日記簿~~~4
03/03/2002
今晚放工..我去左旺角搵Vivian..啦...佢個朋友仔..又有好笑野..
我同Vivian仲有佢一齊等的士..等左好耐..先有一架..的士喎..
佢原本諗住同Vivian..一齊搭車走既..但係佢一見有的士停左..
佢即刻上左車喎...跟住我又好順手咁幫佢...關買道門啦....點知架
的士即走喎...佢原本以為自己可以同vivian一齊走架嗎...但係...
佢係車度用d好無奈既眼神望住我地..我果陣仲要同佢擺手講byeｂｙｅ
跟住當然係笑到我地二個坐左係個地下啦．
02/03/2002
今日有二位客人(一個係佢,另一個係佢個朋友仔)佢地來我屋企
睇...數碼暴龍大電影...老番來架! 哈哈...但係呢..睇左一陣..佢就
想訓覺喎...於是佢個朋友仔...就度玩下icq, check下e-mail啦...原本
我個keyboard度..有d鍵既顏色...唔見左喎..咁佢個朋友仔..又話...
唉呀..我搵唔到字母打呀....跟住佢又用支紅筆係 我個keyboard度
寫返晒d..英文字上去..啦....咁佢又真係幾叻下既..識得咁諗...但係
佢打完野之後..發覺自己手指變左紅色者..哈哈...
01/03/2002
靚妹呀..直至今日我好似好耐未見過你架啦..好掛住你噢~~
考試考好d呀..唔好唔識呀...ok!?
28/02/2002
今日上個 IT堂果陣..我同阿亮一齊返到課室啦,坐低冇幾耐
喎..個先生唔知發乜顛. 望住我同亮呢邊..講話你唔好再傾計呀~!
我都冇傾到計,凈係打橫坐係度咋嗎...過多一陣佢又叫我唔好傾計喎..
大佬..我又冇出過聲...你話我二次算乜先!!! (果陣我已經好鬼興架啦)
落堂個死仆街仲要同我講..你下次上堂唔好再傾計..呀!
唉...呢d咁既阿sir..正一仆街來架...
25/02/2002
今日睇左怪獸公司..哈哈..好鬼攪笑.最攪野係果d ng
笑到我死.仲有雀仔果度...d雀仔好似同我睇戲果個人 (~_~)
22/02/2002
今日又上左去同粱小姐...傾機價既問題...我覺得公司
係時候要重新分配一下資源啦...一定要定下一d公司
既policy..係大家都要去尊守既...聽日終於可以搵到人
陪我去睇戲啦..好開心....
21/02/2002
唉呀....呢幾日...成日都係去黃金度check d價錢...
好鬼悶呀..真係好想去睇下戲...唱下k..咁呀 -_-
20/02/2002
攪笑..今日竟然俾人叫我做哥哥Tim...哈哈...
乜史提芬呢個名真係好難叫咩..!? 奇怪 ~_~
