|
|
| Aqarso B. Martida | Saxiix B. Martida |
|
|
| BOGGA 1AAD |  |
||
|
|
| ||||||
| BOGGA 2AAD | Somali Forum | Free Email | Free Guest Book | Free Home Page |
|
|
| ||||||
|
|
| Ma Is-Qabaan, Mise Way Is-Fureen? Ibrahim Moallim Mursal Esdoornstraat 207151 ZA Eibergen, The Nederlands Tele/Fax +31 -545 -476 -473 |
 |
Diintu ma Ragga keliya ayay u hiilisaa?
Diinta Islaamka waa caddaalad Rabbi Samada ka soo dejiyay, isaga oo ugu naxriisanaya khalqiga dhulka ku nool. Marka Diinta ma noqon karto, warqad "turub" ah oo markii adigu rabtid miiska aad
soo saaratid. Diinta Alle ayaa soo dejiyay, lama khayaami karo, lamana basaraysan karo sida "gemeente" da.
Ilaahay qalbigaaga ayuu daalacanayaa, ammaanadii uu kuu dhiibayna marna kuu oggolaan mayo inaad cid ku dulmisid. Marka haddii reerkaaga adigu gacantaada ku burburisay, sida kuwa lagu tilmaamay "Gacnahooda ayay gurigooda ku burburinayaan", haddaba oraahda ah: "Furitaan
Samadda ayuu kuu jiraa" maxaa keenay, ma Rabbi baad noqotay oo samaddaad xukunka ka soo ridaysaa?
Shalayto adiga oo aan cidna ku khasbin soo tii aad u tagtay Dowladda kuna aad tiri xaaskayga waynu kala tagnay ee diiwaanka inaga saara (Islaanka qabitaan iyo furitaan keliya ayaa ka jira), markhaati ahaan soo gacantaada kuma aad soo saxeexen.
Ka dibna nafaqadii maad goosan. Arintu marka waa Cinaad. Allane raali ka noqon maayo. Waxay ila tahay "xarrigaad hayso inaysan xoolo ku jirin". Haddaba, haddii ay weli rajo jirto, arintana wax ka qabasho leedahay, hala Towbad keeno "rag iyo haweenba", reerkane dib ha loo wada dego, wixii Alla idinku arzuqane ha la iimaansado oo markaas ayay barakoowayaan. Towfiiqdana Allah hana waafajiyo.
Waa socotaa..
| ||||||
| BOGGA 3AAD |  |
|
||||
|
|
Dowladaha Reer Yurub oo lacagtoodii mideeyay
Kow iyo toban dal oo Yurub ku taalla oo bulshadoodu gaarayso 290 Milyan oo qof ayaa waxay sanadka cusub billaabeen in ay mideeyaan lacagahooda.
Lacagta cusub oo ay waddamadaasi adeegsan doonaan waxaa la yiraahdaa (euro), waxaana halkii euro qiimihiisu noqon doonaa kolka loo eego lacagihii hore ee reer yurub adeegsan jireen sidatan:
|
| BOGGA 4AAD | |
||
|
|
|
|
| Qaybtii 4aad: Qoraalka Afsoomaaliga Waxaan ku arkay buug uu qoray nin soomaaliyeed, kaas oo ku andacoonaya, halyeyadii far soomaalida dejiyeyna ku eedaynaya, in ay ka tageen oo ay ka ilduufeen wax uu ku magacaabay xarafka ”Th” iyo xarfo kale. Wuxuuna ninkaasi soo jeedinayaa in la qaato xarafka ”Z” oo loo isticmaalo ”Th”-ahaan. Su’aasha isweyddiinta lihi haddaba waxay tahay, af soomaaliga ma ku jiraan dhawaaqyada ”Th”, ”Z”, ”P” iyo ”V” ee ingiriisida ku jiraa? Jawaabtu waa maya. Haddaba sidee ayey suurto gal u tahay, maxaase laga faa’iidayaa, in far soomaalida lagu daro xuruuf aan dhawaaqoodu af soomaaligaba ku jirin? Maxaa looga baahanyahay xarfo loogu talo galay dhawaaqyo af kale? Miyey carabtu u baahantahay in ay soo qaadato, tusaale ahaan, xarfaha ”P” iyo ”V” ee aan afkooda ku jirin in uu afafka yurub ku jiraan darteed? Waa socotaa... |
|
|
| [Allah Ummad kama baddalo waxa ay ku sugan tahay; Ilaa ay wax ka baddasho nafteeda waxa ku sugan] Awood Maroorsi Nidaamka markuu sidaasi u kalkhalay, siyaasaddiine jahawareertay ayaa ismaqalkii iyo kala dambayntii Sharciga ahaydna luntay. Ugu dambayntii Ciidamada Qalabka sida ayaa Xukunkii gacanta u galay. Halkaasi waxaa ku baxay habkii iyo qaabkii la yiqiin ee iskala wareegidda xukunka Dalka "The traditional way of power alternance". Markiiba militariga wuxuu baabi'iyay wixii sharci haraa ahaa ee Dalka ku dambeyay, wuxuuna ku beddelay wax loogu magac daray Warqadda Kowaad iyo Warqadda Labaad ee Kacaanka "La Prima Carta" iyo "La Seconda Carta della Rivoluzione" oo u qaab ekaa nooc jadwal shaqo "job description". Oraahda ah "Dastuurka iyo Sharciyada kale ee aan la socon karaynin Mabaadiida kacanka waa la baabi'iyay oo ka soo qaad malaha" ayaa lagu soo gunaanaday, laguna masaxay himilooyinkii Ummadda Soomaliyeed muddada dheer u soo halgamaysay. Halkaas ayaa lagu dhabarjebiyay laguna dhabarweeraray Shacbi dhan guulihii uu ka soo hoyay kifaaxa noloshiisa. Wax loo yaqaan Wareegto (circulars: Presidential, Ministerial, Departemental,etc,) ha ahaato mid madaxweyne, mid waziir, mid madaxda xafiiska, tu bakhaar hayaha, tu horjoogaha gaadiidka iyo wax la mid ah ayaa loo samaystay. Sharciyadii iyo xeerarkii Dalka lagu kala hagayay, oo ay soo saari jiren Barlamaanka iyo Hey'adaha kale ee Dastuuriga. Wareegtada ayaa noqotay mid wax walba lagu bannaysto oo wixii sharci adag ka yiilay looga tallaabsado. [Waa socotaa...] |
|
| Keenee gar daran? Si kastaba arintu ha ahaatee anoo garta soo aruurinaya ayaan qola walba doodoodii ku soo gaabiyey sidatan soo socota, haddaba gargoynta xaajadani waxay u taallaa ummadda Soomaaliyeed ee dhibanaha ah, sidaa darteed akhristow garo keennee gar leh keenneese gardaran?. Isaaq: waxaanu nahay dadkii Soomaalidaba u horseeday ilbaxnimada, calankii iyo xorriyaddii ugu horaysayna inagaa helnay, daacadnimo iyo soomaalinimo nagu jirta awgeedna intaan calankeennii la soo orodnay ayaan koonfurey idiin keenay idinkuna darsanay oo weliba idin siinay Madaxweynenimadii, magaala madaxdii, maamulkii, iyo wax kastoo dawladi lahaan jirtayba idinkoo weliba nagaga dambeeyey gumaysi. waxaase naxdin iyo muruga leh in taa naloo kaga abaal guday xabbad, xasuuq, dhac, boob, kufsi iyo kala cayrin, tiiyoo aysan Koonfuri noola kala harin, waar miyeynan ahayn in maanta nala ku maslexeeyo madaxweynenimo. Ogaadeen: waddankani la guban maayo waxaan ahayn xaq darrada iyo inkaarta nala ka galay, waxaannu nahay dadka mar walba u heellan difaaca iyo waardiyaha dalka, maadaama aan ku hareersanahay dalkoo dhan oon dacallada ku hayno waddamada deriska nala ah ee ay cilaaqda aan go'ini na dhex taal, waxaa lagama maarmaan ah inay xabbad kastaa inaga na soo ballayso. Tan kale waxaan nahay qabiilka ugu faraha weyn qabiilada marka la isku kaaya daro sidaa darteed tiradeenu waxay leedahay tayo wacan oo dhan walbaan dalka ka dhisnaa. Taa keliya maahee waxaanba nahay dadkii Soomaaliba aabbaha u ahaaye ee soo saaray, Sayid Maxa'd buu ahaa ninkii ugu horeey ee laga maqlo magac Soomaali weyn, nasiib darrase waxay noqotay in kolkii la gaaray mira dhalkii jihaadkiisii loo weeciyey faa'iidadii reer kale oon shaqaysan. Eegga waxa keliya ee meejatani ku degi kartaa iyadoo inaga nala ku xaal mariyo madaxweynenimada. Waa socotaa... |
| BOGGA 5AAD | |
||
|
|
|
Faahfaahin ku saabsan Kitaabkan: 1.Cinwaanka: Kitaabka Towxiidka(121 Bog) 2. Mowduuca: Tawxiidka. 3. Qoraaga: Sheekh Maxamad bin Cabdil wahhab. 4. Waxaa soomaaliyeeyay: Hersi M. Labagarre 5. Qiimaha: (US$ 10.00) oo aan boostadu ku jirin. |
| CASHARKA 26AAD WAXYAABIHII KU SOO AROORAY FALALLOWYAASHA IWM Muslim ayaa saxiixiisa kaga soo weriyay qaar haweentii Nabiga ka mid ah, in Nabigu nabadgelyo iyo naxariisi korkiisa ha ahaatee, yiri:"Qofkii faalshow u yimaada ee wax waydiiya oo rumaysta, afartan maalmood salaad lagama aqbalo". Abuu Hurayrana Allaha ka raalli noqdee, wuxuu Nabiga naxariisi korkiisa ha ahaatee ka soo weriyay in uu yiri:" Qofkii u yimaada falallow ee waxa uu leeyahay rumaysta, wuxuu ku kufriyay waxii muxamad nabadgelyo iyo naxariisi korkiisa ha ahaatee lagu soo dejiyay"{Abuu Daa'uud}. Cimraan Bin Xisiinna Allaha ka raalli noqdee wuxuu Nabiga ka sheegay in uu yiri:"Naga mid ma aha qofkii shimbiro ku saacsada ama loogu saacsho, ama faalsada ama loo faalsho, ama wax sixra ama loo sixro, qofkii falallow u yimaada ee rumaysta waxa uu leeyahayna wuu ku kufriyay wixii Muxamad, nabadgelyo iyo naxariisi korkiisa ha ahaatee, lagu soo dejiyay"{Al-bisaar, At-Tabaraani}. Waxaa Baqawi yiri: Falalllowgu waa midka sheeganaya in uu amuuraha ku yaqaanno hordhacyo uu raadraacayo si uu u ogaado waxyaabaha la xaday iyo meesha baadidu jirto iwm. Waxaa kale oo la yiri: Falallowgu waa Kaahinka laftiisa waana midka ka warrama waxyaabaha aan wali dhicin ee soo socda. Waxaa kale oo la yiri: waa midka waxyaabaha laabta ku jira ka warramaya. Abul Cabbaasna (Ibn Taymiyah), Falallowgu waa magac loo yaqaanno kaahinka iyo xiddigiyaha iyo faalshowga iwm, kuwaas oo sheegta in ay aqoon u leeyihiin amuuraha ayagoo hababkaas adeegsanaya. Ibn Cabbaasna wuxuu ka yiri, qaar qoraaya (AB, JD) oo xiddigaha eegaya "U malayn maayo qofkii waxyaabahaa sameeya in uu Eebbe agtiisa wax nasiib ah ku leeyahay". MAS'ALOOYINKA CASHARKA Tan 1aad: Waa in aysan kulmayn in falallow la rumaysto iyo in quraanka la aamino. Tan 2aad: Waa in la caddeeyay in (rumaysashada waxyaabahaas) ay kufri yihiin. Tan 3aad: Waa in la sheegay qofka loo faalsho. Tan 4aad: Waa in la sheegay qofka loo saacsho. Tan 5aad: Waa in la sheegay qofka wax loo sixro. Tan 6aad: Waa in la sheegay qofka barta (AB,JD). Tan 7aad: Waa in la sheegay waxa u dhexeeya Falallowga iyo saacshowga. |
| BOGGA 6AAD | |
||
|
|
|
|
| Qaybtii: 21aad LIBAAXII IYO DIBIGII Shitriba: anigu libaax la dagaali maayo, dabin nacayb si qarsoon iyo si cad toona ugu qooli maayo, sidii aan u ahaana iska geddin maayo intii wax aan ka cabsanayo xaggisa iiga imanayaan oo aan uga hortago. Kolkaas baa dimna nacbaystay hadalkiisa, oo ogaaday in haddii uusan libaax ku arag dibiga astaamihii uu u sheegay uu eedaynayo oo uu xumaato u malaynayo. Dimna: orod oo libaaxa u tag adiga ayaa marka uu kusoo eego garandoona waxa uu kaa doonayo e'. Shitriba: oo sidee baan ku garanayaa?. Dimna: waxaad arkidoontaa marka aad libaaxa u gasho asiga oo kadankooda, shafkiisana xaggaaga u soo taagaya indhahana xaggaaga u soo fayiigaya, dhegahana niibay afkana taagay bootinna u qaabsamaystay. Shitriba: haddii aan libaaxa astaamahaas ku arko waxaan ogaaday in aad run sheegtay. Kadib markii Dimna ka baxay isku dirkii libaaxa iyo dibiga ayuu Kaliila aaday, markii ay kulmeen ayaa Kaliila yiri: hawshii aad ku jirtay xaggee baay ku dhamaatay?. Dimna: si aan jecelahay adiguna aad jeceshahay in ay ku dhamaato bay ku dhawdahay. (Waa socotaa...) |
| BOGGA 7AAD | |
||
|
|
Khaliif Sh.
Maxamuud Siciid (1951-1982) |
|
| Qaybtii 4aad: Mas qaniinyo kama daalo iyo micida dhiigeeye Moxog nimaad u diirtiyo marduuf midad ku ceebeysoManaabaysay aadmiga kurtii meel u joogaba’e Raggii sharafka weyn kaa mudnaa mooddey cadawgaa e Gobannimo Isaaq muujiyoo waa markab adaage Maandeeq raggii dhaaliyey iyo miidu waa yaga’e Muxubbiga kalgaclkaan u qabowaa mid igu dheere Ingiriiska nimankii miraye moodharada saaray Mufsadka iyo gaalada raggii mariyey gaaleefta Maqruum kuma sifeyseen haddaan maanku kaa tegine Maskaxdii nin yari cayda waysaga muraadaaye | Ogaadeenka aad maagtay iyo midabtakoorkaaga Ma oggoli Dhulbahantaa ku diley oo ku mowtiyaye Mutukhnaanta iyo waa nebcahay keli maqiiqnoowe Inkastoo milxiis iyo nin xumi nagu dhex meeraayo Muslimka haygu dirin wadajirkaa lagu macayshaaye Masallaha dhulkiyo ciiddu waa mahudhadaadiiye Meermeerka iyo guuldarrada kugu madoobaatey Waxba muujinmeyside cidlaa malandahysaaye Mar haddaad Amxaar mirirle iyomooriflaha raacday Mingistiyo dirkiisaad tahaye hay maxooliyine Magacaa ba’yaye ma adigaa ila Majeerteena (Waa socotaa...) |
|
|
| Qaybtii 10aad 91. Doqoni dib bay isu canaanataa. 92. Dantaada adigaa ku nool ee ayadu kuguma noola. 93. Dad nin u taliyay iyo nin tuugay baa yaqaan. 94. Daad inta uusan kugu imaan baa la iska moosaa. 95. Deb iyo dowladba loo ma dhawaado. | 96. Dameer hadduu soonqaad soomo waa dameer saalix ah, laakiin asigu waa uun dameer. 97. Doonni buuxdaba bad lagaga teg. 98. Doqoni hoosiis bay hadh moodaa. 99. Doqoni haddii la xifaalootamayo in la kala tegayo bay mooddaa. 100. Doqoni xarkaha lagu xirayo xusuladay ku sidataa. |
| BOGGA 8AAD | |
||
|
|
|
|
| 1.Cajalado iib ah (a). Aasaaska Barashada Afka Carabiga: Waa duruus kuugu kaal maynaysa sidii aad u xoojin lahayd afka carabiga, oo ku duuban shan cajaladood. Qiimaha: (hal cajalad = US$10.00) oo aan qarashka boostadu ku jirin. (b). Cajalado Dikri iyo Nabi ammaan ah: Waa nabi ammaan cod aad u qurux badan lagu qaadayo, oo ku xasuusin doona habkii wadaaddadii hore ee soomaalidu diinta u fahmeen. Qiimaha: Halkii xabbo (US$10.00) oo aan boostadu ku jirin. | 2. Buugaag iib ah (a).Cinwaanka: as-salafiyah al-wahhabiya, bayna mu'ayidiha wa muntaqidiha(187 bog). Mowduuca: Waa kitaab af carabi ku qoran oo ka sheekaynaya taariikhda xarakadii Sheekh Maxamad Bin Cabdil wahhab. Qoraaga: Hersi M. Labagarre Madbacadda: Bruneio Printers 1996. Qiimaha: (US$ 15.00) oo aan boostadu ku jirin. (b). Al-caqidah al taxawiyah (tarjamada afsomaliga) Qiimaha:US$ 5.00 oo aan boostadu ku jirin. |
| MA U BAAHANTAHAY IN LAGAA CAAWIYO SAMAYNTA HOME PAGE ADIGA KUU GAAR AH? Haddii jawaabtu (haaaaaaa) tahay fadlan nala soo xiriir, idaarada wargayskan waxay heegan u tahay in ay kaa caawiso qoridda (home page-kaaga gaarka kuu ah) iyo sidii aad u fidin lahayd figradahaaga qiimaha leh. Sidoo kale waxaan heegan u nahay in aan kaa caawinno xayaysiinta Ururkaaga, Sharikaddaada, Home Page-kaaga, badeecadaada iyo khadamaadkaaga intaba. |
|
|
|
|
| XISAABTA MA KU LIIDATAA? Ma u baahantahay qof kaa caawiya maaddada xisaabta? si aad u yeelato aqoon xagga xisaabta ah oo kalsooni buuxda kaa siida, xisaabta aad u baahantahay maalin kasta. Tusaale ahaan: (Everyday Mathematics, an introduction to geometry, an introduction to statistics, averages, introduction to algebra iyo qaar kale), haddii aad xiisaynayso mowduucan waxaad qaadan kartaa toddobaad kasta duruus lagugu siiyo af ingriis (by email) laguuguna sharxo af soomaali, haddaba fadlan la soo xiriir idaarada wargayskan. |
|
|
|
|
|
|
|
|
|
|
|
|
|
|
|
|
|
|
|
|
|
