Секако,треба да спомнеме дека картичката ги подржува и останатите Windows оперативни системи. Кога картичката правилно ќе ја вметнете во PCI слотот и ќе го стартувате компјутерот, Windows-от ќе ви пријави нов уред поточно мрежен адаптер.Да не ве збунува тоа, таа поточно и е предвидена за работа како мрежен адаптер. Во делот на Device Manager од Windows-от ќе имате ситуација како на следната слика.Потоа е потребно да се стави CD-то што сте го добиле со картичката за да Windows-от ги превземе потребните драјвери.Со картичката одат драјвери со верзија 4.22 која е и неопходна, па ако имате постара верзија можете да го посетите сајтот на TechniSat и да ги превземете  најновите драјвери од линкот Support.

По инсталацијата на картичката и драјверите,потребно е да го инсталирате и софтверот на Technisat од CD-то. Пронајдете го Setup фајлот и покренете го. Инсталацијата е мошне кратка и не бара никакви подесувања. По инсталацијата на софтверот Windows-от ќе се рестартира. При поновото стартирање на Windows-от, во System Tray ќе имате иконка како на следната слика. Ако иконката е во зелена боја значи дека има сигнал, а ако е црвена нема сигнал. Меѓутоа иконката понекогаш знае и да поцрвени и кога има сигнал, така да тоа и нее некој меродавен показател.

Следно што треба да направите е скенирање на сателит. Во менито Channel list --> Channel search ќе го имате името на сателитот кој претходно сте го одбрале, и изберете го. Скенирањето на околу 90 транспондери ќе започне и нема да трае многу долго ,за разлика од кај оргиналниот софтвер на Technisat на кој му е потребно и еден час за целосно скенирање. ProgDVB тоа го прави за 5-6 минути.

По скенирањето на сателитот ќе ви се појави листа на канали во левиот дел, поделени според имињата на провајдерите. Споменатата листа можете да ја едитирате на различни начини. Во менито Channel list ја имате и опцијата Filter, за да одеднаш ги покажете Data каналите или радио каналите или слично. Исто така ако претиснете со десен клик на листата и изберете Channel Properties, ќе ви се понуди можност за подредување на каналите според тип, сателит, провајдер транспондер и сл.

Можеби најдобра варијанта е да ја симнете најновата листа на канали (од MontSAT и сл.) и целиот директориум Channels распакувајте го во C:/ProgDVB. Некодираните канали се означени со зелена боја додека кодираните се со црвена боја.

За следење на телетекст постои телетекст модул. Распакувајте го фајлот и ископирајте го во поддиректориумот Modules. Во менито покрај опциите EPG и Schedule ќе имате и Teletext. Teletext се отвара во посебен прозор. Ако каналот нема телетекст ќе добиете порака. Кога телетекстот ќе ги вчита сите страници т.е ги искешира, со едноставно претискање на бројот на саканата страна на нумеричката тастатура се доваѓа до саканиот телетекст. За движење низ страниците и подстраниците се користат и курсурските копчиња од тастатурата. Телетекст странисите можат и да се снимат, со претискање на десниот клик во телетекст прозорот и со избор на понудените опции. Значи сите модули ставајте ги во спомнатиот директориум, и внимавајте да не се направи некој конфликт помеѓу поедини .dll фајлови. Користите само еден SoftCAM фајл, значи ви предлагам MDYankse. Постои уште еден но помалку ефикасен, кога и тој ќе го ставите во директориумот ProgDVB јавува грешка. Во директориумот можете да вметнете нпр. .dll фајл за AC3 звук, DiSEqC мотор… Кога ќе вметнете DiSEqC .dll во менито Plugins ќе ви се појави нова опција DiSEqC, со подопциите Setup, Dirve, итн. Овде се подесува лимитот на антената,позицијата и сл.

А што се може да се отвори? Се што отвара Humaxom 5400 може да отвори и оваа картичка: Irdeto 1, Betacrypt, Viaccess 1, TPSCrypt, Seca 1, Nagravision, Conax и нешто од поновите генерации на кодирања. Софтверот нема никакви проблеми ни со Multivision каналите ни со Stream.

Да завршиме со листата на канали кои можат да се следат на HotBird сателитот. Ќе ги наброиме само кодираните канали по транспондери, FTA каналите нема смисла да ги набројуваме бидејки се многу.

Како што можете да видите се отвара се што и моментално отварат стандардните ресивери. Ова е листа на канали само за HotBird позицијата, што се однесува за  Astrа и тука ситуацијата е добра, комплетен Premiere пакет, холандските ORF, ABSat, MTV пакетот, францускиот пакет CSF со голем број на канали, TBS... практично се што може да се отвори со пиратските картички може и со SkyStar2 PC картичката, но според мене на многу поедноставен начин.

Проблем представува Premiere пакетот за нашето поднебје поради слабиот сигнал. Пример при сигнал од 60% за RTL каналот, Premiere пакетот воопшто нема сигнал, потребна е антена со минимум 1.20м пречник и тоа многу прецизно подесена за следење на Premiere пакетот. Слична е ситуацијата и со Stream пакетот кај кој максимално добивме од 40-60% сигнал, што е доволно за квалитетна слика без пикселизација.