يتم إضافة الخواطر الجديده في .. نهاية الصفحه

اخترناااااااك

اخترناك .. اخترناك ..
وعلى فلوسنا استـئمناك
اخترناك .. اخترناك ..
وبكل حياتنا احنا فديناك
اخترناك .. اخترناك
ومن أول عهدك صناك
اخترناك .. اخترناك
وبعد ده كله استحملناك

وده تطفيش .. مش هنعيش
طول ما سيادتك راكب فوق
كلت فلوسنا و حق ولادنا
وحقوق أجيال جايه وراك
وعلشان كده برضه اخترناك

لا بتحمينا ولا ترسينا
ولا يوم حتى جيت تدينا
من اكل بلدنا و ورزق ولادنا
جوعتنا منك لله
وبرضه يا سيدنا احنا اخترناك

وليك كتاكيت ربنا يحميهم
نهبوا بلدنا .. يختى عليهم
لكن هما اللي هييجوا بعدك
ما انت اكيد راح توفي بوعدك
وعلشان كده إحنا اخترناك

 

يوم إسود

شفت بعيني محدش قالى
يوم في سواده محروق
ست هدوما بتتقطع
والباشا سعادته بيتنطع
ويقول للبغل اللي بيضرب
خلوها ازاي تعرف تسكت
تتظاهر لو عايزه بذوق
والست يا عيني بتتبهدل
والكل عليها مدلوق
اشي يضرب و التاني بينهش
في العرض المصرى .. و بيدوق
رجاله شنباتها بتتعايق
واقفه بتتفرج بهدوء
ما النخوه خلاص هجت منها
ويقولك اصل انا مخنوق
ملعونه دي عيشه يا رجاله
رجاله ايه .. دنتوا **** !!!

 

النشيد الوطني المصري .. المعدّل

كفايه كفايه كفايه
خلاص زهقنا من الحكايه

مصر يا ام البلاد
بينهشوا فيكي الكلاب
و انتشر فيكي الفساد
ولادك احنا هنقول كفايه

كفايه كفايه كفايه
خلاص زهقنا من الحكايه

حسني باعك .. للامريكان
وإدّى اليهود على ارضك امان
بيبرطعوا .. فيها من زمان
واحنا جينا نقول كفايه

كفايه كفايه كفايه
خلاص زهقنا من الحكايه

ليه يا شعب انت ساكت عليه
وسكوتك انت .. مهوّن عليه
من ارضنا ملى جيبه و ايديه
خلاص ياحسني بنقول كفايه

كفايه كفايه كفايه
خلاص زهقنا من الحكايه

يالا بينا نزيح اللي خان
و سابنا لعبه للامريكان
خلاص يا ريس .. الوقت حان
خلاص زهقنا من الولايه

كفايه كفايه كفايه
خلاص زهقنا من الحكايه

سرقتوا خيرها و بعتوها ليه
وسبتوا شعبها .. يبكي عليه
كفايه نهب في حقّه يا بيه
خلاص يا باشا .. بنقول كفاااايه

 

أكيد في مصر

لما تلاقي الريس مادد ايده
على خير بلدنا و فاكرنا عبيده

الشعب ساكت بريء .. وفي وشه احساس بضيق
لسه قابض يوميته النهارده ..
وبينده وسط الطريق .. و يقول يا ربي
ازاي انا راح اربي .. اولادي بكام ملطووووش
و يقول يارب تاخدني العصر ..

يبقى انت اكيد يا واد في مصر
صدقني اكيد .. اكيد في مصر ..

لما تلاقي الحواري كلها .. بانجو و حشيش
وفي كل بيت تلاقي مريض نفسه يعيش ..
هنا في بلدنا الدوا .. ملهوش وجود ..
ولو تقول علاج .. مفيش .. غير الوعود ..
ده كلام فاضي .. وكله فشر ..
ويبقى انت اكيد .. اكيد في مصر ..

لما تلاقي في اهلك .. كل يوم بيموت شهيد ..
سرطان بيحاصره .. وفي كل يوم النار تزيد ..
وتسكن بيت بسيط .. والحاشيه في قصر ..
والخير وياهم .. ملوش حصر ..
وتسكن بيت بسيط .. والحاشيه في قصر ..
والخير في كروشهم .. مااااالوش حصر ..
يبقى انت اكيد .. اكيد في مصر ....
 

طنطاويـــــــــات
على خطى رباعيات الفذّ / صلاح جاهين

 

 ياللي زرعتوا في بلدنا سموم
 تقتل ولادنا ، تملى يومنا هموم
 سرطان و داير في بيوتنا ساطور
 والشر دايم طول ما والي يدوم
 وعجبي ..

 قالو كفايه يا عم حكمك عدم
 ماعاد في بيتنا الا دمع و الم
 مبقاش في جيبنا غير خروم و ديون
 رد الخسيس وباعنا من غير ندم
 وعجبي ..

 ليه يابلد .. فيكي الحرامي كبير
 ينهش في عرضك .. لبسه كله حرير
 مقلباتي في قرض ولا  في شركه
 وان يوم حاسبته يا مصر بره يطير
 وعجبي ..

 قالوا جمال راح يورث العزبه
 فلوس كتير و شعب فالحسبه
 واحنا يا خلق بقينا ولا نسوى
 ما الشعب شعب ابوه و هوّه ليه نسبه 
 وعجبي ..

وحوي يا وحوي ..
ايوووحه ..
احنا يا مصرنا ..
جينا كلنا ..
وحوي يا وحوي ..
ليه يا حسني كدا ..
سارق رزقنا ..
وحوي يا وحوي ..
وجمال البيه ..
على قلبنا ليه ..
وحوي يا وحوي ..
والشاذلي كمان ..
زادنا حرمان ..
وحوي يا وحوي ..
والعادلي شديد ..
والخنقه تزيد ..
وحوي يا وحوي ..
و سياده الوالي ..
قتلي ولادي ..
وحوي يا وحوي ..

                                                  رمضـــان 1426 هـ

جديد  وطنـيــــّـــــــات طنطاويه  جديد
( بسم الله .. الله أكبر - وطني الأكبر - قوم يا مصري - إرمي حمولك عليه )

بسم الله .. الله اكبر .. بسم الله بسم الله ..
بسم الله .. أدن وكبر .. بسم الله بسم الله ..

الريس باعنا .. بسم الله بسم الله ..
والعادلي حبسنا .. بسم الله بسم الله ..
والشاذلي سرقنا .. بسم الله بسم الله ..
والوالي قتلنا .. بسم الله بسم الله ..
والباقي نهشنا .. بسم الله بسم الله ..

الله أكبر .. أدن وكبر ..
وقول يارب .. الغمّـه ترحل ..
الله أكبر .. أدن وكبر ..
وقول يارب .. الشلـّـه ترحل ..

دولا مين و دولا مين ... دولا  عصابه  حرميين
دولا مين و دولا مين .. دولا  شلة  نصابيين

وطني حبيبي .. وطني إتـــأجر ..
يوم ورا يوم .. و ديونه بتكـتر ..

وانكساراته .. ماليه حياته ..
وطني بيرخص .. و بيـُـستعمر ..
وطني .. وطني ..

وطني يا غالي وليك نضالاتك ..
جم حراميه و سرقوا ولادك ..

خرَبـوا علينا و خدوا ملاييين ..
قتلوا ولادنا و تاجروا ف قوتنا ..

كابسين على نفسي ..  و سمّـيين بدني ..
ولا سيـبـيـني حتى أغـني ..

مبقـتش الكلمه .. بتطلع ليه ..
زمن الحريه .. أخدوه ليه ..
وطني حبيبي .. يا وطني يا مصري ..
 

قوم يا مصري .. مصر بلدك بتناديك
قوم و صلـّـي .. نصر ربك , نصر ليك

سبت حسني .. يـبوس إيدين الامريكان
ليه يا مصري .. نخوتــَـك خدها الزمان

العادلي جالك .. ساب لجامك للكلاب
كل كلمه تقولها .. تــاخدك للعذاب

ليه يا والي .. تسمنـّـا .. إيه اللي جالك
اللي مات .. فادك بإيه ؟ .. زودت مالك

ليه يا شاذلي .. كبست على نفس الشباب
مال بلادنا .. ليه نهبته .. بدون حساب

اهراماتـِـك .. باعها نافع و الدليل
ملياراته .. و القصور ملهاش مثيل

حتى فـنـّـك .. مسرحك .. بقى فيكي نار
الحريق .. اخد الحبايب .. ساب مرار

و الـدوا .. في بلادنا ليه .. ملهوش وجود
حتى مرضي .. تاجروا فيه ..  من غير حدود

ليه يا أزهر .. كلمتك .. بعتوها ليه ؟
الحرام قلبوه حلال .. ساكتين عليه ..

قوم يا مصري .. مصر دايما بتـنـاديك
إلحَـقْ اللـّي .. باقي من حقك .. و ليـك

إرمي حمولك عليه ..
ما هي ناقصه يا مصر , هيه ..
يا مصر يللي خدوكي ..
ليهم .. عزبه و تكيه ..

يا أرض الخير مليكي ..
الريس .. قام شاريكي ..
وصبحتي يا مصر لعبه ..
ف إيديه .. و هيضحي بيكي ..

يا مصر يا حته مني ..
دلوقتي راح أكون لغيرك ..
راح أسيبك غصب عني ..
م العادلي .. طفحـّـني خيرك ..

و إرمي .. حمولك عليه ..
ما هي ناقصه يا مصر هيه ..

                  
                                       طنطاوي .. نوفمبر / 2005 م