 26 prill - Forcat e KFOR-it kanë përfunduar dje në mbrëmje operacionin në kërkim të "terroristëve" në fshatrat e Shalës së Bajgorës.

Boks: Sonte Luan Krasniqi do të ndeshet me Saletën
Prishtinë, 26 prill - Sonte boksieri shqiptar, me nënshtetësi gjermane, Luan Krasniqi, në luftë drejt titullit të kampionit evropian në kategorinë e rëndë, edhe një here do të ndeshet me boksierin polak Premislav Saleta.
Këta dy boksierë jan takuar më 20 korrk të vitit të kaluar kur, siç dihet Luan Krasniqi pas rundit të tetë e pat dorëzuar meçin dhe humbi edhe titullin e kampionit evropian në kategorinë e rëndë. Sonte është rast i mirë për Luanin që t'i revanshohet boksierit polak. Luan Krasniqi deri më tash i ka zhvilluar 23 duele dhe në 22 prej tyre ka dalë fitimtar.
Titullin e kapionit evropian e mban turku Sinan Samil San i cili ndërkohë ka mundur Saletën. Ai sonte për të mbrojtur titullin do të ndeshet me anglezin Julius Francis.
Nga ora 20.30, RTK transmeton drejtpërdrejt (për rrjetin tokësor) këtë duel.

E enjte, 24 prill, 2003

NJU-JORK, 24 prill - Këshilli i Sigurimit mbrëmë ka diskutuar për situatën në Kosovë. Raportin për zhvillimet në Kosovë e ka paraqitur ndihmës sekretari i përgjithshëm i OKB-së, Hedi Anabi, i cili e ka nënvizuar procesin e vazhdueshëm të transferimit të kompetencave nga UNMIK-u tek institucionet e përkohëshme të vetëqeverisjes.
Anabi ka theksuar se Kosova ka një rrugë për të kalur deri në krijimin e institucioneve funksionale, posaçërisht pasi që puna e tyre është penguar nga mosmarrëveshjet politike. Në raport thuhet se dhuna etnike dhe krimi kanë shënuar rritje pas rënies në dhjetorin e vitit të kaluar.
Administrata e UNMIK-ut ka pasur presione të ndryshme nga të gjitha anët, ka thënë Anab dhe ka shtuar se ky mision e ka balancuar këtë garë dhe dëshirat e liderëve e popullit të Kosovës pa e ushqyer ekstremizmin. Ndihmës sekretari i përgjithshëm i OKB-së, Hedi Anabi, ka përmendur edhe thirrjet për përfundim të misionit të OKB-së në Kosovë, prandaj e ka ftuar Këshillin e Sigurimit t'i kundërshtojë kërkesat e tilla.
Ndërkohë zëvendësambasadori i Shteteve të Bashkuara në Kombet e Bashkuara, Richard Williamson i ka bërë thirrje Këshillit të Sigurimit që të bëjë shtytje për sendërtimin e reformave të shtruara nga përfaqësuesi special, Michael Steiner. "Ne duhet t'i shfrytëzojmë të gjitha levat që kemi në disponim për të inkurajuar respekt për të gjitha qëllimet e shtruara në Rezolutën 1244. Ne duhet të bëjmë gjithë atë që mundemi për të inkurajuar qeveri të përgjegjëshme. Kjo është arsyeja e mbështetjes së Shteteve të Bashkuara për procesin e standardeve. Kjo është arsyeja që Shtetet e Bashkuara besojnë se UNMIK-u duhet të kompletojë bartjen e të gjitha kompetencave që nuk janë të rezervuara tek institucionet e përkohëshme, ashtu siç është paraparë, deri në fund të vitit", ka thënë zëvendës ambasadori amerikan në Kombet e Bashkuara, Richard Williamson gjatë debatit në Këshillin e Sigurimit.

MITROVICE, 24 prill - Zyrtarë të UNMIK‑ut njoftuan sot se një prokuror ndërkombëtar ka ngritur aktakuzë kundër Milan Ivanoviçit, kryetar i të ashtuquajturit “Këshilli Nacional Serb” në Mitrovicë. Kjo aktakuzë është ngritur për shkak të udhëheqjes së një grupi, që ka kryer krime dhe për sulme kundër forcave të rendit.

MITROVICE, 24 prill - Administrata e UNMIK-ut ka hapur një zyrë në pjesën veriore të Mitrovicës, e cila do të mbikëqyrë të gjitha lëvizjet në trafikun rrugor në këtë pjesë të Kosovës. Kështu, prej tash të gjitha veturat që qarkullojnë pa targa të Kosovës, apo kanë targa të huaja dhe nuk kanë paguar doganën apo tatimin do të konfiskohen nga policia.

TIRANE, 24 prill - Përfaqësuesit e protestës së banorëve të Bathores në Tiranë dhe zyrtarët e lartë të kryeministrisë nuk arritën të binin të enjten në kompromis për dhënien fund të krizës tre ditore në lagjen periferike të kryeqytetit shiptar. Burime të ministrisë shqiptare të Turizmit dhe Rregullimit të Territorit thanë se pala protestuese kishte kërkuar në bisedime legalizimin brenda 24 orëve të shtëpive të ndërtuara në lagjen më të re të Kamzës. Përfaqësuesit e qverisë e cilësuan kushtin të parealizueshëm në kohë, arsye kjo për të cilën pala protestuese ndërpreu bisedimet. Policia shqiptare arriti të ndalë të enjten në mesditë marshimin e banorëve të Bathores në drejtim të Tiranës, ndërkohë që rruga nacionale mbeti e bllokuar për disa orë.

PRESHEVE, 24 prill - Paqeruajtësit ndërkombëtarë në Kosovë kanë ndalur në rrugën Gjilan-Bujanoc, kryetarin e Lëvizjes për Progres Demokratik në Luginë të Preshevës, Jonuz Musliun dhe e kanë mbajtur disa orë në bisedë siç thuhet informative. Musliu u ndalua vetëm një ditë pas arrestimit të ish-komandantit të UÇPMB-së, Shefket Musliu, ndaj të cilit policia serbe ka lëshuar një urdhër-arresti ndërkombëtar. Musliu tha për BBC-në se ndalimi i tij nga paqeruajtësit në Kosovë, shënon shkelje të të drejtave të njeriut dhe njëkohësisht akuzoi qeverinë e Beogradit se po tenton, siç tha ai, të përshkallëzojë situatën e sigurisë në Luginë të Preshevës.
Çfarë kërkoi KFOR-i prej jush në momentin kur u ndaluat?
“Ne erdhëm nga Lugina e Preshevës për t'u njoftuar më për së afërmi rreth arrestimit të Shefket Musliut, meqë nuk ishim të informuar sa duhet se ku gjendet ai dhe se çfarë është bërë me të. Me të arritur në Gjilan mësuam më shumë nga familjarët se ai është arrestuar. Ne vazhduam rrugën për në Luginë. Në rrugën Gjilan-Bujanoc, në fshatin Mirash u ndaluam nga KFOR-i ndërkaq që sjelljet e tyre pas ndalimit nuk ishin korrekte. Na shtrinë për tokë me ç'gjë vlerësojmë se është shkelur e drejta e njeriut.”
A mund të jeni më konkret: çfarë kërkuan forcat paqerujatëse nga ju? Cili ishte interesimi i tyre?
“Qëllimi kryesor ishte të marrin vesh se pse qëndruam në Gjilan, cilat janë lidhjet e mia me Shefketin. Unë atë e kam të afërm timin dhe ishte komandant. Unë doja të dija më shumë rreth fatit të tij.”
Kishte ndonjë interesim nga forcat paqeruajtëse për ndonjë veprimtari tuajën, ta quajmë ilegale apo për ndonjë ndërlidhje tuajën me ndonjë grup të caktuar të armatosur në Luginën e Preshëvës?
“Jo! Ata e dinin veprimtarinë time që pas luftës e këtej. Ata e dinin se unë jam udhëheqës i një subjekti politik E gjithë bota e di se unë jam legal dhe veproj legalisht në Luginën e Preshevës dhe kam trembëdhjetë këshilltarë. Këtë e dinin edhe ata por e konsideroj se kjo ishte një 'çmallje e tyre me mua'.”
Cilat janë konkretisht akuzat me të cilat ngarkohet Shefket Musliu, ish-komandanti i UCPMB-së që po mbahet në burg?
“Pas lëshimit të fletarrestit nga INTERPOL-i, faktori ndërkombëtar vlerësoj se ka rënë në grackë të qeverisë së Beogradit. Shefketi është deklaruar disa herë se nuk i takon asnjë organizimi ilegal dhe është nënshkrues i marrëveshjes së Konçulit. Kjo marrëveshje kërkon të zbatohet në praktikë në Luginën e Preshevës.
Por Shekfet Musliu është akuzuar se ka një lidhje me AKSH-në e shpallur terroriste nga Michael Steiner...
“Unë nuk kam asnjë njohuri për këtë organizatë dhe kam deklaruar disa herë se në Luginën e Preshevës nuk ka grupe ilegale. Edhe vetë komandanti Musliu është deklaruar se nuk i përket një organizate të tillë.”
Pra, ju pohoni se zoti Musliu që po mbahet në burgun e kampit Bondsteel në Ferizaj, nuk ka patur asnjë veprim ilegal gjatë kësaj kohe?
“Po! Është një realitet se Serbisë nuk po i konvenon që të ketë një qëndrueshmëri në Luginën e Preshevës. E tërë ajo që ka ndodhur në Serbi pas vrasjes së kryeminsitrit serb Xhinxhiç, qeveria e Beogradit po provon që ta hedh topin në taborrin tonë. Ne duhet të jemi më të kujdesshëm, sepse procesi ynë është politik dhe na duhet të shkojmë drejt zgjidhjes politike të problemit në Luginën e Preshevës.”

TETOVE, 24 prill - Partia për Prosperitet Demokratik me seli në Tetovë vlerëson se një protektorat ndërkombëtar mund të shmangë krizën në Maqedoni. Kështu thotë sekretari i përgjithshëm i PPD-së Naser Zyberi, i cili ka shtuar se tendencat e fundit të subjekteve serioze politike kontestojnë tërësinë territoriale të Maqedonisë dhe shprehin dilemat e tyre për pamundësinë e funksionimit të shtetit shumëentik. Sipas Zyberit, PPD do t'i kërkojë faktorit ndërkombëtar që Maqedonia të jetë protektorat ndërkombëtar. Një protektorat ndërkombëtar në Maqedoni ditë më parë e ka kërkuar edhe partia tjetër shqiptare, PDSH e Arbër Xhaferit. 

SHKUP, 24 prill - Autoritetet e Maqedonisë që nga dje kanë fillur të lirojnë nga burgu ish-pjesëtarët e Ushtrisë Çlirimtare Kombëtare. Kryetari i Këshillit për Lirimin e të Burgosurve Politikë në Maqedoni Abdurrahim Masuti deklaroi se dje nga burgu i Shupkës janë liruar tre pjesëtarë të ish-UÇK-së nga Maqedonia. Ndërkaq, gjatë ditëve të ardhshme priten të lirohen edhe ish-pjesëtarët tjerë të UÇK-së nga Maqedonia dhe nga Kosova.

SHKUP, 24 prill - Në një njoftim nga Shkupi thuhet se Komisioni për Kulturë i Kuvendit të Maqedonisë nga shtatë ngjarjet e propozuara nga shqiptarët për shënuar sivjet, ka miratuar se vetëm dy ngjarje mund të shënohen gjatë këtij viti në Maqedoni. Deputetët maqedonas kanë votuar kundër kremtimit të 125-vjetorit të Lidhjes Shqiptare të Prizrenit, madje këtë ngjarje të madhe historike për shqiptarët e kanë quajtur si "lëvizje terroriste" për formimin e Shqipërisë së madhe.

TIRANE, 24 prill - Disa qindra banorë të zonës së Bathores në periferi të kryeqytetit shqiptar, u përleshën sot me policinë, ndërsa përpiqeshin të marshonin drejt qendrës së Tiranës. Disa policë mbetën të plagosur nga goditjet me gurë. Banorët e Bathores kërkojnë legalizimin e banesave të tyre, dhe përmirësimin e kushteve të jetesës. Qeveria shqiptare njoftoi ngritjen e një grupi pune që do të shqyrtojë kërkesat e protestuesve, ndërsa partia demokratike në opozitë deklaroi se do të paraqesë në parlament një projektligj për legalizimin e banesave në Bathore.
Një situatë tejet e tensionuar shoqëroi sot protestën e familjeve të Bathores. Ashtu si edhe dje ata dolën në rrugën kombëtare që lidh Tiranën me pjesën veriore të vendit, duke iu drejtuar qendrës së kryeqytetit.
Forca të shumta policie krijuan një gardh për të ndaluar marshimin e tyre. Acarimi arriti kulmin pak pas orës 10 kur drejt forcave të policisë nisën të lëshoheshin gurë, ndërsa shumë nga protestuesit canë bllokimin. Të shtënat në ajër me armë nga ana e policisë jo vetëm nuk i ndalën protestuesit por duket se e acaroi më shumë situatën. Një makinë e forcave të rendit u përmbys dhe xhamat e shumë të tjerave u thyen. Sipas ministrisë së rendit, disa nga policët mbetën të plagosur nga goditjet me gurë.
Tensioni i lartë vazhdoi për afër dy orë. Të dyja palët u pozicionuan në anët e urës që lidh kryeqytetin me zonën e Kamzës. Forca të shumta me skafandra, mburoja dhe shkopinj gome bllokuan avancimin e mëtëjshëm të protestuesve.Gjendja më pas kaloi në një fazë pritjeje derisa u njoftua takimi i një përfaqësie të protestuesve në Ministrinë e Rregullimit të Territorit.
Drejtori i Përgjithshëm i Policisë, Ilirian Zylyftari njoftoi se, disa nga automjetet e policisë janë dëmtuar si pasojë e goditjeve me gurë nga ana e protestuesve. Sipas tij, qëllimi kryesor i forcave të rendit ishte të boshatisej Ura e Treshit, një vend publik i bllokuar nga qindra protestues të cilët kishin si qëllim zhvillimin e protestave të tyre pranë Kryeministrisë në mbështetje të kërkesave të tyre me karakter ekonomik dhe social.
Banorët e Bathores, janë të gjitha familje të ardhura nga zonat e thella dhe më të varfëra të vendit, kryesisht nga veriu dhe verilindja. Ata ndërtuan aty secili shtëpitë e tyre të banimit mbi sipërfaqe të lira toke, jashtë cdo kontrolli urbanistik. Për pasojë tashmë aty është krijuar një qytezë më vete me afër 5 mijë familje, ku infrastruktura thuajse nuk ekziston. Banorët tashmë janë ngritur për të kërkuar që banesat e tyre të legalizohen ashtu sic dhe u ishte premtuar, si dhe ngritjen e një rrjti shrbimesh për furnizimin me ujë dhe energji.
Bathorja, një zonë periferike në veri të Tiranës, është populluar gjatë 10-vjeçarit të fundit nga mijëra banorë të zonës verilindore dhe veriore te Shqipërisë. Për shumë kohë, ajo ka qënë një zonë e cila ka paraqitur probleme të shumta sociale, për shkak të shumë ndërtimeve pa leje të ngritura aty. Momentalisht në zonën e Bathores janë vendosur 5 000 familje ose afro 40000 banorë, prej të cilëve 10000 janë të papunë, ose 70 për qind e popullisë atje. Sipas statistikave, rreth 10 për qind banorëve janë të punësuar në sektorin privat, rreth 30 për qind e familjeve jetojnë në varfëri të plotë.

Motrat Zeqiri nga Prishtina marrin "Grand prix" në një festival të filmit në Francë
Paris, 24 prill 2003 - Me filmin "Exit" (Dalja), motrat Lendita dhe Blerta Zeqiri nga Prishtina kanë fituar "Grand prix" (Çmimin e madh) në Festivalin e metrazhit të shkurtër në qytetin Kaen (Caen) të Francës. Ky është një film i shkurtër artistik që flet për tre persona të mbyllur në një banesë gjatë luftës në Kosovë. Mungesa e ushqimit, mungesa e informatave nga jashtë, si dhe frika, bëjnë që këta tre persona të jenë shumë afër njeri tjetrit. Mirëpo në të njejtën kohë nuk kanë qenë asnjëherë më larg me njëri tjetrin.
Skenarin dhe regjinë e kanë bërë vetë motrat Lendita dhe Blerta Zeqiri. Ndërkaq rolet kryesore i interpretojnë: Vedat Bajrami, Osman Azemi, Blerim Qeriqi, Alban Ukaj, Alush Gashi etj...
Lendita aktualisht është duke i vijuar studimet në Degën e artit dhe filozofisë në seksionin: estetika e filmit, në Universitetin Paris 8. Më herët ajo ka kryer Fakultetin e Artit në Prishtinë
Ndërkaq Blerta pasi kishte kryer dy vitet e para në Fakultetin e Arteve në Prishtinë, në Degën e dramaturgjisë, tani është duke i ndjekur studimet në Degën e kinematografisë në Universitetin e Paris 8, në Paris.

E mëkurë, 23 prill, 2003

MITROVICE, 23 prill - Forcat speciale të policisë së UNMIK-ut kanë arrestuar mbrëmë në Mitrovicë një person të dyshuar se ka lidhje direkte me shpërthimin që ndodhi më 12 prill, afër Zveçanit.
Sipas zëdhënësit të kësaj policie Xhorxhi Kakuk gjatë arrestimti të këtij personi nuk pati incidente, ndërkohë që identiteti i personit të arrestuar nuk u bë i ditur. Por, zëdhënësi Kakuk megjithatë saktësoi se i dyshuari është i moshës 38-vjeçare dhe akuzohet se është i lidhur në mënyrë direkte me shpërthimin në urën hekurudhore, afër Zveçanit. Rasti lidhur me këtë shpërthim mbetet i hapur dhe me këtë rast janë duke u marrë hetuesit e policisë nga Prishtina.
Përgjegjësinë për shpërthimin në urën hekurudhore afër Zveçanit e ka marrë Armata Kombëtare Shqiptare (AKSH), e cila disa ditë vonë është shpallur organizatë terroriste nga shefi i UNMIK-ut Mihael Shtajner.

GJILAN, 23 prill - Paqeruajtësit amerikanë në sektorin e Lindjes kanë arrestuar një person të dyshuar se paraqet kërcënim për sigurinë e mjedisit në Kosovë. KFOR megjithatë nuk ka dhënë asnjë hollësi të aksionit, i cili mësohet të jetë kryer pasditen e së martës, por ka saktësuar se ai u bë në përputhje me autoritetin e dalë nga Rezoluta 1244 e Këshillit të Sigurimit.
Ndërkohë, mjetet serbe të informacionit kanë saktësuar se i arrestuari është ish-komandanti i Ushtrisë Çlirimtare për Preshevë, Medvegjë dhe Bujanoc, Shefket Musliu, për të cilin autoritetet policore serbe kishin lëshuar një fletë-arresti ndërkombëtar tri ditë më parë. Musliu është kërkuar nga policia serbe për shkak të, siç thuhet, sulmeve, armëmbajtjes pa leje dhe se mund të jetë i rrezikshëm.
Zyrtarë të Kombeve të Bashkuara në Kosovë thanë sot se arrestimi dje i ish- komandantit të kryengritësve shqiptarë të Luginës së Preshevës nga ana e forcave paqëruajtëse, nuk ka të bëjë me urdhër-arrestin e lëshuar nga autoritetet serbe nëpërmjet Interpolit.
Zëdhënësi i Misionit të Kombeve të Bashkuara, Andrea Anxheli, tha se arrestimi është bërë nën autorizimet që ka KFOR-i në bazë të Rezolutës 1244 të Këshillit të Sigurimit të OKB-së dhe nuk ka të bëjë me këtë kërkesë të lëshuar nëpërmjet Interpolit.
“UNMIK-u është njohur me kërkesën e Interpolit, duke kërkuar nga autoritetet serbe që të dorëzojnë tërë dokumentacionin që ka të bëjë me këtë rast”, tha Anxheli. Ai tha gjithashtu se policia dhe Departamenti i Drejtësisë duhet të shqyrtojnë të gjithë çështjen, para se të merren çfarëdo hapash.

Zyrtarët në Kosovë komentojnë mbi arrestimin e ish-komandantit të UÇPMB-së
Besim Abazi ( marrë nga Zëri Amerikës)
23 prill 2003 - Zyrtarë të Kombeve të Bashkuara në Kosovë thanë sot se arrestimi dje i ish- komandantit të kryengritësve shqiptarë të Luginës së Preshevës nga ana e forcave paqëruajtëse, nuk ka të bëjë me urdhër-arrestin e lëshuar nga autoritetet serbe nëpërmjet Interpolit.

KFOR paralajmëron aksione konkrete kundër AKSH-së; hetime dhe operacione bastisjeje

PRISHTINE, 21 prill - KFOR ka paralajmëruar fillimin e masave konkrete kundër të gjithë atyre që cënojnë sigurinë në Kosovë, duke aluduar kështu tek pjesëtarët e të ashtuquajturës Armatë Kombëtare Shqiptare (AKSH).
Ndonëse nuk u tha cilat janë masat konkrete për të parandaluar veprimtarinë e organizatës paralele ushtarake që ka marrë përsipër minimin e një ure në veri të Kosovës, KFOR-i ka hapur mundësinë për intensifikimin e operacioneve të bastisjes në zona të ndryshme.
Ndërkaq, tërhiqet vërejtja se çfarëdo lidhje e mundshme me Armatën Kombëtare Shqiptare apo anëtarësimi në të është i ndëshkueshëm. Një zëdhënës i trupave të KFOR-it, Geri Banister Grin, shprehu bindjen se KFOR-i dhe policia do të identifikojnë të gjithë personat që tentojnë të destabilizojnë situatën e sigurisë në Kosovë.
“Akte të tilla, si ai në afërsi të Zveçanit, nuk do të tolerohen dhe ata që kryejnë akte të tilla do të arrestohen dhe do të gjykohen”, tha zëdhënësi Grin. Ndërkohë, policia ka njoftuar për disa persona që janë marrë në pyetje lidhur me hedhjen në erë të urës hekurudhore në Zveçan. Zëdhënësi i policisë së UNMIK-ut, Berri Fleçer tha se asnjëri nga personat nuk po mbahet në arrest. 

Imzot Sopi uron besimtarët katolikë për Pashkët

PRISHTINE, 21 prill - Besimtarët katolikë në Kosovë festuan dje Festën e Pashkëve. Me këtë raast Ipeshkvi i Ipeshkvisë së Kosovës imzot Mark Sopi i përgëzoi besimtarët katolikë dhe u dërgoi një mesazh urimi. "Festat e Pashkëve janë gjithmonë të gëzueshmë për të mëdhënj e të vegjël, sepse ato i japin jetës kuptim", tha Sopi.

Lirohet nga paraburgimi ish-komandanti i UÇK, Maliq Ndrecaj

PRISHTINE, 21 prill - Ish-komandanti i UÇK-së, Maliq Ndrecaj u lirua dje nga paraburgimi në bazën amerikane Bondstill në Ferizaj, ku ka qëndruar 20 ditë për shkak të dyshimit se është anëtar i Armatës Kombëtare të Shqiptarëve. Ai për mediat e Prishtinës deklaroi se disa individë, të cilët u takojnë formacioneve të cilat nuk i mbështet, duan ta keqpërdorin emrin e tij për qëllime të veta politike. Ndrecaj tha se ushtarët ndërkombëtarë dhe hetuesit gjatë paraburgimit tri-javësh ndaj tij janë sjellë në mënyrë korrekte. 

Përkujtohen në Prishtinë dëshmorët Isa Kastrati, Sokol Sopi dhe Afrim Vitia

PRISHTINE, 21 prill - Me rastin e katërvjetorit të rënies heroike të dëshmorëve Isa Kastrati, Sokol Sopi dhe Afrim Vitia, sot në Prishtinë u bë zbulimi i bustit dhe i pllakës përkujtimore të këtyre dëshmorëve. “Dëshmorët e kombit meritojnë më shumë dhe zbulimi i bustit dhe i pllakës përkujtimore është vetëm një respekt për sakrificën sublime të tyre për Kosovën. Institucionet e Kosovës duhet të njohen vlerat e luftës”, tha kryetari i Shoqatës së Veteranëve të Ushtrisë Çlirimtare të Kosovës, Sadik Halitjaha. Ndërsa bashkëveprimtari i dëshmorëve Sami Demaku u shpreh se “veprimtaria me dekada e dëshmorit Isa Kastrati ka qenë frymëzim i luftës kundër regjimit serb për çlirimin e vendit. Zbulimin e pllakës përkujtimore e bënë veprimtari Adem Demaçi me të birin e dëshmorit Isa Kastrati. Me këtë rast u vunë kurora lulesh mbi varret e dëshmorëve.

Nis një kompleks i ri banesor-afarist në Istog

ISTOG, 21 prill - Në Istog u vu gurthemeli i kompleksit “Bill Klinton” që përfshin një sipërfaqe rreth 18 mijë metër katror. Projekti në fjalë përfshin ndërtimin e rreth 180 apartamenteve dhe 30 lokale afariste, investim ky prej rreth 6 milionë eurosh. “Objektet që do të ndërtohen do të jenë të standardeve evropiane”, tha në këtë solemnitet pronari dhe investitori i tërë këtij projekti Mustafë Mustafa. Sipas tij, përveç apartamenteve të banimit dhe lokaleve afariste është paraparë që të ndërtohen edhe 2 salla sportive, sheshe gjelbërimi, një çerdhe e fëmijëve dhe një vend për parking. Kompleksi “Bill Klinton” pritet të përfundoi në tërsi deri në vitin 2005.

Numri i narkomanëve adoleshentë, problem shqetësues në Emergjencën e Prishtinës

PRISHTINE, 21 prill - Në Klinikën Emergjente të Qendrës Klinike Universitare të Prishtinës gjatë 48 orëve të fundit janë shënuar 280 raste të trajtimit mjekësor. Në këtë klinikë thonë se janë të pajisur me të gjitha medikamentet e domosdoshme për rastet emergjente.
“Gjatë 48 orëve të fundit në Klinikën Emergjente të Qendrës Klinike Universitare, janë paraqitur edhe persona te lenduar në aksidente trafiku, të lënduar nga armët e ftohta gjatë konflikteve fizike si dhe konsumues të lëndëve narkotike”, bëri të ditur mjeku kujdestar, dr.Naser Syla.
Ai shprehet se është shqetësues numri i narkomanëve, që paraqiten në Klinikën Emergjente, shumica e të cilëve janë adoleshentë. “Puna në klinikën emergjente nuk është pa probleme”, thotë Syla. Ai pohon se nuk janë të rralla as rastet kur mjekët sulmohen nga pacientët.

MPJ: "Jo" krijimit të shteteve etnikisht të pastra

TIRANE, 21 prill - Ministria e Punëve të Jashtme e Shqipërisë(MPJSH), përmes zëdhënësit të saj, Agim Neza, dënoi sot deklarimet e disa përfaqësuesve të forcave të ndryshme politike në Maqedoni, për "krijimin e shteteve etnikisht të pastra", apo për "shkëmbime territoresh". "MPJ po ndjek me vëmendje dhe shqetësim deklarimet e fundit nga përfaqësues të rëndësishëm të forcave të ndryshme politike opozitare në Maqedoni, të cilët bëjnë thirrje për "krijimin e shteteve etnikisht të pastra", dhe për "shkëmbime territoresh" në funksion të këtij qëllimi", citon zëdhënësi. "Ministria e Punëve të Jashtme i dënon me forcë deklarime të tilla si regresive, pasi ato jo vetëm që bien ndesh me filozofinë e re integruese që ka përfshirë rajonin e Evropës Juglindore dhe që e afron atë çdo ditë e më tepër me Bashkimin Evropian dhe NATO-n, por revokojnë një model të dështuar që i solli shumë vuajtje e gjakderdhje këtij rajoni", thekson zëdhënësi i MPJ-së, Neza.

Trafiku; Arrestohet shefi i Policisë së Aeroportit

TIRANE, 21 prill - Shefi i komisaritit të Policisë së Rinasit Enriko Sulejmani u arrestua mbreme nën akuzën e favorizimit të trafikut të emigrantëve klandestinë. Së bashku me Sulejmanin, nën pranga përfunduan edhe dy vartës të tij si dhe një pčersona i katërt i cili mendohet të ketë patur rolin e ndërmjetësit. Arrestimet e firmosura nga prokuroria u bënë pas zbulimit të një linje trafiku mes Tiranës dhe Beogradit. Brenda një harku të shkurtër kohe gjatë itës së djeshme, pozita e Enriko Sulejmanit, kreut të plicisë së aeroportit të vetëm ndërkombëtar në Shqipëri, është tronditur disa herë. Pak para mesditës është detyruar fillimisht të lirojë zyrën e tij. Drejtori i Përgjithshëm i policisë shqiptare i ka komunikuar urdhërin e shkarkimit të firmosur nga ministri i Rendit Luan Rama.
Në mbrëmje, pasi gjykata ka pranuar kërkesën e prokurorisë, Sulejmani ka përfunduar në pranga. Bashkë me të, kan kaluar natën e parë në qeli edhe dy vartës të tij, kryekontrollori Dorian Muça dhe kontrollori Eqerem Disha. Dy personat të cilët që në fillim kishin pohuar se urdhërin për të lejuar kalimin e disa udhëtarëve me dokumenta jo të rregultta e kishin marrë nga shefi i madh i tyre.
Përveç policëve, është arrestuar dhe një person i katërt, i cili mendohet të ketë luajtur rolin e ndërmjetësit, për të ndihmuar emigrantët klandestinë për të udhtuar lirisht drejt Beogradit. Por pikërisht autoritetet serbe kanë penguar udhëtimin e mëtejshëm. Javën e shkuar 7 persona u kthyen pas, për shkak të dokumentacionit jo të rregullt. Kjo ngjarje shkaktoi mjaft zhurmë në Shqipëri, sidomos për shkak të masave fillimisht kontradiktore që u morrën ndaj funksionarëve të policisë. Sulejmani u rikthye në postin e tij ndërsa për dy kontrollorët gjykata vendosi detyrimin për paraqitje në prokurori. Pas kësaj ministri i Rendit ngriti një grup hetimor, duke bërë që më pas të vendoste shkarkimin e drejtuesit të policisë së aeroportit.
Me bllokimin e lëvizjeve të motoskafeve në det, trafiku si i kalndestinëve ashtu dhe i drogës është përqëndruar tashmë në porte dhe aeroporte. Sot policia italiane sekuestroi në portin e Barit një sasi prej 16 kilogram heroinë. Sasia e madhe e drogës së fortë iu gjet një shtetasi italian i cili ishte nisur nga porti shqiptar i Durrësit. Ndërsa në fundjavë, policia shqiptare zbuloi disa qindra kilogram bimë narkotike të fshehura në një vend të braktisur në gadishullin e Karaburunit pranë Vlorës.

Nano dhe Gjukanoviç diskutojnë për bashkëpunimin mes Shqipërisë e Malit të Zi

TIRANE, 21 prill - Kryeministri Fatos Nano, gjatë një takimi dje në Podgoricë me kryeministrin e Malit të Zi, Milo Gjukanoviç, shprehu vullnetin për bashkëpunim intensiv mes dy vendeve, për të konkretizuar më tej mekanizmat në goditjen kundër trafiqeve dhe krimit të organizuar. Nano dhe Gjukanoviç vlerësuan marrëdhëniet e mira dylapëshe. Në këtë drejtim, ata shkëmbyen informacione për ecurinë e marrëdhënieve mes Tiranës dhe Podgoricës në fusha të ndryshme me interes reciprok, si infrastrukturë, energji, telekomunikacion, turizëm etj. Të dy homologët vunë theksin në inicimin e projekteve të reja në të ardhmen. Lidhur me nismat në luftën kundër fenomeneve negative, Nano u shpreh se "të dy vendet duhet të institucionalizojnë më tej luftën e përbashkët kundër trafikantëve dhe sistemit të tyre, për të arritur rezultatin e kërkuar dhe për t'i bërë kufijtë tanë më të sigurt e më të integruar". 

Presidenti serbo-malazez, Maroviç: E kaluara nuk mund të jetë zgjidhje për çështjen e Kosovës

ATHINE, 21 prill - Kryetari i Serbisë dhe Malit të Zi, Svetozar Maroviç tha se zgjidhja e çështjes së Kosovës “mund të gjendet vetëm me dialog”. “Duhet të gjejmë zgjidhje reale duke marrë parasysh faktin se Kosovën me shumicë e përbëjnë shqiptarët, por edhe faktin se ekziston pakica e rëndësishme serbe. Pa dyshim, konsideroj se e kaluara nuk mund të jetë zgjidhje për ardhmërinë”, ka theksuar Maroviç. Nga ana tjetër ai u shpreh se pë Serbinë-Malin e Zi më me rëndësi është që ta ripërtërijë mirëbesimin dhe tolerancën në shoqëri dhe të fillojë ta shfrytëzojë dialogun si mjet për zgjidhjen e problemeve. “Dy gjëra kryesore që duhet t’i arrijmë - janë reformat ekonomike dhe bashkëpunimi me Gjykatën Ndërkombëtare të Hagës, gjë që do të hapë rrugën e përfshirjes tonë në institucionet evropiane”, ka nënvizuar Maroviç.

Sadam Huseini është gjallë dhe vazhdon të qarkullojë brenda Irakut
21 prill 2003, (nga Zëri Amerikës) - Udhëheqësi i Kongresit Kombëtar Irakian, Ahmed Çelebi, thotë se Sadam Huseini është gjallë dhe vazhdon të qarkullojë brenda Irakut. Ish udhëheqësi i opozitës irakiane në mërgim tha se ka marrë informacione rreth Sadam Huseinit dhe të dy djemëve të tij, por lëvizjet e tyre ai i ka mësuar vetëm 24 orë pasi ata janë parë në një zonë të caktuar. Zoti Çelebi thotë se grupi i tij do të punojë për të siguruar më shumë informacion rreth vendndodhjes së udhëheqësit të përmbysur irakian. Zoti Çelebi tha gjithashtu se Kombet e Bashkuara nuk gëzojnë ndonjë besueshmëri të madhe në Irak dhe se ato duhet të luajnë vetëm rol të kufizuar në ndihmën për rindërtimin e vendit. Ai tha përsëri se nuk ka në plan të përpiqet të sigurojë ndonjë pozitë politike në qeverinë e re të Irakut. Zoti Çelebi, i cili u largua nga Iraku në vitin 1958, u kthye në Bagdad javën e kaluar me ndihmën e Shteteve të Bashkuara.

---

E shtunë, 19 prill, 2003
Serbi: Ngrihet akuzë për Shefket Musliun dhe dy të shqiptarë të tjerë; themeluan AKSH-në
VRANJE, 19 prill - Prokuroria e Qarkut në Vranjë (Serbi) ka kërkuar fillimin e procedurës hetimore kundër ish-pjesëtarëve të UÇPBM-së Shefket Musliu nga Konçuli, Besim Tahiri, me nofkën "Çeçen", nga Suhama dhe Lirim Jakupi, i quajtur "Nacist", nga Bujanoci. Ata dyshohen nga prokruria e Vranjës për vepra penale "bashkim për veprimtari armiqësore dhe terrorizëm". "Pas shpërbërjes së UÇPBM, gjatë vitit 2001 ata dushohen se kanë themeluar organizatën e re terroriste Armata Kombëtare e Shqiptarëve", thotë Prokuroria Publike e Vranjës. Gjithashtu thuhet se Musliu, Tahiri dhe Jakupi "qëllimet e veta kriminale janë duke u përpjekur t'i realizojnë me kërcënime dhe për frikësimin e bashkëkombasve të vet, për ta anëtarësuar numrin sa më të madh të popullsisë në këtë organizatë terroriste".

71 shqiptarët së shpejti marrin detyrën në Irak

TIRANE, 19 prill - Kontigjenti shqiptar prej 71 trupash "Komando", të cilët prej ditës së mërkurë u dislokuan në bazën amerikane në Kuvajt, kanë rifilluar stërvitjen intensive për të marrë shumë shpejt detyrën në Irak, bëri të ditur zëdhënësja e Ministrisë së Mbrojtjes, Mariana Zegali. "Të dislokuar në bazën ushtarake në Kuvajt, që nga dita e djeshme, Komandot shqiptare kanë rifilluar proçesin e tyre stërvitor me elementë bazë që lidhen me angazhimin e tyre në mision", thekson në njoftimin e saj zëdhënësja. Më tej, ajo shton se nga raportimi i ditës së sotme mësohet se gjendja moralo-psikologjike, shëndetësore dhe profesionale e të gjithë efektivit është mjaft e mirë. Trupat janë në vijueshmëri të proçesit stërvitor me elementë të aplikuara edhe në stërvitjet e mëparshme, të natyrës së patrullimit dhe kontrollit në pikat e kontrollit. Edhe këtë javë, Komandot shqiptare do të vazhdojnë të jenë të dislokuara në bazën amerikane në Kuvajt. Gjendja e tyre moralo-psikologjike, shëndetësore dhe profesionale, i bën që të jenë plotësisht të aftë dhe të gatshëm që së shpejti të marrin misionin e tyre në Irak.

PD: Qeveria fajtore për nivelin e trafikut të qënieve njerëzore

TIRANE, 19 prill - Partia Demokratike (PD) shprehu sot shqetësimin e saj për nivelin e trafikut të qënieve njerëzore nga Shqipëria në drejtim të vendeve të tjera. Gjatë një konference për shtyp, zëdhënësi i PD-së, Edi Paloka, "fajësoi" qeverinë për këtë gjendje, duke shtuar se "komisionet përkatëse parlamentare duhet të bëjnë verifikimet e nevojshme për të gjitha rastet e trafikut përmes vizave jo të rregullta". Paloka iu referua ngjarjes së ndodhur pak ditë më parë, ku u ndaluan në Portin e Durrësit 30 fëmijë nga Kavaja që sipas burimeve të policisë së Durrësit ishin prezantuar si pjesë e skuadrës së futbollit "Adriatik", që shkonin për një ndeshje rinore në Hollandë, por që rezultonin me viza jo të rregullta. Zëdhënësi Paloka akuzoi Ministrin e Rendit Publik, Luan Rama dhe Ministren e Kulturës, Arta Dade për "favorizim të trafikimit të vizave për këta fëmijë".

KLMDNJ: Çështja e të zhdukurve vazhdon të jetë nga problemet më të mëdha

PRISHTINE, 19 prill - Zëdhënësi i Këshillit për Mbrojtjen e të Drejtave dhe Lirive të Njeriut, (KMDLNJ), Ibrahim Makolli, tha sot se çështja e të zhdukurve vazhdon të mbeten ende një nga problemet më të rënda. "Ne, si organizatë jo qeveritare jemi munduar që të ndihmojmë qoftë me thirrjet tona publike e qoftë më takimet tona të brendshme me organizatat simotra, dhe me organizatat ndërkombëtare që të ndikojnë në regjimin e Beogradit për të mësuar rreth fatit të këtyre personave, të cilët janë të zhdukur gjatë viteve '98-99", tha Makolli. Sipas tij, kjo çështje e ndjeshme, fatkeqësisht, po mbetet ende e pazgjidhur, gjë për të cilën të gjithë jemi të vetëdijshëm se kjo nuk ka mundur të zgjidhet në mënyrë të shpejtë, përderisa institucionet e Kosovës, Qeveria dhe Parlamenti me këto kompetenca që kanë deri më tani nuk kanë punuar aq sa duhet në këtë drejtim.

Dugolli: Ndihet mungesa në Kuvend e deputetit Fatmir Limaj

PRISHTINE, 19 prill - "Ai bashkëpunim ndërmjet shefave të gurpit parlamentare pësoi një goditje të madhe pas ngritjes së padisë nga Gjykata e Hagës dhe ajo urë lidhëse e bashkëpunimit u prish". Kështu deklaroi sot shefi i grupit parlamentar të Aleancës për Ardhëmrinë e Kosovës -së, Bujar Dugolli, lidhur me mungesën e Fatmir Limajt në Parlamentin e Kosovës. Ish-komandanti i njohur i UÇK-së dhe deputeti i Kuvendit të Kosovës, Fatmir Limaj, ka hyrë në javën e shtatë të qëndrimit në burgun e Hagës, ku po mbahet si i akuzuar për "krime lufte" në Kosovë.

Përkujtohen dëshmorët e brigadës 153 të Zonës Operative të Llapit

PRISHTINE, 19 prill - “Lufta e Ushtrisë Çlirimtare Të Kosovës, ka lënë pas vetës një histori të rëndësishme për tërë shqiptarët”. Kështu u tha sot në akademinë përkujtimore me rastin e katërvjetorit të rënies së dëshmorëve të brigadës 153 të Zonën Operative të Llapit. “Vlerat e Ushtrisë Çlirimitare të Kosovës së pari duhet të mbrohen nga ata të cilët i gëzojnë këto ditë lirie e më pas edhe nga Kuvendi i Kosovës”, tha sot bashkëluftëtari i pesë dëshmorëve të brigadës 153, Adem Shehu. Për trimëritë e ushtarëve të Ushtrisë Çlirimtare të Kosovës foli edhe Ejup Maqedonci epror i Trupave Mbrojtjes së Kosovës.

NATO mbështet vendimin e Shtajnerit për AKSH-në

PRISHTINE, 19 prill - "NATO mbështet vendimin e kryeadministratorit të Kosovës Mikael Shtajner, për lëshimin e urdhëresës administrative nr. 2003/9 të 17 prillit 2003, e cila dënon pa asnjë rezervë incidentin në urë të Zveçanit duke kërkuar që të merren masa më të ashpra kundër kryerësve të këtij incidenti". Këtë e bëri të ditur koloneli Massimo Panizzi, shefi i Zyrës për Informin të KFOR-it, i cili shtoi se "akte të tilla nuk do të tolerohen dhe autorët e aktit, do të arrestohen dhe gjykohen. Kryeadministratori Shtajner dy ditë më parë e shpalli Armatën Kombëtare Shqiptare organizatë terroriste, pasi kjo e fundit mori autorësinë për shpërthimin në urën hekurudhore pranë Zveçanit.
KFOR-i dhe UNMIK-u do të veprojnë për të identifikuar dhe arrestuar ata të cilët tentojnë ta destabilizojnë Kosovën. KFOR-i ka intensifikuar aktivitetet për identifikimin e organizatave kriminele dhe ekstremiste në mbarë Kosovën, duke vepruar kundër çfarëdo kërcënimi të sigurisë në Kosovë". Panizzi nënvizoi se "bashkëpunimi i popullatës është shumë i vlefshëm për forcat e sigurisë në mënyrë që të ndalohen këto elemente kriminele".

Policia e UNMIK-ut: AKSH-ja, grup i vogël me disa individë që përdorin terrorin për të arritur qëllimet e veta

PRISHTINE, 19 prill - “Ne besojmë se Armata Kombëtare Shqiptare është një grup i vogël me disa individë, të cilët janë të prirë të përdorin terrorin dhe dhunën për t'i arritur qëllimet e vetat pa i pasur parasysh pasojat”, tha zëdhënësi i policisë së UNMIK-ut Berri Fleçer.
Ai u shpreh se me marrjen e përgjegjësisë për sulmin mbi urën hekurudhore në afërsi të Zveçanit, AKSH-ja filloi veprimtarinë e saj dhe kjo mjafton për policinë që ajo të veprojë kundër. Sipas Fleçerit, që nga janari i vitit 1999 janë arrestuar 3 persona nga rajoni i Gjilanit, të cilët e kanë identifikuar veten si pjesëtarë të Armatës Kombëtare Shqiptare.
Veprimtaria e AKSH-së sipas disa informacioneve të policisë së UNMIK-ut shtrihet në rajonin e Gjilanit dhe atë të Kaçanikut, ndërkaq nuk jepen detaje rreth informacioneve që vendet fqinje i posedojnë dhe i kanë dorëzuar policisë së UNMIK-ut lidhur me AKSH-në, duke i konsideruar këto informacione si sekrete.

Presidenti Rugova uron për Pashkët: Viti tjetër të na gjejë me njohjen formale të pavarësisë

PRISHTINE, 19 prill - Presidenti i Kosovës, Dr. Ibrahim Rugova, ka përgëzuar sot të gjithë besimtarët dhe qytetarët e Kosovës për Festën e Pashkëve. Ai u është drejtuar besimtarëve duke u thënë se “dita e Pashkëve është ditë e bardhë, ditë e ringjalljes së Krishtit dhe forcimit të besimit te Zoti”.
“Dhashtë Zoti që Pashkët e ardhshme t'i festojmë me njohjen formale të Pavarësisë së Kosovës nga miqtë tanë.

Thaçi uron Pashkët: Festat e tjera t'i presim më mirë

PRISHTINE, 19 prill - Kryetari i Partisë Demokratike të Kosovës Hashim Thaçi u ka uruar sot Festën e Pashkëve të gjithë besimtarëve të krishterë të Kosovës. "Kjo festë nënkupton edhe ringjalljen shpirtërore, të besimit në vlerat e së mirës, të së drejtës dhe shpresës për jetë me të mirë. Urojmë që këtë festë dhe festat tjera fetare qytetarët e Kosovës t'i presin në kushte më të mira jetësore, në paqe, prosperitet dhe lumturi", thuhet në urimin e Thaçit.

Kujtohen 160 martirët në Makoc të Prishtinës

PRISHTINE, 19 prill - Në fshatin Makoc të Prishtinës u përkujtuan dëshmorët dhe martirët e kësaj ane të vrarë para katër vjetësh nga forcat serbe.
Një ndër aktet më barbare gjatë luftës në Kosovë ështe edhe ngjarja e katër vjetëve më parë në Makoc të Prishtinës e rrethinë. Në këto vise forcat ushtarake dhe paramilitare serbe kanë vrarë dhe masakruar mbi 160 vetë, prej të cilëve 93 janë varrosur në kompleksin memorial në Makoc, ndërsa numri më i madh i tyre prehen në varreza familjare.
Këtë akt makabër me 7 plagë në trup e ka mbijetuar edhe Ismet Krasniqi nga fshati Grashticë. Në këtë masakër nuk u kursyen as fëmijët dhe pleqtë. Nëna e Fortesës 8 vjeçare kujton vrasjen e bijës së saj nga granata serbe si dhe plagosjen e të vëllait.
Homazhe në kompleksin memorial në Makoc, bënë edhe përfaqësuesit e Kuvendit Komunal të Prishtinës. Kryetari Ismet Beqiri u zotua për një përkujdesje ndaj familjeve të të rënëve.
18 prilli i 1999-ës për banorët e kësaj ane ishte nata më e gjatë e shekullit. Atë kohë nga viset e Llapit dhe Gollakut në këto anë u përndoqën rreth 200 mijë banorë.

Përkujtohen viktimat në Hallaç të Lipianit

LIPIAN, 19 prill - Në fshatin Hallaç të Vogël të komunës së Lipianit u përkujtuan 20 viktima të luftës të ekzekutuara nga forcat paramilitare serbe. Me këtë rast në shenjë kujtimi e respekti për viktimat e luftës të këtij fshati, u zbulua edhe pllaka përkujtimore.
Me 19 prill të vitit 1999 forcat serbe mblodhën 50 meshkuj të fshatit të cilët i dërguan për pushkatim. Prej tyre i ndanë 13 për t'i ekzekutuar. Nga ky krim arritën të mbijetojnë vetëm dy persona. Më vonë forcat serbe vranë edhe nëntë persona të tjerë, nëpër oborret e shtëpive të tyre.
Pranë pllakës përkujtimore e cila u zbulua sot, banorët e fshatit vunë shumë kurora lulesh. Për krimin e 19 prillit të vitit 99, që u bë në Hallaç të Lipianit, është dërguar aktakuza në Tribunalin e Hagës e cila nuk është lexuar fare, dhe për këtë banorët e Hallaçit, thonë se janë shumë të revoltuar.

Tre shqiptarë nga Ligina e Preshevës akuzohen për veprimtari armiqësore nga gjykata e Vranjës
Vranjë, 19 prill - Prokuroria e Qarkut në Vranjë (Serbi) ka kërkuar fillimin e procedurës hetimore kundër ish-pjesëtarëve të UÇPBM-së Shefket Musliu nga Konçuli, Besim Tahiri, me nofkën "Çeçen", nga Suhama dhe Lirim Jakupi, i quajtur "Nacist", nga Bujanoci. Ata dyshohen nga prokruria e Vranjës për vepra penale "bashkim për veprimtari armiqësore dhe terrorizëm".
"Pas shpërbërjes së UÇPBM, gjatë vitit 2001 ata dushohen se kanë themeluar organizatën e re terroriste Armata Kombëtare e Shqiptarëve", thotë Prokuroria Publike e Vranjës. Gjithashtu thuhet se Musliu, Tahiri dhe Jakupi "qëllimet e veta kriminale janë duke u përpjekur t'i realizojnë me kërcënime dhe për frikësimin e bashkëkombasve të vet, për ta anëtarësuar numrin sa më të madh të popullsisë në këtë organizatë terroriste".

Maqedoni: PDSH-ja pezullon veprimtarinë për një kohë të pacaktuar
Linda Karadaku(nga Zeri Amerikës)
19 prill 2003, 20:50

Kuvendi qendror i partisë demokratike shqiptare miratoi të shtunën në Tetovë një moratorium, sipas të cilit kjo parti ngrin veprimtarinë e saj politike për një kohë të pacaktuar, tërheq deputetët e saj nga parlamenti i Maqedonisë dhe u kërkon të zgjedhurve të saj në nivel vendor të punojnë vetëm në bazë të vetëqeverisjes vendore, në shërbim të popullsisë.

Kuvendi qendror i PDSH-së nuk pranoi dorëheqjet e paraqitura nga kryetari i saj Arbër Xhaferri dhe nga nënkryetari Menduh Thaçi, por as nuk mori të shtunën ndonjë vendim për ndryshimin e konceptit dhe programit të partisë, për të cilin, zotërinjtë Xhaferri dhe Thaci thanë se kishin bindje të ndryshme nga ai.

Kuvendi i PDSH-së miratoi krijimin e një Grupi Kontakti, i cili do të shërbejë si kontakt teknik për kohën e pacaktuar në të cilën zgjat moratoriumi. Dy drejtuesit kryesorë të PDSH-së, Arbër Xhaferri dhe Menduh Thaçi, dolën të shtunën publikisht me idenë e formësimit të shteteve etnike në Ballkan si më rezistente.

Zoti Xhaferri i tha Zërit të Amerikës, se do të hapë një debat brenda vendit dhe më gjerë në lidhje me perspektivat e shteteve shumëetnike. Zoti Xhaferri tha se debate të tilla happen që të mos shkojë puna deri tek përdorimi i armëve. Zoti Xhaferri vlerësoi se nuk ia vlen të mundohesh më me marrëveshjen e Ohrit, siç u shpreh ai, është njësoj si të mundohesh të ngresh gurin e Sizifit.

Duke hedhur poshtë edhe njëherë mundësinë e ndonjë koalicioni midis tij dhe ish-kryeministrit Lupco Georgievski, zoti Xhaferri tha se lufta i rrënoi mundësitë për koalicion me VMRO-DPMNE-në.

Nënkryetari Menduh Thaçi, tha gjithashtu se kishte ndërmend të punonte me institucione brenda dhe jashtë vendit, kombëtare dhe ndërkombëtare për idenë e formësimit të shteteve etnike në Ballkan, të cilat sipas tij, janë më rezistente.

Zoti Thaçi tha se besonte në suksesin e kësaj ideje dhe shtoi se do të përdorte metoda politike për ta arritur atë. Ai pohoi se bashkësia ndërkombëtare do t’i rezistonte një ideje të tillë, por shtoi se kishte argumenta të forta në favor të saj.

Arsyet e dorëheqjeve të zotërinjve Xhaferri dhe Thaci

Kryetari dhe nënkryetari I Partisë Demokratike shqiptare paraqitën dorëheqjet e tyre duke thënë se partia e tyre gjendet para dilemës: të ndërrojë politikën e saj e cila bazohet në idenë për ndërtimin e një shoqërie shumëetnike, tolerante dhe gjithëpërfshirëse, duke e zëvëndësuar me idenë për ndarje territoriale, ose të ndërrojë drejtuesit e partisë.

Kryetari I PDSH-së, Arbër Xhaferri tha në mbledhjen e kuvendit drejtues të partisë në Tetovë, se ndërrimi I kursit politik të PDSH-së është i rrezikshëm sepse bie ndesh me kursin global politik të komunitetit ndërkombëtar, por shtoi se ky kurs bie ndesh me tendencën historike që thërrmon formacionet shumëetnike shoqërore.

Zoti Xhaferri tha se bindjet e tij janë në përputhje me tendencën historike dhe shtoi se ato janë në kundërshtim me programin e PDSH-së. Duke theksuar se nuk dëshiron ta vërë partinë në kundërshtim me bashkësinë ndërkombëtare, zoti Xhaferri tha se shihte si rrugëdalje dorëheqjen.

Duke theksuar se marrëveshje e Ohrit nuk po zbatohet, zoti Xhaferri tha se pala maqedonase synon t’i shndërrojë të drejtat e parapara në këtë marrëveshje në të drejta të pashfrytëzueshme dhe synon ta vendosë partnerin e saj të koalicionit, BDI, në një pozitë inferiore.

Zoti Xhaferri theksoi se përpjekjet për ndërtimin e një shoqërie shumëetnike ishin të kota dhe se ardhmëria e shteteve shumëetnike është shumë e diskutueshme. Ai shtoi se partia e tij po përpiqet të parandalojë tendencat për ndarjen e Maqedonisë.

Tani është koha të vendosim nga duhet të shkojmë, tha zoti Xhaferri, duke shtuar se në Maqedoni nuk sheh gadishmëri për funksionimin e një shteti shumëetnik. Nënkryetari I partisë, Menduh Thaçi, i cili gjithashtu paraqiti dorëheqjen, tha se marrëveshja e Ohrit është një dokument i vdekur dhe se LSDM dhe BDI e kanë mbytur atë.

Zoti Thaçi hodhi poshtë mundësinë e ndonjë aleance me VMRO-DPMNE-në e ish-kryeministrit Lupco Georgievski, duke thënë se ata kërkojnë ndarjen nga shqiptarët, ndërkohë që shtoi se nuk ka shanse për ndonjë aleancë me LSDMN-në.

Ish-kryeministri Georgievski, kërkoi në një shkrim të tij të botuar në të përditshmen maqedonase Dnevnik, ndarjen e Maqedonisë, krijimin e një këshilli nacional maqedonas për ta realizuar këtë dhe përfshirjen e kishës ortodokse në realizimin e këtij projekti. Ai kërkoi që qytetet e Shkupit, Kumanovës, Strugës dhe Kërcovës, të mbrohen nga shqiptarët.

Drejtuesit e PDSH-së hodhën poshtë çdo lidhje midis kërkesës së zotit Georgievski për ndarje të Maqedonisë dhe zhvillimeve brenda Partisë Demokratike Shqiptare. Drejtuesit e PDSH thanë se vendimet e tyre nuk janë politike, nuk kanë të bëjnë me ekstremizma apo AKSH-në. Nënkryetari i PDSH-së, Menduh Thaci se partia e tij nuk po luftonte për tu kthyer në pushtet dhe se dëshironte të parandalonte krizën.

Kryetari i degës së PDSH-së në Tetovë ka dhënë dorëheqje
Tetovë, 19 prill - Daut Rexhepi i njohur si ish-komandant i Ushtrisë Çlirimtar Kombëtare me pseudonimin "Leka" gjatë kohës së konfliktit në Maqedoni, ka dhënë dorëheqje të parevokueshme nga posti i kryetarit të Degës së PDSH në Tetovë. Përmes një letre ai ka njoftuar Kryesinë e PDSH-së se dorëheqje jep për disa arsye: "Marrëveshja e Ohrit nuk po zbatohet, ligji për amnisti nëpërkëmbët, ndërkaq luftëtarët e UÇK-së janë bërë peng të vullneteve të tyre dhe të shtrënguar të ngujohen në ambiente që tash për tash janë të sigurta. Ndiehem i zhgënjyer nga këto procese stagnuese nga bartësit vendorë dhe vëzhguesit apatikë ndërkombëtarë, që në mënyrë të rrezikshme riciklojnë forma të vjetra të armiqësisë".
Zëdhënësi i PDSH-së ka vlerësuar se dorëhqeja e z. Rexhepi vjen në një çast shumë të rëndësishëm pasi u janë uzurpuar të gjitha të drejtat shqiptarëve.

Pjesëtarët e njësitit special "Luanët" kanë dorëzuar armët në bazën ushtarake të Krivollakut
Shkup, 19 prill - Pjesëtarët e njësitit special apo paramilitar siç janë quajtur "Luanët", tani të shpërbërë, dje kanë dorëzuar armët në bazën ushtarake të Krivollakut. "Luanët" i dorëzuan armët ngase sot përfundon afati ligjor. Qeveria e Shkupit dy muaj më parë urdhëroi shpërbërjn e këtij njësiti special që ishte formuar gjatë konfliktit të vitit 2001. Me vendimin e Qeverisë maqedonase rreth 600 pjesëtarë të këtij njësiti do të pranohen në forcat e rregullta të rendit.
Aktualisht veprimtaria e këtij njësiti është në qendër të debatit pas akuzave se ishin stërvitur nga njësia serbe e njohur me emrin "Beretat e kuqe" e përfshirë në vrasjen e ish-kryeministrit serb, Zoran Gjingjiq.

---

E premte, 18 prill, 2003
Lajme,shkurt:
-KFOR-i shënjestron “zonat dhe individët” që po kërcënojnë sigurinë
-Partnerët qeveritarë në Maqedoni kundërshtojnë idenë e Georgievskit për ndarjen e vendit
-Çoviqi lavdëron Steiner-in për kualifikimin e AKSH-së si terroriste
-Steiner përsëri vlerëson se AKSH është terroriste
-Steiner optimist për kthimin e pakicave në Mitrovicë
-Ministria e Tregtisë afatizoi hartimin e shtatë ligjeve
-Ibrahim Kodra njihet në pesë kontinente dhe aspak në Shqipëri
-Asfaltimi i rrugës së Hasit do të nisë nga fundi i majit, thotë ministri Morina
-Udhëheqja e "Emin Durakut" ia vë drynin e vet deposë së SHHB"Nënë Tereze" në Gjakovë
-Komisioni parlamentar për persona të humbur takohet me familjarë serbë
-Insuficienca e zemrës, sëmundje problematike edhe në Kosovë
-TMK themeloi në Ferizaj krosin tradicional "Vrapi i Lirisë"
-Bregdeti malazias dron për sezonin turistik edhe nga pasojat e luftës në Irak
-Qeveria dhe politikanët e Shqipërisë dënojnë ngjarjet në Zveçan e Pejë
-Mjekësia shqiptare u pasurua me librin "Urologjia"
-Në Mogillë ndërtohet shkolla e re multietnike dhe ujësjellësi
-OSBE mbështet idenë e Thaçit për moratorium
-Arrestohet polici i UNMIK-ut duke fotografuar Ambasadën e SHBA-ve në Shkup
-Steiner sjell rrymë nga importi dhe porosit paguani faturat
-Livoçasit, shqiptarë e serbë, ujësjellësin e shohin dhuratën më të madhe

---

E enjte, 17 prill, 2003

shkurt:

-Kryetari Rugova dhe PDK dënojnë aktin e dëmtimit të urës në Llozishtë
-Po zvoglohen nevojat e Kosovës për financim nga jashtë
-Shkatërrimi i urës ka qenë vepër individuale, thotë TMK
-Takimi i "fshehur" Ministri - Rektorat, sjell marrëveshje të pjesërishme
-Kuvendi miraton tri ligje të reja, dënon sulmin në afërsi të Zveçanit
-Një ligj trafiku për të gjithë qytetarët, thotë kryetari i Dardanës
-Këshilli Evropian shqyrton 5 opcionet për reformim në pushtetin lokal në Kosovë
-Samiti i Selanikut të shqyrtojë institucionalizimin e Kosovës, thotë Nano në Athinë
-KEK-u të ulë çmimin e rrymës dhe të punojë më mirë, nëse do inkasim, thonë konsumatorët
-Brenda një muaji Prishtina do të ketë tabelat me emrat përfundimtarë të rrugëve
-Mitrovica përpiqet ta përmirësojë infrastrukturën e saj
-Qendra spitalore "Isa Grezda" e Gjakovës mbetet pa repartin e Ortopedisë
-Parlamenti i Shqipërisë inkurajon përshpejtimin e negociatave me BE-në
-Temperaturat e ulëta shkatërrojnë kulturat bujqësore në Ulqin
-Disa pensionistë ferizajas akuzojnë kreun e shoqatës për keqpërdorime
-Nje delegacion gjerman interesohet për Ujëvarën e Mirushës
-Në Tetovë vritet një i ri me thikë
-Tre pjesëtarë të policisë dhe një qytetar pësuan lëndime në aksident trafiku
-Lirohet nga paraburgimi nënkryetari i Shoqatës së Veteranëve të Luftës
-Vitia bëhet me hartë pedologjike
-Dyfishohet numri i pacientëve me dializë në Prizren
-Në Gjakovë sheshohen format dhe mënyrat e privatizimit
-Steiner e shpall AKSH-në organizatë terroriste
-Ekspozita "Në Fushën e Lulëkuqeve" përkushtim për paqen
-Vazhdojnë aksionet për pastrimin e ambienteve

...më gjërësisht:

Thaçi: Moratoriumi është një projekt që dinamizon procesin e pavarësisë

PRISHTINE, 17 prill - "Sot në Kosovë nuk shtrohet dilema se kush është për pavarësinë apo për moratoriumin. Moratoriumi vetëm e afatizon kohën për zgjidhjen e çështjes së Kosovës. Ky projekt nuk është i orientuar kundër askujt, kundër asnjë spektri politik, por është një projekt që e dinamizon procesin e pavarësisë së Kosovës", ka deklaruar sot kryetari i Partisë Demokratike të Kosovës, Hashim Thaçi. Kryetari i PDK-së është shprehur i kënaqur për mbështetjen e komunitetit ndërkombëtar, por ai ka kërkuar një angazhim të përgjithshëm të vendorëve dhe marrjen e përgjegjësive për realizimin e standardeve. "Mirë është që kemi mbështetjen e komunitetit ndërkombëtar. Ne duhet të marrim përgjegjësinë, t'i realizojmë standardet perëndimore, sepse me standarde do të merremi para zgjidhjes së statusit, por edhe pas përfundimit të zgjidhjes së tij", përfundoi Thaçi.

TMK distancohet nga shpërthimi në Zveçan

PRISHTINE, 17 prill - Shtabi i Përgjithshëm i Trupave Mbrojtëse të Kosovës e ka dënuar ashpër aktin kriminal të dëmtimit të urës hekurudhore në afërsi të Zveçanit, dhe e vlerëson atë si një akt i cili dëmton rëndë imazhin e Kosovës dhe bart me vete pasoja të mëdha për gjithë procesin. Në të njëjtën kohë TMK-ja distancohet nga veprimet e individeve apo organizatave ilegale të cilat qëndrojnë prapa këtij akti të dënueshëm dhe të gjithë atyre qe inkurajojnë, mbështesin dhe financojnë veprime të tilla.
“Fatkeqësisht, duke u mbështetur në të dhënat e familjes dhe faktin e mungesës disaditëshe në punë të pjesëtarit të Zonës se IV-të Hamëz Behrami, ekziston dyshimi i bazuar se ky pjesëtar ka vdekur në shpërthimin e së shtunës, të ura hekurudhore në afërsi të Zveçanit dhe se është i implikuar në këtë ngjarje. TMK-ja e vlerëson këtë si vepër individuale, e cila në asnjë mënyrë nuk ka të bëjë me institucionin. Por, dyshimi për mundësinë e përfshirjes se një pjesëtari të TMK-së në veprimet e ndonjë organizate ilegale pavarësisht se është përgjegjësi individuale, e dëmton shumë edhe institucionin e TMK-së”, thuhet në një njoftim zyrtar të Shtabit të Përgjithshëm.
Në këtë njoftim mes të tjerash thuhet: “TMK-ja është insitucion vital i Kosovës i krijuar me mund dhe sakrifica të mëdha dhe askush nuk ka të drejtë që më veprimet individuale që bien ndesh me ligjin dhe Kodin Disiplinor ta rrezikojë zhvillimin normal, imazhin pozitiv dhe mbështetjen e popullit të Kosovës dhe bashkësisë ndërkombëtare që sot e gëzon TMK-ja”.
“Ne duam të sigurojmë opinionin vendas dhe atë ndërkombëtar se TMK-ja si institucion nuk ka kurrfarë lidhjesh me ndonjë organizatë ilegale dhe se pjesa dërrmuese e pjesëtarëve të saj janë të preokupuar vetëm me zhvillimin dhe avancimin e TMK-së, duke qenë të bindur se në këtë mënyrë e ndihmojnë më së shumti TMK-në dhe Kosovën”, shkruhet në njoftim.
“Sidoqoftë, ne nuk mohojmë që, një pjesë të përgjegjësisë për mundësinë e përfshirjes se ndonjë pjesëtari të TMK-së në ndonjë organizate ilegale e bart edhe zinxhiri komandues i TMK-së për moszbulimin dhe pengimin më kohë të këtyre rasteve individuale. Por nuk duhet anashkaluar faktin se në këtë fushë, zinxhiri komandues i TMK-së është shumë i hendikepuar sepse TMK-ja nuk ka kompetenca për të hetuar aktivitetin e pjesëtarëve të vet, nuk ka instrumentet e nevojshme dhe nuk ka përvojën e duhur në fushën e zbulimit. Ne do të bëjmë të gjitha përpjekjet e mundshme për të hetuar dhe identifikuar individë brenda TMK-së që në çfarëdo forme janë përfshirë në aktivitete apo ndonjë në ndonjë organizatë ilegale dhe ata menjëherë do t’i largojmë nga TMK-ja”, thuhet në njoftimin e Shtabit të Përgjithshëm të TMK-së.
TMK-ja gjithashtu fton popullin e Kosovës, bashkësinë ndërkombëtare dhe të gjitha institucionet të qëndrojnë pranë TMK-së, të mos e humbasin besimin në këtë institucion të rëndësishëm për Kosovën dhe ta ndihmojnë atë për të arritur standartet dhe vlerat universale që ajo synon.

Përsëri protestë në Deçan për lirimin e pjesëtarëve të ish-UÇK

DECAN, 17 prill - “Liri për çlirimtarët, stop burgosjeve të ushtarëve të ish-Ushtrisë Çlirimtare të Kosovës”. Kjo ishte kërkesa e protestës së sotme në Deçan. Sipas përfaqësuesve të këshillit organizativ të protestës, për çdo lloj tejkalimi të situatës në vend, përgjegjës do të jenë institucionet vendëse dhe ndërkombëtare.
Në këtë protestë, të 51-tën me radhë, ishin ftuar të marrin pjesë edhe përfaqësues të institucioneve vendëse dhe ndërkombëtare për t’iu shpjeguar protestuesëve për hapat të cilat do t’i marrin për t’i ndaluar këto arrestime.
Zyrtarë të këshillit organizativ të protestës kërkuan me këtë rast nga institucionet vendase dhe ndërkombëtare që të angazhohen më shumë për realizimin e kërkesës së tyre. Në fund protestuesit u shpërndanë të qetë.

AKSH: Shtajner nuk ka kompetencë të na quajë terroristë

PRISHTINE, 17 prill - Një përfaqësues i Armatës Kombëtare Shqiptare (AKSH) deklaroi se kryeadministratori i Kosovës Mihael Shtajner nuk ka kompetencë të shpallë si "terroriste", organizimet politike që kane nje platformë të shpallur dhe që synojnë të arrijne me mjete politike qëllimin e tyre, qëllim i cili mbështetet në normat juridike ndërkombetare, në karta të rendesishme nderkombetare.
Sipas përfaqësuesit të AKSH, i prezantuar si Alban Vjosa në faqen e vet të internetit, AKSH nuk kishte për qëllim rrezikimin e jetëve të njerezve, gjatë aksionit të organizuar në Urën e Mitrovicës.
"AKSH e bëri aksionin pikerisht ne atë orë të natës ku nuk kishte as një këmb njeriu tek Ura. Aksioni ishte sinjifikativ, i mirëfilltë politik. Me këtë aksion ne i thamë faktorit ndërkombëtar, dhe zotit Shtajner, se do t'i nderpresim "urat e lidhjes" me Beogradin dhe do e lidhim Mitrovicën Veriore, këtë truall shqiptar me Shqipërinë, gjakun tonë", shprehet Vjosa.
Sipas AKSH, "ky aksion ka për qëllim t'i bëjë të ditur faktorit nderkombetar dhe zotit Shtajner, se ka ikur koha kur ligji i xhunglës i jepte dhuratë për shërbime, për mbretër dhe perandorë, për interesa të politikes shoviniste grabitqare, trojet shqiptare. Ky akt i paprecedent duhet koregjuar".
Vjosa kërkon që "Shtajner dhe i gjithe faktori i pergjegjshem ndekombetar të binden se nuk mund të bëhet terrorist një popull i tërë prej afro 15 milionë shqiptarësh, që jetojnë në të gjithë botën, vetëm e vetëm sepse duan të çlirojne trojet e tyre te okupuara nga kolonizatorët serbo-sllavomaqedon dhe t'i bashkojnë ato me shtetin e tyre amë, Shqipërinë.
Ai siguron, Fronti i Bashkuar Kombëtar Shqiptar (FBKSH) ka luftuar, lufton dhe do të luftojë me te gjitha mjetet politike për të hedhur tej zgjedhën koloniale. Këtë e bëjmë sepse kemi me vete Karten e OKB per te drejtet dhe liritë e njeriut, në emër të së drejtës së vetvendosjes së popujve qe te jene te lire, te pavarur dhe te organizohen sipas vullnetit te tyre.
Vjosa siguroi se AKSH vepron vetëm në ato troje të okupuara dhe kolonizuara shqiptare, ku janë të vendosura uniformat e ushtrise dhe paramilitarët serbë, maqedonë dhe malazezë. Sipas tij, ku vepron KFOR-i, AKSH nuk vepron. "AKSH, si nje strukture teper e organizuar, e disiplinuar dhe e udhëhequr politikisht nga nje strukturë si FBKSH, që është bashkim forcash politike, atdhetare dhe intelektuale, do të dijë si të veprojë dhe kurrë nuk do te jetë terroriste. Ajo do te parandalojë terrorizmin e ri që po i përgatitet popullit dhe kombit shqiptar, ajo ka qene dhe do mbetet perkrah koalicionit botëror antiterrorist të udhehequr nga SHBA", tha Vjosa.

Shtajner e shpall AKSH-në organizatë terroriste

PRISHTINE, 17 prill - Shefi i UNMIK-ut Mihael Shtajner e ka shpallur sot Armatën Kombëtare Shqiptare (AKSH) si organizatë terroriste. Shtajner ka publikuar sot një akt administrativ me anë të të cilit AKSH-në, e cila mori përsipër shkatërrimin e urës hekurudhre në 12 prill afër Zveçanit, e konsideron si organizatë të jashtëligjshme. Në aktin e publikuar thuhet se materiali propagandistik dhe faqja e AKSH-së në internet manifeston qartë synimin e saj që objektivat t'i arrijë përmes forcës dhe dhunës. “Në bazë të rregulloreve të UNMIK-ut për terrorizmin kjo organizatë shpallet terroriste”, thuhet në aktin që e publikoi sot Shtajner.

Kuvendi i Kosovës, Qeveria, Rugova, Thaçi dhe Haradinaj dënojnë aktin terrorist afër Zveçanit

PRISHTINE, 17 prill - Kuvendi i Kosovës, Qeveria, Presidenti i Kosovës Ibrahim Rugova, kryetari i Partisë Demokratike të Kosovës, Hashim Thaçi dhe ai i Aleancës për Ardhmërinë e Kosovës, Ramush Haradinaj e kanë dënuar fuqishëm aktin terrorist të shpërthimit të urës hekurudhore pranë Zveçanit.
Shefi i UNMIK-ut Mihael Shtajner dhe komandanti i KFOR-it Fabio Mini i kanë drejtuar sot një letër Kuvendit të Kosovës ku kërkojnë nga deputetët që të dënojnë aktin e shkatërrimit të urës hekurudhore afër Zveçanit më 12 prill. Kryetari i Kuvendit Nexhat Daci pasi i njoftoi deputetët me këtë letër në fillim të seancës shpjegoi se kjo është një çështje e rëndësishme dhe se qëndrimi i Kuvendit për aktet e tilla të dhunës dihet: Të gjithë deputetët e Kuvendit të Kosovë i dënojnë këto lloj aktesh terroriste.
Qeveria e Kosovës dënon fuqishëm të gjitha aktet e dhunës, të cilat kohëve të fundit kanë ndodhur në Kosovë, përkatësisht dënon sulmin ndaj pjesëtarëve të familjes Selimaj në të cilën humbën jetën Ilir dhe Feride Selimaj dhe u plagosën tre anëtarë të tjerë të familjes Selimaj, si dhe dënon aktin e shpërthimit në urën hekurudhore në Llozishtë. Me këtë rast, Qeveria e Kosovës kërkon nga organet e rendit që të angazhohen maksimalisht për identifikimin dhe kapjen e kryerësve të veprave të këtilla që tronditur rajonin opinionin kosovar. Gjithashtu Qeveria e Kosovës i dënon edhe të gjitha format e organizimeve ilegale, qofshin ato të karakterit ushtarak apo politik dhe në të njëjtën kohë kërkon me këmbëngulje nga faktorët përgjegjës për sigurinë në Kosovë që me vendosmëri të plotë të ndërmarrin masat për parandalimin dhe shuarjen e organizimeve në fjalë. Qeveria shpreson se KFOR-i dhe UNMIK-u, si faktorë me përgjegjësi të plotë për çështjet e sigurisë në Kosovë, sa më shpejt do të sqarojnë rrethanat e akteve të këtilla ilegale e të rrezikshme dhe të cilat janë në kundërshtim me objektivat e administratës ndërkombëtar dhe të institucioneve vendore.
Presidenti Rugova e ka quajtur sot dëmtimin e urës hekurudhore afër Zveçanit akt terrorist të drejtuar kundër stabilitetit në Kosovë. Në deklaratën e Presidentit thuhet: “E dënojmë ashpër aktin terrorist që u krye me shpërthim eksplozivi mbi urën hekurudhore afër Zveçanit. Ky akt drejtohet kundër stabilitetit dhe progresit të përgjithshëm në Kosovë. Presim nga autoritetet për zbatim të ligjit që të hetojnë rastin dhe të sjellin ata që janë përgjegjës për këtë akt para drejtësisë”, thuhet në deklaratën e Presidentit Rugova.
“Partia Demokratike e Kosovës dënon fuqimisht aktin kriminal të vrasjes së Ilir dhe Feride Selimajt dhe plagosjen e tre të tjerëve, si dhe aktin tjetër kriminal të shpërthimit në urën hekurudhore në Llozishtë”, thuhet në një komunikatë të kësaj partie. PDK-ja këto akte i cilëson si të të papranueshme dhe të dënueshme për shoqërinë dhe institucionet e Kosovës. “Jemi thellësisht të bindur se qytetarët e Kosovës së bashku me organet kompetente të rendit dhe të sigurisë do të dinë t’iu kundërvihen dhe t’i parandalojnë aktet e tilla”, citohet në komunikatën e nënshkruar nga kryetari i PDK-së, Hashim Thaçi.
Edhe në një komunikatë të Aleancës për Ardhmërinë e Kosovës thuhet se aktet kriminale në Pejë dhe ai në fshatin Llozishtë, janë vazhdimësi e akteve të tjera, të ngjashme, të cilat janë duke shërbyer për destabilizimin e përgjithshëm të Kosovës dhe, në veçanti, për të krijuar ndjenjën e pasigurisë për jetë te qytetarët e Kosovës. “Aleanca për Ardhmërinë e Kosovës i siguron qytetarët e Kosovës se politika e saj do të jetë, si gjithëherë, e pamëshirshme ndaj kriminelëve të çfarëdolloji qofshin ata dhe do të jetë deri në fund e përkushtuar për krijimin e shtetit demokratik e ligjor të Kosovës”, thuhet në komunikatën e AAK-së.
Edhe kryetari i "Këshillit Nacional Serb", Momçillo Trajkoviq e ka përshëndetur sot vendimin e shefit të UNMIK-ut, Mihael Shtajner që “Armatën Kombëtare Shqiptare” (AKSH) ta shpallë organizatë terroriste.

Policia ndalon motrën e njërit prej të dyshuarve për shpërthimin pranë Zveçanit

PRISHTINE, 17 prill - Sipas deklaratës së Merisha Gashit - Berishës, të dhënë në zyrën e Këshillit për Mbrojtjen e të Drejtave dhe Lirive të Njeriut në Prishtinë, motra e saj Pranvera Musli Berisha (1978) nga Prishtina, studente, pas përfoljes së emrit të vëllait të saj, Islam Berishës si njëri ndër të vrarët gjatë minimit të urës në Zveçan (të dhënë në faqen e AKSH-së në internet) është nisur më 14 prill në drejtim të Mitrovicës për të kërkuar vëllain e saj. Në orët e mbrëmjes së 14 prillit Pranvera është arrestuar nga policia dhe momentalisht ende gjendet në paraburgim në burgun e Mitrovicës, prej nga është lajmëruar me telefon. Motra e saj, Merisha, ka deklaruar se në shtëpi nuk e dinë se Pranvera ka shkuar në Mitrovicë më 14 prill, por theksojnë se ajo nuk është në gjendje të mirë shëndetësore. Ndërkohë, më 15 prill, ushtarët e KFOR-it dhe policët, për 4 orë rresht, kanë bastisur shtëpinë e familjes Berisha në lagjen “Kalabria” (ish-Emshiri) në Prishtinë, me ç’rast janë marrë gjësende të ndryshme: fotografi (një pjesë e tyre janë kthyer), disa shënime, fletore, kaseta dhe një kompjuter “laptop”. Gjithashtu, anëtarët e familjes Berisha janë marrë në pyetje nga KFOR-i dhe policia. Ndërsa, nga vëllai i Islamit, Bajram Berisha, është marrë gjaku për identifikimin e mundshëm të vëllait të tij, thuhet në një njoftim të KMDLNJ-së.

Policia identifikon një nga vrasësit në Pejë

PEJE, 17 prill - Sipas komandantit rajonal të policisë së UNMIK ut në Pejë, tashmë është identifikuar njëri nga pjesëmarrësit e vrasjes së dyfishtë në Nabërgjan të Pejës. Ky është Adem Elshani nga Peja. Policia u ka bërë thirrje qytetarëve që çdo informacion që kanë për vendodhjen e tij ta njoftojnë policinë, qoftë edhe me kusht anonimiteti. Komandanti i policisë rajonale Bob Riçards ka deklaruar se i dyshuari ka një të kaluar kriminale. Riçards ka shtuar se ekziston mundësia që persona të njëjtë të kenë vrarë edhe Tahir Zemajn, pasi që të dy viktimat, Tahir Zemaj dhe Ilir Selimaj, kanë qenë dëshmitarë në procesin gjyqësor kundër "Grupit të Dukagjinit

---

E marte, 15 prill, 2003

Në Union, Kosova dhe Shqipëria do të ishin dy shtete të pavarura
Prishtinë, 15 prill, 2003 -  “Arsyeja kryesore që na shtyri të punojmë në krijimin e Unionit Shqipëri-Kosovë është forcimi i pozicionit të Kosovës, por edhe të Shqipërisë dhe të hapësirës shqiptare në përgjithësi, si në planin e brendshëm ashtu edhe në atë të jashtëm. Në Union Shqipëria dhe Kosova do të ishin dy shtete të pavarura”,- thotë ndër të tjera në një intervistë për “Kosovapress”-in, Emrush Xhemajli, kryetar i Lëvizjes Popullore të Kosovës.

UNIKOMB angazhohet për shtet të pavarur të Kosovës
Prishtinë, 15 prill, 2003 - Partia e Unitetit Kombëtar Shqiptar, mbetet pranë qëndrimeve të veta dhe pranë vijës së vet politike, pavarësisë, kështu u tha sot në një konferencë për media nga prijësit e partisë.
UNIKOMB –i është për shtet të pavarur dhe Sovran të Kosovës me aspiratë për bashkimin kombëtar. Sipas kryetarit Muhamet Kelmendi, kjo është e domosdoshme të realizohet ngase vetëm në atë mënyrë mund të plotësohen standardet e kërkuara nga UNMIK-u. 

Qindra mitrovicas nisen për në Kukës
Mitrovicë, 15 prill,2003 - Disa qindra qytetarë janë mbledhur të martën në Sheshin e Jasharajve në Mitrovicë, për të filluar marshimin e katërt me radhë për në Kukës të Shqipërisë, duke përkujtuar eksodin e madh të shqiptarëve që ishte bërë nga forcat ushtarake, policore e paramilitare serbe në vitin 1999.

Sikur të kishte pasur çmim Nobel për liri, ai do t`i takonte familjes Jashari
Prishtinë, 15 prill, 2003 Në librin ``Përtëritja``, të autorit Bedri Tahiri, stili i tregimeve është mjaf i qëlluar, ku autori përdorë gjuhë të pastër dhe e bën portretizimin e personazheve me mjeshtëri të rrallë. Mjafton të shikohet takimi i Bernard Kushnerit në Prekaz me Rifat Jasharin, i cili u shpreh: “Dua të them një të vërtetë të madhe. Prekazi lëvizi gjithë mekanizmat botërorë, që ndikuan për të vepruar konkretisht dhe sikur të kishte pasur çmim Nobel për liri, atëherë ai do t`i takonte familjes Jashari``.

 

 

Qeveria e Kosovës mori pjesw në konferencën për parandalimin e korrupsionit
Prishtinë, 15 prill, 2003 - Zyra për Qeverisje të Mirë e kryeministrit ka marrë pjesë në konferencën ndërkombëtare për parandalimin e korrupsionit, që është mbajtur nga data 10 deri më 12 prill në Bukuresht, të cilën ishte organizuar Instituti i Administratës Publike për Evropën Juglindore në bashkëpunim me Këshillin e Evropës.

  Zyra e SHBA-ve dënon vrasjen e dyfishtë të Ilir dhe Feride Selimajt
    Prishtinë,15 prill, 2003 -  Z. Rino Harnish, shefi i misionit të Zyrës së SHBA-ve në Prishtinë, dënoi fuqimisht vrasjen e dyfishtë të Z. Ilir Selimaj dhe kushërirës së tij Feride Selimajt
     Rino Harnish ka deklartuar se edhe një herë, në mënyrë gjakftohtë u vra një dëshmitar i një gjykimi për vrasje. Ende nuk është vërtetuar se a është kjo vrasje e lidhur me gjykimin në të cilin dëshmoi z.Selimaj, por mbetet fakti se vetëm në katër muajt e fundit kjo është hera e dytë që në rajonin e Pejësvriten dëshmitarët e gjykimeve për vrasje, me gjakftohtësi dhe në prita të planifikuara me kujdes"
  "Këto vrasje aq të pamëshirshme - ku në cak janë vënë edhe fëmijët, duke shpërfillur jetën njerëzore në mënyrë të pandjenjë - duket se kanë për qëllim terrorizimin e bashkësisë më të gjërë të Kosovës dhe minimin e sundimit të ligjit. Vrasjet e tilla nuk bëjnë vetëm eliminimin e dëshmitarëve dhe frikësimin e tjerëve që të mos dëshmojnë kundër elementeve kriminale të Kosovës, por ato poashtu e pengojnë Kosovën në arritjen e standardeve që ajo duhet t'i plotësojë para se të mund të diskutohet për statusin përfundimtar". "Fakti që vrasës të tillë janë të gatshëm që qëllimisht të sulmojnë edhe fëmijët dhe anëtarët e familjes, pikërisht sikurse në janar kur u vra Tahir Zemaj bashkë me djalin dhe nipin e tij, flet shumë për vlerat të cilat i përfaqësojnë këta vrasës të njerëzve të pafajshëm. Edhe një herë, është e qartë se në shoqërinë kosovare ka elemente, vlerat e të cilëve përfshijnë dhunën dhe frikësimin si mjete legjitime të të shprehurit në Kosovën e pasluftës". Thuhet ndër të tjera në deklaratën e shefit të zyrës amerikane Rino Harnish.

Në IRJM proces gjyqësor ndaj dy kosovarëve
Shkup, 15 prill, 2003 - Sot në Shkup ka vazhduar seanca gjyqësore ndaj dy kosovarëve të cilët nga gjykatat maqedonase akuzohen për “terrorizëm” dhe se gjoja janë pjesëtarë të AKSH-së.

Policia e UNMIK-ut: Vrasja e dyfishtë në Pejë hakmarrje
Prishtinë, 15 prill, 2003 - Në lidhje me vrasjen e dyfishtë dhe plagosjen e tre personave afër fshatit Nabërgjan të Pejës, policia e UNMIK-ut është duke i zhvilluar hetimet, u tha në takimin e sotëm për media të policisë së UNMIK-ut. Sipas policisë së UNMIK-ut kjo vrasje mund të ketë motive hakmarrjeje, për shkak se njëri nga të vrarët ka qenë dëshmitar në një proces të mëparshëm. Bëhet fjalë për procesin kundër pesë ish-pjesëtarëve të UÇK-së të ashtuquajturit "Grupi i Dukagjinit" që u zhvillua në vitin e kaluar, deklaroi zëdhënësi i policisë.

---

E hënë, 14 prill, 2003

Barber: Për zgjidhjen e statusit përfundimtar të Kosovës
duhet punuar fuqimisht
Prishtinë, 14 prill 2003 - Time: 16.15
 Shkëmbimi i opinioneve rreth zhvillimeve në Kosovë dhe mundësia e bashkëpunimit ndërmjet dy vendeve, ishte tema që u diskutua në takim ndërmjet kryetarit të Partisë Demokratike të Kosovës, Hashin Thaçi dhe shefit të Zyrës kanadeze në Prishtinë, Shon Barber.

 

Trajkoviç: Moratoriumi, nismë e rrezikshme për Serbinë

PRISHTINE, 14 prill - “Nisma e kryetarit të Partisë Demokratike të Kosovës, Hashim Thaçit që të shpallet moratoriumi për vendosjen e statusit përfundimtar të Kosovës, është mjaft e rrezikshme dhe ndaj saj duhet të reagojmë shpejt dhe me vendosmëri”, deklaroi Rada Trajkoviç, deputete e Koalicionit “Kthimi” në Kuvendin e Kosovës. Sipas saj, kryeadministratori Mihael Shtajner jetën e vet private ia ka nënshtruar realitetit politik në Kosovë dhe në vend të Kofi Ananit, si epror të vetin ka filluar të ketë Thaçin, kryetarin e Partisë Demokratike të Kosovës. “Pasojat e kalimit të autorizimeve nga UNMIK-u në institucionet e përkohshme në Kosovë do të shënonin humbje për interesin e Serbisë në Kosovë”, tha Trajkoviç.

Përcillen për në Kuvajt Trupat Komando;
Moisiu: Ju keni krenarinë dhe përgjegjësinë tonë

TIRANE, 14 prill - Eshtë zhvilluar sot në sheshin "Skënderbej" ceremonia e përcjelljes së trupave shqiptare Komando drejt bazës amerikane në Kuvajt. Në ceremoni kanë marrë pjesë personalitetet më të larta të vendit, presidenti Alfred Moisiu, kryeministri Fatos Nano, ministri i Mbrojtjes Pandeli Majko, ambasadori i SHBA-së në Tiranë, Xhejms Xhefri etj. “Ju keni mbi supe krenarinë tonë dhe përgjegjësinë e një misioni të rëndësishëm”, iu drejtua komandove presidenti Moisiu. Ndërsa kryeministri Nano tha se është nder për Shqipërinë, që ndodhet përkrah forcave të koalicionit ndërkombëtar, që po lufton në Irak. Sipas ministrit Majko, "zgjedhja jonë ishte të qëndronim pranë forcave progresiste". Ambasadori amerikan Xhefri i ka falënderuar në shqip shqiptarët për qëndrimin e mbajtur në këtë konflikt dhe u ka uruar kthim sa më të shpejtë komandove, që do të bashkohen me forcat e tjera të koalicionit antiterrorist. 

Shtyhet shpallja e fituesit të tenderit për aviokompaninë e Kosovës
Prishtinë, 14 prill - Ndonëse pritej që të bëhet sot e ditur se kush do të jetë fituesi i tenderit për aviokompaninë e Kosovës, kjo nuk u bë meqenëse komisioni përeklatës nuk e ka përfunduar punën. Ministri i Transportit dhe komunikacionit Zef Morina, tha se fituesi i tenderit për aerotransportuesin vendor do të shpallet brenda 2-3 ditësh meqë komisioni shqyrtues ende nuk e ka përfunduar punën. Morina ishte kategorik se fjala ishte për kohën e shkurtër pse komisioni nuk e ka kryer punën dhe nuk ka asgjë tjetër. Do të fitojë një prej katër konkurrusve, në nazë të numrit të pikëve të fituara, tha ai, duke hedhur poshtë spekulimet që mund të bëhen për shyrtjen e marrjes së vendimit.
Zëdhënësja e shtyllës së katërt të UNMIK-ut Monikë Degrud theksoi se procesi i shpalljes së fituesit do të bëhet pas fazës së shqyrtimit të procedurave që janë paraparë në tender. “Procesin e ngadalësimit të komisionit të shtyrtimit nuk e shohim si vonesë. Kjo është një procedurë që duhet pritur sepse janë tri komisione që përfshihen, duke filluar nga komisioni vlerësues që ka përfunduar punë, komisioni shqyrtues që është duke punuar dhe komisioni i shpalljes së fituesit”, tha Degrut.
Ajo tha se qytetarët duhet të presin sepse ky proces është në interes të tyre që komisioni shtyrtues të përfundojë me efikasitet punën. Zëdhënësja e UNMIK-ut nuk pranoi që vonesa e shpalljes së fituesit të jetë bërë ngaqë shefi i Shtyllës së Katërt të UNMIK-ut Endi Berpark nuk gjendet në Kosovë.
“Hamburg International” dhe “Kosova Airëays” do ta vazhdojnë garën për firmën e avikompanisë së parë kosovare. Avikompanitë “JAT” e “Adria Airëays” janë eleminuar nga komisioni përkatës. Aviokompania e parë kosovare pritet t’i sjellë 20 milionë euro buxhetit të konsoliduar të Kosovës.

Zbulohen bustet e dëshmorëve Pajazit Ahmeti e Alban Ajeti në Gjilan

GJILAN, 14 prill - Në kuadër të ditëve të manifestimit kushtuar betejës së Zhegovcit, sot në Gjilan, në komandën e Zonës së 6-të të Trupave Mbrojtëse të Kosovës, u zbuluan bustet e dëshmorëve Pajazit Ahmeti e Alban Ajeti, të cilët ranë para katër vitesh, në përleshje të armatosur me forcat serbe. Bujar Nevzati nga Këshilli organizativ për shënimin e këtij përvjetori tha se "një ditë do të shkojmë të gjithë ne nga kjo botë, por jo të gjithë do të lëmë pas vete vepra si Paja e Albani, të cilët u flijuan për lirinë e Kosovës". Ndërkaq, ish-komandanti i Zonës Opertaive të Karadakut, Ahmet Isufi, tash ministër i punës dhe mirëqenies sociale tha se Kosova po ndërton për çdo ditë vlera të reja, duke e realizuar kështu idealin për të cilin ranë Paja, Albani dhe dëshmorët e tjerë. Zbulimin e busteve e bënë ish-komandanti i ZOP të Karadakut, Ahmet Isufi, komandanti i Zonës së 6-të të TMK-së, koloneli Imri Ilazi si dhe prindërit e dëshmorëve Ahmeti e Ajeti, ndërsa pjesëmarrësit bënë nderime. Nderime bëri edhe një delegacion i komunës.

Në Maqedoninë Perëndimore po nënshkruhet një peticion për lirimin i shqiptarëve të rrëmbyer nga policia maqedonase
Shkup, 14 prill - Në të gjitha qytetet e Maqedonisë Perëndimore është duke u nënshkruar një peticion me të cilin kërkohet lirimi i shqiptarëve të rrëmbyer nga policia maqedonase gjatë konfliktit të armatosur në Maqedoni. Në këtë peticion përveç të dhënave për personat e rrëmbyer janë prezentuar edhe dëshmi të dëshmitarëve okularë se ata janë rrëmbyer nga policia maqedonase. Ky peticion do t'u dërgohet të gjitha institucioneve vendore dhe ndërkombëtare me qëllim që të ushtrojnë presion në Qeverinë e Maqedonisë që të ndriçojë fatin e shqiptarëve të rrëmbyerve në Maqedoni.

---

E dielë, 13 prill, 2003

- Komunikata e plotë e AKSH, shpërndarë mediave:

AKSH MERR PËRSIPËR HEDHJEN NË ERË
TE URËS HEKURUDHORE NË MITROVICËN VERIORE

Mbrëmë në mesnatën e datës 12 prill 2003 në vendin e quajtur Lozishte afër Zveçanit në Mitrovicë, në pjesën veriore të Kosovës, forcat speciale të Divizionit "Adem Jashari" kanë hedhur në erë urën metalike hekurudhore që lidh këtë pjesë të okupuar shqiptare me Beogradin. Mitrovica është truall shqiptar dhe ne nuk do të lejojmë më që ajo të mbahet ende e okupuar nga serbët. AKSH ka vendosur që t'i ndërpresë të gjitha lidhjet e trojeve shqiptare me Beogradin.
Njoftojmë me keqardhje dhe dhimbje të thellë, se në këtë aksion të vështirë dhe tepër sinjifikativ, kanë mbetur të vrarë në krye të detyrës dy luftëtarë të lirisë të AKSH. Ka ardhur koha që faktorët relevant ndërkombëtar, posaçërisht ata që veprojnë në Kosovë, të korigjojnë fajin e bërë me dorëzimin misterioz të Mitrovicës Veriore në duart e pushtetit serb pikërisht pas mbarimit të luftës të fituar nga ish-UCK dhe aleatja e saj NATO. Ka ardhur koha që t'u kthehen shqiptarëve 2500 hektar tokë të Shqipërisë Etnike të cilat pushteti gjenocidist i Serbisë ia "fali" pushtetit artificial të IRJM. Ka ardhur koha që faktorët relevant nderkombëtar të dëgjojnë zërin e arsyes se shqiptarët, në trojet e tyre etnike shekullore, janë të vendosur dhe të gatshëm të bëjnë çdo sakrifice për ribashkimin e kombit të tyre në një shtet të vetëm në Ballkan

Zëdhënësi i Shtabit të Divizionit "Adem Jashari"

Kolonel Ilir Duraku

Një i vdekur nga shpërthimi në Zveçan
Prishtinë, 13 prill, 2003 - Zyrtarët e policisë së UNMIK-ut njoftuan se përveç shpërthimit të fuqishëm, që shkatërroi urën hekurudhore në vendin e quajtur Lozishtë në afërsi të Zveçanit, janë gjetur edhe pjesët e trupit të një njeriu. Mendohet se personi ka mbetur i vdekur nga shpërthimi. Sipas zëdhënësit të Shërbimit Policor të Kosovës, në rajonin e Mitrovicës, Besim Hoti, hetimet e para flasin se shkatërrimi i urës është bërë në mënyrë të qëllimshme.

Shtajner përkrah idenë e moratoriumit
Prishtinë, 13 prill, 2003 - Kryeadministratori i Kosovës Mihael Shtajner ka përkrahur idenë për një moratorium të përkohshëm mbi statusin përfundimtar të Kosovës. Këtë mbështetje z. Shtajner e ka bërë pas një takimi me kreun e PDK-së Hashim Thaçi në selinë e UNMIK-ut. "Moratoriumi i z. Thaçi do të na lejonte të përqëndroheshim në çështjet me interes për qytetarët, si zhvillimi ekonomik e çështje të tjera", tha z. Shtajner, duke e quajtur këtë një ide konkrete dhe që ndihmon procesin e përgjithshëm të zhvillimit të Kosovës, siç është ekonomia, hapja e më shumë vendeve të punës, çështja e privatizimit dhe lufta më efektive ndaj krimit të organizuar.

Vazhdon nënshkrimi i peticionit për lirimin e shqiptarëve
IRJM, 13 prill, 2003 - Shqiptarët në ish-Republikën Jugosllave të Maqedonisë vazhdojnë të nënshkruajnë peticionin për lirimin e shqiptarëve të kidnapuar nga policia maqedonase gjatë konfliktit të armatosur në këtë vend

SHBA - Sirisë: Mos i mbani përkrahësit e Sadamit
Uashington, 13 prill, 2003 - Për herë të dytë brenda disa ditësh SHBA ka paralajmëruar Sirinë të mos i lejojë të rrinë në Siri përkrahësit e Sadamit. Në një intervistë për BBC-në, sekretari amerikan i shtetit Colin Pouell tha që Damasku duhet të jetë gati të dorëzojë çdo të arratisur nga Bagdadi nëse kundër tyre do të kishte akuza. Paralajmërimi i zotit Pouell pason atë të presidentit Bush

Demaçi: Të nisin bisedimet për statusin e Kosovës
Beograd, 13 prll, 2003 - Në Beograd po mbahet takimi ndërkombëtar me temën "Patriotizmi i ri", ku po marrin pjesë përfaqësues të organizatave joqeveritare, specialistë të kulturës dhe shkencës nga vendet e rajonit dhe bota. Duke e quajtur këtë takim si shumë të qëlluar, sepse po nis një temë tejet të rëndësishme, Adem Demaçi, veprimtar nga Kosova, tha se për zgjidhjen e qëndrueshme të problemeve në rajon duhet të respektohen interesat dhe synimet si të pakicave, edhe të shumicës. Duke i hedhur një vështrim konfliktit të gjatë shqiptaro-serb dhe statusit të pazgjidhur të Kosovës, Demaçi tha se është e nevojshme që sa më parë të fillojnë bisedimet dhe veprimet konkrete në mënyrë që kjo çështje të zgjidhet njëherë e përgjithmonë. Sepse tha ai vetëm në këtë mënyrë është e mundshme edhe zgjidhja e qëndrueshme e problemeve ndëretnike. Duke u përpjekur ta përkufizojë nocionin "patriotizmi i ri" në shtetet e rajonit, zoti Demaçi tha se ky duhet të jetë "patriotizmi evropian", përmes së cilit pavarësisht nga problemet kombëtare, do të zgjidheshin edhe shumë probleme ekonomike e kulturore.

Maqedoni: Merr fund greva e urisë e familjarëve për lirimin e ish-anëtarëve të UÇK

TETOVE, 13  prill,  2003 Familjarët e pjesëtarëve të UÇK-së të cilët ndodhen në burgjet maqedonase, dje e ndërprenë grevën e urisë pas premtimeve se të afërmit e tyre do të lirohen së shpejti. Kryetari i Bashkimit Demokratik për Integrim, Ali Ahmeti dje u premtoi familjeve të të burgosurve se ish-anëtarët e UÇK-së Krenar Osmani dhe tre shqiptarët tjerë brenda dhjetë ditësh do të lirohen nga burgu.

---

E shtunë, 12 prill, 2003

Kosovë: Shpërthim i fuqishem në veri, pjesët e një kufome gjenden pranë vendit te ngjarjes
Sipas koresponentit të Zërit të Amerikës në Prishtinë Besim Abazi
Zyrtarët e Policisë së Kombeve të Bashkuara në Kosovë, njoftuan të shtunën për një shpërthim të fuqishëm në pjesën veriore të Kosovës, ku janë gjetur edhe pjesët e trupit të një njeriu. Ata thanë se persona të panjohur, kanë shkatërruar urën hekurudhore në vendin e quajtur Lozishtë, rreth katër kilometra larg komunes së Zveçanit, një zonë kjo e banuar me popullatë serbe.

Zyrtarë të policisë thanë se në afërsi të vendit të ngjarjes, është gjetur një kufomë e shkatërruar nga shpërthimi i fuqishëm. Policia beson, se mjeti shpërthyes, është vendosur qëllimisht, por ende nuk dihet asgjë për motivet e mundshme të këtij veprimi. Kjo ështe hera e dytë që mjete shpërthyese vendosen në të njëjtin vend.

Zyrtarë e policisë thanë se po zhvillohen hetime të hollësishme për të ndriçuar këtë rast, që ka ndodhur në një periudhë të shtimit të përpjekjeve për të krijuar një mjedis më të sigurt në Kosovë.

Zëvendësadministratori i Kosovës, Charles Brayshaw, tha të shtunën se siguria dhe rendi e ligji janë pjesë e standardeve për Kosovën të përcaktuara nga shefi i tij Michael Steiner. Ai i bëri këto komente gjatë një ceremonie të diplomimit të një brezi të ri të Shërbimit Policor të Kosovës. Ai tha me kete rast se policia e Kosoves është e vendosur që të krijojë një mjedis të sigurtë per të gjithë qytetaret e saj.

“Qytetarët e Kosovës dëshirojnë të jetojnë në një mjedis tolerant dhe demokratik, që mbrohet nga ligjet”, tha zoti Brayshaw duke nënvizuar se “standardet e përcaktuara nga shefi I UNMIK-ut nuk janë mashtrim por janë themel i një ardhmërie më të mire”. Ai tha se Shërbimi Policor i Kosovës është shumëkombësh dhe kjo dëshmon se Kosova po ecën drejt demokratizimit.

Zoti Brayshaw, duke bërë një paralelizëm mes Kosovës dhe Irakut tha se “populli i Kosoves më së miri i kupton vuajtjet nga diktatorët” dhe shprehu bindjen e tij se vuajtjet e irakianeve do të përfundojnë shpejt, ashtu si edhe ato të qytetarëve të Kosovës në vitin 1999.

Beteja për Tikritin
12 prill, 2003 - Komandantët e ushtrisë amerikane thonë se forcat irakiane mund të përpiqen të bëjnë një qendresë të fundit në Tikrit, vendlindja e Saddam Husseinit dhe njëri prej qyteteve të mëdha irakiane që ende nuk ka rënë në duart e forcave të koalicionit. Banda ushtarësh irakianë u diktuan duke shkuar drejt këtij qyteti në veri të Bagdadit dje.

Aeroplanët amerikanë kanë bombarduar vazhdimisht pozicionet e Gardës Republikane përreth Tikritit, por zyrtarët ushtarakë thonë se nuk është e qartë nëse këto forca irakiane që kanë mbetur do të jenë në gjendje ta mbrojnë qytetin.

Forcat tokësore amerikane në Irakun verior ndodhen më pak se 100 kilometra larg nga Tikriti, pasi trupat irakiane braktisën qytetet veriore, Kirkuk dhe Mosul. Sipas lajmeve vetëm një numër i vogël trupash amerikane kanë hyrë në këto qytete dhe banorët janë duke vandalizuar gjithçka u del përpara.

Në pjesën perëndimore të Irakut, zyrtarët ushtarakë amerikanë thonë se irakianët vazhdojnë të luftojnë në qytetet al-Qaim, në kufirin me Sirinë. Zyrtarët thonë se dyshojnë se irakianët po mbrojnë një vend ku janë magazinuar disa lloj armësh të ndaluara.

Ndërkaq, në komentet e tij të para që nga rënia e Bagdadit, Presidenti Bush tha dje se nuk e di nëse Saddam Husseini është i gjallë apo ka vdekur. Por zoti Bush tha se di një gjë me siguri se Saddami nuk është më në pushtet. Presidenti Bush shtoi se lufta në Irak do të marrë fund kur gjenerali Tommy Franks, komandanti i forcave të koalicionit, thotë se objektivat janë plotësuar. Ai nuk dha hollësi të mëtejshme

Diplomohet brezi 23 dhe 24 i SHPK; Brajshou: Ju jeni provë se Kosova po plotëson standardet

PRISHTINE, 12 prill - “Pjesëtarët e Shërbimit Policor të Kosovës janë një provë e gjallë se Kosova po i arrin standardet për t’u bërë pjesë e Evropës”. Kështu tha zëvendëskryeadministratori i Kosovës Çarlls Brajshou, me rastin e diplomimit të brezit të 23-të dhe të 24-të e Shërbimit Policor të Kosovës.
118 pjesëtarë të rinj i janë shtuar sot Shërbimit Policor të Kosovës, duke rritur kështu numrin e përgjithshëm në rreth 5700. Shumica nga të sapodiplomuarit kanë qenë police edhe më parë. Kolonel Sheremet Ahmeti beson se Shërbimi Policor i Kosovës do të forcohet edhe më tepër, falë përvojës së policëve.
Zëvendëskryeadministratori i Kosovës Çarlls Brajshou mendon se Kosova po i arrin standardet për t’u bërë pjesë e Evropës. “Ju si policë do të ndihmoni ndërtimin e një sistemi, ku do të sundojë ligji dhe do t'i ruani të drejtat e njeriut për të gjithë pjesëtarët e shoqërisë kosovare. Ju do t’i mundësoni popullit të Kosovës një ambient të sigurtë dhe të mbrojtur nga kriminelët”, tha Brajshou.
Zëvendësadministratori i Koosvës tha se zërat që thonë se standardet janë mashtrim, gabojnë. “Ju jeni një provë e gjallë se Kosova po i arrin standardet për t’u bërë pjesë e Evropës”, nënvizoi Brajshou.
Edhe të sapodiplomuarit thanë se zotohen se do të përkujdesen për ruajtjen e rendit dhe për krijimin e një ambienti të sigurtë. Kohë më parë kreu i policisë ndërkombëtare në Kosovë, Shtefan Feller ka thënë se deri në fund të vitit Shërbimi Policor i Kosovës do të marrë të gjitha kompetencat. Drejtori i Shkollës së Policisë, Stiv Benet mendon se shumë nga këto kompetenca tashmë po zbatohen edhe në praktikë. “Do t’ju pyes kur ju ecni në rrugë apo thirrni për ndihmë policinë kë do ta shihni? Natyrisht, janë pjesëtarët e SHPK-së. Ata po e kryejnë punën e tyre me shumë profesionalizëm”, tha Stiv Benet.
16 për qind e numrit të përgjithshëm të pjesëtarëve të SHPK-së janë nga radhët e minoriteteve, ndërsa 15 për qind janë femra. Parashihet që deri në dhjetor të vitit të ardhshëm të përfundojë trajnimi i 6500 policëve dhe të përmbushet mandati i OSBE-së në ndërtimin e institucionit të SHPK-së.

Përkujtohet 90-vjetori i gjenocidit malezez në Dukagjin

PEJE, 12 prill - Sot në Pejë, nën patronazhin e presidentit të Kosovës Ibrahim Rugova, u mbajt një Akademi përkujtimore, me rastin e 90-vjetorit të gjenocidit malazez dhe rezistencës së shqiptarëve në Rrafshin e Dukagjinit.
Duke hapur këtë akademi, Ali Lajçi, kryetar i Asamblesë komunale të Pejës tha se populli i Kosovës ka përjetuar vuajtje të mëdha, e madje edhe deri gjenocid.
Duke e përshëndetur në emër të Presidenti Rugova këtë akademi, këshilltari i lartë politik i tij, Skënder Hyseni, tha se ngjarjet e ndryshme gjatë historisë sonë duhet të kujtohen vazhdimisht me qëllim që të mos të harrohen. Çdo periudhë e historisë, e sidomos periudhat e dhembjes së saj nëse harrohen ka rrezik që të përsëriten, tha Hyesni. Ai theksoi se populli i Kosovës nuk ka qenë i pushtuar vetëm gjatë viteve të fundit, por edhe gjatë njëqind vjetëve të kaluara.
Ndërkaq ish-ambasadori i Misionit të OSBEE-së në Kosovë dhe miku i shqiptarëve Uiliem Uoker tha në fjalën e tij se ndiehet i lumtur që është në mesin e një populli të shkëlqyer dhe në mesin e njerëzve me të cilët ndan të njëjtat aspirata e ambicie - kjo është pavarësia e Kosovës dhe mirëqenia e saj ekonomike. "Ne shpresojmë se ata njerëz që kanë masakruar shqiptarët më 1913 do të dënohen nga Zoti, kurse Millosheviqin dhe klikën e tij Gjukata e Hagës", tha Uoker. Poashtu në këtë akademi për gjenocidin malazez mbin popullsinë shqiptare më 1913 folën edhe akademik Mark Krasniq dhe dr. Zekeria Cana.

...kosovalive njofton se:

Moratoriumi legalizon “status quo-n” në Kosovë, konsiderojnë kundërshtuesit e idesë

PRISHTINË, 12 prill, 2003 – Ideja e njërit prej liderëve politik të Kosovës për një moratorium rreth statusit të vendit, që është përkrahur edhe nga UNMIK-u, nga partitë e tjera dhe njohës të rrethanave politike konsiderohet si e dëmshme, një eksperiment i panevojshëm dhe që i ndihmon gjendjes së “status quos” që është krijuar pas lufte.

Partitë kundërshtojnë moratoriumin e statusit

PRISHTINE, 12 prill - Idea e kryetarit të Partisë Demokratike të Kosovës (PDK), Hashim Thaçi, për moratorium statutor për Kosovën, duket se nuk ka gjetur përkrahjen e subjekteve të tjera të rëndësishme politike shqiptare në Kosovë.
Lidhja Demokratike e Kosovës tha sot se ky subjekt politik qëndron fuqishëm në përcaktimin e saj për jetësimin e plotë të pavarësisë së Kosovës në bazë të vullnetit të popullit të shprehur në referendum më 1991.
“LDK-ja insiston dhe punon në njohjen formale të pavarësisë së Kosovës nga bashkësia ndërkombëtare. Kosova tashmë po e kalon fazën e protektoratit ndërkombëtar dhe pas gjithë këtij procesi të zhvillimit të gjithanshëm gjatë katër vjetëve në liri, çfarëdo përpjekjesh apo idesh joserioze dhe të tejkaluara për pezullim të punës për njohjen formale të pavarësisë së Kosovës janë të papranueshme për LDK-në. Prandaj, LDK-ja i kundërshton fuqishëm, pa marrë parasysh nga kush vijnë”, thuhet në një njoftim të LDK-së.
Anëtari i kryesisë së kësaj partie, Alush Gashi u shpreh se moratoriumi statutor nuk është vizion i Lidhjes Demokratike të Kosovës. “Ne nuk mund të shkojmë në Evropë pa adresë, ne dëshirojmë dhe angazhohemi fuqimisht që adresa jonë të jetë pavarësia e Kosovës dhe Kosova shtet i pavarur dhe sovran”, deklaroi Alush Gashi.
Nga ana tjetër, Ramush Haradinaj, kryetar i Aleancës për Ardhmërinë e Kosovës (AAK), e ka cilësuar moratoriumin statutor për Kosovën si improvizim të panevojshëm e të padobishëm, dhe si ide që bie në kundështim me vullnetin dhe aspiratat e popullit të Kosovës. Idea për moratorium statutor është kundërshtuar, madje ashpër, edhe nga Partia e Re e Kosovës, e ish-kryeministrit të Kosovës Bujar Bukoshi.
Nga ana tjetër, kryetari i PDK-së Hashim Thaçi në mbledhjen e sotme me kryetarë të degëve të kësaj partie tha se zgjidhja përfundimtare e statusit politik të Kosovës duhet të ketë fundin e vet në kohën e duhur në bashkëpunim me bashkësinë ndërkombëtare. Sipas Thaçit, "PDK-ja ka dinamizuar proceset politike në institucionet e Kosovës për thyerjen e status kuos, e cila rëndon dhe ngulfat procesin e zhvillimit, demokratizimit, tolerancës dhe mirëqenies së qytetarëve". Duke elaboruar propozimin e tij, z. Thaçi tha se PDK-ja angazhohet vazhdimisht për realizimin e aspiratave legjitime të qytetarëve të Kosovës. Në mbledhjen e udhëheqjes së kësaj partie me kryetarët e degëve doli qëndrimi që "PDK-ja nuk është për veprime të nxituara që fusin institucionet e Kosovës në konfrontim të panevojshëm me ndërkombëtarët, nuk pajtohet me status kuon e as me bllokadat e iniciativave, që po bëhen në Kuvendin e Kosovës".
Edhe Enver Hasani, profesor i së drejtës ndërkombëtare, në një intervistë dhënë për radion “Evropa e Lirë” ka thënë se propozimi për shpalljen e moratoriumit për statusin përfundimtar të Kosovës është vlerësim i gabuar. Ai theksoi se ky propozim i shkon për shtat asaj pjese të bashkësisë ndërkombëtare që kërkon të shtyjë zgjidhjen e statusit të Kosovës për një kohë tjetër. “Mendoj se propozimi i njërit prej liderëve të partive politike është synim për të legalizuar një gjendje e cila de fakto në Kosovë ekziston, përkatësisht për t'iu përshtatur një pjese të caktuar të bashkësisë ndërkombëtare, e cila synon me çdo kusht ta mbajë këtë status-quo dhe ta shtyjë për një kohë shumë të pacaktuar çështjen e zgjidhjes së statusit final të Kosovës”, ka thënë Hasani. Ai ka shtuar se një ide e tillë është gabim sepse statusi i Kosovës është duke u zgjidhur në mënyrë graduale dhe hap pas hapi.

Kosova do të ketë një operator të telefonisë mobile privat, tjetrin publik

PRISHTINË, 12 prill, 2003 – Ligji për liberalizimin e tregut të telekomunikacionit pritet që të hyjë në fuqi brenda 2-3 muajve me ç’rast do të krijohet mundësia e futjes edhe të një operatori të ri privat të telefonisë mobile por edhe asaj fikse, tha në një intervistë për KosovaLive ministri Zef Morina.

Ballistët vendosin unifikimin në një forcë politike të vetme

TIRANE, 12 prill - Dy partitë e ballistëve janë mbledhur sot në një konfrerencë të përbashkët, ku kanë vendosur unifikimin e tyre në një forcë politike të vetme. Drejtuesit e Ballit Kombëtar Demokrat dhe Ballit Kombëtar i kanë ftuar të gjithë anëtarët, që të bashkohen në një parti të vetme për të dhënë në këtë mënyrë kontributin në kapërcimin e krizës politike që po kalon vendi. Sipas News24, në këtë konferencë mungonte kreu i ballistëve Shpëtim Rroqi, mungesa e të cilit mund të prishë imazhin e këtij bashkimi të ri.

Referencat e naftës 50 dollarë më pak ulin çmimin e saj

TIRANE, 12 prill - Referencat e ulura me 50 dollarë për ton kanë bërë që çmimi i naftës në treg të bjerë me shpejtësi. Doganat dhe importuesit e karburanteve duket se po e mbajnë fjalën që i dhanë njëri-tjetrit para katër ditësh, kur ranë dakord për referencat e reja. Çmimet e referencës që janë zbatuar dje në dogana kanë qenë 226 dollarë për ton, ndërkohë që para mirëkuptimit biznes-shtet ato shënonin 276 dollarë për ton. Zhbllokimi i situatës çoi në krijimin e çmimeve më të leverdisshme në treg, ku nafta pësoi një rënie prej 3-5 lekë për litër. Gjatë ditës së djeshme në pikat e tregtimit të karburanteve çmimi i saj ishte 90 lekë për litër, ndërsa vetëm katër ditë më parë nafta ofrohej me një çmim prej 95 lekë për litër. "Referencat e reja u aplikuan menjëherë dhe ndikimi qe i shpejtë edhe në treg. Gjatë ditëve të fundit referencat e naftës kanë qenë 226 dollarë për ton, ndërkohë që para marrëveshjes ishin edhe 50 dollarë për ton më shumë. Si rrjedhim ne ulëm edhe çmimin e naftës", shprehen importuesit e karburanteve. Ndërkohë, specialistë në Ministrinë e Industrisë dhe Energjetikës parashikojnë rënie të mëtejshme të çmimit të naftës. "Ulja e çmimit ka filluar dhe në kryeqytet të ndihet më tepër, pasi qytetet e kanë pak më të vështirë. Ndërkohë, brenda kësaj jave pritet rënie e mëtejshme e çmimit të naftës", shpjegojnë ata. I të njëjtit mendim ka qenë edhe kryetari i Dhomës së Tregtisë dhe Industrisë, Luan Bregasi, i cili ishte përfaqësuesi i komunitetit të biznesit në negocimet e zhvilluara me drejtoreshën e Doganave, Tatjana Kongoli lidhur me referencat. Sipas Bregasit, çmimi i naftës në tregun vendës do të pësojë një rënie prej 30 për qindësh, duke arritur në 75 lekë për litër, ose në nivelin që ishte përpara rritjes stratosferike.

Mjekësi: SARS 111 të vdekur; Klonimi i njeriut i pamundur

Qeveria e Hong Kongut thotë se do të ndalojë udhëtimin në vende të tjera për çdo person që është ekspozuar ndaj sëmundjes vdekjeprurëse të rrugëve të frymëmarrjes, SARS. Zyrtari më i lartë i Hong Kongut, Tung Chee-hwa thotë se qeveria e tij do ta sigurojë bashkësinë ndërkombëtare se nuk po e lejon sëmundjen të përhapet. Ndalimi i udhëtimeve hyn në fuqi të hënën. 2 mijë e 700 vetë në gjithë botën janë prekur nga sëmundja që ngjan me pneumoninë dhe të paktën 111 vetë kanë vdekur. Rastet më të shumta kanë qenë në Kinë dhe Hong Kong.

Klonimi i njeriut i pamundur

11 prill 2003 - Sipas zbulimeve të reja, klonimi njerëzor mund të jetë i pamundur. Studiuesit e Univeristetit të Pitsburgut thonë se të gjitha përpjekjet e kohëve të fundit për të klonuar majmunë nuk kanë dalë me sukses, sepse qelizat e klonuara të primatëve nuk ndahen njëlloj si ato të kafshëve të tjera, si lopët, derrat ose delet.

Njerëzit, ashtu si edhe majmunët janë primatë. Studiuesit thonë se zbulimi i tyre ngjall edhe më shumë dyshime mbi pretendimet e një sekti fetar se ka kryer eksperimente të suksesshme të klonimit njerëzor.

Shpend Abazi, kampion evropian i boksit për peshat e lehta

KOPENHAGE, 12 prill - Shpend Abazi ka mposhtur dje në Kopenhagë algjerianin me nënshtetësi franceze, Samir Lala, duke fituar kështu titullin e kampionit evroopian në boksin për peshat e lehta. Ishte kjo përballja e 27 në boksin profesional e Shpend Abazit.Ai edhe më parë e ka marrë këtë titull, duke mundur rusin Aleksandër Jakobov në kategorinë bantam deri në 54 kg, më 2001, por këtë titull e dorëzoi vullnetarisht vitin e kaluar pasi Shpendi fitoi titullin vakant të kampionit botëror në versionin IBC në kategorinë pendël. 

---

E enjte, 10 prill, 203
- Brovina thotë se ekzistojnë burgje private në Serbi ku mund të ketë kosovarë të zhdukur.
- Paralajmërohet nënshkrimi i shpejtë i marrëveshjes për tregti të lirë mes Shqipërisë dhe Kosovës
- Për përvjetorin e Lidhjes Shqiptare përgatitet një manifestim pesëditësh

Kryeministri Rexhepi merr pjesë në protestën në Deçan për lirimin e pjesëtarëve të ish-UÇK-së
DECAN, 10 prill - Kryeministri i Bajram Rexhepi mori pjesë në një protestë popullore për lirimin nga arresti të pjestarëve të ish-Ushtrisë Çlirimtare të Kosovës dhe u takua me këshillin organizativ të protestave. Protesta e sotme në Deçan ka qenë e 50-ta me radhë me moton “Liri për Çlirimtarët”.
Javën e kaluar në Deçan u mbajt një protestë 4- orëshe, ku ishin të ftuar edhe personalitete kryesore të institucioneve vendore e ndërkombëtare, por askush nuk shkoi atje, ndërkaq kryeministri i Kosovës, Bajram Rexhepi, kishte konfirmuar më parë se këtë të enjte do të merrte pjesë në protestë.
Protestat në Deçan filluan vitin e kaluar, pas burgosjes së gjeneral Daut Haradinaj dhe ish-pjesëtarëve të tjerë të UÇK-së. Gjatë vizitës në Deçan kryeministri Rexhepi zhvilloi takime edhe me udhëheqësit komunalë.

Presidenti Rugova priti një deklegacion 25 anëtarësh shqiptaro-amerikan të kryesuar nga ambasadori Uiliem Uoker
Prishtinë, 10 prill - Presidenti i Kosovës Ibrahim Rugova priti sot një deklegacion 25 anëtarësh shqiptaro-amerikan, i cili kryesohet nga shefi i dikurshëm i misionit verifikues të OSBE-së në Kosovë ambasadori Uiliem Uoker.
Në një bisedë të pëzemërt e miqësore presidenti Rugova foli para mysafirëve për arritjet që janë bërë në Kosovën e lirë dhe për zhvillimet aktuale në të gjitha fushat e jetës. Presidenti me këtë rast falënderoi ambasadorin Uoker si dhe anëtarët e tjerë të deklegacionit për ndihmën dhe përkrahjen që kanë dhënë për Kosovën.
Me të mbërritjur në Prishtinë, ambasadori Uoker tha se ndiehet i lumtur që sërish viziton Kosovën dhe e sheh të lirë, duke thënë se shpreson që një ditë ta shohë edhe të pavarur.
Ky delegacion do të marrë pjesë të shtunën në Pejë një mbledhje përkujtimore kushtuar 90-vjetorit të gjenocidit malazez dhe rezistencës së shqiptarëve të Dukagjinit, e cila organizohet nën patronazhin e presidentit Rugova.

Kuvendi i pakënaqur me gjendjen në gjyqësinë kosovare, rekomandon reforma
Prishtinë, 10 prill, 2003 - Kuvendi i Kosovës aprovoi të enjten disa rekomandime të grupit punues që pasi kritikon gjendjen në gjyqësorin kosovar kërkon fillimin e reformës në këtë fushë, themelimin e Ministrisë së Drejtësisë dhe paga më të mira për gjyqtarët dhe prokurorët kosovarë.

Policia e UNMIK-ut: Krimi i organizuar shqiptar bashkëpunon mirë me krimin e organizuar serb
PRISHTINE, 10 prill - Vrasja e kryeministrit serb Zoran Gjingjiç dhe zhvillimet e mëvonshme nuk kanë ndikuar mbi situatën e sigurisë në Kosovë, kanë thënë zyrtarët e policisë së UNMIK-ut. Mirëpo, zëdhënësi i policisë së UNMIK-ut, Beri Fleçër ka thënë se nuk përjashtohet mundësia që ndonjë element kriminal nga Serbia të jetë strehuar në Kosovë, ndonëse për këtë aktualisht nuk ka dëshmi.
Zëdhënësi Fleçër ka theksuar se kufiri ndërmjet Kosovës dhe Serbisë nuk është kufi ndërkombëtar, prandaj ka qindra e ndoshta edhe mijëra mënyra për t'u kaluar kufiri pa u vërejtur.
Krimi i organizuar që vepron në Kosovë, thotë ai, është pjesë e një rrjeti rajonal të krimit të organizuar, dhe ka shtuar se krimi i organizuar shqiptar bashkëpunon në mënyrë perfekte me krimin e organizuar serb. Kriminelët serbë nuk do të thotë se vijnë dhe veprojnë në Kosovë, por duke qenë pjesë e rrjetit ata janë të vëmendshëm për territorin e tyre gjeografik.

 
Moisiu: Çështja e Kosovës të zgjidhet përmes dialogut e negociatave
Tiranë, 10 prill “Statusi i Kosovës do të zgjidhet në kuadër të proceseve integruese evroatlantike”, -ka thënë dje në Beograd presidenti shqiptar, Alfred Moisiu...............
      -Presidenti i Republikës, Alfred Moisiu deklaroi dje në Beograd se çështja e Kosovës duhet të zgjidhet përmes dialogut dhe negociatave. Moisiu tha se e diskutoi këtë çështje edhe me presidentin e ri të Serbisë dhe Malit të Zi, Zvetozar Maroviç, duke marrë shkas nga deklaratat e fundit lidhur me këtë çështje. "Ne diskutuam për marrëdhëniet mes dy vendeve tona, mënyrat e përmirësimit të mëtejshëm të tyre, si dhe theksuam angazhimin e përbashkët në politikën e dialogut dhe mirëkuptimit edhe për çështjen e Kosovës", tha presidenti Moisiu. "Përsa i përket kësaj çështjeje, shpreha bindjen se sot nuk është më koha e kërcënimeve. Tashmë ka ardhur koha e negociatave dhe dialogut dhe me këtë frymë duhet të punojmë edhe për zgjidhjen e kësaj çështjeje", tha ai. Presidenti tha gjithashtu se marrëdhëniet mes Shqipërisë dhe Serbi-Mali i Zi njohin çdo ditë progres dhe se Tirana është gati të ndihmojë në dialogun mes Prishtinës dhe Beogradit.

Moisiu dhe Nano përshëndesin triumfin e forcave të koalicionit anglo-amerikan në Bagdad

TIRANE, 10 prill - Pak orë pasi trupat amerikane përparuan, duke vendosur dje kontrollin mbi kryeqytetin e Irakut, Bagdad, kryeministri shqiptar Fatos Nano, me anë të një deklarate u shpreh se Presidenti amerikan Xhorxh Bush duhet përgëzuar për vendosmërinë e tij në udheheqjen koalicionit drejt këtij triumfi historik mbi forcat e represionit në Irak. Kreu i qeverisë shqiptare deklaron se shqiptarët janë krenarë që kanë dhën kontributin e tyre në kët përpjekje". Kryeministri Nano thotë se Europa dhe bota një ditë do ta shohin këtë ngjarje jashtëzakonisht të rëndësishme si një pikë kthese në histori. Ai, duke kujtuar zbarkimin e në brigjet e Normandisë gjatë luftës së dytë botërore tha se presidenti amerikan Xhorxh Bush dhe kryeministri britanik Toni Bler i sollën lirinë popullit të shumëvuajtur të Irakut. Shqipëria ishte ndër vendet që u rreshtua hapur përkrah Shteteve të Bashkuara në luftën ndaj Irakut. Ajo i ofroi të gjitha hapesirat ajrore dhe territoriale, si dhe bazat e saj, ndersa një njësi komando është e gatshme të shkojë në Gjirin Persik. Kryeministri Fatos Nano deklaron se Shqiperia do të mbështesë Shtetet e Bashkuara edhe në përpjekjet e tyre për të ndihmuar popullin irakian dhe për të rindërtuar Irakun.
Një ditë më parë Presidenti i republikës Alfred Moisiu, duke komentuar zhvillimet që pritet të pasojnë luftën, u shpreh: “Diskutimi po bëhet lidhur me rolin e OKB dhe Shteteve të Bashkuara. Cili do të jetë roli i tyre dhe ndarja e punës. Vetë SHBA kanë theksuar se OKB do ketë pjesën e saj në rindërtimin e Irakut. Shqipëria në këtë rast i përmbahet vijës së saj dhe politikës së saj. Ne mbështesim Shtetet e Bashkuara, duke konsideruar se u mënjanua një e keqe, për të evituar një të keqe më të madhe”, tha presidenti Moisiu. Këto komente presidenti Moisiu i bëri dje në Beograd në përfundim të takimit të nivelit të lartë të Nismës së vendeve të Evropës Juglindore, pavarësisht se në deklaratën përfundimtare të këtij takimi theksi vihej në rolin parësor që duhet të kenë Kombet e Bashkuara dhe Këshilli i Sigurimit.

---

E mërkurë, 9 prill, 2003

Alarm i rremë për vendosjen e një mjeti shpërthyes në lokalet e PTK-së

Prishtinë, 9 prill, 2003 - Rreth orës 11.30 minuta SHPK-ja ka marrë një thirrje anonime, në të cilën thuhej se një mjet shpërthyes ishte vendosur në lokalet e PTK-së në Prishtinë. Më këtë rast, janë evakuar të gjithë punonjësit e PTK-së. Pas kontrollimit në detaje të ndërtesës, rezultoi se nuk kishte mjet shpërthyes.

Vazhdon procesi gjyqësor kundër Grupit të Llapit

Prishtinë, 9 prill, 2003 -  Po vazhdon të mbahet në Prishtinë procesi gjyqësor ndaj katër ish eprorëve të lartë të ish Ushtrisë Çlirimtare të Kosovës: Rrustem Mustafa-Remi, Latif Gashi, Nazif Mehmeti dhe Naim Kadriu, të akuzuar për krime kundër civilëve kosovarë, gjatë periudhës gusht 1998- qershor 1999. Deri tash në këtë proces gjyqësor, i cili filloi më 17 shkurt, kanë dëshmuar 5 dëshmitarë anonim si dhe 4 të mbrojtur. Seanca e sotme e paraditës nuk është mbajtur për shkak se dëshmitari i rradhës i mbrojtur nuk kishte ardhur. Ndryshe, procesi gyqësor do të ndërpritet deri më 28 prill.

Vulaj: Të koordinojmë punët në mes të KSHA dhe institucioneve të Kosovës

Prishtinë, 9 prill, 2003 - Në kuadër të vizitës dy ditore në vendinë tonë Drejtori Ekzekutiv i këshillit Shqiptaro Amerikan me seli në Ëashington Martin Vulaj u takua sot në Prishtinë me udhëheqësit vendor dhe ndërkombëtarë.
Z.Vulaj u takua me kryeministrin Bajram Rexhepi dhe komandantin e përgjithshëm të TMK-së, gjeneral lejtnant Agim Çekun. Më pastaj ai zhvilloi takim edhe me përfaqësues të zyrës amerikane në Prishtinë dhe kryeadministratorin, Mihail Shtajner. Qëllimi kryesor i këtyre takimeve ishte koordinimi i punës ndërmjet Këshillit Shqiptaro Amerikan dhe institucioneve të Kosovës. Drejtori Ekzekutiv i Këshillit Shqiptaro Amerikan, Martin Vulaj sot përfundon vizitën dy-ditore në vendin tonë.

Qeveria e shqetësuar nga shfaqja e maskave në Deçan

PRISHTINE, 9 prill, 2003 - Qeveria e Kosovës ka shprehur shqetësim të thellë lidhur me ngjarjen që ka ndodhur në mbrëmjen e së hënës në fshatin Irzniq të Komunës së Deçanit, ku persona me maska janë ballafaquar me forcat policore.
“Edhe pse akoma nuk dihet identiteti i këtyre personave, Qeveria e Kosovës i dënon ashpër veprimet e tilla të kundërligjshme dhe kriminale të personave me maska, si dhe shpreh vendosmërinë e saj se veprimet e tilla do të luftohen me të gjitha mjetet” thuhet në një kumtesë të Qeverisë.
Po ashtu, Qeveria e Kosovës kërkon nga Shërbimi Policor i Kosovës dhe policia e UNMIK-ut të ndërmarrin veprimet e nevojshme për kapjen dhe indentifikim e personave në fjalë, në mënyrë që në të ardhmen të pamundësohen akte të tilla që kërcënojnë sigurinë e qytetarëve të Kosovës. Me këtë rast, Qeveria ka ftuar edhe qytetarët që të jenë vigjilentë dhe të ndihmojnë organet e rendit për të luftuar veprimet e tilla kriminale që i kontribuojnë mbjelljes së pasigurisë.

Qeveria: I japim KEK-ut 18 milionë euro, por më parë duhet të dorëzojë raportin financiar

PRISHTINE, 9 prill, 2003 - Kryeministri Bajram Rexhepi ka kërkuar sot në mbledhjen e Qeverisë që të debatohet lidhur me kërkesën e Korporatës Energjetike të Kosovës për mbështetje financiare në shumë prej rreth 18 milionë euro për projekte emergjente. Më pas Qeveria e Kosovës mori vendim që në parim të jepet pëlqimi për përkrahjen e Korporatës Energjetike të Kosovës me mjete financiare nga suficiti i buxhetit të vitit të kaluar, duke vlerësuar se kjo ndihmë është në interesin strategjik të zhvillimit të përgjithshëm të Kosovës, respektivisht në funksion të stabilizimit të situatës energjetike në vend. Mirëpo, është kërkuar që para se ky vendim të bëhet i plotfuqishëm, Korporata Energjitike e Kosovës duhet të dorëzojë raportin financiar.

Përkujtohet 4 vjetori i epopesë së Koshares

GJILAN, 9 prill 2003 - Në Gjilan sot u përkujtua 4 vjetori i epopesë së Koshares, njërës ndër betejat më të lavdishme të Ushtrisë Çlirimtare të Kosovës e cila njëherë e përgjithmonë rrënoi kufirin ndërshqiptar. Me këtë rast para Teatrit të Gjilanit u vu gurthemeli i shtatores së njërit prej protagonistit kryesor të kësaj beteje, Agim Ramadanit.   
“9 prilli i vitit ‘99 është një ndër datat më të rëndësishme në historinë tonë me të re ngase kjo ditë shënoi fundin e një epoke, rrënimin e murit ndërshqiptar që ishte ngulitur me dhunë dhe që ndante gjeografinë shqiptare”, u tha në manifestimin e sotëm. Kryetari i Kuvendit Komunal të Gjilanit, Lutfi Haziri tha se ishte Agim Ramadani me bashkëluftëtarë, të cilëve historia ua fali fatin e madh për të kurorzuar sakrificën shekullore të popullit shqiptar për liri thyerjen e kufirit dhe mposhtjen e ushtrisë serbe.
Ndërsa Rrustem Berisha, komandant i ish-Brigadës 138 “Agim Ramadani” u shpreh  se “lufta për pavarësi nuk ka përfunduar por ajo tani vazhdon në fronte të tjera, në atë politik, ekonomik dhe diplomatik dhe kjo çështje varet më shumë nga ne se nga bashkësia ndërkombëtare”.

Këshillit Shqiptaro-Amerikan i premton mbështetje TMK-së

PRISHTINE, 9 prill 2003  - Sot në Shtabin e Përgjithshëm të Trupave Mbrojtëse të Kosovës ishte për vizitë drejtori i Këshillit Shqiptaro-Amerikan (NAAC), Martin Vulaj, i cili është pritur nga komandanti i TMK-së, general-lejtnant Agim Çeku. Në këtë takim Gjeneral Çeku e njoftoi Vulajn për zhvillimet në TMK, si dhe për angazhimet dhe synimet e TMK-së, si dhe e falenderoi për përkrahjen që i japin bashkatdhetarët tanë TMK së, në rrugën drejt realizimit të misionit të saj. Vulaj, pasi theksoi nevojën e një komunikmi më të shpeshtë, ka shprehur gatishmërinë e Këshillit Shqiptaro-Amerikan për të përkrahur TMK-në me të gjitha mjetet, e sidomos përmes lobimit, duke ndikuar në të gjitha qarqet ku ata kanë ndikim.

Hiks: Siguria në pjesë të ndryshme të Kosovës po krijon konfuzion te të kthyerit

PRISHTINE, 9 prill 3003 - Shefja e seksionit për kthimin e personave të shpërngulur e të refugjatëve në UNMIK, Pegi Hiks tha se gjatë vitit të kaluar në shtëpitë e veta në Kosovë, janë kthyer 2744 vetë dhe se kancelaria e saj ka ndërmarrë disa hapa në mënyrë që kthimi i të shpërngulurve këtë vit të jetë më i madh. “Prej tyre, 969 kanë qenë serbë. Siguria nuk është e njëjtë në të gjitha pjesët e Kosovës, dhe kjo po krijon konfuzion te të kthyerit, kurse kryesore për procesin e kthimit është që ata të cilët kthehen të pranohen në mjedisin ku kthehen”, tha Hiks.

Serbët e Graçanicës protesta kundër kalimit të kompetencave

PRISHTINE, 9 pril 2003 - Sot pasdite në Graçanicë serbët kanë zhvilluar protesta kundër nismës së kryeadministratorit Mihael Shtajner që nga UNMIK-u të kalojnë kompetenca më të mëdha në institucionet e Kosovës. Kryetari i të ashtuquajturit "Këshill Nacional Serb", Milan Ivanoviç, kishte paralajmëruar ditë më parë protesta të serbëve kundër kalimit të kompetencave nga UNMIK-u në institucionet e pushtetit të Kosovës. Në protestën e sotme të serbëve, Ivanoviç tha se serbët e Kosovës me pjesëmarrjen e tyre dëshirojnë të tregojnë se janë kundër krijimit të shtetit të Kosovës. "Jemi mbledhur të shprehim revoltën tonë ndaj Shtajnerit. Shtajneri po dëshiron të krijojë ushtrinë shqiptare, e cila do të udhëhiqet nga Çeku dhe Selimi", tha Ivanoviç. Deputetja Rada Trajkoviç tha se do të angazhohet që të ndërrohen liderët e tanishëm shqiptarë, ndërkaq përsëriti se serbët janë kundër pavarësisë së Kosovës.

Serbët e Graçanicës protesta kundër kalimit të kompetencave

PRISHTINE, 9 prill 2003  - Sot pasdite në Graçanicë serbët kanë zhvilluar protesta kundër nismës së kryeadministratorit Mihael Shtajner që nga UNMIK-u të kalojnë kompetenca më të mëdha në institucionet e Kosovës. Kryetari i të ashtuquajturit "Këshill Nacional Serb", Milan Ivanoviç, kishte paralajmëruar ditë më parë protesta të serbëve kundër kalimit të kompetencave nga UNMIK-u në institucionet e pushtetit të Kosovës. Në protestën e sotme të serbëve, Ivanoviç tha se serbët e Kosovës me pjesëmarrjen e tyre dëshirojnë të tregojnë se janë kundër krijimit të shtetit të Kosovës. "Jemi mbledhur të shprehim revoltën tonë ndaj Shtajnerit. Shtajneri po dëshiron të krijojë ushtrinë shqiptare, e cila do të udhëhiqet nga Çeku dhe Selimi", tha Ivanoviç. Deputetja Rada Trajkoviç tha se do të angazhohet që të ndërrohen liderët e tanishëm shqiptarë, ndërkaq përsëriti se serbët janë kundër pavarësisë së Kosovës.

Arkivat e Kosovës, Shqipërisë e Kroacisë diskutojnë për dokumente e dëshmi të reja shqiptare

PRISHTINE, 9 prill 2003  - Arkivat përbëjnë një pjesë thelbësore dhe të pazavendësueshme të pasurisë kulturore, historike dhe shkencore të një vendi. Kështu u tha sot në tribunën shkencore “Historia jonë, dokumente dhe dëshmi të reja”, të cilën e organizoi Arkivi i Kosovës në bashkëpunim me Drejtorinë e Përgjithshme të Arkivave të Shqipërisë dhe Arkivin Shtetëror të Kroacisë.
“Në vendet e zhvilluara arkivat trajtohen si një nga shtyllat ku mbështetet një shtet demokratik. Arkivat informojnë për trashëgiminë e vendit si në funksion dhe interes të jetës së brendshme, ashtu edhe për rolin dhe ndihmesën e një vendi”, tha dr.Jusuf Osmani drejtor i Arkivit të Kosovës.
Prof.dr. Shaban Sinani, drejtor i Drejtorisë së Përgjithshme të Arkivave të Shqipërisë, në kumtesen e vet u përqëndrua në dy periudhat e para të historisë së shkrimit në botën shqiptare. “Periudha e parë, që përfshin atë të shkrimeve biblike dhe kishtare, ka rëndësi në disa pikëpamje nga se historia e shkrimit është pjesë e historisë se një qytetërimi”, tha Sinani.
Me kumtesat e tyre u paraqitën edhe dr.Milenko Pangjiç nga Kroacia, i cili foli për jetën dhe veprimtarinë e Milan Shuflajt, pastaj dr.Musa Ahmeti me burime perëndimore për shqiptarët e shkencëtarët e tjerë të kësaj lëmie.

Rexhepi i pakënaqur me kalimin e kompetencave: Qeveria është e gatshme t’i marrë ato

PRISHTINE, 9 prill 2003  - “Qeveria e Kosovës është plotësisht e gatshme që të marrë kompetencat nga UNMIK-u”. Kështu tha kryeministri Bajram Rexhepi pas mbledhjes së sotme të Qeverisë së Kosovës. Kryeministri Rexhepi njoftoi edhe për çështje të tjera që janë biseduar në mbledhjen e qeverisë.
Qeveria ka pasur një debat për takimin e djeshëm të Këshillit Lartë për Bartjen e Kompetencave. Lidhur me këtë, Kryeministri Rexhepi, vlerësoi rëndësinë e implementimit të procesit të bartjes së kompetencave nga institucionet ndërkombëtare tek institucionet vendore. “Në këtë proces pengesa paraqesin mosnënshkrimet e ligjeve që rregullojnë pikërisht fushat në të cilat duhet të bëhet transferimi i kompetencave, si dhe pengesë në vete paraqet edhe Kapitulli 5 i Kornizës Kushtetuese të Kosovës”, ka thënë Rexhepi.
Kryeministri Rexhepi shprehu dje pakënaqësinë e tij lidhur me kalimin vetëm të disa kompetencave nga UNMIK-u tek vendorët, pasi qeveria, tha ai, ka ambicie të marrë edhe ato përgjegjësi që janë të rezervuara për kryeadministratorin Shtajner. Ai paralajmëroi se për këtë çështje do t'i drejtohet edhe Këshilli të Sigurimit të OKB-së me një letër.
Qeveria ka aprovuar komentet e grupit punues të ekspertëve për Kodin Penal të Kosovës dhe të Kodin e Procedurës Penale të Kosovës, si dhe ka paraqitur edhe disa vërejtje të tjera gjatë kësaj mbledhje.
Qeveria e Kosovës ka miratuar gjithashtu sot edhe Projektligjin mbi qasjen në dokumentet zyrtare, i cili ka për qëllim të ngrejë nivelin e transparencës dhe efektivitetit e përgjegjësisë pranë institucioneve kosovare, duke i ofruar publikut qasje të mirëfilltë në dokumentet zyrtare.
Ndërsa, Robert Piper, koordinator i UNDP-së, ka prezantuar Draftin e Planit Strategjik për Kosovën të Grupit të Kombeve të Bashkuara për Zhvillim 2003-2004, rreth të cilit ministrat bënë vërejtje e tyre si dhe theksuan nevojën që projektet e UNDP-së në të ardhmen të drejtohen më shumë nga institucionet vendore.

LKÇK: Bartja kompetencave, lojë e UNMIK-ut

PRISHTINE, 9 prill 2003 - Lëvizja Kombëtare për Çlirimin e Kosovës (LKÇK) ka reaguar sot ndaj zhvillimeve aktuale politike në Kosovë dhe e ka cilësuar procesin e bartjes së kompetencave nga ndërkombëtarët tek institucionet vendase si një lojë të UNMIK-ut.
“Opinoni kosovar duhet ta ketë të qartë se me prosesin e transferimit të kompetencave nga UNMIK-u, tek institucionet vendase nuk do të thotë se po bëhet transferimi i atyre kompetencave për të cilat patën premtuar vazhdimisht partitë e mëdha politike kosovare”, u shpreh Agron Xhemajli, anëtar i kryesisë së Lëvizjes Kombëtare për Çlirimin e Kosovës, në konferencë për gazetarë.
Sipas tij, pranimi i Unionit Serbi-Mali i Zi në Këshillin Evropian tregon edhe njëherë favorizimin e këtij këshilli ndaj politikës serbe. Lëvizja Kombëtare për Çlirimin e Kosovës komentoi sot edhe opcionet e ndryshme për fillimin e bisedimeve për statusin përfundimtar të Kosovës.
Anëtarët e Lëvizjes Kombëtare për Çlirimin e Kosovës gjithashtu kritikuan Kuvendin e Kosovës për mosgadishmërinë dhe mospërfilljen e propozimeve të fundit për shpalljen e pavarësisë së Kosovës shtet të pavarur dhe project-rezolutës për mbrojtjen e vlerave të luftës shekullore të popullit të Kosovës për liri dhe pavarësi.

Serbët protestuan në Graçanicë
Graçanicë/Prishtinë, 9 prill 2003 - Serbët e fshatit Graçanicë afër Prishtinës protestuan sot për të shprehur pakënaqësitë dhe për t'i thënë Shtajnerit "jo për pavarësinë e Kosovës" dhe institucioneve ndërkombëtare të cilat synojnë t'i bartin kompetencat tek "terroristët", thanë ata.
Ekstremisti i njohur nga Mitrovica e veriut Milan Ivanoviq tha se "populli serb po jeton në kampin e përqendrimit, ndërsa Shtajneri po dërgon raporte të rreme në Këshillin e Sigurimit për gjendjen në këtë hapësirë". Ai tha se në vend të transferimit të kompetencave kërkon kthimin e ushtrisë dhe të policisë serbe në Kosovë. Me tone të ngjashme foli edhe deputetja serbe në Kuvendin e Kosovës Rada Trajkoviq.

Në Tetovës ka filluar një grevë urie për lirimin nga burgjet e ish-pjesëtarëve të UÇK-së

Shkup, 9 prill 2003 - Në ndërtesën e Kuvendit komunal të Tetovës ka filluar një grevë urie e anëtarëve të Këshillit organizativ për lirimin e ish-pjesëtarëve të UÇK-së. Ky vendim është marrë për shkak se nuk janë përmbushur premtimet e autoriteteve të Shkupit dhe të përfaqësuesve ndërkombëtarë në Maqedoni për lirimin e ish-pjesëtarëve të UÇK-së. Pjesëmarrësit e kësaj greve thonë se ajo do të zgjasë deri në lirimin e të gjithë pjesëtarëve që ndodhen nëpër burgjet maqedonase. Me këtë rast u përmend shifra prej 30 të burgosurish që mbahen nëpër burgje dhe se madje disa janë nga Kosova. Autoritetet maqedonase u kritikuan për mosrespektimin e ligjit të  amnestisë.

Parlamenti Evropian po diskuton për pranimin e anëtarëve të rinj në BE
Strasbur, 9 prill 2003 - Parlamenti Evropian po debaton për pranimin e planifikuar të dhjetë shteteve në BE. Kryetari i komisionit parlamentar të politikës së jashtme, politikani gjerman i CDU-së, Elmar Brok u bëri thirrje deputetëve që t'i miratojnë marrëveshjet e zgjerimit për të hapur kështu rrugën për bashkimin e Evropës. Votimi është planifikuar po për sot. Mendohet se për të gjithë kandidatët ekziston një shumicë e qartë mbështetësish. Anëtarët e rinj do të hyjnë në BE në maj të vitit të ardhshëm. Kandidatët janë Polonia, Çekia, Sllovakia, Sllovenia dhe Hungaria, republikat baltike Estoni, Letoni dhe Lituani si dhe Qiproja dhe Malta.

Në Beograd ka filluar samiti i gjashtë i Procesit të Bashkëpunimit të Evropës Juglindore
Beograd, 9 prill 2003 - Sot në Beograd ka filluar samiti i gjashtë i Procesit të Bashkëpunimit të Evropës Juglindore, në të cilin liderët e vendeve ballkanike do të bisedojnë për përparimin e bashkëpunimit në rajon.
Në takimin e Beogradit po marrin pjesë shefat e shteteve apo të qeverive të tetë vendeve të rajonit, anëtarë të këtij Procesi. Gjithashtu janë të pranishëm edhe përfaqësuesit e Bashkimit Evropian, të Këshillit të Evropës, OSBE-së, NATO-s dhe Paktit të Stabilitetit.
Liderët e Evropës Juglinodre në takimin e sotëm do të miratojnë "Deklaratën e Beogradit", teksti i së cilës është harmonizuar gjatë ditëve të kaluara. Në thelbin e këtij doklumenti është konstatimi se vendet e rajonit kanë shënuar përparim në zhvillimin demokratik, si dhe mesazhi për Bashkimin Evropian se Ballkani po vazhdon drejt rrugës së integrimit evropian.

BDI është thellësisht i indinjuar me mbajtjen në burg të katër ish-pjesëtarëve të UÇK-së

Shkup, 9 prill 2003 - Bashkimi Demokratik për Integrim (BDI) përmes një komunikate thekson se proceset gjyqësore kundër katër ish pjesëtarëve të Ushtrisë Çlirimtare Kombëtare janë plotësisht në kundërshtim me obligimet që dalin nga Marrëveshja e Ohrit, por edhe me obligimet e palëve ndaj komunitetit ndërkombëtar.
BDI është thellësisht i indinjuar me mbajtjen në burg të katër ish-pjesëtarëve të Ushtrisë Çlirimtare Kombëtare. Kërkojmë që Presidenti i Republikës ta ushtrojë autoritetin e tij në respektimin e dekretit të shpallur për amnestim të të gjithë personave të involvuar në konfliktin e vitit 2001.
Në këtë komunikatë, BDI i bën thirrje Presidentit Trajkovski që të të sillet me përgjegjësi ndaj marrëveshjes së nënshkruar mes NATO-s dhe atij si Kryetar shteti në vitin 2001, e cila parasheh amnestimin e palëve ndërluftuese pas nënshkrimit të marrëveshjes paqësore dhe përfundimit të procesit të demilitarizimit.
BDI kërkon që ish-ushtarët e UÇK-së të cilët po mbahen nëpër burgje të lirohen pa kusht dhe për fajësinë e tyre të vendosë Tribunali i Hagës, si institucioni i vetëm me jurisdiksion të plotë mbi këtë çështje, thuhet në fund të kësaj komunikate.

Miss Europa 2003, e ftuar speciale në "Miss dhe Mister Albania 2003"

TIRANE, 9 prill - Svetlana Koroleva, e zgjedhur si më e bukura, ndër 35 bukuroshe të kontinentit Europian gjatë edicionit të 54-t të konkursit "Miss Europa", do të jetë e ftuara speciale e konkursit të bukurisë, "Miss dhe Mister Albania", i cili do të zhvillohet në 15 Prill, në Pallatin e Kongreseve në Tiranë. Koroleva, 19 vjeçare ruse, 1.77 e gjatë u përzgjodh në 28 dhjetor të vitit 2002 si më e bukura e kontinentit në konkursin e bukurisë të zhvilluar në Bejrut të Libanit. Ajo do të jetë e pranishme në këtë eveniment të bukurisë shqiptare si pjesmarëse e jurisë së këtij konkursi së bashku me të ftuarat e tjera speciale, "Miss Amerika", Candace Crouger e këngëtaren greke Mando. Si surprizë e këtij spektakli konsiderohet gjithashtu pjesmarrja ekskluzive e aktores italiane Ornela Muti, e cila do t'i vendosë kurorën e bukurisë Miss-it më të ri shqiptar. 

---

E marte, 8 prill, 2003

lajme-shkurt:
-UDSH në kërkim të përfaqësimit autentik të shqiptarëve në Mal të Zi
-Inaugurohet rruga Elbasan-Librazhd, pjesë e Korridorit 8
-Krijimi i dy gjuhëve standarde është i rrezikshëm, thotë Ismajli
-Ulqini riemërton rrugët dhe sheshet
-Brayshaw kërkon që Projektligji mbi Tatimin në Pronë të kalojë si rregullore
-Shënohet katërvjetori i betejës së Koshares
-Njerëz me maska shtijnë në policinë në afërsi të Pejës
-ShPK për disa orë zbuloi vjedhësit e ambulancës në Ferizaj
-Romët e Ferizajt synojnë punësim, arsimim dhe integrim
-Në Mitrovicë është zhdukur një person
-Nxënësit mitrovicas i përgjigjen para të tjerëve dhurimit të gjakut
-Gjithsej 1.739 familje shfrytëzojnë asistencë sociale në komunën e Gjakovës
-Hapen 12 kooperativa të mekanizmit bujqësor
-Orari i reduktimeve vazhdon katër me drita dhe dy në terr
-Fillon "Java e Bibliotekës në Kosovë"

.......pak më gjërë:

Këshilli për bartjen e kompetencave tubohet sot
Prishtinë, 8 prill, 2003 - Takimi i Këshillit për bartjen e kompetencave nga ndërkombëtarët tek institucionet qeverisëse të Kosovës do të mbahet sot në Prishtinë dhe do të fillojë në orën 13:00, ndërsa do të shënojë kështu fillimin e një procesi të bartjes së kompetencave, të cilin kryeministri i Kosovës e kishte quajtur proces jo të lehtë.

Vihet gurthemeli i shtatores së Agim Ramadanit
Gjilan, 8 prill, 2003 - Në një datë të veçantë të kalendarit të luftës së UÇK-së, pikërisht më 9 prill l999, bëhet 4-vjetori i thyerjes së murit shqiptaro-shqiptar.

Thaçi: Kosova është në proces të arritjes së statusit final
Stokholm, 8 prill, 2003 - Kryetari i Partisë Demokratike të Kosovës, Hashim Thaçi, i ka deklaruar SR International të Radio Suedisë, seksionit në gjuhën shqipe, se nuk është vetëm Kosova ajo që përcakton statusin final të saj, por janë edhe faktorët e tjerë në rajon, ndërsa që ka veçuar si vartësi të statusit zhvillimet pozitive në vend, në raportet me vendet fqinje, si dhe nga perceptimi i faktorit ndërkombëtar për Kosovën.

Njerëz të armatosur dhe të maskuar konfrontohen me policinë
Prishtinë, 8 prill, 2003 - Autoritetet e policisë së UNMIK-ut njoftuan të martën për një konfrontim mes tyre dhe një grupi prej gjashtë- shtatë personash të armatosur dhe të maskuar, në mesnatën që shkoi në afërsi të Pejës

Zëri Amerikës njofton se;
Forcat amerikane bombardojnë një objekt që përdorej nga udhëheqja irakiane
Irak, 08 Prill, 2003, - Një ushtarak amerikan tha se forcat ajrore amerikane bombarduan dje një objekt që përdorej nga udhëheqja irakiane në Bagdat. Në një deklaratë të Komandës Qendrore Amerikane në Katar thuhej se objekti ku dyshohej se po takohej udhëheqja e lartë irakiane në lagjen Al-Maansur të Bagdatit u godit me bomba të precizionit të lartë. Në deklaratë thuhet se po vazhdon vlerësimi i dëmit të goditjes. Zyrtarët amerikanë thanë se sulmi u krye pas disa informacioneve të zbulimit që vinin në dukje se udhëheqësi irakian Sadam Husein, dy djemtë e tij dhe zyrtarë të tjerë të lartë mund të ishin duke zhvilluar një takim në ndërtesë. Zyrtarët thonë se ndërtesa u shkatërrua plotësisht nga 4 bombat 1 tonëshe të afta të penetrojnë nëpër bunkerë. Ndërkohë sot ka patur luftime në zona të ndryshme të Bagdatit, përfshirë pallatet presidenciale. Në qytet janë dëgjuar shpërthime të fuqishme dhe mbi të është parë një re e dendur tymi të zi. Marinsat amerikane hynë në kryeqytetin irakian nga jugu dhe juglindja. Aeroplanët amerikanë dhe helikopterët Apaçe sulmuan një bazë të Gardës Republikane në juglindje të qytetit. Komanda qendrore thotë se një aeroplan bombardues A-10 u rrëzua në afërsi të aeroportit ndërkombëtar të Bagdatit. Piloti u hodh me parashutë dhe më pas u shpëtua nga forcat e koalicionit në afërsi të aeroportit. Ende nuk dihet se nga se u rrëzua aeroplani. Nga zhvillimet e tjera, transmetimet e televizionit irakian u ndërprenë në mesditë. Deri në atë moment televizioni kishte transmetuar vetëm këngë patriotike dhe imazhe të Sadam Huseinit duke u brohoritur nga turmat e njerëzve. Televizioni nuk e transmetoi sot buletinin e zakonshëm të lajmeve.

---

E hënë, 7 prill, 2003

Për shkak të borës mbyllen disa vendkalime kufitare
Rënia e borës dhe akulli gjatë natës kanë bërë që sot të mbyllen disa vendkalime kufitare. Është i mbyllur kufiri në Bllacë në mes të Kosovës dhe IRJM. Gjithashtu është i mbyllur për kamionë kufiri në Kullë në mes të Malit të Zi dhe Kosovës. Rruga është e hapur për automobila të cilët posedojnë pajisjet dimërore. Të gjitha rrugët dhe pikat tjera kufitare në Kosovë janë të hapura.

Keqësim i pazakontë i motit; bie borë në Tiranë

TIRANE, 7 prill - Në mënyrë krejt të pazakontë këtë muaj të vitit kryeqyteti shqiptar Tiranë u zgjua i mbuluar me një shtresë të lehtë dëbore. Tirana, që rrallë sheh dëborë edhe gjatë stinës së dimrit, është përfshirë nga temperatura të ulta këto ditë. Përkeqësimi i papritur i motit, që është shoqëruar edhe me ulje të tempëraturave dhe rreshje dëbore, ka sjellë probleme në disa akse të rrugëve nacionale. Qafë Krraba ka qenë thuajse e pakalueshme mëngjesin e sotëm, ku trashësia e dëborës ka arritur 24 cm. Vështirësi në qarkullim janë vërejtur në rrugën nacionale Tiranë-Korçë, ndërsa është këshilluar vetëm kalimi i automjeteve me zinxhirë. Edhe në disa zona rurale të Elbasanit qarkullimi ka qenë i pakalueshëm dhe është ndërprerë procesi mësimor në disa fshatra, si pasojë e shembjes së dherave. Edhe në zonën e Qafë Thanës është i vështirë qarkullimi në disa segmente. Dëbora ka mbuluar edhe zonën verilindore të vendit, Kukësin, Dibrën, Burrelin, Kurbinin etj. Probleme paraqiten në rrugën Tiranë-Kukës në Qafën e Malit, ku vështirësohet qarkullimi në disa vende. Sipas korrespondentit të "News 24" në Kukës, nuk është ndërprerë lidhja me Kosovën.

Ngjarje të mëdha kulturore mbërthejnë Prishtinën
Prishtinë, 7 prill 2003 - “Java e Bibliotekës Kosovare”, zyrtarizimi i Operës dhe korit të Filharmonisë së Kosovës, janë tri ngjarje madhore të kulturës që fillojnë sot zyrtarisht në Prishtinë.

Zëvendës shefja e UNHCR, Wyrsch në Prishtinë: Qeveritë lokale të bëjnë më tepër për kthimin e refugjatëve

PRISHTINE, 7 prill - Përfaqësues të institucioneve më të larta vendëse dhe ndërkombëtare u takuan sot me zëvendësen e Komesariatit të Lartë të Kombeve të Bashkuara për Refugjatë (UNHCR), Mary Ann Wyrsch. Ajo tha se ka vërejtur disa përparime në kthimin e të zhvendosurve në Kosovë, por sipas saj qeveritë loklale duhet të punojnë më shumë në këtë drejtim.
Mary Ann Wyrsch u prit në takime të ndara nga kryeadministratroi i Kosovës Mihael Shtajner, presidenti Ibrahim Rugova, kryeministri Bajram Rexhepi dhe komandanti i KFOR-it gjenerali Fabio Mini. Mësohet se temë e qëndrore e takimeve të saj ishte krijimi i kushteve më të mira për kthim të të zhvendosurve. Pas takimit me shefin e UNMIK-ut, Mary Ann Wyrsch tha se kanë biseduar për çështje të ndryshme, por me theks të veçantë për procesin e kthimit.
“Ne paraqitëm pikëpamjet e UNHCR-së dhe të administratës së UNMIK-ut për procesin e kthimit të të zhvendosurëve. Kemi diskutuar për çështjen e kthimit. I kam ofruar shefit të UNMIK-ut përkrahjen e vazhdueshme të UNHCR-së për zhvillim dhe krijim të  kushteve për kthim individual”, tha zëvendësja e komisariatit të Lartë të Kombeve të Bashkuara për Refugjatë, Mary Ann Wyrsch.
“Kam vizituar dje komunitetin e ashkalinjve, Mitrovicën, një pjesë të Prishtinës, Prizrenin dhe Shtërpcën dhe kam parë se janë bërë disa përparime, por kjo nuk do të   thotë se është bërë mjaft në këtë drejtim. Kam parë se ka incitiva të njerëzve që dëshirojnë të kthehen në shtëpitë e tyre, por për këtë duhet të punojnë më shumë edhe qeveritë lokale”, tha Mary Ann Wyrsch.

Pranimi i Serbisë dhe Malit të Zi në KE përfshinë edhe Kosovën thotë Shider
Kryetari i Asamblesë Parlamentare i Këshillit të Evropës Peter Shider, sipas agjensive serbe ka thënë se pranimi i Serbisë dhe i Malit të Zi në Këshillin e Evropës ka të bëjë me të gjithë qytetarët e bashkësisë, duke përfshirë edhe qytetarët e Kosovës. "Shpresojmë se edhe ata do t'i gëzojnë të gjitha të drejtat të cilat rezultojnë nga Konventa evropiane për të drejtat e njeriut dhe që do të involvohen në Gjykatën evropiane për të drejtat e njeriut. Gjithashtu shpresoj se delegacioni parlamentar i SMZ do t'i përfaqësojë në KE edhe qytetarët e Kosovës. Siç ne i kuptojmë gjërat, edhe përkundër pranisë së bashkësisë ndërkombëtare në Kosovë, shpresoj se përfaqësuesit ndërkombëtarë do të jenë mjaft mendjemprehtë t'ua lejojnë qytetarëve t'i shfrytëzojnë përparësitë të cilat i ofron anëtarësia në Këshillin e Evropës", tha Shider.

Përfaqësuesit e Këshillit të Evropës biseduan me udhëheqjen komunale të Prishtinës
Prishtinë, 7 prill 2003 - Përfaqësuesit e Këshillit të Evropës për Decentralizim të pushtetit lokal Gyorgy Bergou, zëvendëskryetar dhe dhe Ivo Shanc, këshilltar, biseduan me Ismet Beqirin, kryetar, Shefki Gashi, nënkryetar dhe Sami Hamiti, kryeshef Ekzekutiv i Kuvendit Komunal të Prishtinës.
Zoti Bergou tha se vizitat në disa komuna të caktuara të Kosovës po realizohet me qëllim të njohjes më për së afërmi me punët dhe aktivitetet e pushtetit lokal në Kosovë, si dhe për mënyrën e ndarjes së kompetencave dhe pikëpamjet lidhur me për decentralizimin e mëtejmë të pushtetit lokal.
Kryetari i Komunës së Prishtinës, Ismet Beqiri tha se udhëheqja e Prishtinës është në fazën e zgjedhjes së qeverisë komunale. Ndërkaq, duke folur për bartjen e kompetencave, z. Beqiri tha se janë bërë përgatitjet e duhura për marrjen e kompetencave. Përveç përgjegjësive të rezervuara të Përfaqësuesit Special, ai tha se është i mendimit se janë krijuar rrethanat për bartjen e kompetencave nga pushteti qendror në pushtetin lokal. Aktualisht, tha ai, ka probleme rreth pronës, ndërsa Agjencioni Kosovar i Mirëbesimit (AKM), duket se i ka ngatërruar kompetencat që kanë të bëjnë me pronën dhe pushteti lokal duhet t'i marrë ato nga niveli qendror.
Për procesin e decentralizimit, kryetari i KK të Prishtinës tha se nuk pranohet kurrfarë decentralizimi në baza etnike dhe sespe kjo do të shkonte në favor të enklavizimit, ndërkohë që nuk do ta ndihmonte integrimin e minoriteteve në Kosovë. Një decentralizim i këtillë është i papranueshëm, tha Beqiri.
Ivo Shanc tha se KE është i interesuar të bëjë një rekomandim për formën e qeverisjes dhe nuk e quan decentralizim, por reformë e qeverisjes. Prishtina është qytet i madh dhe reformat nuk mund të ndodhin menjëherë, por në një fazë të gjatë, tha Shanc. Duke folur për komunitetet, z.Shanc tha se sa i përket dimensionit etnik, e kupton sensibilizimin e kësaj çështjeje, ndërsa në hartën evropiane nuk ekziston harta etnike, tha ai.
Në vazhdim Ismet Beqiri shtroi problemin e formimit të bashkësive të komunave serbe dhe shtoi se Këshilli i Evropës duhet të bëjë më shumë kundër formimit të bashkësisë së komunave serbe, ndërsa edhe institucioni i Këshillit të Evropës duhet të jetë më i qartë rreth këtij problemi.

Të martën bëhet kalimi i përgjegjësive nga UNMIK-u te institucionet vendore
Qeveria i ka bërë të gjitha përgatitjet për marrjen e përgjegjësive dhe këtë proces nuk mund ta pengojë asnjë komunitet pakicë e aq më pak Beogradi. Në takimin e nivelit të lartë që do të mbahet të martën, do të caktohet dinamika e kalimit të përgjegjësive në institucionet vendore, tha zëdhënësi i UNMIK-ut, Sajmon Hajsellok.

UNMIK: Kush krijon struktura paralele të sigurisë përballet me ligjin
Secili që tenton të krijojë struktura paralele të sigurisë do të përballet me ligjin, thonë zyrtarët e policisë së UNMIK-ut në Mitrovicë. Është ky reagim ndaj deklaratës së liderit serb Milan Ivanoviç për formimin e ushtrisë serbe të Kosovës. Zëdhënësi i UNMIK-ut Soji Idovi ka nënvizuar se KFOR-i dhe policia janë strukturat e vetme të sigurisë në Kosovë dhe çfarëdo organizate që thotë se bën sigurinë e qytetarëve të Kosovës është e paligjshme. Secili që shkel ligjin do të nxirret para gjyqit, tha Idovi. Sipas tij, çdokush që mendon se policia dhe KFOR-i nuk janë duke kryer detyrën si duhet,gënjejnë veten dhe të tjerët.

Rexhepi: Nesër mbledhja për bartjen e kompetencave; serbët nuk do të mund ta ndalin procesin

PRISHTINE, 7 prill - “Procesi i bartjes së kompetencave nuk do të jetë aspak i lehtë”, tha kryeministri Bajram Rexhepi, një ditë para mbledhjes së Këshillit të Lartë për Bartjen e Kompetencave. Kryeministri tha se paralajmërimet e serbëve për protesta kundër bartjes së kompetencave nuk do ta bllokojnë procesin.
Pas dy javë shtyerjesh nesër si duket do të jetë dita përfundimtare kur do të fillojë procesi i bartjes së kompetencave. Kjo është konfirmuar nga qeveria, por edhe nga UNMIK-u. “Paralajmërimet e komunitetit serb të Kosovës se do të pengojnë bartjen e kompetencave duke organizuar edhe protesta nuk do ta pengojnë qeverinë dhe UNMIK-un. Serbët nuk mund ta bllokojnë këtë process”, tha Rexhepi.
Shtyerjen e bartjes së kompetencave përveç serbëve lokalë të Kosovës e kanë kërkuar edhe zyrtarët e lartë të Serbisë. Po ashtu serbët janë kërcënuar me luftë por edhe me krijimin e një ushtrie të re serbe duke thënë se bartja e kompetencave çon drejt pavarësisë së Kosovës. Megjithatë, pavarësisht nga ambiciet e qeverisë për të marrë përgjegjësi edhe në fushat e rezervuara, UNMIK-u do të bëjë bartjen vetëm në fusha të caktuara.

Thaçi: Marrëveshje me Serbinë e Malin e Zi; të vendoset afat në çështjen e statusit final të Kosovës

PRISHTINE, 7 prill - Kryetari i Partisë Demokratike të Kosovës, Hashim Thaçi, tha se Prishtina, Beogradi dhe bashkësia ndërkombëtare duhet që me marrëveshje të vendosin afat në çështjen e statusit final të Kosovës, dhe pas kësaj Kosova, Serbia dhe Mali i Zi, si entitete, të hyjnë në integrimet euroatlantike. Këto komente Thaçi i bëri në TV Palma plus të Jagodinës. “Në këtë moment, Kosova dhe Serbia së bashku me bashkësinë ndërkombëtare duhet të arrijnë një marrëveshje për vendosjen e moratoriumit në statusin final të Kosovës për një periudhë të caktuar”, ka pohuar Thaçi, ndërsa ka vlerësuar se duhet të arrihet dialogu ndërmjet Beogradit dhe Prishtinës, por jo vetëm në mes tyre, por edhe midis vendeve të tjera në rajon. 

Banka Kredituese e Frankfurtit angazhohet për stabilizimin e termocentralit “Kosova A”

FRANKFURT, 7 prill - Kontributi gjerman në Ballkan, veçanërisht në Kosovë mund të vërehet më së miri nëpërmjet ndihmës që ky vend ka dhënë në kuadër të Paktit të Stabilitetit nëpërmjet Bankës Kredituese për Rindërtim me seli në Frankfurt. Menaxheri i projekteve për Evropën Juglindore Hans Maksdall thekson se Banka Kredituese për Rindërtim, e angazhuar në Kosovë menjëherë pasluftës, do të vazhdojë edhe mëtej të jetë aktive në vendin tonë. Ai ka shtuar se prioritetet e Bankës Kreditore për Rindërtim ishin programet për ndihmat emergjente, siç janë uji i pijëshëm, energjia dhe projektet për kredi të vogla, ka deklaruar ky menaxher gjerman në radion "Dojçe vele". Gjermania në vitin 1999 ka ndarë 1.2 miliardë marka gjermane dhe gjatë katër viteve në vende të ndryshme të Ballkanit për realizimin e projekteve janë shpërndarë 300 milionë marka gjermane. Banka Kreditore për Rindërtim në Kosovë ka filluar me programin për ndihma emergjente, përfshirë këtu edhe një ndihmë të drejtëpërdrejt për nxjerrjen e thëngjillit, që është nevojitur urgjentisht për të prodhuar energji elektrike. Banka për Rindërtim është duke u angazhuar edhe mëtej në termocentralin "Kosova A" për ta stabilizuar atë, thotë Maksdall. Ai shton se kjo bankë në Kosovë ka ngritur mikrobankën e parë menjëherë pasluftës, e cila ka qenë e vetmja bankë e licencuar që ka guxuar të operojë në Kosovë. Ajo ka financuar ndërmarrje të vogla dhe të mesme në mënyrë që të mund të krijohen vende të raja pune dhe të fillonte rritja ekonomike. Ai thotë se kjo bankë ende është aktive në Kosovë në fushën e furnizimit me rrymë për të mbajtur në punë termocentralin e vjetër "Kosova A" ku këtë vit do të riparohet një gjeneratorë në këtë termocentral për t'ia zgjatur jetën.

Ivanoviç kërkon formimin e ushtrisë serbe në Kosovë

MITROVICE, 7 prill - Kryetari i të ashtuquajturit “Këshilli Nacional Serb” në veri të Mitrovicës citohet të ketë thënë se kalimi i kompetencave nga administrata ndërkombëtare në instutitucionet e Kosovës nuk është në kompetencë të Mihael Shtajnerit. Milan Ivanoviç ka theksuar se nëse Shtajner nuk heqë dorë nga kjo, atëherë në Kosovë do të ketë destabilizim, sepse serbët, siç u shpreh ai, do të jenë të detyruar të vetorganizohen, të formojnë ushtrinë e vet dhe të mbrojnë sigurinë dhe lirinë e tyre të rrezikuar. Ivanoviç ka thënë se formimi i ushtrisë serbe në Kosovë ka për qëllim të pengojë përpjekjet e Mihael Shtajnerit për pavarësinë e Kosovës. Mbi Ivanoviçin rëndon një akuzë për sulme kundër forcave paqeruajtëse në Mitrovicën e Veriut, por ai është liruar të mbrohet në liri më kaucion.

Mbrëmë në Shkup ka ndodhur një shpërthim
Shkup, 7 prill 2003 - Mbrëmë vonë në pjesën veriore të Shkupit ka ndodhur një shpërthim i fuqishëm si dhe ka pasur disa të shtëna nga armë zjarri. Sipas policisë maqedonase, bëhet fjalë për një bombë dore.

Bllokohen rrugët në Tetovë për shkak të mosrepsektimit të amnestisë
Këshilli për lirimin e ish pjestarëve të Ushtrisë Çlirimtare Kombëtare sot prej orës 7 deri në orën 10 do të bllokojë rrugët Tetovë - Gostivar, Tetovë -Shkup dhe Tetovë - Jazhinc duke shprehur kështu revoltën ndaj organeve shtetërore maqedonase të cilat nuk po e respektojnë ligjin e amnestisë pasi në burgjet maqedone edhe më tej mbahen pa asnjë arsye ish lufëtaret e UÇK-së...njofton keshtu rtk ...edhe qik-u bën me dijes se:

Sot është bllokuar autostradën Tetovë - Shkup
Shkup, 7 prill 2003 - Këshilli për Lirimin e të Burgosurve, sot në mëngjes me mekanizma të ndërtimtarisë dhe me automjete motorizuara kanë bllokuar autostradën Tetovë - Shkup, në afërsi të fshatit Zhelinë.
Organizatori ka paralajmëruar se bllokada do të zgjasë deri në orën 10, por se ajo do të vazhdojnë edhe gjatë ditëve të ardhshme.
Pjesëmarrësit e bllokadës kërkojnë lirimin e të dënuarve dhe të burgosurve ish-pjesëtarë të UÇK-së, në mesin e të cilëve është edhe Krenar Osmani, i cili është i dënuar me 6 vjet burg.

Policia e Shkodrës ka konfiskuar rreth 200 kilogram lëndë narkotike dhe ka arrestuar 13 persona
Shkodër, 7 prill 2003 - Në bazë të kontrolleve të vazhdueshme të forcave antidrogë të policisë së qarkut të Shkodrës u arrit të bllokohen rreth 200 kilogram lëndë narkotike, si dhe 700 kubik prodhim narkotikësh të cilët ishin përgatitur për t'u kultivuar. Kjo sasi është konfiskuar në kuadër të një aksioni në shkallë të gjerë të policisë së Shqipërisë që ka për qëllim që brenda këtij viti të pastrojë të gjithë territorin e vendit nga bimët për prodhimin e drogës.... edhe në Kosovë;

Arrestohen 6 persona të dyshuar për drogë dhe trafikim personash
Prizren, 7 prill 2003 - Njësiti rajonal për trafikim nga rajoni i Prizrenit së bashku me Njësitin e policisë për trafikim të komunës së Gjakovës, në një aksion të përbashkët kanë arritur të kryejnë arrestimin e gjashtë personave në një vend të Dukagjinit, duke i zënë në flagrancë.

5 komandot e parë nisen në bazën në Kuvajt

TIRANE, 7 prill - Pesë ushtarakët e parë komando të Grupit të Përparuar u nisën dje pasdite në bazën amerikane në Kuvajt, për t'u marrë me përgatitjen e kushteve për mbarëvajtjen e misionit shqiptar në luftën e Irakut. Në këtë grup bëjnë pjesë zv/komandanti i kompanisë, oficeri i koordinimit, oficeri logjisitk, oficeri i shëndetësisë dhe nënoficeri i ndërlidhjes. Ky grup do t'i paraprijë mbërritjes së kontigjentit shqiptar me qëllim vlerësimin e parapërgatitjen në terren të të gjithë elementëve, që ndikojnë në bërjen e kapaciteteve me aftësi të plota operacionale. Grupi i përparuar do të qëndrojë në kontakt me pjesën tjetër të efektivave komando nëpërmjet Qendrës së Bashkuar Operacionale të forcave tona të armatosura. Ndërkohë, komandot shqiptare vazhdojnë përgatitjen psiko-fizike me një program special trajnimi, në gatishmëri për kryerjen e misionit, kur të jetë e  nevojshme.

Kondiliza Rajs ka biseduar sot në Moskë me Ivanovin për konfliktin në Irak
Moskë, 7 prill 2003 - Këshilltarja e Presidentit amerikan për Siguri Kombëtare, Kondiliza Rajs ka biseduar sot në Moskë me ministrin e jashtëm rus Igor Ivanov për konfliktin në Irak.
Pas bisedimeve, pala amerikane nuk ka dhënë komunikatë, por njoftimet bëjnë të ditur se temë e bisedimeve ka qe incidenti që ndodhi të dielën, në të cilën në një sulm me arëm zjarri ishin plagosur disa diplomatë rusë në Irak të cilët udhëtonin në drejtim të kufirit sirian.
Sipas BBC-së, Moska dhe Uashingtoni duhet të gjejnë mënyrën për të kapërcyer tensionin e shkaktuar me këtë incident nëse duan që të përmirësojnë partneritetin e tyre të luhatur strategjik.

Ekspertët amerikanë besojnë të kenë zbuluar në Irak armë të shkatërrimit në masë
Afër Bagdadit, 7 prill 2003 – Ekspertët amerikanë të armëve biologjike dhe kimike besojnë të kenë zbuluar një vend depozitimi të armëve të shkatërrimit në masë, ka deklaruar një zyrtar amerikan sot (të hënën), njofton Rojter. "Detektorët tanë kanë treguar diçka", ka thënë majori Ros Kofman dhe ka shtuar se "vendi ndodhet në jug të qytetit Hindija".

Forcat amerikane hyjnë në qendër të Bagdadit - njofton sot Zëri Amerikës
7 prill 2003 - Forcat amerikane hynë në qendër të Bagdadit dhe morën kompleksin e pallatit kryesor të presidentit Sadam Husein në breg të Lumit Tigris. Ushtarët amerikanë përshëndesnin të pranishmit nga tanket dhe autoblindat ndërkohë që kalonin përmes kompleksit të pallatit. Ushtarët njoftojnë se ndeshën vetëm qendresë të vogël nga forcat irakiane. Korrespondentët në vijën e frontit njoftojnë se trupat amerikane po merrnin nën kontroll edhe objekte të tjera në kryeqytetin irakian. Një zëdhënës ushtarak amerikan tha se pallatet presidenciale janë objektiva kryesore për shkak se ato janë përdorur si qendra komande dhe kontrolli të forcave irakiane. Hollësitë rreth humbjeve në radhët e të dyja palëve gjatë luftimeve të sotme nuk janë të plota. Një korrespondent i Zërit të Amerikës me trupat e divizionit të tretë të këmbësorisë, tha se një raketë irakiane goditi një qendër të komandës së brigadës së dytë që drejtonte sulmin e forcave të blinduara. Ai tha se shpërthimi shkaktoi plagosjen e disa ushtarëve dhe shtoi se 6 ushtarë amerikanë figurojnë të humbur. Pentagoni thotë se lëvizjet e trupave nuk përbëjnë të ashtuquajturën betejë për Bagdadin, por kanë për qëllim ti përcjellin qeverisë irakiane një mesazh të fortë se forcat amerikane mund të shkojnë ku të duan dhe kur të duan. Në Irakun jugor, qindra trupa britanike hynë sot në qendër të qytetit Basra, pasi forcat e koalicionit marshuan dje në qytet nga disa drejtime. Trupat britanike kontrollojnë tani pjesën më të madhe të qytetit të dytë irakian për nga madhësia.

---

E premte, 4 prill, 2003

lajme - shkurt e trup:
-Forcat amerikane hynë në aeroportin e Bagdadit
-Nuk përkrahet propozimi i PDSH-së për ballinën e pasaportës
-Gjilani kërkon që t'i marrë 5 milionë € e premtuara
-Kuvendi përkrah nismën për shpalljen e Bjeshkëve të Nemuna Park Nacional
-Mbahet manifestimi "Java e Bibliotekës në Kosovë"
-Diskutohet strategjia e Maqedonisë dhe e Shqipërisë për anëtarësim në NATO
-Serbia dhe Mali i Zi do të ndërrojnë Ligjin për Bashkëpunimin me Tribunalin e Hagës
-Deputetët shprehen kundër "konfliktit të përhershëm" Kuvend- UNMIK
-Universiteti i Prishtinës rrezikohet të shuhet, thuhet në Senatin e UP-së
-Shëndetësia e Ferizajt synon marrjen nën kontroll të produkteve ushqimore
-Çamët kërcënojnë Greqinë me padi, po nuk e hoqi Ligjin e Luftës
-Qeveria e Serbisë në "gjah" kundër afaristëve shqiptarë në Luginë të Preshevës
-Kosova mikpritëse e takimit të Paktit për Mjedisin
-Opozita irakiane kundërshton modelin kosovar të administrimit
-Forca të KFOR-it bastisin familjen e një pjesëtari të UÇK-së në Malishevë
-Për pastrimin e Vitisë angazhohen të gjitha komunitetet
-Në incidentin e plagosjes u shti edhe mbi paqëruajtësin e KFOR-it
-Sindikata gjakovare e arsimit solidarizohet me qeverinë për ngritjen e pagave
-Paqëruajtësit gjermanë do të largohen nga kalaja e Prizrenit
-Kuvendi vazhdon seancën me diskutimin e Projekligjit për Bibliotekat
-UNMIK-u hedh poshtë qëndrimin e Kuvendit për arsimin e lartë si pa vlerë ligjore

... më gjërësisht në vazhdim:

Qeveria e Serbisë në "gjah" kundër afaristëve shqiptarë në Luginë të Preshevës
Lugina e Preshevës, 4 prill, 2003 - Pas arrestimeve "spektakulare" të shtatë luftëtarëve të ish Ushtrisë Çlirimtare për Preshevë, Medvegje dhe Bujanoc (UÇPMB), Qeveria e Serbisë ditëve të fundit ka vënë në shënjestër afaristët shqiptarë të Luginës së Preshevës, thanë të premtën për KosovaLive burimet shqiptare nga rajoni.

Kuvendi përkrah nismën për shpalljen e Bjeshkëve të Nemuna Park Nacional
Prishtinë, 4 prill, 2003 - Ministria e Mjedisit mori të premten "dritën e gjelbër" për të hartuar ligjin me të cilin 50 mijë hektarë të Bjeshkëve të Nemuna do të shpallen Park Nacional. Në vazhdimin e seancës Kuvendi miratoi gjithashtu Ligjin për Bibliotekat.

AKM: Privatizimi, shans historik që Kosova të integrohet si njësi e pavarur ekonomike e politike

PRISHTINE, 4 prill - Privatizimi është shans historik që Kosova të përgatisë strukturën e saj ekonomike dhe politike për integrim në rajon dhe botë si njësi e pavarur ekonomike dhe politike. Kështu vlerësoi sot zëvendësdrejtori i Agjencisë Kosovare të Mirëbesimit, Ahmet Shala në seminarin “Privatizimi dhe mundësitë e organizimit të tregut të kapitalit financiar në Kosovë”.
Ndërsa kryetari i Odës Ekonomike të Kosovës, Ismajl Kastrati tha se duke e ditur se  Kosova tashmë është në fazën përgatitore të procesit të privatizimit, opinoni kosovar ka nevojë për seminare për këtë proces. Sipas tij, informimi për fillimin e procesit të privatizimit është mëse i domsdoshëm.
Përfaqësuesi i lartë i AKM-së, Ahmet Shala, procesin e privatizimit e vlerëson hap shumë të rëndësishëm për zhvillimin ekonomik të Kosovës. Me këtë rast ai theksoi se për procesin e privatizimit ndihmë të veçantë duhet të ofrojnë edhe institucionet vendëse. Sipas tij, konkursi për tendere do të shpallet dy herë dhe afati për paraqitje të dokumentacionit do të qëndrojë i hapur 60 ditë.

Haziri: UNMIK-u mos heshtë ndaj tendencave për të krijuar bashkësi të komunave serbe në Kosovë

GJILAN, 4 prill - Lutfi Haziri, kryetar i komunës së Gjilanit i ka bërë thirrje administratës ndërkombëtare që të mos heshtë përpara tendencave për të krijuar bashkësi të komunave serbe në Kosovë. Sipas tij, duke keqpërdorur vullnetin e mirë që treguan deri tani, jo vetëm liderët shqiptarë të Kosovës, por edhe popullata e këtushme, për t’u krijuar mundësi integrimi në shoqëri të gjitha komuniteteve, serbët lokalë, edhe në Anamoravë, sipas modelit të Mitrovicës, tashmë kanë formuar Unionin e Komunave Serbe. Haziri, kryetar i komunës së Gjilanit është i bindur se tendencat e tilla do të dështojnë, sepse në Kosovë nuk do të lejohen institucione në baza etnike. Ai ndjehet ca i befasuar që kjo ka ndodhur edhe në rajonin e Anamoravës, ku Gjilani ka qenë një shembull i mirë për përfaqësimin që u ka siguruar komuniteteve dhe për këtë është cituar shpeshhere edhe nga ndërkombëtarët. Haziri ka thënë se shpreson që edhe UNMIK-u, i cili ka autoritet të rezervuar për disa çështje në Kosovë, nuk do të heshtë ndaj tendencave të serbëve lokalë për të organizuar komuna dhe bashkësi monoetnike.

Që nga 1 gushti të gjithë të punësuarit duhet të paguajnë kontributet për kursimin pensional
Prishtinë, 4 prill - "Trusti i pensioneve të Kosovës, investimet për të ardhmen si dhe principet për investime kurismore" ishte titulluar seminari i sotëm i organizuar nga Ministria e Financave, Riinvesti dhe Enti i Statistikavee të Kosovës.
Në këtë seminar u tha se që nga 1 gushti të gjithë të punësuarit në Kosovë duhet të fillojnë të paguajnë kontributet për kursimin pensional. Çdo punëtor është i obliguar të kontrubuojë me 5 për qind të pagës bruto në konton individuale, kurse pënëdhënësi është i obliguar të shtojë edhe 5 për qind në konton e punëtorit, por kjo shumë mund të shtohet në baza vullnetare, u tha në këtë seminar...për këtë më gjërë në vazhdim:

Trusti i Kursimeve Pensionale të Kosovës për çdo muaj grumbullon rreth 1,8 milionë euro
PRISHTINE, 4 prill - “Trusti i Kursimeve Pensionale të Kosovës për çdo muaj grumbullon rreth 1,8 milionë euro. Kështu thanë përfaqësues të Trustit të Kursimeve Pensionale në seminarin e organizuar nga instituti për hulumtime zhvillimore “Riinvest”, Ministria e Ekonomisë e Financave dhe Enti Statistikor. Gjithashtu u bë e ditur se prej gushtit të këtij viti kontributin për pensione do ta paguajnë të gjithë punëtorët dhe punëdhënësit e Kosovës.
Qëllim i seminarit të sotëm ka qenë që të gjithë kontribuesit dhe qytetarët e Kosovës ta njohin rëndësinë e Trustit të Kursimeve Pensionale të Kosovës. “Kontributin për Trustin Pensional duhet ta japin të gjithë punëtorët dhe punëdhënësit në mënyrë që në moshën 65-vjeçare të kenë pension të sigurtë”, ka vlerësuar drejtoresha e TPK-së, Arjeta Koshotova.
Sipas këshilltarit të Trustit të Kursimeve Pensionale, Jon Gubels, mjetet e grumbulluara deponohen në xhirollogarinë e trustit pranë Bankës së Pagesave të Kosovës, pastaj ato investohen përmes menaxhuesve të zgjedhur të trustit. “Momentalisht të gjitha mjetet e grumbulluara nga Trusti i Kursimeve Pensionale janë investuar në fonde kryesisht qeveritare apo në huadhënie afatshkurtër dhe menaxhohen nga menaxhues evropian të mjeteve. Trusti i Kursimeve Pensionale po grumbullon rreth 1,8 milionë euro për çdo muaj”, tha Gubels.
Ndërsa sipas Alexi Sluchynsky, këshilltar në Trustin e Kursimeve Pensionale për çështjet politike dhe operacionale, egzistojnë 3 shtylla në sistemin e ri pensional të Kosovë: pensioni bazë, kursimi pensional dhe kursimi vullnetar. “Stimulimi kryesor që ndikon në marrjen e vendimit për investimin e mjeteve është siguria e tyre. Çdo investim që bëhet nga trusti duhet t’i përmbushë kriteret siç janë transparenca, gjendja likuide e të hollave dhe shpërndarja e investimeve”, tha Sluchynsky.

Lideri i opozitës irakiane në Prishtinë: S’duam që OKB të udhëheqë Irakun, ashtu si në Kosovë

PRISHTINE, 4 prill - “Nuk e duam OKB-në pas luftës në Irak”. Ky është qëndrimi i njërit prej liderëve të opozitës irakiane Bakhtiar Amin, drejtori i Aleancës për të Drejta Njerëzore - Koalicioni për Drejtësi në Irak. Ai sot në Prishtinë u takua me kryeministrin Bajram Rexhepi dhe shefin e Zyrës Amerikane në Prishtinë Rino Harnish dhe shfaqi mirënjohjen për përkrahjen dhe solidaritetin që kryeministri dhe populli i Kosovës kanë shfaqur për popullin e viktimizuar irakian.
“Unë si person nuk dëshiroj që Kombet e Bashkuara të udhëheqin Irakun, siç bëhet tani me Kosovën. Nuk dua që një organizatë burokratike dhe joefikase si OKB-ja, e cila duhet të ushqejë 160 mijë administrues civilë të OKB-së dhe kushedi sesa personel ushtarak. Jo, faleminderit i them OKB-së dhe këtë për disa arsye”, tha Amin.
Sipas tij, populli irakian ka kapacitete dhe resurse të duhura që ta administrojë vendin e vet. Ai u shpreh kundër misioneve të OKB-së që përdorin sistemet burokratike dhe stafe nga shumë vende për ta administruar Irakun.
Bahtir Amin tha se ndodhet në Kosovë, në vendin që ka vuajtur shumë nga një diktaturë, siç ishte ajo e Sllobodan Millosheviqit dhe i njeh fare mirë vuajtjet që i ka shktatuar popullit irakian diktatori Sadam Husein.
Nga ana e tij, kryeministri Rexhepi shprehu mbështetjen për aksionet aleatëve për çlirimin e Irakut dhe tha se shpreson që lufta në këtë vend të marrë fund sa më shpejt dhe atje të vendoset një udhëheqës siç është Bakhtiar Amin dhe Iraku të jetë burim i stabilitetit dhe i demokracisë.
Për rreth 25 vjet, Bakhtiar Amin është përpjekur ta nxjerrë përpara gjykatës ndërkombëtare Sadam Huseinin dhe zyrtarët më të lartë të regjimit të tij. Fillimisht si veprimtar i të drejtave të njeriut dhe tani si drejtor ekzekutiv i Aleancës Ndërkombëtare për Drejtësi me qendër në Paris, një rrjet me 275 organizata joqeveritare nga 120 vende, ai u ka bërë presion Kombeve të Bashkuara, Bashkimit Evropian, Shteteve të Bashkuara të Amerikës dhe qeverive arabe për ngritjen e një gjykate kundër "genocidit të udhëheqjes irakiane, krimeve kundër njerëzimit dhe krimet e luftës". Amini, kurd nga Iraku Verior me nënshtetësi suedeze i është sulur Sadam Huseinit që në vitin 1988, kur presidenti irakian urdhëroi një sulm me armë kimike kundër fshatrave kurde.

Debat në Kuvend për vendosjen e trupave greke në bazën detare të Bisht-Pallës

TIRANE, 4 prill - Një debat i gjatë dhe me tone nacionaliste shoqëroi dje në Parlament miratimin e marrëveshjes mes qeverisë shqiptare dhe asaj greke për rikonstruksionin e bazës detare të Bisht-Pallës. Ligji i luftës me Shqipërinë që Greqia ka ende në fuqi solli reagimin e deputetëve të opozitës, por edhe të PS-së, që kjo marrëveshje të shtyhej. Socialisti Taulant Dedja shpjegoi votën e tij kundër duke kërkuar sqarime nga kryeministri Nano për debatin që ka shoqëruar muajin e fundit këtë çështje. Edhe deputetë të tjerë kërkuan që Nano të japë shpjegime në Kuvend rreth bisedës së tij me Simitis ndërsa Shpëtim Rroqi paralajmëroi se do të paraqesë në Kuvend një projektrezolutë ku do t'i kërkohet Parlamentit grek shfuqizimi i aktit të luftës. Rikonstruksioni i bazës detare të Bisht-Pallës do të udhëhiqet nga pala greke. Anije luftarake dhe një numër i vogël ushtarësh greke do të dislokohen në këtë bazë. Megjithë kundërshtimet e shumta, vendimi i Parlamentit për të miratuar marrëveshjen u mbështet nga 63 deputetë. Krahas deputetëve të opozitës, socialistët Zela, Brokaj, Dedja dhe Legisi votuan kundër, ndërsa Bilani, Gjoni dhe Pepa abstenuan. "Kjo marrëveshje që na paraqitet është një shkarravinë", tha në seancë, Sabit Brokaj. Vetë mazhoranca kishte qëndrime të ndryshme për këtë çështje, ndaj Gramoz Ruçi i kërkoi ministrit Pandeli Majko të tërheqë përkohësisht marrëveshjen. "Absolutisht jo", ishte përgjigjja e ministrit. "Ju po vazhdoni kështu politikën antishqiptare", iu drejtua deputeti i PBK-së, Alfred Cako përfaqësuesve të qeverisë pas votimit.

Busek: Iraku të mos lerë pas dore Ballkanin

UASHINGTON, 4 prill - Bashkërenduesi i posaçëm i Paktit të Stabilitetit për Evropën Juglindore, Erhard Busek, është shprehur se megjithë luftën në Irak, rajoni i Ballkanit nuk duhet lënë pas dore, pasi ai ndodhet shumë afër Lindjes së Mesme. Zoti Busek ndodhet në Uashington për bisedime me zyrtarë amerikanë. Sipas tij, në Ballkan duhet të përmirësohet gjendja dhe të arrihet qëndrueshmëria e dëshiruar. "Nuk duhet harruar se gjatë luftës në Bosnje pati edhe muxhahedinë që shkuan atje, prandaj mendoj se duhet të jemi të vetëdijshëm lidhur me zhvillimet në këtë kontekst", tha ai.

Forcat amerikane hynë në aeroportin e Bagdadit
4 prill, 2003 - Forcat amerikane kanë vënë nën kontroll pjesën më të madhe të aeroportit të Bagdadit, i cili ndodhet vetëm 20 kilometra nga qendra e qytetit. Forcat amerikane thonë se ato vranë më shumë se 300 trupa irakiane dhe shkatërruan shumë tanke dhe mjete të tjera ushtarake në betejat përreth aeroportit. Zyrtarë ushtarakë amerikanë thonë se aeroporti nuk do të jetë plotësisht i sigurt derisa të mposhtet qendrsa nëpër disa ndërtesa të tij. Pasi aeroporti të vihet nën kontroll të plotë, Bagdadadi do të jetë brenda rrezes së artilerisë amerikane dhe trupa e mjete të koalicionit mund të dërgohen pranë vijës së frontit, duke siguruar kështu edhe linjat e furnizimit që janë sulmuar herë pas here nga luftëtarë irakianë. Avionët e koalicionit vazhdojnë sulmet me bomba dhe raketa kundër kryeqytetit irakian. Shpërthime të fuqishme tronditën sot qendrën e kryeqytetit dhe pjesën e tij jugperëndimore. Shpërthimet që ndodhën gjatë orëve të para të mëngjesit, ndriçuan qiellin mbi Bagdad, e cila ka qenë në errësisë që kur furnizimi me rrymë elektrike u pre dje pasdite. Edhe furnizimi i qytetit me ujë është ndërprerë. Ende nuk dihet shkaku i ndërprerjes së furnizimve me ujë dhe elektricitet. Pentagoni thotë se nuk ka vënë në shënjestër shërbimet komunale të Bagdadit. Ndërkohë, një zyrtar ushtarak amerikan tha se një numër i madh ushtarësh irakianë po dorëzohet. Kapitetni Frank Thorpe tha se sipas një njoftimi nga terreni, 2 mijë e 500 ushtarë irakianë u janë dorëzuar marinsave amerikanë që avancojnë në drejtim të Bagdadit nga qytetit Al Kut

Bullgaria përgatitet të marrë pjesë në rindërtimin e Irakut

SOFJE, 4 prill - Bullgaria po përgatitet të përfitojë nga rreshtimi i saj në krahun e Shteteve të Bashkuara të Amerikës për të marrë pjesë në rindërtimin e Irakut, njoftohet nga burime zyrtare të Sofjes. "Pjesëmarrja jonë në rindërtimin e Irakut do të jetë një rrjedhojë logjike e qëndrimit korrekt të qeverisë dhe parlamentit bullgar në krizën irakiane, gjë që përbën një investim për të ardhmen dhe për interesin tonë kombëtar", deklaroi ministri i Jashtëm, Solomon Pasi. Zëvendësministri i Ekonomisë, Milen Keremidtchiev përmendi mundësinë e pjesëmarrjes bullgare në programin "Naftë në këmbim të ushqimit", në furnizimin me ilaçe, ushqime dhe ujë për trupat aleate, në punimet e inxhinierisë për rindërtimin e porteve, rrugëve, urave dhe rrjetit elektrik në Irak. Pas përfundimit të luftës, bullgarët mund të punojnë në sistemin e arsimit dhe shëndetit publik në Irak, shtoi ai. Sipas zëvendësministrit të Jashtëm, Lubomir Ivanov, janë rivendosur kontaktet me administratën amerikane. "Rindërtimi do të fillojë sapo të merren territoret irakiane nga forcat e koalicionit", pohoi ai.

Ministri i jashtëm bullgar Pasi: Angazhohemi për një zgjidhje sa më të shpejtë të statusit të Kosovës

SHKUP, 4 prill - Ministri i jashtëm bullgar Sojmon Pasi në një takim me ish-kryeministrin e Maqedonisë Lubçe Georgievski është angazhuar për një zgjidhje sa më të shpejtë të statusit të Kosovës. Pas takimit me ministrin e jashtëm bullgar kryetari i opozitës maqedonase Georgievski ka thënë se duhet të mundësohet zgjidhja sa më e shpejtë e statusit të Kosovës sepse kjo do të sillte më shumë stabilitet në Ballkan. Ndërkaq, ministri i jashtëm bullgar citohet të ketë thënë se shtyrja e zgjidhjes së këtij problemi nuk do të bënë më të mirë zgjidhjen e statusit të Kosovës.

Serbi: 7000 të paraburgosur të dyshuar për vrasjen e ish-kryeministrit Gjingjiç

BEOGRAD, 4 prill - Policia e Serbisë ka paraburgosur reth 7.000 të dyshuar, në hetimet rreth vrasjes së kryeministrit Zoran Gjingjiç. Policia i ka akuzuar udhëheqësit e krimit të organizuar se qëndrojnë pas atentatit. “Askush nuk do të kursehet”, ka thënë kryeshefi i sigurimit publik Sreten Llukiq, duke shtuar se operacioni i policisë është më i madhi i këtij lloji në Evropë.

Serbi, DOS: S’ka zgjedhje të jashtëzakonshme

BEOGRAD, 4 prill - “Zgjedhje të jashtëzakonshme parlamentare në Serbi nuk do të ketë, dhe është reale të pritet se ato do të shpallën kur kësaj Qeverie t’i skadojë mandati, në vitin 2004”, ka deklaruar sot funksionarja e lartë e Partisë Demokratike të Serbisë (PDS), Aleksdandra Joksimoviq. Ajo ka thënë në konferencë për shtyp se në koalicionin në pushtet DOS, ekziston pajtueshmëria absolute lidhur me prioritetet dhe hapat që duhet të bëhën, dhe se për Serbinë për momentin është më e rëndësishme që t’i qerojë heaspet me kriminalitetin e organizuar.

Serbi: Një rrugë në Kragujevac do të marrë emrin “Zoran Gjingjiç”

BEOGRAD, 4 prill - Përfaqësuesit e Asamblesë së Kragujevaçit vendosën dje të emërtonin njërën nga rrugët kryesore të qytetit, me emrin e kryeministrit të vrarë serb, Zoran Gjingjiç. Rruga, që deri tani ka mbajtur emrin Mose Pijade, që ndodhet në qendër të qytetit ku ndodhet bashkia, tashmë e tutje do të quhet me emrin e Kryeministrit të vrarë serb. Sipas një vendimi të përfaqësuesve, emrat e 38 rrugëve të tjera në qytet kanë ndryshuar dhe është miratuar një propozim, për të përmirësuar standartin e qytetit.

Serbia përgatitet për ekstradime të reja të kriminelëve të luftës në Hagë

BEOGRAD, 4 prill - Serbia po përgatitet të dërgojë dy ish-oficerë të ushtrisë në gjykatën e krimeve të luftës në Hagë, në një përpjekje për të treguar se ajo mbetet e vendosur për të zhvilluar bashkëpunimin edhe pas vrasjes së kryeministrit Zoran Gjingjiç. Por Serbia nuk ka pranuar të premtojë se do të dorëzojë të dyshuarin kryesor Ratko Mlladiç, duke thënë se ai është zhdukur. Burime nga Beogradi kanë thënë për IWPR se transferimi në Hagë i ish oficerëve të ushtrisë Veselin Sljivançanin dhe Milan Radiç është vetëm cështje ditësh. 

Maqedonia prej sot bëhet anëtari i 145-të i OBT-së

SHKUP, 4 prill - Republika e Maqedonisë prej sot do të bëhet anëtarja e 145-të e Organizatës Tregtare Botërore. Qeveria e Maqedonisë e njoftoi OTB-në, se më datën 5 të muajit të kaluar, parlamenti i Republikës së Maqedonisë e ratifikoi protokolin, i cili i përmban kushtet për anëtarësim. Sipas rregullave të kësaj organizate, Maqedonia zyrtarisht inkuadrohet në OTB 30 ditë pas njoftimit të saj. 

---

E enjte, 3 prill, 2003

Protestë në Deçan: Lironi pjesëtarët e ish-UÇK-së
DEÇAN, 3 prill - Sot në Deçan u mbajt edhe një protestë kundër arrestimit të pjesëtarëve të ish-Ushtrisë Çlirimtare të Kosovës. Pjesëmarrësit e protestës qëndruan rreth 6 orë ulur në sheshin “Mentor Tolaj”.
Kjo është protesta e 50 me radhë që organizohet në Deçan kundër arrestimit të ish- pjesëtarëve të Ushtrisë Çlirimtare të Kosovës. Protestuesit kërkuan përsëri lirimin e menjëhershëm të të arrestuarve dhe ndërprerjen e proceseve gjyqësore ndaj tyre, duke i cilësuar ato si procese të montuara. Protestuesit thonë se arrestimet e ish-luftëtarëve të lirisë janë të bazuara në dëshmi të rrejshme dhe ato kanë prapavijë politike.
Protestat kundër arrestimit të pjesëtarëve të ish-UÇK-së që po mbahen në Deçan kanë hyrë në muajin e dhjetë. Protestuesit ankohen se zërit të tyre nuk po i përgjigjen përfaqësuesit e institucioneve vendore e ndërkombëtare. “Për këtë arsye, Këshilli Organizativ i protestës ka vendosur ta ndryshojë mënyrën e protestimit. Tërheqim vërejtjen se do të ndërmerren edhe mënyra të tjera të shprehjes së revoltës, në qoftë se kërkesat e tyre nuk përfillen nga institucionet”, u shpreh Abdyl Mushkolaj, kryetar i Këshillit Organizues të Protestave për Dukagjinin. Pjesëtarët e protestës së sotme kërkuan gjithashtu që Kuvendi i Kosovës të mbrojë me ligj vlerat e luftës së ish-Ushtrisë Çlirimtare të Kosovës.

Serbët protestojnë në Mitrovicë: Po në Serbi - jo në Kosovën e pavarur; të kthehet policia serbe
MITROVICE, 3 prill - Rreth 400-500 serbë protestuan sot në veri të Mitrovicës, me moton “Po në Serbi - jo në Kosovën e pavarur”. Oratorët u bënë thirrje përfaqësuesve serbë që të braktisin instititucionet e Kosovës posa të kalojnë kompetencat nga UNMIK-u në institucionet e Kosovës, duke thënë se Kosova në këtë mënyrë po ecën drejt pavarësisë.
Gjithashtu, ata bënë thirrje që të formohen struktura paralele të serbëve dhe të mbahet një referendum me të cilën veriu i Mitrovicës do të shpallej komunë më vete. Njëri nga liderët serbë, Milan Ivanoviq, kërkoi kthimin e ushtrisë dhe të policisë serbe në Kosovë, duke shtuar se serbët nuk e njohin Shërbimin Policor të Kosovës. Protesta të tilla serbët kanë paralajmëruar edhe për ditët e ardhshme.

Kuvendi mbështet punën e Qeverisë; Rexhepi: Kishim më shumë pengesa sesa kompetenca

Prishtinë, 3 prill - Mbi gjysma e deputetve u paraqitën për diskutim për punën njëvjeçare të Qeverisë së Kosovës. Deputetët mbështetën punën e Qeverisë, përveç koalicionit serb “Kthimi”. Kryeministri Bajram Rexhepi duke u përgjigjur në pyetjet e shumta të deputetëve tha se qeveria ka pasur më shumë pengesa sesa kompetenca.
Fillimisht për raportin në fjalë folën shefat e grupeve parlamentare në Kuvendin e Kosovës, të cilët, përveç atij serb, me disa vërejtje e përkrahën raportin e qeverisë për punën njëvjeçare. Shefi i Grupit parlamentar të LDK-së, Sabri Hamiti, tha se vendi ndodhet në një moment kur të gjithë duhet t'i marrin përgjegjësitë së bashku dhe kërkoi që institucionet e Kosovës të forcohen, të profesionalizohen dhe të jenë më të përgjegjshme.
Deputeti i PDK-së, Hashim Thaçi, theksoi mbështetjen e partisë që e kryeson për qeverinë dhe për kryeminsitrin. Ai kërkoi bartjen e kompetencave nga UNMIK-u në institucionet e Kosovës dhe vuri në pah nevojën e krijimit të ministrive të reja në kuadër të qeverisë ekzistuese.
Bajram Kosumi, tha se grupi parlamentar i AAK-së mbështet pa rezervë punën njëvjeçare të qeverisë dhe të kryeministrit, por vlerësoi se mungesa e kompetencave është parakusht për zhvillimin e mëtejshëm të vendit. Ai kërkoi një angazhim të përbashkët për krijimin e një kualiteti të ri kushtetues dhe institucional në Kosovë.
Shefi grupit parlamentar serb Dragisha Kërstoviq e kritikoi ashpër raportin e kryeministrit të Kosovës. Deputetët serbë, raportin e kryeministrit Rexhepi e cilësuan si të papranuseshëm. Sipas tyre, ky raport ishte i mbushur me shtetësi e pavarësi të Kosovës dhe në të Serbia trajtohet si vend fqinj.
Kuvendi në këtë mbledhje miratoi qëndrimin që qeveria, në kuadër të saj ministria e arsimit dhe universiteti të gjitha aktivitetet e tyre t'i bazojnë në Ligjin për Arsimin e Lartë i miratuar në korrik të vitit të kaluar, por që nuk është nënshkruar nga kryeadministratori Shtajner. Kuvendi mblidhet sërish nesër dhe do të shqyrtojë për herë të dytë Projektligjin për Bibliotekat, iniciativën për shpalljen e Bjeshkëve të Nemuna Park Nacional si dhe propozimin e grupeve parlamentare për zgjedhjen e anëtarëve të Komisionit Parlamentar për Media.

Shtajner: Nesër në Beograd do t’ua bëj të qartë se ne nuk tërhiqemi nga bartja e kompetencave
PRIZREN, 3 prill - “Në Beograd do t’ua bëj të qartë se ne do të qëndrojmë pranë planit tonë dhe do të vazhdojmë rrugën tonë sepse kjo rrugë është në interes të të gjithë qytetarëve të Kosovës”. Kështu tha një ditë para viztës në Beograd, kryeadministratori Mihajl Shtajner, i cili bëri sot një vizitë në komunën e Prizrenit.
Shefi i UNMIK-ut ka zgjedhur Prizrenin për të mbajtur takimin e parë të udhëheqësve të UNMIK-ut jashtë Prishtinës dhe për të bërë edhe njëherë të qartë se UNMIK-u ka vendosur të vazhdojë rrugën e tij dhe se askush nuk do të mund ta ndalë atë në këtë rrugë. Shtajner tha se bartja e kompetencave do të vazhdojë ashtu siç është paraparë me Rezolutën 1244.
“Ndjehem shumë i inkurajuar që të vazhdoj këtë rrugë që përfshin edhe transferimin e kompetencave nga UNMIK-u në instituconet vendëse. Ne do të vazhdojmë rrugën tonë ashtu siç kërkohet me Rezolutën 1244 dhe nga Këshilli i Sigurimit. Askush nuk do të na ndalë atë për çfarë jemi të obliguar ta bëjmë”, tha Shtajner.
Këtë mosndryshim të qëndrimit të UNMIK-ut Shtajner tha se do t'ua paraqesë edhe zyrtarëve serbë në vizitën e nesërme në Beograd. “Nesër do të shkoj në Beograd për të takuar kryemnsitrin e ri dhe zyrtarët e tjerë. Dhe do ta bëj shumë të qartë se se ne do të qëndrojmë pranë planit tonë dhe do të vazhdojmë në vijën tone, sepse në fund të fundit, rruga që po e ndjekim është në interes të qytetarëve të Kosovës dhe të të gjitha grupeve etnike”, tha Shtajner.
Ai mohoi se vizita e tij në Beograd ka të bëjë me kërcënimet e zëvendëskryeministrit serb Nebojsha Çoviq. “Mendoj se çdo gjuhë e dhunës është plotësisht e papranueshme, pavarësisht se nga kush vjen. Por, natyrisht unë duhet të flas me kryeministrin e ri. Rruga jonë eshtë e qartë dhe ne do të vazhdojmë rrugës sonë”, tha kryeadministratori.
Shtajner në Prizren ka takuar kryetarin e kësaj komune, Eqrem Kryeziun. Më pas ai ka vizituar edhe Xhaminë e Sinan Pashës dhe kryetarin e Bashkësisë Islame të Prizrenit, imamin Ali Vezaj. Shtajner pas vizitës në stacionin policor ka shëtitur nëpër sheshin e Prizrenit. 

Kuvendi mbështet punën e Qeverisë; Rexhepi: Kishim më shumë pengesa sesa kompetenca
PRISHTINE, 3 prill - Mbi gjysma e deputetve u paraqitën për diskutim për punën njëvjeçare të Qeverisë së Kosovës. Deputetët mbështetën punën e Qeverisë, përveç koalicionit serb “Kthimi”. Kryeministri Bajram Rexhepi duke u përgjigjur në pyetjet e shumta të deputetëve tha se qeveria ka pasur më shumë pengesa sesa kompetenca.
Fillimisht për raportin në fjalë folën shefat e grupeve parlamentare në Kuvendin e Kosovës, të cilët, përveç atij serb, me disa vërejtje e përkrahën raportin e qeverisë për punën njëvjeçare. Shefi i Grupit parlamentar të LDK-së, Sabri Hamiti, tha se vendi ndodhet në një moment kur të gjithë duhet t'i marrin përgjegjësitë së bashku dhe kërkoi që institucionet e Kosovës të forcohen, të profesionalizohen dhe të jenë më të përgjegjshme.
Deputeti i PDK-së, Hashim Thaçi, theksoi mbështetjen e partisë që e kryeson për qeverinë dhe për kryeminsitrin. Ai kërkoi bartjen e kompetencave nga UNMIK-u në institucionet e Kosovës dhe vuri në pah nevojën e krijimit të ministrive të reja në kuadër të qeverisë ekzistuese.
Bajram Kosumi, tha se grupi parlamentar i AAK-së mbështet pa rezervë punën njëvjeçare të qeverisë dhe të kryeministrit, por vlerësoi se mungesa e kompetencave është parakusht për zhvillimin e mëtejshëm të vendit. Ai kërkoi një angazhim të përbashkët për krijimin e një kualiteti të ri kushtetues dhe institucional në Kosovë.
Shefi grupit parlamentar serb Dragisha Kërstoviq e kritikoi ashpër raportin e kryeministrit të Kosovës. Deputetët serbë, raportin e kryeministrit Rexhepi e cilësuan si të papranuseshëm. Sipas tyre, ky raport ishte i mbushur me shtetësi e pavarësi të Kosovës dhe në të Serbia trajtohet si vend fqinj.
Kuvendi në këtë mbledhje miratoi qëndrimin që qeveria, në kuadër të saj ministria e arsimit dhe universiteti të gjitha aktivitetet e tyre t'i bazojnë në Ligjin për Arsimin e Lartë i miratuar në korrik të vitit të kaluar, por që nuk është nënshkruar nga kryeadministratori Shtajner. Kuvendi mblidhet sërish nesër dhe do të shqyrtojë për herë të dytë Projektligjin për Bibliotekat, iniciativën për shpalljen e Bjeshkëve të Nemuna Park Nacional si dhe propozimin e grupeve parlamentare për zgjedhjen e anëtarëve të Komisionit Parlamentar për Media.

Rexhepi me ambasadorin hungarez Pandur: Diskutohet linja Prishtinë-Budapest dhe privatizimi
PRISHTINE, 3 prill - Bashkëpunimi ekonomik ndërmjet Hungarisë dhe Kosovës ishte temë e bisedës midis kryeministrit Bajram Rexhepi dhe ambasadorit të Hungarisë në Beograd, Jozef Pandur. Fillimi i vijës së rregullt ajrore Prishtinë-Budapest sipas kryeministrit Rexhepi dhe ambasadorit hungarez janë shumë të rëndëshime për dyja vendet.
“Hungaria pritet që vitin e ardhshëm të jetë anëtare e Bashkimit Evropian. Përvojat e tyre për fazën e tranzicionit që kanë kaluar janë shumë të rëndësishme për Kosovën”, theksoi pas takimit kryemistri Rexhepi.
Oferta e kryeministrit të Kosovës që edhe Hungaria të jetë e pranishme në fazën e procesit të privatizimit në Kosovë është mirëpritur nga zyrtarë e këtij vendi. Në takim me kryeministrin Rexhepi, ambasadori i Hungarisë në Beograd është njohur edhe me situatën politike dhe ekonomike të Kosovës. “Hungaria është e interesuar për stabilitet në rajon. Në vitin e ardhshëm vendi ynë do të jetë anëtar i Bashkimit Evropian. Ne jemi të interesuar për procesin e privatizmit këtu”, u shpreh Pandur. Ai theksoi se fillimi i vijës ajrore ndërmjet dy vendeve do të shërbejë që biznesmenët hungarezë të kenë kontakte të drejtëpërdrejta me situatën e këtushme.

Në dy incidente në Kërpimeh të Podujevës plagosen 3 persona; një i dyshuar qëllon edhe KFOR-in
PODUJEVE, 3 prill - Në dy incidente të lidhura ndërmjet vete rreth orës 9 të mëngjesit 3 persona janë plagosur sot në fshatin Kërpimeh të Podujevës, ka njoftuar zv.komandanti i stacionit të policisë në Podujevë, Majkëll Shllikovej. Ai pohoi se është arrestuar një i dyshimtë i mundshëm në lidhje me ngjarjen. “Një nga të dyshuarit, pas rastit ka shtënë edhe në drejtim të KFOR-it çek-sllovak”, tha Shllikovej, i cili tha se motivet e këtij incidenti ende nuk dihen. Burimet e informacionit në Qendrën Emergjente të Prishtinë bëjnë të ditur se në trajtim mjekësor janë 3 të plagosur nga Podujeva. Vjollca Bogiqi, sekretare në Qendrën Emergjente tha se fjala është për Sahit Tahirin (1970), Ekrem Tahirin dhe Remzie Tahirin (1985).

Dy vëllezërit me maska dënohen me nga 60 ditë burgim
DEÇAN, 3 prill - Pas arrestimit nga policia, vëllezërit Haki dhe Amir Mataj janë dërguar në Gjykatën për Kundërvajtje në Deçan ku janë dënuar me nga 60 ditë burgim. Gjatë procedurës gjyqësore është vërtetuat se vëllezërit Mataj më 31 mars të këtij viti me maska në kokë kanë sulmuar fizikisht me shufra bejzbolli Naser Humajn. Gjatë përleshjes Naseri ia ka hequr njërit maskën, por megjithatë ai ka marrë lëndime të rënda trupore. Me vëllezërit Mataj kanë qenë edhe dy sulmues të tjerë të cilët end nuk janë arrestuar, shkruan shtypi i sotëm.

Presidenti Moisiu zhvillon takime me komunitetin arbëresh në Palermo dhe Kozenca

TIRANE, 3 prill - Dita e tretë e vizitës zyrtare të Presidentit të Republikës zotit Alfred Moisiu në Itali ka vijuar me takimet me komunitetet arbëreshe, autoritetet lokale dhe pjesëmarrje në aktivitete kulturore në Palermo e Kozenca. Presidenti e nisi diten e tretë me një vizitë në Piana degli Albanesi, për të vazhduar më pas me takimin me kryetarin e komunës Caramonno dhe autoritetet e tjera vendore e fetare. Presidenti Moisiu ka zhvilluar një takim me këshillin e komunës dhe përfaqësues të komunitetit arbëresh të Sicilisë. Ai kërkoi lidhje me të forta të shtetit shqiptar me komunitetin arbëresh, investim më të madh për kulturën, gjuhën e traditën, bashkëpunim mes komuniteteve lokale të dy vendeve, si dhe thellimin e bashkëpunimit shumëplanësh me Italinë, temat kryesore të takimeve. Presidenti ka vlerësuar kontributin e madh historik që arbëreshët kanë dhënë jo vetëm për vendin e tyre, por edhe për Italinë. Moisiu dha vlerësim të lartë për traditat kulturore dhe aftësinë e arbëreshëve për të ruajtur, zhvilluar dhe modernizuar gjuhën shqipe gjatë 500 viteve. Duke vlerësuar rolin aktiv të arbëreshëve të Palermos Presidenti tha se "Komuniteti arbëresh që ju përfaqësoni është pjesa më vitale e krenarisë sonë dhe simbol i identitetit tonë kombëtar. Asnjë komunitet tjeter nuk ka arritur të ruajë e zhvillojë me aq sukses traditën, gjuhën dhe kulturën shqiptare". Lidhur me marrëdhëniet me Italinë, Presidenti shtoi se "Italia është mbështetësi ynë kryesor në rrugën e intergimit dhe investitori më i rëndësishëm në ekonominë shqiptare. Ne duam ta ruajmë dhe ta thellojmë këtë përvojë pozitive, të krijuar edhe me rolin dhe kontributi tuaj të veçantë".

Moisiu vendos lule në momentin e Skënderbeut te “Piazza degli albanesi”

TIRANE, 3 prill - Gjatë qëndrimit të tij në Romë, presidenti i Shqipërisë, Alfred Moisiu, vizitoi dhe vendosi një kurorë në monumentin e heroit tonë kombëtar "Skënderbeu" në Piazza degli Albanesi. Presidenti shqiptar Moisiu u takua me ministrin italian të emigracionit. "Shqipëria ka ndryshuar shumë këto vite për meritë të vetë popullit shqiptar, por edhe të mbështetjes që Italia ka dhënë", ka deklaruar ministri i Emigracionit italian, Tremaglia, në takimin me presidentin Moisiu. Sipas tij, është shumë e rëndësishme që Shqipëria po ndjek rrugën e BE-së dhe NATO-s, për të cilën mbështetja e Italisë është dhe do të jetë maksimale. Tremaglia tha se Italia duhet të përpiqet jo vetëm të ndihmojë Shqipërinë, por dhe të nxisë vendet e tjera evropiane që t'i drejtohen asaj dhe rajonit të Ballkanit. "Do të donim një integrim më të mirë të shqiptarëve në jetën shoqërore italiane", i parashtroi presidenti shqiptar ministrit të Emigracionit italian. 

Violinisti Papavrami të dielën koncert në Korçë

KORÇE, 3 prill - Violinisti shqiptar Tedi Papavrami dhe pianisti grek Jani Vakareli do të japin një koncert ditën e diel në qytetin e Korçës. Nisma është ndërmarrë nga ambasadori grek në Shqipëri Iliopulos dhe nga konsulli grek në Korçë.

Trupat amerikane gati për betejën për Bagdadin
E enjte, 03 prill 2003 - Avionët e koalicionit kanë gjuajtur mbi pozicionet e Gardës Republikane.Oficerët e një divizioni të mekanizuar të kombësorisë amerikane thonë se njësitë e tyre të avancuara ndodhen dhjetë kilometra afër Bagdadit.
Disa ushtarë thuhet sa po vendosen afër aeroportit ndërkombëtar "Sadam", në perëndim të qytetit.
Korrespondenti i BBC-së që ndodhet me këtë divizion, thotë se nuk është e qartë nëse pritet një sulm mbi aeroportin, por se humbja e tij, do të ishtë një grusht i fuqishëm për qeverinë e Sadamit.
Ndërkohë në Bagdad, ministri irakjan i informacionit, Mohamed Saeed al Safah i ka hedhur poshtë njoftimet se forcat e udhëhequra nga amerikanët po i afrohen Bagdadit, si krejtësisht të pavërteta.
Ai shtoi se përkundrazi, forcat irakjane po u shkaktojnë dëme trupave amerikano-britanike.
" Një betejë e ashpër po zhvillohet midis njësive të GArdës Republikane - Gardës heroike Republikane dhe mercenarëve amerikanë dhe britanikë, në jug të Kut-it. Ata janë mposhtur, janë mposhtur rëndë... Ne po u japim një mësim shumë të vërtetë sot. Nuk mjafton të themi viktima të mëdha. Ne po shkatërrojmë tanke, automjete, po i vrasim dhe do të vazhdojmë," tha z.al-Sahaf.
Korrespondentë përendimorë që ndodhen në brendësi të Bagdadit thonë në periferi të qytetit është intensifikuar zjarri artilerik dhe bombardimet me raketa.
Megjithatë korrespondenti i BBC-së në qytet thotë megjithëse ka shëtitur nëpër qytet, nuk ka parë shenja të ndonjë përgatitje të madhe ushtarake për të mbrojtur Bagdadin.

Rusia dhe Gjermania zbusin tonet
E enjte, 03 prill 2003 - Presidenti Rus Vladimir Putin ka thënë se Rusia nuk është e interesuar që SHBA të humbë në luftën e saj në Irak.

Pauell në Bruksel: zbuten gjakrat
E enjte, 03 prill 2003 - Franca dhe Gjermania tani po dërgojnë nota më pajtuese ndaj Uashingtonit
Ndërsa sekretari amerikan i shtetit, Kolin Pauell, fillon bisedimet me ministrat e Jashtëm evropian në Bruksel, Gjermania, Franca dhe Rusia e kanë bërë të qartë se duan që Sadam Huseini të hiqet nga pushteti.
Por kancelari gjerman, Gerhard Shrëder gjithashtu ka ritheksuar pozicionin e përgjithshëm evropian që Kombet e Bashkuara të luajnë rolin qëndror në Irak pasi të përfundojë lufta
Tre vendet që kundërshtuan më së shumti luftën tani po dërgojnë mesazhe me nota më pajtuese drejt Uashingtonit.
Ministri gjerman i jashtëm, Joshka Fisher, tha se shpresonte që regjimi i Irakut të binte sa më shpejt të ishte e mundur.
Ndërkohë kancelari gjerman Shrëder shpresonte se një fund më i shpejtë i luftës, do të shkaktonte një numër më të vogël viktimash dhe se populli irakjan do të tejkalonte diktaturën për të jetuar në paqë dhe liri.
Më herët, kryeministri francez, Zhan Pier Rafarë dhe zëdhënësi i tij thanë se dëshironin të shihnin fundin e regjimit të Sadam Huseinit dhe se kundërshtimi i luftës nuk do të thotë se Franca dëshiron që diktatura të mundte demokracinë.

---

E mërkurë, 2 prill, 2003

Ndeshja Shqipëri-Irlandë transmetohet me videoprojektor në qendër të Prishtinës

PRISHTINE, 2 prill - Në Kosovë pritet me interesim të madh ndeshja e sotme e kombëtares së futbollit të Shqipërisë me atë të Irlandës. Në Sheshin Skënderbej në qendër të Prishtinës është vendosur një videoprojektor i madh përmes të cilit do të ndiqet loja që do të zhvillohet në stadiumin "Qemal Stafa" në Tiranë në transmetim të drejtpërdrejtë nga Televizioni Kosovavizion. Për të ndjekur ndeshjen së bashku, shumë qytetarë kanë filluar të mblidhen në qendër të Prishtinës që në orët e para të pasditës. Mijëra kosovarë të tjerë kanë mbërritur në kryeqytetin shqiptar për të përcjellë nga afër këtë ndeshje.

Kuqezinjtë e kombëtares së futbollit pas fitores me Rusinë, barazojnë 0 me 0 me Irlandën

TIRANE, 2 prill - Kombëtarja e futbollit të Shqipërisë ka barazuar sot me Republikën e Irlandës me rezultatin 0 me 0. Shqipëria pati mjaft raste të pastra për të shënuar dhe luajti shumë më bindshëm sesa kundërshtari. Këtë e tregoi edhe posedimi i topit gjatë të dy pjesëve të lojës si dhe rastet e shumta përballë portës irlandeze.
Kane shenuar irlandezet ne minuten e 82-te, por gjyqtari ka anuluar golin, per shkak te pozites jashte loje. Kuqezinjte ne kete ndeshje nuk kane pasur fat. Skela ka dale, Bushi ka hyre ne loje. Lala harkon ne zone, para Tares nderhyne Given, por topi shkon deri te Duro, i cili gjuan por pran portes. Bellai ka zevendesuar Muratin, Myrtaj ka zevendesuar Rrakllin. Nderkohe Robi Kin ka dale nga loja; ka hyre Doherti. Edhe ne minutat e para te pjeselojes se dyte nuk kane munguar rastet e shenimit. Vlen te veçohet gjuajtja e Altin Rrakllit nga 20 metra, por Given e ka debuar topin me veshtiresi ne korner. Atmosfera ne stadiumin kombetar ka qene madheshtore dhe gjithçka ka qene kuqezi.
Të gjithë shiptarët sot kanë qenë me sytë nga Kombëtarja. Në fakt, festa ka nisur që pas fitores së Shkodrës dhe ka mbaruar sonte në mbrëmje, megjithëse me një farë zhgënjimi që kombëtarja e Shqipërisë nuk shënoi. Ndeshja është luajtur në stadiumin kombëtar "Qemal Stafa" në orën 18.00.
Kombëtarja ka vazhduar normalisht përgatitjet edhe në ditën e fundit. Kështu dje paradite kuqezinjtë kanë bërë përsëri një shëtitje në bregdetin e Durrësit që nga hotel Dyrrahu deri te hotel Iliria. Shëtitja është shoqëruar me bisedat rreth ndeshjes, ku Brigeli ka folur më shumë për anën psikologjike. Dje pasdite lojtarët e Kombëtares kanë zhvilluar seancën stërvitore në stadiumin "Qemal Stafa", menjëherë pas stërvitjes së irlandezëve. Trajneri i Kombëtares shqiptare, Hans Peter Brigel, nuk e ka shpallur ende formacionin bazë, por mësohet se do të jenë po ata lojtarë që kanë luajtur kundër Rusisë. Alban Bushi do të jetë i gatshëm kundër Irlandës, por ai do të jetë në stolin e rezervave dhe mund të luajë në pjesën e dytë. Bushi nuk luajti në takimin e parë kundër Rusisë për shkak të dëmtimit me skuadrën e tij në kampionatin turk.

Largohen marinsat e fundit amerikanë nga Kosova

GJILAN, 2 prill - Marinsat amerikanë, të cilët së bashku me ushtarët e tjerë të NATO-s, hynë në Kosovë, para katër vitesh, për ta rikthyer te popullata e këtushme shpresën për jetë dhe për t`i shpëtuar nga tmerri i paparë që po bënte mbi ta regjimi i Beogradit, kanë përfunduar misionin e tyre në Kosovë dhe do të largohen nga Kosova. Kryetari i komunës së Gjilanit, Lutfi Haziri ka organizuar sot një takim lamtumirës për grupin e fundit të marinsave amerikanë, të cilët kishin punuar deri tani në zyrën e çështjeve civile, e cila ndodhej në objektin e administratës komunale. Mbylljen e kësaj zyre, koloneli amerikan, Hoffpauir e ka vlerësuar si një moment të shkëlqyer për popullin e Gjilanit, sepse kjo është dëshmi që këtu tash ka paqe, siguri dhe stabilitet, për të cilat janë angazhuar deri tani marincat, për më shumë se tri vite, ka thënë ai dhe ka shprehur mirënjohje për qytetarët e Gjilanit dhe kryetarin e komunës, Lutfi Hazirin, të cilët u dhanë përkrahje në misionin që kishin, duke qenë një shembull i mirë i bashkëpunimit të popullatës civile me ushtrinë. Duke e rikujtuar qershorin e vitit 1999, koloneli Hoffpauir tha se ndjen kënaqësi që tash, pas më shumë se tri vitesh, kur marincat po kthehen në Amerikë, ky vend është i qetë dhe i sigurtë. "Ne erdhëm në Kosovë që të krijojmë një ambient të sigurtë për të gjithë dhe këtë e kemi arritur", tha ky zyrtar i lartë i ushtrisë amerikane. Z. Haziri, pasi i ka falënderuar marinsat amerikanë për të gjitha sakrificat e deritashme që kanë bërë për të mirën e paqes dhe sigurisë në rajon dhe Kosovë, ka theksuar se Gjilani do t`i mbajë në mend marinsat si njerëzit e parë që në Kosovë sollën lirinë, për t`i dhënë fund tragjedisë së madhe që po bëhej mbi ta.

Çeku i kërkon Dacit që Kuvendi të nxjerrë rezolutë për mbrojtjen e vlerave të luftës së UÇK

PRISHTINE, 2 prill - Nxjerrja e një rezolute nga Kuvendi i Kosovës për njohjen dhe mbrojtjen e vlerave të luftës të ish-Ushtrisë Çlirimtare të Kosovës dhe kategorice të dala nga lufta ka qenë temë kryesore e takimit sot mes kryetarit të Kuvendit të Kosovës, Nexhat Daci dhe komandantit të Trupave Mbrojtëse të Kosovës, general-lejtnant Agim Çeku.
Daci ka thënë se në aspektin ligjor do të avancohen të gjitha çështjet që i adresohen Kuvendit të Kosovës, duke përfshirë këtu edhe institucionin, siç e ka quajtur ai, më të rëndësishëm Trupat Mbrojtëse të Kosovës. Kërkesë e veçantë e gjeneral Çekut drejtuar kryeparlamentarit Daci, ka qenë njohja dhe mbrojtja institucionale e vlerave të luftës të Ushtrisë Çlirimtare të Kosovës. Daci i ka premtuar gjeneral Çekut se TMK-ja, si një institucion shumë i rëndësishëm i vendit, do ta kenë përkrahjen e veçantë të Parlamentit të Kosovës.
Në pyetjen e gazetarëve se cili është qëndrimi i Parlamentit të Kosovës lidhur me paralajmërimin e protestave të komunitetit serb kundër bartjes së kompetencave tek institucionet e Kosovës, Daci tha se transferimi i kompetencave është një proces të cilin nuk mund të ndalë askush.
“Me protestat e tilla që janë në vijën okupuese të Kosovës duhet të merren institucionet që kanë atë përgjegjësi. Bartja e kompetencave nuk do të ndërpritet”, tha Daci. Sipas tij, ky është konstatim dhe rekomandim i Këshillit të Sigurimit në Nju-Jork. “Nuk është dëshirë individuale dhe nuk mund ta pengojë asnjë vend në fqinjësi, asnjë grup minoritar në Kosovë dhe ne mundohemi të krijojmë kushte të barabarta të jetesës”, është shprehur kryeparlamentari Daci.

Mini: Zonat e banuara me serbë në Kosovë janë si kampe përqëndrimi

PRISHTINE, 2 prill - Komandanti i forcave paqeruajtëse në Kosovë, gjenerali italian Fabio Mini ka nxitur reagime në një deklaratë të tij në mjetet serbe të informimit ku i ka përshkruar zonat e banuara me serbë në Kosovë si kampe përqëndrimi. Por zyrtarët e KFOR-it nuk pranuan të komentojnë shqetësimet që kanë nxitur këto deklarata. Zëdhënësi i forcave paqeruajtëse ka thënë se qëllimi i pranisë ndërkombëtare në Kosovë është nxitja e tolerancës etnike. Ai tha se ende ekzistojnë zona në Kosovë ku njerëzit nuk ndihen të sigurtë ku bëhen përpjekje për të inkurajuar kthimin e të zhvendosurëve. Puna e forcave ndërkombëtare është që të krijojnë një mjedis më të sigurtë, por u takon qytetarëve të Kosovës - tha ky zëdhënës - që të jenë më tolerantë, më të kuptueshëm dhe të shikojnë drejt së ardhmes e cila nuk mund të jetë në një shoqëri njëetnike. Zyrtarë të institucioneve thonë se shkalla e krimit në përgjithësi, posaçërisht ajo e dhunës etnike ka pësuar rënie të vazhdueshme në Kosovë.

Protesta e Sindikatës: Ndal terrin, ndal korrupsionin në KEK, ndal përjashtimin e punëtorëve

PRISHTINE, 2 prill - Sindikata e Pavarur Energjetike e Kosovës paralajmëroi se pasnesër do të mbajë protestë në Prishtinë. “Ndal terrin në Kosovë, ndal korrupsionin në KEK, ndal përjashtimin e punëtorëve të KEK-ut nga puna”, do të jetë motoja e protestës. Sindikalistët e energjetikës tërhoqën vërejtjen se nëse pas protestës nuk do të ketë reagim pozitiv të kreut të KEK-ut, atëherë do të hidhen në grevë.
Sipas Sindikatës, edhe pas gjashtë muaj të menaxhimit të drejtorit të përgjithshëm të Korporatës Energjetike të Kosovës, Xhozef Rider nuk është vërejtur asnjë rezultat i punës së tij. “E vetmja mundësi për sensibilizimin e opinionit se çfarë në të vërtetë po ndodh në këtë koorporatë është protesta”, tha Sherif Fejzullahu, kryetar i SPEK-ut. Fejzullahu bëri me dije se protesta e katër prillit do të ngërthejë në vete shumë porosi për drejtuesit e Koorporatës Energjetike të Kosovës.

Nis në Kosovë fushata kundër trafikimit të fëmijëve

PRISHTINE, 2 prill - Në mbarë Kosovën sot nisi një fushatë për ngritjen e vetëdijes së opinionit kosovar për trafikimin e fëmijëve në Kosovë. Kjo fushatë e organizuar nga “Save the Children” filloi në Kinemanë ABC me promovimin e dy filmave të metrazhit të shkurt ndërkohë që do të përfshihen edhe aktivitete të ndryshme me fëmijë dhe të rinj.
Në botë çdo vit trafikohen rreth 4 milionë njerëz. Shumica prej tyre janë fëmijë, djem dhe vajza nën moshën 18 vjeqare. Ata mashtrohen, manipulohen ose rrëmbehen prej trafikantëve. Qëllimi i tyre është që t`i shfrytëzojnë për prostitucion, për punë të rënda  apo edhe për shitjen e organeve të trupit. Edhe Kosova është e njëra nga vendet e prekura  nga trafikimi, mirëpo duke u bazuar në një hulumtim të organizatës humanitare “Save the Children” në Kosovë shkalla e vetëdijës dhe njohurisë për trafikimin është mjat e ultë.
“Organizata “Save the Children” ka përpiluar një projekt që ka për qëllim vetëdijësimin e fëmijëve dhe të rinjve mbi rrezikun e trafikimit dhe mbrojtjen ndaj tij. Projekti përfshin aktivitete të ndryshme, ndër të cilat edhe debate të drejtpërdrejta me fëmijë prej moshës 12 deri 17 vjeç”, thotë Vlora Pajaziti, ushtruese e detyrës së drejtorit në “Save the Children”.
Ndërsa Rezarta Hadri-Jashari, zyrtare e informimit për trafikim në “Save the Children”, shprehet se në kuadër të kësaj fushate, ditë më pare, ambasadori i OSBE-së Paskal Fieski dhe Shefi i Shtyllës së Parë të UNMIK-ut, Zhan Kristian Kadi nënshkruan një memorandum mirëkuptimi për themelimin e një shërbimi të përkohshëm të sigurimit  për viktimat e trafikimit. Sipas kësaj marveshjeje OSBE-ja do t’i sigurojë Shtyllës së Parë 160 mijë euro për të përkrahur dhe udhëhequr këtë shërbim për një periudhë njëvjeçare.

Mitrovicë: Nesër serbët protestë kundër UNMIK

MITROVICE, 2 prill - Në pjesën veriore të Mitrovicës nesër do të mbahet një protesë kundër kalimit të kompetencave nga UNMIK-u në institucionet kalimtare të Kosovës, me moton "Për Serbinë – "JO" pavarësisë së Kosovës". Protestën e organizon “Këshilli Kombëtar Serb i Kosovës veriore dhe Këshilli Kombëtar Serb i Kosovës”.
Duke komentuar pakënaqësitë e serbëve të veriut të Kosovës për bartjen e përgjegjësive nga UNMIK-u tek institucionet vendore, zëdhënësi i UNMIK-ut Xhorxhi Kakuk thotë se kalimi i kompetencave është në përputhje me Rezolutën 1244 të OKB-së dhe është një proces i cili po ecën përpara. Kakuk është i bindur se pakica serbe nuk do të braktisë institucinet e Kosovës, me gjithë apelin e disa liderëve të tyer që ta bëjnë këtë. Kakuk komentoi: "Askush nuk është duke i larguar serbët nga Kuvendi, askush nuk po i detyron ata me forcë ta bëjnë këtë dhe ne seriozisht shpresojmë që një gjë e tillë nuk do ë ndodhë". Ndërkohë Shërbimi Policor i Kosovës është në dijeni se nesër në Mitrovicë do të mbahen protesta, kurse zëdhënësi i këtij shërbimi në Mitrovicë Besim Hoti tha se policia pret protesta të qeta dhe se ato të do të jenë statike. Me këto protesta serbët do të shprehin pakënaqësinë e tyre kundër politikës së kreut të UNMIK-ut në Kosovë Mihael Shtajner.

Trupat e koalicionit i janë afruar Bagdatit 30 kilometra
Irak, 2 prill 2003 - Forcat e koalicionit po përparojnë në drejtim të Bagdadit në dy drejtime, nga jugu dhe juglindja e kryeqytetit irakian. Gazetarët që udhëtojnë me divizionin e tretë të këmbësorisë amerikane thonë se disa njësi të divizionit kanë avancuar në drejtim të veriut përtej qytetit Karbala, 80 kilometra në jug të Bagdadit. Ky avancim pason sulmet e ashpra ajrore gjatë natës kundër trupave të rregullta irakiane dhe anëtarëve të milicisë Fedajin, besnikë të Sadam Huseinit. Zëdhënësi i Komandës Qendrore amerikane, gjenerali Vincent Bruks, tha se forcat e koalicionit vunë nën kontroll edhe një digë jo larg qytetit, nga frika se forcat irakiane mund ta shkatërronin për të përmbytur rajonin dhe të pengonin përparimin e forcave amerikane. Më në lindje, njoftohet se marinsat amerikanë po përparojnë drejt Bagdadit në rrugën kryesore që e lidh atë me qytetin Al Kut. Zyrtarë amerikanë thonë se sulmet ajrore dhe tokësore shkatërruan divizionin e Bagdadit të Gardës Republikane, që mbronte zonat rreth 100 kilometra në juglindje të kryeqytetit. Ministri irakian i Informimit, Muhamed Said al-Sahaf, hodhi poshtë njoftimet se forcat amerikane kanë shkatërruar divizionin e Bagdadit dhe tha se njoftimet për avancimin e trupave amerikane pranë qyteteve Karbala dhe Al Kut nuk janë të vërteta. Gazetarët që udhëtojnë me forcat tokësore të koalicionit, thonë se disa prej trupave amerikane ndodhen vetëm 30 kilometra larg Bagdadit. Zyrtarët ushtarakë amerikanë thonë se forcat e koalicionit ndodhen tani brenda të ashtuquajturës vija e kuqe që ata mendojnë se mund të nxitë një sulm irakian me armë kimike. Zyrtarët irakianë kanë mohuar në mënyrë të përsëritur se vendi i tyre zotëron armë të tilla. Ndërkohë, avionët e koalicionit vazhduan bombardimet kundër objekteve në Bagdad dhe pozicioneve të trupave irakiane në afërsi të kryeqytetit. Iraku thotë se gjatë 24 orëve të fundit forcat e koalicionit kanë vrarë 24 civilë, përfshirë 10 në Bagdad dhe kanë plagosur 186 të tjerë

Jep dorëheqjen anëtari serb i Presidencës tripalëshe të Bosnjës

BANJA LUKA, 2 prill - Mirko Saroviç, anëtari serb i Presidencës tripalëshe të Bosnjes, dha dorëheqjen sot, pasi ishte implikuar në dy skandale, një prej të cilëve ishte shitja ilegale e armëve Irakut, njoftoi kryetari i Parlamentit të serbëve të Bosnjes, Dragan Kaliniç.

Serbi, Zhivkoviç: Haga mos bëjë tregti të ndyrë

BEOGRAD, 2 prill - Pas lajmit se Milorad Lukoviç "Legija" është interesuar për mundësinë që përmes Gjykatës së Hagës ta ndryshojë identitetin dhe vendqëndrimin, si zëvendësim për informacionet për Radovan Karaxhiçin dhe Ratko Mladiçin, askush në opinion as nuk e ka konfirmuar, as nuk e ka përgënjeshtruar këtë informatë.
I pyetur nga gazetarët në tubimin kushtuar Këshillit Kombëtar të Konkurrencës, kryeministri i Serbisë, Zoran Zhivkoviç tha: “Mendoj që ai nuk ka ç't’i ofrojë Gjykatës së Hagës, por edhe pres se kjo gjykatë do të jetë dinjitoze e që nuk do të hyjë në kurrfarë tregtie të ndyrë”. Njëkohësisht, Zhivkoviç, paralajmëroi se gjatë javës së ardhshme do të ndryshojë Ligji për procedurën penale, i cili do të mundësojë paraburgimin prej 60 ditësh për të gjithë ata të cilët janë marrë me terrorizëm, krime të luftës dhe krim të organizuar.
Edhe nënkryetari i Qeverisë së Serbisë, Nebojsha Çoviq ka deklaruar sot se nuk beson se do të këtë “pazarllëk” midis Prokurorisë së Gjykatës së Hagës dhe ish-komandantit të Njësive për Operacione Speciale, Millorad Llukoviq-Legija.

Sekretari amerikan i Shtetit Pauell sot në Beograd

BEOGRAD, 2 prill - Sekretari amerikan i shtetit, Kolin Pauell viziton sot pasdite për disa orë Beogradin. Ai do të takohet me kryetarin e Serbi-Mali të Zi, Svetozar Maroviqin, ministrin e Jashtëm, Goran Svilanoviq dhe kryeministrin e Serbisë, Zoran Zhivkoviq. Departamenti Amerikan i Shtetit ka njoftuar se vizita e sekretarit Pauell në Beograd, paraqet mbështetjen e Uashingtonit ndaj autoriteteve serbe, pas vrasjes së kryeministrit, Zoran Gjingjiq, por shtohet se ai do të kërkojë nga bashkëbiseduesit edhe avancimin e bashkëpunimit të Beogradit zyrtar me Gjykatën e Hagës për krime të luftës në ish-Jugosllavi.

Grupi i Krizave: Beogradi i ka shitur armë Irakut

BRUKSEL, 2 prill - Grupi Ndërkombëtar i Krizave, një organizatë e pavarur me qendër në Bruksel e cila bën studime rreth rajoneve në konflikt, thotë se ish presidenti jugosllav, Sllobodan Millosheviç i shiste armë Irakut megjithë sanksionet e OKB-së për të mos e bërë një gjë të tillë dhe se kjo ka vazhduar edhe pas përmbysjes së tij në vitin 2000. Grupi Ndërkombëtar i Krizave thotë se mes armatimeve që i janë shitur Irakut janë municione antiajrore, predha artilerie dhe sisteme të telekomanduara që përdoren për raketat Scud. Madje, teknikët jugosllavë kanë riparuar motorrët e aeroplanëve luftarakë MIG, prodhim i ish Bashkimit Sovjetik. Xhejms Llajën përfaqësues i Grupit Ndërkombëtar të Krizave në Beograd tha se Iraku ka blerë edhe teknologji për të ndërtuar raketa primitive Kruz. Llajën tha se edhe disa teknologji kundër-ajrore që janë përdorur kundër aeroplanëve të NATO-s gjatë luftës në Kosovë duket se tani po përdoren nga mbrotja ajrore irakiane. Ekspertët e Grupit Ndërkombëtar të Krizave pohojnë se tani ekzistojnë dyshime se disa armë kimike apo teknologji kimike kanë kaluar nga Jugosllavia në Irak. 

Maqedoni: Shkëmbim zjarri në Tetovë, plagosen katër vetë

SHKUP, 2 prill - Katër persona u plagosën sot gjatë një shkëmbim zjarri që ka ndodhur në afërsi të Universitetit të Tetovës në Reçicë të Vogël. Njoftimin e ka dhënë Ministria e Brendshme e cila ka bërë të ditur se të katër personat ishin nga ky qytet dhe tensioni mes tyre është rritur pas një zënke të ndodhur ditën e djeshme. Të plagosurit u dërguan menjëherë në spital për të marrë mjekimin e parë. Mësohet se dy prej këtyre personave janë me precedentë penalë.

---

E marte, 1 prill, 2003

-Reduktimet vazhdojnë 4 orë me energji, 2 orë pa të
-Fillon projekti teatror “Udhëtimi në UNMIKistan”

...gjërësisht:

Nuk ka hollësi rreth arrestimit të komandant Malës
Gjakovë, 1 prill, 2003 - Ende nuk janë dhënë hollësi për arrestimin e djeshëm të Maliq Ndrecajt, ish komandant i Brigadës 132 "Myrtë Zeneli". "Ndrecaj dje është transferuar në burgun e Prishtinës, ndërsa policia ende nuk ka dhënë informacione zyrtare rreth burgosjes në fjalë", ka bërë të ditur Shoqata e Veteranëve të Luftës së UÇK-së, dega në Gjakovë. Ish-luftëtari i Ushtrisë Çlirimtare të Kosovës dhe më pas i Ushtrisë Çlirimtare Kombëtare në Maqedoni, i njohur edhe si komandant Mala, është invalid i luftës.

Përkujtohen 80 viktimat e Lybeniqit të Pejës

PEJE, 1 prill - Banorët e fshatit Lybeniq të Pejës përkujtuan sot 80 dëshmorët e këtij fshati, të rënë para katër vjetësh. Familjarët e dëshmorëve u bënë thirrje institucioneve të Kosovës që të mos e harrojnë gjakun e dëshmorëve dhe të angazhohen më shumë për ndriçimin e fatit të të zhdukurve.
Në Lagjen e Rrustemajve në Lybeniq, më 25 maj të vitit ‘98 dhe më një prill të vitit ’99, ushtria jugosllave i ndau veç 80 banorë të këtij fshati, kryesisht burra dhe i vrau në mënyrë mizore. Këto janë dy ngjarje që kurrë nuk mund t'i harrojnë banorët e këtij fshati. Dëshmitarët këtyre masakrave sot kanë rikujtuar dhe treguar për llahtarinë që kanë përjetuar ata.
Në shënimin e katërvjetorit të masakrës së Lybeniqit nuk mori pjesë asnjë prej përfaqësuesve të institucioneve të Kosovës, por familjarët e viktimave u bënë ftesë atyre që të mos e harrojnë gjakun e dëshmorëve dhe votat e popullit.
Mbi 50 banorë të Lybeniqit të Pejës konsiderohen ende të zhdukur. Familjarët e tyre kërkojnë nga institucionet e Kosovës dhe nga UNMIK-u që të angazhohen për ndriçimin e fatit të tyre sa më parë.

Rexhepi takon Çekun: Eshtë e padiskutueshme se TMK është ushtria e ardhshme e Kosovës

PRISHTINE, 1 prill - “Eshtë e padiskutueshme se Trupat e Mbrojtjes së Kosovës janë ushtria e ardhshme e Kosovës”. Kështu tha kryeministri Bajram Rexhepi pas takimit sot me komandantin e TMK-së, gjeneral-lejtnant Agim Çeku.
Në takimin e sotëm të kryeministit Rexhepi me Çekun është biseduar lidhur me angazhimet e Trupave të Mrojtjes së Kosovës, si dhe lidhur me marrëveshjen që TMK-ja ka nënshkruar me UNMIK-un, KFOR-in dhe Pesëshen Diplomatike në Kosovë, për marrjen e detyrave shtesë nga ana e TMK-së.
Kryeministri Rexhepi tha se Qeveria e Kosovës mbështet fuqishëm Trupat e Mrojtjes së Kosovës. Gjeneral-lejtnant Agim Çeku tha se shpreson që me bartjen e kompetencave nga ndërkombëtarët në institucionet e Kosovës edhe Trupat e Mbrojtes së Kosovës të kenë detyra të reja. Në këtë takim u shtrua edhe nevoja e një bashkëpunimi akoma edhe më të ngushtë mes qeverisë dhe Trupave të Mrojtjes së Kosovës.

Kryeministri çmon angazhimin e LPK - së në Kuvend
Prishtinë, 1 prill, 2003 - Kryeministri Rexhepi e vlerësoi lart angazhimin e LPK-së në Kuvend. “Ne e kuptojmë pozicionin e kësaj partie e cila duhet të jetë opozitë konstruktive në Parlment dhe në qeveri me qëllim që gjërat ti çojmë përpara, deklaroi kryeministri Rexhepi pas takimit me kreun e LPK-së Emrush Xhemajli.
Ndërsa kryetari i LPK-së bëri të ditur se ishte qëndrim i përbashkët me kryeministrin Rexhepi, se të gjitha kërcënimet që vijnë nga Serbia nuk duhet t’i shqetësojnë qytetarët e Kosovës.
Rreth projektit ideor për krijimin e Unionit Kosovë-Shqipëri Xhemajli tha se kjo çështje së pari duhet të kalojë nëpër parlamentet e Shqipërisë dhe Kosovës e pastaj të kalojë tek qeveritë e të dy vendeve. Në takim është bërë e ditur edhe për fillimin e projektit të ndërtimit të rrugës Malësi- Plavë, gjë që është përkrahur edhe nga qeveria.

Shënohet katërvjetori i masakrës së Lybeniqit
Lybeniq, 1 prill, 2003-Sot në fshatin Lybeniq të Pejës shënohet katërvjetori i masakrës së 80 civilëve të këtij fshati nga ana e forcave policore ushtarake serbe.

Organizohet festivali “ Prizreni 2003”
Departamenti për Kulturë dhe Manifestime Publike i Forumit të Rinisë të LDK-së, prezentoi sot projektin e Festivalit të pestë me radhë të Shoqërive Folklorike të Kosovës, “Prizreni 2003”. Në bazë të kritereve të organizatorit, në festival mund të marrin pjesë të gjitha SHKA-të, në programin e të cilave gjenden forma të ndryshme të folklorit burimor, të valleve tradicionale burimore dhe forma tjera të fushës etnomuzikore. Afati i paraqitjes së shoqërive është prej sot deri më 7 prill, në zyrat e FR të LDK-së në Prishtinë dhe Prizren.

Hapet Panairi ndërkombëtar EXPOKOS 2003
Prishtinë, 1 prill, 2003 - Në Prishtinë, më 2 prill, në Pallatin e Rinisë, Kulturës dhe Sporteve hapet Panairi ndërkombëtar EXPOKOS 2003.

Serbët e Bosnjes "spiunojnë" NATO-n

SARAJEVE, 1 prill - NATO thotë se ka dëshmi që tregojnë se autoritetet e serbëve të Bosnjës kanë spiunuar për aktivitetet e NATO-s. Një zëdhënës, tha se një njësi e ushtrisë së serbëve të Bosnjës kishte spiunuar ndaj forcës së drejtuar nga NATO në Bosnje, SFOR-it, ndaj organizatave të ndryshme boshnjake dhe ndërkombëtare dhe ambasadës amerikane në Sarajevë. Akuzat pasojnë kapjen në fillim të këtij muaji të materialeve kompromentuese në zyrat e zbulimit të ushtrisë së serbëve të Bosnjes. Njoftimi koinçidon me spekullimet se zyrtari kryesore ndërkombëtar në Bosnjë, Pedi Eshdaun, mund të jetë pranë shkarkimit nga puna të anëtarit serb të presidencës tripaleshe boshnjake, Mirko Saroviç. Saroviç, ish-presidenti i serbëve të Bosnjës, është akuzuar se ka mbikqyrur eksportin ilegal të armëve drejt Irakut.

Serbi: Arrestohet ish-shefi i Shtabit të Përgjithshëm, Nebojsha Pavkoviç

BEOGRAD, 1 prill - Ish-shefi i shtabit të përgjithshëm Nebojsha Pavkoviç është arrestuar sot në kuadër të hetimeve që po bëhen rreth vrasjes së kryemisnitrit serb Zoran Gjingjiç. Këtë njoftim e kanë bërë të ditur mediat serbe të cilat i referohen burimeve të sigurta policore.

Serbi: Legija ka qëndruar edhe në Shqipëri

BEOGRAD, 1 prill - Një nga krerët e klanit kriminal të Zemunit, Milorad Lukoviq-Legija (Legjionari), i cili akuzohet per vrasjen e ish-kryeministrit Zoran Gjingjiç, ka pasur pasaportë dilpomatike dhe një pasaportë falso kroate, kanë njoftuar mbrëmë mediat elektronike serbe. Lukoviq statusin e diplomatit e ka marrë duke vrarë ose duke keqtrajtuar kundërshtarët politikë të regjimit të Sllobodan Millosheviqit. Me këtë pasaportë, sipas mediave elektronike serbe, Lukoviq kishte udhëtuar në shumë vende, si në Maqedoni, Shqipëri, Spanjë etj. për trafikim me narkotikë dhe për punë të tjera kriminale.

---

E hënë, 31 mars, 2003

Maltretohen banorët e fshatit Muçibabë
PRISHTINE, 31 mars 2003-  - Xhandarmëria serbe e cila pas largimit të patrullave të KFOR-it amerikan nga fshati Muçibabë, është stacionuar te kjo pikë, në vijën kufitare Kosovës-Serbi tani çdo natë hynë në brendësi të fshatit duke maltretuar banorët e kësaj ane, thonë burime të radios Blue Sky.

Rexhepi: Koha e kërcënimeve të Serbisë ka kaluar; definimi i statusit të nisë në vitin 2004

Rexhepi: Koha e kërcënimeve të Serbisë ka kaluar; definimi i statusit të nisë në vitin 2004

PRISHTINE, 31 mars 2003- “Koha e kërcënimeve që ka bërë Serbia ka kaluar përgjithmonë. Ne jemi nën rezolutën 1244 dhe autoritetet e vetme kompetente për çështjet e sigurisë janë KFOR-i dhe policia e UNMIK-ut”. Kështu tha kryeministri i Kosovës Bajram Rexhepi, duke komentuar një deklaratë të zëvendëskryeministrit serb Nebojsha Çoviq. Kryeministri Rexhepi i tha radios “Evropa e Lirë” se kjo është më tepër një instrumentalizim i mëtutjeshëm i komunitetit serb në Kosovë, për të penguar çdo zhvillim drejt krijimit të shtetësisë së Kosovës.
“Qëllimi final konsiston në dy opcione të Serbisë, njëri që ta fusë Kosovën nën jurisdiksionin e Serbisë, sikur që është futur në preambulën kushtetuese, dhe tjetri është që të bëhet ndarja e Kosovës, sikur kanë qenë edhe projektet që i ka propozuar ish-kryeministrit Zoran Gjingjiq”, tha Rexhepi.
I pyetur se deri ku ka arritur procesi bartjes së kompetencave nga UNMIK-u në institucionet e Kosovës, Rexhepi tha se janë janë bërë përgatitjet, por transferimi nuk do të bëhet në një takim njëditësh të Këshillit për Transferimin e Kompetencave. “Do të jetë vetëm pjesa politike ku caktohet orari se në çfarë kohe çka do të transferohet. Dhe kjo e pengon më së shumti Serbinë. Këtë proces nuk mund ta parandalojë askush, meqë për të është dhënë drita e gjelbër nga Këshilli i Sigurimit edhe nga zoti Shtajner”, tha kryeministri.
Rexhepi tha se edhe UNMIK-u është vonuar me këtë transferim kompetencash dhe faji nuk është te ministrat dhe kryeministri, por faji është i përbashkët. Sipas tij, edhe kryeministria dhe ministritë nuk kanë qenë aq aktivë sa është dashur ndoshta. Ai kritikoi burokracinë e UNMIK-ut, e cila, sipas tij, tenton që ta zvarrisë këtë proces sa më tepër. “Unë nuk mendoj konkretisht për zotin Shtajner, por për strukturat e UNMIK-ut, të cilat e kanë qëllimin e vet që të qëndrojnë sa më gjatë në Kosovë”, saktësoi Rexhepi.
Pyetjes se kur e pret zgjidhjen e statusit të Kosovës, Kryeministri tha: “Statusi duhet të definohet sa më shpejt që është e mundur, porse këtë vit duhet shfrytëzuar që të ngrihet cilësia e funksionimit të institucioneve të Kosovës”.
“Koha optimale kur duhet të fillojë definimi i statusit është viti 2004. Më 2005 ky proces duhet të përfundojë. Mos të vonohemi shumë me definimin e statusit të Kosovës edhe për çështjet që i përmenda, pra, për çështje ekonomike, por edhe për çështje të tjera ku mund të jetë një revoltë e populates”, tha kryeministri Bajram Rexhepi.
Ndërkaq duke folur për standardet që kërkohet të përmbushë Kosova, Rexhepi shtoi: “Standardet dhe çështja e statusit shkojnë bashkërisht. Statusi i Kosovës nuk mund të mbetet peng i nivelit të standardeve. Në kohën e duhur statusi i Kosovës duhet të definohet në mënyrë që këto standarde të realizohen edhe më lehtë, pra duhet të shkojnë krahas”.

UNMIK: Kërcënimet e Çoviqit s’na shqetësojnë

PRISHTINE, 31 mars 2003 - UNMIK-u nuk ka ndonjë reagim të veçantë lidhur me deklaratat e zëvendëskryeministrit të Serbisë Nebojsha Çoviq se “shpallja e pavarësisë së Kosovës do të shkaktonte një luftë të re, pasi Serbia do të ndërhynte për të mbrojtur territorin dhe popullin e vet”.
Zëdhënësi i UNMIK-ut, Sunil Narula theksoi se mandati i UNMIK-ut është i qartë. “Kosova aktualisht qeveriset nga Rezoluta 1244 dhe kështu do të jetë derisa Këshilli i Sigurimit nuk vendos ndryshe”, tha Narula.
Si zyrtarët ndërkokombëtarë ashtu edhe ata vendorë në Kosovë thonë se nuk shqetësohen nga kërcënimet e tilla që vijnë nga Çoviqi, duke shtuar se ata do të vazhdojnë procesin e bartjes së kompetencave nga ndërkombëtarët te institucionet e Kosovës. Nga Zyra e Kryeministrisë këto deklarata të Çoviqit u quajtën të papërgjegjshme në kohën kur gjithandej flitet për integrime rajonale dhe për fillimin e mundshëm të dialogut ndërmjet Prishtinës dhe Beogradit.
I ashtuquajturi “Këshilli Nacional Serb” në veri të Mitrovicës ka paralajmëruar protesta shtatëditëshe kundër kryeadministratorit Mihael Shtajner, me pretekst se ai ka lejuar bartjen e kompetencave nga administrata ndërkombëtare tek institucionet e përkohshme të Kosovës. Mirëpo pavarësisht nga këto reagimeve të pakicës serbe, zyrtarët e UNMIK-ut dhe të Qeverisë së Kosovës kanë paralajmëruar se deri në gjysmën e muajit prill do të mbahet takimi i grupit të përbashkët UNMIK-Qeveri e Kosovës për bartjen e kompetencave. Kryetari i “Këshillit Nacional Serb”, Milan Ivanoviq tha se serbët e Kosovës janë të pakënaqur me politikën e kreut të UNMIK-ut Mihael Shtajner në Kosovë, e cila siç tha ai, është e drejtuar në formimin e shtetit të pavarur të Kosovës.
Nga ana tjetër, zyrtarët e UNMIK-ut dhe institucioneve të Kosovës kanë deklaruar se çfarëdo zgjedhjesh që do të organizohen nga pjesëtarët e pakicës serbe në veri të Mitrovicës pa pëlqimin e tyre do të cilësohen të paligjshme. Këtë deklaratë autoritetet në Kosovë e bëjnë pas paralajmërimeve të serbëve të veriut të Kosovës se do të organizojnë një referendum dhe më pas edhe zgjedhje lokale për krijimin e një komune serbe në veri të Mitrovicës.
Zëdhënësi Narula thotë se misioni i OKB-së në Kosovë nuk është kundër mbajtjes së protestave të serbëve në veri të Mitrovicës, ndërkaq mbajtjen e referendumit për shpalljen e komunës veriore të Mitrovicës e quajti të paligjshme. “Mbajtja e referendumit apo e çfarëdo zgjedhjeve në mënyrë private nuk ka kurrëfarë fuqie ligjore, sepse tashmë janë mbajtur zgjedhjet lokale të organizuara nga OSBE-ja në Kosovë”, u shpreh Narula. Ndërsa kryetari i Komunës së Mitrovicës Faruk Spahija tha dje se kërcënimet e serbëve për shpalljen e veriut të Mitrovicës si komunë më vete mund të tensionojnë situatën në Mitrovicë dhe të prodhojë konflikte të reja ndëretnike.

Inaugurohet objekti i rindërtuar i konviktit dhe ngrohtorja
Prishtinë, 31 mars, 2003 - Prej sot Qendrës së Studentëve iu shtua edhe objekti i rindërtuar i konviktit si dhe ngrohtorja lokale. Agjensioni Evropian për Rindërtim dhe MASHT-i kanë ndihmuar në këtë drejtim.
Studentët e fakultetit juridik dhe ekonomik të cilët kanë fituar kushtin për studime prej sot mund të aplikojnë, që të jenë banorë të objektit të sapo inauguruar. Ministria e Arsimit planifikon që në të ardhmen të ndërtojë edhe një konvikt të ri në vendin e barakave të vjetra tha ministri Osmani, i cili po ashtu premtoi ndihmë për studentët por edhe për rritjen e pagave të profesorëve. Kryesuesi i operimeve në AER Tieri Bernard Gell porositi studentët që të mirëmbajnë objektin edhe për brezat që vijnë.
Në inaugurim morën pjesë përfaqësues të lartë politik dhe edukativ të vendit

Opozita nis protesat për të rrëzuar Qeverinë

TIRANE, 31 mars 2003 - Partia Demokratike fillon që sot protestat në të gjithë vendin. Këtë e ka paralajmëruar dje në një konferencë për shtyp shefi i departamentit ekonomik në këtë parti, Edmond Spaho, i cili sqaroi se shkak i këtyre protestave është gjendja e rënduar që ka përfshirë vendin. Ai u shpreh për gazetarët se "kjo alternativë e ka dëshmuar qartë se është e paaftë të zgjidhë këtë problematikë, prandaj do të ishte krejt normale që ajo të zëvendësohej me një qeveri dhe alternativë tjetër të krahut të djathtë". "Për 6-7 vite me radhë kemi parë se qeverisja socialiste nuk ka qenë e aftë të administrojë një sërë problemesh që kanë të bëjnë me jetën politike ekonomike të vendit, nuk ka qenë e aftë të administrojë probleme, të cilat kanë të bëjnë me Marrëveshjen e Asociim-Stabilizimit dhe nuk ka qenë e aftë të administrojë probleme që kanë të bëjnë me krimin e organizuar, korrupsionin, trafiqet dhe mjaft çështje të tjera, shqetësim jo vetëm për Shqipërinë, por për të gjithë rajonin në përgjithësi", deklaroi Spaho.

PD paraqet sot në kuvend mocionin për Nanon

TIRANE, 31 mars 2003  - Mocioni i mosbesimit për kryeministrin Fatos Nano, i hartuar nga Partia Demokratike do t'i nënshtrohet procedurës parlamentare. Pas mbledhjes së firmave të kërkuara nga kushtetuta, PD pritet të depozitojë sot pranë kryesisë së kuvendit mocionin ndaj kreut të qeverisë, duke nënkuptuar edhe atë të ekzekutivit. Ky mocion argumentohet me lidhjet që ka politika e qeveria me botën e krimit. Kampi opozitar ka gjithsej 53 vota, ndërsa maxhoranca 87. Opozitës i nevojiten 18 vota për të arritur qëllimin e saj.

Policia bashkiake e Fierit rreh keq tri gra rome

TIRANE, 31 mars 2003  - Tre tregtare rome (gra) janë keqtrajtuar sot nga policia bashkiake e Fierit. Shkak ka qenë moszbatimi i një urdhri të nxjerrë nga bashkia, sipas të cilit tregtarët romë nuk lejohen më të tregtojnë në afërsi të qendrës së qytetit, i njohur si tregu i romëve. Tre gratë janë rrahur me shkopinj gome. Njërës prej tyre, që ishte shtatzanë, i ka rënë të fikët. Të treja kanë përfunduar në gjendje të rëndë në spitalin e Fierit.

---

E shtunë, 29 mars, 2003

Projekti i LPK i qëlluar, vlerësohet në një tryezë
Prishtinë, 29 mars, 2003 - “Vetëm bashkimi kombëtar është zgjidhje; Projekti i Lëvizjes Popullore të Kosovës për unionin Shqipëri –Kosovë është shumë i qëlluar. Pa u bërë integrimi mes shqiptarëve nuk mund të bëhet integrimi në Evropë”,- kanë qenë këto disa nga konstatimet e pjesëmarrësve në tryezën intelektuale të mbajtur në Institutin Albanologjik, organizuar nga LPK-ja.

Thellohet bashkëpunimi ndëruniversitar Prishtinë – Tiranë
Prishtinë, 29 mars, 2003 - Integrimi dhe bashkëpunimi i përhershëm ndëruniversitar ndërmjet studentëve të Tiranës dhe Prishtinës është mesazhi të cilin e solli Rektori i Universitetit të Tiranës, Shezai Rrokaj, gjatë vizitës së tij të parë zyrtarë në Kosovë. Rektori i Universitetit të Tiranës Shezai Rrokaj u prit dje nga homologu i tij Zejnel Kelmendi, profesorë dhe studentë të Universitetit të Prishtinës. Një ndër pikat të cilat duhet të hyjë në proces qeveritar në takim është përmendur edhe njohja e diplomave nga të dy vendet.

Futboll: Shqipëria - Rusia 3:1

Prishtinë, 29 mars - Sonte në Shkodër në stadiumin "Loro Boriqi" reprezentacioni i Shqipërisë, me golat e Altin Rraklit, Lalës dhe Igli Tarës, mposhti reprezentacionin e Rusisë me rezultat 3:1.
Kjo ndeshje u luajt në kuadër të kualifikimeve për kampionatin evropian të futbollit që do të mbahet në Portugali në vitin 2004.

 

Ngritja e derivateve pason me ngritjen e çmimit të bukës në 30 centë
Prishtinë, 29 mars, 2003 - Edhe përkundër standardit të ulët të jetës dhe kushteve të rënda, me të cilat po përballet shoqëria kosovare, mandej kostoja e rëndë e jetesës, ditë më parë furrtarët kosovarë prapë morën vendim, sikurse vitin e kaluar, që të ngrisin çmimin e bukës në 30 centë.

 

Në fokus, takimi aq shumë i pritur
Prishtinë, 29 marsShtyerja e takimit të shumëpritur, që zyrtarisht do të shënonte fillimin e procesit të transferimit të kompetencave nga ndërkombëtarët te vendorët, e një Këshilli që kryesohet, në njërën anë, nga kryeministri Bajram Rexhepi, dhe, në anën tjetër, nga kryeadministratori Mihajl Shtajner, është shënuar si ngjarja më e përfolur e kësaj jave në mediat kosovare.

Izbica përkujtoi dëshmorët dhe martirët
Prishtinë, 29 mars, 2003 - Izbica dhe Drenica kanë përkujtuar më dhembje dhe krenari dëshmorët, martirët dhe viktimat civile të luftës çlirimitare, në një tubim përkujtimor në të cilin para katër vjetëve forcat ushtarake serbe vranë e masakruan 147 civilë shqiptarë.

...në vazhdim ja lajmet e veçuara per diten e sotme nga redaksia e ljmeve te RTV21:

Rihapet Fabrika e Materialit Ndërtimor “Përparimi” në Skënderaj SKENDERAJ, 29 mars - Në Skënderaj sot u rihap Fabrika e Materialit Ndërtimor “Përparimi”. Kjo u mundësua nga qeveria japoneze, e cila për këtë projekt ka dhënë 3,7 milionë dollarë. Në ceremoninë e hapjes u tha se aktivizimi i Fabrikës së Materialit Ndërtimor është një hap i rëndësishëm i zhvillimit ekenomik në komunën e Skënderajt. “Investimi i qeverisë japoneze për këtë fabrikë është një ndihmë e çmueshme, ngase komuna e Skënderajt edhe në aspektin ekonomik doli mjaft e shkatërruar nga lufta”, tha kryetari i Kuvendit Komunal të Skënderajt, Ramadan Gashi. Qeveria e Japonisë për Fabrikën e Materialit Ndërtimor ka dhënë 3,7 milionë dollarë. I ngarkuari me punë në Ambasadën e Japonisë në Beograd, Haruo Okamato u shpreh se ai kishte ardhur në Skënderaj në emër të qeverisë japoneze, e cila ka shprehur interesimin e saj për të ndihmuar Kosovën. “Neve na duhet të dimë lidhjen historike me këtë rajon. Populli japonez është shumë i interesuar për stabilitet dhe paqe në botë. Për disa vjet me radhë ky rajon ishte në konflikt. Populli kosovar së bashku me bashkësinë ndërkombëtare tenton që të marrë veten. Japonia është pjesë e bashkësisë ndërkombëtare dhe është më se e interesuar për të ndihmuar në zhvillimin ekonomik”, tha Okamato. Në këtë përurim ishte i pranishëm edhe kreyministri Bajram Rexhepi. Ai kërkoi që të favorizohen prodhimet kosovare. Fabrika e Materialit Ndërtimor është në listën e 6 kompanive të para që po presin shpalljen e tenderit për privatizim. Sipas Hasan Avdiut, drejtor i Fabrikës së Materialit Ndërtimor “Përparimi”, kjo fabrikë ka filluar punën qysh në korrik të vitit të kaluar, mirëpo pas katër muajsh është mbyllur për shkak të kushteve të pafavorshme për prodhim. Në këtë fabrikë punojnë 105 punëtorë, ndërsa kapaciteti prodhues i saj është 20 mijë blloqe në ditë. Tryeza: Mungon guximi qytetar për ta thënë të vërtetën për Shqipërinë, Kosovën e shqiptarët PRISHTINE, 29 mars - Në Prishtinë u mbajt një tryezë, në të cilën u shtruan për diskutim një sërë temash e çështjesh me interes. Në kumtesa të ndryshme u tha se ende mungon dija dhe guximi qytetar për ta parë në sy dhe për ta thënë hapur të vërtetën për Shqipërinë dhe shqiptarët. “Aktet e shpalljes së pavarësisë së Kosovës” ishte kumtesa e Fehmi Baftiut. Ai konfirmoi autorësinë e Deklaratës për Shpalljen e Pavarësisë së Kosovës, e inicuar para pak kohësh nga Aleanca për Ardhmërinë e Kosovës. Baftiu tha se iniciatorëve të kësaj deklarate ua ka tërhequr vërejtjen se një akt i tillë në një distancë historike do të dalë i gabueshëm, qoftë politikisht, qoftë kombëtarisht. Deputeti i Kuvendit të Kosovës nga radhët e Lëvizjes Popullore, Hasan Meta paraqiti arsyetimin për propozim-amendamentin për Unionin Shqipëri-Kosovë. Ai ka përmendur zhvillimet historike që nga ndarja e trojeve shqiptare më 1913 dhe deri te ndarja e ish-Jugosllavisë. “Bashkëpunimi i Shqipërisë dhe Kosovës gjithnjë ka qenë i natyrshëm, konstruktiv dhe u ka sjellë vetëm dobi qytetarëve, pa dallim, por edhe paqes në rajon. Shqipëria i është gjendur Kosovës në kohët më të vështira. Unioni Shqipëri-Kosovë është zgjidhje optimale dhe e kompromisit për rendin e ri në rajon, ky union nuk u sjell dëm, por vetëm dobi popujve të vendeve fqinje dhe do t’u njohë më mirë minoriteteve të drejtat sipas standardeve të Bashkimit Evropian. Unioni Shqipëri-Kosovë është i frymëzuar nga nismat e Bashkimit Evropian në Evropën Juglindore dhe është në pajtim me integrimin e përgjithshëm në kontinent”, thuhet në disa nga pikat e arsyetimit të projekt-amendamentit për krijimin e Unionit Shqipëri-Kosovë. “Shqiptarët si komb dhe integrimi i tyre në Evropë” ishte kumtesa me të cilën u paraqit në këtë tryezë dr Agim Vinca. Në këtë kontekst, dr Vinca theksoi se diskursi ynë pak a shumë ka ndryshuar, është bërë më racional, ndonëse jo gjithmonë. Vinca tha se ende mungon dija dhe guximi qytetar për ta parë në sy dhe për ta thënë hapur të vërtetën për Shqipërinë dhe shqiptarët. Tryezën e sotme e organizoi Lëvizja Popullore e Kosovës. Eksperti Salihu: Kodet Penale, sipas standardeve PRISHTINE, 29 mars - Dërgimin për shqyrtim të Kodit Penal dhe të Procedurës Penale nga UNMIK-u Qeverisë, edhe pse pas tre vjet e gjysmë përgatitjesh eksperti juridik, Ismet Salihu e quan hap mjaft të rëndësishëm. Salihu thotë se nga përfundimi i luftës Kosova nuk ka nxjerrë ligje më të rëndësishme. “Kodi Penal dhe ai i Procedurës Penale është hartuar sipas standardeve evro-perëndimore dhe maksimalisht mbron të drejtat e njeriut”, thotë eksperti Salihu, i cili prej shtatorit të vitit 1999 ka marrë pjesë në përpilimin e këtyre kodeve. Njeriu i cili shpesh herë ka kritikuar UNMIK-un për zvarritje të panevojshme, thotë se me hartimin e këtyre kodeve Kosova do të fitojë kodet më të rëndësishme të një shteti. Megjithatë në letrën që kryeadministratori i Kosovës Mihael Shtajner i ka dërguar qeverisë thuhet se të dy këto kode do të publikohen si rregullore të UNMIK-ut për shkak se çështjet që lidhen me sigurinë dhe ligjin penal janë nën kompetencat e rezervuara. Shtajner ka kërkuar nga Qeveria dhe Kuvendi që të shqyrtojë me kujdes këto kode. Eksperti Salihu është i gatshëm që të ndihmojë edhe qeverinë nëse është e nevojshme ndihma juridike. Në kuadër të Kodit penal dhe të Kodit të Procedurës penale ekzistojnë nene me të cilat luftohet krimin i organizuar, trafikimi me njerëz, trafikimi i drogës. Një vend i posaçëm i kushtohet edhe mbrojtjes së së drejtave të femrave dhe të fëmijëve. Qendrës Klinike Universitare i shtohet edhe reparti i ERCP-së PRISHTINE, 29 mars - Qendra Klinike Universitare e Kosovës është bërë edhe me një repart të ri. Në kuadër të Klinikës Kirurgjike do të fillojë së funksionuari reparti i ERCP-së. Ky repart do të shërbejë për diagnostifikim dhe intervenim endoskopik në kanalet e mëlçisë, në traktin digjestiv, në rrugët e frymëmarrjes e të tjera. Për pajisjet e këtij reparti, Komiteti i Arabisë Saudite, ka dhënë 1,5 milionë euro. Reparti i ERCP-së, sipas të gjitha gjasave, do të fillojë punën javën e ardhshme. Aparatura për këtë repart është blerë qysh para dy vjetësh, mirëpo nuk është vënë në funksion, për shkak të vështirësive të natyrës teknike, por edhe mungesës së kuadrit profesional. Drejtori i Klinikës Kirurgjike të Qendrës Klinike Universitare, Dr.Ymer Aliu thotë se reparti i ERCP-së do të shërbejë për të gjitha intervenimet endoskopike. Sipas tij, pacientët tash e tutje nuk do të kenë nevojë për mjekim jashtë vendit. Komiteti Saudit Arab është përkujdesur edhe për trajnimin e personelit mjekësor, që do të angazhohet në këtë repart me pajisje teknologjike më bashkëkohore. Dr. Aliu shfaq shpresën se intervenimi i parë endoskopik në repartin e ERCP-së është çështje ditësh. Gjenerali Mini: Ne kemi raporte për aktivitetet e grupacioneve të vogla radikale dhe kriminale PRISHTINE, 29 mars - “Nuk ka ndonjë evidencë të grupacioneve të uniformuara dhe të armatosura, të cilat operojnë në Kosovë, apo në rajonet kufitare. Por, ne kemi raporte nga popullata për aktivitetet e grupacioneve të vogla radikale dhe kriminale", deklaroi në një intervistë komandanti i KFOR-it Fabio Mini, në lidhje me pyetjen se çfarë të dhënash ka KFOR-i për Armatën Kombëtare Shqiptare, (AKSH). Sipas gjeneralit Mini, këto grupacione përdorin uniforma jo për të luftuar, por për të shqetësuar popullatën dhe për të rrmëbyer me forcë. "Ata përdorin emblemat e njerëzve të luftës për të ushtruar forcën e tyre kriminale mbi popullatën, mbi të afërmit dhe fqinjët e tyre", tha gjenerali Mini në këtë intervistë. Planifikohet që në Kosovë deri në vitin 2007 të ndërtohen rreth 61 mijë banesa PRISHTINE, 29 mars - Sipas Ministrisë së Tregtisë dhe Industrisë në Kosovë planifikohen që deri në vitin 2007 të ndërtohen rreth 61 mijë banesa. Prezentimi i projekteve u bë dje në Prishtinë në organizim të Ministrisë së Ekonomisë dhe Financave si dhe me praninë e donatorëve. Ky projekt është quajtur “Plani i vogël Marshall”. Ministri Ali Jakupi tha se kjo do të bëjë zvoglimin e kostos së ndërtimeve për 50 për qind. Ai theksoi kundërthënien e madhe të mjedisit tonë të varfër, por me çmime enorme të banesave. Përveç uljes së çmimeve të banesave ky projekt do të jetë edhe impuls i zhvillimit ekonomik. Me këtë do të aktivizohen kapacitetet e industrisë së materilit ndërtimor, do të intensifikohet tregtia dhe do të hapen vende të reja të punës. Njëherësh ndërtimi i këtyre banesave do të ruajë 1530 hektarë tokë po të ndërtoheshin në vend të tyre shtëpi. Serbët e Mitrovicës: Protesta nëse Shtajner ua transferon kompetencat institucioneve të Kosovës MITROVICE, 29 mars - Serbët e Mitrovicës e akuzojnë shefin e UNMIK-ut Mihael Shtajner se nuk i ka përmbushur premtimet për decentralizim dhe i ka mundësuar shumicës shqiptare të realizojë qëllimin e shtetit të pavarur. Kryetari i të ashtuquajturit “Këshilli Nacional Serb” për veriun e Mitrovicës Milan Ivanoviç tha se kjo paraqet dështimin e UNMIK-ut dhe paralajmëroi veprimet e ardhshme të “Bashkësisë Serbe”. Në ditët e ardhshme ky këshill do të organizojë protesta paqësore me rastin e paralajmërimit të transferimit të kompetencave nga administrata e UNMIK-ut në institucionet e përkohshme të Kosovës, ku pjesëtarët e pakicës serbe do të paraqesin kundërshtimet e tyre për këtë qëndrim të Shtajnerit. Përmendorja e konsullit rus Shqerbinski hiqet nga oborri i Kuvendit Komunal në Mitrovicë MITROVICE, 29 mars - Në Mitrovicë është hequr nga oborri i Kuvendit komunal përmendorja e konsullit rus Shqerbinski, e cila ishte vendosur nga regjimi serb në vitet nëntëdhjeta. Këshilltarët e Asamblesë komunale të Mitrovicës patën kërkuar disa herë largimin e përmendores së konsullit rus, por një gjë e tillë nuk ishte lejuar nga UNMIK-u. Mirëpo, këshilltarët e Kuvendit në mbledhjen e fundit kanë votuar me shumicë votash për heqjen e kësaj përmendore, vendim ky që është realizuar dje. Zyra Amerikane në Prishtinë, mundëson 8 bursa katërvjeçare për studentë nga Kosova PRISHTINE, 29 mars - Zyra amerikane në Prishtinë njofton se janë mundësuar tetë bursa katërvjeçare për studentë nga Kosova për studime në Universitetin e Graceland-it, dhe në universitetet tjera të përzgjedhura në Iova. Këto bursa janë të financuara nga një fond i Fondacionit Salgo-Noren, fondacion ky, i cili po ashtu ka financuar tetë studentë kosovarë në vjeshtën e vitit 2002. Kandidatët e interesuar duhet të konkurojnë për pranim në Universitetin e Gracelandit përmes internetit, duke vizituar faqen e këtij universiteti në adresën: ëëë.graceland.edu. Aplikacionet duhet të kompletohen deri më 15 prill. Po ashtu, do të kërkohet nga të gjithë aplikantët që të hyjnë në testin institucional të TOEFL-it, me shpenzime vetanake dhe këta do të intervistohen në Kosovë. Afati i fundit për paraqitjen për testin institucional të TOEFL-it është 11 prilli dhe çmimi është 30 euro. Testi i TOEFL-it do të mbahet më 12 prill.

SHQIPËRIA

Futboll: Shqipëria mposht Rusinë 3 me 1 TIRANE, 29 mars - Ekipi i kombëtares së futbollit të Shqipërisë ka fituar sot ndaj ekipit të Rusisë me rezultatin 3 me 1. Kjo fitore historike e Shqipërisë mban emrat e golëshënuesve Altin Rraklli, në pjesën e parë, (minuta 20), dhe Altin Lala (minuta 82) dhe Igli Tare (minuta 84) në pjesën e dytë të ndeshjes. Rezultati mund të kishte qenë më i thellë pasi Shqipëria pati rastin të shënonte në pjesën e parë edhe me anë të një penalltie, e cila u humb nga Duro. Për Rusinë shënoi Dimitri Loskov (minuta 77). Arbiter i ndeshjes ka qene belgu Paul Allaerts dhe anesorë Rombout Hennissen dhe Danny Vanderhoven. Ndeshja ne stadiumin "Loro Boriçi" te qytetit te Shkodres ështe luajtur ne kuadrin e eleminatoreve te Euro 2004 (grupi 10). Shqiperia tani do te perballet me Republiken e Irlandes me 2 prill dhe 7 qershor. Me 16 tetor te vitit te shkuar ndeshja Rusi - Shqiperi, e zhvilluar ne Rusi, u fitua nga ruset me rezultatin 4 me 1. Shqiperia ndodhet ne grup me Rusine, Zvicren, Gjeorgjine dhe Republiken e Irlandes. Sot eshte luajtur edhe ndeshja Gjeorgji-Republika e Irlandes qe ka perfunduar me rezultatin 1 me 2. Renditja ne kete grup eshte: Zvicra me 7 pike, Rusia 6, Shqiperia 4, Republika e Irlandes 3 dhe Gjeorgjia me 0 pike. Një atmosferë e jashtëzakonshme sportive ka përfshirë të gjithë tifozët e ardhur në Shkodër thuajse nga të gjitha viset shqiptare. Ndërsa në Tiranë grupe tifozësh kanë dalë me automjete dhe flamuj nëpër rrugë për të festuar fitoren. Atmosfere festive ka pasur edhe ne Prishtine, ku tifozet kane pershendetur fitoren me borite e makinave te tyre. Ndërkohë, dyndja e madhe e sportdashësve në qytetin verior për të parë ndeshjen ka bërë që strukturat lokale të marrin masa të rrepta në mënyrë që çdo gjë të shkojë mirë. Dje drejtori i policisë së Shkodrës, kolonel Xhevahir Karaj dhe kryetari i Bashkisë së këtij qyteti, Ormir Rusi, në një konferencë të përbashkët për shtyp kanë kërkuar mirëkuptim e bashkpunim me shkodranët që e shtuna të jetë një ditë feste dhe të mos ketë probleme. Ndërkohë Drejtoria e Policisë së Shkodrës ka hartuar deri në detaje planin e punës, pasi mendohet që numri i të ardhurve të mbërrijë deri në 20 mijë veta. “Komandot” gati për t’u nisur në Irak TIRANE, 29 mars - Trupat ushtarake elitare “komando” janë gati për t’u nisur në Irak. Megjithëse nuk është bërë ende publike data e saktë e nisjes së tyre drejt Gjirit Persik, zyrtarë ushtarakë thanë se gadishmëria e këtyre forcave është shumë e lartë dhe nisja e tyre nuk është shumë larg.     Kjo u pohua pas një stërvitjeje për çminim të trupave “komando” në bazën ushtarake të Zallherrit, 14 kilometra larg nga Tirana. Shqipëria ka caktuar një numër simbolik prej 70 ushtarësh për t’u marrë me detyra paqeruajtëse të pasluftës në Irak.Misioni i tyre do të jetë i përbërë nga tetë oficerë anglishtfolës, nga 20 rreshterë dhe 42 ushtarë, të pajisur me armë të lehta dhe pajisje lufte kundër-kimike.   Kryeministri Fatos Nano në një mblodhje të Qeverisë më datë 20 mars caktoi statusin dhe shpërblimin e ushtarëve shë në Irak. Çdo "komando" do të marrë 100 dollarë në ditë gjatë kohës së qëndrimit në Gjirin Persik. Në mbledhje u miratua edhe marrëveshja midis Shqipërisë dhe Kuvajtit, e cila do t'i hapë rrugë dërgimit të trupave në këtë vend.   Nano: Berisha, fondamentalist që mbron terrorizmin LEZHE, 29 mars - Kryeministri Fatos Nano i është përgjigjur sot nga Lezha, deklaratave të kreut demokrat Sali Berisha, i cili kërkoi dje mocion për rrëzimin e "padrinos", duke iu referuar kreut të qeverisë shqiptare. Duke folur në aktivin e Partisë Socialiste së Lezhës, Nano ka deklaruar se Berishën po e tremb suksesi i Partisë Socialiste. Ai e ka cilësuar Berishën si një fondamentalist që mbron terrorizmin. Kryeministri bëri thirrje nga Lezha që në zgjedhjet e ardhshme lokale PS të fitojë edhe zonat, që deri tani janë marrë nga demokratët.

---

lajme shkurt e trup:

E premte, 28 mars, 2003

-LPK i propozon Kuvendit të Kosovës që të kërkojë nga Kuvendi i Shqipërisë të deklarohet për bashkimin
-Maqedonia premton punësim më të madh të nënoficerëve shqiptarë në armatë
-Meta dhe Haradinaj e shohin ekonominë prioritet për integrimet euroatlantike të Shqipërisë dhe Kosovës
-Opozita e Malit të Zi kritikon ashpër Ligjin mbi doganat
-Kosova po shkon drejt pavarësimit, vlerëson kryeministri Rexhepi
-UP dhe Universitetit i Tiranës shprehen për thellimin e bashkëpunimit
-Vazhdon shkollimi i përshpejtuar i minoritarëve në Ferizaj
-Punëtorët arsimorë po diskutojnë planprograme të ndërtimit të individit
-OSBE pranon kërkesa të reja për leje transmetuese
-Autoritetet e Ferizajt presin që deri në fund të vitit të marrin të gjitha kompetencat
-Pesë persona janë arrestuar nga policia e rajonit të Mitrovicës
-Steiner i jep 7 ditë Maqedonisë për respektimin e tregtisë së lirë
-Disa granata dore janë gjetur në jug-perëndim të Kosovës

---

E marte, 25 mars, 2003

Shtabi i Përgjithshëm i TMK e quan skandaloz dënimin e Sali Veselit
Prishtinë, 25 mars 2003
Shtabi i Përgjithshëm i Trupave Mbrojtëse të Kosovës e quajti të montuar dhe të motivuar politikisht dënimin e gjeneral Sali Veselit, ndërkohë që kërkoi nga Gjykata Supreme që të hedhë poshtë këtë vendim skandaloz.

Të hënën, në Prizren politika mundi drejtësinë

Prishtinë, 25 mars - Mbrojtësja e gjeneral Sali Veselit, Sadije Mjekiqi, konsideron se aktgjykimi i shpallur nuk do të mund të arsyetohet dhe argumentohet me asnjë provë përkatëse, për shkak se mungojnë ato. Ajo ishte e befasuar me rastin e shpalljes fajtor të gjeneral Veselit dhe, sipas saj, ky ishte njëri ndër rastet më specifike dhe më delikate që njeh praktika e gjykatave tona.  (njofton Kosovapress)

Çeku: TMK do të zhvillohet dhe do të ketë detyra shtesë
Prishtinë, 25 mars - Komandanti i Trupave Mbrojtëse të Kosovës, gjeneral Agim Çeku, tha të marten, se TMK-ja duhet të zhvillohet që në një të ardhme të afërt të marrë detyra të reja dhe do të jetë e angazhuar në operacione konkrete, mirëpo nuk ka precizuar se për cilat operacione konkrete ishte fjala.

 

 

Nuk do të ketë ndarje të Kosovës, as kthim të forcave serbe, porosit Shia
Prishtinë, 25 mars - Ish-zëdhënësi i NATO-s, Xhemi Shia, në ligjëratën që ka mbajtur të martën para studentëve të Universitetit të Prishtinës, u ka thënë studentëve të UP-së se nuk do të ketë ndarje të Kosovës dhe nuk do të ketë kthim të forcave serbe në Kosovë, dhe për këtë të jeni shumë të sigurt....gjërësisht;

Shefi për Informim i NATO-s, Xhemi Shi: Nuk largohemi pa u gjetur statusi final i Kosovës

PRISHTINE, 25 mars - “Kosovarët nuk kanë pse të brengosen, sepse NATO-ja nuk do të shkojë prej ketu derisa ta përfundojë punën që e ka nisur dhe derisa nuk gjendet një status përfundimtar për Kosovën”. Kështu theksoi drejtori i informimit publik në NATO, Xhejmi Shi dhe ish-zëdhënësi i Aleancës Veriatlantike gjatë bombardimeve në Kosovë, para studentëve të Universitetit të Prishtinës.
Sipas tij, Misioni i NATO-s në Kosovë do të përfundojë vetëm atëherë kur të ndërtohet një paqe e qëndrueshme. Shi tha se NATO-ja dhe bashkësia ndërkombëtare janë të vendosura për ta përfunduar misionin në Kosovë. Prandaj, sipas tij, nuk do të ketë reduktim më të madh të forcave të NATO-s në Kosovë, sepse gjendja e sigurisë nuk e lejon të ndodhë një gjë e tillë, sidomos pas vrasjes tragjike të kryeministrit serb Zoran Gjingjiq, ku shihet një jostabilitet në fqinjin verior të Kosovës.
“Porosia e parë që do ta jap sot është se nuk keni pse të brengoseni. Ne nuk do të shkojmë prej këtu as nuk do t’i zvogëlojmë trupat; do të qëndrojmë në Kosovë derisa të përfundojmë punën që e kemi nisur dhe derisa të gjendet një status përfundimtar për Kosovën”, theksoi Xhejmi Shi para studentëve të Universitetit të Prishtinës. Sipas tij, pas 4 vjetëve në Kosovë është arritur progres i madh.
“Keni për herë të parë institucionet e vetëqeverisjes, krimi ka shënuar rënie drastike dhe ju inkurajoj që ta vazhdoni këtë. Në shumë vende si Mitrovica, ku ende ka tensione, niveli i dhunës ështe i ulët, shumica e refugjatëve janë kthyer dhe është rindërtuar vendi, prandaj mund t’ju them se është mrekulli kjo që është bërë deri më tani. Ajo çfarë duhet të bëjnë kosovarët për t’u integruar në Evropë është që në vend se të bëhen problem për Evropën, të shndërrohen në një faktor stabiliteti në rajon. Kjo mund të arrihet përmes ndërtimit të një shoqërie stabile, demokratike dhe multietnike”, tha Shi.
“Nuk mjafton vetëm dëshira që ta keni pavarësinë, nuk është ky hap i vetëm dhe i mjaftueshëm. Kur të vijë dita që Bashkësia Ndërkombëtare të vendosë për Kosoven, dy faktorë do të jenë të rëndësishëm: vullneti i popullit të Kosovës dhe aftësia që kanë treguar ata për ta udhëhequr vetveten, dhe për të qenë faktor stabilizues për rajonin në tërësi”, tha Xhejmi Shi.
Ai theksoi se kosovarët duhet të marrin më tepër përgjegjësi dhe nënvizoi se në Kosovë nuk do të ketë pushtete paralele. “Pushteti paralel është vetëm një recetë për korrupsion dhe për më shumë probleme dhe kjo nuk do të lejohet në Kosovë. Duhet të ketë decentralizim, më shumë bartje të kompetencave në nivelin lokal, por kjo duhet bërë në mënyrë demokratike e jo në baza etnike”, tha Xhejmi Shi.
Drejtori i Informimit Publik në NATO, Xhejmi Shi dhe kryetari i Komunës së Prishtinës, Ismet Beqiri vizituan lagjen Morava të kryeqytetit ku kanë jetuar famijet rome dhe ashkali.

Marrëveshja: KFOR-i dhe UNMIK-u do të kërkojnë ndihmën e TMK-së kur të kenë nevojë

PRISHTINE, 25 mars - KFOR-i dhe UNMIK-u kanë rënë dakord që kur të kenë nevojë të kërkojnë ndihmën e Trupave Mbrojtëse të Kosovës. Caktimi i detyrave shtesë për Trupat e Mbrojtjes së Kosovës ka qenë temë e takimit të parë të përbashkët ndërmjet kryeadministratorit Mihael Shtajner, komandantit të TMK-së gjeneral Agim Çekut, atij të KFOR-it gjeneral Fabio Minit dhe pesëshes diplomatike në Kosovë. Zyrtarët e lartë kanë nënshkruar një dokument për caktimin e detyrave shtesë të TMK-së, me të cilat do të mbështetet KFOR-i dhe UNMIK-u kur ka nevojë.
“Eshtë tregues i mirë sepse për herë të parë gjeneral Çeku është takuar me udhëheqjen e UNMIK-ut, të KFOR-it dhe anëtarët e Pesëshes. Ne arritëm marrëveshje për disa pika dhe fusha të caktuara”, tha Endrju Kumings, kordinatori për TMK-në i UNMIK-ut.
Komandanti i TMK-së dhe ai i KFOR-it do të hartojnë listën e detyrave konkrete për TMK-në. “Kemi pasur këto takime me nivel strategjik për zhvillimin e TMK-së dhe mbrojtjen civile dhe emergjente në Kosovë. Eshtë mundësi e mirë për të gjithë institucionet e Kosovës që të merren me problemet dhe çështjet strategjike për popullin e Kosovës”, tha gjenerali i KFOR-it, Fabio Mini.
Muajin e ardhshëm në një takim të nivelit të njëjtë do të diskutohen detyrat konkrete shtesë për TMK-në.

Kryesia nuk diskuton rezolutën për njohjen e luftës; s’dihet nëse PDK e AAK do të hyjnë në Kuvend

PRISHTINE, 25 mars - Edhe sot pas mbledhjes së kryesisë së Kuvendit të Kosovës mbeti e paqartë se a do të marrin pjesë ose jo në mbledhjen e ardhshme të Kuvendit të Kosovës deputetët e Partisë Demokratike të Kosovës dhe ata të Aleancës për Ardhmërinë e Kosovës.
Kërkesa e deputeteve e grupeve paralmentare të Kuvendit të Kosovës nga radhët e PDK-së dhe AAK-së që të nxirret një project-rezolutë për mbrojtjen e vlerave të luftës shekullore të popullit të Kosovës për liri dhe pavarësi, as në mbledhjen e ardhshme të Kuvendit nuk do të hidhet për diskutim. Kjo u bë e ditur nga shefi për informim në Kuvendin e Kosovës, Sherif Konjufca, pasi që asnjë nga përfaqësuesit e grupeve paralamentare nuk u prononcua për gazetarë. Ai tha se propozimi i dy grupeve parlamentare të Kuvendit të Kosovës, nuk është diskutuar në mbledhjen e sotme të kryesisë.
Konjufca u shpreh se projektligji për tatimin në pronë dhe ai për gjendjen e gjyqësisë në Kosovë si dhe mundësia për debat për punën njëvjeqare të Qeverisë së Kosovës janë pikat e rendit të ditës të mbledhjes së Kuvendit të Kosovës, ndërsa në seancën e 3 prillit do të shqyrtohet për herë të dytë ligji për bibloteka dhe propozimi për shpalljen e “Bjeshkëve të Nemuna” si park nacional.

Varroset me nderime aktori Xhevat Qena; Rugova: Ai do të mbetet në historinë e artit tonë

PRISHTINE, 25 mars - Me nderimet të larta sot në varrezat e Prishtinës u varros aktori i madh i skenës kosovare Xhevat Qena. Në përcjelljen e fundit ishin koleg, miq dhe dashamir të skenës dhe të aktorit Qena. Me rastin e vdekjes së tij në Teatrin Kombëtar u mbajt një mbledhje komemorative, ku për veprimtarinë e madhe të këtij aktori, folën kolegë dhe bashkëpunëtorë të tij.
“Vdekja e aktorit të madh të skenës kosovare, tronditi jo vetëm familjarët, miqtë e kolegët por mbarë popullin kosovar”, u tha në mbledhjen komemorative. Me këtë rast folën kolegët e të ndjerit: Bislim Muçaj, Kumrije Hoxha dhe Adem Mikullovci, të cilët shkëputën kujtime nga karriera e ndritshme e aktorit Xhevat Qenës.
Nga ana tjetër, Presidenti i Kosovës Ibrahim Rugova i ka dërguar një telegram ngushëllimi familjes së aktorit Xhevat Qena me këtë përmbajtje: “Me rastin e vdekjes së më të dashurit tuaj dhe aktorit të njohur Xhevat Qenës, ju shpreh ngushëllimet e mia të thella. Xhevat Qena do të mbetet në historinë e artit skenik kombëtar të Kosovës si njëri ndër aktorët më të mëdhenj, sidomos në skenën e humorit. Zonja Leze Qena, bëhuni e fortë në këto momente të rënda për ju, dhe bëhuni krenare për Xhevatin tuaj, që për dekada të tëra patët të përbashkët artin skenik dhe jetën”.
Për vdekjen e aktorit të mirënjohur, edhe Partia Demokratike e Kosovës i ka dërguar një telegram ngushëllimi familjes Qena. “Ju shprehim ngushëllimet tona të sinqerta. Xhevat Qena do të mbahet mend për talentin e tij, aktrimin dhe realizimin e qindra roleve në skenën teatrale, në kinematografinë kosovare dhe në komeditë e shumta”, thuhet në telegram-ngushëllimin e PDK-së. Në telegram thuhet se vdekja e tij e parakohshme është humbje për familjen, miqtë dhe artin kosovar.

AKM: Privatizimi po zvarritet për shkak të rregullores mbi shfrytëzimin e tokës

PRISHTINE, 25 mars - “Tenderët e parë për privatizim pritet të shpallen shumë shpejt”. Kështu tha sot zëvendësdrejtori i Agjencisë Kosovare të Mirëbesimit, Ahmet Shala, sipas të cilit një shkak për zvarritjen e deritashme të këtij proqesi ka qenë edhe hartimi i rregullores mbi shfrytëzimin e tokës.
“Qëllim thelbësor i privatizimit është ristrukturimi ekonomik i Kosovës. Strukturat ekonomike në Kosovë janë aq të rënda sa që nevojiten vite për t’u rimëkëmbur. Procesi i privatizimit ka arritur deri në fazën e tenderëve për privatizimin e disa ndërrmarrjeve shoqërore”, tha zëvendësdrejtori i AKM-së, Ahmet Shala në seminarin “Privatizimi dhe politikat operacionale”. Ai ka ripërsëritur se një pengesë serioze për investime të mëdha, është statusi i papërcaktuar i Kosovës, gjë që do ta pengojë procesin e privatizimit.

Irakeni i Lushnjes: Unë, kundër luftës në Irak

ELBASAN, 24 mars - Në një apartament modest në katin e parë të një pallati në Lushnje jeton, ndoshta, i vetmi iraken në Shqipëri. I martuar me një grua shqiptare prej 4 vitesh, 40-vjeçari është ambientuar aq mirë sa di të flasë edhe shqip. Me gjuhën e vendit ai komunikon çdo ditë me klientët që i shkojnë në dyqanin e vet ushqimor. Dia Althahorie ka arritur të sigurojë mbijetesën në qytetin e vogël pa asnjë problem. Por qetësia për të ka marrë fund gjatë fundjavës së kaluar, kur një makinë policie ka ndaluar përpara shtëpisë dhe e kanë dërguar në komisariat bashkë me të shoqen Engjëllushen duke e hetuar si të dyshuar për islamizëm terrorist. Gruan e kanë liruar pas 7 orësh në hetuesi ndërsa vetë Dia është marrë në pyetje për 11 orë. Dyshimet ndaj tij kanë nisur pas luftës mes udhëheqësve të shtetit të tij, Irakut dhe SHBA-së, megjithëse vetë Dia nuk pranon të ketë asnjë lidhje me këtë luftë.

---

Lajmet::shkurt

E hënë, 24 mars, 2003
-Fushata e NATO-s e 24 marsit ishte për lirinë dhe qytetarët e Kosovës
-Vrasësit e "Drinit" nuk n, por Veseli dënohet me 10 vjet burg
-Zyra e SHBA-ve punon normalisht dhe nuk planifikon të mbyllet
-Këshilli Nacional Serb kërkon mbledhje të jashtëzakonshme të Qeverisë së Serbisë
-Shqiptarët e Bujanocit të pakënaqur me përfshirjen e tyre në administratën komunale
-BE-ja ka përfunduar proceset për fillimin e misionit ushtarak në Maqedoni
-Bashkësia e komunave serbe në Anamoravë e papranueshme nga të gjithë
-Pagat në sektorin publik nuk i plotësojnë nevojat
-Sali Veseli dënohet për nxitje në vrasjen e Drinit
-Kosova ndër vendet më të goditura evropiane nga tuberkulozi
-Policia zbulon një mjet të dyshimtë në afërsi të selisë së policisë të UNMIK-ut në Prizren
-KFOR-i vazhdon t'i reduktojë trupat, thotë gjen. Kermabon
-U përkujtua vrasja mizore e poetit Latif Berisha
-Qeveria kërkon më shumë kompetenca në siguri dhe energjetikë
-Komuna e Ulqinit përfshihet nga stuhia e zjarreve
-UP-ja inauguron Fakultetin e Edukimit
-2.400 shqiptarë sivjet punësohen në administratën shtetërore të Maqedonisë
-Raportohen sulme fizike në Mitrovicë
............gjërësish:...............


Katër vjet pas: Qytetarët shpresojnë për një të ardhme më të mirë
Prishtinë, 24 mars 2003
Ora kishte shënuar 20.00 kur bombat e para të Aleancës Veriatlantike filluan të bien mbi caqet e forcave jugosllave, për ta detyruar diktatorin e atëhershëm Sllobodan Millosheviq, që i udhëheqte këto forca, të ndalë vrasjet kundër civilëve shqiptarë të Kosovës.

24 mars 1999: Këmbëngulja e presidentit amerikan Bill Klinton dhe sulmet mbi Kosovë

PRISHTINE, 24 mars - 24 mars 1999, është ditë e shënuar për popullin shqiptar, për ta celebruar si ditën e fitores. Eshtë pikërisht kjo ditë, kur populli i Kosovës e mbarë kombi shqiptar ngjalli shpresën që kurrë nuk do të vdiste më për liri e pavarësi. Eshtë dita, kur nisën sulmet ajrore të SHBA-së e NATO-s, kundër forcave ushtarake dhe policore të Serbisë. Politikanët dhe analistët kosovarë vlerësojnë se kjo është dita e kthesës së madhe për zgjidhjen e çështjes së Kosovës, është dita e një vendimi e sulmi me vlerë historike, jo vetëm për Kosovën që të çlirohej një herë e përgjithmonë nga sundimi ushtarako-policor i Serbisë së Sllobodan Millosheviçit, por edhe me peshë shumë e më të gjerë për ndryshimet gjeostrategjike që do të ndodhnin më pas në Ballkan e rajon me vendosjen e forcave të NATO-s në Kosovë, e përreth saj.
Pasditen e 24 marsit 1999, presidenti i 42-të i SHBA-ve, Bill Klinton, në momentin e fillimit të fushatës së sulmeve ajrore iu drejtua nga Shtëpia e Bardhë kombit amerikan lidhur me këtë ngjarje. Në fjalën e tij, asokohe, Bill Klinton tha: “Bashkëkombas të mi: në këtë moment trupat serbe po lëvizin nga një fshat tek tjetri, po bombardojnë vendbanimet, civile dhe po djegin shtëpitë. Ne po shohim njerëz të pafajshëm, të përzënë me forcë nga shtëpitë e tyre, njerëz që me forcë janë vendosur para togave të pushkatimit dhe gjuajtur me plumba. Burrat kosovarë janë ndarë nga familjet e tyre, prindërit dhe fëmijët bashkë, të vënë në rresht, janë gjuajtur me një herë me armë zjarri.
Kjo që po ndodh në Kosovë, nuk ka asgjë të ngjashme me luftën dhe me ligjet tradicionale të luftës; kjo është një luftë e padrejtë e kryer me të gjitha arsenalet ushtarake ndaj njërëzve të pafajshëm që nuk mund të mbrohen dhe kur ata dhe udhëheqësit duan vetëm paqe. Pra, bashkëkombas, të luftojmë që ta mbyllim këtë tragjedi e cila për ne është një kërkesë morale.
Misioni ynë është më se i qartë: të tregojmë se ne dhe NATO e kemi seriozisht, që t'u lëmë të kuptojnë atyre që kontrollojnë në Serbi sot (24 mars 1999) se është e domosdoshme të ndrrojnë rrugën, të ndalojnë këtë lloj ofensive të ndërrmarrë duke derdhur gjak kundër qytetarëve të Kosovës, ta ndalojmë atë me të gjitha format që duhet ndaluar, duke e dëmtur seriozishtë ushtrinë Serbe që është kundër njerëzve të pafajëshëm në Kosovë. Dhe në se presidenti Millosheviq nuk i bindet paqes athere na takon neve që duke përdorur forcën ushtarake ta ndalim atë dhe atij t'i shpallim luftën.
Në anën tjetër, Serbia dhe personalisht Millosheviçi nuk i kanë pranuar bisedimet për zgjidhjen paqësore e politike të çështjes së Kosovës. Millosheviçi, përveç sundimit ndaj shqiptarëve me një sistem të paparë, filloi edhe ofensivat dhe krimet e veta masive kundër popullit shqiptar: me vrasje dhe masakra masive, djegie, dëbim masiv të shqiptarëve nga Kosova dhe me spastrimin etnik të Kosovës...
Bashkëkombas: unë jam i bindur se rreziku për të hapur luftë dhe bërë diçka nga SHBA-s, nuk është aq i madh sa çështë rreziku të rrimë duarkryq dhe të mos bëjmë asgjë, që të nxjerrim nga ky rrezik njërëzit që nuk mund të mbrohen dhe tek ne amerikanët kanë interesa kombëtare. Sikur, ne sot, së bashku me aleatët tanë, ta lëmë që kjo luftë e padrejtë të vazhdojë, atëhere, presidenti Millosheviç, do të inkurajohet nga hezitimi ynë duke e qujatur luftën e tij, si një drejtësi duke vrarë njerëzit në Kosovë. Kështu që atij ne i lëmë dorë të lirë për të bërë më shumë masakra, dhe më shumë shpërngulje me forcë të qindra mijra refugjatve të cilët presin vetëm mbrojtejen tonë. Tani, bindja jonë e fortë për gjithçka që po ndodhë në Kosovë, është e vetmja shprese e popullit të Kosovës. Populli i saj megjithse Kosovën kanë vendin e tyre nuk mund të jetojnë atje, prandaj na duhet ne t'i sigurojmë jetën e tyre dhe ata të mos kenë më frikë për jetën”.

Prizren: Sali Veseli u dënua me 10 vjet burgim, tre të akuzuarit e tjerë - të pafajshëm
Prizren, 24 mars - Gjykata e qarkut në Prizren sot shpalli aktgjykimin në procesin për vrasjen e Ekrem Rexhës, komandant "Drinit". Ky proces maratonik gjyqësor u zhvillua kundër katër të akuzuarve: Sali Veselit, Abit Haziraj, Halil Çadraku, Xhemail Beqiraj.
Trupi gjykues i ndërkombëtare në mungesë të provave liroi nga aktakuza tre të pandehur në këtë proces: Hazirajn, Çadrakun dhe Beqirajn, kurse Sali Veseli u dënua me 10 vjet burgim për nixtjen e kryerjes së vrasjes së Ekrem Rexhës. Sipas aktakuzës Veseli në muajin shkurt të vitit 2000 e ka nxitur Fazli Nezirajn në shtëpinë e tij në fshatin Grejkoc për ta vrarë Ekrem Rexhën.
Xhemail Beqiraj u dënua me një vit burgim për armëmbajtje pa leje, mu si dhe Halil Çadraku i cili dënua me 2,5 vjet burgim.
Në këtë proces Abit Haziraj u shpall i pafajshëm.

Inaugurohet Fakulteti i Edukimit
Prishtinë, 24 mars 2003
Organizuar nga Ministria e Arsimit, Shkencës dhe Teknologjisë, në bashkëpunim me Agjencinë kanadeze KEDP, të hënën, zyratisht është bërë inaugurimi

 

Boks: Muriqi arrin edhe fitore tjetër - mposht Tejlorin

Nju Jork, 24 mars - Elvir Muriqi, i quajtur ndryshe nga mjeshtrit dhe media amerikane e boksit "Kosova Kid" ("Djali i Kosovës"), e deklasoi fare boksierin amerikan Tajuon Tejlor. Meçi është zhvilluar në Villa Barone Manor, në Nju Jork. Elvir Muriqi (25-1) vs. Tajuon Tejlor (21-7-1) në garën e boksierëve profesionistë për peshën gjysmë të lehët sipas revistës amerikane të boksit "Vegas-Sports-Betting" pati vetëm një protogonist. Por duke iu referuar gjithmonë kësaj reviste me famë për boksin, thuhet se bokseri shqiptar Muriqi ka arritur kohët e fundit rezultate fantastike me ndeshejet nga të cilat ai klasifikohet në shkallën e rezultateve 26 (fitore) 1 (humbje), 16 KB.
Grushtimet e Muriqi e shtrinë në ring gjatë meçit disa herë boksierin amerikan Tejlor, derisa në raundin e tretë, pa qenë nevoja e grushtave u desh ndërhyrja e gjyqtarit të ndalonte meçin, para "super" grushtave të papërmbajtshëm të Muriqit.

Në Prishtinë vdiq aktori i njohur Xhevat Qena
Prishtinë, 24 mars - Në moshën 70-vjeçare, mbrëmë në Prishtinë vdiq aktori i njohur Xhevat Qena, aktor teatri, filmi e televizioni. Si aktori profesionist Xhevat Qena i kaloi disa dekada në Teatrin Popullor Krahinor, e tani Teatri Kombëtar, ku realizoi një galeri rolesh nga më të ndryshmet. Gjithashtu interpetoi edhe disa role në film dhe në TV.

Kritika për luftën gjatë ndarjes së çmimit Oskar
Holuvud, 24 mars - Regjisori amerikan i filmave dokumentarë, Majkëll Mur, ka kritikuar presidentin Bush gjatë ceremonisë së dhënies së çmimeve Oskar në Hollivud.
Ndërsa pranoi çmimin që mori për filmin e tij kundër armëve ("Bowling for Columbine") zoti Mur e quajti zotin Bush një president fiktiv që po e dërgonte Amerikën në luftë për arsye fiktive. "Ne jemi kundër luftës, zoti president - T'ju vijë turp!" tha ai.
Zoti Mur u fishkëllye nga shumë vetë në sallë, por u duartrokit nga të tjerë.
Më vonë aktori Adrien Brodi, i cili fitoi çmmin Oskcar si aktori më i mirë për rolin e tij në filmin "The Pianist", u duartrokit gjatë dhe në këmbë pasi i bëri thirrje sallës të lutet për zgjidhjen e shpejtë të konfliktit irakian.
Çmimi Oskar për filmin më të mirë i shkoi filmit "Chicago" dhe Roman Polanski u shpall regjizori më i mirë.
Çmimi për aktoren më të mirë iu dha Nicole Kidmanit, dhe Ketrin Zeta-Xhons mori çmimin si aktorja më e mirë në rol dytësor. I njëjti çmim, por për meshkujt, iu dha aktorit Kris Kuper.

---

E enjte, 20 mars, 2003

Shkoqitje, shkurt, lajme
E enjte, 20 mars, 2003
Pagesat e studentëve ashpërsojnë marrëdhëniet Universitet-Ministri
Shqipëria i thotë "Po" anëtarësimit të Serbisë dhe Malit të Zi në KE
Arsimtarët paralajmërojnë grevë të përgjithshme për paga
Rezoluta për vlerat e luftës përçan parlamentin
Parlamentarët e Shqipërisë thonë se lufta bëhet për t'i dhënë fund robërisë së popullit irakien
Në trevën e Sharrit paqëruajtësit kërkuan armë
Në Kaçanik mina vret një fëmijë
Një batalion finlandez po kryen ushtrime ushtarake në patrullimin e kufirit në Debëllde
Ansambli "Ulqini" udhëton në Slloveni
Pensionistët thonë se do të padisin fondin pensional të Serbisë nëse nuk i marrin pensionet e tyre
Kuvendi fillon seancën pa deputetët e PDK-së dhe AAK-së
Përkeqësohet orari i reduktimeve me energji elektrike

Më gjërësisht:

Putin u bëri thirrje SHBA t’i ndërprejnë sulmet mbi Irak
Moskë, 20 mars Presidenti rus sot e cilësoi sulmin e SHBA-ve mbi Irakun si "gabim politik serioz " dhe i bëri thirrje SHBA-ve t'i ndërpresin sulme.

Gjeneral Remi dhe tre bashkëluftëtarët e tij gjykohen nën karantinë
Prishtinë, 20 mars - Tendencat e shprehura nga gjykata ndërkombëtare për ta zhvilluar procesin gjyqësor ndaj katër ish-luftëtarëve të lirisë, në mesin e të cilëve është edhe gjeneral Remi, ish-komandant i Zonës së Pestë Operative, jashtë syve të opinionit, në seancën e ditës së enjte, me një vendim të posaçëm të kolegjit gjyqësor, është realizuar tërësisht.

Në SHBA janë përforcuar masat e sigurisë për mbrojtje nga terrorizmi
Uashington, 20 mars - Pas fillimit të ndërhyrjes amerikan ushtarak në Irak, në qytetetet e SHBA-ve sot dukshëm është vërejtur prani e shtuar e policisë për shkak të frikës nga sulme të mundshme terroriste

Një fëmijë gjen vdekjen, pasi shkel në minë
Prishtinë, 20 mars - Një fëmijë shqiptar 12-vjeçar, ka humbur jetën aksidentalisht pasditën e djeshme në Kaçanik, si pasojë e shpërthimit të një mine antinjeri.

Iraku pohon se është vrarë një civil
Bagdad, 20 mars - Iraku pohoi se në sulmet e sotme një civil ka humbur jetën dhe disa të tjerë janë plagosur.

SBASHK kërkon rritjen e pagave për punonjësit e arsimit
Prishtinë, 20 mars - Duke u nisur nga pozita e rëndë që ka katandisur punonjësit e arsimit, sidomos të dy niveleve (të shkollave të mesme dhe fillore), SBASHK-u ka kërkuar nga institucionet përgjegjëse rritjen e pagave.

Policia ka rritur sigurinë në pikat kufitare me Shqipërinë dhe IRJM
Prizren, 20 mars - Policia e UNMIK-ut ka shtuar masat e sigurisë në pikat kufitare me Shqipërinë dhe Maqedoninë, që gjenden në zonën e përgjegjësisë së rajonit të Prizrenit.

Në veri sërish i vëhet zjarri një automjeti të UNMIK
Mitrovicë, 20 mars - Një minibusi të UNMIK-ut i është vënë zjarri në pjesën veriore të Mitrovicës në rrethana të pasqaruara, kanë njoftuar burimet e policisë ndërkombëtare në Mitrovicë.

Statusi përfundimtar i Kosovës

PRISHTINË 20 mars- Studiuesi amerikan Bruce Hitchner tha të mërkurën në një intervistë për KosovaLive se ekziston një plan që do të prezentohet në Shtetet e Bashkuara nesër i cili fton për një varg hapash që duhet të ndërmirren që të mundësojnë fillimin e negociatave për statusin përfundimtar të Kosovës në fillim të vitit 2004 që do të shpiejë te pavarësia e Kosovës më 2005.

Shkoqitje-lajme shkurt:

Tri shoqata kosovare përkrahin intervenimin e SHBA-ve në Irak
Duhet urgjentisht të planifikohet statusi përfundimtar i Kosovës
Tregtia e lirë Kosovë-Maqedoni bëhet sipas marrëveshjes Beograd-Shkup
Administrata e Dardanës paguan një pjesë të borxhit, KEK- ia lëshon rrymën
Kundërshtohen si të pabaza pohimet e ministër Bogdanoviq se 62% e tokës kosovare i takon serbëve
Mbrojtësit thonë se të akuzuarit për vrasjen e Drinit janë të pafajshëm
Në Mal të Zi ka grip, por nuk ka raste të SARS-it
Tregu i Kosovës vërshohet me vezë edhe nga Polonia e Siria, e nënçmohet prodhimi vendas
Misioni i KFOR-it nuk do të ndikohet nga lufta në Irak
Krimi i organizuar dhe trafikimet rrezikojnë Maqedoninë, pohon Pentagoni
Në mesin e partive ndoshta ka krizë, por jo në Qeveri, thotë Rexhepi
Çertifikohen 38 të trajnuar, për çështje gjinore dhe të drejtat e njeriut
Ndërkombëtarët përjashtojnë mundësinë e ofensivës pranverore në Maqedoni
U promovua libri "Ditari i një Izolanti" i autorit Kolë Berisha
Ulqini kërkon ndihmë nga diaspora për ruajtjen e vlerave kulturore
Familja Rexha mendon se nuk janë përfshirë edhe disa aktorë të vrasjes
Polica sërish tërheq vërejtjen për mjetet e pashpërthyera në rajonin e Lindjes
Qeveria shqiptare shton masat e sigurisë me mundësinë e luftës në Irak
Autostrada Durrës-Merdar ndërtohet patjetër, thotë amb. Rama
Gjakova as që dëshiron të flasë për kthimin e serbëve
"Caritas" ndihmon 20 fëmijë të Podujevës pa dy prindërit
TMK në Viti meremetoi një rrugë gjatë ditës

E martë, 18 mars, 2003

Reagimet e opinionit amerikan rreth situatëss momentale dhe luftës së pritur kundër Sadamit dhe regjimit të tij

N.York, 18 mars, 2003 - Menjëherë pas fjalimit te presidentit bush - ultimatumi drejtuar Sadam Huseinit dhe djemve të tij - për shkak të frikës së sulmeve terroriste gjatë një lufte me Irakun.,  zyrtarë amerikanë e rritën një shkallë nivelin e gatishmërisë kombëtare ndaj sulmeve terroriste  Porte detare, aeroporte dhe centrale bërthamore.janë pikat ku ky departament - Departmenti amerikan për Sigurinë Kombëtare ka bër thirrje për shtimin e oficerëve brendapërbrenda trupave patrulluese, poashtu edhe në pikat  kufitare. Masa te tilla janë - janë ndërmarrë për shtimin e sigurisë  edhe në drejtim të mbrojtjejes së rezervave  ushqimore të vendit.  Është kerkuar nga Departamenti amerikan i SHBA që edhe  guvernatorët të dislokojnë trupa të mbrojtjes kombëtare që do të thotë trupa shtesë të policisë  për mbrojtjen e pajisjeve kyçe publike. Tom Ridge-Sekretari i Sigurisë Kombëtare, ,ka deklaruar se zyrtarë të zbulimit besojnë se terroristët do të sulmojnë objektiva amerikane dhe të vendeve të koalicionit në mbarë botën në rast të një luftë të udhëhequr nga Shtetet e Bashkuara kundër Irakut.  Te gjitha keto masa u ndërmorren menjëherë pas fjalimit të Presidentit Bush, i cili i dha udhëheqësit irakian, Sadam Husein, 48 orë afat të largohet nga vendi ose të përballet me luftë.

Çfarë janë  kryesisht në N. York

Nuk ka pthuajse media në të cilet nuk vehet në plan të parë edhe mendimi i njeriut të ketushëm ndaj fjalimit të presentit Bush -faktikisht ultimatumit të tij drejtuar Sadamit.

  Në të gjitha sheshet dhe rrugët kryesore, krahas trupave të sigurimit dhe kontrollimit nëpër qytete, pa ndërprerë vërehen edhe masa të shumta kundërshtarësh të luftës. Ata thonë se një formë e tillë veprimi po rezikon edhe jetën e njeriut tonë ketu.Perflitet midis njerëzish dhe poashtu edhe në mediat e ketushme se ka mundësi veprimesh terroriste si nga ana e Alqaides poashtu edhe nga agjentët e Sadamit. Diktatorët duhen luftuar po pa viktimizime dhe vrasje të popujve te pafajshëm.

per erenikun dhe RTV21 - Nexhmedin Syla - N. York

PRISHTINË 18 mars, 2003 – Kryeadministratori i Kosovës Michael Steiner tha të martën se lufta në Irak nuk do të ketë ndikim negativ për misionin e OKB-së (UNMIK) në Kosovë

PRISHTINË 18 mars, 2003 - Kryesia e Kuvendit të Kosovës hodhi poshtë përsëri propozimin e Aleancës për Ardhmërinë e Kosovës (AAK) për nxjerrjen për debat në kuvend, projektrezolutën për njohjen e vlerave të luftës së UÇK-së.

Shkoqitje: lajme shkurt
E martë, 18 mars, 2003

Ndërmarrjet e vogla dhe të mesme kërkojnë hua nga bota
Pakicat joserbe formojnë grup të veçantë në Kuvend
Lufta në Irak nuk do të ndikojë në UNMIK, thotë Steiner
Turqia edhe në të ardhmen do ta ndihmojë Kosovën
Arkeologë francezë vizitojnë lokalitetet e vjetra të Kosovës
Shtylla e IV-të e UNMIK-ut së shpejti hap një zyrë në Beograd
Kuvendi i Serbisë zgjedh Z. Zhivkoviqin për kryeministër
Kryesia përsëri hedh poshtë rezolutën për vlerat e luftës
Veteranët e luftës kërkojnë që disa institucione në Sharr të bartin emrat e dëshmorëve
Delegacioni i UNESCO-s thotë të mos lejohet shkatërrimi i monumenteve kulturore
Regjistrimi i paguesve tatimorë në pronë në Podujevë përfundon për 3 ditë
Meta:Samiti i Selanikut çast i përshtatshëm për Kosovën në BE
Qeveria e Kosovës kundërshton ftesën maqedone për njohjen e vijës kufitare
Tuneli "Sozina" afron bregdetin malazez
Qeveria malazeze merr përsipër kryerjen e dy projekteve me rëndësi të Ulqinit
Në Gjilan formohet asambleja komunale e fëmijëve
Kërkohet zbutja e kritereve sociale, ndërkohë që pakësohen projektet e donatorëve
36 biznese gjakovare kryejnë regjistrimin e përhershëm
Një shfaqje pa fjalë mahnitë shikuesit në Teatrin "Dodona"
Muzicientë amerikanë paraqesin muzikën "Zërat Amerikane"

---

New York 16 mars 2003

   Në të gjitha kinematë e Nju Jork -ut filloi të shfaqet premiera e filmit "The Hunted" "I gjuajturi"
       
Skenat e tmerrshme të masakrave serbe në popullatën e kosovës çojnë Aaron Hallam-in  (aktori Benicio Del Toro) t'i pres kokën një oficeri sërb. Sipas planifikimit, filmi me titullin në origjinal "The Hunted" "Gjuajturi", duhej shfaqur për her të parë, në prill të vitit 2002. Një aksident gjatë realizmit të tij, me njërin prej aktorëve kryesorë, Benicio Del Toro, (në rolin Aaron Hallam-it), bëri që filmi të përfundonte së realizuari më pas, pikërishtë pas pesë muajsh të aksidentit, në tetor 2002. Mirëpo, gjëndja e pa përmirësuar e Benicio Del Toros, bëri që filimi të përmovohej dhe "vërshoi" kinemat, e Amerikës që në këtë uikend  -   Distributor i filmit është ndërrmarrja  kinematografike e Hollivudit, Paramount Pictures dhe ajo Touchstone Pictures. Filmi  "The Hunted"" I gjuajturi", është prodhim i kompanisë së njohur Lakeshore Entertainment, e cila ka bërë dhe filmat "Underworld" dhe "The Human Stain"
              
    Rolin kryesorë e bart Tommy Lee Jones,si kryeagjent i FBI - me emrin L.T. Bonham. Gjatë gjithë filmit krah tij  është aktori Benicio Del Toro,  në rolin Aaron Hallam-it, agjent nga  Forcat Speciale të Ushtrisë Amerikane në Kosovë . Ky film ka të gjitha shkallët e interpretimit - deri te personazhet figurative, të clët kanë ndihmuar fuqimisht në realizmin e tij.
   Regjizori i filmit "The Hunted" "I gjuajturi" është William Friedkin, regjizor i disa fimave të njohur si: "Rules of Engagement" "The French Connection"  "Night Train" "Shooter" e tjerë.
   Skenarist janë David dhe Peter Griffiths autorë dhe bashkëautorë të filmave "Blood Relative""Collateral Damage" " dhe  "RainboW Six)" e tjerë.
Filmi "The Hunted" "i gjuajturi"  zgjatë një orë e gjysëm (90 minuta).
Bënë pjesë në grupin e filmave, që janë vetëm për të rritur, dhe i ndaluar rreptësishtë e me ligj për fëmijët dhe të rinjët e moshave nën 18 vjeçë. Ky lloj kategorizmi që është me filmat, teatrot,librat dhe programet televizive  në amerikë, bëhet për të ruajtur moshat e reja nga skenat e prekëshme dhe tronditëse

    Filmi "The Hunted" " I gjuaturi" fillon me një ngjarje nga maskara e tmerrëshme sërbe, në Kosovë, në vitin 1999. Ka rrefimin për agjentin amerikan, depërimin t e tij  deri në linjën e parë të luftës dhe përjetimin e drejtpërdrejt përsëafërmi të krimeve serbe ndaj popullatës së pafajshme, shqiptare ne Kosovë.  Aaron Hallam (aktori  Del Toro) po shërbente në këtë kohë me Forcat Speciale të Ushtrisë Amerikane, .Ai po provonte se si mund të ndalej masakra e tmerrshme ndaj shqiptarëve në Kosovë. Siç  shtrihet më tutje ngjarje në film, ai shkon në mes të linjave të armiqëve për t'ia prerë fytin një oficerit sërb. Të gjitha këto ndodhin kur para syve të tij shfaqeshin viktimat e kriminelëve - fëmijë, gra, burra dhe pleq. Kështu që kjo skenë nga më interesantet e filmit e bën të padurueshëm qëndrimin e Aaron Hallamit (aktori Del Toro) përderisa para tij vriten njerëz të thjeshtë e të pafajshëm. Prapa, kesaj ngjarje, -tmerri tek Aaron Hallam nuk mbaron kurrë,. Rreth tij vërtiten klithmat e fëmijëve të vrarë - gra dhe vajza të vrara e të përdhunuara, burra të moshuar, të masakruar. Ky trishtim vijëzohet në  fytyrën e  aktorit Del Toro, të cilin e ndjekë nga pas gjatë gjithë filmit pa u hequr nga  mëndja dhe zëmra e  tij skenat  tmerrit  gjenocidal në Kosovë.

    Ana tjetër spektakulare filmit "The Hunted" "I gjuajturi" janë pyjet, gurgullimat e përronjëve, cicërimat e zogjëve dhe bukuritë natyrore  të pejsazhit malor të cilat shikuesit i vejnë në mallëngjim për natyrën mahnitëse të Kosovës.

 ( Për erenikun Beqir Sina dhe për RTV21-Nexhmedin Syla -N. York )

---

E shtunë, 15 mars, 2003

Shkoqitje; lajme - shkurt :

-Ndalimi i kolaboracionistëve ka qenë i domosdoshëm, thotë Remi
-Zhvillimet e fundit në Luginë të Preshevës pengojnë kthimin e të zhvendosurve
-PDSH-ja akuzon BDI-në për "privatizim të të drejtave të kombit"
-Kosova dhe Shqipëria së shpejti me marrëveshjen e tregtisë së lirë
-Kërkesa e koalicionit qeveritar maqedon për njohjen e kufijve shihet si e pamatur
-Maqedonia dërgoi dy eprorë ushtarak në SHBA
-Të hënën normalizohet qarkullimi në rrugën Podgoricë- Kollashin
-Vrasja e Gjingjiqit nuk do ta ndalë Serbinë në rrugën e reformave, thotë Koraq
-Nis mbarë vjelja e tatimit në pronë
-Policia e Serbisë arrestoi 56 të dyshimtë për vrasjen e Gjingjiqit
-Kosova s'mund të nënshkruajë marrëveshje për asocim, por po përgatitet
-KEK-u vazhdon reduktimet shkaku i shpërputhjes mes prodhimit e konsumit
-Zona kufitare me Serbinë po kontrollohet intenzivisht
-Negociatat Kosovë - BE, përkrahje për hapat që bëhen drejt statusit, thonë ligjvënës shqiptarë
-KFOR-i nuk do të tolerojë asnjë kërcënim, thotë gjen. Mini
-KFOR-i thotë se pas vrasjes së Gjingjiqit nuk shtoi masat e sigurisë
-Shqipëria nderon me statusin "Dëshmorë të Atdheut" të rënët në luftën në Kosovë
-S'ka panel të ri, të hënën propozohet qeveria, i thotë kreu komunal opozitës së Ferizajt
-Daci thotë që Gjakova t'u prijë proceseve demokratike në Kosovë
-KEK-u shkyçi nga rrjeti administratën komunale të Dardanës
-Hapet ekspozita e piktores japoneze.

_____________________________________________________

E shtunë, 15 mars 2003

PRO ET CONTRA; Kujtim Konushefci
Vajtimi i "demokracisë serbe" të Gjingjiqit sipas "rapsodëve" të politikës shqiptare

Vrasjen e premierit të Serbisë, Zoran Gjingjiq më 12 mars 2003 nga dora e zezë kriminale vetëserbe, e kanë dënuar pothuajse të gjithë burrat më të njohur të shteteve demokratike në Europë dhe në botë. Mesazhi i përbashkët i denoncimit të kësaj vrasjeje ishte se i ndjeri, Zoran Gjingjiqi ishte “demokrati dhe reformatori më i shquar” i këtij shekulli të njerëzimit. S’ka dyshim se akti i vrasjes së kryeminstrit serb, Zoran Gjingjiq, është i dënueshëm dhe i papranueshëm për vlerat humane dhe demokratike, si dhe për drejtësinë ndërkombëtare. Këtë lloj vrasjeje, s’mund ta kontestojë askush se, nuk ka qenë akt klasik terrorist, dhe se aktorët e këtij krimi të nëndheut apo të mbidheut, duhet të marrin dënimin më të rëndë, të merituar sipas veprës së kryer kriminale ndaj kryeministrit të Serbisë, Zoran Gjingjiq. Kjo, nuk është e diskutueshme për asnjë njeri, as politikë normale, por hipotetike është se, a ka qenë përnjëmendë Zoran Gjingjiqi, një nga figurat e pazëvendësueshme reformatore të integrimit, të demokracisë, dhe të demokratizimit të Serbisë, si dhe të kohezionit dhe avancimit të këtyre proceseve në shkallë evropiane dhe ndërkombëtare. Kjo mbetet e diskutueshme, edhe pas vdekjes së tij. Këtë do ta vërtetojë vetë koha e ardhme. Ndonëse, e përgjithshmja e logjikës ngushëlluese imponon gjithmonë fjalët më të mira për të gjithë ata që shkojnë në botën e amshuar. Këtë e ka merituar edhe Zoran Gjingjiqi, viktima e politikës së zezë mafioze e nëntokës serbe.

Përveç ngushëllimeve të Europës e të botës, qeveria e Sërbisë mori edhe ngushëllimet nga shtetarët e vendeve të saj fqinje. Në këtë vister ngushëllimesh të sinqerta për vrasjen e kryeministrit të Serbisë, Zoran Gjingjiqit, më karakteristike dhe nënvizuese për nga toni i dhembjes, moralizimit dhe i astrologjisë demokratike, ishin edhe vajtimet e disa krokodilave, respektivisht të “rapsodëve” të politikës shqiptare në Tiranë dhe në Prishtinë. Ndër telegramet ngushëlluese më vajtuese dhe më të mjera, drejtuar qeverisë së Serbisë së Mebojsha Qoviqit për rastin e atnetatit ndaj Zoran Gjingjiqit ishin ato të Adem Demaçit, Nexhat Dacit. Mirëpo, kulmin e dhimbjes së papërshkrueshme e paraqet Parlamenti i Republikës së Shqipërisë, i cili në shenjë të ndarjes së fundit nga viktima Zoran Gjingjiq, e nderon me një minutë heshtje(shih: www.lajme.net, 13.03.2003). Ky gjest ngushëllues i parlamentarëve shqiptarë, nuk do kurrfarë komenti.

Të shohim, kur të vdes Adem Demaçi ose Nexhat Daci apo Salih Berisha, se si, dhe me sa minuta heshtje, Parlamenti dhe Qeveria e Sërbisë, do t’i nderojnë ata për herën e fundit. Por, çfarë të bëjmë, ngushëllimi, duhet të kuptohet si ngushëllim. Ngushëllimi nuk ka pasaportë tjetër, nuk ka përkatësi kombëtare, ideologjike, partiake, nuk njeh inat akraballëku, miqësie apo armiqësie. Vdekja është vdekje. Këtë, kështu e kuptojnë edhe armiqtë e shqiptarëve, serbët, sepse me rastin e vdekjes së kryetarit të Republikës Socialiste të Shqipërisë, Enver Hoxha më 1985, Parlamenti i Jugosllavisë qe “mbledhur me procedurë të shkurtër, dhe me 1 minutë heshtje, e nderoi si heroin e lavdishëm shqiptar”.

Mirë është, dhe askush nuk mund tua zërë për të madhe pse “rapsodët” e politikës shqiptare e kanë ngushëlluar Serbinë për vdekjen e premierit të tyre, Zoran Gjingjiq, por keq është se, “kukuvajkat” humbjen e tij e kanë vajtuar më shumë sesa vetë Serbia dhe Mali i Zi. Mos qani aq shumë, se ka kush e qanë dhe e nderon atë. Serbia ka plot politikaj dhe njerëz të zotë siç ishte dr. Zoran Gjingjiqi i ndjerë, por më shumë vajtone veten, sepse edhe ata, që i kini po i vrani, po i syrgjynosni dhe po i zhdukni në mënyra të ndryshme makabre, ashtu si po iu mëson dhe si po iu “ndërsen” Serbia me shërbëtorët dhe me aleatët saj besnikë sllavë.

Besianë, më 13 mars, 2003

---

E enjte, 13 mars, 2003

Xhaferi: Shqiptarët rrokën armët, sepse nuk kishin opcione politike
Prishtinë, 13 mars Kryetari i Partisë Demokratike Shqiptare në Maqedoni, Arber Xhaferi, në një debat të mbajtur të mërkurën me studentët e Univeristetit të Prishtinës, i cili u mbajt në Bibliotekën Kombëtare Universitare, nën organizimin e Organizatës Studentore të Sociologjisë “HOP”, para studentëve ka thënë se ” …nëse të gjithë do të pranojmë se UÇK-ja ishte një fenomen pozitiv e kapërcejmë një fazë të mundësisë së antagonizmave të brendshëm”.

 

 

Serbia është e interesuar ta ndajë Kosovën e jo për dialog, thotë Rexhepi para deputetëve
PRISHTINË, 13 mars, 2003- Është koha që institucionet e Kosovës të fillojnë të përgatitisin pozicionet për negociatat e ardhshme për zgjidhjen e statusit final të vendit, tha kryeministri i Kosovës, Bajram Rexhepi në ekspozenë e tij të enjten para Kuvendit, në njëvjetorin e funksionimit të Qeverisë.

 

Qeveria cakton grupin për bartjen e kompetencave nga UNMIK-u
PRISHTINË, 13 mars, 2003 - Qeveria e Kosovës caktoi të mërkurën grupin shtatëanëtarësh që së bashku me UNMIK-un do të koordinojnë procesin e kalimit të kompetencave nga administrata ndërkombëtare tek institucionet vendëse.

lajme shkurt:
-Pavarësia e Kosovës do ta qetësonte rajonin, tha Rugova
-Qeveria e Kosovës ngushëllon familjen Gjingjiq
-Steiner thotë se është i tronditur nga vrasja e kryeministrit të Serbisë
ekonomi
-KEK-u padit serbët që punojnë në emër të Elektroekonomisë së Serbisë
kulturë
-Libri po mbetet pa përkrahje, por pa fajin e shtëpive botuese, thotë Basha

---

E hënë, 10 mars, 2003
            
           Në Yonkers të New Yorkut - shenim i epopesë së lavdishme të UÇK-së,
              -zbulohen pllakat perkujtimore të vëllezërve Bytyçi.

          
Yonkers-New York-SHBA-e hënë, 10 mars, 2003 - Pasdita e parë e uikendit që sapo e lam pas,  mblodhi shumë qytetarë të komunitetit shqiptarë në varrezat e Yonkersit të N. Yorkut, aty ku pushon trupi i luftëtarëve të lirisë të Batalionit Atlantiku, vëllezërve Ylli, Agron dhe Mehmet Bytyçi, të vrarë nga soldateska serbe në Kosovë. Me një revokim kujtimesh nga  rruga e lavdishme e ketyre luftëtarëve të lirisë, u bë zbulimi i pllakave përkujtimore.

        

           
         Para qindra pjesmarrësve folën Kongresmeni Tom Lantos, ish kongresmeni Jozef DioGuardi gruaja e tij këshilltare për çështje ballkanike shkrimtarja amerikane Shirley Cloyes, Majori i Yonkersit John Spencer- krah të cilit kishte ardhur edhe vëllai i tij bashkë me dy  luftëtarë te tjerë të lirisë-veteranë të luftës nga  vietnami, për të bërë nderë dhe respekt para trupit të të rënëve për lirinë e Kosovës. 

           
        Përulje në shenj respekti e nderi para vëllezërve Bytyçi, bënë edhe shokët e tyre të luftës, anëtarë të  Batalionit Atlantiku dhe qytetarë të shumtë nga komunitetet e ndryshme në Yonkers.
Duke përkujtuar keshtu epopenë e lavdishme te luftatarëve të lirisë dhe legjenden e UÇK-së Adem Jasharin, nata e të shtunës në Hotelin Royal Regency të Yonkersit të N. Yorkut ishte natë e revokimeve dhe kujtimeve ndaj veprave te lavdishme të atyre që vunë gjoksin përball uzurpuesit dhe barbarit serbosllav në Kosovë.

                                                                                 

Madhështi e mbrëmjes ishte portreti i Adem Jasharit dhuratë e piktorit Ramiz Llapatinca. Entuziamin  e mbrëmjes e rriti paraqitja e aktorit Xhevat Limani,  si dhe interpretimi brilant i Aurela Gaçes në këngën:"Kosovë më vjen keq, që nuk mund bëra më shumë për TY"-poezi e shkrimtarit të madh Azem Shkreli.

 

Në emër të të gjitha shoqatave dhe klubeve të shumta për kontributin e dhënë në aktivitetin e ketij uikendi ne Yonkers,  pjesmarrësit i falenderoi- kryeoraganizatori Shefki Megjuani - kryetar i Shoqates Miqtë e TMK.         Edhe Shoqata Atdhetare Dibrane shenoi mbrëmë një aktivitet të gjithanshëm. Ajo për nderë të Ditës së mësuesit dhe 8 marsit Ditës së Gruas në  restorantin e njohur "Micali Terrace",  në Brooklyn, organizoi mbrëmje Gazmore e cila zgjati deri në   orët e herëshme të mëngjesit të sotëm. Kënaqën pjesmarrësit e mbrëmjes Grupi muzikor "Sazet e Ohrit" me këngëtarët Eli Fara dhe Saimir Shehu.,,,,,,për RTV21  Nexhmedin Syla, Yonkers - N.Yorku

 

Vriten dy policë të UNMIK-ut në Prishtinë, në shkëmbim zjarri pas një zënke me njëri-tjetrin

PRISHTINE, 10 mars - Dy agjentë të policisë së UNMIK-ut në Kosovë kanë mbetur të vrarë mbrëmjen e djeshme gjatë një shkëmbimi zjarri, pas një zënke mes tyre në kazermë. Incidenti u konfirmua nga zëdhënësi i UNMIK-ut, Andrea Anjeli. Dy policët, që nuk i përkisnin kontigjentit evropian, por kombësia e të cilëve nuk është bërë ende e ditur, kryenin shërbimin në njërin prej batalioneve të lëvizshëm të policisë së UNMIK-ut. Baza e tyre ndodhet në hyrje të Prishtinës. Sipas Anjelit, hetimet e para kanë përjashtuar mundësinë e një provokimi nga jashtë të incidentit. 

Tahiri: Koncepti i Gjingjiqit për ndarjen e Kosovës do të shkaktonte konflikte të përgjakshme

PRISHTINE, 10 mars - Duke komentuar angazhimin e kryeministrit serb Zoran Gjingjiq për federalizimin e Kosovës, këshilltari i kryeparlamentarit Daci, Ramush Tahiri, tha se idetë e kryeministrit serb duken më shumë se reagim ndaj proceseve pozitive që po shënohen në Kosovë, prandaj ai edhe ofron propozimet e mëhershme serbe për ndarjen e Kosovës në baza etnike. “Ky është një koncept thjesht i bazuar në idetë nacionaliste serbe të mëhershme që kërkon krijimin e shtetit serb kudo që janë serbët dhe që nuk ka të bëjë agjë me deklarimin reformist, apo demokratik të pushtetit të Serbisë”, deklaroi Tahiri. Ai nënvizoi se po të përdorej një koncept i tillë në Kosovë, jo vetëm që do të shkaktonte konflikte të përgjakshme, por do të destabilizonte gjithë rajonin, ngase ky koncept do të rikthente edhe njëherë trajtimin e çështjes si në Maqedoni, ashtu edhe në Bosnje e Hercegovinë dhe në Malin e Zi.

Policia dëbon nga Aeroporti i Rinasit kreun politik të AKSH-së, Gafurr Adili

TIRANE, 10 mars - Policia e aeroportit të Rinasit ka kthyer mbrapsht dje 44-vjeçarin Gafurr Adili, shqiptar nga Kërçova, me pasaportë maqedonase e banim në Zvicër, që kishte edhe një apartament në Tiranë. Sipas njoftimeve nga Ministria e Rendit, ky person mendohet se është kreu i politik i një grupi që është prezantuar me emrin Armata Kombëtare Shqiptare, (AKSH). Ardhja e Adilit nuk ka qenë surprizë për policinë e Rinasit, pas kishte një muaj që pritej dhe ajo ishte urdhëruar ta kthente mbrapsht atë sapo të shkelte tokën shqiptare. Adili mendohet të jetë kreu i Frontit për Bashkimin Kombëtar Shqiptar, krahu politik i AKSH-së.

Qeveria miraton dërgimin e komandove në Gjirin Persik dhe vë në dispozicion bazat ushtarake

TIRANE, 10 mars - Qeveria e Shqipërisë miratoi aktin normativ për dërgimin e trupave ushtarake komando në Irak. Dje në mesditë, Këshilli i Ministrave miratoi aktin normativ të përgatitur nga ministria e Mbrojtjes, duke i hapur rrugë bashkimit me koalicionin ndërkombëtar të luftës kundër terrorizmit në rajonin e Gjirit Persik. "Republika e Shqipërisë vë në dispozicion të Forcave të Koalicionit ndërkombëtar kundër terrorizmit hapësirën tokësore, detare dhe ajrore si dhe krijon lehtësira stërvitore. Pjesëmarrja me një kompani komando të forcave të armatosura të Republikës së Shqipërisë në rajonin e Gjirit Persik bëhet në kuadrin e operacioneve në mbështetje të paqes dhe është në mbështetje të plotë me angazhimet e deritanishme të shtetit shqiptar në luftën kundër terrorizmit global",- thuhet në aktin e miratuar nga qeveria. Sipas vendimit, komandot shqiptare duket se nuk do të marrin pjesë në një ndërhyrje të mundshme, por do të hyjnë në Irak pas sulmit. Ky vendim, sipas njoftimin për shtyp të Këshillit të Ministrave, vjen pas miratimit të rezolutës nga ana e kuvendit të Shqipërisë, më datë 3 mars 2003.

Moisiu në Londër, takon sot sekretarin e Jashtëm britanik, Strou

TIRANE, 10 mars - Presidenti Alfred Moisiu ndodhet për një vizitë zyrtare në Britaninë e Madhe, me ftesë të Mbretëreshës Elizabet. Kjo vizitë përbën një rëndësi të veçantë përsa i përket marrëdhënieve midis Shqipërisë dhe Britanisë së Bashkuar, të cilat janë në një stad të lartë. Moisiu do të zhvillojë takime zyrtare me sekretarin e Jashtëm britanik, Xhek Strou dhe me sekretarin e Mbrojtjes, Xhef Hun. Në axhendën e takimeve është dhe një takim me themeluesin e fondacionit Butrinti, lordin Rothçild. Presidenti Moisiu do të pritet nga Mbretëresha Elizabet të mërkurën. 

Lideri i ish-UÇPMB-së, Musliu kërkon shtimin e ndërkombëtarëve në Luginën e Preshevës

PRESHEVE, 10 mars - Lideri i ish UÇPMB-së, Shefket Musliu ka thënë se bashkësia ndërkombëtare duhet të rrisë praninë e saj në Luginën e Preshevës dhe të përshpejtojë zbatimin e marrëveshjes paqësore "përpara se të jetë vonë". Këto komente ai i bëri për agjencisë Rojters dhe shtoi se “të gjitha ato incidente që po ndodhin atje, nuk janë shenjë e mirë për rajonin”. Edhe kryetari i Lëvizjes për Progres Demokratik të shqiptarëve në Bujanoc, Jonuz Msuliu, ka deklaruar gjithashtu se “qeveritë perëndimore kanë përgjegjësi për ngjarjet në këtë rajon, pasi që nuk po ushtrojnë trysni mbi autoritetet e Beogradit për ta zbatuar marrëveshjen e paqes”.

AKSH: Shqiptarët të largohen nga radhët e policisë serbe në Luginën e Preshevës

PRESHEVE, 10 mars - Armata Kombetare Shqiptare përmes një deklarate të publikuar në sitin e saj në internet, është shprehur se nuk do të ketë mëshirë për shqiptarët etnikë që janë vënë në shërbim të forcës policore multietnike në Luginën e Preshevës. Në deklaratë thuhet: "Ne u bëjmë thirrje të gjithë shqiptarëve që po veprojnë nën emblemën serbe të quajtur polici multietnike, ta heqin këtë uniformë sa më shpejt të jetë e mundur, ose ne do të tregohemi të pamëshirshëm". Kjo forcë është ngritur në Luginën e Preshevës vitin e kaluar dhe autoritetet beogradase kanë konfirmuar së fundi se shumë nga oficerët shqiptarë kanë marrë kërcënime, që i kanë detyruar disa prej tyre të largohen. 

Lugina e Preshevës: Varrosen sot 2 shqiptarët e vrarë të premten nga policia serbe

BUJANOC, 10 mars - Shaban Bajrami dhe Besim Xhemaili, dy shqiptarët e vrarë të premten, nga xhandarmëria serbe, do të varrosen sot, në orën 14:00, në fshatin Breznicë. Siç njofton shtabi për organizimin e varrimit, prindi i Shaban Bajramit, Rasimi me djalin e tij, ende mbahen në burgun e Bondstillit. Xhemaili ka lejuar që edhe pa praninë e tij të bëhet varrimi i të birit. Po të njëjtat burime njoftuan, të dielën, se gjendja momentale politike dhe e sigurisë në këtë fshat dhe rrethinë është tepër e tensionuar.

Lugina e Preshevës: Fazliu akuzon qeveritarët serbë për moszgjidhjen e problemeve

PRESHEVE, 10 mars - Kryetari i Partisë për Bashkim Demokratik Shqiptar, Zeqirja Fazliu ka akuzuar qeveritarët serbë për mosgatishmëri për zgjidhjen e problemeve të shumta në Luginën e Preshevës. Ai vlerësoi se gjendja e sigurisë në këtë periudhë të fundit në Luginë, në veçanti në zonën e dikurshme të sigurisë tokësore është e keqësuar dhe jo e sigurtë. Ai ka shtuar se regjimi serb ende nuk ka hequr dorë nga doktrinat e hershme, të cilat ka filluar t'i aplikojë me inskenime të ndryshme dhe me paralajmërime, që i shfrytëzon si mburojë për të bastisur shqiptarët. 

Musliu: Edhe shqiptarët e Luginës së Preshevës të marrin pjesë në bisedimet Prishtinë-Beograd

BUJANOC, 10 mars - Kryetari i Lëvizjes për Progres Demokratik në Bujanoc, Jonuz Musliu konsideron se në dialogun midis Prishtinës e Beogradit duhet të përfshihen edhe shqiptarët nga Lugina e Preshevës, dhe atë në fazën më të vonshme. Ai ka cekur se përfaqësuesit e shqiptarëve në Luginën e Preshevës, në dialogun me Beogradin dhe Prishtinën, do të ofronin platformën politike të miratuar në mars të vitit 2000, në Konçul të Bujanocit, dhe atë mbi çmilitarizimin dhe për disa çështje të cilat nuk janë zgjidhur deri më tash.

---

Komandanti Legjendar Adem Jashari Këshilli Organizativ ka bërë të gjitha përgatitjet për shënimin e “Epopesë së UÇK-së “Në kuadër të këtij 5-vjetori, Këshilli Organizativ ka marrë të gjitha masat që manifestimi “Epopeja e UÇK-së” të jetë sa më në nivel. Aktivitetet festive do të organizohen në nivelin qendror dhe lokal“, -ka thënë për Kosovapress-in, në emër të Këshillit Organizativ, këshilltari i kryeministrit të Kosovës, Ramadan Avdiu.

E Shtunë, 08 Mars, 2003

ARMATA KOMBËTARE SHQIPTARE
SHTABI I DIVIZIONIT "ADEM JASHARI"
Preshevë, më 07.03.2003

KOMUNIKATË NR.23
 

Sot, më 07.03.2003, kur i gjithë kombi ynë kremtonte 5 vjetorin e luftës titanike dhe rënies heroike të Komandantit legjendar të UÇK-së, tani edhe KOMANDANT NDERI I ARMATËS KOMBËTARE SHQIPTARE, Heroit të kombit ADEM JASHARI dhe familjes heroike JASHARI, në vendin e quajtur çeshmja e Eminit, heroikisht dhe në krye të detyrës, ranë dy luftëtarët më të denjë të Armatës Kombëtare Shqiptare, Shaban Bajrami dhe Besim Xhemajli.

Ne jemi krenarë me veprën tuaj fisnike dhe patriotike në shërbim të kombit shqiptar për të realizuar aspiratat kombëtare, amanetin e dëshmorëve të kombit, me në krye Adem Jasharin dhe gjithë deshmorëve të luftërave të fundit për çlirim dhe ribashkim kombëtar. Vepra juaj do të jetë shembëll për të gjithë ne, për të cilën dhamë betimin për t'a çuar në vend amanetin tuaj dhe të dëshmorëve të tjerë, që ranë për çlirimin dhe ribashkimin e trojeve shqiptare.

Kombi ynë vuajti dhe po vuan nga padrejtësitë që i janë bërë dhe po i bëhen. Ju ishit ata që ia vutë ballin tytave të pushkës dhe e bëtë syrin pishë përballë armikut gjakatar. Vepra juaj do të shëndrisë në piadestalin më të lartë të historisë kombëtare dhe amanetin tuaj do ta realizojmë ne bashkëluftetarët tuaj, andaj: prehuni të qetë dhe i lehtë u qofte dheu i tokës sonë, për lirinë e të cilës dhatë jetën dhe gjakun tuaj.

Komanda e Divizionit "Adem Jashari" të AKSH-së, u bën thirrje gjithë shqiptarëve anembanë trojeve shqiptare dhe në diasporë që në mënyrë sa më masive t'i bashkohen luftës tonë për çlirim dhe ribashkim kombëtar. Me këtë rast u bëjmë thirrje institucioneve shqiptare, partive politike, shoqatave joqeveritare dhe intelektualëve atdhetarë, pa dallim krahine, feje dhe ideje që të bashkohen me FRONTIN PËR BASHKIM KOMBËTAR SHQIPTAR dhe strukturën e tij ushtarake - ARMATËN KOMBËTARE SHQIPTARE dhe tërë potencialin e tyre t'a orientojnë në shërbim të kauzës sonë kombëtare, çlirimit dhe ribashkimit kombëtar shqiptar.

Gjithë atyre shqiptarëve që shërbejnë nën emblemën e Serbisë me emrin "Polici Multietnike" iu bëjmë thirrje publike që në afatin sa më të shkurtër t'a hedhin uniformën, e cila historikisht na ka gjakosur dhe po vazhdon të na gjakosë edhe tani, ose në të kundërtën ne do të detyrohemi që të jemi të pamëshirshëm kundër atyre që mbajnë uniformat dhe emblemat Sllave, sepse, nuk kemi kohë që gjatë dyluftimeve t'i indentifikojmë
në janë shqipfolës apo sllavë.

I PAHARRUAR DO TË JETË KUJTIMI DHE BETIMI YNË I
PËRBASHKËT!
I LEHTË JU QOFTË TOKA E SHQIPËRISË SË
RIBASHKUAR!RROFTË SHQIPËRIA E RIBASHKUAR!

Zëdhënësi i Shtabit të Divizionit "ADEM JASHARI" të
ARMATËS KOMBËTARE SHQIPTARE,

Kolonel BESFORT KARADAKU

---

Dita Ndërkombëtare e Gruas, 8 Marsi,
kishte mbushur të shtunën rrugët e
Prishtinës më lule, që shumë qytetarë
për t’ia uruar nënës, motrës, gruas apo
mësueses këtë festë kishin zgjedhur lulet.

Thaçi: Të drejtat e gruas kosovare kanë përparuar dukshëm

PRISHTINE, 8 mars - Kryetari i Partisë Demokratike të Kosovës, Hashim Thaçi, në një urim dërguar në Ditën e gruas, ka thënë se pozita dhe të drejtat e gruas kosovare, janë avancuar dukshëm në saje të punës dhe përpjekjeve të palodhshme të vet femrave kosovare. "Në emrin tim dhe në emër të Partisë Demokratike të Kosovës u uroj të gjitha grave kosovare përzemërisht 8 Marsin, Ditën Ndërkombëtare të Gruas", thuhet në urimin e Thaçit. "Roli i gruas në Kosovë po bëhet përherë e më i shquar dhe më intensiv. Sot femra kosovare është e pranishme gjithandej si deputete, mësuese, inxhiniere, duke dhënë një kontribut të madh në avancimin e proceseve në të gjithë lëmenjt e jetës. Vetëm duke i inkuadruar të dyja gjinitë në realizimin e synimeve tona të përbashkëta mund të bëhemi pjesë e plotë e familjes gjithëpërfshirëse evropiane", përfundon urimi i Thaçit, në ditën ndërkombëtare të gruas.

Presidenti Moisiu niset për vizitë në Britaninë e Madhe, me ftesë të Mbretëreshës Elisabet II

TIRANE, 8 mars - Presidenti i Republikës, Alfred Moisiu, niset nesër për në Britaninë e Madhe, ku do të zhvillojë një vizitë zyrtare. Zyra e Shtypit e Presidentit të Republikës, bën të ditur se vizita e Presidentit Moisiu bëhet me ftesë të qeverisë së Madhërisë së Saj, Mbretëreshës Elisabet II. Kjo vizitë do të zhvillohet nga datat 9-12 Mars. Gjatë qëndrimit treditor në Britaninë e Madhe, P Presidenti Moisiu do të pritet nga Mbretëresha Elisabet II, si dhe nga personalitete të larta të këtij vendi.

---

E enjte, 6 mars, 2003

Në fillim tri njoftime:

Bashkatdhetarët protestojnë në mbrotje të vlerave të luftës çlirimtare
Zvicër, 6 mars - Organizuar nga degët e PDK-së, AAK-së, LPK-së, si dhe Shoqata ’’Miqtë të TMK-së’’, pastaj nga klubet dhe asociacionet shqiptare në Zvicër, të shtunën, më 8 mars, në orën 10:00, mbahet një protestë para selisë së OKB-së në Zvicër.

_____________________________________________________

Fronti për Bashkim Kombëtar Shqiptar: Njohtim
Dy tubime masive në Zvicër

Njoftohen të gjithë bashkatdhetarët se më datën 08.03.2003, ditën e shtunë, duke filluar nga ora 19.00, tek Klubi "Rugova" në Frauenfeld (Kantoni THURGAU) Fronti Për Bashkim Kombëtar Shqiptar (FBKSH) organizon një Tubim Informativ. Udhëheqës të lartë të
këtij Fronti, midis tyre edhe Sekretari Politik Av. Alban Vjosa, do të flasin rreth zhvillimeve më të fundit në të gjitha hapësirat shqiptare, si dhe për objektivat që i ka vënë vetes FBKSH-ja dhe strukturat e saj.
Ftohen të marrin pjesë të gjithë bashkatdhetarët.

KRYESIA E FBKSH-së PËR ZVICËR

---------------------------------------------------------------------------------------------------------

Njoftohen të gjithë bashkatdhetarët se më datën 09.03.2003, ditën e dielë, duke filluar nga ora 12.00 tek Klubi "Shqiponja" në ST.MARGARETEN (Kantoni ST.GALEN) Fronti Për Bashkim Kombëtar Shqiptar (FBKSH) organizon një Tubim Informativ. Udhëheqës të lartë të këtij Fronti, midis tyre edhe Sekretari Politik Av. Alban Vjosa, do të flasin rreth zhvillimeve më të fundit në të gjitha hapësirat shqiptare, si dhe për objektivat që i ka vënë vetes FBKSH-ja dhe strukturat e saj.
Ftohen të gjithë bashkatdhetarët të marrin pjesë.

KRYESIA E FBKSH-së PËR ZVICËR

Brahim Arifi
Kreuzenererchiger - 5
85000 Frauenfeld (TG)
Tel.:052-7203751

_________________________________________________

Homazhe në Varrezat e Dëshmorëve në Landovicë
Prizren, 6 shkurt - Me rastin e pesëvjetorit të rënies heroike të Komandantit Legjendar Adem Jasharit dhe të familjes së tij, të enjeten janë vizituar Varrezat e Dëshmorëve në Landovicë, si dhe familjet e dëshmorëve të UÇK-së.

Shënimi qendror i Ditës së Mësuesit mbahet në Prizren
Prizren, 6 mars - Manifestimi qëndror i 7 Marsit - Ditës së Mësuesit, në nivel të Kosovës, këtë vit është caktuar të mbahet në Prizren.

Sot 124 vjet nga miratimi i projektit të alfabetit kombëtar të gjuhës shqipe

TIRANE, 6 mars - Miratimi i projektit të alfabetit kombëtar të gjuhës shqipe më 6 mars të vitit 1879 përbën një ngjarje historike të rëndësishme në lëvizjen historike dhe kulturore të Shqipërisë. Nismën për zgjidhjen e kësaj detyre e mori përsipër Komiteti i Stambollit i cili formoi një komision me pjesmarrjen e patriotëve Jani Vreto, Pashko Vasa, Sami Frashëri etj. Në vitin 1879, para këtij komisioni të alfabetit u paraqitën katër projekte të ndryshme, të cilët u diskutuan duke patur parasysh kriteret shkencore, politike dhe praktike që duheshin për gjuhën shqipe. Nga këto projekte ky komision me 6 mars te vitit 1879 miratoi alfabetin e Sami Frashërit (i njohur më vonë si alfabeti i Stambollit) i cili u bazua në alfabetin latin të plotësuar me shkronja të huajtura nga alfabeti grek. Pikësrisht ky alfabet do të ishte më vonë edhe projekti i alfabetit kombëtar të gjuhës shqipe. Komisioni i alfabetit botoi veprën e parë me alfabetin e ri , me titull "Alfabetare e gjuhes shqipe", e cila përmbante përveç alfabetit të Stambollit, disa shkrime mësimore të përgatitura nga Sami Frashëri, Pashko Vasa, Jani Vreto etj. Përveç alfabetit të Stambollit në po këtë vit u mblodh një konferencë në Stamboll ku përfaqësohej popullsia shqiptare e tri besimeve dhe e krahinave kryesore të vendit nga Kosova deri në Çamëri. Veç kësaj ato vinin nga radhët e të gjitha shtresave shoqërore të Shqipërisë. Kjo konferencë themeloi "Shoqërinë e Stambollit" dhe miratoi kanonizmën e saj. Kryetar i saj u zgjodh Sami Frashëri. Qëllimi kryesor i saj ishte botimi me alfabetin e Stambollit të librave shkollorë që do shërbenin si bërthamë e rrjetit arsimor kombëtar.

--------------------------

Shtajner: Për ministrin e shkarkuar të Shëndetësisë Baliq, vendos Gjykata Supreme e Kosovës

PRISHTINE, 6 mars - Kryeadministratori i Kosovës Mihael Shtajner tha sot se vendimi i kryeministrit Bajram Rexhepi për shkarkimin e Numan Baliqit nga posti i Ministrit të Shëndetësisë do të jetë i respektuar përderisa nuk merret vendimi i Gjykatës Supreme të Kosovës. Me këtë rast, kryeadministratori theksoi se sekretari i përhershëm i kësaj ministrie Pleurat Sejdiu do të pezullohet nga detyra e tij.
Vendimi i lëshuar nga kryeministri i Kosovës për shkarkimin e Baliqit është dhe vazhdon të jetë në fuqi. Shtajner theksoi se Baliq do ta parashtrojë një ankesë kundër këtij vendimi në Gjykatën Supreme, në përputhje me Kornizën Kushtetuese. “Unë e mbështes zotin Baliq që ta parashtrojë këtë çështje në Gjykatën Supreme, dhe pastaj varet nga gjykata dhe trupi i posaçëm se çfarë vendos me ligjshmërinë e vendimit të kryeministrit. Çfarëdo që të vendosë gjykata, ajo do të zbatohet. Deri në këtë vendim të gjykatës nuk do të ketë Ministër të Shëndetësisë në vendin e Numan Baliqit, por Resmije Mumxhiu do të jetë ushtruese e detyrës së Ministrit për ta drejtuar këtë ministri”, tha kryeadministratori Shtajner.
Ndërsa sekretari i përhershëm i kësaj ministrie Pleurat Sejdiu do të suspendohet nga posti i tij, post ky që gjatë procedurës gjyqësore ka qenë i kontestuarë. Kryeadministratori Shtajner theksoi se për suspendimin e Pleurat Sejdiut vetë do ta nxjerrë një urdhëresë administrative.

Përfaqësues të UNMIK takojnë “Vatan” për shkarkimin e Baliqit

PRISHTINE, 6 mars - Me ftesë të kryeadministratorit Mihael Shtajner përfaqësues të koalicionit “Vatan” kanë realizuar dje një takim me autoritetet e UNMIK-ut, për të diskutuar rreth çështjes së shkarkimit të ministrit të Shëndetësisë së Kosovës, Numan

Bukoshi: Mos nxitoni për bisedime me Beogradin

Baliç. Mësohet se ky takim nuk ka përfunduar me ndonjë rezultat konkret. Një nga drejtuesit e delegacionit të “Vatanit” tha se në takimin me autoritetet e UNMIK-ut është biseduar lidhur edhe për disa çështje kontestuese brenda Ministrisë së Shëndetësisë.

PRISHTINE, 6 mars - Partia e Re e Kosovës parimisht nuk është kundër dialogut ndërmjet palës shqiptare dhe asaj serbe, por ajo mendon se ky dialog duhet të përgatitet shumë më mirë që të arrihet një sukses i mirëfilltë. Kështu tha, ndër të tjera, në konferencën e sotme për shtyp kryetari i kësaj partie dr. Bujar Bukoshi.
Sipas Bukoshit, kërkesa e kryeadministratorit Mihael Shtajner për bisedime me serbët, pas pëlqimit të arritur në një darkë, e trullosi klasën politike të Kosovës dhe, sipas tij, kjo po e zhgënjen opinionin. Pasi foli për qeverinë e Kosovës, të cilën dr. Bukoshi e quajti qeveri “pa kompetenca”, ai u shpreh se nxitimi për të shkuar në Beograd për biseda e është një mendjelehtësi.
Në fund, dr. Bukoshi theksoi se nuk e ka të qartë pse kërkohet që shqiptarët të futen në negociata me Beogradin për çështje që janë kompetencë e UNMIK-ut.

Kuvendi nuk bie dakord për futjen për diskutim të rezolutës për njohjen e vlerave të luftës

PRISHTINE, 6 mars - Deputetët kosovarë nuk kanë rënë as sot dakord për futjen në rend të ditës të një rezolute që do të njihte zyrtarisht vlerat e luftës shekullore të popullit të Kosovës për liri dhe pavarësi. Ky propozim nuk u miratua ndonëse në parim ishte mbështetur më parë edhe nga grupet e tjera parlamentare.
Deputetët e Aleancës për Ardhmërinë e Kosovës, parti e cila e ka propozuar këtë rezolutë, janë ankuar që ky dokument nuk është futur në rend dite sot. Ndërsa kryetari i Partisë Demokratike të Kosovës, Hashim Thaçi është shprehur se askush në botë nuk mund ta kontestojë luftën me karakter çlirimtar të popullit të Kosovës. Sipas tij, miratimi i një rezolute të tillë aq më tepër ka simbolikën e vet kur në mbarë Kosovën po shënohet pesëvjetori i rënies heroike të komandantin legjendar Adem Jashari dhe familjes së tij.
Në përgjigje të Thaçit, kryeparlamentari Daci ka këmbëngulur që vlerat e luftës, përfshi këtu dëshmorët e saj, invalidët, fëmijët jetimë, etj., duhet të mbrohen me ligj, sepse me rezoluta të tilla rezultatet janë më të ulta. “Kryesia e Kuvendit ka rënë dakord njëzëri që disa muaj më parë që të hartohet një ligj për përkujdesjen institucionale ndaj kategorive të njerëzve më të dëmtuara gjatë luftës”, tha kryeparlamentari Daci.
Ndërsa kryetari i koalicionit serb “Kthimi”, Dragisha Kërstoviq gjatë fjalës së tij tha se ky Kuvend nuk ka të drejtë të miratojë rezulota të tilla, as sipas Rezolutës 1244, as sipas Kornizës Kushtetuese. “Çështja që po diskutohet nuk është urgjente dhe sot në asnjë mënyrë nuk mund të vihet në rend dite”, tha Dragisha Kërstoviq.
Mbledhja e Kuvendit të Kosovës u shty për javën e ardhshme, pasi kryetari Nexhat Daci tha se kështu u vendos me konsensus, për shkak se teknikisht nuk janë plotësuar kriteret për paraqitjen e raportit për punën njëvjeçare të qeverisë nga kryeministri Bajram Rexhepi.

Veprimtaritë e “Epopesë së UÇK-së”: Homazhe në ditën e dëshmorëve në të gjithë Kosovën

PRISHTINE, 6 mars - Vazhdojnë sot veprimtaritë me rastin e ditëve të “Epopesë së Ushtrisë Çlirimtare të Kosovës” dhe pesëvjetorit të rënies heroike të komandnatit legjendar Adem Jashari dhe familjes së tij. Në ditën e dëshmorëve do të bëhen homazhe para varrit të komandantit Adem Jashari dhe varrezave të të gjithë dëshmorëve në të gjithë Kosovën. Ndërsa në orën 18:00 në Sallën “1 Tetori” do të mbahet akademi përkujtimore për dëshmorët e UÇK-së si dhe do të përurohet kori i Trupave Mbrojtëse të Kosovës.

Deputetët serbë të “Kthimit”: Shtajner të mos lejojë Fatmir Limajn të mbrohet të liri

PRISHTINE, 6 mars - Në takimin me kreun e UNMIK-ut, Mikael Shtajner deputetët e koalicionit “Kthimi” kanë kërkuar nga kreu i UNMIK-ut që të shpallë të pavlefshëm miratimin e Deklaratës së Kuvendit të Kosovës me të cilën kërkohet që deputeti Fatmir Limaj, i akuzuar nga Haga të mbrohet në liri. Deputetët serbë kanë bërë vërejtje dje për punën e Kuvendit të Kosovës, si dhe kanë kërkuar nga administrata ndërkombëtare në Kosovë të punojë më shumë për kthimin e serbëve të zhvendosur nga Kosova. Ata kanë përkrahur nismën e shefit të UNMIK-ut për fillimin e dialogut mes Prishtinës dhe Beogradit për çështje praktike.

Teatri në Kosovë po përjeton një krizë të thellë

PRISHTINE, 6 mars - Në kuadër të manifestimit “Java e Dodonës” sot u mbajt tribuna me temën “Teatri dhe Publiku”. Në këtë tribunë u tha se teatri në Kosovë po përjeton një krizë të thellë, në veçanti në raport me publikun.
Tri vjet pas përfundimit të luftës, ulëset e teatrove kosovare pothuajse janë të zbrazëta. “Teatri duhet bërë joshës për publikun, jo duke e ulur nivelin e tij artistik për t’iu përshtatur një shije të një mase të gjerë, por duke e kultivuar shijen dhe duke plotësuar kriteret artistike”, u shpreh dramaturgu Mehmet Kraja në tribunën e sotme.
Dramaturgu Milazim Krasniqi tha se teatri ynë shqiptar duhet të krijojë së pari standardet; siç janë rregullimi i plotë i statusit të teatrove kombëtare dhe atyre profesioniste. Ndërsa dramaturgu Jeton Neziraj mendon se shfaqjet e inskenuara në teatrot kosovare pas luftës në Kosovë kanë qenë nën nivelin e duhur realizues.

Bujqësia greke, gjendet në duart e emigrantëve shqiptarë

ATHINE, 6 mars - 70% e ekonomive bujqësore greke kanë të punësuar emigrantë, shumica dërrmuese e të cilëve janë sh

qiptarë. Për një pjesë të madhe të fermerëve vendas, kjo është një zgjidhje e detyruar, teksa, siç pohojnë vetë grekët, nuk pranojnë të punojnë në bujqësi. Specialistët vënë në dukje se kontributi i emigrantëve në ekonominë bujqësore është shumë i rëndësishëm, jo vetëm për jetën ekonomike të zonave rurale, por edhe për mbështetjen demografike dhe shoqërore të popullsisë. Është thënë vazhdimisht gjatë këtyre dhjetë vjetëve edhe nga anëtarë të këshillit të ministrave, se pa kontributin e emigrantëve të huaj, bujqësia greke do të kishte vdekur me plot kuptimin e fjalës. Ky pohim përfshihet edhe në studimin më të fundit, të zhvilluar nga universitetet greke të Patras e të Janinës, ku shqyrtohet kontributi i emigrantëve në sektorin e bujqësisë. Sipas studimit, 70% e ekonomive bujqësore greke mbijetojnë vetëm në sajë të punësimit të emigrantëve. Shumica e tyre, për saktësi 90%, janë shtetas shqiptarë dhe ky fakt i ka shtyrë gazetarët vendas që me një fjali të vetme të kumtojnë: "Bujqësia greke ndodhet në duart e shqiptarëve". Sa i përket përzgjedhjes së krahut të huaj të punës, kjo duket se ka qenë një zgjidhje emergjente, teksa 60% e fermerëve deklarojnë se për sektorin në fjalë gjenden vetëm emigrantë, ndërsa 40% pohojnë se nuk mund të bëjnë ndryshe, përderisa grekët nuk pranojnë të punojnë në bujqësi. Studimi u paraqit në një sesion me temë "Emigracioni në Greqi, fakte, pasoja dhe politika", ku ndër të tjera u tha se emigrantët e huaj, shumica e të cilëve vijnë nga vendet Ballkanike, me të parët shqiptarët që përbëjnë 65% të numrit të përgjithshëm, përfaqësojnë një të dhjetën e fuqisë punëtore të Greqisë. 

Granata plagos dekanin e Shkencave Sociale, Ylli Pango: Më sulmuan se shpreha mendimin tim

TIRANE, 6 mars - Një granatë në derën e garazhit ka plagosur rëndë sot në mëngjes dekanin e Fakultetit të Shkencave Sociale dhe analistin e njohur të çështjeve sociale, Ylli Pango. Sipas drejtori të policisë së Tiranës Ilirjan Zylyftari, granata ishte vendosur në një fije naljoni gati për të shpërthyer në momentin kur do të hapej dera. Pango, i cili edhe pse i plagosur rëndë, ka qenë në gjendje të raportojë momentin e incidentit ku me sa duket vetëm reflekset instiktive e kanë shpëtuar nga vdekja e sigurtë.
“Jeta në vend është bërë kaq e rrezikshme dhe e paçmuar. Nuk është hera e parë që mua më bëhen shantazhe të tilla kur shpreh mendimin e lirë”, tha Pango për mediat. “Shantazhi ndaj meje koincidon me prononcimet e djeshme të ambasadorit të SHBA-së në Shqipëri Xhejms Xhefri, i cili tha se në vend nuk respektohen të drejtat e njeriut”, shtoi Pango. Mjekët qe po e kurojne thonë se gjendja e tij për momentin është e mirë dhe jashtë rrezikut për jetën, megjithë plagët e rënda.
Dekanin e Fakultetit të Shkencave Sociale Ylli Pango, e vizitoi edhe lideri i opozitës Sali Berisha. Duke i uruar shërim të shpejtë profesor Pangos, Berisha ka denoncuar klanet që po kërkojnë të asgjësojnë shprehësit e mendimit të lirë dhe intelektualët jokonformistë. “Ky është një akt kriminal, një akt i shëmtuar terrorist jo vetëm ndaj zotit Pango por ndaj shoqërisë shqiptare”, u shpreh Berisha, duke shtuar se ka një revansh të papërmbajtur te krimit te organizuar në vend, i cili po rrenon cdo dite qenien, jeten, nderin e dinjitetin kombëtar.

--------------------------

Barometri diplomatik: Prof. Dr. Mehdi Hyseni
Disonanca absurde të Qeverisë socialiste të Shqipërisë në adresë të FBKSH-së (!)

“Ku e vë këmbën shkja barbari,
nuk çelë lulja, e nuk mbin bari.”
(Vargje patriotike kundër gjenocidit)

 

Ky refren është shkëputur nga një këngë popullore patriotike shqiptare, mesazhi i së cilës është i shprehur thjesht, në mënyrë të përgjithësuar dhe pa figuracion stilistik, por është shumë domethënës, dhe me vlerë antologjike kombëtare e patriotike për brezat tonë të sotëm, dhe për ata, që do të vijnë pas nesh. Kurrën e kurrës, të mos i shlyejnë nga ndjenja dhe kujtesa e tyre historike shqiptare: mizoritë, gjenocidin, hollokaustin e barbarëve serbomëdhenjë dhe sllavomëdhenjë, të kryer mbi gjakun e pafalshëm të shqiptarëve dhe të Kosovës, gjatë viteve 1989-1999 të fundshekullit XX.

Këto vargje, edhe pse të shprehura në gjuhën e poetikës popullore shqipe, duhet të shërbejnë si moto dhe, si leksion historik për të gjithë ne, që të mos lejojmë dot më përsërtijen e hollokaustit serbomadh në asnjë pëllëmbë të shtrirjes natyrore-gjeografike të Shqipërisë Etnike. Posaçërisht, këtë apostrofim stigmatizues antibarbar (të kënduar në frymën e Rilindjes Kombëtare Shqiptare), duhet ta marrë me seriozitet politika dhe “diplomacia solemne” e Republikës së Shqipërisë e “elitës politike embrionale” e Fatos Nanos dhe e Ilir Metës, e cila për të thelluar ndjenjën e idilit romantik të marrëdhënieve ndërshtetërore me Beogradin, me Podogoricën, me Shkupin dhe me Athinën, po e injoron botërisht prekjen e çështjes koloniale të shqiptarëve në Ballkan. Këtë “devizë” apolitike dhe abstrakte, e provon edhe “distnacimi i prerë” i politikës së jashtme dhe i diplomacisë “fleksibile” të Ilir Metës nga Fronti për Bashkimin Kombëtar Shqiptar (FBKSH). Nga ky kurs distancues shqiptaro-shqiptar i një poltike të këtillë zyrtare të Qeverisë së Republikës së Shqipërisë, do të përfitojë vetëm strategjia dhe taktika tradicionale e kolonialiste e qeverive të Serbisë dhe e Malit të Zi, të IRJM-së dhe të Greqisë, e jo kursesi arritja e konsensusit për ribashkimin gjithëshqiptar, as normalizimi i marrëdhënieve ndërfqinjësore, as procesi i paqes, i demokracisë, i sigurisë dhe i stabilizimit në Ballkan. Për më tepër, një antagonizëm i këtillë shqiptaro-shqiptar, nuk do të jetë as në favor të rrjedhave integruese të sitemit global ndërkombëtar.

Distancimi i tillë absurd i qarqeve politike zyrtare të Shqipërisë nga strategjia politike kombëtare dhe antikoloniale e Frontit për Bashkimin Kombëtar Shqiptar(FBKSH), nuk mund të konsiderohet ndryshe veçse si një mendjelehtësi e verbër politike, që do të reflektojë negativisht në procesin e ribashkimit dhe të zgjidhjes së çështjes koloniale shqiptare në Ballkan. Gjithashtu, distancimi i theksuar nga FBKSH-ja, juridikisht dhe kombëtarisht është akt i papranueshëm, sepse, pikësëpari, është në kundërshtim me përcaktimin e vullnetit të lirë dhe demokratik të popullit të Republikës së Shqipërisë, të sanksionuar në Kushtetutën më të re të vitit 2002, që ta realizojë ëndërrën qindravjeçare të bashkimit në një shtet të vetëm shqiptar. Në preambulën e kësaj Kushtetute, thuhet: “Ne, populli i Shqipërisë, krenar dhe i vetëdijshëm për historinë tonë, me përgjegjësi për të ardhmen, me besim te Zoti dhe/ose te vlera të tjera universale,…. me aspiratën shekullore të popullit shqiptar për IDENTITETIN dhe BASHKIMIN KOMBËTAR,…”(Kushtetuta e Republikës së Shqipërisë, Tiranë, 2002, f.5). Po ashtu, distancimi i politikës së qeverisë së Tiranës nga FBKSH-ja, është në kolizion edhe me Nenin 8, paragrafi i parë i Kushtetutës shqiptare, ku thuhet:” Republika e Shqipërisë mbron të drejtat kombëtare të popullit shqiptar që jeton jashtë kufijve të saj.”( Po aty, f.7). Fatkeqësisht, asnjërën prej këtyre dispozitave të kësaj Kushtetute, Qeveria e Shqipërisë nuk i ka zbatuar në praktikën e saj të derisotme ndaj zgjidhjes së çështjes koloniale të shqiptarëve në Ballkan, edhe pse sipas Kushtetutës së saj të noveluar (shekulli XXI, viti 2003) e ka për detyrë dhe mban përgjegjësi, para kombit dhe historisë, që të jetësojë konceptin e “bashkimit”, dhe t’i mbështetë drejtpërdrejt shqiptarët si politikisht, ashtu edhe ligjërisht para bashkësisë ndërkombëtare, e jo ta mohojë Kushtetutën e saj, të drejtën historike, morale e kombëtare mbi popullin dhe mbi territorin e vet etnik, duke u gjunjëzuar përpara armikut kolonialist sllav, përkatësisht para interesave të tij strategjike territoriale në kurriz të Shqipërisë Etnike. Pikërisht, ky indiferentizëm dhe vacuum i pajustifikueshëm i politikës së jashtme dhe i diplomacisë së “mëndafshtë” të Qeverisë së Republikës së Shqipërisë, ka ndikuar drejtpërdrejt dhe tërthorazi në lindjen e Frontit për Bashkimin Kombëtar Shqiptar (FBKSH) dhe të Armatës Kombëtare Shqiptare (AKSH), që t’i akumulojnë dhe mobilizojnë forcat demokratike përparimtare gjithëshqiptare në luftën përbashkët politike, diplomatike dhe ushtarake për të dalë nga kthetrat e përgjakshme të kolonializmit shekullor sllav. Ky oreintim politik kombëtar e antikolonial i FBKSH-së dhe i AKSH-së, nuk është “thikë në shpinë Shqipërisë”, ashtu si ka deklaruar ministri i Mbrojtjes, Pandeli Majko, por është leva më e urtë, më e fuqishme dhe më largpamëse e shpëtimit të Shqipërisë Etnike nga “roli ekiulibrues” i “dimploamcisë moderatore” frikësuese të Qeverisë socialiste të Fatos Nanos dhe, i ambicieve të kolonializmit perandorak të Serbisë dhe Malit të Zi. Një shembull të këtillë paradoksal, njeriu nuk mund ta gjejë as në filmat e animaur të Çarli Çaplinit. Si është e mundur që gjysma e popullit (50%) e kolonizuar, në vazhdimësinë e tij historike qindravjeçare të zhvillojë luftëra dhe kryengritje të përgjakshme, duke u therorizuar për jetë a vdekje, e të gjitha qeveritë e Tiranës (me përjashtim të Qeverisë së Përkohshme të Vlorës së Ismail Qemalit) ta kenë lënë atë në vijimësi në kënetën koloniale serbo+sllave, duke qëndruar duarkryq, dhe duke bërë sehir “si njerka ndaj thjeshtërve”, e jo si nëna ndaj fëmijëve të saj. Një qëndrim i këtillë aversiv dhe shpërfillës i regjimeve të ndryshme të Shqipërisë së cunguar (50%) ndaj gjysmës tjetër të robëruar nën “piemontin” kolonial sllav, është antipod, dhe me prirje konfrontuese e subversive ndaj strategjisë së Platformës politike dhe kombëtare të Frontit për Bashkimin Kombëtar Shqiptar(FBKSH) në arritjen e ribashkimit të popullit dhe të territorit indigjen shqiptar në Ballkan. Në radhë të parë (sipas së drejtës së patjetërsueshme historike mbi popullin dhe territorin etnik shqiptar dhe, sipas Kushtetutës së Republikës së Shqipërisë, 2002), misionin e shenjtë të çlirimit antikolonial sllav dhe të ribashkimit, si moralisht, politikisht, jurdikisht dhe ushtarakisht, do të duhej ta inicionte, ta sensibilizonte, ta mbronte para bashkësisë ndërkombëtare, si dhe ta merrte përsipër vetë Qeveria shqiptare, e jo Fronti për Bashkimin Kombëtar Shqiptar (FBKSH) pa asnjë atribut shtetëror, t’ia fillojë nga e para si forcë mobilizuese politike dhe ushtarake në zgjidhjen e krizës koloniale njëshekullore të shqiptarëve në Ballkan. Në rastin më të skajshëm, Qeveria socialiste e Tiranës, mund ta vërë nën “hipotekë” FBKSH-në, vetëm për aryse se, kjo ia “uzurpoi para kohe” të drejtën e obligueshme kombëtare dhe ndërkombëtare, që të reagojë ligjërisht me mjetet përkatëse lidhur me zgjidhjen e çështjes koloniale shqiptare në Ballkan.

Strategjia dhe politika e FBKSH-së, në asnjë mënyrë nuk do të prishë ekuilibrin e misionit paqësor të KFOR-it dhe të UNMIK-ut në Kosovë, por ipso facto do të prishë vetëm “hesapet e pazarit ditor” të forcës së ekuilibrit kolonial sllav në rajonin e Shqipërisë Etnike dhe, natyrisht trillet e diplomacisë së kanonierave, dhe të traktativave të politikës së jashtme të Qeverisë socialiste të Shqipërisë, të cilat e favorizojnë logjikën e dialektikës koloniale të Serbisë+Malit të Zi, të IRJM-së dhe të Greqisë.

Gjithashtu, simulimet diplomatike dhe “kritikat e mprehta” të qeveritarëve socialistë, të tandemit Meta – Majko, bien ndesh edhe me konkluzionet e argumentuara politike, diplomatike, juridike kombëtare dhe historike të Platformës për zgjidhjen e çështjes kombëtare Shqiptare të Akademisë së Shkencave të Shqipërisë, e cila zgjidhjen e çështjes koloniale shqiptare në Ballkan (sikurse edhe strategjia e Frontit për Bashkimin Kombëtar Shqiptar) e mbështet në të DREJTËN DHE NË PARIMIN E VETËVENBDOSJES :” nëse problemet etnike në Ballkan, përfshirë këtu edhe çështjen e trojeve etnike shqiptare zgjidhen me zbatimin e parimit të vetëvendosjes, vetëm atëherë Gadishulli i Hemusit do të gjejë qetësi, vetëm atëherë Ballkani nuk do të jetë më ‘fuqi baruti’, as do të ketë nevojë për rreshtime politike të shteteve kundër njëri-tjetrit.”(Platformë për zgjidhjen e çështjes kombëtare shqiptare, Akademia e Shkencave të Shqipërisë, Tiranë, 1998, f.30). Në këtë kontekst, me të drejtë shtrohet pyetja, cila qeveri shqiptare, qoftë edhe kjo e kryeministrit Fatos Nano, ka atë të drejtë morale dhe politike, që parimet e strategjisë së Platformës së theksuar të Akademisë së Shkencave të Shqipërisë dhe të Frontit për Bashkimin Kombëtar Shqiptar(FBKSH), t’i quajë “ilegale” dhe “thikë në shpinë”, kur këto janë legale dhe legjitime, sepse bazohen në argumente aksiomatike dhe të pakundërshtueshme të shkencës historike, politike dhe jurdike kombëtare dhe ndërkombëtare. Si pushtetarët e qeverisë socialiste të Tiranës, ashtu edhe oponentët e tjerë politikë të FBKSH-së, duhet t’i përkujtojmë se strategjia e Platformës së FBKSH-së, nuk është kurrfarë “produkti ilegal” as kurrfarë novus-i për politikën kombëtare shqiptare, as për atë ndërkombëtare, por është tërësisht i njohur dhe legal (si në kuptimin e së drejtës së brendshme, ashtu edhe të asaj ndërkombëtare), me bazë të qëndrueshme historiko-politike e kombëtare, që daton qysh nga periudha e Rilindjes Kombëtare Shqiptare. Arteria parësore e ndjenjës, dhe e forcës centrifugale politike dhe kombëtare e FBKSH-së, është ideja e bashkimit në një front unik për t’i çliruar trojet etnike shqiptare nga sundimi kolonial serbo+sllav, siç është konceptuar në Programin e Lidhjes Shqiptare të Prizrenit, në veprimtarinë e rilindësve, që i përket fundit të shekullit XIX dhe fillimit të shekullit XX, si dhe në parimin juridik të vetëvendosjes të së drejtës pozitive ndërkombëtare. Kërkesa legjitime e pashmangshme e FBKSH-së në njohjen e së drejtës së vetëvendosjes së Shqipërisë së kolonizuar etnike nuk prejudikon kurrfarë lufte, sepse bazohet në konventat e së drejtës ndërkombëtare dhe në Kartën e Kombeve të Bashkuara (sipas të cilave të gjithë popujve të koloniazuar të botës u është njohur e drejta e vetëvendosjes), por shkurtimi dhe mungesa e vetëvendosjes vetëm popullit shqiptar në zemër të Evropës, pa dyshim (mos sot, nesër) do të sjellë luftën në Ballkan, dhe më gjerë. Këtë teori prognozuese të sistemit të marrëdhënieve ndërkombëtare, e ka parashikuar që në vitin 1878, edhe ideologu, strategu dhe politikani i shquar i Lidhjes Shqiptare të Prizrenit, Abdyl Frashëri: “Në rast se Fuqitë e Mëdha do ta dënojnë këtë popull trim dhe liridashës të mbetet në robëri dhe ca më keq të copëtohet midis shteteve fqinje, Gadishulli Ballkanik nuk do të ketë kurrë qetësi, sepse shqiptarët nuk do të pushojnë kurrë së luftuari për të fituar pavarësinë e tyre kombëtare. Përkundrazi, në rast se shqiptarëve do t’u njihen të drejtat e tyre kombëtare, Shqipëria do të bëhet faktor i paqes në Gadishullin Ballkanik.”(Po aty, f.50, citat i cituar). Po në këtë frymë të ndërgjegjës së lartë të bashkimit kombëtar, janë shprehur me pendë, dhe kanë vepruar pareshtur, duke mos kursyer as djerësën as gjakun e tyre edhe Sami Frashëri, Naim Frashëri, Pashko Vasa, Naum Veqilharxhi, Jeronim de Rada, Haxhi Zeka(Lidhja e Pejës, më 1899-1900, apeli, lufta dhe vendimet e saj historike ishin vazhdimësi e idesë së luftës dhe të bashkimit të Programit të Lidhjes së Prizrenit dhe të rilindësve, duke ripohuar teorikisht dhe praktikisht se: “Rruga e shpëtimit të shqiptarëve ishte bashkimi, dhe betimi me një Besa-Besë.”(Probleme të pavarësisë shqiptare, Akademia e Shkencave të RPSSH, Tiranë, 1987, f.113), Hasan Prishtina, Isa Boletini, Ismail Qemali, Avni Rrustemi e shumë patriotë të tjerë shqiptarë. Duhet të theksojmë faktin se, përçues të idesë dhe të procesit të koherencës së bashkimit në një Front të njësuar kundër të gjithë armiqve sundues sllavë në Ballkan, ishin edhe besëlidhja, rivendikimet, vendimet historike të Kuvendit të Përgjithshëm të Junikut (maj 1912), dhe ato të “Mbledhjes së përfaqësuesve të Shqipërisë së Jugut, të sanksionuara në Memorandumin e Sinjës Berat), më 23 korrik 1912” etj. (Po aty, f.113).

Në këtë vështrim të retrospektives së historisë sonë të lavdishme kombëtare shqiptare, domosdo meriton jo vetëm të përkujtohet me pietet të lartë, por para së gjithash, dhe mbi të gjitha të na shërbej si udhërrfim i ndritshëm dhe, përherë i gjallë, dhe i pavenitur ndër breza, Manifesti i pavdekshëm historik për bashkimin kombëtar: “Shqipëria ç’ka qenë, ç’është dhe ç’do të bëhet?”,i shkruar nga Sami Frashëri, Bukuresht, 1899. Edhe pse kjo vepër është shkruar para një shekulli, mesazhi i saj në porteritizimin e vlerave të qëndrueshme politike, kombëtare dhe shtetërore të Shqipërisë, edhe sot, në vitin 2003 të shekullit XXI, është alarmues dhe, njëherazi sfidues për të sotmen dhe të nesërmen e fatit të shqiptarëve dhe të Shqipërisë Etnike në Ballkan: “Në qoftë se shqiptarët do të arrinin të vendosnin një lidhje të fortë e do të bashkoheshin të gjithë si një njeri i vetëm, arsyetonte Samiu, atëherë nuk do të gjendej forcë që të guxonte t’u kundërvihej Shqipërisë dhe shqiptarëve.”(Po aty, f.112-113).

Pavarësisht nga toni i ashpër dhe iracional i mesazhit të disonancave negative të ministrave ILir Meta dhe Pandeli Majko në adresë të FBKSH-së dhe të AKSH-së, strategjia politike dhe kombëtare e këtyre dy strukturave nuk është në ndërlidhuri me kurrfarë “fenomeni ilegal” apo të “mafiave hibride nëntokësore” (ashtu siç janë duke i etiketuar dhe, duke i përfolur ekspoziturat e vagabondizmit të politikës propagandistike sllavo+kolaboracioniste, me qëllimin e fundmë, që këto dy struktura t’i izolojnë nga populli shqiptar, dhe nga bashkësia ndërkombëtare, në veçanti nga SHBA-ja) për ta destabilizuar politikën e brendshme ose të jashtme të Shqipërisë, apo për t’ u konfrontuar me forcat paqëruajtëse të UNMIK-ut ose të KFOR-it. Përkundrazi, si FBKSH-ja, ashtu edhe struktura e saj AKSH-ja janë të përqëndruara, që të luftojnë çdo tendencë, dhe çdo shfaqje të terrorizmit apo të ndonjë dukurie tjetër negative që kërcënon sigurinë dhe jetën e çdo qytetari (pavarësisht nga përkatësia e tyre etnike) në hapësirat e Shqipërisë Etnike. Të gjitha ato garnitura apo individë, të maskuar në “çorapa të zeza të najllonit”, apo nën uniforma të falsifikuara, të cilat në emër të FBKSH-së dhe të AKSH-së, janë shfaqur nga “hiri i panjohur” nëpër mjediset shqiptare dhe, të përziera, që të mbjellin frikë dhe urrejtje, duke i plaçkitur dhe duke i kërcënuar në forma të ndryshme brutale, dhe çnjerëzore njerëzit e pafajashëm, ato nuk kanë kurrfarë lidhjeje as fizike, as politike e as ushtarake me forcat e FBKSH-së dhe të AKSH-së. Kundër kësaj dukurie të shëmtuar antinjerëzore dhe antishqiptare, zëdhënësit e FBKSH-së dhe të AKSH-së, përmes komunikatave dhe deklaratave të tyre zyrtare, disa herë radhazi janë prononcuar para opinionit publik të brendshëm dhe atij ndërkombëtar, duke i vërë në dijeni se kategorikisht distancohen nga veprimet e tilla të fenomenit të ashtuquajtur “maskaxhinj”, dhe shfrytëzues mizantropë të popullit. Qeveria socialiste e Shqipërisë, si dhe politika, dhe të gjitha mjediset shqiptare, këtë lloji krimi të “maskuar” të nëntokës shqiptare (që me paturpësi dhe pakurrfarë faktesh ua atribuojnë pjesëtarëve të AKSH-së), e kanë për detyrë ta identifikojnë dhe, ta gjykojnë publikisht para ligjit kombëtar dhe atij ndërkombëtar, e jo atë t’ua mveshin forcave të pafajshme çlirimtare antikoloniale të AKSH-së.

Duke qenë se në kuptimin e “deshifrimit” të piratëve dhe të grupeve banditeske të rrugëve, (të cilat, vërtet “i kanë ardhur në fyt popullit, edhe kështu të kapitur nga tri luftërat dhe nga skamja e mjerimi i padurueshëm”) mungon mbështetja konkrete e Qeverisë shqiptare, si dhe e subjketeve të tjera politike shoqërore brenda territorit të Shqipërisë Etnike të kolonizuar, parapëlqehet dhe, gjithësesi është në interesin e përgjithshëm politik të FBKSH-së, të AKSH-së, si dhe të popullit në përgjithësi, që AKSH-ja aktivitetin e vet operativ, dhe të gjithmbarshëm ta zhvillojë sipas konventave ndërkombëtare të së drejtës humanitare ndërkombëtare, dhe asaj të luftës. Prandaj, për t’iu shmangur plotësisht prirjeve etiketuese dhe anatemave ogurzeza të të gjithë armiqve të AKSH-së, dhe për t’u identifikuar plotësisht nga “maskaxhinjtë”-hajnat e nëntokës shqiptare, si dhe për t’u liruar nga çdo hipotekë dhe spekulim i propagandës së luftës speciale serbe+sllave dhe kolaboracioniste dhe, mbi të gjitha për t’iu përmbajtur normave dhe rregullave të së drejtës së luftës, AKSH-ja nevojitet që, të veprojë në përputhje me dispozitat e Rreguollres së Hagës së vitit 1907, Neni 2; me dispozitat e Konventës së tretë të Gjenevës (1949), Neni 4 (2) dhe (A6):” Për të forcuar mbrojtjen e popullatës civile nga veprimet e ndryshme të armikut, luftëtarët kanë për detyrë të dallohen nga popullata civile qoftë kur marrin pjesë në ndonjë sulm, qoftë kur janë duke u përgatitur ndonjë operacion për sulm. Për këtë qëllim,duhet të përmbushen këto kushte: (1) të udhëheqen dhe të komandohen nga një person i caktuar sipas detyrës; (2) të mbajnë simbolin e caktuar dhe të dukshën të identifikimit në uniformë;(3) të mbajnë armët publikisht; (4) që në operacionet e tyre, t’u përmbahen ligjeve dhe zakoneve të luftës.”(Konventat e Gjeneves I, II, neni 13, dhe nenet 4,13,27-34 të Koventës së tretë dhe të katërt, Ingrid Detter, Law of War,Cambridge University Press, 2000, f.136)

Duke qenë se krijimi dhe organizimi i AKSH-së ka karakter antikolonial, që drejtpërdrejt është i lidhur me sendërtimin e së drejtës së vetëvendosjes, kjo është e obliguar, që ta përfillë me konsekuencë edhe Protokollin I, 1977, neni 1, paragrafi 4, ku në mënyrë decidive parashikohet e drejta e zhvillimit të veprimeve luftarake të lëvizjeve çlirimtare kundër sundimit të huaj kolonial, dhe regjimeve raciste, sikurse që janë në rastin konkret regjimet koloniale shtypëse të Serbisë+Malit të Zi, të IRJM-së dhe të Greqisë ndaj shqiptarëve dhe territoreve të tyre të Shqipërisë Etnike.

“Leçitja” publike e FBKSH-së dhe e AKSH-së nga ana e Qeverisë socialiste, të cilën e drejton garnitura “trio dishepullore”: Fatos Nano, Ilir Meta, Pandeli Majko, duhet të kuptohet si tejet serioze, dhe komplekse (paralajmëron pezullimin e mobilizimit politik, kombëtar, diplomatik dhe ushtarak të FBKSH-së dhe të FBKSH-së në realizimin e kauzës së shenjtë historike të ribashkimit gjithëkombëtar të Shqipërisë Etnike, si dhe konfrontimin direkt me bashkësinë ndërkombëtare), sepse ka për qëllim që në mënyrë perfide (duke luajtur në letrat e “realpolitikës” integruese zonale sllave) shqiptarët e kolonizuar nën tutelën sllave, t’i lërë edhe më tej të ndarë me “murin kinez+sllav” nga Shqipëria e sotme. Mirëpo, për ta topitur këtë “ndjenjë simpatie”, përkatësisht këtë manovrim të diplomacisë “fleksibile” të “trojkës” së theksuar, të gjitha forcat politike dhe jopolitike, përparimtare, demokratike dhe patriotike shqiptare është e domosdoshme, që të arrijnë KONSENSUSIN E BASHKIMIT, në mënyrë që të mbështesin me gjithë potencuialin e tyre strategjinë politike dhe ushtarake të FBKSH-së dhe të AKSH-së, sepse është e vetmja alternativë pozitive që shpie në skapullimin nga zgjedha e hegjemonizmit dhe e kolonializmit serbomalazez sllav. Të gjitha ato politika të “mëndafshta” të aliazhuara me “lajthitjen” e rëndë të padrejtësisë historike ndaj të së drejtës së vetëvendosjes së shqiptarëve nga imperializmi i armiqëve sllavë të Shqipërisë së kolonizuar as dikur, e as sot nuk janë në intersin e përgjithshëm të kombit as të shtetit shqiptar. Përkundrazi, janë të zhveshura tërësisht nga koherenca e objektivave prioritare të zgjidhjes së çështjes koloniale në Ballkan.

Mirëpo, në rastin më ekstrem, nëse diplomacia dhe politika e jashtme e Qeverisë së Shqipërisë, të paktën qëndron në rolin e vrojtuesit statik, duke “abstenuar” me gjakftohtësi nga roli udhëheqës kryesor i saj në shtytjen dhe në avancimin e procesit të ribashkimit të shqiptarëve dhe të trojeve të tyre etnike, do të marrë mbi supe të saj një përgjegjësi të madhe para popullit dhe historisë kombëtare shqiptare. Si Qeveria socialiste e Tiranës, ashtu edhe të gjitha qendrat e vendojes së politikës shqiptare, duhet ta mbajnë parasysh faktin se, esenca e politikës dhe e stratgjisë së Frontit për Bashkimin Kombëtar Shqiptar(FBKSH) qëndron në realizimin e e së drejtës dhe të parimit të vetëvendosjes së shqiptarëve dhe të territoreve të tyre etnike, e jo në domosdoshmërinë e pakushtëzuar, që të hyjë në luftë për t’i shtypur ose pushtuar të tjerët. Një kërkesë e këtillë me peshë historiko-politike kombëtare dhe, imediate e Frontit për Bashkimin Kombëtar Shqiptar(FBKSH), e ka bazën e qëndrueshme juridike-ligjore edhe në Kartën e Kombeve të Bashkuara, Neni 1, paragrafi 2, dhe neni 55, ku flitet se “të gjithë popujt, duhet të jenë të barabartë dhe të gëzojnë të drejtën e vetëvendosjes”. Po në këtë frymë të objektivave dhe të parimeve kryesore të Kartës së tyre, Kombet e Bashkuara, miratuan edhe Deklaratën e njohjes së pavarësisë vendeve dhe popujve kolonialë (Rezoluta 1514/XV/, e miratuar më 1960 nga Asambleja e Përgjithshme e OKB-së), e cila ishte bazamenti themeltar juridik i ndryshimit të gjeografisë politike të vendeve dhe, të popujve të koloniazuar në mbarë botën (përpos në Ballkan, ku 50% e territorit dhe e popullit shqiptar është “plaçkë koloniale” e Serbisë+Mali i Zi, IRJM, dhe Greqia).

---

E mërkurë, 5 mars, 2003

Epopeja e UÇK” filloi me marshimin e Trupave Mbrojtëse të Kosovës
Prishtinë, 5 mars 2003 - Mijëra qytetarë nga të gjitha viset e Kosovës kanë vërshuar sot kryeqytetin kosovar, Prishtinën, për të marrë pjesë në manifestimin e madh, që po mbahet në 5 vjetorin e rënies së Komandatit Legjendar të UÇK, Adem Jashari, familjes së tij dhe gjithë dëshmorëve të tjerë.

 

 

Fatmir Limaj deklarohet i pafajshëm para Gjykatës së Hagës

HAGE, 5 mars - Fatmir Limaj është deklaruar sot i pafajshëm përpara trupit gjykues në Tribunalin e Hagës. Ai nuk ka deklaruar asgjë tjetër, pasi Prokuroria ka bërë leximin e aktakuzës kundër tij dhe Haredin Balajt e Isak Musliut.
Limaj u shpreh se ndjehet i pafajshëm për të nëntë akuzat kundër tij, për: burgosje si krim kundër njerëzimit; trajtim mizor - shkelje e rregullave dhe zakoneve të luftës; tortura si krim kundër njerëzimit, tortura si shkelje e ligjeve të luftës; trajtim çnjerëzor si shkelje e rregullave të luftës; vrasje si krim kundër njerëzimit; vrasje si shkelje e rregullave dhe zakoneve të luftës; vrasje si krim kundër njerëzimit; vrasje, shkelje e ligjeve ose zakoneve të luftës.
Gjykatësi Liu Daqun në fund të seancës u shpreh se do të caktohet një datë për fillimin e gjykimit kundër Limajt, i cili mbetet në paraburgim deri në një urdhër tjetër. As kryeprokurorja e Tribunalit të Hagës, Karla Del Ponte dhe as mbrojtësit e Limajt nuk patën gjë për të shtuar.
Limaj mbërriti dje ka në Gjykatën Ndërkombëtare të Krimeve të Luftës në Hagë, pas ekstradimit nga Sllovenia. Ai ka qenë njëri nga ish-komandantët e Ushtrisë Çlirimtare të Kosovës dhe aktualisht është deputet i kuvendit të Kosovës.

Mijëra shqiptarë nderuan "Epopenë e UÇK-së"
PRISHTINË 5 mars 2003- Kryetari i Partisë Demokratike të Kosovës (PDK) dhe ish drejtor i Drejtorisë Politike të Ushtrisë Çlirimtare të Kosovës (UÇK) Hashim Thaçi, tha se UÇK ka zhvilluar luftë të drejtë, ka krijuar aleancë me shtetet demokratike të botës dhe ka çliruar Kosovën nga aparati shtetëror i Beogradit.

Thaçi i konfirmon Steinerit se qëndron prapa deklaratës së përbashkët
PRISHTINË, 5 mars, 2003 (sipas: KosovaLive) - Shefi i UNMIK-ut, Michael Steiner mori të mërkurën konfirmimin e liderit të Partisë Demokratike të Kosovës, Hashim Thaçi, pas një "kafeje miqësore" që e pinë në hotelin Iliria në Prishtinë, se qëndron prapa deklaratës së përbashkët, ku liderët kosovarë përkrahin edhe dialogun me Beogradin.

Dhjetëra mijëra vetë në manifestimin “Epopeja e UÇK”: Ne e fituam luftën, por do ta fitojmë edhe paqen

PRISHTINE, 5 mars - Mbi pesëdhjetë mijë qytetarë nga anë të ndryshme të Kosovës dhe të trojeve të tjera shqiptare morën pjesë në manifestimin qendror në Prishtinë në përkujtim të “Epopesë së Lavdishme të Ushtrisë Çlirimtare të Kosovës” dhe 5 vjetorit të rënies heroike të komandantit legjendar Adem Jashari dhe familjes Jashari. Në këtë manifestimparakaluan të gjitha njësitë e Trupave Mbrojtëse të Kosovës dhe më pas manifestimi u përcoll me aktivitete të ndryshme

 kulturo-  arstistike.                                                 
“Sot në këtë përvjetor jemi së bashku në marsin e qëndresës dhe lavdisë shqiptare në marsin e kushtrimit dhe të krenarisë sonë”, tha komandanti i përgjithshëmi TMK-së, general-lejtnant Agim Çeku, në këtë manifestim që u mbajt në stadiumin e Prishtinës. Ai u shpreh se në këtë fazë të bartjes së përgjegjësive tek institucionet vendëse nuk duhet të anashkalohen Trupat Mbrojtëse të Kosovës. Çeku theksoi se “tani është koha për bartjen e përgjegjësive edhe në fushën e mbrojtjes dhe sigurisë në mënyrë që statusi përfundimtar i Kosovës të mos na gjejë të papërgatitur”.
“Ne e fituam luftën, por do ta fitojmë edhe paqen. Lirinë e merituar nuk do të mund të na e marrë më askush, atë nuk do t’ia falim askujt”, tha Ramush Haradinaj, kryetar i Aleancës për Ardhmërinë e Kosovës dhe ish-komandant i UÇK-së. Sipas tij, historia jonë më e re ka në vete një moment të veçant Epopenë e Prekazit. Ai u shpreh se të veçantë e bënë këtë ngjarje të historisë sonë qëndresa heroike dhe flijimi i komandantit legjendar të UÇK-së Adem Jashari dhe familjes Jashari.
“Është e domosdoshme njohja institucionale e vlerave të luftës çlirimtare si dhe mbrojtja e kategorive të dala nga lufta”, tha në këtë tubim kryetari i Partisë Demokratike të Kosovës dhe ish-drejtori politik i UÇK-së, Hashim Thaçi. “Askush në botë nuk do të na njohë nëse ne nuk e njohim veten dhe nuk dimë të çmojmë dhe respektojmë vlerat e luftës çlirimtare. Sot kur po e përkujtojmë epopenë e UÇK-së shumë bashkëluftëtarë të komandantit Adem Jashari janë të privuar nga liria dhe përballen me procese dhe shantazhe të ndryshme”, tha Thaçi duke iu referuar arrestimit të tre shqiptarëve, mes tyre edhe Fatmir Limaj, nga Gjykata e Hagës.
Organizues i këtij manifestimi janë Trupat Mbrojtëse të Kosovës. Ndërsa sivjet për herë të parë në shënimin e këtij përvjetori janë përfshirë edhe institucionet e Kosovës. Më 6 mars delegacionet e të gjitha njësive të TMK-së do të  të bëjnë homazhe në Varrezat e Dëshmorëve si dhe do të organizojnë vizita në familjet e tyre, ndërkaq në mbrëmje do të mbahet një akademi përkujtimore në sallën e sporteve “1 Tetori” në Prishtinë.

Porosia e Solanës për institucionet kosovare është: "Bisedoni me Beogradin"PRISHTINË (njofton KosovaLive) - Përfaqësuesi i Lartë për Politikë të Jashtme dhe Siguri i BE-së, Javier Solana ka përcjellur nëpërmes këshilltarëve të tij porosinë për udhëheqësit e institucioneve të Kosovës se mbështet fuqishëm bisedimet direkte në mes të Kosovës dhe Serbisë për çështje praktike, të cilat janë të rëndësishme për të dyja palët.

 

 

lajme shkurt:

Arrestohen tre veta për sulm mbi policë të SHPK-së

Dëshmitari Hoxha thotë që Abit Haziraj nuk është vrasësi i Drinit

Dy pjesëtarë të forcave të NATO-s vdesin në një shpërthim

ekonomi

Disa firma nga Kosova i kanë borxh Kripores së Ulqinit 69 mijë €

kulturë

ASHAK përkujton 100 vjetorin e vdekjes së Jeronim de Radës

Këshilltarët e Solanës në Kosovë: BE mbështet fuqishëm nismën për dialogun Prishtinë-Beograd

PRISHTINE, 5 mars - Kryetari i Kuvendit të Kosovës, Nexhat Daci dhe kryetari i Partisë Demokratike të Kosovës, Hashim Thaçi, pritën sot në takime të ndara këshilltarët e lartë të shefit për politikë të jashtme dhe për siguri të Bashkimit Evropian, Havier Solana. Zyrtarët e Bashkimit Evropian me këtë rast përshëndetën iniciativën e zyrtarëve të UNMIK-ut dhe  të institucioneve vendëse për fillimin e bisedimeve ndërmjet Kosovës dhe Beogradit.
Pas këtyre takimive njëri prej këshilltarëve, Shtefan Lejne tha se fillimi i procesit të bisedimeve ndërmjet Kosovës dhe Beogradit, marrëveshje kjo e arritur të premten e shkuar është vlerësuar hap shumë i rëndësishëm për gjithë rajonin.
“Fillimi i bisedimeve u takon liderëve të Kosovës dhe UNMIK-ut dhe kjo si ide është përkrahur fuqimisht nga Bashkimi Evropian. Mihajl Shtajner ka propozur disa çështje praktike për të cilat duhet të bisedohet dhe që janë të rëndësishme për të dyja palët.
Edhe pse është i angazhuar me krizën në Irak, Solana është i angazhuar me çështjet në Ballkan. Politika e Shtjanerit “standartet para statusit” vazhdon të mbështet edhe më tej nga Bashkimi Evropian”, tha Lejne. Sipas tij, Solana dëshiron që lidershipi i Kosovës të koncentrohet në përmirësimin e kushteve për jetesë të qytetarëve të Kosovës.
“Kërkesë jona është që të mos i përfillni dhe të mos reagoni ndaj provokimeve. Ne jemi të shqetësuar edhe me gjendjen në Luginën e Preshevës dhe incidentin e rëndë që ka ndodhur në Maqedoni dhe kërkojmë që lidershipi i Kosovës, të mos ketë tolerancë për krimin dhe dhunën, kur dihet se viti 2002 ishte viti i parë pa dhunë dhe ne duhet ta ruajmë këtë”, tha Lejne.
Këshilltarët e lartë të Solanës takohen sot edhe me kryetarin e Aleancës për Ardhmërinë e Kosovës, Ramush Haradinaj.

Shtajner: Lufta mbaroi, tani është koha për zgjidhjen e çështjeve teknike me interes të përbashkët

PRISHTINE, 5 mars - Kryeadministratori i Kosovës Mihael Shtajner tha se bisedimet e drejtpërdrejta ndërmjet Prishtinës dhe Beogradit janë në dobi të të dyja palëve, por edhe të rajonit. Ai theksoi se ende nuk ka marrë përgjigjen zyrtare në ftesën e tij dërguar kryeministrit serb Zoran Gjingjiq dhe zëvendësit të tij Nebojsha Çoviq, duke mos komentuar kërkesat e këtij të fundit të shprehura për shtrirjen e çështjeve tjera për diskutim.
Shtajner tha për “Zërin e Amerikës” se ajo çfarë duhet aktualisht të bëjë Kosova është të sqarojë pozicionin e saj për çështjet që janë brengosëse për qytetarët dhe në interesin e tyre. “Të gjitha të tjerat që kanë të bëjnë me përbërjen e delegacionit apo kohës së bisedimeve nuk janë të rëndësishme. Kosova duhet t'i tregojë botës se ajo po shikon jashtë kufijve të saj dhe është në kontakt me të gjithë fqinjët, por bisedimet midis Beogradit dhe Prishtinës duhet të zhvillohen duke i qëndruar besnik parimit për bashkëpunim dhe jo përzierje në punët e brendshme”, tha Shtajner.
Ndërkaq duke folur për zhvillimet e fundit në Mitrovicë, Shtajner tha se situata e atjeshme nuk mund të ndryshohet brenda natës, por shtoi se shtrirja e administratës në veri dhe fillimi i punës së Shërbimit Policor të Kosovës janë hapa të rëndësishëm meqë tash atje janë struktura të ligjshme.

 

Snobeker: Paratë e Trustit të Kursimeve Pensionale në bankat të ndryshme perëndimore

PRISHTINE, 5 mars - Mjetet nga Trusti i Kursimeve Pensionale të Kosovës do të investohen jashtë Kosovës. Kështu thanë sot zyrtarët e këtij institucioni, të cilët në një debat të hapur sot me qytetarë, theksuan se siguria e këtyre mjeteve jashtë Kosovës është e madhe.
Anëtari i bordit të Trustit, Dejvid Snobeker u shpreh se në Kosovë nuk janë krijuar kushtet e përshtatshme për investim të mjeteve të Trustit të Kursimeve Pensionale të Kosovës. Këto mjete do të investohen jashtë Kosovës. Tash për tash, është vendosur që fondi i Trustit të Kursimeve Pensionale të mbahet në bankat e ndryshme perëndimore.
“Mendoj se nga fillimi i vitit të ardhshëm do të ndërrojmë destinimin e këtyre investimeve dhe do të shqyrtojmë mundësinë për kthimin e investimeve këtu”, tha Snobeker. Ai shtoi se janë duke shqyrtuar vendin për investime edhe pse kushtet në Kosovë mungojnë.
“Mjetet e investuara jashtë do të jenë afatshkurtëra dhe afatmesme. Ne jemi të vetëdijshëm që këto mjete janë të sigurta dhe besojmë se edhe investimi me to do të jetë i sigurtë”, tha Snobeker. Qytetarët e shumtë u interesuan se nëse këto mjete nuk menaxhohen si duhet, kujt do t'i japin përgjegjësi zyrtarët e Trustit të Kursimeve Pensionale. “Ky institucion është formuar nga kryeadministratori i Kosovës Mihajl Shtajner. Ai mund të bëjë çdo ndryshim në bordin e Trustit të Kursimeve Pensionale të Kosovës”, tha lidhur me këtë Snobeker.
Qytetarët kërkuan që takimi i ardhshëm me qytetarë të mbahet pas orarit të punës dhe jo në kohën, kur të gjithë punojnë. Debatet e tilla mund t'i shfrytëzojnë vetëm personat që nuk punojnë ose që nuk kanë obligim ndaj  Trustit të Kursimeve Pensionale te Kosovës.

Diskutohet kriza e krijuar në shëndetësi

PRISHTINE, 5 mars - Në tribunën e hapur për gjendjen në shëndetësinë kosovare që u mbajt sot në Prishtinë, Shoqata e Mjekëve të Kosovës kërkoi nga Ministria e Shëndetësisë dhe nga të gjitha institucionet e tjera shëndetësore që të veprojnë si një trup i vetëm, në mënyrë që reformës shëndetësore në Kosovë t'i jepet një frymë e re, që premton efikasitet dhe që në një farë mënyre të evitohet kriza që ka kapluar këtë institucion.
“Politika shëndetësore kosovare, duhet të përqëndrohet në ruajtjen dhe kultivimin e shëndetit të popullit, si detyrë parësore për krijimin e një shoqërie të shëndoshë”, theksoi drejtuesi i Shoqatës së Mjekëve të Kosovës, dr. Naser Ramadani në tribunën për situatën në shëndetësi.
Ndërsa sekretari i përhershëm i Ministrisë së Shëndetësisë, Dr.Pleurat Sejdiu, bëri të ditur se Ministria e Shëndetësisë ka intensifikuar punën në formimin e një bordi profesional këshillëdhënës në Ministrinë e Shëndetësisë.
Përfaqësuesi i Komisionit Parlamentar të Shëndetësisë, Dr.Sejdullah Hoxha tha se Ministri e Shëndetësisë pati paralajmëruar se në janar të këtij viti do të hartojë projektligjin ligjin e shëndetësisë, mirëpo edhe sot e kësaj dite kjo nuk u bë. Drejtor i Institutit Kombëtar të Shëndetësisë, Jusuf Dedushaj tha se për përmirësimin e gjendjes në shëndetësinë kosovare, një element i rëndësishëm është edhe formimi i një qendre të informimit shëndetësor.

“Kthimi” mbështet nismën e Shtajnerit për fillimin e bisedimeve ndërmjet Beogradit dhe Prishtinës

PRISHTINE, 5 mars - Kryesuesi i Grupit parlamentar të koalicionit të serbëve "Kthimi" Dragisha Kërstoviq ka vlerësuar pozitivisht nismën e kryeadministratorit të Kosovës Mihael Shtajner për fillimin e bisedimeve ndërmjet Beogradit dhe Prishtinës. Sipas tij në të ardhmen duhet zgjeruar çështjet për të cilat duhet biseduar dhe përveç çështjeve teknike Beogradi dhe Prishtina mund të bisedojnë edhe për gjëra të tjera siç janë: kthimi i të zhvendosurve, çështjet e sigurisë dhe statusi i Kosovës. Ndërkaq “Këshilli Nacional Serb” kundërshton fuqishëm këtë nismë të kryeadministratorit të Kosovës.

 

Akademi përkujtimore për 100 vjetorin e vdekjes së Jeronim de Radës

PRISHTINE, 5 mars - Një shekull pas vdekjes së tij, Jeronim de Rada trajtohet si njëri nga autorët më të mëdhenj të letërsisë shqipe. Kështu u tha sot në një akademi përkujtimore kushtuar 100 vjetorit të vdekjes së këtij poeti të madh. Në këtë solemnitet akademik Ali Aliu u shpreh se me “Milosaon” Jeronim De Rada shënoi pikën më të lartë në tërë opusin e vet letrar, njërin ndër më të artikuluarit në letërsinë tonë. Ndërsa prof. Sabri Hamiti tha se fusha letrare e krijimtarisë së De Radës shtrihet në gjini të ndryshme, që janë kryesisht dominante në romantizëm dhe të cilat përgjithmonë do të maten me masën e poezisë. “Milosao” e shkruar nga De Rada në vitin 1836 është vepra e parë që nuk vjetërohet, madje nuk tejkalohet artistikisht asnjëherë, as me projektet e krijimet e mëvonshme poetike të De Radës. Prandaj sot e gjithnjë, Milosao lexohet dhe kuptohet thellë si lirikë dshurore”, u tha në akademinë përkujtimore.

---

E martë, 4 mars, 2003

Lajmet më të reja, që sapo arrijtën në redaksinë tonë, kumtuar edhe nga mediumet tjera informative:

Qeveria e Serbisë pranon ftesën e Shtajnerit
Beograd, 4 mars 2003  - Qeveria e Serbisë e ka pranuar ftesën e shefit të UNMIK-ut, Mihajl Shtajner, për fillimin e dilaogut për çështje praktike – teknike ndërmjet Prishtinës dhe Beogradit, njoftuan mediumet serbe.

26 pjestarë të TMK-së dërgohen në Afrikën e Jugut me qëllim stërvitje
Prishtinë, 4 mars 2003 - Në bashkëpunim me sektorin e IOM-it për trajnim të TMK-së, 26 pjestarë të njësitit për Kërkim Shpëtim të Zonës së Tretë të Mbrojtjes do të dërgohen në Afrikën e Jugut me qëllim stërvitje të mëtutjeshme në lëmin e kërkim shpëtimit. Arrestohet një ish-pjesëtar i UÇK-së
 Prishtinë, 4 mars, 2003 - Një ish-pjesëtar i Ushtrisë Çlirmtare Kombëtare është arrestuar sot në vendkalimin kufitare të Bllacës, pas një urdhër arresti të lëshuar nga Ministria e Punëve të Brendshme të IRJM. Sipas korrespondentes së Balkanweb në Shkup, mësohet se i arrestuari quhet Asim Asani nga fshati Tanushë dhe ka enë një luftëtar gjatë konfliktit civil të vitit 2001 në Maqedoni.

Kryeministri Rexhepi shkarkon ministrin e Shëndetësisë Baliq
Prishtinë, 4 mars - Ministri i Shëndetësisë Numan Baliq zëvendësohet në këtë post nga zonja Resmie Mumxhiu, dhe ajo cajktohet në detyrën e ministrit të shëndetësisë në Qeverinë e Kosovës që nga data 5 mars 2003, - deklaroi sot kryeministri i Kosovës Bajram Rexhepi.
Ministri Baliq gjatë kryerjes së detyrës së tij në postin e ninistrit të Shëndetësisë ka çuar deri te një gjendje tejet e rëndë në shëndetësinë e Kosovës, tha Rexhepi.
Kryeministri akuzoi Baliqin se me veprimet e tij të përditshme në mënyrë të vazhdueshme ka shkelur rregulloret e ligjet në fuqi. Sjellja e Baliqit është karakterizuar me mungesë të respektit për dispozitat ligjore dhe ka sfiduar autoritetin e kryeministrit, tha Bajram Rexhepi, duke shtuar se Baliq ka pasur tendenca për ta përçarë qeverinë e Kosovës dhe ka synuar bllokimin e punës së qeverisë.

Thaçi: Vizita e Ahmetit kthesë pozitive në relacionin Prishtinë - Shkup
Prishtinë, 4 mar - Thaçi e Ahmeti u dakorduan të martën në Prishtinë, për thellimin e bashkëpunimit dypalësh, ndërkohë që lideri demokrat i PDK, tha se i ka dhënë mbështetje të plotë Ahmetit në zbatimin e marrëveshjes së Ohrit.

 

 

Ahmeti vlerëson konstruktiv takimin me Shtajnerin
Prishtinë, 4 mars - “Qëllimi i vizitës dhe i bisedimeve me Mihajl Shtajnerin ishte normalizimi i marrëdhënieve ndërmjet Maqedonisë dhe Kosovës”,- është shprehur Ali Ahmeti, pas takimit me Shtajnerin.

 

Hedhet një bombë në shtëpinë e një shqiptari në veri
Mitrovicë, 4 mars - Një bombë dore është hedhur në shtëpinë e një shqiptari në veri të Mitrovicës, kanë njoftuar burimet e policisë në Mitrovicë.
Persona të panjohur kanë hedhur mbrëmë një granatë dore në shtëpinë e një familjeje shqiptare në Mëhallën e Boshnjakëve, në pjesën veriore të Mitrovicës, tha sot në mëngjes zëdhënësi i UNMIK-ut, Andrea Angjeli. Sipas tij, në këtë shpërthim nuk ka pasur të lënduar, por shtëpia është dëmtuar. “Njësitë e KFOR-it dhe të policisë së UNMIK-ut e kanë bllokuar rajonin rreth shtëpisë dhe kanë filluar hetimin”, tha Angjeli.

Fatmir Limaj është transferuar në Hagë
Hagë, 4 mars - Tribunali Penal Ndërkombëtar për ish-Jugosllavi (TPNJ) konfirmoi se Fatmir Limaj është transferuar nga Sllovenia për në njësinë e paraburgimit të TPNJ-së të marten, më 4 mars 2003....njofton kosovapress

 .....poashtu edhe RTV21 bën me dije se:

Fatmir Limaj transferohet në burgun e Hagës; nesër paraqitet përpara trupit gjykues

HAGE, 4 mars - Tribunali Penal Ndërkombëtar për ish-Jugosllavinë konfirmoi se Fatmir Limaj është transferuar sot nga Sllovenia për në njësinë e paraburgimit të TPNJ-së. Tribunali ka caktuar ditën e nesërme si seancë paraqitjeje të parë të Limajt para trupit gjykues të kryesuar nga gjykatësi Liu Daqun, në orën 15:30, në mënyrë që të akuzuarit t’i lejohet deklarimi ndaj akuzave.
Fatmir Limaj është akuzuar më 27 janar 2003. Aktakuza e ngarkon atë me 4 pika për krime kundër njerëzimit dhe me 5 pika për shkelje të ligjeve dhe zakoneve të luftës që thuhet se janë bërë më 1998 në kampin burg të Ushtrisë Çlirimtare të Kosovës (UÇK) në Llapushnik që gjendet në komunën e Gllogocit. Në aktakuzë thuhet se Fatmir Limaj ishte komandant i UÇK-së dhe se ishte përgjegjës për veprimet në kampin burg të Llapushnikut.
Siç ishte rasti me të gjitha shqyrtimet që kishin të bëjnë me Kosovën edhe këto zhvillime do të përkthehen në gjuhën shqipe në mënyrë simultane.

.. edhe zëri amerikës njofton:

 Ish eprori i Ushtrisë Çlirimtare të Kosovës, Fatmir Limaj ekstradohet në Gjykatën e Hagës
04 Mar 2003 - Ish eprori i Ushtrisë Çlirimtare të Kosovës, Fatmir Limaj, i cili u arrestua para dy javësh në Slloveni, u ekstradua në Gjykatën e Hagës. Gjykata e ka akuzuar zotin Limaj dhe tre persona të tjerë për torturimin dhe vrasjen e të burgosurve shqiptarë dhe serbë që mbaheshin në një kamp të UÇK-së gjatë konfliktit të Kosovës. Zyrtarë të Gjykatës thanë se zoti Limaj, deputet i Partsië Demokratike, pritet të paraqitet para gjykatës nesër për të deklaruar nëse i pranon apo jo akuzat. Paqeruajtësit e Natos në Kosovë i arrestuan të tre personat e tjerë të dyshuar Haradin Bala, Isak Musliu dhe Agim Murtezi një ditë para se autoritetet sllovene të ndalonin zotin Limaj. Më vonë, prokurorët i hoqën akuzat kundër zotit Murtezi për mungesë provash. Avokati i zotit Murtezi tha se klienti i tij kishte të njëjtin emër si personi ndaj të cilit ishte ngritur padi, por nuk ishte i njëjti njeri.

Kryeministri Rexhepi: Sot vendosim për bisedimet me Beogradin; ky është hap pozitiv përpara

PRISHTINE, 4 mars - Kryeministri i Kosovës, Bajram Rexhepi ka deklaruar se Qeveria e tij do të përcaktohet sot lidhur me ftesën e shefit të UNMIK-ut, Mihael Shtajner drejtuar zyrtarëve të Beogradit për bisedime lidhur me zgjidhjen e çështjeve të përditëshme në Kosovë.
“Kujtoj se kjo është shenjë e mirë. Ne akoma nuk kemi marrë kurrfarë kërkese nga zoti Shtajner. Nëse do ta marrim, me siguri do ta shqyrtojmë në mbledhjen e Qeverisë. Mendoj se ky është hap pozitiv përpara”, ka deklaruar kryeministri Rexhepi.
Sipas propozimit të Shtajnerit, tema për bisedime do të ishin bashkëpunimi në fushën e energjetikës, tregëtisë, transportit, njohja e targave të automjeteve të Kosovës dhe të dokumentave të regjistrimit.
Nga ana tjetër, nënkryetari i Qeverisë së Serbisë, Nebojsha Çoviq ka thënë se në parim e përshëndet ftesën e Shtajnerit për bisedime me përfaqësuesit e UNMIK-ut dhe të institucioneve të Kosovës, por ka shtuar se ka proleme të cilat duhet të shqyrtohen më përpara nga ato që i ofron Shtajner.
“Në parim bisedimet po, por temat që përmenden tingëllojnë me cinizëm. Duhet të flitet për sistemin energjetik dhe problemet tjera, por ne duhet më parë të fillojmë bisedën mbi kthimin e të shpërngulurve, sigurinë, lirinë e qarkullimit. Këto janë probleme kryesore rreth të cilave duhet të bisedojmë nëse duam të ndërtojmë një Kosovë shumëetnike”, ka thënë Çoviq.  

Bisedimet Prishtinë - Beograd fillojnë javën e ardhshme
Prishtinë, 4 mars  - Shefi i UNMIK-ut Michael Steiner, pas konfirmimit që beson se ka marrë nga udhëheqësit e institucioneve të Kosovës, ua dërgoi të hënën një letër kryeministrit të Serbisë, Zoran Gjingjiq dhe zëvendësit të tij me kërkesën që të formojnë një delegacion ministerial për të filluar bisedimet me UNMIK-un dhe institucionet e përkohshme të Kosovës, rreth çështjeve praktike me interes të dyanshëm.

Çoviq thotë se temat e cekura nga Shtajner janë cinike
Prishtinë, 4 mars - Zëvendëskryeministri serb, Nebojsha Çoviq, duke komentuar inicativën e Shtajnerit për fillimin e bisedimeve Prishtinë-Beograd ka thënë se "temat e theksuara nga ana e Shtajner duken cinike”, ngase, sipas tij, “ka probleme më urgjente se ato që i përmend Shtajneri”.

BE përshëndet inciativën e Shtajnerit për dialog mes Prishtinës dhe Beogradit
Prishtinë, 4 mars - Zyrtarë të Bashkimit Evropian i kanë dhënë mbështetje të plotë iniciativës së shefit të UNMIK-ut për fillimin e dialogut mes Prishtinës dhe Beogradit.

Në Prishtinë filloi manifestimi "Java e Dodonës"
Prishtinë, 4 mars - Në Prishtinë filloi manifestimi "Java e Dodonës", manifestim ku që organizohet me rastin e 10-vjetorit të themelimit të këtij teatri, i cili nisi me një ekspozitë me 130 fotografi dokumentare nga puna 10-vjeçare e teatrit dhe galerisë Dodona.
"Kjo retrospektivë tregon se teatri Dodona nuk ishte vetëm përpjekje për të mbijetuar në kohën e egër, mirëpo ishte një lëvizje e rezistencës artistike”, tha më këtë rast shkrimtari Eqrem Basha. Ndërsa aktori Xhevdet Doda duke folur për punën 10-vjeçare të ekzistencës së këtij teatri tha se janë realizuar dramat e mbi 15 autorëve shqiptarë dhe shfaqjet e tyre i kanë realizuar mbi 15 regjisorë, ndërsa mbi 100 aktorë kanë luajtur nga një deri në 30 shfaqje.

SHBA janë kundër vendosjes së njëanshme të forcave turke në Irakun Verior
Ankara, 4 mars - Shtetet e Bashkuara të Amerikës janë kundër vendosjes së njëanshme ushtarake të forcave turke në Irakun Verior, deklaroi sot ndihmëssekretari shtetëror amerikan Mark Grosman

Ndihma financiare amerikane për Turqinë është sjellë në pikëpyetje
Uashington, 4 mars - Ndihma financiare amerikane për Turqinë është sjellë në pikëpyetje për shkak të vendimit të Parlamentit në Ankara që të mos lejojë vendosje të ushtarëve të SHBA-ve në territorin e Turqisë, në kuadër të përgatitjeve për luftë eventuale në Irak, kumtoi mbërëmë Stejt Departamenti amerikan.

Shqiptarja Elsa Lila nesër në skenën e madhe të Sanremos

ROME, 4 mars - Këngëtarja e njohur shqiptare Elsa Lila, e cila prej disa vitesh jeton në Itali, do të marrë pjesë në Festivalin e Këngës së Lehtë italiane, "Sanremo". Ajo u përzgjodh mes shumë këngëtarëve të tjerë të seksionit të të rinjve, gjatë seleksionimit të bërë në spektalin "Destinazione Sanremo", që çoi në Sanremo vetëm 16 konkurentë. Edicioni i 53-të i këtij festivali prestigjoz starton sot në mbrëmje dhe do të zgjasë deri më 8 mars. Elsa Lila do të konkurojë natën e dytë të festivalit me këngën "Valeria".

---

E hënë, 3 mars, 2003

Kosova edhe sot në terr
Prishtinë, 3 mars - Dje dhe sot Kosova është me mbi katër orë në terr dhe vetëm nga një orë me drita. Zytarisht kjo erdhi si pasojë e rënies së bllokut të vetëm në funksion të Kosova B. Me gjithë premtimet se sot në mëngjes situata elektroenergjetike do të përmirësohet, por mjerisht gjendja nuk është përmirësuar dhe vetëm nga një orë ka drita.
Radiotelevizioni Kosovës-RTK njofton për:
Reduktimet 3 orë me rryme tre pa të.
Për shkak të rënies nga prodhimi të termocentralit “Kosova_B”, gjendja elektroenergjetike në Kosovë është tejet e rëndë. Furnizimi me rrymë është 3 orë me rrymë dhe 3 pa të.

Dialogu Beograd-Prishtinë nuk përjashton as bisedat për statusin
Prishtinë, 3 mars, 2003 - Sipas standardeve që ka vendosur shefi i UNMIK-ut, të përmbushen para bisedimeve për statusin e Kosovës, Prishtina dhe Beogradi duhet të vendosin marrëdhënie normale dhe që çështjet praktike t’i zgjidhin me dialog.

Avokati Tomë Gashi do të mbrojë Haradin Balajn në Hagë
Prishtinë, 3 mars, 2003 -I akuzuari për krime kundër njerëzimit nga Tribunali i Hagës Haradin Balaj nga Korrotica e Epërme e Drenasit ka caktuar tashmë avokatin Tomë Gashi për mbrojtës të tij. Avokati Gashi, pritet të udhëtojë për në Hagë shumë shpejt dhe se siç është shprehur ai do të përpiqet që atje t’i mbrojë vlerat e ish UÇK-së.

Shkurt:
-"Ditët e UÇK-së" sivjet organizohen nën patronatin e kryeministrit

Avokati i Popullit hap linjë telefonike: Ja ku mund të ankoheni për shkeljen e të drejtave

-Halitjaha mohon të ketë pasur konflikte me Drinin
-Mbahet manifestimi "Java e Dodonës"

PRISHTINE, 3 mars - "Në qoftë se besoni se të drejtat tuaja janë shkelur apo është bërë ndonjë keqpërdorim i autoritetit nga UNMIK-u apo nga autoritetet qeveritare vendore, ju mund të ankoheni tek Ombudspersoni", thuhet në një njoftim të Zyrës së ombudspersonit Marek Antoni Novicki dhe theksohet se roli i tij është që të mbrojë të drejtat dhe të përkujdeset për një qeverisje të mirë në tërë Kosovën.
Grupi i tij multietnik i përbërë prej juristëve nderkombëtarë dhe vendorë me qendër në Prishtinë dhe në zyret rajonale në Gjilan, Mitrovicë, Pejë dhe Prizren, janë në dipozicion për të bërë hetimet e ankesave tuaja dhe të monitorojnë menyrat e zbatimit dhe ligjet e pranuara nga keto autoritete.
"Nëse dëshironi të ankoheni, ejani tek Ombudspersoni me mirëbesim dhe shfrytëzoni shërbimet pa pagesë", thuhet më tutje në këtë njoftim dhe theksohet se që nga 3 marsi 2003, mund të merren kontakte me juristët përmes linjës urgjente "HOTLINE" 038 - 548 087 të gjitha ditëve të punës mes orës 9:00 - 17:00.

Presidenti Rugova priti ministrin e Jashtëm të Islandës
Prishtinë, 3 mars - Presidenti i Kosovës Ibrahim Rugova në mjediset e aeroportit të Prishtinës priti ministrin e Punëve të Jashtme të Islandës Haldor Asgrimason, vendi i të cilit prej sot ka marrë menaxhimin e aeroportit civil të kryeqytetit të Kosovës.
Presidenti Rugova dhe ministri i Islandës, bashkë me përfaqësuesit e KFOR-it morën në ceremoninë e transferit dhe të ndërrimti të komandave të nga ajo italiane në atë të Islandës. Presidenti Rugova më këtë rast shprehu kënaqësinë e veçantë, duke shpresuar dhe duke qenë i bindur se Islanda do të ndihmojë me menaxhimin e mirë të aeroportit të Prishtinës. Islanda, tha ai, këtu ka edhe disa policë që shërbejnë në Kosovë.
Gjithashtu zoti Rugova tha se ministrin Asgrimason e ka njohur me progresin e arritur në Kosovë, me objektivat e zhvillimit ekonomik, të privatizimit dhe krijimit të vendeve të reja të punës, si dhe lidhur me integrimin e grupeve etnike në shoqërinë e Kosovës. "Insistimi ynë është që të njihet Kosova sa më parë sepse do të qetësohej rajoni ynë. Ne punojmë në këtë rrugë me ndërkombëtarët dhe kemi sukses në këtë drejtim, mendoj në transferin e pushtetit që e ka paralajmëruar zoti Shtajner", tha Presidenti Rugova dhe theksoi se "ky është një rast i mirë që të njihemi më shumë me Islandën dhe me popullin e saj dhe do të kemi marrëdhënie miqësore".

Islanda merr kontrollin civil të aeroportit të Prishtinës
Prishtinë, 3 mars - Shefi i UNMIK-ut, Mihail Shtajner zhvilloi sot një takim me ministrin e Punëve të Jashtme të Islandës Halldor Asgrimson, i cili prej dje ndodhet në Kosovë. Shtajner u shpreh se është i bindur që Islanda do ta kryejë kontrollin civil të aeroportit. Ndërkaq, ministri Asgrimson deklaroi se KFOR-i islandez do të punojë në atë drejtim që sa më shpejt kontrolli civil të kalojë tek autoritetet vendore.
Kështu Islanda prej sot do ta marrë nën kontroll aeroportin civil të Prishtinës. Në këtë drejtim Islanda si vend në ishull ka përvojë të madhe në mexhaminin e aeroportit në kushtet e vështira atmosferike. Ministri islandez u shpreh optimist në menexhimin e aeroportit të Prishtinës nga vendi i tij.

Konferencë për kthimin e minoriteteve në Kosovë
Prishtinë, 3 mars, 2003 - Për sot është paralajmëruar mbajtja e një konference për media, ku do të flitet për kthimin e minoriteteve. Pyetjeve të gazetarëve do t’ iu përgjigjen Pegi Hiks, nga zyra për kthim dhe komunitete, dhe Valter Irvin, nga Komesariati i lartë për Refugjatë UNHCR.

Së shpejti kredimarrësit evidencohen në një bazë të centralizuar
Prishtinë, 3 mars, 2003 - Së shpejti do të krijohet një bazë e centralizuar e të dhënave për të gjitha kreditë e lëshuara nga bankat në Kosovë, për t'iu pamundësuar keqpërdoruesve që të marrin kredi në më tepër se një bankë dhe të mos e kthejnë atë, thanë për KosovaLive, drejtues të BPK-së.

Maqedoni: Sigurohen fonde për shtëpitë në Tetovë

SHKUP, 3 mars - Janë siguruar mjetet e nevojshme për sanimin e të gjitha shtëpive të mbetura në rajonin e Tetovës, të dëmtuara ose shkatërruara në konfliktin ushtarak të vitit të kaluar, lajmëroi delegacioni i Komisionit Evropian (KE) dhe të Grupit Ndërkombëtar të Menaxhmentit (IMG) në Maqedoni. Marrëveshja e parë për punët ndërtimore do të nënshkruhet deri në fund të këtij muaji, ndërsa me qëllim që të mundësojë fillimin e tyre sa më të shpejt, përfaqësuesit e delegacionit të KE-së dhe të GNK-së nesër në Tetovë do të mbajnë takim informativ për të gjitha familjet nga rajoni i Tetovës, shtëpitë e të cilave janë të dëmtuara. Në takimin, siç lajmërohet, do të marrin pjesë edhe përfaqësues të Qeverisë së Maqedonisë, komunave dhe vetadministratës lokale të rajonit të Tetovës, si dhe përfaqësues të OSBE-së.

Maqedoni: Përurohet busti i Skënderbeut në Dibër

DIBER, 3 mars - Në Dibër dje është vendosur shtatorja e Heroit Kombëtar Shqiptar Gjergj Kastrioti - Skënderbeu, e cila u vendos në sheshin e këtij qyteti, me dimensione mbi tri metra e 60 centimetra. Ky akt konsiderohet historik nga popullata shqiptare e Maqedonisë. Në këtë manifestim morën pjesë me mijëra njerëz nga qytetet e ndryshme të vendit dhe rajone të tjera ku jetojnë shqiptarët. Manifestimi i djeshëm u shoqërua me një program të pasur nga artistët e Shqipërisë dhe Kosovës....njofton RTV21

....edhe QIK-u bëne dije se;

Në Dibër u përurua shtatorja e Heroit Kombëtar Shqiptar - Gjergj Kastrioti-Skënderbeu

Dibër, 3 mars - Në Dibër dje është vendosur shtatorja e Heroit Kombëtar Shqiptar Gjergj Kastrioti - Skënderbeu, e cila u vendos në sheshin e këtij qyteti, me dimensione mbi tri metra e 60 centimetra. Ky akt konsiderohet historik nga popullata shqiptare e Maqedonisë. Në këtë manifestim morën pjesë me mijëra njerëz nga qytetet e ndryshme të vendit dhe rajone të tjera ku jetojnë shqiptarët.
Manifestimi i djeshëm u shoqërua me një program të pasur nga artistët e Shqipërisë dhe Kosovës.

ndërsa "Zeri i Amerikes" transmeton një raport telefonik të Isak Ramadanit lidhur me perurimin -  akt që konsiderohet si historik nga popullata shqiptare e Maqedonisë.Në këtë manifestim moren pjesë qindra veta nga qytete të ndryshme të vendit dhe rajone tjera ku banojnë shqiptarët. Dëgjoni korrespondencën (RealAudio)  

Gjykata Kushtetuese e Maqedonisë ka anuluar tri nene të ligjit të arsimit të lartë
Shkup, 3 mars - Gjykata Kushtetuese e Maqedonisë ka anuluar tri nene të ligjit të arsimit të lartë që kanë të bëjnë me nostrifikimin apo njohjen e diplomave të marra jashtë vendit. Ky vendim ka të bëjë me ata studentë, që kanë mbaruar studimet në Shqipëri, Bullgari dhe në Turqi. Tash e tutje në vend të Ministrisë së Arsimit, njohjen e diplomave do ta bëjnë fakultetet e universiteve të Maqedonisë. Megjithëse kjo është një detyrë e komplikuar, ministri i arsimit Aziz Pollolzhani shpreson se vendimet e Gjykatës Kushtetuese të Maqedonisë mund të përshtaten me qëllim që procedura për njohjen e diplomave që kanë studijuar në universitete jasht këtij vendi të përshpejtohet.

Basketboll: Filloi stinori pranveror i ligës ABK
Prishtinë, 3 mars – Të shtunën dhe të dielen u luajtën takimet e xhiros së 15-të të ligës ABK në basketboll, që njëherit ishte edhe java e parë e stinorit pranveror të kësaj lige.
Të gjitha ndeshjet e kësaj jave ishin shumë interesante, me çka vërtetohen pohimet se në vazhdim të kampionatit të ligës ABK në basketboll nuk do të ketë favorit në asnjë takim. Këtë më së mirë e treguan takimet: Mabetex - Ylli dhe Bashkimi – Trepça. Ekipi i Yllit që në sezonin e kaluar vjeshtor llogaritej si autsajder i kësaj lige tash kur është përforcuar me disa basketbollistë cilësor një gjë e tillë nuk mund të thuhet më. Në Prizren u zhvillua ndoshta ndesha më interesante e kësaj jave mes Bashkimit dhe Trepçës nga Mitrovica. Fituesi i këtij takimi nuk dihej deri në sekondën e fundit të takimit. Fitore në fund shënoi Trepça por kjo ndodhi vetëm falë fatit pasiqë në sekondën e fundit të takimit Besim Braha shënon tri pikë.
MEB Prishtina dhe lideri Dukagjini shënuan fitore të pritura kundër Dritës së Gjilanit gjegjësisht Excluzivit.

---

E dielë, 2 mars, 2003

Sondazhi: Televizioni 21 më i preferuari në Kosovë dhe diasporë

PRISHTINE, 2  mars  2003 - Dje kosovapress bëri me dije se; Televizoni 21 është televizioni më i preferuar në Kosovë dhe në diasporë. Ky është rezultati i sondazhit të Agjencisë së Lajmeve "Kosovapress". Radiotelevizioni 21 mori 38.58 për qind të votave, Televizoni i Kosovës 36.79 për qind, kurse Kohavizioni 24.63 për qind të votave. Numri i përgjithshëm i votave në këtë sondazh të "Kosovapressit" ishte 6 mijë e 986 persona.

---

E shtunë, 1 mars, 2003

Mihail Shtajner premtoi se do t'ia kalojë Qeverisë së Kosovës të gjithë përgjegjësitë e lejuara me dokumentet në fuqi
Prishtinë, 1 mars - Kryeadministratori i Kosovës, Mihail Shtajner, ka organizuar mbrëmë një darkë me rastin e njëvjetorit të marrëveshjes për ndërtimin e institucioneve të Kosovës. Në darkë kanë marrë pjesë Presidenti i Kosovës Ibrahim Rugova, kryetari i Kuvendit Nexhat Daci, kryeministri Bajram Rexhepi dhe kryetari i PDK-së Hashim Thaçi. Kryetari i AAK-së, Ramush Haradinaj, nuk ka marrë pjesë në takim, për shkak të, siç ka thënë, vonesave që lidhen me institucinalizimin më të shpejtë të jetës shtetërore në Kosovë dhe për shkak të krijimit të komunave serbe në veri të Kosovës.
Mihail Shtajner njoftohet të ketë thënë se gjatë këtij viti do t'ia kalojë Qeverisë së Kosovës të gjitha përgjegjësitë që lejohen me dokumentet në fuqi, ndërsa do të mbajë për vete marrëdhëniet e jashtme, çështjet e sigurisë dhe kthimin e personave të zhvendosur në Kosovë.
...përrallat e Shtajnerit dikuj i duken të vërteta - kesaj sikur i thonë si thotë populli pall gomar se del bar!!! (vërejtje e erenikut)

Institucionet vendore e ndërkombëtare kundërshtojnë ashpër propozimin e Gjingjiqit për federalizimin e Kosovës
Prishtinë, 1 mars, 2003 - Propozimi i kryeministrit serb, Zoran Gjingjiq për federalizimin e Kosovës në dy bashkësi etnike: në atë shqiptare dhe në atë serbe, është kundërshtuar ashpër nga institucionet vendore dhe ndërkombëtare në Kosovë. Zyrtarët ndërkombëtarë kanë përsëritur qëndrimin se për statusin e Kosovës vendos vetëm Këshilli i Sigurimit, ndërsa ata vendorë kanë thënë se kjo është një tendencë tjetër serbe për ta penguar procesin e pavarësisë së Kosovës.
Ramush Tahiri, këshilltar i kryetarit të Kuvendit të Kosovës, ka deklaruar se deklarata e Gjingjiqit është një politikë e vjetër e Serbisë. Ai ka thënë se Serbia synon që të gjithë serbët të jetojnë në një shtet dhe, në këtë kuadër, janë edhe tendencat për ndarjen e pjesës veriore të Kosovës dhe bashkimin e saj me Serbinë.
Zëdhënësi i UNMIK-ut, Xhorxhi Kakuk, ka deklaruar se nuk dëshiron ta komentojë deklaratën e kryeministrit të Serbisë, por ka përsëritur qëndrimin e kryeadministratorit Shtajner.
Në fillim të javës, Shtajner ka bërë të thënë se propozimet dhe deklaratat për statusin e Kosovës që vijnë nga Beogradi kohët e fundit nuk kanë kurrëfarë vlere ligjore. Po ashtu, ai ka deklaruar se as Beogradi dhe as Prishtina nuk mund ta përcaktojnë statusin përfundimtar të Kosovës.

Murtezi kthehet në shtëpi: Ishte e lehtë të provoja pafajësinë; do kërkoj dëmshpërblim nga Haga
PRISHTINE, 1 mars, 2003
Agim Murtezi, i cili u lirua dje nga aktakuza e Tribunalit të Hagës, u kthye mbrëmë vonë në shtëpinë e tij në fshatin Qylagë të komunës së Lipjanit. Pas kthimit, Murtezi deklaroi se arrestimi dhe ngritja e aktakuzës për krime lufte kishin qenë një goditje e rëndë për të dhe për familjen e tij, dhe për këtë ai do të kërkojë dëmshpërblim nga Tribunali i Hagës.
“Nuk ishte shumë e vështirë të provoja pafajësinë time, sepse unë që në fillim e dija, si edhe të gjithë të tjerët që ishin të bindur, se unë nuk kam bërë asgjë të dënueshme. Unë jam i habitur se si Prokuroria e Tribunalit të Hagës mund të bëjë gabime të tilla pas hetimeve të gjata”, tha Murtezi.
Ai u shpreh se do të kërkojë dëmshpërblim për arrestimin, mbajtjen në paraburgim dhe ngritjen e aktakuzës nga Truibunali i Hagës. “Ka qenë një tronditje për mua dhe për familjen time, ndaj do të kërkoj dëmshpërblim. Gjithashtu për shkak të arrestimit kam humbur edhe vendin tim të punës, ku shpresoja të filloja së shpejti. Më duheshin edhe vetëm tri javë për të përfunduar trajnimin, të diplomohesha dhe pastaj të nisja punë si polic korrektues në burgun e Lipjanit”, tha Murtezi. Edhe anëtarët e familjes Murtezi thanë se arrestimi dhe aktakuza kanë qenë një goditje e rëndë për të gjithë familjarët.
Agim Murtezi u arrestua më 17 shkurt. Një ditë më vonë ai u transferua në burgun e Hagës, në Holandë, së bashku me Haredin Balajn dhe Isak Musliu, të akuzuar për shkelje të ligjeve të luftës dhe krime lufte.

Liderët kosovarë në njëvjetorin e institucioneve: Jemi kundër çdo koncepti njëetnik për Kosovën
PRISHTINE, 1 mars, 2003 - Udhëheqësit e institucioneve kosovare, Bajram Rexhepi, Hashim Thaçi, Ibrahim Rugova dhe Nexhat Daci, kanë nënshkruar dje në darkë një deklaratë, e cila ka marrë mbështetjen e shefit të UNMIK-ut, Mihael Shtajner, përmes së cilës i jepet mbështetje procesit të filluar, ndërkohë që kundërshtohet çfardo koncepti njëetnik për Kosovën.
Takimi është organizuar nga Shtajner në njëvjetorin e krijimit të institucioneve të vendit, ndërkohë që edhe kësaj rradhe ka munguar lideri i Aleancës për Ardhmërinë e Kosovës, Ramush Haradinaj. Udhëheqësit politikë të Kosovës kanë riafirmuar mbështetjen për proceset e filluara në Kosovë, ndërkohë që në fund kanë nënshkruar një deklaratë ku përkrahet një Kosovë shumëetnike dhe nuk pranohet çfardo koncepti njëetnik për Kosovën. "
Institucionet e Kosovës mirëpresin përkrahjen që i është dhënë Kosovës nga Këshilli i Evropës. Insitucionet e Kosovës janë të inkurajuara me deklaratën e Këshillit të Sigurimit të OKB-së nga data 6 shkurt", thuhet në deklaratë. Gjithashtu, në deklaratë thuhet se "të zhvendosurit do të mund të kthehen në shtëpitë e tyre dhe atyre do të mund t'u kthehet prona, si dhe të gjitha komunitetet do të jetojë të sigurt në Kosovë".
Mihail Shtajner, pas darkës, tha se gjatë këtij viti do t'ia kalojë Qeverisë së Kosovës të gjitha përgjegjësitë që lejohen me dokumentet në fuqi, ndërsa do të mbajë për vete marrëdhëniet e jashtme, çështjet e sigurisë dhe kthimin e personave të zhvendosur në Kosovë.
Lideri i AAK-së, Ramush Haradinaj, shpjegon pakënaqësinë e tij ndaj vonesës së veprimeve të administratës ndërkombëtare që do t´i kënaqnin interesat e qytetarëve të Kosovës: “Jo mora pjesë. Jemi dëshmitarë që në Kosovë zhvillimet nuk i kënaqin mjaftueshëm kërkesat tona dhe synimet tona dhe po ashtu jemi në mungesë të një plani konkret të kapërcimit të gjendjes, që është krijuar në Kosovë dhe veçanërisht të një plani konkret të mbartjes së kompetencave. Jemi në vonesë të privatizimit dhe po ashtu shprehim pakënaqësinë tonë me gjendjen më të re të krijuar në veriun e Kosovës. Ne do t´i japim mbështetje bashkësisë ndërkombëtare në Kosovë me veprime konkrete, që japin efekte konkrete, të cilat qytetarët e Kosoves i presin me padurim”, tha Haradinaj.
Marrëveshja e arritur një vit më parë në mes tri subjekteve politike në Kosove shënoi edhe fillimin e punës për herë të parë të institucioneve legjitime të njohura ndërkombëtarisht, të zgjedhura me votën e qytetarëve. Një vit koalicion qeveritar u shoqërua edhe me mosmarrëveshje të shumta ndermjet institucioneve të Kosovës dhe administratës ndërkombëtare rreth kompetencave. Megjithatë shefi i UNMIK-ut ka pohuar se brenda këtij viti të gjitha përgjegjësitë e lejuara do të mbarten nga administrata ndërkombëtare tek institucionet vendore. Hapin e parë Shtjaner e mori 10 ditë më parë, kur kompetencat e Autoritetit Qendror Fiskal kaluan tek Ministria e Ekonomisë dhe Financave.

Përkujtohet beteja e 28 shkurtit 98' në Qirez dhe Likoshan
LIKOSHAN, 28 shkurt, 2003 - Në fshatrat Qirez dhe Likoshan, pesë vjet pas ngjarjes së 28 shkurtit 1998, u mblodhën mijëra banorë të këtyre anëve për të përkujtuar betejën e 'Lisave gjashtënjakë'.
Dr.Gani Halilaj, nënkryetar i KK Drenasit, rikujtoi gjithë heroizmin dhe sakrificën e drenicasve të kësaj ane, ndërkohë që i bëri thirrje Parlamentit të Kosovës, që dita e 28 shkurtit të hyjë në mesin e datave të shënuara të kombit, "sepse këtë ditë u hoqën të gjitha maskat e regjimit kriminal dhe ishte pushka e kushtrimit për çlirim".
Në emër të fshatrave Qirez e Likoshan, një kronikë të zhvillimeve të 28 shkurtit të vitit 1998 e prezentoi Xhavit Nebihu, i cili ka bërë një përshkrim të hollësishëm të luftimeve dhe të rrjedhës së ngjarjeve të asaj dite.

---

E premte, 28 shkurt, 2003

Tribunali i Hagës tërheq aktakuzën kundër Agim Murtezit
Hagë, 28 shkurt, 2003 - Gjykata e Hagës e ka tërhequr sot aktakuzën kundër Agim Murtezit, i cili bashkë me tre shqiptarë të Kosovës është akuzuar për krime kundër serbëve e shqiptarëve, në kampin-burg të Llapushnikut.Murtezi është liruar pasi që është konstatuar se nuk ekzistojnë prova se ai është personi të cilit i mvishen veprat penale nga aktakuza. Murtezi do të lirohet menjëherë nga paraburgimi dhe do të kthehet në Kosovë.(njoftim i RTK)

...edhe RTV21 njofton se:

Gjykata e Hagës liron Agim Murtezin pasi ai nuk është personi të cilit i referohet akuza për krime lufte

HAGE, 28 shkurt - Gjykata e Hagës ka vendosur që njëri nga të akuzuarit shqiptarë për krime lufte në Kosovë, Agim Murtezi të lirohet nga akuzat, pasi u vërtetua se ai nuk është personi të cilit i referohet aktakuza. Gjykatësi Liu Daqun sot urdhëroi lirimin e mënjëhershëm të Murtezit nga paraburgosja dhe kthimin e tij në Kosovë.
Vendimi i Gjykatësit Liu përmbylli seancën gjatë së cilës u tërhoq aktakuza kundër Agim Murtezit, që pasoi mocionin e Prokurorisë dhe përgjigjen urgjente nga ana e palës mbrojtëse, të dyja të dorëzuara më 28 shkurt.
Fillimisht, Agim Murtezi është akuzuar nga Prokurorja më 27 janar, u burgos nga forcat e KFOR-it më 17 shkurt dhe transferua të nesërmen në Njësinë e Paraburgimit të Tribunalit. Më 20 shkurt, gjatë paraqitjes së tij të parë para Gjykatësit Liu, Agim Murtezi u shpreh i pafajshëm në të gjitha akuzat e ngritura kundër tij. Disa ditë më vonë, avokati i tij mbrojtës lëshoi një deklaratë në emër të Agim Murtezit “ku pohohej se ai nuk është personi të cilit i referohet aktakuza”.

Tryezë për Kosovën në kolegjin Bramsonort të Brooklinit - N.York

 

       Brooklyn, 28 shkurt, 2003 - Edhe komuniteti shqiptarë në SHBA ndjehet i indinjuar rreth rrjedhës së ngjarjeve të fundit në Kosovë. Ata reagimet e tyre i shprehin nëpërmes të shoqatave klubeve dhe asociacioneve të tjera në mjediset ku ata jetojnë dhe veprojnë.Në sensibilizim të opinionit, reth kësaj çështjeje, mbrëmë në N. York në kolegjin Bramsonort,u mbajt një tryezë e hapët me student të komuniteteve të ndryshme.

      Më gjërësisht në raportin editorit tonë Nexhmedin Syla:

      Qytetarë, profesorë dhe studentë të komuniteteve të ndryshme nga kolegjët amerikan Bramsonort, Mersi kallegj dhe kolegji i Brooklinit në N.York të SHBA ishin pjesëmarrës në një tryezë të hapët me temën:

Ngjarjet e fundit në Kosovë dhe mundësitë e pavarësimit të saj.

       Pas diskutimeve, pyetjeve të shumta të pjesëmarrësve iu përgjigjën, ish komgresmeni amerikan Josef DioGuardi – President i Ligës qytetare shqiptaro – amerikane, i cili bashkë me bashkëshorten e tij Shirly shprehën hapur indinjatën dhe shqetësimet rreth formës së arrestimit të çlirimtarëve të popullit të Kosovës duke i vënë ata në karrigën e njejt të akuzimeve me kriminelët, barbarët dhe vrasësit e popullit të Kosovës.Në çdo dhjetë vite, mund të dalin hitlerë të tipit millosheviq dhe mu për këtë pavarësimi i Kosovës do t'ua prente rrugën kriminelëve të tillë dhe do të bënte një zgjidhje fatlume për situatën e tanishme për të gjithë Ballkanin. Zonja Shirli tha se tipi actual serb, Çoviq , bashkë me suitën e tij - është sotpërsot personi më i rrezikshëm për Ballkanin dhe popujt e tij.

     Andaj propozimet e tij, dhe as ato të Gjingjiqit rreth ndarjës së Kosovës nuk pijnë ujë. Bota tash e ka të qart se çfarë zgjidhjesh dëshiron kjo qeveri e fundit sërbo-malazeze në kurriz të popullit të Kosovës.

      Ky takim i mbajtur në kolegjin Bramsonort të Brooklinit në N.York ishte i organizuar nga çifti

bashkëshortorë Kozeta dhe Qemal Zylo,për të cilët kishte fjalë miradie dhe edhe falënderime të përzemërta. Kozeta është këshilltare e përgjithshme për çështje studentore, ndërsa Qemali, specialist i rekrutuar në gjirin e këtij kolegji hebreit.

       Format e tilla të takimeve, rreth çështjes së Kosovës, pjesëmarrësit – i vlerësuan të domosdoshme në të ardhmën,

       Për Erenikun dhe RTV21, Nexhmedin Syla - N.York…. e premte 28 shkurt 2003.

Nuk mund të barazpeshohen genocidi serb me kundërpërgjigjen çlirimtare, thotë Ilir Meta

TIRANË,28 shkurt, 2003 - Zëvendëskryeministri dhe Ministri i Punëve të Jashtme të Shqipërisë Ilir Meta vlerësoi të premten angazhimin dhe përpjekjet e Tribunalit të Hagës për Krimet e Luftës në ish-Jugosllavi, por tha se nuk mund të barazpeshohen genocidi serb i Millosheviqit, kryer në Kosovë, me përpjekjet dhe kundërpërgjigjen e luftës çlirimtare sepse janë dy gjëra krejtësisht të ndryshme.

Novicki diskuton me Rugovën se kush do të jetë Avokati i Popullit i ardhshëm

PRISHTINE, 28 shkurt - Kush do të jetë ombudspersoni i ardhshëm i Kosovës? Kjo ishte një ndër temat e takimit të presidentit Ibrahim Rugova me Avokati i Popullit Marek Antoni Novicki.
“Ombudspersoni i Kosovës, Novicki ka afirmuar një institucion të nevojshëm për Kosovën dhe për të drejtat e të gjithë qytetarëve të Kosovës”, tha presidenti Rugova, pas takimit me Novickin. Presidenti Rugova premtoi mbështetje të mëtejshme për këtë institucion.
“Për mua ishte një takim shumë i rëndësishëm. E njoftova zotin Rugova për punën, që jemi duke e bërë dhe biseduam njëkohësisht edhe rreth të ardhmes së këtij institucioni. Siç e dini mandati im do të vazhdojë deri në korrik të vitit të ardhshëm dhe ndërkohë ne shkallë-shkallë do t'i bartim kopetencat tek kosovarët. Me zotin Rugova biseduam edhe për faktin se cili do të jetë ombudspersoni i ardhshëm i Kosovës. Nuk është një zgjedhje e lehtë, ngase është një funksion me përgjegjësi”, tha Novicki.
Avokati i Popullit, Novicki sot është takuar edhe me kryeparlamentarin Nexhat Daci dhe me shefin e Misionit të OSBE-së, Paskal Fieskin.

Papa Gjon Pali II letër Rugovës: Lutem për bekime hyjnore për Kosovën e popullin e saj

PRISHTINE, 28 shkurt - Papa Gjon Pali II i ka dërguar sot një mesazh Presidentit të Kosovës, Ibrahim Rugova, në të cilin i thotë se ai lutet që të gjithë popujt të punojnë bashkërisht për të ndërtuar një kulturë të paqes. Mesazhi përmbahet një letër falënderimi që sekretari i Shtetit të Vatikanit, Kardinali Sodomo, i ka dërguar Rugovës për ta falenderuar për urimet që President ii ka dërguar me rastin e Krishtlindjes së kaluar.
“Shenjtëria e Tij, Papa Gjon Pali II-të, më ka kërkuar me kënaqësi t'ju falënderoj për mesazhin e urimeve dhe të përshëndetjeve që Ju ia keni dërguar për Kërshëndella. Në këtë vit të ri, ai lutet që të gjithë popujt të punojnë bashkërisht për të ndërtuar një kulturë të paqes, të mbështetur në të vërtetën, drejtësinë dhe respektin e të drejtave dhe dinjitetit të çdo personi”, thuhet në letër. Gjithashtu atje theksohet se Shenjtëria e Tij lutet për një mbushulli bekimesh hyjnore për Kosovën dhe për popullin e saj.

PRISHTINE, 28 shkurt - Në njëvjetorin e marrëveshjes për ndërtimin e institucioneve të Kosovës, të dala nga zgjedhjet e përgjithshme të 17 nëntorit 2001, kryeadministratori i Kosovës Mikael Shtajner ka thirrur sot në një darkë pune udhëheqësit e institucioneve të Kosovës dhe udhëheqësit e partive kryesore politike, nënshkruese të marrëveshjes

Në njëvjetorin e krijimit të institucioneve, Shtajner thërret për darkë liderët kosovarë

së 28 shkurtit 2002. Procesi për formimin e qeverisë filloi që para ardhjes së Shtajnerit në krye të misionit të përkohshëm të OKB-së në Kosovë, por marrëveshja u arrit pak pas ardhjes së tij në këtë post.

Protesta në Gjilan e Rahovec
28 shkurt, 2003 - Në Gjilan e Rahovec, u zhvilluan protesta kundër arrestimit të 4 ish-pjesëtarëve të Ushtrisë Çlirimtare të Kosovës

Hapet Shkolla e parë e Nënoficerëve të TMK-së

PRISHTINE, 28 shkurt - Në Akademinë e Mbrojtjes së Trupave Mbrojtëse të Kosovës filloi punën sot Shkolla e parë e Nënoficerëve të TMK-së. Hapjen solemne e bëri Komandanti i TMK-së general-lejtnant Agim Çeku. Në këtë takim ishin të pranishëm edhe përfaqësues nga Organizata Ndërkombëtare për Migrim.
“Filozofia e udhëheqësit duhet të jetë: “Të dish dhe të bësh”, domethënë, njeri që nuk bie ndesh me normat etike të shoqërisë. Pikërisht për atë që jeni të tillë, jeni zgjedhur për nënoficerë. Moto e nënoficerit është: “Askush nuk është më profesionist se unë”. Ju duhet të jeni shembull, duhet të mësoni shumë në këta muaj në Akademinë e Mbrojtjes”, u ka thënë komandanti Çeku, nënoficerëve të TMK-së, me rastin e hapjes solemne të shkollës për nënoficerë dhe vijuesve të parë të kësaj shkolle.

Italia ndihmon në instalimin e internetit nëpër kuvendet komunale të Kosovës

28 shkurt, 2003 - Nesër në rajonin Lazio të Italisë, zhvillohet një ceremoni ku kryetari i Lazio's do te zotohet edhe me shkrim që të ndihmojë Kosovën me 193.500 euro për projektin për instalimin e rrjetit të internetit nëpër kuvendet komunale anekënd Kosovës, projekt ky të cilin do ta implementoj UNDP-ja. Poashtu nesër nënshkruhet edhe dokumenti sipas të cilit rajoni i Lazios do të sigurojë mjete për heqjen e shpenzimeve një vjeçare për trajnimin e pesë kosovarëve në Itali dhe atë në fusha të ndryshme.
Dokumentet do të nënshkruhen nga kryetari i Lazio's dhe zoti Robert Piper, udhëheqës i UNDP's në Kosovë, njëherësh koordinatori i Kombeve të Bashkuara për Zhvillim në Kosovë.
Prej vitit 1999 e deri më sot, nëpërmjet UNDP'se Italia ndihmoi Kosovën me 1.369,600 euro.

Tryezë në temën “Gjuha në media, institucione dhe administratë”

Prishtinë,  28 shkurt, 2003 - Ka vazhduar sot punimet tryeza shkencore:” Gjuha në media, institucione dhe administratë” organizuar nga shoqata e gjuhëtarëve të Kosovës. Përdorimi i fjalëve të huaja dhe mundësia e zëvendësimit, probleme të shqipes standarde në media ishin disa nga temat që u ligjëruan sot.

U shënua pesëvjetori i Betejës së Likoshanit- Qirezit

Likoshan-Qirez, 28 shkurt 2003 - Qirezi dhe Likoshani, pesë vjet pas ngjarjes së 28 shkurtit 1998, kishin tubuar mijëra banorë të këtyre anëve për të shënuar betejën te Lisat gjashtënjakë, që shënoi edhe fillimin e fundit të robërisë.

I akuzuari Haziraj nuk është personi që ka banuar në familjen Shabani
Prizren, 28 shkurt 2003  - “Ky nuk është personi i cili ka ndejtur në shtëpinë tonë”, ka thënë dëshmitarja Mahire Shabani, për të akuzuarin Abit Haziraj.

lajme shkurt:

Trupat zvicerane do të vazhdojnë të ruajnë paqen në Kosovë

Çdo i pesti nxënës i shkollës së mesme konsumon duhan

Protestuesit gjilanas thonë se Haga politizon drejtësinë

ekonomi:

Edhe distribucioni më i suksesshëm pushon nga puna punëtorët

kulturë: