Site hosted by Angelfire.com: Build your free website today!

AKTUALITETE KOSOVARE NE MILENIUMIN E RI

Lajmet-ARKIVI 2002

Vistër lajmesh-marrë nga agjencitë e ndryshme informative shqiptare dhe botërore.

www.ereniku.cjb.net
E marte 31 dhjetor 2002

Mesazh i Presidentit Rugova drejtuar qytetarëve të Kosovës për Vitin e Ri 2003
Prishtinë, 30 dhjeor 2002 - Presidenti i Kosovës Dr.Ibrahim Rugova, me rastin e Vitit të Ri 2003, u ka drejtuar qytetarëve të Kosovës një mesazh, me këtë përmbajtje.
"Qytetarë të nderuar të Kosovës,
zonja dhe zotërinj,
Në këtë natë gëzimi të Vitit të Ri, Ju shpreh urimet e mia të përzemërta me dëshirat më të mira për mirëqenien e lumturinë Tuaj dhe të familjeve Tuaja.
Viti që po lëmë mbas ishte një vit i progresit të gjithanshëm për vendin tonë. Ishte një vit i funksionimit dhe i punës së frytshme të Institucioneve shtetërore të Kosovës: Presidentiti, Kuvendit dhe Qeverisë. Po ashtu gjatë këtij viti u mbajtën zgjedhjet e dyta lokale me mandat katërvjeçar që Kosovën e shpiejnë në jetën e rregullt demokratike. Kështu u plotësua struktura institucionale e Kosovës në të gjitha nivelet.
Gjithsesi gjatë vitit që po lëmë pas u shtua gjendja e sigurisë së Kosovës dhe e sigurisë të të gjithë qytetarëve.
Në planin ekonomik patëm edhe një vit të ngritjes të sektorit privat që sot përbën gjysmën e ekonomisë së Kosovës. Njëherësh arritëm sukses edhe në konsolidimin e jetës sociale për të gjithë qytetarët. Po ashtu sukses shënuam edhe në integrimin e grupeve etnike, minoriteteve.
Zonja dhe zotërinj,
Në përmbyllje të këtij viti e përuruam Shtëpinë e Pavarësisë së Kosovës, që është pjesë e progresit tonë.
Pra ishte edhe një vit i frytshëm i lirisë. Ishte një vit i afirmimit më të madh të kërkesës së popullit për njohjen formale të Pavarësisë së Kosovës.
Zonja dhe zotërinj,
Viti në të cilin po hyjmë do të jetë vit i një progresi më të madh dhe të konsoliduar në të gjitha fushat e jetës në të mirë të të gjithëve.
Do të punojmë intensivisht me miqtë tanë për njohjen sa më të shpejtë formale të Pavarësisë së Kosovës. Pra që të kemi Kosovën të pavarur e demokratike të integruar në NATO, në BE dhe në miqësi të përhershme me SHBA. Kjo do të qetësonte popullin e Kosovës dhe do të hapte perspektivë për shpejtimin e proceseve demokratike e ekonomike të vendit tonë.
Do të punojmë në konsolidimin e mëtejshëm të sigurisë dhe të stabilitetit politik. Objektiva tona të përbashkëta janë: zhvillimi ekonomik, privatizimi, investimet dhe krijimi i vendeve të reja të punës për të rinjtë e Kosovës. Do të punojmë për krijimin e një baze ligjore për privatizimin dhe ringjalljen e ekonomisë. Sektori privat do të ketë përkrahjen tonë në të gjitha fushat.
Në planin e integrimit të grupeve etnike, minoriteteve do të konsolidojmë një proces të hapur të integrimit. Kjo ka për qëllim që të krijojmë një shoqëri të tolerancës, të mirëkuptimit dhe të prosperitetit për të gjithë.
Gjatë vitit që po vjen do të punojmë në hapjen e zyrave diplomatike në vende të Europës në bashkëpunim me UNMIK-un, që të sigurojmë përfaqësimin e interesave të Kosovës. Në këtë drejtim në vitin që po lëmë pas bëmë hapin e parë me emërimin e Senatorit Dol, Ambasador Nderi në SHBA.
Po ashtu do të ndërtojmë marrëdhënie të mira me të gjithë fqinjtë tanë.
Po ashtu do të punojmë për afirmimin dhe formalizimin e shenjave dhe simboleve shtetërore të Kosovës në konsultim me të gjitha institucionet dhe popullin e vendit tonë.
Një punë të veçantë do të bëjmë në bartjen graduale të kompetencave te institucionet e Kosovës në bashkëpunim të ngushtë me UNMIK-un dhe të gjejmë forma më produktive të veprimit të përbashkët që të shpejtojmë më shumë progresin e Kosovës.
Qytetarë të nderuar,
Në këto momente gëzimi i përkujtojmë me krenari të gjithë ata që ranë për lirinë, pavarësinë dhe demokracinë e Kosovës, për të mirën tonë. Do të shpejtojmë procesin e ndriçimit të fatit të të zhdukurve në vitin që po vjen.
Zonja dhe Zotërinj,
Në këtë natë gëzimi urime të përzemërta i shprehim UNMIK-ut, OSBE-së dhe komandantëve e ushtarëve të KFOR-it, NATO-s që po bëjnë mbrojtjen dhe sigurinë e Kosovës. Urime të sinqerta u shprehim përfaqësive diplomatike në kryeqytetin e Kosovës, në Prishtinë.
Po ashtu urime të sinqerta u shprehim organizatave joqeveritare ndërkombëtare në Kosovë.
Njëherësh urime të përzemërta u shprehim përfaqësive dhe institucioneve financiare në Prishtinë që po kontribuojnë në zhvillimin ekonomik dhe në perspektivën e Kosovës.
Zonja dhe Zotërinj,
Në këtë natë gëzimi, u shprehim urime nga zemra kosovarëve në botën e jashtme në SHBA, në vendet e Evropës dhe në vende të tjera që po ndihmojnë progresin e Kosovës.
Zonja dhe zotërinj,
Në këtë natë gëzimi urime të përzemërta për Vitin e Ri i bëjmë Presidentit Bush, Kryeministrit Bler, Presidentit Shirak, Kancelarit Shrëder dhe Kryeministrit Berluskoni, që po përkrahin konsolidimin e Kosovës.
Urim të veçantë i dërgojmë Atit të Shenjtë Papa Gjon Pali II, që gjithmonë lutet për Kosovën.
Qytetarë të dashur,
Në këtë natë gëzimi t'i ndajmë së bashku dëshirat, synimet dhe veprimet për një Kosovë më të pasur, më të fortë dhe më të bukur. Dhashtë Zoti që Vitin tjetër të Ri, ta presim me realizimin e njohjes formale të Pavarësisë së vendit tonë të shtrenjtë.
Me fat Viti i Ri 2003!
Gëzuar!
Zoti Ju bekoftë!
Zoti e bekoftë Kosovën tonë të dashur!", thuhet në fund të mesazhit të Presidentit të Kosovës, Dr. Ibrahim Rugova, drejtuar qytetarëve të Kosovës, me rastin e Vitit të Ri 2003.

Sonte në Prishtinë, në sheshin "Skënderbeu", organizohet një koncert i madh festiv
Prishtinë, 31 janar 2002 - Sonte në Prishtinë, në sheshin "Skënderbeu", në natën e ndërrimit të motmoteve, Kuvendi Komunal i Kryeqytetit dhe TV "Kohavision" organizojnë një koncert të madh festiv, i cili do të fillojë në orën 22.00. Në këtë koncert do të marrin pjesë me një program të zgjedhur për të rinj grupet e njohura rok e rep të Kosovës. Për pjesëmarrësit janë përgatitur 1000 litra verë që do t'u jipen falas.
Ndërkaq transmetimi direkt televiziv fillon në orën 23.00 dhe do ta zgjasë deri në orët e vona.
Pikërisht në orën 24.00 Prishtina e Tirana përmes një ekrani të madh të vendosur para Teatrit Kombëtar do të lidhen drejtpërdrejt për të parë atmosferën festive në të dy kryeqytetet.
Përndryshe sheshi "Skënderbeu" dhe rruga "Nëna Tereze" e kryeqytetit të Kosovës është stolisur enkas me petkun festiv në pritje të Vitit të Ri 2003.

Masar Krasniqi, një shqiptar nga Kosova, është nderuar me Çmimin e Mbretëreshës në Zelandën e Re
Auklend, 31 dhjetor 2002 - Masar Krasniqi, një shqiptar nga Kosova, është nderuar me Çmimin e Mbretëreshës, një çmim ky i lartë që u jepet njerëzve të shquar në Zelandën e Re për merita të veçanta.
Gazeta më e madhe e Zelandës së Re "The New Zealand Herald"(NZH) shkruan në numrin e sotëm se Masar Krasniqi ka emigruar para gjysmë shekulli në skajin më të largët të rruzullit- "fundin e botës" në Zelandën e Re. Ky çmim i lartë u jepet njerëzve të shquar në këtë vend për merita të veçanta të cilat i kontribojnë mirëqënies dhe ardhmërisë së Zelandës së Re.
Zotin Masar Krasniqi e thërrasin në Zelandën e Re "babai" i komunitetit dhe i palodhuri duke punuar me të drejtat e refugjatëve është nderuar me Çmimin e Mbretëreshës për Shërbim në Komunitet, citon gazeta në fillim të shkrimit.
Gazeta vazhdon duke shkruar se kur zoti Krasniqi mbrriti para 50 vjetëve në New Zealand(Zelandën e Re) ishte një azilant politik i rëndomotë si gjithë azilantët kur fillojn "aventurën" me rrugët e kurbetit. Pra një emigrant cili s'kishte asgjë tjetër veç rrobave të trupit dhe një emigrati të shkatërruar.
Këtë çmim i cili është nderi më i lartë që i bëhet një qytetari në Zelandën e Re për çdo vit të ri dhe akordohet nga Mbretëresha.

Presidenti maqedonas thotë se shënimi i vijës kufitare me Kosovën është një çështje shumë e rëndësishme për Maqedoninë

Shkup, 31 dhjetor 2002 - Presidenti maqedonas Boris Trajkovski thotë se shënimi i vijës kufitare me Kosovën është një çështje shumë e rëndësishme për Maqedoninë. Trahjkovski thotë se pikënisja për fillimin e ndonjë bisedimi për këtë çështje nga ana juridike është jolegjitime, ngase Maqedonia, sipas tij ka dokumentin valid. Sipas tij kjo marrëveshje është e njohur edhe ndërkombëtarisht.

E enjte, 26 dhjetor, 2002

Kina dëshiron zyre në Kosovë

Prishtinë - 26 dhjetor 2002 - Anëtari i Kryesisë së Kuvendit të Kosovës, Hydajet Hyseni, priti një delegacion nga Ambasada e Kinës në Beograd, Pan Hejun, konzull, Jiang Wei, atashe dhe Chi Ling Jun – sekretar i parë në ambasadën kineze në Beograd, njofton zyra për shtyp e Kuvendit.
Interesimi i mysafirëve u përqëndrua në zhvillimet e fundit në institucionet e Kosovës, pastaj në angazhimin e UNMIK-ut si dhe në zhvillimin ekonomik të vendit tonë. Hydajet Hyseni njoftoi mysafirët edhe me punën e Kuvendit, me përbërjen e tij, me grupet parlamentare si dhe institucionet e vetëqeverisjes në Kosovë.
Zhvillimet shoqërore e politike të Kosovës së pasluftës ishin temë boshte e diskutimeve, ndërkaq duke marrë parasysh pasurinë e vendit tonë me resurse ekonomike dhe duke theksuar domosdoshmërinë e investimeve në Kosovë, të dy palët konstatuan se në interes të përbashkët do të ishte hapja e zyrës kineze ne Kosovë si dhe investimet, në mënyrë që edhe Kina të ndihmojë në procesin e rimëkëmbjes ekomonike të vendit tonë.

Serbët e Kosovës bëjnë marrëveshje me Gjingjiqin

Prishtinë, 26 dhjetor, 2002 - Kryeministri i Serbisë, Zoran Gjingjiq dhe përfaqësuesit politikë të serbëve të Kosovës të mërkuren e arritën marrëveshjen për hartimin e strategjisë së përbashkët për përmirësimin e kushteve të sigurisë për bashkësinë kombëtare serbe. Siupas mesiave serbe, Gjingjiq pas mbledhjes me peshkopin e Rashkës dhe Prizrenit Artemijen dhe deputetët e koalicionit "Kthimi" Rada Trajkoviqin, Oliver Ivanoviqn dhe Gojko Saviqin dhe kryetarin e KNS të Kosovës, Milan Ivanoviqin tha se "hapi i parë më i rëndësishëm i ardhshëm është të formohen qeverisjet vendore të popullit serb, para se gjithashë në komunat ku janë shumicë, ose në vendndodhjet ku e paraqesin shumicën, e pastaj t'i ndërtojnë strukturat e veta të cilat do të jenë mjaft të fuqishme dhe efikase që t'i mbrojnë të drejtat themelore, duke pritur me të drejtë që atëherë nga ato struktuar lokale të krijohen format më serioze të organizimit, përafqësimit politik dhe mbrojtjes së popullit serb", tha Gjingjiq. Në mbledhje ka marrë pjesë edhe shefi i qendrës serbe për Kosovën, Nebojsha Çoviq

Kosovarët të ndarë mes mediave elektronike dhe atyre të shkruara
PRISHTINË Prishtinë, 26 dhjetor 2002 - Qytetarët e Kosovës preferojnë më shumë mediat elektronike se ato të shkruara për t'u njoftuar me ngjarjet që ndodhin në vend, ndërsa nga ana tjetër në të shumtën e rasteve nuk janë të kënaqur dhe shprehin dyshim në raportimet e mediave, sipas një ankete që ka zhvilluar KosovaLive me qytetarë.

Faruk Ramadani u shpall boksieri më i mirë për këtë vit
Prishtinë, 26 dhjetor 2002 - Faruk Ramadani boksier i Klubit "Kastrioti" të Ferizajit, me të gjithë meqet e fituara, pa asnjë humbje, u shpall si boksieri më i mirë i Kosovës për këtë vit. Ndërkaq, si trajner më i mirë u shpall Afrim Majanci nga Klubi i boksit "Prishtina", ekip ky që u shpall edhe si më i miri për këtë vit.

Ali Ahmeti: Lufta në Maqedoni ka përfunduar

Tetovë - 26 dhjetor, 2002 - "Lufta në Republikën e Maqedonisë ka përfunduar dhe me këtë është mbyllur një kapitull i tërësishëm në historinë e saj. Paralajmërime për ndonjë ofensivë të re për të drejtat e shqiptarëve ka pasur edhe në të kaluarën, por me to vetëm terrorizohet popullata", deklaroi kryetari i Bashkimit Demokratik për Integrim, Ali Ahmeti në pres-konferencën e sotme në Reçicë të Vogël. Sipas tij, "nuk ka shkaqe për konflikt të ri dhe nuk ka arsye që shqiptarët përsëri të luftojnë". Ata, tha ai, nuk kërkojnë kufinj të ri, sepse nuk kanë ku të vendosen. "Ne jemi në shekullin 21 dhe nëse ekzistojnë probleme dhe mosmarrëveshje, ato duhet të shqyrtohen dhe pastaj të zgjidhen", tha Ali Ahmeti. Ahmeti e dënoi sulmin e djeshëm para gjimnazit në Kumanovë "Goce Dellçev", ku një person e humbi jetën, ndërsa pesë u lënduan, dhe kërkoi që këtë ta bëjnë jo vetëm partitë politike, por të gjithë qytetarët e Maqedonisë. Sipas tij, organet hetuese duhet të vërtetojnë nëse incidenti i djeshëm është akt terrorist ose akt kriminel.

E marte, 24 dhjetor, 2002

Komandanti i TMK-së, Çeku: 2003, viti kur kosovarët do të jenë zotë në shtëpinë e tyre

PRISHTINE, 24 dhjetor 2002 - Në prag të ndërrimit të viteve, komandanti i Trupave Mbrojtëse të Kosovës, gjeneral-lejtnant Agim Çeku e vlerësoi pozitivisht veprimtarinë e këtij institucioni gjatë vitit 2002. Ai u shpreh se Kosova së bashku me Trupat Mbrojtëse e lanë pas një vit të suksesshëm, duke pritur që sa më parë kosovarët të jenë zotë në shtëpinë e tyre.
“Kosova dhe bashkë me të TMK-ja, po lënë pas një vit të susksesshëm por edhe mjaft të vështirë. Edhe në vitin në të cilin po hyjmë na presin sfida të mëdha, andaj uroj që viti i ri 2003 të mbetet në kujtesën tonë si vit i suksesit të gjithëmbarshëm në Kosovë, si vit kur kosovarët do të bëhen zotë në shtëpinë e vet. Uroj në fund që viti i ri 2003 t’u sjellë lumturi dhe mirëqënie të gjithë shqiptarëve kudo që gjenden, të gjithë qytetarëve të Kosovës dhe të gjithë atyre ndërkombëtarëve të cilët vërtet punojnë për Kosovën dhe që Kosovën e kanë në zemër”, tha komandanti i Trupave Mbrojtëse të Kosovës, gjeneral-lejtnant Agim Çeku.

Rugova në takimin me Gridinskin përkrah hapjen e Universitetit Amerikan në Kosovë

PRISHTINE, 24 dhjetor 2002 - Presidenti i Kosovës, Ibrahim Rugova priti sot pasdite drejtorin për planifikim akademik të Fondacionit të Universitetit Amerikan në Kosovë, dr.Endru Gridinskin. Temë bisedimi në këtë takim ishte ecuria e përgatitjeve për hapjen e Universitetit Amerikan në Kosovë.
Gridinski e njoftoi presidentin Rugova me punën e Fondacionit të Universitetit Amerikan në Kosovë, i cili do të punojë fillimisht në partneritet me Institutin e Teknologjisë të Roçesterit të Shteteve të Bashkuara të Amerikës. Duke u pajtuar për rëndësinë që ka arsimi për Kosovën, presidenti Rugova tha se “i përkrah iniciativat, që sigurojnë gamë më të gjerë studimesh për të rinjtë e Kosovës”. Sipas zyrtarëve të Universitetit Amerikan, ky institucion pritet të fillojë punën në mars të vitit të ardhshëm në një objekt të përkohshëm. Fillimisht, numri i studentëve në disa drejtime të këtij universiteti, do të jetë 300. Pagesa vjetore e studimeve në këtë universitet do të jetë 5 mijë euro.

Pasi Greqia të heq gjendjen e luftës, në rend çështja çame, thotë Meta

Tiranë, 24 dhjetor, 2002 - "Heqja e ligjit të luftës së Greqisë me Shqipërinë do të thotë fillimi i zgjidhjes së çështjes çame", deklaroi dje zëvendëskryeministri dhe ministër i Jashtëm, Ilir Meta. Gjatë një interpelance në Parlament Meta deklaroi se Shqipëria dhe Greqia janë që të dyja anëtare të Organizatës së Kombeve të Bashkuara (OKB) dhe, si të tilla, duhet të respektojnë Nenin nr.2 dhe nr.4r të kësaj organizate, sipas të cilëve, një shtet-anëtar nuk mund të sulmojë një tjetër anëtar të kësaj organizate. Meta theksoi se ligjin e luftës me Shqipërinë, Greqia e miratoi në 1 dhjetor të 1941-shit, duke e rinovuar më 1944-n. Meta e cilësoi këtë ligj si një ndër problemet midis të dy shteteve. "Ne s`duam që të spekulojmë me historinë dhe as të bëjmë histori, duke spekuluar", deklaroi Meta. Ai theksoi se problemi çam nuk është i pazgjidhshëm dhe se çështja e pronave të çamëve nuk duhet shndërrruar në një bumerang politik. Meta theksoi se problemet e mësipërme duhen zgjidhur me negociata diplomatike.

E hënë, 23 dhjetor, 2002

Patrik Mur: Serbia e humbi luftën dhe bashkë me të humbi çdo të drejtë për t'u marrë me Kosovën
Pragë, 23 dhjetor 2002 - Serbia e ka humbur luftën dhe nuk ka më as të drejtë ligjore, as të drejtë morale, të ndërhyjë në Kosovë dhe kjo tashmë është çështje vetëm midis kosovarëve dhe komunitetit ndërkombëtar thotë analisti i radios Evropa e lirë Patrik Mur. Duke komentuar zërat që pohopjnë në mënyrë të përsëritur se Beogradit duhet t'i jepet një farë roli, dialogu, bashkëkoordinim, të paktën për të evituar që serbët në Mitrovicë dhe në enklavat e tjera të kenë shumë frikë dhe pasiguri, analsiti Mur tha se gjëja më e mirë për pakicën serbe në Kosovë dhe për njerëzit në Serbi, është që problemet reale të të cilëve janë varfëria, krimi dhe mungesa e stabilitetit politik, dhe jo çështjet irredentiste, gjëja më e mirë për të gjithë të interesuarit është që të bëhet e qartë se nuk ka më lidhje mes Serbisë dhe Kosovës, se Kosova administrohet nga njerëzit e vet, dhe nga ndërkombëtarët, ndërsa Serbia të trajtoi problemet e veta të brendshme. Më tutje analisti Mur thekson se askush nuk i tregoi Gjermanisë perëndimore pas krijimit të saj në vitin 1949 se duhet të luajë një rol për minoritetet gjermane në Evropën Lindore dhe se e njëjta gjë vlen edhe këtu. Serbia e humbi luftën dhe bashkë me të humbi çdo të drejtë për t'u marrë me Kosovën dhe tani kjo është çështje që u përket vetëm njerëzve që banojnë në Kosovë dhe komunitetit ndërkombëtar. Serbia ka probleme të tjera me të cilat duhet të merret, tha mes tjerash analisti i Evropës së lirë.
Të rinjtë e trojeve shqiptare bënë thirrje për njohjen formale të pavarësisë së Kosovës
Prishtinë, 23 dhjetor 2002 - Me aprovimin e një deklarate të përbashkët, dje në Prishtinë i përundoi punimet Konferenca dyditore e organizatave rinore nga të gjitha trojet shqiptare me temën "Të rinjtë - një shans më shumë për integrime". Pjesëmarrësit e Konferencës u kanë bërë thirrje faktorëve ndërkombëtarë-Shteteve të Bashkuara, Bashkimit Evropian dhe Kombeve të Bashkuara që formalisht të njohin pavarësinë e Kosovës.
Në këtë deklaratë të rinjtë nga të gjitha rajonet ku jetojnë shqiptarët vlerësojnë se kjo është zgjidhja e vetme me të cilën do të sigurohej stabiliteti i Kosovës dhe mundësi më të mëdha për integrim në Evropë.

Kreditë e BERZH-it sigurojnë statusin ndërkombëtar për Aeroportin e Prishtinës

PRISHTINË 23 dhjetor 2002 - Nëse Aeroporti i Prishtinës (AP) nuk i përmbush kriteret e përcaktuara nga Organizata Ndërkombëtare e Aviacionit, që vlejnë për të gjitha aeroportet ndërkombëtare, deri në fund të vitit 2003 atëherë ai mund ta humb tretmanin e tij ndërkombëtar.

E ëma e Adelina Ismailit, Mona, që nga uikendi - 30 ditë në paraburgim
Prishtinë, 23 dhjetor 2002
30 ditë paraburgim për zonjën Mona Ismaili, të ëmën e këngëtares së famshme, Adelina Ismailit, ka vendosur policia, pasi që në është konstatuar përfshirja e saj në konfliktin e javës së kaluar ndërmjet të bijës së saj dhe yllit tjetër të muzikës, Leonora Jakupit.

E shtunë, 21 dhjetor, 2002
Me ligjet diskriminuese sërbe, të aplikuara me rastin e gjykimit kundër të ashtuquajturit GRUPI i Dugagjinit, nuk mund të gjykohet LUFTA e një populli për çlirim

Mërgata shqiptare është indinjuar thellë me sjelljet e gjyqësisë ndërkombëtare në Kosovë. Ajo shprehë revoltë të thellë kundër procedurës së aplikuar penale kundër Gjeneral Daut HAJRADINAJT dhe katër bashkëluftëtarëve të tij - bartësit e vlerave të luftës çlirimtare të organizuar e drejtuar nga UÇK-ja, i ndimuar nga populli i Kosovës e më gjërë - tani të akuzuar e të gjykuar me denime, jo ligjore duke u bazuar në aplikushmërinë e ligjeve të ashtuquajtura jugosllave, të një krijese, që tani më nuk ekziston. Me këtë gjykim është bërë shkelja më e rëndë e lirive individuale dhe kolektive të një populli, dhe e Konventës së Gjenevës-aq më keq nëpërkëmbje e saj nga vet ndërkombëtarët. Të gjykohen bartësit e luftës çlirimtare me ligjet e shtetit agresor të jugosllavisë, eshtë një apsurditet dhe nonsens juridik, që tani ndodhë në Kosovë, nën një udhëheqëje e përkujdesëje të demokracisë ndërkombëtare. Sidomos, ky rast është edhe përgjegjësi, jo vetem për TË ASHTUQUAJTURËN drejtësinë ndërkombetare po gjithësesi (duhet të jetë) nxitje e një ndërgjegjësimi për përgjegjësi politike dhe kombëtare për të gjithë shqiptarët kudo që jetojnë. Zaten në veçanti, kjo pergjegjësi iu takon më se shumti të gjitha institucioneve tona të dalura nga vota e lirë, që para syve të tyre lejohen nëpërkëmbjet e të drejtave dhe lirive individuale e kolektive të shqiptare, siç është rasti i këtij gjykimi. Nuk mund të imagjinohet që vetëm pas tre vjetësh, nga lufta çlirimtare e UÇK-së, të sulmohen duke u atakuar vlerat më të çmuara të luftëtarëve të lirisë, të pafajshmit të gjykohen nga e ashtuqujtura drejtësija nderkombetare e inskenuar dhe ndihmuar me të gjitha mënyrat nga forca pacifisto-nihiliste, të cilat ishin vazhdimisht kundër UÇK-së dhe luftës qlirimtare, para, gjatë dhe pas luftës së armatosur, tani sidomos nga fusha politiko-diplomatike, e cila u deshmua edhe gjatë ketij proçesi të montuar gjyqësor me motive të caktuara politike. Prandaj, njëherë e pëgjithmonë NE - Mërgata Shqiptare e gjykojmë skenarin e këtij proçesi të montuar politik, dhe shpresojmë, që drejtësija do të triumfojë në proceduren ankimore pranë Gjykatës Supreme të Kosovës në Prishtinë, ashtu që këtij grupi t'i shpallet pafajësia konform ligjeve të bazuara në standartet nderkombëtare, e jo më tutje të bazuara në ligjet diskriminuese të pansllavizmit jugosllav. Ne mërgata shqiptare jemi të gatshëm për ta ndimuar triumfimin e kësaj drejtesije, duke kerkuar lirimin e menjëhershëm të Gjeneral DAUT HAJREDINAJT DHE KATËR BASHKËLUFTËTARVE TË TIJ, SI BARTËSIT E VLERAVE MË TE ÇMUARA PËR POPULLIN SHQIPTAR./ Sylë Arifi/Bazel, 18.12.02/

AAK miraton Deklaratën për Shtetin e Pavarur të Kosovës: OKB-ja të hartojë rezolutë të re

PRISHTINE, 21 dhjetor - Këshilli Kombëtar i Aleancës për Ardhmërinë e Kosovës miratoi sot Deklaratën për Shtetin e Pavarur të Kosovës. Zyrtarët e këtij këshilli thanë se kjo deklaratë vjen si rrjedhojë e statusit të padefinuar të Kosovës që është bërë pengesë serioze e të gjitha zhvillimeve.
“Duke pasur parasysh përpjekjet shekullore të popullit të kosovës për pavarësi, ne kemi ardhur në përfundim se tani është momenti i fundit për të zgjidhur çështjen e statusit të Kosovës”, tha kryetari i Këshillit Kombëtar të AAK-së, Bajram Kosumi. Ndërsa sipas kryetarit të AAK-së Ramush Haradinaj, mosdefinimi i statusit politik të Kosovës që po pengon të gjitha zhvillimet, është bërë shkak që AAK-ja sot të dalë me këtë deklaratë.
“Sovraniteti i Kosovës i takon vetëm popullit të Kosovës i cili gëzon të drejtën e plotëfuqishme për fatin e vet. Aleanca për Ardhmërinë e Kosovës kërkon nga Kuvendi i Kosovës miratimin e Deklaratës për Pavarësi dhe fton të gjitha shtetet demokratike e në veçanti Shtetet e Bashkuara të Amerikës dhe të Bashkimit Evropian që të ndihmojnë njohjen ndërkombëtare të shtetit të Kosovës”, thuhet në deklaratën e AAK-së.
Në deklaratë thuhet gjithashtu se Aleanca për Ardhmërinë e Kosovës fton Këshillin e Sigurimit të Organizatës së Kombeve të Bashkuara ta miratojë rezolutën e re për njohjen e shtetit të pavarur të Kosovës.
Këshilli Kombëtar i Aleancës për Ardhmërinë e Kosovës miratoi sot edhe një deklaratë lidhur me proceset gjyqësore ndaj pjestarëve të ish-Ushtrisë Çlirimtare të Kosovës. Në këtë deklaratë thuhet se gjykimet e gjykatësve të UNMIK-ut ndaj disa pjestarëve të ish- UÇK-së janë zhvilluar nën diktatin politik. Aleanca për Ardhmërinë e Kosovës është kundër gjyqësisë së varur nga politika dhe kundër tendencës së UNMIK-ut që krimet e vërteta të lihen në heshtje dhe të ndiqen padrejtësisht luftëtarët e lirisë.

Të rinj nga hapësirat shqiptare mblidhen në Prishtinë për një platformë të përbashkët veprimi

PRISHTINE, 21 dhjetor - Sot në Prishtinë filloi konferenca “Të rinjtë - një shans më shumë për integrime”, e organizuar nga Forumi i Rinisë i Lidhjes Demokratike të Kosovës. Të rinj nga mbarë hapësira shqiptare po diskutojnë për rolin dhe ndikimin e të rinjve në proceset demokratike dhe në integrimet e gjithanshme. Në diskutimet për krijimin e një platforme të përbashkët veprimi, morën pjesë përfaqësues të organizatave rinore të partive politike shqiptare nga Kosova, Shqipëria, Maqedonia, Mali i Zi dhe Lugina e Preshevës.
Kryetari i Forumit Rinor të Lidhjes Demokratike të Kosovës, Lulzim Zeneli, tha konferenca duhet të nxjerrë konkluzione që kanë të bëjnë me rolin e të rinjve në proceset politike dhe integruese. Duke folur për prioritetet e Konferencës së sotme, Lulzim Zeneli, tha se ajo si prioritet ka afirmimin, shpalosjen dhe artikulimin e vizioneve dhe të ideve kreative të të rinjve, ide këto që do të jenë të përqafuara dhe mirëseardhura për proceset e filluara dhe të atyre që priten të fillojnë në rajon. Duke folur për periudhën e pasluftës në Kosovë, Zeneli vlerësoi se Kosova në vitet e paskonfliktit ka shënuar progres në të gjitha fushat e jetës. “Kjo është një e arritur jona e përbashkët si popull dhe pa harruar të nënvizojmë ndihmën e vazhdueshme e te pakursyer të bashkësisë ndërkombëtare, e cila është prezente në të gjitha segmentet e organizimit dhe të zhvillimit të vendit. Kjo e arritur, në brendi ka një komponente të veçantë, ka energjinë e pashterrshme të rinisë, të gjeneratës së re, e cila ka vullnetin, dhe kurajon që synimet e saja t'i bëjë relitet, që jetën e sotme ta kthejë në shpresë, në një perspektivë për një të ardhme më të sigurtë, në një garancë për paqe, siguri dhe demokraci në këtë pjesë të evropës dhe botës”, tha Zeneli. Ai nënvizoi se të rinjtë janë ata që për vite të tëra në mënyrë të argumentuar kanë ndërtuar angazhimin për jetësimin e vullnetit të popullit të Kosovës për liri, pavarësi, dhe demokraci, për një Kosovë të pavarur dhe të integruar. Por ai nuk harroi pa përmendur edhe problemet me të cilat po përballet shoqëria shqiptare në tërësi në hapësirat ku ajo jeton, si papunësia në rritje, dukuritë negative që lidhen me krimin dhe kontrabandën e organizuar, trafikimi, etj. Në fund Zeneli tha se “të rinjtë në çdo variant janë edhe një shansë më shumë për integrime të gjithanshme evroatlantike, prandaj të nderuar të pranishëm sot jemi këtu për të diskutuar dhe debatuar hapur për të gjitha këto çështje”.
Presidenti i Kosovës, Ibrahim Rugova, e përshëndeti konferencën, duke e cilësuar atë të rëndësishme për proceset e ardhshme në hapësirën shqiptare. Ai shprehu mbështetje për realizimin e kërkesave të të rinjëve. “E shoh të vlefshme këtë konferencë, sepse ju edhe më parë keni filluar një bashkëpunim ndërmjet të rinjve shqiptarë në përgjithësi dhe mund të themi se janë shenjat e para të integrimeve brenda rinisë”, tha Rugova. Ndërsa kryeparlamentari Nexhat Daci në fjalën e tij përshëndetëse tha se të rinjtë duhet të jenë bartës të proceseve të reja e demokratike. “Rinia shqiptare në Kosovë e ka obligim që të krijohet ai ambient jetësor i cili mund të absorbojë të gjitha vlerat qytetëruese dhe t’i tregojë bashkësisë ndërkombëtare se Kosova dhe shqiptarët gjithkund janë të pjekur dhe mund t'i përgjigjen të gjitha sfidave”, tha Daci. Ai i porositi të rinjtë që të angazhohen për krijimin e një shoqërie tolerante, një shoqërie që di të çmojë vlerat kombëtare e civilizuese.
Të rinjtë nga të gjitha hapësirat shqiptare, si Gent Strazimiri, kryetar i Forumit Rinor të Partisë Demokratike të Shqipërisë dhe Hysen Xhemaili, kryetar i Forumit Rinor të Bashkimit Demokratik për Integrim në Maqedoni, vlerësojnë se kjo konferencë është një hap shumë i rëndësishëm për proceset integruese. Konferenca “Të rinjtë - një shans më shumë për integrime” vazhdon punimet edhe nesër.

E premte, 20 dhjetor, 2002
Presidenti Rugova priti komandantin suprem të forcave të armatosura të Suedisë

Prishtinë, 20 dhjetor 2002 - Presidenti i Kosovës Ibrahim Rugova priti sot komandantin suprem të forcave të armatosura të Suedisë, gjeneralin Johan Hederstedt. Presidenti Rugova e njohu mysafirin e lartë nga Suedia me zhvillimet aktuale në Kosovë dhe progresin e arritur në të gjitha fushat e jetës, me objektivat e qeverisë, si dhe me gjendjen e sigurisë, për të cilën tha se është gjithnjë e më mirë falë forcave paqeruajtëse, pjesëtarëve të SHPK-së dhe policisë së UNMIK-ut. Presidenti falënderoi Suedinë për ndihmën dhe përkrahjen e vazhdueshme për Kosovën në këto tri vite e gjysmë pas luftës. Zoti Rugova edhe me këtë rast ritheksoi se njohja formale e pavarësisë së Kosovës do të qetësonte rajonin.
Gjenerali Hederstedt premtoi përkrahjen e mëtejshme të Suedisë për Kosovën, duke theksuar se vendi i tij dhe bashkësia ndërkombëtare angazhohen për një Kosovë multietnike e demokratike dhe të zhvilluar ekonomikisht.

Shoqatat e dala nga lufta ftojnë partitë të diskutojnë pas dënimit të “Grupit të Dukagjinit”

PRISHTINE, 20 dhjetor 2002 - Shoqatat e dala nga lufta kanë reaguar ndaj dënimit me 31 vjet heqje lirie për “Grupin e Dukagjnit”. Në një takim konsultativ Shoqata e Familjeve të Dëshmorëve, ajo e Invalidëve dhe e Veteranëve të Luftës së Ushtrisë Çlirimtare të Kosovës kanë kërkuar nga institucionet e Kosovës dhe nga partitë politike të dalin me qëndrime të qarta lidhur me dënimin e Idriz Balajt, Daut Haradinajt, Bekim Zekajt, Ahmet Elshanit dhe Ramush Ahmetajt. Këtë dënim, shoqatat e dala nga lufta e konsiderojnë si veprim politik. Ata kanë ftuar në një takim konsultativ partitë politike të Kosovës për të diskutuar gjendjen e krijuar pas këtij dënimi. Në takim kishin ardhur përfaqësuesit e Lëvizjes Popullore të Kosovës dhe të Lëvizjes Kombëtare për Çlirimin e Kosovës, ku është kërkuar që të lirohen të gjithë të dënuarit.

Manifestim me rastin e pesëdhjetvjetorit të Qendrës së Transfuzionit të Gjakut

Prishtinë, 20 dhjetor 2002

Në kuadër të manifestimit me rastin e pesëdhjetëvjetorit të krijimit të saj, QKKTGJ i ka ndarë fletëfalënderim edhe Kosovapressit dhe gazetarit të saj, Selim Krasniqit.

Me Himnin e Flamurit është hapur solemnisht manifestimi në kuadër të pesëdhjetëvjetorit të Qendrës së Transfuzionit të Gjakut në Kosovë. Për historikun e TGJK-së ka folur prof. dr. Mazllum Belegu, i cili, pasi ka evidentuar ecje përmes vështirësive deri në ditën e sotme, kur është shndërruar në qendër kombëtare, ka shtuar se ”dhurimi i gjakut është shpëtim jete.“

Situatë e qetë në komunën e Podujevës
Podujevë, 20 dhjetor 2002 - Mosmarrëveshjet në mes të gazetarëve dhe policisë së UNMIK-ut në Podujevë që për pasojë patën pezullimin e përkohshëm të bashkëpunimit tashmë i takojnë të kaluarës ngase, falë mirëkuptimit të dyanshëm, bashkëpunimi do të vazhdojë edhe në të ardhmen, ka njoftuar komandanti i policisë së UNMIK-ut në Podujevë, Xhon Duset, duke theksuar se as policia dhe as gazetarët nuk duhet të punojnë sipas emocioneve por në bazë të rregullave të punës që janë përcaktuar.
Kryetari i Shoqatës së Gazetarëve llapjanë, Fadil Halimi, pasi që ka vlerësuar se gjatë tri vjetëve të kaluara bashkëpunimi në mes policisë së UNMIK-ut dhe gazetarëve ka qenë në nivel, në emër të këtij asociacioni ka falenderuar z.Duset për gatishmërinë e tij për të bashkëpunuar në të ardhmen.
Në vazhdim z.Duset njoftoi se pas Vitit të Ri të gjitha lokalet hoteliere në këtë komunë nuk do të lejohen të punojnë pas orës 24. Në vazhdim z.Duset ka njoftuar për situatën e sigurisë në komunën e Podujevës, ku gjatë kësaj jave kanë ndodhur një tentim vrasje, dy plaçkitje, një rast kërcnimi, etj. Po ashtu ai njoftoi se gjatë kësaj jave në Stacionin policor në Podujevë kanë filluar punën edhe 21 pjestarë të SHPK-së.
Në vazhdim të konferencës me gazetarë përfaqësuesit e KFOR-it çek e sllovak dhe britanik paraqitën aktivitetin e tyre gjatë kësaj jave ku si njoftoi komandanti i KFOR-it çek e sllovak nënkoloneli Peter Prochazka është ndërmarrë një operacion i pagëzuar me emërin "Reptili" ku është kontrolluar fshati Lluga, pasi atje janë dëgjuar të shtëna të shpeshta.
Ndërkaq zëdhënësi i KROR-it britanik Piter Horn tha se gjendja e sigurisë në komunën e Podujevës është e qetë.

Komuniteti i biznesit apel UNMIK-ut: Hiqni pengesat për zhvillimin ekonomik të Kosovës

PRISHTINE, 20 dhjetor - Komuniteti i biznesit kërkon nga UNMIK-u dhe institucionet e Kosovës të krijojnë kushte më të favorshme për zhvillim ekonomik. Ky komunitet kërkon që gjatë vitit të ardhshëm të evitohen pengesat që ndikojnë në zhvillimin ekonomik të Kosovës, siç janë privatizimi dhe çështja e pronësisë.
“Proceset ekonomike në Kosovë gjatë këtij viti nuk kanë shkuar si duhet, edhe pse janë shënuar disa lëvizje positive”, u vlerësua sot në mbledhjen e Kuvendit të Odës Ekonomike të Kosovës. Kryetari i këtij institucioni, Ismail Kastrati tha se UNMIK-u dhe institucionet e Kosovës duhet të angazhohen më shumë për çështje konktrete nga fusha e ekonomisë, siç është qasja e Kosovës në institucionet ndërkombëtare financiare, siç është Banka Botërore dhe Fondi Monetar Ndërkombëtar.
Anëtarët e Kuvendit të Odës Ekonomike të Kosovës thanë se mospjesëmarrja e zyrtarëve të UNMIK-ut dhe atyre kosovarë, për të diskutuar me komunitetin e biznesit është injorim për afaristët dhe biznesmenët. Përfaqësuesi i Fabrikës së Amortizatorëve Gani Dauti tha se vendimet e UNMIK-ut nëse nuk janë në interesin e punëtorëve dhe menaxherëve të ndërmarrjeve shoqërore, atëherë nuk do të lejohet asnjë lloj manovrimi në emër të së drejtës së rezervuar. Pjesëmarrësit gjithashtu kërkuan që të krijohet një siguri më e madhe për investime në Kosovë, ndësa Kuvendit të Kosovës i kërkuan që të miratojë ligjet që lidhen me zhvillimet ekonomike në Kosovë.

Riatdhesohen në Shqipëri 37 të burgosur nga burgjet greke
Tiranë, 20 dhjetor 2002 - Përgjigja e autoriteteve shqiptare i dha fund një greve urie të të burgosurve shqiptarë, që vuajnë dënimin në burgun e Janinës. 37 të burgosur do të riatdhesohen brenda këtij viti, pas një urdhëri të ministrit shqiptar të drejtësisë. Ndërkaq, sot pritet që Shqipëria dhe Greqia të hapin një tjetër pikë-kalimi kufitar mes tyre.

E shtunë, 14 dhjetor, 2002

Liderët kosovarë i kërkojnë delegacionit të Këshillit të Sigurimit: Standartet të shkojnë paralelisht me statusin përfundimtar të Kosovës

PRISHTINE, 14 dhjetor 2002 - Krerët e institucioneve kosovare i kanë kërkuar delegacionit 15 anëtarësh të Këshillit të Sigurimit të Organizatës së Kombeve të Bashkuara, i cili mbërriti sot në Kosovë për një vizitë triditëshe, që standartet e kërkuara për vendosjen e statusit të Kosovës të shkojnë paralelisht me vetë statusin përfundimtar të saj.
Delegacioni që mbërriti në mesditë në Aeroportin e Prishtinës ka ardhur në Kosovë me qëllim që të njihet për së afërmi me situatën pas zgjedhjeve lokale dhe pas vendosjes së institucioneve vendore. Delegacioni i kryesuar nga ambasadori norvegjez Ole Peter Kolby bisedoi në selinë e UNMIK-ut me kryedministratorin Mihael Shtajner dhe me përfaqësues të institucioneve të Kosovës. “Takimi ishte shumë produktiv dhe ishte qëndrim unik i përfaqësuesve të institucioneve kosovare se standardet dhe statusi duhet të shkojnë paralelisht”, deklaruan pas takimit kryetari i Kosovës Ibrahim Rugova, kryparlamentari Nexhat Daci dhe kryeministri Bajram Rexhepi.
Takimet ishin të mbyllura për gazetarët që nuk u lejuan as të hyjnë në selinë e UNMIK-ut. Në orët e mbrëmjes delegacioni i OKB-së ka organizuar një pritje në Hotelin “Viktoria” me anëtarë të Parlamentit të Kosovës. Me këtë rast ambasadori norvegjez Kolbi tha se “OKB-ja ka ardhur këtu për të parë zhvillimet më të fundit në Kosovë, në vazhdim të vizitave të saj këtu”. Ai tha se OKB përkrah idenë për krijimin e standarteve përpara se të vendoset statusi i Kosovës, se përkrah multietnicitetin dhe integrimin e të gjitha komuniteteve në shoqëri. Kolbi u shpreh se OKB-ja e përkrah planin e kryeadministratorit Mihael Shtajner për shtrirjen e autoritetit të UNMIK-ut në Mitrovicë. “Populli i Kosovës duhet të punojë shumë për arritjen e standarteve të parapara, ndërsa institucionet vendore duhet ta luftojnë krimin e organizuar dhe ta dënojnë terrorizmin”, tha ambasadori Kolbi.
Sipas axhendës së paralajmëruar, delegacioni i Këshillit të Sigurimit do të takohet nesër në mëngjes me komandantin e KFOR-it gjeneralin Fabio Mini, e pastaj do të shkojë për vizitë në qytetin e Mitrovicës dhe në Akademinë Policore në Vushtrri.
15 ambasadorët e Këshillit të Sigurimit të Organizatës së Kombeve të Bashkuara do të largohen nga Kosova të hënën. Nga Kosova ata do të shkojnë në Beograd, ku do të takohen me autoritetet më të larta serbe e jugosllave. Vizita e këtij delegacioni realizohet gati një muaj pas vizitës së sekretarit të përgjithshëm të Organizatës së Kombeve të Bashkuara, Kofi Anan, në Kosovë.

Deklaratë e Zyrës së Presidentit në lidhje me shpërthimin e mbrëmshëm në Prishtinë
Prishtinë, 14 dhjetor - Në lidhje me shpërthimin e mbrëmshëm në Prishtinë, ku u lënduan mbi 30 persona, Zyra e Presidentit të Kosovës ka lëshuar një deklaratë.
- Shpërthimi i të premtës mbrëma është akt kriminal me përmasa akti terrorist, që ka rrezikuar jetën e qytetarëve në një kuart shumë të frekuentuar të kryeqytetitn tonë, Prishtinës.
Dënojmë ashpër këtë akt dhe kërkojmë nga organet për zbatim të ligjit që të hetojnë rastin sa më shpejt për të nxjerrë autorët e këtij krimi para drejtësisë.
Me këtë rast, qytetarëve që pësuan lëndime nga shpërthimi i mbrëmshëm u urojmë shërim të shpejtë, - thuhet në fund të deklaratës së lëshuar nga Zyra e Presidentit të Kosovës.

Asnjë akt terrorist nuk do ta ndalë Kosovën drejt qetësisë, thotë kryeministri
14:00 ET PRISHTINË 14 dhjtoer 2002- Kryeministri i Kosovës Bajram Rexhepi tha të shtunën se asnjë akt terrorist nuk do ta ndalë rrugën e Kosovës drejt demokracisë, integrimeve dhe qetësisë civile, sepse për këtë janë garancë policët kosovarë të cilët nuk do të lejojnë akte të tilla.

...më gjërësisht:
Rexhepi: Garancë për ndalimin e akteve terroriste do të jenë pjesëtarët e SHPK
Kryeministri i Kosovës, Bajram Rexhepi, tha se asnjë akt terrorist si ai mbrëmshmi nuk do ta ndalë Kosovën në rrugën që ka nisur drejt demokracisë, integrimeve dhe qetësisë civile, ndërkohë që policët e SHPK-së i ka vlerësuar si garancë e ndalimit të akteve të tilla. “Asnjë akt terrorist si ai që ndodhi në mbrëmjen që shkoi nuk do ta ndalë Kosovën në rrugën, që ka nisur drejt demokracisë, integrimeve dhe qetësisë civile”,- ka thënë Rexhepi. Ai i bëri këto komente të shtunën në ceremoninë e dhënies së diplomave të 329 policëve të rinj të gjeneratës së 21 dhe 22 të diplomuar në Akademinë Policore në Vushtrri. Mbrëmjen që shkoi në Qendër të Prishtinës, një bombë e vendosur në një veturë të parkuar në lagjen “Dardania” shpërtheu fuqishëm dhe la të plagosur dhjetëra qytetarë të pafajshëm. Shpërthimi trazoi të gjithë qytetarët, mirëpo Rexhepi tha se akte të tilla nuk do të lejojnë më pjesëtarët e SHPK-së. “Ju duhet të jeni garancë e qytetarëve që nuk do të lejoni akte të tilla terroriste të ndodhin në të ardhmen”,- iu është drejtuar policëve të rinj kryeministri Rexhepi.

Kryesia e LDK-së dënon ashpër aktin e mbrëmshëm kriminel-terrorist në Prishtinë
Prishtinë, 14 dhjetor - Kryesia e LDK-së dënon ashpër aktin e mbrëmshëm kriminel-terrorist në të cilin pësuan qytetaret e kryeqendrës sonë.
"Akti i mbrëmshëm makabër në Prishtinë, thuhet në këtë reagim, është sulm i drejtuar kundër progresit dhe kundër zhvillimeve pozitive në Kosovë.
Kryesia e LDK-së kërkon nga organet përgjegjëse që sa parë t'i izolojnë aktorët e sulmeve të tilla dhe kryesit e veprave të tilla të vihen sa më parë para organeve të drejtësisë.
Qytetarëve që pesuan në aktin e mbrëmshëm, ju deshirojmë shërim sa më të shpejtë dhe të plotë", thuhet në një reagim të Kryesisë së LDK-së, të nënshkruar nga zëdhënësi i saj Lulzim Zeneli.

PDK kërkon që kryesit e aktit vandal të sillen para drejtësisë
Prishtinë, 14 dhjetor
Partia Demokratike e Kosovës dënoi ashpër shpërthimin e djeshëm në Prishtinë, me ç’rast u lënduan një numër i konsiderueshëm i qytetarëve të pafajshëm, ku për fat nuk pati edhe humbje të jetëve.
“Sulmet e tilla janë bërë dukuri e zakonshme në prag të vizitave të rëndësishme që i bëhen Kosovës”, - thuhet në një deklaratë të PDK, të nënshkruar nga kryetari saj Hashim Thaçi.
Sipas komunikatës, prapavija e sulmeve të tilla mëton ta diskreditojë përparimin e arritur në Kosovë në saje të bashkëpunimit dhe punës së palodhshme të institucioneve të Kosovës dhe atyre ndërkombëtare që veprojnë në Kosovë.
Partia Demokratike thotë se kjo është një përpjekje për ta paraqitur Kosovën si vend jostabil dhe për t’i vonuar proceset e filluara të arritjes së standardeve demokratike të qeverisjes dhe sundimit të ligjit.
“Të lënduarve në këtë incident u dëshirojmë shërim sa më të shpejtë, ndërsa organeve kompetente të gjyqësisë dhe të policisë u bëjmë thirrje që të bëjnë çmos që kryesit e këtij akti t’i sjellin para drejtësisë”, - përfundon komunikata e PDK.

Tri partitë më të mëdha dënojnë aktin e mbrëmshëm
Prishtinë, 14 dhjetor
Tri partitë politike më të mëdha në Kosovë kanë dënuar ashpër aktin kriminal, që ka ndodh mbrëmë në Prishtinë, duke thënë se tanimë është bërë e zakonshme që në prag të vizitiva të zyrtarëve të lartë në Kosovë të ndodhin këso raste tragjike, ndërkohë që kanë kërkuar kompetenca shtesë për SHPK-në.

Ministria e Punëve të Jashtme të Shqipërisë dënon me forcë aktin kriminal në Prishtinë
Tiranë, 14 djetor - Ministria e Punëve të Jashtme shpreh keqardhjen për ngjarjen e rëndë, ndodhur mbrëmë në Prishtinë ku u plagosën 32 persona.
Ministria e Punëve të Jashtme dënon me forcë këtë akt kriminal. Akte të tilla terroriste nuk i shërbejnë forcimit të rendit e sigurisë në Kosovë, por synojnë ta pengojë atë në rrugën e pakthyeshme të arritjes së standarteve evropiane.

Shqiptarët e diasporës të indinjuar për helmimin e nxënësve shqiptarë në IRJM
Shkup, 14 dhjetor
Bashkësia Shqiptare të Maqedonisë në Zvicër, ka reaguar ashpër ndaj helmimit të nxënësve shqiptarë në Maqedoni. Në një deklaratë të të saj thuhet se në të gjitha trojet shqiptare në Zvicër dhe diasporë, shqiptarët po e përcjellin me indinjatë e dhembje të thellë, aktin e helmimit të nxënësve në Maqedoni.
“Lajmi për helmimin toksik të më se 200 nxënësve shqiptarë në dy shkollat e mesme të Kumanovës përfshiu të gjithë familjet shqiptare në mërgim. Ky rast i pazakontë dhe jo njerëzor i përgatitur dhe i vënë në veprim nga qarqe të caktuara antishqiptare dëshmon se politika antishqiptare e Milosheviçit dhe filialeve të tij, nuk ka përfunduar. Pas helmimit të qindra e qindra nxënësve në Kosovë, helmimeve më 1996 në Tetovë, ky rast tregon se lufta kriminale kundër shqiptarëve nuk zgjedh mjete” - thuhet në reagimin e Bashkësisë së Shqiptarëve të Maqedonisë në Zvicër.
Bashkatdhetarët nga Zvicra, pasi kanë ndarë dhembjen me nxënësit e helmuar shqiptarë, kanë kërkuar, në deklaratën e tyre, ndërhyrjen urgjente të të gjitha institucioneve në ndihmë për shërim të nxënësve shqiptarë dhe për ndëshkimin e merituar të kriminelëve.

Nënat shqiptare në Maqedoni protestojnë ndaj helmimit të nxënësve në Kumanovë

SHKUP, 14 dhjetor - “Në emër të nënave shqiptare të Maqedonisë, jemi të brengosura për fëmijët tanë. Gjendja e rëndë dhe helmimi misterioz i fëmijëve tanë na ka tronditur”, thuhet në fillim të një deklarate të Lidhjes së Gruas Shqiptare në Maqedoni, në të cilën nënat shqiptare shprehin indinjatën e tyre ndaj fushatës së helmimeve të nxënësve shqiptarë në Maqedoni. “Helmimi na shqetëson edhe më shumë kur kuptojmë se shumica e nxënësve të goditur janë femra. Të zbardhet menjëherë kjo ngjarje. Kërkojmë që fëmijët të mos na përdoren si mjete manipulimi. Kërkojmë mbështetje nga të gjitha partitë politike shqiptare. Mediat të bëjnë informimin e drejtë e real të situatës që po kalojmë”, thuhet në fund të reagimit të nënave shqiptare të Maqedonisë.

Maqedoni, Shaqiri: Prejardhja e helmit të nxënësve në Kumanovë është nga Serbia

KUMANOVE, 14 dhjetor - “Prejardhja e helmit me të cilin janë helmuar nxënësit shqiptarë të Kumanovës është nga Serbia”, tha deputeti i Partise Demokratike Kombetare ne Maqedoni, Xhezair Shaqiri, në një takim me profesorët e shkollave të mesme të Kumanovës, pas vizitës që u bëri nxënësve të helmuar në spitalin e Kumanovës. Ai tha se këto helmime janë të ngjashme me ato të cilat para disa vjetësh ndodhen në Kosovë. “Ky lloj helmimi më parë është përdorur nga Serbia në Kosovë dhe nuk përjashtohet mundësia që të ketë prejardhjen prej atje”, ka thënë Shaqiri.

Familjarët i njohin rrobat dhe unazat e të dashurve të tyre të zhdukur
RAHOVEC 14 dhjetor 2002- Një ekspozitë me rrobat dhe gjësende të tjera të 75 viktimave të luftës të eksshumuara në tri vendvarreza në rajonin e Mitrovicës u hap të premten në morgun e Rahovecit dhe atë po e vizitojnë familjarë nga Mitrovica, Vushtrria dhe Skënderaj, nga të cilat komuna sipas informatave janë trupat.

Rroga mesatare në sektorin publik bie në 136 € në muaj
PRISHTINË 14 dhjetor 2002- Rroga mesatare e punëtorëve që paguhen nga buxheti i Kosovës, nga 147 € në muaj sa ishte në janar të këtij viti, pas tetë muajsh ka shënuar rënie në 136 €, në kohën kur inflacioni sivjet pritet të jetë mbi 10 për qind.

Fëmija i parë i klonuar në histori do të lindë në Beograd

BEOGRAD, 14 dhjetor - Gjinekologu Italian Severino Antinori ka deklaruar se do të lindë në Beograd fëmija i parë i klonuar në histori. Ai do të lindë në fund të muajit janar nga një familje serbe. Lajmi vjen nga e përjavshmja serbe "Nin", që ka publikuar edhe një intervistë me mjekun Antinori, i cili fundjavën e kaluar ndodhej në kryeqytetin jugosllav, ku ka marrë pjesë në një takim për sterilitetin dhe fekondimin artificial.

Nobelisti Uisel do të dëshmojë në Gjykatën e Hagës kundër Plavsiçit

HAGE, 13 dhjetor - Fituesi i çmimit Nobel për Paqen, Elie Uiesel, do të dëshmojë të hënën gjatë seancës kur ish-presidentja e serbëve të Bosnjes, Biljana Plavsiç, do të paraqitet në Gjykatën Penale Ndërkombëtare (TPI) të Hagës. Uiesel, i cili foli në telefon me AFP-në në Nju Jork, tha se do të dëshmojë me videokonferencë që nga Parisi për të theksuar rëndësinë e vendimit të Plavsiç për të pranuar fajin për krime kundër njerëzimit. "Unë nuk do të dëshmoj në favor të saj, as për të kërkuar rrethana lehtësuese, por për të thënë se sa e rëndësishme është që një personalitet i nivelit të saj të ketë guximin të pranojë fajin që ka bërë. Kjo duhet t'u shërbejë të tjerëve si shembull", tha Uiesel. Plavsiç, 72 vjeçe, është zyrtarja e parë serbe e rangut të lartë që pranoi fajin në luftërat që copëtuan Ballkanin gjatë viteve '90.

E premte,13 dhjetor, 2002

Shpërthim i fuqishëm në një nga lagjet më të banuara të Prishtinës; një autobombë lëndon të paktën 30 vetë

...lajme te tjera:

Pamje nga shpërthimi që ndodhi të premten në darkë në Lagjen Dardania të Prishtinës

PRISHTINE, 13 dhjetor - Sot në mbrëmje, rreth orës 21.30 në lagjen Dardania në Prishtinë, ndodhi një shpërthim i fuqishëm. Shpërthimi ka ndodhur në afërsi të Restorant "Noti"-t, te sheshi "Bill Klinton". Sipas infomacioneve të para të RTV21, bëhet fjalë për shpërthimin e një autobombe. Me këtë rast janë lënduar mbi 30 persona. Ndërkaq nuk ka informacione për të vdekur. Në vendin e ngjarjes janë shkaktuar dëme të mëdha materiale. Janë shkatërruar dhjetëra vetura dhe disa kafene dhe restorante në afërsi të vendit të ngjarjes.
Nga 32 të lënduar, 7 prej tyre kanë mbetur të shtruar në Qendrën e Emergjencës në Prishtinë, ndërsa të tjerët, pas dhënies së ndihmës së parë janë lëshuar për në shtëpi. Nuk ka të vdekur. Të lënduarit nuk janë në rezik për jetën. RTV21 mori vesh se janë lënduar:
Ahmet Fllovia,
Naser Ramadani,
Sahit Rexha,
Valbon Krasniqi,
Xhevahire Xhemajli,
Ilirana Krasniqi,
Arjeta Kajtazi,
Idriz Rakovica,
Dren Bunjaku,
Berat Zekolli,
Xhevdet Peci,
Driton Emini,
Ekrem Leci,
Sali Sekiraça,
Atdhe Selimi,
Mahmut Maxhuni,
Nazmi Rexhepi,
Skënder Jashari,
Afrim Kalaja,
Mentor Sopa,
Bilall Selimi,
Skender Jashari,
Abaz Ismaili,
Ardi Selimi,
Gent Jashari,
Nehbi Bica,
Basri Berisha,
Arben Hasani,
Jakup Xhema,
Shukri Maxhuni
dhe një person i paidentifikuar.
Pak pas shpërthimit, kryeministri i Kosovës Bajram Rexhepi shkoi në qendrën emergjente të kryeqytetit, ku u njoh me gjendjen e të lënduarve. Të lënduarit i vizitoi edhe kryetari i komunës së Prishtinës, Ismet Beqiri.
Ky incident ndodh pikërisht vetëm pak orë përpara se në Prishtinë të vijë një delegacion shumëantarësh me ambasadorë të Këshillit të Sigurimit të Organizatës së Kombeve të Bashkuara. Qëllimi i vizitës së tyre është që të njihen për së afërmi me gjendjen e tanishme në Kosovë, pasi që në bazë të Rezolutës 1244, Kosova administrohet nga OKB-ja.

...lajme te tjera:
PBDSH reagon kundër vendimit të Ministrisë së Arsimit lidhur me shumën e pagesës së studentëve nga Lugina e Preshevës
Preshevë, 13 dhjetor 2002 - Partia e Bashkimti Demokratik Shqiptar (PBDSH) me seli në Preshevë vendimin e Ministrisë së Arsimit të Kosovës, me të cilin studentët e Luginës së Preshevës obligohen të paguajnë një shumë më të lartë, e vlerëson "përbuzës dhe fyes jo vetëm për studentët e Preshevës, Bujanocit dhe të Medvegjës, por edhe për të gjithë shqiptarët e Luginës së Preshevës".
Në një letër të hapur kjo parti thekson se shqiptarët e këtij rajoni në asnjë moment nuk iu shmangën obligimeve kombëtare e vëllazërore ndaj Kosovës

Steiner emëron 42 gjyqtarë dhe prokurorë, pa pëlqimin e parlamentit

PRISHTINË 13 dhjetor 2002 - Kryeadministratori i Kosovës, Michael Steiner ka emëruar 42 gjyqtarë dhe prokurorë, gjysma prej tyre serbë me rekomandimin e Këshillit Prokurorial dhe Gjyqësor të Kosovës. Kuvendi i Kosovës është dashur të japë pëlqimin për emrat por nuk e ka bërë këtë tash e disa seanca në mungesë të të dhënave për të propozuarit.

"Grupi i Dukagjinit" mohon aktakuzën e re që i ngarkon edhe për vrasje

PRISHTINË 13 dhjetor 2002- Derisa të premten mbrojtësit e tyre do ta thonë fjalën e fundit, të akuzuarit; gjeneralmajor Daut Haradinaj, Bekim Zeka, Ahmet Elshani dhe Ramush Ahmetaj, kundërshtuan të enjtën aktakuzën e re, që i ngarkon ata edhe për vrasje.

Në Shkup filluan stërvitjet shumëkombëshe të vendeve të Evropës Juglindore
Shkup, 13 dhjetor 2002 - Dje në Shkup kanë filluar stërvitjet shumëkombëshe të vendeve të Evropës Juglindore. Këto stërvitje do të zgjasin deri më 19 dhjetor, përveç Maqedonisë marrin pjesë edhe të gjitha vendet e Evropës Juglindore si Shqipëria, Greqia, Bullgaria, Kroacia, Sllovenia, Rumania dhe Turqia. Zhvillimi i kësaj stërvitjeje ka për qëllim rritjen dhe avancimin e bashkëpunimit nacional dhe rajonal të vendeve të Evropës Juglindore

Të burgosurit në Dubravë protesojnë, “nuk dihen arsyet”
Prizren, 13 dhejtor 2002
Në burgun e Dubravës, që gjendet në komunën e Burimit, 75 të burgosur kanë shprehur revoltën e tyre përmes një proteste, tha të premten zëdhënësi i BSHJP-së, nënkolonel Vocnjakut.
Ndërkohë që qëllimi i protestës nuk është bërë i njohur, zëdhënësi tha se “policia ushtarake e KFOR-it ka shkuar të ndihmojë sigurimin e burgut, dhe pas orës 19 e 30 stuata është qetësuar”....më gjërësisht: Prokuroria dje ka thënë fjalën përfundimtare në gjykimin e të ashtuquajturit “Grupi i Dukagjinit”. Pas 18 seancave të dëgjimit të dëshmitarëve, prokurori ndërkombëtar Niasulu Kamudoni, ka thënë se të akuzuarit Idriz Balaj, Daut Haradinaj, Bekim Zeka, Ahmet Elshani dhe Ramush Ahmetaj akuzohen se kanë bërë paraburgim të paligjshëm, shkaktim të lëndimeve të rënda trupore dhe paraburgim të paligjshëm të personit që ka rezultuar me vdekje. Të arrestuarit i kanë mohuar akuzat. Nesër para trupit ndërkombëtar gjykues avokatët mbrojtës pritet të paraqesin argumentet e tyre mbrojtëse.
“Të akuzuarit, në bashkëpunim dhe duke ushtruar veprimtarinë e përbashkët penale, kryen aktet e ndalimit të paligjshëm të pesë viktimave Bashkim Balaj, Sinan Musaj, Rexhë Osaj, Ramë Idriz Peja dhe Vesel Muriqi, duke i shkaktuar lëndime të rënda trupore Vesel Muriqit dhe vrasje katër personave të tjerë", tha prokurori.
Prokurori ndërkombëtar Niasulu Kamudoni ka ndryshuar aktakuzën. Derisa më parë për paraburgim të paligjshëm të personit që ka rezultuar me vdekje është akuzuar vetëm Idriz Balaj, tash me këtë vepër janë ngarkuar edhe 4 të arrestuarit tjerë.
I pyetur nga trupi gjykues se a e ka lexuar aktakuzën e re dhe a ka ndonjë vërejtje për këtë, gjeneral Daut Haradinaj tha se atë e ka lexuar dhe e mohon kategorikisht sikur që e ka mohuar edhe më parë. “Versionin rreth kësaj aktakuze do ta japim në fjalën përfundimtare, në një qëndrim të përgjithshëm”, tha Haradinaj. Mendime të njëjta më Haradinajn kishin edhe katër të akuzuarit e tjerë.
Trupi Gjykues nuk kishte arritur t’i gjejë dy dokumete të një dëshmitari, që i kishte paraqitur këtij trupi, prandaj fillimi i seancës së sotme u vonua. Avokati i Daut Haradinajt, Adem Bajri kërkoi që ato dokumente të gjenden, sepse janë dëshmi të sakta që tregojnë për alibinë e klientit të tij. Dokumentet përfshinjë dëshminë e mjekut Italian Andrea Cadelanos, i cili kishte pranuar se më 21 qershor 1999, Daut Haradinaj kishte qenë në Shqipëri dhe është takuar me të në Spitalin Ushtarak të Tiranës. Megjithatë, prokurori afrikan Niasulu Kamodoni tha se as edhe këto dëshmi nuk mjaftojnë për alibinë e Haradinajt. Trupi gjykyes ka mbetur që t’i gjejë këto dokumente dhe t’i shqyrtojë.
Në seancën e paradites sot është paraqitur edhe autopsia e Bashkim Balajt, të vetmit nga katër viktimat të cilit i është gjetur kufoma dhe për të cilën akuzohen të arrestuarit. Në raport nuk tregohet shkaku i vdekjes së viktimës dhe në kufomë nuk është vërejtur nëse ka pasur goditje. Gjithashtu në skeletin e tij nuk janë vërejtur gjurmë të armëve të zjarrit. Avokatët thanë se ky raport është edhe një dëshmi më shumë që mohon aktakuzën që të akuzuarit e kanë vrarë dikë me armë zjarri, apo i kanë shkaktuar lëndime të rënda trupore. Trupi Gjykues vendimin për gjykimin apo lirimin e të akuzuarve do ta marrë gjatë javës së ardhshme.

Ambasadorët e OKB vizitojnë Kosovën

Prishtinë, 13 dhjetor 2002
Pesëmbëdhjetë ambasadorët e Organizatës së Kombeve të Bashkuara, më 14 dhjetor, do të arrijnë në Kosovë, për një vizitë treditëshe.
Ambasadorët e KB-ve, gjatë vizitës së tyre në Kosovë, do të takohen me përfaqësuesit e institucioneve të Kosovës, do të vizitojnë Mitrovicën, Gjilanin, si dhe Akademinë e Shërbimit Policor të Kosovës.
Qëllimi i vizitës së tyre është që të njihen për së afërmi me gjendjen e tanishme në Kosovë, pasi që në bazë të Rezolutës 1244, Kosova administrohet nga OKB-ja.

Nano e Cërvenkovski diskutojnë planet për anëtarësim në NATO

Tiranë, 13 dhjetor 2002
Kryeminstri i Shqipërisë, Fatos Nano, do të takohet në fundjavë me kryeministrin e Maqedonisë, Branko Cërvenkovskin.
Të dy homologët do të takohen në të dy anët e liqenit të Prespës, i cili ndan edhe kufirin shqiptaro-maqedonas, ndërkaq pritet të diskutohet në lidhje me bashkëpunimin dypalësh, zbatimin e Marrëveshjes së Ohrit, si dhe planet e përbashkëta drejt anëtarësimit në NATO.

E mërkurë, 11 dhjetor, 2002

EDITORIAL
Kosova jeton 5 orë pa drita dhe një me drita!!!...Sipas njoftimeve më të reja Blloku B2 nuk do të filloi punën këtë javë.Menaxhimi në KEK është përçmues i popullatës kosovare- bishtrues i zgjidhjes që vetëm e vetëm të krijohet konfuzion te kosovarët ne përgjithësi.Vendasit nuk pyeten fare në masat që duhen ndërmarrë me rastin e problemeve me nenergji.Duket, që me ndihmën e nderkombëtarëve të tillë Kosova mbështetet për muri!!Sa do të jetë i zoti parlamenti i Kosovës të përballoj këtë rrugë që po i shtrohet e imponuar Kosovës?!!!Çdo t'i sjellin Kosovës takimet e Shtajnerit në Uashington e N.York?Evropa edhe më tutje është gojëhapur rreth qendrimeve të parlamentarëve të Kosovës.Si po e ngushllon ajo gjatë kesaj kohe Serbinë dhe qeverinë e saj.Ç'i preferohet asaj për t'mos e humbur Kosovën?

Keto dhe shumë e shumë pyetje të tjera shpirtërisht kanë mbërthyer shpirtin e djeguir e të masakruar të Kosovës dhe kosovarëve të cilë më pak se të gjithë të tjerët për rreth e duan luftën (mos e thashtë zoti të ndodhë ajo përsëri)e më shumë e duan paqen lirinë po edhe respektin dhe pacenueshmerinë e jetës së të tjerëve ndaj tyre për aq sa ata nuk e bëjnë (dhe nuk e kanë bërë kurrë)ndaj të tjerëve për rreth.(n.syla-ereniku)

Nga AAK, Karta Kushtetuese Serbi - Mali i Zi cilësohet si e papranueshme dhe si agresion kushtetues
Prishtinë, 11 dhjetor 2002 - Kryesia e Aleancës për Ardhmërinë e Kosovës (AAK), ka diskutuar për situatën e krijuar pas miratimit të Kartës Kushtetuese të shtetit në formim Serbi - Mali i Zi, në të cilën është përfshirë edhe Kosova dhe ka lëshuar një deklaratë në të cilën thuhet se periudha kalimtare, e paraparë me Rezolutën 1244 të KS të OKB-së për Kosovën, është në përfundim e sipër dhe e njëjta ka rezultuar pozitivisht. Në Kosovë tashmë janë krijuar institucionet demokratike lokale dhe ato qendrore; janë plotësuar parakushtet e tjera të parapara në Rezolutën 1244 për krijimin e stabilitetit politik e të sigurisë, për përgatitjen e rrethanave për zgjidhjen e përfundimtare të statusit politik të Kosovës.
Serbia është duke e shfrytëzuar pozitën e tashme të Kosovës për ta destabilizuar edhe sërish Kosovën dhe me këtë edhe mbarë rajonin, theksohet në këtë deklaratë.
Kryesia e AAK-së e rithekson mbështetjen e fuqishme për Rezolutën e Kuvendit të Kosovës, të miratuar më 7 nëntor 2002, në të cilën përfshirja e Kosovës në Kartën Kushtetuese Serbi - Mali i Zi cilësohet si e papranueshme dhe si agresion kushtetues.
Më tutje në deklaratë theksohet se sovraniteti i Kosovës tash e tutje, jo vetëm faktikisht, por edhe juridikisht, duhet t'i takojë vetëm popullit të Kosovës. AAK fton të gjitha institucionet legjitime të Kosovës të angazhohen edhe më fuqimisht dhe të veprojnë sa më shpejt në drejtim të realizimit të vullnetit të popullit të Kosovës për shtetin e pavarur të Kosovës.
Institucionet legjitime të Kosovës duhet të kërkojnë nga Bashkimi Evropian që të mos e njoh shtetin në formim Serbi - Mali i Zi, përderisa ky shtet në formim të mos e njoh të drejtën e popullit të Kosovës për të vendosur për fatin e vet.
Institucionet legjitime të Kosovës, gjithashtu, duhet të kërkojnë nga KS i OKB-së miratimin e një rezolute të re për Kosovën, në të cilën do të njihet edhe juridikisht e drejta e popullit të Kosovës për të pasur sovranitetin mbi Kosovën dhe për të zgjidhur
vetë fatin e vet.
AAK u bën ftesë të gjitha subjekteve politike në Kosovë, në veçanti LDK-së dhe PDK-së për të pasur një bashkëpunim edhe më të ngushtë në zgjidhjen e çështjeve kapitale të Kosovës, theksohet në këtë deklaratë të AAK-së.

Më 14 dhjetor në Kosovë mbërrin një delegacion i Këshillit të Sigurimit të OKB-së
Prishtinë, 11 dhjetor 2002 - Më 14 dhjetor në Kosovë mbërrin një delegacion i Këshillit të Sigurimit të OKB-së, i cili pritet të takohet me zyrtarë më të lartë të UNMIK-ut dhe të institucioneve të Kosovës. Gjatë qëndrimit në Kosovë ky delegacion, pos Prishtinës, do të vizitojë edhe Mitrovicën, Vushtrrinë, Gjilanin, ku do të njihet me arritjet që ka shënuar administrata e UNMIK-ut dhe institucionet vendore.
Sipas mediave serbe kjo vizitë e delegacionti të Këshillit të Sigurimit është inicuar nga përfaqësuesi i Rusisë në KS.

Shefat e diplomacisë së BE-së në Bruksel kanë përshëndetur zgjerimin e pushtetit të UNMIK-ut në veri të Mitrovicës
Bruksel, 11 dhjetor 2002 - Shefat e diplomacisë së Bashkimit Evropian nga mbledhja e djeshme në Bruksel kanë përshëndetur zgjerimin e pushtetit të drejpërdrejt të UNMIK-ut në pjesën veriore të Mitrovicës duke vlerësuar këtë si hap me rëndësi drejt rregullimit të mëtejshëm të rrethanave në Kosovë.
Ministrat e diplomacisë së BE-së nuk iu referuan fare çështjes së statusit përfundimtar të Kosovës.

U helmuan edhe 100 nxënës shqiptarë të shkollave të mesme në Kumanovë
Kumanovë, 11 dhjetor 2002 - Mbi 100 nxënës shqiptarë të shkollave të mesme të Kumanovës sërish u helmuan në lokalet e tyre shkollore. Ata me vetura të ndihmës së shpejtë janë transferuar për në spitalin e Kumanovës ku u është dhënë ndihma mjekësore. Në repartin infektiv në këtë qendër spitalore gjatë tërë natës janë paraqitur nxënës të cilët ankoheshin për marramendje, vjedhje dhe shtrëngime trupore. Mbi 25 raste më të rënda janë dërguar gjatë natës së pardjeshme në spitalin shtetëror të Shkupit. Numri më i madh i nxënësve të helmuar janë të gjinisë femërore. Për një periudhë tejet të shkurtër kjo është hera e dytë që helmohen nxënësit shqiptarë të Kumanovës. Janë këto helmime që shqiptarëve u përkujtojnë helmimet e para disa viteve në Kosovë dhe ato të vitit 1996 në Tetovë. Për këtë gjë ka debatuar edhe Qeveria e Maqedonisë, por pa ndonjë konkluzë konkrete rreth ndriçimit të këtij rasti.

Misioni vëzhgues i BE-së prej janarit të vitit 2003 do ta ndërpresë punën në rajonin e Medvegjës
Medvegjë, 11 dhjetor 2002 - Misioni Vëzhgues i Bashkimit Evropian prej janarit të vitit 2003 do ta ndërpresë punën në rajonin e komunës së Medvegjës. Tërheqja e këtij Misioni është paralajmëruar gjatë bisedës së së përfaqësuesve të Misionit vëzhgues të BE-së me shefin dhe komandantin e potkomandës policore në Medvegjë. Vëzhguesit e BE-së tash për tash nuk kanë paralajmëruar tërheqjen e përfaqësuesve të vet nga komunat e Bujanocit dhe të Preshevës.

Kosovë: MSH nuk di ç’të bëjë përballë atakut “medicinal” të Beogradit në veri
Prishtinë, 11 dhjetor 2002
Sipas Sabri Halilit, zëdhënës për informim në Ministrinë e Shëndetësisë në Qeverinë e Kosovës, “ndërhyrja e Qeverisë serbe në Kosovë (përmes Ministrisë së saj të Shëndetësisë) nuk është asgjë e re për shëndetësinë dhe shoqërinë kosovare”. Halili, të mërkurën, i ka thënë Kosovapressit se “Beogradi me shumë segmente është duke u përzier në Kosovë, bile edhe me bekimin e UNMIK-ut”.
Mediat serbe kanë bërë të ditur se “Ministria e Shëndetësisë së Republikës së Serbisë, dje, ia ka paguar 16,9 milionë dinarë Institutit për Mbrojtjen Shëndetësore në Mitrovicë për blerjen e pajisjes më të domosdoshme dhe më bashkëkohore”. Sipas këtyre mediave, “Instituti është në rrjetin e institucioneve shëndetësore të Ministrisë së Shëndetësisë së Serbisë, kurse paisjen e re do ta shfrytëzojë jo vetëm instituti, por edhe të gjitha institucionet shëndetësore, në Kosovë, ka kumtuar Ministria e Shëndetësisë”.
“Ne e dimë se ekziston një shtëpi e shëndetit në veri të Mitrovicës, punonjësit e së cilës kryesisht janë serbë dhe nuk kanë kurrfarë bashkëpunimi me Ministrinë e Shëndetësisë të Qeverisë së Kosovës, madje as nuk e njohin këtë ministri”, ka thënë Sabri Halili, duke shtuar se më e keqja është që “edhe përkundër tentimeve tona, që t’i integrojmë të gjitha spitalet dhe shtëpitë shëndetësore në sistemin e gjithmbarshëm shëndetësor të Kosovës, deri më tash nuk kemi arritur asgjë”.
Zëdhënësi Halili i ka thënë Kosovapressit se “për këtë, Ministria e Shëndetësisë ka kërkuar edhe ndihmë nga faktori ndërkombëtar, por ata si gjithnjë janë përgjigjur me ‘ne nuk kemi siguri’”. “Ne faktikisht nuk jemi kompetentë që të garantojmë sigurinë ndërkohë që dihet se kush është për siguri”, ka potencuar Halili.
Ndryshe ai ka thënë se politika e Minsitrisë…, zëdhënës i së cilës është ai, është shumë e qartë. “Ne e kemi edhe problemin e licencimit të mjekëve, i cili përfundon në këtë muaj, dhe deri më tash përsoneli mjekësor serb nuk i është përgjigjur fare kërkesës së Ministrisë së Shëndetësisë të Qeverisë së Kosovës, gjegjësisht Bordit Qendror për licencim, sepse ata i pranojnë dirigjimet nga Serbia dhe ende nuk e njohin Ministrinë e Shëndetësisë të Kosovës”, ka thënë në fund të prononcimit për Kosovapressin, zëdhënësi i MSH-së, Sabri Halili.

Shtajner kthen mbrapsht Ligjin për Tregti të Jashtme
Prishtinë, 11 dhjetor 2002
Ligji mbi Tregti të Jashtme, i cili ishte aprovuar kohë më parë nga Parlamenti i Kosovës, është kthyer mrapsht nga Shtajner, për t’u rishqyrtuar përsëri, kanë njoftuar zyrtarë të Qeverisë së Kosovës.
Ata thanë se kjo është bërë si rezultat i disa neneve të atij ligji, të cilat janë vlerësuar të kenë qenë paksa diskutabile.
Mirëpo, sipas tyre, menjëherë janë harmonizuar qëndrimet ndërmjet Zyrës ligjore të UNMIK-ut dhe Qeverisë së Kosovës, por edhe të Ministrisë për Tregti dhe Industri.
Ligji ndërkaq do të rishqyrtohet përsëri nga Komisioni parlamentar për tregti të jashtme. Komisioni është arsyetur se Ligji për Tregti të Jashtme i është dorëzuar shumë vonë dhe nuk ka mundësi ta shqyrtojë hollësisht.

AER përfundoi zgjerimin e terminalit të ri doganor në Han të Elezit
PRISHTINË 11 dhjetor 2002- Me financimin e 1.2 milionë € nga Agjencia Evropiane për Rindërtim (AER), të martën iu është dorëzuar autoriteve kosovare terminali i ri doganor për transportuesit e rëndë në Han të Elezit, i cili pritet të hyjë në funksion në pranverë të viti të ardhshëm kur do të përfundojnë punimet në pjesën kufitare të Maqedonisë.

Në Biblotekën Kombëtare u promovuan katër vepra të Sami Frashërit
Prishtinë, 11 dhjetor 2002
Në Biblotekën Kombëtare të Prishtinës në prani të një numri të madh studiuesish dhe adhuruesish të shkencës letrare, të mërkurën, u bë promovimi i katër librave të shkrimtarit të Rilindjes sonë Kombëtare, Sami Frashërit.
Të katër tekstet e promovuara i ka përkthyer nga osmanishtja Mehdi Polisi, me të cilat vepra nuk ishte i njohur më parë lexuesi shqiptar në gjuhën shqipe.
Kryetari i Lidhjes së Shkrimtarëve të Kosovës, Adem Gashi, tha se “Sami Frashëri i takon dy kulturave, asaj turke dhe shqiptare. Kolona e katër veprave që përurojmë sot, është edhe një akt dëshmimi për autorin e tyre”.
Në këtë promovim u dhanë edhe mendime të tjera për veprimtarinë e begatë të Samiut, i cili bëri një punë të madhe shkencore në kohën e zhvillimit të kulturës së orientit.

E marte, 10 dhjetor, 2002
Sërish helmohen mbi 100 nxënës shqiptarë në Kumanovë
Kumanovë, 10 dhjetor 2002
Të paktën 100 nxënës shqiptarë të shkollave të mesme janë helmuar, në njërin nga qytetet që është i populluar me qytetarë shqiptare, në Kumanovë, brenda një periudhe kohore shumë të shkurtër.
Kjo është hera e dytë e helmimit të nxënësve shqiptarë, në shkollat e mesme të Kumanovës.
Mësohet se dje pasdite, sërish janë helmuar mbi 100 nxënës shqiptarë në lokalet e tyre shkollore, të cilët me vetura të ndihmës së shpejtë janë bartur në spitalin e Kumanovës, ku u është dhënë ndihma e parë mjekësore, ndërkaq mbi 25 raste më të rënda të helmimit janë dërguar në spitalin shtetëror të Shkupit.
Gjithashtu, në repartin infektiv të kësaj qendreje spitalore tërë natën janë paraqitur nxënës, që janë ankuar për marramendje, vjellje dhe shtrëngime në trup.
Për helmimin e nxënësve janë njoftuar të gjitha institucionet e larta shtetërore dhe ato ndërkombëtare, ndërkaq për këtë çështje ka debatuar edhe Qeveria maqedonase, por nuk ka nxjerrë ndonjë konkluzë konkrete rreth ndriçimit të këtij rasti.
Ndryshe, për shkak të helmimit të një numri kaq të madh të nxënësve procesi mësimor, si në shkollat e mesme ashtu edhe në ato fillore të Kumanovës, është ndërprerë përkohësisht.
SHBA-të dhe Evropa nuk guxojnë ta braktisin Ballkanin
Uashington, 10 dhjetor - Shtetet e Bashkuara të Amerikës dhe Evropa nuk guxojnë ta braktisin Ballkanin sepse përpjekjet disavjeçare të bashkësisë ndërkombëtare për paqe do t'ia linin vendin jostabilitetit të thellë dhe ndoshta edhe terrorizmit, ka paralajmëruar me një studim të veçantë Këshilli Amerikan për Marrëdhënie Ndërkombëtare në një studim. Në këtë studim rekomandohet riorganizimi i forcave të tashme në Ballkan në pajtim me nevojat e procesit të asociim-stabilizimit në BE dhe programin e NATO-s të Partneritetit për Paqe. Studimi i publikuar konstaton se qeveritë e vendeve ballkanike duhet të sigurohen për përfitime ekonomike e politike dhe të sigurisë, që do të vijnë nga ndryshimi i sistemeve të bashkëpunimit me standardet evropiane të institucionit.
Kosova, regresi dhe perspektiva
Prishtinë, 10 dhjetor 2002
Shkruan Hashim Thaçi
Marrëveshja për krijimin e unionit të ri shtetesh në Ballkan ngadalë po finalizohet, zyrtarizohet dhe me gjasë do të njihet-pranohet nga qendrat vendosëse të politikës ndërkombëtare. Karta Kushtetuese e Serbisë dhe Mali të Zi do të miratohet mbrenda pak ditesh nga parlamentet e të dy vendeve Beogradit dhe Podgoricës.
Në tekstin përfundimar të preambulës së Kartës Kushtetuese të shtetit të përbashkët (Serbia dhe Mali i Zi), përfshihet edhe Kosova sic shkruhet në tekst: “Duke marrë parasysh barazinë e dy shteteve anëtare, shtetit të Malit të Zi dhe shtetit të Serbisë që përfshinë Krahinat Autonome të Vojvodinës dhe të Kosovës e Metohisë e cila aktualisht është nën adminstrimin ndërkombëtar konform rezolutës 1244 të Këshillit të Sigurimit të OKB-së, në përputhje me Bazën Fillestare për Riformulimin e Marrëdhënieve ndërmjet Serbisë dhe Mali të Zi”
Në Kosovë nuk mungojnë opinionet, sipas të cilave thuhet: “Beogradi dhe Podgorica mund të shkruajnë çka të duan, por, Kosova e ka zgjedhur rrugën e vet drejt Evropës, apo kjo është vetem zgjidhje e përkohshme etj”. Por, nuk është krejt ashtu. Cështja nuk është aq e thjeshtë siç prezentohet me aq komoditet ”intelektual” dhe aspak reflektim analitik dhe politik, sepse kjo nuk përkon me realitetin juridik dhe përceptimin qytetar kosovar rreth problematikës. Formulimi i lartëcituar nga Karta Kushtetuese e Unionit Serbi dhe Mali i Zi është duke u sponzorizuar nga Brukseli (Bashkimi Evropian) dhe do të mbështetet edhe nga Ëashingtoni zyrtar.
Përfshirja e Kosovës e (Metohisë) në këtë Union jo jetëgjatë dhe të papërspektivë, bëhet pa respektuar vullnetin e qytetarëve të Kosovës. Të zgjedhureve të tij-institucioneve të Parlamentit, Qeverisë, partive politike madje pa konsultim paraprak as me qytetarët e këtyre dy vendëve fqinje të Kosovës (Serbisë dhe Malit të Zi).
Është theksuar, të gjithë duhet të jenë të barabartë para kritereve demokratike. Derisa, kosovarët janë në rrugë të mirë për realizimin e tyre, si parakusht për zgjidhjen e statusit përfundimtar. Në anën tjetër, Beogradi vazhdon të jetë mosrespektuesi më i madhë i standardeve demokratike në rajon (Kujto vetem aferën e freskët por të rrezikshme të bashkpunimit rreth armatimit të Beogradit zyrtar me Irakun).
Duke mos harruar se Beogradi vazhdon t’i shkelë të drejtat e njeriut, minoritarëve, legjislacioni pothuaj ende është i kohës së sistemit monist, nuk ka bashkëpunim parimor me tribunalin e Hagës, nga pushteti(tet) vazhdon instrumentalizimi i mediave, mosrespektimi i rregullave te ekonomisë së tregut. Ushtria, policia dhe shërbimet ”inteligjente”serbe udhëhiqen prej ish strukturave që nxitën dhe udhëhoqën luftrat në Slloveni, Kroaci, Bosnjë-Hercegovinë dhe Kosovë, i gjithë ky potencial kadrovik dhe tekniko- ushtarak është jashtë kontrollit civil me orjentim demokratik. Shtroj pyetjen; Sa po respektohen vendet në procesin e integrimeve në strukturat perëndimore sipas implementimit të reformave demokratike? duhet theksuar me rastin e Kosovës po ndodhë e kundërta. Prishtina është duke i realizuar me vendosmeri (megjithëse kufizimet politike, legjislative dhe juridike) reformat demokratike për të mirën e vendit, shoqerisë, rajonit në përgjithësi dhe integrimit në strukturat e Brukselit.
Ndërsa, Beogradi vazhdon të injorojë dhe shkelë mbi reformat. Për befasi! Qëndra te ndryshme te politikës ndërkombëtare vazhdojnë në njerën anë t’i zbusin (disiplinojnë) kosovarët në reagimet e tyre rreth statusit, por, në anën tjetër bëjnë trysni ndaj Beogradit dhe Podgoricës për përfundimin sa më të shpejtë të marrëveshjës për Unionin (Serbi dhe Mali i zi) gjithënjë sipas formulës, pjesë e së cilës do të jetë edhe Kosova.
Për çudi Kosovës i thuhet se pari standardet e pastaj statusi, ndërsa Beogradit se pari të arrihet marrëveshja (statusi) e pastaj standardet. Kosova dhe qytetarët e saj kanë përcaktim dhe punojnë për reforma, e jo për ndonjë rilidhje të re me Beogradin. Bashkësia ndërkombëtare njohu statuset politike para standardeve demokratike për Slloveninë, Kroacinë, Bosnjë dhe Hercegovinën, Maqedoninë, Sllovakin etj. Kosovarët nuk ju friksohën dhe nuk pretendojnë t,i shmangen realizimit të standardeve, por, në rastin(përjashtim) të Kosovës; kërkohet të mos ketë kritere të dyfishta rreth standardeve dhe statusit.
-Prishtinën dhe Beogradin nuk i ndajnë dhe as nuk i “bashkojnë” standardet por statusi.
Kosova dhunëshem ishte bërë pjesë e Serbisë (1912) mbretrisë Serbo- Kroate-Sllovene (1918), Jugosllavisë (AVNOJ-it-1945), Serbia jovullnetshëm u largua (qershor-1999).
Sot, në kohë të tranzicionit demokratik-Kosova juridikisht po njihet si pjesë e Serbisë me vendim politk, duke mos respektuar parimet dhe procedurat demokratike të vendimmarrjeve. E kam potencuar, vullneti i qytetarëve nuk mund të ndrydhet me dekrete apo deklarata politike.
-Mini-federatës për bashkëpunim Rusi-bjellorusi dhe Ukrainë, gjatë luftës në Kosovë, ju shtua edhe lidhja direkte e Serbisë, Beogradi ende nuk e ka shfuqizuar këtë marrëveshje. Pse Kosova të jetë pjesë e kësaj lidhje antiperëndimore?! kjo është fyerje, por, sikur ka edhe konotacione ndëshkuese(diciplinuese) për qytetarët me orjentim të vullnetshëm perëndimor të Kosovës.
Sipas kësaj Karte Kushtetuese Unioni do të mbeshtetet në parimet e barazisë së dy shteteve anëtare (Serbi dhe Mal i zi- në vazhdim SM), territori do të përbehet nga shtetet përkatëse SM, ato do të kenë treg të përbashkët. Unioni do t’i ketë simbolet flamurin, himnin dhe stemën, qendrën administrative. Kuvendi dhe Këshilli i ministrave do të jetë me seli në Beograd, shtetasi i shtetit është anëtar shtetas i SM, Unioni lidhë dhe vendos marrëdhënie ndërkombëtare me shtetet tjera, SM vendos për cështje ushtarake dhe të mbrojtjes, kanë një Ushtri etj etj.
Dihet se për cfarë barazie mund të flitet për qytetarët e Kosovës sipas parimit të barazisë së dy shteteve, padrejtësisht për territorin e Kosovës flitet si pjesë e një shteti të këtij unioni. Kosova mund dhe do të ketë bashkëpunim tregtar me Beogradin dhe Podgoricën, por do të jetë e papranueshme që ekonomia e Prishtinës të udhëhiqet nga Beogradi.
Kosova është duke e ndërtuar identitetin shtetëror do të ketë himinin, flamurin dhe stemën e vet, është e paimagjinueshme që nga qytetari i Kosovës të kërkohet të këndohet përsëri“Hej Slloveni apo ndonjë hej ……..tjetër, sic është e jashtë çdo logjike që ndokush nga Kosova të kërkojë nga qytetari kosovar me përkatësi serbe të këndojë propozim himinin “Kur ka ra kushtrimi në Kosovë”.
Qytetari i Kosovës do të ketë shtëtsinë e kosovarit, e asesi shtetësi hibrdizuese SM. Kosova po bënë hapat e parë në drejtim të vendosjes së lidhjeve ndërkombëtare, vështirë mund të gjesh qytetar shqiptar dhe i përkatësive minoritare joshqiptare që do të emërohej ambassador i unionit Serbi-Mal i Zi. Vendi ka strukturen e vet të mbrojtses e cila funksionon sipas marrëveshjes me ndërkombëtarët, nuk është fare gjykim real nëse nga i riu kosovar kërkohet të veshë uniformën dhe shërbej politikës së shtetit serb dhe malazez.
Eshtë larg çdo realiteti të pritet, se qytetarët kosovar (shqiptarë dhe minoritare jo serb) të marrin pjesë në votim për të zgjedhur deputetët për në Parlamentin Serbo-Malalzez. Të kenë Parlament dhe qeveri të përbashkët, Kushtetutë, ushtri, polici, adminstratë, buxhet, etj. etj.
-Prishtina, Podgorica dhe Beogradi mund t’i kenë deputetët e vet në Parlamentin Evropian, por asesi në një asamble me seli në Beograd.
-Ne Beograd sot, me teper ka mbështetës të pavarsisë së Kosovës sesa në Prishtinë mbështetës të ndonjë rilidhje me Serbinë.
-Që të ndodhë stabiliteti dhe ngadhnjimi i vlerave demokratike duhet të Pavarsohet Kosova, Mali i Zi dhe Serbia. Të ndara vec e vec, dhe të ndhodhë njohja reciproke, por, të orejentuara kah perëndimi, kjo zgjidhje do të jetë më efektive për rajonin, për hyrje në BE e pse jo edhe në NATO.
-Kosova po kalon fazën e parë të pavarsisë dhe demokratizimit. Idea për liri të plotë të Kosovës nuk është ide vetëm shqiptare, por projekt i botës demokratike, të cilin po e implementojmë bashkarisht.
-Bota perëndimore duhet të respektojë solucionet e dreja e jo projekte të pasigurta. Unioni Serbi dhe Mal i Zi mund të formohet, por, funksionimi do të jetë i c’thurshëm ndërsa në Kosovë i dështuar.
-Koncepti politik në Ballkan duhet të de’ballkanizohet. Janë anarkonike sintagmat: politikë, drejtësi, siguri, parlament ballkanik etj. Kosova është pjesë e botës oksidentale, gjeografikisht ndodhet në Ballkan, por, në aspektin politik dhe kulturor, është e orjentuar kah bota përendomore. Edhe shtete balltike janë gjeogrfikisht më afër Rusisë por ato u pavrsuan, arritën stad solid të demokratizimit dhe me sukses u integruan në strukturat veriatlantike.
-Për luftën që ndodhi (bombardimet 1999), ndaj Serbisë, Perëndimi nuk i ka borxh Beogradit.
-Kosova duhet të pavarësohet dhe hëesternizohet (perëndimizohet e jo të ndodhë Serbo-ballkanizimi i saj.
Shkrimi është marrë nga “Korrieri”.

E hënë, 9 dhjetor, 2002
Takim për të ardhmen e Kosovës
Washington 9 dhjetor 2002 -Zëri amerikës njoftoi se më 5 dhjetor, në Washington u organizua një takim për të diskutuar për të ardhmen e Kosoves. Në takimin e organizuar nga drejtori i nismës për Ballkanin në Institutin Amerikan të Paqes, Daniel Serwer, merrnin pjesë zyrtarë dhe specialistë që mbulojnë Ballkanin nga Shtetet e Bashkuara dhe Evropa perëndimore. Meqë takimi ishte me dyer te mbyllura, zoti Serwer nuk pranoi të japë emrat e pjesëmarrësve në të. Sipas organizatorit, pjesëmarrësit në takim shprehen mendimet e tyre personale dhe jo të institucioneve apo organizatave që përfaqësonin. Zoti Serwer theksoi se takimi ishte shumë fillestar, u hodhën në tryezë dhe u diskutuan tezat e ndryshme për të ardhmen e Kosovës. Në të nuk u mor asnjë vendim dhe vëmendja u përqëndrua tek procesi që duhet ndjekur për statusin përfundimtar dhe jo se çfarë forme do të ketë ky status. Sipas zotit Serwer kishte pjesëmarrës në takim që mbrojtën tezën se statusi duhet përcaktuar shpejt, ashtu si pati edhe te tjerë që dhanë se procesi duhet të ecë më ngadalë. Megjithatë, zoti Serwer thotë se të gjithë pjesëmarrësit ishin të një mendimi se “Kosova nuk mund të kthehet më nën qeverisjen e Beogradit. Prandaj lind pyetja se ç’do të bëhet? Te gjithë e kanë të qartë që ky është një problem për t’u zgjidhur. Të gjithë, po ashtu, ranë dakort se procesi i standarteve të vendosura nga OKB-ja është shumë i rëndësishëm dhe se UNMIKU veproi drejt duke i vendosur këto standarte te qarta që duhen plotësuar. Dhe një nga standartet që ka ardhur koha të fillojë të plotësohet është dialogu midis Beogradit dhe Prishtinës. Shumica e të pranishmëve u shprehën se ky dialog për çështje konkrete duhet të fillojë, pavarësisht nga forma që do të ketë statusi përfundimtar. Ka shenja të paktën nga ky grup zyrtarësh e specialistësh se UNMIKU po ecën në drejtimin e duhur”, tha zoti Serwer. Megjithatë zoti Serwer e pranon se për fillimin e dialogut ka pengesa si në Beograd edhe në Prishtinë. Serbia është ende me zgjedhje presidenciale te papërfunduara kurse në Prishtinë vihet re një ndjenjë nervozizmi për të biseduar me Beogradin, megjithëse ka shenja se kjo po kapërcehet, njerëzit po e pranojnë se ky është një hap që nuk mund të shmanget. Shqiptarët gjithnjë e më shumë po këmbëngulin për fillimin e procesit. “Por në fakt procesi në një farë mënyre mund të quhet i filluar pikërisht me takime te tilla”, tha zoti Sewer. Ndonëse pjesemarrësit në takimin e djeshëm shprehen mendimet e tyre personale, janë pikërisht këta analistë që përgatisin raportet dhe që ndikojnë në procesin e vendim-marrjes. Sipas zotit Serwer tani ka ardhur koha për ta marrë më seriozisht mendimin e të gjitha palëve të interesuara, të shqiptarëve, të serbëve, të pakicave të tjera, të Shteteve të Bashkuara të Bashkimit Evropian, të Rusisë si dhe ka ardhur koha për një bashkërendim të politikave të fuqive te huaja për çështjen e Kosovës. “Bashkimi Evropian për shembull kerkon konsolidimin e shteteve për integrimin e tyre në strukturat e ndryshme evropiane dhe në këtë proces, thotë zoti Sewer, Kosova nuk mund te mbetet jashte, pra duhet ditur se cfare forme do te marre ajo ne te ardhmen”. Procesi i integrimit për Ballkanin që është mirëpritur nga këto vende, kërkon më parë ekzistencën e shteteve funksionuese. Është e qartë se procesi i asocim stabilizimit dhe anëtarësimi në strukturat evropiane, në Nato, janë të gjitha të bazuara në premisën e ekzistencës se shteteve fuksionuese. “Kosova nuk është vendi i vetëm ku mungon një shtet funksionues në Ballkan, por është një prej tyre ku ka nevojë për një shtet dhe për një shkallë sigurie se çfare forme do të ketë ky shtet sot dhe çfarë forme në të ardhmen. Të gjithë e kanë të qartë se kjo nuk mund të zgjidhet menjëhere, por do të zgjidhet brenda disa vjetesh”, tha zoti Serwer. Në takim u prek edhe çështja e pavarësisë. Por, sipas zotit Serwer, mendimet e shprehura ishin shumë të përgjithshme dhe nuk pati një konsensus të vetëm. U shprehën ide nga më të ndryshmet, një pjesë që e mbështesnin pavarësinë dhe një pjesë që e kundërshtonin atë. Por këto opinione ishin shumë të përgjithshme, pasi takimi u përqëndrua në procesin që duhet ndjekur dhe jo ne formën e statusit. Por një mendimi i përgjithshëm mes pjesëmarrësve ishte se çdo zgjidhje që do gjendet duhet te kalojë përmes Këshillit të Sigurimit, pasi vetëm Keshilli i Sigurimit mund të ketë të drejtën për të ndryshuar rezolutën 12-44 dhe vetëm ndryshimi i kesaj rezolute do te zgjidhte çështjen e statusit përfunditar të Kosovës. Pra kjo do të thotë që më parë duhet përcaktuar procesi, para se t’i paraqitet një propozim Këshillit të Sigurimit që ai të veprojë.

Daci tha se liria e mediave është si liria e shtetit
Prishtinë, 9 dhjetor 2002 - "Shteti në të cilin mediat janë të lira edhe vetë është i lirë. Liria e shtypit është një nga liritë më domethënëse që ka ndikim të jashtëzakonshëm në të gjitha rrjedhat e një shoqërie", tha kryetari i Kuvendit të Kosovës Nexhat Daci në seminarin me temën "Mediat dhe parlamenti", që po mbahet në mjediset e Kuvendit të Kosovës. Daci u bëri thirrje deputetëve dhe politikanëve t'u sigurojnë informacione mediave, por edhe nga mediat kërkoi një informim objektiv.
Ndërkaq shefi i OSBE-së Paskal Fieski tha se ndërtimi i demokracisë nuk është i lehtë dhe nuk do të arrijë të kompletohet sepse demokracia është proces që vazhdon. Sipas tij demokracia përbëhet nga tri elmente kryesore: njerëzve, politikanëve dhe mediave. Këto elemente, tha Fiseki, kanë përgjegjësi në ndërtimin e demokacisë. Ai theksoi se në punën e mediave çështje kryesore duhet të jetë transparenca dhe përgjegjësia

Statusi: Trajkoviq thotë se ka shqiptarë të gatshëm të dialogojnë, por…

Prishtinë, 9 dhjetor 2002
Sipas logjikës së shefes së parlamentarëve të “Kthimit” në Kuvendin e Kosovës, ka shqiptarë të moderuar të cilët janë të gatshëm për negociata me Beogradin, por, ka thënë ajo, “edhe ata pak përfaqësues të shqiptarëve të Kosovës të cilët janë të vetëdijshëm për realitetin dhe për nevojën e bisedimit me Beogradin zyrtar, nuk janë të gatshëm për dialog sepse janë nën presionin e shqiptarëve ekstremë".
Rada Trajkoviq, kryetare e grupit parlamentar serb (“Kthimi”), është deklaruar kundër fillimit të bisedimeve për statusin përfundimtar të Kosovës. Sipas saj, akoma nuk ka kushte për fillimin e bisedimeve. "Nuk ekzistojnë as kushtet minimale për fillimin e bisedave për statusin e Kosovës”, ka thënë ajo.
Mirëpo, Trajkoviq nuk ka thënë se, sipas saj, nuk duhet të flitet për çështje të tjera. "Sa më parë do të duhej të fillojë dialogu" për të gjitha çështjet tjera, ka thënë ajo, duke shtuar se të tilla çështje "ka tepër shumë".
“Shqiptarët po u shmangen edhe konferencave ndërkombëtare në të cilat duhet të paraqiten edhe përfaqësuesit e Beogradit, ka thënë Rada Trajkoviq, duke vlerësoi se kjo "e përkujton kohën e izolimit".
Ajo ka deklaruar se shqiptarët i shmangen dialogut sepse "kanë frikë nga realiteti". "Janë të vetëdijshëm se serbët janë ata të fundit të cilët duhet ta japin nënshkrimin përfundimtar. Për qetësinë e tyre ata këtë ende nuk duan ta pranojnë publikisht, mirëpo pikërisht kjo frikë po i detyron ta injorojnë dialogun", tha Rada Trajkoviq.

Dy shqiptarë të vrarë të rrethinën e Tetovës
Tetovë, 9 dhjetor 2002 - Gjatë natës ndërmjet të shtunës dhe të dielës në një bar-kafe nate në Pirok të Tetovës me armë zjarri është vrarë Besnik Mustafa (26) nga fshati Pallçisht. Rasti tragjik ka ndodhur pas një mosmarrëveshjeje me pronarin e lokalit.
Ndërkaq në rrugën Tetovë-Gjermë është gjetur i vrarë Burhan Hasani (21).
Këto janë vetëm dy nga vrasjet tragjike të fundjavës së kaluar nga seria e vrasjeve që kanë ndodhur muajve të fundit në Tetovë me rrethinë

Azem Syla: “Camaj ishte veprimtar i madh i çështjes kombëtare”
Prishtinë, 9 dhjetor 2002 Azem Syla, ish-komandant i përgjithshëm i Ushtrisë Çlirimtare të Kosovës, të hënën, përmes një telegrami i ka shprehur ngushëllime familjes së atdhetarit të njohur Pashk Camaj, nga Malësia (Mali i Zi), i cili ka vdekur dje në Nju-Jork të Shteteve të Bashkuara të Amerikës.
Në telegram, ndër të tjera thuhet se “Pashk Camaj ka qenë një veprimtar i madh i çështjes kombëtare dhe ka dhënë një kontribut të shquar në ndihmë luftës së Ushtrisë Çlirimtare të Kosovës, përmes Fondit ‘Vendlindja Thërret’, në SHBA si dhe ka kontribuuar në ndihmë edhe Trupave Mbrojtëse të Kosovës, i cili, njëkohësisht ka qenë edhe anëtar i kryesisë së shoqatës “Miqtë e TMK-së në Shtetët e Bashkuara të Amerikës”.
Pashk Camaj ka vdekur të dielen në Shtetet e Bashkuara të Amerikës. Ai njihet si njëri nga veprimtarët e devotshëm, që tërë jetën e tij ia ka kushtuar çështjes kombëtare, kudo dhe kurdo që ka qenë nevoja.

B2-shi kthehet në prodhim me 20% të kapacitetit PRISHTINË 9 dhjetor 2002 - Të hënën, në ora dhjetë të mëngjesit, pas katër muaj e gjysëm pauze, me kapacitet jo të plotë është kthyer në prodhim blloku i dytë i Termocentralit "Kosova B", që konsiderohet njëri ndër burimet kryesore të energjisë elektrike në Kosovë, thanë të hënën zyrtarë nga Shtylla IV e UNMIK-ut.

Për shkak të mungesës së nxemjes në disa shkolla
Mitrovicë, 9 dhjetor 2002
Ditët e ftohta kanë bërë që mësimi në disa shkolla të Mitrovicës të ndërpritet e në disa tjera të mbahet me vështirësi, për shkak të mungesës së nxemjes nëpër shkolla.
Duket se bora e parë edhe në javën e dytë të dhjetorit i “ka zënë në befasi” udhëheqësit e arsimit të shkollave, duke pësuar kështu më së shumti nxënësit.
Në Shkollën e Mesme të Gjimnazit “Frank Bardhi” mësimi është ndërprerë për kohë të pacaktuar, ndërkaq në Shkollën e Mesme Ekonomike “Hasan Prishtina” mësimi i rregullt nuk është mbajtur në orët e paraditës.
Drejtori i Gjimnazit “Frank Bardhi”, Fazli Hajrizi, tha se kemi kërkuar muaj më parë që kjo çështje të rregullohet, mirëpo kjo punë mbeti vetëm kërkesë në letër dhe për këtë arsye ishim të detyruar që nxënësit tanë t’i lëshojmë në “pushim” për kohë të pacaktuar.
Sipas tij, një delegacion nga shkolla qëndruan në Drejtorinë e Arsimit, ku kanë biseduar me udhëheqësin e arsimit komunal, Murteza Berisha, i cili ka premtuar se ”do të bëjmë çdo gjë që është e mundur që nxemja të rregullohet sa më pare”.
Udhëheqësi i arsimit Berisha ka theksuar “se ekziston një gjendje e rëndë financiare dhe pritet që Kuvendi komunal të ndajë mjete për rregullimin e nxemjes”.
Ndërkaq, dejtori i Shkollës së Mesme Ekonomike ”Hasan Prishtuna“, Tehvid Azemi, tha se jemi ankuar që sa kohë për shkak të nxemjes, mirëpo nuk kemi hasur në mirëkuptim tek organet kompetente komunale të arsimit dhe për këtë arsye kemi qenë të detyruar që nxënësit t’i lëshojmë nëpër shtëpi, pasi që kemi nxënës që udhëtojnë prej viseve të largëta.
Ai tha se kemi siguruar lëndën djegëse, mirëpo, sipas tij, tymtarët e kësaj shkolle nuk punojnë.
Ndryshe, për këtë shkollë është shpallur një tender, që për nxënësit është më se i vonuar, sepse, sipas punëmarrësit, shkolla duhet të jetë e zbrazët që të kryhen punët, kurse nxënësit edhe këtë dimër do të mbesin në mëshirën e askujt.

E mërkure, 4dhjetor, 2002

AKSH: Me të gjitha format për liri, vetëvendosje dhe bashkim kombëtar

Prishtinë, 4 dhjetor (Kosovapress) Time: 16:55
“Armata Kombëtare Shqiptare (AKSH), Komanda e Shtabit të Përgjithshëm, Sharr, më 04 dhjetor 2002”. Kështu shkruan në krye të një deklarate të këtij subjekti ushtarak, të lëshuar të martën, në trevjetorin e, siç thuhet në deklaratë, riorganizimit të AKSH-së. Për dallim nga deklaratat e deritashme të saj, të cilat janë konfirmuar vetëm virtualisht, në adresë të Kosovapressit, të martën ka ardhur deklarata më e veçantë e AKSH-së, e cila mban vulën dhe nënshkrimin e komandantit të përgjithshëm të saj, Shqiponja e Sharrit. Më poshtë, deklarata ipet në tërësi dhe pa ndërhyrje të redaksisë:
Vëllezër dhe motra! Armata Kombëtare Shqiptare lindi përsëri dhe u riorganizua si imediat i kohës, më 4 dhjetor 1999, dhe atë për qëllime të pastra dhe interesa kombëtare. Përkundër shumë marrëveshjeve, në të kaluarën, të bëra nga të huajt në kurriz të popullit tonë dhe në dëm të interesave kombëtare, ne vazhduam dhe do të vazhdojmë të ecim me të gjitha format dhe mundësitë tona drejt çlirimit dhe bashkimit kombëtar.
Ne, ashtu si dhe të parët tanë, e patëm dhe do e kemi me gjithë mend dhe me ndërgjegje të pastër luftën për liri. Edhe pse hasëm në shumë mospajtime dhe pengesa deri më tani, si nga një pjesë e bashkëkombasve tanë të pandërgjegjshëm, ashtu edhe nga një pjesë e faktorit ndërkombëtar dhe inetersave të tyre momentale, ne nuk dorëzohemi lehtë. Si popull, këtë e kemi dëshmuar gjatë historisë sonë. Edhe pse kemi vështirësi të shumta, në të gjitha trojet tona, të shkaktuara nga armiqtë tanë shekullor pansllavë, sllavë dhe kuislingë të tyre, ne nuk do të na ndalë asgjë në rrugën tonë, sepse edhe ne si popull duam dhe meritojmë liri.
Vëllezër dhe motra! Ta çojmë zërin rreptë së bashku kundër çdo gjëje që është antikombëtare, ta bojkotojmë çdo gjë që është kundër interesave popullore, të kërkojmë duke luftuar me të gjitha format për liri, vetëvendosje dhe bashkim kombëtar. Këto troje janë tonat, na i kanë lënë amanet të parët tanë që t’i çlirojmë dhe mbrojmë dhe ne do të mundohemi ta bëjmë Shqipërinë ashtu si duhet.
Zotërinj ndërkombëtarë, u jemi mirënjohës për ndihmën e dhënë, por do t’ju ishim edhe më falënderues atëherë kur nuk do të na pengonit në realizimin e synimeve tona. Edhe neve si popull na takon liria, vetëvendosja dhe bashkimi kombëtar, kurse integrimet euroatlantike do të ishin më të shëndosha pastaj.
Me mundësitë tona do ta vazhdojmë luftën e drejtë, deri në realizimin e amanetit të të parëve tanë për liri, vetëvendosje dhe bashkim kombëtar. Lavdi dëshmorëve të kombit! Për Shqipërinë e bashkuar! Liri a vdekje! Komandanti i Përgjithshëm, Shqiponja e Sharrit, përfundon deklarata e lëshuar të martën, në trevjetorin e riorganizimit të këtij subjekti, që pretendon vazhdimësinë e Armatës Kombëtare Shqiptare, të krijuar më 4 dhjetor 1912, nga qeveria e parë shqiptare e Ismail Qemalit.

Qytetarët shprehin pakënaqësi për propozimet për ndërrim të simboleve kombëtare

Prishtinë, 3 dhjetor (Kosovapress) Time: 16:50
Në ditën e kremtimit të Nëntorit të katërfisht: 28 Nëntorin të Skënderbeut, Ismail Qemalit, Adem Jasharit dhe UÇK-së, përfaqësuesit politikë dhe ushtarakë ishin në Vlorën e pavarësisë për ta kremtuar në mënyrë unike këtë jubile.
Një gjë të tillë nuk e bëri edhe presidenti i Kosovës, Ibrahim Rugova, i cili të njëjtën ditë doli me dy propozime konkrete: ndërrimin e flamurit dhe himnit kombëtar.
Opinioni i gjerë vazhdon t’i komentojë këto propozime në mënyra të ndryshme, duke e shprehur pakënaqësi ndaj propozimeve të tilla.
“Pesë minishtete, pesë flamuj, pesë himne, a nuk janë tepër shumë… Nëse presidenti e ka kështu, kjo gjason në diçka më shumë se lajthitje politike. Derisa popujt e mëdhenj që moti janë bashkuar, Rugova shprehë dëshirën për ndarjen jo vetëm territoriale, por edhe shpirtërore të popullit të tij”,- ka thënë Ragip Mexhuani, librashitës.
Studentja e Shkollës së Lartë Pedagogjike, Shukrije Syla, duke i quajtur këto propozime edhe shumë më të rrezikshme se sa që duken ka thënë: “28 Nëntori krahas madhështisë dhe krenarisë popullore të shprehur në të gjitha trojet shqiptare, fatkeqësisht ka shënuar edhe përpjekjen më të rrezikshme të përdhosjes. Dhashtë zoti të mos realizohen nerskamcat e këtijë Presidenti të quditshëm”.
“Valla bre vëlla kam dëgju e kam pa çkamos…veç se vjen puna e Rugova e bënë këtë nuk kisha besu kurrë. Qe besa ma kurrë nuk kom me ia dhënë votën…”,- është shprehur i revoltuar Selim Hamiti, një qytetar i papunë.
Inxhinieri i ndërtimtarisë, Zenel Topalli, propozimet e tilla të Rugovës i sheh në dritën e veprimeve të tij të vazhdueshme politike.
”Ai nuk ka lajthitur politikisht. Ai po ruan një vazhdimësi. Ai ka mohuar gjashtëdhjetëtetshin, tetëdhjetenjëshin, UÇK-në, Adem Jasharin, prandaj “llokumi” i fundit i tij nuk është rastësi, por vazhdimësi e politikës së tijë arbitrare madje dhe më shumë”, ka thënë ai.

Kosova ka nevojë të përkrahet e jo të mësohet z. Nano!

Shkruan: Arben Çokaj
Është tepër domethënës fakti që Nano shfaq përsëri tendencat e tij të ideve pakontroll. Në një takim të “Klubit Politik Ballkanik” këto ditë në Athinë, ai shprehet se duhet të fillojë dialogu Prishtinë-Beograd. Si kryministër i Shqipërisë, atij i takon të shfaqë mendimet e tij për të ardhmen e Kosovës dhe të rajonit në përgjithësi. Por ajo që të tërheq vëmendjen në këtë rast, është pikërisht kovergjenca e propozimit të zotit Nano me planin e nënkryeministrit serb Çoviq, të publikuar këto ditë në gazetën serbe “Politika”.
Shqiptarët e Kosovës, përmes lidërve politikë të zgjedhur me votën e lirë, kërkojnë zgjedhjen sa më parë të statusit final të Kosovës, e cila është pavarësia. Por kjo nuk duhet të ndodhë përmes një dialogu të drejtëpërdrejtë Prishtinë-Beograd, siç parashikon Çoviq në planin e tij për një Kosovë serbe, gjë që siç duket përkrahet momentalisht edhe nga Nano, por kundërshtohet hapur nga kryeministri i Kosovës, Rexhepi. Statusi final i Kosovës duhet të vendoset në Këshillin e sigurimit të OKB-së, e sidomos me përkrahjen e Shteteve të Bashkuara të Amerikës, si partneri më i besueshëm i shqiptarëve në përgjithësi, dhe i Kosovës në veçanti.
Shqiptarët dhe serbët nuk kanë çfarë të bisedojnë e të dialogojnë. Shqiptarët e Kosovës janë përcaktuar për pavarësi, dhe nuk gjen në Kosovë asnjë qytetar shqiptar, e jo më politikan, që të dalë kundër pavarësisë së Kosovës, si opsion i zgjidhjes përfundimtare të statusit të saj. Ndërsa serbët e kundërshtojnë këtë deri në nivele të larta të shtetit të tyre, pavarësisht se për shumicën e serbëve, Kosova është tashmë një çështje e humbur.
Por serbët, të cilët përkundër Nanos, e kuptojnë kozmopolitizmin politik, si ndjenjë egoiste për vetveten; të pajisur me një përvojë politike paksa më të madhe se Kryeministri i sotëm shqiptar, ata mundohen megjithatë të ndikojnë qendrat e vendosjes ndërkombëtare, duke shfrytëzuar edhe bindjet politike të majta sllave, për të minuar rrugën e Kosovës drejt pavarësisë. Në këtë mënyrë, serbët ia kanë arritur të bindin politikanë të majtë evropianë, punonjës të administratës së UNMIK-ut në Kosovë si Susan Manuael – ish-zëdhënësja e UNMIK-ut, etj. të cilët shkojnë aq larg, sa ta shohin të drejtën e shqiptarëve të Kosovës për pavarësi, si ironike. Këta punonjës bukëshkalë të UNMIK-ut, marrin rroga të majme në Kosovë, pa tatim fare, që nuk mund t’i marrësh lehtë diku tjetër, dhe në fund të fundit largohen me bisht nën shalë, duke nxjerrë në pah ndjenjat e tyre mosmirënjohëse, që i trishtonin ata për aq kohë sa ishin në Kosovë. Imagjinoni sa të trishtuar do jenë serbët vetë, të cilët gjithë jetën e tyre vuajnë se si t’ia mohojnë Kosovës të drejtat e saj!...
Kohët e fundit Nano jo vetëm që shfaqet si Don Kishot futurist e diletant politik për çështjet kombëtare, me thëniet e tij të parakohëshme “integrim në vend të sovranitetit tradicional”, apo “multikulturalizëm në vend të romantizmit nacionalist”, që fshehin në të vërtetë qëllimin e tij meskin, në mbështetje të planeve serbe, për të penguar Kosovën në rrugën e saj të pavarësisë. Kush po e pyet sot Nanon për integrim ballkanik, dhe kush nga shtetet e Ballkanit po i merr në dorë deklaratat e tij delirante?
T’i referohemi vetëm Greqisë, ku integrimi ballkanik për të, është pikërisht heqja e identitetit të shqiptarëve, ndërrimi i emrave dhe besimit të tyre, dhe përdorimi i tyre si skllevër modernë, pa as të drejtat më elementare të garantuara nga karta evropiane e të drejtave të njeriut, e cila është pranuar edhe nga Greqia. Është pikërisht shteti grek – anëtar i vetëm i Bashkimit Evropian nga Ballkani, që duhet t’i paraprijë idesë së një integrimi ndërballkanik, duke filluar me respektimin e të drejtave të çamëve e të emigrantëve shqiptarë atje, e jo Kryeministri i sotëm shqiptar - kryeministër i një vendi me një ekonomi të dobët, që vuan nga idetë e tij servile, me shpresë se do kuptohet nga Evropa.
Ne që jetojmë në Evropë, dhe i njohim mjaft mirë huqet e politikës së shteteve nacionale evropiane, mund t’i kujtojmë Nanos, se rruga drejt Evropës nuk bëhet me servilizëm të tejskajshëm e nënshtrim, dhe duke shitur interesat nacionale e vitale të vendit e kombit tënd. Evropianët nuk të honepsin fare, kur dikush u lutet për ndihmë, ata respektojnë më tepër të fortin dhe atë që di t’i mbojë të drejtat e tij. Por duket se kryeministri i Shqipërisë, z. Nano, nuk i njeh si dhe sa duhet Evropianët, dhe kjo nuk është vetëm fatkeqësi e tij si kryeministër, por më tepër një fatkeqësi për popullin shqiptar, që nuk gjen rrugë për ta zëvendësuar atë.
Duke u nisur nga tradita politike Evropiane, e sidomos nga tradita politike në Ballkan, idetë e Nanos për një integrim ballkanik, në kurriz të popullit shqiptar, nuk paraqesin një prespektivë të qartë. Duhet në radhë të parë të krijohet substanca e organizuar shqiptare, para se ne të fillojmë integrimin. Pasi integrimi në vetvete, nuk është naiv e idealist në ajër, siç mundohet ta paraqesë Nano, por është në radhë të parë ballafaqim vlerash mbi baza konkurruese e dominuese. Në marrëdhënie me fqinjët, sot për sot, Shqipërisë dhe Kosovës i shkon më shumë për shtat termi “fqinjësi e mirë – kufinj të fortë” sesa “integrimi në vend të sovranitetit tradicional”. Prandaj Nano si kryeministër i Shqipërisë të punojë më shumë për zgjidhjen e problemeve të mëdha në shtetin e tij, e të mos hapet si vaji në lakra, duke u munduar të mësojë shqiptarët e Kosovës se çfarë duhet të bëjnë.
Kryeministri shqiptar Nano po jeton sot ekstazën e suksesit të tij, me një grua të re e të bukur, me një opozitë të heshtur (për hir të marrëveshjeve), i bindur më shumë se kurrë, se ai po shtron rrugën e Shqipërisë për në Evropë, pa shtruar as edhe rrugët e vendit të vet. Dhe jo vetëm kaq, por si mbështetës real i ideve të Demaçit për Ballkani e vëllazërim me serbët, ai po thekson gjithnjë e më tepër termat integrim ballkanik, multikulturalizëm, etj. Sikur nuk bëhet fjalë këtu për një gadishull si Ballkani, ku historitë e vjetra ngjallen papritmas, e bëhen më reale e kokëforta, se vetë idetë e pakontroll të Nanos.
Kosova ka ndërtuar tashmë strukturat e saj politike të drejtimit të një shteti, duke u mbështetur në votën e lirë të qytetarëve të saj. Presidenti i Kosovës Dr. Ibrahim Rugova, është një politikan i afirmuar në arenën ndërkombëtare si personalitet evropian; një njeri i mençur e me kulturë të gjërë. Kosova është më afër se gjithmonë pavarësisë reale të saj dhe shtetit të ri në Ballkan. Pra Kosova e ka treguar veten, se i di mirë punët e veta. Por Kosovës i duhet përkrahje e madhe, në radhë të parë nga shteti shqiptar, i cili në vend të kësaj përkrahjeje të nevojshme, heq zyrën e Kosovës nga Tirana, dhe për hir të marrëdhënieve me Serbinë e fqinjë të tjerë jo-shqiptarë, mundohet të japë leksione që janë në koherencë me mendimin serb për një Kosovë serbe.
Thonë se hitoria përsëritet. A mos duhet të mendojmë ne shqiptarët, se interesat e popullit shqiptar të Kosovës po shiten përsëri nga shteti shqiptar, për hir të konjukturave banale e personale të krerëve politikë të Shqipërisë së sotme, siç bënë komunistët më 1944? Dihet se Partia Socialiste është pasardhëse e Partisë së Punës, pra e komunistëve shqiptarë, por kjo nuk do të thotë se lideri socialist Nano (nëse nuk është i shitur) duhet të vazhdojë traditën e të veprojë si diktatori Hoxha. Duhet që pikërisht, pasardhësit e sotëm të komunistëve shqiptarë, të punojnë që të ndreqin një padrejtësi të madhe historike e kombëtare të popullit shqiptar, të krijuar pikërisht prej tyre, në mënyrë që ata të konsiderohen modernë e të reformuar, siç ka dëshirë ta quajë edhe z. Nano.
Çështja e Kosovës duhet të zgjidhet në një rrugë të drejtë, ashtu siç është shprehur populli i saj në referendumin popullor. Nëse kjo gjë nuk përkrahet nga shteti i sotëm shqiptar, atëherë z. Nano të mos shpresojë se ka për ta bërë gjumin e qetë, dhe ka shumë mundësi që atij do i duhet, që inteligjencës së tij të lindur, t’i heqë një paralele ndërmjet veprimeve të tij të sotme, dhe atyre të diktatorit Hoxha më 1944.
Në Kosovë ekziston i qartë mendimi unik për të ardhmen e Kosovës dhe statusin final të saj. Ndërsa në Shqipëri konsiderohet si demokratik e i arsyeshëm mendimi apatik e divergjent për fatet e kombit shqiptar, e sidomos statusin e ardhshëm të Kosovës. Kërkohet që edhe shteti shqiptar të dalë hapur dhe unik në qëndrimet politike të tij për çështjen e pavarësisë së Kosovës, duke filluar që nga presidenti Moisiu, kryeministri Nano, ministri i jashtëm Meta, etj. Për çështje të përbashkëta kombëtare, mendimi i forcave politike si në Kosovë ashtu edhe në Shqipëri, duhet të jetë i përbashkët dhe pa ekuivoke

E marte, 3 dhjetor,2002

Mbrëmë më 2 dhjetor 2002

Shfaqja e premiares së drames ANATEMA

Mbrëmë në orën 7 të mbrëmjes, në njerën nga sallat e Hunter Collegjit në Manhattan, Tetari i sapothemeluar Shqiptar në N.York shfaqi premierën e drames ANATEMA të Xh. Limanit.

Aktori i njohur Xh.Limani kishte rol te trefisht autor i drames, regjinë, aktrimin e rolit kruesor (zotit).

U paraqiten ne rolet tjera edhe Mirela miraj, Luan Bexheti etj.

Skenograf: Astrit Tota
Fotograf: Fadil Berisha dhe Astrit Tota

Disajnere: Xhulia Hasimi
Muzika: Raif Hyseni

(nga N.Syla për erenikun dhe RTV21)

E shtune, 30 nëntor, 2002

Rexhepi: Nëse nuk caktohet statusi final i Kosovës për 2-3 vjet mund të ketë konflikt të armatosur

TIRANE, 30 nëntor - "Nëse ndërkombëtarët nuk vendosin për statusin përfundimtar të Kosovës brenda 2 ose 3 viteve, atëherë mund të shpërthejë një konflikt i armatosur". Kështu u shpreh sot në një intervistë për TV KLAN, kryeministri i Kosovës Bajram Rexhepi. Ai më tej ka shtuar se përfshirja e Kosovës në parathënien e Kartës Kushtetuese, Serbi-Mali Zi, është një fakt më tepër, që në të ardhmen forcat radikale të shpërthejnë në revolta mjaft me rrezik për vendin. "Ne jemi një vend i lirë dhe kemi luftuar për këtë ditë, por nuk është aspak e drejtë që vendi ynë të përfshihet në parathënien e Kartës Kushtetuese. Ne nuk duam luftë, por lufta është bërë për t' i shpëtuar skllavërisë", u shpreh Rexhepi. Kryeministri i Kosovës ka vlerësuar punën e kryeadministratorit të Kosovës Mikael Shtajner, i cili arriti, që të decentralizonte pushtetin. Po ai nuk pranoi që të jepte koment për punën që ka bërë deri tani presidenti i Kosovës Ibrahim Rugova.

Presidenti Bush paralajmëroi se SHBA-të mbeten deri në fund të angazhuara në misionin e NATO-s në Kosovë
Uashington, 30 nëntor - Në një raport gjashtëmujor të paraqitur në Dhomën e Përfaqësuesve, Presidenti amerikan Xhorxh Bush ka vlerësuar se në Kosovë janë përmirësuar kushtet për realizimin së paqes së qëndrueshme. Ndërkaq, duke folur për parakushtet, nga aspekti ushtarak, për tërheqjen e forcave amerikane nga përbërja e KFOR-it, Presidenti Bush paralajmëroi se SHBA-të mbeten deri në fund të angazhuara në misionin e tanishëm të NATO-s në Kosovë.
"Në sendërtimin e qëllimeve të projektuara në Kosovë, para NATO-s shtrohen katër detyra kryesore: stabiliteti ushtarak, siguria publike, çështjet kufitare dhe mbështetja ndaj aksioneve të Gjykatës ndërkombëtare në Hagë për krime lufte", thuhet në këtë raport.

Shtajner viziton zyrat e reja të AKM në Mitrovicë: Duam institucione funksionale në tërë Kosovën

MITROVICE, 30 nëntor - Administratori Mihael Shtajner vizitoi sot zyrat e reja të UNMIK-ut në veri të Mitrovicës, të cilat janë duke u rregulluar. "Aroma e bojës është aromë progresi", tha Shtajneri. Administratori komunal, Xhon Roxhers dhe zëvendësi i tij Ramesh Abhishek, i cili kryeson zyrën e UNMIK-ut në Mitrovicën veriore, shoqëruan Shtajnerin, i cili shfaqi kënaqësinë për rinovimin e shpejtë të ndërtesës. "Ne duam të tregojmë që mund t'u shërbejmë njerëzve", tha ai. Administratori Shtajner vizitoi më pas ndërtesën ku do të vendoset Agjencia Kosovare e Mirëbesimit. Atje ai u takua me Lars Xhensenin, zëvendëskryetarin e AKM-së. Në një konferencë të shkurtër për shtyp, Shtajneri foli për rëndësinë e multietnicitetit në Kosovë. "Multietniciteti është qëllimi i të gjithëve në Kosovë dhe Mitrovica është pjesë e Kosovës. Ajo që duam janë institucione multietnike funksionale në tërë Kosovën". Pasi piu një kafe në Mitrovicën veriore, Shtajneri kaloi urën për në pjesën jugore dhe përshkoi tregun, ku foli me shitësit.

Deputetët kosovarë nisen në Bruksel me shpresën se do të kenë sukses në Parlamentin Evropian

PRISHTINE, 30 nëntor - “Vizita e delegacionit të Kuvendit të Kosovës në Bruksel është shumë e rëndësishme, sepse do të shpalosen arritjet në Kosovë”. Kështu theksoi para se të nisej për në Bruksel kryeparlamentari i Kosovës Nexhat Daci, në aeroportin e Prishtinës. Delegacioni prej pesë anëtarësh i Kuvendit të Kosovës i kryesuar nga Daci do të ketë takime me zyrtarë të lartë të Parlamentit Evropian. “Në Parlamentin Evropian do të dëshmojmë për të arriturat në Kosovë dhe do të diskutojmë edhe përmundësitë e zhvillimit të Kosovës” tha Daci. Ndërsa anëtari i Kryesisë së Kuvendit të Kosovës, Hydajet Hyseni dhe deputeti e kryetari i Aleancës për Ardhmërinë e Kosovës Ramush Haradinaj, thanë se shpresojnë që vizita e tyre në Parlamentin Evropian do të jetë e sukseshme për të prezantuar Kosovën.
Në delegacion janë edhe përfaqësuesit e minoriteteve, Oliver Ivanoviq nga koalicioni serb “Kthmi” dhe Hilmo Kandiq nga Parta e Aksionit Demokratik të Boshnjakëve të Kosovës. Roli i UNMIK-ut, pozita e minoriteteve dhe puna e institucioneve lokale të Kosovës do të jenë tema bisedimesh të delegacionit parlamentar të Kosovës në takimet me eurodeputetët në Bruksel. Një takim të veçantë deputetët nga Kosova do ta kenë me Peter Vanhut, shef i grupit për Ballkanin në Unionin Interparlametar në Parlamentin Federal të Belgjikës.

Departamenti amerikan i Shtetit dhe Robertson përshëndesin vendosjen e Agjencisë Kosovare të Mirëbesimit në veri të Mitrovicës

PRISHTINE, 30 nëntor - Departamenti amerikan i Shtetit, nëpërmjet Zyrës së Shteteve të Bashkuara të Amerikës në Prishtinë, e ka përshëndetuar vendimin për vendosjen e Agjencisë Kosovare të Mirëbesimit në pjesën veriore të Mitrovicës. Shefi i Zyrës Amerikane, Rino Harnish, e ka cilësuar këtë vendim si vazhdë të përpjekjeve të shefit të UNMIK-ut Mihael Shtajner për riintegrimin e qytetit të ndarë të Mitrovicës dhe si mënyrë për krijimin e sigurisë, stabilitetit dhe rritjes ekonomike për Mitrovicën.
Edhe sekretari i përgjithshëm i NATO-s Xhorxh Robertson ka deklaruar se mbështet hapat e bashkimit të Mitrovicës. “Lidhur me Mitrovicën në mbështesim absolutisht qëndrimin e zotit Shtajner”, tha Robertson. Ai gjithashtu konfirmoi vazhdimin e interesimit të Aleancës për stabilitetin politik në Kosovë, duke shtuar se NATO-ja do të vazhdojë të jetë e pranishme deri në realizimin e një demokracie multietnike për të gjithë banorët e Kosovës.

Ali Ahmeti: Nuk duhet anashkaluar vullnetin e strukturave legjitime të Kosovës rreth çështjes së kufirit Kosovë-Maqedoni
Shkup, 31 janar - Kryetari i Partisë Demokratike për Integrim Ali Ahmeti, duke shfaqur qëndrimin e tij rreth çështjes së kufirit midis Shkupit dhe Beogradit në pjesën e kufirit me Kosovën, ka deklaruar se duhet të respektohet vullneti i strukturave legjitime të Kosovës. Ai ka shtuar se kjo çështje nuk duhet të politizohet dhe të problematizohet. Kosova është nën protektoratin ndërkombëtar, mirëpo, nuk duhet anashkaluar vullnetin e politikanëve të Kosovës. Kështu që qeveria e Maqedonisë duhet të përfillë një vullnet të tillë dhe përfundimisht të caktohet vija kufitare ndërmjet Kosovës dhe Maqedonisë. Partia e Ali Ahmetit është në koalicionin qeveritar në Maqedoni.

Studentët e Universitetit të Prishtinës bien dakord me Qeverinë: Pagesa për semestër do të jetë 50 euro

PRISHTINE, 30 nëntor - Ministria e Arsimit, Sheknës e Teknologjisë dhe Unioni i Pavarur i Studentëve të Universitetit të Prishtinës ranë në ujdi për shumën e pagesës së studentëve. Pas takimit të ministrit Rexhep Osmani me drejtues të Unionit u njoftua se studentët e rregullt do të paguajnë nga 50 euro për semestër (100 euro në vit), studentët që nuk janë shtetas të Kosovës do të paguajnë nga 80 euro (160 euro në vit), kurse studentët me korrespondencë nga 150 euro (300 euro në vit), pa llogaritur taksat administrative vjetore prej 30 eurosh. Ministri Osmani shpjegoi se kjo marrëveshje u arrit pas mbledhjes së mbrëmshme të qeverisë, në të cilën është diskutuar në mënyrë të gjithanshme kjo çështje. Edhe kryeministri i Kosovës, Bajram Rexhepi, ka takuar sot udhëheqësit e lartë të Unionit të Pavarur të Studentëve të Universitetit të Prishtinës, të cilët i ka njoftuar me qëndrimet e Qeverisë lidhur me çështjen e pagesave të studentëve. Me këtë rast Osmani theksoi se do të ketë lehtësi të ndryshme për studentët me bazë të dobët ekonomike dhe për studentët e dalluar.
Kryetari i organizatës studentore të Universitetit të Prishtinës, Gani Morina, tha se përsëri studentët nuk janë të kënaqur me këtë shumë, por ata janë detyruar ta pranojnë, pasi kjo është vendosur edhe në mbledhjen e Qeverisë. Shumica e studentëve të Universitetit të Prishtinës mendojnë se edhe kjo shumë është e lartë. Studentët me korrespondencë thonë se janë kjo është shumë e madhe veçanërisht për ata që ndjekin studimet me korrespondencë. Ndërkohë që ka studentë që e arsyetojnë këtë vendim.
Ministri Osmani tha se së bashku me Qeverinë dhe ministritë e tjera do të shihen mundësitë që fondi i paraparë i minitrisë nga taksat e studentëve të kompensohet. Osmani thotë se projekti i participimit të studentëve në Universitetin e Prishtinës, synon përmirësimin e cilësisë së shkollimit të lartë, ngritjen e standardeve dhe dijes në këtë universitet si dhe njëkohësisht ka për qëllim një përgatitje më të mirë të studentëve.

E premte, 29 nëntor, 2002

Mbrëmë në Brooklin të N.Yorkut,
-në restorantin e njohur Micali Terrace afro Një mijë pjestarë te komunitetit shqiptar të N.Yorkut me rrethinë manifestuan Diten e Flamurit 28 nëntorin dhe 90 vjetorin e shpalljes së pavarsisë së shtetit shqiptar.

Brooklyn 29 nëntor 2002-Me intonimin e himnit shqiptar dhe atij amerikan mbrëmë në Broklin të N.Yorkut filloi manifestimi i Dites se flamurit dhe 90 vjetorit të shpalljes së pavarsisë së shtetit shqiptar .

Në fillim përshëndeti të gjithë pjesmarresit Xhevat Kukaj - kryetar i këshillit organizativ i cili ftoi për një minutë heshtjeje në shenj nderimi dhe përkujtimi të deshmorëve dhe të të rënëve në luftën për çështjen e madhe kombëtare.

Komunitetit iu drejtua Akademik Rexhep Qosja.Në emër të misionit shqiptar foli Lublin Dilja -minister fuqiplot i misionit shqiptar pran OKB.

Deputeti i parlamentit te Kosovës Dritan Laçi falënderoi komunitetin mbarshqiptaro amerikan për kontributib e dhënë pë Kosovën duke shtuar se ju jeni pjesë e Kosovës dhe se Adem Jashari ra heroikisht për Ne, për Ju, për të sotmen dhe për të nesërmen . I përndjekuri politik Binak Ulaj tregoi para mases se për herë të parë gjendet jashtë. Unë- thotë ai- kurrë në jeten time nuk kam pasur pasport jugosllav.Ndjehem i gëzuar tek ju shoh të bashkuar.Pas aktivistit dhe perkrahësit të madh të çështjes shqiptare kudo në trojet tona

Tahir Gjonbalajt, para pjesmarrësve në manifestim doli edhe Sevdail Hyseni nga Bujanoci i cili tha se është avansuar si asnjëherë më parë çështja shqiptare në Preshevë Medvexhe dhe Bujanovc.Kjo vjen nga zgjedhjet e fundit por dihet aspiratat tona janë, që një ditë t'i bashkohemi Kosovës.Nënkryetari i Degës së Unionit .....

........Demokratik të shqiptarëve për Plavë e Guci Fadil Ulaj iu drejtua mases se duhet gjithmonë të përkujtojmë trimat tanë si Ismail Qemali, Hasan Prishtina, Isa Boletini e tjerë, që bënë shumë për çështjen tonë,Tubimit i kishin arrijtur edhe telegrame pershendetëse ndër të cilë u permend ai i Levizjes Kombëtare Çlirimtare.Mos paraqitja e ambasadorit Wiliam Wolker në këtë tubim ishte për shkak se dita e djeshme ishte ditë feste për amerikanet- Dites e Faljes e cila tradicionaklisht tek amerikanet pritet dhe festohet ne gjirin familjar Manifestimi vazhdoi deri ne oret e vona te mes nates shoqeruar me valle e kengë popullore të

grupit Bashkimi i Kombit dhe "Malësori " me këngëtaren Dila Geci..

(për Erenikun dhe RTV21 Nexhmedin Syla N.York).

E mërkurë, 28 nëntor 2002

URIME 28 NËNTORI Shqiptarëve kudo që janë ERENIKU ua uron përzemërsisht, 28 Nëntorin - Ditën e Flamurit dhe të Pavarësisë kombëtare, Ditëlindjen e Komandantit Legjendar Adem Jashari dhe përvjetorin e pestë të Paraqitjes së parë publike të Ushtrisë Çlirimtare të Kosovës.

A.Mosiu: 28 Nëntori është një ditë paqeje, dashurie, krenarie dhe kujtimi për të gjithë shqiptarët kudo që ndodhen ata

E enjte 28 nëntor 2002

E tërë Kosova feston Ditën e Flamurit

PRISHTINE, 28 nëntor 2002 - Në kryeqytetin e Kosovës, Prishtinë dhe qytetet e tjera, Dita e Flamurit po festohet në atmosferë madhështore. Në sheshin qendror para Tetrit kombëtar është mbajtur manifestimi qendror, ndërsa në objektet dhe institucionet e vendit po valojnë flamujt kombëtarë. Mijëra qytetarë prishtinas, por edhe të qyteteve të tjera, kanë dalë për të kremtuar 90-vjetorin e pavarësisë së Shqipërisë. Përveç dyqaneve ushqimore, të gjitha qendrat e tjera afariste dhe institucionet e Kosovës në ditën e Flamurit janë të mbyllura. Qytetarët kanë vërshuar rrugët e kryeqytetit që ka marrë pamje festive.

Presidenti Rugova: 28 Nëntori është ditë e ringjalljes së popullit tonë në epokën moderne

PRISHTINE, 28 nëntor 2002 - Me rastin e 28 Nëntorit, Ditës së Flamurit, në ambientet e Teatrit Kombëtar në Prishtinë u mbajt një akademi solemne. Përveq drejtuesve komunalë në këtë akademi morën pjesë edhe presidenti i Kosovës, Ibrahim Rugova, kryetari i Kuvendit të Kosovës Nexhat Daci dhe përfaqësues të Trupave Mbrojtëse të Kosovës.
Për 28 Nëntorin me një fjalë rasti u paraqit presidenti i Kosovës Ibrahim Rugova, i cili tha se duhet të jemi krenarë që sot në Prishtinë po mbahet manifestimi qendror kushtuar Ditës së Flamurit. “Këtë vit ditën e flamurit po e festojmë pranë monumentit të Gjergj Kastriotit- Skënderbeut. Sot të gjithë ne ndihemi krenarë që këtë monument madhështor të Skënderbeut e kemi në kryeqytet, është bërë pjesë e jona e pjesë e përditshmërisë. Dita e Flamurit lidhet me emrin dhe veprën kolosale të Kastriotit. Po ashtu, dita e 28 Nëntorit e vitit 1912 është ringjallja e 28 nëntorit të Skënderbeut. Ditë e ringjalljes së popullit tonë në epokën moderne”, u shpreh Presidenti Rugova. Ai propozoi që himni i shtetit të Kosovës të jetë kënga “Kur ka ra kushtrimi në Kosovë” dhe më pas ripërsëriti qëndrimin e tij lidhur me faktin se pavarësia e Kosovës është kusht për paqen e tërë rajonit dhe popullit shqiptar kudo që është. “Falënderojmë UNMIK-un dhe KFOR-in për ndihmën e dhënë vendin tonë dhe progresin e arritur pas luftës”, tha gjithashtu Rugova.
Pas përfundimit të akademisë solemne për 28 Nëtorin, presidenti Rugova dhe kryeparlamentari Daci vendosën lule pranë monumentit të Gjergj Kastriotit-Skënderbeut në Prishtinë. Atmosferën festive në kryeqytet e bënë edhe drama e Ekrem Kryeziut “Dita e Madhe e Pavarësisë” dhe paraqitja e fëmijëve nga Qendra e Pionierëve si dhe kori i fëmijëve “Xixëllonja”. Manifestimet që u mbajtën dhe që do të vazhdojnë të mbahen deri pas mesnate në kryeqytetin e Kosovës i ndoqën mijëra qytetarë prishtinas.

Festohet edhe në Mitrovicë; KFOR-i francez heq flamujt kombëtarë në veri të qytetit

MITROVICE, 28 nëntor 2002 - Dita e Pavarësisë u festua edhe në Mitrovicë. Për nder të Ditës së Flamurit në palestrën e sporteve është mbajtur një akademi solemne. Megjithatë, qyetetarët e Mitrovicës as këtë festë nuk kanë mundur ta festojnë në veri të qytetit.
Nga ana tjetër trupat franceze të KFOR-it nuk kanë lejuar vendosjen e flamujve kombëtarë në pjesën veriore të Mitrovicës. Zyrtarët e KFOR-it, deklaruan se kjo është bërë me qëllim që askush mos të ndjehet i provokuar. Lidhur me këtë veprim qytetarët shqiptarë janë ndjerë të indinjuar, pasi sipas tyre, serbët gjatë festave të tyre vendosin flamujt e tyre pa u penguar nga askush.
Ajo që tash për tash më së shpeshti e bëjnë qytetarët e pjesës jugore të Mitrovicës është të qëndrojnë pranë urës së Ibrit dhe t'i vështrojnë shtëpitë e tyre matanë lumit. Euforia e qytetarëve të Mitrovicës menjëherë pas nënshkrimit të rregullores administrative nga ana e kryeadministratorit Mihael Shtajnerit për shuarjen e strukturave paralele, si duket është zbehur pak nga pamundësia për të kaluar urën. Megjithatë shumë nga ta besojnë se 28 Nëntorin e ardhshëm do ta kalojnë në shtëpitë e tyre në veri.

Kremtime në Preshevë e Bujanoc për 28 Nëntorin, por pa praninë e flamujve shqiptarë

PRESHEVE, 28 nëntor 2002 - Dita e Flamurit u kremtua edhe në Luginën e Preshevës. Në Preshevë, në Bujanoc dhe në vendbanime të tjera më të mëdha, kjo festë u shënua me manifestime të ndryshme. Në kohen e mbajtjes së manifestimeve, në objektin e Kuvendit të Komunës së Preshevës, dhe në vende objekte të tjera publike, u vendos edhe flamuri kombëtar shqiptar. Riza Halimi, kryetar i Partisë për Veprim Demokratik dhe kryetar i kuvendit të komunës së Preshevës, në një deklaratë për RTV21, shfaq bindjen se në festën e ardhshme të flamurit do të bëhet legalizimi i përdorimit të flamurit dhe simboleve të tjera kombëtare shqiptare në këtë rajon. Gjithashtu, ai shpreh bindjen se shqiptarët do t'i realizojnë të gjithë të drejtat e tyre kombëtare.
Nga ana tjetër, Dita e Flamurit në Bujanoc është mbajtur pas një marrëveshjeje midis zëvendëskryeministrit të Serbisë Nebojsha Çoviq dhe prefektit të Bujanocit Nagip Arifit. Në mesditë janë hequr flamujt shqiptarë të cilët qenë vendosur në ndërtesën e bashkësisë lokale në Tërrnoc të Madh si dhe në shkollat fillore të Bujanocit. Lidhur me këto zhvillime të fundit Qendra Kordinuese po mban një mbledhje për të shqyrtuar situatën politike dhe të sigurisë.

Prishtinë, 27 nëntor 2002 - Nesër në Vlorë mbahet manifestimi qendror i kremtimit të 90-vjetorit të Pavarësisë së Shqipërisë. Presidenti i Republikës së Shqipërisë Alfred Mosiu do ta mbajë fjalën kryesore për këtë jubile të rëndësishëm nga historia e shqiptarëve. Zyra e Presidentit Moisiu na ka dërguar fjalimin e plotë, me lutje që ta transmetojmë në faqen tonë. Në vazhdim po e japim fjalën e plotë të Presidentit të Shqipërisë.

Të dashur qytetarë të Vlorës,
I nderuar zoti Kryetar i Bashkisë,
Të nderuar politikanë, diplomatë dhe të ftuar të pranishëm

Sot shteti ynë shqiptar mbush 90 vjet. Unë kam kënaqësinë që bashkë me ju të përkujtojme 28 nëntorin, datën – simbol që lidhet me krijimin dhe integritetin e shtetit shqiptar. Në këtë përvjetor, për herë të parë në 90 vitet e historisë së shtetit shqiptar, jemi bashkuar të gjithë shqiptarët, duke i dhënë fund kohrave, kur festat kombëtare ndaheshin sipas bindjeve politike.
28 Nëntori është një ditë paqeje, dashurie, krenarie dhe kujtimi për të gjithë shqiptarët kudo që ndodhen ata. 90 vjet më parë, disa nga bijtë më të shquar të historisë sonë, të udhëhequr nga mendja e urtë e plakut flokëbardhë Ismail Qemali, ngritën flamurin në Vlorë dhe shpallën pavarësinë. Akti i tyre atdhetar përbën ngjarjen më të rëndësishme në historinë e shtetit shqiptar. Ky akt na bën sot të përulemi me respekt të thellë ndaj veprës së Ismail Qemalit, Isa Boletinit, vëllezërve Frashëri, Luigj Gurakuqit, Elena Gjikës, Aqif Pashë Elbasanit, Gjergj Fishtës, Mehmet Konicës, Ymer Prizrenit dhe emrave të tjerë të mëdhenj të kombit. I paharruar në jetë të jetëve qoftë kujtimi i të gjithë atyre që sakrifikuan ose dhanë jetën për fitimin e pavarësisë, mbrojtjen e saj dhe vendosjen e demokracisë në Shqipëri.

Vëllezër e motra,

Gjatë shekullit të fundit, ne provuam shembjen e perandorisë osmane; mbretërinë e parë dhe të suksesshme shqiptare; pushtimin fashist në prag e gjatë Luftës së Dytë Botërore; luftën çlirimtare kundër tyre; diktaturën komuniste për afro 50 vjet, si edhe tranzicionin e gjatë e të vështirë demokratik. Ky zhvillim tregon se asnjë vend në botë, përfshirë edhe Shqipërinë, nuk ka patur vetëm histori pozitive. Çdo gjë ka vendin e vet. Koha do të tregojë ku gabuam dhe ku kishim të drejtë. Sot nuk është e rëndësishme të mbajmë kokën pas, por të kapërcejmë të kaluarën e hidhur dhe të shohim përpara. E ardhmja i përket fëmijëve e nipërve tanë. Nuk duhet të lejojmë, që ata të na mallkojnë për punën që kemi bërë.

Në këtë ditë të shënuar, ne jemi dëshmitarë, aktorë, prodhues, humbës dhe përfitues të një epoke të re ndryshimesh, që i jep fund tranzicionit dhe hap rrugën e konsolidimit të një sistemi vlerash qytetare e europiane, ashtu siç e aspiruan 90 vjet më parë themeluesit e shtetit shqiptar. Zhvillimet pozitive në Shqipëri janë shoqëruar edhe me zhvillime mjaft pozitive në Kosovë, Maqedoni dhe në Malin e Zi, ku shqiptarët kanë rikonfirmuar vullnetin e tyre për të ndërtuar një të ardhme të sigurtë, demokratike e të integruar për të gjithë qytetarët. Ne të gjithë ndihemi krenarë e të gëzuar me ecurinë e proceseve demokratike në Kosovë. Zgjedhjet e fundit atje treguan se Kosova ka hyrë në rrugën e pakthyeshme të demokracisë dhe vlerave perëndimore. Mendojmë se zgjidhja e statusit të Kosovës ka rëndësi të madhe për të ardhmen e rajonit.

Ne kemi përkrahur stabilitetin dhe integritetin e Maqedonisë dhe kemi nxitur zhvillimet pozitive, që kanë çuar në përfaqësimin parlamentar e qeveritar të shqiptarëve. Njëkohësisht, ne vlerësojmë se zbatimi integral i Marrëveshjes së Ohrit përbën një domosdoshmëri e ndihmë, jo vetëm për ecurinë e mëtejshme të procesit demokratik dhe bashkëjetesën shqiptaro-maqedone, por edhe për stabilitetin e rajonit në tërësi.

Sot bashkë me ne, Ditën e Pavarësisë e festojnë edhe mëse gjysëm milion shqiptarë, të cilët për arsye të ndryshme, kryesisht ekonomike, janë detyruar të emigrojnë gjatë 10 viteve të fundit në vendet perëndimore. Ata janë flamuri ynë në botë, krenaria dhe kultura jonë, pjesë e pandarë e trungut tonë kombëtar. Interesimi dhe kujdesi i shtetit dhe diplomacisë shqiptare duhet të jetë pjesë e pandarë e politikës.

Njëkohësisht, rritja e kontakteve, prezencës dhe integrimit politik e ekonomik të diasporës shqiptare në të gjithë hapat e zhvillimeve social-ekonomike të vendit, duhet të jetë pjesë e objektivave kryesore të shtetit shqiptar. Diaspora jonë duhet të kontribojë më tepër për vendin ku prehen etërit dhe gjyshërit e tyre.

Të dashur bashkëqytetarë,

Përvjetorët e festat nuk janë vetëm ditë përqafimesh, por edhe reflektimesh e angazhimesh. Ne kemi nevojë ta përdorim këtë moment për të nxitur e thelluar procesin e nisur të reformave dhe të shtetit demokratik ligjor ku jeta, prona, liria, mendimi dhe besimi janë pasuri e çmuar, e garantuar dhe e paprekshme. Rruga e reformave që kemi nisur duhet të vazhdojë. Klima e re politike, e bazuar në bashkëpunimin pozitë – opozitë për thellimin e reformave, për integrimin euro-atlantik dhe për largimin nga politika konfliktuale 10 vjeçare, duhet thelluar e përhapur më tej.

E ardhmja e jonë varet nga shumë gjëra, të cilat i kemi përmbledhur me një fjalë: detyra shtëpie. Por kushti kryesor është garantimi i stabilitetit politik, i cili më shumë se në interes të individëve të caktuar, është në interes të të gjithë shoqërisë dhe qytetarëve. Le të punojmë pa prapaskena, debate boshe e hipoteza pesimistësh, për të arritur rezultate konkrete. Ti kthejmë popullit besimin e buzëqeshjen dhe vendit perspektivën e krenarinë. Kritikët e përhershëm duhet të mos harrojnë se minusi më i madh për ne deri më sot ka qenë mungesa e stabilitetit politik, e cila ka ardhur në rradhë të parë si rezultat i një lufte politike të paprinciptë. Demokracia nuk ecën përpara me luftë e grindje, por me alternativa e debate, që ofrojnë vizione të qarta për zgjidhjen e problemeve dhe të ardhmen e vendit.

Detyra jonë kryesore është që nocionin e pavarësisë së shtetit ta kuptojmë e ta konkretizojmë si pavarësi e individit të respektuar nga ligji, pronës e shenjtërimit të saj, mendimit e ideve si pjesë e shoqërisë së lirë, lëvizjes dhe e veprimit në emër të interesave të shoqërisë demokratike. Shteti është legjitim, demokracia është e sigurtë dhe shoqëria ndjehet e lirë vetëm nëse individi dhe idetë e tij janë të lira dhe të garantuara. Shqipëria ka vuajtur mjaft nga përjashtimi i ideve opozitare, nga persekutimi i mendimeve, nga diskriminimi i grupeve të caktuara të qytetarëve, nga loja me pronën e tjetrit dhe abuzimi me pushtetin. Koha kërkon një mentalitet të ri mendimi dhe veprimi, që harmonizon dëshirat personale të individëve e grupeve të caktuara me ato të shoqërisë në tërësi.

Partitë dhe fushatat shkojnë e vijnë, shteti është dhe mbetet një. Ne kemi nevojë për një shtet të fortë në dobi dhe në shërbim të qytetarëve. Partitë janë pjesë e pazëvëndësueshme e pluralizmit të ideve, por misioni i ndërtimit dhe forcimit të shtetit të së drejtës qëndron mbi çdo parti. Një shtet i qytetarëve, i aftë tu shërbejë atyre, ndërtohet nga qytetarë të guximshëm dhe të palodhur. Si president dua t’ju përsëris premtimin që bëra me 24 korrik: mbi çdo gjë vë Shqipërinë dhe interesat e saj. Ky është detyrimi im kushtetues, vullneti dhe angazhimi im i palëkundur personal përpara qytetarëve dhe vendit. Ndaj edhe kërkoj nga të gjithë bashkëqytetarët e mi, faktori politik dhe biznesi: mirëkuptim, bindje ndaj ligjit e vendosmëri për të ecur përpara.

Secili prej nesh duhet të sillet, të mendojë dhe të veprojë si një patriot i mirë për vendin e vet. Të jesh patriot do të thotë të duash vendin tënd dhe të respektosh dashurinë e të tjerëve për vendin e tyre. Në kohën e sotme patriot i mirë është ai që respekton ligjin, lufton për lirinë e vet dhe të shtetasve të tjerë, paguan taksat dhe e konsideron vehten, aktor të rëndësishëm të përfitimeve dhe përgjegjësive në shoqëri. Ky është një mesazh sidomos për klasën politike, të zgjedhurit dhe të emëruarit, punonjësit e drejtësisë dhe në të gjitha nivelet e tjera të administratës. Ata që kanë spekulluar me urtësinë dhe fisnikërinë e popullit shqiptar dhe janë pasuruar padrejtësisht, duhet dhe do të përballen me drejtësinë. Ata duhet të kuptojnë përfundimisht se vendi ynë i vogël, varfër dhe i vonuar, nuk ka dhe nuk mund të ketë më kohë për të humbur qoftë me eksperimente politike, qoftë me praktika abuzive në emër të shtetit.

Në ditët, javët, muajt dhe vitet e ardhshme na presin sfida të mëdha. Vendi ka një sërë problemesh për të zgjidhur, në mënyrë që rruga e reformave të jetë e sigurtë dhe e suksesshme. Reformat në sistemin e drejtësisë, në fushën ekonomike, në sistemin zgjedhor, në çeshtjen e pronave, në Forcat e Armatosura, në administratën publike dhe sektorë të tjerë të rëndësishëm, përbëjnë disa nga objektivat tona kryesore, realizimi të cilave është i domosdoshëm për integrimin tonë në NATO dhe në Bashkimin Europian.

Unë kam besim të plotë se me punë, përkushtim dhe ndershmëri do t’ia arrijmë me sukses në rrugën që kemi nisur. Le të jetë ky përvjetor një nxitje për të gjithë ne për më shumë angazhim e bashkim. Le të shërbejë ky moment që t’ju uroj juve dhe gjithë qytetarëve e bashkëkombasve tanë, gëzuar festën e pavarësisë. Dëshira ime është e mbetet që të ndodhem sot pranë cdo familje shqiptare, në Shqipëri, Kosovë, Maqedoni, Greqi, Itali, SHBA, Australi dhe kudo tjeter ku ajo ndodhet, për të ndarë gëzimin e festës dhe për t’i siguruar se shqetësimet e tyre dhe aspiratat e përbashëta kombëtare do të jenë pjesa kryesore e preokupimeve të mia derisa të zgjidhen.

Zoti qoftë me shqiptarët dhe Shqipërinë!

Mesazh i Presidentit Rugova për 28 Nëntorin, Ditën e Flamurit
Prishtinë, 27 nëntor 2002 - Presidenti i Kosovës Ibrahim Rugova, me rastin e 28 Nëntorit - Ditës së Flamurit, qytetarëve të Kosovës u është drejtuar me këtë mesazh.
- Për Ditën e Flamurit, 28 Nëntorin, ju shpreh urimet e mia të sinqerta dhe krenare, ashtu siç e ndiejmë dhe e nderojmë të gjithë ne këtë ditë.
Dita e 28 Nëntorit është data më e shënuar në historinë moderne shqiptare pas 28 Nëntorit të Gjergj Kastriotit – Skënderbeut.
Dita e 28 Nëntorit e vitit 1912 është po ashtu Dita e Pavarësisë shqiptare, e cila u cungua pa vullnetin e shqiptarëve.
Në këto 90 vjet, shqiptarët u forcuan në të gjitha viset e tyre. Pavarësia e Kosovës, që bazohet në vullnetin e shprehur të popullit, do të qetësonte Kosovën, të gjithë shqiptarët dhe këtë pjesë të Evropës e të botës. Pra, një Kosovë e pavarur, e integruar në NATO, në BE dhe në miqësi të përhershme me SHBA-të është përcaktimi i popullit të saj.
Në Ditën e Flamurit, do theksuar se forcimi i shqiptarëve në Maqedoni, në Luginën e Preshevës dhe në Mal të Zi, është evident dhe në progres e sipër.
Po ashtu, edhe Shqipëria është në rrugë të mirë të konsolidimit demokratik dhe ekonomik.
Për këto tri vjet pas luftës, Kosova ka pasur një progres të madh në të gjitha fushat e jetës. Kjo është bërë me përkrahjen e miqve tanë dhe në bashkëpunim me UNMIK-un dhe KFOR-in. Kështu, Kosova po forcohet gjithnjë e më shumë si shoqëri dhe shtet demokratik, për të mirën e të gjithë qytetarëve të saj, dhe pret njohjen formale, që do t'i shpejtonte proceset demokratike dhe ekonomike.
Me fat Dita e Flamurit!
Zoti i bekoftë të gjithë shqiptarët!
Zoti e bekoftë Kosovën dhe popullin e saj të qytetëruar!, - thuhet në fund të mesazhit të Presidentit të Kosovës,
Ibrahim Rugova.

Garda e Kosovës kremtoi 28 Nëntorin, kremten e shumëfishtë kombëtare

Prishtinë, 27 nëntor 2002 ( nga Kosovapress) Time: 16:12

Në nderim të ditës së shpalljes së Pavarësisë së Shqipërisë dhe ngritjes së Flamurit në Vlorë, në pesëvjetorin e Shfaqjes publike të UÇK-së dhe në shënim të ditëlindjes së Komandantit Legjendar Adem Jashari, ngjarje madhore këto që lidhen me 28 Nëntorin, sot në kazermën e Gardës së Kosovës “Adem Jashari”, në Prishtinë, Shtabi i Përgjithshëm i TMK-së në vazhdën e aktiviteteve festive, ka mbajtur solemnitetin qëndror.

Me dekorata dhe lëvdata, Komandanti i Shtabit të Përgjithshëm të TMK-së, gjenerallejtnant Agim Çeku ka nderuar 17 pjesëtarë të Gardës së Kosovës, në mesin e të cilëve edhe komandantin e Gardës, gjeneralbrigade, Nuredin Lushtakun.

Me urdhërin e komandantit, gjeneralbrigade Nuredin Lushtakut, Garda e Kosovës i ka bërë nderim Flamurit. Zv.komandanti i Gardës, kolonel Jahir Demaku, i ka cilësuar tre 28 nëntorët si tri nga ngjarjet më të mëdha të historisë sonë kombëtare të këtij shekulli.

”Duke nderuar këtë ditë, ne nderojmë të gjithë të rënët për liri. Komandanti Legjendar Adem Jashari, ditëlindjen e vet e ktheu në një datë madhore të historisë sonë të re. Shfaqja publike e UÇK-së në po këtë date, menjëherë pas luftimeve të suksesshme në Rezallë të Re, me ç’rast theu mitin për pathyeshmërinë e armatës serbe, bëri të mundur, së bashku me NATO-n, çlirimin e Kosovës”, ka thënë ai.

Komandanti i Shtabit të Përgjithshëm të TMK-së, gjenerallejtnant Agim Çeku, pasi e ka vlerësuar rëndësinë historike të kësaj date, ka shkuar edhe më larg, duke përkujtuar epokën Skënderbegase, që fillon me 28 nëntorin e vitit të largët 1443, portreti i të cilit nuk qëndron rastësisht në simbolin e Gardës së Kosovës.

Askund më mirë se këtu, nuk e ndiejmë madhështinë e kësaj date.

“Duke nderuar këtë ditë, ne nderojmë të gjithë ata të cilëve u takon lavdia e përjetëshme. 28 nëntori na lidh me kthimin e Skënderbeut në Krujë, pesë shekuj më herët, na lidh me Vlorën e Pavarësisë, me Shfaqjen publike të UÇK-së dhe me Ditëlindjen e komandantit të saj, Adem Jasharit”, ka thënë gjeneral Çeku dhe më pas ka shtuar: ”Ne ushtarakët krenohemi me UÇK-në dhe familjen Jashari, që e vulosi fitoren e pashmangshme”.

“Rruga jonë për Evropë nuk shkon përmes Serbisë. Përmes Serbisë shkon vetëm rruga e ekzodit. Të gjithë ata që e jetojnë frymën e lirisë nuk do të lejojnë kthimin prapa”, ka thënë në përshëndetjen e tij, me këtë rast, ish-zëdhënësi i parë i UÇK-së, Jakup Krasniqi.

Qytetarë të shumtë kanë aplauduar parakalimin brilant të njësive të njësive të Gardës së Kosovës. Përpos ushtarakëve, në manifestim kanë qenë të pranishëm edhe Hashim Thaçi, kryetar i PDK-së dhe Ramush Haradinaj, kryetar i AAK-së.

Manifestimi ka vazhduar me pjesën artistike.

Miratohet Ligji mbi Tregtinë e Jashtme, pa amendamentet e UNMIK-ut
PRISHTINË 27 nëntor 2002 - Kuvendi i Kosovës miratoi të mërkurën Ligjin mbi Tregtinë e Jashtme, duke mos marrë parasysh shumicën e amendamenteve shtesë të cilat erdhën disa orë më herët nga Zyra ligjore e UNMIK-ut dhe Zyra e kryeministrit.

Nobelisti Vizel në librin e tij krahason barbarinë serbe ndaj shqiptarëve me holokaustin nacist
Uashington, 27 nëntor 2002- "Pas errësirës - mendime mbi holokaustin", është libri i ri i shkrimtarit dhe laureatit të Çmimit Nobel të Paqes, Eli Vizel, i cili u promovua mbrëmë në Ushington. Në këtë libër ai ka krahasuar barbarinë serbe ndaj shqiptarëve në konfliktin e Kosovës me periudhën e holokausit nacist. Libri shoqërohet me fotografi nga periudha e holokaustit nacist të Luftës së Dytë Botërore viktimë të cilit ka qenë edhe vetë autori dhe familja e tij.
Me rastin e prezantimit të librit të ri z. Vizel shprehu idetë e tij për një sërë çështjesh të tjera bashkëkohore. Gjatë luftës në Kosovë, Vizel ishte i dërguari i posaçëm i presidentit Klinton në rajon ku ai vizitoi edhe kampet e refugjatëve në Shqipëri dhe në Maqedoni. "Gjatë këtyre vizitave, tha z. Vizel në fillim, u përpoqa t'i bindja serbët se duhet t'i jepet fund gajakderdhjes për të cilën ata ishin fajtorë. Milosheviqi është një vrasës, ashtu sikurse Karaxhiq. Unë pata rastin në atë kohë të vizitojë edhe kampet e refugjatëve në Maqedoni dhe Shqipëri dhe bisedova me shqiptarët. Të them të drejtën u shqetësova pak, sepse ata donin të merrnin hak. Unë u thashë jo hakmarrje, por drejtësi, do të mbizotërojë drejtësia".
Vizel është i mendimit se për momentin në Kosovë drejtësia po vendoset. Gjykata e Hagës tha ai tashmë ka arrestuar disa nga vrasësit, përfshirë edhe Milosheviqin, megjithëse një pjesë e tyre tha ai vazhdojnë të jenë të lirë.

Persona të panjohur kanë vrarë në Beograd ish-bodigardin e Milosheviqit
Beograd, 27 nëntor 2002 – Një nga bodigardët e Sllobodan Milosheviqit, Nenad Batocin, është vrarë mbrëmë vonë në Beograd nga persona të panjohur derisa po voziste veturën drejt stadiumit futbollistik, kanë bërë të ditur burimet policore, njofton UPI.
Gjatë dekadës së kaluar, në atentate politike janë vrarë gjithsej 30 veta të afërt me Milosheviqin.

Tribunali i Hagës do të merret me hetimet e rasteve të krimeve të luftës në Maqedoni thanë autoritetet e Shkupit
Shkup, 27 nëntor 2002 - Autoritetet e Maqedonisë kanë vendosur që Tribunali i Hagës të merret me hetimet e katër rasteve të krimeve të luftës gjatë konfliktit të vjetëm në Maqedoni, kurse për lëndën e pestë të varrezës masive te Neproshteni, siç thuhet do të vendosë më vonë Ministria e Drejtësisë. Tribunali i Hagës kishte kërkuar që këto pesë raste të kalonin në kompetencën e tij, kurse Shkupi refuzonte me arsyetimin se Maqedonia nuk kishte nënshkruar marrëveshjen për bashkëpunim me Tribunalin

E marte 26 nëntor 2002

Festa e Flamurit tubon personalitete të shumta në vendin e Shpalljes së Pavarësi

Tiranë, 26 nëntor 26 nëntor 2002 Time: 16:30
Presidenti i Shqipërisë, Alfred Moisiu, dhe personalitete te tjera të larta të vendit, si dhe përfaqësuesit e Trupit Diplomatik të akredituar në Tiranë do të marrin pjesë, më 28 nëntor 2002, në festimet e organizuara në Vlorë, me rastin e 90 Vjetorit të Pavarësisë.
Në orën 10.00 të kësaj dite, presidenti Moisiu do të bëjë homazhe te varri i Ismail Qemalit dhe me pas merr pjesë në mitingun që do të zhvillohet në Sheshin e Flamurit.
Pas mitingut, Moisiu dhe personalitetet e larta të shtetit do të zhvillojnë vizita në familjet e patriotëve.
Në oreë 11.15, presidenti do të asistojë përurimin e bustit të Margo Pozjo, e cila kujtohet për qendisjen e flamurit të ngritur në pavarësimin e Shqipërisë dhe më pas në Pallatin e Sportit koncertin festiv të këtij përvjetori.
Në orën 12.40 do të zhvillohet vizita në Muzeun e Pavarësisë.
Gjithashtu, në tubimin madhështor që do të mbahet në Vlorë, do të marrin pjesë edhe personalitete të larta nga Kosova, si kryeministri i Kosovës, Bajram Rexhepi, kryetari i PDK, Hashim Thaçi, dhe komandanti i TMK, gjenerallejtënant Agim Çeku.

Tetë kufoma të masakrës së Izbicës sillen në Kosovë nga varri masiv i Petrovo Selos në Serbi

PRISHTINE, 26 nëntor 2002- Zyra për Personat e Zhdukur në UNMIK (OMPF) njoftoi se sot janë transferuar në Kosovë tetë viktima të zhvarrosura nga një varr masiv në Petrovo Selo në Serbi. Viktimat kanë vdekur gjatë masakrës së Izbicës në mars 1999.
“Identifikimi i viktimave është bërë nga zyra jonë duke përdorur metodat tradicionale, pas ekspozimit të fotografive dhe veshjeve personale në Skënderaj, më 24 dhe 25 shtator”, tha Jose Pablo Baraybar, shefi i Zyrës për Personat e Zhdukur në UNMIK.
Sipas tij, pas krahasimit të të dhënave të para dhe pas vdekjes, dosjet janë shqyrtuar nga ekspertët e Institutit i Mjekësisë Ligjore në Nish, i cili ka bashkëpunuar për identifikimin e kufomave. “Edhe dosje të tjera janë duke u krahasuar dhe shqyrtuar nga OMPF dhe pritet që të bëhen edhe identifikime të tjera”, tha Baraybar. Sipas tij, Zyra për Personat e Zhdukur pret që procesi i riatdhesimit të eshtrave nga Serbia të zhvillohet dhe të përfundojë duke përdorur edhe teknikën tradicionale dhe atë me anë të AND-së për identifikimin e kufomave.

Harnish: Pa u përcaktuar statusi e pa u kthyer të zhvendosurit, SHBA nuk largohet nga Kosova

SHTERPCE, 26 nëntor 2002- Shefi i Misionit Amerikan, Rino Harnish i ka porositur zyrtarët komunalë të Shtërpcës që të punojnë në të mirë të të gjitha komuniteteve. Harnish u tha udhëheqësve serbë të Shtërpcës se Shtetet e Bashkuara të Amerikës do të përkrahin zhvillimin e ekonomisë së kësaj komune. Ndryshimet në Mitrovicë Harnish i ka vlerësuar si lëvizje shumë pozitive në drejtim të krijimit të një Kosove të vetme për të gjithë.
“Pa u përcaktuar statusi i Kosovës dhe pa u kthyer të gjithë të zhvendosurit në vatrat e tyre, me qëllim që Kosova të jetë një vend demokratik, Shtetet e Bashkuara të Amerikës nuk do të largohen nga Kosova”, tha Harnish gjatë vizitës në Shtërpcë. Sipas tij, bashkësia ndërkombëtare po angazhohet që në Kosovë të krijohet një shoqëri demokratike dhe tolerante, në të cilën do të përfshihen të gjitha komunitetet.
“Qëllimi ynë është të kthejmë refugjatët dhe që Kosovën ta bëjmë një vend demokratik. UNMIK-u ka bërë shumë mirë që ka bashkuar Kosovën. Duhet të kemi një Kosovë që është në të mirë të komuniteteve si për shqiptarët, serbët, si për komunitetet e tjera. Ata duan një Kosovë në të cilën mund të lëvizin të lirë dhe kryeadministratori Mihael Shtajner ka bërë një hap shumë të mirë në drejtim të bashkimit të Kosovës”, tha Harnish.
Ai nënvizoi se kthimi i refugjatëve në vatrat dhe në pronën e tyre është një gjë që duhet të bëhet shumë më shpejt. Sipas tij, shqiptarët duhet të kthehen në komunën e Shtërpcës, ashtu si edhe serbët duhet të kthehen në vendet e tyre. “Kthimi është i mundshëm, dhe mënyra se si ne jemi duke e bërë është shumë pozitive. Puna e parë që duhet bërë është t’iu ndërtojmë shtëpitë atyre, dhe t’i integrojmë në shoqërinë kosovare. Pastaj mund të gjejmë mundësi për punësimin e tyre”, tha Harnish.
Kuvendi Komunal i Shtërpcës përbëhet nga 17 këshilltarë, 4 prej të cilëve janë shqiptarë. Harnish kërkoi nga kryetari i Kuvendit Komunal të Shtërpcës Sllagjan Iliq që të angazhohet për një qeverisje demokratike. Iliq ndërkaq tha se shqiptarët kanë filluar të kthehen menjëherë pas konfliktit. Ai theksoi se problemi kryesor i tyre është kthimi i serbëve në Ferizaj dhe në Prizren, sepse komuna e Shtërpcës është e stërngarkuar me qytatarë serbë të komunave të tjera. “Në fshatrat Sevcë dhe Drajkovcë janë kthyer shqiptarët. Mirëpo nuk është kthyer asnjë serb në Ferizaj dhe Prizren, gjë që është një problem i madh”, tha Iliq. Ai tha se e gëzojnë përkrahjen ekonomike nga Zyra Amerikane në Prishtinë dhe në këtë kontekst vuri në dukje se kanë një sërë projektesh, donatorë të të cilave do të jenë amerikanët. Nga ana tjetër, shefi i Misionit Amerikan në Kosovë, Rino Harnish tha se gjatë takimit me kryetarin e Shtërpcës, Sllagjan Iliq ka parë një vullnet të mirë për zhvillimin ekonomik të komunës, kur dihet se këtu janë terrenet e skijimit. Harnish vizitoi gjithashtu fshatrat Bitijë e Epërme dhe të Poshtme, ku bisedoi me banorët lokalë dhe me pronarët e fermës së pulave, financuar nga Qeveria Amerikane me 20 mijë euro. Harnish gjithashtu hapi edhe Filialin e Bankës Amerikane në Shtërpcë.

UPSUP thotë se 17 mijë studentë janë në gjendje të skajshme sociale

Prishtinë, 26 nëntor 26 nëntor 2002 Time: 17:00
UPSUP konteston rrugën ligjore të nxjerrjes së Udhëzimit Administrativ për aplikimin e pagesave të studentëve, të miratuar nga MASHT dhe me ”amin“ të Rektoratit të UP-së, ndërkohë që MASHT qëndron ngurt në pozicionet e veta, duke konsideruar si legjitim vendimin e vet dhe duke konsideruar që “dyert janë të hapura për bisedime me studentët për mënyrën e aplikimit të këtij vendimi”.
Rektorati trajnon njerëzit e vet që do të mirren me menaxhimin e mjeteve që do të derdhen ekskluzivisht për universitetin. “Ne do ta vazhdojmë grevën ashtu siç e kemi paralajmëruar dhe jemi në gjendje ta menaxhojmë, por, pas përfundimit të bojkotimit dhe në rast të moshedhjes poshtë të këtij vendimi administrativ që përmban demagogji, mundë të vijnë në shprehje format tjera të protestës, për të cilat nuk mund të marrim përgjegjësi ne si UPS”, ka thënë kryetari i këtij asociacioni të pavarur të studentëve, Gani Morina.
Prorektori i UP-së, prof. dr. Musli Bajraktari, pasi ka përkrahur vendimin e MASHT-së, ka thënë: ”Në këtë Udhëzim Administrativ shprehet qartë se kategoritë me gjendje të rëndë sociale do të jenë në kujdes, dhe për këtë jemi në gjendje të bisedojmë dhe t’i sqarojmë studentët. Ata që humbin me këtë bojkotim janë pikërishtë studentët”.
Qëndrim të njëjtë shprehin edhe zyrtarë që duan të mbeten anonimë brendapërbrenda MASHT-it. “I kemi ftuar studentët në bisedime për t’i sqaruar të gjitha gjërat e paqarta. Të gjithë ata që gjendja sociale nuk i lejon të bëjnë pagesën me këtë udhëzim, janë marrë parasysh, prandaj ky bojkotim duhet të ndërpritet, sepse nuk është i arsyeshëm“, thonë në këtë ministri.
“MASHT nuk na ka ftuar për bisedime, derisa ne i kemi bërë ftesë publike”, ka thënë Morina dhe ka shtuar që ua ofron MASHT-së dhe rektoratit të UP-së mbi 90% të studentëve ose mbi 17000 studentë që i plotësojnë kushtet për kategorinë e skajshme sociale.
“Tash janë festat kombëtare. Ky bojkot edhe në këtë drejtim nuk tingëllon mirë”, është shprehur prorektori Bajraktari. “Ne nuk bëjmë politikë. Ky vendim i MASHT-së cenon rëndë studentët sepse ua bënë të pamundur vazhdimin e studimeve, prandaj edhe kërkojmë të hedhet poshtë sa më parë”, Ka përfunduar kryetari i studentëve, Gani Morina.

Edhe studentët e Shkollës së Lartë Pedagogjike “Xhevdet Doda” në Prizren bojkotojnë mësimin

PRIZREN, 26 nëntor - Studentët e Shkollës së Lartë Pedagogjike “Xhevdet Doda” të Prizrenit i janë bashkangjitur thirrjes së Unionit të Pavarur të Studentëve të Universitetit të Prishtinës për të bojkotuar mësimin, për shkak të një urdhërese që ka sjellë Ministria e Arsimit Shkencës dhe Teknologjisë lidhur me pagesën e vitit akademik. Kryetari i Unionit të Studentëve të Pavarur të këtij institucioni shkollor, Albert Krasniqi, u shpreh se “edhe ata përkrahin vendimin e studentëve të Universitetit të Prishtinës”. “Do të përkrahim të gjitha vendimet që do të merren nga Unioni i Studentëve, sepse ne kemi edhe votën e studentëve për të mbrojtur edhe interesat e tyre, të cilat me këtë rast janë cënuar dukshëm”, tha Krasniqi. Drejtori i Shkollës së Lartë Pedagogjike “Xhevdet Doda”, prof dr. Vedat Kiseri, konfirmoi se edhe në këtë shkollë të lartë po zbatohen protestat e studentëve të paralajmëruar. “Sot nuk ka mbajtur askush mësim”, ka thënë ai, duke përjashtuar rastin e studentëve të Fakultetit të Edukimit.

Çoviq thotë se dokumenti për administrimin e Mitrovicës është rezultat i marrëveshjes së Beogradit dhe UNMIK-ut
Beograd, 26 nëntor 2002- Zëvendëskryeministri serb Nebojsha Çoviq deklaroi se dokumenti për administrimin e pjesës veriore të Mitrovicës është rezultat i marrëveshje së Beogradit dhe UNMIK-ut, më saktësisht shefit të UNMIK-ut Mihael Shtajner dhe kreut të pushtetit në Beograd. Ai para gazetarëve theksoi se dokumentin kohë më parë e kishte aprovuar qeveria federale dhe ajo republikane e Serbisë dhe se ai ka të bëjë me procesin e administratës në pjesën veriore të Mitrovicës.
Çoviq pranon se Mitrovica shihet si qytet unik në të cilin, por sipas tij mund të ekzistojnë disa struktura lokale.
Çoviq thotë se shërbimin policor të Kosovës në pjesën veriore të Mitrovicës do ta përbëjnë edhe ish-pjesëtarët e policisë së Serbisë dhe të ashtuquajturat "rojet e urës"-njofon Qik-u.....

...edhe kosovapress njofton se;

Çoviq thotë se “rojat e urës” do të veshin uniformat e SHPK

Mitrovicë, 26 nëntor 26 nëntor 2002 Time:16:00
Autoritetet e Beogradit thanë të martën se administrimi i pjesës veriore të Mitrovicës është rezultat i marrëveshjes së Beogradit dhe UNMIK-ut.
Nebojsha Çoviq, zëvendëskryeministër i Qeverisë së Serbisë, ka thënë se dokumentin para një kohe e kanë miratuar Qeveria e Serbisë dhe ajo federative.
Sipas tij, Mitrovica do të jetë një qytet unik, ku mund të ketë struktura të ndryshme lokale. Ndërkaq, lidhur me formimin e SHPK-së në pjesën veriore të Mitrovicës ai ka thënë se në të do të jenë ish-pjesëtarët e MPB-së dhe të ashtuquajturit ”roja të urës”.
Ndryshe, deklarimi i Çoviqit vie një ditë pasi që edhe në pjesën veriore, pas tri vjetësh, është vendos administrimi i UNMIK, me një urdhër që është nënshkruar nga Shtajner.

Presidenti Rugova mirëpret hapat që po ndërmerr UNMIK-u për normalizimin e jetës në Mitrovicë
Prishtinë, 26 nëntor 2002- Presidenti i Kosovës Ibrahim Rugova ka mirëpritur hapat që po ndërmerr UNMIK-u për normalizimin e jetës në Mitrovicë.
"Ftohen të gjithë qytetarët që të kenë mirëkuptim për procesin e normalizimit të gjendjes në qytetin e Mitrovicës, që është në të mirë të të gjithëve", thuhet në një deklaratë të Presidentit.
"Jemi të bindur se të gjithë qytetarët e Mitrovicës janë të interesuar për jetë të qetë dhe normale dhe se do t'i kontribuojnë kësaj me sjelljet dhe veprimet e veta të matura", përfundon deklarata e Presidentit Rugova.

Qeveria dhe UNMIK-u optimistë se Mitrovica po shkon drejt jetës normale
PRISHTINË 26 nëntor 2002- Zëvendësimi i komunës paralele serbe në veri të Mitrovicës me zyrën e UNMIK-ut është quajtur nga kryeministri i Kosovës hap i rëndësishëm për kthimin e jetës normale në qytetin e ndarë.

Shtajner sot përsëri vizitoi Mitrovicën
Mitrovicë, 26 nëntor - Kryeadministratori i Kosovës Mihael Shtajner sot përsëri vizitoi Mitrovicën, ku çeli solemnisht administratën e UNMIK-ut në mjediset ku deri dje punonte administrata paralele serbe. Shtajner pastaj bisedoi me qytetarët serbë afër urës mbi lumin Ibër që ndan qytetin. "Ju keni fituar më shumë se shqiptarët", u tha Shtajner serbëve të tubuar, duke i siguruar ata se nuk do të ketë kalime masive të urës nga pjesa jugore në atë veriore. Shtajner kërkoi nga serbët durim dhe mirëkuptim në ruajtjen e rendit dhe të qetësisë publike. Ai pastaj u përgjegj në shumë pyetje të serbëve rreth punësimit, shkollimit etj.
Pastaj Shtajner i shoqëruar nga gezetarët serbë kaloi urën dhe iu drejtua qytetarëve shqiptarë dhe u tha atyre se tani duhet durim dhe jo kalim masiv i urës. Mitrovicës i nevojitet paqja, e cila duhet të realizohet hap pas hapi, sidomos tani kur do të ketë legjitimitet në tërë qytetin e Mitrovicës, tha ai. Shtajner këtë e vlerësoi si arritje një hap përpara.

Thaçi nderoi dëshmorët e lirisë në Prekaz

Prishtinë, 26 nëntor 2002 Time: 16:34
Për nder të 28 Nëntorit, Ditës së Flamurit dhe të ditëlindjes së Komandantit Legjendar të Ushtrisë Çlirimtare të Kosovës një delegacion i Partisë Demokratike të Kosovës, i kryesuar nga kryetari Hashim Thaçi vizitoi Memorialin Adem Jashari në Prekaz.
Gjithashtu, delegacioni i lartë i PDK para varrit të Komandantit Legjendar Adem Jashari nderoi dëshmorët e lirisë me një minutë heshtje dhe vuri kurorë lulesh.

Zbulohet lapidari i dëshmorit Kujtim Krasniqi

Malishevë, 26 nëntor 26 ëntor 2002 Time: 16:12
Në fshatin Damanek të komunës së Malishevës, nesër, në ora 11:00, bëhet zbulimi i lapidarit të dëshmorit të kombit Kujtim Krasniqit-Timi.
Kujtim Krasniqi, ka qenë pjesëtar i Brigadës 121 “Kumanova”, i cili ka qenë edhe shoqërues i komandanit të Ushtrisë Çlirimtare të Kosovës, dëshmorit të kombit, Tahir Sinanit.

Piktorët e Shqipërisë dhe të Kosovës në një ekspozitë, në Ditën e Pavarësisë
PRISHTINË 26 nëntor 2002 - Artistët figurativë e aplikativë të Shqipërisë dhe të Kosovës, me rastin e 90-vjetorit të pavarësisë, të mërkurën për herë të parë do të paraqiten me punimet e tyre në një ekspozitë të përbashkët, u tha të martën në konferencën për shtyp në Galerinë e Arteve të Kosovës.

Hapen dy vendkalime të reja në kufirin Maqedoni-Kosovë
SHKUP 26 nëntor 2002- Qeveria e Maqedonisë së shpejti do të hap dy vendkalime të reja me Kosovën, ka thënë të martën para gazetarëve Sasho Çollakovski, zëdhënës i Qeverisë së Maqedonisë.Njeri në Tanushë e tjetri në Mavrovë - që kufizohen me zonën e komunës së Sharrit (ish Dragashit).

E hënë 25 nëntor 2002

Në N.York u kremtua 90 vjetori i shpalljes së pavarsisë dhe Dita e Flamurit Kombëtar Shqiptar

Mbrëmë në N.York të SHBA në një mbrëmje të organizuar bashkarisht nga i gjithë komuniteti shqiptar u kremtua 90 Vjetori i Shpalljes së Pavarësisë dhe Dita e Flamurit Kombëtar.
Në fillim të gjithë pjesmarrësve iu uroj mirseardhje kryetari i Vatres Agim Karagjozi dhe pas intonimit të Hymnit kombëtar Shqiptar dhe atij amerikan kenduar nga Merita Halili u mbajt një minutë heshtjeje për nder të dëshmorëve dhe martirëve të kombit shqiptar dhe amerikan.

Më pastaj
pas një lutjeje fetare
nga Dom Pjeter Popaj
fjalimin e rastit e mbajti:

Dr. Fuat Myftiu
duke rikujtuar etapat e vështira
nëpër të cilat kaloi
populli shqiptar.

Pershendeti të pranishmit
edhe Deputeti i Kuvendit të Kosovës -
nënkryetari i LDK zoti Kolë Berisha.
Ndër të tjera a i tha se;
u desh që të dal një Adem Jashar
dhe edhe luftëtarë të tjerë,
që populli i Kosovës të fitoj lirinë.

Veçanti e mbrëmjes ishte pershendetja e ambasadorit Wiliam Wolker , i cili ishte pjesmarres bashkë me anëtarë të familjes së tij.Vallja dhe muzika e hareshme zgjati deri ne oret e hershme të mengjesit të sotem.Ky menifestim ishte organizuar nga :Federta Panshqiptare Vatra, Qendra Islame Shqiptaro- amerikane per N.York dhe Nju Jerzi, Kisha Katolike shqiptare "Zoja e Shkodres", Kisha ortodokse shqiptare "Shen Kolli",Blloku kombëtar indepedent, Lidhja Demokratike e Kosovës , Liga Qytetare Shqiptare Amerikane, Organizata e grave "Motrat Qiriazi Partia e Bashkimit Demokrat Shqiptar, Partia Levizja e Legalitetit , Partia Liberale e Kosovës Shoqata Atdhetare Dibrane , Shqiptaro amerikanet per demokraci dhe Shoqata "Peja". Nexhmedin Syla N.York

E shtune 23 nëntor 2002
Një delegacion i Senatit amerikan qëndroi në Kosovë
Prishtinë, 23 nëntor 2002 Time: 16:03 Delegacioni gjashtanëtarësh i senatorëve të Shteteve të Bashkuara, i udhëhequr nga senatori Daniel Inouye nga Havajet, ka vizituar të shtunën Prishtinën, për t’u njohur nga dora e parë mbi operacionet e KFOR-it dhe përkrahjen amerikane për prezencën e vazhdueshme të KFOR-it në Kosovë. Gjatë qëndrimit në Kosovë, delegacioni u takua me gjeneralin Joseph Ralston, komandant suprem i forcave aleate evropiane, komandantin e KFOR-it Lt. General Fabio Mini, PSSG Michael Steiner dhe zyrtarë tjerë të KFOR-it dhe të UNMIK-ut. Delegacioni ka shqyrtuar operacionet e KFOR-it dhe mundësinë se si Shtetet e Bashkuara sa më mirë t’i përkrahin operacionet e vazhdueshme paqëruajtëse në Kosovë, thuhet në një informacion të Zyrës amerikane në Prishtinë (USOP).
Delegacioni dypartiak i senatit Amerikan, përbëhej nga sen. Ted Stevens nga Alaska, sen. Patrick Leahy nga Vermont-i, sen. Thad Cochran nga Misisipi, sen. Pat Roberts nga Kansasi dhe sen. Ben Nelson nga Nebraska. Ky grup i lartë i senatorëve Republikanë dhe Demokratë është i përbërë nga anëtarët e komiteteve të ndryshme që merren me shumat e caktuara dhe operacionet e forcave të armatosura të SHBA-ve.
Reno Harnish, Shef Misioni të Zyrës amerikane në Prishtinë, në deklaratën e tij, në selinë e KFOR-it, ka thënë se “kjo vizitë demonstron vazhdimësinë e interesimit dhe përkushtimit të Shteteve të Bashkuara në jetësimin e mandatit të KFOR-it për krijimin e një mjedisi paqësor dhe të sigurt në Kosovë, konform Rezolutës 1244. Fakti që një grup aq i spikatur i senatorëve të Shteteve të Bashkuara dhe komandanti suprem i forcave aleate në Evropë vizitojnë Kosovën për t’i shqyrtuar këto çështje, konkretisht demonstron dëshirën e Qeverisë së SHBA-ve për të vazhduar të punojë së bashku me partnerët ndërkombëtarë në përkrahjen e paqes dhe sigurisë në Kosovë, ashtu që përparimi i bërë në zhvillimin e institucioneve vetëqeverisëse demokratike të mund të vazhdoj”, ka thënë Harnish.
Pas largimit nga Prishtina, me një aeroplan ushtarak, delegacioni i Senatit u kthye në SHBA, duke kaluar nga Parisi dhe Brukseli, përfundon informata e USOP

Gruaja që ishte personifikim i UNMIK-ut largohet nga Kosova
PRISHTINË 23 nentor 2002- Për amerikanën Suzan Manuel nuk ka qenë aspak e lehtë që të bisedoj çdo ditë mesatarisht me nga dhjetë gazetarë dhe të mbajë mbi 100 konferenca për këto tri vite e gjysmë, qëkur misioni i Organizatës së Kombeve të Bashkuara u vendos në Kosovë, por para largimit ajo thotë se kjo ka qenë puna më fascinante që ka pasur ndonjëherë

S'ka shpresë për Kosovën derisa statusi i saj të mbetet i pazgjidhur
PRISHTINË 23 nëntor 2002 - Studiuesi Bruce Hitchner, njëri nga organizatorët e konferencës ndërkombëtare "E ardhmja e Kosovës" që u përfundoi këtë javë në Washington, thotë në një bisedë për KosovaLive se Rezoluta 1244 e Kombeve të Bashkuara është mjaft fleksibile sa të lejojë procesin e negociatave për statusin përfundimtar të Kosovës, që do të jetë i kënaqshëm për qytetarët e saj.

Rexhepi refuzon ofertën për takim të fshehtë me Çoviçin e Mihajlloviçin: Dialogu mes Prishtinës dhe Beogradit ende nuk ka filluar

PRISHTINE,23 nëntor 2002- “Në mes të Prishtinës dhe Beogradit nuk ka nisur dialogu për statusin përfundimtar të Kosovës”. Kështu i është përgjigjur kryeministri Bajram Rexhepi kërkesës në një letër të dr. Allen Kassof, udhëheqës i Projektit për Marrëdhënie Etnike me seli në Princeton (SHBA), i cili i ka propozuar Rexhepit që së bashku me kryeparlamentarin Nexhat Daci të mbajnë një takim në Zvicër me zëvendëskryeministrat e Serbisë Nebojsha Çoviç dhe Dushan Mihajlloviç. Në letrën e tij konfidenciale, Kassof i ka propozuar Rexhepit që “dialogu i nisur mes Beogradit dhe Prishtinës” të vazhdojë, por në një takim të fshehtë dhe pa praninë dhe dijeninë e medias. Por kryeministri Rexhepi është përgjigjur kategorikisht, duke i thënë Kassofit se një takim siç e paramendon ky i fundit është i papranueshëm. Në letrën e udhëheqësit të Projektit për Marrëdhënie Etnike, një organizatë që merret me problemet etnike në Evropën Lindore e Qendrore dhe ish-Bashkimin Sovjetik dhe që ishte organizatore e konferencës "Shqiptarët dhe Fqinjët" para një jave në Lucernë të Zvicrës, shkruhet:

“I dashur kryeministër Rexhepi!
Faleminderit për pjesëmarrjen tuaj në tryezën e rrumbullakët të Lucernit. E çmoj shumë kontributin tuaj të admirueshëm në fillimin e dialogut mes Beogradit dhe Prishtinës.
Bazuar në sugjerimin e dr. Çoviçit për të vazhduar dialogun, unë propozoj të mblidhemi sërish në fund të janarit, për të vazhduar diskutimin e nisur në Lucern mes jush dhe dr. Dacit nga njëra anë dhe zotërinjve Çoviç dhe Mihajloviç nga ana tjetër. Sugjerimi i dr. Çoviçit për ta bërë takimin në Beograd dhe Prishtinë është joshës dhe shpresoj që së shpejti ta realizojmë diçka të tillë. Gjithsesi, duke pasur parasysh disa kufizime politike, ndoshta do të ishte më e lehtë që raundin e ardhshëm të ktheheshim në Zvicër dhe të eksploronim skena të tjera për takimet e ardhshme.
Unë do të preferoja ta kufizoja pjesëmarrjen e 4 personave kryesorë (ju, dr. Daci, dr. Çoviç dhe Mr. Mihajloviç), përfaqësuesve të Projektit për Marrëdhënie Etnike dhe të Departamentit Zvicerian të Punëve të Jashtme dhe përkthyesve. Sugjeroj një takim njëditësh më 25 janar 2003, nëse mund të bëhen përgatitjet praktike dhe nëse kjo u leverdis tërë të interesuarve. Për këtë takim nuk do të njoftojmë shtypin dhe, siç është praktika e Projektit për Marrëdhënie Etnike, do t'i mbajmë të fshehta zhvillimet. Po ju dërgoj një letër të ngjashme 3 personave të tjerë.”

Ndërsa kryeministri Bajram Rexhepi i është përgjigjur kështu propozimit të udhëheqësit të Projektit për Marrëdhënie Etnike:

“I nderuari z. Kasof
Dëshiroj të shpreh konsideratat e mia për angazhimin Tuaj dhe PME në drejtim të shtjellimit të temës "Shqiptarët dhe fqinjët e tyre". Dua të theksoj se tryeza në Lucern të Zvicrës ishte vazhdimësi e Tryezave që Ju i keni organizuar më parë. Takimi im dhe i z. Daci me z Çoviç dhe Mihajloviç ishte një takim i rastit, por kurrsesi takim pune dhe nuk mund të merret si fillim dialogu mes Prishtinës dhe Begradit. Në mes të Prishtinës dhe Beogradit nuk ka filluar dialogu. Për fillimin e tij do të vendosin institucionet relevante të Kosovës, në bashkëpunim me mekanizmat ndërkombëtare. Propozimi për organizimin eventual të ndonjë takimi, si e paramendoni Ju, është i papranueshëm për mua.”

Rexhepi me veteranët e luftës: Ata që ditën të bëjnë luftën, tani dinë ta bëjnë edhe paqen

PRISHTINE, 23 nëntor 2002- Kryeministri i Kosovës, dr. Bajram Rexhepi sot u takua me veteranët e luftës të UÇK-së nga Kosova, Shqipëria, Maqedonia dhe Lugina e Preshevës. Qëllimi i këtij takimi ishte krijimi i një Asoacioni të përbashkët kombëtar të veteranëve të luftës. Kryeministri tha se “populli ynë me shekuj luftoi për pavarsinë e vet dhe i bëri luftërat në kohën kur u desh të bëhet lufta”.
“Këtu do ta përsëris një thënie që shpeshherë e kam thënë, ata që ditën të bëjnë luftën, ata dinë ta bëjnë edhe paqen, t’i respektojnë të drejtat njerëzore të të gjitha komuniteteve. Prandaj shpresoj se këto bashkëpunime të ngushta simotra ndërmjet Kosovës, Shqipërisë, Maqedonisë, Luginës së Preshevës, janë integrim i vlerave që dinë t’i drejtojnë proceset përpara për arsye se integrimet evropiane janë synim i të gjithëve, dhe kjo s’duhet të keqkuptohet me terminologjinë Shqipëria e Madhe dhe terme të tjera që na i kanë importuar shpeshherë ata që nuk ia duan të mirën popullit shqiptar”, theksoi kryeministri Rexhepi.
I pyetur nga gazetarët se a e përkrahë një iniciativë të tillë Qeveria e Kosovës, ai u shpreh se “deri diku e përkrahim, mirëpo kjo duhet të shtrohet edhe në Kuvend”. “Kuvendi është ai që e merr vendimin dhe pastaj pjesa ekzekutive rregullohet shumë më lehtë. Është obligim edhe i Parlamentit që të marrë vendim njëherë që çfarë karakteri kishte lufta, çfarë kategorie janë veteranët e luftës, invalidët e luftës, familjet e dëshorëve”, tha kryeministri Rexhepi. Sipas tij, ky mbetet obligim i Parlamentit, i grupeve parlamentare, pasi këtu kemi të bëjmë me integrim të veteranëve të luftës së tri gjeneratave, atyre që e bënë Luftën Navional Çlirimtare, edhe në Shqipëri edhe në Kosovë, por edhe luftërat e fundit. “Prandaj është obligim që në të ardhmen ta marrin edhe statusin që edhe e meritojnë”, tha Rexhepi.
Ndërkohë, Sadik Halitjaha, përfaqësues i tri shoqatatve të dala nga lufta, theksoi se ata kanë gjetur një mirëkuptim të drejtë dhe një përkrahje morale, brenda mundësive ligjore. “Të gjitha shoqatat e veteranëve të LNÇ-së, të atyre të UÇK-së, nga Shqipëria, nga Kosova, nga Lugina e Preshevës, jemi takuar pikërisht në prag të festave të mëdha të nëntorit, muaj në të cilin është edhe festa jubilare e Pavarësisë së Shqipërisë, Dita e Flamurit, ditëlindja e Komandantit Legjendar Adem Jasharit dhe dalja në skenë e UÇK-së, të cilat që të gjitha janë vlera dhe nder i kombit”, tha Halitjaha.

Pjesëtarët e TMK-së kthehen nga trajnimi në Afrikën Jugore

PRIZREN, 23 nëntor 2002- Pas një trajnimi të sukseshëm në Afrikën e Jugut, është kthyer në Kosovë grupi i pjesëtarëve të TMK-së, i përbërë nga 23 pjesëtarë të Batalionit të Gardës së Zonës së Dytë Mbrojtëse. Për ta përcjellë trajnimin e pjesëtarëve të TMK-së në Afrikën e Jugut kishin shkuar komandanti i Zonës së Dytë Mbrojtëse, kolonel Selim Krasniqi, shefi i Shtabit, kolonel Bajram Bekteshi dhe komandanti i Batalionit Gardist, nënkolonel Bekim Shyti, njofton majori Jetullah Krasniqi. Pjesëtarët e TMK-së, përveç trajnimeve të ndryshme që kryen, patën edhe një ushtrim të veçantë, atë të kërkim-shpëtimit në det, të cilin nuk kanë pasur mundësi ta ushtrojnë më parë. Trajnimet u mbajtën në një Akademi Policore të qytetit Parl dhe nga të gjitha palët janë cilësuar si shumë të sukseshme.

Ngrihet padi për krime lufte kundër komandant të ish-UÇK-së, Remit dhe “Grupit të Llapit”

PRISHTINE, 23 nëntor 2002- Një prokuror ndërkombëtar në Prishtinë ka ngritur padinë kundër Latif Gashit, Naim Kadriut, Nazif Mehmetit dhe Rrustem Mustafës (ndryshe Komandant Remi), të gjithë shqiptarë të Kosovës dhe ish-pjesëtarë të Ushtrisë Çlirimtare të Kosovës (UÇK), për krime lufte, në kundërshtim me nenin 142 të Kodit Penal të Jugosllavisë.
Padia, e cila është formuluar që më datë 19 nëntor, thotë se këto krime janë kryer kundër civilëve shqiptarë të Kosovës gjatë viteve 1998 dhe 1999. Padia kundër të ashtuquajturit “Grupi i Llapit” përmban 11 akuza, përfshirë arrestimin e paligjshëm dhe burgosjen, trajtimin çnjerëzor, torturën dhe vrasjen.
Latif Gashi, Naim Kadriu dhe Nazif Mehmeti u arrestuan më 28 janar 2002, në bazë të kërkesës së një prokurori ndërkombëtar. Hetimet juridike u kryen nga një gjykatës ndërkombëtar. Më 13 gusht 2002, gjykatësi hetues e shtriu hetimin edhe ndaj të dyshuarit të katërt, Rrustem Mustafa, komandant i UÇK-së për zonën e Llapit gjatë viteve 1998-1999. Gjykatësi i dha fund hetimit më 8 nëntor 2002. Të pandehurit vazhdojnë të jenë të ndaluar, në pritje të gjyqit.

Festat e nëntorit shënohen me aktivitete të shumta në të gjitha Zonat e TMK-së
Prishtinë, 23 nëntor 2002 Time: 14:50 Në të gjitha Zonat Mbrojtëse të TMK-së do të mbahen manifestime të shumta për nder të festave të nëntorit: 28 Nëntorit -Ditës së Flamurit, Paraqitjes së parë publike të UÇK-së dhe Ditëlindjes së Komandantit Legjendar Adem Jasharit.
Më 25 nëntor, në Zonën e Parë Mbrojtese do të organizohen aktivite sportive në futboll, pingpong dhe shah. Më 26 nëntor në orën 10.00 bëhen homazhe në varrezat e dëshmorëve dhe të Komandantit Legjendar Adem Jasharit, në Prekaz, ku marrin pjesë përfaqësues të SHP të TMK-së, të prirë nga komandanti i TMK-së, gjenerallejtënant Agim Çeku, zv.komandanti, gjeneralmajor Sylejman Selimi dhe oficerë të lartë të Zonave dhe të njësiteve vartëse.
Më pastaj do të marshohet në drejtim të Llaushës, Polacit etj. Marshimi simbolizon rrugëtimin e shtigjeve të komandantit Adem Jashari dhe të UÇK-së.
Zona e Parë e TMK-së manifestimin qendror për nder të tri festave të nëntorit e mban më 27 nëntor, në orën 11.00, në kazermën e Brigadës 314 "Fehmi Lladrovci", në Kastriot. Me këtë rast do të parakalojnë njësitet e zonës si dhe do të ndahen mirënjohje dhe shpërblime për ushtarët më të dalluar. Më 27 nëntor, Zona e Dytë Mbrojtëse e TMK-së, organizon manifestim qendror në orën 11:00, në kazermën ushtarake "Remzi Ademaj", në Lumnishtë.
Aktivitet që do të shënohen këtë ditë, janë: Parada ushtarake, programi kulturo-artistik me këngë dhe valle, ku do të jenë të pranishme familjet e dëshmorëve, përfaqësuesit e të gjitha sferave politike e institucionale, vendore dhe ndërkombëtare. Ndërsa në orën 14:00 pjesëtarët e Zonës së Dytë do të vendosin kurora me lule në varrezat e dëshmorëve.
Zona e Tretë e TMK-së organizon një varg manifestimesh. Manifestimin qendror do ta mbajë më 27 nëntor, në orën 11.00, në Kazermën e Pejës, ku do të marrin pjesë të gjitha efektivet e Zonës. Manifestimi fillon me këndimin e himnit të Flamurit, dhe me parakalime të njësiteve të zonës. Komandanti i Zonës do të mbajë fjalën kryesore, në manifestim do të marin pjesë mysafirë të shumtë. Manifestimi vazhdon me ndarjen e mirënjohjeve dhe shpërblimeve ushtarëve të dalluar. Në fund do të organizohet edhe një program i pasur kulturo-artistik.
Zona e Katërt e TMK-së manifestimin qendror e mban në Komandën e Zonës, më 27 nëntor, duke filluar në orën 11.00. Manifestimi fillon me intonimin e himnit kombëtar dhe me parakalimet e njësiteve të Zonës. Fjalën e rastit e mban komandanti i Zonës. Në manifestim do të marrin pjesë strukturat vendore politike dhe intelektuale. Manifestimi vazhdon me ndarjen e mirënjohjeve dhe shpërblimeve për ushtarët dhe oficerët e dalluar. Në manifestim janë ftuar që të marrin pjesë të gjitha familjet e dëshmorëve.
Zona e Pestë Mbrojtese, shënimin e 28 Nëntorit- Ditës së Flamurit, Ditëlindjes së Komandantit Legjendar Adem Jasharit dhe paraqitjes për herë të parë publike të UÇK-së, e fillon më 26 nëntor, ku do të bëjë homazhe në varrezat e dëshmorëve dhe vazhdojnë me vizita familjeve të dëshmorëve. Ndërsa më 27 nëntor në Kazermën "Zahir Pajaziti", në Llukar- Prishtinë, do të mbahet manifestimi qendror. Me këtë rast do të parakalojnë njësitet e Zonës së Pestë, manifestimi vazhdon me një program kulturo-artistik.
Zona e Gjashtë Mbrojtese për nder të festave të nëntorit, manifestimin qendror do ta mbajë në kazermën "Epopeja e Jazercit" në Ferizaj, duke filluar në orën 11.00. Me këtë rast do të parakalojnë njësitet e zonës, do të bëhen homazhe në varreazat e dëshmorëve dhe do të vizitohen familjet e dëshmorëve. Fjalën kryesore do ta mbajë komandanti i Zonës së Gjashtë. Për më të mirët do të ndahen mirënjohje dhe shpërblime. Manifestimi do të përmbyllet me një program të pasur kulturo- artistik.
Manifestimet janë të hapura për të gjithë qytetarët, njofton Zyra për Informim e SHP të TMK-së

U shënua zyrtarisht hapja e Fakultetit të Edukimit të UP-së në Gjakovë
Gjakovë, 23 nëntor 2002 Time: 14:45 Themelimi i Fakultetit të Edukimit është shënuar edhe zyrtarisht në Gjakovë në praninë e përfaqësuesve të institucioneve arsimore e politike të komunës dhe të Kosovës. Për këtë vit, ky faktultet do të zhvillojë mësime vetëm në degën e mësimit klasor, ndërsa prej vitit të ardhshëm, u tha se do të bëhen përpjekje t`i bashkohen edhe degët tjera.
Në Gjakovë, deri më tani, pranë ish-SHLP-së kanë ndjekur mësimet 35 breza në 5 degë arsimore, gjatë së cilës kohë kanë dalë 5500 arsimtarë nga Gjakova dhe Rrafshi i Dukagjinit.
"Nga viti i kaluar, në bazë të deklaratës së Bolonjës, u bë një reformë në këtë qendër, ndërsa fillimi i studimeve katërvjeçare shënon një hap përpara në avansimin e studimeve në këtë qendër. Nga viti i ardhshëm shpresojmë që fakultetit t`i bashkangjiten edhe katër degët tjera lëndore", tha dekani i këtij Fakkulteti, Hilmi Hasimja.
Ministri i Arsimit, Rexhep Osmani e ka quajtur këtë ditë si një ngjarje të rëndësishme për arsimin kosovar. "Ky fakultet siguron një ngritje më të madhe të kuadrit arsimor. Meqë jemi në procesin e reformimit të arsimit tonë, na duhen arsimtarë të mirë, nëmënyrë që dija e kosovarëve të integrohet në dijen e vendeve tjera", tha ministri Osmani dhe porositi mësimdhënësit dhe studentët që realizimit të programeve të kësaj shkolle t`i qasen me një seriozitet të madh.
Duke folur për rolin e kësaj qendre arsimore deri tani dhe duke përmendur faktin se pranë saj janë shkolluar kuadro jo vetëm nga Gjakova, por edhe nga trojet etnike dhe diaspora, kryetari i KK-së, Aqif Shehu, tha se me këtë po merr udhë të mbarë integrimi shpirtëror, arsimor e fizik i shqiptarëve.
"Kjo u arrit me punë të gjatë, me mund e sakrifica të mëdha", tha Shehu duke potencuar se studentët e kësaj qendre kanë sfiduar barrierat më të rënda të pushtuesit serb dhe duke kujtuar njëkohësisht studentët dhe kuadrot arsimore që nuk janë më në mesin tonë.
Në ceremoninë e shënimit të nismës së punës së këtij fakulteti folën edhe rektori i Univeristetit të Prishtinës, prof. dr. Zenel Kelmendi dhe kryetari i Unionit të Studentëve të UP-së, Gani Morina. Ndërkaq, ministri Osmani dhe kryetari Shehu kanë bërë zbulimin e Pllakës me mbishkrimin që shënon njërën ndër ngjarjet më të rëndësishme të arsimit të komunës së Gjakovës: “Universiteti Prishtinës, Fakulteti i Edukimit, Qendra në Gjakovë”.

Thernadë, BSPK: Me çdo kusht duhet të mbrohen interesat e punëtorëve
23 nëntor 2002 Musli Lipoveci, përfaqësues i BSBK-së për Therandë, informoi se “në komunën e Therandës procesi i privatizimit do të fillojë së shpejti dhe se sindikatat duhet që tani t’i kenë parasyesh përgatitjet që duhen të bëhen për ruajtjen e interesave të punëtorëve, të cilët”, tha ai, “me vite të tëra kanë dhënë mundin dhe kontributin e tyre për këto ndërmarrje që ende janë në këmbë”.
Pastaj këtu u tha se me gjithë bashkëpunimin që kanë sindikatat e Kosovës me Agjencinë Kosovare të Mirëbesimit, BSPK-ja edhe në të ardhmen do të angazhohet që të jetë krah i fortë në mbrojtjen e interesave të punëtorëve, ku kërkohet edhe vetë përkrahja e punëtorëve kosovarë.
Standardet jetësore të punëtorëve, u tha në këtë takim, në këto vite ka në shënuar rënie drastike e, sidomos, atyre të atyre që nuk janë kthyer në punë. Tarifa e çmimeve të transaksioneve, sipas së cilës 18 për qind e mjeteve t’u ndahet punëtorëve, do të jetë edhe kërkesë e BSPK-së, u tha në takim

Lajmet e E mërkurë 20 nëntor 2002
(Kronikë disa ditëshe)

Zyrtarët amerikanë: Ende nuk ka ardhur koha për të diskutuar mbi statusin e ardhshëm të Kosovës

UASHINGTON, 20 nëntor 2002 - Zyrtarë amerikanë thonë se ende nuk ka ardhur koha për të diskutuar mbi statusin e ardhshëm të Kosovës. Në një konferencë të zhvilluar dje në Uashington me titull “E ardhmja e Kosovës”, zyrtarë të Departamentit të Shtetit thanë se kërkohen më shumë prova që Kosova ka një sistem ekonomik dhe demokratik funksionues, me institucione të konsoliduara. Në Konferencën e organizuar nga Instituti për Studime Strategjike dhe Ndërkombëtare, Këshilli Kombëtar Shqiptaro-Amerikan dhe Projekti për Marrëveshjet e Paqes të Dejtonit, u paraqitën dy lloj argumentesh për të ardhmen e Kosovës. Sipas njërit argument, përcaktimi qysh tani i statusit të Kosovës do të ishte në të mirë të qendrueshmërisë në rajon, do t’u shërbente interesave amerikane të sigurimit në Ballkan dhe do të nxiste zhvillimin ekonomik të Kosovës.
Por Departamenti amerikan i Shtetit mban një qendrim kritik ndaj kësaj ideje. Donald Braun, nëndrejtor për Çështjet e Evropës Qendrore dhe Jugore në Departamentin e Shtetit, thotë se ende nuk ka ardhur koha për të shtruar çështjen e statusit përfundimtar. Tani për tani Shtetet e Bashkuara nuk kanë përcaktuar një qëndrim se cili do të jetë statusi përfundimtar i Kosovës. Ajo që duhet bërë tani, tha Braun është përqëndrimi te çështjet më kryesore. “Në Kosovë është arritur shumë që nga mbarimi i konfliktit dhe administrata amerikane mbetet plotësisht e angazhuar që ky proces të çohet deri në fund, megjithë çështjet që kanë dalë në botë pas 11 shtatorit”, tha Braun. Sipas zyrtarit të Departamentit të Shtetit, megjithëse ka kaluar një vit nga zgjedhjet e përgjithshme në Kosovë, në disa aspekte arritjet janë shumë të pakta.
Punimet e konferencës nuk i përcolli senatori Bob Doll, por pjesëmarrësve të saj u dërgoi një letër përshëndetëse me të cilën e quajti veten të privilegjuar të pranojë rolin e përfaqësuesit të nderit të Kosovës në Shtetet e Bashkuara. Por, ai thotë se tani puna për Kosovën nuk do të jetë e lehtë në Shtetet e Bashkuara kur fokusi i Qeverisë amerikane është drejtuar te lufta kundër terrorizmit, apo të një lufte e mundshme me Irakun.
Janush Bugajski, drejtor i studimeve evropiane në Qendrën për Studime Strategjike dhe Ndërkombëtare, organizatori kryesor i kësaj konference tha se ka ardhur koha për kalimin në një etapë të re zhvillimi dhe kërkohet një angazhim ndërkombëtar për një plan që të përcaktojë shtetësinë e Kosovës për të dalë nga situata e tanishme e bllokuar dhe një shtet i përcaktur qartë do t'i shërbente edhe interesave amerikane të sigurisë në rajon, tha ai.
Brus Hiçner i Projektit të Paqes për Marrëveshjen e Dejtonit tha se Bosnja nuk ishte e përgatitur për të qenë shtet më shumë se sa Kosova dhe se Rezoluta 1244 është më në gjendje për të përcaktuar statusin, pra për Kosovën sesa ishin marrëveshjet e Dejtonit për Bosnjën.
Duke folur në këtë konferencë, Skënder Hyseni, këshilltar kryesor politik i Presidentit të Kosovës, fillimisht tha se e ardhmja e Kosovës mund të jetë: stabilitet dhe paqe afatgjatë dhe e qëndrueshme, stabilitet sipërfaqësor, jostabilitet dhe tensione të përhershme, apo edhe më keq, edhe një konflikt tjetër i përgjakshëm. Hyseni në vazhdim tha se gjatë muajve dhe viteve të ardhshme, në Kosovë priten sfida të shumta. “Ne po bëjmë gjithë ç'është e mundur që t'i përmbushim të pritmet e atyre vendeve, në radhë të të parë SHBA-ve dhe vendeve të Bashkimit Evropian, të cilat na u gjetën pranë në orët më të liga. Teksa po ndërtohen e forcohen institucionet e Kosovës, ne presim pa vonesë bartje të pushtetit nga UNMIK-u tek autoritetet e Kosovës, të zgjedhura në mënyrë demokratike”, tha ai.
Tri zgjedhjet e deritashme të nivelit lokal dhe kombëtar, që u mbajtën dhe u zhvilluan në mënyrë paqësore dhe demokratike, vlerësoi ai, janë hap i madh përpara në krijimin e një Kosove pluraliste, demokratike, në të cilën sundon ligji. “Prioritetet kryesore të Presidentit të Kosovës, Dr. Ibrahim Rugovës, të Kryeministrit dhe të kabinetit të tij, të Kuvendit të Kosovës dhe të organeve të tjera, janë: ringjallja e ekonomisë përmes procesit të privatizimit të ndërmarrjeve shoqërore dhe përmes ndihmës së vazhdueshme dhe nxitjes e stimulimit të sektorit privat; krijimi i vendeve të punës; krijimi i kornizës së domosdoshme ligjore dhe institucionale për ekonominë moderne të tregut; integrimi i të gjitha grupeve etnike dhe procesi i pajtimit; lufta kundër korrupcionit, krimit dhe aktiviteteve të ndryshme kriminale ndërkufitare përmes bashkëpunimit rajonal dhe promovimit të sigurisë dhe stabilitetit”, tha në vazhdim Hyseni. Sipas tij, statusi i paqartë politik po kthehet në një instrument i cili Kosovën, dhe jo vetëm atë, por edhe vendet fqinje, po i mban në një gjendje të prapambetur. “Nëqoftëse duam përmbushjen e axhendës së ngjeshur dhe të prioriteteve që i ka venë vetes qeveria, Kosova ka nevojë për akses (qasje) të plotë dhe të papenguar në institucionet financiare ndërkombëtare. Mirëpo, vështirë të ndodhë kjo së shpejti, për sa kohë që statusi i ardhshëm i Kosovës mbetet i pazgjidhur”, theksoi Hyseni. Në vazhdim ai vlerësoi se Kosova është “de facto” një vend i pavarur, tash për tash nën administrimin e Kombeve të Bashkuara. “Teksa kemi parasysh 'argumentet' që thonë se një Kosovë e pavarur do të destabilizonte gjithë rajonin, jemi të bindur se e vërteta është e kundërta e kësaj. Zor se mund të ketë konsolidim të ekonomisë dhe të demokracisë në Serbi, në Maqedoni, në Mal të Zi dhe në Shqipëri, për sa kohë që mbetet e hapur karta e Kosovës”, tha ai. Sipas tij, një “zgjidhje e lehtë” e statusit përfundimtar është jashtëzakonisht e rrezikshme, sepse do të linte pas potencial të rrezikshëm për zgjidhjen e probleme madhore që na presin në të ardhmen. “Njohja formale e pavarësisë së Kosovës do të zhdavariste përfundimisht të gjitha rreziqet për telashe në këtë rajon në të ardhmen. Kosova e pavarur është padyshim kyç për paqe të qëndrueshme, për siguri dhe për stabilitet të këtij rajoni”, vlerësoi ndër të tjera Skënder Hyseni në diskutimin e tij në këtë konferencë.
Botuesi i gazetës “Koha Ditore” Veton Suroi tha se për Kosovën rruga drejt Evropës, sado e çuditshme që mund të tingëllojë sipërfaqësisht, kalon nëpër Uashington. “Megjithë angazhimet e mëdha të SHBA-ve në të ardhmen imediate në Lindjen e Mesme dhe Azinë Qendrore, SHBA-ve u intereson që investimi i saj shumë i madh në Ballkan, posaçërisht në Kosovë, të jetë i përmbyllur me një rezultat stabil, rezultat në të cilin procesi i ndërtimit të shtetit në Kosovë e gjen fundin e nevojshëm”, theksoi Surroi.

Konsumi i duhanit në Kosovë bie nga 60 për qind në 56

Prishtinë, 20 nëntor 2002 Time: 16:55
Parandalimi i duhanit, drogës dhe virusit HIV, janë çështjet në të cilat është fokusuar Departamenti i Rinisë së Kosovës, që nga 31 maji i këtij viti, në bashkëpunim me Organizatën Botërore të Shëndetësisë.
Në një konferencë për media që u mbajt në Ministrinë e Kulturës, Sporteve dhe Çështjeve Jorezidente, këshilltari i ministrit Brajshori, Salal Ahmetgjekaj, ka dhënë shumën e shpenzuar për parandalimin e këtyre dukurive në Kosovë, e cila arrin vlerën në 67.000 euro.
Si sukses të këtyre projekteve ai theksoi rënien e përqindjes së konsumimit të duhanit nga 60% në 56%, në tërë territorin e Kosovës.
Po ashtu, Ahmetgjekaj potencoi edhe aktivitetet që janë shënuar në Kosovë, në shërbim të parandalimit të këtyre dukurive si dhe financimin e 30 projekteve të OJQ-ve.

Rexhepi: Shqiptarët e serbët nuk mund të negociojnë pa ndërmjetësimin SHBA-UE Prishtinë, 20 nëntor 2002 Time: 16:40
Në Konferencën e Lucernit, zëvendëskryeministri serb, Nebojsha Çoviq, pas seancës në ditën e parë, i ka kërkuar falje publike, kryeministrit të Kosovës, Bajram Rexhepi, për akuzën që ka bërë kohë më parë në adresë të këtij të fundit.
Lidhur me këtë pas mbarimit të mbledhjes së Qeverisë, kryeministri i Kosovës, u tha gazetarëve, se në këto raste nuk mund të jepet ndonjë vlerësim se sa qëndron politikisht, mirëpo personalisht ai e ka pranu publikisht këtë falje, e cila është transmetuar edhe nëpërmes mediave.
Sipas kryeministrit, Çoviq ka kërkuar, nëse është e mundur, të bëhet një takim rasti mes nesh.
“Në këtë takim prezentë ka qenë edhe kryetari i Parlamentit, Nexhat Daci, kurse nga ana serbe ka qenë Çoviq dhe Mihajlloviq. Ky takim ka qenë në interes të përbashkët të dy vendeve, të përcaktohen ose të identifikohen fushat në të cilat do ishte e mundur një bashkëpunim”, -tha kryeministri Rexhepi, sipas të cilit takimi më shumë ka qenë me qëllim të respektit të konferencës dhe të relaksimit të tensioneve.
Gjatë kësaj konference, Rexhepi tha se kemi biseduar edhe me delegacionin e Maqedonisë dhe atë të Malit të Zi, të cilët kanë ardhur në cilësinë e liderëve politikë, në të cilin takim ka qenë prezent edhe udhëheqësi i konferencës Alen Kasov.
“Kemi biseduar se cilat fusha të interesit janë të përbashkëta, si bashkëpunimi ekonomik, infrastruktura, çështjet e dokumentacionit, etj., ndërsa për çështje tjera ne nuk kemi mandat dhe është herët të bisedohet”, potencoi kryeministi Rexhepi.
I pyetur nga gazetarët për dialogun e mundshëm në mes shqiptarëve dhe serbëve, ai u shpreh:
“Në konferencën e Lucernit, kam thënë se ne së pari dilaogun duhet ta kemi brenda Kosovës, ndërmjet të komuniteteve, ku në parim nuk e refuzojmë një dialog të tillë, që ndoshta mund të jep pjesën përbërëse, por jo dialog direkt për çështje politike në lidhje me statusin e Kosovës, sepse pa rolin udhëheqës politik të SHBA-ve dhe të UE-së, do të bisedojmë edhe 20 vjet dhe nuk do të mirremi vesh asnjëherë”.
“Për këtë çështje së bashku me institucionet dhe liderët politikë, mund të bijmë konkluzione të përbashkëta, mirëpo mendoj se me një dialog bilateral të drejtëpërdrejtë, shqiptaro-serb, ne nuk mund të zgjedhim këto çështje asnjëherë, por duhet të gjinden forma tjera gjithnjë në prezencën e faktorëve ndërkombëtarë si të SHBA-ve, UE-së dhe mekanizmave tjerë, që të parashihet mundësia e vendosjes së qytetarëve”, -përfundoi kryeministri Rexhepi.

Kofi Anan: statusi politik i Kosovës do të përcaktohet në bazë të rezolutës 1244

19 nëntor 2002 Prishtinë: - Sekretari i Përgjithshëm i Kombeve të Bashkuara, Kofi Anan, tha të martën në Prishtinë se statusi politik i Kosovës do të përcaktohet në bazë të rezolutës 1244 të Këshillit të Sigurimit. Megjithatë, sipas tij, është ende herët të thuhet se kur do të realizohet një gjë e tillë. Ai i bëri këto komente në përfundim të vizitës së tij në Kosovë gjatë së cilës u bëri thirrje të gjitha komuniteteve të punojnë së bashku për krijimin e një shoqërie shumë-etnike.

Presidenti amerikan Bush raport Kongresit për trupat në Kosovë: NATO shqyrton zvogëlimin dhe tërheqjen e tyre të mundshme

UASHINGTON, 16 nëntor - Presidenti i Shteteve të Bashkuara të Amerikës Xhorxh Bush ka informuar dje nëpërmjet një raporti, Kongresin amerikan lidhur me gjendjen dhe perspektivat e kontigjentit amerikan, të inkuadruar në misionin e paqes në Kosovës. Në letrën e tij thuhet:
“Në raportin tim drejtuar Kongresit më 17 maj 2002, dhashë informacion në lidhje me vazhdimin e qëndrimit të personit ushtarak të Shteteve të Bashkuara në mbështetje të forcës ndërkombëtare të sigurimit në Kosovë (KFOR) dhe në vende të tjera në rajon. Po ofroj këtë raport shtesë përgatitur nga Administrata ime, në përputhje me Rezolutën e Fuqive në Rast Lufte (Ligji Publik 93-148) për t'u siguruar që Kongresi të jetë plotësisht i informuar për kontributet e vazhdueshme të SHBA-së në mbështetje të përpjekjeve paqeruajtëse në Kosovë.
Aktualisht, SHBA kontribuon në KFOR në Kosovë me rreth 4350 ushtarakë ose me rreth 15 për qind të tërë KFOR-it. 266 ushtarakë të tjerë amerikanë janë vendosur si Element Mbështetës Kombëtar në Maqedoni, me prani rastësore në Shqipëri dhe Greqi. Gjatë 6 muajve të shkuara, 19 vende joanëtare të NATO-s i kanë ofruar KFOR-it personelin e tyre ushtarak. Forcat amerikane janë vendosur sidomos në afërsi të Gjilanit, në lindje të Kosovës. Rreth 60 për qind e tyre merren me patrullim dhe ruajtje të kufirit. UNMIK-u vazhdon të bëjë progress në ndërtimin e strukturave të nevojshme për vetëqeverisje demokratike të përkohshme në Kosovë. KFOR-i kordinon me UNMIK-un dhe e mbështetet atë në shumicën e fushave, duke ofruar forca sigurimi në qytete dhe fshatra dhe duke organizuar pikakontrolli në zonat kyçe të Kosovës, për të dhënë siguri, për të mbrojtur pakicat, për të zgjidhur mosmarrëveshjet dhe për të krijuar ndjenjën e besimit në bashkësi. Njëkohësisht, KFOR-i po mbështet me mjetet e veta ndihmën humanitare, sigurimin publik dhe rendin. NATO vazhdon formalisht ta rishohë misionin e KFOR-it në intervale 6-muajshe. Këto rishikime ofrojnë bazën për vlerësimin e nivelit aktual të trupave, kërkesat e ardhshme, zvogëlimin e trupave dhe tërheqjen e tyre të mundshme të KFOR-it. Angazhimi i vazhdueshëm i trupave amerikane është bërë nën autoritetin tim kushtetues për mbajtur marrëdhëniet me jashtë dhe si Komandat dhe kryetar i pushtetit ekzekutiv. E çmoj shumë mbështetjen e vazhdueshme të Kongresit në këto aksione”, thuhet në raportin e presidentit amerikan Xhorxh Bush drejtuar Kongresit amerikan.

Sekretari i OKB-së Kofi Anan të hënën në Kosovë

PRISHTINE, 16 nëntor - Sekretari i përgjithshëm i Kombeve të Bashkuara, Kofi Anan, arrin të hënën për vizitë dyditëshe në Kosovë. Ai do të takohet me drejtues të administratës së UNMIK-ut dhe do të bëjë një vizitë në qytetin e ndarë të Mitrovicës. Zyrtarë të Kombeve të Bashkuara thanë se në kuadër të gjatë turneut të tij në vendet ballkanike, sekretari Anan do ta vizitojë edhe Sarajevën, Beogradin dhe Zagrebin.

Qendra për Studime Strategjike diskuton në Uashington statusin drejt sovranitetit të Kosovës

PRISHTINE, 16 nëntor - Qendra për Studime Strategjike Ndërkombëtare, së bashku me Projekt Akordin për Paqe Dejton dhe Këshillin Kombëtar Shqiptaro-Amerikan, do të mbajë të martën, në Uashington, një konferencë ndërkombëtare me temën “E ardhmja e Kosovës”. Në këtë konferencë janë ftuar të marrin pjesë politikanë të shquar, përfaqësues të Kongresit, specialistë për çështje të rajonit, përfaqësues të organizatave joqeveritare e drejtues biznesi nga Shtetet e Bashkuara, si edhe drejtues e përfaqësues të partive më të mëdha politike të Kosovës. Organizatori thotë se kjo strukturë pjesëmarrësish do të bëjë të mundur një debat të gjerë e të thellë për problemet kryesore me të cilat ndeshet Kosova sot, duke përfshirë edhe statusin përfundimtar edhe pozicionin e saj në Ballkan. Në konferencë pritet të analizohen problemet politike e ekonomike dhe situata e sigurisë në Kosove. Udhëheqësit politikë të Kosovës pritet të diskutojnë edhe për pengesat dhe rrugët nëpërmjet të cilave mund të përballohen vështirësitë e shtetit të ardhshëm të Kosovës.
Organizatorët e konferencës besojnë se ajo duhet të sinjalizojë dhe të përgatisë Uashingtonin, në mënyrë të veçantë administratën amerikane, sektorin joqeveritar, drejtuesit e bizneseve dhe mediat më të rëndësishme, për problemet e Kosovës në rrugën e saj drejt sovranitetit, demokracisë, ligjit, ekonomisë së tregut dhe sigurisë në rajon. Ajo duhet të gjejë rrugë praktike nëpërmjet të cilave qeveria amerikane dhe organizatat private mund të ndihmojnë Kosovën dhe autoritetet e saj për zhvillimin e demokracisë, për krijimin e një shteti ligjor dhe për integrimin e Kosovës në institucionet ndërkombëtare.
Organizatorët do të promovojnë rekomandimet e konferencës për Kosovën, në mënyrë që ato t’ia ofrojnë një audience më të gjerë, në Shtetet e Bashkuara të Amerikës dhe në Evropë, dhe të ndihmojnë që këshillat politike t'i shndërrojë në veprime politike.

Vdes në moshën 86 vjeçare, shkrimtari i mirënjohur Kolë Jakova

TIRANE, 16 nëntor - Në orët e para të ditës së sotme ndërroi jetë në moshën 86 vjeçare, dramaturgu, poeti dhe romancieri, Kolë Jakova. I lindur në Shkodër në vitin 1916, ku kreu shkollën fillore dhe të mesme, Kolë Jakova mori pjesë gjallërisht në Luftën Antifashiste Nacional-Çlirimtare. Në këto vite ai bëri hapat e para në letërsi me vjershat "Kënga e tre heronjve" dhe "Shqiponja partizane", të cilat u kënduan si këngë kudo. Pas Çlirimit ai shkroi vepra poetike, nga të cilat shquhen "Heronjtë e Vigut" në vitin 1953, ku, sipas poetikës së folkorit, i këndoi heroizmit të partizanëve. Fusha kryesore e letrave shqipe, të cilës ai iu përkushtua më tepër, është dramaturgjia, me dramat; "Toka jonë" 1954, "Perkolgjinajt" 1965, "Lulet e shegës" 1970, "Bashkë me agimin" 1975, "Lugajanët" 1977, etj. Kolë Jakova u bë i njohur me dramën "Halili dhe Hajria", shkruar në vitin 1949, ku pasqyrohet trimëria e luftëtarëve të Malësisë së Madhe në ndeshje me pushtuesit turq, në shekullin XVIII-të. Sipas kritikës, dramaturgjia e Kolë Jakovës karakterizohet nga psikologjizmi, fryma e mprehtë dramatike, veprimi i ngjeshur, dialogu i shkathët dhe i goditur. Ai është gjithashtu autor i romaneve "Fshati midis ujërave", "Përballë hekurave të kryqëzuara", "Kullë buzë liqenit". Homazhet në nderim të këtij personaliteti të letrave shqipe, do të bëhen në ambientet e Lidhjes së Shkrimtarëve dhe Artistëve, ndërsa ceremonia e varrimit të të ndjerit do të bëhet nesër në orën 12:00.

E premte, 8 nëntor, 2002

Rezoluta e Parlamentit Evropian: Të definohet strategjia për të ardhmen e Kosovës si "entitet joetnik"

BRUKSEL, 8 nëntor 2002 - Parlamenti Evropian ka aprovuar një rezolutë për shtetet e Ballkanit. Në kapitullin rreth Kosovës thuhet, në mes tjerash, se Komisioni Evropian dhe Këshilli i Europës, duhet të fillojnë një analizë të thelluar të definimit të Kosovës si një "Entitet joetnik" dhe të definohet strategjia për të ardhmen e Kosovës. Lidhur me Kosovën, deputetët evropianë, potencojnë se çështja nuk mund të vijë deri te ndryshimi i kufijve ndërkombëtarë pa pajtueshmërinë e OKB-së, ndërkohë që në tekst shtrohet nevoja e definimit të strategjisë për ardhmërinë e Kosovës dhe saktësimin e statusit të saj përfundimtar.

Rugova-Harnish: Çka thuhet në kushtetutën serbo-malazeze s’do të ndikojë në statusin e Kosovës

PRISHTINE, 8 nëntor 2002 - Presidenti i Kosovës Ibrahim Rugova priti të enjten mbrëma shefin e Zyrës Amerikane në Prishtinë, Rino Harnish. Zyra e Presidentit tha se në takim u bisedua për gjendjen në Kosovë dhe për zhvillimet në rajon. Ndër çështjet aktuale për të cilat u këmbyen mendime ishin ideja e decentralizimit të pushtetit si dhe synimi për të siguruar integrim të të gjitha bashkësive etnike në shoqërinë e Kosovës.
Presidenti Rugova tha se përfshirja e Kosovës në hyrjen e dokumentit të Beogradit e Podgoricës mund të na e kthejë situatën mbrapa. Kosova s’do të jetë pjesë e aranzhmaneve të reja. Ai nënvizoi domosdonë që çështja më e madhe - statusi i Kosovës - të zgjidhet sa më shpejt. “Një Kosovë e pavarur do të hiqte dronë e popullit dhe do t'u jepte fund manipulimeve dhe pretendimeve të të tjerëve përreth nesh”, thuhet në njoftimin e Zyrës së Presidencës.
Lidhur me përmendjen e Kosovës në preambulën e Kartës Kushtetuese të Unionit Serbi-Mali i Zi, ku ajo konsiderohet si pjesë e Serbisë, shefi i Zyrës Amerikane theksoi qëndrimin e Qeverisë Amerikane se ajo që thuhet në kumtesa të tjera nuk do të përcaktojë e ndikojë në statusin e ardhshëm politik të Kosovës, thuhet më tutje në njoftim. Në lidhje me procesin e mundshëm të decentralizimit, Presidenti Rugova tha se është kërkuar nga Këshilli i Evropës që ta studiojë gjendjen dhe të ofrojë ide. Mirëpo, ai nënvizoi se në atë process duhet të përfshihen institucionet e Kosovës, Qeveria dhe Paralamenti. “Decentralizimi nuk duhet të bëhet në vija etnike, tha Presidenti i Kosovës, duke shtuar se ai duhet të jetë decentralizim vertikal i kompetencave”.
Në fund të takimit, Presidenti Rugova e njoftoi diplomatin amerikan se Senatorin amerikan Bob Dol e ka emëruar përfaqësues të lartë të Kosovës, me titull Ambasador Nderi, në Shtetet e Bashkuara. Rugova dhe Harnish u pajtuan se senatori Dol është njeri i madh.

Bukoshi kritikon institucionet kosovare: Mos biem pre e Serbisë; të jemi miq me ndërkombëtarët

PRISHTINE, 8 nëntor 2002 - “Duhet të jemi më racional dhe të mos biem pre e veprimeve të Serbisë. Nuk ka nevojë të shpenzojmë energji në spekulime”. Kështu tha sot kryetari i Partisë së Re të Kosovës, Bujar Bukoshi në një konferencë me gazetarë.
“Reagimi i bartësve të institucioneve legale të Kosovës lidhur me preambulën e Serbisë dhe Malit të Zi krijon huti për ne. Nuk është e mirë ta prishim miqësinë me miqtë tanë ndërkombëtarë, përkundrazi duhet të jemi më të matur në këto situate”, tha Bukoshi. Ai nuk u pajtua me disa deklarata të bartësve të organeve legale lidhur me këtë çështje, duke shtuar se historia e Kosovës nuk fillon me ardhjen e tyre në ato poste. Bukoshi duke folur për konceptin e Havier Solanës lidhur me Kosovën ai theksoi se ky koncept është i gabuar. Nga ana tjetër, përfaqësuesit e Partisë së re të Kosovës përshëndetën emërimin e Senatorit Bob Dol, ambasador nderi i Kosovës në Shtetet e Bashkuara të Amerikës.

Në Prishtinë filloi procesi gjyqësor kundër të ashtuquajturit "grup i Dukagjinit"
Prishtinë, 8 nëntor 2002 - Sot në Gjykatën e qarkut në Prishtinë filloi procesi gjyqësor kundër të ashtuquajturit "grup i Dukagjinit". Pesë të akuzuarit - Daut Haradinaj, Idriz Balaj, Bekim Zekaj, Ahmet Elshani dhe Ramush Ahmetaj - ngarkohen me veprat penale të ndalimit të paligjshëm të pesë personave, keqtrajtimit të tyre dhe shkaktimit të lëndimeve trupore. Përfaqësuesi i aktakuzës i ngarkon ata se më 23 shtator në Pejë i kanë marrë pesë persona - Bashkim Balaj, Sinan Musaj, Rexhë Osaj, Idriz Peja dhe Vesel Muriqi dhe i dërgojnë në shtabin e UÇK-së në Pejë e pastaj me urdhër të Ethem Çekut i dërgojnë në fshatin Ratisht të Deçanit që të takohen me Ramush Haradinajn.
Ahmet Elshani dhe Ramush Ahmetaj i dërgojnë të pestit në Ratisht e pastaj, Idriz Bala, Daut Haradinaj dhe Bekim Zekaj i rrahin ata deri në alivanosje. Më mbrëmje i dërgojnë në një shtëpi të izoluar dhe i rrahin përsëri, e pastaj Idriz Balaj i merr dy nga dy në makinë dhe i dërgon në drejtim prej nga më pas dëgjohen dy të shtëna. Kështu ka vepruar me katër personat, ndërsa i pesti Vesel Muriqi ndërkohë ka arritur të arratiset.
I akuzuari Idriz Balaj ka mohuar të tërësi veprën për të cilën ngarkohet.

E enjte, 7 nëntor, 2002

Deputetët miratuan një rezolutë me të cilën shpallet e pavlefshme preambula në Kartën kushtetuese Serbi- Mali i Zi për Kosovën
Prishtinë, 7 nëntor 2002 - Deputetët e Parlamentit të Kosovës me 64 vota pro dhe me asnjë kundër dhe vetëm një abstenim miratuan një rezolutë me të cilën hidhet poshtë dhe shpallet e papranueshme dhe e pavlefshme preambula në Kartën kushtetuese të unionit të ri të shtetit të Serbisë dhe Malit të Zi, duke kërkuar njëherit nga bashkësia ndërkombëtare të mos e njohë këtë projektdokument.
Miratimit të kësaj rezolute i parapriu një debat në momente emocionues dhe i ashpër i shumë deputetëve shqiptarë të cilët vendosmërisht kundërshtuan këtë formulim në draftin e ri kushtetues të Serbisë dhe Malit të Zi, që Kosovën e parasheh pjesë përbërëse të Serbisë.
Siç kemi njoftuar edhe më parë deputetët serbë të koalicionit "Kthimi" braktisën punimet e seancës së sotme pasi që me vota u hodh poshtë propozimi i tyre që deputetët e Kuvendit të Kosovës të deklaroheshin sot se a e njohin apo jo Rezolutën 1244 të Këshillit të Sigurimit për Kosovën.
Kuvendi po i vazhdon punimet në bazë të rendit të ditës të përcaktuar që më herët.

Rezoluta e Kuvendit të Kosovës me të cilën shpallen të pavlefshme përcaktimet kushtetuese të Kartës Kushtetuese Serbi-Mali i Zi

Prishtinë, 7 nëntor 2002 - Deputetët e Kuvendit të Kosovës në senaacën e sotme plenare me shumicë votash miratuan sot një rezolutë, me të cilën Parlamenti shpall të papranueshme dhe të pavlefshme përcaktimet kushtetuese të shprehura në Kartën Kushtetuese, të të ashtuquajturit Union të Sërbisë dhe Malit të Zi lidhur me Kosovën. Në vazhdim po japim tesktin e plotë të kësaj rezolute.

* * *

Duke u nisur nga pika 11 e Rezolutës 1244 e Këshillit të Sigurimit të OKB-së, e cila parasheh për Kosovën një vetëqeverisje substanciale deri në zgjidhjen e statusit final të Kosovës;
- Duke u nisur nga përcaktimi i Kornizës Kushtetuese për Vetëqeverisjen e Përkohshme, e cila parasheh zgjidhjen e statusit final të Kosovës në një fazë të mëvonshme, duke marrë për bazë vullnetin e popullit;
- Duke vërejtur përpjekjet e të ashtuquajturit Union të Sërbisë dhe të Malit të Zi, që nëpërmjet Kartës Kushtetuese, të krijojë bazë kushtetuese për aneksimin e Kosovës;
- Duke konstatuar se veprimet e këtilla janë të papranueshme për popullin e Kosovës dhe paraqesin rrezik për paqen dhe stabilitetin në Kosovë,në rajon dhe më gjerë;
Kuvendi i Kosovës në mbledhjen e mbajtur më 7.11.2002, miraton këtë:

REZOLUTË

I Kuvendi i Kosovës shpall të papranueshme dhe të pavlefshme përcaktimet kushtetuese të shprehura në Kartën Kushtetuese, të të ashtuquajturit Union të Sërbisë dhe Malit të Zi lidhur me Kosovën.

II Kuvendi i Kosovës rikonfirmon qëndrimin se statusi final dhe uridik i Kosovës do të përcaktohet në një fazë të mëvonshme nga institucionet demokratike dhe populli i Kosovës në bashkëpunim me faktorët ndërkombëtarë.

III Kuvendi i Kosovës kërkon nga Këshilli i Sigurimit të OKB-së, Bashkimi Evropian dhe faktorët e tjerë ndërkombëtarë që t’u kundërvihen përpjekjeve te Serbise dhe Malit te Zi për të prejudikuar statusin e ardhshem të Kosovës dhe aneksimin e saj, tendenca këto që rrezikojnë paqen dhe stabilitetin në rajon dhe më gjerë.

IV Kuvendi i Kosovës, me vemendje të posaçme do të përcjellë zhvillimet e mëtejshme dhe qëndrimet e Bashkësisë Ndërkombëtare ndaj ketij provokimi që i bëhet Kosoves dhe do të marrë vendime adekuate.

Prishtinë, 7.11.2002
Kuvendi i Kosovës

U dërgohet :
- KS të OKB-së
- Bashkimit Evropian
- PSSP
- Presidentit të Kosovës
- Qeverisë së Kosovës

Gjeneralët Mini e Çeku vlerësuan si shumë të suksesshëm ushtrimin “Shqiponja 5”
Ferizaj, 7 nëntor 2002 Time: 16:30
Në kazermën e Brigadës 361 “Epopeja e Jezercit” në Ferizaj, të enjten, u demonstrua pjesa e fundit e ushtrimit të madh fushor “ Shqiponja 5” të TMK-së, i cili përfshiu tërë efektivin e TMK-së. Pjesa e fundit e këtij ushtrimi filloi sipas skenarit me improvizimin e një tërmeti të fuqishëm, që ka goditur katër vende brenda qytetit dhe shumë objekte të kazermës “Epopeja e Jezercit”.
Pjesën e fundit të ushtrimit fushor “Shqiponja 5” të TMK-së, në Ferizaj, për së afërmi e kanë përcjellur komandanti i TMK-së, gjenerallejtënant Agim Çeku dhe komandanti i KFOR-it, gjenerallejtënant Fabio Mini me bashkëpunëtorë.
“Jam tepër i kënaqur me punën të cilën e kanë bërë TMK-ja gjatë këtyre tri vjetëve të fundit. E tërë ajo të cilën deri me sot e kemi mësuar tashmë e kemi dëshmuar, andaj edhe e vlerësoj si shumë të suksesshëm”,- potencoi gjeneral Çeku, në një konferencë për media.
Sipas Çekut, pjesëtarët e TMK-së me këtë ushtrim kanë dhënë provat e vërteta se janë të gatshm që t’i përgjigjen çdo lloj fatkeqësie që e rrezikon popullin dhe territorin e Kosovës dhe se janë të gatshme që të pranojnë detyra më të ndërlikuara të natyrës tjetër çfarë edhe është synim i TMK-së. Ai sqaroi se pas këtij ushtrimi, në vitin e ardhshëm, TMK-ja do të merret me planifikimin e ushrimeve të ndryshme së bashku me KFOR-in dhe UNMIK-un.
Ndërkaq, komandanti i KFOR-it, gjenerali Fabio Mini, ushtrimin “Shqiponja 5” të TMK e ka vlerësuar si shumë të suksesshëm dhe si një mundësi shumë e mirë e TMK-së për stërvitje.
“Qëllimi i parë i një trajnimi është për t’i bërë së bashku fuqinë njerëzore, pajisjet dhe aftësitë…Unë sot i pashë të përbashkëta këto tri komponente”,- potencoi gjeneral Mini.
Sipas gjeneral Minit, Trupat e Mbrojtjes së Kosovës kanë mundësi që të marrin përgjegjësi edhe më të mëdha.
“TMK-ja ka potencial që të reagojë në situata të fatkeqësive natyrore dhe jo vetëm që duhet të mbesim me shpresë se ata duhet të punojnë drejtë arritjes së qëllimeve, por besoj se inervenimi në vendet e tjera do të ishte aftësi e TMK-së që ta dëshmojë vetvetën”, vlerësoi gjeneral Mini.
Numri një i KFOR-it përmendi edhe ndihmën e ofruar të gjeneral Çekut për të ndihmuar popullin italian në tërmetin i cili e goditi Italinë.
“Kjo ndihmë e ofruar nga TMK-ja tregon vlera të larta të solidaritetit si gjithkund në botë”,- u shpreh gjeneral Mini.
Ndryshe, qëllimi i këtij ushtrimi ishte që TMK-ja ta demonstrojë nivelin e përgatitjes dhe aftësimit të saj profesional, që në çdo situatë të jetë e gatshme t’i mbrojë dhe t’i dalë në ndihmë qytetarëve të Kosovës.
Planifikimi i kësaj stërvitjeje është organizuar dhe u realizua nga SHP i TMK-së, me mbështetje të IOM-it në koordinim me KFOR-in dhe UNMIK-un. Ushtrimi “Shqiponja 5” ka përfshirë aktivitete të të gjitha njësive të TMK-së.

Avokatët në grevë, shtyhet për nesër fillimi i procesit gjyqësor kundër pesë të akuzuarve
Prishtinë, 7 nëntor 2002 - Në Gjykatën e qarkut në Prishtinë u shty për nesër procesi gjyqësor kundër të ashtuquajturit "grup i Dukagjinit", për shkak se avokatët mbrojtës nuk ishin paraqitur në gjykatë. Avokatët po bëjnë grevë njëditëshe për shkak të vrasjes mizore të kolegut të tyre Ibish Hoti para dy ditësh në Pejë.
Procesi gjyqësor fillon nesër, kurse në bankën e të akuzurave do të ulen: Daut Haradinaj, Idriz Balaj, Bekim Zekaj, Ahmet Elshani dhe Ramush Ahmetaj, të gjithë këta eprorë të lartë të ish-UÇK-së dhe TMK-së.

I.Meta: Përpjekja për të përfshirë Kosovën në preambulën e Kushtetutës së Serbisë dhe Malit të Zi është e njëanshme
Tiranë, 7 nëntor 2002 - "Karta Kushtetuese midis Serbisë dhe Malit të Zi është një e drejtë e popujve të këtyre dy vendeve dhe autoriteteve të tyre për t'u formuluar dhe për të zgjidhur problemet që kanë të bëjnë me të ardhmen e tyre të përbashkët", ka thënë ministri i jashtëm shqiptar Ilir Meta.
Duke komentuar qëndrimin e Tiranës zyrtare për përfshirjen e Kosovës në preambulën e Kartës Kushtetuese të Unionit Serbi-Mali Zi, ku Kosova cilësohet si pjesë e Serbisë, Ilir Meta i ka deklaruar ATSH-së se "kjo nuk ka aspak të bëjë me të ardhmen e Kosovës".
"Përcaktimi i statusit dhe të ardhmes së Kosovës nuk është kompetencë dhe përgjegjësi e palëve të përfshira në procesin e bërjes së kushtetutës mes Serbisë dhe Malit të Zi", ka thënë zoti Meta dhe ka nënvizuar se "prej tre vitesh Kosova administrohet në bazë të Rezolutës 1244 të Këshillit të Sigurimit të OKB-së dhe do të vazhdojë të administrohet nga kjo Rezolutë për aq kohë sa nuk do të ketë një hap tjetër për zgjidhjen e statusit të saj përfundimtar".
"Çdo përpjekje për të përfshirë çështjen e Kosovës në preambulën e Kushtetutës së Serbisë dhe Malit të Zi është e njëanshme, pasi nuk merr në konsideratë Rezolutën 1244 të OKB-së dhe njëkohësisht nuk merr parasysh vullnetin e popullit të Kosovës", është shprehur ministri i jashtëm shqiptar Ilir Meta.

Deçanasit, për të 28 herë, kërkuan lirimin e çlirimtarëve Deçan, 7 nëntor 2002 Time: 15:40

Me moton "Liri për çlirimtarët", ka nisur edhe sot protesta e 28 me radhë në komunën e Deçanit.
Në sheshin e madh të kësaj komune kishin ardhur qytetarë nga anë të ndryshme të Kosovës për të përkrahur kërkesat e organizatorëve të kësaj proteste, për lirimin e gjeneralit Daut Haradinaj dhe të eprorëve të tjerë të TMK-së, të cilët mbahen nën arrest për akuza nga më të ndryshmet.
Protesta që ka nisur në orën 12:00, ka vazhduar marshimin e saj rrugës kryesore të komunës së Deçanit dhe së fundi është ndalur prapa shtatores së komandant Sali Çekajt.
Brohoritjet e shumta si: "UÇK-TMK", Dauti, Togeri, Bekimi, Remi etje., kanë shoqëruar gjatë gjithë kohës protestën e ditës së sotme.
Adem Kastrati, njëri nga organizatorët kryesorë të protestës, i tha Kosovapress-it se kjo protestë është e karakterit të veçantë nga ato të mëparshmet, për shkak se sot është dita që është paralajmëruar të mbahet aktgjykimi i gjeneralit Daut Haradinaj.
Protestuesve të shumtë, Avdyl Mushkolaj, u tha se "sërish jemi mbledhur për të ngritur zërin e 28 me radhë të vigjilencës kombëtare për lirimin e Daut Haradinajt dhe ish-pjesëtarëve të UÇK-së”.
Mushkolaj u ka bërë thirrje organeve administrative të huaj dhe vendore, që të mos lejojnë që vlerat e popullit shqiptar të Kosovës t'i keqpërdorin.
"Kjo që po bëjmë dhe kemi bërë ne në të kaluarën e afërt është e drejtë e jona, sepse duam të mbrojmë vlerat tona. Ne e kemi dëshmuar historikisht se jemi një popull me traditë të lashtë dhe të begatë kulturore",- ka thënë Avdyl Mushkolaj, i cili edhe kësaj here ka ngritur zërin e arsyes për lirimin e të gjithë atyre që dje dhanë kontribut në çlirimin definitive të popullit shqiptar të Kosovës.
Protestën e ka përshëndetur edhe Sabaudin Cena, nga komuna e Rahovecit. "Me arrestimin e tyre u burgos liria e Kosovës dhe e shqiptarëve, prandaj, në këto momente duhet të jemi më unikë, sepse vetëm kështu ata mund të lirohen", ka thënë ai.(nga kosovapress)

Një kompani shqiptaro-amerikane interesohet për aktivizimin e hidrocentralit në Deçan PRISHTINË 7 nëntor, 2002 - Investimi i parë privat në energjetikën kosovare mund të bëhet nga një konzorcium shqiptar në Shtetet e Bashkuara të Amerikës, i cili ka shprehur interesim për aktivizimin e hidrocentralit të Koshnjentit, që ndodhet 15 kilometra në malet e Deçanit, afër kufirit me Shqipërinë.

Gjakovë, regjistrimi i pronave është kryer vetëm në dy zonat e qytetit Gjakovë, 7 nëntor 2002 Time: 16:39

Zyrtarja e Sektorit të tatimit pranë Drejtorisë së Buxhetit e Financave në Gjakovë, Vjollca Dujaka, ka njoftuar të enjten për rreth 2000 fatura të pagesës së tatimit, të cilat tashmë janë në duart e pronarëve të paluajtshmërive.
“Ky proces i regjistrimit të këtyre pronave është kryer vetëm në dy zonat e qytetit të Gjakovës, ku janë evidentuar rreth 10766 prona të paluajtshme, mirëpo është në përfundim e sipër në zonën e tretë të qytetit. Në kuadër të këtij regjistrimi, pritet të fillojë edhe regjistrimi i këtyre pronave në zonën e katërt, përkatësisht nëpër fshatra e kësaj komune”, Dujaka.
Për objektet e banimit, koeficienti i tatimit është 0.1 për qind; 0.25 për ato komerciale; 0.2 për pronat industriale dhe 0.1 për objektet bujqësore.
Sipas drejtorit të Drejtorisë së Buxhetit dhe Financave, vlera e përgjithshme vjetore e këtij tatimi, e planifikuar, është 1.390.000 euro. Ai ka bërë të ditur se këto mjete do të përdoren vetëm për nevoja të infrastrukturës komunale. Sipas tij, kjo shumë e planifikuar është mjaft e kënaqshme dhe është shprehur se po që se realizohet, kjo do të thotë shtytje për shumë projekte objektive. "Kanë filluar të duken efektet e para të këtij tatimi, ndërsa tenderi për asfaltimin e rrugës "Minatori" në Gjakovë veç është shpallur", ka njoftuar Shala.
Ndërkohë, zonja Dujaka ka njoftuar për lartësinë e tatimeve, të cilat sipas saj, janë mëse të arsyeshme. Ajo ka thënë se për një shtëpi banimi me 140 metra katrorë, e cila gjendet në zonën e parë, tatimi vjetor është 35.28 euro.
Ajo bën me dije gjithashtu tatimpaguesit se nëse nuk u përmbahen rregullave të parashtruara dhe nuk paguhen me kohë të gjitha obligimet, mund të pasojnë dënime të ashpra nga drejtoria.
"Në qoftë se shuma e paraparë nuk paguhet brenda afatit të paraparë prej 30 ditësh nga dita e marrjes së fakturës, me këtë rast për tatuesin do të llogaritet kamata vjetore ndëshkuese në lartësinë prej 15 për qind", thotë znj. Dujaka, e cila bënë të ditur se në rast se tatimpaguesit nuk e kryejnë këtë obligim, nuk do të mund t’i shfrytëzojë shërbimet komunale, si regjistrimin e biznesit, certifikatat e ndryshme, ndërrimin e patentshoferit etj.
Poashtu, është bërë e ditur nga kjo drejtori se nga tatimi i lartpërmendur janë të liruara institucionet për edukim publik, spitalet shtetërore, pronat e ndonjë organizate bamirëse, religjioze dhe organizatat qeverisëse qendrore apo lokale, si dhe pronat që nuk janë në shfrytëzim.

Nxënësit tetovarë edhe sot e bojkotuan mësimin

Tetovë, 7 nëntor 2002 Time: 16:20
Nxënësit e shkollës së mesme të ekonomisë në Tetovë, kanë vazhduar edhe sot për dy orë bojkotimin e mësimit, ndërkohë që me ta janë solidarizuar edhe nxënësit shqiptarë të disa shkollave të tjera të mesme të qytetit. Bojkotimi i mësimit ka ardhur si rezultat i vazhdimit të mbajtjes në paraburgim të Shkodran Idrizit dhe Fadil Feratit për më tepër se një vit, njëri prej të cilëve, Fadili, është nxënës i shkollës ekonomike.
Në anën tjetër, gjykimi është anuluar për një kohë të pacaktuar dhe, sipas Gjykatës Themelore, ky është anuluar për arsye se lënda që ka të bëjë me maltretimin e punëtorëve të ndërmarrjes "Mavrovo", momentalisht është në procedurë të heshjtes.
Nxënësit shqiptarë të të gjitha shkollave të mesme në Tetovë kanë marshuar nëpër rrugët e qytetit në drejtim të shkollës së ekonomisë. Parakalimi i tyre për atje kaloi pa incidente. Drejtori i shkollës së mesme të ekonomisë, Xhelal Jusufi, tha se "ky bojkotim është bërë në momentin kur duhej të bëhej gjykimi i nxënësit të kësaj shkolle i cili është arrestuar para më tepër se një viti nga ana e policisë". Por, sipas tij, për çdo ditë nxënësit e shkollës së ekonomisë do t'a bojkotojnë mësimin rreth dy orë midis dy ndërrimeve.
Ky bojkotim do të mbahet prej orës 11,00 deri më 12,30, ndërkohë që kjo e cila mund të vazhdojë edhe në ditët e ardhshme, edhe pse arsimtarët dhe aurotitetet drejtuese të shkollës do të jenë prezentë në shkollë gjatë kësaj kohe.

E mërkurë, 6 nëntor, 2002

Shtajner e vlerëson shumë të suksesshme Konferencën e donatorëve për Kosovën
Prishtinë, 6 nëntor 2002 - Kryeadministratori Mihael Shtajner pas kthimit nga Brukseli në aeroportin e Prishtinës, e vlerësoi shumë të suksesshme Konferencën e donatorëve për Kosovën. Ai bëri të ditur se Kosovës do t'i akordohen rreth 500 milion euro nga donatorët e ndryshëm gjatë tri viteve të ardhshme, kurse vetëm për vitin 2003 Kosovës do t'i ndahen rreth 200 milionë euro.
Shtajner theksoi se donatorët e kanë mbështetur edhe qëndrimin e UNMIK-ut dhe të Qeverisë që Kosova të ketë qasje në institucionet e ndryshme ndërkombëtare financiare, duke mos saktësuar metodën dhe mënyrën sesi do të bëhet kjo në të ardhmen.
Duke komentuar preambulën në Kartën kushtetuese serbo-malazeze, Shtajner tha se pavarësisht nga qëndrimi i Komisionit serbo-malazez Kosova administrohet nga Rezoluta 1244 e KS dhe asnjë vendim tjetër nuk do të ketë vlefshmëri ligjore sa i përket statusit të Kosovës.
Sipas Shtajnerit statusi i Kosovës mbetet i hapur dhe për këtë ka të drejtë të vendosë vetëm Këshilli i Sigurimit.
Poashtu Shtajner theksoi se edhe zyrtarët e BE-së e mbështesin këtë qëndrim sa i takon preambulës në kartën kushtetuese serbo-malazeze.
Shtajner saktësoi se në Bruksel ka biseduar me drejtues të lartë të institucioneve evropiane si me komisionerin, Kris Paten, përfaqësuesin e lartë të BE-së, Havier Solana dhe me sekretarin e përgjithshëm të NATO-s, Xhorxh Robertson të cilët janë pajtuar që statusi i Kosovës do të vendoset më vonë dhe jo nga këto dy palë. "Kur kam folur më Solanën për progresin në Kosovë ai më ka thënë se ky draft, ashtu siç qëndron, ende nuk është efikas dhe nuk ka kurrfarë relevance ligjore për Kosovën dhe se Solana është pajtuar se kjo çështje është diçka që i takon bashkësisë ndërkombëtare për ta zgjidhur", tha Shtajner.

Rexhepi: Po u miratua Kushtetuta serbo-malazeze, Kosova mund të shpallë pavarësinë e saj

BRUKSEL, 6 nëntor 2002 - Kryeministri i Kosovës Bajram Rexhepi ka tërhequr vërejtjen në Bruksel se Kosova mund ta shpallë pavarësinë nëse bashkësia ndërkombëtare do të njihte Kartën Kushtetuese të bashkësisë së re Serbia dhe Mali i Zi me preambulën në të cilën thuhet se Kosova është në përbërje të Serbisë. Rexhepi beson se Bashkimi Evropian nuk do të pranojë këtë lloj preambule. Kryeministri Rexhepi tha se përmendja e Kosovës si pjesë e Serbisë në këtë preambul ishte një hap i gabuar. Ai paralajmëroi se nëse Bashkimi Evropian do ta pranonte këtë, atëherë parlamenti i Kosovës do të shpallte pavarësinë. “Ky është një hap që nuk duam ta hedhim në këtë moment”, tha Rexhepi.

Shtajner: Kushtetuta e Unionit Serbi-Mali i Zi është dokument i parëndësishëm për Kosovën

PRISHTINE, 6 nëntor 2002 - Kryeadministratori i Kosovës Mihael Shtajner, me t’u kthyer nga konferenca e donatorëve që u mbajt dje në Bruksel, u shpreh se Karta Kushtetuese e Unionit Serbi- Mali i Zi, ku Kosova përmendet si pjesë e Serbisë, është një dokumet i pa rëndësishëm për vetë Kosovën. Shtajner theksoi se çështja e statusit përfundimtar të Kosovës mbetet ende e hapur. Me të mbërritur në Aeroportin e Prishtinës, Shtajner tha se deri në vitin 2005 Kosovës i janë premtuar 500 milionë euro nga donatorët ndërkombëtarë.
Për preambulën e Kushtetutës së Serbisë dhe Malit të Zi, Shtajner tha se duhet pasur parasysh fakti që ai është vetëm një draft dhe që ende nuk është finalizuar. Shtajner tha se është një tekst i cili duhet të diskutohet edhe me palën e tretë. “Ky draft në asnjë mënyrë nuk mund të detyrojë Kosovën, pasi ai është vetëm mes Serbisë dhe Malit të Zi. Kosova mbrohet nga rezoluta 1244, sepse edhe statusi përfundimtar i Kosovës mbetet i hapur, dhe vendoset më vonë”, deklaroi Shtaner. Kryeadministratori i Kosovës tha se në Bruksel ka pasur takime të ndryshme me zyrtarë të lartë të Komisionit Evropian. “Dhe të gjithë njerëzit që kam biseduar janë pajtuar se statusi i Kosovës ka për t’u vendosur më vonë dhe jo nga Serbia e Mali i Zi. Shefi për Politikë të Jashtme dhe Siguri i Bashkimit Evropian Havier Solana, ka theksuar se drafti që po diskutohet nga Serbia dhe Mali i Zi nuk ka rëndësi ligjore për Kosovën”, tha Shtajner. Ai u shpreh se asgjë nuk ka ndyshuar në Evropë për Kosovën nga diskutimet e Serbisë dhe Malit të Zi për statusin e Kosovës. "Dua t’ju them se Evropa është me Kosovën dhe kjo është një shenjë e mirë, në rrugën tonë për të shkuar përpara", deklaroi Shtajner.
Shefi i UNMIK-ut ka shfaqur bindjen se Bashkimi Evropian ndan pikëpamjen se çfarëdo që do të shkruajë në Kartën Kushtetuese mbi rregullimin e Unionit Serbi - Mal i Zi, përkatësisht çkado që të shkruajë në preambulën e saj ku përmendet Kosova, nuk do të ndikojë në ardhmërinë e Kosovës, e cila, siç është shprehur ai, më në fund, do të vendoset nga Këshilli i Sigurimit i Organizatës së Kombeve të Bashkuara. Shtajner ka theksuar se një akt i tillë nuk i kontribuon Kosovës dhe për këtë ai ka biseduar me ambasadorët e 15 vendeve anëtare të Bashkimit Evropian. “Unë jam dakord se ky tekst i preambulës nuk është i dobishëm. Por ajo që është e rëndësishme është që Kosova të vazhdojë të administrohet nga Këshilli i Sigurimit i Kombeve të Bashkuara mbi bazën e rezolutës 1244. Prandaj çfarëdo që të shkruhet në çfarëdolloj teksti, dhe me që ra fjala ne po flasim për një projektdokument që nuk ka marrë formën e plotë, ligjshmëria e mandatit qeverisës të Këshillit të Sigurimit në Kosovë dhe e rezolutës 1244 nuk mund të cënohen,” tha Shtajner.
Ai ka biseduar mbrëmë në një darkë pune edhe me Havier Solanën, përfaqësuesin e lartë për Politikë të Jashtme dhe Siguri të BE-së. “Unë jam i inkurajuar edhe nga deklarata e zëdhënësit të zotit Havier Solana, shefit të Bashkimit Evropian për politikën e jashtme dhe sigurinë, i cili e ka bërë të qartë një gjë të tillë. Kam bindjen se Bashkimi Evropian dhe Solana mendojnë se ato që mund të shkruhen në projektdokumente të ndryshme mes cilado palëve, nuk mund të ndikojnë mbi situatën e Kosovës, e cila, në fund të fundit, do të zgjidhet nga Këshilli i Sigurimit i Kombeve të Bashkuara,” shtoi Shtajner. Ai dhe Solana diskutuan edhe për decentralizimin e pushtetit lokal të Kosovës, luftën kundër krimit të organizuar dhe kthimin e gjithë personave të zhvendosur nëpër shtëpitë e tyre, ndërkohën që theksuan nevojën për bashkëpunim më të madh mes grupeve etnike të Kosovës. Përfaqësuesi i lartë i BE-së për Politikë të Jashtme dhe Siguri, Havier Solana, tha se BE edhe më tej do ta përkrahë procesin e ndërtimit të shoqërisë multietnike dhe demokratike në Kosovë, mirëpo, sipas tij, për realizimin e këtij qëllimi është i domosdoshëm angazhim më i madh i autoriteteve dhe banorëve të Kosovës. Shtajner po ashtu është takuar edhe me komisionerin për Politikë të Jashtme të BE-së Kristofer Paten dhe që të gjithëve u ka parashtruar shqetësimin se mund të iritojë situatën në Kosovë kjo çështje me preambulën e Kartës kushtetuese së Serbisë dhe Malit të Zi.
Shtajner e ka cilësuar konferencën e donatorëve në Bruksel si shumë të suksesshme. Sipas tij, Kosova vazhdon të ketë mbështetjen e donatorëve ndërkombëtarë. “Mendoj se kemi pasur një takim të rëndësishëm me donatorët sepse kanë qenë të përfaqësuara më shumë se 30 vende. Pas njohjës me arritjet në Kosovë, donatorët kanë shprehur gatishmërinë për të mbetur në Kosovë. Ata janë përkushtuar që për vitin 2003 dhe 2005 të jepën 500 milionë euro. Ndërkaq vetëm për këtë vit janë ofruar 200 milionë euro”, theksoi kryeadministratori i Kosovës. “Ajo që është shumë e rëndësishme, është se kërkesa jonë që Kosova të ketë qasje në institucionet monetare ndërkombëtare, është pranuar nga donatorët ndërkombëtarë” tha Shtajner.
Në konferencën e donatorëve për Kosovën në Bruksel dje u tha se deri në fund të vitit 2002 Kosova do të ketë dy miliardë euro, nga 2,3 miliardë sa u premtuan në vitin 1999. Rezultati i këtyre ndihmave u tha në këtë konferencë ishte i rëndësishëm për të përmirësuar nivelin e jetesës për banorët e Kosovës. Në konferencë u tha se gjatë periudhës trivjeçare janë rindërtuar 40 mijë shtëpi, janë rivënë në punë mbi 80 për qind të klinikave mjekësore dhe janë ndërtuar ose riparuar rreth 500 km rrugë dhe shumë shkolla. Ndihmat kanë qenë jetike edhe për forcimin e institucioneve publike si dhe sistemin e drejtësisë së Kosovës. Njëri nga organizatorët e konferencës Kristian Portman nga Banka Botërore deklaroi se nuk pret të vihen parakushte për dhënien e ndihmave të mëtutjeshme, duke nënvizuar se janë jashtëzakonisht të kënaqur me bashkëpunimin që kanë me institucionet e Kosovës dhe shprehu bindjen se do të vazhdohet me donacione edhe në të ardhmen. Bashkësia ndërkombëtare për vitin e ardhshëm është shprehur e gatshme për të ofruar 200 milionë dollarë për Kosovën, ndërsa shuma e parashikuar dhe e kërkuar për vitet e ardhshme i afrohet shifrës prej 500 milionë dollarësh.
Ministri i Ekonomisë dhe Financave Ali Sadria, duke shpjeguar disponimin e donatorëve ndërkombëtarë për Kosovën në Bruksel, deklaroi se gjatë konferencës delegacioni i Kosovës ka bërë një elaborim të gjendjes se çfarë ishte Kosova e dalë pas luftës, për nivelin dhe progresin e atyre donacioneve të dhënë tashmë. “Ky ishte një impuls që ndikoi tek donatorët; bashkë me analizën tjetër që është bërë se proceset që kanë filluar kanë nevojë edhe për një kohë që të vazhdohen me donacione dhe që një punë e filluar të përfundojë”, tha Sadriu.

Shoqata e Juristëve të Kosovës hedh poshtë projektin kushtetues serbo-malazez

PRISHTINE, 6 nëntor 2002 - Lidhur me projektimin kushtetues të Serbisë dhe të Malit të Zi rreth statusit të Kosovës në përbërje të Serbisë, Shoqata e Juristëve të Kosovës, ka hartuar një Memorandum, me të cilin kundërshton dhe e hedh poshtë këtë projekt kushtetues serbo-malazez. “Shoqata e Juristëve të Kosovës, duke e flakur me indinjatë të thellë tendencën e Serbisë për të rinëpërkëmbur Kosovën në kundërshtim me vullnetin politik të popullit shumicë absolute të saj dhe në kolizion me dokumentet politike-juridike ndërkombëtare relevante, e shpreh fuqishëm papajtueshmërinë e plotë të projektimit kushtetues të Serbisë në të cilën Kosova do të reduktohej në një entitet territorial të Serbisë hegjemoniste”, thuhet mes tjerash në këtë Memorandum të Shoqatës së Juristëve të Kosovës, të nënshkruar nga kryetari i saj Prof. Dr. Riza Smaka.

Maqedonia ndërron ekipin negocues për emrin
Shkup, 6 nëntor 2002 - Presidenti i Maqedonisë, Boris Trajkovski, ka ndërruar kreun e ekipit negociator mes Maqedonisë dhe Greqisë për gjetjen e një zgjidhjeje kompromisi për emrin. Kryetari i ri i negocuesve maqedonas është caktuar këshilltari i presidentit, Lubomir Fërçkovski. Burime nga kabineti i presidentit Trajkovski thonë se qëllimi i këtyre ndërrimeve është zgjidhja e problemit sa më shpejtë. Partia shqiptare pjesmarrëse në qeveri Bashkimi Demokratik për Integrim, thotë se në ekipin negociues duhet të përfshihen dhe shqiptarë.

Republikanët sigurojnë kontrollin në dy dhomat e Kongresit amerikan
Uashington, 6 nëntor 2002 - Në Shtetet e Bashkuara, kandidatët republikanë arritën fitore të rëndësishme në zgjedhje, duke siguruar kontrollin në dy dhomat e Kongresit.
Rezultatet janë një fitore e madhe për Presidentin Bush, që shfrytëzoi popullaritetin e tij të madh për të bërë fushatë intensive në gjithë vendin për republikanët. Zëdhënësi i Shtëpisë së Bardhë e quajti fitoren historike, sepse partia e Presidentit zakonisht humb vende në zgjedhjet që zhvillohen në mes të mandatit presidencial.
Republikanët kanë tani 51 vende në senat përballë 46 vendeve të demokratëve, ndërsa për dy vende nuk kanë dalë ende rezultatet. Fitorja e fundit e republikanëve u arrit në Minesota, ku Norm Koleman fitoi ndaj ish-nënpresidentit Uolter Mondejl.
Në Dhomën e Përfaqësuesve, republikanët kanë fituar deri tani 226 vende.
Në garat për guvernatorë, republikanët kanë në dorë 25 nga 50 postet për guvernatorë në Shtetet e Bashkuara. Demo

kratët kanë 19, ndërsa për gjashtë nga garat nuk janë përcaktuar ende fituesit. Në një nga garat më të rëndësishme, Jeb Bush, i vëllai i Presidentit Bush u zgjodh për një mandat të dytë guvernator i shtetit të Floridës.

E marte, 5 nëntor, 2002

Familjarët e të zhdukurve sot protestuan para Teatrit Kombëtar në Prishtinë
Prishtinë, 5 nëntor 2002 - Familjarët e të zhdukurve sot protestuan para Teatrit Kombëtar në Prishtinë për të ngritur zërin për zbardhjen e fatit të të dashurve të tyre që edhe pas tri vjetëve nuk dihet asgjë.
Protestuesit thanë se 3500 është numri i përgjithshëm për të cilët nuk dinë asgjë tash tri vjet, përveç se dinë që janë rrëmbyer nga forcat serbe gjatë luftës në Kosovë.
Përfaqësuesit e kësaj proteste shprehën pakënaqësinë e tyre me angazhimin e pamjaftueshëm deri tani për zbardhjen e fatit të më të dashurve të tyre, por njëherit shfaqën shpresën se më në fund institucionet do të merren seriozisht me këtë çështje kaq të ndieshme.
Protestuesit thanë se do të vazhdojnë me protesta, duke paralajmëruar edhe grevë urie para institucioneve të Kosovës.

..ishte ky njoftim i Qikut, ndërsa kosovapress njofton më gjërësisht se;

Studentët: “Ju që ndërruat historinë ndërrojuani këtë gjendje nënave”
Prishtinë, 5 nëntor 2002 Time: 17:25
“Të lirohen pengjet e luftës”, ”Ku është Ukshin Hoti?”, ”Ku janë më të dashurit tanë”, ”Ku është babi im” etj. ishin vetëm disa nga nga mbishkrimet në pankartat e protestuesve të cilët për të satën herë me radhë kërkojnë të njihen me fatin e vërtet të mbi 3500 të kidnapuarve të luftës.
Protestës së familjarëve të personave të kidnapuar, iu janë bashkangjitur edhe qytetarë të tjerë me qëllim që sadopak të ndikojnë që Kryeadministratori Shtajner dhe Kryeministri Rexhepi, me rastin e takimeve në konferencën e donatorëve në Bruksel, në të cilën thuhet se do të shqyrtohet edhe çështja e kthimit të minoritarëve të shpërngulur, ta ngrisin madje edhe ta kushtëzojnë këtë me zbardhjen e fatit të pengjeve të marra nga Serbia gjatë luftës në Kosovë.
“Familjarët kosovarë janë në pritje të zbardhjes së fatit të të kidnapuarve, një ditë është një shekull për ne. Shpresojmë që zoti Shtajner dhe kryeministri Bajram Rexhepi do ta ngrisin zërin tonë në Bruksel”, ka thënë Nysrete Kumnova, në emër të familjeve të personave të kidnapuar.Duke folur në raport me bisedimet që po bëhen për kthimin e minoriteteve, ajo ka shtuar: ”Ne nuk jemi kundër, por së pari duhet të kihen parasysh shqiptarët e marrur peng, të cilët i presim të na vijnë dhe të na i gëzojnë sofrat tona. Bashkësia ndërkombëtare duhet të bëjë presion mbi Beogradin sepse atje dinë gjithçka për të kidnapuarit”.
Në emër të Fondacionit “Kujtimi” për ndihmë dhe përkujdesje për familjet që janë viktimë e luftës në rajonin e Mitrovicës, të pranishmit i ka përshëndetur Sheremet Ademi.
”Nga UNMIK-u kërkojmë që të angazhohet fuqimisht për ndriçimin e fatit të personave të rrëmbyer nga qeveria serbe dhe ta ngrisë çështjen e tyre në të gjitha nivelet”, ka thënë ai.
Florim Salihu, nga Unioni i Pavarur i Studentëve të SHLP-së në Gjakovë, ka shprehur solidarizimin e këtij asociacioni me protestuesit. ”Popullit shqiptar nuk i ka hije të heshtë në rrethana të tilla, historia nuk na njeh kështu”, ka thënë ai, ndërkohë që pastaj iu është drejtuar studentëve me kërkesën: ”Ju që ja ndërruat rrjedhat historisë, ndërrojuani gjendjen këtyre nënave!”.

Presidenti Rugova priti z.Hoze Kutiliero, përfaqësues special i OKB-së për të drejtat e njeriut
Prishtinë, 5 nëntor 2002- Presidenti i Kosovës Ibrahim Rugova priti në rezidencën e tij, z.Hoze Kutiliero, përfaqësues special i OKB-së për të drejtat e njeriut.
Presidenti Rugova bisedoi me z.Kutiliero për zhvillimet më të fundit në Kosovë, duke e njohur atë me progresin e arritur pas zgjedhjeve të suksesshme, në të gjitha fushat - në ekonomi, në investime, në demokratizimin e jetës dhe të drejtave të njeriut. Presidenti Rugova me këtë rast kërkoi përkrahjen e z.Kutiliero, me të cilin takohej për herë të tretë, dhe gjithsesi njohjen sa më të shpejtë të pavarësisë së Kosovë, e cila do të ndikonte në qetësimin e rajonit.
Z.Kutiliero tha se është shumë i kënaqur me funksionimin e institucioneve në Kosovë, duke shtuar se të gjithë, siç u shpreh, "jemi dëshmitarë për progresin e arritur për të drejtat e njeriut".(QIK)

Perambula e Kartës kushtetuese serbo-malazeze është agresion kushtetues ndaj Kosovës
Prishtinë, 5 nëntor 2002- Anëtarët shqiptarë të Kryesisë së Kuvendit të Kosovës kundërshtojnë energjikisht preambulën e Kartës kushtetuese të Serbsië dhe Malit të Zi, e cila Kosovën e parasheh pjesë përbërëse të Serbisë. Ata thanë se kjo është në kundërshtim edhe me Rezolutën 1244 të OKB-së dhe, siç u shprehën, është agresion kushtetues i tyre ndaj Kosovës.
Serbia dhe Mali i Zi asnjëherë më nuk mund ta aneksojnë dhe ta copëtojnë Kosovën, tha Fatmir Sejdiu, anëtar i Kryesisë.
Zoti Sejdiu dhe se përpjekjet e Serbisë dhe Malit të Zi për "ridefinimin e rikafshimin e qenies së Kosovës do të dështojnë".
"Kjo nuk do të mund të ndodhë. Mendoj se Kuvendi i Kosovës do të japë përgjigjen e drejtpërdrejtë, sepse e konsiderojmë një sulm direkt edhe ndaj rezolutës 1244 edhe cilsinë e saj se në Kosovë duhet të ndërtohen dhe të veprojnë instituicionet e pavarura", tha Sejdiu.
Ngjashëm u shprehën edhe anëtarët e tjerë të Kryesisë së Kuvendit dhe propouan miratimin e një projektezolute e cila do të kundërshtonte preambulën e Kartës kushtetuese të Serbisë e Malit të Zi.

Haliti: Serbia, me Irakun dhe Preambulën… atakoi rëndë dy rezoluta të KB-së
Prishtinë, 5 nëntor 2002 Time: 13:33
Menjëherë pas mbledhjes së Kryesisë së Kuvendit të Kosovës, anëtarë të saj kanë qenë shumë të ashpër në reagimet e tyre kundër preambulës kushtetuese që komisioni serbomalazez po harton për të ardhmen administrativo-politike të kësaj hapësire gjeografike që deri më tani akoma është quajtur në emër të “Jugosllavisë”.
Propozimi i Projekt-rezulutës dërguar kryesisë së Kuvendit të Kosovës nga grupet parlamentare të PDK-së dhe AAK-së dhe kërkesa gojore e LDK-së, që të miratohet një deklaratë apo një rezolutë e Kuvendit të Kosovës si reagim ndaj provokimit ose agresionit kushtetues që i ka bërë Serbia dhe Mali i Zi territorit dhe popullit të Kosovës, ishte temë qendrore e mbledhjes së të martës të kryesisë së Kuvendit të Kosovës.
Bajram Kosumi, anëtar i kryesisë së Kuvendit të Kosovës ka thënë se “me shumicë votash në Kuvend do ta hyjë një pikë e tillë në rendin e ditës, me të cilën kryesia është e pajtimit, por mbete procedura të respektohet dhe që kjo të kalojë drejtpërdrejt në Kuvend”. “Kjo që ka ndodhur me kartën kushtetuese ndërmjet Serbisë dhe Malit të Zi, nuk është vetëm një çështje politike, por është një prej provokimeve më serioze që ka të bëjë me proceset në Kosovë, që nga përfundimi i luftës e këndej. Beogradi në këtë rast është duke e luajtur rolin e dreqit në shembjen e asaj që arrihet në Kosovë. Kjo çështje është një tendencë për ta rikthyer frymën e luftërave në Kosovë dhe Ballkan, për ta rikthyer sundimin e Serbisë dhe politikën e gjenocidit që ka bërë këtu”, ka thënë Kosumi, duke shtuar se kjo gjë është e pamundur të bëhet, sepse “ne jemi të interesuar të krijojmë paqe dhe këtë do ta krijojmë, ashtu sikur se do ta krijojmë edhe shtetin i Kosovës”.
Në pyetjen e gazetarëve se a ka reagime ndaj përfaqësuesit të lartë të Bashkimit Evropian për politikë të jashtme dhe siguri, Havier Solana, për këtë çështje, Kosumi theksoi se “në këtë rast Solana ka toleruar, edhe pse e ka tërhequr vërejtjen”, por, sipas tij, “duket se ai nuk ka qenë i prerë dhe ka toleruar që çështja e Kosovës të futet në preambulë”.
“Mendoj se duhet ta dijnë qartë edhe Bashikimi Evropian e edhe Havier Solana se Kosova është duke ecur në rrugën e vet, drejt shtetit, dhe nuk do të ketë asgjë të përbashkët as me Serbinë e as me Malin e Zi. Besoj se edhe UNMIK-u në këtë rast nuk mund të heshtë, sepse kjo që ka bërë Serbia është shkelje edhe e Rezolutës 1244”, ka potencuar Kosumi.
Ndërkohë, Xhavit Haliti, anëtar i kryesisë së Kuvendit të Kosovës, duke qenë kritik në punë e ngatdalshme të këtij institucioni, ka thënë se, “Kuvendi i Kosovës e ka zakon të vonohet ngapak”, megjithatë, ka thënë ai, “ne jemi të gatshëm t’i marrim përgjegjësitë tona konform Kornizës Kushtetuese, konform kërkesave që ka populli i Kosovës për Kosovën dhe aspiratave të qytetarëve të Kosovës”.
“Ne jemi të vetëdijshëm që Serbia është e interesuar të kthehet në pozicionin e vet të mëparshëm në Kosovë, e dimë se ajo po punon shumë, qoftë brenda në Kosovë, qoftë jashtë saj apo në planim ndërkombëtar, me mekanizmat e vet ekzekutivë dhe diplomatikë që i ka”, tha ai, duke shtuar se “Kuvendi i Kosovës do ta nxjerrë një resolute, e cila do ta kundërshtojë preambulën e Kartës Kushtetuese Serbi-Mali i Zi”.
“Mund të them se në këtë rast Serbia është në një situatë jo të favorshme, sepse ajo nuk njeh ligje ndërkombëtare, nuk është e gatshme të bashkëpunojë me bashkësinë ndërkombëtare, por shkelë rezolutat e Kombeve të Bashkuara, siç është edhe ajo për ndalimin e shitjes së armëve Irakut, po ashtu bëri edhe shkeljen e Rezolutës 1244 në Kosovë”, ka thënë deputeti Haliti.
Sipas Fatmir Sejdiut, anëtar tjetër i kryesisë së Kuvendit, çështja më me rëndësi në këtë mbledhje të kryesisë ishte që Serbia dhe Mali i Zi, në shenjë të një kërkese apo iniciative, kanë vënë një sy të ri, për copëtimin e definimit të statusit të Kosovës, por kjo, sipas tij nuk do të ndodhë më.(Kosovapress)

Podgoricë: Pas Ferhat Dinoshes, Komisionin… e braktisi edhe Esad Xhuxheviq
Podgoricë, 5 nëntor Time: 10:50
Pas shqiptarit Ferhat Dinosha është myslimani sanxhakas, Esad Xhuxheviq ai i cili e ka braktisur Komisionin për hartimin e Kartës kushtetuese Serbi-Maili i Zi, duke thënë se më nuk do të marrë pjesë në punën në kuadër të këtij komisioni, i revoltuar me formulimin e statusit të Sanxhakut në kuadër të saj.
"Nuk kam mundur të pranojë që rajoni i Sanxhakut i cili ekziston në të dyja anët e kufirit, të ndahet në dy pjesë", u ka thënë agjencive të lajmeve Xhuxheviq, duke arsyetuar dorëheqjen e tij.
Deputeti federal i ODS dhe zyrtar i lartë i koalicionit "Lista për Sanxhak - Sylejman Uglanini", ka thënë se pjesëmarrja e tij e mëtejme në punën e komisionit "në vend në transformim, do të ishte baras me bashkëpjesëmarrjen në shkatërrimin e shtetit të tanishëm".
Në shenjë mospajtimi me tekstin në Preambulë të Kartës Kushtetuese, fundjavën që iku, nga ky komision ka dhënë dorëheqeje edhe deputeti shqiptar nga parlamenti malazias, Ferhat Dinosha.
Dinosha është larguar pasi që Komisioni kushtetues e ka aprovuar Preambulën në të cilën ka përkufizuar se “Serbia përbëhet nga Krahina Autonome e Kosovës dhe e Vojvodinës”, gjë ndaj të cilës ai ka shprehur protestë duke e quajtur tekstin e saj jodemokratik dhe të shëmtuar dhe duke e arsyetuar dorëheqjen para komisionit, e më vonë edhe para gazetarëve.
Dinosha ka thënë se ky është "sulm i drejtpërdrejtë ndaj Rezolutës 1244 të Këshillit të Sigurimit dhe sulm i drejtpërdrejtë ndaj pranisë së bashkësisë ndërkombëtare në Kosovë dhe ndaj përfaqësuesve legjitimë dhe legalë të Kosovës, pa praninë e të cilëve më nuk mund të bëhet fjalë për statusin e Kosovës”.
“Kam thënë që detyra e këtij komisioni nuk është që ta përkufizojë statusin e Kosovës, por t'i përkufizojë marrëdhëniet midis Serbisë dhe Malit të Zi, dhe pastaj të shihet sesi në ndonjë periudhë të ardhshme do të përkufizohet statusi i Kosovës dhe raporti i Serbisë lidhur me këtë çështje", ka thënë i revoltuar Ferhat Dinosha.
Kundër një formulimi të këtillë të Preambulës së Kartës kushtetuese, kanë votuar edhe përfaqësuesit e Partisë Socialdemokrate dhe të Aleancës Liberale të Malit të Zi. Karta Kushtetuese Serbi-Mali i Zi po hartohet pa pëlqimin e komuniteteve të tjera etnike të kësaj hapësire gjeografike.

Preambula kushtetuese provokon luftë të re në Ballkan, thotë prerë AAK-ja
Prishtinë, 5 nëntor (Kosovapress) Time: 10:11
Reagim i ashpër lidhur me futjen e Kosovës në preambulën kushtetuese të sajesës së re shtetërore Serbi-Mali i Zi, është lëshuar mbrëmë nga kryesia e AAK-së, e cila ka publikuar një deklaratë të nënshkruar nga kryetari i saj, Ramush Haradinaj, ku thuhet se “Aleanca për Ardhmërinë e Kosovës, qysh në fazën e procedurës së hartimit të dokumentit kushtetues Serbi-Mali i Zi, para dy muajve, ka tërhequr vërejtjen dhe ka shprehur shqetësimin e saj për futjen e Kosovës në këtë dokument”.
Kryesia e AAK-së, duke folur për qëndrimin e saj rreth preambulës kushtetuese të Serbisë dhe Mailit të Zi, ka përsëritur konstatimet e saja të mëhershme, me të cilat konsideron se “futja e Kosovës në preambulën e dokumentit kushtetues Serbi-Mali i Zi, si pjesë përbërëse të Serbisë, është rikonfirmin i qasjes së politikës millosheviqiane ndaj Kosovës” dhe dokumentin e konsideron si “manipulim të rëndë politik që ndikon në destabilizimin e rajonit, si dhe tendencë për ta ruajtur të gjallë frymën e luftërave pushtuese në rajon”.
Aleanca për Ardhmërinë e Kosovës, thuhet në komunikatë, edhe më parë, sikurse edhe tash, tërheqë vërejtjen, se futja e Kosovës në preambulën e dokumentit kushtetues Serbi-Mali i Zi, është edhe një tendencë për rikthimin e së kaluarës në raportet në mes të Kosovës dhe Serbisë.
Kosova, sot udhëhiqet nga Rezoluta 1244 dhe nga aktet e veta juridike-kushtetuese dhe është në rrugë të mbarë për t'u bërë shtet i pavarur, që do të ishte parakusht për paqe e stabilitet në rajon. Prandaj, pa njohjen e pavarësisë së Kosovës, edhe nga ana e Serbisë, ndërmjet këtyre dy vendeve nuk mund të ketë raporte miqësie. Në këtë dritë, dokumenti kushtetues Serbi-Mali i Zi, i cili Kosovën e konsideron pjesë të saj përbërëse, është në kundërshtim të plotë edhe me Rezolutën 1244, me angazhimin e bashkësisë ndërkombëtare në Kosovë, me krijimin e gjendjes faktike, si dhe me aspiratat e qytetarëve të Kosovës për ta krijuar shtetin e tyre të pavarur, thuhet në deklaratë.
Në fund të reagimit të saj, AAK tërheqë vërejtjen se “përkrahja eventuale e një dokumenti të tillë, nga ana e bashkësisë ndërkombëtare do ta rrezikonte gjithë këtë proces dhe me përmasa të paparashikueshme do ta rrezikonte paqen dhe stabilitetin në rajon”.

Edhe një vrasje në Pejë, mbremë u qëllua për vdekje avokati Ibish Hoti
Pejë, 5 nëntor Time: 11:45
Ora 20.00 e mbrëmjes së të hënës ka shënuar një moment tjetër tragjik në qytetin e Pejës. Pranë shtëpisë së tij, nga persona të panjohur është vrarë avokati Ibish Hoti.
Avokati Hoti ka qenë edhe veprimtar i Fondit Humanitar për të Drejtat e Njeriut.

...njofton kosovapress ndërsa Qiku-u shkruan më gjërësisht:

Avokati Hoti është vrarë në një pritë kur në qytet nuk kishte drita
Pejë, 5 nëntor 2002 - Sipas njoftimeve më të reja nga Peja, avokati i njohur Ibish Hoti, rreth orës 20.40 në një pritë është qëlluar për vdekje nga një person i panjohur, sapo kishte zbritur nga vetura para shtëpisë së tij në Pejë. Një dëshmitar citohet të ketë deklaruar se vrasësi ka zbrazur disa plumba në trupin e avokatit Hoti, në momentin kur në qytet nuk kishte drita.
Edhe zëdhënësi i policisë së UNMIK_ut në Prishtinë e ka konfirmuar vrasjen e avokatit Hoti nga persona të panjohur, por pa dhënë hollësi të tjera, vetëm duke thënë se hetimet po vazhdojnë.
Avokati Hoti ishte anëtar i Fondit për Drejtën Humanitare dhe përmes këtij fondi ka ndihmuar shumë në lirimin e burgosurve shqiptarë nga burgjet serbe. Varrimi i tij do të bëhet nesër në varrezat e qytetit në Pejës.

Rrëmbyesi i dështuar i Viktoria Bekhamit është Lulzim Balliu nga fshati Labinot-Fushë të Elbasanit
Tiranë, 5 nëntor 2002 - Në krye të grupit që do të kryente një nga pengmarrjet më spektakulare në historinë e Britanisë rezulton të ketë qenë shtetasi shqiptar Lulzim Balliu, 30-vjeç, nga fshati Labinot-Fushë i rrethit të Elbasanit. Lajmi është konfirmuar dje nga burime të sigurta të prokurorisë shqiptare dhe Interpolit, shkruan gazeta e Tiranës "Shekulli". Balliu është identifikuar me emrin Luli Azem Krifsha, 30-vjeç nga Kosova dhe banim në Londër. Në të vërtetë, dokumentet që elbasanlliu ka përdorur gjatë qëndrimit në Angli dhe marrjes së azilit, mbajnë identitet të rremë. Lulëzim Balliu nuk ka qenë një personazh i panjohur për policinë shqiptare, shkruan gazeta. Balliu ka qenë i skeduar si element kriminal në skedarët e policisë së Elbasanit, ku dyshohej si i implikuar në trafiqe të ndryshme, sidomos në trafik prostitucioni dhe prostitutash.

Rezultatët e hetimeve për shitjen e armëve serbe në Irak pas një muaji
Sarajevë, 5 nëntor 2002 - Rezultatet e hetimeve lidhur me shitjen e armëve Irakut nga ana e një firme serbe të Bosnjës, priten brenda një muaji, ka deklaruar i dërguari i posacëm i bashkësisë ndërkombëtare në Bosnjë Hercegovinë, Pedi Eshdaun.
Ministri i Brendshëm jugosllav, Zoran Zivkoviq, ka pohuar se ai është i sigurt se ushtria ka pasur informacione mbi tregtinë e armëve me Irakun.

E shtune, 2 nëntor, 2002

Shtajner, në “darkën e punës” merr nga liderët aminin për decentralizim
Prishtinë, 2 nëntor 2002 Time: 11:31
Duket se kryadministratori i Kosovës Mihajl Shtajner ua ka gjetur “pikën e dobët” të përbashkët të gjithë liderëve të Kosovës. Darkat e punës në konakun e tij, për të dytën herë radhazi, po tregohen të suksesshme. Pas racionit të përbashkët të së premtes, në qerasje të Shtajnerit, liderët e institucioneve dhe partive më të rëndësishme të Kosovës, janë pajtuar në parim me deklaratën e tij rreth decentralizimit të pushtetit lokal në Kosovë dhe mënyrave të kthimit të të zhvendosurve në shtëpitë e tyre, duke e nënshkruar një nga një tekstin e shefit të UNMIK-ut.
Ibrahim Rugova, përfaqësues i institucionit të Presidentit dhe i LDK-së, kryeminsitri Bajram Rexhepi, përfaqësues i Qeverisë, Hashim Thaçi kryetar i PDK-së, Ramush Haradinaj, kryetar i AAK-së dhe Rada Trajkoviq, përfaqësuese e “Kthimit”, në darkë e sipër i kanë dhënë sinjalin e dakordimit shefit të UNMIK-ut, duke nënshkruar deklaratën dhe duke premtuar për respektim të të drejtave të minoriteteve dhe ndihmë në decentralizimin e pushtetit lokal.
Mysafirët e mbrëmshëm të Shtajnerit, e kanë autorizuar atë që në punën e tij të mëtejme t’i shkruajë një letër Këshillit të Evropës, përmes së cilës urgjentisht të kërkojë një ekip, i cili së bashku me institucionet e Kosovës do të punojë në drejtim të realizimit të këtij plani.

Rexhepi uron Crvenkovskin në postin e kryeministrit
Prishtinë, 2 nëntor 2002 Time: 14:07
Kryeministri i Kosovës, Bajram Rexhepi, ka përgëzuar kryeministin e ri maqedonas, Branko Cwrvenkovksi, për emërimin e tij në postin e kryeministrit.
“Më lejoni t’jua shpreh urimet më të mira për emërimin Tuaj në postin e kryeministrit të Qeverisë së Republikës së Maqedonisë. Ju përgëzoj po ashtu për përfshirjen e Bashkimit Demokratik për Integrim në Qeverinë Tuaj. Jam i sigurt se kjo do t’i ndihmojë stabilitetit tw vendit dhe realizimit të plotë të Marrëveshjes së Ohrit”,- thuhet në telegram-urimin e kryeministrit të Kosovës.
Duke uruar suksese në realizimin e përgjegjësisve të reja, në letrën përgëzuese të Rexhepit thuhet: ”Jam i bindur se Qeveria e Maqedonisë nën udhëheqjen tuaj do ta vazhdojë rrugën e konsolidimit demokratik dhe do t’i kontribuojë afirmimit të politikës së fqinjësisë së mirë, bashkëpunimit dhe forcimit të paqes dhe stabilitetit në rajon dhe më gjerë”.

Forcat ushtarake tërhiqen nga Zhelina, lënë pas vete mjete të pashpërthyera
Tetovë, 2 nëntor2002 Time: 11:10
Forcat ushtarako - maqedonase janë tërhequr tërësisht nga dy fshatrat e komunës së Zhelinës, Rogle dhe Cerovë, të stacionuara para një viti e gjysmë në këtë zonë. Banorët e kësaj zone e kanë mirëpritur tërheqjen e ushtrisë. "Ushtria maqedonase para dy ditësh është tërhequr nga ky vendstacion, duke bartur me vete edhe një sasi të madhe të armatimit të rëndë, që ka qenë i vendosur në këtë vend",- tha kryesuesi i Këshillit të Komunës së Zhelinës, Muhamed Zylbehari.
Por, sipas tij, edhe pse është bërë tërheqja e ushtrisë, në këtë vend vazhdojnë të mbeten rrezik lëndët e pashpërthyera.
“Edhe pse ushtria është larguar nga ky rajon ish- kampi i tyre ende paraqet një rrezik dhe u sugjerojmë banorëve të Rogles dhe Cerovës që të mos afrohen pasi ekziston rrezik nga minat që mund të jenë të vendosura",- tha Zylbehari.
Sipas tij, autoritetet e kësaj komune për këtë çështje janë në bisedime me OSBE-në për sigurimin e një ekipi ekspertësh, që do të kontrollonte terrenin, sepse ekziston mundësia që ende të kenë mbetur mjete të pashpërthyera.
Edhe në një zonë tjetër ku ka qenë i fokusuar konflikti vitin e kaluar, në Sllatinë të Tetovës, në tre vende janë identifikuar se janë të vendosura mjete të pashpërthyera. Autoritetet e këtij fshati i thanë Kosovapress-it se ekipe ekspertësh kanë vizituar këto pjesë, ku janë identifikuar këto mjete të pashpërthyera dhe kanë konstatuar se ato ende gjenden aty.

LDK-ja në koalicion me PSHDK-në do të qeverisë komunën e Gjakovës, kurse Aqif Shehu do të jetë kryetar
Gjakovë, 2 nëntor 2002- Lidhja Demokratike e Kosovës, Dega Gjakovë në një takim të djeshëm diskutoi rreth koalicionit për bashkëqeverisje me PSHDK-në për katër vitet e ardhshme.
Unanimisht u aprovua ky koalicion nga të gjithë pjesëmarrësit. Ky vendim ka rrjedh nga takimet që janë bërë ditëve të fundit mes degëve të të dy partive LDK dhe PSHDK si dhe nga nevoja e vazhdimit të bashkëpunimit për bashkëqeverisje si rezultat i zgjedhjeve komunale të 26 tetorit.
Gjithashtu u bisedua edhe për kandidatin për kryetar dhe u propozua Aqif Shehu të jetë kandidat i vetëm për kryetar të Asamblesë komunale në Gjakovë në katër vitet e ardhshme nga LDK-ja.

Në në Tiranë u përurua vepra e plotë në 10 vëllime e Sabri Hamitit
Tiranë, 2 nëntor – Në panairin e librit, që po mbahet këto ditë në Tiranë, dje u bë përurimi i veprës së plotë të shkrimtarit dhe të studiuesit të madh shqiptar, Sabri Hamiti. Nazmi Rrahmani, drejtor i shtëpisë botuese "Faik Konica" nga Prishtina, në fjalën e tij të rastit e radhiti Sabri Hamitin në një nga krijuesit më të rëndësishëm të letërsisë bashkëkohore shqipe. Duke e konsideruar botimin e veprës së plotë prej 10 vëllimesh të Sabri Hamitit, si një ngjarje shumë të rëndësishme të kulturës shqiptare, z.Rrahmani e vlerësoi atë si projektin më të rëndësishëm të kësaj shtëpie botuese.
Përkthyesi i mirënjohur, Edmond Tupja, duke evokuar takimin e tij të parë me poezinë e Sabri Hamitit më 1986, kur kishte dashur të përkthente në frengjisht "Lejen e njoftimit", tha se kjo poezi e kishte befasuar, pasi aty kishte parë elementin modern të mendimit shqiptar. Duke analizuar mëtej veprën e këtij shkrimtari të madh të letrave moderne shqipe, Tupja shprehu mendimin se "Trungu ilir" e fut poezinë e Hamitit në një etapë të re, e cila pastaj shtrihet në gjithë poezinë e tij deri te vëllimi i i fundit "Melankolia".
Romansieri, Fatos Kongoli, vuri në spikamë njohjen e vonë të veprës së Hamitit, për shkak të mbylljes së plotë të Shqipërisë diktatoriale, ku nuk filtronte pothuajse asgjë, aq më pak letërsia apo kultura që krijohej në Kosovë. Ai u përqendruaa në romanin "100 vjet vetmi", të cilin Hamiti e kishte shkruar që në moshën rinore. Shkrimtari dhe studiusi, Alfred Çapaliku, tha se botimi i veprës së plotë të Sabri Hamitit është një fat i madh për letërsinë shqipe, por mbi të gjitha për lexuein që të ketë në dorë botimin integral të veprës së një autori, siç është Hamiti, veçanërisht pasi autori është në kulmin e fuqisë së tij krijuese. Duke iu referuar korpusit të kritikës së Hamitit, Çapaliku tha se ajo ka arritur të sjellë të plotë dhe në mënyrën më profesionale një enciklopedi të plotë të letërsisë shqipe.
Ndërkaq, në përshëndetjen e tij në fund të këtij përurimi, Sabri Hamiti theksoi se nuk mund ta fshihte gëzimin që e kishte shëndetin dhe kishte arritur ta shihte veprën e tij në një kolonë, siç ishte ky botim. Ai cilësoi këtë botim si përmbushjen e një kontrate me lexuesin. Në vazhdim, Hamiti shprehu mendimin se komunikimi kulturor ndërmjet Shqipërisë dhe Kosovës duhet të jetë edhe më intensiv dhe më efektiv

Gjykata aprovon marrëveshjen me Mikrosoftin
Uashington, 2 nëntor - Një gjykatës federal në Shtetet e Bashkuara ka vendosur se kompania më e madhe e të kompjuterëve Mikrosofti, duhet të publikojë informacione teknike sekrete në kuadër të një marrëveshje antitrust me qeverinë. Ky vendim nënkupton se rivalët e Mikrosoftit mund të konkurojnë më efektivisht në tregun e prodhimit të kompiuterave. Përpara afro tre vjetëve, një gjykatë, konkludoi se Mikrosofti përdorte dominimin e vet mbi konkurrentët për të siguruar dhe ruajtur një monopol tregu ilegal. Prokurori i Përgjithshëm në Shtetet e Bashkuara, Xhon Eshkroft, tha se vendimi adresonte në mënyre të efektshme sjelljen e paligjshme të Mikrosoftit. Ndërsa bosi i kësaj kompanie, Bill Gejts, tha se vendimi i caktonte përgjegjësira të reja kompanisë së tij, porse Mikrosofti do të punonte të zbatonte rregullat e reja.

Arrestohet një kërkues floriri në Përmet

PËRMET, 1 nëntor 2002- Policia e Përmetit arrestoi në orët e vona të mbrëmjes të djeshme një person që kërkonte flori në gërmadhat e fshatit Frashër, në krahinën malore të Dangëllisë. Burime të policisë lokale i thanë se rreth orës 20.30 të ditës së djeshme nj ë patrullë policie e këtij komisariati, ndaloi dhe më pas arrestoi në flagrancë 25 vjeçarin Zylfo Varfi, banues në fshatin Dukaj të Tepelenës, pasi ishte duke kërkuar flori, me një aparat metalkërkues. Policia sekuestroi aparatin metalkërkues, të cilën Varfi e kishte blerë në Greqi dhe e kishte futur në mënyrë të fshehtë në territorin shqiptar. Vitet e fundit në disa zona të thella të rajonit Jugor të vendit, persona të ndryshëm, individualisht apo në grupe, të përfshirë nga ethet e kërkimit të thesareve të fshehura, janë angazhuar në ekspedita raskapitëse në kërkim të thesarit të Ali Pashë Tepelenës dhe të ashtuquajturin "thesar i Trembëdhjetë Birbilenjve", grupi i të cilëve, sipas gojëdhënave, para se të vareshin në qëndër të Janinës, në mesin e shekullit të 18-të, ka fshehur diku në malet e rajonit jugor të Shqipërisë një thesar që ishte ngarkuar në një karvan me 12 mushka.

SHBA: Rritet pagesa për vizat joimigruese
Prishtinë, 1 nëntor 2002 Time: 17:04
Për shkak të rritjes së harxhimeve dhe numrit më të vogël të aplikacioneve për vizat joimigruese në tërë botën, Departamenti i Shtetit ka shtrenjtuar pagesën për vizat joimigruese në 100 dollarë amerikanë. Ky ndryshim fillon të zbatohet sot, më 1 nëntor, bën të ditur një komunikatë për media e Zyrës amerikane në Prishtinë.
Pagesa me rastin e aplikimit për vizën e SHBA-ve ndihmon në mbulimin e harxhimeve të përpunimit të kërkesave për vizë. Që nga sulmet terroriste të 11 shtatorit 2001 në Shtetet e Bashkuara, numri i kërkuesve të vizës ka rënë, e në anën tjetër harxhimet për përpunimin e një aplikacioni janë rritur për shkak të ndryshimeve të autorizuara procedurale, siç janë kontrolli i shtuar i sigurisë dhe mbikëqyrja e shtuar e menaxhimit.
Me gjithë rënien e numrit të kërkesave, koha dhe mundi që shpenzohen për çdo rast individual është rritur. Për këtë arsye, Departamenti i Shtetit duhet t’a rrisë pagesën për aplikim në mënyrë që të ndihmojë në kompenzimin e harxhimeve të shtuara.
Ky shtrenjtim i pagesës vlen për ambasadat, konsulatet dhe misionet e SHBA-ve në tërë botën, përfundon komunikata e Zyrës amerikane në Prishtinë.

E enjte 31 dhjetor 2002

Polici i UNMIK-ut pranon se ka vrarë Vlora Bërbatin
Pejë, 31 tetor - Polici i UNMIK-ut Sharif Abdel al Aziz, i akuzuar për vrasjen e Vlora Bërbatit, para kolegjit të gjykatësve në Pejë më në fund pranoi krimin që ka kryer më 5 janar të këtij viti. Ai me tre plumba e ka vrarë përkthyesen e vet Vlora Bërbati nga Peja.
Polici egjiptian El Aziz në seancën e sotme gjyqësore shprehu keqardhje për këtë vrasje, duke thënë se as vetë nuk e di si ka ndodhur tragjedia. Pas kryerjes së krimit, i akuzuari ka tentuar të bëjë vetëvrasje, duke plagosur veten me një plumb në krah.
Gjatë seancës prokurori dhe avokati i familjes së viktimës i bënë shumë pyetje të akuzuarit në lidhje me rrethanat e vrasjes së Vlora Bërbatit. I akuzuari, duke qarë, tha se as vetë nuk e di sesi ka ndodhur ajo.
Kryetari kolegjit caktoi për 12 nëntor shpallejen e aktvendimit gjyqësor.

TMK është pranë familjes Bytyçi në çastet e dhembjes, thotë Çeku
Prishtinë, 31 tetor 2002 Time: 15:55
Një delegacion i Shtabit të Përgjithshëm të Trupave Mbrojtëse të Kosovës, i kryesuar nga komandanti i TMK-së, gjenerallejtënant Agim Çeku, të enjten kanë vizituar familjen e të ndjerit Ukë Bytyçit dhe dy shoqëruesve të tij.
Gjeneral Çeku, në emrin e tij dhe të të gjithë Trupave Mbrojtëse të Kosovës, nga afër iu shprehu ngushëllimet më të sinqerta familjeve të të vrarëve.
Komandati i TMK-së e ka vlerësuar lart kontributin e Ukë Bytyçit si veprimtar i shquar dhe si ish-pjesëtar i Ushtrisë Çlirimtare të Kosovës. Njëherit komandanti i TMK-së e ka siguruar familjen Bytyçi se TMK-ja është pranë tyre në këto çaste dhembjeje dhe pikëllimi.

Kuvendi i Kosovës miratoi sot dy projektligje në parim
Prishtinë, 31 tetor - Në vazhdim të seancës së sotme Kuvendi i Kosovës miratoi në parim projektligjet për telekomunikacionin dhe mbrojtjen e ambientit.
Vërejtjet hyrëse për projektligjin për komunikacionin i dha ministri i transportit dhe telekomunikacionit Zef Morina, i cili theksoi se ky projektligj i sqaron kompetencat në këtë fushë, e rrit transparencën dhe ligjshmërinë, por do të rrisë edhe punësimin, tha ai. Në fushën e telekomunikacionit, tha Morina, do të ketë liberalizim sidomos në telefoninë mobile gjë që do të përfitojë buxheti i Kosovës, tha ai. Pastaj deputetët diskutuan rreth këtij projektligji duke dhënë vërejtjet dhe propozimet e tyre. Me shumicë votash deputetët e miratuan atë në parim dhe projektligji do të hyjë në procedurë të mëtejshme parlamentare, duke u shqyrtuar nëpër komisione përkatëse.
Në vazhdim ministri i ambientit Ethem Çeku arsyetoi para deputetëve projektligjin për mbrojtjen e ambientit, dhe theksoi se me këtë ligj do të bëhet një mbrojtje më efikase e ambientit në Kosovë. Poashtu ai tha se projektligji është i harmonizuar me ligjet më të avancuara evroperëndimore. Pas diskutimeve edhe ky projektligj u miratua në parim dhe do të shkojë në procedim të mëtejshëm nëpër komisione përkatëse.
Para se të miratohej rendi i ditës i seancës së sotme, Fatmir Limaj në emër të grupit parlamentar të PDK-së protestoi para deputetëve, siç tha ai, për shkak të politizimit të vrasjes së Ukë Bytyçit, kryetar i asamblesë komunale në Tharandë. Sipas Limajt kjo vrasje ishte aksidentale dhe gjoja kjo ndodh kudo në botë. Limaj kërkoi që të dilet me një qëndrim të përbashkët në mënyrë institucionale që ky rast të mos politizohet, duke kërkuar madje që të ndalohet keqpërdorimi politik i rastit, siç u shpreh ai, me tragjedinë e Therandës.
Deputeti i LDK-së Gani Prekopuca, duke replikuar me deputetin e PDK-së, Fatmir Limaj tha se e pyet parlamentin dhe Kryesinë e tij, se "cili është në radhë prej nesh"? Më vonë do të thuhet se ka ndodhë një aksidend, tha Prekopuca , duke iu drejtuar deputetëve: "Ju lutem krejt bota e pa se është krim politik, është vrarë kryetari i Komunës, ndërsa kryeministri thotë mos e bëni të madhe! Prekopuca në vazhdim se disa njerëz flasin në televizione se nuk ka ndodhë gjë. "Deri kur Parlamenti do të heshtë dhe nuk do të kërkojë nga shërbimi, i cili është përgjegjës për sigurinë e qytetarëve të Kosovës. Edhe sa qytetarë të Kosovës duhet të vriten e dikush të na japë këtu informatën, kush e ka bërë. Edhe një herë po them: deri kur do të ndodhë kjo", pyeti deputeti Gani Prekopuca Parlamentin e Kosovës.
Nexhat Daci nuk lejoi që të debatohet në këtë temë, sepse siç tha ai, parlamenti rreth çështjes së sigurisë do të caktojë një mbledhje të veçantë. Pastaj deputetët me një minutë heshtje nderuan Ukë Bytyçin, kryetarin e vrarë të Asamblesë komunale të Therandës......njofton QIK-u, ndërsa RTV21 bën me dije se;

Kuvendi miraton ligjin për Telekomunikacionin; tani thyhet monopoli i telefonisë mobile

PRISHTINE, 31 tetor - Kuvendi i Kosovës miratoi sot në parim projektligjin për Telekomunikacionin dhe projektligjin për Mbrojtjen e Ambientit. Sipas ministrave përkatës, projektligjet janë hartuar në bazë të ligjeve ndërkombëtare dhe do t'i japin një shtytje zhvillimit ekonomik në Kosovë. Deputetët shpresojnë se me aprovimin e projektligjit për telekomunikacion do të thyhet monopoli i deritashëm mbi telekomunikacionin në Kosovë. Ministri i Transportit dhe Telekomunikacionit, Zef Morina gjatë prezantimit tha se projektligji për telekomunikacion është mjaft i rëndësishëm, sepse sqaron përgjegjësitë dhe kompetencat e entiteteve për sektorin e telekomunikacionit.
“Ky projektligj i sqaron kompetencat në këtë fushë, e rrit transparencën dhe ligjshmërinë, por do të rrisë edhe punësimin. Në fushën e telekomunikacionit do të ketë liberalizim sidomos në telefoninë mobile, prej nga do të përfitojë buxheti i Kosovës”, tha Isufi. Edhe deputetët e Kuvendit shpresojnë se me aprovimin e këtij projektligji do të thyhet monopoli i deritashëm mbi telekomunikacionin në Kosovë. Gjatë diskutimit deputetët Edita Tahiri, Hydajet Hyseni dhe Bujar Dugolli paraqitën edhe vërejtjet e tyre rreth këtij projektligji.
Deputetet e Kuvendit pas një sërë diskutimesh dhe vërejtjesh i dhanë vizën për shqyrtim të mëtutjeshëm edhe projketligjit për mbrojtjen e ambientit. Për ministrin e Ambientit dhe Planifikimit Hapësinor Ethem Çekun ky ligj është mjaft i rëndësishëm duke pasur parasysh se, sipas tij, Kosova renditet ndër vendet me ndotje më të lartë në Evropë. Çeku arsyetoi para deputetëve projektligjin për mbrojtjen e ambientit, dhe theksoi se me këtë ligj do të bëhet një mbrojtje më efikase e ambientit në Kosovë. “Projektligji është i harmonizuar me ligjet më të avancuara evroperëndimore”, tha ministri Çeku. Pas diskutimeve edhe ky projektligj u miratua në parim dhe do të shkojë në procedim të mëtejshëm nëpër komisionet përkatëse.
Në mbledhjen e sotme të Kuvendit deputetët nderuan me një minutë heshtje të ndjerin Ukë Bytyqin, ish-kryetar i Kuvendit Komunal të Therandës. Kryetari i Kuvendit të Kosovës, Nexhat Daci, pas vërejtjeve të bëra nga deputetët që të sqarohet rasti i vrasjes së Bytyqit dhe vrasjeve të mëhershme ka ritheksuar se në në të ardhmen e afërt do të mbahet një seancë e veçantë e Kuvendit ku do të debatohet për çështjen e sigurisë në Kosovë. Mbledhja e radhës e Kuvendit mbahet të enjten e ardhshme më 7 nëntor.

Rektorati vendos që studentët të paguajnë 30 euro në semestër
Prishtinë, 31 tetor 2002 Time: 17:28
Rektorati i Universitetit të Prishtinës ka vendosur, më në fund, pas shumë kundërthënive dhe polemikave mes MASH - Rektoratit dhe UP, që studentët të paguajnë tridhjetë euro për një semestër.
Sipas Kosovapress-it, studentët do të paguajnë nga 30 euro për një semestër, dhe kjo shumë e vendosur largohet nga kërkesa e UPSP-së me vetëm pesë euro diferencë.
Siç dihet, MASHT-tit kishe propozuar që një semestër të paguhet nga 200 euro, ndëkohë që UPSP-së kishte kundërshtuar rrept këtë propozim, duke paralajmëruar se kjo do të kundërshohet nga studentët edhe me bojkotim të mësimit.

Rexhepi-Harnish: Sa më shpejt të nisë punë Agjencia e Mirëbesimit; do të ulë papunësinë

PRISHTINE, 31 tetor - Kryeministri i Kosovës, Bajram Rexhepi priti sot shefin e Zyrës Amerikane në Prishtinë, Rino Harnish. Në takim u bisedua për zhvillimin ekonomik të Kosovës dhe për konferencën e donatorëve që u mbajt në Shtetet e Bashkuara të Amerikës. Pas takimit, kryeministri Rexhepi bëri të ditur se temë qendrore e bisedimeve kanë qenë zhvillimi ekonomik dhe procesi i zgjedhejve të dyta komunale. “Biseduam për çështjet ekonomike se çka duhet të bëhet për një zhvillim ekonomik të qëndrueshëm për zbutjen e papunësisë. Në këtë aspekt kishim edhe këshilla të mira për arsye se Harnish ka përvojë të madhe në lëmin ekonomik”, tha Rexhepi. Ai tha se zgjedhjet lokale të mbajtura në fundjavën që shkoi u vlerësuan si pozitive edhe përkundër pakënaqësisë së pjesëmarrjes së ulët të serbëve. Në këtë takim është biseduar edhe për raportet që duhet të ndërtohen mes komuniteteve. “Raportet mes komuniteteve vlerësuam se duhet të zhvillohen në një frymë tolerante dhe në bashkëpunim të ngushtë reciprok, ndërkaq morëm këshilla se kjo është rruga e sigurt, që e çon Kosovën përpara”, tha Rexhepi.
Ndërsa shefi i Zyrës Amerikane deklaroi se fillimi sa më i shpejtë i funksionimit të Agjencisë Kosovare të Mirëbesimit do të ndihmonte për uljen e shkallës së papunësisë në Kosovë. “Momenti më i rëndësishëm i diskutimit tonë ishte ai rreth zhvillimit ekonomik të Kosovës në të ardhmen dhe rreth fillimit të funksionimit të Agjencisë Kosovare të Mirëbesimit, gjë që do të sillte investitorë në Kosovë dhe do ta zbuste shkallën e papunësisë. Por me rëndësi shumë të madhe është edhe krijimi i tolerancës ndëretnike. Ne biseduam edhe për udhëtimin e zyrtarëve të Qeverisë së Kosovës në Shtetet e Bashkuara të Amerikës, ku u takuan me biznesmenë vendorë e ndërkombëtarë”, tha Harnish.
Kryeministri Rexhepi u takua sot edhe me zëvendësdrejtorin e Programit për Zhvillim të Kombeve të Bashkuara, Jakob Simensen. Rexhepi është shprehur se nga konferenca e donatorëve në Bruksel pret që bashkësia ndërkombëtare edhe më tej të ofrojë asistencë ekonomike për Kosovën. Kryeministri tha se ishte optimist që pas kësaj konference Kosova do të ketë qasje në institucionet financiare ndërkombëtare. Në takimin mes Rexhepit dhe Simensen është potencuar nevoja për aftësimin dhe trajnimin e pjesëtarëve të shërbimit civilë në administratën publike të Kosovës, si dhe për pajisjen me teknikë efikase administrative. Për këtë bashkëbiseduesit kanë parë të nevojshme edhe konsultimin e përvojave të shteteve tjera, që kanë kaluar nëpër fazat e tranzicionit sikurse është Kosova tani.

"Berpark: Kryeministri në takimin e Brukselit duhet të fitojë patjetër përkrahjen e donatorëve

PRISHTINE, 31 tetor - Kryeministri i Kosovës dhe ministri i Ekonomisë e Financave do të marrin pjesë në takimin me donatorë të Kosovës në Bruksel, që mbahet javën e ardhshme. Zyrtarët e këtyre institucioneve vlerësojnë se është shumë e rëndësishme që donatorët të informohen drejtpërdrejt nga përfaqësuesit e institucioneve për mundësitë dhe për nevojën e investimeve dhe përkrahjes për zhvillimin e Kosovës. Nga donatorët do të kërkohet që të përkrahet sektori i ekonomisë së Kosovës, privatizimi, arsimi dhe shumë çështje të tjera që mund të ndihmojnë zhvillimin e Kosovës në përgjithësi.
Ambasadori i Bashkimit Evropian në UNMIK dhe udhëheqës i Shtyllës së Katërt të UNMIK-ut, Endi Berpark, theksoi se deri më tani donacionet për Kosovën janë kërkuar nga ata. Berpark thotë se në këtë konferencë nuk është përfaqësues i Kosovës. Sipas tij, tashmë kjo bëhet nga vetë kryeministri i Kosovës dhe ministri i Ekonomisë dhe Finacave. “Mendojmë se takimet që do të kenë ata do të jenë më bindëse për donatorët, me qëllim që ata të pranojnë kërkesat e zyrtarëve kosovarë për ndihmë të mëtutjeshme për Kosovën”, thotë Berpark. Ai shprehet se komuniteti ndërkombëtar tani nuk e ka vëmendjen në Kosovë, kur dihet se në botë ekzistojnë pobleme edhe më të mëdha, andaj zyrtarët vendorë duhet të gjejnë metoda për të fituar përkrahjen e donatorëve, javën e ardhëshme në konferencen e Brukselit. Sipas Berparkut, UNMIK-u tashmë po punon që të bëhet ngritja dhe zhvillimi i standardeve evropiane në Kosovë, me qëllim që ajo të futet në Bashkimin Evropian.
Nga ana tjetër, kryeministri i Kosovës Bajram Rexhepi thotë se qeveria tani i ka të gatshme çështjet që do të diskutojë javën e ardhshme para mëse 200 donatorëve të huaj. Rexhepi thase prioritet do të kenë zgjidhjen e problemeve të arsimit dhe ato të shëndetësisë. Pjesa e diskutimit që është rezervuar për Ministrinë e Ekonomisë dhe Financave në takimin e donatorëve është shumë e e shkurtur, vetëm 15 minuta. Kjo kohë, sipas zëdhënësit të kësaj ministrie Muharrem Shahini, është shumë e shkurtur për të paraqitur të gjitha problemet e Kosovës dhe mënyrat se si të ndihmohet Kosova nga donatorët.

Çeku vizitë ngushëllimi në familjen Bytyqi: TMK është pranë jush në çastet e dhembjes

PRISHTINE, 31 tetor - Një delegacion i Shtabit të Përgjithshëm të Trupave Mbrojtëse të Kosovës, i kryesuar nga komandanti i TMK-së, gjenerallejtënant Agim Çeku sot kanë vizituar familjen e të ndjerit Ukë Bytyçit dhe dy shoqëruesve të tij. Gjeneral Çeku, në emrin e tij dhe të të gjithë Trupave Mbrojtëse të Kosovës, nga afër iu shprehu ngushëllimet më të sinqerta familjeve të të vrarëve. Komandati i TMK-së e ka vlerësuar lart kontributin e Ukë Bytyçit si veprimtar i shquar dhe si ish-pjesëtar i Ushtrisë Çlirimtare të Kosovës. Njëherit komandanti i TMK-së e ka siguruar familjen Bytyçi se TMK-ja është pranë tyre në këto çaste dhembjeje dhe pikëllimi.

Cërvenkovski shprehet se bashkë me BDI-në e Ali Ahmetit do të hyjë në bashkëpunim "hapur dhe sinqerisht"
Shkup, 31 tetor - Duke paraqitur programin e qeverisë së tij, kandidati për kryeministër Branko Cërvenkovski, ka thënë sot para deputetëve të parlamentit maqedonas se vështirësitë nuk do ta luhasin kabinetin e tij për Maqedoninë. Cërvenkovski ka shprehur bindjen se bashkë me BDI-në e Ali Ahmetit do të hyjë në bashkëpunim "hapur dhe sinqerisht" me qëllim që të bëhet ajo që publikisht shprehet. Për Cërvenkoskin prioritet është zbatimi i marrëveshjes së Ohrit, lufta kundër korrupsionit dhe kriminalitit dhe hartimi i strategjisë nacionale për uljen e papunisisë dhe varfërisë, kurse në planin afatgjatë anëtarësimi në BE dhe në NATO. "Bashkëqytetarët tanë shqiptarë duhet ta kuptojnë dhe pranojnë se lojaliteti ndaj shtetit të vet është mbi lojalitetin ndaj etnikumit të vet në shtetet e tjera", ka thënë Cërvenkovski.

Preshevë: Nëntori, muaj i solidaritetit me invalidët e luftës dhe me familjet e dëshmorëve

PRESHEVE, 31 tetor - Muaji i flijimit dhe i sakrificës i ka nxitur aktivistët e shoqatës "Nëna Terezë" në Rahovicë të Preshevës që të fillojnë një aksion të gjerë solidariteti për invalidët e luftës dhe familjet e dëshmorëve, ata të cilët nuk kursyen as gjymtyrët e veta, për liri dhe të drejtat njerëzore të popullit shqiptar që jeton në Kosovën Lindore, ndërsa tani, vetë jetojnë në kushte të rënda dhe të mjerueshme. Duke e parë këtë gjendje, kjo shoqatë vendosi që nëntorin ta shpallë muaj të solidaritetit me ata që u sakrifikuan për këtë ditë, duke dëshmuar në këtë mënyrë, sadopak, se edhe shoqëria është në gjendje për t`ua lehtësuar jetën të gjithë atyre që kanë nevojë për dorën e mirësisë, thotë kryetari i shoqatës "Nëna Tereze", Sadik Sadiku. Aksioni fillon më 1 nëntor dhe do të zgjasë deri më 4 dhjetor 2002.

Kryetari i Kontrollit të Lartë të Shtetit, Kërçuku në Kuvend: Buxhetit i janë vjedhur miliarda

TIRANE, 31 tetor - Kryetari i Kontrollit të Lartë të Shtetit Mustafa Kërçuku, raportoi në parlament mbi kontrollin që KLSH ka ushtruar gjatë vitit të kaluar në institucione të ndryshme shtetërore. KLSH ka evidentuar shkelje që kanë të bëjnë me shpërdorimin e buxhetit të shtetit, të cilat sipas Kërçukut, kapin shifrën e miliarda lekëve. Kryetari i KLSH deklaroi se, "shuma e abuzimeve është 1, 93 milardë lekë, ndërsa ajo e shënuar deri në vitin 2001 kap shifrën e 27 miliardë lekëve". Sipas tij, abuzimet me buxhetin e shtetit, janë kryer kryesisht në tenderimet dhe në mbledhjen e të ardhurave. Kërçuku lexoi shifra që shkaktuan ilaritet në sallën e Kuvendit. Kështu sipas të dhënave të KLSH, një ministri e vetme ka harxhuar 2 ton naftë në muaj. Ai lexoi edhe një listë emrash të punonjësve të institucioneve shtetërore, që kanë kryer shkelje dhe kërkoi për ta masa administrative. Kjo nuk e ka kënaqur opozitën, e cila kërkoi të dalin emrat e ministrave, që kanë abuzuar me buxhetin e shtetit. Pas raportimit, Kërçuku u gjend para akuzave politike të opozitës. Kryetari i Partise Demokratike Sali Berisha kërkoi që parlamenti ta ktheje mbrapsht raportin për shtesa dhe saktësime dhe të kërkojë shkarkimin e Kërçukut. Raporti i Kërçukut, u ndoq nga parlamenti, qeveria dhe presidenti. Më pas deputetët filluan seancën e debatit mbi raportin në fjalë.

Monumentet e kulturës vazhdojnë të shkatërrohen

SARANDE, 31 tetor - Në rajonin Sarandë-Delvinë vazhdojnë dëmtimet e monumenteve të kulturës. Sipas burimeve të Sektorit arkeologjik të Butrintit, "nga hapja e një sheshi ndërtimi me siperfaqe 2000 m. katror në Sarandë, ngjitur m e Kështjellën mesjetare të shek.V-VI të kohës së lulëzimit të Onhezmit(Saranda antike), janë dëmtuar krejtësisht dy stera me vlera të rendësishme për studimin e mëtejshëm të zhvillimit të këtij qyteti në periudhën e mesjetës së hershme". Të njëjta burime pohuan se, "dëmtime po kryehen aktualisht edhe në Finiq, ku pranë një trakti muri, që ka shërbyer dikur për ujësjellësin e Foinikes, pushteti lokal ka dhënë leje ndërtimi për aktivitete që dëmtojnë arkeologjinë". Ndërkaq, mësohet se megjithë relacionet e Sektorit të arkeologjisë pranë komunave, bashkisë në Sarandë dhe prefekturës Vlorë, nuk është ndërmarrë asnjë iniciativë zyrtare për ndalimin e dëmtimeve të mësipërme të vlerave arkeologjike.

Indipedent: Vëzhguesit nga Shqipëria dhe Rusia kanë shkuar të mbikëqyrin zgjedhjet në Amerikë
Londër, 31 tetor - Siç bën të ditur gazeta britanike "Indipedent", Uashingtoni për herë të parë në histori i ka lejuar vëzhguesit e OSBE-së që të mbikëqyrin zgjedhjet në Amerikë. Kështu, barcoleta që është përfolur gjatë rinumërimit të votave kontestuese në zgjedhjet e fundit presidenciale, tash po bëhet realitet. Atëherë, shkruan kjo gazetë, është thënë në shaka se në zgjedhjet e ardhshme presidenciale amerikane, vëzhguesit do t'i dërgojnë Rusia dhe Shqipëria, të cilave Perendimi me vjet u ka dhënë leksione se si të organizohen zgjedhje të ndershme. Dhe vërtet, një delegacion i lartë vëzhguesish zgjedhorë nga Evropa dhe Amerika Veriore, përfshirë edhe anëtarë nga Rusia dhe Shqipëria, ka arritur atje dje për një mision njëjavor për të vëzhguar zgjedhjet në Florida, që u zhvilluan të martën.

Në Nju Jork është vrarë pionieri i grupit muzikor rap "Ran-DMC"
Nju Jork 31 tetor 2002- Një anëtar i grupit pionier rap "Ran-DMC", është vrarë në Nju Jork. Xhejm Master Xhej, emri i vërtetë i të cilit ka qenë Xhejson Mizell, është vrarë në një studio incizimesh në distriktin "Kuin", ka thënë policia. Me këtë rast është plagosur edhe një person tjetër.
Grupi "Ran-DMC" është popullarizuar me muzikën "hip-hop", të cilën e lancoi më 1980.

Në fund të lajmeve te sotme ja një Koment i Kososvapressit;

LDK dhe “Bota sot” po i fryejnë luftës civile në Kosovë
Prishtinë, 31 tetor 2002 Time: 16:35

Koment i Kosovapressit/ Tragjedia e rëndë e goditi Kosovën mesditën e së dieles, pikërisht 12 orë pasi kishte përfunduar numërimi i pjesshëm dhe fillestar i votave të 26 tetorit. Në Therandë u vra Ukë Bytyçi, kryetar aktual i KK të saj dhe kryetar i degës së atjeshme të LDK-së dhe, siç u vlerësua nga të gjitha subjektet politike, institucionet dhe mediat e Kosovës, u prish atmosfera e mirë që ishte krijuar pas një fushate të qetë dhe mirëkuptimi ndërqytetar, si në ditën e zgjedhjeve ashtu edhe gjatë 45 ditëve të fushatës paraprake zgjedhore.
Klima e mirëkuptimit ndërpartiak dhe ndërqytetar në mbarë Kosovën, e cila u acarua nga incidenti i Therandës që përfundoi me vrasjen e Ukë Bytyçit dhe dy shoqëruesve të tij, u përshkallëzua më pas me një fushatë të tërë të një mediumi dhe një partie që, në kurriz të fatkeqësisë së familjeve Bytyçi, tragjedinë e vendosi në binarët e spekulimeve të nduardurshme politike.
Ndërkohë që Ukë Bytyçi dhe dy shoqëruesit e tij janë varrosur me nderime dhe janë përcjellë me dhimbje e pikëllim për në banesën e fundit nga familjarë, Trupat e Mbrojtjes së Kosovës, bashkëqytetarë dhe politikanë, puna në kërkim të së vërtetës për tragjedinë e Therandës ka kaluar, sipas rregullave, në duar të gjyqësisë, kurse dorasi (i plagosur dhe i njohur me emër e mbiemër) gjendet nën pranga.
Zyrtarët lokalë të partisë së cilës i takonte i ndjeri Bytyçi, kishin arritur ta evitonin akoma më të keqen që do të mund të ndodhte të dielen e kaluar. Ata kishin ulur gjakrat dhe kishin frenuar mijëra simpatizantë të fustruar të LDK-së që me thirrjet për hakmarrje, kërkonin armë për ta filluar luftën në fshatin Leshan të Therandës.
Por, jo me të njëjtën vigjilencë dhe përmbajtshmëri e kontrolloi për më tej situatën kjo parti. Fjalimet ndezëse në ditën e varrimit dhe prononcimet e ashpra të krerëve më të lartë të saj, në ditën e kumtit të zi për vrasjen e Ukës, sikur u dhanë sinjal të gjelbër aderuesve të partisë dhe mediave të kontrolluara nga ajo, që ta kallin opinionin dhe ndezin klimën deri në skajshmëri, madje duke bërë me gisht dhe saktësuar, sipas tyre, “fajtorët e vrasjes”, “urdhërdhënësit”, “gatuesit e krimit” e kështu me radhë, gjithnjë në seli të rivalëve politikë dhe të atyre në radhë të cilëve, përherë, politikanë nga kjo parti (LDK) dhe gazetarë apo media të saj apo të afërt me të, ishin ngutur t’i identifikojnë autorët e çdo lloj krimi në Kosovën e pasluftës.
Kalemxhinj të gazetës “Bota sot”, që deri më tani kanë dëshmuar se kur kanë hyrë në fushën e gazetarisë, kanë hyrë gabimisht duke ia vënë vetes për detyrë të merren me këtë zeje me të cilën më së paku janë të lindur dhe të edukuar të merren, filluan me të madhe t’i bijnë kavallit të keqpërdorimit më të ultë të kufomës së të ndjerit Bytyçi.
Duke e politizuar tragjedinë deri në skajshmëri, ata i dhanë vetes izë që edhe t’i përcaktojnë “urdhëruesit e krimit” dhe që, tash e tutje, në duar të veta t’i marrin edhe punët me të cilat është e ngarkuar dhe është duke u marrur drejtësia, gjyqësia.
Kryeredaktori Skënder Buçpapaj, kolumnistët dhe redaktorët e kësaj gazete, Elida Buçpapaj, Sulejman Aliu, Bajrush Morina dhe një sërë dokrraxhinjsh nga kjo redaksi dhe bashkëpunëtorë të jashtëm e të brendshëm të saj, iu turrën spekulimeve më të paskrupullta me tragjedinë e Bytyçëve.
Duke mospërfillur kurrfarë kodeksi moral e profesional, si ndaj rastit ashtu edhe ndaj profesionit, këta mjeranë të publicistikës, treguan se ishin shumë të etshëm për “gjak zgjedhor” dhe se, tragjedia e Therandës alias vrasja e Ukës, për ta ishte “mish i qëlluar për gjah”.
Çifti Buçpapaj, spekulueshëm me kufomën e Ukës, njëri, si zakonisht iu turr atyre që në Kosovë i quan “kriminelë të kuq” e “komunistë” e, tjetri, zonja, përpos të njëjtëve, edhe mekanizmave ndërkombëtarë që veprojnë në Kosovë - OSBE, KFOR dhe UNMIK.
Këto tri segmente e kishin penguar zonjën Buçpapaj me konstatimet e tyre se “vrasja është bërë për motive personale”, se “ajo nuk ka motiv politik” e kështu me radhë.
Dy mjeranë të tjerë të kësaj gazete, Sulejman Aliu dhe Bajrush Morina, iu turrën kujt tjetër pos Trupave Mbrojtëse të Kosovës (TMK) dhe Partisë Demokratike të Kosovës (PDK), pra dy segmenteve të fuqishme që përvijojnë membranën e përpjekjeve të luftës çlirimtare në Kosovë dhe mëtejshmërinë e konceptit liberal-institucional të Ushtrisë Çlirimtare të Kosovës.
Duke spekuluar me Fadil Hoxhën dhe TMK-në dhe duke bërë krahasimin e nderimit që TMK i ka bërë ish-zyrtarit Hoxha me rastin e vdekjes së tij, këta hodhën gurë e dru ndaj këtij institucioni dhe komandantit të saj, gjeneralit Agim Çeku, për kinse injorimin që i paskan bërë TMK-ja dhe vetë gjenerali rastit të Therandës, gjithnjë në funksion të politizimit dhe stërpolitizimit të tragjedisë.
Ndërkohë, SHP i TMK-së ka sqaruar opinionin rreth këtij spekulimi tendencioz të “Botës sot”, kurse, përveç kryesisë së partisë, edhe grupi parlamentar i PDK-së ka kërkuar këmbëngulshëm ndaljen e fushatës së politizimit të tragjedisë dhe lënien e rastit që ta gjykojë drejtësia, Sulejman Aliu dhe Bajrush Morina vazhdojnë me dokrrat e tyre, me të cilat që të dy pasqyrohen si donkishotë të tejzgjatur të komunizmit dhe metodës së të menduarit se “ajo që e thotë partia është mbi të gjitha”, edhe mbi gjyqin edhe mbi drejtësinë.
Bajrush Morina kishte bërë hapat e parë në ish sistemin, pikërisht atëherë kur në krye të 45 vjetëve të karrierës së tij, Fadil Hoxha ishte eliminuar nga skena në fushatën e diferencimit të kuadrove të rrezikshme shqiptare nga ish-nomenklatura. Shumë kohë më vonë, kur Jugosllavia zyrtare kishte shkarkuar tash të ndjerin Fadil Hoxha, Bajrush Morina veç ishte “në pupa” lart në hierarkinë e LRS-së, duke u vënë nga ish-Partia dhe DB-ja në krye të gazetës së studentëve të Universitetit të Prishtinës, për ta pezulluar pastaj tërë redaksinë e “Botës së re”, vetëm e vetëm pse ato ditë ishte botuar një shkrim në përkrahje të grevave dhe protestave të minatorëve të “Trepçës”.
E, sot, pikërisht ky ish-komunist famëkeq, Bajrush Morina, dhe penda po ashtu e njohur famëkeqe komuniste, Sulejman Aliu, i gjuhen shtrigavshëm TMK-së dhe PDK-së me personalitetin e të vdekurit Fadil Hoxha, duke e vënë në tavolinë operimi politiko-propagandistik, pa pikë fytyre, edhe kufomën e të ndjerit Ukë Bytyçi.
Ky është shpërdorimi më i ultë që bëhet me të vdekurit dhe loja e rrezikshme e tensionimit të gjithmbarshëm të klimës në Kosovë, e cila mund të marrë përmasa shqetësuese, në shprehje e sipër të pakënaqësisë, deri te ajo që aderuesit dhe simpatizantët e LDK-së t’i ripërsërisin thirrjet për armë dhe luftë “hakmarrëse” në Leshan.
Kjo do të ishte ajo akoma më e keqja që do të ndodhte në Kosovë, nisur pikërisht nga prononcime të pushkëta të zyrtarëve më të lartë të partisë (LDK) dhe shkrime të vrerta të gazetës së saj kobndjellëse “Bota sot”, të cilat sidomos në këtë javë të parë paszgjedhore, më shumë ngjajnë në “ftesa” për luftë civile në Kosovë.
Andaj, LDK dhe “Bota sot”, hapur sikur përgatisin terren për luftë civile në Kosovë, duke shpërdoruar tragjedinë e Therandës dhe kobin e familjes Bytyçi, që ka goditur Kosovën sh’pi për sh’pi, e parti për parti.

E premte, 25 tetor, 2002

Një ditë para zgjedhjeve, Prishtina në heshtje

Prishtinë, 25 tetor 2002 Time: 15:51

Kyeqyteti i Kosovës, Prishtina, sot ka aguar në një heshtje të plotë. Arsyeja është se me siguri njerëzit janë ende duke menduar se cilës parti do t’ia japin “kokrrën”. Që nga ora shtatë e mëngjesit të sotëm, në mbarë Kosovën ka filluar heshtja zgjedhore, e cila do të zgjasë deri nesër në orën shtatë të mëngjesit, kur të gjithë banorët e saj do të shkojnë nëpër qendrat e tyre të votimit dhe të përcaktohen për partinë më të preferuar të tyre.
Kësaj të premteje edhe lokalet e Kuvendit Komunal të kryeqytetit i ka kapluar po ashtu një heshtje. Kishte aty-këtu njerëz që kishin ardhur për ndonjë dokumentacion udhwtimi apo për ndonjë konsultim për ndonjë certifikatë të lindjes dhe asgjë më tepër.
Në anën tjetër, zyrtarët e lartë të KK të Prishtinës, siç duket, janë në heshtje, ndoshta duke menduar se a do të jenë apo jo nëpër “kolltuqet” e tyre luksoze, në të cilat kanë kaluar dy vjet të plota.
Edhe pse banorët e Prishtinës, këtë administratë nuk e vlerësuan si të suksesshme, në të shumtën e rasteve krerët e KK të Prishtinës thonë se kanë punuar mjaft për një qytet, të cilin ata kanë dëshirë ta quajnë “metropol evropian”.
Heshtja parazgjedhore ka kapluar edhe rrugët rrugët e Prishtinës… Përmendorja e Skëndërbeut ka pushuar nga vizitorët e shumtë të tij dhe sot nuk duket të jetë në fokusin e fotoaparateve. Edhe Skënderbeu në heshtje parazgjedhore.
Megjithatë, në mbyllje të fushatës, përmes një deklarate të përbashkët, të tri partitë më të mëdha politike, PDK, AAK dhe LDK u kanë bërë thirrje qytetarëve të Kosovës, që të marrin pjesë masoviksht në zgjedhje.
Nga ana tjetër, fushata zgjedhore është vlerësuar si më e qeta deri më tani, si nga ana e partive politike ashtu edhe nga institucionet ndërkombëtare.
Thirrje për dalje masovike në zgjedhje kanë bërë edhe institucionet vendore dhe ndërkombëtare. Udhëheqësi i OSBE-së, ambasadori Paskal Fieski, i ka dërguar një letër të hapur popullit të Kosovës, ku fton të gjithë qytetarët e Kosovës, që më 26 tetor të marrin pjesë në votime.
“Dilni dhe votoni. Kur ju nuk votoni, lejoni që rregullat të bëhen nga dikush tjetër dhe pastaj nuk keni asnjë arsye që të ankoheni”, është shprehur në mesazhin e tij dërguar popullit të Kosovës, Reno Harnish, shefi i Zyrës Amerikane në Prishtinë.

Të shtunën në mbarë Kosovën do të jenë të hapura 1.727 vendvotime
Prishtinë, 25 tetor 2002- Sot në orën shtatë të mëngjesit ka filluar heshtja parazgjedhore për zgjedhjet vendore, të cilat do të mbahen të shtunën. Kështu në mbarë Kosovën, ditën e votimit, të drejtë vote kanë mbi 1.300.000 qytetarë. Prej tyre 110 mijë që jetojnë në Serbi dhe Mal të Zi si dhe 11 mijë të tjerë në 32 vende të botës, thotë shefi i Misionit të OSBE-së Paskal Fieski. Ai u ka bërë edhe një herë thirrje të gjithë qytetarëve të Kosovës, që të dalin në zgjedhje dhe në këtë mënyrë të zgjedhin të ardhmen e tyre.
Njoftohet se për këto zgjedhje do të shpenzohen 18.3 milionë euro dhe prej këtyre mjeteve 5 milionë janë dhënë nga buxheti i konsoliduar i Kosovës.
Tashmë është gjithçka gati që rreth 5.500 kandidatë që konkurrojnë për 900 ulëse të asambleve komunale të Kosovës t'i nënshtrohen përzgjedhjes nga elektorati, ku do të marrin pjesë mbi 70 subjekte politike.
Rezultatet e para preliminare priten të bëhen publike më 28 tetor, ndërsa ato përfundimtare pritet që OSBE-ja t'i shpallë më 31 dhjetor, tha kryesuesi i Qendrës së Numërimit dhe Rezultateve për zgjedhjet komunale Mesju Jenkis.
Prëndryshe, shefi i Misionit të OSBE-së Paskal Fieski vlerësoi fushatën 45-ditëshe zgjedhore të suksesshme dhe të udhëhequr sipsa standardeve evropiane, sikurse nga subjektet politike po ashtu edhe nga mediat. Ai theksoi se këto do të jenë zgjedhjet e fundit të organizuara nga OSBE-ja

Votimi zhvillohet në shkolla; në veri në shtëpi private

PRISHTINË 25 tetor 2002 - Të gjitha shkollat fillore dhe të mesme do të mbyllen të premten më 25 tetor, të cilat OSBE-ja përsëri do t'i shndërrojë në vendvotime. Rreth 95 për qind të vendvotimeve janë shkolla, vërteton OSBE, gjë kjo që kritikohet çdo herë në raportet r e vëzhguesve ndërkombëtarë të zgjedhjeve nga Këshilli Evropian (KE).

Kosova kërkon nga donatorët 450 mil. € për tri vitet e ardhshme

PRISHTINË 25 tetor 2002 - Qeveria e Kosovës dhe UNMIK-u do të kërkojnë në konferencën e donatorëve në Bruxelles 450 milionë €, si nevoja për vazhdimin e proceseve në tri vitet e ardhshme.

Votoni për të mirën e fëmijëve tuaj, u thotë Fieschi kosovarëve

FUSHË-KOSOVË 25 tetor 2002 - Drejtuesi Misionit të Organizatës për Siguri dhe Bashkëpunim në Evropë (OSBE) Pascal Fieschi, dy ditë para zgjedhjve lokale, u bëri thirrje edhe një herë të gjithë qytetarëve të Kosovës që të dalin dhe të votojnë për të ardhmen e fëmijëve të tyre dhe për të ardhmen e Kosovës

Hapet Qendra e Telemjekësisë në Kosovë, e para në Ballkan

Prishtinë, 25 tetor 2002 Time: 18:05
Seminari i parë Intensiv Ballkanik për Telemjekësinë në temën “Telemjekësia dhe Teleshëndetësia: Nga Nisja deri në Implementim. Ardhmëria Sapo ka Filluar”, ka filluar të premten në Prishitinë.
Dr. Rifat Latifi, drejtor i Projektit të Telemjekësisë në Kosovë dhe i Spitalit Ndërkombëtar Virtual Elektronik të Kosovës, i cili hapi seminarin treditor, tha se “sot kemi detyra të rëndësishme, kemi ndryshime të të menduarit, të cilat do të bëhen pjesë përbërëse e revolucionit teknologjik, për t’i realizuar ëndrrat tona të mëhershme”.

Dr.Latifi tha se ky projekt është përkrahur nga Qeveria e Kosovës, Ministria e Shëndetësisë dhe nga TMK-ja.
Kryeministri i Kosovës, Bajram Rexhepi, pjesëmarrës në këtë seminar, projektin për Telemjekësinë në Kosovë dhe Spitalin Ndërkombëtar Virtual Elektronik të Kosovës e vlerësoi si shumë të nevojshëm për banorët e Kosovës.
“Këtu ka nevojë për ide të ndryshme, për koncepte të reja, për teknologji të re, por gjëja më e rëndësishme për ne është integrimi në proceset e edukimit praktik në Fakultetin e Mjekësisë, që në të ardhmen të vie deri të procesi i edukimit medicinal i mjekëve, infermierëve dhe të gjithë punëtorëve mjekësorë në Kosovë”, -potencoi kryeministri Rexhepi.
Edhe ministri i Shëndetësisë, Numan Baliq, këtë seminar e cilësoi të rëndësishëm për Kosovën, si dhe falendëroi projektin nga Qendra e Telemjekësisë në Kosovë.
“Kjo qendër e ka ndihmuar shumë mjekësinë e Kosovës në përgjithësi, por në veçanti dua ta përshëndesë dr. Rifat Latifin për formimin e kësaj qendreje, sepse kjo shtë e vetmja në Ballkan e këtij lloji”,- u shpreh ministri Baliq, i cili njëkohësisht falënderoi edhe BE-në dhe Agjencinë Evropiane për Rindërtim, për ndihmën që kanë dhënë nga ana financiare.
Seminarin e përshëndetën edhe rektori i Universitetit të Prishtinës, dr. Zejnel Kelmendi, dekani i Fakultetit të Mjekësisë, dr.Riza Binishi, kryeshefi i Departamentit të Kirurgjisë në Universitetin e Komonveltit të Virgjinisë, dr. Ronald C. Merrell, dhe drejtori Ekzekutiv i Qendrës së Telemjekësisë së Kosovës, dr.Shaip Muja, si dhe personalitete që vijnë nga katër kontinente të botës, që janë pjesëmarrës të seminarit.
Punën e seminarit e kanë përcjellur personalitete të jetës publike në Kosovë, autoritete të UNMIK-ut, KFOR-it dhe organizatave ndërkombëtare, si dhe përfaqësues të zyrave të shteteve të huaja, të akredituar në Kosovë.

Pauell thotë se qeveria e serbëve të Bosnjës përballet me pasojat serioze për shkak të shitjes së armëve Irakut
Sarajevë, 25 tetor 2002- Sekretari amerikan i Shtetit, në një letër të ashpër dërguar kryeministrit të Republikës serbe të Bosnjës, Mlladen Ivaniq, ia ka tërhequr vërejtjen se qeveria e tij do të përballet me pasoja serioze për shkak të aferës së eksportit ilegal të armëve dhe pajisjeve ushtarake në Irak nga një fabrikë e Bjelinës, nëpërmjet firmës së Beogradit "Jugoimport".
Pauell vlerëson se "tani ekzitojnë prova të pakonstestueshme për aktivitetin ilegal të Orlit, partnerit të tij nga Serbia (Jugoimport) dhe Irakut, duke përfshirë edhe të gjitha përpjekjet për të fshehur këto aktivitet ilegale".
Pauell më tutje thotë: "Kjo ju vendos në pozicionin e ndihmësit të forcave ushtarake irakiane dhe përpjekjeve të tyre për të rrëzuar SHBA-të dhe forcat ajrore të aleatëve të cilat janë autorizuar nga Kombet e Bashkuara në zonën e ndalimfluturimeve".
"Qeveria juaj përballet me pasojat serioze për shkak të këtyre aktiviteteve ilegale". SHBA-t kanë në disponim një numër sanksionesh dhe ndëshkime disktredituese që mund të aplikohen ndaj qeverisë suaj si dhe në të gjitha pjesët dhe individët që janë përzier", ia bën me dije Ivaniqit, sekretari amerikan i Shtetit Pauell

E mërkurë, 23 tetor, 2002

Myftiu Boja ngushëlloi Lartmadhërinë e Tij - Leka Zogu I
Prishtinë, 23 tetor - Kryetari i Kryesisë së Bashkësisë Islame të Kosovës, Myftiu, dr. Rexhep Boja, i ka dërguar një telegram ngushëllimi Lartmadhërisë së Tij - Leka Zogu I, me rastin e vdekjes së Nënës mbretëreshë, Gjeraldinë.
- Lajmi për kalimin në botën e amshueshme të nënës Mbretreshë-Gjeraldinë na pikëlloi të gjithëve.
Kontributi i saj për Shqipërinë dhe shqiptarët dhe kujdesi i saj permanent për lirinë e Kosovës ka qenë tejet i madh, gjë që na bënë që ta kujtojmë me dashuri e respekt të veçantë.
Nëna Mbretëreshë do të mbetet gjithmonë në kujtesën tonë si simbol i dashurisë, sinqeritetit dhe afrimit mes njerëzve e brezave.
Me këtë rast, në emër të Kryesisë së Bashkësisë Islame të Kosovës dhe në emrin tim persolnal, Ju lutem pranoni ngushëllimet tona më të thella, Ju lartmadhëri dhe familja Mbretërore, - thuhetë në ngushëllimet e Rexhep Bojës

Nënshkruhet një marrëveshje ndërmjet Universitetit të Prishtinës dhe Universitetit të Evropës Juglindore në Tetovë
Prishtinë, 23 tetor - Ndërmjet Universitetit të Prishtinës dhe Universitetit të Evropës Juglindore në Tetovë të Maqedonisë, sot u nënshkrua një marrëveshje bashkëpunimi. Marrëveshjen e nënshkruan rektori i UP-së Zenel Kelmendi dhe Alajadin Abazi, rektor i Universitetit të Evropës Juglindore. Me këtë marrëveshje parashihet bashkëpunimi dhe këmbimi i profesorëve dhe studentëve ndërmjet dy universiteteve, por edhe në menaxhimin e planprogrameve etj.
Për mbajtjen e mësimit në gjuhën shqipe në Universitetin e Evropës Juyglindore në Tetovë shtyllë do të jenë profesorët e
Universitetit të Prishtinës, tha Alajdin Abazi, rektor i këtij universiteti. Por ai shpreson se bashkëpunimi do të jetë edhe më i gjerë në interes të dypalëve.
Me këtë marrëveshje bashkëpunimi ndërmjet dy universiteteve parashihet deri më shtator të vitit 2005.

Në Tiranë mbrëmë vdiq bashkëshortja e ish-mbretit Zogu, Gjeraldinë
Tiranë, 23 tetor - Bashkëshortja e ish-mbretit shqiptar Zogu, Gjeraldina, vdiq mbrëmë rreth orës 22.30 në një spital të Tiranë, në moshën 87-vjeçare.
Shëndeti i saj u përkeqësua javën e fundit, periudhë të cilën e kaloi në spital.
Gjeraldina Apony, me origjinë hungareze, ishte martuar me ish-monarkun Ahmet Zogu më 1938, duke u shpallur mbretëreshë e shqiptarëve.
Familja mbretërore u largua nga Shqipëria në vitin 1939 pas pushtimit të vendit nga Italia fashiste.
Në periudhën e regjimit komunist familjes mbretërore iu ndalua hyrja në Shqipëri.
Me ndryshimet demokratike, familja mbretërore u rikthye përfundimisht në korrik të këtij viti pas një mërgimi 63 vjeçar.

Pesë karateistë të Kosovës thuhet të kenë kërkuar azil në Gjermani
Prishtinë, 23 tetor - Federata e Karatesë së Kosovës mbajti një koferencë për shtyp në të cilën u fol për suksesin e madh të karateistëve kosovarë në Kampionatin Botëror të Karatesë që u mbajt në Stralsund të Gjermanisë. Siç dihet karateistët tanë në këtë kampionat i fituan 12 medalje (5 të arta, 4 të argjendta dhe 3 të bronzta) dhe u radhit në vendin e dytë me vetëm dy medalje më pak se i pari.
Ndërkaq, sa i përket pesë anëtarëve të përfaqësueses së Kosovës për të cilët flitet se kanë kërkuar azil në Gjermani, Besim Hasani, nënkryetar i FKK-së tha se karateistët Nazmi Gashi, Skender Berisha, Yll gashi, Zekë Nuredini dhe Flamur Hasani për shkaqe të panjohura nuk morën pjesë në garat e parapara për ditën e tretë në Kampionatin Botëror, duke shprehur shqetësimin e tij për këtë rast. Të gjithë këtyre karateistëve z. Hasani tha se u është shqiptuar masa ndëshkimore "Shikaku", por Bordi do të shqyrtojë edhe mundësinë e përjashtimit të tyre të përjetshëm nga karateja, tha ai.
Në këtë koferencë ishte i pranishëm edhe prindi i Zekë Nuredinit, Muharremi, i cili ishte i shqetësuar për fatin e të birit të tij dhe pyeti nënkryetarin e FKK-së Besim Hasanin se ku e ka djalin. Ndërkaq z.Hasani iu përgjigj se nuk di gjë për të dhe për shkaqet përse mbetën ata në Gjermani, , por tha se edhe ai është i shqetësuar.
Lidhur me kërkesën e delegacionit të Kosovës për të qenë nikoqir i Kampionatit Evropian në vitin 2005, z.Hasani tha se për këtë vendimi do të merret në dhjetor 2002 në mbledhjen e Bordit të WSKF-së

Koloneli Ahmeti beson se SHPK do të jetë shembull i policive në rajon
PRISHTINË 23 tetor 2002 - Shërbimi Policor i Kosovës (ShPK) brenda një kohe të shkurtër do të bëhet një institucion modern dhe prefesional i sigurisë në Kosovë dhe do të krijojë mbrojtje dhe lëvizje të lirë për të gjithë qytetarët e saj, tha kolonel Sheremet Ahmeti, këshilltar i komesarit ndërkombëtar të policisë për ShPK-në, në një intervistë për KosovaLive.

E marte, 22 tetor, 2002
NATO do të vendosë së kush do të jenë anëtarët e rinj të saj

Uashington, 22 tetor 2002 Time: 16:35

Sekretari i Përgjithshëm i NATO-s, Xhorxh Robertson, tha në Uashington se vendet anëtare të NATO-s do të vendosin brenda pak javësh se cilat nga 9 vendet kandidate do të pranohen të parat si anëtare të reja të aleancës.
Sipas Robertsonit, njoftimi do të bëhet para takimit të nivelit të lartë të NATO-s në Pragë, i cili do të mbahet në fund të muajit nëntor.
Robertson që po qëndron në Uashington, pas bisedimeve që zhvilloi me presidentin Bush, tha se 19 vendet anëtare të NATO-s nuk do të marrin një vendim përfundimtar derisa të bëhet e qartë se cili do të jetë ndikimi i çdo vendi në aftësitë ushtarake të NATO-s.
Siç dihet, vendet kandidate për anëtarësim në NATO janë: Shqipëria, Bullgaria, Estonia, Letonia, Lituania, Maqedonia, Sllovakia, Sllovenia dhe Rumania.

Del Ponte: Aktakuza e parë në fund të këtij viti

Prishtinë, 22 tetor 2002 Time: 15:51
Kryeprokurorja e Tribunalit të Hagës, Karla del Ponte, tha të martën se njëra nga tri aktakuzat që u adresohen shqiptarëve të Kosovës për “krime lufte” do të ngritet në fund të këtij viti, ndërkohë që dy të tjerat në vitin që vjen.
“Unë po marrë përgjegjësi të madhe t’ju them se po bëhemi gati me tri aktakuza, që hetojnë rastet në Kosovë. Më duhet të them se nëse gjërat do të shkojnë ashtu siç duhet, besoj se do të jemi gati me aktakuzën e para para fundit të këtij viti, kurse dy të tjerat vitin e ardhshëm”,- kështu është shprehur kryeprokurorja e TPI-së, Karla del Ponte.
Ajo i bëri këto komente të martën në Prishinë gjatë qëndrimit të saj këtu, pasi që më parë kishte vizituar Tiranën dhe Beogradin. Del Ponte në Prishtinë është takuar me kryedministratorin ndërkombëtar për Kosovën, Mihajl Shtajner, dhe me komandantin e KFOR-it, Faboi Mini.
Mihaj Shtajner tha se në këtë takim është biseduar për bashkëpunimin e vazhdueshëm me gjykatën, por që edhe janë shkëmbyer pikëpamjet e tyre përkitazi me tri rastet, ndërkohë që, sipas tij, pikëpamjet e të dy palëve ishin të njëjta.
“Kemi biseduar për bashkëpunimin në vazhdimësi me gjykatën dhe mund të them se raportet tona të punës me gjykatën janë të shkëlqyeshme.
Dua të them me vendosmëri se ne kemi pikëpamje të njëjta, që drejtësia nuk është e verbër. Në Kosovë po zbatojmë sundimin e ligjit dhe shtetit ligjor, e kjo do të thotë se askush nuk do të jetë mbi ligjin, dhe gjithashtu duhet t’i përmbahemi udhëzimeve gjyqësore”,- ka pohuar Shtajner.
Më 19 prill, kryeprokurorja e TPI-së, Karla del Ponte, ishte në Kosovë dhe për herë të para ajo pohoi se gjykata ndërkombëtare është duke i hetuar tri raste që i adresohen palës shiptare të Kosovës, dhe në atë kohë ajo kishte thënë se aktakuza do të ngritet në shtator të këtij viti.
Por, znj.Del Ponte tha se po ballafaqohen me disa vështirësi, të cilat, sipas saj, janë ato që dëshmitarët nuk janë në gjendje që të vërtetojnë pohimet e tyre të mëhershme. “Hetimet deri më tani nuk kanë shkuar mbrapshtë, por kemi pasur disa vështirësi, dhe ato janë frika e dëshmitarëve për të vërtetuar atë që e kanë thënë më përpara e veçmas që të dalin në gjykatë si dëshmitar. Megjithatë, ne duhet të sigurojmë që të bëjmë drejtësi dhe se kërcënimet nuk do të na pengojnë në arritjen e rezultateve”,- ka thënë Del Ponte.
Ajo tha se i është mirënjohëse KFOR-it dhe UNMIK-ut për përkrahjen e plotë që i kanë dhënë domosdoshmërisë për bashkëpunim.
“Dua të them se nëse vij rregullisht këtu, kjo është një tregues dhe shenjë se nevojitet bashkëpunimi. Kjo do të thotë se ne nuk e kemi kryer punën tonë për hetime për ngritjen e aktakuzave. Por, në strategjinë tonë kemi përpunuar programin dhe shpresojmë se hetimet tona do t’i mbarojmë deri në fund të vitit 2004”,- tha Del Ponte, ndërkohë që tërhoqi vëmendjen se të gjitha palëve në Ballkan u kanë kërkuar që të bashkëpunojnë ngushtë me Gjykatën, që deri në fund të viti 2004 të mbarojë programi i tyre hetimor për rastet në Ballkan.
“Programi im duhet të plotësohet, të përmbushet, që do të thotë se ne duhet ta shpejtojmë punën tonë dhe në momentin kur unë nuk do të vij në Kosovë shpresoj se puna ime është kryer apo ka përfunduar”,- theksoi ajo.
Karla del Ponte në fundjavë ka qëndruar në Tiranë, të hënën vizitoi Beogradin, ndërkaq pas qëndrimit të saj në Prishtinë ajo do të udhëtojë për në Sarajevë dhe Zagreb.

Kuvendi do të shqyrtojë Projektligjin për tregti të jashtme

Prishtinë, 22 tetor 2002 Time: 12:55
Kryesia e Kuvendit të Kosovës vendosi që në seancën e ardhshme të Parlamentit të shqyrtohet Projektligji për tregti të jashtme.
Shefi i zyrës për informim pranë Kuvendit, Sherif Konjufca, tha se në këtë mbledhje u vendos që në seancën e ardhshme të Parlamentit të bëhet shqyrtimi i dytë i Projektligjit për tregti të jashtme.
Sipas Konjufcës, në Parlament kanë arritur edhe tri ligje tjera dhe pritet që dhe ato të shqyrtohen në mbledhjen e ardhshme plenare. Këto janë Ligji për Mjedisin, për Telekomunikacionin dhe Ligji për Inspektimin e punës.
Konjufca tha se në mbledhje mori pjesë edhe komisionerja e komisionit të pavarur për media, Ana Dilelio, e cila dha një informacion për punën e komisionit të saj dhe propozoi ide të ndryshme për bashkëpunim me Kuvendin.
Gjithashtu, Kryesia e Kuvendit vendosi që seanca plenare të mos mbahet të enjten e ardhshme, për shkak të fushatës zgjedhore, si dhe shqyrtoi një varg kërkesash dhe parashtresash të qytetarëve dhe institucioneve të Kosovës.

Haradinaj përgëzoi karateistët kosovarë për suksesin në Stralsund

Prishtinë, 22 tetor 2002 Time: 12:39

”Në emër të Aleancës për Ardhmërinë e Kosovës dhe në emrin tim personal, kam kënaqësinë t’jua uroj sukseset e mëdha të reprezentuesve te karatesë së Kosovës në Kampionatin Botëror të karatesë, të mbajtur ne Stralsund të Gjermanisë”. Kështu ka uruar të martën në telagramin e tij drejtuar Fedratës Kosovare të Karatesë, kryetari i AAK-së, Ramush Haradinaj, pas suksesit të madhe që karatesitët kosovarë korrën javën e kaluar në Stralsund.
Me këto suksese, ju e afirmuat edhe më shumë Kosovën dhe sportin kosovar në rrugën e gjatë të ndërkombëtarizimit të sportit kosovar dhe në afirmimin e Kosovës në arenën ndërkombëtare, thuhet në telegramurimin e AAK-së.
”Ju jam mirënjohës për kontributin dhe fuqishëm do të qëndrojmë pranë jush drejt fitoreve të reja”, përfundon telegrami i nënshkruar nga kryetari i kësaj partie politike, Ramush Haradinaj.
Në kampionatin e fundit botëror të karatesë, në Stralsund të Gjermanisë, nga gjithsej 12 medalje që fituan karateistët kosovarë, pesë prej tyre ishin të arta, katër të argjendta dhe tri të bronzta.

Shrëder u rizgjodh kancelar edhe për një mandat katërvjeçar
Berlin, 22 tetor - Gerhard Shrëder sot u zgjodh në parlamentin gjerman edhe për një mandat të dytë katërvjeçar. Pas një votimi të fshehtë në seancën e sotme politikani 58-vjeçar socialdemokrat fitoi 305 nga 599 vota e deputetëve të Bundestagut. Ky votim tregoi se Shrëder nuk arriti të sigurojë të gjitha votat nga koalicioni kuq e gjelbër që kryeson. Për të siguruar shumicën e nejoshme në parlament kancelarit i nevojiteshin 302 vota. Kështu Shrëder nori 5,9 për qind të votave. Kabineti i tij do të ketë vetëm 14 ministra

Karla Del Ponte i dorëzoi Beogradit zyrtar tri padi për masakrimin e më shumë se 7000 muslimanëve të Bosnjes
Beograd, 22 tetor - Kryeprokurorja e Tribunalit të Hagës Karla Del Ponte gjatë vizitës së djeshme në Beograd i dorëzoj qeverisë jugosllave tri padi për masakrimin e më shumë se 7000 muslimanëve të Bosnjes në vitin 1995 në qytetin e Srebrenicës. Zonja Del Ponte ka kërkuar nga zyrtarët serbë që të arrestojnë të kërkuarit për krime lufte në mesin e të cilëve edhe Ratko Mlladiqin, ish-komandant i serbëve të Bosnjes gjatë kohës së luftës. Karla Del Ponte nuk pranoi të jepte emrat e personave të akuzuar për krime lufte. Mirëpo më vonë mediat serbe kanë njoftuar se të akuzuarit janë ish-eprorë dhe komandantë të ushrtisës së serbëve të Bosnjes, nëntogeri Dragan Nikoliq, nënkoloneli Vujadin Popoviq dhe koloneli Lubisha Dearas të cilët kanë punuar në Shërbimin e Sigurimit në Shtabin e përgjithshëm të ushtrisë serbe të Bosnjes. Ata akuzohen për gjenocid kundër njerëzimit dhe shkeljen e ligjeve dhe normave të luftës.
Ministri Svilanoviq pas takimit me zonjën Karla del Ponte vuri në dukje se qeveria federale ka mundësuar që 14 persona të transportohen në Hagë për të dalë para gjyqit. Ai shtoi se në listën e atyre që i kërkon Tribunali i Hagës gjenden edhe 13 veta.

E hënë, 21 tetor, 2002

Ministrat e jashtëm të BE-së bënë thirrje për dalje në zgjedhje në Kosovë
Luksemburg, 21 tetor - Ministrat e jashtëm të Bashkimit Evropian u bënë thirrje sot, në takimin e Luksemburgut, të gjithë qytetarëve të Kosovës që të dalin në zgjedhjet lokale të 26 tetorit.

Shqiptarët janë realitivisht të kënaqur me rezultatin e djeshëm zgjedhor në Mal të Zi
Podgoricë, 21 tetor - Fuad Nimani, kryetar i Unionit Demokratik të Shqiptarëve, është shprehur relativisht kënaqur me rezultatin zgjedhor të koalicionit "Shqiptarët bashkë", i cili në zgjedhjet e djeshme në Mal të Zi ka fituar 2 prej 4 mandateve të mundshme në parlamentin e ri malazez. "Jemi relativisht të kënaqur. Kemi pritur tri mandate, por duhet të jemi të kënaqur me atë që kemi fituar në legjislaturën e re të parlamentit", ka thënë z.Nimani për mediat malazeze. Ai ka vlerësuar pozitivisht thirrjen e presidentit malazez Milo Gjukanoviq që shqiptarët të hynë në qeverinë e re dhe t'u caktohen resorët. Nimani e ka çmuar të mençur gjestin e Gjukanoviqit, sepse siç është shprehur, "në Evropë nuk mund të shkohet pa shqiptarët në përbërjen e qeverisë së re".
Por në një prononcim tjetër Nimani ka shprehur habinë sesi elektorati shqiptar për 12 vjet nuk është vetëdijësuar dhe nuk është ndërgjegjësuar për të qenë pranë subjekteve nacionale shqiptare. Por, ai ka kritikuar edhe subjektet shqiptare që nuk kanë punuar sa duhet me trupin zgjedhor shqiptar.
Ndërkaq përfaqësuesi i LD në Mal të Zi Nikollë Camaj e konsideron sukses arritjen e dy mandateve.
Osman Rexha, lider i PPD-së, thotë se kjo ka qenë e papritur dhe koalicioni shqiptar është dashur të japë rezultate më të mira.

Në Kampionatin Botëror të karatesë kosovarët fituan 12 medalje
Stranslund, 21 tetor - Në Kampionatin Botëror të karatesë i cili po zhvillohet në qytetin Stranslund të Gjermanisë po marrin pjesë edhe krateistët e Kosovës. Karatesitët kosovarë shkëlqyen në këtë kampionat duke i fituar deri më tani 12 medalje: 5 të arta, 4 të argjendta dhe 3 të bronzta.

Fituesit e medaljeve të arta:
1. Kaltrinë Smajli, 13-14 vjeçare (Ipon)
2. Erëblin Bucaliu, 13-14 vjeçare (Ipon)
3. Kaltrina Krasniqi, 15-16 vjeçare(Ipon)
4. Marigona Behadini, 17-18 vjeçare (Iliria)
5. Ekipi i femrave (senioret)

Fituesit e medaljeve të argjendta:
1. Jetmir Rexhepi, 13-14 vjeçare (Iliria)
2. Ardiana Rexhepi, 15-16 vjeçare (Iliria)
3. Besart Vitia, 17-18 vjeçare (Iliria)
4. Valbona Neziri17-18 vjeçare (Iliria)

Fituesit e medaljeve të bronzta:
1. Fatmire Rexhepi, 17-18 vjeçare (Iliria)
2. Marigona Behadini, seniore (Iliria)
3. Luljeta Shala, seniore (Prishtina)

E hënë, 14 tetor 2002

Sindikata: Greva e mësuesve vazhdon derisa 44 eurot t’u shtohen pagave; sot grevoi edhe Universiteti

PRISHTINE, 14 tetor - Sindikata e Bashkuara e Arsimit, Shkencës e Kulturës tha se greva e mësimdhënësve do të vazhdojë derisa Qeveria e Kosovës të garantojë se paga shtesë prej 44 eurosh të përshihet në bazën e pagës mujore dhe se do të bëhet nivelizimi i pagave të shërbimeve publike. Sot, në një grevë njëditëshë, hynë edhe një pjesë e mësimdhënësve të universitetit. Nënkryetari SBASHK-ut, Ali Shabani, duke vlerësuar se qeveria është përgjegjëse për gjendjen e rëndë të arsimit, deklaroi se greva do të vazhdojë derisa nuk arrihen rezultate konkrete. Ndërsa sipas kryetarit të sindikatës së pavarur të Universitetit të Prishtinës, Zhafer Xhaferit, mësimdhënësit universitarë e bënë sot grevën njëditëshe, në shenjë pakënaqësie me pozitën e tyre materiale. Greva e mësimdhënësve të shkollave fillore e të mesme ka filluar para 14 ditësh. Përkrahje njëditore për grevën e arsimtarëve të shkollave fillore dhe të mesme të organizuar nga SBASHK-u ka ardhur në ditën e 14-të edhe nga ana e Fakultetit të Xehetarisë dhe Metalurgjisë në Mitrovicë. FXM ka mbajtur sot një grevë njëditore në solidarizim të kërkesave të mësimdhënësve, që kërkojnë ngritjen e pagave, thanë disa nga profesorët në këtë Fakultet. Ndërkaq, dekani i këtij Fakulteti, prof.dr.Shefqet Ibrahimi, tha se “nesër mësimi në këtë institucion do të vazhdojë normalisht dhe kjo ishte vetëm një shprehje e solidaritetit”.

Komisioni bipartizan: Gjoba për gazetarët që japin informacionet të rreme në zgjedhje

TIRANE, 14 tetor 2002 - Komisioni bipartizan për çështjet zgjedhore, ka diskutuar sot lidhur me verejtjet e OSBE-së dhe ODHIR-it për rolin e mediave gjatë zgjedhjeve. Komisioni ka vendosur që të përfshihet në Kodin Zgjedhor, një amendament që parashikon gjoba për gazetarët, të cilët japin informacione të paverteta. Gjatë debatit të zhvilluar në komision, botuesi dhe deputeti Nikollë Lesi, u shpreh kundër këtij ligji, sepse sipas tij kjo është në kundërshtim me ligjet e tjera. Lesi tha se askush nuk ka kompetencën për të gjykuar vërtetësinë e informacioneve, që emetojnë mediat. Disa anëtarë të tjerë sugjeruan, që informacionet të gjykohen nga Komisioni Qendror i Zgjedhjeve.

Suspendohet drejtori i Postave Adnan Merovci

PRISHTINE, 14 tetor 2002- Drejtori i Postave të Kosovës, Adnan Merovci u suspendua sot nga puna përmes linjes telefonike në kohën ishte në një udhëtim rutinor në Mitrovicë. Sipas prononcimit të Merovcit drejtoresha gjenerale e Post-Telekomit të Kosovës Leme Xhema së bashku me punëtorë të sigurimit kishin bllokuar zyrën si dhe i kishin larguar nënpunësit e tij nga puna. E vetmja dëshmi në lidhje me suspendimin e tij nga puna ishte një letër e lënë në zyrën e tij të cilën ende nuk e kishte parë. Merovci deklaroi për gazetarët se në bazë të letrës, nga ky moment është i suspenduar nga vendi i tij i punës, vendim ky i marrë nga një i ashtuquajtur Panel i Agjencisë për Mirëbesim. Gjithnjë sipas fjalëve të Merovcit, vendimi në fjalë nuk do të pranohet nga ana e tij si një vendim juridik. “Unë do të jem i lumtur nëqoftëse largimi im nga puna dërgon në rrugë të mbarë luftën kundër parregullsive që janë bërë dhe po bëhen nëpër kompani dhe institucione, parregullsi këto që tanimë e kanë kapluar Kosovën”, deklaroi në fund Merovci.
Nga ana tjetër Agjencia Kosovare e Mirëbesimit në një komunikatë të vetën thekson se “Merovci është suspenduar për shkak të mospërfilljes së obligimeve të caktuara nën kontratën e tij të punësimit dhe për shkak të shkeljeve të udhëzimeve të Bordit të PTK-së”. “AKM-ja dëshiron të theksojë se Adnan Merovci nuk është shkarkuar nga pozita e tijë, por ai është suspenduar”, tha AKM. Sipas saj, AKM-ja mban të drejtën ligjore për të realizuar këtë çështje me Rregulloren e 13 Qeshorit 2002 cila themelon Agjencinë Kosovare të Mirëbesimit.

KFOR do të bëjë hapjen e dy pikave kufitare me Shqipërinë

Prizren, 14 tetor 2002 Time: 14:32

KFOR-i do të bëjë hapjen zyrtare të dy pikave kufitare në komunën e Sharrit, përkatësisht në Shishtavec dhe Orqush, që gjenden në vijën e kufirit Kosovë-Shqipëri, njoftuan zyrtarë të BSHJ në Prizren.
Zëdhënësi i BSHJ, nënkoloneli Sodenkamp, tha të hënën, në konferencën e rregullt për shtyp, se të mërkurën, në brezin kufitar në Sharr, do të hapen dy pika të reja kufitare nga Kosova në Shqipëri, me qëllim të parandalimit të kalimeve ilegale të kufirit, si dhe për shkak të vizitave të shpeshta familjare.
Këto pika hapen me iniciativë të kësaj brigade dhe të Ministrisë së Jashtme të Shqipërisë.
Sipas zëdhënësit, këto vendkalime nuk do të jenë të hapura non stop, por do të funksionojnë sipas këtij orari: Gjatë stinorit veror këto dy pika kufitare, që janë larg njëra- tjetres 16 kilometra do të funksionojnë prej orës 8 - 10 (paradite), ndërkaq pasdite prej orës 14 - 19, kurse në stinorin dimror këto vendkalime do të funksionojnë prej orës 8 - 10 paradite, si dhe prej orës 14- 16 pasdite.
Sondenkamp ka thënë se njerëzit që do të kalojnë kufirin nëpër këto pika kufitare duhet të jenë të pajisur me pasaporta apo letërnjoftime nga të dy anët e kufirit.

FXM i jep përkrahje njëditore grevës së SBASHK

Mitrovicë, 14 tetor 2002 Time: 14:36
Përkrahje njëditore për grevën e arsimtarëve të shkollave fillore dhe të mesme të organizuar nga SBASHK-u ka ardhur në ditën e 14-të edhe nga ana e Fakultetit të Xehetarisë dhe Metalurgjisë në Mitrovicë.
FXM, të hënën, ka mbajtur një grevë njëditore në solidarizim të kërkesave të mësimdhënësve, që kërkojnë ngritjen e pagave, thanë disa nga profesorët në këtë Fakultet.
Ndërkaq, dekani i këtij Fakulteti, prof.dr.Shefqet Ibrahimi, tha për Kosovapress-in se “nesër mësimi në këtë institucion do të vazhdojë normalisht dhe kjo ishte vetëm një shprehje e solidaritetit”.

Negociatat për qeverinë, BDI: O Ministrinë e Mbrojtjes, o bojkotim

Shkup,14 tetor 2002 Time: 14:51

Pasditen e sotme pritet vazhdimi i bisedimeve për krijimin e qeverisë së Maqedonisë, ndërmjet koalicionit të Branko Cërvenkovskit dhe BDI-së së Ali Ahmetit, ku pritet të bisedohet për emrat e ministrave dhe ndarjen e resorëve të ekzekutivit.
Ndërkohë që dje grupet negociuese të këtyre dy fituesve të zgjedhjeve të shtatorit nuk janë takuar, siç pritej, për arsye se në të njëjtën kohë zhvillohej mbledhja e kryesisë së zgjeruar të BDI-së, burime të afërta me negociatorët kanë thënë se bisedimet pritet të përfundojnë sonte.
Kryesia e zgjeruar e BDI-së, dje ka vendosur që përpos resorëve të tjerë të caktuar të qeverisë, është këmbëngulëse të marrë edhe Ministrinë e Mbrojtjes, në të kundërtën, sipas tyre, ata nuk do të marrin pjesë në qeverinë e re, gjë që do të shkaktonte krizë qeveritare në Maqedoni.

Botë:

Ministri i mbrojtjes i Indonezisë ka fajësuar Al Kaidën dhe aleatët e saj ekstremistë vendorë për sulmin në Bali
Bali, 14 tetor 2002 - Ministri i mbrojtjes i Indonezisë ka fajësuar sot (të hënën) Al Kaidën dhe aleatët e saj ekstremistë për sulmin masiv me bombë në klubin e natës në ishullin e pushimeve Bali, me ç'rast u vranë mbi 180 njerëz, njofton AP.
"Ne jemi të sigurt se Al Kaida është këtu. Shpërthimi në Bali është i lidhur me Al Kaidën në bashkëpunim me terroristët vendorë", ka thënë Matori Abdul Xhalil pas mbledhjes së kabinetit qeveritar në Xhakartë. Ai, njëherësh, ka shprehur frikën për sulme të tjera të terroristëve. Në ndjekjen e sulmuesve janë angazhuar detektivët e FBI-së dhe ata australianë.

Sport:

Kombëtarja e futbollit niset drejt Rusisë, pasnesër takimi i dytë eliminator

TIRANE, 14 tetor - Kombëtarja shqiptare e futbollit niset sot drejt Rusisë, ku të mërkurën do të ndeshet me ekipin vendas në kuadër të takimeve për eliminatoret e kampionatit europian 2004. Djemtë e trajnerit italian Xhuzepe Dosena shpresojnë për një paraqitje akoma më dinjitoze se në ndeshjen e së shtunës, ku kuqezinjtë barazuan me Zvicrën, permes golit te mrekullueshëm të shënuar nga Edvin Murati.

E shtune 12 tetor 2002

Njomza Rozhaja - bukuroshe e Kosovës për vitin 2002
Prishtinë, 12 tetor 2002 - Njomza Rozhaja (18) nga Peja, mbrëmë është shpallur bukuroshja e Kosovës për vitin 2002, e cila do ta përfaqësojë Kosovë në Miss Bota në Nigeri.
Në konkurs të bukurisë, të cilin e sponsoroi Ministria e Kulturës e Kosovës, konkurruan 24 vajza. Ky spektakël u transmetua mbrëmë direkt nga TV Kosova.

Pjesëmarrësit e panairit të kënaqur me mënyrën e organizimit

Prishtinë, 12 tetor 2002 Time: 16:14
Më shumë se 80 firma prodhuese nga Kosova dhe shtetet fqinje po marrin pjesë në panairn ndërkombëtar “AGROKOS”, që është hapur dje në Prishtinë.

KFOR i siguron qytetarët për përkushtim të mëtutjeshëm

Prishtinë, 12 tetor 2002 Time: 14:55
Misioni i NATO-së në Kosovë, KFOR, ripërsëriti edhe njëherë se edhe përkundër zvogëlimit të trupave të saj këtu, ai prapë do të vazhdojë të ketë të njëjtin përkushtim për qytetarët e Kosovës ashtu sikurse edhe më parë.

Nga 1 deri më 15 nëntor fillon regjistrimi i popullatës në IRJM

Shkup, 12 tetor 2002 Time: 14:25
Në organizim të Entit Shtetëror për Statistikë dhe Komisionit shtetëror për regjistrim, në Maqedoni, që nga data 1 deri 15 të muajit të ardhshëm, do të fillojë regjistrimi i popullatës.

Vërshime në Pejë, Lumi i qytetit pushtoi “Korzon”

Pejë, 12 tetor 2002 Time:12:15
Vërshimet kanë përfshirë edhe pjesën perëndimore të Kosovës. Mbrëmë shirat e mëdha në Rrafshin e Dukagjinit më së rëndi kanë goditur Pejën, si rezultat i të cilave shëtitoren e mbrëmjes në qendër të qytetit, e ka “pushtuar” Lumi i Pejës.-njofton shkurt kosovapress ndërsa Qik-u bën me dije se:

Përmbytje të mëdha në Pejë e në fshatra, shkatërrohen ose dëmtohen disa ura në rrugët ndërurbane
Pejë, 12 tetor 2002 - Që nga mbrëmë qytetin e Pejës dhe shumë fshatra të kësaj komune i ka përfshirë një shi i madh, ndërsa lumenjtë e përrenjtë kanë dalë nga shtrati i tyre, duke përmbytur dhe duke shkaktuar dëme të shumta. Siç i deklaroi QIK-ut Gani Krasniqi, drejtor i Komitetit të Emergjencës në Kuvendin Komunal të Pejës, ekipet janë në terren që nga mbrëmë, në orën 23,00, duke u përpjekur që t'i dalin përballë përmbytjeve të mëdha. Ai na tha se këto ekipe kanë punuar gjithë natën dhe vazhdojnë edhe sot punën për të ndalë përmbytjet e mëtutjeshme. Zoti Krasniqi tha se disa ura, si ajo që lidh Pejën me Istogun, në fshatin Dubovë është shkatërruar. Poashtu, ura në mes të Pejës dhe Deçanit, në fshatin Vranoc, është dëmtuar seriozisht, edhe pse për ndërtimin e saj kohë më parë janë dhënë mjete të mëdha materiale. Bëhet me dije se edhe ura Kuqishtë-Bogë është e rrezikuar, kurse në kilometrin e 12 të rrugës Pejë-Rugovë, rruga është dëmtuar dukshëm nga lumi e të reshurat e mëdha.
Ndërkaq, në qytetin e Pejës ura e Gegiqëve ka rrezik të shembet plotësisht.
Fshatrat, poashtu kanë pësuar shumë nga përmbytjet e lumenjve Drini i Bardhë dhe Bistrica. Kështu, Drini rrezikon fshatrat Radavc, Ozdrim, Dubovë, ku tashmë ka shkaktuar dëme të mëdha, ndërsa përrenjtë kanë vërshuar Jabllanicën e Vogël.
Drejtori i Emergjencës u bën thtirrje qytetarëve që të mos lëvizin me automjete, sepse shumë ura paraqesin rrezik permanent.
Komiteti i Emergjencës, thotë z.Krasniqi, ka eliminuar disa mundësi të rreziqeve të shtuara nga përmbytja, përmes hapjes së kanaleve të ndryshme, është intervenuar në disa lagje të qytetit, sidomos në katet e para që janë përmbytur në rrugën Hazhi Zeka, në rrugën drejt Spitalit, asaj te Sahatkulla, në pjesët periferike të qytetit etj. Ndërkohë, thuhet se disa ura dhe rrugë janë zhbllokuar. Edhe pse z.Krasniqi thotë se gjendja në Pejë dhe në fshatra është nën kontroll, ujërat e shtuara të dy lumenjve të rrëmbyeshëm rrezikojnë seriozisht pjesë të tëra të qytetit dhe fshatrat e Pejës, sepse shirat ende bien kurse lumenjtë vazhdojnë të rriten.
Pasojat e përmbytjeve janë të mëdha, shumë njerëz kanë mbetur në qiell të hapur, pa strehë. KFOR-i dhe TMK-ja poashtu janë duke bërë përpjekje që gjendje të zbutet. Thuhet se të gjitha strukturat komunale dhe qytetarët janë mobilizuar tërësisht për të evituar pasojat e këtyre përmbytjeve.

Loja spektakulare e “drejtësisë” ndërkombëtare në raport me Ivanoviqin

Prishtinë, 12 tetor ( nga Kosovapress) Time: 12:10
Autoritetet ndërkombëtare në Kosovë i besuan një videoinçizimi të një agjencie ndërkombëtare të lajmeve më shumë se videoinçizimve të veta dhe si rezultat i kësaj, ata ia zbutën akuzën liderit ekstremist të sërbëve të veriut të Mitrovicës, Millan Ivanoviq, nga ajo për tentim vrasje, në atë për nxitje trazirash....më gjërësisht...më gjërsisht

Panairi i Frankfurtit: Dhjetë shtëpi botuese shqiptare dhe 400 tituj

Prishtinë, 12 tetor 2002 Time: 11:51
Në Panairin e 54-të Ndërkombëtar të Librit në Frankfurt, i cili do të qëndrojë i hapur deri më 14 tetor, janë prezantuar rreth 400 tituj të librave nga Shqipëria, ka transmetuar ATSH-ja. Libri shqip, me botime kryesisht të këtij viti, prezantohet nga disa shtëpi botuese shqiptare, si “Toena”, “Onufri”, “Afërdita” etj.

IDERK: Me 37.6 për qind, Limaj i lë dukshëm pas dy kundërkandidatët e tij

Prishtinë, 12 tetor 2002 ( nga Kosovapress) Time: 11:40
“37.6 përqind të opinioneve të prezantuara të prishtinasve në projektin e Institutit për Demokraci e Relacione Etnike të Kosovës (IDERK), janë për votimin e Fatmir Limajt nga PDK-ja, për kryetar të Prishtinës, 25.9 përqind pro kandidatit të LDK-së, Ismet Beqiri dhe 14.8 përqind pro kandidatit të AAK-së, Jonuz Salihaj”, është bërë e ditur në raportin mbi projektin “Sa ishin qytetarët prishtinas të kënaqur me administratën lokale”.

E enjte 10 tetor 2002

SBASHK nesër me qëndrim konkret për vazhdimin ose ndërprerjen e grevës

Prishtinë, 10 tetor 2002 Time: 17:45
Pas vendimit të Qeverisë së Kosovës që të ndajë 5 milionë euro për arsimin dhe shëndetësinë, për nesër SBASHK-u ka ftuar mbledhjen e koordinatorëve rajonalë, në të cilën do të analizohet ky vendim.
SBASHK-u do të dalë me vendimin e vet mbi vazhdimin ose jo të grevës pas këtij takimi, që cilësohet si i rëndësishëm.
Megjithëse ende nuk ka arritur vendimi përkatës i Qeverisë, SBASHK-u e konsideron si hap të vullnetit të mirë për të ndarë një shumë mjetesh për punëtorët e arsimit, mirëpo një vendim i tillë nuk mjafton, sepse, sipas zyrtarëve të SBASHK-ut, është i paqartë dhe i padrejtuar si duhet.
”Nuk është e qartë nëse është ngritje pagash apo zgjidhje momentale, andaj për këtë sot në takimin që kemi pasur me këshilltarin e kryeministrit kemi kërkuar që ky vendim t’na jepet me shkrim në formën zyrtare, që pastaj të shqyrtohet dhe të mirret vendim konkret”,- ka thënë Zenel Zeka, sekretar i Përgjithshëm i SBASHK-ut.
Një ofertë e tillë nuk është për t’u nënçmuar, por ne ende nuk e kemi thënë fjalën tonë,- thonë në SBASHK.
“Ky propozim dhe qëndrim nuk ka garancë për realizimin e tij, megjithatë përherë të parë kemi një ofertë serioze”, -ka thënë Zeka.

Është liruar nga burgu Ruzhdi Saramati, epror i TMK-së

Prizren 10 tetor 2002 Time: 13:22
Burime të Kosovapressit bëjnë të ditur se është liruar nga burgu eprori i TMK-së, Ruzhdi Sramati, i cili ishte dënuar nga nga gjyqtarët ndërkombëtarë të Gjykatës së Qarkut në Prizren, me 5 vjet heqje lirie.
Ai ishte akuzuar për tentim vrasje të një polici serb, në vitin 1992. Ruzhdi Saramati gjatë luftës ka qenë komandant i Brigadës 128 të Zonës Operative të Pashtrikut të UÇK-së. Pas luftës, edhe në momentin kur ishte arrestuar, ka qenë në detyrën e komadantit të Brigadës 324 “Sali Sarmati”, në Zym të Sharrit.
Ruzhdi Saramati është liruar në mbrëmjen e të së mërkurës, pas një fletëlëshimi që e ka pranuar nga Gjykata e Qarkut e Prizrenit. Deri në këto momente nuk ka të dhëna të sakta për arsyet e lirimit të tij.

Pas lirimit të Ivanoviqit, pritet “recetë” e njëjtë edhe për katër serbë

Mitrovicë, 10 tetor 2002 Time: 15:10
Ekstremisti serb dhe i ashtuquajturi kryetar i Këshillit Nacional Serb, Milan Ivanoviqi, mbrëmë rreth orës 22 është lëshuar të mbrohet në liri, ndërkaq është dorëzuar kaucion prej 10.000 eurosh, është njoftuar sot nga disa burime. Lirimin e Ivanoviqit e ka pritur mbrëmë para Gjykatës edhe Nebojsha Çoviq, që ka shprehur kënaqësi për mbrojtjen e Ivanoviqit në liri, duke e quajtur si një sukses të tij.

KMDLNJ: Lirimi i Ivanoviqit - shkelje e të drejtave nga ndërkombëtarët
Mitrovicë, 10 tetor 2002 Time: 17:12
Rasti i Milan Ivanoviqit për kryetarin e Gjykatës së Qarkut në Mitrovicë ka qenë një e panjohur, për udhëheqjen komunale një befasi, ndërkaq për Këshillin për Mbrojtjen e të Drejtave të Njeriut një shkelje e të drejtave nga ana e ndërkombëtarëve.
Ky është komenti më i shkurtër i reagimeve, që lidhen me lirimin e ekstremistit serb, Milan Ivanoviq, pas një farse gjyqësore, që ka përfunduar mbrëmë në Gjykatën e Qarkut në Mitrovicë.
Kryetari i Gjykatës së Qarkut në Mitrovicë, Kapllan Baruti, tha se më të nuk është konsultuar askush, nuk është njoftuar dhe nuk është informuar për asgjë, edhe pse e tërë kjo procedurë zhvillohet në kuadër të Gjykatës së Qarkut në Mitrovicë.
Ai ka thënë se asgjë nuk din për rastin e Milan Ivanoviqit dhe pas marrjes së tij në pyetje.
“E tërë procedura është në duar të autoriteteve ndërkombëtare. Unë asgjë nuk di për këtë rast dhe as që më ka konsultuar e njoftuar kush, as para marrjes në pyetje, as pas lirimit për t’u mbrojtur në liri, prandaj edhe nuk kam se çka të them”, - deklaroi të enjten Baruti.
Në anën tjetër, kryetari i Këshillit për Mbrojtjen e të Drejtave dhe Lirive të Njeriut në Mitrovicë, Halit Barani, tha se me lirimin e Milan Ivanoviqit u vërtetua se tentim-arrestimi i 8 gushtit nga policia ndërkombëtare ka qenë një fars për t’i hedhë hi syve një pjese të ndërkombëtarëve që detyrat që u janë besuar i kryejnë me nder, e gjithsesi është për t’i hedhur hi syve edhe shqiptarëve.
“Vetë lirimi i Ivanoviqit nga gjyqtari hetues tregon se një pjesë e gjyqtarëve dhe prokurorëve ndërkombëtarë, jo rrallë i kanë priviligjuar serbët, që kanë ushtruar dhunë në popullsinë joserbe, e them këtë për arsye se ndërkombëtarët për rastin e Milan Ivanoviqit, që ai ka hedhur dy bomba në policët polakë me 8 prill, ata vetë janë deklaruar se kanë video- inçizime, dhe patën thënë se kanë prova të mjaftueshme”,- tha Barani.
Ai vlerësoi se gjyqtarët e prokurorët ndërkombëtarë bëjnë dallime në baza etnike.
“Kjo është edhe një dëshmi se pjesa dërrmuese, që punojnë në organet gjyqësore të drejtësisë tani bëjnë dallime etnike, duke i favorizuar serbët çdo herë. KMNDLNJ rastet e tilla i konsideron si raste të rënda të shkeljeve të të drejtave të shqiptarëve nga ndërkombëtarët“,- tha Barani.
Ndërkaq, kryetari i Kuvendit Komunal të Mitrovicës, Faruk Spahija, deklaroi “se është një befasi për mua personalisht e besoj edhe për qytetarët e Mitrovicës”, në kohën, që, sipas tij, po bëhen përpjkje për të dinaminizuar procesin e integrimit të Mitrovicës.
Spahija u shpreh se ka aq hezitime, aq zvarritje, aq dilema në implementimin e ligjit, e kjo, sipas tij, e zbeh forcën e angazhimit të deritanishëm për integrimin e qytetit.
”Mendoj se kjo është e ngutshme, ndoshta kanë qenë të ngutshme dhe të gjitha ato që janë thënë për Ivanoviqin, por vendimi i mbrëmshëm është një befasi e pakëndshme”,- tha ai.

E mërkurë, 9 tetor, 2002
Qeveria ofron ndihmë të menjëhershme për arsimtarët, por jo edhe ngritje të pagave Prishtinë, 9 tetor, 2002-Qeveria e Kosovës ofron 5 milion euro ndihmë të menjëherëshme për arsimin dhe shëndetësinë dhe kerkon që të hënën më, 14 tetor 2002, të fillojë mësimi dhe të ndërpritet greva e mësimdhënësve.

Presidenti Rugova bisedoi me sekretaren britanike të Shtetit Kler Short
Prishtinë, 9 tetor 2002 – Presidenti i Kosovës, Ibrahim Rugova bisedoi sot me sekretaren britanike të Shtetit për Zhvillim Ndërkombëtar Kler Short.\Pas takimit Presidenti Rugova tha se falenderon Qeverinë britanike për gjithë atë që ka bërë dhe që po bën për Kosovën. Presidenti përmendi sidomos Agjencinë për Zhvillim DFID, që është e njohur në Kosovë, dhe që ka ndihmuar qe katër vjet. Zonja Short është njoftuar nga zoti Rugova për progresin që është bërë, pastaj me objektivat, zhvillimin ekonomik, privatizimin, investimet, krijimin e vendeve të reja të punës dhe integrimin e minoriteteve në shoqërinë e Kosovës. Presidenti Rugova kërkoi që statusi i Kosovës - pavarësia, të njihet sa më shpejt, sepse do të ndihmonte proceset ekonomike dhe zhvillimet demokratike, theksoi ai.
Poashtu zoti Rugova tha se ka kërkuar nga Qeveria britanike që të ndihmojë në proceset e zhvillimit ekonomik të Kosovës me projekte të ndryshme, duke falenderuar edhe një herë Britaninë e Madhe dhe duke përshëndetur kryeministrin Bler që është shumë i dashur në Kosovë.
Ndërkaq, zonja Short pas takimit me Presidentin Rugova tha se
me një angazhim të përbashkët do të mund të ndërtohet një ekonomi stabile e Kosovës, e cila është në interes të qytetarëve të saj dhe të mbarë rajonit. Zonja Short tha se kjo do të jetë një sfidë, por është e domosdoshme të përballohet.

Sekretarja britanike e Shtetit Kler Short është shumë e kënaqur me progresin e arritur në Kosovë
Prishtinë, 9 tetor - Sekretarja britanike e Shtetit për Zhvillim Ndërkombëtar, zonja Kler Short, po qëndron sot për një vizitë në Kosovë. Zonja Short pati takime të veçanta me Presidentin e Kosovës, Ibrahim Rugova, me Kryeministrin Bajram Rexhepi dhe me zëvendëskryeadministratorin e Kosovës Çarlls Brajshou.
Pas këtyre takimeve zonja Short tha se është shumë e kënaqur me progresin e arritur në Kosovë, duke thënë se Qeveria britanike ka ndarë 6,5 milionë funta për Kosovën ngase, sipas saj Kosova tashmë ka hyrë në fazën e re të zhvillimit, fazë kjo kur gradualisht duhet ta kolojnë kompetencat nga ndërkomëbatrët në vendorët. Zonja Short tha se për t'i pasur këto kompetenca duhet investuar në njerëz që do të dinë të udhëheqin me institucionet e Kosovës. Me rëndësi, tha zonja Short, që vendorët të përqëndrohen në zhvillimin ekonomik të Kosovës, sepse pa një ekonomi të stabile nuk mund të ketë Kosovë stabile.
Sekretarja britanike tha se pavarësisht se numri i donatorëve ka mundësi të reduktohet Britania me ndihmat e saja do të jetë prezente në Kosovë deri më 2004. Zonja Short vlerësoi se mjetet e Britanisë që janë dhënë për Kosovën janë shfrytëzuar si duhet edhe pse ka mundur të jetë më mirë.

Qeveria thotë s'ka rritje të rrogave dhe kërkon deri të hënën normalizimin e procesit mësimor
Prishtinë, 9 tetor - Qeveria e Kosovës mbajti sot takimin e radhës. Pas takimit u tha se qeveria ka miratuar një vendim lidhur me situatën e krijuar në arsim me grevën e arsimtarëve. Sipas këtij vendimi duket se nuk do të ketë rritje të rrogave të arsimtarëve.
Qeveria thotë se është e përkushtuar të zbatojë rekomandimin e institucioneve monetare ndërkombëtare si Banka Botërore dhe Fondi Monetar Ndërkomëbtar, ndërsa si zgjidhje të përkohshme ajo kërkon që për shpenzimet të ndahen 5 milionë euro si dhënie e menjëhershme. Këto mjete do të ndahen nga fondet e pashpenzuara suficite të viteve të mëparshme.
Qeveria njëherit kërkon ndërprerjen e grevës dhe të gjithë punëtorët e arsimit t'i kthehen procesit mësimor në mënyrë që deri të hënën të normalizohet mësimi.
Poashtu qeveria ka diskutuar edhe për konferencën e donatorëve që do të mbahet më 5 nëntor në Bruksel si edhe është aprovuar një prejektligj, i cili është i gatshëm pë procedim të mëtejshëm në Kuvendin e Kosovës.

Punonjësit e Universitetit të Prishtinës nuk do t'i bashkëngjiten grevës së arsimtarëve
Prishtinë, 9 tetor - Punonjësit e Universitetit të Prishtinës nuk do t'i bashkëngjiten grevës së arsimtarëve të shkollave fillore e të mesme të Kosovës, përkundër paralajmërimeve se ata do të hyjnë në grevë më 10 tetor, thanë sindikalistët e UP-së.
Këshilli i dekanëve të Universitetit të Prishtinës ka shqyrtuar situatën lidhur me grevën e përgjithshme të arsimtarëve, por konsideron se nuk është momenti dhe koha që të ndërpritet procesi mësimor edhe në Universitet, për shkak se mësimi sapo ka filluar.
SBASHK-u bëri të ditur edhe sot se greva arsimtarëve do të vazhdojë deri në përmbyshjen e kërkesave për rritjen e rrogave.

(KUFIRI ME MAQEDONINË - PATRULLIMET E PËRBASHKËTA TË KFOR-IT DHE POLICISË)

VITI 9 tetor 2002-ZËDHËNËSI I KFOR-IT NË VITI, MAJORI SKOT KING I THA KOSOVALIVE SE NGA JAVA E ARDHSHME NË PATRULLIMET E ZAKONSHME TË KFOR-IT NË KUFI, NJË HERË NË JAVË DO T'I BASHKOHET EDHE POLICIA E UNMIK-UT QË TË PATRULLOJNË SË BASHKU VIJËN KUFITARE ME MAQEDONINË.AI BËRË TË DITUR SE KFOR-I DO TË RIPAROJË RRUGËN NGA VITIA PËR NË FSHATIN DEBELDE DHE KUFIRIN ME MAQEDONINË ME QËLLIM TË KRIJIMIT TË KUSHTEVE PËR QARKULLIM TË LIRË TË BANORËVE TË KËTIJ FSHATI SI DHE PËR PATRULLIM TË SIGURTË RRETH KUFIRIT.

Gjyqtari ndërkombëtar liron nga paraburgimi serbin, që akuzohej për gjenocid

Mitrovicë, 9 tetor 2002, Time: 15:22
Gjyqtari hetues ndërkombëtar në Kosovë ka hequr masën e paraburgimit ndaj Sllavisha Nedolkoviqit, i akuzuar për gjenocid, duke hequr dorë nga ndjekja e tij.
I ashtuquajturi shef i njësisë së gjyqësisë së Qendrës Koordinuese për Kosovë, Vlladimir Bozhoviq, i cituar nga mediat serbe në veri të Mitrovicës, thotë se Nedelkoviqit i është hequr masa e paarburgimit mbrëmë vonë dhe gjytari ndërkombëtar do ta ndjek sipas një akuze private.Kjo, sipas tij, është e pakuptimtë, meqë Nekelkoviqi nuk ka qenë fare në Mitrovicë, kur në pjesën jugore të qytetit më 1999 janë vrarë gjashtë shqiptarë.Ndryshe, Nedelkoviqi është burgosur më 17 shtator, se ka vrarë gjashtë shqiptarë. Njësia për judikaturë e Qendrës koordinuese kishte paraqitur ankesë, meqë gjyqtari hetues dhe prokurori në këtë lëndë ishin shqiptarë.Ankesa është pranuar duke u zëvendësuar me gjyqtarë dhe prokurorë ndërkombëtarë dhe procedura është përshpejtuar, kështu që tani Nedelkoviqi gjendet në shtëpi.Sipas Bozhoviqit, në burjget në Kosovë gjenden vetëm edhe gjashtë serbë, të akuzuar për vepra penale me motive ndëretnike(njofton kosovapress).

Pas darkimit me Çoviqin në Zveçan, Ivanoviq sot i dorëzohet policisë

Mitrovicë, 9 tetor (Kosovapress) Time: 12:58
Milan Ivanoviq, për të cilin ishte lëshuar një fletarrest, është dorëzuar sot para orës 9 në stacionin policor të Mitrovicës, kanë njoftuar zyrtarë të policisë së UNMIK-ut në Mitrovicë.
Zëdhënësi i policië, Soji Idovu, tha se këtë mëngjes para orës 9, Milan Ivanoviq, për të cilin ishte dhënë një fletarrest nga ana e prokurorit ndërkombëtar, më 31 gusht, është dorëzuar në stacionin policor në pjesën veriore të Mitrovicës.Policia ka pasë si detyrë ta arrestojë Ivanoviqin dhe ta sjellë para gjyqit dhe tani sjellja e tij para drejtësisë është në proces dhe sot ai pritet të delë para gjyqit, -tha ai.
Milan Ivanoviq, i ashtuquajturi lider i serbëve dhe kryetar i Këshillit Nacional Serb të Veriut të Kosovës, është akuzuar për tentim-vrasje gjatë trazirave të 8 prillit, që shpërthyen në pjesën veriore të Mitrovicës, ku u lënduan me bomba e armë zjarri së paku 24 policë ndërkombëtarë.
Dy tentim-arrestime ndaj Ivanoviqit nga policia ndërkombëtare kanë qenë të pasuksesshme, në kohën që ka qenë kontradiktore nëse ai ishte strehuar në Serbi apo kishte qëndruar në Kosovë.
Zëdhënësi i policisë nuk ka mundur të komentojë se si Ivanoviq, për të cilin ekzistonte fletarresit, ka mundur të vijë deri para portës së stacionit policor pa u arrestuar nga policia.
Ai në këtë kontekst ka mundur të jap vetëm një detaj se Ivanoviq deri aty ka arritur me veturë.
Sipas një burimi nga policia e UNMIK-ut, me kusht të anonimitetit, Ivanoviq ka ardhë mbrëmë me Çoviqin, kanë hyrë përmes Portës 1 nga drejtimi I Albanikut (ish-Leposaviqit) dhe kanë darkuar në Zveçan, ndërkaq sot është dorëzuar në stacionin policor në veri të Mitrovicës. Më parë, Çovq kishte kërkuar mbrojtjen në liri për Ivanoviqin.
Nëse dorëzimi i tij ka të bëjë me përmbushjen e ndonjë kërkese apo ndonjë marrëveshje të fshehët, zyrtarë të UNMIK-ut në Mitrovicë nuk kanë mundur të komentojnë.
”Momentalisht nuk mund të them diç më tepër se sa kolegu nga policia rajonale e UNMIK-ut“,- tha zëdhënësi i UNMIK-ut në Mitrovicë, Georgy Kakuk.

Shqiptarët e Luginës bojkotojnë përsëritjen e zgjedhjeve në Serbi

17:20 ET LUGINË E PRESHEVËS 9 tetor 2002- Partia e Bashkimit Demokratik të Shqiptarëve (PBDSH) dhe Lëvizja e Progresit Demokratik (LPD) ftojnë elektoratin e tyre në Luginë të Preshevës që t'i bojkotojnë zgjedhjet për president të Serbisë edhe në raundin e dytë zgjedhor, ndërkohë që partia më e madhe politike në rajon, Partia për Veprim Demokratik (PVD) daljen në zgjedhje e sheh proces pozitiv.

PARTITË SHQIPTARE NË MAL TË ZI - SHPRESA PËR MARRJEN E TRE VENDEVE NË PARLAMENT

ULQIN-9 tetor 2002-NËNKRYETARJA E PARTISË PËR PROSPERITET DEMOKRATIK ME SELI NË ULQIN ZANA SARVAN, KA DEKLARUAR TË MËRKURËN PËR KOSOVALIVE SE KËSAJ RADHE TRI PARTITË SHQIPTARE ARRITËN MARRËVESHJE QË NË KËTO ZGJEDHJE TË DALIN ME NJË LISTË KANDIDUESE, TË EMËRTUAR "SHQIPTARËT BASHKË", KU PËR HERË TË PARË NDODHEN TRI FEMRA SHQIPTARE.AJO KONSIDERON SE BASHKIM I FORCAVE SHQIPTARE NË MAL TË ZI ËSHTË SHUMË POZITIV ME QËLLIM QË PËRFAQËSIMI I TYRE TË JETË NË MAKSIMUM.AJO KA SHPRESË SE KOALICIONI DEMOKRATIK "SHQIPTARËT BASHKË" DO TË MARRË TRE VENDE NË PARLAMENTIN E MALIT TË ZI.

Fillon procedura zyrtare për anëtarësimin e 10 vendeve në Bashkimin Evropian
Bruksel, 9 tetor - Komisioni Evropian ka marrë qëndrim të përbashkët të rekomandojë zyrtarisht hyrjen e 10 vendeve deri në vitin 2004 në Bashkimin Evropian, duke rritur numrin e përgjithshëm të anëtarëve të vet në 25 sish dhe kështu ka shpallur erën e re ambicioze ende të paqartë të integrimit evropian, njofton AFP.
Në raportin që duhet të mbështetet nga ekzekutivi i BE-së, 10 vende do të njihen si të gatshme për anëtarësim në Bashkimin Evropian. Këto janë: Qipro, Republika Çeke, Estonia, Hungaria, Letonia, Lituania, Malta, Polonia, Sllovakia dhe Sllovenia.

Shkup: Partitë shqiptare insistojnë në punësimin e 10 mijë kuadrove të reja në sektorin publik
Shkup, 9 tetor - Pas bisedimeve të mbrëmshme mes përfaqësuesve të LSDM-së dhe BDI-së, të cilët harmonizuan platformën për qeverinë e ardhshme të Maqedonisë, së shpejti do të bëhet e ditur ndarja e vendeve ministrore. Socialdemokratët maqedonas presin që deri në fund të javës të shpallet përbërja komplete e qeverisë, e cila do t'i dërgohet parlamentit për votëbesim.
BDI e Ali Ahmetit dhe partitë e tjera shqiptare insistojnë në punësimin e të paktën 10 mijë kuadrove të reja shqiptare në sektorit publik gjatë katër viteve të ardhshme.

Një amerikan, një japonez dhe një zviceran janë fitues të Çmimit Nobel për kimi për vitin 2002
Stokholm, 9 tetor - Xhon Fen nga Shtetet e Bashkuara të Amerikës, Koiçi Tanaka nga Japonia dhe Kurt Vuethriç nga Zvicra kanë fituar Çmimin Nobel për Kimi për vitin 2002 për punën e tyre në metodat revolucionare për biomolekula, ka deklaruar juria e Çmimit Nobel, njofton AFP.
Ata do të ndajnë shumën e Çmimit prej 10 milionë kronorësh (1.10 milionë euro ose 1.07 milionë dollarë).

E marte, 8 tetor. 2002

Greva e arsimtarëve hyn në ditën e nëntë
ereniku

Prishtinë, 8 tetor 2002, Time: 14:40

Greva e punonjësve arsimorë ka hyrë sot në ditën e saj të nëntë me elemente të përshkallëzimit dhe masivizimit të saj.

Zenel Zeka, sekretar i Përgjithshëm i SBASHK-ut, tha të martën, në një konfrencë për media, se në grevë ndodhen së bashku shkollat e mesme dhe fillore shqipe, boshnjake dhe turke, ndërkohë që grevës i janë bashkangjitur edhe institucionet parashkollore, ndërkaq nesër pritet edhe Universiteti i Prishtinës.

Sipas Zekës, grevës i është bashkangjitur edhe Instituti Albanologjik.

Ndërkohë, Qeveria e Kosovës i ka dërguar një letër SBASHK-u, në të cilën njoftohet për fillimin e punës së një grupi punues, që do të merret me çështjen e kërkesave të punonjësve arsimorë.

SBASHK ka konfirmuar edhe përkrahjen e ardhur përmes një telegrami nga Sindikata e Pavarur e Shëndetësisë së Kosovës, si dhe të dy sindikatave simotra nga Shqipëria.

“Grevistët po shprehin qëndrueshmëri. Ata janë të vendosur në kërkesat e tyre”, -ka përfunduar Zeka.

Ngrihet grupi punues për zgjidhjen e krizës në Arsim; UNMIK: Eshtë kompetencë e kosovarëve

PRISHTINE, 8 tetor - Grupi punes për zgjidhjen e problemit të mësimdhënësve sot filloi punën. Ky grup përbëhet nga zyrtarë të Qeverisë së Kosovës,të Ministrisë së Arsimit, të Ministrisë së Financave, të Ministrisë së Shërbimeve Publike si dhe nga zyrtarë të Sindikatës të Arsimit. Këta të fundit u shprehën sot se mësimdhënësit do të vazhdojnë grevën, derisa të ketë rezultate konkrete për rritjen e pagave të tyre. Zenel Zeka, sekretar i përgjithshëm i Sindikatës së Arsimit, përshëndeti fillimin e punës së grupit punues për kapërcimin e situatës së krijuar në arsim. "Në grevë ndodhen së bashku shkollat e mesme dhe fillore shqipe, boshnjake dhe turke, ndërkohë që grevës i janë bashkangjitur edhe institucionet parashkollore. Nesër pritet edhe Universiteti i Prishtinës. Grevës i është bashkangjitur edhe Instituti Albanologjik", tha Zeka. Ndërkohë, UNMIK u deklarua se çështja e pagave të mësimdhënësve është kompetencë e institucioneve të Kosovës. Drejtuesit e Sindikatës së Arsimit thanë se i janë drejtuar Qeverisë së Kosovës. Pas kthimit të ministrit Osmani nga SHBA-të, nuk është paralajmëruar ndonjë takim me zyrtarët e Sindikatës së Bashkuar të Arsimit.

Harnish: Grevën e Arsimit ta zgjidhin liderët kosovarë, ky s’është problem i ndërkombëtarëve

PRISHTINE, 8 tetor - “Liderët e zgjedhur nga vota e popullit janë ata të cilët duhet të vendosin për çështjen e grevës së mësimdhënësve të Kosovës. Mund të them se ky nuk është problem i ndërkombëtarëve”. Kështu tha sot shefi i Zyrës Amerikane në Prishtinë, Rino Harnish, pas takimit me Ministrin e Arsimit, Shkencës dhe Teknologjisë, Rexhep Osmanin. Ndërkaq, ky i fundit premtoi se brenda dy ditëve do të publikohet vendimi, që do të merret për çështjen e grevës së mësimdhënësve. “Në Shtetet e Bashkuara të Amerikës, arsimi konsiderohet si një çështje tepër e rëndësishme, andaj një rëndësi e veçantë duhet t'i kushtohet arsimit edhe në Kosovë”, deklaroi Harnish. Ai tha se gjatë takimit me ministrin Osmani, përveç problemeve të tjera të shumta në fushën e arsimit është biseduar edhe për grevën e mësimdhënësve të Kosovës. “Sa i përket ndihmës për çështjet e arsimit mendoj se ne duhet të rrimë anash dhe mos të pengojmë. Arsimi ka një rëndësi të veçantë për zhvillimin në Kosovë dhe janë liderët e zgjedhur nga vota e popullit ata të cilët duhet të marrin vendime në këtë drejtim, duke vendosur se sa duhet të investohet në arsim e sa në segmente të tjera. Përfundimisht, çështja e grevës së mësimdhënësve është problem i institucioneve kosovare e jo i ndërkombëtarëve”, tha Harnish. Nga ana tjetër ministri Osmani tha se po bëhen përpjekje maksimale që grevës së mësimdhënësve t'i bëhet një zgjidhje pozitive. Për zgjidhjen përfundimtare të çështjes së grevës së mësimdhënësve, ministri Osmani para gazetarëve tha se do të njoftohet brenda dy ditëve të ardhshme. "Unë asnjëherë nuk kam deklaruar për ngritjen e pagave të arsimtarëve, por kam thënë se do të shikohen të gjitha mundësitë, dhe ministria është në procesin e shikimeve të të gjitha mundësive, por se shpejti do të dalë edhe publikisht lidhur me këtë çështje", deklaroi Osmani.

Presidenti Rugova priti shkrimtarin Sabri Hamiti, me rastin e botimit të veprës së tij të plotë
Prishtinë, 8 tetor - Presidenti i Kosovës Dr.Ibrahim Rugova priti sot në një takim miqësor e kulturor shkrimtarin e njohur Sabri Hamiti, me rastin e botimit të veprës së tij të plotë në 10 vëllime.
Ibrahim Rugova, vetë një kritik letrar në zë i Kosovës, e përgëzoi zotin Hamiti për daljen në dritë të kompletit të veprës së tij letrare, botuar nga shtëpia botuese "Faik Konica" e Prishtinës, dhe i uroi autorit edhe shumë vepra të tjera.
Me këtë rast Dr. Rugova çmoi lart punën tridhjetëvjeçare prej krijuesi e studiuesi letrar të Sabri Hamitit.
Përndryshe, Dr. Ibrahim Rugova ka shkruar Parathënjen të cilen e japin komplete ne vazhdim:

Dr. Ibrahim Rugova

Përurimi i veprës së madhe të Sabri Hamitit

Shkrimtarit dhe burrit të madh shqiptar të Kosovës, Sabri Hamitit, i shpreh përshëndetjet dhe urimet e mia të forta e miqësore për daljen në dritë të kompletit të veprës letrare të Tij me titull “Vepra letrare”.

1. Këto ditë të vitit 2002 mbushen 30 - vjet të veprës letrare të Sabri Hamitit, kur më 1972, botoi librin e tij të parë “Njeriu vdes i ri”. Ky është një titull biblik i thënë në poezi, ashtu siç është populli i tij biblik dhe parabiblik.

2. Sabri Hamiti i takon atij brezi të shkrimtarëve e intelektualëve të Kosovës të viteve ’70 që mund të quhet “Qarku i Prishtinës” të Kryeqytetit të Kosovës, të Dardanisë antike, të cilët donin që vendin e tyre ta lidhin me botën perëndimore, të vendosnin popullin e vet atje ku e ka vendin përgjithmonë. Sabri Hamiti e filloi veprën e tij letrare e njerëzore në idetë dhe veprimet e këtij Qarku të Prishtinës. Ai botoi shumë vepra që sot në formë teknike komplete gjenden para Jush, lexues të nderuar të Kosovës e të botës shqiptare.

3. Në këtë kohë botoi kryeveprën e tij dhe njërën nga kryeveprat e letërsisë shqiptare “Trungu Ilir”, apo de facto Trungu shqiptar. Këtu Ai shprehu doktrinën e tij të vazhdimësisë së gjallë të traditës dhe zhvillimin modern të popullit të vet. Me këtë Ai deshi ta shkatërrojë Thikën e harrimit, që është titull i një libri të Tij.

4. Në vitet e ’80 - ta kur po rishfaqeshin tendencat dhe strategjia negative për zhdukjen e popullit të tij, Ai do të paralajmërojë se “vandalët po vijnë”, do të thotë se ata po vinin përsëri, të zhduknin edhe këtë copë të mbetur Iliri.

5. Në vitet e ’90 - ta kur populli i Tij u organizua në vijën intelektuale, politike dhe shtetërore mbi bazë njerëzore e kombëtare, për t’i mbrojtur vlerat e veta perëndimore e qytetëruese, Sabri Hamiti u gjend në mesin e Lëvizjes për liri, pavarësi dhe demokraci të Kosovës. Shkrimtarët dhe ushtarët janë përgjithmonë më afër tokës dhe nuk lejojnë t’iu rrëshqasë dheu nën këmbë, thotë një thënie e vjetër. Kjo ishte një rezistencë e fuqishme kombëtare - ku Ai qëndroi burrërisht.

6. Si gjithmonë, burrat e mëdhenj rezistentë gjenden në shënjestër të kundërshtarit - armikut - të së keqes. Sabri Hamiti, me shpirtin e tij të madh dhe me trupin e tij të Trungut Ilir më ’98 - në valën e luftës mbi Kosovën e mbijetoi atentatin perfid. Falë Zotit Ai është ndër ne, në mesin tonë. Ashtu siç duhet të themi Falë Zotit dhe miqve tanë Kosova - Dardania antike sot është gjallë, plot me popullin e vet. Dhe sot mund të themi, se një vit pas më ’99, Falë Zotit dhe miqve tanë populli i Kosovës e mbijetojë luftën apo thënë në formë simbolike e mbijetoi “atentatin”. Dhe sinqerisht sot shkrimtari mund të thotë se vandalët po shkojnë, ata që deshën ta shkatërrojnë qytetërimin iliro - romak, qytetërimin perëndimor, apo Trungun e gjerë Ilir. Shqiptarët gjithmonë kanë thënë dhe thonë “Ka Zot”. Kështu thonë të gjithë njerëzit e besimit të mirë.

7. Dhe sot në vitin e dytë të mijëvjeçarit të tretë, në vitin 2002, Shkrimtari gjendet së bashku me popullin e tij në ndërtimin e Shtëpisë - Shtetit të Kosovës, për Popullin e Tij. Ai gëzon lirinë dhe pret të gëzojë edhe Kulmin e Shtëpisë - Pavarësinë, fjalën më kumbuese e më të dashur shqiptare.

8. Sabri Hamiti është krijues i Zanit - Zërit - Ze-së shqiptare. Kjo ndihet në veprën e tij. Ai është krijues i bukurisë së shqipes, njërës nga gjuhët më të vjetra dhe njërës nga gjuhët çelës të gjuhëve të botës, siç thonë dijetarët.

9. Ndër prioritetet e shtetit të Kosovës, do të jetë që veprat si vepra letrare e Sabri Hamitit, të plasohen në botë, të njihen edhe më shumë. Sot kemi mundësi, sepse gjithnjë e më shumë po bëhemi pjesë e botës perëndimore. Kjo është porosia që del nga jeta dhe vepra e Sabri Hamitit, që ishte ëndrra dhe sakrifica e shumë e shumë brezave shqiptarë, që nga antika e deri sot. Dardania antike po rilind në Kosovën - Dardaninë moderne.

10. Vepra e Sabri Hamitit na forcon atë thënien e moçme të Hipokratit ilir se Arti është i gjatë e jeta është e shkurtër.

11. Në këtë akt të rëndësishëm të krijimtarisë, Shkrimtarit i shprehim urime dhe presim nga Ai vepra të reja. Me këtë rast dëshirova të përdor Vulën e Presidentit të Kosovës, që përshkon veprën e Sabri Hamitit dhe të gjithë shkrimtarëve tanë.

12. E përmbyllim këtë shkrim me numrin simbolik 12 të 12 degëve biblike, të 12 degëve ilire - shqiptare të Trungut Ilir - Trungut shqiptar.

Personale: Për një President të vendit gëzimi më i madh është kur i përgëzon dhe uron veprat e mëdha.

Zoti e bekoftë Shkrimtarin Sabri Hamiti.

Zoti e bekoftë Kosovën e Tij të dashur.
22 gusht 2002,
Prishtinë, Kosovë

Nga rajoni:

Cervenkovski thotë se është dakord me BDI-në për parimet e qeverisë

Shkup, 8 tetor - Kryeministri i caktuar i Maqedonisë, Branko Cervenkovski, ka thënë se është rënë dakord me partinë më të madhe shqiptare, Bashkimi Demokratik për Integrim (BDI), për parimet e qeverisjes së ardhshme. Zoti Cervenkovski, kryetar i Lidhjes Socialdemokratike Maqedonase (LSDM), kryesuese e koalicionit qeveritar fitues në zgjedhjet e muajit të kaluar, ka marrë mandatin nga presidenti i Boris Trajovski për të krijuar qeverinë e re. LSDM dhe BDI, që duket se do të jetë partneri shqiptar në qeverinë e re maqedonase, vazhdojnë ende bisedimet, por zoti Cervenkovski tha se ata kanë rënë tashmë dakord "për parimet e qeverisjes". "Në nivelin e parimeve dhe përcaktimeve të përgjithshme programore kemi gjetur gjuhë të përbashkët, dhe mendoj se këto parime do të jenë të pranueshme jo vetëm për pjesëmarrësit në qeveri, por edhe më gjërë për qytetarët e Maqedonisë," tha ai. "Ende nuk është biseduar për ndarje vendesh në qeveri," shtoi ai.

Maqedoni, BDI: Të lirohet Duraku, arrestimi i tij është politik

TETOVE, 7 tetor - Gjatë një mbledhjeje sot Bashkimi Demokratik per Integrim në Maqedoni arriti në përfundimin se arrestimi i anëtarit të kryesisë së saj nuk ka bazë juridike, por është bërë me qëllime politike, pasi akuzat për aktpadi janë në kompetencë të Tribunalit të Hagës. "Ne kërkojmë që Sadul Duraku dhe të arrestuarit e tjerë që mbahen në paraburgim për qëllime politike, të lirohet menjëherë dhe që Republika e Maqedonisë të respektojë obligimet e marra ndaj Gjykatës të Hagës dh të respektojë Ligjin për amnisti", - thuhet në një komunikatë të Kryesisë së kësaj partie, ndërkohë që apelohet te organet kompentente të Republikës së Maqedonisë që të ndërpriten këto praktika të keqpërdorimit të ligjit për qëllime politike, të cilat mund ta destabilizojnë vendin dhe minojnë tërë procesin e paqes. Zëdhënësi i Ministrisë së Brendshme Vojisllav Zafirovski tha se Sadul Duraku akuzohet për "tradhëti, cënim të integritetit territorial të Maqedonisë dhe krime lufte kundër civilëve", duke iu referuar periudhës së konfliktit të vjetshëm. Presidenti maqedonas Boris Trajkovski tuboi zyrtarët e policisë, gjykatave dhe të PDI-së që të marrë nje pasqyrë të qartë për aspektet legale të këtij arrestimi. Ministri i drejtësisë Hixhet Mehmeti ka deklaruar se arrestimi i Sadul Durakut, luftëtar i UÇK-së së dikurshme dhe zyrtar i lartë i BDI-së është shkelje dhe mosrespektim i ligjit të amnistisë për të gjithë personat e përfshirë në konfliktin e vitit të kaluar në Maqedoni

Bota:

Oficerë jugosllavë ndihmojnë Sadam Hysenin

LONDER, 7 tetor - Oficerë të “Ushtrisë jugosllave”, sipas një gazete britanike, po ndihmojnë Irakun dhe presidentin e tij Sadam Hysein në organizimin e mbrojtjes kundërajrore nga aeroplanët britanikë dhe amerikanë. Gazeta “Sunday Times”, shkruan se sipas një hetimi bëhet me dije për mundësinë se disa oficerë të lartë të “UJ”, që janë profesionalistë, ende janë të zemëruar për shkak të bombardimeve të Serbisë nga ana e NATO-s, dhe e kanë lejuar bashkëpunimin me Bagdatin, ndërkohë që, sipas gazetës, kjo është ditur edhe kur oficerët amerikanë dhe britanikë për ndërlidhje kanë kërkuar nga ”UJ“ informacione për ndihmën, të cilën ia kanë ofruar Irakut në të kaluarën.

E hënë, 7 tetor, 2002

Delegacioni i Fondacionit Fridrich Ebert Stiftung, nga Izraeli takohet me parlamentarët kosovarë

PRISHTINE, 7 tetor - Me idenë që të njiheshin më për së afrmi me zhvillimin e shoqërisë civile në Kosovë, me jetën e komuniteteve pas periudhës së luftës dhe me vizionin e kosovarëve për ardhmërinë e vendit, përfaqësues të Fondacionit Fridrich Ebert Stiftung, nga Izrali, të kryesuar nga Peters Joel, nga Departamenti për Politikë dhe Qeverisje në Universitetin BEN-GURION, u pritën sot nga anëtarët e kryesisë së Kuvendit të Kosovës, Hydajet Hyseni, Fatmir Sejdiu dhe Oliver Ivanoviq. Parlamentarët e Kosovës prezantuan pikëpamjet e tyre dhe të subjekteve që u takojnë për tranzicionin të cilin po e kalon Kosova dhe për statusin final të Kosovës. Për përfaqësuesit nga Partia Demokratike e Kosovës dhe Lidhja Demokratike e Kosovës vizioni për Kosovë ishte pavarësia, demokracia dhe të drejtat e garantuara për të gjithë qytetarët dhe një prani optimale ushtarake dhe civile ndërkombëtare në Kosovë, kurse për përfaqësuesin e koalicionit serb “Kthimi” ardhmëria e Kosovës përmblidhej në një protektorat të Kosovës brenda federatës Serbi dhe Mal i Zi.

IOM lëshon alarmin për trafikimin e vajzave si prostituta në Kosovë: Në dy vjet, 300 raste

LONDER, 7 tetor - Organizata Ndërkombëtare për Migrim (IOM), me seli në Londër, ka shprehur shqetësimin për përhapjen e trafikut të vajzave të reja për qëllime prostitucioni në Kosovë. Një raport i IOM-it mbi trafikimin njerëzor në Kosovë thotë se gjatë dy viteve të fundit janë evidentuar mbi 300 raste të trafikimit të vajzave të reja. Organizata e migrimit thotë se ajo ka ndihmuar në kthimin e një pjese të tyre në vendet prej nga kanë ardhur. Drejtuesja e programit të IOM-së për problemin e trafikimit, Tamara Osorio, i deklaroi për BBC-së fenomeni i trafikimit të femrave në Kosovë ka kohë që ka filluar një kohë të gjatë në Kosovë. Sipas saj prrogrami i IOM-it deri më tash ka ndihmuar 322 viktima të trafikimit. Osorio thotë se shumica e femrave të trafikuara, të cilave i ka ndihmuar IOM-i në Kosovë, vijnë nga Moldavia, pastaj nga Rumania, Rusia, Bellorusia dhe Shqipëria, kurse mosha mesatare e tyre sillet prej 18 deri në 24 vjeç. Rrugët përmes të cilave ato trafikohen në Kosovë janë ato përmes Serbisë, Greqisë dhe vendeve të tjera të rajonit, tha ajo.

KFOR: Trupat amerikane s’po largohen nga Kosova: ato do të mbeten këtu edhe më tej

PRISHITNE, 7 tetor - Zëdhënësi i paqeruajtësve të KFOR-it Entoni Adams përgënjeshtroi lajmin se trupat amerikane do të tërhiqen nga Kosova. “Lajmi se trupat amerikane po largohen nga Kosova është një spekulim i madh. Forcat amerikane do të mbesin në Kosovë dhe në KFOR. Pra këto forca nuk do të lëvizin nga Kosova në këtë kohë”, thotë zëdhënësi Adams. Sipas tij, reduktimi i trupave të KFOR-it tashmë ka filluar, por kjo është rezultat i përmirësimit të situatës dhe zvogëlimit të incidenteve entike. “Por nëse ndodh diçka në Kosovë, trupat e NATO-s do të mund të intervenojnë shpejt. Benda 24 orëve ne mund të sjellim në Kosovë mbi 4.500 trupa për çfarëdo ngjarje”, tha Adams. Ai konstatoi se nga 45 mijë trupa sa ka pasur KFOR-i në fillim, tashmë në Kosovë kanë mbetur 32 mijë paqeruajtës ndërkombëtarë.

Shënohet 35-vjetori i themelimit të Fakultetit të Inxhinierisë Teknike në Prishtinë

PRISHTINE, 7 tetor - Fakulteti i Inxhinierisë Teknike në Prishtinë shënoi 35-vjetorin e themelimit, kurse Fakulteti Teknik 41-vjetorin e punës. Në solemnitetin e organizuar me këtë rast, u shpreh zotimi se edhe në të ardhmen do të aftësohen kuadro të reja profesionale në këtë lëmi. Themelet e studimeve teknike si dhe atyre të inxhinierisë mekanike u vunë që nga viti 1961, vit ky që shënoi edhe hapjen e Shkollës së Lartë në Prishtinë, që në gjirin e saj kishte tri drejtime. Dekani i Fakultetit të Inxhinierisë Mekanike Fejzullah Krasniqi e vlerësoi pozitivisht punën e deritanishme të këtij institucioni. Për vijimin e studimeve në këtë fakultet kontribut të madh japin 38 profesorë, prej tyre 20 doktorë të shkencave dhe 8 magjistra. Ndërsa ministri i Arsimit,i Shkencës dhe i Teknologjisë Rexhep Osmani i përgëzoi me këtë rast punonjësit e këtij fakulteti. Edhe Tomë Berisha dha një kontribut të çmuar për të arriturat e këtij fakulteti. Ai shprehu kënaqësinë për punën e madhe, që e kanë bërë dhe po vazhdojnë ta bëjnë profesorët e këtushëm. Përfaqësuesit e Fakultetit të Inxhiniersië Mekanike thanë se do të vazhdojnë bashkëpunimin me universitetet evropiane për profesionalizimin e mëtejshëm të kuadrove në këtë fushë.

E premte, 4 tetor, 2002

Deputetët shqiptarë në Parlamentin e Kosovës të LDK-së dhe të PDK-së kritikuan planin e Shtajnerit
Prishtinë, 4 tetor 2002 - Dy grupet më të mëdha të deputetëve shqiptarë në Parlamentin e Kosovës LDK dhe PDK kanë kritikuar qëndrimin e kryeadministratorit Shtajner rreth strategjisë së tij për zgjidhjen e problemit të Mitrovicës. Ata kanë kërkuar nga shefi i administratës ndërkombëtare që në seancën vijuese të japë sqarime para Parlamentit rreth shtatë pikave të shpalosura për zgjidhjen e problemit të Mitrovicës. Këto kritika deputetët nga radhët e LDK-së dhe të PDK-së i kanë mbështetur në vlerësimet e tyre se z. Shtajner me këtë rast i ka anashkaluar institucionet e Kosovës për një problem shumë të rëndësishëm.
Shefi i Grupit Parlamentar të LDK-së Sabri Hamiti ka thënë se strategjia e prezantuar përmban pikat që janë në kundërshtim me proceset demokratike dhe siç tha ai plani është prezentuar në veten e parë. Ai kërkoi që z. Shtajner të ftohet para deputetëve dhe të sqarojë strategjinë dhe bazën e saj ligjore.

Dy vajzat e mitura serbe nuk janë rrëmbyer as përdhunuar, thotë policia e UNMIK-ut
Mitrovicë, 4 tetor (QIK) - Dy vajzat e mitura nga veriu i Mtrovcës nuk janë dhunuar e as nuk janë shitur, siç është raportuar paraprakisht nga policia e UNMIK-ut më 28 shtator, ka thënë shefi i policisë ndërkombëtare në Kosovë, Shtefan Feler. Njëra nga vajzat, një boshjake 17-vjeçare, fillimisht ka thënë se ka qenë e përdhunuar, por vajza tjetër, përndryshe serbe nga veriu i Mitrovicës, ka hedhur poshtë këto pohime. Kjo është konstatuar edhe nga ekipi i mjekësisë ligjore, shkruan shtypi i sotëm. Pas hetimeve të bërë, që të dyja kanë deklaruar se me vetëdëshirë kanë shkuar me dy të rinj shqiptarë (që i kanë njohur më parë) në Prishtinë dhe as nuk janë rrëmbyer edhe as nuk janë përdhunuar.
Edhe Nënkëshilli i KMDLNJ në Mitrovicë përmes një komunikate thekson se që të dyja vajzat nuk janë përdhunuar, por me vetëdëshirë kanë shkuar me dy djem në Prishtinë. Më 2 tetor ato kanë deklaruar para policisë së UNMIK-ut se nuk kanë qenë të përdhunuara.
Lajmi i publikuar për përdhunimin e dy vajzave të mitura serbe nga vetë kryeadministratori Shtajner bëri jehonë të keqe në opinion. Shtajner madje urdhëroi hetime të hollësishme duke angazhuar urgjentisht policinë speciale dhe një prokuror dhe një gjykatës hetues ndërkombëtar për këtë rast.

M. Shtajner thotë se ata që i kundërvihen planit për Mitrovicën i kundërvihen OKB-së dhe komunitetit ndërkombëtar
Prishtinë, 4 tetor - Ata që i kundërvihen planit për Mitrovicën i kundërvihen së pari të dërguarit special të sekretarit të përgjithshëm të Kombeve të Bashkuara, por njëkohësisht edhe tërë bashkësisë ndërkombëtare, pasi ky plan është përkrahur nga qendrat ndërkombëtare të vendosjes. Planin për Mitrovicën e përkrah sekretari i përgjithshëm i NATO-s, Xhorxh Robertson, SHBA-të, Britania e Madhe dhe Gjermania, tha kryeadministratori i Kosovës Mihael Shtajner.
Këtë prononcim z. Shtajner e bëri pas takimit që zgjati mbi tre orë me zëvendëskryeministrin serb Nebojsha Çoviq. Shtajner precizoi se janë disa njerëz të cilët e kundërshtojnë planin e tij për ribashkimin e Mitrovicës, duke aluduar në të ashtuquajturin "këshilli nacional serb", që e ka hedhur poshtë propozimin shtatë pikësh. Ai shtoi se ata që i kundërvihen këtij plani janë në kundërshtim edhe me zyrtarët në Beograd, të cilët i kanë dhënë mbështetje këtij plani, duke nënvizuar se plani është mbështetur parimisht edhe nga zëvendëskryeministri serb Nebojsha Çoviq, edhe pse ka pasur disa pika mospajtimi.
Ai tha se do të vazhdojë të shpjegojë publikisht planin për Mitrovicën me përfaqësuesit shqiptarë në Parlamentin e Kosovës, të cilët në seancën e djeshme kanë shprehur disa kritika rreth këtij plani. Ai shtoi se për këtë plan ka përkrahje nga institucionet dhe shqiptarët e Kosovës, pasi parambrëmë kishte biseduar me kryeministrin Bajram Rexhepin si dhe me të tjerët, prandaj është i bindur se do të ketë baza për zgjidhje për problemin e Mitrovicës.

Austria riatdheson një numër kosovarësh

Prishtinë, 4 tetor (Kosovapress) Time: 13:37
Rreth 40 shqiptarë të Kosovës, strehimkërkues në Austri, u riatdhesuan të enjten, duke u kthyer në Prishtinë. Kohë më parë një numër i tyre ishin hedhur në grevë urie në shenjë të mosdëshirës për t’u atdhesuar, por kthimi u bë pavarësisht nga protestat e tyre.Në muajin e ardhshëm në këtë vend do të mbahen zgjedhjet parlamentare dhe kthimi i srehimkërkuesëve kosovarë është rezultat i politikave të reja të strehimit të zbatuara nga ky vend.
Ky legjislacioni austriak është kritikuar edhe nga Organizata e Kombeve të Bashkuara.
Ndërkaq, kohëve të fundit opinioni kosovar është duke u mashtruar nga njerëz të ndryshëm se gjoja Austria është duke pranuar azilekonomik, mirëpo një gjë të tillë e ka hedhur poshtë Zyra austriake në Prishtinë.

KK i Prishtinës dhe AGEF arrijnë marrëveshje për Akademinë për të Rritur

Prishtinë, 4 tetor (Kosovapres) Time: 12:35
Në ambientet e Kuvendit Komunal të Prishtinës është bërë nënshkrimi i kontratës ndërmjet KK të Prishtinës dhe AGEF-it gjerman për fillimin e ndërtimit të objektit të Akademisë për të Rritur në Prishtinë. Nënshkrimi i kësaj kontrate është realizuar midis kryetarit të Kuvendit Komunal të Prishtinës, dr. Salih Gashit dhe zëvendësdrejtorit të AGEF-it, Karin Lutze.
Në solemnitet merrnin pjesë edhe ministri i Punës dhe Mirëqenies Sociale, Ahmet Isufi, Piter Rondorf, shef i Zyrës gjermane në Prishtinë, përfaqësuesi i Ministrisë së Tregtisë dhe Industrisë dhe mysafirë të tjerë. E veçanta e këtij akti solemn ishte pikërisht data 3 tetor, ditë kjo kur u bë edhe bashkimi i i dy Gjermanive, prandaj të dyja palët me dëshirat më të mira u shprehën se ky do të jetë edhe një hap konkret drejt bashkëpunimit ndërmjet dy vendeve mike.
Duke përshëndetur udhëheqjen komunale, përfaqësuesja e AGEF-it, Karin Lutze tha se “vërtetë dita e sotme është e veçantë edhe për ju, edhe për ne dhe se ideja për ndërtimin e Akademisë për të Rritur ishte e kahershme. Nevojat për objekte të këtilla janë të mëdha, sepse shumë njerëz duan të shkollohen edhe më tej, kur dihet se Kosovës i duhen edhe më shumë ekspertë. Shpresoj se ky projekt do ta gëzojë edhe përkrahjen e Zyrës ndërlidhëse gjermane në Prishtinë dhe kjo shtëpi në të ardhmen do të jetë pikëtakimi ndërmjet Kosovës e Gjermanisë”. Aktin e nënshkrimit të kësaj kontrate e përshëndeti edhe Piter Rondorf dhe ministri për Punë dhe Çështje Sociale, Ahmet Isufi.
Pas nënshkrimit të kësaj kontrate, të pranishmit vizituan vendin ku do të ngritet objekti i Akademisë për të Rritur.

Bisedimet rreth formimit të qeverisë priten të fillojnë sot

Shkup, 4 tetor (Kosovapress) Time: 12:10
Zyrtarë të Lidhjes Social-demokrate të Maqedonisë paralajmëruan fillimin e negociatave ndërmjet koalicionit "PËR" dhe Bashkimit për Integrim Demokratik, rreth formimit të Qeverisë së re.
Lideri i LSDM-së, Branko Cërvenkovski, tha se nuk mund të precizojë sa resorë do t'i takojnë koalicionit "Për Maqedoninë së bashku", e sa BDI-së, ngase, sipas tij, me Partinë Liberal-demokrate ende nuk po zhvillohen bisedime rreth ndarjes së resorëve qeveritarë.
Duke shpresuar në negociatat, Cërvenkovski deklaroi se LSDM-ja hyn me platformën e vet, ndërkohë që, sipas tij, ekziston gatishmëri edhe për shqyrtimin e platformës së BDI-së.
Ai paralajmëroi se të shtunën ose të dielën do të merret vendimi se kush do të jetë kandidatw për mandatar për formimin e Qeverisë së re.
Ndërkohë, nënkryetarja e BDI-së, Teuta Arifi, tha dje se partia e tyre mendon se "ende është herët për ndarjen e resorëve ose për emra konkretë". Ajo tha se njëherë mbetet që të punohet rreth platformës politike.

Haxhiu kryetar i “profesionistëve”, Zeka akuzon IREX-in për eksperimente
kosova-press

Prishtinë, 4 tetor (Kosovpress) Time: 11:05
Nga Lumturie Beka/ Edhe pse ekziston një Federatë e Gazetarëve të Kosovës, me mbështetje të IREX-it është themeluar edhe një shoqatë tjetër e gazetarëve “profesionistë”, e cila quhet Asociacioni i Gazetarëve Profesionistë të Kosovës, kryetar i bordit të së cilës është iniciatori i saj, gazetari Baton Haxhiu. Sipas Haxhiut, ai detyrën e kryetarit të bordit e ka marrë me një inciativë për t’i përgatitur ose për t’i lidhë gazetarët në një asioacion ku do ta kenë kyetarin e vet dhe drejtorin ekzekutiv, të cilët do të zgjidhen në fund të janarit të vitit të ardhshëm.
“E kam nisur këtë punë për ta bërë një fillim të veçantë, për t’i mbrojtur të drejtat e gazetarëve, për të krijuar kushte dhe rregulla të një ardhmerie të gazetarisë kosovare. Gjithashtu, mundohem që të bashkëpunoj me institucionet tona për ta krijuar një ligj dhe për ta instaluar një projekt, në të cilin gazetarët do ta gjejnë vetën”, i ka thënë Kosovapressit drejtuesi i bordit të këtij asociacioni, Baton Haxhiu.
Në anën tjetër, sipas kryetarit të Federatës së Gazetarëve të Kosovës, Milaim Zeka, “IREX-i dhe shumë donatorë të huaj që veprojnë në Kosovë, janë duke bërë eksperimente me shoqërinë dhe gazetarinë kosovare”.
“Unë nuk kam pranuar që IREX-i ta dirigjojë Federatën e Gazetarëve të Kosovës. Janë duke u bërë keqpërdorime të jashtëzakonshme të parave të donatorëve, duke u dhënë në Kosovë, gjoja për zhvillimin e mediave të pavarura”, ka potencuar për Kosovapressin, shefi i FGK-së, Milaim Zeka.
Këshilltari i lartë për media i IREX-it, Timothy J. Kenyy, në një përgjigje për Kosovapressin ka thënë se e kanë informuar Federatën e Gazetarëve të Kosovës se do të themelojnë një organizatë profesionale të gazetarëve të Kosovës. Domosdoshmërinë e themelimit të një shoqate të gazetarëve profesionistë, ai e konsideron si të nevojshme, duke pasur parasysh bisedat me shumë gazetarë të Kosovës, mendimi i të cilëve sipas tij, “ishte se Kosova ka nevojë për një shoqatë profesionale të gazetarëve, e cila do t’i përfaqësonte ata”.
“Që nga themelimi i kësaj Federate e deri më sot, drejtuesit e saj nuk kanë punuar asgjë, për këtë edhe kemi shprehur gatishmëri për hapjen e një konkursi në gazetë për një drejtor ekzekutiv”, ka nënvizuar Kenyy, duke shtuar se “IREX-i nuk është kundër asnjë anëtari të bordit ose të Federatës së gazetarëve të Kosovës, vetëm se ata nuk kanë ndërmarrë kurrëfarë hapi konkret e ne ketu jemi mu për këtë çështje”.
Ky asoacion, sipas Baton Haxhiut, është për të futur disa kritere që do të përcaktonin se kush është gazetar e kush nuk është, derisa, sipas tij, “në këto tri vitet e fundit më së shumti ka të punësuar si gazetarë, kur dihet se janë 85 radio, dhjetëra televizione, dhjetëra gazeta dhe nuk ka kritere të cilat na tregojnë se çka është gazetaria në këtë vend”.
“Pikërisht kjo është njëra prej arsyeve që kemi filluar, pra se cilat janë kriteret për gazetarinë e Kosovës, jo pse duhet të jemi më të mirë, por i kemi krijuar disa rregulla, të cilat tregojnë se çka është gazetaria dhe kush mund të jetë gazetar profesionistë”, ka thënë ai. Për të qenë anëtar i kësaj shoqate duhet që gazetari të këtë së paku 20 shkrime, ndërsa në radio duhet të ketë disa emisione, e nuk mjafton që të jesh pjesëtar i një shoqate të keshë vetëm një ID të gazetarëve”, ka pohuar Haxhiu.
Ndrësa, kryetari i Federatës së Gazetarëve të Kosovës, Milaim Zeka, thotë se “IREX-i, është duke bërë eksperimente në gazetarinë kosovare”. “IREX-i dhe shumë donatorë të tjerë edhe organizata tjera ndërkombëtare që veprojnë në Kosovë, janë duke bërë eksperimente me shoqërinë dhe gazetarinë kosovare”, ka potencuar Milaim Zeka.
Ndërkohë që Baton Haxhiu thotë se “Nuk e kam vërejtë ende që IREX-i do të bëjë eksperimente, sepse atëherë unë nuk do të jem aty. Kontaktet me IREX-in, kanë të bëjnë kryesisht me çështje teknike, d.m.th. zyra, kompjuterë etj”. Sipas tij, është një mentalitet ballkanik, ku menjëherë fillohet me spekulime. “IREX-i nuk është i interesuar të manipulojë me gazetarë, por është i interesuar se si t’ju ndihmojë njerëzve, pra asoacion i cili do të ndihmojë dhe do të ndërtojë një asoacion të një strukture e cila në të ardhmen do të këtë rezultate të mira”, thotë ai.
Kurse, këshilltari i lartë për media, pranë IREX-it, Timothy J. Kenyy, mohon të kenë ndërprerë bashkëpunimin me kryetarin e Fedratës së Gazetarëve të Kosovës për këtë çështje.
“E vetmja arsye pse ne kemi themeluar një organizatë tjetër të gazetarëve, është sepse Federata… nuk ka punuar si duhet dhe nuk ka treguar ndonjë rezultat konkretë deri më tani”, ka potencuar Kenny.

E mërkurë, 2 tetor, 2002

Shtajner nesër takohet përsëri në Prishtinë me Nebojsha Çoviqin

PRISHTINE, 2 tetor - Kryeadministratori i Kosovës, Mihail Shtajner, do të takohet nesër në Prishtinë me zëvendës-kryeministrin e Serbisë, Nebojsha Çoviq, i cili është koordinator i Beogradit për Kosovën. Merret vesh se në rendin e ditës do të jetë propozim plani i Shtajnerit për kthimin e serbëve në Kosovë, prania e policisë së Kosovës në pjesën veriore të Mitrovicës dhe aplikimi i marrëveshjes për njohjen e targave të automjete të Kosovës në Serbi.

Rugova uron Shrëderin në Ditën e Ribashkimit të Gjermanisë: Njihni edhe pavarësinë tonë

PRISHTINE, 2 tetor - Presidenti i Kosovës, Ibrahim Rugova, i ka dërguar telegram urimi Kancelarit gjerman Gerhard Shrëder, me rastin e 3 Tetorit, Ditës së Ribashkimit të Gjermanisë. “Rënia e Murit të Berlinit dhe ribashkimi i Gjermanisë është njëra ndër datat më të mëdha të shekullit XX për popullin gjerman dhe për shumë popuj të Europës e të botës. Po ashtu, Dita e ribashkimit gjerman është me rëndësi, sepse përfundoi lufta e ftohtë dhe u hapën perspektiva të reja për njerëzimin. Në këtë ditë solemne, shfrytëzoj rastin t'ju falënderoj, ju dhe popullin gjerman, për kontributin e madh që keni dhënë për lirinë dhe rindërtimin e vendit tim. Ne presim përkrahjen tuaj të mëtejme dhe të Gjermanisë për zhvillimin e Kosovës. Po ashtu, presim përkrahjen Tuaj për njohjen sa më të shpejtë të Pavarësisë së vendit tim, e cila gjë do ta qetësonte popullin e Kosovës dhe këtë pjesë të Evropës e të botës”, thuhet në fund të tegramit të Presidentit Rugova dëguar kancelarit Shrëder. Nga ana tjetër, të enjten, në kazermën ushtarake të kontigjentit gjerman të KFOR-it, në Prizren, me një soleminitet do të shënohet 3 Tetori - Dita e ribashkimit të Gjermanisë. Nga pjesëtarët gjermanë të KFOR-it do të organizohet një paradë ushtarake, ku do të jetë i pranishëm edhe kryetari i Republikes së Prolenburgut, nga Gjermania, i cili edhe do të mbajë fjalim para ushtarëve, kanë bërë të ditur sot njoftime të KFOR-it në Prizren. Në këtë shënim do të flasë edhe komandanti i Brigadës Shumëkombëshe të Jugut, gjenerali Volf Diter Skodovski.

Qeveria: Sindikata të ndërpresë grevën; pagat e arsimtarëve njësoj me ato në ndërmarrjet publike

Prishtinë 2 tetor 2002-Nivelizimi i pagave të mësimdhënsëve ishte temë e takimit të sotëm të kryetarit të Sindikatës së Bashkuar të Arsimit në Kosovë, Agim Hyseni me kryetarin e komisionit parlamentar për Arsmim, Shkencë dhe Teknologji, Hajredin Kuçi. Kryetari i Sindikatës së Bashkuar të Arsimit,Agim Hyseni bëri me dije se protesta do të vazhdojë deri sa të ndërmiren hapa konkret për realizimin e kërkesës së tyre. Nga ana tjetër edhe sot në Kosovë vazhdoi greva e mësimdhënësve të shkollave fillore dhe të mesme, të cilët kërkojnë rritjen e pagave dhe nivelizimin e tyre me sektorët e tjerë publikë. Kryetari i Sindikatës së Arsimit, Agim Hyseni, deklaroi se në rast se nuk do të arrihet një marrëveshje me qeverinë greva do të vazhdojë edhe më tutje.

E marte, 1 tetor, 2002

Rugova u drejton mesazh qytetarëve të Kosovës, me rastin e 11-vjetorit të Referendumit për Pavarësi

PRISHTINE, 01 tetor - Me rastin e 11-vjetorit të mbajtjes së Referendumit për Pavarësinë e Kosovës, Presidenti i Kosovës Ibrahim Rugova u ka drejtuar një mesazh qytetarëve të Kosovës, me urimet më të përzemërta. Në këtë mesazh thuhet: “Mbajtja e Referendumit për Pavarësinë e Kosovës, është njëra ndër datat më të rëndësishme në historinë e Kosovës, sepse për herë të parë populli i Kosovës, shprehu në mënyrë të vendosur vullnetin e vet për shtet të pavarur, të lirë e demokratik në bashkësinë e popujve të lirë. Referendumi e vërtetoi përcaktimin e popullit për pavarësi, që i parapriu Deklarata e Pavarësisë në korrik të vitit 1990 dhe Kushtetuta e Republikës së Kosovës në shtator të po atij viti. Me këtë u krijua baza legale në bazë të vullnetit të popullit për të ndërtuar dhe mbrojtur shtetin e Kosovës. Kjo datë ka hyrë në të gjitha dokumentet ndërkombëtare dhe analet e ndryshme, si ditë e vendosjes së popullit të Kosovës për Pavarësi, liri e demokraci, e cila çmohet shumë. Sot, kur Kosova është e lirë falë Zotit, NATO-s dhe popullit të Kosovës, ky Referendum është baza kryesore që shërben për njohjen formale të Pavarësisë nga miqtë tanë sa më parë. Me këtë rast i shprehim urimet tona UNMIK-ut, OSBE-së dhe KFOR-it që po bëjnë mbrojtjen dhe sigurinë e vendit tonë. Njëherësh u shprehim urime përfaqësive diplomatike në Prishtinë, Kryeqytetin e Kosovës, - thuhet në fund të mesazhit të Presidentit Rugova drejtuar qytetarëve të Kosovës.

Shtajner dërgon policët ndërkombëtarë e njësisë speciale në Mitrovicë, pas sulmit të së dielës

PRISHTINE, 01 tetor -RTV21 njopfton se me urdhër të kryeadministratorit të Kosovës Mihail Shtajner, në pjesën veriore të Mitrovicës është kthyer njësia speciale e policisë ndërkombëtare nga rajoni i Prishtinës për të hetuar sulmin ndaj policisë së UNMIK-ut të dielën mbrëma, nga një grup prej 30 vetash, që dyshohet të jenë rojat e urës, të cilët lënduan 6 policë. Kështu njoftoi zëdhënësja e UNMIK-ut Suzan Manuell, në konferencën e sotme për gazetarë. Zyrtarët e UNMIK-ut pohuan se kryeadministratori Shtajner ka përsëritur se ligji duhet të aplikohet me tërë fuqinë e tij për të gjithë kryesit e veprës. Zëdhënësja e UNMIK-ut në takimin me gazetarë nuk sqaroi se kush janë kryesit e këtij sulmi dhe se a është arrestuar ndonjëri prej tyre. "Qëllimi i kthimit të njësisë speciale të policisë ndërkombëtare në pjesën veriore të Mitrovicës, është hetimi i rastit se si ka ndodhur saktësisht sulmi ndaj policëve ndërkombëtarë të dielën mbrëma", tha Manuell. Sipas saj, kryeadministratori Shtajner ka kërkuar që të gjithë kryesit e këtij sulmi të kapen sa më shpejt, duke bashkëpunuar ngushtë me departamentin e drejtësisë. Suzan Manuell njoftoi se një prokuror dhe një gjykatës ndërkombëtar janë angazhuar për të hetuar këtë rast. Ajo shtoi se Shtajner ka theksuar se ligji duhet të aplikohet me tërë fuqinë.

Manuell njoftoi gjithashtu se Gjykata e Pejës ka vendosur që rasti i Idriz Balajt të shtyhet më 16 tetor, ndërsa rasti i Ramush Haradinajt është shtyrë për muajin nëntor.

Në takimin e sotëm me gazetarë u raportua se gjatë dy ditëve të fundit kanë ndodhur dy raste të dhunimit të vajzave të mitura. Po ashtu u bë e ditur se policia e UNMIK-ut dhe Shërbimi Policor i Kosovës kanë ndërmarrë aksion për luftimin e prostitucionit.

Në Gjakovë janë arrestuar 30 vajza, që dyshohet se janë marrë me prostitucion, janë mbyllur 10 lokale dhe arrestuar pronarët e tyre.

Tirana mbyll përfaqësinë e Kosovës: Shtajneri kërkoi të lejohet vetëm zyra e UNMIK-ut
TIRANE, 01 tetor - Në Tiranë është mbyllur përfaqësia e Kosovës pas një urdhëri të Ministrisë së Punëve të Jashtme të Shqipërisë. Bëhet e ditur se urdhri i është dorëzuar përfaqësisë së Kosovës më 11 shtator. Në Ministrinë e Jashtme të Shqipërisë thonë se në Tiranë lejohet vetëm zyra e UNMIK-ut, me të cilën mbahen konktakte. “Kjo ka qenë kërkesë e ndërkombëtarëve dhe e vetë shefit të NUMIK-ut Mihael Shtajner”, thonë zyrtarët e kësaj ministrie.

Pedagogët e Universitetit të Prishtinës nuk bashkohen me grevën e arsimtarëve, por e mbështesin atë

PRISHTINE, 01 tetor - “Grevës së sotme të përgjithshme të arsimtarëve të Kosovës i janë bashkuar mbi 90 për qind e punonjësve të arsimit fillor e të mesëm”, thotë organizatori i grevës, Sindikata e Bashkuar e Arsimit, Shkencës e Kulturës. Por kësaj greve nuk i janë bashkuar mësimdhënësit e Universitetit të Prishtinës, ndonëse e konsiderojnë atë të drejtë dhe të ligjshme. Kryetari i SBASHK-ut, dr.Agim Hyseni, tha se shumica absolute e punonjësve të arsimit i janë përgjigjur thirrjes për grevë të përgjithshme, sepse siç vlerëson ai, kjo është një grevë e tyre, kurse sindikata që ai drejton vetëm ka artikuluar dhe ka organizuar zërat dhe kërkesat e tyre. Zoti Hyseni tha se arsimtarët janë të vendosur të qëndrojnë në kërkesat e tyre, sepse pozita materiale e tyre duhet të trajtohet me përgjegjësi të madhe.

Nga bota:

N.York, 1 tetor, 2002 Midis të gjitha rropatjeve të SHBA për të përfituar edhe më shumë përkrahje nga disa vende kryesore të botës, ne realizimin e qellimeve kryesore - zbatimin e një kirurgjie urgjente ushtarake ndaj sindromit SADAM, ende gjenden dhe shfaqen plasaritje.Kritikat e fundit ruse ndaj sulmeve ajrore amerikane dhe britanike kundër Irakut,hidhen posht nga SHBA, me arsyetimin se vetëm gjatë 2 javëve të fundit Iraku ka hapur zjarr kunder aeroplanëve patrullues ne zonat e ndaluara për fluturime. Kjo tregon kokëfortësin e Sadamit - qendrimin e Bagdadit ndaj komunitetit ndërkombëtar. Plasaritja më e madhe ende ndodhet midis qendrimeve amerikane dhe atyre ruse. Kjo vërehet hapur tash së fundit ne qendrimet e prera te Moskës , sipas të cilës, këto sulme dëmtojnë përpjekjet për arritjen e një zgjidhjeje politike. Iraku nuk i njeh zonat e ndalim fluturimit, për të cilat Këshilli i Sigurimit nuk ka miratuar ndonjë rezolutë.Ndërkaq nga takimi Zyrtarëve të lartë të Kombeve të Bashkuara, me autoritetet irakiane në Vienë thuhet se inspektorët e Kombeve të Bashkuara për armët po përgatiten të kthehen në Irak gjatë 2 javëve të ardhshme. Zyrtarët e OKB-së njoftojnë se; në rast se Këshilli i Sigurimit jep miratimin përfundimtar, inspektorët mund të nisen për në Bagdad nga mesi i muajit Mediat amerikane bëjnë me dije se Krye-inspektori i armëve Hans Blix, njoftoi se gjatë bisedimeve të djeshme në OKB u sqaruan shumë çështje,duke shtuar se objektivi i takimeve është që inspektorët të kenë leje të pakufizuar për të bërë punën e tyre në Irak..Të gjithë pjesmarrësit shpresojnë që do të bëhet edhe më shumë, para përfundimit të ketyre bisedimeve . Në anën tjetër Senati amerikan është gati të fillojë që sot debatin mbi një rezolutë që do të autorizonte përdorimin e forcës kundër Irakut, edhe pse Disa senatorë demokratë dhe të pakten një republikan do të përpiqen të përcaktojnë ngushtë kompetencat e presidentit si dhe kufizime në gjuhën e projekt-rezolutës, të cilën DY Dhomat e Kongresit, Senati dhe Dhoma e Përfaqësusve, pritet ta miratojnë javën e ardhshme. /n.syla/

E hënë, 30 shtator, 2002

Bugajski: Tani është koha që Uashingtoni të merret me çështjen e statusit final të Kosovës

UASHINGTON, 30 shtator - Drejtori i Institutit të Studimeve Strategjike në Uashington, Janush Bugajski, vlerëson se tani është koha që Uashingtoni të merret me çështjen e statusit përfundimtar të Kosovës. Bugajski vlerësoi se disa prej ngjarjeve të muajve të fundit, siç janë ridefinimi i marrëdhënieve mes Malit të Zi e Serbisë dhe zgjedhjet në Serbi paraqesin fundin e Jugosllavisë, prandaj çështja e statusit përfundimtar të Kosovës mbetet një çështje e madhe e pazgjidhur në Ballkan. Bugajski theksoi se ai do të përpiqer që ta bindë administratën amerikane se është mirë që tash të shikohet çështja e statusit të Kosovës dhe vendimet të merren qysh tash, në mënyrë që kah fundi i administratës së Bush të ketë një pamje më të qartë të pavarësisë së Kosovës. “Përfundimisht unë mendoj se është mirë për Serbinë, siç është mirë për Kosovën që të jenë dy entitete përfundimisht të ndara dhe të pavarura”, theksoi drejtori i Institutit të Studimeve Strategjike në Uashington, Janush Bugajski.

Rrokulliset autobusi me nxënës të “Sami Frashërit”

Prishtinë, 30 shtator 2002/ Time: 12:32Rreth orës 02,00 të mëngjesit të së dieles, në rrugën Prizren-Prishtinë, në Caralevë, është rrokullisur autobusi i relacionit Tiranë-Prishtinë, që bartte nxënës të shkollës së mesme “Sami Frashëri”.
Autobusi po kthente në Prishtinë nxënës të cilët kishin bërë ekskurzion disaditor në Shqipëri.
Merret vesh se të vdekur nga kjo fatkeqësi komunikacioni nuk ka pasur, ndërkohë që të lënduarit janë transferuar në Qendrën Emergjente në QKU të Prishtinës.

Akademia për dëshmorin: E madhe është vepra e dr. Shpëtim Robajt

Prishtinë, 30 shtator 2002/ Time: 15:35

Në katërvjetorin e rënies së dr. Shpëtim Robajt, të hënën, në Dekanatin e Fakultetit të Mjekësisë, është mbajtur një akademi përkujtimore, ku të pranishëm ishin qytetarë të shumtë, bashkëluftëtarë, kolegë e shokë, përfaqësues të institucioneve vendore dhe ndërkombëtare.
Dekani i Fakultetit të Mjekësisë, dr. Rizah Binishi, pasi ka falënderuar pjesëmarrësit e shumtë, ka thënë se “kjo tregon se sa e madhe është vepra e dr. Shpëtim Robajt”.

”Kombi shqiptar vuajti gjatë në rrugën e lirisë. Në përpjekjet e tij për të fituar lirinë u flijuan bijtë dhe bijat më të mira dhe në këtë rrugëtim dr. Shpëtimi nuk hyri rastësisht”, ka thënë, ndërkaq, prof. dr. Osman Sejfija, për të shtuar se ”kur UÇK-ja filloi luftën çlirimtare, ai qe ndër të parët që kaloi pengesa e rreziqe për t’iu ardhur në ndihmë të plagosurve”.
Gjeneralmajor Sylejman Selimi, e ka quajtur nder njohjen me dr. Shpëtimin, madje në momentet më të vështira të luftës.
”Vdekjet janë të dhimbshme, por vrasja e Shpëtim Robajt është dhimbje shumëherë më e madhe. SotTMK-ja është duke u përgatitur për sfidat jetësore. Rruga është e gjatë, por nuk do të ketë ndalje. Këtë e kemi amanet edhe nga dr. Shpëtimi”,- është shprehur gjeneral Selimi, i cili ka folur në emër të SHP të TMK-së.

Përfaqësuesja e Kryqit të Kuq Ndërkombëtar, Barbara Amstad, duke e quajtur të hidhur ditën e 30 shtatorit 1998, ka thënë se “dr.Shpëtimi kishte guximin dhe përkushtimin e nevojshëm. Ai e kreu misionin me nder dhe Kryqi i Kuq Ndërkombëtar e çmon shumë kontributin e tij”.
Dr. Fadil Beka, ish-komandant për mjekësi pranë Shtabit të Përgjithshëm të UÇK-së, duke e ngritur lart figurën e dëshmorit ka thënë se “ndihma e tij për UÇK-në është e pamohueshme. Ai e sakrifikoi veten për dy gjëra: lirinë dhe dhe krijimin e shtetit demokratik të Kosovës”.Në këtë akademi përkujtimore janë shfaqur edhe dy dokumentarë, që i kushtohen dëshmorit.
Po ashtu, në prani të punëtorëve mjekësorë të qendrës univesitare, kryeministrit Bajram Rexhepi, komandantit të Shtabit të Përgjithshëm të TMK-së, gjenerallejtënant Agim Çekut, veprimtarit Adem Demaçi, Fatmir Limajt, ish-komandant “Çelikut” dhe përfaqësuesve të tjerë politikë dhe në praninë e qytetarëve të shumtë, u bë zbulimi i bustit të dëshmorit dr. Shpëtim Robajt.

Në Arkivin Sekret të Vatikanit zbulohet dokumenti më i vjetër i gjuhës shqipe
Prishtinë, 30 shtator, 2002 - Ditë më parë në Arkivin Sekret të Vatikanit nga studiuesi Dr. Musa Ahmeti nga Zagrebi, u zbulua një dorëshkrim nga viti 1210, autor i të cilit është Teodor Shkodrani. Dorëshkrimi përbëhet nga 208 fletë, është shkruar në pergamenë dhe i tëri është në gjuhë shqipe. Teksti ndahet në tri tërësi: atë teologjike, filozofike dhe historike. I gjithë teksti është në autograf. Autori shënon emrin dhe mbiemrin e tij si dhe vitin kur e ka mbaruar dorëshkrimin.
Me këtë dorëshkrim, dokumentimi i shkrimit të gjuhës shqipe shkon për disa shekuj përpara, pra para dokumenteve të deritashme të para shqipe, siç ka qenë "Formula e pagëzimit" (1462) dhe "Meshari" (1555).
Pokështu, me këtë dorëshkrim u vërtetuan pohimet e studiuesve albanologë dhe të udhëpërshkruesve të huaj se gjuha shqipe është shkruar shumë më herët se sa që është dokumentuar deri tash.

A është nafta, shtysa e debatit për Irakun?
Ndërkohë që në Shtetet e Bashkuara po zhvillohet një debat i nxehtë për Irakun dhe armët e tij të shkatërrimit në masë, pak po flitet për një çështje tjetër - për naftën irakiane dhe interesat e kompanive amerikane për këtë naftë.Zëri Amerikës njofton se; disa ligjvënës dhe ekspertë mendojnë se nafta është forca shtytëse e politikës amerikane ndaj Irakut.Ja si shprehet ligjvënësi demokrat Jim McDermott: ”Unë personalisht jam një ndër ata që mendojnë se ka një çështje tjetër shumë më të rëndësishme që duhet diskutuar”.Dr. James Paul kryeson Forumin për Politika Globale në New York. Në një sesion të shkurtër para Kongresit ai tha se, nëse Shtetet e Bashkuara sulmojnë Irakun, kompanitë amerikane do të jenë të parat në listën e konkurenteve për naftën e Irakut:”Dua të argumentoj këtu se kjo çështje është forca shtytëse e politikës amerikane ndaj Irakut”.Por Dr. Wilfrid Kohl i Institutit për Politikën e Jashtme në Universitetin John Hopkins mendon se nafta renditet si çështja e tretë apo e katërt për nga rëndësia:”Armët e shkatërrimit në masë, karakteri i paparashikueshëm i regjimit irakian si dhe lidhjet e tij me terrorizmin të cilat mund të shumëfishohen, këto janë çështjet parësore”, thotë Dr. Kohl.Miriam Pemberton e Institutit për Studime Politike mendon se sulmi ndaj Irakut do ta largojë vëmendjen nga përpjekjet për asgjësimin e al Qaidës:”Një sulm i tillë do të shërbente ndoshta si një shtytje e fuqishme për rekrutimin e terroristëve të rinj”.Por të gjithë pohojnë se Iraku ka sasi të mëdha nafte: ”Në bazë të të gjitha statistikave, Iraku vlerësohet se ka sasi rezervash prej 112 presje 5 miliardë fuçi nafte. Kjo është rezerva më e madhe që dihet se ekziston në ndonjë vend të botës”, thotë Dr. James Paul.Ekspertët mendojnë se kjo sasi rezervash mund të jetë deri në 200 miliardë fuçi, pasi në Irak nuk ka pasur shpime prej kohësh.Pra rezervat e naftës ende janë të paprekura, ndërkohë që Rusia, Kina, Franca, Britania, India dhe vende të tjera po përpiqen të sigurojnë marrëveshje për nxjerrje nafte.Për sa u përket Shteteve të Bashkuara, ligjvënësi Dennis Kucinich thekson rëndësinë që ka çështje e naftës në zgjedhjet e nëntorit për Kongresin amerikan.”Ndoshta duhet që makinat e votimit të kenë 4 butona: njëri të jetë për ’Po’ tjetri për ’Jo’, i treti për të treguar që je këtu dhe i katërti që thotë ”mbushma makinën me benzinë”, tha ligjvënësi.

Nënat e përfundojnë grevën të mllefosura në institucionet tona
ereniku

Prishtinë, 27 shtator (Kosovapress) Time: 12:08

Ashtu edhe siç kishin paralajmëruar, për 24 orë rresht, shumë nëna të ardhura nga vise të ndryshme të Kosovës, kanë bërë grevë urie përballë ndërtesës së Kuvendit të Kosovës, qëllimi i së cilës ka qenë tërheqja edhe njëherë e vëmendjes faktorëve politikë ndërkombëtarë e vendorë rreth fatit të pengjeve të luftës.

Grevistet, në pankartat e tyre kanë refuzuar të shënojnë termin “të zhdukur”. Ato kanë kaluar një ditë dhe një natë në të ftohtë dhe nën shi të pandërprerë, pa ngrënë dhe pa pirë, në pritje të ndonjë sinjali shpresëdhënës për interesimin e mëtejmë të faktorëve relevantë për fatin e të rrëmbyerve gjatë luftës nga forcat policore e ushtarake serbe.

Nënat e të rrëmbyerve kanë pritur së koti të dalë dikush që së paku të ndajë shqetësimin me to. Nga zyra e Shtajnerit (shef i UNMIK-ut), nuk është parë i arsyeshëm komunikimi me grevistet.

Nysrete Kumnova, kryetare e shoqatës “Thirrja e nënave”, në përfundim të grevës, tërë revoltë ka komunikuar kotësinë e pritjes së tyre. ”Askush, për 24 orë nuk ka komunikuar me ne”, ka thënë ajo. Një nënë tjetër, mbi të shtatëdhjetat, me emrin Resmije, me veshje karakteristike dukagjinase dhe me fotografinë e djalit të zhdukur në dorë, ka thënë tërë pezm e lot: ”Këtë djalë kasha, oj loke, kush nuk më ngushëlloi!?“. Ajo nuk do të besojë që i biri i vetëm i saj, ndoshta nuk mund të ndodhet në mesin e të gjallëve. Një nënë tjetër tha: ”Bijtë tanë nuk paskan qenë të Kosovës!?” dhe lotët i rridhnin rrëke.

Sipas një informacioni zyrtar nga Kuvendi i Kosovës, dje Kuvendi paska ndërprerë punimet e rregullta dhe paska shprehur shqetësimin e vet për fatin e të zhdukurve. Madje, sipas informatës, vetë Kryeparlamentari Nexhat Daci, në një takim me disa nëna, ka shprehur “mirkuptim ndaj kërkesave të nënave”.

Burimet e Kosovapressit, ndërkaq, nuk konfirmojnë arsyen se përse Daci ende nuk e ka mundësuar realizimin e vendimit të para disa muajve të Parlamentit të Kosovës, për krijimin e një komisioni që do të merret me këtë çështje.

Pritja e djeshme te presidenti Rugova vetëm sa i ka stresuar nënat. ”Edha ai vetëm na shprehu mirëkuptim“, thonë ato, duke mos mundur ta fshehin ironinë për fjalën mirkuptim. Një nënë tjetër, tha: ”Edhe këta janë bijtë tanë, e pse këso pritje mbretërish? Ne duam angazhim, jo rregulla oborrtarësh”, ka thënë ajo, duke aluduar në mënyrën e pritjes që Presidenti ua ka bërë atyre, me të njëjtin protokoll, vonueshëm, me fodullëk dhe protokoll të tejzgjatur pritjeje.

Lot dhembjeje për të dashurit, pengje të luftës ose të zhdukur janë derdhur në trotuar për 24 orë rresht nga nënat shqiptare, para zyrave të Kryeadministratorit, Presidentit, Kryeministrit dhe Parlamentit të Kosovës.

E shtune, 21 shtator, 2002

Kronikë javore e ngjarjeve e arenën nderkombëtare rreth sindromit SADAM

(N.York 21 shtator 2002-ereniku)Java që po e lëmë pas karakterizon një aktivitet të nxehtë diplomatik amerikan rreth pershpejtimit të zgjidhjes së çështjes së hapur SADAM.Kjo vërehet edhe në vetqëndrimin e Prsidentit BUSH rreth ofertë së Irakut për të bashkëpunuar me inspektorët e armëve. Bush tha se është i njëjti avaz, duke e cilësuar atë një “hap taktik” për të shmangur marrjen e masave të forta nga Këshilli i Sigurimit i Kombeve të Bashkuara.Ai bëri thirje që ndaj udhëheqësve irakianë të vendosen afate të qarta për të dorëzuar armët e shkatërrimit në masë. Afate prej disa ditësh e javësh dhe jo prej muajsh e vitesh,si arsyetim se në Irak nuk ka pasur inspektime të Kombeve të Bashkuara që nga viti 1998. Iraku e ka përdorur këtë periudhë katër-vjeçare për të prodhuar armë të tjera kimike dhe biologjike si dhe prodhimin e bombës bërthamore.Nëse komuniteti ndërkombëtar nuk arrin ta çarmatosë Sadam Huseinin, presidenti Bush thotë se Shtetet e Bashkuara janë gati të veprojnë të vetme.Pas ketij kërcënimi amerikan për të bllokuar dërgimin e inspektorëve në Irak nëse OKB-ja nuk i paraqiste një ultimatum Sadam Huseinit,pasoi edhe biseda telefonike midis Bushit e Putinit.Kjo bisedë e inicuar nga vet Bushi duket se më shumë kishte të bënte për të vrejtur grafikonin e qendrimeve ruse ndaj veprimeve diplomatike amerikane rreth sindromit SADAM.Ndërsa qeveria amerikane përgatitet të fillojë luftën me Irakun.midis fqinjëve të Irakut kemi thyrje të ndryshme mendimesh; Arabia Saudite Katari dhe Jordania-nismën amerikane e cilësojnë si"gabim shumë i madh" që mund "ta qojë gjithë rajonin drejt trazirave ".Kuvajti, mbetet ne mbështetje të shpëtimtarit të tij,ndërsa Irani ruan ekuilibrin mes reformistëve dhe përfaqësuesve të rrugës së ashpër. Gjithmonë Irani ka mbajtur një qëndrim të paqartë ndaj sulmeve mbi Irakun.Me zemër, do të mrekullohej po ta shihte Sadam Huseinin të rrëzuar. Ai është njeriu që nisi një luftë tetë vjeçare ndaj Iranit në vitin 1980.Mirëpo,në anën tjetër, nuk i pëlqen që "Djalli i Madh"- Shtetet e Bashkuara, të jenë në rajon. Kështu që komentet publike të Iranit janë armiqësore.Saktësisht Irani nuk do ndihmonte ndonjë pushtim amerikan, por në të njëjtën kohë, ndoshta as nuk do ta ndalonte.Turqia-lejon aeroplanët britanikë dhe amerikanë që të përdorin bazat e veta për të siguruar zonën e ndalim-fluturimit mbi Irakun verior, por heziton shumë që t'i bashkohet një pushtimi të Irakut.Shqetësimi kryesor i Turqisë duket se është ai që kurdët në veri të Irakut, mund të përpiqen të ngrenë një shtet të vetin dhe kjo do t'u jepte kurajo tendencave separatiste të kurdëve të Turqisë.Presidenti Egjipti Mubarak dërgoi trupa që të luftonin me koalicionin në Luftën e Gjirit, por nuk pritet që ta bëjë këtë përsëri.Ai ka argumentuar se amerikanët, së pari, duhet të zgjidhin krizën Izraelite-Palestineze. .Megjithatë, Uashingtoni shpreson se Z. Mubarak, së paku, do të miratojë sulmin kundër Irakut, kur të arrijë momenti. Omani duket se po fiton kohë Sulltani iketij vendi kohë të gjatë ka qenë një nga aleatët kryesorë të Perëndimit në rajonin e Gjirit. Mbështeti veprimet ushtarake të koalicionit të drejtuar nga Amerika në Afganistan.Ai gjithashtu lejoi trupat britanike që të bënin një stërvitje në shkretëtirë në Oman. Por ministrat e tij kanë kundërshtuar publikisht një sulm amerikan mbi Irakun.Pos qendrimeve te tilla të të gjitha vendeve rreth Irakut qendrim më të hekurt dhe kundershtues me cilësime mbase edhe te tejkaluara mbajnë zyrtarë të ndryshem nga Gjermania.Ministresha e drejtësisë Gmelin e cila qendrimin diplomatik te Bushit e cilësoi të njejtë me ate te Hitlerit.Menjëherë pasuan reagimet zyrtare të Washingtonit,gjë që jep të kuptohet për një ftohje të hekurt midis ketyre dy vendeve,të cilat në të kaluarën kishin një barometer ekuilibrues ne qendrimet e tyre diplomatike rreth ngjarjeve të ndryshme ne botë.Edhe gazeta famoze e N.Yorkut me titull N.York post nëpërmes të një shkrimi të John Pettersonit nga Ridgwoodi i Nju Jersit citon se një vit pas asaj: "Me ne ose kundër nesh "le të shikojmë se cilat vende të botës e konsiderojnë veten mike dhe përkrahëse të SHBA.Në taborrin e të afërtëve me diplomacinë aktuale të Washingtonit tash per tash sipas shkrimit në fjalë mbetet vetëm Britania e Madhe dhe Izraeli. Lajmi më i ri që arrinë nga Bagdadi flet se ai nuk do të bashkëpunoj apo pranoj kurrfarë rezolute të dalë nga OKB.Pra edhe më tutje Iraku mban qendrimin e hekurt gjë që e frynë edhe më shumë para botës sindromin SADAM.... (Për erenikun dhe RTV21 Nexhmedin Syla N.York)

E premte, 2o shtator, 2002

Rreth 40 mijë serbë të zhvendosur janë kërcënuar se do të bëjnë protesta masive përgjatë kufirit të Kosovës
Prishtinë, 20 shtator - Zëvendëskryeministri i Serbisë Nebojsha Çoviq thotë në një letër të hapur drejtuar kryeadministratorit të Kosovës, Mihael Shtajner se duhet bërë përpjekje për kthimin e serbëve të ikur nga Kosova. Në anën tjetër rreth 40 mijë refugjatë serbë janë kërcënuar se do të bëjnë protesta masive përgjatë kufirit të Kosovës që të hyjnë masivisht në vendin tonë. Çoviq thotë se duhet bërë përpjekje për zgjidhjen e problemit para të mos mund të jemi në gjendje të kontrollojmë situatën.

M. Shtajner priti një grup të grave serbe nga Mitrovica dhe bëri një sheti në Sheshin "Nëna Terezë" në Prishtinë
Prishtinë, 20 shtator - Qik-u njopfton se; Kryeadministratori i Kosovës Mihael Shtajner priti dje një grup të grave serbe nga Mitrovica si dhe bëri një sheti në sheshin "Nëna Terezë" në Prishtinë. Shtajner tha se nuk do të ketë kthim masiv të personave të zhvendosur nga Kosova, por kthimi tha ai është e drejtë e çdo individi.
Pas këtij takimi, Shtajner bëri të ditur se temë qendrore ishin perspektiva e Mitrovicës dhe zgjedhjet lokale të 26 tetorit.
"Ne biseduam për të ardhmen e Kosovës dhe për kushtet e jetës në të dyja pjesët e Mitrovicës. Mendoj se kemi arritur një marrëveshje që qytetarët serbë të marrin pjesë në zgjedhjet lokale, në jetën politike dhe në zhvillimin ekonomik. Biseduam dhe u pajtuam se këtë mund ta arrijmë hap pas hapi", tha Shtajner. Ai shtoi se nëpërmje grave serbe u ka sugjeruar të gjithë serbëve të Kosovës që të marrin pjesë në zgjedhjet lokale, sepse kjo është në interesin e tyre.
Gratë serbe që u takuan me kryeadministratorin Shtajner e vlerësuan pozitivisht këtë takim. Ato u pajtuan se serbët duhet të marrin pjesë në pushtetin komunal, por shtuan se në Kosovë ka ende probleme të cilat duhet të zgjidhen nga bashkësia ndërkombëtare.

Në Vushtrri me një akademi përkujtimore u shënua 4-vjetori i vrasjes së kolonel Ahmet Krasniqit
Vushtrri, 20 shtator 2002 - Sot në Vushtrri u mbajt një akademi përkujtimore me rastin e 4-vjetorit të vrasjes së kolonel Ahmet Krasniqit, ministër i Mbrojtjes në Qeverinë e Republikës së Kosovës. Muharrem Shabani, kryetar i Kuvendit komunal të Vushtrrisë, duke folur për figurën e Ahmet Krasniqit, th se ai me mish me shirt punoi për krijimin e një ushtrie profesionale çlirimtare dhe formoi bazën për arritjen e sukseseve në luftime, por u vra nga një dorë mizore.
Poashtu për figurën perj atdhetari të Ahmet Krasniqit foli edhe Hajzer Krasniqi, anëtar i Kryesisë së LDK-së.
Ndërkaq kolonel Tahir Zemaj, bashkëpunëtor i Ahmet Krasniqit, tha se lavdia u takon atyre që e dhanë jetën, nderimi atyre që luftuan me të gjitha mjetet, ndërkaq mirënjohja e përjetshme për aleatët e Kosovës që vendosën fatin e luftës.
Në këtë akademi folën edhe Zeqirja Cana dhe i vëllai i Ahmet Krasniqit, Behxhet Krasniqi.
Në fund u dha një program i zgjedhur artistik.(njofton Qik-u)

Administratori ndërkombëtar i Prishtinës Ivo Shanc dha dorëheqje
Prishtinë, 20 shtator 2002 - Qëllimi im si administrator ka qenë që të punoj për UNMIK-un, të implementojmë parimet e demokracisë, të ndihmojmë në ndërtimin e administratës komunale dhe të mbrojmë interesat e pakicave, - tha administratori ndërkombëtar i Prishtinës Ivo Shanc sot para gazetarëve pas dorëheqjes që paraqiti në kët post.
Shanc tha se gjithnjë ka hasur në vështirësi të shumta. Gjatë punës së vet është përballur me shumë sfida sidmos me keqpërdorimet, duke thënë së është përpjekur të mos i tolerojë fenomenet e tilla, dhe ceku disa dhjetra hektarë tokë të komunës që janë përvetësuar nga persona privatë.
Shanc në vazhdim tha se tani UNMIK-u po ballafaqohet me administratën paralale të Beogradit, dhe theksoi se kjo është e papranueshme. Ai akuzoi politikanët serbë se këtë po e bëjnë sidomos në prag të zgjedhjeve lokale në Kosovë.

Reduktimi i trupave është pozitiv sepse kjo tregon përparim dhe besim në autoritetet vendore, thotë majori i KFOR-it Nikson
Podujevë, 20 shtator 2002 – Aktivitete kriminale kanë shënuar rënie nga java paraprake, mirëpo brengos rritja e numrit të mjeteve të paeksploduara dhe e municionit që paraqesin rrezik për njerëzi, ka pohuar në konferencën e sotme për shtyp të KFOR-it britanik në Podujevë majori Riçard Nikson. Ai ka njoftuar se dy granata janë gjetur në fshatin Sallabajë dhe 105 rrathë municioni në rrugën për Peran. Ai ka apeluar te popullata llapjane, e sidomos te fëmijët, që të kenë kujdes sepse gjatë mbjelljeve mund të ketë rrezik të vazhdueshëm nga UXO-t.
"Në Lluzhan është gjuajtur konvoji i serbëve, mirëpo njerëzit lokalë e kanë ndaluar këtë incident të shkaktuar nga njerëz të rinj", tha ai, duke shtuar se brenda dhjetë ditësh në Qendrën informative të Lluzhanit do të fillojë puna e SHPK-së.
Lidhur me reduktimin e trupave britanike në Kosovë majori Nikson tha se nuk dëshiron të spekulojë, por reduktimi është pozitiv sepse tregon përparim dhe besim në autoritetet vendore.
Ndërkaq majori Ivan Kovaç i Batalionit çeko-sllovak pohoi se situata e sigurisë në rajonin kufitar është e qetë, por për shkak të protestave të paralajmëruara të serbëve të Kosovës, policia ka bërë përforcime në kufi, tha Kovaç.

Xh. Zavalles: Tërheqja e trupave të NATO-s dhe të atyre amerikane nuk do të bëhet para sqarimit të statusit të Kosovës
Ushington, 20 shtator - Tërheqja e trupave të NATO-s nuk do të bëhet para sqarimit të statusit të Kosovës. Edhe për vetë statusin e Kosovës në mesin e analistëve ka mendime të ndryshme. Xhon Zavalles, bashkëpunëtor i Qendrës për Politikën Perëndimore në Uashington, thotë se pas 11 shtatorit të vitit të kaluar shumë përparësi kanë ndryshuar për vendimarrësit amerikanë. Aktualisht administrata amerikane po kërkon një mënyrë për të filluar pakësimin e pranisë politike dhe ushtarake amerikane në Ballkan dhe t'ia kaloj atë evropianëve, tha ky analist amerikan për "Zërin e Amerikës". Ai theksoi se për sa i përket Kosovës ekziston ideja që një zgjidhje brenda parametrave të Rezolutës 1244 të Kombeve të Bashkuara do të siguronte zgjidhjen më të mirë. Sigurisht se kjo do të ngjallte kundërshtime në Kosovë, sepse kjo do të thotë kthimi në njëfarë forme e sovranitetit të ashtuquajtur jugosllav në këtë vend.
"Bashkësia ndërkombëtare nuk mund të largohet tani shpejt nga Kosova dhe për këtë arsye nevojiten ende për disa kohë vëzhguesit e Bashkimit Evropian si dhe forcat e KFOR-it dhe veçanërisht ato amerikane për të parandaluar një lloj rëshqitje tek një krize konfrontimi etnik. Aty duhet një lloj qëndrimi kompromisi që do të kërkonte që gjithkush të heqte dorë nga kërkesat maksimale, gjë që ka funksionuar në një pjesë tjetër të Evropës. Sigurisht që nëse nesër organizohet një referendum shqiptarët në Kosovë do të votonin për pavarësinë. Besoj se një nga pyetjet të cilës duhet t'i përgjigjemi është se cili do të ishte efekti në vendet e tjera të rajonit", tha ndër tjera Xhon Zavalles.

Në hyrje të Drenasit treni përplaset me një autobus udhëtarësh - 13 të lënduar

Drenas, 20 shtator - Dje pas orës 17.00 në hyrje të Drenasit treni i ngarkuar me mallra është përplasur me autobusin e linjës Prishtinë - Drenas (ish-Gllogovci) dhe një autoveturë. Në këtë aksident 13 udhëtarë të autobusit kanë marrë lëndime të rënda dhe nga Shtëpia e Shëndetit në Drenas me ndihmën e pjesëtarëve të SHPK-së dhe TMK-së janë transportuar për në Spitalin e Prishtinës.

Rajon:

Vritet Mensur Jashari mbrëmë në Tetovë
Tetovë, 20 shtator - Një shqiptar 18-vjeçar vdiq natën e mbrëmshme nga plagët e rënda. Bëhet fjalë për Mensur Jasharin nga fshati Neraste i Tetovës, i cili ishte transportuar në spital e Tetovës në orën 2.00 pas mesnate. Njoftohet se i ndjeri u vra nga shkëmbimi i zjarrit mes dy grupeve të armatosura. Sipas policisë së Tetovës gjatë natës së mbrëmshme janë dëgjuar të shtëna në rajonin e disa fshatrave të Tetovës.

PDK akuzon KSHZ-në për 126 vota të vjedhura në zonën e Dibrës

Shkup, 20 shtator - Partia Demokratike Kombëtare (PDK) ka bërë ankesë në Komisionin Shetëror Zgjedhor (KSHZ) për njësinë zgjedhore në Zhub të Dibrës ku për shkaqe të qëllimta teknike janë vjedhur 126 vota të kësaj partie. Këto vota kanë ndikuar në rezultatet përfundimtare, deklaroi sekretari i përgjithshëm i PDK-së Xhevat Ademi. Ky gabim në përpunimin e rezultateve ka ndikuar drejtperdrejt që jashtë përbërjes së parlamentit të ri maqedonas të mbetet kryetari i PDK-së Kastriot Haxhirexha, bartës i listës në njësinë zgjedhore numër 6.

Botë:

Bush kërkon kompetenca të zgjeruara
Uashington, 20 shtator - Presidenti amerikan Xhorxh Bush i kërkoi zyrtarisht Kongresit që t'i japë atij autoritet të gjerë për të përdorur forcën kundër Irakut. Shtëpia e Bardhë i paraqiti Kongresit një projektrezolutë, e cila do të autorizonte presidentit të përdorë çdo mjet që ai shikon si të përshtatshëm, përfshirë forcën, në mënyrë që të detyrojë respektimin e rezolutave të Këshillit të Sigurimit të OKB-së, të mbrojë intyeresat e sigurisë kombëtare të Shteteve të Bashkuara dhe të rivendosë paqen e sigurinë ndërkombëtare në rajon. Tani, Kongresi do të fillojë debatin rreth projekt rezolutës dhe ka premtuar se do të votojë para zgjedhjeve të 5 nëntorit.

Deklarata e një ministri gjerman se taktika e Bushit mund të krahasohet me atë të Hitlerit, ka shkaktuar reagimin e ashpër të Uashingtonit
Uashington, 20 shtator - Deklarata e një ministri gjerman se taktika politike e presidentit Bush mund të krahasohet me atë të Hitlerit, ka shkaktuar reagimin e ashpër të Shtëpisë së Bardhë.
Ministrja gjermane e Drejtësisë Herta Dojber Gmelin, duke iu drejtuar një tubimi të punëtorëve, ka thënë se z.Bush kërcënimin me luftë kundër Irakut po e shfrytëzon për të larguar vemendjen nga problemet e brenshme politike. Pastaj ka thënë: "Këtë e bënte edhe Hitleri".
Më vonë ka deklaruar se fjalët e saj gabimisht janë kuptuar. Ndërkaq, në Uashington nuk mendojnë ashtu. Përfaqësuesi i Shtëpisë së Bardhë ka thënë se kjo deklaratë është e paparë dhe e pashpjegueshme, ndërkaq zyrtarët e tjerë amerikanë kanë bërë me dije se vetë presidenti Bush është shumë i zemëruar. Uashingtoni gjoja Gjermanisë i ka bërë një protestë formale duke kërkuar shpjegime.

Gjeorgjianët hedhin poshtë akuzat ruse
Tbilisi, 20 shtator - Ministri i Jashtëm i Gjeorgjisë, Irakli Menagarishvili i ka hedhur poshtë akuzat ruse se Gjeorgjia u ofronë strehim separatistëve çeçenë.
Ministri ka thënë në Asamblenë e përgjithëshme të OKB-së se akuzat e Rusisë kundër Gjeorgjisë janë një tentativë për fshefjen e dështimit të Rusisë për të zgjidhur konfliktin e sajë në Çeçeni.

E mërkurë,18 shtator, 2002

Sipas "Gazetës shqiptare", organizata vorioepirote MAVI drejton trafikun e fëmijëve nga Shqipëria në Greqi
Tiranë, 18 shtator – Burimet e policisë shqiptare, ndonëse shumë të rezervuara, thonë se krerët e trafikut me fëmijë në Greqi janë njëkohësisht edhe anëtarë të organizatës paraushtarake të Vorio-Epirit, MAVI, shkruan "Gazeta shqiptare". Sipas të dhënave të publikuara edhe më parë, kjo organizatë njihet edhe për disa lloje trafiqesh, siç është ai i drogës dhe i armëve. Gjithashtu mësohet se një ndër krerët kryesorë të kësaj organizate është edhe mjeku grek, Fotis Andropulos. Ka qenë ky mjek nga Edesa e Greqisë, një qytet pranë Selanikut, që ka kontaktuar me pjesëtarët e rrjetit edhe në Korçë. Nuk është hera e parë që bëhet e ditur ekzistenca e rrjetit të MAVI-t në Korçë. Madje, ka qenë kjo organizatë që në zgjedhjet lokale të vitit 2000 hodhi në publik fletushka dhe foto të anëtarëve të saj. Drejtori i policisë së asaj kohe, Sokol Çela, paraqiti para reporterëve fotografi të anëtarëve të MAVI-t, të cilët paraqiteshin në kampet stërvitore të veshur me kapuçonë të zinj. Çela, jo vetëm që e ka pranuar ekzistencën e këtij rrjeti në Korçë, por ka theksuar se, sipas informacioneve të grumbulluara nga policia, paraushtarakët vorio-epiriotë merren me veprimtari kriminale dhe me trafiqe. Edhe pas dy vjetësh janë përsëri uniformat që dyshojnë se të implikuarit kryesorë të këtij trafiku janë pjestarë të MAVI-t.

Komisioni Shtetëror i Zgjedhjeve në Maqedoni pas 24 orëve ka bërë të ditur rezultatet jozyrtare

Shkup, 18 shtator - Komisioni Shtetëror i Zgjedhjeve në Maqedoni pas 24 orëve ka bërë të ditur rezultatet jozyrtare. Koalicioni i LSDM-së të Branko Cërvenkovskit ka fituar 40.4 për qind të votave duke dalë forca më e madhe politike në këtë vend. Ndërsa në bllokun shqiptar Bashkimi Demokratik për Integrim udhëheq me 11.5 për qind të votave. Shtabi zgjedhor i kësaj partie deklaroi se ajo në parlamentin e ardhshëm do të ketë 17 deputetë, ndërkaq të gjitha forcat politike shqiptare do të përfaqësohen me 27 deputetë.
Zëdhënësi i VMRO-DPMN-së theksoi se kjo parti ka pësuar humbje të thellë në zonën elektorale numër 1 dhe dy në Shkup dhe Kumanovë. Opozita aktuale maqedonase besohet kështu se ka fituar 62 mandate në parlamentin e ri, gjë që i mundëson asaj krijimin pa ndonjë forcë tjetër politike të qeverisë së re. Megjithatë, Cërvenkovski më parë ka paralajmëruar se në koalicion duhet të ketë edhe një parti politike shqiptare.

Shtypi grek: Qeveria e Athinës po lejon Italinë që të marrë në dorë ShqipërinëATHINE, 18 shtator - Shtypi grek kritikon qeverinë e vendit, sepse po lejon që Italia në marrë në dorë Shqipërinë. Këto akuza janë ngritur pikërisht pak ditë pas takimit të 14 shtatorit në Gjirokastër mes shqiptarëve dhe italianëve në lidhje me përparësinë, që i kanë dhënë turizimit në zonat jugore të Shqipërisë. Sipas shtypit një fakt tjetër, që po tregon se Italia po tregon një interes të madh ndaj Shqipërisë, është dhe vendosja e gjuhës italiane nëpër shkolla, gjë të cilën Greqia duhet ta kishte bërë që para 10 vitesh.

PD(r): Komisioni të hetojë Berishën e NanonTIRANE, 18 shtator - Drejtuesi i Partise Demokratike të Reformuar PD(r), Nard Ndoka, tha Komisioni parlamentar hetimor për Sherbimin Informativ Shteteror nuk do të zbardhë gjithçka, pasi do të jetë monopol i Partise Socialiste dhe i Partise Demokratike. “Nëse flitet për zbardhje të ngjarjeve të shtatorit, si pasojë e vrasjes së deputetit Azem Hajdari, duhet parë edhe dosja mbi Berishën, që u cilësua në atë kohë drejtuesi i grushtit të shtetit. Në anën tjetër, duhet parë edhe dosja për Nanon, i cili u quajt nga PD-ja tradhëtar për takimin me ish-presidentin jugosllav Sllobodan Millosheviçin në Kretë”, tha Ndoka.

Partia Demokratike Shqiptare ka përjashtuar çdo negociatë për hyrje në qeverinë e re maqedonase
Tetovë, 18 shtator - Partia Demokratike Shqiptare e Arbër Xhaferit do të kalojë në opozitë. Në një konferencë të mbajtur përfaqësuesit kryesorë të kësaj partie Arbër Xhaferi dhe Menduh Thaçi kanë përjashtuar çdo negociatë për hyrje në qeverinë e re maqedonase. Kjo parti ka refuzuar edhe ftesën e Ali Ahmetit që të marrë pjesë në qeveri.
Drejtuesit e saj kanë thënë se PDSH-ja do të mbetet "opozitë konstruktive" dhe do të mbështesë qeverinë kur është fjala për interesat e shqiptarëve.
Xhaferi dhe Thaçi theksuan në një konferencë me gazetarë se ftesa që të gjitha partitë shqiptare të hyjnë në qeveri u duket romantike.

Xh. Robertson: Për vazhdimin e trupave të NATO-s në Maqedoni do të vendoset pas bisedimeve me qeverinë e re të Shkupit
Bruksel, 18 shtator - Situata në Maqedoni pas zgjdhjeve të fundit parlamentare u diskutu dje në takimin e Këshillit të Përhershëm të Aleancës Veriatlantike dhe të Komitetit Politik të Sigurisë së Bashkimit Evropian. Me këtë rast u fol edhe për vazhdimin e misionit të NATO-s në këtë vend.
Sekretari i përgjithshëm i NATO-s Xhorxh Robertson theksoi në këtë takim se për vazhdimin e misionit të trupave të NATO-s në Maqedoni do të vendoset pas diskutimeve që do të mbahen në qeverinë e re të Shkupit dhe se do të vendoset vetëm pas këshillimeve të përbashkëta. Megjithatë, lordi Robertson deklaroi se NATO-ja do të vazhdojë të mbetet e angazhuar për të ndihmuar në forcimin e procesit të paqes në Maqedoni. I njëjti qëndrim vërehet edhe nga ana e Bashkimit Evropian.

Organizatori i 11 shtatorit nën kontrollin e SHBA-së
Uashington, 18 shtator - Autoritetet amerikane kanë marrë në dorëzim pesë persona të dyshuar si anëtarë të al-Kaidës, të cilët u kapën javën e kaluar në Pakistan. Mes tyre është edhe Remzi bin al-Shibi, i cili akuzohet si kreu i grupit që kreu sulmet e 11 shtatorit të vitit të kaluar. Zyrtarë amerikanë dhe pakistanezë konfirmuan dje se Bin al-Shibi dhe katër të tjerët ishin transferuar me aeroplan nga Pakistani në një vend që mbahet sekret. Zoti bin al-Shibi akuzohet se ishte udhëheqësi i një celule të Al-Kaidës në Gjermani, që siç thuhet planifikoi dhe vuri në jetë goditjet terroriste kundër Shteteve të Bashkuara. Hetuesit amerikanë mendojnë se ai kishte pasur në plan të bashkohej me 19 rrëmbyesit e tjerë, por nuk mundi të siguronte një vizë amerikane.

E marte, 17 shtator, 2002

Rugova u premton përkrahje aktorëve kosovarë

PRISHTINE, 17 shtator - "Do ta stimulojmë dhe përkrahim filmin në Kosovë ". Kështu deklaroi presidenti i Kosovës, dr.Ibrahim Rugova pas takimit me ministrin e Kulturës Behxhet Brajshorin dhe me aktorët kosovarë, pjesëmarrës në Festivalin e Filmit, që u mbajt në Gjilan. Rugova tha se edhe iniciativat private e "Kosovafilmit" dhe e institucioneve të tjera që merren me filmin, do të ndihmohen dhe stimulohen. Rugova me këtë rast përgëzoi të gjithë artistët, të cilët morën shpërblime në këtë festival. Ai në veçanti përgëzoi aktorin e njohur Istref Begollin dhe regjisorin Besim Sahatçiu, të cilët morën çmime për veprimtari jetësore. Me këtë rast Besim Ajeti, drejtori i Festivalit të Filmit, falenderoi Presidentin Rugova për pritjen që u ka bërë pjesëmarrësve të festivalit, duke shtuar se ata vendosën që në shenjë respekti t'i dhurojnë Presidentit "Hyjneshen në fron", e cila është punuar e para dhe ka qenë pjesë e festivalit. "Këtë dhuratë - tha Ajeti - ia japim me kënaqësinë dhe respektin që kemi për Presidentin dhe Presidencën e Kosovës". Gjatë këtij takimi aktorit Enver Petrovci i është propozuar që ta formojë Akademinë e Filmit në Kosovë.

Themelohet Aleanca Kosovare e Biznesit: Do të mbrojë prodhuesit dhe biznesin vendas

PRISHTINE, 17 shtator - Në Prishtinë u themelua Aleanca Kosovare e Biznesit, synimi i të cilës është të ndihmojë prodhuesit kosovarë. Përfaqësuesit e komunitetit të biznesit në Kosovë theksuan se politika kreditore, tatimet dhe taksat doganore ndikojnë drejtpërsëdrejti në zhvillimin e biznesit të Kosovës. Ata theksuan se krijimi i institucioneve të cilat i mbrojnë të drejtat e prodhuesve vendorë ka rëndësi të veçantë sepse mund të krijohen kushte më të volitshme për hapjen e bizneseve të reja që do të zvoglonte numrin e papunësisë në vend. Komuniteti i biznesit thotë se kushtet për prodhesit vendorë tani në Kosovë nuk janë të mira. Konkurrenca jo e ndershme, atyre u zhvlerëson prodhimin. Sipas zyrtarëve të shoqatave afariste, kjo situatë ka ndikuar tek shumë biznesmenë duke i shtyrë ata që ta ndalin prodhimin. Kjo ka ardhur për shkak se tatimet janë shumë larta, ndërsa kreditë jo të volitshme. Krijimi i Aleancës Kosovare të Biznesit, sipas Muhamet Mustafës, kryetar i institutit për hulumtime ekonomike “Riinvest”, ka rëndësi të veçantë se tani duhet të mendohet më seriozisht për zhvillimin e ekonomisë së vendit. Edhe sipas Xhemil Lumës, kryetar i shoqatës afariste "Esnafi" Prizren, dhe Agim Shahinit, kryetar i shoqatës së afaristëve në Vushtrri, Aleanca Kosovare e Biznesit do të përkrahë prodhuesit vendorë dhe të gjitha vërjetjet, krëkesat e tyre do t’ua dorëzojë institucioneve më të larta të vendit. Ndërsa menaxheri në projektin e Qendrës për Ndërmarrje Private Ndërkombëtare në Kosovë, (CIPE), Vivek Date shprehet se biznesi është një gjenerator për punësim.

KFOR-i arreston në Podujevë një tjetër ish-pjesëtar të UÇK-së, Safet Hasanin

PODUJEVE, 17 shtator - Më 12 shtator pjesëtarët e KFOR-it e kanë arrestuar në Podujevë Safet Rrahim Hasanin, ish-ushtar i Ushtrisë Çlirimtare të Kosovës. Nënkëshilli për Mbrojtjen e të Drejtave dhe Lirive të Njeriut njofton se në arrestim kanë marrë pjesë shumë pjesëtarë të KFOR-it, të përkrahura me helikopter, të cilat kanë bastisur shtëpinë e babait të Safetit, Rrahimit, dhe të Fahri Hasanit. Në njoftim thuhet se familjarët e Safetit nuk kanë kurrfarë informacioni për shkaqet e arrestimit dhe për vendndodhjen e Safetit....njofton RTV21.

...edhe Qik-u njfton (më gjërësisht) se...

Në Besianë KFOR-i arreston Safet Hasanin, një ish-ushtar i UÇK-së
Prishtinë, 17 shtator (QIK) - Sipas njoftimeve nga NKMDLNJ në Besianë, më 12 shtator 2002), rreth orës 19.00, në lagjen e Brecajve në Besianë pjesëtarët e KFOR-it kanë arrestuar ish-ushtarin e UÇK-së, Safet Rrahim Hasanin. Një orë më parë, pra rreth orës 18.00, forca të shumta të KFOR-it, me përkrahje të helikopterit, kanë bllokuar lagjen e Brecajve dhe kanë filuar kërkimin e Safetit. Derisa është bërë bastisja e shtëpisë së Safetit, anëtarët e familjes së tij janë mbajtur në një dhomë.
Poashtu, është bastisur edhe shtëpia e Fahri Hasanit, ku është thyer dera e një dhome me dry. Një nga familjarët e Safetit ka pohuar se në shtëpinë e babait të Safetit, Rrahimit, janë shqelmuar dyert e dhomave, ndërsa sjelljet e KFOR-it kanë qenë tepër të ashpra.
Dëshmitarët okularë e kanë parë Safetin e arrestuar me fytyrë për toke dhe me armët e drejtuara në kokën e tij. Familjarët e Safetit nuk kanë kurrfarë informate për shkaqet e arrestimit dhe vendndodhjen e tij, thuhet në një njoftim të KMDLNJ-së.

Në dhjetor mbahet Kongresi i parë Mbarëshqiptar i Psikologëve

PRISHTINE, 17 shtator - Kryesia e Shoqatës Mbarëshqiptare të Psikologëve, në bashkëpunim me Degën e Psikologjisë të Fakultetit të Shkencave Sociale të Universitetit të Tiranës, do të thërrasë në muajin dhjetor 2002 Kongresin e parë Mbarëshqiptar të Psikologëve. Akademik Bedri Dedja, kryetar i Shoqatës Mbarëshqiptare të Psikologëve, bëri të ditur se ky kongres do të ketë si temë boshtore "Problemet e psikologjisë së shqiptarëve në fillim të shekullit XXI". Veç seancave plenare, Kongresi do t'i zhvillojë punimet edhe me katër seksione: "Psikologjia dhe politika në kushtet e sotme"; "Psikologjia dhe biznesi bashkëkohor"; "Psikologjia dhe feja"; "Psikologjia e tolerancës"; dhe "Arsimi psikologjik në Shqipëri, gjendja dhe problemet e përsosjes së tij". Shoqata Mbarëshqiptare e Psikologëve u bën thirrje të gjithë antarëve të saj në Shqipëri, në Kosovë, në Maqedoni, në Mal të Zi dhe në diasporë që të japin ndihmesën e tyre për organizimin dhe mbarëvajtjen e këtij Kongresi.

Kulturë:

Organizohet Festivali Ndërkombëtar i Filmit Dokumentar për të Drejtat e Njeriut
Prishtinë, 17 shtator 2002- Javën e fundit të shtatorit KMDLNJ do të organizojë Festivalin Ndërkombëtar të Filmit Dokumnetar për të Drejtat e Njeriut në rajonin e Anamoravës - Dardanë, Gjilan dhe Viti. Në këtë Festival do të shfaqen 14 filma që kanë të bëjnë me të drejtat e njeriut dhe atë nga vendet e ndryshme të botës.
Filmat e shfaqur në këtë Festival do të mbulojnë një varg çështjesh aktuale - konfliktet civile, krimet e luftës, represioni politik, kërkimi i së vërtetës, drejtësia dhe pajtimi, zgjidhja e mosmarrëveshjeve, roli i institucioneve ndërkombëtare, mediat e lira, dogmatizmi fetar, racizmi, trafikimi i femrave, dhuna në familje, korrupsioni, ndikimi i ekonomisë globale etj.
Festivali parashihet të jetë ngjarje shumëdimensionale, e cila nuk ka të bëjë vetëm me shfaqjen e filmave, por edhe me organizimin e tryezave të rrumbullakëta, debateve publike, ligjëratave etj.

Rajon:

A. Ahmeti: Tash për tash nuk janë zhvilluar biseda zyrtare për të hyrë në koalicion me socialdemokratët
Shkup, 17 shtator 2002- Duke u përgjigjur në pyetjen e "Zërit të Amerikës" se a ka vendosur kontakte me partinë e Bashkimit socialdemokrat të Branko Cërvenkovksit dhe a është i hapur partia e tij për të hyrë në koalicion me partinë e z. Cërvenkovski, Ali Ahmeti tha:
- Tash për tash nuk janë zhvilluar biseda zyrtare ende për arsye se pjesa dërmuese e qytetarëve të cilët janë simpatizantë të BDI-së dhe të socialdemokratëve të komunitetit maqedonas, janë në festë, por në parim ne jemi deklaruar para se të mbaheshin zgjedhjet se nëse fitojmë shumicën nga komuniteti shqiptar do të pranojmë një koalicion në të ardhmen me cilëndo parti nga komuniteti maqedonas, e cila parti fiton shumicën.
Ai tha se "jemi shprehur se cilado parti fiton shumicën te shqiptarët, të ketë të drejtën vetëm të koalicionojë me partinë maqedonase për krijimin e qeverisë dhe të mbështetet nga partitë politike shqiptare, të cilat kanë më pak mandate në parlament".

Gjyqi Hagës:

Hetime kundër Sheshelit për krime lufte
Hagë, 17 shtator 2002- Prokurorët e Kombeve të Bashkuara thanë se janë duke bërë hetime ndaj politikanit nacionalist serb, Vojisllav Sheshel me dyshim për krime lufte.
Kombet e Bashkuara kanë përmendur Sheshelin të ketë bashkëpunuar me ish presidentin jugosllav, Sllobodan Millosheviq në ate që e quajnë “ndërmarrje të përbashkët kriminale” për dëbimin e joserbëve nga Bosnja dhe Kroacia. Sheshel nuk është akuzuar, por emri i tij figuron në akuzën e Tribunalit kundër Millosheviqit. Zëvendës kryeprokurori i Tribunalit të Hagës, Graham Bleëit tha se çdokush i emërtuar si anëtar i ndërmarrjes së përbashkët kriminale është nën hetime.

E hënë, 16 shtator, 2002

Demekas me Rugovën: Fondi Monetar Ndërkombëtar do të përkrahë Kosovën

PRISHTINE, 16 shtator 2002- Drejtori i Departamentit për Evropën i Fondit Monetar Ndërkombëtar Dimitri Demekas tha sot se ky institucion financiar do të përkrahë Kosovën. Ai e bëri këtë deklaratë pas takimit që pati me presidentin e Kosovës Ibrahim Rugova. Ky i fundit tha se gjatë takimit me Demekën ka biseduar për zhvillimet në Kosovë dhe për situatën ekonomike në vend. Presidenti Rugova tha se Qeveria e Kosovës ka një program të qartë ekomomik duke përfshirë edhe privatizimin, proces ky që sipas tij, është i domosdoshëm. Ndërsa Demekas u shpreh se hapja e zyrës lokale të Fondit Monetar Ndërkombëtar në Kosovë ishte një çështje tjetër që ishte diskutuar me kryetarin e Kosovës. Demeka shtoi se bashkëpunimi me institucionet ndërkombëtare dhe ato vendore të Kosovës do të jetë i pranishëm edhe në të ardhmen.

PDK hap fushatën: S’do premtojmë gjëra madhore, por do merremi me problemet e qytetarit

PRISHTINE, 16 shtator - Partia Demokratike e Kosovës e filloi sot fushatën parazgjedhore në kryeqytet. Me moton, "Është koha për ndryshime", Partia Demokartike e Kosovës synon që pas zgjedhjeve të 26 tetorit ta forcojë rolin e komunave, të bashkëpunojë me spektrin politik kosovar dhe t'u shërbejë interesave të qytetarëve. Kryetari i kësaj partie Hashim Thaçi tha se PDK-ja çelësin e sukseseve të pushtetit lokal e sheh në thellimin e bashkëpunimit me administratën ndërkombëtare. Sipas Thaçit, PDK-ja spektrin politik kosovar do ta ketë partner në ndërtimin e institucioneve demokratike dhe funksionale. Ai tha se plotësimi i infrastrukturës ligjore në Kuvendin e Kosovës do të jetë ndër angazhimet kryesore të Partisë Demokratike të Kosovës. “Situata e përgjithshme në Kosovë është më e mirë se kurdoherë më parë. Koha është për ndryshime pozitive. Zgjedhjet lokale nuk e zgjidhin statusin politik përfundimtar të Kosovës, por mund të reflektojnë përshpejtimin e këtij procesi dhe thellimin e jetës demokratike në shoqëri”, u shpreh Thaçi. Drejtuesit e Partisë Demokratike të Kosovës thonë se në këtë fushatë zgjedhore nuk do të premtojnë gjëra madhore, por, siç thanë ata, do të merren me problemet që drejpërsëdrejti e shqetësojnë qytetarin. Partia Demokratike e Kosovës konkurron në zgjedhjet e 26 tetorit për 28 komuna të Kosovës, ndërsa kandidat për kryetar të Kuvendit Komunal të Prishtinës është Fatmir Limaj.

Partia Liberale shpalos programin në Kastriot

KASTRIOT, 16 shtator - Partia Liberale e Kosovës sot e shfletoi programin zgjedhor edhe në komunën e Kastriotit. Kjo parti për zgjedhjet lokale 2002, garon në 24 komuna të Kosovës me 237 kandidatë. "Me moton "Mbi të gjitha Kosova" PLK-ja do të përcjellë mesazhin e demokracisë në 24 komuna të Kosovës", thanë drejtuesit e kësaj partie në tubimin e parë elektoral në Kastriot, ish-Obiliq. Bartësi i listës në komunën e Kastriotit, Ragip Sollova, me këtë rast tha se PLK-ja veç të tjerash, ndër prioritet e saj ka zhvillimin ekonomik në Kosovë si një segment shumë të rëndësishëm. Ndërsa Gjergj Dedaj, kryetar i Partisë Liberale të Kosovës, tha se partia e tij çmon vlerat e të gjitha lëvizjeve që kanë vepruar për Kosovën dhe lirinë e saj. Sipas Dedajt, Kosova ka nevojë për ndryshime dhe për dhënjën e shansit edhe partive tjera për qeverisje komunale, që do të jetë si një test për të ardhmen.

Ahmeti pas fitores në Maqedoni: Kam gati platformën për qeverinë; negociata me LSDM

TETOVE, 16 shtator - Pas fitores se votës së shqiptarëve në zgjedhjet parlamentare që u zhvilluan dje në Maqedoni, kryetari i Bashkimit Demokratik për Integrim, Ali Ahmeti, deklaroi sot për Radiotelevizionin 21, se elektorati shqiptar në Maqedoni tregoi kulturë të lartë dhe çmoi angazhimin dhe sakrificën e anëtarësisë së kësaj partie për përmirësimin e shqiptarëve në këtë republikë. Ahmeti deklaroi se tani pret të fillojnë negociatat për formimin e koalicionit qeveritar midis Lidhjes Socialdemokrate të Maqedonisë (LSDM) dhe partisë që ai e kryeson. Ai theksoi se Bashkimi Demokratik për Integrim e ka të përgatitur platformën për krijimin e qeverisë së re të Maqedonisë. Ai theksoi se kjo platformë bazohet në implementimin e plotë të Marrëveshjes së Ohrit dhe në integrimin e Maqedonisë në proceset evroatlantike. Kryetari i BDI-së tha se nuk e përjashton edhe mundësinë e bashkëpunimit me partitë e tjera shqiptare në Maqedoni. Ndërsa në një intervistë për BBC-në, Ahmeti tha: “Realisht këtu kanë fituar të gjithë shqiptarët. Ne jemi përpjekur që vazhdimisht të paraqesim një politikë që jo vetëm avancon statusin politik të shqiptarëve, por njëkohësisht i ofron shqiptarët për të harruar disa veprime të pahishme që kanë ndodhur më përpara, në saje të kontradiktave, të përplasjeve, që kanë pasur subjektet politike shqiptare në mes veti. Dhe vazhdimisht jemi përpjekur që shqiptarët të jenë unikë për arsye se në saje të këtij uniteti mund të jetësojmë, të materializojmë, edhe aspiratat e tyre. Unë mendoj se pikërisht këtu është ajo pika me çka neve na kanë kuptuar drejtë qytetarët këtu dhe kanë shprehur besimin që ne na takon që tash e tutje të udhëheqim me politikën tonë, dhe të paraqesim qëllimet për çka janë përpjekur shqiptarët në këto treva”.

Rezultatet e para të zgjedhjeve në Maqedoni: LSDM 41%, VMRO-DPMNE 24%, BDI 12%, PDSH 5%

SHKUP, 16 shtator - Komisioni Qendror Zgjedhor deklaroi sot fitoren e Bashkimit Socialdemokrat në zgjedhjet e djeshme në Maqedoni në bazë të të dhënavë të para zyrtare. Sipas KQZ-së, socialdemokratët kanë fituar 41% të votave, partia e kryeministrit Gjeorgjevski (VMRO-DPMNE) 24 %, partia e Bashkimit Demokratik për Integrimin e ish-liderit politik të UCK-së, Ali Ahmeti, 12% dhe Partia Demokratike e Shqiptarëve e Arbën Xhaferrit, 5%, Partia Demoktratike Kombetare 11,7%, ndërsa Partia e Prosperitetit Demokratik 2,1%. Koalicioni i ardhshëm i drejtuar nga socialdemokratët me të cilët do të bashkohet edhe partia e Bashkimit Demokratik për Integrimin, mund të kontrollojë dy të tretat e parlamentit. Kjo maxhorancë do të ketë mundesi të bëjë dhe ndryshime kushtetuese. I pari që pranoi humbjen në zgjedhjet e djeshme, ishte lideri i PDSH Arbër Xhaferri, nga selia e partisë së tij në Tetovë."Ne u nxituam me këtë konferencë, se duam të eliminojmë çfarëdo shqetësimi në opinion. Rezultatet që ne posedojmë, tregojnë qartë se BDI-ja udhëheq dhe ne i urojmë sukses," tha ai. "Rezultatet e zgjedhjeve do të pranohen pa kurrfarë shqetësimi. Atyre u urojmë punë të mbarë dhe u themi se fare nuk u kemi lakmi, për shkak se të gjithëve na presin procese të rëndësishme politike që kërkojnë angazhim të madh dhe përgjegjësia është më e madhe," tha ai. Edhe kryeministri nacionalist i Maqedonisë, Ljubço Georgievski, ka pranuar humbjen në zgjedhjet e përgjithshme përballë Partisë Social Demokrate të qëndrës së majtë, e cila bëhet partia më e madhe në parlament.

BDI-a e Ali Ahmetit mori numrin më të madh të votave të shqiptarëve
Shkup, 16 shtator 2002– Nga partitë politike shqiptare në Maqedoni, në zgjedhjet e djeshme fitoi Ali Ahmeti, respektivisht BDI-a. Këto janë, sipas shtabeve zgjedhore rezultatet preliminare të suksesit të partive shqiptare, ku në epërsi është BDI-a me 14 mandate në parlamentin e ardhshën të Maqedonisë. PDSH-ja e Arben Xheferit do të ketë tre ose katër deputetë. PPD-ja deri më tash ende nuk ka asnjë deputet, ndonëse ende nuk janë publikuar rezultatet definitive dhe zyrtare nga Komisioni shtetëror për zgjedhje. Partia e Kastriot Haxhirexhes, PDK-ja, sipas shtabit zgjedhor të kësaj partie, pa rezultate të plota, duhet t'i ketë tre mandate.
Mbrëmë, vonë Arben Xhaferi ia uroi fitoren Ali Ahmetit, duke theksuar se ky ishte vullneti i popullit që ai do ta respektojë. Me këtë ai e pranoi humbjen.
Nga partitë maqedonase fitore të thellë ka patur LSDM-ja e Branko Cërvenkovskit me 67 mandate, ndonëse ende nuk janë të
plota numërimet nga të gjitha vendvotimet. VMRO-DPMNE-ja e Georgievskit dhe Boshkovskit kanë pësuar humbje. Megjithatë ata deri tani kanë siguruar 31 deputetë. Georgievski mbrëmë e pranoi humbjen.
Ndryshe, dje ecuria e zgjedhjve ka kaluar në atmosferë shumë të mirë. Parregullësi të theksuara nuk ka patur, edhe pse aktivistë të PDSH-së dhe VMRO-DPMNE-e në shumë vende kanë tentuar të bëjnë manipulime e kërcënime, por nuk kanë mundur, sepse zgjedhjet kanë qenë të vëzhguara nga bashkësia ndërkombëtare. Tensioni që partitë në pushtet e patën krijuar tash ish-pushteti VMRO-DPMNE dhe PDSH se gjatë zgjedhjeve, duke paralajmëruar edhe luftë, si duket edhe më shumë e mobilizoi elektoratin dhe e nxiti që sa më shumë të dalin në zgjedhje, kurse atmosfera ka qenë festive.

E shtunë,14 shtator,2002

Qeveria shqiptare miratoi vendimin për hapjen e dy vendkalimeve të reja kufitare me Kosovën
Kukës, 14 shtator - Qeveria shqiptare miratoi vendimin për hapjen e dy vendkalimeve të reja kufitare me Kosovën në Shishtavec dhe një vend tjetër të Kuksit. Hapja e vendkalimeve në këto dy vende vetëm për këmbësorët banorë të zonave. Realizimi i Qeverisë së Shqipërisë u mbështet në takimet e shumta mes tri palëve:
përfaqësuesve të kufirit shqiptar, KFOR-it dhe UNMIK-ut.

Presidenti Bush në takimin me presidentin shqiptar Moisiu e konfirmoi mbështetjen e amerikane ndaj Shqipërisë
Nju-Jork, 14 shtator - Presidenti i Shqipërisë Alfred Moisiu i cili po merrë pjesë në punimet e Asamblesë së Përgjithshme të OKB-së, i cili mori pjesë edhe në një pritje të organizuar nga presidenti amerikan Xhorxh Bush. Presidenti amerikan përuroi zgjedhjen e Moisiut në postin e presidentit dhe theksoi në veçanti rolin e Shqipërisë në luftën e përbashkët kundër terrorizmit. Presidenti Bush në këtë takim e konfirmoi mbështetjen e amerikane ndaj Shqipërisë.
"Ne ju konsiderojmë si miq të denjë të Shqipërisë, sepse ndihma juaj i ka rrënjet thellë që nga koha e presidentit Uillson", deklaroi Moisiu, i cili i bëri thirrje homologut të tij amerikan Xhorxh Bush për një vizitë në Shqipëri.

Policia ndërkombëtare thotë se shpërthimi i djeshëm në Prishtinë ka të bëjë rreth kontestit të një prone
Prishtinë, 14 shtator - Lidhur me incidentin që ka ndodhur dje pasdite ku u plagosën pesë qytetarët, policia ndërkombëtare në Prishtinë thotë se mjeti shpërthyes ka qenë në duar të një vajze. Fjala është për një granatë dore, të cilën ajo e ka përdour për të zgjidhur një mosmarrëveshje të pronës me një person tjetër. Tentimi i saj që të gjuajë granatën ishte i pasuksesshëm dhe rezultoi me shpërthimin e granatës te këmbët e saj, dhe me atë rast ajo u lëndua së bashku me katër persona të tjerë që gjendeshin në veturë.
Dr. Skender Krasniqi nga Qendra Emergjente e Klinikës Universitare të Prishtinë thotë se gjendja e të plagosurve është përimirësuar. Dy prej tyre kanë qenë në gjendje të rëndë, ndërsa të tjerët kanë lëndime të lehta dhe dy nga ata janë lëshuar për mjekim në shtëpitë e tyre, tha dr. Krasniqi.

Komandanti i BSH të Jugut thotë se gjendja në kufirin mes Kosovës dhe Maqedonisë është e qetë dhe nën kontroll
Prizren, 14 shtator - Komandanti i Brigadës Shumëkombëshe të Jugut në Prizren tha se është i kënaqur me situatën politike dhe të siguroisë në Kosovë. Gjatë një konference shtypi ai vlerësoi se gjendja në kufirin mes Kosovës dhe Maqedonisë është e qetë dhe tërësisht nën kontroll. Sipas tij nuk është i nevojshëm shtimi i numrit të ushtarëve në këtë rajon kufitar.

ëPolicia ndërkombëtare thotë se shpërthimi i djeshëm në Prishtinë ka të bëjë rreth kontestit të një prone
Prishtinë, 14 shtator - Lidhur me incidentin që ka ndodhur dje pasdite ku u plagosën pesë qytetarët, policia ndërkombëtare në Prishtinë thotë se mjeti shpërthyes ka qenë në duar të një vajze. Fjala është për një granatë dore, të cilën ajo e ka përdour për të zgjidhur një mosmarrëveshje të pronës me një person tjetër. Tentimi i saj që të gjuajë granatën ishte i pasuksesshëm dhe rezultoi me shpërthimin e granatës te këmbët e saj, dhe me atë rast ajo u lëndua së bashku me katër persona të tjerë që gjendeshin në veturë.
Dr. Skender Krasniqi nga Qendra Emergjente e Klinikës Universitare të Prishtinë thotë se gjendja e të plagosurve është përimirësuar. Dy prej tyre kanë qenë në gjendje të rëndë, ndërsa të tjerët kanë lëndime të lehta dhe dy nga ata janë lëshuar për mjekim në shtëpitë e tyre, tha dr. Krasniqi.

RAJONI

14.09.2002

Maqedoni: Të dielën zgjedhjet e katërta pas pavarësisë; favoritë për fitore LSDM dhe BDI

SHKUP, 14 shtator - Në Maqedoni janë publikuar rezultatet e sondazheve sipas të cilave nga blloku maqedonas fitimtare do të jetë Lidhja Socialdemokrate e Maqedonisë drejtuar nga Branko Cërvenkovski. Ndërsa nga partitë shqiptare anketat favorizojnë partinë më të re - Bashkimi Demokratik për Integrim, të drejtuar nga Ali Ahmeti. Maqedonia voton të dielën më 15 shtator për të zgjedhur një parlament të ri.

Këto janë zgjedhjet e katërta që kur Maqedonia fitoi pavarësinë dhe do të jenë të parat ku përdoret sistemi proporcional i votimit. Sipas një ligji të ri të aprovuar në qershor, do të ketë masa më të larta sigurie për të mbrojtur votën, dhe prezencë policie rreth qendrave të votimit. Pjesëmarrja e grave do të rritet gjithashtu, sepse ligji kërkon që gratë të përbëjnë 30 përqind të listave zgjedhore. Kufiri i përqindjes së votave që lejonë futjen në parlament është ulur në tre përqind nga pesë përqind që ishte në votimet e kaluara.
Në këto zgjedhje ka dy koalicione kundërshtare: 1 - Së bashku për Maqedoninë, koalicioni kryesor opozitar i përbërë nga Lidhja Socialdemokrate, Partia Liberal Demokrate, Lidhja Demokrate e Boshnjakëve, Partia e Bashkuar e Romëve, Aleanca Demokratike e Vllahëve, dhe disa parti të tjera të vogla. 2 - Koalicioni qeverisës i udhëhequr nga VMRO-DPMNE dhe Partia Liberale.
Partitë kryesore shqiptare janë:
Partia për Prosperitet Demokratike

Vota në Maqedoni

- Popullsia: 2 milionë
- Votuesit: 1,6 milionë
- Zgjedhjet e mëparshme në 1998, 1994, 1990
- Legjislatura: 4 vjet
- 120 deputetë në gjashtë zona votimi të zgjedhur në një raund

Rezultatet më 1998

- VMRO-DPMNE: 46 vende
- Alternativa Democratike: 13 vende
- Lidhja Socialdemokrate: 29 vende
- PPD: 14 vende
- PDSH: 11 vende
- PLD dhe DPM: 4 vende
- Partia Socialiste: 2 vende
- Aleanca Rome: 1 vende

Lista e kandidatëve

e Abdurrahman Alitit, Partia Demokratike Shqiptare e Arbën Xhaferrit, Bashkimi Demokratik për Integrim, e Ali Ahmetit,
Partia Demokratike Kombëtare, e Kastriot Haxhirexhës.
Partitë maqedonase janë:
Lidhja Socialdemokrate, e Branko Crvenkovskit, VMRO-DPMNE, e Ljubco Georgievskit, Partia Liberal Demokrate, e Risto Penov, Partia Liberale, e Stojan Andov, Alternativa Demokratike, e Vasil Tupurkovskit, Qendra Demokratike, e Radomir Karangeleskit, Partia Socialiste e Maqedonisë, e Ljubisav Ivanovit
Parti të tjera janë:
Demokracia e Re, e Cedo Petrovit, VMRO-Alternativa e Vërtetë për Reforma Maqedonase, e Boris Stojmenovit, Partia Demokratike e Maqedonisë, e Tomislav Stojanovski-Bombaj, Aleanca Demokratike, e Pavle Trajanovit, Lidhja Demokratike e Boshnjakëve, e Rafet Muminovicit, Partia e Bashkuar e Romëve, e Nedzet Mustafës, Lidhja Demokratike e Turqve, Aleanca Demokratike e Vllehëve

Arbën Xhaferri: Të plotësohen 3 tre kushte për stabilitetin e Maqedonisë

TETOVE, 14 shtator - Arbër Xhaferi, udhëheqësi i Partisë Demokratike të Shqiptarëve në Maqedoni, aleat i kryeministrit maqedonas, deklaroi perpara zgjedhesve të tij plotësimin e tri kushteve, pa plotësimin e të cilave Maqedonia rrezikon te destabilizohet. "Tre kushte duhet të plotësohen qe Maqedonia te jetë stabël: Kosova duhet te behet e pavarur, të zbatohen plotësisht marrëveshja e Ohrit si dhe ligji i amnistisë", deklaroi Xhaferi, i brohoritur nga nje turmë prej 10.000 simpatizantësh të grumbulluar dje në mbrëmje në Tetovë me rastin e mbylljes së fushatës elektorale të PDSH-së. Zgjedhësit e Maqedonisë do të votojnë të Dielën per krijimin e një Parlamenti të ri.

Arkeologët në Maqedoni në gjurmë të zbulimit të qytetit antik Justiniana Prima

SHKUP, 14 shtator - Sipas arkeologëve maqedonas, ditëve të fundit po bëhen gjurmime në Taor, në komunën Zelenikovë të Shkupit, ku besohet se ndoshta do të zbulohet qyteti antik Justiniana Prima. Deri më tani janë zbuluar atriumet (dhoma me hapësirë) të ndërtesave të mëdha publike, rrugë me pllaka, furrë të madhe dhe rreth 70 për qind nga monetat e zbuluara datojnë nga koha e mbretit Justiniani i Parë. Sipas historianit Prokopi nga Kajsarea ka vërejtur se në shekullin VI mbreti bizantin Justiniani, i cili ka qenë me prejardhje nga fshati Taurisium, vë vendin e Dardanëve, ka ndërtuar një qytet të cilin e ka quajtur Justiniana Prima. Mendohet se, vendlindja e këtij mbreti ka qenë lagjeja e foritifikuar në afërsi të fshatit të sotëm të Shkupit, Taor. Në lokalitetin antik Taor arkeologët kanë konstatuar tre horizonte te jetës - parahistorike, të eneolitit dhe periudha e hershme e bronzës, të datuar nga viti 3000 dhe 2000 vjetë para epokës së re; lagje e antikës së vonë (nga shekulli IV deri VI) dhe lagje e mesjetës nga shekulli IX dhe X.

Nga BOTA

Duma ruse i jep ultimatum Gjeorgjisë
Moskë, 14 shtator - Duma Ruse ka votuar në favor të ultimatumit të presidentit Vlladimir Putin drejtuar Gjeorgjisë i cili ka thënë se Rusia do të ndërmarrë "masa adekuate" që të mbrojë veten nëse Gjeorgjia nuk dëbon kryengritësit që Moska beson se fshihen në territorin e sajë dhe prej andej ndërmarrin aksione në Çeçeninë fqinje.
Shtetet e Bashkuara i kanë tërhequr vëmendjen Rusisë kundër ndonjë aksioni unilateral ndaj Gjeorgjisë.

Kapet i dyshuari kryesor për sulmin e 11 shatorit
Uashington, 14 shtator - Zyrtarë amerikanë thonë se një i dyshuar kryesor rreth sulmeve të njëmbëdhjetë shtatorit ështe kapur në Pakistan. Ai është Ramzi Binalshib, një nënshtetas i Jemenit, i cili, Shtetet e Bashkuara besojnë se ka qenë i përfshirë në organizimin e ketyre sulmeve. Zyrtarët amerikanë thonë se Ramzi Binalshib është kapur pas një shkëmbimi të ashpër zjarri në Karaçi të Pakistanit. Të mërkurën policët special pakistanezë, me ndihmën e FBI-së dhe CIA-s rrethuan një ndertesë me apartamente ku supozohej të ndodheshin një numër anetarësh të rrjetit militant Al Kaida. Kur policia sulmoi banesën filloi një shkëmbim i ashpër me armë zjarri.
Dy nga të dyshuarit u vranë si dhe u plagosën gjashtë oficerë të policisë. Në mesin e të kapurve ishte edhe Binalshib, nënshtetas i Jemenit. Supozohet që ai të jetë një nga figurat kyç prapa planifikimit të sulmeve të njëmbëdhjetë shtatorit.

BE sanksione ndaj mallrave amerikane
Bruksel, 14 shtator - Komisioni Evropian ka publikuar një listë prodhimesh amerikane mbi të cilat thotë se do të vendosë sanksione ndëshkuese. Zëdhënësi i Komisionit tha se lista përfshinte prodhime bujqësore dhe tekstile, metale dhe disa pajisje elektronike, që kapin një vlerë të përgjithshme prej katër miliardë dollarësh. Bashkimit Evropian ju dha e drejta për të vendosur sanksionet dy javë më parë kur Organizata Botërore e Tregtisë vendosi se Shtetet e Bashkuara kishin lehtësuar ilegalisht taksat për disa prej eksportuesve të saj, duke u kushtuar kompanive evropiane miliarda dollarë humbje në tregti.

Prishtinë: Homazhe për viktimat e 11 shtatorit
Prishtinë, 11 shtator (QIK) Që nga ora 15,00, sot në Prishtinë filluan homazhet në qendër të qytetit, ku u ndezën mijëra qirinj nga qytetarët e Prishtinës. Ishte ky përkujtimi i njëvjetorit të sulmit terrorist në Nju Jork, ku u goditën me dy aeroplanë ndërtesat binjake dhe ku u vranë mbi 3000 njerëz dhe, në Uashington, me ç'rast u qëllua me aeroplan ndërtesa qeveritare. Edhe aty pati të vrarë e të plagosur.Të rinj e pleq, njerëz të moshave të ndryshme, përkujtuan me pijetet viktimat e 11 shtatorit dhe u solidarizuan me familjet e të vrarëve dhe me popullin amerikan. Pos qytetarëve të zakonshëm pati edhe njerëz të jetës politike e publike, intelektualë e artistë.
Homazhet u bënë në qetësi dhe me ndezjen e qirinjve.

Liderët kosovarë përkujtojnë 11 shtatorin: Kosovarët janë pranë familjeve të viktimave

PRISHTINE, 11 shtator - Drejtuesit e institucioneve dhe liderët politikë të Kosovës kanë përkujtuar aktet terroriste të 11 shtatorit 2001 në Shtetet e Bashkuara të Amerikës. Ata janë shprehur se kosovarët qëndrojnë fuqishëm afër familjarëve që humbën të dashurit e tyre në ditën dramatike dhe tragjike më 11 shtator në Nju-Jork dhe Uashington. Nëpërmjet valëve të RTV21, programi i të cilit transmetohet edhe në SHBA, lidhur me aktetet terroriste të para një viti, amerikanëve dhe kosovarëve iu drejtua kryetari i Kuvendit të Kosovës Nexhat Daci. “Kosova përkujton viktimat e sulmeve terroriste të 11 shtatorit në Shtetet e Bashkuara të Anmerikës. Përkujtimi i viktimave të 11 shtatorit është obligim dhe përkrahje morale për popullin amerikan”, tha kryetari i Kuvendit të Kosovës, Nexhat Daci. Ndërsa kryetari i Partisë Demokratike të Kosovës, Hashim Thaçi tha se “me rastin e njëvjetorit të sulmeve terroriste të 11 shtatorit kudër Shteteve të Bashkuara të Amerikës, edhe një herë shprehim ndjenjat tona të dhembjes dhe solidaritetit me kombin amerikan dhe qeverinë e tij”. Kryetari i Aleancës për Ardhmërinë e Kosovës Ramush Haradinaj u shpreh se institucionet e Kosovës gjithmonë do të jenë në mbështetje të Shteteve të Bashkuara për paqe për të gjithë njerëzimin. “Edhe pas një viti të mgjarjeve tragjike shqiptarët e Kosovës qëndrojnë afër familjeve të viktimave, pasi këto ngjarje përshkohen me një solidaritet të madh nga shqiptarët”, tha Haradinaj.

Rugova ngushëllon shefin e Zyrës Amerikane Harnish në emër të popullit kosovar

PRISHTINE, 11 shtator - Në njëvjetorin e sulmeve terroriste në Shtetet e Bashkuara të Amerikës, shefi i Zyrës Amerikane në Kosovë, Reno Harnish priti kryetarin e Koosvës Ibrahim Rugova. Kryetari Rugova i shprehu ngushëllimet në emër të popullit kosovar, shefit të Zyrës Amerikane në Kosovë, Reno Harnish. “Shtetet e Bashkuara të Amerikës janë të lumtura që t'i pranojnë sot dëshirat e mira të presidentit Rugova dhe ne dimë se ai përfaqëson dëshirat e tërë popullit. Ata na kanë dërguar shumë ngushëllime dhe ne e ndiejmë simpatinë e tyre në këtë kohë të vuajtjeve dhe të kujtimeve për viktimat", u shpreh Harnish. Ndërsa kryetari Rugova tha në fund se populli kosovar qëndron përkrah Amerikës dhe i shpreh simpatitë më të mëdha për popullin amerikan. “Në emër të popullit të Kosovës i shpreh edhe njëherë simpatitë e mia dhe të popullit tonë. Mund të themi se sot, pas një viti nga ngjarjet tragjike të 11 shtatorit, Amerika dhe populli i saj, aleatët dhe miqtë e saj dhe bota e civilizuar janë më të fortë dhe me vizion të qartë se e mira do të ngadhnjejë mbi të keqen. Ju shprehim zoti ambasador solidaritetin tonë dhe miqësinë e përhershme me ju", i tha Rugova shefit të Zyrës Amerikane në Prishtinë, Reno Harnish.

Haradinaj ngushëllon amerikanët në Kosovë: Të krijojmë një botë të lirë nga shtypja e terrori

PRISHTINE, 11 shtator - Kryetari i Aleancës për Ardhmërinë e Kosovës, Ramush Haradinaj, me rastin e njëvjetorit të sulmit terrorist të 11 shtatorit mbi SHBA-të, u ka dërguar një letër mbështetjeje katër personaliteteve më të rëndësishme amerikane në Kosovë: Komandantit të Brigadës Shumëkombëshe të Lindjes, gjeneralit Douglas Lute; shefit të Zyres Amerikane, zotit Reno Harnish; shefit të USAID-it, zotit Dale Pfieffer dhe shefes për partitë në Institutin Demokratik Kombëtar (NDI), zonjës Heather Kashner. Në letër, në mes të tjerash, thuhet: “Ju lutemi pranoni ngushëllimet e mia më të sinqerta për tragjedinë të cilën e përjetuan Shtetet e Bashkuara të Amerikës, më 11 shtator. Aleanca, sikurse të gjithë kosovarët, qëndron me popullin amerikan, duke respektuar kujtimin për ata që pësuan dhe në arritjen e ditës në të cilën bota do të jetë e lirë nga shtypja dhe terrori”, njofton Zyra e AAK-së.

Shtohen masat e sigurisë në prag të 11 Shtatorit
10 shtator 2002

Shtetet e Bashkuara i kanë shtuar masat e sigurisë në prag të përvjetorit të parë të sulmeve terroriste të 11 shtatorit.Departamenti amerikan i Mbrojtjes njoftoi dje se po vendoste raketa kundërajrore në Pentagon dhe objekte të tjera ushtarake përreth Washingtonit, si pjesë e një manovre për të vënë në provë sistemin e mbrojtjes në zonën e kryeqytetit.Një zëdhënës i Pentagonit tha se manovra e koduar “Qiejt e Pastër Dy,” filloi zyrtarisht sot dhe do të vazhdojë për disa ditë.Ndërkohë, avionët luftarakë rifilluan javën e kaluar patrullimin 24 orë në ditë mbi Washington dhe New York. Këto patrullime ajrore, të cilat filluan menjëherë pas sulmeve të shtatorit, u ndërprenë gradualisht gjatë muajve të parë të këtij viti.

Departamenti i Shtetit paralajmëron amerikanët
10 shtator 2002
Departamenti amerikan i Shtetit bëri një paralajmërim në shkallë botërore, ku u kërkohet amerikanëve të jenë veçanërisht të kujdesshëm gjatë periudhës së përvjetorit të sulmeve të 11 shtatorit.Në një deklaratë të djeshme, thuhet se qeveria amerikane vazhdon të marrë të dhëna të besueshme se grupe dhe individë ekstremistë po planifikojnë sulme të tjera kundër interesave amerikane. Departamenti i Shtetit thotë se këto akte mund të jenë të pashmangshme dhe se në to mund të përfshihen sulme vetëvrasëse.Në deklaratë thuhet gjithashtu se masat e ndërmarra të sigurisë në objektet qeveritare mund t’i detyrojnë terroristët të sulmojnë të ashtuquajturat ”objektiva më të buta,” ku dihet se mblidhen amerikanët, si klube, restorante, qendra fetare, shkolla dhe veprimtari argëtuese.Në deklaratë theksohet se objektet qeveritare në mbarë botën do të vazhdojnë të jenë në gjendjen më të lartë të gatishmërisë.Ndërkohë ambasada amerikane në kryeqytetin indonezian, Xhakarta është mbyllur deri në një urdhër të dytë për shkak të atij që zyrtarët e cilësojnë si informacion të besueshëm rreth mundësisë së një sulmi terrorist.Një zëdhënës i ambasadës amerikane tha se edhe konsullata amerikane në qytetin Surabaya u mbyll sot për një kohë të pacaktuar. Zëdhënësi tha gjithashtu se një ceremoni e planifikuar për nesër me rastin e përvjetorit të parë të sulmeve terroriste të 11 shtatorit në Shtetet e Bashkuara është anulluar.Deri tani nuk janë dhënë hollësi rreth kërcënimit ndaj objekteve diplomatike amerikane. Në Malajzi, zyrtarë amerikanë thonë se edhe ambasada në këtë vend do të mbyllet, duke filluar nga nesër. Ata flasin për një kërcënim të ngjashëm e të besueshëm ndaj sigurisë.

Si ka ndryshuar politika e jashtme amerikane
10 shtator 2002
”Ose me ne, ose me terroristët.” Kjo ishte përgjigja e presidentit Bush vitin e kaluar ndaj sulmeve të pashembullta kundër Amerikës nga terroristë islamikë. Kjo përgjigje u ndoq më pas nga kundërveprimet e vendosura të Shteteve të Bashkuara ndaj Osama Bin Laden dhe regjimit taleban në Afganistan.

Pyetja është: po tani çfarë do të bëhet? Ndërkohë që forca speciale amerikane vazhdojnë të ndjekin mbeturinat e Al-Qaidës, administrata e Bushit ka propozuar luftë ndaj Irakut. Por një sulm kundër Sadam Huseinit nuk ka mbështetjen ndërkombëtare që kishin sulmet kundër Afganistanit. Me sa duket, Shtetet e Bashkuara do të duhet të shkojnë në këtë luftë vetëm.

Kjo është përgjegjësia e re globale e Shteteve të Bashkuara, thotë sekretari amerikan i mbrojtjes, Donald Rumsfeld. ”Është më e rëndësishme, tha sekretari amerikan i mbrojtjes, që të marrësh vendimin e duhur dhe të veprosh drejt, se sa të kesh unanimitet.” Marrja e vendimeve të drejta, vazhdoi zoti Rumsfeld, do të sjellë bashkëpunimin e aleatëve.

Por ministri i jashtëm egjiptian, Ahmed Maher, e quan administratën e Bushit si tepër konfrontuese dhe një shprehje vetëkënaqësie. Ai thotë, se kjo parrullë, me ne apo kundra nesh, nuk sjell dobi.

John Ikenberry, profesor i marrëdhënieve ndërkombëtare pranë universitetit Georgetown, thotë se ky debat është i gjerë, i ashpër, por ende nuk është përfundimtar.

”A janë kërcënimet kaq rrënjësisht të reja dhe ogurzeza sa që tashme na duhet t’i rimendojmë mënyrat se si Shtetet e Bashkuara veprojnë në arenën ndërkombëtare, të rimendojmë përdorimin e forcës, marrëdhëniet me aleatët, si veprojmë brenda institucioneve ndërkombëtare dhe rregullat e lojës në përgjithësi? Të gjitha këto çështje janë të hapura për debat, thotë profesori”, thotë Ikenberry.

Në këtë debat është angazhuar edhe Ralph Peters, ish- oficer i ushtrisë amerikane, me përvojë të madhe në operacionet jashtë vendit dhe autor i librit të sapobotuar ”Pas terrorit”. Sipas tij, nuk ka asnjë dyshim se rregullat kanë ndryshuar.

”Mendoj, thotë zoti Peters, se është e qartë për të gjithë që ne e kemi marrë seriozisht çështjen e terrorizmit. Nëse dikush i ngacmon Shtetet e Bashkuara për një çështje serioze, ne zakonisht fitojmë sepse kemi fuqinë dhe vendosmërinë, e cila gjithmonë nënvlerësohet nga kundërshtarët tanë.”

Nënsekretari amerikan i shtetit, Richard Armitage tha për gazetën amerikane ”The Washington Post” se ndikimi, fuqia dhe prestigji i Shteteve të Bashkuara i tejkalon ato të çdo shteti tjetër në historinë botërore. Buxheti ushtarak i Shteteve të Bashkuara prej mbi 370 miliardë dollarësh është dy herë më i madh se buxheti ushtarak i aleatëve të saj në NATO.

Por zoti Armitage pranon se një fuqi e tillë mbjell frikë dhe zili, sidomos në rastet kur duket se Shtetet e Bashkuara veprojnë në mënyrë të njëanshme. Shtetet e Bashkuara ndodhen para kritikave të forta për kërcënimin e fillimit të ndonjë sulmi kundër Irakut, si dhe për kundërshtimet e saj ndaj gjykatës së re penale ndërkombëtare dhe marrëveshjes mbi mjedisin.

Profesor Ikenberry thotë se njëanshmëria apo shumanshmëria janë mjete që duhet të përdoren në momentin e duhur. Vendimet shumëpalëshhe të Shteteve të Bashkuara kanë krijuar një sistem të tillë aleance që kanë çuar në një mirëqënie dhe siguri të paparë në pjesën më të madhe të botës.

Por sipas Ralph Peters, vendimet me pjesmarrjen e shumë palëve, mund të dështojnë, në se synojnë të mbështesin diktatorë të urryer, si ata me të cilët po merren Shtetet e Bashkuara në Azinë Qëndrore. Sipas zotit Peters, Shtetet e Bashkuara duhet t’u përmbahen vlerave të deklaruara si mbrojtja e të drejtave të njeriut, mbështetja e demokracisë aty ku ajo është e qëndrueshme, mbështetja e tregut të lirë dhe mbrojtja e mjedisit. Sipas tij, përmbushja e këtyre vlerave është mënyra më e mirë për të fituar mbështetjen e kombeve të tjera.

Kongresi mblidhet në New York për të kujtuar 11 shtatorin
6 shtator 2002

Kongresi amerikan mbajti sot një sesion ceremonial në New York për të përkujtuar sulmet terroriste të shtatorit të kaluar.300 ligjvënës amerikanë që morën pjesë në sesion, shprehën solidaritetin me qytetin e New Yorkut, ku më shumë se 2 mijë e 800 humbën jetën në sulmet kundër Qendrës Botërore të Tregtisë.Politikanët mbajtën një minutë heshtje në shenjë nderimi për viktimat dhe u zotuan të vazhdojnë ndjekjen e personave përgjegjës.Sesioni u mbajt në Sallën historike Federale, pranë vendit ku qendronin kullat binjake. Ligjvënësit vizitua këtë zonë dhe vendosën kurora lulesh.

Bota e artit një vit pas sulmeve terroriste
9 shtator 2002
Pas sulmeve të 11 shtatorit, artistët u mblodhën në mbështetje të viktimave si dhe për të rivlerësuar rolin e tyre në kulturën amerikane. Si rezultat, në mbarë vendin u organizuan veprimtari me pjesëmarrjen e emrave më të njohur të Hollivudit dhe muzikës për të grumbulluar fonde. Mendohej se pas akteve terroriste, temat me dhunë do të eliminoheshin nga industria e argëtimit, por siç shpjegojnë ekspertët e kësaj industrie, një vit pas këtyre ngjarjeve, duket se Hollivudi dhe muzika i janë kthyer veprimtarisë normale.Qyteti i New Yorkut, që u godit rëndë nga sulmet, u bë skenë e veprimtarive përkujtimore në nder të viktimave të sulmeve në “Koncertin për New Yorkun.” Këngëtari Billy Joel interpretoi këngën e tij “New York State of Mind” nën duartrokitje të shumta, pasuar nga interpretime nga Rolling Stones, Bon Jovi dhe Paul McCartney.Po në New York u zhvillua edhe veprimtaria “Nderim për Heronjtë” me pjesëmarrjen e aktorëve si Julia Roberts, Tom Cruise dhe Tom Hanks.Thuajse një vit pas sulmeve të 11 shtatorit, artistët kujtojnë ato ngjarje tragjike disa me tone optimiste, të tjerë ende nën peshën e zemërimit dhe dhimbjes.“Më kujtohet se si kombi ynë i tronditur u bashkua duke demonstruar tiparet më pozitive që kishin parë prej kohësh,” thotë aktori Robin Williams.Disa artistë preferojnë të hedhin vështrimin drejt së ardhmes:“Mendoj se nuk dua ta kujtoj atë ditë. Preferoj të përqëndrohem në ato që po bëjmë tani dhe si do të vazhdojmë më tutje. Dua të shoh drejt së ardhmes dhe jo të kaluarën,” thotë aktorja Susan Sarandon.Aktori britanik John Malkovich shprehet me tone më pesimiste.“Nuk mendoj se do të ndërrojë gjë, nuk mendoj se këto akte do të sjellin ndonjë rezultat pozitiv. Mendoj se bota ka qenë gjithnjë e tillë dhe se ndoshta për disa kohë ne jetuam një periudhë që nuk u kushtëzua nga faktorë historikë, por nuk ushqej shpresa dhe nuk jam natyrë optimiste,” thotë aktori.Një ndër dilemat që pasuan sulmet e 11 shtatorit ishte reagimi i Hollivudit ndaj temave me dhunë. Filmi Swordfish me aktorët John Travolta dhe Halle Berry ishte filmi i parë që u shit me paralajmërimin se përmbante skena terrorizmi dhe dhune.Por një vit pas sulmeve industria e argëtimit i është kthyer ritmit normal të punës. Siç tregoi edhe suksesi i filmave “Sum of all Fears” dhe “Triple X” publiku po i mirëpret përsëri filmat me aksion dhe dhunë.

Edhe industria muzikore po vazhdon veprimtarinë normale, por aktet terroriste u bënë temë e disa krijimeve të fundit artistike, siç është albumi i ri The Rising i yllit të muzikës rok, Bruce Springsteen.Nga ana e tij, artisti i muzikës Rap, Eminem, i pasqyroi aktet terroriste me mënyrën e tij të debatueshme, duke u veshur si Osama bin Ladeni në videon e tij “Without me,” që është një ndër albumet më të shitura të vitit.

Megjithëse ende nuk kanë filluar të shfaqen filma që pasqyrojnë ngjarjet e 11 shtatorit, si rrjedhojë e kohës së gjatë që kërkojnë për t’u realizuar projekte të tilla kinematografike, duket se tematika e filmave dhe interesi i shikuesve është kthyer në nivelin normal që kishte para sulmeve terroriste.

New York: tri ditë shfaqje të frymëzuara nga 11 shtatori
10 shtator 2002
Qyteti i Nju Jorkut ka filluar të përkujtojë përvjetorin e parë të sulmeve terroriste të 11 shtatorit me tri ditë shfaqje, të frymëzuara nga ngjarjet e tmerrshme.

Grupi ”The Brave New World Arts” dhe Theater Marathon do të japin 50 pjesë të ndryshme, me drama, koncerte muzikore dhe numra me pjesë të zgjedhura nga mjetet e informimit.Shfaqjet do të arrijnë kulmin nesër mbrëma, që është njëvjetori i sulmeve terroriste. Disa nga veprat e dramturgëve më të njohur do të interpretohen nga artistë të njohur si Stockard Channing, Sigourney Weaver dhe Mathew Broderick.Organizatorja e këtyre veprimtarive Dakota Powell, thotë se artistët trajtojnë temën e ndryshimeve që ka pësuar bota që nga koha e sulmeve terroriste.

E premte 16 gusht 2002
Protestat Deçan e Prishtinë gjatë dy ditëve të fundit.GIF i RTV21 -Tirana zyrtare ka përkrahur të premten protestat e fundit të kosovarëve, ndërkohë që kërkoi që të mos ketë akte dhune.
-Shoqatat e dala nga lufta e Ushtrisë Çlrimitare të Kosovës kanë kërkuar të premten, në një konferencë për media, që UNMIK-u t'i korrigjojë urgjentisht veprimet, pas burgosjeve të fundit në Kosovë, ndryshe marrim masa radikale.

Kryeministri Rexhepi ndërpret pushimet; mbledhje e jashtëzakonshme pas incidenteve
PRISHTINE, 16 gusht 2002- Kryeministri i Kosovës, Bajram Rexhepi, ka ndërprerë pushimet në bregdetin shqiptar, për shkak të ngjarjeve të fundit në Kosovë. RTV21 raporton se Rexhepi sot ka pasur një takim me zëvendës-administratorin Çarlls Brajshou, dhe me komandanin KFOR-it, gjeneralin Marsel Valenten. Bisedimet janë fokusuar në situatën pas incidenteve të djeshme në Deçan. Kryeministri Rexhepi ka thirrur për ditën e hënë një mbledhje të jashtëzakonshme të qeverisë.

BBC njofton:Në Prishtinë protestohet kundër arrestimeve
Një protestë e disa qindra grave nga qendra të ndryshme të Kosovës, kundër arrestimeve të kohëve të fundit të ish eprorëve të UÇK-së ka përfunduar pa incidente.Qindra gra për gati një orë kanë marshuar para dyerve të burgut të Prishtinës, ku mbahen të arrestuarit dhe kanë vendosur lule para këtij burgu.Forcat e policisë ndërkombëtare, të pranishme në një numër shumë të madh, kanë përcjellë protestën, por nuk është dashur të ndërhyjnë.Organizatorët thanë se mbajtja në paraburgim e ish eprorëve të lartë të UÇK-së është e padrejtë dhe të gjitha këto arrestime kanë prapavijë politike.Ata, thanë se me protesta të tilla do të vazhdohet edhe gjatë javëve të ardhshme.Protesta e sotme, për nga numri i pjesëmarresve, shënonte një protestë më të vogël, nga ç'ishin parashikimet e policisë, apo edhe të vetë organizatoreve.Korrespondentja e BBC-së në Prishtinë thotë se ka të ngjarë që në këtë do të ketë ndikuar edhe nje rrebesh shiu, që rreth mesditës kishte përfshirë kryeqytetin e Kosovës.Ndërkohë, shoqatat e familjeve të dëshmorëve të UÇK-së, të invalidëve të luftës, ajo e veteranëve, e të burgosurve dhe KMDLNJ-ja në Kosovë, kanë paralajmëruar protesta gjithëpopullore në 6 qytete të Kosovës javën e ardhshme.Drejtuesit e këtyre shoqatave kanë thënë sot se "nëse edhe pas këtyre protestave nuk ndryshon qëndrimi organeve udhëheqëse dhe nëse administrata e UNMIK-ut nuk ndërmerr hapa për stabilizimin e gjendjes së acaruar në Kosovë, atëherë qytetarët do të shprehin pakënaqësinë e tyre duke protestuar para zyrave të institucioneve apo duke bllokuar rrugët kryesore të qyteteve".UNMIK-u e ka mohuar se pas arrestimeve ka ndonjë prapavijë politike.Të dielën e shkuar, në Prishtinë u arrestua njëri prej ish komandantëve të luftës, dhe më vonë komandant i një zone të TMK së, Rrustem Mustafa.Disa javë më parë edhe 6 ushtarakë të tjerë të lartë të TMK së, duke përfshirë këtu edhe Daut Haradinajn, vëllain e udhëheqësit aktual të AAK-së.Që nga fillimi i vitit në Kosovë, janë arrestuar rreth 20 pjesëtarë të ish-guerilës shqiptare dhe të gjithë ata akuzohen për krime lufte ose për pjesëmarrje në sic thuhet grupet të armatosura ekstremiste.Dje gjatë një proteste kundër arrestimeve në Deçan, rreth 100 kilometra në perëndim të Prishtinës, policia ndërhyri për të shpërndarë protestuesit me gaz lotsjellës dhe arrestoi mbi 20 vetë

Ndërkaq,reporteri i Zërit të Amerikës nga Prishtina (në orën 13 e 30 sipas kohes lokale)Besim Abazi njofton:

KFORi shton masat e sigurisë
Prishtinë16 Aug 2002 Paqëruajtësit britanik të KFOR-it që kontrollojnë sektorin qendror në Kosovë, bënë të ditur se kanë shtuar masat e sigurisë për shkak të disa kërcënimeve ndaj tyre por pa shpalosur hollësi se për çfarë kërcenimesh bëhet fjalë. Rreth 5 mijë trupa janë urdhëruar që të mbajnë të veshura apo të bartin me vete këmishat antiplumb dhe të vënë helmetat gjatë patrullimeve, në postblloqe por edhe brenda vetë bazave të tyre. Një zëdhënës i këtyre forcave tha se nuk ka pasur ndonjë kërcënim nga njerëz të caktuar që dotë mund të kishin në plan të sulmojnë forcat e KFOR-it, por kërcënimet mund të vijnë nga zhvillimet globale, sikurse edhe nga ato rajonale e vendore”. Paqërujatësit nuk pranuan, të japin shpjegime për natyrën e kërcënimeve.

Ky vendim ka pasuar zhvillimet e fundit në Kosovë pas një serie arrestimesh të pjestarëve të ish Ushtrisë Çlirimtare të Kosovës si dhe arrestimet e së hënës të gjashtë personave nën dyshimin se siç thuhet mund të jenë përgjegjës për veprimtari ekstremiste. Arrestimet si dhe ngritja e disa akuzave ndaj ish pjestarëve të Ushtrisë Çlirimtare ka nxitur protesta në disa qytete të Kosovës.

Njëmbëdhjetë pjestarë të policisë, tre pjestarë të KFOR-it dhe rreth 50 protestues shqiptarë u plagosën dje në komunën e Deçanit në Kosovën perëndimore gjatë trazirave që shpërhtyen në këtë qytet. Forca të mëdha të policisë sot kontrollonin rrugët kryesore të Prishtinës në pritje të protestave të grave kryesisht nga Kosova Perëndimore të cilat vendosën lule para dyerve të burgut Prishtinë në shenjë proteste ndaj arrestimit të pjestarëve të ish Ushtrisë Çlirimtare. Protesta kaloi e qetë dhe pa ndonjë incident, ndërkaq që disa shoqata të dala nga ish strukturat e Ushtrisë Çlirimtare paralajmëruan protesta të reja për të hënën në Prishtinë. Protesta janë mbajtur sot edhe në pjesën veriore të Mitrovicës ku disa qindra veta kundërshtuan synimet për arrestimin e kryetarit të Këshillit Kombëtar serb Millan Ivanoviç. Autoritetet kanë lëshuar një urdhërarresti për të nën dyshimin për tentim vrasjeje gjatë trazirave të prillit të këtij viti në këtë pjesë të Kosovës. Por forcat e policisë dhe KFOR-it francez dështuan në perpjekjet për arrestimin e Millan Ivanoviçit, njeriut që vlerësohet si mbështetësi kryesor i formacionit paralel të sigurisë të njohur si “Rojat e Urës”.

Në Deçan rivendoset qetësia
Prishtinë16 Aug 2002 Pas rikthimit të qetësisë në komunën e Decanit në Kosovën perëndimore, zyrtarët ndërkombëtarë dhe veprimtarët vendas po bëjnë bilancet e përleshjeve të djeshme të protestuesve shqiptarë me policinë e Kombeve të Bashkuara gjatë të cilave u plagosën dhjetra veta dhe u arrestuan mbi 20 të tjerë.Veprimtarët humanitarë kanë bërë thirrje për vetëpërmbajtje me qëllim të tejkalimit të situatës së krijuar pas zhvillimeve të djeshme në këtë qytet.

Manuel: Përleshjet në Deçan s'do të shënojnë fillimin e urrejtjes mes shqiptarëve e UNMIK

PRISHTINE, 16 gusht - "Shqiptarët kanë parë shumë pak drejtësi për atë që ju ka ndodhur gjatë luftës, por shumica e kriminelëve serbë tashmë gjenden jashtë Kosovës dhe tash për tash nuk mund të arrestohen", tha zëdhënësja e UNMIK-ut, Suzan Manuel. Ajo mendon se incidenti i djeshëm në Deçan nuk do të jetë fillimi i urrejtjes midis shqiptarëve të Kosovës dhe administratës ndërkombëtare. Ky incident ka shkaktuar reagime të ndryshme tek institucionet ndërkombëtare në Kosovë. Ky u konsiderua si ndër incidentet më serioze të shqiptarëve të Kosovës me policinë ndërkombëtare, që nga vendosja e administratës së Kombeve të Bashkuara 3 vjet më parë. Megjithëse sipas zëdhënësës së UNMIK-ut, Suzan Manuel, incidenti i djeshëm në Deçan ku u lënduan mbi 50 persona civilë dhe rreth 6 policë ndërkombëtarë, nuk do ta dëmtojë bashkëpunimin e mirë që shqiptarët kanë me administratën ndërkombëtare në Kosovë. "Ne gjithmonë e kemi ditur se do të ketë tensione në mesin e popullatës shqiptare, sapo të nisnim të arrestonim personat që dyshohen të kenë bërë krime gjatë luftës në Kosovë. Por ata duhet të jenë të sigurt që nëse dëshmohet se këta individë janë të pafajshëm ata do të lirohen menjëherë", tha zëdhënësja Manuel. Nga ana tjetër, arrestimet e pakta të serbve për krime të bëra mbi popullatën shqiptare gjatë luftës, Manuel e arsyetoi me faktin se shumica e këtyre personave kanë ikur nga Kosova. "Unë i kuptoj plotësisht shqetësimet e shqiptarëve të Kosovës, ngaqë mendoj se kanë parë shumë pak drejtësi për atë që ju ka ndodhur gjatë luftës. Millosheviqi tashmë është duke u gjykuar, por janë edhe të tjerë që duhet të jenë para drejtësisë. Por fatkeqësisht shumica e personave që kanë kryer krime mbi shqiptarët kanë ikur nga Kosova dhe me siguri gjenden në Serbi dhe për momentin nuk mund t'i arrestojmë", tha Suzan Manuel.

Presidenti Rugova dënon incidentet në Deçan: Protestuesit të mos përdorin dhunë

PRISHTINE, 16 gusht - Presidenti i Kosovës Ibrahim Rugova, dënoi përdorimin e dhunës nga ana e protestuesve në Deçan dhe u bëri thirrje qytetarëve që të mos bien në situata që prishin imazhin e mirë të Kosovës. "E dënojmë ashpër përdorimin e dhunës nga disa protestues në manifestimin e protestës në Deçan, ditën e enjte. E dënojmë lëndimin e pjesëtarëve të policisë dhe të KFOR-it, që janë këtu në shërbim të sigurisë e të mbrojtjes së Kosovës. Qytetarët kanë të drejtë të protestojnë, por këtë duhet ta bëjnë në mënyrë paqësore e të mos përdorin dhunën. Qytetarët duhet t'i përmbahen ligjit për manifestime. Ne kemi vendosur të ndërtojmë një shtet e shoqëri demokratike, një vend të pavarur; prandaj duhet t'u përmbahemi vlerave që çojnë në këtë drejtim. Në vendin tonë të gjithë do të jenë të barabartë para ligjit. Askush nuk mund të jetë mbi ligjin, si në çdo shtet demokratik. U bëjmë thirrje qytetarëve të Kosovës të kenë kujdes dhe të mos bien në situata, të cilat e prishin imazhin e mirë të vendit tonë që po krijohet me punë dhe mund të madh të të gjithë qytetarëve dhe miqve tanë", thuhet në deklaratën e presidentit Rugova, lidhur me protestën e dhunshme në Deçan.

Deputeti Dugolli: Policia fajtore për incidentet e dhunshme në protestat në Deçan

PRISHTINE, 16 gusht - Udhëheqësi i grupit parlamentar i Aleancës për Aardhmërinë e Kosovës, Bujar Dugolli, lidhur me incidentet e dhunshme në protestat në Deçan ka fajësuar policinë e UNMIK-ut dhe ka vlerësuar se ato kanë ndodhur, ngase policia nuk ka lejuar qytetarët të shprehin pakënaqësinë e tyre në mënyrë demokratike. "Ne mendojmë se fajtor për këtë është policia, e cila nuk i ka lënë qytetarët që të protestojnë në mënyrë të qetë dhe ka pasur sjellje jo të mira, fyerje dhe çështje të tjera, që kanë nxitur protestuesit që të fillojnë një dhunë, të cilën nuk besoj se e ka dëshiruar apo se e dëshiron askush", ka thënë Dugolli. Ai ka bërë të qartë se partia e tij mbështet protestat paqësore dhe kërkesat e tyre. "AAK-ja nuk është organizatore e protestës, mirëpo vetëm ka mbështetur me anë të një deklarate kërkesat e qytetarëve për të protestuar në mënyrë paqësore, për të kërkuar lirimin dhe ndërprerjen e fushatës kundër ish-pjesëtarëve të UÇK-së dhe fushatës me prapavijë politike", ka thënë ndër të tjera Dugolli.

Nënat me lule pran burgut në Prishtinë kerkojnë lirimin e çlirimtarëve
Prishtinë 16 gusht 2002

Për të pestën herë me radhë, organizuar nga Iniciativa e lirë e gruas, nënat kosovare kanë protestuar në Prishtinë kundër arrestimeve të më të dashurve të tyre, duke vensodur lule pranë dyerve të Burgut të Qarkut të Prishtinës....

TRTV21 njofton se:

Gratë protestojnë për lirimin e ish-pjesëtarëve të UÇK-së; policia masa të rrepta në Prishtinë

PRISHTINE, 16 gusht - Sot në Prishtinë gra nga vise të ndryshme të Kosoves protestuan për lirimin e të afërmve të tyre që po mbahen të burgosur. Ato fillimisht vendosen lule para dyerve të Burgut të Qarkut në Prishtinë e më pas marshuan për në Sheshin" Nëna Terezë" ku brohoritën për çlirimin e ish-pjestarve të Ushtrisë Çlirimtare të Kosovës. Me moton "Liri për Çlirimtarët", kjo ishte hera e pestë që nëna dhe motra nga qytete të ndryshme të Kosovës protestuan, pasi kishin ardhur në Prishtinë në mënyrë të organizuar me shtatë autobusë dhe nën përcjelljen e policisë ndërkombtare. Për shkak të paralajmërimit të kësaj proteste policia ndërkombëtare, KFOR-i dhe policë të Shërbimit Policor të Kosovës ishin shpërndarë nëpër disa rrugë të Prishtinës. Në emër të këshillit Organizativ të Protestave, protestueseve iu drejtua Ilire Bytyqi. Protestueset u shprehën të vendosura se do të protestojnë deri në lirimin e të burgosurve. Protesta e grave ishte e qetë dhe pa incidente. Pas protestimit një orësh, gratë u shpërndanë të qeta dhe në mënyrë të organizuar u nisën me autobusë në drejtim të qyteteve nga kishin ardhur.

E enjte 15 gusht 2002

Njoftimi më i ri nga RTV21:

Qendra për Mbrojtjen e Grave e Fëmijëve: Ja emrat e të lënduarve më rëndë në Deçan; mes tyre edhe fëmijë

PRISHTINE, 15 gusht 2002 - Qendra për Mbrojtjen e Grave dhe Fëmijëve ka shprehur sot brengosjen e vet lidhur me ndërhyrjet e policisë ndërkombëtare ndaj protestuesve në Deçan. Koordinatorja e kësaj qendre Afërdita Shabanhaxhaj u shpreh se ndërhyrja e policisë së UNMIK-ut ishte shumë e vrazhdë duke lënduar gra dhe fëmijë. "Gjatë ditës së sotme nga ora 11.30 dhe deri në 14.30 janë të lënduar 41 persona. Ndër këta kemi marrë shënime se 3 raste janë marrë nga policia dhe nuk dihet gjendja e tyre shendetesore. Dy raste janë të plagosur me plumba gome, katër raste me fraktura të gjymtyrëve të sipërme dhe të poshtme, dy raste me lëndime të krahut. Nga shënimet e marra në spitalin e komunës tonë nga dr.Nimon Hoxha janë 52 raste të pranuara dhe të trajtuara", tha Shabanhaxhaj. Sipas saj, nga këto raste me lëndime më të rënda janë: Adem Bajramaj, dëmtime të krahut Armend Idrizaj, i dëmtuar rëndë në kokë Mic Muqaj, ndrydhje të regjionit të syve, dëmtime të rënda në kokë Hasan Ukaj, i helmuar rënde nga gazi lotësjellës Islam Hulaj, me fraktura dhe djegie të qafës Kujtim Lokaj, dëmtim të rëndë të krahut Sabrije Belegu, çrregullime të rënda të sistemit kardiovaskular pasojë e dëmtimeve të marra nga goditjet në trup Tafe Qeku, dëmtime të ekstremiteteve të sipërme, barkut dhe kokës Luan Likaj, dëmtime të kokës Sami Dautaj, dëmtimë të rënda në shpinë Kushtrim Kadriaj, çarje të kokës Sipas Qendrës për Mbrojtjen e Grave dhe Fëmijëve, gjatë protestës janë marrë edhe 15 të rinj nga forcat policore spanjolle dhe pesë nga ato ruse. "Këta të rinj janë keqtrajtuar para qëndres tonë, por ne arritëm të marrim vetëm emrat e 5 të rinjve. Ata janë Urim Hasanaj (16), Armir Gjota (16), Afrim Cacaj (15), Driton Imami (17) dhe një tjetër me emrin Enis (16), që kishte ardhur mysafir nga Gjakova", tha koordinatorja Shabanhaxhaj.

GNK: Sa më shpejt që do të fillojnë bisedimet për statusin final të Kosovës do të jetë më mirë edhe për shtetet në rajon
Shkup, 15 gusht - Nënkryetari i Grupit Ndërkombëtar i Krizës (GNK) Xhon Grinvolld duke u përgjigjur në një pyetje në konferencën e djeshme për gazetarë lidhur me situatën në Kosovë deklaroi se ky grup ndërkombëtar është e mendimit se sa më shpejt që do të fillojnë bisedimet për statusin përfundimtar të Kosovës do të jetë më mirë si për qytetarët e Kosovës, ashtu edhe për shtetet në rajon, se sa kjo çështje të zgjidhet më vonë.

Mbi 47 të lënduar e 16 të arrestuar sot në Deçan nga gazi lotësjellës e bombat e tymit gjatë protestës për lirimin e oficerëve të TMK-së

DECAN, 15 gusht - Mbi 47 persona janë lënduar, prej tyre 4 rëndë (dy të plagosur me armë zjarri), si dhe 16 persona të tjerë janë arrestuar sot në një protestë në Deçan, e organizuar nga organizatat e dala nga lufta dhe e mbështetur nga mijëra qytetarë, të cilët kërkonin lirimin e ish-oficerëve të lartë të Ushtrisë Çlirimtare të Kosovës dhe atyre të Trupave Mbrojtëse të Kosovë. Ende pa filluar protesta se sotme në Deçan, e caktuar për në orën 12.00, kanë filluar fërkimet mes protestuesve dhe forcave policore. Policia kishte lejuar mbajtjen e protestës në parkun e qytetit, ndërkohë që qytetarët kanë insistuar që kjo të mbahet në sheshin kryesor të Deçanit. Organizatorët e protestës thanë për RTV21 se pjesëmarrësit e protestës janë provokuar më parë nga policia e UNMIK-ut. Muharrem Gacaferri, kryetar i Shoqatës së Invalidëve të Luftës së UÇK-së, dega në Deçan, tha se fërkimet me policinë kanë filluar në orën 11:30, kështu që organizatori nuk ka pasur kurrëfarë mundësie të informojë protestuesit se protesta duhej të mbahej në park e jo në qendër të qytetit. Edhe sipas komandantit të forcave policore, Robert Portz, shkaku i konfliktit ka qenë vendmbajtja e protesatve. Ai tha se ndërkohë që ka ekzistuar leja që protestat të mbahen në park, protestuesit janë drejtuar për në qendër të qytetit. Me atë rast policia e UNMIK-ut, e ndihmuar edhe nga Shërbimi Policor i Kosovës dhe njësitë e KFOR-it italian e spanjoll, për të penguar protestuestit ka përdour gaz lotësjellës dhe bomba tymi. Gjatë kësaj proteste janë lënduar rreth 47 pjesëmarrës, prej të cilëve 6 kanë qenë pjesëtarë të forcave të rendit. Ata kanë marrë ndihmën e parë në Shtëpinë e Shëndetit në Deçan. Autoritetet policore ende nuk kanë pohuar numrin e përgjithshëm të të lënduarve, si dhe numirn e personave që janë arrestuar në këtë protestë. Prostesta ka vazhduar në mënyrë të pakontrolluar deri në orën 14,00 kur situata është qetësuar. Organizatorët thonë se protestat do të vazhdojnë edhe ditëve të ardhshme, dhe siç thonë ata, deri në lirimin e eprorëve të lartë të TMK-së.

Policia arreston njërin nga organizatorët e protestave të dy ditëve të fundit në Besianë

BESIANE, 15 gusht - Policia e UNMIK-ut ka arrestuar sot në mesditë në qendër të Besianës Lulëzim Namani, aktivist i Shoqatës së Invalidëve të Luftës të Ushtrisë Çlirimtare të Kosovës dhe njëherësh njëri ndër organizatorët e një dite më parë në këtë komunë. Me mijëra vetë protestuan dje dhe pardje në Besianë (ish-Podujevë), duke kërkuar lirimin e oificerëve të TMK-së, të arrestuar nga policia për krime të ndryshme gjatë luftës. Më pare, policia e UNMIK-ut dhe Shërbimi Policor i Kosovës e kishin kërkuar Namanin në banesën e tij dhe nuk e kishin gjetur.

Lidhja e Shkrimtarëve të Kosovës kërkon lirimin e krijuesit të arrestuar Tahir Desku

PRISHTINE, 15 gusht - Kryesia e Lidhjes së Shkrimtarëve të Kosovës, mbajti sot një tubim njoftues, ku ftoi anëtarësinë e saj dhe të gjithë krijuesit, që t'u drejtohen të gjitha institucioneve të Kosovës dhe atyre ndërkombëtare për lirimin e poetit dhe anëtarit të kryesisë së kësaj lidhjeje, Tahir Desku. Lidhja e Shkrimtarëve të Kosovës, vendosi që t'u bëjë apel të gjitha Qendrave të Penës në botë, Klubit të Krijuesve në Barcelonë, UNESKO-s dhe Kombeve të Bashkuara që të ndikojnë në lirimin e menjëhershëm të poetit dhe ish-kryetarit të kësaj lidhjeje Tahir Desku, të arrestuar ditë më parë nga policia ndërkombëtare. "Nuk pretendojmë që ti nxjerrim njerëzit mbi ligjin, qofshin ata, krijues, shkrimtarë apo artistë. Krijuesit nuk i amniston vepra e tyre e artit nëse në jetën e tyre kanë ndodhur vepra të liga, por duam prova, transparencë dhe respekt të dinjitetit njerëzor e krijues", tha kryetari i LSHK-së, Adem Gashi. Ndërsa nënkryetari i Lidhjes së Shkrimtarëve të Kosovës Emin Kabashi tha se arrestimet e fundit nuk kanë të bëjnë me individë, siç përpiqet të arsyetohet një pjesë e faktorit ndërkombëtar. Kabashi vlerëson se fjala është për nëpërkëmbjen e vlerave të jetës dhe të eksistencës së shqiptarëve. Në tubimin e sotëm për kërkimin e lirimit të poetit Tahir Desku ishin të pranishëm fare pak shkrimtarë, ndërkohë që Lidhja e Shkrimtarëve të Kosovës ka rreth 140 anëtarë.

Ishte ky njoftim sipas RTV21.Edhe Qik njofton:

Shkrimtarët protestuan kundër arrestimit të poetit Tahuir Desku
Prishtinë, 15 gusht - Lidhja e Shkrimtarëve të Kosovës organizoi sot një protestë në mbrojtje të poetit të arrestuar Tahir Desku dhe ish- eprorëve të lartë UÇK-së.
Shkrimtari Emin Kabashi tha se arrestimet e fundit po bëhen në bazë të përfoljeve të administratës ndërkombëtare dhe theksoi se lufta për liri e UÇK-së është një prej vlerave themelore të shqiptarëve. "Këtu nuk është fjala për individë, por është fjala për nëpërkëmbjen e vlerave të jetës dhe ekzistencës së shqipatërve", tha ai.
Ai pohoi se në Kosovë po ndodhin krime e vrasje, e askush nuk përgjigjet, por arestohet poeti me të vetmin faj që ka qenë ushtar i UÇK-së, tha Kabashi.
Ndërkaq kryetari i Lidhjes së Shkrimtarëve të Kosovës Adem Gashi tha se nuk pretendohet të nxirret askush mbi ligjin, por "duam transperencë. Nuk duam të paragjykojmë për rastin, por e njohim artin letrar dhe shpirtin subtil të Tahur Deskut. "Kërkojmë trajtim të dinjitetshëm për Tahirin, siç kemi kërkuar dhe jemi vënë në krah edhe një Selman Ruzhdiu, edhe një Taslim Nasrim nga Bangladeshi kur cenohej liria dhe dinjiteti i saj krijues dhe kombëtar".
Në këtë protestë u tha se do t'u bëhet apel shkrimtarëve në botë PEN qendrave të ndryshme për lirimin e poetit Tahir Desku

Shefi i policisë në Mitrovicë, Nill: E dimë ku është Ivanoviq; ai do të arrestohet patjetër

MITROVICE, 15 gusht - Ku gjendet Milan Ivanoviq, i akuzuar për tentim vrasje të policëve ndërkombëtarë: në Kosovë apo në Serbi ? Komandanti i policisë rajonale në Mitrovisë, Xhon Nill, i deklaroi RTV21 se ka njohuri se ku mund të jetë Ivanoviqi, por për shkaqe sigurie nuk mund të japë informacion të plotë. "Ivanoviq do të arrestohet. Personat që tentojnë të vrasin policët nuk mund të lëvizin lirisht", tha kreu i policisë në Mitrovicë. Policia e UNMIK dështoi dy herë në një operacion për arrestimin e Ivanoviqit, i cili akuzohet për tentim vrasjeje të policëve ndërkombëtarë. Zëdhënësja e UNMIK-ut Suzan Manuell ditë më parë pohoi se administrata e UNMIK-ut e ndjen veten të turpëruar për dështimin e arrestimit të Milan Ivanoviqit, për të cilin policia deklaron se në prill të këtij viti është parë të ketë hedhur bombë mbi pjesëtarët e policisë ndërkomëtare, ku u plagosën 22 policë kryesisht polakë. Por sipas komandantit të policisë rajonale në Mitrovicë, Xhon Nill, dështimet janë të natyrshme. "Policia nuk e ndjen veten të turpëruar për dështimin e arrestimit të Milan Ivanoviqit. Jo gjithmonë arrijmë t'i arrestojmë ata që kërkohen nga ne. Kjo nganjëherë ndodh. Megjithatë, në rastin e Milan Ivanoviqit mund të them se deri tash ende nuk e dimë pse nuk arritëm në të vërtetë ta arrestojmë atë. Por unë jam duke punuar në këtë drejtim dhe mendoj se së shpejti do ta kemi të qartë pse nuk arritëm ta arrestojmë Ivanoviqin", thekson komandanti i policisë rajonale në Mitrovicë, Xhon Nill. Ai u shpreh se nuk ka organizatë në botë që mund të jetë efektive 100 për qind në operacionet e saj. Por ku është në të vërtetë personi i akuzuar për tentim vrasjeje të policisë ndërkombëtare. Ka rreth një javë mediat serbe dhe ato shqiptare flasin se mjeku serb, Milan Ivanoviq mund të jetë në Serbi, ndërkohë që ka të tjera që thonë se ai është brenda në Kosovë. "Ne kemi njohuri ku mund të jetë ai, por për shkaqe sigurie nuk mund të jap informacione më të plota", thotë Xhon Nill. Ndryshe nga deklarata e zëdhënësit të policisë së UNMIK-ut në Prishtinë, Derek Çapell se policia duhet të ketë kujdes kur arreston dikë në pjesën veriore të Mitrovicës, për shkak të pasojave dhe ngritjes së tensioneve në mesin e popullatës serbe që jeton atje, Xhon Nill thotë se ai nuk do të presë që tensionet të ulen apo të ngrihen. "Jo, ne nuk do të presim që Ivanoviqi të hyjë në ndërtesë tonë për ta arretuar. Ne do ta kërkojmë atë. Ne nuk do të tregojmë publikisht se kur, si dhe ku do ta arrestojmë Ivanoviqin dhe personat e tjerë të kërkuar, por një gjë të tillë do ta bëjmë. Kjo mund të ndodhë nesër, javën e ardhshme apo ndoshta edhe vitin tjetër, por ai definitivisht do të arrestohet. Personat që tentojnë të vrasin policët nuk mund të lëvizin lirisht", tha komandanti i policisë rajonale në Mitrovicë, Xhon Nill. Ai thekson se pikat kufitare me Serbinë janë të kontrolluara mirë, por kjo nuk mjafton. Nill thotë se me kohë do të mësojnë nga gabimet që i bëjnë dhe është me rëndësi që të mos gabohet dy herë për të njejtën çështje.

Deklarata e AAK: Mbështesim protestat; arrestimet e fundit ndodhën si në vendet totalitare

PRISHTINE, 15 gusht - Aleanca për Ardhmërinë e Kosovës mbrëmë ka lëshuar një komunikatë për media të nënshkruar nga kryetari Ramush Haradinaj në të cilën thuhet: "Zhvillimet e fundit në Kosovë, që pasojnë me akuzat e njëpasnjëshme ndaj ish-ushtarëve të Ushtrisë Çlirimtare të Kosovës, si dhe të pjesëtarëve të rregullt të Trupave të Mbrojtjes së Kosovës, të Shërbimit Policor të Kosovës dhe arrestimeve të tyre me spektakle policore anekënd Kosovës, ka ngjallur shqetësim në Aleancën për Ardhmërinë e Kosovës, sikurse edhe të shumë qytetarëve të Kosovës. Këto zhvillime, në këto momente të ndjeshme, si forma të njohura nga vendet totalitare për disiplinimin politik, i konsiderojmë, si mundësi të dëmtimit të arritjeve të deritashme dhe që rrezikojnë procesin në të cilin ndodhemi. UÇK për ne është, jo vetëm vlerë e shenjtë, por edhe argument i fuqishëm në synimin tonë për pavarësi. Aleanca për Ardhmërinë e Kosovës mbështet fuqimisht protestat paqësore të qytetarëve të Kosovës për lirimin e luftëtarëve të lirisë. AAK do të qëndrojë e palëkundur në synimin e popullit për pavarësi", thuhet në fund të komunikatës.

Rrustem Mustafës - Remit iu vazhdua paraburgimi edhe për 30 ditë, por do të zgjerohen edhe hetimet kundër tij
Prishtinë, 15 gusht - Ish-komandantit të UÇK-së Rrustem Mustafës- Remit iu vazhdua paraburgimi edhe për 30 ditë nga një gjykatës hetues ndërkombëtar. Ai akuzohet nga për burgosje të paligjshme, keqtrajtim dhe vrasje të pesë personave, ka njoftuar zëdhënësi i UNMIK-ut Andrea Annjeli. Ai ka shtuar se hetimet kundër Rrrustem Mustafës do të zgjerohen.
Avokati i Remit, Aziz Rexha, ka deklaruar se hetimet kundër klientit të tij janë të ndërlidhura me hetimet kundër tre personave të tjerë ish-pjesëtarë të UÇK-së. Në janar të këtij viti policia ndërkombëtare kishte arrestuar Latif Gashin, Nazif Mehmetin e Naim Kadriun nën dyshimin se janë përgjegjës për krime kundër bashkëkombasve të tyre dhe sipas z. Rexha edhe Rrustem Mustafa tashmë është i dyshuari i katërt në këtë grup.(njoftim i QIK-ut)

Komandant Remi dërgohet në burgun e Mitrovicës

PRISHTINE, 15 gusht - Rrustem Mustafa - Remi mund të jetë dërguar në burg në veri të Mitrovicës. Sipas mediave të Prishtinës, avokati i tij Aziz Rexha, ka deklaruar se dje ka kërkuar nga gjykatësi ndërkombëtar që të vizitojë klientin e tij. "Leja më është dhënë dhe në të shkruan se klientin mund ta vizitoj në burgun e Mitrovicës", tha avokati Rexha.

Xhaferri: Ekstremizmi shqiptar në Maqedoni do të ndalë nëse zgjidhet çështja jonë

SHKUP, 14 gusht - Ekstremizmi shqiptar do të marrë fund atëherë kur do të zgjidhet në mënyrë optimale çështja shqiptare. Kështu u shpreh sot Arbër Xhaferri, lider i Partisë Demokratike të Shqiptarëve në Maqedoni (PDSH), gjatë një interviste për edicionin në shqip të radio Evropa e Lirë. Duke komentuar deklaratat e fundit të Presidentit maqedonas Boris Trajkovski, dhe ato të Ministrisë së Punëve të Brendshme në Shkup, mbi ekzistencën e një grupimi të ri paraushtarak në vend, të quajtur Armata e Republikës së Iliridës (ARI), Xhaferri thekson se nacionalizmi i popujve të tjerë jo shqiptare në Maqedoni, eshte i institucionalizuar, nderkohe qe "nacinalizmi apo ekstremizmi shqiptar, siç thonë ata (Trajkovski e MPB), është fenoment që paraqitet në margjinat e shoqërisë, dhe është një kundëraksion ndaj nacionalizmave dhe ekstremizmave shtetëror të popujve të tjerë që ushtrojnë ose ngulthasin (mbysin) kërkesat reale të shqiptarëve". Presidenti Trajkovski deklaroi sot në një komunikatë për shtyp se duhet të luftohet ekstremizmi shqiptar, i cili është i rrezikshëm për paqen e stabilitetin jo vetëm në Maqedoni, por edhe në rajon. Por Xhaferri e quajti nacionalizmin shqiptar si pasojë e ekstremizmit të popujve të tjerë. "Dëshiroj të them se nacionalizmi shqiptar është pasojë e ekstremistëve të popujve të tjerë që në të gjitha fazat e proçesit të zhvillimit historik e kanë treguar një antagonizëm të skajshëm", thotë ai, duke shtuar se nuk mund të flitet për elemenimin e nacionalizmit ose ekstremizmit shqiptar, sic pretendon Trajkovski e Ministria e Punëve të Brendshme), "me një lëvizje magjike apo me fjalë të zbukuruara të kohës së sotme për paqe dhe stabilitet në rajon". "Pa u zgjidhur çeshtja shqiptare në mënyrë optimale dhe të drejtë, unë nuk pres që të mund të eleminohen tendencat që paraqiten në shoqërinë shqiptare e që synojnë në forma të tjera të avancojnë pozitën e shqiptarëve dhe ta barazojnë pozitën e tyre në shoqërinë në të cilën ata jetojnë", u shpreh lideri i PDSH, Arbër Xhaferri.

Presidenti maqedonas përshëndet arrestimin e ish-kryetarit të PPD-së, Nevzat Halili nga forcat ndërkombëtare
Shkup, 15 gusht - Presidenti maqedonas Boris Trajkoski e përshëndeti arrestimin e ish-kryetarit të Partisë së Prosperititetit Demokratik në Maqedoni, Nevzat Halili nga forcat ndërkombëtare në Kosovë. Në një komunikatë nga kabineti i Trajkovskit thuhet se ka të dhëna për involvimin e drejtpërdrejt të z. Halili në aktivitetet ekstremiste, përkatësishtë në udhëheqjen e armatës së Republikës "Ilirida". Trajkovski po ashtu ka mbështetur edhe aksionet e organeve kompetente në Kosovë për pengimin e siç thuhet në komunikatë të përsëritjes dhe zgjerimit të ekstremizmit shqiptar në Maqedoni dhe në rajon.
Lajmin për arrestimin e Nevzat Halilit e konfirmoi edhe Ministria e brendshme maqedonase.

"Amnesty International" ka shënuar shkelje të të drejtave të njeriut nga forcat maqedonase, por edhe anëtarët e UÇK-së
Uashington, 15 gusht - Organizata ndërkombëtare "Amnesty International" në raportin e saj më të ri konstaton se ka shënuar shkelje të shumta të të drejtave të njeriut si nga forcat e rendit ashtu edhe anëtarët e Ushtrisë Çlirimtare Kombëtare ndaj civilëve maqedonas në Maqedoni.
"Amnesty International" u bën thirrje autoriteteve maqedonase të angazhohen seriozisht në hetimin e këtyre akteve për të sjell para drejtësisë personat përgjegjës.

E mërkurë 14 gusht 2002

Dikush po mundohet ta denigrojë TMK-në, konsideron kolonel Mahmutaj

PRISHTINË 14 gusht 2002- Entuziazmi i lartë i treguar në Serbi për arrestimin e Rrustem Mustafës- komandant "Remit", lë hapësirë për të dyshuar se në arrestimet e fundit në Kosovë është i invilvuar edhe Beogradi, thonë të enjtën eprorë të lartë të Trupave të Mbrojtjes së Kosovës (TMK).

Besiana, e tëra në këmbë, kërkon lirimin e komandant Remit

Besianë 14 gusht- Edhe sot në ditën e dytë të protestës kundër burgosjes së komandant Remit, në ora 13, para selisë së SHIL të UÇK-së në Besianë filloi protesta gjithëpopullore, ku merrnin pjesë dyfish më shumë qytetarë se në ditën e parë, të marten, kur me mijëra qytetarë të Besianës protestuan për lirimin e ish-komandantit të UÇK dhe njërit ndër eprorët e lartë të TMK Rrustem Mustafa-Remi.
Të martën pasdite, Rrustem Mustafa- Remi, është marrë në pyetje nga një gjykatës ndërkombëtar, ku edhe ka mohuar aktakuzën që i vishet.

Banorët e Shtupelit kërkojnë që 19 serbë që bënë krime në bashkëvendas të tyre të arrestohen dhe dënohen
Qytetarët e bashkësisë lokale të Shtupelit në një kumtesë që kanë lëshuar për opinion, kërkojnë nga kryeadministratori i Kosovës, komandanti i KFOR-it, kryeministri, presidenti dhe kryetari i Kuvendit të Kosovës, të arrestojnë 19 kriminelët serbë që bë krime në bashkëvendasit e tyre gjatë luftimeve në Kosovë.

Ndër të arrestuarit e parmbrëmshëm për "ekstremizëm" është edhe Nevzat Halili, ish-lider politik i shqiptarëve të Maqedonisë
Prishtinë, 14 gusht - Në aksionin e parmbrëmshëm të njësiteve të specializuara në Prishtinë, që rezultoi me arrestimin e "ekstremistëve" nga Maqedonia, është edhe ish-lider politik i shqiptarëve të Maqedonisë, Nevzat Halili. Ndërkaq, të arrestuarit e tjerë janë Ismet Kryeziu, ish-i burgosur politik nga Prizreni, Sadik Jashari nga Medvegja dhe Hamdi Ajdini, për të cilin nuk jepen informacione të tjera.
Po kështu, sipas "Kohës ditore" bëhet e ditur se ndërkohë janë arrestuar edhe tre persona të tjerë. Njoftohet gjithashtu se personat e arrestuar janë vëzhguar një kohë të gjtë nga KFOR-i në lidhje me aktivitetin e tyre në të ashtuquajturën "Armatë Republikane e Iliridës".
Nevzat Halili, që nga shpërthimi i konfliktit vitin e kaluar në Maqedoni, ka qenë i strehuar në Prishtinë, me justifikim se po ndiqej nga policia maqedonase. Në kohën kur ishte udhëheqës i Partisë për Prospertet Demokratik, u shqua në përpjekjet për shpalljen e "Republikës së Iliridës", në kuadër të Maqedonisë. Ai u zu nga KFOR-i derisa po përpiqej të braktiste Prishtinën. KFOR-i dhe UNMIK-u s'kanë dhënë deri tash njoftime të hollësishme përkitazi me këtë rast ndhe ende s'e kanë zbuluar identitetin e të arrestuarëve.

Presidenti Rugova priti ambasadorin izraelit Joram Shani
Prishtinë, 14 gusht - Presidenti i Kosovës, Dr. Ibrahim Rugova, priti ambasadorin izraelit në Beograd, Joram Shani (Yoram Shani), i cili mbulon disa vende në rajon.
Presidenti Rugova dhe zoti Shani, diplomati i parë izraelit që viziton Kosovën, biseduan për gjendjen në Kosovë dhe aspekte të tjera të marrëdhënieve e lidhjeve të shqiptarëve me popullin hebraik.
Presidenti Rugova falënderoi Izraelin për ndihmën që i ka dhënë popullit të Kosovës gjatë dhe pas luftës në fushën humanitare dhe të rindërtimit të infrastrukturës shëndetësore e arsimore.
Duke folur për të arriturat në Kosovë, Presidenti Rugova tha se po krijohet stabilitet politik e institucional, ndërsa rindërtimi fizik gati është kryer. Tani kemi nevojë për investime dhe kjo mund të bëhet edhe në kuadrin e procesit të privatizimit të ekonomisë së dikurshme shtetëtore e shoqërore, tha ai.
Kosova e pavarur do të qetësonte rajonin dhe të gjitha vendet fqinje, ndërsa do të krijonte kushte për zhvillim të mbarë dhe të gjithanshëm të Kosovës, tha Presidenti i Kosovës.
Në bisedë me zotin Rugova, diplomati izraelit u njoh me veçoritë e organizimit institucional të Kosovës.
Presidenti Rugova dhe ambasadori Shani folën edhe për gjurmët e komunitetit hebraik në Kosovë, si shenjë e lidhjeve të hershme e miqësore të dy popujve, njofton Zyra e Presidentit të Kosovës.

Kryepolici maqedonas Boshkovski kërkon arrestimin e Ali Ahmetit, Gëzim Ostrenit dhe të tjerëve
Tetovë, 14 gusht - Ali Ahmeti, Gëzim Ostreni, Fazli Veliu dhe anëtarët e tjerë të "grupit të tyre banditesk" vetë duhet t'u dorëzohen organeve gjyqësore maqedonase, për t'i gjykaur për "krime kundër njerëzimit", deklaroi sot në Tetovë, ministri maqedonas i punëve të brendshme Lube Boshkovski. Sipas Boshkovskit, në të kundërtën, për t'u arrestuar në Maqedoni, duhet të arrihet koncensusi për diçka të tillë në mesin e strukturave politike të cilat me koncensus miratuan Marrëveshjen e Ohrit.

Privatizimi në Kosovë ende gjendet në mjegull

Prishtinë 14 gusht- Procesi i parivatizimit në Kosovë ndodhet në mjegull ndërsa gjërat nuk i kanë ende shumë të qarta as ndërkombëtarët e as vendorët, tha keshtu një anëtar i Bordit të Agjencisë Kosovare të Mirëbesimit njofton Kosovalive nga Prishtina.

E marte 13 gusht 2002
Aktakuzë për cënim sigurie kundër Ramush Haradinajt;
Lideri i AAK: Këto i bëjnë mbeturinat e Millosheviqit për të na penguar
intervista

real player

E premte 9 gusht 2002

Në protestën e nënave, gazetarët të padëshiruar për policinë

Të premten në Prishtinë, pas orës 12.00, arritën disa autobusë më nëna dhe motra protestuese që kishin ardhur nga rajoni i Dukagjinit dhe Drenicës, për të vendosur lule para dyerve të Burgut të Qarkut në Prishtinë.

Nënat vendosin përsëri lule para burgut në Prishtinë: Lironi ish-pjesëtarët e UÇK-së

PRISHTINE, 9 gusht - Dhjetëra gra dhe nëna kosovare, familjarë të dëshmorëve, të zhdukurve dhe të arrestuarve, janë rimbledhur sot për të katërtën herë në një protestë në Prishtinë, për të kërkuar lirimin nga burgu të disa ish-pjesëtarë të Ushtrisë Çlirimtare të Kosovës. Ato u bënë thirrje institucioneve dhe komunitetit ndërkombëtar që të angazhohen në maksimum për lirimin e djemve të tyre. "Kemi ardhur këtu për të vënë nga një lule para dyerve të burgut për djemtë tanë dhe më meritorët për fitoren e lirisë, sepse ata nuk e kanë vendin prapa grilave në Kosovën e lirë. Edhe pse gjatë tri javëve të kaluara kemi hasur në pengesa të ndryshme nga ana e policisë së UNMIK-ut, më në fund kemi gjetur një gjuhë të përbashkët për realizimin e protestës sonë në mënyrë të qetë. Ne nënat dhe motrat kosovare me ndërgjegje dhe bindje të thellë themi se akuzat e ngritura kundër djemëve tanë që mbahen në burgje padrejtësisht, kinse kanë kryer krime ndaj bashkëkombasve të vet, janë tepër të rënda, poshtëruese e mbi të gjitha të paqëndrueshme", tha në këtë protestë Safete Shala, anëtare e këshillit organizativ të protestës.

Shtajner ka emruar Xhejms O'Brajënin kryesues të Panelit treanëtarësh për Ligjin e Arsimit të Lartë
Prishtinë, 9 gusht - Kryeadministratori ndërkombëtar i Kosovës, Mihajl Shtajner ka emruar Xhejms O'Brajënin kryesues të Panelit treanëtarësh, i cili do të shqyrtojë Ligjin e Arsimit të Lartë, të cilin kohë më parë e ka nxjerrë Kuvendi i Kosovës. Nxjerrjen e këtij ligji e kanë kundërshtuar vetëm minoritarët serbë.
O'Brajën ka qenë i dërguar special presidencial për Ballkanin në administratën e Klintonit (post ky që më heret e ka pasur Riçard Holbruk). Ai ka marrë pjesë në shumë marrëveshje ndërkombëtare për Kosovën dhe Bosnjën, kurse aktualisht është kryetar i Grupit Ollbrajt, të themeluar nga ish-sekretarja e Shtetit Ollbrajt.
Dy anëtarë të tjerë të Panelit janë ministri për arsim, shkencë dhe teknologji, Rexhep Osmani, i cili përfaqëson përkrahësit e Ligjit dhe Gojko Saviq, i cili përfaqëson anëtarët e Kuvendit që kundërshtojnë atë.
Paneli do të fillojë punën menjëherë dhe O'Brajën ka ardhur pardje në Prishtinë nga Ushingtoni.

Policia e Kosovës ka arrestuar murgeshën e Manastirit të Graçanicës e cila dyshohet të ketë kultivuar bimë narkotike
Prishtinë, 9 gusht - Policia e Kosovës ka arrestuar murgeshën e Manastirit të Graçanicës Efosinia e cila dyshohet se së bashku me motrat e nderit kanë kultivuar bimë narkotike. Në manastir janë futur pjesëtarët serbë të policisë së Kosovës dhe e kanë arrestuar murgeshën e cila në stacionin policor është mbajtur një orë. Arrestimi është bërë pas dyshimeve të policisë së Kosovës se në oborrin e Manastirit të Graçanicës është mbjellë mariuhanë. Murgesha Efosinia deklaroi për një agjenci lokale serbe se kinse oborri i Manastirit të Graçanicës nuk është punuar që prej vitit 1953.

Si dështoi tentimi i forcave të policisë së ndërkombëtare për ta arrestuar kryetarin e "këshillit nacinal serb" Ivanoviq(!!!)
Mitrovicë, 9 gusht - Forca të mëdha të policisë së ndërkombëtare në orët para të mëngjesit të ditës së enjte kanë tentuar dy herë rradhazi ta arrestojnë kryetarin e "këshillit nacinal" të serbëve të veriut të Mitrovicës Millan Ivanoviq, por nuk kanë arritur ta arrestojnë atë. Ivanoviq është një nga banditët e të ashtuquajturave "rojet e urës", formacion paramilitar serb i cili tash tre vjet po vepron në veriun e Mitrovicës.
Zëdhënësja e UNMIK-ut, Suzan Manuel deklaroi se fletarresti kundër Ivanoviqit është lëshaur me kërkesën e prokurorit ndërkombëtar. Ivanoviq akuzohet për tentativë vrasje gjatë demonstratave të dhunshme në Mitrovicë më 8 prill të këtij viti kur edhe u lënduan 26 persona, shumica anëtarë të UMMIK-ut dhe policisë ndërkombëtare, të cilët u sulmuan me bomba dhe me snajperë.

E enjte 8 gusht 2002

Në të gjithë kufijtë e Kosovës kanë filluar patrullimet e përbashkëta të pjesëtarëve të SHPK-së dhe atyre të KFOR-it
Prishtinë, 8 gusht - Në të gjithë kufijtë e Kosovës kanë filluar patrullimet e përbashkëta të pjesëtarëve të Shërbimit Policor të Kosovës dhe atyre të forcave paqeruajtëse të NATO-s - KFOR. Zyrtarët e KFOR-it kanë deklaruar se kjo bëhet për shkak të zvogëlimit të vazhdueshëm të numrit të paqeruajtësve ndërkombëtarë dhe kalimit gradual të komptencave tek strukturat vendore të sigurisë.

Shkurt:

-UNMIK fton Ivanoviqin e Këshillit Nacional Serb të dorëzohet.Policia ndërkombëtare dhe paqeruajtësit e KFOR-it kanë tentuar të enjtën në orët e hershme të mëngjesit të arrestojnë Milan Ivanoviqin, kryetar i Këshillit Nacional Serb për Veriun e Kosovës,por pa sukses.

-Aeroporti i Prishtinës, i shkatërruar plotësisht pas konfliktit të vitit 1999 në Kosovë, kur ishte cak I sulmeve të NATO-s meqë paraqiste pike strategjike të Ushtrisë së atëhershme Jugosllave, do ta përmbyllë vitin 2002 me 1 milion udhëtarë, thonë zyrtarët e AP.

- Një ditë pasi kryeadministratori i Kosovës Michael Steiner, vendosi që në krye të Korporatës Energjetike të Kosovës (KEK) të emërojë një drejtues ndërkombëtar, ish menaxherët e heshtin këtë vendim, ndërsa ekspertët e energjetikës thonë se ky është një grusht i fortë ndaj kuadrove kosovare.

-Kryedaministratori i Kosovës, Mihaj Shtanjer, të premten, nuk u takua me kandidatin për kancelar të Gjermanisë, Shtojber, për shkak të pengesave teknike te helikopterit , shkas qe pamundësoi zbritjen ne Prishtinë.

-Nën masa të rrepta policore të policisë së UNMIK-ut, Deçanasit kanë protestuar të enjten për të pesëmbëdhjetë herë me radhë për lirimin e çlirimtarëve.

-Këshilli Organizativ i Iciativës së Lirë të Gruas, për herë të katërt u bënë thirrje nënave dhe motrave kosovare që të premten, më 9 gusht, të marrin pjesë në protesta.

Shtoiber mbrëmë qëndroi në Prizren, sot takon Rugovën dhe Shtajnerin
Prishtinë, 8 gusht - Edmund Shtoiber, kreu i shtetit të Bavarisë dhe kandidat për postin e kancelarit gjerman në zgjedhjet e ardhshme, qëndroi mbrëmë në Prizren. Shtoiber në Pizren ka takuar trupat gjermane të stacionuara në këtë qytet, të cilat shërbejnë brenda kontigjentit të KFOR-it.
Sot Shtoiber do të takohet me presidentitn e Kosovës, Ibrahim Rugova dhe me kryeadministratorin, Mihail Shtajner.

Gjykata e Qarkut në Mitrovicë i ka shtyrë Stevan Zhigiqit burgimin deri më 4 shtator

Mitrovicë, 8 gusht - Gjykata e Qarkut në Mitrovicë i ka shtyrë Stevan Zhigiqit burgimin deri më 4 shtator. Sipas një burimi brenda kësaj gjykate trupi gjykues ndërkombëtar pas një rishikimi ka marrë vendimin pë shtyrjen e paraburgimit të Stevan Zhigiqit, i cili mbahet në paraburgim me dyshimin se gjatë masakrës së 3 e 4 shkurtit të vitit 2000 në pjesën veriore të Mitrovicës ka vrarë në banesën e tij Muharrem Sokolin.

Komunikatë e Lëvizjes së Progresit Demokratik (LPD) në Bujanoc
Bujanoc, 8 gusht - Lëvizja e Progresit Demokratik (LPD) me seli në Bujanoc përmes një komunikate thekson se zgjedhjet lokale të 28 korrikut dhe ato të përsëritura gjatë 4 gushtit, të këtij viti, në Luginën e Preshevës, janë të një rëndësie të veçantë, meqë ato u zhvilluan nën monitoringun e ndërkombëtarëve dhe sipas ligjit proporcional zgjedhor. Elektorati shqiptar ashtu si gjithherë edhe në këto zgjedhje për pushtet lokal tregoi një kulturë të lartë, duke ia shtuar madhështinë votimeve, që me të drejtë u quajtën historike, thuhet më tej në komunikatë.
Sa i përket raundit të dytë për prefekt komune në Preshevë, i cili do të mbahet të dielen e 11 gushtit, LPD-ja nuk do të ketë kurrëfarë kualicioni me partitë simotra, por e lë në disponim elektoratin vetë të vendosë se cilit kandidat do t'i japë besimin për ta qeverisur në të ardhmen pushtetin lokal në Preshevë. LPD e vlerëson skandaloze veprimin e anëtarëve shqiptarë të Komisionit Zgjedhor Komunal në Bujanoc, që edhe këtë radhë lëshoi pe në emërimin e kryetarit të këtij trupi, nga radhët e nacionalitetit serb.
Lidhur me protestat disaditëshe të serbëve para kuvendit komunal të Bujanocit, PLD thotë se ato ishin një presion i pashembullt ndaj komisionit zgjedhor dhe gjykatës komunale për të vendosur në anulimin e 11 vendvotimeve shqiptare, në dëm të gati 90 për qind të elektoratit shqiptar. Përkundër këtyre presioneve dhe shantazheve politike LPD-ja fton elektoratin që në zgjedhjet e përsëritura, të cilat do të mbahen të dielen e 11 gushtit, të dalin më të mobilizuar dhe me votën e tyre të zgjedhin ata më të zgjedhurit.
Pavarësisht nga këto lëshime, parregullësi dhe mangësi të vërejtura gjatë procesit zgjedhor në rajonin e Luginës së Preshevës, Grupimi i Qytetarëve-Lëvizja e Progresit Demokrati me 12 këshilltarë të fituar në zgjedhjet për pushtet lokal, e llogarit veten forcë politike në zhvillimin e proceseve demokratike drejt zgjidhjes së kauzës kombëtare në këtë rajon të populluar gjithmonë me shumicë shqiptare, thuhet në komunikatën e lëshuar nga Këshilli Inicues i LPD-së, nënshkruar nga Jonuz Musliu, kryetar.

Forca të shtuara policore në fshatrat shqiptare të Shkupit
Shkup, 8 gusht (QIK) - Pas spekulimeve se në Maqedoni do të operojnë formacione të armatosura shqiptare para zgjedhjeve parlamentare, mësohet se forca të shtuara policore maqedonase janë përqendruar në rripin e fshatrave të Shkupit, Saraj- Bojanë dhe Jegunavc- Zhelinë. Këto njotime nuk janë konfirmuar e as që pritet kjo të bëhet nga policia maqedonase. Po ashtu, mësohet se edhe njësia speciale "Ujqit" është mobilizuar dhe është në gjendje gatishmërie për çdo eventalitet, kështu thuhet jozyrtarisht nëpër qarqet e gazetarëve.

Autoritetet maqedonase kanë zgjatur edhe për 30 ditë të tjera burgimin për dy të rinj shqiptarë, ish-luftëtarë të UÇK-së
Shkup, 8 gusht - Autoritetet gjyqësore maqedonase kanë zgjatur edhe për 30 ditë të tjera burgimin për dy të rinj shqiptarë ish-luftëtarë të UÇK-së të cilët akuzohen për keqtrajtimin e civilëve maqedonas gjatë konfliktit të armatosur të vitit të kaluar në këtë vend.
Anëtarët e familjeve të Shkodran Idrizit dhe Fadil Feratit nga Zhelina e Tetovës reagojnë se tash nëntë muaj ata dy mbahen në paraburgim dhe nuk nxirren para gjyqit.

Banorët e Zhelinës me 10 gusht do ta bllokojnë magjistralen
Tetovë, 8 gusht (QIK) - Banorët ë Zhelinës, fshat afër Tetovës kanë paralajmëruar se më 10 gusht do ta bllokojnë autostradën Tetov-Shkup për të bërë presion në lirimin e Fadil Feratit dhe Shkodran Idrizit, ish luftëtarë të ish UÇK-së, të cilët gati një vit mbahen të arrestuar. Ata janë arrestuar nga policia maqedonase afër Xhepçishtit. Zhelinasit e kanë paraqitur kerkesën e tyre me kohë në organet kompetente dhe nismëtarët e bllokadës mendojne se nuk duhet të ketë asnjë incidentë, meqë banorët janë të organizuar mirë. Sa do të zgjasë bllokada e autostradës nuk është thënë, por presionet do të vazhdojnë, thuhet në një njoftim nga ky fshat.

Dnevnik: Ushtria mbretërore e Leka Zogut do të fillojë luftën në Maqedoni!
Shkup, 8 gusht - E përditshmja e Shkupit "Dnevnik" botoi një shkrim me të cilin ka alarmuar gjithë opinion e këtushëm se në Maqedoni duhet të fillojë luftë gurile e pastaj dhe frontale, e cila duhet të zgjasë dy vjet. Sipas këtij shkrimi strukturat radikale shqiptare përgatiten për sulme "terroriste" para zgjedhjeve parlamentare ndaj forcave të sigurisë së Maqdonisë.

E marte 30 korrik 2002
-Shtajner ne N.York...
--Minatoret e Trepcës hynë në grevë urie
--Vdiq edhe një person nga tragjedia e Kullës
-55 mijë punëkërkues në rajonin e kryeqytetit
- Për Kosovën 100 milionë dollarë
-Dy javë afat për votuesit kosovarë jashtë atdheut.

E enjte 25 korrik 2002
ora 12 mesditë -N.York
ora 18 mbrëmje -Prishtinë

Burimet më të reja informative bëjnë me dije se në vendin e quajtur KULLA në kufirin Kosovë - Mali Zi ka ndodhur një aksident i rëndë komunikacioni:
Njoftimi më i ri nga Peja 9 të vdekur e 21 të lënduar jasht rreziku jetësor e 5 të tjerë janë dërguar për në Spitalin e Prishtinës me helikoptar nga KFORI.

Njoftimi më i ri nga Prishtina- në spital 6 nga rasti tragjik janë të shtrirë; 3 femijë e tre të rritur.Një grua e lënduar është derguar në Fushë Kosovë nga KFORI -nuk dihet pse thotë mjeku kujdestar Bajram Koci në Prishtinë.Sasia e gjakut është e mangët.Edhe mungesa e mjeteve keqëson situaten..

Keto njoftime i morrem nga RTV21 dhe Radio kosova të cilat transmetojnë kohë pas kohe informacione rreth rastit shoqëruar me muzikë te ndjeshme prekëse për rastin e pikëllluar që ka kapluar gjithë Kosovën, veçanërsiht të afërmit e të vdekurve në aksidentin tragjik.(ereniku)

E diele,30 qershor 2002

Hashim Thaçi pas rizgjedhjes kryetar i PDK-së, i shpall luftë krimit, kontrbandës dhe korrupsionit

Hashim Thaçi është rizgjedhur kryetari i Partisë Demokratike të Kosovës me votën e më shumë se 400 delegatëve të pranishëm në Kuvendin e Dytë Zgjedhor të PDK-së...

Shoqata “Miqtë e TMK-së” në Zvicër ndihmon ushtrinë e ardhshme të Kosovës

“Ne edhe pasi të ndahen mjetet për TMK-në, nga buxheti i Kosovës, do të vazhdojmë ta ndihmojmë TMK-në, sepse ajo ka nevojë për strukturim, për profesionalizim, mu për arsye se ajo do të jetë ushtri e rregullt e Kosovës

Amerika bllokon misionin paqëruajtës në Bosnjë

Shtetet e Bashkuara të Amerikës vunë veton në Kombet e Bashkuara dhe bllokuan ripërtëritjen e misionit paqëruajtës në Bosnjë-Hercegovinë.Vendimi i SHBA-së erdhi pasi Këshilli i Sigurimit refuzoi të pranonte kërkesën e Amerikës për t'u garantuar ushtarëve amerikanë imunitet nga ndjekja penale e një gjykate të re ndërkombëtare që do të filloë të funksionojë që nga e hëna.Qeveria amerikane druhet se paqëruajtësit amerikanë në Bosnjë apo diku tjetër mund të vihen në shënjestër të sulmeve të motivuara politikisht.Thuhet se amerikanët nuk kishin ndër mend të bënin ndonjë kompromis për kërkesën e tyre.Ka njoftime se Këshilli i Sigurimit do të kërkojë tani një zgjatje të përkohshme të mandatit të misionit paqëruajtës në Bosnjë.

Brazili - kampion bote për ... të pestën herë!

30 qershor

Ylli i futbollit, Ronaldo, kurorëzoi Brazilin ”Kampion i Botës” duke shënuar të dy golat e ndeshjes me Gjermaninë. Me rezultatin e pastër 2-0 të kësaj finaleje, Brazili vendos rekord duke u bërë i vetmi vend që e ka fituar Kupën e Botës pesë herë.Ndeshja Brazil-Gjermani u luajt nën një shi të lehtë e të vazhdueshëm në Yokohama të Japonisë dhe u transmetua drejtpërdrejt për miliona sportdashës në mbarë botën.Ronaldo shënoi dy herë në pjesën e dytë në minutat 67 dhe 79, pasi e kishte vënë në provë disa herë gjatë pjesës së parë portierin gjerman, Oliver Khan.Por edhe portieri brazilian, Marcos, u dallua me ndërhyrjet e tij, ndërsa gjermanët, të njohur për mbrojtjen e tyre të fortë, krijuan një seri shansesh të përkryera shënimi.Kjo finale ishte e treta rresht për Brazilin. Brazilianët e fituan kupën e Botës më 1994, por humbën në ndeshjen-finale të ’98-s me Francën.Gjermania është tri herë kampione bote. Herën e fundit ajo e fitoi titullin më 1990.

Brazili - kampion i botës

Ronaldo shënon golin e parë
Brazili për të pestën herë fitoi Kupën e Botës pasi mundi 2 me 0 Gjermaninë.Heroi i botërorit mund të quhet pa mëdyshje Ronaldo,(thot në njoftimin e tij BBC ne shqip) i cili me dy golat e tij në pjesën e dytë të ndeshjës i qetësoi tifozët brazilian duke i çuar në ekstazë rrugëve të Rio de Xhenarios. Parashikimi i specialistëve se fitues i ndeshjes Brazil - Angli do të ishte fituesi i botërorit doli profeteik.Ronaldo me dy golat e tij barazoi të madhin Pele në 12 golat e shënuara gjithsejt në botërore nga yjet e Brazilit.Ai shpëlau krejtësisht nga kujtesa e tij dhe e fansave të futbollit kujtimin e 1998 me Francën.Shkëlqimi i tij ishte i plotë edhe pse pjesën e parë humbi dy raste të të pastra.Finalja ishte vërtetë e bukur dhe gjermanët luajtën nje futboll spektakolar duke rrezikuar portën e Brazilit disa herë.Deri para se të shënonte Ronaldo në minutën e 67-të loja mund te quhej lojë e portierve pasi si Kahn ashtu edhe Markos shpëtuan gola të sigurtë.Pastsaj dy shtylla në fillim nga Brazili dhe më pas nga Gjermania e futën lojën në rrjedha shumë interesante.Por vjedhja e topit nga Ronaldo në mbrojtjen gjermane pasi tek Rivaldo gjuajtja e tij dhe pastaj nuhatja e tij pas kthimit të topit nga Kahn e prishi krejtësisht ekulibrin dhe fitorja e Brazilit ishte krejtëisht e pastërt.Kështu në historinë e botërorit përplasja e parë mes Gjermanisë dhe Brazilit foli braziliançe.Arbitri i ndeshjes italiani Kolina arbitroi me shumë profesionalizëm dhe e la lojën të rrjedhë në magjinë e saj. Përfundimisht të dy ekipet e dhuruan një ndeshje të madhe dhe i dhuruan tifozëve mbarë botës një kapak floriri për këtë botëror të organizuar mrekullisht nga Japonia dhe Koreja e jugut.

--------------------------------------------------------------------------------

E shtune, 29 qershor 2002

Serbët përgatisin planin për decentralizimin e Kosovës
Beograd, 29 qershor - Pala serbe është duke përgatitur një plan për decentralizimin e Kosovës dhe do t'ia dorëzojë bashkësisë ndërkombëtare para zgejdhjeve lokale të 26 tetorit në Kosovë, tha shefja e grupit parlamentar të koalicionit serb "Kthimi" në Parlamentin e Kosovës. Ajo i tha një televizioni serb se plani nënkupton që në shumicën e qyteteve të Kosovë të formohen më shumë komuna, duke i përmendur Mitrovicën, Prishtinën, Gjilanin dhe Pejën. Ajo tha se me këtë plan parashikohet që Graçanica të bëhet qendra administrative serbe në Kosovë.

Megjithë kundërshtimet e shqiptarëve, OSBE-ja u lejon partive të regjistruara në Serbi pjesëmarrjen në zgjedhjet në Kosovë
Prishtinë, 29 qershor - Edhe më tutje zyrtarët e OSBE-së këmbëngulin se partitë politike të regjistruara në Serbi kanë mundësi të marrin pjesë në zgjedhjet lokale në Kosovë, megjithë kundërshtimin e partive shqiptare. Zëdhënësi i OSBE-së Aleksandar Benz thotë se sipas një rregulloreje të OSBE-së, lejohet certifikimi edhe i partive që bazën e kanë jashtë Kosovës, në në rastin konkret në Serbi. Zëdhënësi citon rregulloren e zgjedhjeve të hartuar nga OSBE-ja, e cila i jep të drejtën këtij komisioni që të pranojë kërkesën për certifikim dhe pjesëmarrje në zgjedhjet lokale edhe subjekteve që janë të regjistruara jashtë Kosovës. Kjo Rregullore është miratuar në vitin 2000, por në zgjedhjet e mëparshme në Kosovë nuk u është lejuar certifikimi i partive jashtë Kosovës. Ai thotë se këtë vit situata është ndryshe dhe kjo është vendosur nga komisioni për zgjedhje brenda OSBE-së.

Nga kufiri Kosovë-Maqedoni edhe më tutje vijnë njoftime kotradiktore
Prishtinë, 29 qershor - Nga kufiri Kosovë-Maqedoni edhe më tutje vijnë njoftime kotradiktore për hyrjen e qytetarëve të Kosovës në Maqedoni me ose pa viza. Jozyrtarisht mësohet se organet kufitare maqedonase nuk respektojnë vendimin e qeverisë së tyre, duke u justifikuar se vendimi i qeversië së Shkupit ende nuk është botuar në Gazetën zyrtare. Ky është vetëm një pretekst burokratik i organeve kufitare maqedonase për të vazhduar me farsën e tyre rreth vizave, duke i maltretuar qytetarët e Kosovës edhe më tutje. Thuhet se Gazeta zyrtare nuk mund të botohet, sepse nuk ka mjaft vendime e ligje për botim!

Diplomuan 285 policë të rinj të SHPK-së
Prishtinë, 29 qershor - Në një ceremoni të rastit, sot diplomoi klasa e 19-të e policëve të Shërbimit Pilicor të Kosovës. Në këtë mënyrë numri i oficerëve të policisë shtohet në 4.973, që diplomuan me sukses në kurset trajnuese që nga nga shtatori i vitit 1999. Kjo klasë përbëhet nga 285 kandidatë, prej të cilëve 17 janë femra dhe 30 nga komunitetet.
Është kjo klasa e tretë e kadetëve, e cila është aftësuar nga instruktorët e Shërbimit Policor të Kosovës, sepse 15 oficerë të SHPK-së kanë ligjëruar së bashku me instruktorët ndërkombëtarë.

Ja ne vazhdim se si njoftojnë Qik-u dhe RTV21 rreth manifestimit të serbëve ne Gazimestan.Dy raporte diametralisht të ndryshme. Raporti i RTV21 duhet të jetë mësim se,si jipet një njoftim i sakt dhe real në ditët tona për njeriun tonë se çndodhë rreth tij.Duhet kuptuar njëherë e përgjithmonë se kanë vdekur kohërat e raporteve të cunguara e të coptuara e shartuara sipas interesave të mangëta të një grupi apo klani të caktuar me strategjinë e gjymtë te mbrojtjes se interesave vetjake.Gazetaria e mirëfilltë dhe moderne nuk i njeh ato forma dhe i përdhosë si të shëmtuara dhe të përdala para njeriut tonë të sotëm i cili nuk e ka më nostaligjinë e mbushjes së barkut me përralla e kulufe,të kujtdoqofshin ato.

RTV21:Serbët përkujtojnë “Betejën e Kosovës” në Gazimestan; deputeti Ivanoviq: Këtu mbrohet Serbia
PRISHTINE, 29 qershor - Në Gazimestan të Prishtinës para shtatë vjetësh u tubuan rreth një milion serbë në përkrahje të ish-presidentit jugoslla Sllobodan Millosheviq, pas ndryshimeve kushtetuese që kishin ndodhur në Kosovë. Edhe sot disa dhjetëra serbë së bashku me deputetët e e Kuvendit të Kosovës të Koalicionit “Kthimi” përkujtuan, siç thanë ata, Betejën e Kosovës. Gjatë dy netëve të fundit serbët lokalë në Graçanicë kanë bllokuar rrugën që nga ora 18.00 deri në orën gjashtë të mëngjesit në shenjë të kremtimit, siç e thonë ata, të Betejës së Kosovës. Policia e UNMIK-ut dhe KFOR-i nuk lejuan qarkullimin e automjeteve gjatë kësaj kohe nëpër këtë enklavë serbe. Sot serbët e Graçanicës u orvatën që të marshojnë më këmbë deri në Gazimestan, por me intervenimin e policisë dhe KFOR-it u pengua një gjë e tillë dhe ata sot me automjete e nën përcjelljen e rreptë të policisë së UNMIK-ut dhe KFOR-it qëndruan në Gazimestan. Gazetarët shqiptarë ishin të padëshiruar për serbët e tubuar sot në Gazimestan. Edhe ushtarët e KFOR-it dhe policia e UNMIK-ut deklaruan se gazetarët shqiptarë mund të jenë të provokuar nga serbët dhe për këtë arsye ata kërkuan që gazetarët të largohen nga Gazimestani. Por me këmbënguljen e gazetarëve shqiptarë, ata qëndruan për pak kohë. Deputeti i koalicionit serb “Kthimi” Oliver Ivanoviq, tha se në Gazimestan mbrohet Serbia dhe kërkoi që të bëhet kthimi sa më i shpejtë i serbëve në Kosovë dhe ata të kenë siguri për jetë normale. Për të penguar marshimin e mundshëm të serbëve të Graçanicës në drejtim të Gazimestanit sot në orët e mëngjesit në fshatin Hajvali ishin tubuar rreth 200 shqiptarë, por me sugjerimin e policisë së UNMIK-ut dhe zyrtarëve komunalë të Prishtinës ata janë larguar. Por gjatë kësaj kohe edhe serbët kishin hequr dorë nga marshimi i tyre në këmbë në drejtim të Gazimestanit.

Qik-u:Kisha ortodokse serbe ka zhvilluar një liturgji në shenjë kujtimi për Betejën e Kosovës në Gazimestan
Graçanicë, 29 qershor - Drejtuesit e Kishës ortodokse serbe kanë zhvilluar një liturgji të mbajtur në shenjë kujtimi, siç thuhet për ushtarët e vrarë në Betejen e Kosovës në Gazimestan. Ata janë lutur që Vidovdani i ardhshëm të sjellë më shumë liri dhe gëzim shpirtëror për serbët e Kosovës. Këto aktivitete janë zhvilluar me rastin e festës së Vidovdanit të cilët serbët e konsiderojnë si një nga datat më të rëndësishmë në historinë e tyre. Peshkopi serb Artemie tha se çdo përvjetor i kësaj ngjarjeje për serbët është një festë e posaçme.
Edhe trashëgimtari i fronit mbretëror serb Aleksandri i Dytë dhe princesha Katarina, kanë marrë pjesë në liturgjinë e në Graçanicë. Ai ka thënë me këtë rast se në Kosovë duhet të ketë ardhmëri edhe për serbët.

UNMIK-u nuk e ka ndryshuar konceptin për kthimin e serbëve në Kosovë si zgjedhje individuale e jo si detyrim politik
Prishtinë, 29 qershor - UNMIK-u nuk e ka ndryshuar konceptin për kthimin e serbëve në Kosovë si zgjedhje individuale e jo si detyrim politik, tha zëdhënësja Suzan Manuel. "Koncepti i z. Shtajner për kthimin e serbëve të bazuar në zgjedhjen individuale që kundërshton kthimin e organizuar nga qeveritë, apo nga ndonjë grup tjetër, mirëpo është e qartë se njerëzit nuk duan të kthehen si të vetmuar", tha zëdhënësja Manuel.

Policia shqiptare bllokoi 13 arka të Leka Zogut në të cilat u gjetën armë të llojeve dhe kalibrave të ndryshme
Tiranë, 19 qershor - Trashëgimtari i fronit mbretëror Leka Zogu me të arritur dje në në aeroportin e Tiranës është gjetur përballë një suprize aspak të këndshme, ngase policia shqiptare kishte bllokuar 13 arka në të cilat janë gjetur armë të llojeve dhe kalibrave të ndryshme. Agjentët kanë deklaruar se do të bëjnë shqyrtimin e nevojshëm dhe verifikimin e çdo arme për të vendosur mëtej se si do të veprojnë. Policia shqiptarë ka çarmatosur gjithashtu edhe dy truproje, shtetas të huaj, të cilët shoqëronin Leka Zogun. Por, njerëzit pranë oborrit mbretëror të Leka Zogut i deklaruan "Zërit të Amerikës" se sipas tyre bëhet fjalë për armë trofe që përkasin koleksionit personal të Mbretit dhe që ai i ka marrë me vete si edhe dokumenta të shumta arikivore. Policia kufitare i ka dhënë Mbretit dhe familjes së tij leje qëndrimi vetëm për një muaj për shkak se të gjithë ishin me pasaporta të Mbretërisë së Shqipërisë.

Analisti i BBC-së: Pak gjasa që shqiptarët të votojnë për monarkinë
Londër, 29 qershor - Jan Repa, analist i BBC për çështjet e Evropës Qëndore dhe Lindore thotë për BBC se shumica e ish-monarkëve, nuk mendojnë seriozisht për restaurime monarkish, pasi pak a shumë, kemi të bëjmë me një kapitull historik, i cili është i mbyllur.
"Dihet që në Shqipëri pati një referendum në 97-ën, siç mund të kujtohet, ku Leka Zogu pati telashe me autoritetet zyrtare, pasi vringëlliu armë, e kështu me radhë. Nisur nga ajo që ne dimë, do të kishte pak gjasa, që shqiptarët të votonin për restaurimin e monarkisë", thotë analisti Repa.
Sipas tij, në asnjë vend, të ish Evropës lindore komuniste, nuk ka pasur ndonjë rivendosje të monarkisë. Natyrisht është rasti i Simeonit të Dytë në Bullgari, i cili u largua nga froni pas Luftës së Dytë Botërore, i cili u rikthye e tash është kryeministri i Bullgarisë.
Nëse Leka Zogu ka shans që të pasojë shembullin e Simeonit të Bullgarisë, analisti i BBC-së thotë: "Nuk dua të nënçcmojë zotërinë, por unë nuk mendoj se Zogu është aq shumë i njohur si një drejtues biznesi i mirëfilltë. Simeoni përfaqësonte një kompani të madhe perëndimore, dhe nuk mendoj se Leka Zogu, është i të njëjtit brum".
"Karagjorgjeviçi është shumë larg rivendosjes së monarkisë në Serbi, ish-mbreti Mihail, tashmë kalon një pjesë të kohës në Rumani dhe pëlqehet si një njeri, i cili kur ishte i ri, kundërshtoi fashizmin, por sërish ai u përdor nga qeveria rumune, si një lloj zëdhënësi për Rumaninë, si një Ambasadori i Vullnetit të Mirë, për të nxitur idenë dhe dëshirën e Rumanisë për tu futur në Nato. Megjithatë duhet thënë se ka një interes publik minimal për të", thotë analisti i BBC-së Jan Repa.

E premte, 28 qershor 2002
OSBE: Partitë e regjistruara në Serbi në zgjedhjet lokale; Politikanët shqiptarë: Eshtë ilegale
PRISHTINE, 28 qershor- Zyrtarët e OSBE-së theksojnë se partitë politike të regjistruara në Serbi kanë mundësi të marrin pjesë në zgjedhjet lokale në Kosovë. Një gjë të tillë e kundërshtojnë tri partitë më të mëdha shqiptare në Kosovë. Deri më tash 26 entitete politike serbe janë pajisur me aplikacione për certifikim për zgjedhjet e ardhshme lokale në Kosovë. Sipas informacioneve disa nga këto subjekte politike janë të regjistruara në Serbi dhe kjo paqartëson në një farë mënyre rregullat e OSBE-së për zgjedhjet. Zëdhënësi i kësaj organizate Aleksandër Benz, tha se sipas një rregulloreje të OSBE-së, lejohet certifikimi edhe i partive që bazën e kanë jashtë Kosovës, në këtë rast në Serbi. “Sipas rregullores së zgjedhjeve të hartuar nga komisioni i zgjedhjeve të OSBE-së, i jep të drejtën këtij komisioni që të pranojë kërkesën për certifikim dhe pjesëmarrje në zgjedhjet lokale edhe subjekteve që janë të regjistruara jashtë Kosovës”, tha Aleksandër Benz. Rregullorja që mundëson një gjë të tillë është e miratuar në vitin 2000, por në zgjedhjet e mëparshme në Kosovë nuk u është lejuar certifikimi i partive jashtë Kosovës. Benz tha se këtë vit situata është ndryshe dhe kjo është vendosur nga komisioni për zgjedhje brenda OSBE-së. Certifikimin e subjekteve politike të Serbisë për zgjedhjet në Kosovë, anëtari i kryesisë së Lidhjes Demokratike të Kosovës, Lulëzim Zeneli e quajti si shkelje të vet rregulloreve të OSBE-së. Sekretari i përgjithshëm i Partisë Demokratike, Fatmir Limaj thotë se është e papranueshme që ndonjë subjekt jokosovar të merrte pjesë në zgjedhjet e Kosovës. Edhe kryetari i Aleancës për Ardhmërinë e Kosovës, Ramush Haradinaj tha se çdo pjesëmarrje e parregullt në zgjedhjet e Kosovës, konsiderohet ilegale. Përfaqësuesit e tri partive më të mëdha politike shqiptare të Kosovës theksojnë se pjesëmarrja e subjekteve politike të Serbisë në zgjedhjet e ardhshme lokale bie ndesh me deklarimet e ndërkombëtarëve dhe vendorëve se serbët lokalë duhet të mendojnë për ardhmërinë e tyre në Kosovë.
OKB: Gjysma e popullsisë së Kosovës është e varfër dhe vuan për shkak të diskriminimit dhe korrupcionit

Nju Jork, 28 qershor - Më tepër se gjysma e popullsisë së Kosovës është e varfër dhe vuan për shkak të diskriminimit dhe korrupcionit. Ky është konkluzioni i raportit të Programit zhvillimor të Kombeve të Bashkuara, i cili dje u publikua në Nju Jork. Në raport rekomandohet themelimi i institucioneve të forta dhe efikase demokratike, pengimi i diskriminimit dhe reformat e administratës dhe të sistemit juridik.

Shtajner tha në Gjenevë se gjendja në Kosovë mbetet e rëndë dhe se papunësia arrin masën 60 për qind

Gjenevë, 28 qershor - Në takimin e Gjenevës ku po shqyrtohet gjendja në Ballkan, kryadministratori i Kosovës Mihael Shtajner tha se gjendja në Kosovë mbetet e rëndë dhe se papunësia arrin masën 60 për qind. Por ai shtoi se po vërehet përparim në një sër fushash. Z. Shtajner theksoi se Korniza Kushtetuese është krijuar dhe se shumë institucione si policia dhe gjyqësia po funksionojnë mirë. Gjatë tre vjetëve që kanë kaluar që nga përfundimi i luftës në Kosovë, tha ai, atmosfera është përmirësuar dhe janë krijuar kushtet që serbët të cilët jetonin në Kosovë të kthehen në vatrat e tyre, duke shtuar se ky kthim duhet të jetë i qëndrueshëm. Pra ata duhet të kenë mundësi të sigurojnë jetesën.
Ai tha se deri më tash më shumë se 4000 pjesëtarë të pakicës serbe janë kthyer në Kosovë, duke pohuar se ky nuk është një numër i konsiderueshë. Administratori i Kosovës në një intervistë dhënë "Zërit të Amerikës" ka thënë se përkrahja ndërkombëtare për kthimin e personave dhe për zhvillimin e Kosovës ka rënë dukshëm. Ai ka nënvizuar se Kosovës i nevojiten fonde tani në mënyrë që të ketë shanse për sukses, duke theksuar se do të ishte gabim që komuniteti ndërkombëtar t'ia kthente shpinën Kosovës në një kohë për një shans të vërtetë për sukses.
Zëdhënësi i UNHCR-it kundërshton idenë e kthimit të organizuar masiv të serbëve në Kosovë

Gjenevë, 28 qershor - Zëdhënësi i Komesariatit të Lartë të OKB-së për Refugjatët, (UNHCR) Kris Janovski dhe shefi i administratës ndërkombëtare në Kosovë Mihael Shtajner kanë kërkuar në Gjenevë nga donatorët ndërkombëtarë që të mos i ndërpresin ndihmat për kthimin e të zhvendosurve në Kosovë dhe në Kroaci. Sipas tyre shkurtimi i ndihmave do të shtyjë UNHCR-në që të ndëpresë një pjesë të programit të kthimit të korrikut të këtij viti. Zëdhënësi i UNHRC-së Kris Janovski tha se bëhet fjalë për donacione prej 4 milion dollarësh. Ai ka shtuar se kthimi i të zhvendosurve në Kosovë nuk është prioritet i organizatës së tij për shkak të sigurisë së tyre dhe kundërshtoi idenë e kthimit masiv të organizuar të serbëve në Kosovë

Në vazhdim (vizitor i nderuar) ja disa,nga njoftimet e ca mediave informative rreth riatdhesimit-kthimit të Leka Zogut në Shqipëri:
Leka Zogu sot në Tiranë
Pretendenti për fronin mbretëror të Shqipërisë u kthye në vendlindjen gati të panjohur për të, pasi kishte kaluar pothuajse gjithë jetën në mërgim. 63 vjeçari Leka Zogu, që jetonte në Afrikën e Jugut prej 20 vjetësh u kthye sot në Shqipëri. I biri i mbretit Zog të Shqipërisë shoqërohej nga e ëma, e shoqja, djali dhe kunata e tij. Leka Zogu nuk tha nëse ka në plan të ndërmarrë aktivitete politike. Familja e Leka Zogut u largua nga Shqipëria, në prag të pushtimit italian në vitin 1939, vetëm tre ditë pas lindjes së tij. Më pas erdhën në pushtet komunistët dhe e nxorrën jashtë ligjit monarkinë në 1946. Leka Zogu jetoi në vende të ndryshme, pas vdekjes së të atit në vitin 1961. Më parë, këtë vit qeveria e Tiranës rrëzoi akuzat kundër Leka Zogut, që kishin të bënin me përdorim armësh që shkaktoi viktima, në një tubim politik, gjatë një vizite të tij në Shqipëri, në vitin 1997.
U kthye në Tiranë trashëgimtari i fronit mbretëror shqiptar Laka I

Tiranë, 28 qershor- Trashëgimtari i fornit shqiptar apo mbreti Leka Zogu I me familjen dhe Nënën mbretëreshë, Xheraldina, u kthye sot në Shqipëri. Ai në aeroportin "Nëna Tereze" afër Tiranës, u prit nga një numër i madh simpatizantësh. Leka Zogu u shoqërua nga kryetari i Partisë së Legalitetit, përkrahës i monarkisë, Ekrem Spahia. Ai me një suitë u nis drejt Tiranës, në vilën numër katër, ku do të jetë rezidenca e tij. Pas arritjes në Tiranë, Leka Zogu tha para gazetarëve se ndjehej i impresionuar nga pritja që i kanë bërë populli shqiptar si dhe nga devotshmëria e deputetëve të Kuvendit, që ndërmoren nismën dhe vendosen firmat për të kthyer familjen mbretërore.
Leka Zogu kthehet në Shqipëri

Tiranë, 28 qershor - Pas 63 vjetësh mërgim, pretendenti për fronin mbretëror në Shqipëri, Leka Zogu dhe familja mbretërore, vjen të jetojë përgjithmonë në Shqipëri. Zyrtarë të Partisë së Legalitetit, partia e përkrahësve të mbretit në Shqipëri, të enjten në një konferencë për shtyp thanë se ai do të kthehet në atdhe që të jetojë si qytetar i thjeshtë dhe nuk ka pretendime për fronin. Sipas kërkesës së shqiptarëve, të institucioneve shtetërore, të partive politike në bashkëpunim edhe me faktorin ndërkombëtar siç është shprehur edhe mbreti Leka I, ai është i gatshëm të japë kontributin si qytetar, si politikan, si mbret, ashtu si ta kërkojnë interesat e popullit shqiptar
Pretendenti i fronit mbretëror Leka Zogu dhe familja e tij nesër mbërrijnë në Tiranë
TIRANE, 27 qershor - Pretendenti i fronit mbretëror të Shqipërisë Leka Zogu nesër mbërrin në Tiranë. Kryetari i Partisë Lëvizja e Legalitetit Eqrem Spahia tha sot se nesër në mesditë familja mbretërore shqiptare do të rikthehet përgjithnjë në atdhe. Kthimi i tyre është bërë pas një ftese të deputetëve të Kuvendit të Shqipërisë, ndërkohë që përgatitur lejet e kalimit në aeroportin e Rinasit. “Familja Mbretërore përbëhet nga Nëna Mbretëreshë Geraldina, Mbreti Leka, Mbretëresha Susan, Princi Leka, dhe Kontesha Virginia, motra e Nënës Mbretëreshë... Tashmë kanë mbërritur nga të gjitha anët e globit në atdhe, legalistë mes të cilëve dhe Sulejman Gjanaj, sekretari për marrëdhëniet me jashtë i Partisë Lëvizja e Legalitetit. Ne duam të falenderojmë qeverinë shqiptare që ka shfaqur vullnetin e mirë për të kapërcyer mjaft procedura burokratike, të domosdoshme për t'u kapërcyer”, tha Spahia. Sipas tij edhe situata aktuale politike në Shqipëri është e qetë dhe sipas motos se Mbretit që është shpallur në vitin 1997 “Paqe-Bashkim-Vllaznim”.
Majko: Ndryshimet në Qeveri? Kam shumë punë për të bërë
TIRANE, 27 qershor- "Kemi kaq shume pune sa problemet e emrave duket gjeja më ironike për të diskutuar për ndryshimet ne Qeveri". Kështu i është përgjigjur, kryeministri Pandeli Majko pyetjes rreth ndryshimeve të mundshme në Qeveri. Ai ka thënë për gazetarët se,"tani për tani jam duke menduar për fillimin e rrugës, Durrës-PrishtinëPo diskutojmë me ministrin e Arsimit për përgatitjen e fillimit të vitit të ri arsimor".

Kufitarët maqedonas nuk zbatojnë vendimin e qeverisë së tyre për hyrje pa viza në Maqedoni të kosovarëve

Prishtinë, 28 qershor- Përkundër vendimit të qeverisë maqedonase për të hequr vizat hyrëse për qytetarët e Kosovës, të cilët janë pajisur me pasaporta të UNMIK-ut, policët kufitarë maqedonas deri dje (e enjte) në pikëkalimin e Hanit të Elezit s'e kanë zbatuar një vendim të tillë. Kushdo që ka provuar dje të kalojë në Maqedoni pa nxjerrë vizën, kufitarët maqedonas i kanë vënë një vulë në pasaportë, me të cilën i ndalohej vizita në Maqedoni për 24 orë. Kështu, siç shkruan shtypi i sotëm, vetëm deri në orën 11-të të ditës së djeshme, rreth 30 kosovarë pa viza janë kthyer në Kosovë me një vulë të tillë ndaluese, ndonëse autoritetet doganore dhe policore në të gjitha vendkalimet kufitare të Maqesdonisë kanë marrë shkresë zyrtare nga Ministria e Punëve të Brendshme për heqjen e vizave hyrëse për kosovarët. Mbetet të shihet sesi do të reagojë qeveria maqedonase për moszbatimin e vendimit të saj.
Në Prishtinë po i zhvillon punimet Konferenca dyditore ndërkombëtare për privatizimin

Prishtinë, 28 qershor - Duke folur sot në Prishtinë në Konferencën ndërkombëtare dyditore për privatizimin, kryeministri i Kosovës Bajram Rexhepi tha se faktorët kryesorë që përcaktojnë të ardhmen e Kosovës janë zhvillimi i qëndrueshem ekonomik, ndërtimi i kornizës ligjore adekuata që shkon në favor të krijimit të ekonomisë së tregut dhe instiucioneve demokratike si dhe zhvillimi i resurseve njerëzore. Sipas z.Rexhepi, prioriteti që dikton të gjitha prioritetet e Kosovës është transformimi dhe privatizimi i pronës shoqërore dhe publike, si dhe krijimi i një mjedisi që ofron shkallë të lartë të sigurisë pë bizneset ekzistuese dhe në bizneset e reja në të ardhmen. Ai shtoi se qeveria e Kosovës ka për obligim së bashku me faktorin ndërkombëtar në Kosovë të krijojë një mjedis adekuat biznesi konform standardeve të BE-së.
Rexhepi tha se qeveria ka propozuar uljen e taksës doganore nga 10 në 6 për qind për të gjitha produktet të importuara, ndërsa për produktet kapitale taksa do të jetë vetëm 1 për qind, tha ai. Ndërkaq sipas një ankete të Institutit Riinvest me rreth 200 ndërmarrje shihet se privatizimi i ndërmarrjeve shoqërore është parakusht për për kapërcimin e problemeve të atyre ndërmarrjeve. Rreth 70 e për qind e tyre janë të interesuar të marrin pjesë në transaksione dhe privatizim.
Muhamet Mustafa, kryetar i Riinvestit, tha se pjesëmarrësit ne procesin e privatizimit duhet të marrin rolin dhe përgjegjësitë e veta, sepse ky proces nuk mund të privatizohet vetëm nga Agjencia e Mirëbesimit të Kosovës, tha ai.
Endi Birpark, kryesues i Shtyllës së katërt të UNMIK-ut tha se sot është fillimi e jo fundi i një procesi mjaft të rëndësishëm për Kosovën. Ndërkaq Ajencia e Mitrëbesimit të Kosovës Mitrëbesimit do ta çojë përpara këtë proces, tha ai, duke shtuar se Kosova dhe banorët e saj kanë bërë përparime të dukshme në këtë drejtim dhe njerëzit që vijnë nga jashtë janë të befasuar për të mirë me këtë proces.
Me ndihmesat e tyre në këtë konferencë u paraqitën edhe disa pjesëmarrës ndërkombëtarë.

Një delegacion i komunës së Gjilanit ka vizituar Bashkinë e Kukësit

Gjilan, 28 qershor - Një delegacion i komunës së Gjilanit ka vizituar dje Bashkinë e Kukësit, për ta konkretizuar dhe thelluar më shumë bashkëpunimin me këtë qytet të veriut të Shqipërisë, i cili, gjatë luftës në Kosovë, ishte shndërruar në një konak të ngrohtë për mijëra shqiptarë të dëbuar nga regjimi serb.
"Ne nuk bëmë asgjë më shumë seç duhet të bëjë vëllau për vëllanë", thotë kryebashkiaku i Kukësit, Ylber Zeneli. Ai shprehet i inkurajuar me punën e deritashme të institucioneve të Kosovës, për të avancuar dhe për të përshpejtuar procesin e pavarësisë dhe nuk e fsheh as emocionin, të cilin ai e shprehë duke thenë se "nga ju mësova si të duhen më tepër atdheu dhe kombi".
Ndërkaq, kryetari i komunës së Gjilanit, Lutfi Haziri, duke qenë mirënjohës për mirëkpritjen kuksiane, thotë se "për ne, Kukësi ishte dhe mbetet sinonim i konakut për shqiparët e Kosovës, në një kohë kur ata po përballeshin me momentet më të rënda dhe në të njëjtën kohë, Kukësi ishte edhe prapavija më e sigurtë e luftës në Kosovë".
Podujevë: U konfiskuan tri armë gjatë një kontrolli, kurse në një kishë serbe është lënduar një ushtar britanik

Podujevë, 28 Qershor- Java e kaluar e aktiviteteve të KFOR-it karakterizohet për një aksion të përbashkët të SHPK-së, policisë së UNMIK-ut dhe KFOR-it britanik e çek gjatë së cilit janë kontrolluar 140 individë. "Ishte një aksion mbështetës për SHPK-në dhe policinë e UNMIK-ut gjatë të cilit u konfiskuan 3 armë dhe ky aksion paraqet një bashkëpunim të suksesshëm, të cilin e përkrahin njerëzit", ka deklaruar zv. komandanti i KFOR-it britanik në Podujevë, majori Nik Beits në konferencën e sotme për media. Ai përmendi edhe progresin që është arritur në riparimin e rrugës Podujevë – Dumosh e cila pritet të përfundojë deri më 12 korrik. Sipas majorit Beits bisedimet për të siguruar mjete shtesë për asfaltimin e kësaj rruge janë duke vazhduar, sepse për asfaltim nevojiten 117 mijë euro.
Një incident ka ndodhur në kishën serbe në Podujevë ku një ushtar britanik është lënduar, tha Beits, duke pohuar se ai është dërguar në kampin amerikan në Bondstill dhe pastaj do të dërgohet për kurim të mëtejshëm në Angli.

Dhurohen 285,000 euro për restaurimin e kompleksit "Emin Gjiku" në Prishtinë

Prishtinë, 28 qershor- Së shpejti do të fillojë faza e dytë e restaurimit të kompleksit "Emin Gjiku" që është një qendër etnografike dhe kulturore e Muzeut të Kosovës. Ky është një nga shembujt më të mirë të arkitekturës së Kosovës të shekullit XVIII që ka mbetur në Prishtinë. Për këtë arsye Agjencia Evropiane për Rindërtim ka ndarë 285,000 euro nga fondet e BE-së për këtë projekt.
Arkitekti Bujar Demjaha ka qenë përgjegjës për përcaktimin e fushëveprimit gjatë restaurimit. City Group nga Prishtina tani do të vazhdojë punën, ndërkaq restaurimi do të mbikqyret nga ariktekti italian, Karlo Blazi (Carlo Blasi). Krahas restaurimit të kompleksit do të hapet faqja në internet e cila do të shërbejë si "muze virtual", duke shfaqur ekspozitat më të rëndësishme.
Gjatë punës restauruese, studentët e Universitetit të Prishtinës do të stërviten për renovimin e godinave historike. "Qëllimi i këtij programi të restaurimit është të ringjallë dhe të tërheq vëmendjen për trashëgiminë kulturore të Kosovës", tha Oto Roman Barnet (Otto-Roman Barnert), menaxher i programit në Agjencinë Evropiane për Rindërtim.
Restaurimi pritet të përfundojë brenda gjashtë muajve.

Partitë politike shqiptare në Maqedoni kanë propozuar që për pasaporta të përdoret modeli slloven

Shkup, 28 qershor - Partitë politike shqiptare u kanë propozuar përfaqësuesve ndërkombëtarë në Maqedoni si model alternativ për zgjidhjen e pasaportave të përdoret ai i Sllovenisë. Deri më tash këtë propozim nuk e ka mbështetur Lidhja Socialdemokrate e Maqedonisë, e cila refuzon përdorimin e gjuhës shqipe në ballinën e pasaportës. Ditëve të fundit janë shpeshtuar takimet e ndërkombëtarëve me përfaqësuesit e partive politike për gjetjen e zgjidhjes së pranueshme për këtë problem i cili ka bllokuar realizimin e Marrëveshjes së Ohrit.

U përuruan 58 policë shqiptarë nga Presheva, Bujanoci dhe Medvegja

Preshevë, 28 qershor- Në përurimin e gjeneratës së katërt të policisë multietnike në Luginën e Preshevës përfundoi realizimi i projektit të vetëm i marrëveshjes shqiptaro-serbe. Dje u përuruan 58 policë shqiptarë nga Presheva, Bujanoci dhe Medvegja. Në këtë solemnitet morën pjesë ambasadori i OSBE-së Stefano Sanino, Zeqirja Fazliu, kryetar i Partisë për Bashkim Demokratik Shqiptar të Preshevës dhe zyrtarë serbë. Deri më tash nga 400 kandidatë këtë kurs trajnimi për policë e kanë mbaruar 240 policë shqiptarë, kurse të tjerët janë nga pakicat.

E enjte,27 qershor 2002

Kuvendi i Kosovës mbajti sot seancën e rregullt plenare

Prishtinë, 27 qershor - Sot është mbledhur Kuvendi i Kosovës për të aprovuar disa ligje dhe për të debatuar për Ligjin mbi pensionet themelore. Para aprovimit të rendit të ditës, deputeti i PDK-së Hajredin Kuçi kërkoi që në rend dite të jipet një raport për vizitën e kryeministrit të Kosovës Bajram Rexhepit në SHBA dhe të grupit të deputetëve që poashtu vizituan Uashingtonin, duke insistuar që kjo të bëhet praktikë në punën e parlamentit dhe të qeverisë. Ai kërkoi sqarim edhe për një deklaratë të deputetes serbe Rada Trajkoviq, por me shumicë votash dhe me 11 kundër u miratua rendi i ditës i përcaktuar më parë.
Pika e parë e rendit të ditës ishte rekomandimi i Këshillit të gjykatësve për emërimin e gjykatëves dhe prokurorëve në gjykatat komunale dhe të qarkut në Kosovë. Fatmir Sejdiu lexoi raportin e Komisionit për çështje juridike që kishte të bënte me emërimin e gjykatësve dhe të prokurorëve, duke ia paraqitur deputetëve të Kuvendit për miratim. Në vazhdim arsyetimin dhe procedurën e paraqiti kryetari i këtij komisioni Arsim Bajrami. Por shumë deputetë patën vërejtje për mungesën e biografisë së gjykatësve dhe të prokurorëve, duke kërkuar që aprovimi të shtyhet për senacën e ardhshme. Pas vërejtjes së kryetarit të Parlamentit, Nexhat Dacit se përfaqësuesi i përgjithshëm i sekretarit të përgjiththëm Mihael Shtajner do ta nënshkruajë në fund të këtij muaji, kjo pikë u vu në votim. Me 38 vota për, 31 kundër dhe 15 deputetë që abstenuan, mocioni u aprovua.
Në vazhdim të seancës kryeministri i Kosovës Bajram Rexhepi aryestoi projektligjin mbi pensionet themelore për qyetatërt mbi moshën 65 vjeçare, pavarësisht se a kanë punuar apo jo. Ai përmendi edhe burimet e këtyre pensioneve, që janë nga buxheti i konsoliduar i Kosovës. Ndërkaq, ministri i Punës dhe Mirëqenie Sociale, Ahmet Isufi prezentoi në pika të shkurtëra Ligjin Themelor për pensionet. Shuma e pensioneve që do të jipen, tha ai, është 28 euro në muaj, ndërsa pagesa duhet të fillojë nga 1 korriku i këtij viti. Ai para deputetëve shtroi arsyeshmërinë e këtyre pensioneve, të cilin do ta gëzojnë të gjithë qytetarët e Kosovës mbi moshën 65 vjeçare. Për këtë projektligj pati shumë debate, vërejtje e diskutime, duke theksuar se projektligji duhet të plotësohet, përpunohet dhe t'i paraqitet Parlamentit në seancën e ardhshme. Derisa deputetët shqiptarë patën vërejtjet e tyre se niveli i pensionit është i ulët, nuk janë përfshirë shumë kategori në të, deputetët serbë mendonin se ai është dashur të përfshijë edhe pensionistët që nuk janë në Kosovë.
Megjithatë, kryetari i Parlamentit Nexhat Daci tha se ky projekligj duhet të aprovohet në parim, pra në përgjithësi për të shkuar pastaj në procedim të mëtejshëm dhe pas vërejtjeve, sugjerimeve dhe plotësimeve, do të rrumbullakësohet dhe do t'i paraqitet sërish parlamentit.
Me shumicë votash deputetët (vetëm një abstenim) aprovuan këtë projektligj siç e kishte propozuar qeveria.
Në vazhdim deputetët pa diskutim, me një votim formal, miratuan propozimin për formimin e dy komsioneve - atë për personat e zhdukur dhe të barazisë gjinore.
Poashtu kryetari i Kuvendit Nexhat Daci i njoftoi deputetët se Kuvendi tani për tani nuk do të shkojë në pushim, por vetëm pasi të jenë shqyrtuar të gjitha propozimet e qeverisë.
Pika e fundit e rendit të ditës ishte ajo nën të ndryshme, ku deputetët shtruan pyetje, bënë kërkesa dhe vërejtje të shumta.
Seanca e ardhshme e Kuvendit do të mbahet pas një jave.

Peticionin për zbardhjen e fatit të 3500 personave të zhdukur gjatë luftës e nënshkruan 16 mijë qytetarë të Kosovës

Prishtinë, 27 qershor - Me rastin e 26 qershorit ditës ndërkombëtare të OKB-së për viktimat e torturës peticionin për zbardhjen e fatit të 3500 personave të zhdukur gjatë luftës në Kosovë e nënshkruan 16 mijë qytetarë të Kosovës. Nënshkrimin e këtij peticioni e organizuan Qendra e Kosovës për Rehabilitimin e Viktimave të Torturës në bashkëpunim me KMDLNJ0-në, Shoqata e Nënave nga Gjakova, si dhe Unioni i Pavarur i Studentëve. Ky peticion u organizua me qëllim që të sensibilizohet opinioni ndërkombëtar dhe të gjendet një përgjigjje konkrete për fatin e të zhdukurve.
Ky peticion do t'i dërgohet Asamblesë së OKB-së, Bashkimit Evropian, Këshillit të Sigurimit të OKB-së dhe institucioneve tjera relevante ndërkombëtare dhe atyre të Kosovës.

Robertson rikonformon angazhimin e NATO-s për forcimin e paqes e sigurisë në Kosovë

Robertson: Reduktimi i ushtarëve është dëshmi për progresin që është arritur në Kosovë

Prishtinë, 27 qershor - Sekretari i përgjithshëm i NATO-s, lordi Xhorxh Robertson mbërriti në Kosovë ku bisedoi me përfaqësues ndërkombëtarë dhe vendorë. Fillimisht Robertson bisedoi me komandantin e KFOR-it Marsel Valenten, e pastaj edhe me kryeministrin e Kosovës Bajram Rexhepi. Robertson e Rexhepi biseduan lidhur me situatën aktuale në Kosovë dhe rajon.
Pas takimit kryeministri Rexhepi tha se e ka njoftuar lordin Robertson lidhur me prioritetet e qeverisë që ai drejton dhe për marrëdhëniet mes institucioneve vendore dhe atyre ndërkombëtare. Poashtu zoti Rexhepi tha se në këtë takim është biseduar për çështjen e sigurisë në Kosovë dhe rajon dhe për reduktimet e trupave të NATO-s në Kosovë. Gjithashtu, tha ai, është biseduar edhe për marrëdhëniet me fqinjët dhe çështja e kufirit mes Kosovës dhe Maqedonisë, duke shtuar se është angazhuar që banorët të kthehen në pronat e tyre. Sipas kryeministri në këtë takim është folur edhe për çështjen e minoriteteve edhe problemin e Mitrovicës.
Nga ana e tij Robertson tha para gazetarëve se ka ardhur në Kosovë për të rikonformuar edhe njëherë angazhimin e NATO-s për forcimin e paqes e sigurisë dhe për një shoqëri multientike në Kosovë. Duke justifikuar vendimin e NATO-s për reduktimin e trupave në Kosovë, Robertson tha se kjo është shenjë e progresit që është bërë në Kosovë në tri vitet e fundit. Por, ai theksoi se forcat e KFOR-it edhe më tutje do të garantojnë paqen dhe sigurinë në Kosovë dhe rajon. Ndërkaq, lidhur me problemin e Mitrovivicës sekretari i përgjithshëm i NATO-s tha se kjo çështje është në proces dhe premtoi angazhimin për normalizimin e marrëdhënieve ndëretnike dhe për afrinë e qytetarëve dhe si rezultat i kësaj do të jetë bashkimi i qytetit të ndarë, tha mes tjerash Robertson.

Pretendenti i fronit mbretëror Leka Zogu dhe familja e tij nesër mbërrijnë në Tiranë

TIRANE, 27 qershor - Pretendenti i fronit mbretëror të Shqipërisë Leka Zogu nesër mbërrin në Tiranë. Kryetari i Partisë Lëvizja e Legalitetit Eqrem Spahia tha sot se nesër në mesditë familja mbretërore shqiptare do të rikthehet përgjithnjë në atdhe. Kthimi i tyre është bërë pas një ftese të deputetëve të Kuvendit të Shqipërisë, ndërkohë që përgatitur lejet e kalimit në aeroportin e Rinasit. “Familja Mbretërore përbëhet nga Nëna Mbretëreshë Geraldina, Mbreti Leka, Mbretëresha Susan, Princi Leka, dhe Kontesha Virginia, motra e Nënës Mbretëreshë... Tashmë kanë mbërritur nga të gjitha anët e globit në atdhe, legalistë mes të cilëve dhe Sulejman Gjanaj, sekretari për marrëdhëniet me jashtë i Partisë Lëvizja e Legalitetit. Ne duam të falenderojmë qeverinë shqiptare që ka shfaqur vullnetin e mirë për të kapërcyer mjaft procedura burokratike, të domosdoshme për t'u kapërcyer”, tha Spahia. Sipas tij edhe situata aktuale politike në Shqipëri është e qetë dhe sipas motos se Mbretit që është shpallur në vitin 1997 “Paqe-Bashkim-Vllaznim”.

Robertson në Shkup për të ndërmjetësuar në mes shqiptarëve e maqedonasve

Shkup, 27 qershor – Sekretari i përgjithshëm i NATO-s, Xhorxh Robertson arriti në Shkup. Gjatë qëndrimit të tij ai do të ketë ditë të ngarkuar pune. Robertson do të takohet me kreun shtetëror në përpjekje për të zbutur qëndrimet radilake të faktorëve relevantë politikë, të shkaktuara rreth dokumenteve të udhëtimit. Kështu, Georgievski e tërhoqi propozimin rreth ballinës dygjuhësore të pasaportave me arsyetim se bëhet presion i fuqishëm nga opinioni publik, mediat dhe politikanët e vendit. PDSH-ja u kërcënua se mos miratimi i ligjeve të Ohrit, ku përfshihet edhe ligji për pasaporta, gjendja në vend mund të destabilizohet si dhe zgjedhjet parlamentare nuk janë aq të rëndësishme për këtë parti. Për zhbllokimin e kësaj situate do të ndërmjetësojë Robertson, që me siguri do të rezultojë me një takim liderësh rreth ligjit për pasaporta.
Robertson, pas Shkupit, sot viziton edhe Prishtinën.

Presidenti Bush zgjati edhe për një vit sanksionet që i vendosi në qershorin e kaluar ndaj 40 ekstremistëve shqiptarë

Uashington, 27 qershor - Presidenti amerikan Xhorxh Bush zgjati edhe për një vit sanksionet që i vendosi në qershorin e kaluar ndaj ekstremistëve shqiptarë që minojnë përpjekjet ndërkombëtare për paqen në Ballkan. Këto sanksione ndalojnë rreptësisht ekstremistët të vizitojnë Shtetet e Bashkuara, bllokojnë çdo pasuri që ata mund të kenë në Amerikë dhe nuk lejon shtetasit amerikanë që t'u japin atyre ndihmë financiare. Në këto sanksione, siç njoftoi mbrëmë "Zëri i Amerikës", përfshihen 40 individë e grupe që vitin e kaluar luftuan kundër forcave qeveritare në Maqedoni dhe në Serbinë jugore, ose që konsideroheshin kërcënim të përpjekjeve ndërkombëtare që synonin stabilizimin e situatës në Kosovë. Në këto grupe përfshihen Ushtria Çlirimtar Kombëtare e cila në shkurt të vitit të kaluar fillo një kryengritje shtatëmujore në Maqedoni. Ndërsa UÇPMB-së luftonte kundër forcave serbe në Serbinë Jugore.

Uashingtoni po i kryen hetimet rreth akuzave për përdhunim ndaj një ushtari amerikan që ka shërbyer në trupat e NATO-s në Kosovë

Uashington, 27 qershor - Autoritetet ushtarake amerikane kanë thënë se po kryejnë hetime rreth akuzave për përdhunim të ngritura nga një banor i Kosovës ndaj një ushtarit amerikan që ka shërbyer në kuadër të paqeruajtësve të NATO-s. Autoritetet amerikane nuk e bënë të ditur emrin e ushtarit, por thanë se kishin marrë akuzat pas kthimit të tij në Shtetet e Bashkuara. Zyrtarët thonë se ushtari shërbente në Kosovën Lindo

Ndihmat për refugjatët në Kosovë mund të pezullohen
Agjencia e Kombeve të Bashkura për refugjatët thotë se mungesat buxhetore po e detyrojnë të pezullojë disa operacione në Ballkan. Komisioneri i Lartë i OKB-së për refugjatë, Ruud Lubers, thotë se agjencisë së tij i nevojiten 4 milionë dollarë deri nga mesi i korrikut, përndryshe, thekson ai, programet e ndihmave për refugjatë në Kosovë dhe Kroaci do të pezullohen. Në një deklaratë me shkrim që u publikua dje, zoti Lubbers thekson se në Ballkan ka më shumë se një milion refugjatë. Në këtë numër përfshihen 230 mijë serbë dhe romë që ikën nga Kosova pasi fushata e bomradimit në vitin 1999 detyroi forcat ushtarake jugosllave të tërhiqeshin nga rajoni. Agjencia e refugjatëve thekson se për të vazhduar punën deri nga fundi i këtij viti, asaj i nevojiten edhe 40 milionë dollarë të tjerë.

Zgjedhjet e vjeshtës në Kosovë paraqesin një hap të rëndësishëm në vendosjen e organeve lokale

Ohër, 27 qershor - Konferenca e ministrave të jashtëm të vendeve anëtare të nismës për Evropën Qendrore e cila u mbajt në Ohër, përfundoi dje pasdite me një deklaratë të përbashkët në të cilën thuhet që synim kryesor i kësaj nisme është integrimi më i shpejt i vendeve anëtare të saj në strukturat evro-atlantike.
Në deklaratën e miratuar thuhet se ministrat e punëve të jashtme të 16 vendeve, ndër to edhe Shqipëria kanë shkëmbyer mendime se si ta zhvillojnë rajonin e Evropës Qendrore. Deklarata pastaj mbështet përpjekjet në luftën kundër kriminalitetit, kontrabandës dhe terrorizmit. Po ashtu vlerësohet se zgjedhjet e vjeshtës në Kosovë paraqesin një hap të rëndësishëm në vendosjen e organeve të përkohshme lokale në kuadër të Rezolutës 1244. Përshëndeten edhe bisedimet e Shqipërisë për arritjen e marrëveshjes për asocim-stabilizimit me Bashkimin Evropian.
Ministrja e jashtme austriake Benita Ferero Valdner tha se tani në Evropën Juglindore ka një gjeografi të re politike ku sipas saj nuk ekzistojnë më konflikte dhe ku drejtues të ri e udhëheqësi të përgjegjshme administrojnë me shtetet.

Trupi gjykues në Hagë ka shtyrë afatin edhe për dy javë të tjera në nxjerrjen e dëshmive për krime në Kosovë kundër Millosheviqit

Hagë, 27 qershor - Trupi gjykues në Hagë ka shtyrë afatin edhe për dy javë të tjera në nxjerrjen e dëshmive për krime në Kosovë kundër të akuzuarit Sllobodan Millosheviq. Procedura e nxjerrjes së dëshmive duhet të përfundojë deri më 6 shtator të këtij viti. Gjykatësi Riçard Mej la të hapur mundësinë që ky afat të shtyhet edhe për një javë tjetër. Ndërkaq, përfaqësuesi i prokurorisë Xhefri Najs paralajmëroi se në korrik do të paraqiten edhe tre dëshmitarë shumë të rëndësishëm bashkëpunëtorë të Millosheviqit.

Presidenti Rugova udhëtoi për në Krans Montana
Prishtinë, 26 qershor - Presidenti i Kosovës udhëtoi sot pasdite për në Zvicër, ku do të marrë pjesë në punimet e Forumit Botëror të Krans Montanës prej 27 deri më 30 qershor. Në këtë forum pritet të marrin pjesë me qindra personalitete të shquara nga mbarë bota.
Presidenti i Kosovës do të flasë në sesionin plenar në temën "Kosova është e gatshme për investime të huaja" si dhe në temën "Zgjerimi i Evropës dhe Evropa Juglindore - konsolidimi i demokracisë është çelësi".
Presidenti Rugova në Forumin e Krans Montanës shoqërohet nga tre ministra të qeverisë së Kosovës. Kjo është pjesëmarrje tretë e Presidentit Rugova në këtë forum, ku më 1999 është nderuar me çmimin e Fondacionit të Krans Montanës.

Kryeministri i Kosovës u takua me ambasadorin e SHBA-ve në Këshillin e Sigurimit
Prishtinë, 26 qershor - Kryeministri i Kosovës Bajram Rexhepi u takua me ambasadorin e SHBA-ve në Këshillin e Sigurimit të OKB-së, Riçard Uiliamson.
Zoti Rexhepi tha pas takimit se e kishte njoftuar zotin Uiliamson me arritjet e institucioneve të Kosovës dhe me prioritet e tyre.
Nga ana e tij ambasadori amerikan tha se ishte i kënaqur me nivelin e bashkëpunimit mes UNMIK-ut dhe qeverisë së Kosovës, duke shtuar se mbështet fuqishëm misionin e OKB-së në Kosovë dhe shprehu kënaqësinë me bashkëpunimin e ndërsjellë.

Shmunk: Ende nuk janë pjekur kushtet që të fillojnë bisedimet për statusin final të Kosovës
Prishtinë, 26 qershor - Shefi i Zyrës gjermane në Prishtinë, Mihael Shmunk, para përfundimit të misionit të tij diplomatik, tha se ende nuk janë pjekur kushtet që të fillojnë bisedimet për statusin final të Kosovës. Ai shtoi se populli i Kosovës nuk do të jetë i kënaqur nëse sot vendoset për fatin e Kosovës.

Nesër do të fillojë të qarkullojë treni i parë Fushë-Kosovë - Beograd
Mitrovicë, 26 qershor - Që nga dita e nesërme do të fillojë të qarkullojë treni i parë i pasagjerëve Fushë-Kosovë - Beograd. Treni i parë drejt Serbisë pritet të arrijë në pikën kufitare rreth orës 16.00. Prej aty pasagjerët me një tren tjetër mund të udhëtojnë nëpër Serbi, bëri të ditur zëdhënësi i UNMIK-ut në Mitrovicë. Sipas tij vendosja e linjës hekurudhore mes Kosovës e Serbisë është pjesë e marrëveshjes së arritur kohë më parë në Beograd mes shefit të UNMIK-ut Shtajner dhe dhe autoriteteve të Beogradit.

KE i kënaqur me presidentin konsensual shqiptar
Bruksel, 26 qershor - Zgjedhja e Presidentit të ri në Shqipëri me konsensus po shihet nga Komisioni Evropian si shenjë e pjekurisë në rritje tek forcat politike të vendit. Por a do të thotë kjo se Shqipëria tani mund të jetë e sigurtë se negociatat me BE-në për marrëveshjen e stabilizim-asociimit vërtetë do të fillojnë në vjeshtë.
"Komisioni Evropian është shumë i kënaqur që sheh këtë shkallë të pjekurisë demokratike dhe që sheh forcat kryesore politike duke kontribuar në rivendosjen e stabilitetit politik në Shqipëri. Jemi shumë të kënaqur që pamë se në raundin e parë të zgjedhjeve në parlament partitë kryesore politike të Shqipërisë u pajtuan për kandidatin e përbashkët dhe ai u zgjodh. Prandaj Komisioni Evropian e sheh këtë si shenjë të pjekurisë politike në rritje dhe është shumë i kënaqur me këtë sjellje të përgjegjshme të forcave politike shqiptare", deklaroi për BBC-në, zëdhënësi i Komisionit Evropian për marrëdhënje me jashtë, Gunar Viegand.

A. Xhaferi: Nëse nuk lejohet përdorimi i gjuhës shqipe në pasaporta, atëherë Maqedonia do të territorializohet
Tetovë, 26 qershor - Nëse implementimi i Marrëveshjes Kornizë të Ohrit do të vazhdojë të ngecë, apo të mos lejohet përdorimi i gjuhës shqipe në pasaportat e udhëtimit, atëherë Maqedonia do të territorializohet, do të kantonizohet apo do të krijohen enklavat etnike, deklaroi kryetari i PDSH-së Arbër Xhaferi, partia e të cilit merr pjesë në Qeverinë e Maqedonisë. Në konferencën e djeshme për gazetarë, z. Xhaferi ka akuzuar presidentin maqedonas Boris Trajkovski, i cili është ai që e pengon realizimin e Marrëveshjes së Ohrit. Ai nënvizoi se qëndrimi i Trajkovskit sa i përket pasaportave përputhet plotësisht me qëndrimin e LSDM-së, duke shtuar se kjo paraqet një moment të ri të rrezikshëm për shtetin maqedonas

VMRO u largua nga qeveria dhe do të angazhohet kundër realizimit të Marrëveshjes së Ohrit
Shkup, 26 qershor - Derisa Partia Demokratike Shqiptare kërkoi realizimin e Marrëveshjes së Ohrit, VMRO u largua nga Qeveria duke thënë se do të angazhohet kundër realizimit të kësaj Marrëveshjeje dhe ndryshimeve në Kushtetutën maqedonase, kurse Partia Socialiste ka thënë se nuk do të hyjë në koalicion me partitë nënshkruese të Marrëveshjes Kornizë të Ohrit.

Zgjedhjet në Luginën e Preshevës mbahen më 28 korrik
Beograd, 26 qershor - Kryetarja e Kuvendit të Serbisë ka shpallur zgjedhjet lokale për zgjedhjen e këshilltarëve dhe të kryetarëve të komunave Preshevë, Bujanovc dhe Medvegjë për 28 korrik. Këto tri komuna në Luginën e Preshevës janë shpërndarë para një jave dhe tani në ato qytete janë formuar këshillat e përkoshme, të clat do të udhëheqin me administratën deri në zgjedhjet e reja të këshilltarëve dhe të kryetarëve.

Presidenti Rugova priti në një takim lamtumirës shefin e Zyrës gjermane Mihael Shmunk

Prishtinë, 24 qershor - Presidenti i Kosovës Ibrahim Rugova priti sot në një takim lamtumirës shefin e Zyrës gjermane në Prishtinë, z. Mihael Shmunk, i cili shkon në një detyrë të re.
Presidenti Rugova me këtë rast çmoi lart punën e zoti Shmunk gjatë qëndrimit të tij në Kosovë dhe kontributin që ka dhënë në forcimin e marrëdhënieve mes Kosovës e Gjermanisë. Gjithashtu Presidenti i Kosovës falenderoi Gjermaninë për ndihmat që ka dhënë për ndërtimin dhe rindërtimin e Kosovës në vitet e pasluftës.

Dje në Tërpezë të Vitisë vdiq Hysen Tërpeza, veteran i Lëvizjes Kombëtare Çlirimtare

Prishtinë, 24 qershor - Dje rreth orës 9.00, pas një sëmundjeje të rëndë dhe të gjatë, në moshë të shtyrë, 94-vjeçare, vdiq veterani i Lëvizjes Kombëtare Çlirimtare, njëri nga legjendat e veprimtarisë atdhetare, luftëtari dhe atdhetari i shquar, Hysen Terpeza.
Z. Hysen Tërpeza, gjatë jetës së tij ishte i ndjekur nga okupatori serb për shkak të veprimtarisë së tij atdhetare. Ai, si komandant i forcave nacionaldemokratike e balliste të Karadakut, së bashku me bashkëluftëtarët e tij ishte larguar nga Kosova, nga fundi i vitit 1944 dhe prej atëherë kishte jetuar në ekzil, në Amerikë dhe në shtete të tjera të Evropës. Gjatë kësaj periudhe, asnjëherë nuk pushoi së punuari në interes të çështjes kombëtare. Pas 52 vjetësh qëndrimi në emigrim, për herë të parë u kthye sërish në Kosovë më 1999, pas largimit nga Kosova të okupatorit serb. Ndonëse ishte i shtyrë në moshë, ai ishte shumë i lumtur që kishte arritur të priste çlirimin e Kosovës dhe ta gëzonte lirinë e saj, për të cilën kishte luftuar gjithë jetën edhe me pushkë në dorë.
Lajmi për vdekjen e tij ka shkaktuar pikllim dhe dhembje, jo vetëm tek qytetarët e Vitisë, por edhe të mbarë Kosovës.
Varrimi i z. Hysen Tërpeza bëhet sot në vendlindjen e tij, në fshatin Tërpezë të komunës së Vitisë.

Politikanët shqiptarë: Deklaratat e Trajkoviçit se në Kuvend ka njerëz që kanë vrarë janë të pabaza

PRISHTINE, 24 qershor - Institucionet e Kosovës i vlerësojnë të pabaza dhe qëllimkëqija pohimet e deputetes së parlamentit të Kosovës, Rada Trajkoviç, në Kongresin Amerikan, se në organet drejtuese të Kosovës ndodhen njerëz që kanë vrarë serbë, por edhe shqiptarë. Kryeministri i Kosovës, dr. Bajram Rexhepi, i quan këto akuza të dëmshme dhe të pabaza. Deklaratën e deputetes serbe në parlamentin e Kosovës e vlerëson si tendencioze edhe deputeti i Lidhjes Demokratike të Kosovës, Lulzim Zeneli. Ndërsa sipas deputetit të Partisë Demokratike të Kosovës, Fatmir Lima, akuzat e Rada Trajkoviçit kanë për qëllim çrregullimin e punës në parlamentin e Kosovës. Lima thotë se deputetët duhet të kërkojnë shpjegime prej saj.I të njëjtit mendim është edhe deputeti i Partisë Demokratiake të Kosovës, Hajradin Kuqi, i cili tha se do të kërkojë nga Kuvendi i Kosovës që në seancën e ardhshme, deputetja Trajkoviq të japë shpjegime se kush janë sipas saj terroristët në këtë parlament. Në lidhje me këtë çështje është shprehur edhe kryetari i Alenacës për Ardhmërinë e Kosovës, Ramush Haradinaj, i cili e konsideron atë jodomethënëse dhe të papjekur. Deklarata e Trajkoviçit ka ngjallur edhe reagimin e shefit të Zyrës Gjermane në Prishtinë, Mihajl Shmunk. “Deklarata të tilla nuk janë të mira për asnjërën palë. Unë mendoj se secila palë duhet të angazhohet për shërimin e plagëve e jo që ato të thellohen. Ndoshta zonja Trajkoviq nuk i ka përdorur fjalët e duhura, sikurse njerëzit e tjerë në disa raste. Kosova do të jetë e suksessshme pas lufte, nëse i shërojmë plagët e jo i rihapim ato”, tha Shmunk.

Në Universitetin e Prishtinës do të regjistrohen 4757 studentë të rinj

Prishtinë, 24 qershor – Universiteti i Prishtinës shpalli konkursin për pranim në vitin e ri akademik 2002-2003. Sipas këtij konkursi vitin e ardhshëm do të pranohen 4757 studentë të rregullt. Prej tyre 4447 studentë do të regjistrohen në fakultete, ndërsa në shkolla të larta 310 studentë. Sikurse edhe viteve të kaluara edhe sivjet Fakulteti Juridik dhe ai Ekonomik do të pranojnë numrin më të madh të sudentëve të rinj, nga 500, ndërsa pritet që në Fakultetin e Mjekësisë të ketë interesim më të madh. Numri i studentëve të sivjetëm do të jetë 10 për qind më i madh se sa në vitin e kaluar. Risi tjetër është se në Universitetin e Prishtinës do të regjistrohen edhe studentë nga të gjitha trevat etnike shqiptare.
Gazetat e përditshme sot kanë botuar konkursin e Universitetit të Prishtinës.

Valentin viziton zonën më të minuar në Kosovë: Qytetarët duhet të lëvizin lirshëm

PRISHTINE, 24 qershor - Komandanti i KFOR-it, gjenerali Marsel Valentin, vizitoi sot fshatin Balincë të komunicës së Shtimes, që vlerësohet se është zona më e minuar në Kosovë. Ekipet e organizatës "Hendikep", të Trupave Mbrojtëse të Kosovës dhe të KFOR-it po punojnë për çminimin e këtij terreni. Balinca, gjatë luftës ishte minuar në çdo kënd. Kështu thonë në këtë fshat të komunës së Shtimes me rreth 2 mijë banorë. Tash dy muaj, në Balincë po çminojnë terrenin ekipe të organizatës ndërkombëtare "Hendikep", të Trupave të Mbrojtjes të Kosovës si dhe të KFOR-it. Komandanti i KFOR-it, gjenerali Marsel Valentin këtë operacion e vlerësoi mjaft të qëlluar."Unë i vizitova këto ekipe, sepse e kam parasysh se puna që bëjnë këtu është shumë e rrezikshme. Por ju e dini se ne jemi këtu për t'i ndihmuar njerëzit e këtij vendi. Ne dëshirojmë që sa më shpejt që të jetë e mundur të çminohen të gjitha fushat e minuara, sepse atëherë të gjithë qytetarët do të kenë mundësi të lëvizin lirshëm. Dhe, ne e shohim të arsyeshme që operacionet e këtilla të vazhdojnë edhe më tej". “Të gjithë qytetarët duhet të lëvizin lirshëm pa pasur frikë nga minat”, tha Mark Konelli, këshilltar teknik i "Handicap Internacional", aktive në këtë aksion çminimi."Jam shumë i lumtur që jam këtu për t’u ndihmuar banorëve të këtij fshati dhe për t'u siguruar atyre jetë në një mjedis të sigurt dhe besoj se ajo që po bëjmë ne është në të mirë të të gjithëve". Përgjegjësi i komandës për çminim i Zonës së Dytë të Trupave Mbrojtëse të Kosovës, Agron Kryeziu, thotë se që prej fillimit të çminimit të këtyre fushave nuk ka pasur asnjë fatkeqësi. Çminimi i terrenit në Balincë të Shtimes do të vazhdojë, ndonëse nuk dihet kur do të përfundojë ky operacion.

Shtajner në morgun e Rahovecit: Patologët e huaj po punojnë mirë për identifikimin e të zhvarrosurve

RAHOVEC, 24 qershor - Kryeadministratori i Kosovës Mihael Shtajner ka vizituar një morg në afërsi të Rahovecit për t'u njohur nga afër me punën e patologëve ndërkombëtarë rreth identifikimit të trupave të zhvarrosur në varrezat masive të zbuluara kohët e fundit në Kosovë. Shtajner u shpreh shumë i kënaqur me angazhimin e këtyre patologëve të cilët sipas tij po punojnë në interes të familjeve të cila kanë persona të zhdukur dhe kërkojnë të dijnë për fatin e tyre. Ai tha se ekperëtët nga vendet e ndryshme të botës janë angazhuar maksimalisht në identifikimin e kufomave. Ai shtoi se tash do të angazhohen edhe ekspertët vendorë për të bërë ekspertizën dhe identifikimin e trupave ku për ta do të ishte rast i mirë që të marrin njohuri nga kolegët e tyre ndërkombëtarë. Administratori i Kosovës u bëri thirrje familjeve që kanë anëtarët e tyre të zhdukur që të bashkëpunojnë me patologët në mënyrë që puna të jetë më efikase. Ai edhe me këtë rast ka theksuar se Misioni i UNMIK-ut do të ndihmojë në ndriçimin e fatit të të zhdukurëve.

I nxehti shtyn kosovarët pranë detit, por paratë nuk u mjaftojnë të gjithëve

PRISHTINE, 24 qershor - Temperaturat e larta që po mbretërojnë këto ditë në Kosovë kanë shtuar interesimin e qytetarëve që t'ia mësyjnë bregdetit. Dikush parapëlqen bregdetin shqiptar, të tjerë Ulqinin, Turqinë apo ndonjë vend tjetër. Por jashtë Kosovës nuk mund të shkojnë të gjithë. Sipas Hashim Rexhepi, Drejtor i Entit Statistikor të Kosovës, shkalla e papunësisë në Kosovë është e lartë, rroga mesatare sillet rreth 204 euro, kurse shporta e jetesës është e shtrenjtë. Ndërsa sipas të dhënave të disa agjencive turistike, një familje 4 anëtarëshe për dy javë në Turqi do të shpenzojë 1600 euro. Në këtë çmim janë të llogaritura, taksat, biletat, hoteli me gjysmë pension dhe mbartja e pasagjerëve. Ndërkohë lidhur me "shportën e jetesës" ende nuk ka të dhëna të sakta për çmimin e saj. Sido që të jetë ajo është e shtrenjtë. Hashim Rexhepi thotë se Enti Statistikor i Kosovës, në shtator të këtij viti do të llogarisë saktësisht shportës e jetesës për një familje 6 anëtarëshe kosovare. Po në shtator, sipas Entit Statistikor, do të llogaritet edhe shkalla e inflacionit në Kosovë. E deri atëherë do të mbarojnë edhe pushimet verore, të cilat këtë vit parashikohen të jenë tepër të nxehta.

Qytetarët e Kosovës nuk kanë nevojë për pasaporta për të hyrë në Shqipëri

Prishtinë, 24 qershor - Pas kërkesave të Qeverisë së Shqipërisë që të krijohen lehtësi për kosovarët të cilët dëshirojnë t'i kalojnë pushimet në bregdetin shqiptar, administrata e UNMIK-ut ka marrë vendim që qytetarët e Kosovës nuk kanë nevojë për pasaporta për të hyrë në Shqipëri. Kështu tri vendkalimet kufitare midis Kosovës dhe Shqipërisë mund të kalohen vetëm me pasedimin e letërnjoftimit të UNMIK-ut apo çfarëdo letërnjoftimi tjetër valid.
Zëdhënësja e UNMIK-ut Suzan Manuel thotë se një vendim i tillë është marrë pas kërkesave të qeverisë shqiptare gjatë muajve të fundit që UNMIK-u të krijojë lehtësi për turistët kosovarë të cilët dëshirojnë që pushimet e tyre t'i kalojnë në bregdetin shqiptar. Mirëpo, një vendim i tillë është i përkohshëm, sepse, siç thotë zëdhënësja Manuel, kjo është një politikë e cila do të zbatohet vetëm gjatë tre muajve të verës dhe vetëm në tri vendkalime kufitare tokësore: Qafë të Prushit, Vërmicë dhe Morinë. Mirëpo këto lehtësime, thotë kjo zëdhënëse nuk do të vlejnë për qytetarët e Kosovës të cilët udhëtojnë në Shqipëri nëpërmjet aeroportit të Prishtinës.

Parlamenti shqiptar sot në orën 18.00 voton për presidentin e ri

Tiranë, 24 qershor - Alfred Moisiu, një ish-gjeneral 73-vjeçar në pension, është kandidati i vetëm për presidentin e ri të vendit për të cilin sot në orën 18.00 do të votojnë deputetët e Kuvendit të Shqipërisë. Kryetari i parlamentit, Servet Pëllumbi tha se pranë kuvendit ka mbërritur vetëm emri i z. Moisiu që është propozuar nga 20 deputetë. Kanë firmosur që nga Fatos Nano, Sali Berisha, Fatmir Mediu, Gramoz Ruçi, Ilir Meta dhe lista mbyllet me firmat e Monika Kryemadhit dhe të ministrit tw rendit, Stefan Çipa, tha z. Pëllumbi.
Që Moisiu të votohet si pasardhësi i Rexhep Mejdanit, i duhen tre të pestat e votave pro. Nëse z. Moisiu nuk i merr votat e nevojshme në votimin e parë, atëherë votimi përsëritet deri në pesë herë. Midis raundeve të votimit, ekziston mundësia që të rregjistrohen kandidatë të rinj. Nëse z. Moisiu ose ndonjë kandidat tjetër dështon të zgjedhet në të pestë raundet, atëherë shpërndahet parlamenti dhe vendi duhet të mbajë zgjedhje të parakohshme.

Alfred Moisiu kandidati i vetëm për President

TIRANE, 24 qershor - Alfred Moisiu është kandidati konsensual i vetëm për president që votohet sot pasdite nga Kuvendi i Shqipërisë. Emri i tij është publikuar pas refuzimit që bëri për këtë post ambasadori i Shqipërisë në Bashkimin Evropian, Artur Kuko. Ndërkohë Alfred Moisiu u ka kërkuar dje garanci drejtuesve kryesorë të politikës shqiptare liderit socialist Fatos Nano dhe atij democrat Sali Berisha, për mbështetje politike gjatë ushtrimit të mandatit të tij. Nanos dhe Berishës ai i ka bërë të qartë dje se me të bërë betimin si president i ri i vendit dhe më të marrë detyrën më 24 qershor, askush nga politika nuk duhet t'i ndërhyjë në punët e tij. "Nuk dua të më ndërhyni në punët e mia gjatë mandatit të presidentit",- mësohet t'i ketë thënë Alfred Moisiut dy drejtuesve kryesorë të politikës shqiptare. Sipas burimeve bëhet e ditur gjithashtu se ai ua ka bërë të qartë politikanëve që "nuk do të jem armë në duart tuaja". Pasi ka marrë garancitë e duhura dhe mbështetjen politike të maxhorancës dhe opozitës ai e ka pranuar kandidimin për postin e presidentit. Menjëherë pas përfundimit të procedurave zyrtare, Moisiu deklaroi për gazetarët se pranimi i kandidaturës është bërë për t'i dhënë përgjigje frymës së bashkëpunimit mes maxhorancës dhe opozitës.
Kandidatura e Moisiut do të votohet sot rreth orës 16:00 në Parlamentin shqiptar, ndërkohë që më poshtë po publikojmë një biografi të shkurtër të tij.
Emri: Alfred Spiro Moisiu
Datëlindja: 01.12.1929
Vendlindja: Shkodër
Gjendja civile: I ve, katër fëmijë, tre vajza e një djalë
Edukimi dhe kualifikimi:
1941-1945 Ka mbaruar shkollën e mesme në gjimnazin "Qemal Stafa" në Tiranë
1946-1948 Ka mbaruar Shkollën e Inxhinierisë Ushtarake në Petersburg, Rusi
1952-1958 Ka mbaruar Akademinë e Inxhinierisë Ushtarake në Moskë. Diplomuar më "Medalje të Artë"
1967-1968 Ka mbaruar Kursin e Lartë të Shtabit të Përgjithshëm në Akademinë e Mbrojtjes në Tiranë
1995 Ka mbaruar Kursin për Personalitete të Larta në Kolegjin Ushtarak të NATO-s në Romë
Karriera profesionale:
1943-1945 Pjesëmarrës i Luftës për çlirimin e Shqipërisë
1948-1949 Komandant toge në Shkollën e Bashkuar të Oficerëve në Tiranë
1949-1951 Instruktor në Akademinë Ushtarake "Skëndërbej"
1958-1966 Kryen detyra të ndryshme në Drejtorinë e Xhenios të Ministrisë së Mbrojtjes
1966-1971 Komandant i Brigadës së "Urave të Rënda" në Kavajë
1971-1981 Zv/ministër i Mbrojtjes, deri në tetor 1982
1982-1984 Komandant i Kompanisë së Xhenios në Burrel
1992-1994 Këshilltar i ministrit të Mbrojtjes
1994-1997 Zv/ministër i Mbrojtjes për Politikat e Mbrojtjes
1994 Zgjidhet president i Shoqatës së Atlantikut të Veriut në Shqipëri
Aktiviteti
1994 - Si president i Shoqatës së Atlantikut të Veriut në Shqipëri ka drejtuar shtatë (7) Konferenca Ndërkombëtare për Problemet e Paqes dhe të Sigurisë në rajon.
1998-2002 Ka organizuar dhe drejtuar tre (3) Konferenca Kombëtare për Problemin e Grumbullimit të Armëve
2002 Konferenca Rajonale për Problemet e Kontrollit të Armatimit dhe Sigurisë Njerëzore
2002 Propozuar për t'u zgjedhur zv/president i Shoqatave të Atlantikut
2001, 2002 në Bruksel; 2001 në Zagreb; 2002 në Bukuresht; Ka prezantuar projektin "Integrimi i 6000 Ushtarakëve në Lirim në Ekonominë e Tregut", përfshirë në axhendën e Paktit të Stabilitetit.
Tituj Shkencorë:
Mban titullin Dr. i Shkencave Ushtarake, akorduar në vitin 1979
Gjuhët e Huaja
Rusisht, Italisht dhe Anglisht

E diele 23 qershor 2002

Lajmi më i ri nga Shqiperia;kandidati më i ri i pranuar për president Shqipërie,nga pozita dhe opozita,është Alfred Moisiu.Kandidati i ri për president, ish-ushtaraku Alfred Moisiu
E diele,23 qershor 2002
Partitë kryesore politike në Shqipëri ranë dakord të propozojnë për postin e presidentit të vendit ish-ushtarakun e lartë, Alfred Moisiu. Kjo u bë e njohur në përfundim të bisedimeve të sotme pozitë-opozitë. Dy udhëheqësit kryesorë të Partisë Socialiste dhe Partisë Demokratike deklaruan se do t’i japin mbështetjen maksimale zotit Moisiu në kryerjen e detyrës së tij dhe premtuan se bashkëpunimi i nisur mes forcave politike do të vazhdojë. Në Shqipëri, kandidati i ri për postin e presidentit të vendit, i dalë nga tryeza e bisedimeve mes pozitës dhe opozitës, gjenerali në pension, Alfred Moisiu, deklaroi në një intervistë për Zërin e Amerikës se një nga detyrat e para me të cilat ai do të merrej, është përmirësimi i punës së drejtësisë. Zoti Moisiu tha gjithashtu se vendi ka nevojë të bëjë hapa të mëtejshme për integrimin në strukturat euro-atlantike dhe vendit i duhet të përmirësojë ekonominë e të luftojë korrupsionin.

Gjeneral Çeku: Luftëtarët e lirisë dhe TMK-ja janë të shenjtë
E premte,21 qershor 2002

Çeku: Arrestimi i oficerëve tanë s’ishte i rastësishëm; duan t’ia ndalin hovin TMK-së
PRISHTINE, 21 qershor
- Kryeministri i Kosovës Bajram Rexhepi gjatë një vizite në Shtabin e Përgjithëshëm të Trupave Mbrojtëse të Kosovës, ka diskutuar me komandantin e këtyre trupave, gjeneral-lejtnant Agim Çeku lidhur me arrestimet e fundit të oficerëve të këtyre trupave. Sipas Çekut, në një pjesë të Bashkësisë Ndërkombëtare ekzistojnë paragjykime për TMK-në, gjë që që ndikon të ketë një qasje të gabueshme ndaj TMK-së. Arrestimet e fundit ndaj pjesëtarëve të TMK-së pa marrë parasysh se janë marrë si individë, janë një goditje e madhe për TMK-në, tha komandanti Çeku. Sipas tij, arrestimi i tyre në këto momnetet nuk është i rastësishëm. Kreyministri Rexhepi dhe komandanti Çeku deklaruan se kryeadminstratori Mihael Shtajner u ka thënë atyre se kanë filluar hulumtimet edhe për rastin e maltretimit të eprorëve të TMK-së nga ana e policisë. Rexhepi dhe Çeku thanë se me arrestimet e fundit të disa eprorëve të TMK-së është prekur edhe prestigji i këtij institucioni, që për shqiptarët është i shenjtë. “Eshtë një goditje e madhe edhe për TMK-në, pa marrë parasysh se janë në pyetje individë të cilët akuzohen për gjërat që s'i kanë bërë në TMK”, tha Çeku pas takimit me kryeministrin Rexhepi. Ndërkohë ky i fundit u shpreh se pas këtyre arrestimeve është krijuar një situatë e ndjeshme për të gjithë, në veçanti për TMK-në. “Ne konsiderojmë se në asnjë mënyrë të mos janë sulm ndaj institucionit të TMK-së, por ato hulumtime të bëhen të drejta, me argumente dhe të kryhen sa më shpejt, në mënyrë që të mos ketë dilema ose konfuzion”, tha Rexhepi. Sipas tij, në rast se dikush akuzohet, kjo duhet të argumentohet dhe ky hulumtim nuk guxon të zgjasë shumë dhe në fund të lirohet personi, ashtu siç ndodhi me ish-ficerin tjetër të TMK-së Gani Ymerit, (i mbajtur 6 muaj në paraburgim arrest dhe më pas është liruar). Nga ana tjetër, gjeneral Çeku konsideroi se arrestimet nuk janë bërë rastësisht në këtë kohë, kur TMK-ja sapo mori gradat, për herë të parë zyrtarisht. “Organet e hetuesisë, nëse i kanë pasur këto fakte për arrestim, atëherë i kanë pasur edhe më herët. Por duket se e kanë lënë këtë për në momentin kur TMK-ja shënon rritje dhe kur ka hedhur hapa konkretë drejt synimeve tona. Kjo na bën të dyshojmë se dikush mundohet t'ia ndalë hovin e TMK-së dhe të ardhmes së saj”, tha Çeku. Sipas komandantit të TMK-së, te një pjesë e bashkësisë ndërkombëtare në Kosovë ekzistojnë paragjykime të cilat ata i motivojnë që të kenë një qasje jo të drejtë ndaj TMK-së. Ai e ka quajtur të papranueshme edhe dhunën e përdorur nga policia ndërkombëtare gjatë arrestimit të oficerëve të TMK-së. “Unë kam biseduar me dy prej ushtarëve të mi, menjëherë pasi janë liruar. Eshtë e vërtetë se ata janë keqtrajtuar fizikisht gjatë arrestimit. Shtajner ka premtuar se do t'i fillojë qysh sot hetimet dhe gjykatësi hetues, i autorizuar nga Shtajner, do t'i marrë në pyetje edhe ushtarët e mi. Besojmë se e vërteta do të dalë në shesh dhe besojmë se një sjellje e tillë është plotësisht e panevojshme dhe si e tillë e papranueshme për ne”, tha Çeku.
Koordinatori i Paktit të Stabilitetit Erhard Busek thotë se statusi përfundimtar i Kosovës do të jetë pavarësia e saj
Berlin, 21 qershor - Koordinatori i Paktit të Stabilitetit Erhard Busek deklaroi për gazetën gjermane "Tages cajtung" se statusi përfundimtar i Kosovës do të jetë pavarësia e saj. Busek tha se është vetëm çështje kohe se kur do të hartohet korniza e cila do të çojë drejt pavarësisë. Por kjo nuk është një çështje që ka të bëjë me Paktin e Stabilitetit. Kur është fjala për Kosovën duhet thënë hapur se ekzistojnë kontrollet e kufijve, doganat, valuta dhe sistemi i pavarur juridik. Dhe, përkundër të gjitha këtyre Kosova edhe mëtej nuk është e pavarur, theksoi Busek. Ai nënvizoi se gjendja e sigurisë edhe më tutje është një prej elementeve më të rëndësishme në rajon.
R. Trajkoviq deklaroi se është tepër herët të vendoset për statusin përfundimtar të Kosovës
Uashington, 21 qershor - Shefja e grupit parlamentar serb e koalicionit "kthimi" Rada Trajkoviq deklaroi se është tepër herët të vendoset për statusin përfundimtar të Kosovës. Sipas saj në qoftë se tashti vendoset për pavarësinë nuk do të arrihen dy qëllime: Kosova multietnike dhe stabiliteti i rajonit. Këtë prononcim ajo e bëri para Komitetit të Helsinkit në Kongresin amerikan. Trajkoviq theksoi se edhe vendimi për mbetjen e Kosovës në Serbi do të kishte për pasojë luftën. Kështu shpjegoi ajo nevojën për shtyrjen e vendimit për statusin përfundimtar të Kosovës.
Çoviq thotë se Serbia nuk do të kërkojë ndarjen e Mitrovicës, por me kusht që të mos ketë pavarësi të Kosovës
Uashington, 21 qershor - Zëvendëskryeministri serb Nebojsha Çoviq tha në një intervistë për "Zërin e Amerikës" se Serbia nuk do të kërkojë ndarjen e Mitrovicës, por me një kusht që të mos ketë pavarësi të Kosovës. Ai shtoi se do të vijë një kohë kur dy popujt t'i kërkojnë falje njëri-tjetrit. Por për të më e rëndësishme është që ata që kanë kryer krime nga të dyja palët si serbë edhe shqiptarë të shkojnë për gjykim në Hagë.
Zëvendëskryeministri serb akuzuar autoritetet ndërkombëtare për gjendjen e tanishme në Kosovë
Uashington, 21 qershor - Zëvendëskryeministri serb Nebojsha Çoviq ka akuzuar autoritetet ndërkombëtare për gjendjen e tanishme në Kosovë. Ai ka thënë para Komisionit për Sigurinë Evropiane në Kongresin amerikan se ardhmëria e Kosovës është e errët pa respektimin e të drejtave të njeriut. Çoviq shpreson se marrëveshja e tij e nënshkruar në Beograd me ish-kryeadministratorin e Kosovës Hekerup në nëntor të vitit të kaluar do të realizohet në tërësi.
Në Gjykatën e qarkut në Pejë sot ka vazhduar procedura hetimore kundër gjashtë të dyshuarve për vepra penale
Pejë, 21 qershor - Në Gjykatën e qarkut në Pejë sot ka vazhduar procedura hetimore kundër gjashtë pjesëtarëve të TMK-së të dyshuar për vepra penale. Këta janë: Idriz Balaj, Daut Haradinaj, Bekim Zekaj, Faton Mehmetaj, Ahmet Elshani dhe Ramush Ahmetaj, të cilët tashmë ndodhen në paraburgim. Procedurën hetimore është duke e zhvilluar një gjyqtare ndërkombëtare, Brigit Klepshe.
Valenten e Rexhepi biseduan rreth gjashtë personave të arrestuar
Prishtinë, 21 qershor - Komandanti i KFOR-it Marsel Valenten është takuar sot me kryeministrin e Kosovës Bajram Rexhepi dhe, siç njoftohet, temë kryesore ka qenë arrestimi i gjashtë pjesëtarëve të ish-UÇK-së dhe TMK-së. Valenten ka thënë se arrestimi i gjashtë personave të dyshuar për aktivitete kriminale nuk është drejtuar kundër TMK-së, por kundër individëve të cilët dyshohet se kanë qenë të përfshirë në aktivitete të paligjshme pas përfundimit të luftës në qershor të vitit 1999. Ndërkaq kryeministri Rexhepi ka thënë se arrestimet e ditëve të fundit janë bërë me vendimet e organeve kompetente të drejtësisë dhe prandaj nuk duhet të jipen çfarëdo vlerësimi paraprak për këtë çështje që mund të jetë e bazuar në paragjykime.
I dërguari special i OKB-së për të Drejtat e Njeriut dje pasdite ka qëndruar në Preshevë
Preshevë, 21 qershor - I dërguari special i OKB-së për të Drejtat e Njeriut z. Bob Miller dje pasdite ka qëndruar në Preshevë me ç'rast është takuar me Agim Ymerin koordinator i Këshillit të për të Drejtat e Njeriut në Preshevë. Z. Miller u njoftua drejtpërdrejt me shkeljet drastike të të drejtave të shqiptarëve në rajon, si dhe për vrasjet e fundit nga ushtria jugosllave. Po dje në Preshevë është mbajtur mbledhja e Këshillit të Përkohshëm komunal ku eshtë shqyrtuar dhe është miratuar rregullorja e këtij këshilli, si dhe është biseduar lidhur me formimin e Komisionit Zgjedhor i cili do të përgatisë zgjedhjet e parakohshme që do të mbahen më 28 korrik të këtij viti.
Fillon zhvarrosja e shqiptarëve në Batajnicë afër Beogradit
Beograd, 21 qershor - Autoritetet serbe kanë filluar zhvarrosjen e një numri të madh trupash të shqiptarëve të Kosovës, të vrarë gjatë konfliktit të vitit 1999 dhe të varrosur në Serbi. Trupat e tyre janë gjetur në Batajnicë, pranë një stacioni policie në rrethinë të Beogradit. Në të njëjtin vend vitin e kaluar u zbuluan dy varreza masive. Besohet se ata janë shqiptarë të Kosovës nga dokumentat që u janë gjetur në trupa. Policia ka akuzuar anëtarët e qeverisë së ish presidentit jugosllav, Sllobodan Millosheviq se ka urdhëruar vrasjet në Kosovë dhe pastaj është përpjekur t'i fshehë. Përveç varrezave masive në Kosovë, pesë janë zbuluar jashtë saj, njofton BBC. Artur Kuko nuk pranon kandidaturën Kandidati për president të Republikës Artur Kuko duke falenderuar udhëheqësit e partive politike për besimin tha për BBC-në se do të ishte më produktive për vendin që të vazhdojë të punojë në postin aktual apo në Tiranë gjithnjë në fushën e afrimit dhe të integrimit të vendit në BE.
Artur Kuko është kandidat i vetëm për President të Shqipërisë
Tiranë, 21 qershor - Nga Tirana njoftohet se Artur Kuko është kandidati i vetëm për postin e Presidentit të Shqipërisë. Kështu ranë dakord sot përfaqësuesit e pozitës dhe opizitës në Shqipëri. Artur Kuko aktualisht është ambasador i Shqipërisë në Bashkimin Evropian në Bruksel. Zgjedhja e Presidentit të Shqipërisë do të bëhet nga parlamenti shqiptar më 24 qershor.
Sot në Hagë fillon gjykimi kundër ish-shefit të ushtrisë serbe Ojdaniq dhe zëvendëskryeministrit "jugosllav" Shainoviq
Hagë, 21 qershor - Sot në Hagë fillon seanca e parë gjyqësore kundër ish-shefit të Ushtrisë jugosllave Dragolub Ojdaniq dhe zëvendëskryeministrit jugosllav Nikolla Shainoviq. Ata së bashku me Millosheviqin akuzohen për krime lufte në Kosovë. Së bashku me ta akuzohet edhe presidenti aktual i Serbisë Millan Millutinoviq si dhe ish-shefi i policisë serbe Vllajko Stoilkoviq i cili më 11 prill në Beograd ka bërë vetëvrasje.
Edhe partia e Georgievskit kundër pasaportave në gjuhën shqipe
Shkup, 21 qershor - Partia maqedonase në pushtet VMRO-DPMNE e kryeministrit Georgiveski nëpërmjet zëdhënësit të saj njoftoi se nuk do ta mbështesë propozimin për pasaportën e re maqedonase. Zëdhënësi theksoi se me siguri edhe qeveria do ta tërheqë propozimligjin. Dje edhe presidenti i vendit Trajkovski deklaroi se nuk do ta nënshkruajë ligjin për pasaportën dyshe të Maqedonisë nëse miratohet nga parlamenti. Të përkujtojmë se para dy ditësh qeveria e kryeministrit Georgievski kishte rënë dakord që ballina e pasaportës për shqiptarët të jetë e shkruar edhe në gjuhën shqipe, përveç në maqedonisht e anglisht.
BE diskuton për imigracionin e paligjshëm
Sevilje(Spanjë) 21 qershor 2002Udhëheqësit e Bashkimit Evropian po diskutojnë për imigracionin e paligjshëm, zgjerimin e Bashkimit Evropian dhe konfliktin në Lindjen e Mesme në një takim dy ditor të nivelit të lartë, që u hap sot në Sevilje të Spanjës.Vendet e Bashkimit Evropian kanë pikëpamje të ndryshme lidhur me trajtimin e imigrantëve të paligjshëm. Britania e Madhe dhe Spanja po bëjnë thirrje për politika më të ashpra.Franca kundërshton planin britaniko-spanjoll për vendosjen e sanksioneve ndaj vendeve nga vinë imigrantët, duke argumentuar se ato nuk do të bënin gjë tjetër veç shtimit varfërisë, që i shtyn njerëzit të shkojnë në vendet evropiane.Përpjekjet e Bashkimit Evropian për të kontrolluar imigracionin e paligjshëm vinë ndërkohë që po shtohet mbështetja në disa vende të Bashkimit Evropian për politikanët e të djathtës që janë shprehur kundër imigracionit.Rreth 500 mijë imigrantë të paligjshëm hynë në vendet e Bashkimit Evropian çdo vit, krahas rreth 400 mijë azilantëve.
Nuk mbrohet hapësira ajrore e Shtëpia e Bardhë
Uashington 21 qershor 2002 Zyrtarë amerikanë po pranojnë se avionët ushtarakë nuk arritën në kohë për t’i ndërprerë udhëtimin një avioni të vogël që kaloi të merkurën në mbrëmje nëpër hapësirën ajore përreth Shtëpisë së Bardhë. Zyrtarët, të cilët kërkuan të mos njëjtësohen, thanë se reaktivat ushtarakë u ngritën nga baza shumë para afatit prej 15 minutash, por 4 minuta pasi avioni i vogël i tipit Cessna kishte dalë nga zona e ndaluar për fluturime.Zyrtarët theksojnë se incidenti tregon se sa e vështirë është mbrojtja nga sulmet ajrore. Byroja Federale e Hetimeve thotë se piloti hyri gabimisht në atë zonë ndërkohë që po përpiqej t’i shmangej një zone të përfshirë nga moti i keq dhe nuk ka gjasa se kundër tij do të ngrihen akuza. Shtëpia e Bardhë u evakuua për pak kohë, por presidenti Bush nuk u largua nga zyra e tij.
Dhuna vazhdon në Lindjen e Mesme
21 qershor 2002Palestinezët thonë se izraelitët vranë 4 vetë, duke përfshirë tri fëmijë në Jenin të Bregut Perëndimor.Palestinezët thonë se viktimat u goditën kur filluan të shtënat në një ditë tregu, gjatë të cilës plestinezët menduan se ishte hequr përkohësisht gjendja e jashtëzakonëshme.Në Rripin e Gazës, palestinezët thonë se ushtarët izraelitë vranë një djalë, disa orë pasi tre palestinezë u vranë në një incident tjetër në pikëkalimin Erez.Zyrtarët izraelitë thonë se trupat izraelite hapën zjarr pasi palestinezët hodhën një grandë në drejtim të ushtarëve. Seria e incidentecve ndodh ndërkohë që Kryeministri i Izraelit, Ariel Sharon po përgatitet të takohet me kabinetin e tij të sigurimit për të diskutuar masat e mëtejshme ushtarake në përgjigje të sulmeve të kësaj jave nga ekstremistët palestinezë, të cilët kanë vranë 31 izraelitë.
Sport
21 qershor 2002

Brazili përfundon ëndrrën angleze të Botërorit

Portieri anglez, Siman pas golit të dytë të Ronaldinjos
Ëndrra angleze për të fituar Kupën e Botës përfundoi të premten kur Brazili me dhjetë lojtarë e fitoi ndeshjen me të në Shizuka, Japoni.Të parët që shënuan ishin anglezët, kur Majkëll Ouen shënoi që në pjesën e parë, por pastaj, një herë në fund të pjesës së parë shwnoi Rivaldo dhe në fillim të pjesës së dytë, Ronaldinjo shënoi goline dyt ë.Shtatë minuta pas shënimit të goolit që i dha Brazilit fitore, Ronaldinjo u nxjorr jashtë me kartelë të kuqe, pas një vendimi të diskutueshëm të arbitrit.Por edhe pse kundërshtarët luajtën shumicën e pjesë së dytë me dhjetë lojtarë, anglezët nuk e gjetën dot rrugën drejt rrjetës.Tani që shumica e skuadrave të njohura janë jashtë kampionatit, Brazili e ka pothuaj të hapur rrugën drejt fitimit të Kupës së Botës që do të jetë trofeu i tyre i pestë në historinë e Botërorit.
E enjte 20 qershor 2002

UNHCR nuk përkrah kthimin e organizuar të zhvendosurve serbë nga Kosova

Prishtinë, 20 qershor - Misioni i Komisariatit të Lartë për Refugjatë të OKB-së në Kosovë, nuk përkrah kthimin e organizuar të të zhvendosurve serbë nga Kosova. Kështu thonë në Ditën botërore të refugjatëve zyrtarë të këtij misioni në Kosovë. Por, ata thonë se UNHCR-ja po ndihmon krijimin e parakushteve për kthim të vullnetshëm të të zhvendosurve. Edhe tri vjet pas përfundimit të luftës, prania e UNHCR-së në Kosovë vlerësohet e domosdoshme, sepse Kosova edhe tani po përballet me problemin e të zhvendosurve dhe të refugjatëve.

Avokati Bajri thotë se klienti i tij, Daut Haradinaj, mohon çfarëdo implikimi në kryerjen e veprave penale

Prishtinë, 20 qershor - Adem Bajri, avokat i Daut Haradanajt, deklaroi se klienti i tij dje u është dorëzuar vullnetarisht organeve gjuqësor dhe i ka dhënë një deklaratë gjyqtares hetuese ndërkombëtare. Zoti Bajri tha për mediat lokale se, në bazë të kërkesës me shkrim të prokurorit ndërkombëtar, kërkohet zbatimi i hetimeve për shkak të dyshimit që klienti i tij të ketë kryer "vepra penale të lëndimeve trupore". Sipas zotit Bajri, Daut Haradiaj para gjyqtqres hetuese mohoi kategorikisht çfarëdo implikimi në kryerjen e veprave penale që i vihen në barrë në bazë të kërkesës së prokurorit.

Në policinë e UNMIK-ut në Pejë u dorëzuar edhe i dyshuari i gjashtë për krime Faton Mehmetaj

Prishtinë, 20 qershor - Zëdhënësja e UNMIK-ut Suzan Manuel ka deklaruar se dje pasdite është dorëzuar në policinë ndërkombëtare edhe i dyshuari i gjashtë për krime serioze ndaj shqiptarëve në vitin 1999, menjëherë pas luftës. Këto krime nënkuptojnë burgosje të paligjshme, lëndime të rënda trupore të shqiptarëve të Kosovës një numër i të cilëve akoma vazhdon të evidencohet si i zhdukur, tha zëdhënësja Manuel. Ndërkaq, zëdhënësi i policisë ndërkombëtare Beri Fleçer tha se policia ka arrestuar 6 persona që kërkoheshin. Ai nuk pranoi të japë emrat e arrestuarve, mirëpo burime të OKB-së në Kosovë thonë se i dyshuari i fundit i dorëzuar dje në stacionin e policisë në Pejë është Faton Mehmetaj, gjithashtu epror i lartë i TMK-së.
Dy të dorëzuarit e djeshëm Daut Haradinaj, Faton Mehmetaj, si dhe Idriz Balaj, Bekim Zekaj, Ramush Ahmetaj dhe një person me mbiemrin Elashani janë të dyshuar për arrestime të paligjshme dhe lëndime të rënda trupore që u kanë shkaktuar viktimave të tyre, shumica e të cilëve edhe sot e kësaj dite konsiderohen të zhdukur

Senatori Bajden u nderua me Çmimin ballkanik për paqe

Uashington, 20 qershor - Kryetari i Komisionit të Senatit amerikan për marrëdhëniet me jashtë, Xhozef Bajden u nderua me Çmimin ballkanik për paqe. Çmimi u paraqit nga kryetari i Parlamentit të Kosovës, Nexhat Daci i cili falenderoi senatorin amerikan për ndihmesën dhe qëndrimin e tij të drejtë ndaj çështjes shqiptare veçanërisht në Kosovë. Çmimi ballkanik i paqes, u dorëzua nga kryetari i Lidhjes qytetare shqiptaro-amerikane. Senatori Bajden u shpreh me mirënjohje të thellë për këtë çmim. Ai tha: "Kur fillova të interesohem për çështjen shqiptare në vitet 1980, ëndërroja, por kurrë nuk mendoja se gjatë mandatit tim si senator do të arrija të shihja një Kosovë të lirë, me parlament e qeveri të vetën e në prag të pavarësisë. Nuk isha i sigurt se një gjë e tillë do të ndodhte, por isha i bindur që Shtetet e Bashkuara duhej të angazhoheshin".
Senatori Bajden tha se shqiptarët mund të mendohen por nuk duhet të shqetësohen shumë rreth zgjidhjes sa më parë të statusit përfundimtar të Kosovës. Me zgjedhjet demokratike, e me një parlament e qeveri të qëndrueshme, Kosova është bërë shembull për të gjithë fqinjët ballkanikë, tha senatori.
Çmimi ballkanik i paqes, një shqiponjë e gdhendur me mjeshtëri në alabastër, mban mbishkrimin 2 korrik 2002, 10 vjetori i referendumit për shpalljen pavarësinë e Kosovës nga Serbia. Senatori Bajden është amerikani i dytë që nderohet me çmimin ballkanik të paqes, pas gjeneralit Uesli Klark, komandant suprem i NATO-s gjatë luftës në Kosovë.

Sulmet e shpifura apo të sforcuara në kufirin Kosovë- Maqedoni

Shkup, 20 qershor (QIK) - Përsëri në karakollin "Strazha" në vijën kufitare me Kosovën, sipas ministrisë së mbrojtjes, u bë një sulm nga ana e Kosovës. Të lënduar nuk ka. Thuhet se pala maqedonase e ka kthyer sulmin, me çka sulmuesit janë zbrapsur në anën e Kosovës. Këto njoftime ditëve të fundit janë shpeshtuar, por deri tash ndërkombëtarët në Shkup nuk kanë mundur t'i verifikojnë. Edhe për incidentin e fundit, zëdhënësi i NATO-os Kreg Retklif tha se ekipi i tyre ka dalë në vendin e ngjarjes, por nuk ka mundur të argumetojë incidentin me asnjë dëshmi, sepse nuk kanë gjetur asgjë. Ky zëdhënës poashtu tha se ata nuk kanë kurrëfarë njohuri se në fshatrat e Malësisë së Sharrit rigrupohen, trajnohen e kushedi çka tjetër shqiptarët, që sipas policisë maqedonase herë vijnë nga Kosova e herë largohen, e herë janë vendas.
Deri tash askush nga ndërkombëtarët nuk ka konfirmuar se sulmohet karakolli "Strazha", por ata nuk mohojnë se ka incidente, por jo me ato përmasa alarmuese, siç i thotë pala maqedonase.
Mediat maqedonase kësaj vije kufitare kontestuese mes Kosovës dhe Maqedonisë i japin rëndësi të veçantë, madje transmetuan një letër dërguar kryetarit Trajkovski nga qeveria amerikane, ku kërkohet që vija kufitare të mos fillojë të regjistrohet, sepse sipas mediave maqedonase, tre mijë hektarë janë kontestuese, diçka edhe më shumë duhet t'i jepen Kosovës, kurse për konpensim Maqedonisë do t'i jepen 2ooo hektarë nga lindja e Preshevës. Ajo pjesë që duhet t'i jepet Kosovës është vend strategjike për amerikanët, prandaj edhe atyre u duhet, thanë mediat maqedonase. Ky njoftim u cilësua si sknadaloz në opinion maqedonas, i cili edhe ashtu faktorit ndërkombëtarë nuk i beson.Del Ponte ka akuzuar Beogradin se nuk po bashkëpunon sa duhet me Gjykatën e Hagës

Bruksel, 20 qershor - Kryeprokurorja e Tribunalit të Hagës Karla del Ponte në paraqitjen e saj të djeshme në Parlamentin Evropian në Bruksel, përkatësisht në Komisionin e Punëve të Jashtme, ka akuzuar autoritetet e Beogradit se nuk po bashkëpunojnë sa duhet me Gjykatën e Hagës, pasi ruajnë dhe strehojnë kriminelët e luftës që vazhdojnë të kërkohen nga Gjykata. Ajo tha se shumica e të akuzuarve serbë kanë lidhje të forta me hierarkinë e lartë në Beograd, andaj edhe nuk po arrestohen. Karla del Ponte kërkoi ndihmë nga nga BE-ja që të bëjë më shumë trysni ndaj autoriteteve të Beogradit në mënyrë që të detyrohen të bashkëpunojnë më shumë me Tribunalin e Hagës.

Pa përfundim konkret raundi i tretë i bisedimeve pozitë-opozitë, Berisha preferon Arbnorin e Mazin për President

Tiranë, 20 qershor (QIK) - Përfundoi në Tiranë raundi i tretë i bisedimeve pozitë - opozitë për çështjen e Presidentit. Gjatë negociatave palët paraqitën kandidaturat e tyre konkrete për Presidentin e ri të vendit, të cilat do të shqyrtohen veç e veç gjatë mbrëmjes së sotme. Asnjë nga kandidaturat nuk u bë publike për mediat, por lideri demokrat Berisha tha pas takimit se në preferencën e tij ishin Pjetër Arbnori dhe Zef Mazi, ish-ambasador i Shqipërisë në OSBE në Vjenë, në vitet 1992- 1997.
Pas tryezës së sotme dy liderët e politikës shqiptare Berisha e Nano zhvilluan një takim kokë më kokë që zgjati për disa minuta. Pas takimit Nano preferoi të heshtte para gazetarëve, ndërsa Berisha tha se ishte biseduar vetëm për emrin e Presidentit. Nesër do të mbahet raundi i katërt i bisedimeve gjatë të cilit mendohet të konkludohet ndoshta në një emër konkret të pranuar nga palët.

Në Tiranë ende diskutohen kandidaturat për president

Tiranë, 20 qershor - Në Tiranë zhvillohet takimi midis maxhorancës dhe opozitës për të diskutuar rreth kandidaturave për kreun e ri të shtetit. Ky është takimi i tretë i tyre në kuadrin e përpjekjeve për të arritur në një proces konsensual në zgjedhjen e presidentit të ri të vendit, votimi i parë i të cilit pritet të zhvilohet më 24 qershor. Sipas BBC-së, atmosfera e deritanishme e bisedimeve ka qenë paqësore.
Poashtu janë përcaktuar kriteret që duhet të plotësojë kandidati për president: "Përmbushjen e kritereve kushtetuese si; shtetas shqiptar që nga lindja, moshën mbi 40 vjeç, qëndrim së paku 10 vjetët e fundit në Shqipëri dhe sigurimin e 20 firmave të deputetëve për t'u propozuar. Të jenë figura me integritet dhe autoritet publik nga: klasa politike, kategoria e përfaqësuesve nga institucionet e pavaruara shtetërore apo publike, shoqëria civile, qarqet akademike dhe juridike. Të plotësojë kriteret kushtetuese të të qenit deputet. Të garantojnë qëndrimin në detyrë mbi partitë politike".
Diskutimet rreth kandidaturave do të vazhdojnë deri të dielën, ndërsa të hënën, më 24 qershor duhet të zgjedhet Presidenti i shtetit.

E mërkure,19 qershor 2002
Arrestohet edhe Daut Haradinaj, pas katër të arrestuarve të djeshëm

Prishtinë, 19 qershor - Policia e UNMIK ka arrestuar sot në Prishtinë Daut Haradinajn, vëllain e Ramush Haradinajt, kryetar i AAK-së. Siç njoftohet Dauti u dorëzua me ndërmjetësimin e të vëllait Ramush Haradinaj.
Daut Haradinaj, si edhe katër dje të arrestuarit, dyshohen për vrasjen dhe rrëmbimin e shqiptarëve në qershor të vitit 1999, fill pas përfundimit të luftës.
Këtë e konfirmoi edhe zëdhënësja e UNMIK-ut Suzan Manuel, por ajo shtoi se operacioni i arrestimeve po vazhdon sepse ende ka persona të tjerë në kërkim në lidhje me krimet e përmendura.
Manuel hodhi poshtë spekulimet se këto arrestime kanë të bëjnë me gjyqin e Hagës.
Presidenti Rugova priti një grup fshatarësh të Debelldesë së Vitisë

Prishtinë, 19 qershor (QIK) - Presidenti i Kosovës Ibrahim Rugova prit sot një delegacion të fshatit Debëllde të Vitisë dhe me ata rast ata e njoftuan Presidentin për pasojat që u ka shkaktuar marrëveshja për kufirin mes Beogradit dhe Shkupit vitin e kaluar, sepse një pjesë e tokave të tyre ka mbetur nën administrimin e Maqedonisë.
"Ne e njoftuan Presidentin Rugova me të gjitha shqetësismet dhe problemet që ka sjellë marrëveshja ndërmjet Shkupit dhe Beogradit për kufirin për banorët e fshatit Dëbellde", tha pas takimit kryesuesi i këtij delegacioni pesanëtarësh nga ky fshat Hamdi Hasani. Ai tha se Presidenti Rugova ka përkrahur kërkesat e fshatarëve për të drejtën e tyre të plotë për pronësi, e jo vetëm për shfrytëzim, siç ofron një marrëveshje e pasuar pas shqetësimeve të fshatarëve.
I njëjti delegacion një ditë më parë është takuar edhe me kryeministrin Bajram Rexhepi, si dhe me udhëheqës të dy partive politike, LDK-së dhe AAK-së.
Presidenti Rugova dhe kryeministri Rexhepi, u kanë premtuar se zgjidhja përfundimtare e kontekstit aktual të tokave do të bëhet me zgjidhjen e statusit të Kosovës. "Ne, sipas Presidentit dhe Kryeministrit do ta kemi të zgjidhur çështjen e tokave me zgjidhjen e statusit final të Kosovës", tha Hasani.
Marrëveshja e fundit, ndërmjet zyrtarëve maqedonas dhe atyre të UNMIK-ut lejon që fshatarët të shfrytëzojnë tokat e tyre, por ata tashmë janë duke refuzuar një gjë të tillë për shkak të vështirësive që ka nxjerrë qeveria e vendit fqinjë.
Refuzimin e atij lloj dokumenti ata e kanë bërë edhe në takimin e fundit me ndërmjetësuesin Xhejms Holms për të njëjtin motiv dhe për shkak të drejtës së pronës. Sipas tyre edhe z.Holms ka pohuar që ata kanë të drejtë në kërkimin e pronës së tyre dhe në realizimin e kësaj të drejte, por në mënyrë paqësore. Një këshillë e ngjashme me atë të Presdientit Rugova, i cili i ka porositur të jenë syçelë.

Sot zhvillohet një debat për Kosovën në Kongresin amerikan

Uashington, 19 qershor - Në Komitetin e Helsinkit të Kongresit amerikan për sot pasdite është paraparë debati për Kosovën, në të cilin do të marrë pjesë edhe anëtari i Kryesisë së LDK-së dhe deputeti i Parlamentit të Kosovës, Alush Gashi, kryetarja e grupit parlamentar të koalicionit serb "Kthimi", Rada Trajkoviq dhe zëvendëskryeministri serb Nebojsha Çoviq.

Kongresistët Engel, Kirk, Robenbark dhe Keli mbështesin pavarësinë e Kosovës

Uashington, 19 qershor (QIK) - Në kuadër të programit për deputetët e Kuvendit të Kosovës ishte edhe takimi në Nënkomisionin për politikë të jashtme të Kongresit amerikan, ku morën pjesë të 30 deputetë, të cilëve iu drejtuan kongresistët demokratë dhe ata republikanë.
Kongresisti Eliot Engel, duke shprehur kënaqësinë për të arriturat në Kosovë, rikonfimoi qëndrimin e tij për mbështetje të pavarësisë së Kosovës. A tha se për arritjen e njohjes ndërkombëtare të Kosovës, është vendimtare sigurimi i të drejtave njerëzore dhe kombëtare për të gjithë qytetarët. Mbështeje për pavarësi për Kosovën demokratike dhanë edhe kongresistët Sju Keli, Kirk etj.
Ndërkaq, Nexhat Daci, kryetar i Kuvendit të Kosovës, pasi falenderoi për takimin, paraqiti të dhëna shteruese lidhur me arritjet e deritanishme dhe përkushtimin e fuqishëm për ndërtimin e institucioneve demokratike në Kosovë me garantimin e të drejtave për të gjithë qytetarët e Kosovës. Deputetja serbe, zonja Rada Trajkoviq mes tjerash tha se në Kosovën e pavarur serbët nuk do të jetojnë dhe se gjithë do ta braktisin atë.

Besiana(Podujeva) kremtoi Ditën e Lirisë

Podujevë, 19 Qershor (Sipas QIK-ut) – Qershori i vitit 1999 këtu, në Kosovë ndodhi mrekullia, ngjau kthimi i njerëzve, i jetës, i shansës për paqe në liri e mirëqenie, - theksoi kryetari i komunës së Podujevës Agim Veliu në mbledhjen solemne të Kuvendit Komunal, me rastin e 19 Qershorit – Ditës së Lirisë. Zoti Veliu tha se ndryshimet pozitive po ndodhin çdo ditë, edhe pse këto nuk bëhen shpejt as lehtë. Pasurimi i lirisë dhe pavarësia e njohja e saj janë synim i përbashkët, tha ndër të tjera kryetari i KK të Podujevës.
Në këtë mbledhje morën pjesë, pos këshilltarëve komunalë edhe udhëheqja e UNMIK-ut, përfaqësues të subjekteve politike e jopolitike, familje të dëshmorëve dhe veprimtarëve që dhanë jetën për lirinë e Kosovës dhe qytetarë të shumtë.
Duke iu drejtuar këshilltarëve dhe mysafirëve të shumtë, administratori ndërkombëtar Majkëll Verling tha se kjo mund të jetë hera e fundit që e përcjell mesazhin sepse komuna mbase nuk do të ketë nevojë për adminstrator ndërkombëtar. "Shpresoj që jeni krenarë sot dhe falënderoni Zotin. Ndryshimet sjellin paqe, kurajo për të gjithë qytetarët, paqe dhe gëzim për fëmijët tuaj", deklaroi z. Verling.
Delegacione të komunës së Podujevës vunë lule në varret e dëshmorëve: Xhemail Mustafa, Enver Maloku, Zahir Pajziti, Hakif Zejnullahu, Ali Ajeti, Mehmet Visoka, në varrin e ushtarit të KFOR-it në Lupç, në varret e familjes Bogujevci dhe tek përmendorja e dëshmorëve në Tabet e Llapashticës
Programi i sotëm festiv vazhdoi me programin kulturo-artistik dhe koncertin për të rinj.

Beogradi dhe Tirana avancojnë marrëdhëniet diplomatike

Beograd, 19 qershor – Beogradi dhe Tirana tashmë i konsiderojnë të ngarkuarit me punë - ambasadorë, ndërsa emrat e tyre janë çështje formale, - thanë të martën në Beograd, ministrat e punëve të jashtme të RFJ-së dhe të Shqipërisë, Goran Sivilanoviq dhe Arta Dade, duke iu përgjegjur pyetjeve të gazetarëve se, kur do të avancohen marrëdhëniet diplomatike në mes të dy vendeve në nivel ambasade. Svilanoviqi vlerësoi se rivendosja e marrëdhënieve diplomatike në mes të Beogradit dhe të Tiranës ka kaluar një rrugë e gjatë dhe ka shprehur kënaqësinë për punën e bërë. Jugosllavia dhe Shqipëria në këtë moment po bisedojnë për arritjen e marrëveshjes për tregti të lirë në komunikacionin rrugor dhe heqjen e vizave diplomatike dhe vizave zyrtare, tha ai, duke shtuar se të dy vendet janë veçanërisht të interesuara të avancojnë bashkëpunimin në kundërvënie ndaj kontrabandës dhe tregtisë ilegale me njerëz, narkotikë dhe alkool.

Shqipëria do të përfitojë 180 milionë euro në vit nga rruga Durrës-Kukës

TIRANE, 19 qershor - Ndërtimi i rrugës së re Durrës Kukës, sipas standarteve europiane, do t’i sillte Shqipërisë rreth 150 milionë euro në vit, si të ardhura nga turizmi dhe buxhetit të shtetit rreth 30 milionë euro në formën e Tatimit mbi Fitimin dhe TVSH-së. Të mirat materiale që do të sjellë ndërtimi i lidhjes së re ndërmjet Shqipërisë dhe Kosovës, janë shqyrtuar dje gjatë një konference të posaçshme për rrugën Durrës-Kukës të zhvilluar në Tiranë me inicimin e Kryeministrit Pandeli Majko, ku mori pjesë edhe presidenti Meidani dhe personalitete të tjera të politikës dhe ekspertëve nga Prishtina e Tirana. ”Tregu kosovar gjeneron rreth 700 mijë pushues në vit, nga të cilët vetëm 1/3 mund të vijnë në Shqipëri” tha ministri i Rregullimit të Territorit dhe Turizmit Fatmir Xhafa , sipas të cilit, arsye kryesore e kësaj ndarje është pikërisht rruga shumë e vështirë nga Kosova në Drejtim të Durrësit, e cila aktualisht bëhet për reth 8 orë dhe me një shpejtësi me jo më shumë se 20-25 kilometër në orë. Sipas të dhënave, që ai disponon, rezulton se, nga Kosova do të shkojnë për pushime në Malin e Zi rreth 300 mijë pushues dhe në Maqedoni rreth 100 mijë, ku shumicës së tyre për të arritur në këto vende nuk u duhet më shumë se 5-6 orë për në distinacion. Këto argumeta dhe të tjera që kanë të bëjnë kryesisht me zhvillimin ekonomik në zonën verilindore kanë mjaftuar për të argumentuar ndërtimin e një lidhje të re, e cila sipas një projekti parafizibiliteti të prezantuar nga shoqata e Ingjinierëve Konsulentë Shqiptare, shkurton rrugën ndërmjet Durrësit dhe Kukësit vetëm për dy orë, ndërsa shpejtësia e qarkullimit të automjeteve mund të shkojë deri në 80 kilometër në orë. Ministri Kosovar i Transportit dhe Telekomunikimit Zef Morina, tha se ”Ndërtimi i rrugës ti autostradë do të nxiste interesat edhe të Serbisë, Bullgarisë, Rumanisë, për daljen në Mesdhe”. Ndërsa përsa i përket aspektit financiar ministri i Financave Kastriot Islami tha se taksa e re e vënë për ndërtimin e Rrugës Durrës -Kukës do të ktijojë të ardhura vjetore rreth 3,5 miliardë lekë në vit, prej së cilës pritet të sigurohet gjysma e financimit për veprën e re. Pas vitit 2004, tha Islami, punimet e metëjshme pritet të financohen nga donatorët. Banka Botërore ka premtuar se në vitin 2004 do të kontribuojë me 20 milionë dollarë amerikanë. Ndërsa Drejtoresha e Përgjithshme e Rrugëve të Kosvës Katjushka Jashari, tha se përgjatë Kosovës rruga mendohet të vijojë në një trase të re, ku do të mbahet parasysh zhvillimi i ardhshëm ekonomik i Kosovës dhe integrimi i saj rajonal. Jashari dhe ekspertë të tjerë shqiptare kanë propozuar ngritjen e një grupi teknik të përbashkët nga Kosova dhe Shqipëria, nga të cilët do të moniturohet i gjithë proçesi i ndërtimit të veprës së re, nga e cila pritet që Shqipëria dhe Kosova të kenë përfitime ekonomike të mëdha.

E marte,18 qershor 2002

N. Kandiq: Policia serbe e di se ku gjenden eshtrat e shqiptarëve të Kosovës

Beograd, 18 qershor - Drejtoresha e Fondit për të Drejtën Humanitare me seli në Beograd, Natash Kandiq i deklaroi një radio lokale në Beograd se policia disponon të dhënat se ku gjenden eshtrat e shqiptarëve të Kosovës dhe në të cilat vende janë ndodhen ato. Sipas saj edhe varrezat e zbuluara deri më tash japin mjaft të dhëna se organet kompetente serbe kanë mundur të paraqesin fakte të sigurta dhe të pakontestueshme. Shumë kufoma janë transportuar nga lokacionet e Mejës, Gjakovës dhe Suharekës, tha Natasha Kandiq. Ajo thotë se në ato varreza gjenden edhe eshtrat e atyre 68 njerëzve të vrarë në Vushtrri. Kandiq thekson se disa qarqe të Ministrisë së Brendshme të Serbisë i dijnë të gjitha hollësitë se kush i ka dhënë urdhërat për transportimin e kufomave të shqiptarëve nga Kosova në Serbi.
Poashtu dihet se ku gjenden eshtrat e 82 kufomave të transportura nga varrezat publike të Pejës, me urdhërin e kujt janë transportuar dhe kush e ka dhënë këtë urdhër nga Beogradi, tha ndër tjera, Natasha Kandiq.

Policia e UNMIK-ut arreston 4 oficerë të TMK: Kanë kryer krime kundër shqiptarëve më 1999

PRISHTINE, 18 qershor - Policia e UNMIK-ut ka ndërmarrë sot një operacion kontrolli në Prishtinë. Policia ka njoftuar se operacioni ka të bëjë me hetimet për krime, ndërsa nga ana tjetër, Zona e Tretë e Trupave Mbrojtëse të Kosovës ka njoftuar se janë arrestuar katër pjesëtarë të këtyre trupave. Vetëm në orët e pasdites policia e UNMIK-ut njoftoi se në operacionin e sotëm janë arrestuar 4 persona të dyshimtë për kryerjen e krimeve serioze kundër shqiptarëve gjatë qershorit të vitit 1999. Sipas zëdhënësit të policisë, Derek Çapell, krimet janë kryer në zona të ndryshme të Kosovës dhe të gjitha viktimat konsiderohen të zhdukur. "Arrestimi i tyre është bërë me kërkesën e një prokurori publik ndërkombëtar", tha Çapell. Forca të mëdha të policisë, përfshirë edhe njësitë speciale, kanë ndërmarrë një operacion në Prishtinë, duke bllokuar disa orë rrugën përballë Pallatit të Rinisë e deri te ndërtesa e policisë. Fillimisht Çapell kishte njoftuar se operacioni i madh kishte të bënte me hetimin e krimeve, por nuk kishte dhënë asnjë hollësi pa përfunduar operacioni. “Ky është një operacion për hetimin e krimeve. Për këtë arsye nuk mund të them asgjë në këtë moment, sepse do të ndikonte në suksesin e operacionit dhe sjelljen e njerëzve para drejtësisë”, tha Çapell. Nga ana tjetër, Zyra për Informim publik e Zonës së Tretë të Mbrojtjes në Pejë njofton se policia e UNMIK-ut i ka arrestuar 4 pjesëtarë të Trupave Mbrojtëse të Kosovës; oficerin e lidhjes në Shtabin e Përgjithshëm, kolonel Lahi Brahimaj, oficerin e lidhjes me policinë e UNMIK-ut në Zonën e Tretë të Mbrojtjes majorin Sadik Çeku, zëvendëskommandantin e Batalionit Gardist në Zonën e Tretë të Mbrojtjes, majorin Idriz Balaj dhe pjesëtarin e Trupave Mbrojtëse të Kosovës, Beklim Zekaj. Në njoftim bëhet e ditur se të arrestuarit janë keqtrajtuar nga policia e UNMIK-ut. Në njoftimin e TMK-së thuhet po ashtu se eprorët Lahi Brahimaj e Sadik Çeku janë liruar nga arresti pas mbi dy orësh, kurse për dy të arrestuarit tjerë nuk ka njoftime nëse janë liruar apo vazhdojnë të mbahen në arrest. Lidhur me këtë, zëdhënësi i policisë Derek Çapell as nuk e pohoi, as nuk e përgënjeshtroi njoftimin e Trupave Mbrojtëse të Kosovës.

Bashkimi Evropian u rekomandan parlamentarëve kosovarë të fokusohen në ekonominë dhe në sundimin e ligjit

Luksemburg, 18 qershor - Ministrat e jashtëm të BE-së kanë hedhur poshtë Rezolutën e Parlamentit të Kosovës për rishqyrtimin e Marrëveshjes së kufirit midis Kosovës dhe Maqedonisë pas anulimit të saj nga administrata e OKB-së. Ministrat e BE-së u rekomanduan ligjvënësve kosovarë që më shumë të përqëndrohen në forcimin e pushtetit dhe përmirësimit të gjendjes ekonomike se sa të kalojnë kohën në rishqyrtimin e kufijve.
Ministrat e BE-së kanë kërkuar nga autoritetet e UNMIK-ut dhe të Shkupit t'u japin rrugëzgjidhje problemeve që u janë shkaktuar banorëve vendorë nga kjo marrëveshje.

B.Rexhepi: Prioritetet e Qeverisë së Kosovës - paraqitja e ligjeve në Parlament

Prishtinë, 18 qershor (QIK) - Me rastin e 100 ditëve të para të krijimit të Qeverisë së Kosovës, kryeministri Bajram Rexhepi organizoi një takim me gazetarët. Ai me këtë rast paraqiti një ekspoze, duke thënë që në fillim se "nuk kemi premtuar afate të caktuara në 100 ditëshin e qeverisë dhe nuk kemi pasur kërkesa nga Parlamenti që të dalim me një punë 100 ditëshe". Megjithatë, sipas tij për shkak të interesimit të mediave, qeveria po prononcohet për punën e saj gjatë kësaj periudhe.
"Qeveria që nga fillimi është ballafaquar me probleme të shumta si me akomodimin, ende nuk kemi hapësirë të mjaftueshme për kryeministrin dhe ministritë. Rekrutimi i stafit është bërë vetëm 20-30 për qind", tha Bajram Rexhepi. Ndërkaq, rekrutimi komplet, tha ai, do të bëhet pas dy-tre muajsh. Kryeministri theksoi se Kosova ka përfaqësuesin e vet në Paktin e Stabilitetit, të cilën e vlerësoi të arritur të madhe, pastaj sipas tij më kërkesën e qeverisë është bërë hapja e Zyrës së Fondit Monetar Ndërkombëtar gjatë vizitës në SHBA, është caktuar edhe personi. Ai theksoi në vazhdim se qeveria ka vendosur bashkëpunim edhe me qeveritë lokale të komunave dhe për integrimin e minoriteteve, ku komunat do ta marrin një pjesë të pëgjegjësisë.
Më tutje z.Rexhepi tha se gjatë procesit të amnestisë për dorëzimin e armëve të cilën e ka aprovuar KFOR-i, është përkrahur kjo iniciativë, sepse armët në duart e gabueshme janë shumë të rrezikshme.
Duke e përmendur Mitrovicën e ndarë kryeministri tha se Qeveria ka paraqitur një projektstrategji, që të merret në shqyrtim si një pikënisje nga UNMIK-u, KFOR-i dhe Parlamenti. Ndërkaq, për të zhdukurit, të burgosurit, ai tha se ka pasur kontakte të vazhdueshme me zyrtarë ndërkombëtarë për të zgjedhur këtë problem. "Një rezolutë për komunitetet e kemi paraqitur në Parlament, por në Parlament kjo rezlutë nuk ka dalë", tha ai në vazhdim.
Për korrupsionin, krimin e organizuar e prostitucionin ai tha se ndonëse nuk është në kompetencë të qeverisë, ajo ka deklaruar se do t'u kundërvihet këtyre dukurive. Ai e vlerësoi të suksesshme vizitën në SHBA, në Shqipëri, e Zvicër, ku u takua me biznismenë dhe me ministrin zviceranë të Punëve të Jashme Xhozef Dajsi. Rexhepi foli edhe për Agjencinë e Mirëbesimit dhe tha se qeveria ka pasur vërejtje, të cilat i ka sublimuar në gjashtë pika prej të cilave tri janë pranuar plotësisht dhe tri pjesërisht. Rexhepi tha se qeveria ka kontribuar që imazhi i Kosovës të përmirësohet shumë. "Një numër i madh i projektligjeve janë dorëzuar ose janë në dorëzim e sipër dhe në fazën përfundimtare të përpilimit", tha ai dhe përmendi ligjet që janë dërguar në Parlament, tha ndër të tjerat kryeministri i Kosovës Bajram Rexhepi në takimin e sotëm me gazetarë.

Rexhepi: Në 100 ditë qeverisje kemi pasur sukses; ja arritjet dhe vështirësitë tona

PRISHTINE, 18 qershor - Kryeministri Bajram Rexhepi 100 ditët e para të qeverisë së tij i vlerësoi sot si të suksesshme, por tha se gjatë kësaj periudhe ka pasur edhe probleme. Sipas tij, deri në fund të këtij viti pritet që qeveria ta kryejë punën e vet edhe në rajonet ku deri më tash kanë funksionuar struktura paralele. 100 ditët e para, Rexhepi i vlerësoi si jo të lehta, por megjithatë si të suskesshme. Ai vlerësoi si arritje të madhe përfaqësimin e Kosovës në Paktin e Stabilitetit si dhe inicimin e hapjes së zyrës së Fondit Monetar Ndërkombëtar, që së shpejti pritet të ndodhë. Një nga progreset e arritura gjatë kësaj periudhe, kryeministri i Kosovës, veçoi edhe themelimin e Agjencisë Kosovare të Mirëbesimit, ku sipas Rexhepit disa nga sygjerimet e qeverisë në lidhje me këtë çështje, janë marrë parasysh nga zyrtarë të UNMIK-ut. Vizita në Shtetet e Bashkuara të Amerikës sipas kryeministrit Rexhepi u vlerësua si ngjarje histroike për qeverinë e Kosovës. Ai tha se është me rëndësi që në takimet që ka pasur me sekretarin e Shtetit, Kolin Pauell dhe zyrtarë tjerë të qeverisë amerikane, Kosova është mbështetur në të gjitha fushat e jetës. Ai tha se qeveria e Kosovës gjithashu ka filluar përgatitjet për përbushjen e obligimeve para se të fillojnë bisedimet për statusin final të Kosovës. Rexhepi megjithatë tha se gjatë qeverisjes 100 ditëshe janë paraqitur edhe probleme të cilat ai më shumë i quajti administrative. Si problem tjetër ai theksoi edhe mosshtrirjen e kompetencave të qeverisë nëpër enklavat serbe. Rexhepi tha se shpreson që Kuvendi i Kosovës së shpejti t'i miratojë projekt-ligjet e propozuara nga qeveria që kanë të bëjnë me pensionet, me arsimin, me buxhetin dhe çëahtje të tjera.

Shtajner nesër në Beograd, në mbledhjen e ministrave të jashtëm të Evropës Juglindore

PRISHTINE, 18 qershor - Kryeadministratori i Kosovës Mihael Shtajner do të marrë pjesë në mbledhjen e ministrave të jashtëm të Evropës Juglindore, që do të mbahet nesër në Beograd, u bë e ditur në konferencën e sotme për gazetarë të mekanizmave ndërkombëtarë. “Ai gjithashtu do të ketë takime të ndara edhe me ministren e jashtme të Shqipërisë dhe me ministrin e jashtëm të Jugosllavisë. Takimi i ministrave të jashtëm të Evropës Juglindore ka për qëllim procesin e bashkëpunimit. Takimi i fundit ishte në Tiranë marsin e kaluar”, tha zëdhënsja e UNMIK-ut Suzan Manuel. Nga ana tjetër, zëdhënësi i KFOR-it Dru Anderson dha një pasqyrë të aktiviteteve të KFOR-it në 3 vjetët e fundit. “Që nga arritja e KFOR-it kanë shërbyer 290 mijë e 700 ushtarë . Kemi ndërmarrë 3100 operacione rrethimi dhe kontrollimi. Veç kësaj, vetëm në 18 muajt e fundit janë shkatërruar 124 mijë armë”, tha Anderson. Edhe policia e UNMIK-ut njoftoi se java e shkuar ka qenë mjaft e qetë, që dëshmon se situata e sigurisë po stabilizohet vazhdimisht.

Dr. Alush Gashi ka dëshmuar para Komisionit amerikan për Siguri dhe Bashkëpunim në Evropë

Uashington, 18 qershor - Deputeti i Kuvendit të Kosovës, dr. Alush Gashi është pritur në Komisionin amerikn për Siguri dhe bashkëpunim në Evropë, ku ka paraqitur një fjalë për të arriturat në Kosovë pas luftës, me theks të posaçëm në realizimin e të drejtave të minoriteteve.
Kosova, ka thënë z. Gashi me këtë rast, ka mbajtur zgjedhjet demokratike vendore dhe nacionale të Kosovës dhe ka formuar institucionet. Tash Kosova ka Parlamentin, Presidentin dhe Qeverinë, të cilat po punojnë së bashku me bashkësinë ndërkombëtare që të integrojnë Kosovën në Bashkimin Evropian dhe në NATO.
Me Kornizën Kushtetuese të Kosovës, ka vazhduar ai, janë garantuar të drejtat njerëzore dhe kombëtare të minoriteteve dhe në pajtim me të, ato marrin pjesë në të gjitha nivelet e qeverisjes së Kosovës.
Kështu, minoritetet, ka thënë z. Gashi, marrin pjesë me 35 deputetë në Parlamentin 120-anëtarësh, në Kryesinë e Parlamentit marrin pjesë me dy anëtarë dhe po kështu marrin pjesë edhe në komisionet parlamentare.
Ndërkaq, në qeveri, minoritet marrin pjesë me me dy poste ministrish, kurse pjesëmarrja e tyre është adekuate edhe në Shërbimin Policor të Kosovës dhe në Trupat Mbrojtëse të Kosovës. Veçanërisht, minoriteti serb i ka përfqësuesit e vet në të gjitha nivelet e qeverisjes së Kosovës, ka theksuar z. Gashi.
Pjesa dërrmuese e qytetarëve të Kosovës po punojnë shumë dhe zellshëm që Kosova të jetë demokratike, e pavarur dhe shumëkombëshe dhe me vendin e saj në Kombet e Bashkuara. Ekziston bindja e fuqishme se pavarësia e Kosovës është faktor stabiliteti, ka thënë z. Gashi në fund të observimeve të veta para këtij organi të lartë të shtetit amerikan.

Kongresisti Tom Lantosh thotë se Kosova duhet të pavarësohet sa më shpejtë me qëllim të stabilizimit të rajonit

Çikago, 18 qershor (QIK) - Kryesia e Komunitetit Shqiptaro-Amerikan me seli në Çikago (SHBA) u takua me kongresistin e Kalifornisë, mikun e madh të shqiptarëve z.Tom Lantosh dhe bijen e tij Ketrin, e cila është kandidate serioze për t'u zgjedhur anëtare e re e Kongresit.
Gjatë bisedës së përzemërt e miqësore z. Lantosh u paraqit si përkrahës i madh i çështjes shqiptare në përgjithësi dhe si përkrahës këmbëngulës i pavarësisë së Kosovës. Tom Lantosh theksoi se Kosova duhet të pavarësohet sa më shpejtë me qëllim të stabilizimit të rajonit.
Ilaz Kadriu, kryetar i degës së LDK-së në Çikago, e njoftoi kongresistin Lantosh me rezultatet e Kuvendit IV të LDK-së dhe të rizgjedhjes së Dr.Ibrahim Rugovës, kryetar i LDK-së, si dhe me arritjet pozitive që janë bërë në Kosovën e pasluftës, sidomos pas krijimit te institucioneve demokratike ne nivel lokal e qendror.
Në emër të Kryesisë, z. Ilaz Kadriu propozoi që kongresisti Tom Lantos të jetë shefi i projektit të një rezolute në kongres për pavarësimin e Kosoves, gjë të cilën ai e pranoi me kënaqësi. Poashtu z.Kadriu tha se është koha që të krijohet një klimë e përshtatshme për njohjen formale të pavarësisë së Kosovës. Meqë kjo çështje është aq e madhe, prandaj shqiptarët presin ndihmën e madhe të Amerikës. Me këtë u pajtua edhe kongresisti Lantosh dhe premtoi se në një të ardhme të shpejtë do të kontaktojë kongresistët: Hajdi, Engel, Kirk dhe përkrahës të tjerë të çështjes së Kosovës dhe do të fillojë të hartojë dhe të paraqesë në Kongres rezolutën për pavarësinë e Kosovës.

Ministri Krasniqi: Në fund të tetorit do të fillojnë të jepen patentat e reja për shoferët

PRISHTINE, 18 qershor - Ministri i Shërbimeve Publike, Jakup Krasniqi paralajmëroi sot në një takim me kreyministrin Bajram Rexhepiu, se në fund të tetorit ose gjatë muajit nëntor do të fillojnë të jepen patentat e reja për shoferët. Në vazhdën e vizitave në ministritë e qeverisë së Kosovës, Rexhepi vizitoi Ministrinë e Shërbimeve Publike, ku u takua me ministrin Krasniqi si dhe me drejtuesit e departamenteve dhe të agjencive që veprojnë në kuadër të kësaj ministrie. Kryeministri Rexhepi e çmoi lartë punën e deritashme të Ministrisë së Shërbimeve Publike dhe inkurajoi drejtuesit e saj për punë në shërbim të qytetarëve edhe në të ardhmen. Ndërkohë Ministri i Shërbimeve Publike, Jakup Krasniqi u zotua për ndërtimin e një administrate profesionale, që do të dijë ta respektojë ligjin dhe që të jetë në shërbim të qytetarëve. Çështja e regjistrimit të përgjithshëm të popullsisë dhe të ekonomive familjare në Kosovë që u inicua nga kryetari i Entit të Statistikave të Kosovës Hashim Rexhepi zuri pjesën më të madhe të takimit të kryeministrit në kwtw ministri, i cili statistikat i quajti si dritare e punës së çdo institucioni. “Çështja e regjistrimit të popullsisë do ta ketë përkahjen e plotë të qeverisë, mirëpo duhet të harmonizohet me zyrën për legjislacion të UNMIK-ut, sepse kjo çështje sa i përket pronës individuale prekë në të drejtën e rezervuar të Përfaqësuesit Special të Sekretarit të Përgjithshëm të OKB-së në Kosovë, prandaj për shkaqet politike hezitohet që tash të merret një vendim i tillë”, tha Rexhepi. Ai u shpreh se është koha optimale për t'u bërë një regjistrim i mirëfilltë legal, me qëllim që të dihen të gjitha të dhënat mbi popullsinë dhe të mos spekulohet me numra, “sepse për më shumë se 20 vjet në Kosovë nuk është bërë regjistrimi i përgjithshëm i popullsisë”.

Mbyllen autoparkingjet e paligjshme në Prishtinë

PRISHTINE, 18 qershor - Në Prishtinë vazhdoi sot aksioni për mbylljen e autoparkingjeve pa leje. Zyrtarët komunalë thonë se brenda një jave do të mbyllne të gjitha autuparkingjet jolegale në kryeqytet. Zëdhënësi i Kuvendit Komunal të Prishtinës Veli Bytyçi thotë se gjatë ditës së sotme do të mbyllen edhe katër autoparkingje të tjera. Sipas tij, në Prishtinë janë të evidencuara 13 autoparkingje pa dokumentacion përkatës. Ndërsa zëdhënësi i Kuvendit Komunal të Prishtinës bëri të ditur se brenda një jave priten të mbyllen të gjitha autoparkingjet e paligjshme në kryeqytet.

E hënë,17 qershor 2002

LPK-ja kritikon nënshkrimin e Rregullores për themelimin e Agjencisë së Mirëbesimit të Kosovës
Prishtinë, 17 qershor 2002- Qeveria e Kosovës nuk është dashur të betohet para organeve që nuk e kanë zgjedhur atë, thuhet në një komunikatë për media të Lëvizjes Popullore të Kosovës (LPK). LPK thotë se Qeveria e Kosovës është dashur të betohet para organit që e ka zgjedhur atë, d.m.th. para atyre që janë zgjedhur me votën e lirë të popullit. Qeveria me këtë rast ka shkelur vullnetin e parlamentarëve dhe të elektoratit të Kosovës, të cilët ishin shprehur kundër kërkesës së Shtajnerit që qeveria të bëjë betimin para tij. Bazuar në veprimet e deritashme s’ka dyshim se UNMIK-u Qeverinë po e përdor si dekor për të realizuar qëllimet e veta. LPK-ja ka kritikuar edhe nënshkrimin e Rregullores për themelimin e Agjencisë së Mirëbesimit të Kosovës, sepse, sipas saj, procesi i privatizimit do të dëmtojë rëndë ekonominë kosovare, e sidomos punëtorinë e cila duhet të jetë bashkëpjesëmarrëse në këtë proces. LPK-ja ka mbështetur, ndërkaq, grevën e urisë së familjarëve të të zhdukurve dhe ka kërkuar nga institucionet ndërkombëtare dhe vendore që të përshpejtojnë procesin e ndriçimit të fatit të të zhdukurve.
OKB-ja është në gjendje që t'ia kalojë gradualisht kompetencat qeverisë së Kosovës nën presidentin Ibrahim Rugova
Berlin, 17 qershor 2002-Qiku-u njofton se administratori i OKB-së në Kosovë Mihael Shtajner në një intervistë për mediat gjermane u shpreh dje se sheh të ketë ndryshim të klimës politike mes shqiptarëve dhe serbëve në Kosovë. Ai i ka deklaruar një radioje gjermane se ndërkohë kosovarët e kanë kuptuar se rruga për në Evropë kalon nëpërmjet një Kosove multietnike. Sipas tij aktualisht është rritur ndjeshëm gatishmëria për të mundësuar kthimin e serbëve dhe pakicave të tjera etnike në Kosovë. Shtajner e përjashton në mënyrë kategorike opcionin e ndarjes së Kosovës.
Administratori Shtajner e vlerëson si një arritje të rëndësishme faktin që në policinë e Kosovës janë pranuar edhe serbë.
Kreu i administratës ndërkombëtare në Kosovës deklaroi gjithashtu se tashmë OKB-ja është në gjendje që t'ia kalojë gradualisht kompetencat qeverisë së Kosovës nën presidentin Ibrahim Rugova
Nesër hapet ekspozita "Rindërtimi i pesë kullave"
Prishtinë, 17 qershor 2002 - Nesër në orën 19,00 në Muzeun e Kosovës, Ministria e Kulturës dhe OJQ-ja suedeze, "Trashëgimia Kulturore pa kufij" (CHËB) organizojnë ekspozitën "Rindërtimi i pesë kullave", ku do të shihet ses si të pesë kullat, e shekullit XVIII dhe XIX , po rindërtohen dhe po restaurohen. Do të ekspozohet modeli i një kulle, si edhe punimet arkitekturale, fotografi dhe xhirime nga procesi i rindërtimit. Në hapjen e ekpozitës do të flasë ministri i Kulturës, Behxhet Brajshori, Dik Sandberg (Dick Sandberg) përfaqësues i organizatës "Trashëgimia kulturore pa kufij", dhe Tieri Bernard Gel (Thierry Bernard-Guele), kryesues i eperiacioneve në Agjencinë Evropiane për Rindërtim.br> Agjencia Evropiane për Rindërtim ka ndarë rreth 600,000 euro nga fondet e BE-së për restaurimin e këtyre pesë kullave.
Poashtu edhe Agjencia Suedeze për Zhvillim (SIDA) ka kontribuar me fondet e saja në këtë projekt. Nga pesë kullat që po rindërtohen me fondet e BE-së, njëra gjendet në komunën e Pejës dhe katër të tjera në komunën e Deçanit.
Këshilltari i Shtajnerit thotë se së shpejti pritet kthimi masiv i serbëve në Kosovë
Prishtinë, 17 qershor 2002- Këshilltari në kabinetin e Mihail Shtajnerit, Nenad Radosavleviq, deklaroi se së shpejti pret kthimin masiv të serbëve në Kosovë. "Është me rëndësi që të punojmë me Qendrën koordinuese për kthimin e të shpërngulurve", ka thëmnë ai, duke shtuar se ata jetojnë në kushte të rënda, ndërsa sipas tij kthimi i disa mijëra serbëve është simbolik.
Ndërkaq, siç njoftohet jozyrtarisht policia e OKB-së, në prani të KFOR-it, sot po i zbraz dhe po i vulos banesat serbe në lagjen universitare në Prishtinë. thuhet se në 57 banesat e profesorëve e serbë do të vendosen familjet e pastrehë nga Prishtina.
E shtune,15 qershor 2002
Afrim Zeqiri u shpallë i pafajshëm
Prishtinë, 15 qershor 2002- Afrim Zeqiri nga Cërnica e komunës së Gjilanit, ka dalë i lirë nga salla e gjyqit në Gjilan. Disa minuta përpara, Kolegji i gjyqit të qarkut, i udhëhequr nga ndërkombëtari, Van Njuzen, e ka deklaruar pafajësinë e Afrim Zeqirin, nga akuza për vrasjen e tre serbëve lokalë, më 28 maj 2000, të përfaqësuar nga prokurori Majkëll Hartman. Në arsyetimin e shkurtër, Njuzen tha se dëshmitë dhe faktet e shtjelluara, nuk u provuan fajësinë e të akuzuarit. Për hipotekën që familja Zeqiri e ka vënë në gjyq, si dorëzanësi për lirim nga paraburgimi të Afrimit, do të merret një vendim i veçantë, më vonë, pasi gjykimi të bëhet i plotfuqishëm.
Afrim Zeqiri ishte paraburgosur më 29 maj të vitit 2000, një ditë pas ngjarjes në Cërnicë, kur kishte shkuar me vullnetin e tij për të mësuar përse po kërkohej nga policia dhe gjithmonë kishte mohuar fajësinë. Pavarësisht nga kjo, Afrim Zeqiri do të mbetet si një rast i veçantë në gjyqësinë kosovare, për arsye se disa here iu vazhdua arresti me vendim të administratorëve të Kosovës, Bernard Kushner dhe më vonë dhe Hans Hekerup.(njoftim i Qiku-ut)
Mihael Shtajner shpalos strategjinë për zgjidhjen e problemit të Mitrovicës
Prishtinë, 15 qershor - Mihael Shtajner shpalos strategjinë për zgjidhjen e problemit të Mitrovicës, duke veçuar idenë e tij për zero tolerancë ndaj krimit të organizuar në Kosovë. Në një bisedë të gjatë në BBC-së duke u përgjigjur se cila është strategjia e tij për zgjidhjen e problemit të Mitrovicës, shefi i Misionit të OKB-së në Kosovë Mihael Shtajner tha se duhet të shkohet drejt synimit për një Kosovë shumetnike. "Nëse duam të kemi një Kosovë shumetnike ne duhet të kemi edhe të kthyerit", tha Shtajner dhe theksoi se, "nëse duam të kemi kthimin e të zhvendosurve, ndarja e Kosovës është e pamundshme, sepse nëse kemi ndarje si zgjidhje do të kemi një etnicitet". Pra, thotë administratori i Kosovës se është e pashmangshme të ketë përparim në Mitrovicë dhe jo vetëm atje dhe veçoi disa pika të strategjisë së tij për këtë problem. Ai tha se është e domosdoshme vendosja e policisë së rregullt në Mitrovicë, duke pohuar se serbët vendorë duhet t'i bashkohen Shërbimit Policor të Kosovës dhe se duhet të hiqen strukturat paralele në Mitrovicë, tha Shtajner.

Shtajner në përurimin e Bankës Amerikane në Zveçan: Serbët të integrohen në shoqëri

PRISHTINE, 15 qershor - Kryeadministratori i Kosovës, Mihael Shtajner ka vazhduar sot përpjekjet që t'i bindë serbët e pjesës veriore të Kosovës që të integrohen në shoqërinë kosovare. Në Zveçan, ku ende përdoret edhe dinari jugosllav, Shtajner ka marrë pjesë sot në përurimin e filialit të Bankës Amerikane të Kosovës. Ndërkohë, në një intervistë për BBC-në, Shtajner ka shpalosur strategjinë për zgjidhjen e problemit të Mitrovicës. Shtajner ka theksuar se është e pashmangshme të ketë përparim në Mitrovicë. Ai ka thënë se në Mitrovicë është e domosdoshme vendosja e policisë së rregullt dhe ka shtuar se serbët vendorë duhet t'i bashkohen Shërbimit Policor të Kosovës dhe të hiqen strukturat paralele.

Hapet pishina në Gërmi: Këtë vit më shumë shërbime për qytetarët e Prishtinës

PRISHTINE, 15 qeshor - Sot u bë hapja e pishinës në Gërmi. Hapjen e bëri zëvendësadministratori i komunës së Prishtinës, Dimiter Bozhidajev. Drejtori i pishinës, Sherif Rexha tha se vizitorëve do t'u ofrohen sivjet shërbime shumë më të mira se vitin e kaluar. “Kjo pishinë është i vetmi oaz ku qytetarët e Prishtinës si dhe ata të qendrave të tjera të Kosovës, mund t'i kalojnë ditët me vapë”, tha drejtori Rexha. Ai shtoi se këtë vit janë bërë përgatitjet e duhura për një shërbim sa më cilësor për qytetarët. “Mirëpo, duke pas parasysh numrin e madh të banorëve të Prishtinës, kjo pishinë nuk mund t'i përmbushë në tërësi nevojat e qytetarëve”, vlerësoi Rexha. Gjatë dy viteve të kaluara, Bashkimi Evropian ka investuar 250 mijë euro për rregullimin e kësaj pishine. Ndërsa këtë vit nga mjetet vetanake janë bërë investime në vlerë prej 35 mijë euro.

Kryeministri Majko niset për një vizitë në Maqedoni, takim me Trajkovskin

TIRANE, 15 qershor - Kryeministri Pandeli Majko u nis sot për në Maqedoni, ku do të zhvillojë një vizitë me ftesë të Presidentit maqedonas, Boris Trajkovski. Konfirmimi vjen nga Departamenti i Informacionit pranë Këshillit të Ministrave. Majko zhvilloi sot një vizitë në qytetin juglindor të Korçës, ku inaguroi përfundimin e punimeve në një nënstacion elektrik. Sipas burimit të mësipërm, pas inagurimit të këtij nënstacioni, Kryeministri Majko u nis për në qytetin e Ohrit, ku pritet të zhvillojë edhe takimet e tij. Në njoftimin e Departamentit të Informacionit pranë Këshillit të Ministrave nuk jepej ndonjë informacion më i hollësishëm rreth axhendës së takimeve të Kryeministrit dhe kohëzgjatjes së vizitës së tij.

Të reja nga rajoni

SHBA do të kushtëzojë ndihmat për Beogradin: Të kërkuarit s'janë dorëzuar

BEOGRAD, 15 qershor - Funksionari i Departamentit amerikan të Shtetit i ngarkuar për çështjet e krimeve të luftës, Pjer-Risar Prosper paralajmëroi dje në një takim me Presidentin jugosllav, Vojisllav Koshtunicën, "për rrezikun real" që Kongresi i SHBA në vjeshtë ta miratojë ligjin e ri për kushtëzimin e ndihmës së SHBA ndaj Jugosllavisë. "Problem i veçantë për administratën e SHBA është fakti që disa emra të rëndësishëm nga aktakuza e Hagës edhe më tutje janë në liri, sidomos duke e theksuar me këtë rast ish-komandantin e Ushtrisë së Republikës Serbe, Ratko Mladiç", u shpreh Prosper. Ndërkohë Presidenti Koshtunica e cilësoi problemin e drejtësisë së Gjykatës së Hagës, duke e mbështetur këtë me faktin se, përveç në palën serbe, në asnjë anë tjetër nuk janë ngritur aktakuza kundër funksionarëve të lartë politikë ose komandantëve ushtarakë, të cilët padyshim kanë ndikuar në ngjarjet e luftës, si edhe që nga pala shqiptare nuk është akuzuar asnjëri.

Gjykata e Hagës: Do të hapen procese edhe kundër 100 personave të tjerë për krime lufte

BEOGRAD, 15 qershor - Zëvëndësprokurori i Gjykatës Ndërkombëtare të Kombeve të Bashkuara për Krimet e Luftës bëri të ditur dje se planifikohej të hapej proces edhe ndaj 100 vetave të tjerë lidhur me masakrat e kryera gjatë luftrave ballkanike të dekadës që kaloi. Gjykata ka akuzuar publikisht 119 veta deri tani por 23 prej tyre ndodhen ende në gjendje të lirë, duke përfshirë liderin e serbëve të Bosnjës, Radovan Karaxhiç dhe komandantin e tij ushtarak, Ratko Mladiç, dy nga njerëzit më të kërkuar në botë. Graham Blewitt, zëvëndësprokuror i Gjykatës ndërkombëtare të Krimeve të Luftës për ish-Jugosllavinë tha se pritej që të lëshoheshin 35 urdhërarreste të tjerë duke përfshirë 100 persona deri në vitin 2004. "Pjesa më e madhe e këtyre 100 të akuzuarve lidhen kryesisht me krimet e kryera në Bosnjë", tha Bleëitt gjatë një konference të organizuar nga Organizata për Sigurim dhe Bashkëpunim në Europë (OSBE) lidhur me gjyqet për krime të luftës të kryera në Serbi dhe në Malin e Zi. Zyrtari amerikan për çështjen e krimeve të luftës, Pjer-Rishar Prosper, e ka njoftuar presidentin jugosllav, Vojisllav Koshtunica se ekziston mundësia që Kongresi Amerikan ta kushtëzojë sërish dhënien e ndihmave për Jugosllavinë me bashkëpunimin me Tribunalin e Hagës. Prosper ka theksuar se disa persona shumë të kërkuar nga Tribunali ende gjenden në liri.

Shtypi italian: Millosheviçi me 650 milionë euro bleu armë dhe teknologji të reja

ROME, 15 qershor - Ish-presidenti jugosllav Sllobodan Millosheviq ka transferuar mbi 650 milionë euro në bankat dhe kompanitë e huaja, kurse mjetet janë shfrytëzuar për blerjen e armëve dhe teknologjive të reja, ka shkruar gazeta italiane “Corriere della Sera”. Sipas artikullit, mbi 650 milionë eurot janë transferuar gjatë viteve 1992-2000 në bankat dhe kompanitë në Gjermani, Austri, Qipro, Greqi, Luksemburg, Singapur dhe Zvicër.

OSBE: Të krijohen gjykata të specializuara për krime lufte

BEOGRAD, 15 qershor - Organizata për Sigurimin dhe Bashkëpunimin në Europë (OSBE) propozon krijimin në Jugosllavi të gjykatave të specializuara për të gjykuar krime lufte, bëri të ditur sot shefi i zyrës së OSBE-së në Beograd, Stefano Sanino. Kjo ide ishte diskutuar dhe mbështetur nga pjesëmarrës të një konference për gjykimin e krimeve të luftës nga gjykata jugosllave, organizuar nga OSBE në Beograd, bëri të ditur Sanino. "Kjo konferencë duhet të përfshihet në kuadrin e përfundimit të veprimtarive të Gjykatës penale ndërkombëtare (TPI) për krime lufte në ish-Jugollslavi më 2008, kur përgjegjësia për të gjykuara krime lufte do të bjerë edhe më shumë mbi Jugosllavinë dhe gjykatësit e saj, deklaroi Sanino në përfundim të punimeve të konferencës. Pjesëmarrësit në konferencë mbështetën idenë "për të krijuar gjykata speciale, gjykatësit dhe prokurorët e të cilëve do të specializohen në këtë fushë (për krime lufte) dhe nuk do të kenë veprimtari të tjera", saktësoi Sanino.

Maqedoni: Diplomatët vizitojnë Xhaminë e Larme në Tetovë

TETOVE, 15 qershor - Anëtarë të trupit diplomatik në Maqedoni vizituan sot Xhaminë e Larme dhe ambientet e Arabati Baba Teqes në Tetovë, duke bërë një ndalesë të shkurtër gjatë rrugës për në Ohër. Në ambientet e Arabati Baba Teqes, ku një flamur shqiptar valëviste në hyrjen kryesore, miqtë u pritën nga kryetari i Komunës së Tetovës, Murtezan Ismaili. diplomatik në Maqedoni pritet të vizitojnë sot qytetin e Ohrit dhe atë të Strugës. Ky turne është organizuar nga Ministria e Jashtme e Shkupit. I njëjti burim shton se Presidenti Trajkovski do të organizojë një pritje për diplomatët.

Kroaci: 10 vjet burg serbit, akuzohej për krime ndaj civilëve

ZAGREB, 15 qershor - Një gjykatë kroate dënoi me 10 vjet burg një serb i cili akuzohej për krime kundër civilëve kroatë, bëri të ditur agjencia kroate e lajmeve HINA. Sipas të njëjtit burim, Milos Loncar akuzohej se kishte urdhëruar sulme me artileri ndaj qytetit lindor të Osijek mes shtatorit 1991 dhe majit 1992, duke vrarë një numër shumë të madh civilësh.

E premte,14 qershor 2002

Shtajner takon familjarët e të zhdukurve: Deri në fund të vitit do të hapen 140 varre masive
PRISHTINE, 14 qeshor 2002-RTV21 njofon se kryeadministratori i Kosovës, Mihael Shtajner u takua sot me familjarët e të zhdukurve që bënë një grevë urie 24 orëshe përpara selisë së Parlamentit. Shtajner tha se angazhimet e tij për zbardhjen e fatit të të zhdukurve janë të përhershme. Ai premtoi se do të ketë takime të rregullta të familjarëve të të zhdukurve me bashkëpunëtorët e tij që merren me këtë çëështje, por ndërkohë familjarët e të zhdukurve kërkuan veprime konkrete. Takimi mes tyre ka zgjatur për rreth dy orë. Shtajner shprehu keqardhje për situatën në të cilën janë familjarët e të zhdukurve dhe shtoi se asnjëherë deri më tash nuk e ka lënë në harresë fatin e personave të zhdukur. “Situata në këtë drejtim tani është më e mirë. Në zyrën time tani kemi koordinatorin, që do të merret vetëm me çështjen e të zhdukurve. UNMIK-u ka angazhuar rreth 40 persona për këtë çështje. Tash e tutje, do të organizojmë takime të përmuajshme të përfaqësuesve të familjarëve të të zhdukurve dhe zyrës së UNMIK-u për këtë çështje”, tha kryeadministratori Shtajner. Ai tha se deri në përfundim të vitit pritet që të bëhet hapja e 140 varreve masive dhe të bëhet identifikimi i kufomave. Ndërkaq familjarët e të zhdukurve, që vinin nga shumë komuna të Kosovës, kërkonin angazhime edhe më të mëdha për zbardhjen e fatit të të dashurve të tyre. Sheremet Ademi, njëri nga përfaqësuesit e familjarëve të të zhdukurve, tha se këto familje janë të lodhura nga premtimet. Që nga përfundimi i luftës në Kosovë e deri më sot nuk dihet asgjë për fatin e mbi 3 mijë personave, që konsiderohen të zhdukur.
Rugova i kërkon Qeverisë: Të krijohet Komisioni Nacional për të Zhdukurit
PRISHTINE, 14 qeshor 2002- Presidenti i Kosovës Ibrahim Rugova mori vendim që të themelohet Komisioni Nacional i Kosovës për të Zhdukurit. Presidenti Rugova i kërkon Qeverisë së Kosovës që ta themelojë këtë komision, i cili mund të ketë 5 deri 7 anëtarë. Komisioni do të është parashikuar të angazhohet në mënyrë të vazhdueshme për ndriçimin e fatit të të zhdukurve dhe për përshpejtimin e këtij procesi. Po ashtu, Presidenti i Kosovës i propozon Kuvendit të Kosovës që ta themelojë një komision “ad-hoc” për të zhdukurit, i cili do të kishte 3 deri 5 anëtarë.
Në Vatikan botohet një libër për krizën e Kosovës
Vatikan, 14 qershor 2002 - Në Vatikan është botuar libri me titull "Selia e Shenjtë dhe kriza në Kosovë" (The Holy See and the crisis in Kosovo", të cilin e ka botuar gazeta e përditshme e Vatikanit "L'Osservatore romano".
Ky libër i është kushtuar ngjarjeve në Kosovë edhe rreth Kosovës dhe përmban të gjitha dokementet zyrtare, deklaratat, letërkëmbimet, komunikatat për shtyp të Papa Gjon Pali II dhe të disa përfaqësuesve të tjerë të rëndësishëm të Vatikanit.
Ky libër hedh dritë të re për rolin e Selisë së Shenjtë e të diplomacisë së sa. Po ashtu në libër ndodhen letrat e Papa Gjon Palit dërguar disa personaliteteve të njohura të botës.
Deri sot në mesditë pati edhe gjashtë lëkundje të tokës në Gjilan
Gjilan, 14 qershor 2002- Pas një periudhe relativisht të qetë, që nga dje, Gjilani ka filluar të lëkundet përsëri nga dridhjet e reja të tokës. Përderisa dje u regjistruan dy goditje, në orët e paraditës, brenda një intervali prej 20 minutash, sot deri në mesditë janë ndier edhe pesë lëkundje tjera të tokës - tri në orët e mëngjesit, 4:10, 4:20 dhe 5:10 minuta dhe dy të tjera, disa minuta para mesditës, gjegjësisht në 12:36 dhe 12:52 dhe 13:05 minuta.
Lëkundjet e dy ditëve të fundit, kanë shkaktuar shqetësim te popullata e këtushme e sidomos tek ajo që jeton nëpër objekte të pasigurta, e cila druan nga ndonjë tërmet më i fortë, meqenëse seizmologët e kanë vlerësuar Gjilanin si rajon me rrezikshmëri të lartë, ndonëse e përjashtojnë mundësinë që 24 prilli të përsëritet brenda një periudhe më të afërt se 70 apo 80 vite. Qytetarët thonë se dridhja e ores 5:10 minuta ka qenë më e fortë.
Seizmologët nga Shkupi, pas një hulumtimi që kanë bërë në rajonin e Gjilanit, ku tërmeti i 24 prillit mori një viktimë dhe dëmtoi mbi 7 mijë objekte të infrastrukturës publike dhe të banimit, kanë thënë se lëkundjet mund të vazhdojnë edhe gjatë verës, sepse për t`u qetësuar një zonë seizmike, duhet të kalojnë me muaj të tërë.
Në Prishtinë u hap shkolla evropiane ku do të mësohet gjuha frenga dhe gjermane
Prishtinë, 14 qershor - Në Prishtinë u hap shkolla evropiane, ku do të mësohet gjuha frenge dhe ajo gjermane. Shkolla evropiane në Prishtinë do të jetë një garanci e lidhjeve të Kosovës me vendet evropiane. Hapja e këtij institucioni është një hap i rëndësishëm për arsimin në Kosovë, tha ministri i arsimit Rexhep Osmani, duke e hapur këtë shkollë.
K. Janovski: Kriza humanitare e vitit 1999 në Kosovë kishte ngjashmëri me eksodin e 2 milionë kurdëve në veri të Irakut
Prishtinë, 14 qershor 2002-Qik-u bën me dije se Kris Janovski zëdhënës i Komesariatit të Lartë për Refugjatë të OKB-së në kohën e krizës humanitare në Kosovë tha për "Evropën e lirë" se kriza me refugjatët shqipatër më 1999 në Kosovë ka ngjashmëri me eksodin në një kohë shumë të shkurtër të 2 milion kurdëve në veri të Irakut gjatë luftës së Gjirit në vitin 1991. Janovski tha se faza fillestare e krizës së Kosovës nuk e gjeti UNHCR-në të përgatitur dhe në fakt kjo organizatë ka qenë e ngadalshme me veprimet e veta ndaj kësaj krize.
Dy bomba shpërthyen në oborrin e Galip Beqirit në Tërnoc të Bujanovcit
Bujanoc, 14 qershor 2002– Mbrëmë vonë pas orës 22, 45 u hodhën dy bomba në oborrin e Galip Beqirit në fshatin Tërnoc, afër Bujanovcit, njoftojnë mediat serbe. Por nuk njoftohet për të lënduar dhe për dëme materiale.
Beogradi ka vendosur masat e përkohshme në komunat e Preshevës, Bujanocit dhe Medvegjës
Preshevë, 14 qershor 2002 - Qeveria e Serbisë ka vendosur masat e përkohshme në komunat e Preshevës, Bujanocit dhe Medvegjës. Menjëherë pas këtij vendimi janë formuar këshillat lokale të cilat kanë për detyrë përgatitjet e zgjedhjeve të parakohshme lokale që do të zhvillohen në korrik të këtij viti.
Klaus Nojman: Milosheviq më tha në vitin 1998 se problemin e Kosovës do ta zgjidhte me pushkatimin e shqiptarëve!
Hagë, 14 qershor 2002 - Gjenerali gjerman Klaus Nojman, duke dëshmuar në procesin gjyqësor kundër Millosheviqit në Tribunalin e Hagës, tha se ka qenë vetë i pranishëm kur Millosheviq në vitin 1998 i kishte thënë se problemin e shqiptarëve të Kosovës do të zgjidhte në pranverën e vitit 1999, siç kishin vepruar në Drenicë në vitin 1945-1946, në atë mënyrë që do t'i mblidhte dhe do t'i pushkatonte shqiptarët. Klaus Nojman, i cili atëherë ka qenë komandant i Komitetit ushtarak të NATO-s tha se i akuzuari Millosheviq e kishte thënë këtë më 28 tetor të vitit 1998 në takimin me atë dhe komandantin e forcave të NATO-s për Evropë gjeneralin Uesli Klark të zhvilluar në Beograd. Në pyetjen gjykatësit se si reaguan kur dëgjuan këtë nga Milosheviqi, dëshmitari tha se ai dhe Klark ishin të tronditur dhe nuk kanë mundur ta besojnë. I akuzuari Millosheviq dje i ka bërë një provokim shumë të rëndë dëshmitarit Nojman, duke e pyetur atë pse fashistët gjithmonë mbështesin lëvizjet seperatiste në Ballkan. Gjykatësi e ndërpret, për shkak të komenteve të tilla.
A do t'i lejohet ish-ambasadorit amerikan Riçard Hollbruk të dëshmojë në Gjykatën e Hagës kundër Milosheviqit?
Uashington, 14 qershor 2002- Duke komentuar zërat se administrata amerikane nuk do të lejojë ish-misionarin Riçard Hollbruk të dëshmojë në procesin gjyqësore kundër të akuzuarit Milosheviq në Tribunalin e Hagës, zëdhënësi i Departamentit të Shtetit Filip Riker ka thënë se Shtetet e Bashkuara kishin bashkëpunuar me Gjykatën e Hagës dhe se synojnë të punojnë edhe më për së afërmi me prokurorin. Njëherësh ai ka thënë se duhet të merren në konsideratë edhe disa çështje të tjera, si ajo e mbrojtjes së interesave të larta amerikane, përfshirë edhe nevojen e mbrojtjes së efektivitetit dhe të sigurisë së diplomatëve dhe sigurinë e informatave të ndjeshme, tha zëdhënësi Filip Riker.
Në Hagë prokurorët kanë refuzuar të komentojnë raportet se Departamenti i Shtetit kishte bërë përpjekje për ta parandaluar Hollbrukun që të paraqitet në rolin e dëshmitarit në gjykimin kundër Milosheviqit. ]
Rumani: Një person verbohet pas shpërthimit të një bombe që ia kishin dërguar me postë
BUKURESHT, 14 qershor 2002- Një shtetas rumun u verbua pas shpërthimit të një bombe që i ishte dërguar me postë nga Gjermania brenda një zarfi. Ky ishte rasti i parë i dërgimit të një letre-bombë nëpërmjet postës, njoftoi sot policia. "Një bllok shënimesh elektronik që i ishte dërguar këtij personi nga Gjermania, shpërtheu pikërisht në kohën kur personi shtypi butonin e vënies në punë", i tha televizionit shtetëror një punonjës i policisë lidhur me këtë çështje. Shpërthimi shkaktoi verbimin e shtetasit Attila Dudas, njoftoi policia. Policia bëri të ditur gjithashtu se Dudas, 31 vjeç, kishte punuar si kamarier në një restorant në Këln për rreth shtatë vjet, pas të cilëve ishte dëbuar nga autoritetet gjermane pas skadimit të afatit të pasaportës. Ata thanë se ende nuk është e qartë se cili është autori i sulmi apo motivi i tij.
E mërkure,12 qershor 2002

Shtajner: S’e dimë statusin final të Kosovës, por s’do të ketë kthim në situatën e vitit 1999
PRISHTINE, 12 qershor 2002- “Nuk e dimë se çfarë statusi do të ketë Kosova, por e dimë se nuk ka më kthim të situatës të vitit 1999”, tha sot kryeadministratori i Kosovës, Mihael Shtajner. Në tre vjetorin e vendosjes së komunitetit ndërkombëtar në Kosovë, ai ka folur për progreset e deritashme dhe për sfidat që e presin Kosovën në të ardhmen. Trevjetorin e vendosjes së komunitetit ndërkombëtar në Kosovë, kryeadministratori Shtajner e quajti si ditë të veçantë, meqë kjo kujton ngjarjen kur në Kosovë erdhën me mijëra ndërkombëtarë që kishin të vetmin synim, ndryshimin e Kosovës. “Dhe ja, Kosova sot është krejtësisht ndryshme. Për dallim nga dy vitet vitet e mëparshme në Kosovë ka shumë më pak vrasje dhe fatkeqësi të tjera. Kosova nuk jeton më përmes donacioneve, por në bazë të buxhetit të vet”, theksoi Shtajner duke e vlerësuar këtë si të arritur të madhe. Sipas tij, krijimi i qeverisë multietnike është progresi më domethënës që nga vendosja e bashkësisë ndërkombëtare. Shtajner tha se komuniteti ndërkombëtar deri më tash në Kosovë ka shpenzuar mbi 2 miliardë euro. Ai përmendi edhe shumë të arritura tjera, megjithatë sipas Shtajner, ka ende shumë punë për tu bërë, para se të fillojnë bisedimet për statusin përfundimtar të Kosovës. “Ne nuk e dimë se çfarë statusi do të ketë Kosova, por e dimë se nuk ka kthimë të situatës së vitit 1999. E dimë se nuk do të ketë ndarje të Kosovës dhe e dimë se Kosova do të jetë multietnike”, tha kryeadminitratori Shtajner. Ai përsëriti se duhen kryer disa detyrime, siç janë kthimi i të shpërngulurve dhe zhvillimi ekonomik, para se të arrijë faza e bisedimeve për statusin final. Kryeadministratori i Kosovës Mihael Shtajner edhe sot tha se në Kosovë nuk do të ketë vend për krim të organizuar dhe korrupsion, por as për struktura paralele të institucioneve.(njftim i RTV21)
E marte,11 qershor 2002

Mesazhi i presidentit Rugova: 12 Qershori është një nga ditët më të mëdha në historinë e Kosovës
Prishtinë, 11 qershor 2002 - Presidenti i Kosovës, Dr. Ibrahim Rugova, me rastin e 12 Qershorit - Ditës së hyrjes së trupave të NATO-s që vlerësohet si ditë e çlirimit të Kosovës, u ka drejtuar sot një mesazh qytetarëve të Kosovës. Në këtë mesazh thuhet: - Qyetarë të nderuar të Kosovës, Me rastin e 12 Qershorit – Ditës së hyrjes së trupave të NATO-s në Kosovë, që është Ditë e lirisë së Kosovës, ju shpreh urimet e mia të përzemërta. Dita e 12 Qershorit është një nga ditët më të mëdha në historinë e Kosovës – të Dardanisë antike. Sot, pas tri vjetësh, do pranuar se Kosova e lirë ka pasur një progres të madh në të gjitha segmentet e jetës, falë miqve tanë dhe popullit të gjallë e dinamik të Kosovës. Prandaj, njohja formale e Pavarësisë së Kosovës shtrohet si detyrë e drejtpërdrejtë në të cilën po punojmë intensivisht. Me këtë rast urime të ngrohta u shprehim ushtarëve dhe Komandantit të KFOR-it, gjeneralit Valenten. Poashtu, urime të përzemërta i shprehim kryeadministratorit të Kosovës, zotit Mihael Steiner dhe OSBE-së. Urime të sinqerta u shprehim përfaqësuesve diplomatikë në kryeqytetin e Kosovës në Prishtinë. Në këtë ditë gëzimi të lirisë së Kosovës përshëndesim presidentin Bush, kryeministrin Bler, presidentin Shirak, kancelarin Shrëder dhe kryeministrin Berluskoni. Përshëndetje të madhe i dërgojmë Papa Gjon Pali II për kujdesin e tij për Kosovën. Zonja dhe zotërinj, Dëshiroj t'ju njoftoj se sot kam vendosur të kërkoj nga Kuvendi i Kosovës që ditën e 12 Qershorit ta shpallë Ditë të Lirisë së Kosovës, që do të festohet në të gjithë vendin. Gëzuar Dita e Lirisë. Zoti e bekoftë Kosovën, - thuhet në fund të mesazhit të presidentit të Kosovës. Edhe sipas njoftimeve te RTV21 sot ishte ;
Festë në Prishtinë; Rugova i kërkon Kuvendit: 12 qershori të shpallet Dita e Çlirimit të Kosovës
PRISHTINE, 11 qershor 2002- Sot u shënua përvjetori i tretë i Ditës së Prishtinës. Në manifestimin që u organizua me këtë rast në sallën e Kuvendit të komunës morën pjesë edhe kryetari i Kosovës dr. Ibrahim Rugova, komandanti i Trupave Mbrojtëse të Kosovës, gjeneral lejtnant Agim Çeku, kryetari i Aleancës për Ardhmërinë e Kosovës, Ramush Haradinaj dhe shefi i Zyrës Gjermane në Prishtinë, Mihael Shmunk. Manifestimet filluan me intonimin e himnit kombëtar në sallën e Kuvendit të Komunës. Fillimisht kryetari i komunës prof.dr.Sali Gashi prezantoi një pasqyrë për të arriturat e gjithëmbarshme të kryeqytetit brenda një viti. “E veçanta e kësaj dite është se po shënohet trevjetori i ditës në liri, në Kosovën e lirë e demokratike, në shtetin e barabartë për të gjithë qytetarët e saj”, tha mes të tjerash Gashi. Ndërsa kryetari i Kosovës, Ibrahim Rugova u shpreh se “Dita e lirisë së Prishtinës është ditë e bardhë për të gjithë ne”. Rugova u shpreh se ka vendosur të kërkojë nga Kuvendi i Kosovës që ditën e 12 qershorit, ta shpallë Ditën e Çlirimit të Kosovës dhe të festohet në gjithë vendin. “Dita e 12 qershorit është një nga ditët më të mëdha në historinë e Kosovës, në Dardaninë antike. Falë miqve tanë dhe popullit dinamik të Kosovës, sot pas tri vitesh në Kosovën e lirë vërehet një progres i madh në të gjitha segmentet e jetës. Për këtë, urimet e ngrohta ua shpreh ushtarëve dhe komandantit të KFOR-it, gjeneralit Marsel Valentin, kryeadministratorit të Kosovës Mihael Shtajner dhe misionit të OSBE-së. Shënimin e përvjetorit të tretë të Ditës së Prishtinës e përshëndeti edhe shefi i Zyrës Gjermane në Prishtinë, Mihael Shmunk. “Prishtina është qyteti juaj dhe kryeqyteti Kosovës. Prishtina duhet të jetë një dritare përmes së cilës Kosova edhe shoqëria e saj u prezantohet të tjerëve”, tha Shmnuk. Ndërkohë drejtori i Drejtorisë për Arsim të Prishtinës Rrustem Buzhala, në takimin e sotëm festiv të trevjetorit të Ditës së Prishtinës, paraqiti rezultatet e garave të nxënësve të kryeqytetit. Më pas drejtuesit komunalë të Prishtinës vendosën kurora lulesh në varrezat e dëshmorëve dhe pranë varrit të profesor Fehmi Aganit. Në kuadër të shënimit të trevjetorit të Ditës së Prishtinës në lagjen “Velania” të Prishtinës u zbulua pllaka përkujtimore e dëshmorit Hajrullah Avdullahut. Zbulimin e pllakës e bëri kryetari i komunës dr. Sali Gashi, Rrahaman Rama nga Trupat Mbrojtëse të Kosovës dhe familja e dëshmorit. Për kontributin e Hajrullahut para dhe gjatë luftës folën aktivisti i kësaj lagjeje Qerim Osmani, Ejup Maqedonci nga TMK-ja dhe kryetari i komunës së Prishtinës dr.Salih Gashi. Në trevjetorin e Ditës së Prishtinës janë realizuar edhe një varg manifestimesh sportive dhe kulturore. Edhe qindra fëmijë kanë festuar sot në Ditën e Prishtinës. “Ta duam më shumë dhe ta mirëmbajmë Prishtinën”, ishte motoja e qindra vogëlushëve, të cilët festuan me një program për fëmijë para Teatrit Kombëtar. Fëmijët parakaluan nëpër qendrën e kryeqytetit dhe pastaj para Teatrit Kombëtar, u paraqitën me këngë e valle. Shumica prej tyre janë shprehur se shpresojnë se në vitin 2003 në Prishtinë do të ketë shumë vende për edukim e argëtim. Këtë ua premtuan edhe drejtuesit e komunës së Prishtinës, të cilët thanë se në të ardhmen për fëmijët dhe për të rinjtë do të ketë më shumë vende argëtimi. Kryeshefi ekzekutiv i Prishtinës, Berim Ramosaj tha se rinia e Kosovës është e shëndoshë dhe se Komuna e Prishtinës do të përpiqet që të krijojë kushte që fëmijët dhe të rinjtë të ecin drejt rrugës së një të ardhmeje më të mirë. Qindra fëmijët e mbledhur para Teatrit Kombëtar i argëtuan fëmijët e “Qendrës së Pionierëve 2000” të Prishtinës, grupi muzikor “Xixëllonjat” dhe ansambli i këngëve dhe valleve “Ulpiana” nga Lypiani.
Gjithandej në Kosovë tashmë po mbahen manifestime të ndryshme me rastin e tre vjetorit të përfundimit të luftës. Gjatë ditës së nesërme paralajmërohen manifestime të tjera. Më 12 qershor të vitit 1999, pas 78 ditë bombardimesh të NATO-s kundër caqeve serbe, trupat e KFOR-it hynë në Kosovë duke i dhënë fund luftës gati dyvjecare. Forcat serbe të sigurimit u tërhoqën duke lënë pas vetes pasojat e rënda të fushatës hakmarrëse të ish presidentit Jugosllav tash të akuzuar për krime lufte Sllobodan Millosheviq kundër popullatës shqiptare.
KFOR-i përkujton 68 ushtarët e vdekur në Kosovë; Valentin: Për paqen ia vlen të sakrifikohet
PRISHTINE, 11 qershor 2002- Sot në bazën kryesore të KFOR-it në Prishtinë, gjenerali Marsel Valentin dhe eprorë të tjerë të lartë u bënë nderime 68 ushtarëve të KFOR-it, që kanë humbur jetën gjatë misionit të tyre në Kosovë. Me këtë rast, në kujtim të sakrificës së tyre u zbulua edhe një përmendore. “Kjo përmendore duhet të jetë si dëshmi e përkushtimit dhe e besimit, që për të mirën e Kosovës ia vlen të sakrifikohet”, u tha ushtarakëve të KFOR-it, komandanti i tyre gjenerali Valentin. Ai shtoi se kujtimi për 68 ushtarët e KFOR-it që humbën jetën duke i shërbyer paqes duhet të jetë i përjetshëm. “Nderojini ata që u munduan të na sjellin këtu ku jemi, në një vend ku tashmë ka qeveri të zgjedhur demokratike. Nuk janë vetëm 68 ushtarët që humbën jetën e që duhet sot t'i kujtojmë, por janë me qindra mijëra të tjerë që shërbyen në këtë mision për të mirën e Kosovës dhe qytetarëve të saj”, tha Valentin. Më pas eprorët e KFOR-it bënë lutje të përshpirtshme për sakrificën e treguar të ushtarëve, që kanë humbur jetën gjatë misionit të tyre paqësor në Kosovë. Shumica e 68 ushtarëve të ndjerë kanë humbur jetën në aksidente të trafikut, por ka pasur të tillë që kanë vdekur edhe gjatë pastrimit të minave dhe nga shpërthimet e ndryshme. Që nga 12 qershori i vitit 1999, në misionin paqësor të KFOR-it në Kosovë, kanë shërbyer mbi 200 mijë ushtarë të vendeve të ndryshme të botës.
Kuvendi Komunal i Luginës së Preshevës: Vrasja e Agushit tregon terrorin e Ushtrisë serbe
PRESHEVE, 11 qershor 2002- Kuvendi komunal i Preshevës, në mbledhjen e tij të jashtëzakonshme, e vlerësoi të tensionuar situatën politike pas vrasjes së Agim Agushit nga ana e pjesëtarëve të Ushtrisë Jugosllave. Duke e gjykuar këtë vrasje mizore, Kuvendi komunal i Preshevës konstaton se kjo ngjarje tragjike në formën më të vrazhdë na përkujton realitetin e vështirë se në pjesë të konsiderueshme të territorit të komunës nuk ekziston liria e qarkullimit dhe në formë drastike qytetarët pengohen në kryerjen e punëve të bujqësisë dhe blegtorisë nga sjelljet brutale dhe jashtëligjore të pjesëtarëve të Ushtrisë Jugosllavisë dhe xhandarmërisë. Kuvendi komunal i Preshevës në këtë seancë vendosi që t'i drejtohet Qeverisë federative dhe republikane me kërkesë që në mënyrë urgjente të rishqyrtojnë prezencën e jashtëzakonshme të Ushtrisë dhe të policisë speciale në rajon.
E hënë,10 qershor 2002

Përleshje mes serbëve e shqiptarëve në Suhodoll; fshatarët: Na i dogjën arat në sy të KFOR-it
MITROVICE, 10 qershor - Dy grupe të shqiptarëve dhe serbëve mbrëmë janë përleshur mes njëri-tjetrit në një lokalitet ndërmjet Suhodollit dhe Kroit të Vitakut në pjesën veriore të Mitrovicës. Sipas policisë së UNMIKU-t, grupet përbëheshin nga rreth 60 veta kurse përleshjet kishin filluar pas një zënke rreth pronësisë së tokës. Menjëherë kanë ndërhyrë trupat speciale të policisë dhe KFOR-it dhe kanë evituar përshkallëzimin e situatës. Me atë rast nuk ka pasur të lënduar, bëri të ditur zëdhënësi i policisë së UNMIK-ut në Mitrovicë. Banorët e fshatit thonë se javën e kaluar përfaqësuesit francezë të KFOR-it u kanë lejuar të fillojnë punë në pronat e tyre, duke u premtuar siguri nga sulmet e mundshme serbe nga fshatrat fqinje. Të dielën në kohën që një familje shqiptare po punonte tokën, një grup serbësh i kanë djegur barin e kositur. Sipas përfaqësuesit të fshatit Shefki Imeri e gjithë kjo ka ndodhur në praninë e KFOR-it francez që është përgjegjës për ruajtjen e sigurisë në këtë fshat. “Kanë ardhur një grup serbësh dhe në praninë e KFOR-it francez i kanë djegur barin e kositur Azem Ramadanit dhe kanë dashur t'ia djegin edhe traktorin, por atëherë kanë arritur banorët e fshatit. Vetëm falë gjakftohtësisë së banorëve situata është qetësuar sepse ka mundur të shndërrohet në një incident shumë të madh”, thotë Imeri. Akuzat që u janë bërë francezëve, i mohon shefi i qendrës së shtypit të KFOR-it në Mitrovicë kapiteni Oliver Chevalier. “KFOR-i nuk ka autoritet në këto prona në Suhodoll dhe kjo është më tepër çështje e UNMIK-ut. KFOR-i ka detyrën që të kryejë misionin e vet në mënyrë të pavarur nga komunitetet, të cilën gjë edhe po e bën”, tha kapiteni Chevalier. Sipas tij, KFOR-i pasi është njoftuar për djegien e barit të kositur, ka ndërhyrë për ta lokalizuar zjarrin. Në këtë incident, sipas KFOR-it, nuk ka pasur lëndime në njerëz. Pasi situate është qetësuar, dje në mbrëmje me ndërmjetësimin e policisë së UNMIK-ut, në vendin e ngjarjes ka shkuar në Suhodoll kryetari i Kuvendit Komunal, Faruk Spahija që është takuar me fshatarët e zonës. “Ndjej keqardhje për situatën e krijuar. I kërkoj popullatës që ta ruajë gjakftohtësinë dhe mos të bjerë në provokimet e serbëve, pasi gjërat kanë filluar të lëvizin pozitivisht sa i përket Mitrovicës dhe veriut të Kosovës. Incidentet e fundit nuk janë të rastësishme, por janë pjesë e një skenari për të penguar disa procese të vendosura për zgjidhjen e problemeve në komunë”, u ka thënë Spahija fshatarëve të Suhodollit.
Shënohet 124 vjetori i Lidhjes Shqiptare të Prizrenit
PRIZREN, 10 qershor - Sot në Prizren u shënua 124 vjetori i Lidhjes Shqiptare të Prizrenit. Me këtë rast në Shtëpinë e Kulturës u mbajt një akademi solemne kurse në Hamamin e Mehmet Pashës u hap ekspozita e përbashkët e artistëve të komunës së Prizrenit. Në këtë përvjetor mysafirë të shumtë nga mbarë Kosova vizituan kompleksin e Monumental të Lidhjes së Prizrenit, ku u mbajt edhe një orë letrare, ndërsa në varrezat e Dëshmorëve në Landovicë u vendosën kurora lulesh. “Një ndër periudhat më të lavdishme të historisë së popullit shqiptar është periudha e Lëvizjes Kombëtare Shqiptare ndryshe e quajtur Rilindja kombëtare Shqiptare”, tha në këtë akademi Eqrem Kryeziu, kryetar i komunës së Prizrenit. Ndërsa sipas kreut të Drejtorisë për Kulturë të Prizrenit, Hasan Hoti, “Lidhja Shqiptare e Prizrenit vazhdoi ta zhvillojë më tej ndërgjegjen kombëtare shqiptare dhe është kthesë në historinë tone”. Në 124 vjetorin e formimit të Lidhjes Shqiptare të prizrenit, në Hamamin e Mehmet Pashës u hap edhe ekspozita e përbashkët e 19 krijuesve nga Prizreni. Dita e parë e shënimit të 124 vjetorit të Lidhjes Shqiptare të prizrenit përfundoi me vënien e kurave të luleve në varrezat e Dëshmorëve në Landovicë.
Njëvjetori i Lidhjes Studentore: Do të bashkojmë studentët shqiptarë në rajon
PRISHTINE, 10 qershor - Sot në Prishtinë u shënua njëvjetori i themelimit të Lidhjes Studentore Shqiptare, e cila përfshin organizatat studentore të Prishtinës, Tiranës dhe Tetovës. Me këtë rast u tha se kjo organizatë synon forcimin e bashkëpunimit të studentëve shqiptarë në fusha të ndryshme. “Lidhja Studentore Shqiptare do të jetë promotor i zhvillimeve demokratike në trojet shqiptare dhe do të punojë në artikulimin e nevojave dhe të kërkesave të tri organizatave studentore bashkëthemeluese”, tha kryetari i Lidhjes Studentore Shqiptare Jordan Daci. Gazmend Asllani, kryetar i studentëve të Tetovës tha se Lidhja Studentore Shqiptare do të përpiqet që të unifikojë faktorin shqiptar në kuadër të Evropës së lirë dhe të bashkuar. Lidhja Studentore Shqiptare u themelua më 10 qershor të vitit të kaluar, në Ditën e Lidhjes Shqiptare të Prizrenit.
Solana në Beograd: Kushtetuta e re e unionit "Serbia dhe Mali i Zi" brenda korrikut
BEOGRAD, 10 qershor - Kushtetuta e re e unionit "Serbia dhe Mali i Zi" që do të ndryshonte Federatën aktuale jugosllave duhet të kompletohet brenda korrikut: kjo është bërë e ditur nga zv/kryeministri jugosllav, Miljub Labus dhe përgjegjësi për Politikën e Jashtme dhe Sigurinë në Bashkimin Europian, Javier Solana, sot gjatë vizitës që ky i fundit po zhvillon në Beograd. Solana ka në program një ditë me takime mjaft intensive: përveç me Labus, ai duhet të takohet edhe me Presidentin jugosllav, Vojisllav Koshtunica dhe atë malazez, Milo Gjukanoviç, si dhe me kryeministrat e dy republikave, serbin Zoran Gjingjiç dhe malazezin Filip Vujanoviç. Marrëveshja për formën e re të unionit, e arritur më 14 mars me mediacionin e vetë Solanës, është aprovuar nga parlamentet republikane dhe ai federal, por interpretimi i teksit ndryshon në Podgoricë dhe Beograd.
Serbi: Vritet ish-shefi i policisë së Beogradit
BEOGRAD, 10 qershor - Persona të panjohur sulmuan dhe vranë një zyrtar të lartë të policisë sërbe, shefi i policisë së Beogradit kur në pushtet ishte ish presidenti jugosllav Sllobodan Millosheviç. Policia njoftoi se Bosko Buha u qëllua sot 3 herë në gjoks përjashta një hoteli në Beograd. Ai u dërgua menjëherë në spital, ku vdiq pas pak. Autoritetet policore thanë se po kërkojnë për të paktën 2 sulmues. Vrasja natën e kaluar e zv/shefit të policisë serbe, Bosko Buha, përbën një "kërcënim të vërtetë ndaj sigurisë jugosllave", u shpreh sot ministri i Jashtëm federal, Goran Svilanoviç. "Një prej rreziqeve reale që kërcënojnë sigurinë e këtij vendi është lidhja mes krimit të organizuar dhe qendrave politike e para-politike të pushtetit në rajon", tha Svilanoviç. Bosko Buha kishte qenë një protagonist i epokës së Sllobodan Millosheviç, por i kishte pritur me tempizëm ndryshimet: Bosko Buha, i vrarë natën e kaluar në Beograd, kishte luajtur një rol deçiziv si kreu i policisë së kryeqytetit në evitimin e një lumi gjaku gjatë revoltës së 5 tetorit 2002 që rrëzoi regjimin e Millosheviçit. Për këtë, ishte emëruar zv/kryetar i sigurisë nga autoritetet e reja demokratike të Beogradit. Për vdekjen e tij, ky janë hipotezat: çështje politike ose kriminaliteti i organizuar.
Ushtria serbe vret një shqiptar në afërsi të kufirit maqedono-serb
BUJANOC, 10 qershor - Një patrullë kufitare e ushtrisë jugosllave në afërsi të kufirit maqedono-jugosllav ka vrarë Agim Agushin, shqiptar nga fshati Muratoc në Serbinë jugore, konfirmoi mbrëmë Qendra Informative e Qeverisë serbe në Bujanoc. Sipas këtij burimi, Agushi është vrarë gjatë kalimit ilegal të kufirit mes Maqedonisë dhe Serbisë. Në kumtesën e Qendrës informative në Bujanoc thuhet se "Agushi është viktimë e një fatkeqësie" dhe për këtë arsye kjo qendër u bën thirrje popullatës lokale që ta ruajë qetësinë dhe të mos u nënshtrohet provokimeve. Lidhur me këtë incident është ngritur hetim, të cilin e udhëheq komisoni i posaçëm i përbërë prej përfaqësuesve të Ministrisë serbe të Punëve të Brendshme dhe ministrisë jugosllave të Mbrojtjes. Në këtë komision janë përfshirë edhe përfaqësues të popullatës lokale dhe përfaqësues të Bashkimit Evropian dhe OSBE-së.
Lugina e Preshevës, Musliu: Do të themelojmë partinë Lëvizja e Progresit Demokratik
PRESHEVE, 10 qershor - Ish-komandanti i UÇPBM-së, Jonuz Musliu, udhëheqës i Këshillit nismëtar, ka bërë të ditur themelimin e një partie të re. Partia e re, e cila do të veprojë në Luginën e Preshevës, është emërtuar Lëvizja e Progresit Demokratik. "Kjo parti do të jetë me dyer të hapura për të gjithë shqiptarët e Luginës së Preshevës dhe në të nuk do të marrin pjesë vetëm krerët ushtarakë të ish-UÇPBM-së, por edhe një pjesë e mirë e popullatës dhe intelektualëve, të cilët kanë qenë të minimizuar nga dy subjektet politike shqiptarë, përkatësisht kanë qenë të lënë pasdore", tha Musliu. Ai shtoi se bazë e programit të kësaj partie do të jetë realizimi i Referendumit 1992 dhe platforma e hartuar nga ish-UÇPBM-ja.
Maqedoni: Shpërthim në Reçicë të Vogël, vendoset bombë në Tetovë
SHKUP, 10 qershor - Një shpërthim i fuqishëm është dëgjuar mbrëmë në mesnatë në Reçicë të Vogël, lajmëroi sot Qendra për aktivitet medial të Trupit Koordinues për Ballafaqim me Kriza. Në kumtesën e këtij burimi thuhet se ende nuk dihet se ku saktësisht është dëgjuar detonimi, cilat janë pasojat eventuale, e as që ka të dhëna për dyshimin se kush do të kishte mund ta shkaktojë detonimin. Qendra lajmëron se mbrëmë në Tetovë është vendosur bombë nën një veturë, me ç’rast është shkaktuar dëm material. Nuk ka të dhëna për të lënduar. Burime të forcave maqedonase të sigurisë lajmëruan se në rajonin kumanovaro-likovar gjatë natës së kaluar janë regjistruar të shtëna të përkohshme individuale dhe breshëri të shtënash, kryesisht në periudhën rreth mesnatës, nga drejtimi i fshatrave Vaksincë, Nikushtak dhe Vishticë. Patrullimi i patrullave etnikisht të përziera policore në rajonin e dikurshëm verior të krizës është duke u zhvilluar sipas planit të përcaktuar për kthimin e policisë.
CNN: Hajdari, Krasniqi dhe Maloku të vrarë për motive politike
ATLANTA, 10 qershor - Rrjeti më i madh amerikan televiziv, CNN, ka shpallur listën e 23 politikanëve të vrarë në Europë për motive politike, ku jepej një kronologji e vrasjes dhe e motivet e saj. Ndër të vrarët e periudhës të cilës i referohet CNN-i, eshte edhe deputeti demokrat, Azem Hajdari, i ekzekutuar prane selise se Partise Demokratike ne Tirane, naten e 12 shtatorit 1998. Nderkohe, pak jave me pare, Gjykata e Faktit ne kryeqytet, gjate vendimit mbi kete çeshtje, e cilesoi vrasjen e Hajdarit si jo-politike dhe per motive hakmarrjeje. Nderkohe, ne listen e CNN figurojne edhe emrat e Ahmet Krasniqit, anëtar udhëheqës i Qeverisë paralele të Kosovës, i vrarë më 21 shtator 1998, në banesën e tij, në Tiranë dhe Enver Malokut, shef i Qendrës për Informim të Kosovës, i vrarë para shtëpisë së tij, më 11 janar 1999 në Prishtinë
E shtune,8 qershor 2002

Rexhepi në konferencën me diasporën në Zvicër: Investoni, do të keni lehtësi doganore
OLTEN, 8 qershor - Sot në mëngjesi në Olten të Zvicrës filloi punimet konferenca e parë për investime në Kosovë, e organizuar nga Departamenti për Çështje Jorezidente. Përveç pjesëmarrjes së shumë biznismenve shqiptarë nga Zvicra, në konferencë ishte edhe Kreyeministri i Kosovës, Bajram Rexhepi, Ministri për Kulturë, Rini, Sport dhe Çështje Jorezidente, z. Behxhet Brajshori dhe udhëheqës ndërkombtarë në Kosovës. Sipas RTV21, hapjen e konferencës e bëri zyrtari i lartë ndërkombëtar në Ministrinë për Kulturë, Rini, Sport dhe Çështje Jorezidente, Biyyala Rao. Pastaj fjalën e mori Kryeministri i Kosovës Bajram Rexhepi. Ai vlerësoi lart kontributin e diasporës dhënë për Kosovën. Më pas ai u ndal në programin e Qeverisë së Kosovës, duke theksuar disa nga prioritetet e qeverisë si çështja e privatizimit, bashkëpunimi dhe bashkëveprimi me UNMIK-un në ngritjen e mirëqënies ekonomike dhe sociale të popullatës, sistemi bankar i Kosovës. Kryeministri potencoi tri fazat e deritashnishme të zhvillimit në Kosovë, faza e emergjencës që kaloi, faza e rindërtimit që po kalon dhe faza e investimeve, që po fillon. Sipas tij investimet në Kosovë do të kenë lehtësime doganore të cilat sipas të gjitha gjasave do të ulen deri në 6 përqind. Kryeministri theksoi se do të mbështetet më fuqishëm biznesi i vogël dhe i mesëm dhe do të mbështetet industria ushqimore dhe bujqësia, sepse mund të prodhohen prodhime ushqimore që mund të eksportohen në Bashkësinë Evropiane, e cila ka bërë lehtesira për prodhimet kosovare të cilësisë së lartë si në rastin e verës. Ndërsa Piter Sutter, shef i Zyrës Zvicerane në Kosovë vlerësoi shumë lart diasporën shqiptare si diasporë të vyeshme e cila kontribon edhe në zhvillimin e Zvicrës dhe të Kosovës. “Në Kosovë ka filluar një erë e re me ardhjen e bashkesisë ndërkombëtare. Zvicra ka investuar shumë në Kosovë”, tha Sutter. Ai e vlerësoi lart organizimin e kësaj konference nga Departamenti për Çështje Jorezidente, ndërsa mërgimtarëve kosovarë u bëri thirrje që ta shfrytëzojnë shansin për të investuar në Kosovë. Kurse, Ministri për Kulturë, Rini , Sport dhe Çështje Jorezidente tha se në Kosovë duhet të fillojë cikli i ri i investimeve, që mund ta ngrejë nivelin e zhvillimit të Kosovës. “Investimet në Kosovë duhet të përcillen me legjistraturën përkatëse. Tani është koha që njerëzit tanë të investojnë në Kosovë”, tha Brajshori. Më tej Brajshori vuri në dukje se në funksion të nxitjes së investimeve nga diaspora do të organizohen edhe konferenca të tjera si në Gjermani dhe Shtetet e Bashkuara të Amerikës. Në sesionin e parë të konferencës të udhëhequr nga ministri Brajshori, u paraqitën me kumtesa ekspertë të Ministrisë së Ekonomisë dhe Finacave, të Tregtisë dhe Industrisë dhe të Agjensisë se Mirëbesimit. Interesimi i mërgimtarëve për këtë konferencë ishte i madh. Mbi 200 biznesmenë shqiptarë nga Zvicra ishin pjesëmarrës. Kjo do të jetë konferenca e parë e këtij lloji për diasporën, për të vazhduar më pas më 28 qershor në Gjermani, e pastaj edhe në SHBA. Gjatë qëndrimit në Zvicër, kryeministri Rexhepi pritet të takohet me Ministrin e Punëve të Jashtme, Jozef Deis. Bashkë me kryeministrin Rexhepi, në Zvicër gjenden edhe Ministri i Rinisë, Kulturës Sporteve dhe çështjeve jorezidente, Behxhet Brajshori dhe Koordinatori i Kosovës në kuadrin e Paktit të Stabilitetit, Besim Beqaj.
Dr. Ibrahim Rugova me aklamacion u rizgjodh kryetar i LDK-së
Prishtinë, 8 qershor (njofton QIK-u) – Kuvendi IV i Lidhjes Demokratike të Kosovës, që po mbahet sot në Prishtinë, rizgjodhi me aklamacion kryetar të LDK-së për mandatin dyvjeçar Dr. Ibrahim Rugovën.
Fillimisht propozimin e bëri Nimon Alimusaj, anëtar i Komisionit kandidutes, që u përcoll më duartrokitje të gjata e frenetike. Pastaj delegatët e Kuvendit IV të zgjedhur nga degët e LDK-së në Kosovë dhe në Diasporë, vendosën që kryetari të zgjedhet me aklamacion. Kështu, pas vënies në vota delegatët e Kuvendit me aklamacion rizgjodhën Dr. Ibrahim Rugovën, kryetar të Lidhjes Demokratike.
Zgjedhja e Kryetarit u ndoq me duatrokitje të gjata dhe të gjithë delegatët e mysafirët u ngritën në këmbë për ta përshëndetur Dr. Rugovën.
Pastaj Ibrahim Rugova falënderoi delegatët për besimin e dhënë edhe për një mandat të ri duke thënë së bashku me anëtarët e LDK-së dhe popullin e Kosovës do të punojë për realizimin e pavarësisë së Kosovës.

Kryeministri Rexhepi udhëtoi për në Zvicër
Prishtinë, 8 qershor - Kryeministri i Kosovës Bajram Rexhepi, ministri i kulturës Behexhet Brajshori dhe përfaqësuesi i Kosovës në Paktin e Stabilitetit Beqa dje pasdite u nisën në një vizitë pesëditëshe për në Zvicër. Kryeministri i Kosovës do të takohet me bashkatdhetaret për të diskutuar mundësitë për investimet e tyre në Kosovë. Ai të hënën do të takohet me ministrin e jashtëm të Zvicrës Jozef Dajs.

Mali i Zi mori vendimin për njohjen e diplomave të Universitetit të Prishtinës
Podgoricë,8 qershor - Ministria e Arsimit e Malit të Zi ka marrë vendimin për njohjen e diplomave të Universitetit të Prishtinës, me vulën e UNMIK-ut, bëri të ditur ministri për pakicat kombëtare në qeverinë malazeze, Gëzim Hajdaragaj. Njëherit ai tha se po punohet që së shpejti të njihen edhe diplomat e universiteteve të Shqipërisë. Këtë vendim e kanë përshëndetur edhe studentët shqiptarë nga Mali i Zi që studiojnë në Universitetin e Prishtinës.
Analisti amerikan Xhejms Huper thotë se ajo që ka ndodhur me Mitrovicën është e patolerueshme
Uashington, 8 qershor - Në fillim të javës Grupi Ndërkombëtar i Krizave sulmoi ashpër UNMIK-un në një raport për Kosovën që nuk ka bërë sa duhet në bashkimin e qytetit të Mitrovicës. Lidhur me këtë çështje analisti i njohur amerikan Xhejms Huper i cili ka punuar më parë për Grupin Ndërkombëtar të Krizave i pyetur se a ka mundur që komuniteti ndërkombëtar të bëjë më shumë në këtë aspekt.
"Që në fillim ata lejuan që veriu i Mitrovicës të bëhej një zonë ku nuk vepronte ligji. Kjo zonë u bë strehë e shumë elementëve kriminalë që përdorin çështjen kombëtare për të ruajtur pushtetin e tyre, për të ruajtur kontrollin e tyre të paligjshëm mbi zonën në veri të lumit Ibër. Komuniteti ndërkombëtar duhet t'i kishte dhënë fund kësaj menjëherë sapo forcat e NATO-s kishin hyrë në Kosovë", tha z. Huper.
I pyetur pse komuniteti ndërkombëtar nuk arriti të bëjë më shumë që ta vënë edhe këtë qytet nën kontrollë si pjesën tjetër të Kosovës, analisti Huper tha se komuniteti ndërkombëtar me sa duket u vu në pozitë të vështirë për shkak të qëndrimeve që u mbajtën ndaj serbëve në Kosovë. "Pra ata u treguan më tolerant ndaj serbëve në veri të Mitrovicës. Por arsyeja e vërtetë është se Shtetet e Bashkuara nuk këmbëngulën në këtë gjë dhe disa aleatë evropianë si francezët që po përgatiteshin për marrëdhënie me Beogradin nuk dëshironin t'i dëmtonin marrëdhëniet me Serbinë dhe lejuan që serbët të kishin kontrollin në veri. Ajo që ka ndodhur me Mitrovicën është e patolerueshme", shprehet Huper.
Ndërkaq duke i komentuar kritikat e udhëheqësve serbë që i bënë raportit të Grupit Ndërkombëtar të Krizave (GNK), analisti Huper tha se ka respekt të madh për GNK-në për vitet që punonte për ta. Ata analizojnë problemet e vështira kur pjesë tjetër e komunitetit ndërkombëtar përpiqet t'i shmanget. Mitrovica është një prej tyre. Organizatat si Grupi i Krizave përpiqen të sensibilzojnë opinionin për to dhe të sigurojnë mbështetje për ndryshimin e qëndrimit të politikanëve. Ata janë një grup serioz që nuk mund të bien nën ndikimin e grupeve lobiste shqiptare apo serbe dhe se raporti duhet parë shumë seriozisht. Në këtë raport ka shumë ide të mira, tha Huper.
Duke u përgjigjur në pyetjen se a është ende herët që të hapen bisedimet për statusin përfundimtar të Kosovës, analisti Huper thotë se jo nuk është herët. Megjithëse për Mitrovicën nuk ka bërë sa duhet lidhur me të tjerat z. Shtajner ka punuar shpejt. Ai është një zyrtar dinamik, njohës i mirë i rrethanave dhe i vendosur ta çojë këtë proces përpara. Por ajo që duhet bërë tani që u ngritën institucionet dhe që u krijuan bazat e demokracisë parlamentare në Kosovë është ecja përpara për hartimin e planeve dhe projekteve për statusin përfundimtar në bashkëpunim me grupet e ndryshme politike. Eshtë ende herët të flitet për vetë statusin, por nuk është herët të hartohen planet se si do të realizohet kjo dhe ky është hapi tjetër që ai duhet hedhë, tha në fund të intervsitës dhënë "Zërit të Amerikës" analisti Huper.

J.Bugajski thotë se veriu i Mitrovicës duhet të integrohet sa më parë në Kosovë
Uashington, 8 qershor - Janosh Bugajski, drejtor për Evropën Lindore në Institutin për Studime Strategjike Ndërkombëtare në Uashington dhe analist i njohur për çështje të Ballkanit, duke komentuar raportin e Grupit ndërkombëtar të Krizave në një interviëtë dhënë "Evropës së lirë" tha se në javën e kaluar ishte në Mitrovicë për ta parë situatën për së afërmi dhe konstatoi se ky është një qytet i ndarë ashtu siç e kishte parë Mostarin, ashtu siç serbët dëshironin ta ndanin Sarajevën dhe kjo është e papranueshme të ndodhë në epokën bashkëkohore me integrim nga Evropa.

Sipas Bugajskit sa më parë që këto hapësira të integrohen në Kosovë dhe që autoriteti qendror të jetë i aftë të ushtrojë kontrollë do të jetë më mirë. Atëherë do të jetë një presion më i fuqishëm i UNMK-ut dhe i NATO-s për çarmatosjen e çfarëdo bandave që veprojnë për ndarjen e mëtejshme të qytetit.
Ndërkaq, lidhur me statusin final të Kosovës, z. Bugajski tha se çdo herë është moment i drejtë të diskutohen çështjet dhe ai nuk beson në vonesën e gjërave. Këtu qëndron problemi ngase vonesat i kthejnë prapa proceset. Sipas tij tash është mirë të fillojë ky proces për t'u dhënë shpresë kosovarëve se ata nuk do të kthehen prapa në ndonjë lloj strukture post-jugosllave, se ata nuk do të varen përgjithmonë nga komuniteti ndërkombëtarë. Ata vetëm synojnë të qëndrojnë në këmbët e veta dhe sipas Bugajskit kjo është aspiratë shumë e rëndësishme.

E premte,7 qershor 2002

Një delegacion i Degës së LDK-së në Gjermani vizitoi varrezat e dëshmorëve në Koshare
Koshare, 7 qershor – Delegatët e Degës së LDK-së në Gjermani, që marrin pjesë në Kuvendin IV qendror të LDK-së, dhe bashkëluftëtarë të Salih Çekut, Zenun Idrizajt dhe Agron Tolajt, vizituan varrezat e dëshmorëve të kombit në Koshare. Ky delegacion evokoi epopenë e lavdishme të Koshares e heroizmat e Salih Çekut, Agim Ramadanit dhe të martirëve të tjerë, dhe vunë lule të freskëta mbi varret e tyre, në shenjë nderimi për gjakun e derdhur për lirinë e Kosovës.
AER përgënjeshtron lajmin për kinse dhënien e 175 milion eurosh për kthimin e minoriteteve në Kosovë
Prishtinë, 7 qershor Qik-u njofton se; Agjencia Evropiane e Rindërtimit përmes zëdhënëses së saj Sarah Fradgley, përgënjështron lajmin e transmetuar dje nga mediat serbe, ku thuhet se kjo agjenci ka dhënë 175 milion euro për serbët. Në këtë përgënjeshtrim thuhet ajo thotë: "Lajmi në gazetën 'Politika' se 175 milion euro të fondeve të BE-së janë ndarë për rindërtimin e shtëpive e të tjera, për kthimin e komuniteteve jo-shqiptare në Kosovë, fare nuk është i vërtetë. Unë nuk e di se prej nga është marrë ky informacion. Por, sigurisht që asnjëri prej Agjencisë Evropiane për Rindërtim nuk e ka thënë këtë".
Në vazhdim thuhet se Agjencia Evropiane për Rindërtim ka shpallur programin e saj të vitit 2002 për Kosovë në muajin mars të këtij viti. Atëherë u njoftua se 134.4 milion euro nga fondet e BE-së do të menaxhohen nga Agjencia. Këto fonde do të mbulojnë programet në fushat specifike siç janë energjia, transporti, qeverisje e mirë dhe shoqëria civile, zhvillimi i ndërrmarjeve, shëndetësia, bujqësia, uji dhe ambienti.
Programi i rindërtimit të shtëpive të Agjencisë për vitin 2002 është rreth 11.5 milion euro. Udhëzimet e Agjencisë për rindërtimin e shtëpive kanë përcaktuar si objektiv minimum 10% e shtëpive që do të rindërtohen duhet t'i takojnë personave nga bashkësitë minoritare. Nëse paraqitet nevoja, edhe 10% të fondeve të BE-së ( rreth 1 milion euro) janë në dispozicion këtë vit për rindërtimin e shtëpive të minoriteteve, duke përfshirë këtu edhe ata që mund të kthehen, thuhet në fund të përgënjeshtrimi nga zëdhënësja Sarah Fradgley e Agjencisë Evropiane të Rindërtimit në Prishtinë.
Kthimi i të zhvendosurve: 10 mijë serbë gati për të hyrë në Kosovë më 28 qershor
BEOGRAD, 7 qershor - Rreth 10 mijë serbë të shpërngulur nga Kosova gjatë vitit 1999 janë gati që të kthehen sërish në 28 qershor. Këtë njoftim e dha sot në Nish kryetari i Komitetit për kthimin e të Zhvendosurve Serbë, Mirosllav Sholeviq. “Nuk duam që të krijohen incidente dhe do të veprojmë në mënyrë paqësore. Ne duam që të tërheqim vëmendjen e komuntetit ndërkombëtar”, u shpreh Soleviq. Ndërkohë zëvendëskryeministri serb, që është marrë me çështjen kosovare, Nebojsha Çoviç, ka vënë në dijeni autoritetet e UNMIK-ut, që të jenë në gadishmëri për të mos lejuar ndezjen e ndonjë konflikti të mundshëm.
Edhe serbët aplikojnë për pasaportat e UNMIK-ut në Kosovë
Gjilan, 7 qershor - Ka më shumë se një vit që administrata e UNMIK-ut ka filluar me dhënien e dokumentave të udhëtimit dhe për to, tashmë ka interesim edhe nga serbët lokalë që jetojnë në Kosovë. Kështu, administratori i komunës së Gjilanit, Bob Simons tha sot se ai ka nënshkruar disa pasaporta të aplikuesve serbë dhe ato janë shpërndarë.
Ai thotë se 7 deri në 8 për qind e popullatës serbe në këtë komunë, pasi kanë kryer procesin e regjistrimit civil, kanë aplikuar edhe për pasaportat e UNMIK-ut dhe kjo është dëshmi për raportet e reja që po krijohen në Kosovë, ka vlerësuar Xhemajl Hyseni, zëvendëskryetar i komunës së Gjilanit.
Në Kosovë është filluar edhe me pranimin e kërkesave për pasaporta të fëmjëve dhe në Gjilan, është dhënë tashmë edhe dokumenti i parë. Por, sqarohet se, në fazën e parë, përparësi do të kenë fëmijët që kanë nevoja të veçanta për të udhëtuar jashtë Kosovës, të cilët më parë duhet të regjistrohen, ndërsa më vonë këtë mundësi do ta kenë të gjithë ata që dëshirojnë prindërit e tyre.
Tribuna politike: Bashkimi kombëtar, e vetmja zgjidhje e drejtë e çështjes shqiptare
PRISHTINE, 7 qershor - “Bashkimi kombëtar - e vetmja zgjidhje e drejtë e çështjes shqiptare”, është tema e tribunës dyditore, që filloi sot në Prishtinë. Tribunën po e organizon Lëvizja Kombëtare për Çlirimin e Kosovës (LKÇK) dhe në të po marrin pjesë referues të lëmenjve të ndryshëm. “Kjo tribunë është një hap që mendja t'i prijë forcës dhe për të theksuar se nuk ekziston asnjë doktrinë për krijimin e një Shqipërie të madhe”, theksoi kryetari i Lëvizjes Kombëtare për Çlirimin e Kosovës, Fatmir Humolli. Ndërsa akademik Esat Stavileci u shpreh se bashkimi i trojeve është e drejtë e çdo populli. Në këtë tribunë po marrin pjesë intelektualë nga Shqipëria dhe nga Maqedonia. Tribuna do të vazhdojë edhe nesër.
Fillon “Show Fest 2000”, mbrëmë u ndanë çmimet për fëmijët
PRISHTINE, 7 qershor - Mbrëmë në Prishtinë filloi festivali tradicional "Show Fest 2002". Në mbrëmjen e parë u interpretuan 25 këngë të fëmijëve. Sipas drejtuesëve të këtij festivali, nata e mbrëmshme ishte e sukseshme. Çmimi i parë i mbrëmjes për fëmijë të festivalit "Show Fest" i takoi këngës "Gjyshe lëre Mesengjerin", kompozuar dhe aranzhuar nga Donika Rudi, sipas tekstit të Gent Rudit dhe interpretuar nga Argjenta Hasani. Me çmimin e dytë u nderua kënga "Ylli i vogël lart në qiell", kompozim ky i Astrit Mustafës, aranzhuimi i Nazmi Aliut, kënduar nga Arlind Gjyshinca. Vendi i tretë i takoi këngës "Ç'i kujtohet gjyshit", kompozuar dhe aranzhuar nga Bibi Poqi, ndërsa autor teksti Agim Deva. Drejtori i këtij festivali, Florent Boshjaku tha se është i kënaqur me rrjedhën e mbrëmjes për fëmijë të festivalit "Show Fest 2002". Boshnjaku theksoi se edhe ky festival është një dëshmi që kultura ndër ne po ecën përpara. Sonte është në program mbrëmja e dytë dhe e fundit e festivalit "Show Fest 2002" ku do të prezantohen 18 këngë
"Gardian": Në Tribunalin e Hagës dëshmitarët u janë nënshtruar traumave për shkak të agresivitetit të Millosheviqit
Londër, 7 qershor - Gazeta londineze "Gardian" shkruan se në sallën e gjuqit të Tribunalit të Hagës dëshmitarët u janë nënshtruar traumave për shkak të taktikave agresive që i zbaton Millosheviqi gjatë pyetjeve që ua bën dëshmitarëve.
Millosheviqi ndjen kënaqësi në marrjen në pyetje të dëshmitarëve, shkruan gazeta dhe tërheq vërejtjen se ndërsa në procesin e Nyrmbergut personat që kanë përjetuar kampet e përqëndrimti kanë mundur lirisht të flasin para liderëve nacistë, shqiptarët që dëshmojnë po i merr në pyetje pikërisht ai njeri, forcat e të cilit ua kanë vrarë të dashurit e tyre.
"Gardian" thekson edhe mungesën sensitive që ka treguar prokuroria e gjykatës sepse deri më tani nuk ka kërkuar nga psikologët të përgatisin dëshmitarët ndaj sjelljeve të Millosheviqit.
E enjte 6 qershor 2002

Me mijëra punëtorë e qytetarë protestuan sot në Prishtinë
Prishtinë, 6 qershor - Sot në qendër të Prishtinës u zhvillua një protestë e mijëra punëtorëve dhe qytetarëve nga mbarë Kosova, të organizuar nga Bashkimi i Sindikatave të Pavarura të Kosovës. Protesta kaloi në mënyrë të qetë dhe pa ekscese. Punëtorët thanë se përkrahin privatizimin por kërkoojnë nga UNMIK-u një transparencë të plotë rreth këtij procesi. Pastaj ata kërkuan definimin e statusit të punëtorëve dhe krijimin e kushteve për kthimin e pnëtorëve në vendet e vjetra të punës, të luftohet korrupcioni, të ngriten pagat e të punësuarve si dhe të sigurohen pensionet. Çështjen e pensioneve e ngritën edhe protestuesit pensionistë duke kërkuar edhe dëmet që u ka shkaktuar regjimi serb.
Një protestues nga miniera Trepça kundërshtoi draftrregulloren për privatizimin e ndërmarrjeve shtetërore duke kërkuar që për këtë proces më parë të pyeten punëtorët.
Protestuesit paralajmëruan se në rast të mospërmbushjes së kërkesave të tyre, do të ndërmarrin hapa të tjerë.

Bashkimi Evropian do të ndajë 175 milionë euro për kthimin pakicave të shpërngulur në Kosovë
Prishtinë, 6 qershor - Bashkimi Evropian do të ndajë 175 milionë euro për kthimin pakicave të shpërngulur në Kosovë. Sipas mediave serbe, të cilat mbështeten në burimet e BE-së në Prishtinë, mjetet do të shpenzohen kryekëput për sigurimin e kushteve për kthimin e personave të shpërngulur dhe me këto mjete do të ndërtohen banesa dhe objekte të infrastrukturës në vendet ku do të ktheheshin personat e shpërngulur. Poashtu thuhet se policia e UNMIK-ut bashkë me pjesëtarët e KFOR-it do të vizitojnë të gjitha banesat dhe shtëpitë në të cilat ndodhen personat e pautorizuar, kurse ata që kanë blerë pronën të dëshmojnë dokumentet e duhura.

Ndihmëssekretarja e Shtetit të SHBA-ve Beth Xhons sot e nesër

Prishtinë, 6 qershor - Ndihmëssekretarja amerikane e Shtetit për çështje evropiane dhe evroaziatike, Elizabeth "Beth" Xhouns, sot e neser viziton Kosovën në kuadër të turneut të saj nëpër rajonin e Ballkanit. Gjatë qëndrimit në Kosovë, ambasadorja Xhouns do të takohet me kryeministrin Rexhepi, dhe me zëvendëskryeadministratorin e Kosovës Çarlls Brejshou, u.d. të komandantit të KFOR-it Kristian Millota, si dhe me përfaqësues tjerë kosovarë dhe ndërkombëtarë. Gjatë turneut të saj tetëditor nëpër rajon, ajo do ta vizitojë edhe Bosnjën e Hercegovinën, Kroacinë, Serbinë dhe Maqedoninë.

Një delegacion i Kryesisë së Parlamentit të Kosovës do të vizitojë së shpejti edhe SHBA-të

Prishtinë, 6 qershor - Një delegacion i Kryesisë së Parlamentit të Kosovës do të vizitojë së shpejti edhe Shtetet e Bashkuara të Amerikës. Siç ishte paralajmëruar ky delegacion i parlamentarëve kosovarë do të ketë rreth 40 deputetë të grupeve të ndryshme parlamentare.

Disa qindra romë kanë demonstruar dje kundër dëbimit të tyre në Kosovë nga Gjermania

Berlin, 6 qershor - Disa qindra romë kanë demonstruar dje kundër dëbimit të tyre në Kosovë në Bremenhafen të Gjermanisë me rastin e fillimit të konferencës së ministrave të brendshëm të landeve gjermane. Sipas të dhënave të policisë ata kërkojnë lejeqëndrimi në Gjermani pasi, siç thuhet, në vendin e tyre përndiqen. Kthimi i pakicave nga Kosova përbën rendin e ditës të konferencës së ministrave të brendshëm të landeve të Gjermanisë.

Georgievski nuk don të zgjidhë kontestin mes Kosovës dhe Maqedonisë

Shkup, 6 qershor (sipas QIK-ut) - Takimi në nivel të lartë rajonal që ishte parashikuar nga Brukseli të mbahet në Ohër më 16 e 17 qershor është shtyrë për në vjeshtë. Ky takim duhej t'i kushtohej kufijve të rajonit, me theks të veçantë atij mes Maqedonisë dhe Kosovës. Në opinion qarkulluan tri arsye pse ai takim u prolongua për në vjeshtë. Jozyrtarisht, por nga qarqe diplomatike u tha se ky vendim u mor pas fjalimit skandaloz të kryeministrit Georgievski në Parlamentin e Maqedonisë, i cili ishte fund e krye kundër të gjitha strukturave dhe organizatave ndërkombtare. Kjo u demantua nga Brukseli, por jo bindshëm, gjithashtu edhe përfaqësuesit e NATO-s në Shkup, thanë se shtyrja e Samitit të Ohrit u bë, sepse Robert Seri, përfaqësues i Alencës Veriatlanike për çështje politike për Ballkanin, nuk pati kohë të bëjë të gjitha punët rreth organizimit të këtij Samiti.
Ndërkaq, kryeministri Georgievski dje tha se nuk është e vërtetë se NATO ka prolonguar Samitin në Ohër, por ai nuk ka pranuar të bisedojë vetëm me kryeministrin shqiptar Pandeli Majkon, Mihael Shtajnerin dhe kryeministrin e Kosovës Bajram Rexhepin. Shpjegimit të Georgievskit i besuan të gjithë, meqë pala maqedonase nuk bisedon me shqiptarët pa praninë serbe ose ruse, e aq më pak kur aty të jetë i pranishëm faktori ndërkombëtar.

Ali Ahmeti u zgjodh me aklamacion për kryetar të Bashkimit Demokratik për Integrim

Tetovë, 6 qershor - Pjesëtarët e ish-Ushtrisë Çlirimtare Kombëtare dje kanë themeluar partinë e tyre Bashkimi Demokratik për Integrim (BDI). Në Kuvendin themelues të kësaj partie të re që u mbajt në Tetovë, Ali Ahmeti u zgjodh me aklamacion për kryetar Bashkimit Demokratik për Integrim.
Kuvendi themelues i Bashkimit Demokratik për Integrime zgjodhi kryesinë prej 20 anëtarëve, të cilën e ka propozuar Ali Ahmeti.
Pas mbledhjes së kontituimit në Tetovë kryetari i BDI-së Ali Ahmeti tha se partia ka në krye luftën kundër kriminalitetit dhe zbatimin e Marrëveshjë së paqes.
Ai shtoi se obligim moral ndaj të gjithë qytetarëve të Maqedonisë dhe jo vetëm atyre shqiptarë, por edhe maqedonas është që kjo marrëveshje të realizohet me një sukses shumë të mirë.
Ali Ahmeti thotë "ne do të përpiqemi të kemi një bashkëpunim të mirë, të harrojmë të kaluarën dhe të shohim të ardhmen".
Duke folur për strukturat e kësaj partie, z. Ahmeti tha se BDI ka mjaft njerëz, mjaft bashkëpunëtorë dhe shtrirja e kësaj partie për një kohë shumë të shkurtër do të jetë në nivel të gjithë Republikës së Maqedonisë.

Reagimet e partive politike shqiptare dhe atyre maqedonase rreth krijimit të Bashkimit Demokratike për Integrime në Maqedoni

Shkup, 6 qershor - Partitë politike shqiptare e kanë vlerësuar krijimin e kësaj partie si zhvillim pozitiv. Sipas tyre konkurrenca politike që do të sjellë me vete kjo parti do të shoqërohet edhe me realizimin e shpejt të kërkesave dhe aspiratave kombëtare.
Deputeti i Partisë Demokratike Shqiptare në parlamentin maqedonas Muharrem Nexhipi tha se PDSH-ja dhe partia e re e Bashkimit Demokratik për Integrime do të jenë konkurrente në zgjedhjet e ardhshme.
Ndërkaq, deputeti Mersel Bilalli i Partisë për Prosperitet Demokratik theksoi se partia e re është shumë e mirëpritur duke qenë se pas saj qëndrojnë ato struktura të cilat drejtuan luftën gjatë vitit të kaluar. Kurse sekretari i përgjithshëm i Partisë Demokratike Kombëtare Xhevat Ademi nënvizoi se kjo forcë e re politike ka legjitimitet të plotë dhe të pakontestueshëm duke qenë se ajo bazohet tek ata individë që morën pjesë në kryengritjen e armatosur gjatë vitit të kaluar.
Nga ana tjetër partitë maqedonase që në fillim e kanë kritikuar daljen në skenën politike të Ali Ahmetit. Sipas VMRO-DPMN-së dhe LSDM krijimi i çdo
E mërkure 5 qershor 2002

Majko e Rexhepi u shprehën shumë të kënaqur pas takimit të sotëm në Tiranë

Tiranë, 5 qershor - Kryeministri i Shqipërisë Pandeli Majko dhe ai i Kosovës Bajram Rexhepi biseduan sot në Tiranë për bashkëpunimin mes dy vendeve. Pas takimit të dy kryeministrat u shprehën të kënaqur para gazetarëve për bisedimet e zhvilluara.
Kontakti ynë i sotëm është vazhdë e intensitetit të madh të bashkëpunimit mes Prishtinës dhe Tiranës", tha kryeministri Majko. "Jo vetëm për konsolidimin e faktorit shqiptar në rajon, por edhe për një varg përgjigjesh të shpejta ekonomike dhe politike të cilat të dy qeveritë tona janë duke e parë me shumë vemendje", tha Majko, duke shtuar se në këtë takim është biseduar për një varg problematikash që ka të bëjnë me bashkëpunimin e Shqipërisë dhe Kosovës.
Ndërkaq kryeministri i Kosovës Bajram Rexhepi tha se Kosova ëshë e hapur për bashkëpunim rajonal dhe se bashkëpunimi më i natyrshëm është ai me Shqipërinë, për shkak të lidhjeve të shumta, por edhe ngjashmërive në aspektin ekonomik, tha ai. "Mundësitë për bashkëpunim janë shumë të mëdha, si në aspektin e edukimit, kulturës, ekonomisë dhe segmentet e posaçme, si turizmi, bashkëpunimi në energjetikë, infrastrukturë rrugore, telekomunikacion etj", tha zoti Rexhepi. Ai është i mendimit se ka një interes të përbashkët dhe një qasje shumë aktive për dy qeveritë për aksin rrugor Durrës-Prishtinë, i cili do të bëjë një lidhje më të mirë fizike të dy vendeve dhe mundësitë e biznesit, këmbimit të mallrave.
Poashtu dy kryeministrat thanë se kontaktet do të vazhdojnë në mënyrë institucionale në fushat përkatëse ku do të hartohen protokollmarrëveshjet mes dy vendeve.

Daci i pakënaqur me punën e deritashme të administratës ndërkombëtare në Kosovë

Prishtinë, 5 qershor - Kryetari i Kuvendit të Kosovës Nexhat Daci vizitën e një delegacioni deputetësh në Irlandën Veriore dhe në Britani e vlerësoi shumë të suksesshme. Edhe anëtarët e tjerë ët delegacionit u shprehën pozitivisht për këtë vizirë, duke thënë se kishin përfituar nga përvojat parlamentare të tyre dhe duke veçuar vizitën në Ministrinë e Punëve të Jashtme të Britanisë.
Zoti Daci tha se mbështet pa rezervë raportin e Grupit Ndërkomëbatrë të Krizave për Kosovën. Këto qëndrime ai tha se i ka bërë publike edhe në biseda të ndryshme me përfaqësuesit ndërkombëtarë.
Daci tha se nuk është i kënaqur me punën e deritashme të administratës ndërkombëtare në Kosovë, as me rezultatet trivjeçare sepse UNMIK-u nuk ka arritur të respektojë obligimet e veta që i ka marrë mbi vete si qeveri e vetme deri para disa muajve.
"Ne i kryem detyrat e shtëpisë, por nuk do të hezitojmë t'i kontrollojmë edhe detyrat e institucioneve të tjera", theksoi ai.

Radio-Gjilani rrezikon të mbyllet

Gjilan, 5 qershor - Radio-Gjilani, një ndër mediat më të vjetra elektronike në Kosovë, pas Radio-Prishtinës dhe Radio-Ferizajt, me 30 vjet punë, aktualisht ndodhet në një pozitë të vështirë dhe rrezikon të mbyllet. Disa nga gazetarët e kanë braktisur punën në Radio-Gjilan, shkaku i pakënaqësive me gjendjen e krijuar, ndërsa të tjerët që kanë ngelur ende, kanë kërkuar ndërhyrjen e institucioneve vendore për ta shpëtuar median nga shkatërrimi. Këtë problem e ka shtruar edhe në Kuvendin komunal këshilltari Vebi Salihu, i cili ka propozuar që të gjendet një zgjidhje për shtatë punëtorë të Radio-Gjilanit, të cilët tash kanë ngleur rrugëve, pa fajin e tyre. Në të vërtetë, problemi i Radio-Gjilanit nuk ka filluar dje, por tash ka arritur në pikën kritike. Komuna nuk ka mundësi të
ndërhyjë, sepse me ligj, mediat janë të pavarura dhe, në raport me këtë, kryetari i komunës, Lutfi Haziri thotë se kjo është kompetencë e komisionerit të përkohshëm për media të OSBE-së dhe "ne vetëm mund të rrezikojmë mbylljen e saj, nëse ndajmë edhe një cent për Radio-Gjilanin, i cili është licencuar si media e pavarur".
Drejtori i tashëm thirret në të drejtën e frekuencave, ndërsa komuna insiston që të kthehet teknika dhe lokali i punës, pa dashur acarim të mëtejmë të gjendjes.
Një nga gabimet e tjera që ka mundur t`i kushtojë Radio-Gjilanit, konsiderohet të jetë edhe acarimi i mëhershëm i raporteve me KFOR-in amerikan, i cili në katin ku ishte e vendosur radioja, mbante një njësit të vetin, sadoqë më vonë është përtrirë bashkëpunimi. Disa nga punëtorët e Radio-Gjilanit akuzojnë drejtorin që ka përvetësuar frekuencat dhe nuk është në gjendje të drejtojë radion, të cilën e ka sjellë në këtë pozitë, që ajo të mos mund të transmetojë program në kohën më të duhur për qytetarët, siç është rasti i tërmetit të 24 prillit 2002 në Gjilan.

Një dëshmitar serb është ndaluar nga Gjykata e Hagës meqë nuk ka pranuar të dëshmojë për varrezat masive në Kosovë

Hagë, 5 qershor - Në procesin gjyqësore kundër të akuzuarit për krime lufte Slobodan Milosheviq, një dëshmitar serb është ndaluar nga Gjykata e Hagës, pasi nuk ka pranuar të dëshmojë për zhvarrimet e varrezave masive në Kosovë, viktima këto të vrara e të masakruara nga forcat militare e paramilitare serbe në kohën e konfliktit të përgjakur në Kosovë.

E marte 4qershor 2002

Punëtorët e Radiotelevizionit të Prishtinës protestojnë: Na ktheni në punë
Prishtinë, 4 korrik 2002 - Punëtorët e Radiotelevizionit të Prishtinës që kanë mbetur pa punë, protestuan sot para objekteve të këtij mediumi, duke kërkuar kthimin në vendet e tyre të punës. Këta punëtorë janë dëbuar nga puna në vitin 1990 nga regjimi i atëhershëm serb. Ata protestuan para objekteve të këtij mediumi të mëparshëm, ku tani është i vendosur Radiotelevizioni i Kosovës. Kryetari i Sindikatës së Radiotelevizionit të Prishtinës, Feriz Ratkoceri tha se punëtorët e mbetur pa punë janë në gjendje të rëndë ekonomike dhe ata duhet të kthehen nëpër vendet e tyre të punës. Punëtorët kanë kërkuara që të rihapet Rediotelevizioni i Prishtinës. Ata kanë protestuar edhe para objektit të Radio Kosovës dhe të Parlamentit.

Kryeadministratori i Kosovës, Mihael Shtajner niset sot për Nju Jork
Prishtinë, 4 qershor 2002 - Kryeadministratori i Kosovës, Mihael Shtajner, niset sot për në Nju Jork bën të ditur Zyra e tij.
Shtajneri do të takohet me Grupin për politikë ballkanike të Institutit për Shoqëri të Hapur të financierit ndërkombëtar, Xhorxh Soros. Ky Grup i këtij Instituti tubon personalitete ndërkombëtare të njohura, siç janë ish-presidenti finlandez, Ahtisari, administratori i tashëm ndërkombëtar i Bosnjës e Hecegovnës, Pedi Eshdaun, diplomati amerikan Abramoviq, etj.
Siç pritet, z. Shtajneri do të takohet edhe me Sekretarin e përgjithshëm të OKB-së, Kofi Anan.

Rexhepi nesër në Tiranë për realizimin e projektit të autostradës Durrës-Prishtinë

PRISHTINE, 4 qershor 2002 - Kryeministri i Kosovës, Bajram Rexhepi nesër do të zhvillojë vizitën e parë zyrtare në Tiranë. Rexhepi tha se qëllimi i kësaj vizite është është realizimi i projektit të përbashkët për ndërtimin e autostratradës Prishtinë-Durrës. “Qëllimi i vizitës është në lidhje me koordinimin për rrugën Durrës-Prishtinë dhe eventualisht për çështje të turizmit, për një siguri më të madhe”, u shpreh Rexhepi. Qeveritë e Kosovës dhe të Shqipërisë kanë ndërmend të vendosin një taksë nominale për bizneset, për të mbledhur fonde për ndërtimin e kësaj rruge të rëndësishme rajonale. Në këtë aspekt Qeveria e Tiranës e ka miratuar ligjin për taksën nominale për bizneset e vogla dhe të mesme, të cilat do ta zhfrytëzojnë rrugën Durrës-Prishtinë.

S. Manuel thotë se raporti i GNK-së paraqet një pasqyrë të situatës në Mitrovicë dhe jo pasqyrimin e Misionit të OKB-së
Prishtinë, 4 qershor 2002
- Duke komentuar raportin e Grupit Ndërkombëtar të Krizave, i cili ka kritikuar ashpër administratën e UNMIK-ut për shkak të, siç thuhet, lejimit të ndarjes së Kosovës dhe mospengimit të ndikimit të vazhdueshëm të Beogradit në veriun e Kosovës, zëdhënësja e UNMIK-ut Suzan Manuel tha se raporti paraqet një shikim retrospektiv të situatës së Mitrovicës dhe jo një raport që shikon përpara, sepse Misioni i OKB-së angazhohet për një ardhmëri të mirë në këtë pjesë të Kosovës, tha zonja Manuel.
Rexhepi mbështet raportin e ICG: Ndarjen e Kosovës e kemi kritikuar edhe ne
PRISHTINE, 4 qershor 2002 - Kryeministri Bajram Rexhepi ka shprehur mbështetjen e tij lidhur me raportin e Grupit Ndërkombëtar të Krizave (ICG) ku shprehen kritika të ashpra për administratën ndërkombëtare në Kosovë, e cila sipas raportit ka dështuar në punën e saj dhe ka lejuar ndarjen e Kosovës. “Qeveria e Kosovës ka kritikuar edhe më herët UNMIK-un për ndarjen e qytetit të Mitrovicës. Ne fillimisht kemi kritikuar për një ndarje që ka qenë gati faktike, edhe pse jo e plotë, mirëpo kjo ka ardhur nga Grupi Ndërkombëtar i Krizave, i cili fort mirë e njeh situatën. Nuk besoj se UNMIK-u e inkurajon ndarjen”, tha Rexhepi. Sipas kryeministrit, ndarja tashmë i takon së kaluarës. “Tani institucionet e Kosovës, së bashku me UNMIK-un, do të shkojnë drejt integrimit. Shumë elementë që kanë qenë në projekt-strategjinë për Mitrovicën, të hartuar nga Qeveria e Kosovës, kanë filluar të gjejnë aplikim nga ana e UNMIK-ut dhe KFOR-it”, tha Rexhepi. Ai shprehu optimizmin e tij se shumë shpejt institucionet e Kosovës dhe ato ndërkombëtare, të UNMIK-ut e KFOR-it, do ta shtrijnë veprimtarinë në tërë Kosovën. “Edhe me veprimet e parlamentit, qeverisë e presidencës, tani janë krijuar parakushtet dhe është krijuar një klimë shumë më e mirë që ata të mund të veprojnë më lehtë atje... Ndërhyrjet e Beogradit në proceset politike mund të shkaktojnë pengesa si deri tani, edhe në procesin e integrimit të minoriteteve dhe krijimin e kushteve të mirëfillta për të gjitha komunitetet”, u shpreh kryeministri i Kosovës Bajram Rexhepi.

U botua publikimi "Pasojat e luftës në Kosovë" (28 shkurt 1998-10 qershor 1999)
Prishtinë, 4 qershor 2002- Në botim të Lidhjes Demokratike të Kosovës, sektorit për Emigracion dhe refugjatë, doli nga shtypi një publikim i titulluar "Pasojat e luftës në Kosovë" (28 shkurt 1998 10 qershor 1999) i hartuar nga Sanije Alijaj. Pas parathënies së Ruzhdi Pllanës, autorja paraqet hartat e ndarjes administrative të Kosovës, numrin e të zhvendosurve nëpër komunat e Kosovës në periudhën mars-tetor 1998, numrin e të vrarëve poashtu nëpër komuna në periudhën 28 shkurt 1998, 15 mars 1999, numrin e të zhdukruve, pasojat e luftës në njerëz etj. Shënimet statistikore për të vrarët, të zhdukurit me emra dhe mbiemra dhe pronat e shkatërruara paraqiten veç e veç nëpër të gjitha komunat e Kosovës.
Publikimi "Pasojat e luftës në Kosovë" ka shënime edhe për numrin dhe emrat e aktivistëve të LDK-së të vrarë gjatë kësaj periudhe, skurse që është ilustruar me fotografi të kohës dhe me tabela. Autorja thekson se të dhënat janë grumbulluar nga degët e LDK-së, komisionet për emigracion dhe refugjatë.

Një firmë italiane rinis prodhimin në minierën e magnezitit në Golesh

PRISHTINE, 4 qershor 200 - Këto ditë pas përpjekjeve të mëdha të stafit drejtues e teknik filloi prodhimi në minierën e Magnezitit në Golesh. Në këtë minierë, e cila është e para që fillon punën pas luftës në Kosovë, fillimisht janë angazhuar 127 punëtorë. Firma italiane "Eraklit Veniere" ka dhënë 123 mijë euro për rivitalizimin e minierës. Javën e kaluar për banorët e Magurës së komunës së Lipjanit ishte festë, për shkak të hapjes së minierës së magnezitit. Firma italiane "Eraklit venierë" ndihmoi me lëndë djegëse dhe pajisjen e laboratoreve. Drejtori i prodhimit në këtë minierë Ruzhdi Peçani është optimist se në muajt e ardhshëm do të shtohet prodhimi dhe do të kthehen në punë edhe një pjesë e punëtorëve. Momentalisht në ditë në minierën e Goleshit prodhohen 120 tonë magnezit, kurse është siguruar eksporti prej 6 mijë tonëve për këtë vit për një firmë italiane.

E hënë 3 qershor 2002

Grupi Ndërkombëtar i Krizave kritikon UNMIK-un se ka lejuar ndarjen e Kosovës

Nju Jork, 3 qershor 2002 - Grupi Ndërkombëtar i Krizave (ICG), një institucion politik i pavarur, ka kritikuar ashpër Misionin e Kombeve të Bashkuara në Kosovë (UNMIK), që, sipas tij, ka lejuar ndarjen e Kosovës në enklava serbe dhe shqiptare. Në një raport të Grupit Ndërkombëtar të Krizave (ICG) thuhet se UNMIK-u ka bërë shumë pak për të sfiduar influencën e vazhdueshme të Beogradit në veriun e dominuar nga serbët. Pavarësisht rezolutës 1244, sipas së cilës Misioni i Kombeve të Bashkuara duhet të ketë kontroll mbi gjithë territorin e Kosovës, Serbia ende kontrollon shërbimin shëndetësor, arsimin dhe drejtësinë në enklavat serbe në veri.
Raporti i ICG-së shkruan se Beogradi madje ka financuar grupe që kanë përdorur dhunën ndaj policisë së Kombeve të Bashkuara, veçanërisht në qytetin e Mitrovicës. Situata, sipas raportit rrezikon të kërcënojë bisedimet për të ardhmen e Kosovës.

Presidenti Rugova priti basketbollistët e ekipit "Prishtina", kampion të Kosovës për vitin 2002

Prishtinë, 3 qershor 2002 – Presidenti i Kosovës, Ibrahim Rugova priti sot në rezidencën e tij, anëtarët e Klubit të basketbollit "Prishtina", të cilët parmbrëmë fituan titullin kampion të Kosovës. Presidenti Rugova me këtë rast i përgëzoi ata për titullin e kampionit, duke u uruar fitore të reja. Ndërkaq, Nuredin Ibishi-Leka, kryetar i klubit të basketbollit "Prishtina" foli në emër të ekipit fitues. Ekipi i Prishtinës falenderoi presidentin Rugova për pritjen dhe i dhuroi një komplet të fanelave të klubit dhe shenjat e tifozëve të Prishtinës "Plisat"
Bajram Rexhepi priti sot një delegacion të Bashkimit Evropian
Prishtinë, 3 qershor 2002 - Kryeministri i Kosovës Bajram Rexhepi priti sot një delegacion të Bashkimit Evropian, të cilin e njoftoi për zhvillimet pozitive në Kosovë. Zoti Rexhepi tha se i kishte njoftuar mysafirët edhe me pengesat me të cilat ballafaqohet Kosova dhe me moskputimet me shtetet fqinje që në disa momente duan t'i konstruktojnë në mënyrë të gabuar, duke e paraqitur Kosovën Kosovën në një pasqyrë të keqe. Mirëpo, tha Kryeministri ato trendenca janë demaskuar.
Kryeministri Rexhepi priti sot edhe një grup nxënësish dhe arsimtarësh të shkollave të Prishtinës, duke përfshirë edhe nxënës të minoriteteve.
Çoviqi ka urdhëruar të hiqet flamuri shqiptar nga përmendorja e ish-komandantit, Ridvan Qazimi- Lleshi
Bujanoc, 3 qershor 2002 Zëvendëskryeministri i Qeverisë së Serbisë, Nebojsha Çoviqi, u ka urdhëruar sot me arrogancë organet shtetërore që nga përmendorja e ish-komandantit të Ushtrisë Çlirimtare të Preshevës, Bujanocit dhe Medvegjes, Ridvan Qazimit, të quajtur Lleshi në Tërnoc, të hiqet, siç thuhet, flamuri i Republikës së Shqipërisë.
"Serbia nuk do të tolerojë ngritjen e përdorimin e flamujve të shteteve të jashtme", ka thënë Çoviqi para përfaqësuesve të bashkësisë ndërkombëtare. "Provokikmet e tilla dhe të ngjashme do të sanksionohen me ligj, ngase në asnjë shtet evropian, ndaj as në Serbi, nuk mund të ngritet flamuri i shtetit tjetër", ka thënë me prepotencë Çoviq.
PDSH-ja në Maqedoni deklaroi se problemet kufitare Shkup-Serbi synojnë një destabilizim të ri në rajon
Shkup, 3 qershor 2002
- Problemet kufitare midis Maqedonisë dhe Kosovës përbëjnë vetëm një uvertyrë të strategjisë serbe e cila synon hapjen e kontesteve të reja në rajon, deklaroi Arbër Xhaferi kryetari i PDSH-së. Bllokimi i punës së Parlamentit të Maqedonisë është një taktikë para fushatës elektorale që po ndiqet prej bllokut maqedonas e që do të ketë efekte negative, tha Xhaferi dhe shtoi se paralajmërimi i formimit të partisë së Ali Ahmetit do të sjellë "një freski në ambientin shqiptar", si dhe do t'i mobilizojë forcat shqiptare në aspiratat e tyre për avancimin e statusit të shqiptarëve në Maqedoni.

E shtune,1 qershor 2002

Në Gjakovë po mbahet manifestimi tradicional letrar "Mitingu i Poezisë"
Gjakovë, 1 qershor 2002
- Në organizim të Lidhjes së Shkrimtarëve të Kosovës dhe klubit letrar "Gjon Nikollë Kazazi", dje ka filluar në Gjakovë manifestimi tradicional letrar "Mitingu i Poezisë". Këtë manifestim, që sivjet është i 38-ti me radhë, e ndihmon Ministria e Kulturës e Kosovës dhe Kuvendi Komunal i Gjakovës.
Manifestimi ka për temë bosht "Poezia shqipe në vitet '80" . Marrin pjesë poetë nga të gjitha trevat shqiptare, nga Shqipëria 5, nga Maqedonia 3, nga Mali i Zi 2 dhe shumë poetë nga Kosova.
Pas tribunës do të mbahen disa orë letrare nëpër shkolla, në shkolllën e lartë pedagogjike "Bajram Curri", në kazermën e Trupave Mbrojtëse të Kosovës dhe nëpër fshatra. Manifestimi kryesor i këtij mitingu do të jetë Ora e Madhe Letrare, që mbahet në mbremje, në sallën e pallatit të kulturës "Asim Vokshi", ku do të shpallet libri më i mirë ndërmjet dy mitingjeve dhe poezia më e mirë e lexuar në mitingun e sivjemë

M. Shtajner solli nga Beogradi në Prishtinë statujën arkeologjike 6000-vjeçare të Muzeut të Kosovës "Perëndesha në fron"
Prishtinë, 1 qershor 2002 - Kryeadministratori i Kosovës Mihael Shtajner solli dje nga Beogradi në Prishtinë statijën e vejtër 6000 vjet të Muzeut të Kosovës "Perëndesha në fron", e cila është gjetur afër Prishtinës më vitin 1956. Ajo ishte marrë nga Beogradi para luftës në Kosovë.
Z. Shtajner shprehu kënaqësinë e tij që kishte rastin të rikthejë këtë eksponat. Ai tha se eksponati u kthye në Prishtinë pa kurrfarë kompensimi duke e quajtur atë një shenjë të mirë të autoriteteve të Beogradit.

Ambasadori amerikan në Shkup Batller përsëriti qëndrimin e njohur të SHBA-ve pro-tërësisë tokësore të Maqedonisë

Shkup, 1 qershor 2002 - Ambasadori amerikan në Shkup Lorens Batller përsëriti qëndrimin e njohur të Shteteve të Bashkuara pro-tërësisë tokësore të Maqedonisë dhe mosnjohjen e Rezolutës së fundit të Parlamentit të Kosovës. Ambasadori Batller theksoi se kjo Rezolutë nuk ka mbështetje ligjore dhe në tërësi e përkrah deklaratën dhe reagimin e administratorit të Kosovës Mihael Shtajner.

Në një incident të pasqaruar është vrarë studenti i Universitetit të Tetovës Galdim Gjoci nga Dibra
> Tetovë, 1 qershor 2002- Në një incident të pasqaruar është vrarë një student i Universitetit të Tetovës. Galdim Gjoci nga Dibra është vrarë në rrethana deri tash të panjohura. Vrasja me armë zjarri ka ndodhur në një bllok banesash, që njihet për veprimin e vazhdueshëm të snajperëve paramilitarë. Autoritetet policore nuk kanë dhënë hollësi apo komente në lidhje me këtë incident. Ndërkohë po vazhdojnë hetimet për të ndriçuar një incident paraprak të ditës së pardjeshme po në Tetovë ku u godit një ordinancë mjekësore dhe për pasojë pati dëme të konsiderueshme materiale.
Robertson kërkoi dorëzimin e të gjithtë të akuzuarve për krime lufte në hapësirat e ish-Jugosllavisë
Bruksel, 1 qershor 2002
- Sekretari i përgjithshëm i NATO-s Xhorxh Robertson kërkoi dorëzimin e të gjithtë të akuzuarve për krime lufte në hapësirat e ish-Jugosllavisë. Ai tha se trupat ndërkombëtare në Bosnje nuk do të heqin dorë nga arrestimi i Radovan Karaxhiqit dhe se janë në gjurmët e tij. Lordi Robertson theksoi se para drejtësisë duhet të gjenden të gjithë, përfshirë këtu edhe dy të akuzuarit serb në Bosje Karaxhiq dhe Mladiq.Kukës: Banditët plaçkitën udhëtarët e një autobusi të Kosovës

Kukës, 1 qershor 2002 - Gjatë natës së të premtës u bë një plaçkitje e armatosur në autobusin e linjës Tiranë-Prishtinë.
Dy persona të armatosur kanë terrorizuar pasagjerët duke u grabitur atyre para, sende të florinjta, dokumente personale dhe aparate celularë. Ngjarja ka ndodhur, në vendin e quajtur Kodër - Komet, rreth 25 km larg Kukësit. Një nga grabitësit është plagosur gjatë kohës që së bashku me bashkëpunëtorin e tij qëllonte me breshëri armësh brenda në autobus, teksa mblidhnin sendet e grabitura. Drejtuesi i autobusit dhe 40 pasagjerët kanë shkuar në policinë e Kukësit duke denoncuar tmerrin që kishin parë me sy. Policia përmes një operacioni ka bërë të mundur arrestimin e dy autorëve të krimit, Bledat Ali Axhami, nga Kukësi dhe Lavdërim Peploka nga fshati Shtanë i këtij rrethi. Ky i fundit është edhe personi i plagosur në bark. Të dy grabitësit u kapën në automjetin e kryplakut të fshatit Shtanë, i cili ishte dhe xhaxhai i të plagosurit.

E premte,31 maj 2002
Presidenti i Kosovës priti një delegacion të deputetëve që shpallën Kushtetutën e Kaçaniku
Prishtinë, 31 maj 2002 – Presidenti i Kosovës, Dr.Ibrahim Rugova, priti sot në rezidencën e tij një delegacion të deputetëve të Republikës së Kosovës, të cilët shpallën Kushtetutën e Kaçanikut më 1990. Në krye të këtij delegacioni ishte Iljaz Ramajli, ish-kryetar i Kuvendit të Republikës së Kosovës. Pas takimit, Presidenti i Kosovës tha: "Prita me kënaqësi, ish-kryetarin e Parlamentit Iljaz Ramajlin, pra ish deputetët e Parlamentit të Kosovës, që kanë shpallë më 1990 Deklaratën e Pavarësisë, më 2 korrik, që kanë nxjerrë Kushtetutën e 7 shtatorit të Republikës së Kosovës, që kanë organizuar Referendumin për pavarësi më 1991, së bashku me partitë politike, që kanë bërë qeverinë, pastaj që kanë organizuar mbajtjen e zgjedhjeve të para nacionale, për president, dhe për parlamentin e Republikës së Kosovës", tha Presidenti Rugova. Presidenti me këtë rast u shprehu mirënjohje të madhe për punën që kanë bërë për të gjithë, për Kosovën, dhe sot përsëri do të angazhohen dhe janë të angazhuar për pavarësinë e Kosovës, në rindërtimin e Kosovës.
Ndërkaq, Iljaz Ramajli, ish-kryetar i Kuvendit të Kosovës tha se kishin ardhur sot me kënaqësi të veçantë për t'ia uruar Ibrahim Rugovës kryerjen e funksionit të Presidentit të Kosovës, si delegatë të legjislaturës së vitit 1990. "Tash shumë prej nesh jemi të angazhuar në shumë fusha, por vazhdojmë të kontribuojmë për të ardhmen e Kosovës, dhe për ndryshimin e gjendjes së Kosovës në të mirë", tha z.Ramajli duke vlerësuar lart punën që po bëjnë institucionet e reja demokratike të Kosovës - Kryetari, Kryeministri e Parlamenti. (marrë nga QIK-u) Kryetari i Parlamentit të Kosovës kërkon nga azilkërkuesit të kthehen në shtëpi

Londër, 31 maj 2002 - Kryetari i Kuvendit të Kosovës, Nexhat Daci u ka bërë thirrje azilkërkuesve nga Kosova, që ndodhen në Britaninë e Madhe që të kthehen në shtëpitë e tyre. "Nuk ka më nevojë që kosovarët të vazhdojnë të kërkojnë azil në Britani", tha zoti Daci pas një takimi që një delegacion i kryesisë së Kuvendit të Kosovës, zhvilloi me ministrin në Ministrinë e Jashtme të Britanisë, Denis Mekshejn. Kryetari i Kuvendit të Kosovës e falenderoi Britaninë për ndihmën e madhe që i ka dhënë Kosovës gjatë konfliktit, por tha se nuk ekzistojnë më arsyet për azilkërkuesit nga Kosova që të qëndrojnë në Britani.
Duke e mirëpritur komentin e zotit Daci, për azilkërkuesit, ministri britanik Denis Mekshejn tha se ka ardhur koha që azilkërkuesit nga Kosova të heqin dorë nga kërkesa e tyre për azil dhe të "kthehen atje ku nevojitet energjia dhe dija e tyre për të rindërtuar Kosovën", tha zoti Mekshejn Nëntë serbë nga Serbia kërkojnë strehim në Kosovë

Vushtrri, 31 maj 2002 - Nëntë serbë nga Serbia kanë kërkuar strehim të përkohshëm në Kosovë dhe ata janë vendosur në dy fshatra të Vushtrrisë. Ata kanë akuzuar pushtetin aktual në Serbi se nuk është demokratik dhe ndiehen të kërcënuar atje, deklaroi administratori i komunës Denison Lejn. Sipas z. Lejn të nëntë nëntë serbët e vendosur në fshatin Sllatinë dhe Grackë kanë arsimim të lartë dhe për ta po kujdeset administrata e UNMIK-ut në Vushtrri, shkruan gazeta "Zëri".
E enjte,30 maj 2002

J. Bugajski: Vetëm pavarësia për Kosovën do të mund të ndihmojë shtyrjen e proceseve drejt stabilizimit të rajonit
Prishtinë, 30 maj 2002
- Drejtori për Evropën Juglindore në Qendrën për Studime Strategjike Ndërkombëtare në Ushingaton Janosh Bugajski në ligjeratën e tij para studentëve të Universitetit të Prishtinës, ka thënë se vetëm pavarësia për Kosovën do të mund të ndihmojë në shtyrjen e procesit drejt stabilizimit të rajonit, përfshirë këtu stabilitetin edhe për dy vendet fqinje, Serbinë e Malin e Zi. Sipas tij jetësimi i pavarësisë së Kosovës nënkupton një punë të madhe, ngritjen e institucioneve demokratike, privatizimin dhe zhvillimin ekonomik. Kosova në rrugën e saj drejt pavarësisë duhet të garantojë dhe të jetësojë të drejtat për minoritetet dhe të sigurojë kufijtë e saja me fqinjët në mënyrë që pavarësimi i saj të mos vihet para dyshimeve, ka nënvizuar Bugajski.
Lidhur me inkuadrimin e Kosovës në Unionin serbo-malazez, Bugajski e quajti atë marrëveshje si iluzion mazohist dhe përpjekje të Evropës që të pengojë pavarësinë e Malit të Zi e aq më tepër pavarësinë e Kosovës. Ai ka theksuar se Unioni ndërmjet Serbisë dhe Malit të Zi nuk do të funksionojë gjatë.
"Nëse edhe vetë komunitetet tjera sllave nuk dëshirojnë të jetojnë me Beogradin atëherë pse shqiptarët do të dëshironin të jetonin me të", pyeti Bugajski, duke përsëritur vlerësimin e tij se Jugosllavia i takon së kaluarës dhe se çdo përpjekje që Kosova të bindet të jetojë në këtë shtet, kjo mund të nënkuptonte nxitjen e konflikteve të reja.
"Kam thënë disa herë se aleatët më të mirë amerikanë janë në Evropën Lindore e jo në atë veriore", tha Bugajski, duke përmendur këtu Poloninë, Hungarinë, Lituaninë, Shqipërinë e në të ardhmen ai tha se një prej aletëve më të mirë amerikan do të jetë edhe Kosova.
Presidenti Rugova priti Janosh Bugajskin
Prishtinë, 30 maj 2002
- Presidenti i Kosovës Ibrahim Rugova priti sot në rezidencën e tij drejtorin për Evropën Juglindore në Qendrën për Studime Strategjike Ndërkombëtare në Ushingaton z. Janosh Bugajski.,br> Presidenti Rugova me zotin Bugajski u ndal në një bisedë të përzemërt e miqësore për arritjet që janë bërë në Kosovë në vitet e pasluftës dhe për stabilitetin politike të sigurisë si dhe për programet zhvillimore të institucioneve të Kosovës. Me këtë rast Presidenti Rugova, në emër të popullit të Kosovës, i shprehu zotit Bugajski një mirënjohje të veçantë, si mikut të madh të Kosovës për angazhimin e tij për vendin tonë.
Edhe zoti Bugajski u pajtua me qëndrimin e Presidentit Rugova se zhvillimi ekonomisë së Kosovës, i sistemit politik, të sigurisë dhe pavarësia e Kosovës është e rëndësishme për stabilitet në rajon dhe për interesat kombëtare amerikane.
Shtajner: Kosova do të mbetet e pandarë dhe unike në rrugën drejt Evropës
Berlin, 30 maj 2002
- Kosova kurrë më nuk do të jetë si para vitit 1999. Kosova do të mbetet e pandarë dhe unike në rrugën drejt Evropës, deklaroi për mediat gjermane kryeadministratori i Kosovës Mihael Shtajner. Ai kërkoi kthimin e serbëve, por pranoi se në Kosovë ende ka lokalitete ku serbët nuk mund të kthehen.
Shtajner ka shfaqur bindjen se lufta kundër krimit të organizuar në fillim të vitit të katërt të misionit paqësor në Kosovë është duke u mirëpritur nga populli i saj. Gjyqësia në Kosovë nuk duhet të kursejë as politikanët më të lartë të Kosovës, thotë Shtajner.
Në Prishtinë nënshkruhet një marrëveshje për investimet amerikane në Kosovë
Prishtinë, 30 maj 2002
- Në Prishtinë sot u nënshkrua një marrëveshje mes SHBA-ve dhe UNMIK-ut për fillimin e investimeve amerikane në Kosovë. Nënshkrimi i marrëveshjes u bë në një ceremoni rasti në selinë e UNMIK-ut dhe atë e nënshkruan zyrtarë të SHBA-ve dhe të Kombeve të Bashkuara: kryeadministratori Mihael Shtajenr, shefi i zyrës amerikane Xhon Menzis, kryeministri i Kosovës Bajram Rexhepi dhe ministri i financave Ali Sadria.
Investimet amerikane kanë të bëjnë me infrastrkturën, shërbimet publike etj. Shtajner nënshkrimin e kësaj marrëveshjeje e vlerësoi të një rëndësie të madhe për ekonominë e Kosovës dhe qytetarët e saj dhe një sinjal për Bashkimin Evropian që të fllojë edhe me investimet në Kosovë. Shtajner u bëri thirrje edhe vendeve evropiane për të investuar në Kosovë.
Edhe kryeministri Rexhepi e vlerësoi të rëndësishëm nënshkrimin e kësaj marrëveshjeje sepse kjo tregon një shenjë të qartë se në Kosovë janë krijuar kushtet për fillimin e investimeve të huaja, duke u bërë thirrje vendeve të BE-së për të investuar në Kosovë.
Maqedoni: Sulmohet postblloku i policisë në Haraçinë, bombë në Tetovë
SHKUP, 30 maj 2002
- Persona të paidentifikuar sulmuan mbrëmë një postbllok të policisë maqedonase në afërsi të fshatit Haraçinë. Lajmi bëhet i ditur nga Qendra Qeveritare e Menaxhimit të Krizës. Forcat e policisë nuk iu kundërpërgjigjën zjarrit, shtoi burimi, duke theksuar se asnjë nuk mbeti i plagosur në sulmin i cili u regjistrua mbrëmë rreth orës 21.15. Ndërsa rreth orës 3.00 duke u gdhirë dita e sotme, një tjetër person i paidentifikuar hodhi një mjet shpërthyes praën "Xhamisë me Ngjyra" në Tetovë, në segmentin rrugor mes "Brakja Miladinovci" dhe "Ilindenska". Shpërthimi dëmtoi disa objekte që ndodheshin aty praën. Policia pritet që të zbardhë rrethanat e kësaj ngjarje gjatë ditës së sotme. Sipas Qendrës Qeveritare për Menaxhimin e Krizës, veprime të tilla kanë si synim të vetëm ngadalësimin e proçesit paqeruajtës.
Presidenti jugosllav Koshtunica: Mali i Zi po vë në dyshim shtetin e ardhshëm
BEOGRAD, 30 maj 2002
- Presidenti jugosllav, Vojisllav Koshtunica akuzoi pushtetin dhe opozitën e Malit të Zi se "po vënë përsëri në dyshim" Kushtetutën e shtetit të ri të Serbisë-Mali i Zi, i parashikuar nga marrëveshja e Beogradit që më 14 mars, e nënshkruar nën kujdesin e Bashkimit Europian. "Partia Demokratike e Socialistëve (SDP, në pushtet) dhe Partia Socialiste Popullore (SNP, në opozitë) rivunë në dyshim marrëveshjen e Beogradit", deklaroi Koshtunica gjatë konferencës së tij të përmuajshme të shtypit. Presidenti jugosllav aludonte për miratimin kohët e fundit nga parlamenti i Malit të Zi të "konkluzioneve", që, sipas tij, "falsifikojnë marrëveshjen e Beogradit dhe kërkojnë të paragjykojnë Kartën kushtetuese", të shtetit të ardhshëm që duhet ta hartojë një komision i cili mbetet të krijohet. Parlamenti i Malit të Zi e kishte dhënë megjithatë miratimin për marrëveshjen në muajin prill, në të njejtën kohë me parlamentin e Serbisë. Koshtunica shprehu shpresën se "gjërat do të lëvizin", nesër, gjatë mbledhjes së Parlamentit federal jugosllav, gjatë të cilit parashikohet të miratohet marrëveshja e Beogradit.
Presidenti i SHBA, Bush zgjat edhe për një vit masat e jashtëzakonshme kundër Beogradit
UASHINGTON, 30 maj 2002
- Presidenti amerikan Xhorxh Bush i ka vazhduar edhe për një vit masat e jashtëzakonshme kundër RFJ-së - Serbisë dhe Malit të Zi, duke theksuar si arsye se ende nuk është zgjidhur kriza lidhur me situatën në Kosovë, si dhe lidhur me Slobodan Millosheviqin, bashkëpunëtorët e tij të ngushtë, ithtarët e personat e tjerë të akuzuar për krime lufte nga Tribunali i Hagës. Këto masa kundër Beogradit, me modifikime të caktuara, janë në fuqi që nga 30 maji i vitit 1992.
E mërkure,29 maj 2002

Presidenti i Kosovës priti ministren e Shqipërisë Meksi
Prishtinë, 29 maj 2002
- Presidenti i Kosovës Ibrahim Rugova priti ministren e Ekonomisë së Shqipërisë, zonjën Ermelinda Meksi. Pas takimit Presidenti Rugova premtoi realizimin e programeve konkrete ndërmjet Kosovës dhe Shqipërisë dhe përsëriti kërkesën për integrim të Kosovës në strukturat evroatlantike dhe insistimin e përbashkët të dy shteteve për integrim. Ndërsa sa i përket të realizimit të projektit të parë konkret - ndërtimin e autostradës Durrës-Prishtinë, Presidenti tha se kjo çështje është diskutuar dhe se po bëhen përpjekje serioze për gjetjen e burimeve. Për këtë qëllim do të vëhet një taksë e veçantë për biznismenët shqiptarë të anëve të kufirit për mundësinë e përshpejtimit të rrugës Prishtinë -Durrës, apo Prishtinë Lezhë, u tha me këtë rast."Ishte e veçantë kënaqësia me takimin me Presidentin dr.Rugova, i cili është i mirënjohur për rolin dhe kontributin e tij në drejtim të forcimit të institucioneve vetëqeverisëse të Kosovës, në drejtim të hapave konkretë që e thellojnë bashkëpunimin ekonomik dhe tregtar ndërmjet Shqipërisë dhe Kosovës do t'i shërbejë integrimit më të shpejtë të dyja vendeve drejt Evropës", tha zonja Meksi. Ajo në vazhdim theksoi se është folur për përpjekjet për të realizuar projektin rrugor, që e përshpejton procesin e integrimit. "Ne si qeveri Shqiptare do të vendosim një taksë plus për rritjen e burimeve financiare, forcimin institucional ndërmjet ministrive për të bërë të mundur hapjen e veprimeve konkrete që përshpejtojnë liberalizimin e tregtisë ndërmjet Shqipërisë dhe Kosovës", tha zonja Meksi.
B.Pula: "Parlamentarët e Kosovës morën një hap të guximshëm"
Prishtinë, 29 maj 2002
- "Parlamentarët e Kosovës morën një hap të guximshëm me miratimin e Rezolutës dhe ia sollën Kosovës një fitore morale çfarë ajo nuk ka përjetuar që nga mbarimi i luftës", shkruan në një koment B.Pula në "K.ditore" me titull "Parlamenti dhe monarku", duke shtuar se "gabojnë rëndë (parlamentarët) nëse mendojnë se puna mbaron me kaq". Më tutje autori thekson se "ajo që është tepër evidente në periudhën pas miratimit të Rezolutës, është mungesa e zërave kosovarë të cilat do t'i mbrojnë qëndrimet kosovare në qarqet diplomatike botërore, ndërsa trumbetojnë qortimet perëndimore dhe akuzat antikosovare të Beogradit dhe Shkupit". "Në qoftë se liderët kosovarë nuk dëshirojnë që momenti i krijuar nga Rezoluta të shfrytëzohet për minimin politik të Kosovës, ata duhet të ngrisin zërin në mbrojtje të qëndrimeve të institucionit i cili flet në emër të popullit të Kosovës dhe ta afirmojnë legjitimitetin e kërkesave dhe qëndrimeve të shprehura aty", theksohet më tutje në koment dhe nënvizohet: "Pasi Kuvendi demonstroi se nuk do të jetë një institucion servil në raport me 'monarkun' e Kosovës, drejtuesit e institucioneve kosovare ia kanë vënë vetes për detyrë të dëshmojnë sërish se nuk do të sillen si të verbër e të shurdhër karshi çështjeve të interesit jetik, përkundër asaj se çfarë diktojnë kompetencat formale".
Nënat gjakovare protestojnë për zbardhjen e fatit të familjarëve të zhdukur
GJAKOVE, 29 maj 2002
- Nënat dhe gratë gjakovare kanë protestuar sot përsëri duke kërkuar me ngulm zbardhjen e fatit të familjarëve dhe të dashurve të tyre, të zhdukur pas luftës në Kosovë. Protestuesit mbanin në duar fotografi të të afërmve dhe ashtu si shumë herë të tjerë nëpër rrugët e Gjakovës kanë kërkuar që të gjenden sa më shpejt familjarët e tyre. Ata në fillimim u drejtuan nga zyrat e Kuvendit Komunal të Gjakovës, pastaj vazhduan përgjatë rrugës kryesore deri para Pallatit të Kulturës. “Nuk do të lëvizim prej këtu derisa dikush nga përfaqësuesit e komunës t'ë vijë me ne në Prishtinë. Atje do të shkojmë po të jetë nevoja edhe në këmbë”, janë shprehur disa nga nënat gjakovare që kishin dalë për të protestuar. Në përgjigje të kësaj kërkese kryetari i Kuvendit KOmunal të Gjakovës Aqif Shehu premtoi se do të ndërmjetësonte që kërkesat e protestuesve t'i parashtronte edhe më lart, deri te kryeadministratori Mihael Shtajner.
Haxhimusa: Transferimi i serbëve të dënuar në Kosovë në burgjet e Serbsë është bërë pa pjesëmarrjen e kosovarëve
Prishtinë, 29 maj 2002
- Kryetari i Gjykatës Supreme të Kosovës, Rexhep Haxhimusa, duke komentuar marrëveshjen për transferimin e serbëve të dënuar në Kosovë në Serbi, ka thënë: "Askush nuk na ka njoftuar. Jemi anashkaluar plotësisht kur është fjala për këtë marrëveshje" dhe pastaj ka shtuar: "Sikur Serbia të kishte treguar vullnet të mirë, duke i sjellë serbët e ikur nga burgjet e Kosovës, atëherë me të vërtetë do të supozonim se edhe me rastin e transferimit të serbëve të dënuar në Kosovë në Serbi do të ketë qasje korrekte", ka thënë z. Haxhimusa, i cili sikurse edhe stafi tjetër e ka ndier ofendim për të dhe për gjithë kosovarët moskonsultimin dhe anashkalimin e tyre në këtë marrëveshje, aq më tepër kur në burgjet serbe është transferuar edhe një i dënuar për krime lufte. "Për familjarët e viktimave të krimeve, të cilat i ka shkaktuar serbi i transferuar në burgjet serbe, tash nuk ekziston as statisfaksioni më i vogël që të pakten njeriu që i ka vrarë të afërmit e tyre gjendet në burg duke e vuajtur dënimin", ka thënë ai. "Kam lexuar, ka vazhduar z. Haxhimusa, se zëvendëskryeministri i Serbisë, Nebojsha Çoviqi, ka deklaruar se do të rishqyrtohen rastet e të dënuarëve serbë në Kosovë. Nëse bëhet kjo, atëherë kemi të bëjmë me shkelje të Konventës Evropiane për Transferimin e Personave të dënuar, sipas të cilës mundësia e vetme e rishqyrtimit të rasteve të transferuarëve është nëse kjo gjë bëhet në konsultim me gjykatat nga të cilat është shqiptuar dënimi", ka vlerësuar Haxhimusa për gazetën "Zëri".
Senatori amerikan Voinovich në Prishtinë: Institucionet e Kosovës të zbusin situatën me Maqedoninë
PRISHTINE, 29 maj 2002
- Senatori amerikan George Voinovich gjatë një vizite sot në Prishtinë u ka kërkuar liderëve kosovarë që të zbusin tensionet e krijuara pas mosmarrëveshjeve për vijën kufitare mes Kosovës dhe Maqedonisë. Kryeministri Bajram Rexhepi u shpreh se senatori amerikan u kishte kërkuar atyre institucionet e e Kosovës të dekurajojnë ndonjë grup të armatosur në Maqedoni që do të kishte qëllim destabilizimin e asaj pjese dhe do të kishte refleksione negative në atë pjesë. Pas takimit që Voinovich pati me kryetarin e Kosovës Ibrahim Rugova, ky i fundit deklaroi se e ka njoftuar zyrtarin ndërkombëtar me përparimet që janë bërë në Kosovë si dhe me përpjekjet e Qeverisë së Kosovës për integrimin e minoriteteve në Kosovë. “Përkrahja e mëtejshme e Shteteve të Bashkuara të Amerikës është e domosdoshme për Kosovën”, deklaroi Rugova pas takimit me senatorin amerikan Voinovich. Rugova tha se e ka njoftuar senatorin amerikan me përparimet, që janë bërë në Kosovë si dhe me përpjekjet, që po i bën Qeveria e Kosovës për integrimin e minioriteteve. Edhe Kryeministri i Kosovës Bajram Rexhepi priti senatorin amerikan George Voinovich. Rexhepi tha pas takimit se Qeveria e tij është e përqendruar për nevojën e ngutshme të bashkëpunimit për eliminimin e të gjitha formave të kriminalitetit. “Ne treguam vendosmërinë tonë se kapacatitet që i kemi në dispozicion jemi të gatshëm që të kontribuojmë maksimalisht në këtë drejtim. Poashtu kërkuam pasi është e domosdoshme prezenca e SHBA-ve jo vetëm në aspektin e sigurisë me prezencën ushtarake, por edhe me rolin udhëheqës politik”, tha Rexhepi. Ai u shpreh se është konfirmuar poashtu edhe nga senatori Voinovich se prezenca amerikane duhet të jetë e angazhuar maksimalisht. Pas takimit që pati me përfaqësuesit më të lartë të Kosovës senatori amerikan George Voinovich tha se në të gjitha këto takime ka dominuar çështja e kthimit të personave të zhvendosur në Kosovë, me theks të veçantë të atyre serbë. Voinovich tha se të gjithë bashkëbiseduesit e tij janë shprehur të gatshëm që të angazhohen në këtë drejtim. “Nga kryeadministratori Mihael Shtajner dhe bashkëbiseduesit e tjerë kuptova se ata janë të angazhuar shumë seriozisht për krijimin e një ambienti të përshtatshëm gjithë personave të shpërngulur nga Kosova”, deklaroi shkurt senatori amerikan Voinovich, i cili qëndroi për herë të tretë në Kosovë. Pas Prishtinës Voinovich vizitoi edhe kampin ushtarak amerikan Bondstill dhe pastaj udhëtoi për në Shkup. Senatori Voinovich (republikan nga Ohajo), është anëtar i lartë i komiteteve të Senatit për Çështje Hapësinore dhe Qeveritare dhe anëtar i Komitetit për Siguri dhe Bashkëpunim në Evropë. Rugova me zv/ministrin e Jashtëm rus: Kosova e pavarur do të qetësonte krejt rajonin PRISHTINE, 29 maj2002
- Kryetari i Kosovës Ibrahim Rugova ka pritur sot zëvendësministrin e Jashtëm rus Sergej Razov. Në këtë takim Rugova riparaqiti qëndrimin se Kosova si shtet i pavarur do ta qetësonte rajonin. Ndërsa Razov tha se është njoftuar për të arriturat në Kosovë. Sipas tij, në Kosovë ka edhe shumë gjëra për t'u bërë. “Ne patëm një qëndrim të përbashkët se këtu ka ende probleme për t'u zgjidhur. Duhet të krijohet siguri më e madhe për të gjithë ata qytetarë, që janë të përkatësive të tjera etinike”, deklaroi zçëvendësministri rus Razov.
UNMIK: Rezultatet e para të privatizimit do të shihen në muajt shtator dhe tetor
PRISHTINE, 29 maj 2002
- Zyrtarët e UNMIK-ut premtojnë se në vjeshtë të këtij viti do të ketë rezultate konkrete në procesin e privatizimit. Konceptet e tyre për privatizimin i kanë shpalosur sot zyrtarë vendorë dhe ndërkombëtarë të Ministrisë së Tregtisë dhe Industrisë në seminarin "Raportimi nga ekonomia", të organizuar nga IREX. Në këtë tryezë u tha se baza për Agjencinë Kosovare të Mirëbesimit është në kornizën kushtetuese që është fuqi e rezervuar e Përfaqësuesit Special të Sekretarit të Përgjithshëm, në konsultim me qeverinë e Kosovës.Ministri i Tregtisë dhe Industrisë Ali Jakupi thotë se rregullorja e Agjencisë Kosovare të Mirëbesimit është themeluar pa konsultimin e shumë ekspertëve kosovarë dhe në njëfarë mënyre kjo rregullore është e imponuar. Problem numër një në procesin e privatizimit në Kosovë, sipas Jakupi, do të jetë pronësia e padefinuar e ndërmarrjeve. Sa mund të ndihmojnë gazetarët në procesin e privatizimit? Këshilltari për media elektronike në IREX, Dejvid Bellin, mendon se mediumet do të ndihmojnë duke monitoruar procesin. “Në Kosovë është vështirë të privatizohen të 350 ndërmarrjet shoqërore. Disa mund të jenë të vlefshme, disa jo. Do të ketë dhembje. Në një kohë që disa njerëz do të fitojnë vende të reja pune të tjerët do t'i humbin ato. Mediumet duhet që në tërësi ta monitorojnë këtë proces. Gazetarët, gjithashtu duhet të monitorojnë edhe politikanët. Duhet siguruar se procesi do të jetë i hapur, transparent dhe të drejtë”, tha Bellin. Sipas zyrtarëve të UNMIK-ut rreth 350 ndërmarrje shoqërore dhe rreth 60 ndërmarrje publike e shtetërore sa janë në Kosovë janë lënë seriozisht pasdore dhe janë me pronësi të paqartë. Në këto ndërmarrje janë të regjistruar rreth 30 mijë punëtorë, shumica e të cilëve nuk marrin paga mujore. Rezultatet e para konkrete të procesit të privatizimit sipas zyrtarëve të UNMIK-ut do të mund të shihen në muajt shtator dhe tetor të këtij viti.
Tryeza me gazetarë: Gjuha urrejtjes në media, pason me konflikte të armatosura ndëretnike
PRISHTINE, 29 maj 2002
- Përdorimi i gjuhës së urrejtjes në media, shumë herë pason me konflikte të armatosura ndëretnike apo individuale, në tryezën "Nxitja e Urrejtjes dhe Fushatat Mediale" që u mbajt sot në Prishtinë. Këtë tryezë e organizoi Organizata për Siguri dhe Bashkëpunim Evropian dhe UNMIK-u. Pjesmarrësit e kësaj tryeze, moderator i së cilës ishte analisti i njohur amerikan Janush Bugajski, thanë se mediat në rajonin e Ballkanit tashmë e kanë shumë të qartë se përmes gjuhës së urrejtjes ndaj komuniteteve të tjera, gjithmonë vjen deri tek konfliktet, shumë herë me pasoja katastrofale. Pjesmarrësit paraqitën shembuj të përdorimit të gjuhës së urrejtjes në mediat e ish-Jugosllavisë që nga viti 1981, ku shqiptarët paraqiteshin si terroristë, seperatistë etj, dhe kjo sjellje e mediave kryesisht serbe të asaj kohe pasonte me masakra dhe urrejtje të madhe ndaj shqiptarëve të Kosovës. Në këtë kontekst, Augustin Palokaj korrespodent nga Brukseli i gazetës “Koha Ditore”, tha se luftrat fillojnë me penda e pastaj vazhdojnë me plumba. “Kulminacionin e gjuhës së urrejtjes në media e kanë arritur serbët në kohën e regjimit të Milosheviqit. Si rezultat të kësaj, kemi parë edhe instrumentalizimin e serbëve të Kosovës të cilët imazhin për shqiptarët e kanë krijuar nëpërmjet këtij fjalori të mediave”, tha Palokaj. Sipas tij, gjendja momentale në mediat kosovare është dukshëm më e mirë. Një konstatim të tillë e përforcoi edhe analisti Janush Bugajski, drejtor i Qendrës për Studime Strategjike në Evropën Juglindore në Uashington, i cili duke udhëhur debatin e së mërkurës, sqaroi se qëllimi i gjuhës së urrejtjes në media është pikërisht krijimi i një imazhi për një grup ose për një person të caktuar. Ndërsa Aleksandar Jankoviq, nga Televizioni i Fëmijëve në Beograd, tha se kur ka filluar të punojë në projektin për fëmijë, ka pasur vështirësi pasi që edhe tek më të vegjëlit është vërejtur urrejtje ndaj kominiteteve tjera. Sipas tij, kjo ka ndodhur për shkak se mediat e tjera shumë herë kanë përdour gjuhën e urrjetjes. Ilir Babaramo, gazetari i të përditshmes së Tiranës “Gazeta Shqiptare”, si një formë për tejkalimin e fjalorit të urrejtjes ka përmendur injorimin e raporteve me karakter të tillë nga redaksitë e mediave, mandej komentet që do të shpjegonin rolin negativ të raportimit të tubimeve me gjuhë urrejtëse. Në tryezën e sotme gjithashtu u tha se në Kosovë mediat shumë rrallë e paraqesin realisht gjendjen e minoriteteve. Mediat në shumicën e rasteve në Kosovë, punojnë në atë drejtim që të pasqyrojnë vetëm vuajtjet e komuniteteve të cilave ju përkasin. Megjithatë duke krahasuar të kaluarën dhe të tashmen, në rajon sipas pjesëmarrësve në diskutim, vërehet një përmirësim i dukshëm i sjelljeve të mediave.
Asnjë tjetërsim i pronës nuk është bërë dhe nuk mund të bëhet pa vendimet e Kuvendit Komunal të Prishtinës
Prishtinë, 29 maj 2002
- Lidhur me disa shkrime që janë publikuar këto ditë nëpër media të ndryshme se kinse në komunën e Prishtinës janë tjetërsuar 40 hektarë tokë, Drejtorati për Gjeodezi e Kadastër i KK të Prishtinës doli me një komunikatë për opinion në të cilën thuhet:
- Sipas evidencës së këtij Drejtorati jemi të gatshëm që t'i dëshmojmë të gjitha lëvizjet e pronës edhe me metër katrorë. Asnjë ndërrim nuk është bërë dhe nuk mund të bëhet pa vendimet e Kuvendit Komunal, prandaj spekulimet e ndryshme me motive të panjohura për ne, faktet dhe dokumentacioni që ne posedojmë i demantojnë ato. Në evidencën e këtij Drejtorati jo vetëm që nuk është evidencuar sipërfaqja për të cilën thuhet se mungon, por përkundrazi, në bazë të dokumentacionit tonë, ne kemi konstatuar, - thotë Sharr Pllana, drejtor i Drejtoratit për Gjeodezi e Kadastër në KK të Prishtinës - se kemi sipërfaqe në rritje prej 8.78, 26 hektarësh tokë dhe këtë për shkak se me vendim të KK ish-ndërmarrjes "Jugopetrol" i janë marrë 2.28, 26 hektarë sipërfaqe dhe e njëjta i është dhënë në shfrytëzim të përkohshëm Komitetit Saudit. Gjithashtu 3.50,00 hektarë i janë marrë "Kosova-teksit" dhe i janë dhënë gjithashtu në shfrytëzim Institutit të Kriminalistikës. Edhe Shkollës së Mesme Bujqësore me vendim të Kuvendit Komunal i janë marrë 3 hektarë dhe i janë dhënë po ashtu në shfrytëzim Qendrës Edukativo-sociale "Don Bosko". Sipas z. Pllana, KK i Prishtinës ka dy fletë poseduese. Sipas fletës poseduese 3838 për komunën kadastrale në Prishtinë, tokë rurale ka në sipërfaqe prej 243.05,42 hektarë, ndërsa sipas fletës poseduese 4137, tokë urbane ka 335.62, 08 hektarë. Lidhur me spekulimin se kinse disa personave u është kërkuar ryshfet, udhëheqësit e këtij Drejtorati theksuan se emrat e tyre të publikuar nëpër disa media për ta janë të panjohur dhe kurrë në këtë institucion nuk kanë ardhur të dëshmojnë për raste të këtilla nëse ekzistojnë. Ky Drejtorat është i gatshëm që të dëshmojë me fakte konkrete se këtu nuk është keqpërdorur e as tjetërsuar asnjë pëllëmbë e sipërfaqes së tokës publike, theksohet në fund të komunikatës për opinion të nënshkruar nga Sharr Pllana, drejtor i Drejtoratit për Gjeodezi e Kadastër në KK të Prishtinës.
E marte,28 maj 2002

Presidenti Rugova kërkoi nga një delegacioni i Asamblesë Parlamentare që Kosova të ketë statusin e vëzhguesit në KE
Prishtinë, 28 maj 2002
- Presidenti i Kosovës Ibrahim Rugova priti sot një delegacion të Asamblesë Parlamentare të Këshillit të Evropës, të kryesuar nga raportuesi i Këshillit Helmut Lipelt.
Pas takimit Presidenti Rugova tha se zoti Lipelt është një mik i dëshmuar i Kosovës dhe ka kohë që ai angazhohet për çështjen e Kosovës dhe sot ka ardhur në cilësinë e raportuesit të Asamblesë Parlamentare të KE. Më tutje Presidenti tha se i kishte njoftuar mysafirët me arritjet e pasluftës në Kosovë dhe për progresin e arritur në të gjitha fushat: me programin e institucioneve të Kosovës, zhvillimin ekonmik, çështjen e privatizimit, të investimeve, stabilitetin politik, integrimin i komuniteteve etnike etj. Poashtu, ai tha se ka kërkuar që të bëhet njohja sa më parë e Kosovës, e cila do të qetësonte rajonin dhe do të hapte perspektiva për Kosovën. Presidenti Rugova kërkoi nga delegacioni i Asamblesë Parlamentare që Kosova të ketë statusin e vëzhguesit në Këshillin e Evropës. Ndërkaq, kryesuesi i delegacionit zoti Lipelt u shpreh i kënaqur me ato që ka dëgjuar nga presidenti Rugova dhe premtoi se edhe në të ardhmen do të vazhdojë përkrahjen për Kosovën. Në veçanti z.Lipelt tha se do të angazhohet që të përmbushet kërkesa për statusin e vëzhguesit në Këshillin e Evropës.
"Dëgjova kërkesën e Presidenti dhe unë këtë do ta përcjellë në institucionet evopiane të Bashkimit Evropian, të cilat janë kompetente për këtë çështje", duke tehksuar nevojën e zgjidhjes së tensioneve ndëretnike në Kosovë nëpërmjet dialogut si formë e vetme demokratike për zgjidhjen e problemve. Kjo është një domosdoshmëri kur dihen synimet e kosovarëve për integrim në strukrurat evropiane dhe atlantike, theksoi në fund z.Lipelt.
Prishtinë: Në panelin me temën për kapërcimin e boshllëkut informativ foli, analisti i njohur amerikan Bugajski
Prishtinë, 28 maj 2002
- Duke folur sot në Prishtinë në një panel me temën për kapërcimin e boshllëkut informativ, analisti i njohur amerikan Janosh Bugajski tha se me mbetjen e Kosovës mes pavarësisë dhe varësisë është me rëndësi përcaktimi i gjendjes faktike të identitetit të saj. Ndërkaq duke trajtuar çështjen e ndërtimit të shtetit të ri të Kososvës, mbështetur në pjesëmarrjen e të gjitha etniteteve, Bugajski u shpreh se mbi këtë bazë ndërtohet shteti dhe demokracia në Kosovë, përndryshe do të ketë shkatërrim dhe humbje të madhe për të gjithë banorët e saj. Në vazhdim Bugajski pyeti se si duhet të jetë identiteti i Kosovës në Evropë.
Ky përcaktim kërkon diskutime konkrete në ndihmë të strukturave në krijim e sipër të sistemit demokratik dhe për statusin e Kosovës.
Sipas një përfaqësuesi nga Beogradi, Dushan Janjiq, tani nuk është koha që të definohet statusi i Kosovës, por është koha që të bisedohet në lidhje me të. "Unë dua të them se në fund të kësaj është republika e Kosovës". Por ai mendon se ideja për një Kosovë republikë në konfederatë me Serbinë e Malin e Zi, siç mendojnë ndërkombëtarët në Bruksel, është e parealizueshme, ndërkaq sipas tij ekziston edhe varianti i tretë - pranimi i pavarësisë së Kosovës për të cilën është e nevojshme vetëm negociimi dhe ndërtimi i institucioneve demokratike, thotë Janjiq.
Në takimin Shtajner - Çoviq u debatua rreth situatës në veri dhe për menjanimin e strukturave paralele
Prishtinë, 28 maj 2002
- Situata në veri të Kosovës dhe kthimi i të zhvendosurve ishin temë kryesore e takimit të kryeadministratorit të Kosovës Mihael Shtajner me zëvendëskryeministrin serb Nebojsha Çoviq, i cili u mbajt dje pasdite në selinë e UMMIK-ut në Prishtinë.
Derisa z. Shtajner nuk u prononcua rreth takimit, Çoviq tha se bisedimet kryesisht ishin përqëndruar rreth zgjidhjes së problemeve në veri të Kosovës dhe kthimin e të zhvendosurve. Duke komentuar organizimin e serbëve në nivelet lokale në Kosovë, Çoviq ka thënë se strukturat paralele të pushtetit nuk janë të nevojshme, por më parë duhet eliminuar frikën që mbretëron në mesin e serbëve në Kosovë. Procesi i kthimit të serbëve, tha Çoviq, duhet të jetë i organizuar dhe në bashkëpunim me të gjithë në mënyrë që të bëhen hapa konkretë në këtë drejtim.
Një takim i ri mes z. Shtajner dhe Çoviq është paralajmëruar për të premtën më 31 maj në Prishtinë.
Seminari: Gazetaria po i paraprin zbulimit të korrupsionit në ndërmarrjet kosovare
PRISHTINE, 28 maj 2002
- “Gazetaria po i paraprin zbulimit të korrupsionit në ndërmarrjet kosovare”. Kështu u vlerësua në ditën e parë të seminarit, në të cilin po marrin pjesë ekspertë ndërkombëtarë të gazetarisë për ekonomi, përfaqësues të institucioneve të ndryshme kosovare dhe gazetarë të mediave të vendit. Diskutantët thanë se institucionet e ndryshme ekonomike të Kosovës tashmë kanë filluar të shqyrtojnë format dhe mundësitë për transformimin e pronës shoqërore në atë private. Për zhvillimin e këtij procesi gazetaria kosovare do të ndihmonte shumë duke bashkëpunuar me institucionet përkatëse, u vlerësua në ditën e parë të seminarit. Në këtë takim u dhanë shembuj se si gazetaria mund të kontribuojë në zbulimin e shumë keqpërdorimeve dhe korrupsionit në ndërmarrje të ndryshme shoqërore e ekonomike. Sipas dekanit të Fakultetit Ekonomik prof. Sabaudin Komonit, mediat në Kosovë duhet të jenë trasparente në informimin e zhvillimeve ekonomike në vend. Sipas ekspertit të ekonomisë Nazmi Mustafa, informimi i opinionit në këtë drejtim duhet të jetë i drejtë. Kryetari i Shoqatës së Gazetarëve të Ekonomisë Ibrahim Rexhepi tha se informacionet për korrupsion në media i kanë paraprirë një realiteti, të cilin institucionet me vonë e pranuan vetë. Në këtë takim u tha se gazetaria në Kosovës është duke u zhvilluar në menyrë të suksesshme dhe është duke i paraprirë zbulimit të korrupsionit në ndërmarrjet e ndryshme shoqërore në Kosovë. Seminari përfundon nesër.
"Mitingu i Poezisë Gjakova 2002" mbahet më 31 maj
PRISHTINE, 28 maj 2002
- Më 31 maj në Gjakovë do të mbahet manifestimi tradicional letrar, i 38-të me radhë, "Mitingu i Poezisë Gjakova 2002". Ky manifestim organizohet nga Lidhja e Shkrimtarëve të Kosovës dhe është mbështetur nga Ministria e Kulturës e Kosovës dhe Drejtorati për Kulturë i komunës së Gjakovës. Mitingu i poezisë Gjakova 2002 është një ndër manifestimet më të rëndësishme të Lidhjes së Shkrimtarëve të Kosovës. Kryetari i këtij institucioni, Adem Gashi thotë se ky manifestim ruan karakterin tradicional dhe janë të ftuar mëse 250 anëtarë të Lidhjes së Shkrimtarëve të Kosovës. Gashi thotë se në manifestim do të nxirren konstatime për nivelin e poezisë së sotme, për rrjedhat dhe për zhvillimin historiko-letrar të poezisë shqipe. Veç kësaj, siç u shpreh kryetari i LSHK-së, e veçanta e manifestimit të sivjetshëm është se në kuadrin e tri orëve letrare do të organizohet edhe ora letrare për fëmijë. Gashi thotë se manifestimi ka karakter garash, do të jepen çmime për librin më të mirë poetik brenda vitit, poezinë më të mirë në orën letrare si dhe njëkohësisht do të bëhet pranimi i anëtarëve të rinj në LSHK-së. Në këtë manifestim marrin pjesë edhe autorë nga viset e tjera shqiptare. Sipas Gashit, Lidhja e Shkrimtarëve të Kosovës, në të ardhmen pretendon t'i jap këtij manifestimi karakter ndërkombëtar.
E hënë 27 maj 2002

Shtajner takohet me Çoviqin në Prishtinë
Prishtinë, 27 maj 2002
-Qik-u njofton se Kryeadministratori i Kosovës, Mihael Shtajner do të takohet sot në Prishtinë me zëvëndëskryeministrin serb, Nebojsha Çoviq. Takimi do të mbahet në selinë e UNMIK-ut. Zëdhënësi i UNMIK-ut, Simon Hejzellok, tha se ata do të dikskutojnë çëshjen e kthimit të refugjatëve serbë dhe problemin e Mitrovicës. Takimi është planifikuar të mbahet në ora 14,00. Zyrtarët ndërkombëtarë nuk dhanë detaje të tjera për këtë takim. Mirëpo, u tha se pas takimit do të lëshohet një komunikatë e shkurtër për media. Serbët e këtushëm ende nuk kanë caktuar zyrtarin, i cili do të merret me çëshjen e kthimit të serbëve dhe që do të punojë në zyrën e kryeministrit të Kosovës.
Sipas policisë së UNMIK-ut eshtrat e gjetur në Gjakovë nuk janë të luftës së fundit
Gjakovë, 27 maj 2002
- Zbulimi i eshtrave në kazermën e ushtrisë në Gjakovë ka tronditur qytetarët e komunës së Gjakovës, të cilët ende kërkojnë të afërmit e tyre të zhdukur. Në fillim u dyshua dhe u komentua se a mos është fjala për ndonjë varrezë masive të tipit të atyre që u gjetën në Serbi. Por më vonë, kjo gjë u demantua. Një ndërmarrje lokale gjatë gërmimit të një kanali pati gjetur eshtra përgjatë 15 metrash. Ndërkaq, punimet janë ndërprerë, kur, pos eshtrave, janë gjetur edhe rroba të tjera. Pastaj, eshtrat janë marrë nga një ekip i policisë për personat e zhdukur në Prishtinë. Për hetimet e mëtutjeshme, përfaqësuesit e mediave elektroinike dhe të shkruara janë njoftuar nga komandanti i KFOR-it në Gjakovë, kolonel Masa, ndërsa ekipet speciale do t'i vazhdojnë punimet në kazermën e këtushme të KFOR-it. Policia e UNMIK-ut në Gjakovë tha se nuk do të ketë kurrëfarë hulumtimesh, sepse sipas ekspertizës së bërë, ata thonë se eshtrat e gjetur janë varrosur para dhjetë vjetve dhe nuk kanë të bëjnë me luftën e fundit në Kosovë.
Në Pejë mbahet konferenca për marrëdhënie ndëretnike
Pejë, 27 maj 2002
- Nesër në Pejë do të mbahet një konferencë, e cila në pikëvështrim ka pikërisht ndërtimin e marrëdhënieve ndëretnike, sigurimin e levizjës së lirë të pakicave, në mënyrë të veçantë të serbëve dhe sigurimin e kushteve për kthimin e të zhvendosurve në Kosovës. Në këtë takim do të marrin pjesë personalitete të larta të skenës politike në Kosovë, ndërsa pritet që fjalën e rastit ta mbajë kryeministri i Kosovës, Bajram Rexhepi. Thuhet se Peja është një ndër qytetet ku parashihet kthimi më i madh i serbëve.
E shtune,25 maj 2002

Kuvendi i socialdemokratëve: Zvarritja e statusit të Kosovës po krijon pasiguri tek qytetarët
PRISHTINE, 25 maj 2002
-RTV21 bën me dije se; Partia Socialdemokrate e Kosovës ka mbajtur sot në Prishtinë kuvendin e saj të pestë, parti kjo që ka hyrë në arenën politike kosovare që më vitin 1990. “Janë të arsyeshme shpresat dhe besimi që në këto rrethana të reja, në këtë fazë të rilindjes dhe të tranzicionit, me ndihmën e miqve dhe të administratës ndërkombëtare, do të gjendet forcë dhe rrugë të sigurta për të ecur shtigjeve të demokracisë dhe të ndërtimit të shoqërisë civile”, tha Kaqusha Jashari, kryetare e socialdemokratëve. Ajo u shpreh se zvarritja e zgjidhjes së statusit përfundimtar të Kosovës po krijon pasiguri të qytetarët, duke u ruajtur gjendja e statuskuosë në Mitrovicën e ndarë dhe e jetës nëpër enklavat serbe. “PSDK-ja vëren edhe dobësitë dhe neglizhencën e organeve të zgjedhura në nivelet komunale dhe vonesën e theksuar të konstituimit dhe të konsolidimit të Kuvendit të Kosovës. Ajo që më së shumti na brengos është vonesa e krijimit të kushteve elementare për implementimin e programeve zhvillimore, që e kishin premtuar partitë e pozitës gjatë fushatës zgjedhore”, tha Jashari, në kuvendin e pestë të PSDK-së.
Analisti Majer: Me Rezolutën për kufijtë, Kuvendi mbrojti interesat e vendit
PRISHTINE, 25 maj 2002
- Analisti i njohur Viktor Majer, në një koment për revistën "Ekskluzive" duke komentuar miratimin e Rezolutës për kufijtë dhe Mitrovicën, nga Parlamenti i Kosovës, ndër të tjera shkruan se ndërmjet Parlamentit të zgjedhur të Kosovës dhe shefit të UNMIK-ut, Mihael Shtajner, lindi koflikti i parë, kur Shtajneri dëshiroi t'ua merrte të drejtën parlamentarëve të Kosovës që të diskutojnë, por edhe të shprehin mendim rreth çështjes së Mitrovicës si dhe problematikës së kufijve me Maqedoninë. Majer vlerëson se parlametarët e Kosovës bënë mirë që reaguan në përputhje me obligimet që kanë për të mbrojtur interesat e vendit të tyre, por edhe dinjitetin e Parlamentit. Majer thotë se çështja e Mitrovicës dhe ajo e kufijve me Maqedoninë, ka interes të veçantë me rëndësi ekzistenciale për Kosovën. Analisti Majer, nënvizon se Parlamenti i Kosovës jo vetëm që duhet të ketë të drejtën t'i diskutojë, por edhe të marrë qëndrime dhe vendime të plotëfuqishme. Reagimet e faktorëve ndërkombëtarë rreth kësaj rezolute janë të pabaza, sepse demokracia vlen për të gjithë, konstaton mes tjerash Viktor Majer.
E hënë 20 maj 2002

Solana, Rexhepi e Gjingjiq ndodhen në Uashington
Uashington, 20 maj 2002- Sot në Uashington ndodhet shefi politikës së jashtme dhe sigurisë së Bashkimit Evropian Havier Solana, si dhe kryeministri i Kosovës Bajram Rexhepi dhe kryeministri i Serbisë Zoran Gjingjiq. Të gjitha ata pritet që të kenë takime të veçanta me sekretarin amerikan të Shtetit, Kolin Pauell.
Vizitat e Solanës, Rexhepit e Gjingjiqit në Uashington nuk dihet nëse janë koincidencë apo të konceptuara nga administrata amerikane për një takim të përbashkët.
Kryeministri i Kosovës para nisjes ka mohuar spekulimet për një takim të mundshëm me kryeministrin serb në Uashington.
Presidenti Rugova priti kryetarin e SBASHK-ut dhe u njoftua për gjendjen në arsimin e Kosovës
Prishtnë, 20 maj 2002 (QIK) - Presidenti i Kosovës, Ibrahim Rugova prit sot në rezidencën e tij, kryetarin e SBASHK-ut, Agim Hysenin me bashkëpunëtorët. Përfaqësuesit e SBASHK-ut e njoftuan Presidentin me gjendjen e arsimit të Kosovës që gjatë tri vjetëve pas luftës ka arritur të konsolidohet. Po ashtu përfaqësuesit e SBASHK-ut i paraqitën kërkesat e arsimtarëve që të gjenden mundësitë për përmirësimin e pozitës materiale të tyre.
Presidenti Rugova vlerësoi pozitivisht rrjedhat në arsimin e Kosovës dhe meritën e arsimtarëve në këtë plan. Njëkohësisht Presidenti Rugova shprehu përkujdesjen e tij për arsimin dhe përkrahjen që të gjenden mundësi nga Qeveria dhe institucionet përkatëse për përmirësimin e pozitës materiale të arsimtarëve brenda buxhetit të sivjetëm të Kosovës. Ai u shprehu mirënjohje të gjithë arsimtarëve me mirëkuptim që puna e tyre të çmohet e të vlerësohet si duhet në proceset e përgjithshme të zhvillimit e të progresit të Kosovës.
Beogradi formoi një komision për privatizimin në Kosovë
Beograd, 20 maj 2002- Qeveria serbe ka formuar një komision, siç thuhet, për koordinimin e bisedimeve me UNMIK-un për konceptimin e privatizimit në Kosovë, njoftojnë mediat serbe, duke theksuar se tashmë është zgjedhur edhe kryetari i atij trupi, e ky është Nebojsha Çoviq.
Nuk dihet nëse zyrtarët e UNMIK-ut do t'i lejojnë Beogradit të përzihet në çështjet e privatizimit, kur dihet se me Kosovën qeverisë administrata e Kombeve të Bashkuara, por përfaqësuesit e regjimit serb sillen sikur Kosova të jetë nën dominimin e tyre.
Vdiq ambasadori amerikan në Shqipëri Xhosef Limpreht
Tiranë, 20 maj 2002- Në Shqipëri dje vdiq ambasadori amerikan Xhozef Limpreht. Këtë e konfimroi edhe Departamenti amerikan i Një zëdhënëse tha se departamenti është thellësisht i pikëlluar nga vdekja e tij, por nuk pranoi të jepte komente të tjera. Zoti Limprecht vdiq nga një atak në zemër ndërsa vizitonte veriun e Shqipërisë. Xhozef Limpreht, një nebraskan që prej pesë brezash, lindi dhe u rrit në Omaha. Ai filloi të punonte për Departmentin e Shtetit në vitin 1975, dhe ishte anëtar i trupit të diplomatëve të lartë amerikanë të karrierës. Pas disa detyrash në Uashington dhe në Bon të Gjermanisë, ai në vitet 1985-88 ai shërbeu si Këshilltar për Sigurinë Publike në Misionin e Shteteve të Bashkuara në Berlin. Xozef Limpreht u emërua si ambasador i Shteteve të Bashkuara në Shqipëri më korrik të vitit 1999. Ambasadori Limpreht u diplomua në Universitetin e Çikagos dhe mori gradën e Doktorit në histori nga Universiteti i Kalifornisë në Berkeli.
Arratisen disa të burgosur nga burgu "Dubrava" të Istogut
Prishtinë, 20 maj 2002 - Disa të burgosur në burgun "Dubrava" afër Istogut sot herët në mëngjes kanë tentuar të arratisen, por janë ndaluar nga autoritetet e burgut, tha zëdhënësja e UNMIK-ut Suzan Manuel. Zonja Manuel theksoi se pesë prej tyre janë ndaluar para se të dalin jashtë burgut. Por tre janë arratisur dhe njëri prej tyre akuzohet për vrasje, ndërsa dy të tjerët për armëmbajtje pa leje. Poashtu ajo njoftoi se procesi gjyqësor kundër katër të akuzuarve për vrasjen e Ekrem Rexhës, "komandant Drinit", do të vazhdojë më 30 maj në gjykatën e Prizrenit.
Ali Sadrija: Presim që në vitin 2004 Kosovës t'i krijohen mundësi për huazime publike
Prishtinë, 20 maj 2002 - Presim që në vitin 2004 Kosovës t'i krijohen mundësi për huazime publike që do të thotë për kredi nga Fondi Monetar dhe nga Banka Botërore, i deklaroi radios "Evropa e lirë" Ali Sadrija, ministër i financave dhe i ekonomisë në Qeverinë e Kosovës. Ai shtoi se këtë problem e ka ngritur tek të gjithë faktorët ndërkombëtarë dhe se Kosova është në proces të imponimit të akteve që janë shumë të rëndësishme.
Gjatë katër ditëve panairin e librit "Prishtina 2002" e vizituan rreth 50 mijë dashamirë të librit shqip
Prishtinë, 20 maj 2002- Dje në Prishtinë u mbyll Panairi i katërt me radhë tradicional i librit Prishtina 2002. Gjatë katër ditëve sa ishte i hapur stendat e panairit i vizituan rreth 50 mijë dashamirë të librit në të cilin botimet e veta i ekspozuan më se 80 shtëpi botuese nga të gjitha trevat shqiptare.
E shtune 18 maj 2002

Kryeministri i Kosovës Bajram Rexhepi nesër udhëton për një vizitë në SHBA
Prishtinë,18 maj 2002 - Kryeministri i Kosovës Bajram Rexhepi dhe zëvëndëskryeadministratori Çarls Brajoshou, nesër do të udhëtojnë për një vizitë në SHBA, ku pritet të kenë disa takime të rëndësishme, në mesin e të cilave ata do të takohen edhe me sekretarin amerikan të Shtetit Kolin Pauel. Pritet që takimi i kryeministrit Rexhepi me sekretarin amerikan Pauel do të bëhet të hënën. Poashtu, bëhet me dije se kryeministri do të ketë takime edhe më disa zyrtarë të tjerë të Stejt Departamentit, administratës, Këshillit për Siguri Kombëtare, USAID-it etj.
Shkupi zyrtar kundërshton Rezolutën për tërësinë territoriale të Kosovës e cila pritet të miratohet në Parlamentin e Kosovës
Shkup, 18 maj 2002 - Ministri maqedonas i Punëve të Jashtme Slobodan Çashule i ka dërguar një notë proteste autoriteteve ndërkombëtare për shak të vendimeve të komisioneve të Parlamentit të Kosovës për mosnjohjen e marrëveshjes mes Beogradit dhe Shkupit për caktimin e kufirit të këtij vendi me Kosovën. Kjo notë proteste i është dërguar Sekretarit të Përgjithshëm të OKB-së Kofi Anan, sekretarit amerikan të Shtetit, Kolin Pauell, Sekretarit të Përgjithshëm të NATO-s Xhorxh Robertson, përfaqësuesit të lartë të BE-së për Politikë të Jashtme dhe Çështje të Sigurisë Havier Solana. Në këtë letër ministri maqedonas shpreh shqetësimin, siç thuhet për vendimin e "papërgjegjshëm të autoriteteve kosovare që mund të rrezikojë sigurinë në rajon dhe gjendjen e sigurisë përgjatë kufirit maqedono-jugosllav në kufirin me Kosovën". Ministria e Punëve të Jashtme të Maqedonisë në një deklaratë për opinion ka theksuar se për këtë çështje ka thirrur përfaqësuesin e UNMIK-ut në Shkup me qëllim të shprehjes së protestës që të ndërhyhet për të penguar pasojat e një vendimi të tillë.
Forcat serbe në afërsi të fshatit Breznicë në zonën kufitare Serbi-Kosovë kanë zbuluar një sasi të konsiderueshme armatimi
Preshevë, 18 maj 2002- Forcat serbe të sigurimit në zonën kufitare Serbi - Kosovë në afërsi të fshatit Breznicë të Bujanocit, kanë zbuluar dje një sasi të konsiderueshme të armatimi. Aty janë gjetur disa mortaja dore, armë snajperi si dhe municion, të cilat sipas deklaratës së ndihmësministrit jugosllav të mbrojtjes Millovan Shoguriq këto armë janë fshehur gjatë konflikteve të armatosura në Luginën e Preshevës.
Kosova prapë në terr
Prishtinë, 18 maj 2002- Që nga nata e mbrëmshme Kosova është në terr, meqenëse kanë rënë nga sistemi të gjitha blloqet e termocentraleve të Kosovës. Aktualisht në Kosovë prodhohen vetëm 34 megavatë, ndërkaq një sasi e vogël importohet. Nga KEK-u nuk është dhënë kurrfarë njoftimi për shkaqet e rinies së sistemit.
Sot po zbatohet orari i reduktimeve: një orë me energji e një pa të, gjë që ka vështirësuar dukshëm furnizimin e qytetarëve.
Policia ndërkombëtare ka arrestuar dje shefin e doganave të Kosovës Ylber Rracin
Prishtinë, 18 maj 2002 - Shefi i doganave të Kosovës Ylber Rraci është arrestuar dje nga policia ndërkombëtare. Arrestimin e tij e ka konfirmuar zëdhënësi i Misionit të UNMMIK-ut Andreja Anjeli, por deri më tash nuk janë dhënë shpjegime për këtë arrestim. Rraci është arrestuar për shkak të dyshimit për bashkëpunim me kontrabandistët e mallrave të ndryshme.
Gjermania do të dërgojë për ndihmë në Kosovë 23 nëpunës juridik
Berlin, 18 maj 2002- Gjermania do të dërgojë për ndihmë në Kosovë 23 nëpunës juridikë. Për gjashtë muaj me radhë ata do të ndihmojnë aftësimin e personelit kosovar për udhëheqje në Burgun e Dubravës ku mbahen edhe të akuzuar për krime lufte.
E premte 17 maj 2002

Shtajner në Shkup: Mbështes marrëveshjen Maqedoni-Serbi për kufirin me Kosovën
SHKUP, 17 maj 2002- Kryeadministratori i Kosovës Mihael Shtajner tha sot në Shkup se ai e mbështet marrëveshjen mes Serbisë dhe Maqedonisë për kufirin me Kosovën. Këto komente ai i bëri gjatë pranimit të një autoveture të blinduar nga importuesi i veturave “Audi” për Maqedoninë “Sa & Sa Kompani”. “Ende nuk jam i njoftuar me atë se çfarë ka ndodhur në parlament, por unë si person përgjegjës dhe si i vetmi që ka autoritet, shkurt e qartë, u shpreha edhe në parlamentin e Kosovës, edhe para mediave, se qëndrimi lidhur me kufirin (e Kosovës) është i njohur”, tha Shtajner. Sipas tij, Maqedonia dhe Kosova nuk janë ishuj, por janë fqinj, dhe për këtë, ato kanë një të ardhme të përbashkët. “Me rëndësi për Maqedoninë është ajo që njerëzit të cilët kanë autoritet qëndrimet e tyre i tregojnë shkurt e qartë”, tha Steiner. Sipas tij, aktualisht po përgatitet lista e emrave të fshatarëve që kanë tokë në territorin që i kaloi në sovranitet Maqedonisë, duke shtuar se ky problem duhet zgjidhur në mënyrë praktike.
Kuvendi më në fund kalon fazën plenare; Kryesia: Tani do të merremi me problemet themelore
PRISHTINE, 17 maj 2002- Kryesia e Kuvendit të Kosovës, në takimin e sotëm, caktoi rendin e ditës për seancën e ardhshme plenare që do të mbahet më 23 maj. Në fillim të seancës, e cila është vazhdim i seancës së kaluar, deputetëve do t'u paraqitet për miratim një projekt-rezolutë për ruajtjen e tërësisë territoriale të Kosovës, e hartuar nga komisioni për çështje juridike-kushtetuese dhe komisioni për marrëdhënie me jashtë. Po atë ditë, Kuvendi pritet të fillojë një seancë të re në të cilën do të diskutohet programi i Qeverisë së Kosovës, të cilin do ta paraqesë kryeministri Bajram Rexhepi. Me këtë hap, deputetët kanë vlerësuar se do të kalohet faza plenare e Kuvendit të Kosovës dhe më në fund do të niset të trajtohen çështjet themelore dhe të rëndësishme për qytetarët dhe për vetë Kosovën. Anëtarët e komisioneve parlamentare, ai për Çështje Juridike, Legjislative dhe Kushtetuese dhe ai për Marrëdhënie me Jashtë thanë teksti i rezolutës në fakt është unifikim i dy projektrezolutave të mëparshme dhe i debatit që është bërë në parlament. “Dy komisionet i kanë përfshirë të gjitha çështjet kyçe si duhet në tekstin e ri. Mendoj se sot është bërë një punë e mirë dhe kjo është ajo që na bënë të kënaqur”, tha pas takimit anëtar i Kryesisë së Kuvendit, Bajram Kosumi. Ndërsa anëtari tjetër i Kryesisë, Fatmir Sejdiu u shpreh se ky do të jetë një dokument që do të përfshijë shqetësimet e përgjithshme të qytetarëve të Kosovës dhe të institucioneve të Kosovës, pra edhe të Kuvendit. Deputetët anëtarë të Kryesisë përshëndetën faktin që në mbledhjen e ardhshme të do të prezantohet për miratim edhe programi i qeverisë. Anëtari i Kryesisë Xhavit Halitit, mendon se me këtë hap përpara drejt funksionimit më të mirë të institucioneve të Kosovës, do të fillojë trajtimi i problemeve kryesore me të cilat po ballafaqohet qeveria e Kosovës dhe qytetarët e Kosovës.
Sot në Prizren filloi procesi gjyqësor kundër katër të akuzuarve për vrasjen e Ekrem Rexhës
Prizren, 17 maj 2002- Në Gjykatën e Qarkut në Prizren sot filloi procesi gjyqësor kundër katër të akuzuarve për vrasjen e Ekrem Rexhës të njohur si "komandant Drini". Si të akuzuar para gjykatës ndodhen Abit Haziraj nga Skënderaj, Sali Veseli nga Smolica e Gjakovës, ish-epror i lartë i TMK-së, Xhemail Beqiri nga një fshat i Suharekës dhe Halil Çadraku nga Prizreni. Prokurori ndërkombëtar, përndryshe amerikan, fillimisht lexoi aktakuzën duke akuzuar Abit Hazirajn se më 8 maj 2000 me 12 plumba ka vrarë Ekrem Rexhën. Ndërkaq Sali Veseli akuzohet për nxitje dhe dhënie të urdhërit për vrasjen e Rexhës. Dy të akuzuarit e tjerë ngarkohen se kanë përgatitur dhe ndihmuar në vrasjen e Rexhës. Që të katërtit akuzohen për veprën penale që parashihet dënimi deri më 20 vjet burgim. Dy të fundit aktakuza i ngarkon edhe për armëmbajtje pa leje. Në këtë proces do të parqiten edhe pesë dëshmitarë.
Tre ish-pjesëtarë të KFOR-it dënohen në Gjermani për kontrabandë armësh
DARMSTAD, 17 maj 2002- Tre ish-pjesëtarë të KFOR-it janë dënuar në qytetin gjerman Darmstad për kontrabandë me armë gjatë shërbimit në Kosovë. Ata u dënuan prej 7 deri 11 muaj burg, me kusht, për shkak se në vitin 1999 kishin trasnportuar armë. Të dënuarit janë një kapiten 44-vjeçar, një kapter 46-vjeçar dhe shefi i kompanisë, një major 38-vjeçar.
Sven Lindholm thotë se në zgjedhjet lokale mund të marrin pjesë edhe qytetarët e Kosovës që jetojnë në 37 vende të botës
Prishtinë, 17 maj 2002- Zëdhënësi i Misionit të OSBE-së në Kosovë Sven Lindholm tha se përgatitjet për mbajtjen e zgjedhjeve lokale kanë filluar. Ai theksoi se në këto zgjedhje do të mund të marrin pjesë edhe qytetarët e Kosovës që jetojnë në 37 vende të botës.
Nga importimet ilegale, Kosova humb 250 milionë euro në vit të hyra në buxhetin e vet
Prishtinë, 17 maj 2002- Gjatë vitit të kaluar, Shërbimi Doganor i Kosovës (SHDK) ka mbledhur, së bashku me TVSH-në, 484 milionë marka të hyra në buxhetin e Kosovës, por sipas pohimeve të vetë stafit udhëheqës të këtij shërbimi, në kohën kur Kosova importon 99 për qind të mallrave, në kushte normale doganat do të duhej të mblidhnin rreth një miliadë DM. Kështu, sipas një matematike, buxheti i Kosovës humb të pakten 250 milionë euro në vit nga importimet ilegale të mallrave, të cilat, sigurisht, që ndihmohen nga dikush që bëjnë këtë krim. Përkundër këtij fakti, stafi udhëheqës, sipas gazetës "Bota sot", vazhdon të mohojë praninë e korrupcionit. "ShDK-ja është shërbimi më i ri në Evropë. Përvoja e tyre e pakët bën që ata të bëjnë edhe gabime", thot drejtori i doganave i UNMIK-ut, Peter Uolker, i cili duket i bindur, njësoj si drejtori shqiptar Rraci, se doganierët tanë nuk janë të korruptuar. Por derisa udhëheqësit e doganmave vazhdojnë të mbesin në pritje të argumenteve bindëse, Kosova vazhdon të humbë shumën milionëshe të lartshënuar nga importimet ilegale.
E enjte 16 maj 2002

Marek Anton Novicki ka deklaruar se pavarësia e Kosovës është e pashmangshme
Prishtinë, 16 maj 2002 - Ombudsperoni i Kosovës Marek Anton Novicki ka deklaruar se pavarësia e Kosovës është e pashmangshme, por me kusht që ky shtet të inkuadrohet në strukturat speciale shtetërore të rajonit. Sipas tij një strukturë speciale do të përfshinte Kosovën, Shqipërinë, Serbinë, Malin e Zi dhe Bosnje e Hercegovinën. Si e tillë ajo do të bashkohej me strukturat e Bashkimit Evropian. Në një intervistë për mediat e Polonisë, z. Novicki citohet të këtë thënë se nuk e sheh perspektivën e bashkëjetesës paqësore mes shqiptarëve dhe serbëve në një kulm të përbashkët. Sipas tij është shumë e vështirë që Kosova të paramendohet pa kontrollin e bashkësisë ndërkombëtare.
Shtajner thotë UNMIK-u do të transferojë tërë autoritetetin e tij në duar të institucioneve të Kosovës
Prishtinë, 16 maj 2002- Kryeadminisratori i Kosovës Mihael Shtajner në një intervistë dhënë "Evropës së lirë" tha se UNMIK-u do të transferojë tërë autoritetetin e tij në duar të institucioneve të Kosovës. Por ka shtuar se qytetarët e Kosovës presin nga qeveria, parlamenti dhe presidenti që ta përmbushin detyrën e tyre. Ata janë zgjedhur për të adresuar nevojat urgjente të popullatës, tha kryeadminisratori i Kosovës Mihael Shtajner.
Presidenti Rugova: Gjetjet arkeologjike dëshmojnë kulturën e lashtë të Dardanisë
Prishtinë, 16 maj 2002
(nga QIK-u)
- Presidenti i Kosovës Dr. Ibrahim Rugova vizitoi sot lokalitetin arkeologjik Bernicë, në afërsi të Prishtinës, ku ditë më parë u gjetën rastësisht disa raritete arkeologjike të kohës së neolitit, përkatësisht, siç tha arkeologu Fatmir Peja 1500 vjet para Krishtit. Dr. Rugova i shoqëruar nga ministri i Kulturës, Rinisë dhe Sporteve, Behxhet Brajshorin, kryetari i komunes së Prishtinës Sali Gashi dhe zyrtarë të tjerë të komunës, u takuan me arkeologët, të cilët hulumtonin, zgjeronin terrenin e hulumtimeve dhe përgatisnin eksponatet e gjetura kohë më parë. Arkeologu i Muzeut të Kosovës, Kemal Luci, e informoi Presidentin Rugova për gjetjet e rastit, lokalitetin arkeologjik të Bërnicës, apo të Bardhoshit, duke u përqendruar në vlerën e tyre, rëndësinë e gjetjeve dhe punët që po bëhen për t'u konservuar e ruajtur, sipas standardeve profesioniste dhe me hulumtime të kujdesshme. Zoti Luci e informoi Presidentin edhe për rëndësinë e gjetjeve të deritashme që janë bërë nga ekipet e arkeologëve të Kosovës, lokaliteteve arkeologjike, ku janë gjetur edhe më parë eksponante të tjera të rëndësishme, që dëshmojnë një vazhdimësi mijëvjeçare të popullit tonë.
Presidenti Rugova pasi falenderoi ekipin e arkeologëve për punënn e tyre profesioniste dhe për përkushtimin tha se pa pretenduar që t'u përzihet ekspertëve të arkeologjisë, eksponatet e gjetura deri më tash dhe lokalitetet arkeologjike në Kosovë dëshmojnë për kulturën e lashtë të Dardanisë, për vazhdimësinë e kulturës shqiptare. Ndërkaq, duke bërë krahasime me figurinat e gjetura në këtë rast dhe ato të mëparshme, ai tha se mund të thuhet se për nga bukuria këto eksponate janë kryevepra të artit evropian, botëror dhe shqiptar dhe poashtu është një pasuri jonë e madhe. Dr. Rugova foli edhe për studimet e ndryshme që janë marrë me këto gjetje dhe që i çmojnë shumë për nga vlera e rëndësia, ndërsa për qëndrimin dinjitoz të gruas dardane, që është përjetësuar në njerën nga ato vepra të artit të lashtë, ky qëndrim krenar është karakteristike edhe sot për gratë kosovare. “Kjo dëshmon për lashtësinë e tokës së Kosovës, që është e pasur me ato që ia ka falë Zoti. Ishte edhe ky rast që dëshmoi për pasurinë e asaj që gjendet në Kosovë. Natyrisht ai tha se do të ndihmojnë në këtë rast edhe arkeologët evropianë dhe amerikanë.
Ndërkaq, për ruajtjen dhe mbrojtjen e lokaliteteve arkelogike, Presidenti i Kosovës tha se ato do të jenë nën mbrojtjen e rreptë të shtetit, sepse nuk është vetëm pasuri e Kosovës. Njëherit falenderoi edhe pronarin që ka treguar një gatishmëri dhe një kulturë shtetërore. "Sot nuk do të lejojmë që të shkatërrohen lokalitetet arkeologjike, në projekte të këtilla do të marrë pjesë Qeveria, Presidenca. Njëkohësisht dëshiroj që këto gjëra të publikohen", tha Dr Rugova.
Një pjesë e eksponatëve janë vjedhur, duke përmendur ato që i ka marrë Beogradi nga Muzeu i Kosovës para lufte, ishte një pyetje e gazetarëve. Ndërsa Presidenti Rugova tha se në bazë të normave ndërkombëtare Boegradi është i obliguar t'i kthejë. Këtë çështje e preku edhe zoti Shtajner para disa ditësh. "Muzeu ynë e ka shtruar këtë çështje dhe gjithsesi duhet t'i kthejnë, sepse janë normat ndërkombëtare që ata duhet t'i repsketojnë", tha Dr. Rugova.
Pas një kokteji të rastit, drejtori i Muzeut të Kosovës ia dorëzoi Presidentit Rugova disa eksponate arkeologjike, të gjetura më parë në Kosovë.
Qeveria e Kosovës diskutoi për gjendjen në Shterpcë dhe për afatin e miratimit të legjislacionit në hartim
Prishtinë, 16 maj 2002 - Qeveria e Kosovës në mbledhjen e djeshme të rregullt, pas deklaratës hyrëse të Kryeministrit të Kosovës, Bajram Rexhepi, shqyrtoi dhe miratoi disa çështje me rëndësi të parapara nga rendi i ditës. Pikë referimi e fjalës hyrëse të Kryeministrit ishte njoftimi i Qeverisë me aktivitetin dhe me punën javore të Kryeministrisë ku theks të veçantë zuri njoftimi mbi gjendjen në Shterpcë dhe u ra në ujdi që të kërkohen sqarime nga Kryetari i Komunës, si dhe nga shtylla e parë e UMNIK-t, rreth problemit të kthimit të disa familjeve shqiptare nëpër shtëpitë e tyre në fshatin Biti. Pastaj u diskutua për afatin e miratimit të legjislacionit në hartim dhe u mor vendim që të startohet me diskutimin e ligjeve menjëherë nga ana e Qeverisë në mënyrë që parlamenti i Kosovës t`i ketë sa më parë për shqyrtim dhe miratim.
Poashtu në këtë mbledhje u shqurtuan vërejtjet e Qeverisë për Draft Rregullorën për AMK-në. Qeveria, megjithë vërejtjet e bëra, në parim, u pajtua me këtë Draft Rregullore, thuhet në një komunikatë të Qeverisë së Kosovës.
Komisionet parlamentare aprovuan tekstin final të Rezolutës për çështjen e kufijve
Prishtinë, 16 maj 2002- Në një takim të përbashkët të Komisionit Juridiko-Kushtetues dhe atij për Marrëdhënie me Jashtë dje u aprovua teksti final i Rezolutës për çështjen e kufijve. Unifikimi i tri projektrezolutave sot i dorëzohet Kryesisë së Kuvendit dhe do të nxirret për miratim në seancën e ardhshme më 23 maj. Pas këtij takimi gati tri orësh kryetari i Komisionit për Marrëdhënie me Jashtë Sabri Hamiti tha se Rezoluta sublimon të gjitha kërkesat e shkruara në debatin e seancës së kaluar në Parlamentin e Kosovës. "Kjo rezolutë sublimon të gjitha kërkesat që janë shtruar në diskutimin e mbledhjes plenare të Parlamentit të Kosovës, të gjitha pikat dhe problemet themelore që i kërkojnë zgjedhësit tanë lidhur me situatën aktuale në Kosovë", tha z. Hamiti.
Në Han të Elezit u protestua për kundër marrëveshjes për ndryshimin e kufijve mes Kosovës dhe Maqedonisë
Hani i Elezit, 16 maj 2002 - Disa qindra qytetarë shqiptarë protestuan dje në Han të Elezit për të kundërshtuar marrëveshjen mes Shkupit dhe Beogradit për kufirin. Protestuesit kërkuan shfuqizimin e asaj marrëveshjeje me të cilën Kosovës i janë marrë në mënyrë arbitrare mbi 2500 hektarë, të cilat aktualisht gjenden nën kontrollin e forcave maqedonase. Protestuesit u kanë bërë thirrje institucioneve të Kosovës dhe autoriteteve ndërkombëtare që të mbrojnë tërësinë tokësore të Kosovës. Protestuesit bartën parulla ku kërkohej shfuqizimi i marrëveshjes ndërmjet Beogradit dhe Shkupit.
Ambasadori Shefer shpreson që forcat amerikane të mos tërhiqen nga Kosova
Uashington, 16 maj 2002 - Ambasadori amerikan Dejvid Shefer në administratën e ish-presidentit amerikan Bill Klinton për çështje të krimeve të luftës, në një intervistë dhënë "Zërit të Amerikës" theksoi se administrata e tashme amerikane e presidentit Bush me kushtëzimin e ndihmave ekonomike për Beogradin me dorëzimin e të dyshuarve për krime lufte, ka ndikuar dukshëm që Beogradi lëvizi drejt bashkëpunimit me Tribunalin e Hagës.
Ambasadori Shefer po ashtu përshëndeti vendimin e presidentit Bush për të vazhduar trysninë ndaj Beogradit për të dorëzuar në Hagë personat e akuzuar për krime lufte gjatë konflikteve në Ballkan në vitet 90-ta. Ai shtoi se nëse një qeveri nuk bashkëpunon me Gjykatën e Hagës për dorëzimin e personave të akuzuar për krime lufte nuk shikon asnjë arsye që fondet amerikane të përdorën për të ndihmuar zhvillimin e atij vendi.
Edhe administrata e presidentit Bush ka vazhduar këtë politikë për të shtuar trysninë ndaj Beogradit. Kjo trysni ka dhënë rezultate.
E njëjta gjë mund të thuhet për Kosovën, tha Shefer. Është në interesin e shqiptarëve që të bashkëpunojnë me autoritetet e Gjykatës së Hagës kur prokuroria të ngrejë akuzë kundër shqiptarëve. Fakti që Shtetet e Bashkuara së bashku me aleatët e NATO-s ndihmuan për çlirimin e Kosovës nuk do të thotë se shqiptarët nuk mund të paditën e gjykohen për krime lufte, theksoi Shefer.
Lidhur me praninë amerikane në Kosovë, Shefer tha se prania amerikane qoftë ajo edhe fare e vogël në zona të ndryshme të botës është e domosdoshme për të siguruar stabilitetin. Andaj në Shtetet e Bashkuara të Amerikës duhet të pranojnë idenë se në disa zona të globit prania amerikane mund të luajë një rol të rëndësishëm dhe mendon se Kosova është njera prej këtyre zonave. "Madje do të shpresoja që forcat amerikane të mos tërhiqen plotësisht nga Kosova sepse ne jemi atje për një qëllim të dobishëm të qëndrojmë me aleatët tanë", tha ndër të tjera ambasadori amerikan Dejvid Shefer.
Kadare-Çeku: TMK-ja institucioni i parë që e lidhi Kosovën me strukturat evropiane
PRISHTINE, 16 maj 2002- Shkrimtari i madh Ismail Kadare u prit sot nga komandanti i përgjithshëm i Trupave të Mbrojtjes së Kosovës, gjeneral Agim Çeku. “Në Trupat e Mbrojtjes së Kosovës unë shoh një institucion të rëndësishëm të lirisë së Kosovës, një institucion demokratik dhe evropian,” tha Kadare pas takimit me gjeneral Çekun. “Trupat Mbrojtëse të Kosovës janë më tepër se ushtri, institucion modern, që i pari lidhi Shqipërinë, lidhi Kosovën me strukturat evropiane të mbrojtjes”, tha Kadare pas takimit me komandantin e Trupave të Mbrojtjes së Kosovës, gjeneral Agim Çekun. Shkrimtari Ismail Kadare tha se fatin dhe zhvillimin e TMK-së, e shohim si një pjesë të aspiratës për liri të shqiptarëve të Kosovës. Vizitën e shkrimtarit Kadare, gjeneral Çeku e cilësoi si nder të madh për TMK-në dhe për Kosovën. Gjeneral Çeku theksoi se mendimet dhe sugjerimet e shkrimtarit Kadare do të shërbejnë si udhërrëfyes për zhvillimin e mëtejmë të Trupave të Mbrojtjes së Kosovës. Shkrimtari Ismail Kadare vizitoi sot edhe Shkollën e Lartë të Gazetarisë, ku pati një bashkëbisedim me studentët. Në pyetjen se si e vlerësonte nivelin e gazetarisë shqiptare krahasuar me atë në botë, Kadare u përgjigj se gazetaria shqiptare ende ka probleme në zhvillimin e saj. Ai theksoi se në shtypin shqiptar shpeshherë mbretëron fryma destruktive dhe mungesë profesionalizmi. Kjo është vizita e dytë e shkrimtarit Ismail Kadare bërë Trupave të Mbrojtjes së Kosovës dhe Shkollës së Lartë të Gazetarisë në Prishtinë. Sonte në orën 18 Kadare ka një takim me shkrimtarë.
Në Teatrin Kombëtar u shfaq dramatizimi i veprës së Kadaresë "Pallati i ëndrrave"
Prishtinë, 16 maj 2002- Mbrëmë në Teatrin Kombëtar në Prishtinë u shfaq premiera e veprës së dramatizuar të Ismail Kadaresë "Pallati i ëndrrave", në regji të Altin Bashës, mysafir nga Tirana. Në premierën e mbrëmshme ishte i pranishëm edhe Ismail Kadare, autor i veprës së dramatizuar. Shfaqja teatrale "Pallati i ëndrrave", është realizim i tri qendrave shqiptare: Prishtinës, Tiranës dhe të Shkupit. Poashtu, edhe aktorët që interpretojnë në këtë shfaqje janë nga këto tri qendra.
Mbrëmë në Pallatin e Rinisë dhe të Sporteve në Prishtinë u çel Panairi i katërt i librit "Prishtina 2002"
Prishtinë, 16 maj 2002- Mbrëmë në Pallatin e Rinisë dhe të sporteve në Prishtinë, në praninë e shumë dashamirëve të librit, Presidenti i Kosovës Ibrahim Rugova çeli solmenisht Panairin e katërt të librit "Prishtina 2002". Përveç personaliteteve të shquara të artit, të kulturës, të shkencës, të letërsisë e të politikës, ishte i pranishëm edhe shkrimtari i mirënjohur shqiptar, Ismail Kadare.
Në stendat e këtij panairi janë ekspozuar botimet e mbi 60 botuesve nga Kosova, Shqipëria, Maqedonia, Mali i Zi dhe diaspora, si dhe të disa shteteve, që i kanë përfaqësitë e tyre në Prishtinë. Në fjalën e rastit kryetari i Shoqatës së Botuesve Shqiptarë, Nazmi Rrahmani, tha se në panair janë ekspozuar librat më të mirë të studiuesve, shkrimtarëve tanë, si dhe veprat e përkthyera nga autorët e jashtëm.
Shiritin e përurimit të këtij panairi e preu Presidenti i Kosovës, dr.Ibrahim Rugova, i cili pasi përshëndeti organizatorët dhe pjesëmarrësit e panairit, tha se "ky panair është bërë gjithshqiptar dhe është nismë e mirë në integrimet tona". "Është fat i madh që kemi shumë shtëpi botuese, private dhe shtetërore dhe shkallë-shkallë po krijohet tregu i librit shqiptar. Ne të gjithë, sidomos institucionet shtetërore, përmes formave të ndryshme, duhet t’i ndihmojmë botuesit, pra, të gjejmë mundësi që t'i ndihmojmë përmes subvencioneve dhe lehtësimeve të tjera. Duhet të ndihmohen botuesit për botimin e veprave kapitale, me rëndësi nacionale, duhet të stimulohen botuesit e letërsisë origjinale dhe përkthimet për afirmimin e saj", tha në vazhdim të fjalës së tij Presidenti Rugova.
Ai premtoi se do të stimulohet botimi i projekteve të përbashkëta, do të ndihmohet specializimi i shtëpive botuese dhe do të shihen mundësitë e bashkëpunimit me botuesit e mëdhenj evropianë dhe amerikanë. Poashtu Presidenti falenderoi kontributin e botuesve në veprimtarinë e tyre në decenien e fundit mjaft të vështirë, që ishte kontribut për lirinë dhe pavarësinë e Kosovës. "Ne të gjithë duhet të bëjmë më shumë për librin, sepse një popull që e siguron librin e ka ardhmërinë më të sigurt dhe më të ndritur", tha në fund Presidenti Rugova dhe premtoi një përkrahje institucionale edhe të vetë presidencës për artistët dhe krijuesit e vendit.
Në Shqiponjë të premten përkujtohen 84 dëshmorët e UÇK-së
Të premten, në Shqiponjë (ish-Jabllanicë) të Dushkajës, do të mbahet një tubim i madh përkujtimor për të 84 dëshmorët kosovarë luftëtar të radhëve të UÇK-së.
Të premtën fillon procesi gjyqësor kundër katër të akuzuarve për vrasjen e Ekrem Rexhës i njohur si komandant "Drini"
Prizren, 16 maj - Të premtën do të fillojë në Kosovë procesi gjyqësor kundër katër të akuzuarve për vrasjen e Ekrem Rexhës i njohur ndryshe si komandant "Drini". Kjo u konfirmua dje nga Gjykata e Qarkut të Prizrenit ku do të zhvillohet ky proces gjyqësor.
Në 19 komuna në Mal të Zi dje janë zhvilluar zgjedhjet vendore
Podgoricë, 16 maj 2002- Në 90 komuna në Mal të Zi dje janë mbajtur zgjedhjet vendore në të cilat kanë dalur mbi 70 për qind të zgjedhësve. Gara kryesore në Mal të Zi u zhvillua midis Partise Demokratike Socialiste të presidentit Gjukanoviq dhe Partisë Popullore Socialiste. Ndërkaq forcat politike shqiptare garën zgjedhore e kanë përqëndruar në Komunën e Ulqinit, komunë kjo që prej zgjedhjeve të para partiake qeveriset nga Lidhja Demokratike dhe Unioni Demokratik i Shqiptarëve. Në këtë komunë si edhe në komuna të tjera zgjedhjet lokale u zhvilluan në një atmosferë të qetë dhe u përcollën nga 120 vëzhgues ndërkombëtarë. Rezultatet e para pritet të shpallen sot nga OSBE-ja.
E mërkure 15 maj 2002

Rugova, Daci e Rexhepi presin Kadarenë: Shqiptarët tani të jenë një komb i qytetëruar evropian
PRISHTINE, 15 maj -2002
RTV21 njofton se; shkrimtari i shquar shqiptar Ismail Kadare u prit sot nga kryetari i Kosovës, Ibrahim Rugova, nga kryeministri Bajram Rexhepi si dhe nga kryeparlamentari Nexhat Daci. "Populli shqiptar i ka të gjitha mundësitë që të paraqitet sot si një komb i qytetëruar evropian", tha shkrimtari Kadare, pas takimit me drejtuesit e institucioneve të Kosovës. Kadare për vizitën e tij në Kosovën e lirë dhe për takimin me përfaqësuesit e zgjedhur të institucioneve politike tha se ishte dëshirë dhe ëndërr e kahmotshme. “Jam shumë i kënaqur që këtu gjej mendime të emancipuara me një dimension evropian për shtetin, për lirinë, për demokracinë, për Kosovën”, tha Kadare pas takimit me kryeministrin Rexhepi. Ndërsa pas takimit me Presidentin Rugova, ky i fundit shprehu kënaqësinë që pas disa viteve po takonte mikun e tij të vjetër, shkrimtarin Ismail Kadare, për të cilin tha se është një nga kolosët e letërsisë së sotme shqiptare. Me këtë rast Presidenti Rugova i shprehu Kadaresë mirënjohje, në emër të popullit të Kosovës dhe në emrin e tij, për gjithë atë që ka bërë për një dhjetëvjeçar, për afirmimin e çështjes së Kosovës. Duke i dëshiruar shëndet dhe jetë të gjatë, presidenti Rugova uroi Kadarenë "për të na dhuruar vepra të reja që zoti ia ka falë atë dhunti". Nga ana e tij Ismail Kadare tha se sot vërtet është shumë i lumtur dhe i emocionaur që ka takuar Presidentin e Kosovës. “E theksoj, ka qenë ëndrra ime, që një ditë të vij dita të shohë Kosovën e lirë dhe të takoj udhëheqësit e saj, Presidentin, kryeministrin, Kryetarin e Parlamentit dhe të tjerët që udhëheqin këtë vend. Prandaj kënaqësia ishte e dyfishtë, sepse me zotin Rugova siç e tha, kemi qenë miq, kemi qenë shkrimtarë. Unë e mbaj mend 22 vite përpara kur isha për herë të dytë në Kosovë, kur ai u përkujdes për botimin e një kompleti të veprës sime, ka bërë hyrjen e 10 vëllimeve”, tha ai. Kadare theksoi se ai në mënyrën më modeste, ka prezantuar librin e Ibrahim Rugovës për Kosovën, duke i hedhë edhe një hyrje, duke u përpjekur t'i kthejë borxhin. “Pra kemi qenë të dy shkrimtarë, një shkrimtar u bë President, unë mbeta shkrimtar, por kjo s'ka asnjë rëndësi”, tha Kadare. “Kjo tregon se shqiptari kudo që ndodhet, po dëshmon se respekton institucionet, i çmon ato. Ne po hymë në një stad të ri, stadin e Evropës, e demokracisë, lirisë evropiane”, u shpreh Kadare pas takimit me Presidentin Rugova. Ndërsa në takimin me Dacin, Kadare tha se kishte këmbyer mendime për frymën pajtuese që duhet të jetë midis shqiptarëve dhe në Ballkan. “Eshtë shumë e rëndësishme që klasa politike e Kosovës, Kuvendi i saj, të gjitha strukturat politike po tregojnë një emancipim, kthjelltësi në çastet e sotme. Kjo është tepër e rëndësishme, sepse lidhet me të ardhmen e Kosovës me besimin që Kosova do të zgjojë në komunitetin evropian, t'i tregojë se përkundër asaj që është thënë, se nuk janë të aftë të krijojnë shtet, të mbajnë shtet, është e rëndësishme të tregojnë të kundërtën, të afirmojnë se janë të aftë për gjithçka, janë të aftë, si për ta fituar lirinë edhe ta gëzojnë atë, dhe ta ndërtojnë lirinë dhe shtetin e tyre”, theksoi Kadare. Nga ana tjetër ai shtoi se populli shqiptar duhet të mos e harrojë mirënjohjen për bashkësinë ndërkombëtare që e shpëtoi nga robëria.
Në Prishtinë në mbrëmje hapet panairi i librit "Prishtina 2002"
Prishtinë, 15 maj 2002
- Në Pallatin e Rinisë dhe të Sporteve në Prishtinë, sot në orën 18 hapet panairi i librit "Prishtina 2002", të cilin do ta hapë solemnisht Presidenti i Kosovës, Dr. Ibrahim Rugova. Përveç personaliteteve të tjera të artit, të kulturës, të shkencës e të letërsisë, do të jetë i pranishëm edhe shkrimtari i mirënjohur shqiptar Ismail Kadare. Organizatorë të këtij manifestimi kulturor janë Ministria e Kulturës, Rinisë, Sporteve dhe çëshjteve Jorezidente në Qeverinë e Kosovës dhe Shoqata e Botuesve të Kosovës. Në të pritet të marrin pjesë mbi 60 botues nga Kosova, Shqipëria, Maqedonia, Mali i Zi dhe diaspora, si dhe disa nga shtete që i kanë përfaqësitë e tyre në Prishtinë.
Vepra letrare e Ismail Kadaresë është projekt monumental kulturor, tha Ali Aliu
Prishtinë, 15 maj 2002
- Me një ceremoni rasti, sot në Akademinë e Shkencave dhe të Arteve të Kosovës, shkrimtarit tonë të madh Ismail Kadare iu dorëzua fletëdëshmia e anëtarit të jashtëm të kësaj Akademie, që e kishte shpallur në vitin 1991. Për veprën letrare të Ismail Kadaresë foli akademik Ali Aliu, i cili tha se vepra letrare e Ismail Kadaresë është projekt monumental kulturor i shpirtit e mendjes që në mënyrë më të plotë shpreh botën shqiptare të shekullit 20 dhe që rrezaton përtej kufijve kohorë. Nga ana e tij Ismail Kadare shprehu kënaqësinë e tij që për herë të parë merr pjesë në një ceromin të një akademie shqiptare.
"Unë jam shumë i emocinuar të jem midis jush pë të marrë këtë dëshmi të anëtarësimit, si anëtar i Akademisë tuaj". Duke thënë se për të kjo është veçanërisht e shtrenjtë, Kadare në vazhdim foli edhe për vlerat kulturore shqiptare që nga Buzuku e deri në ditët e sotme.
Vrasësit e Ekrem Rexhës, i njohur si "Komandant Drini", së shpejti para gjyqit
Prishtinë, 15 maj 2002
-Qendra Informative e Kosovës (QIK-u)njofton se Prokuroria e Qarkut në Prizren ka ngritur dje (të martën) aktpadinë kundër Sali Veselit për vrasjen e Ekrem Rexhës, i njohur si "Komandant Drini". Aktpadia është ngritur edhe kundër Habib Hazirit për shkak të dyshimit se më 8 maj të vitit 2000, sipas porosisë së Sali Veselit, siç thuhet në aktpadi, ka kryer vrasjen e Ekrem Rexhës. Aktpadia është ngritur edhe kundër dy pjesëtarëve të TMK-së, Xhemajl Beqirit dhe Halil Çadrakut, të cilët sipas aktpadisë, kanë ndihmuar në vënien e kurthit dhe në likuidimin e "Komandant Drinit". Në aktpadi thuhet se Sali Veseli ka paguar 15.000 marka në llogari të Habib Hazirit si shpërblim për vrasjen e Ekrem Rexhës. Më 8 janar të vitit 2000, Ekrem Rexha është vrarë para derës së shtëpisë së tij në Prizren.
Në Luginë të Preshevës u përkujtuan dëshmorët e kombit
Në këtë ceremoni përkujtimore merrnin pjesë mbi 20.000 banorë, të vendbanimeve të Luginës së Preshevës si dhe të viseve tjera të etnikumit shqiptar.
Luanët" maqedonas nuk shpërbëhen, përkundrazi vazhdojnë stërvitjet në "Leunovë" të Mavrovës
"Luanët" maqedonas, një njësi më shumë parapolicore sesa polici speciale për intervenime të shpejta, siç po quhen tani, është dashtë të shpërndahen sipas marrëveshjeve.
“AUDI AG” i dhuron veturë të blinduar Kryeadministratorit Shtajner
Dorëzimi solemn i dhuratës do të bëhet këtë të premte në mesditë në Shkup në sallonin e automovilave "AUDI" të importuesit maqedonas "SA&SA Kompani".
E marte 14 maj 2002

Presidenti Rugova sot në Prishtinë vuri gurthemelin e godinës së Institutit të Historisë
Prishtinë, 14 maj 2002
– Presidenti i Kosovës, Dr. Ibrahim Rugova, sot në Prishtinë, në kompleksin univeristar, vuri gurthemelin e godinës së Institutit të Historisë së Kosovës, në praninë e punëtorëve të këtij institituti, zyrtarëve më të lartë të Kosovës e të komunës dhe të qindra qytetarëve. Ishte kjo një ngjarje e veçantë, sepse ky Institut do të bëhet me objektin e vet, ku do të zhvilloj veprimtarinë e vet shkencore e shoqërore.
Instituti i Historisë së Kosovës, sot kremtoi edhe 35-vjetorin e punës së vet të suksesshme, në Bibliotekën Kombëtare e Universitare, ku poashtu morën pjesë intelektualë e përfaqësues të jetës politike nga Prishtina dhe Kosova.
Presidenti i Kosovës, Dr. Ibrahim Rugova, i cili u prit me duartrokitje të gjata, në fillim të fjalës së tij tha në fillim se shënimi i 35-vjetorit të themelimit të Institutit të Historisë së Kosovës është një datë e rëndësishme, sepse me punën e tij ky Institut ka bërë shumë në ndriçimin e historisë të të gjitha periudhave kohore të Kosovës e të popullit shqiptar në përgjithësi, që nga antika iliro-shqiptare e deri më sot.
"Në këtë hark të madh kohe ekzistoi e mbijetoi populli shqiptar. Duhet t'i thellojmë studimet në këto plane, ku hyn edhe Instituti juaj. Dhe, sot populli i Kosovës e gëzon lirinë dhe kërkon njohjen formale të Pavarësisë, që të integrohet në BE, NATO e në miqësi me SHBA. Në këtë ditë përvjetori e kujtojmë me pijetet të lartë njërin nga themeluesit dhe drejtorin e parë të Institutit tuaj, profesor Ali Hadrin, njërin nga historianët më të mirë shqiptarë dhe të Evropën Juglindore. Me këtë rast i shprehim mirënjohje të lartë pas vdekjes në emër të popullit të Kosovës", nënvizoi Presidenti Rugova dhe në vazhdim theksoi:
"Në këtë ditë Ju po shënoni edhe një moment me rëndësi – vënien e gurthemelit të Ndërtesës së re të Institutit. Do të thotë se prej sot Ju do të keni shtëpinë Tuaj. Pra, sot po e vëmë edhe një gurthemel, sepse këto tri vjet në liri populli i Kosovës vuri gur të rinj themelesh për shtëpi të reja, e rindërtoi Kosovën e dëmtuar nga lufta në afat rekord. Pra, kjo është një shtëpi në shërbim të historisë së djeshme e të sotme".
Në këtë ditë të përvjetorit, Presidenti Rugova tha se ka një kërkesë për Institutin që të fillojë punën në një projekt të rëndësishëm me titull HISTORIA E KOSOVËS, që mungon, e ku do të inkuadroheshin edhe institucionet e tjera shkencore e universitare.
"Ju shprehim urimet më të sinqerta dhe Ju dëshirojmë sukses në punën shkencore. Do të keni përkrahjen e Presidencës së Kosovës", tha në fund të fjalës së tij Presidenti i Kosovës, Dr. Ibrahim Rugova.,br> Në fjalën e tij, drejtori i Institutit të Historisë së Kosovë, Dr Jusuf Bajraktari, i cili pasi përshendeti të pranishmit, ndër të tjera tha tha se
shënimi i 35-vjetorit të ekzistimit dhe të punës së Institutit të Historisë paraqet një datë të rëndësishme, në zhvillimin e veprimtarisë hulumtuese-shkencore, një datë të shënuar në fushën e historisë kombëtare në Kosovë dhe më gjerë. Dr. Bajraktari me këtë theksoi kontributin e madh dhe qëndresën burrërore të korifeut të historiografisë kosovare dhe themeluesit e këtij Instituti – akademik Ali Hadri, si në zhvillimin e mendimit historik, në ngritjen e kuadrit shkencor, ashtu edhe në kundërvënien e qarqeve pseudoshkencore dhe policore ushtarake serbe ndaj historisë dhe të qenmës sonë kombëtare.
Dr. Bajraktari në vazhdim theksoi se Instituti vazhdimisht ishte në shënjestër të politikës shoveniste serbe, sidomos pas vitit 1981, që kulmoi me mbylljen e tij nga ana e Kuvendit të Serbisë në korrik të vitit 1992.
Mirëpo, tha ai, as diferencimet politike e izolimet, as masat e dhunshme, e as mbyllja e tij nga pushteti okupues serbë nuk mundën ta ndalin punën dhe angazhimin e punëtorëve të Institutit, të cilët, pa marrë parasysh pasojat, i sfiduan të gjitha pengesat dhe ia arritën të mbajnë gjallë frymën krijuse-shkencore. Dr.Bajraktari në vazhdim tha se Instituti i Historisë ka bashkëpunuar me institucionet shkencore të Kosovës dhe të Shqipërisë si dhe me institucionet përkatëse të republikave të ish-Jugosllavisë.
Me gjithë vështirësitë dhe pengesat e shumta të punës në kushtet e okupimit që kaloi Kosova, Instituti i Historisë arriti të mbijetojë gjatë këtyre viteve dhe të ngritet në nivelin e një institucioni kombëtar, me fizionomi të formësuar shkencore e profesionale, theksoi Jusuf Bajraktari.
Instituti i Historisë do të vazhdojë punën kërkimore shkencore për studimin sa më të plotë të historisë së Kosovës, të popullit shqiptar dhe të rajonit dhe për të realizuar këtë objektiv, Instituti duhet të reformohet mbi bazat e kërkesave bashkëkohore, tha ndër të tjerat drejtori i Institutit të Historisë, Dr. Bajraktari.
Presidenti i Kosoëvs, Dr. Ibrahim Rugova, drejtorit të Institutit ia dhuroi dy libra, njëri prej të cilave ishte libri "Historia e Kosovës", në gjuhën angleze, i sponsorizuar nga Qeveria e Republikës së Kosovës.
Një shqiptar u dënua me 15 vjet heqje lirie për vrasjen e një serbe
Prizren, 14 maj 2002
- Gjykata e qarkut në Prizren dënoi Artan Hasanin me 15 vjet heqje lirie për shkak të vrasjes së serbes Stana Sërbiqit nga Prizreni. Trupi gjykues i përbërë nga një shqiptar dhe dy gjykatës të huaj, këtë vendim e mori mbrëmë vonë. Vrasja ka ndodhur në vitin 2000, kurse i dënuari është arrestuar një vit më vonë.
Shtyhet seanca e Kuvendit të Kosovës për më 23 maj
Prishtinë, 14 maj 2002
- Kryesia e Kuvendit të Kosovës në një takim të mbajtur sot diskutoi për pikat e rendit të ditës të seancës së ardhshme të parlamentit. Në të vërtetë fjala është për çështjet që u diskutuan edhe në mbledhjen e kaluar të Kuvendit, pra çështja e Mitrovicës dhe e kufijve, por edhe për rregulloren për krijimin e agjencionit të mirëbesimit, me të cilën mundësohet privatizimi i ndërmarrjeve shoqërore.
Kryesia vendosi që të hartojë një rezolutë për tërësinë territoriale të Kosovës, e cila duhet të miratohet në seancën e ardhshme plenare që do të mbahet më 23 maj. Siç njoftohet rezoluta do të përmbante pikat e bazuara në Kornizën kushtetuese, dhe me të cilën do të kërkohet shtrirja e ndikimit të institucioneve të Kosovës në mbarë territorin e saj.
Pra seanca e Kuvendit të Kosovës e caktuar për më 16, 17 e 18 maj, shtyhet për më 23 maj.
Dëshmitari Taniq në Hagë: Ja plani dhe operacionet e Millosheviqit për të spastruar Kosovën
HAGE, 14 maj 2002
- Në procesin kundër Millosheviqit në Tribunalin e Hagës sot dëshmoi Ratomir Taniq, i cili ishte angazhuar për dialog më shqiptarët. Dëshmitari Tomiq ka dëshmuar për projektet e Millosheviqit për pastrimin etnik të Kosovës. Ai ka thënë se në vitin 1997 Millosheviqi i kishte thënë se qeveria serbe duhet ta sillte në përmasa reale numrin e shqiptarëve në Kosovë, ta shkatërronte terrorizmin e pastaj të merrej me problemet politike. Ai ka thënë gjithashtu se Millosheviqi kishte hequr dorë papritur nga marrëveshja politike me shqiptarët e Kosovës, e cila mbështetej nga bashkësia ndërkombëtare. Ratomir Taniq ka dëshmuar edhe për strukturën komanduese të operacioneve të forcave serbe në Kosovë. Në këtë kontekst, ai ka thënë se Millosheviqi kishte aplikuar zingjirin privat të komandimit, duke anashkaluar strukturat drejtuese të ushtrisë e të policisë. Dëshmia e Tomiqit, i cili u paraqit në gjykatë me fytyrë të mbuluar, do të vazhdojë edhe nesër.
Sipas Çoviqit, marrëveshja mes Beogradit dhe Shkupit për vijën kufitare është çështje e mbyllur
Shkup, 14 maj 2002
- Marrëveshja mes Beogradit dhe Shkupit zyrtar për vijën kufitare është çështje e mbyllur, deklaroi në Shkup zëvendëskryeministri serb Nebojsha Çoviq. Nga ana tjetër presidenti maqedonas Boris Trajkovski tha se me Çoviqin ka diskutuar për obligimet që dalin për implementimin e kësaj marrëveshjeje për vijën kufitare.
I pyetur nëse në takimet që pati është biseduar për marrëveshjen kufitar ndërmjet Beogradit dhe Shkupit, Çoviq tha se në këtë drejtim nuk ka çka të bisedohet, sepse sipas tij, kjo çështje është mbyllur me marrëveshjen e nënshkruar mes këtyre dy vendeve.
BE-ja i bëri thirrje autoriteteve të UNMIK-ut dhe Beogradit që të punojnë në kuadër të institucioneve kalimtare të Kosovës
Bruksel, 14 maj 2002
- Këshilli i Ministrave të BE-së u ka bërë thirrje autoriteteve të UNMIK-ut dhe Beogradit që të punojnë sa më afër me institucionet vetëqeverisëse në Kosovë. Kjo thirrje ka pasuar në fund të takimit të 15 ministrave të jashtëm të BE-së ku këshillohet që UNMIK-u dhe Beogradi të veprojnë në mënyrë sa më të vendosur, duke respektuar gjithnjë kompetencat që dalin nga Rezoluta 1244.
Ndërkaq, në kapitullin e Maqedonisë Këshilli i Ministrave nënvizon nevojën e implementimit të plotë të Marrëveshjes së Ohrit.
Ministrat e jashtëm të BE-së kanë tërhequr vërejtjen se korrupsioni ka filluar të jetë një çështje tejet serioze në rajonin e Ballkanit dhe ai duhet të ndërpritet urgjentisht.
Në këtë takim ministrat e jashtëm dhe ata të mbrojtjes të BE-së kanë shqyrtuar edhe një raport të hollësishëm të Komisionit Evropian për situatën e përgjithshme në Shqipëri, Maqedoni, Jugosllavi, Bosnje dhe Kroaci.
Euro-socialistët kritikojnë qeverinë
Tiranë, 14 maj 200
(Njofton Qik-u)
Ka patur kritika të ashpra në një takim të euro-socialistëve ndaj qeverisë socialiste në pushtet të kryesuar nga Pandeli Majko, ish kryetar i FRESH-it. Kryetari aktual, Gjergji Koja, ish-ministër i shëndetësisë në qeverinë e kryesuar nga Ilir Meta, tha se një pjesë e mirë e të rinjve po largohen nga administrata madje edhe nga Shqipëria. "Unë do të uroja qe zoti Majko të mos bëhej pjesë e lojës së largimit të rinisë shqiptare nga Shqipëria pavarësisht nga bindjet politike. Kjo lojë u intereson atyre që duan ta plakin Shqipërinë, u intereson atyre që duan ta lënë Shqipërinë pa të ardhme". Ndër më shumë se 1 milion shqiptarët që kanë lënë Shqipërinë për një jetë më të mirë jashtë saj afro 500 mijë vlerësohen të jenë në moshën e rinisë.
Ministri i Shëndetësisë Baliq licenson 24 stomatologë
PRISHTINE, 14 maj 2002
- Sot në Prishtinë u bë licencimi i 24 stomatologëve. Zyrtarët e Ministrisë së Shëndetësisë tha se stomatologët e sapolicencuar mund ta fillojnë që sot punën në profesionin e tyre, pa asnjë probolem. Ministri i Shëndetësisë, Numan Baliq, duke ua ndarë licencat stiomatologëve, theksoi se kjo është dëshmi se shëndetësia kosovare po shkon çdo ditë përpara. Në ceremoninë që u organizua në Qendrën Klinike Universitare, kryetari i bordit të kësaj ministrie, Hysni Bajrami bëri të ditur se licencimi i këtyre stomatolagëve ka kaluar nëpër disa faza. Stomatologëve ua dorëzoi licencat ministri i Shëndetësisë, Numan Baliq. Me këtë rast, ai theksoi se në mjekësinë kosovare dita ditës po shihen përparime të mëdha. Ndërkohë vetë stomatologët e licencuar e vlerësojnë këtë hap si një siguri më të për pacientët e tyre. Sipas të dhënave të Qendrës Klinike Universitare, deri më tash në Kosovë janë të licencuar 85 deri 90 për qind e personelit mjekësor që është duke kryer shërbime mjekësore.
Bletët stërviten për të zbuluar eksplozivë
Uashington, 14 maj 2002
- Zyrtarët e shërbimeve sekrete në Shtetet e Bashkuara njoftohet se po stërvisin bletë për të zbuluar gjurmë të eksplozivëve. Një zyrtar i departamentit të kërkimeve shkencore në Ministrinë amerikane të Mbrojtjes citohet në gazetën 'Nju Jork tajms' të ketë thënë se bletët duket të jenë po aq të ndjeshme ndaj erërave sa edhe qentë. Gazeta bën të ditur se nëse stërvitja e bletëve është e suksesshme, ato mund të vendosen pranë vendeve të rëndësishme për të parandaluar ndonjë sulm të mundshëm ndaj tyre.
E shtune 11 maj 2002

Roland Bartecko, i njohur me pseodonimin e luftës "Shabani" u dënua me 23 vjet burg për terrorizëm
Prishtinë, 11 maj 2002
- Dje në Prishtinë, Trupi gjykues i Gjyqit të Qarkut të Prishtinës, e udhëhequr nga gjykatësja ndërkombëtare gjermane, Brigit Lange Klapç, i shqiptoi dënimin në kohëzgjatje prej 23 vjetësh burg shtetasit gjerman, Roland Bartecko, ish-ushtar i Ushtrisë Çlirimtare të Kosovës, i njohur me pseudonimin e luftës "Shabani". Dënimi iu shqiptua për veprën penale vrasjen e serbit Aleksandër Pertroviq, për plagosjen e katër të tjerëve dhe për terrorizëm, që të tri këto vepra të kryera me rastin e minimit të së ashtuquajturës Qendër Jugosllave në Prishtinë. Për këtë vepër iu shqiptuan tri dënime: për vrasje 18 vjet sipas Ligjit penal të Kosovës, 12 vjet për tentimvrasje dhe 20 vjet për terrorizëm, të cilat trupi gjykues i unifikoi në 23 vjet burg. "Nuk është serioze, nuk jam shumë i palumtur, sepse unë e di se nuk jam fajtor për këtë. Është një histori tipike politike kjo. Më mbetet të bëj apel në Gjykatën Supreme. Do të shohim më vonë. Unë jam optimist, sepse nuk jam fajtor", ka thënë pas shqiptimit të dënimit Bartecko. "Unë jam i pafajshëm", ka shtuar ai në gjuhën shqipe me një theks gjerman.
Robertson: Shqipëria do të kandidojë në kushte të barabarta me të gjitha vendet aspirante
BRUKSEL, 11 maj 2002
- Sekretari i Përgjithshëm i NATO-s, Lordi Xhorxh Robertson gjatë takimit me Kryeministrin Pandeli Majko, në selinë e NATO-s, tha se Shqipëria do të kandidojë në kushtet e barabarta me të gjitha vendet e tjera, që aspirojnë të anëtarësohen në NATO pas samitit të Pragës në vjeshtë. Lordi Robertson tha se Shqipëria me kontributin që ka dhënë gjatë krizës kosovare në përpjekjet e saj për anëtarësim, i ka ofruar vetes të drejtën për kandidim. "Por anëtarësimi në NATO do të bëhet në bazë të kontributit që këto vende do t'i japin Aleancës dhe ai nuk do të jetë një medalje për këto vende", tha Lordi Robertson. Gjatë takimit të zhvilluar mes Lordit Robertson dhe kryeministrit Pandeli Majko, u diskutua edhe çështja e forcimit të kontrollit të kufijve. Bashkëbiseduesit konfirmuan faktin se në 15 Korrik të këtij viti në Maqedoni do të zhvillohet Konferenca për Monitorimin e Kufijve. Sipas Lordit Robertson, kjo konferencë, nuk do të jetë vetëm për Maqedoninë dhe Shqipërinë, por këtu do të diskutohet më gjerë për çështjen e monitorimit të kufijve. "Kjo nuk do të thotë se Shqipëria ka probleme me kufijtë e saj, ndërsa kontributi që do të japë NATO, do të jetë një kontribut strategjik ndihmues", u shpreh Lordi Xhorxh Robertson. Pas vizitës në Bruksel, kryeministri Pandeli Majko dhe delegacioni që e shoqëron, është nisur për në Zvicër, ku është takuar me përfaqësues të organizatave të emigrantëve dhe biznesit shqiptar me qëndrim atje, të interesuar për të kontribuar në ndërtimin e rrugës Durrës-Kukës-Prishtinë.
Rexhepi: Kosova e pavarur në Evropë, por jo nëpërmjet Serbisë
PRISHTINE, 11 maj 2002
- “Vend i Kosovës është në Evropë, por jo si pjesë e Serbisë apo Jugosllavisë”. Kështu ka thënë sot për mediat serbe kryeministri i Kosovës Bajram Rexhepi. “Kosova vendin e ka në Evropë, por jo nëpërmjet Serbisë, por e pavarur. Serbia dhe Kosova do të hyjnë në Evropë, por secila veç e veç”, tha Rexhepi. Kryeministri megjithatë shtoi se qeveria e tij ishte e gatshme në princip për të diskutuar me Beogradin lidhur me problemet e qytetarëve të Kosovës, duke përfshirë çështjet e personave të zhdukur dhe të atyre të zhvendosur. Ndërsa lidhur me një takim të mundshëm mes tij dhe homolpgut të tij serb, Bajram Rexhepi u shpreh se është shumë herët për një takim të tillë.
JAT-i fillon transportin ajror Beograd - Prishtinë dhe Prishtinë - Tivat
Beograd, 11 maj 2002
- Aerotransporti jugosllav (JAT) do të fillojë trafikun ajror nga Beogradi në Prishtinë, kanë njoftuar dje burimet e JAT-it. Marrëveshja parimore për fillimin e trafikut ajror në relacionin Beograd - Prishtinë dhe Prishtinë - Tivat është arritur në mbledhjen e djeshme rajonale të vendeve ballkanike në Prishtinë. Ky vendim është rezultat i bisedimeve me përfaqësuesit specialë të Kombeve të Bashkuara, Mihael Shtajner dhe Gerhard Fisher.
Ministri Sadriu diskutoi me homologun e tij nga Beogradi për çështjen e kursimeve të qytetarëve dhe dëmeve të shkaktuara gjatë luftës
Prishtinë, 11 maj 2002
- Gjatë konferencës në temën lufta kundër korrupsionit të cigareve dje në Prishtinë, ministri i ekonomisë dhe financave të Kosovës Ali Sadriu u takua me ministrin serb të financave Bozhidar Gjeliq. Ky i fundit në këtë takim kishte ngritur çështjen e borxheve që kompanitë kosovarë kanë ndaj Serbisë, ndërkaq z. Sadriu citohet të ketë thënë se edhe ai me homologun e tij nga Beogradi kishte diskutuar çështjen e kursimeve të qytetarëve dhe dëmeve të shkaktuara gjatë luftës.
Njoftohet se më 26 maj do të largohet nga Malisheva kontigjenti rus i KFOR-it
Prizren, 11 maj 2002
- Zëdhënësi i Brigadës Shumkombëshe të Jugut koloneli gjerman Alojz Bah ka njoftuar për reduktimin e ushtarëve që do të behet në këtë brigadë. Sipas tij nga Malisheva më 26 maj do të largohet kontigjenti rus i KFOR-it. Ai bëri të ditur se pika kontrolluese në Malishevë pas largimit të ushtarëve rus do të jetë në mbikqyrje të ushtarëve gjerman dhe atyre austriak të cilët veprojnë në kuadër të forcave paqeruajtëse. Nga 1800 trupa ruse sa ka aktualisht në Kosovë numri i tyre do të reduktohet në 600 dhe kjo do të bëhet deri më 2 qershor.
Filmi "Tirana viti zero" - një kronikë dokumentare artistike e e tronditjeve të mëdha, e kaosit dhe të çrregullimeve
Prishtinë, 11 prill 2002
– Mbrëmë në kino ABC, në Prishtinë, u shfaq premiera e filmit artistik shqiptar "Tirana viti zero", me regji të Fatmir Koçit, me Nevin Meçajn, Rajmonda Bulkun, Robert Ndrenikën, Ermela Telin, Behar Meren në rolet kryesore. "Tirana viti zero" është laureat i disa çmimeve si në Festivalin Ndërkombëtarë në Selanik, ku mori çmimin e parë, fitues i çmimit "Filmi sot", në Bienalen e 58-të të Venecias dhe pjesëmarrës në disa festivale të tjera ndërkombëtare. Është punuar në bashkëprodhim Shqipëri, Francë, Belgjikë, sipas skenarit të Famir Koçit dhe Thierry Lenouvel. Filmi është një kronikë dokumentare artistike e Shqipërisë postkomuniste, e tronditjeve të mëdha, kaosit e çrregullimeve, sidomos gjatë vitit 1997, ku në fokus janë personazhet tragjikomike, të cilët përpëliten në mes të realitetit të hidhur dhe ëndrrave ireale e të parealizuara. Atmsofera e zymtë, personazhet e paperspektivë, pamjet ireale, që në fakt janë regjistrim i realitetit të vrazhdë e të hidhur, paraqesin një pamje ndryshe nga ajo që jemi mësuar të shohim disa dhjetëvjetshe më parë nga Shqipëria si "kopshtë me lule". "Tirana viti zero" është një kronikë që të tronditë dhe ta thanë shpirtin me zymtësinë e tij, me vërtetësinë dhe me imazhet që herë-herë ke përshtypjen se janë realizuar në ndonjë planet tjetër pas një katastrofe bërthamore a ndeshje yjesh. Përpjekja që të shtrihet sa më gjerë dhe të "fotografojë" një kronikë për tërë shtetin sikur ia humb fillin, duke iu shmangur ndjekjes së fatit të personazheve, fati i të cilëve humb në gjithë atë gjerësi. Megjithatë është një film që nuk të lë indiferent, përkundrazi të cyt në përsiatje e debate, që besojmë se nuk do të mungojnë.
E premte 10 maj 2002

Policia liron kreun e studentëve Morina dhe një tjetër, të arrestuar në protestën e djeshme
PRISHTINE, 10 maj 2002
- Policia e UNMIK-ut ka liruar sot nga arresti Gani Morinën, kryetar i Unionit të Pavarur të Studentëve të Universitetit të Prishtinës dhe Shkëlqim Millakun, të cilët u ndaluan dje pas protestës së studentëve në Prishtinë. Zyrtarët ndërkombëtarë nuk kanë dhënë hollëis të tjera, megjithatë ata u shprehën se Morina dhe Millaku janë liruar pas shqyrtimit të rastit të tyre dhe pas hetimeve që janë kryer nga policia. Ndërkohë sot Unioni i Pavarur i Studentëve të Universitetit të Prishtinës, kishte paralajmëruar protesta të tjera, nëse deri të hënën në orën 12.00 nuk do të liroheshin dy të arrestuarit. Kryetari i Kuvendit të UPSUP Nysret Mjekiqi ka hedhur poshtë pohimet se protestuesit kanë provokuar policinë në protestën e djeshme. Mjekiqi thotë se për protestën e djeshme ata kanë njoftuar policinë, që përkujdeset për rendin në Qendrën e Studentëve Ndërkohë, zyrtarët e policisë në Qendrën e Studentëve, thanë se studentët kanë njoftuar 24 orë para mbajtjes së protestës, mirëpo sipas tyre, protesta duhej të organizohej në hapësirën e qendrës universitare. “Ndryshe, protesta duhej të paralajmërohej 48 orë më herët” thonë në Policinë e Qendrës së Studentëve.
Ministrat e Financave të rajonit nënshkruajnë Deklaratën e Prishtinës kundër kontrabandës së duhanit
PRISHTINE, 10 maj 2002
- Ministrat e Financave të vendeve të rajonit u mblodhën sot në Prishtinë, për të hartuar një strategji të përbashkët për luftimin e trafikut me cigare. "Kosova çdo vit humb mbi 30 milionë euro vetëm nga kontrabanda e duhanit dhe sot duhet të gjejmë një strategji të përbashkët për të ndalur këtë krim të organizuar", ka thënë Shtajner, i cituar nga RTV21. Ai bëri të ditur pas conferencës se Ministrat e Financave nga të gjitha vendet e rajonit në bashkëpunim me Misionin e Organizatës së Kombëve të Bashkuara në Kosovë kanë arritur një marrëveshje (Deklarata e Prishtinës) prej 10 pikash që ka për qëllim prandalimin e kontrabandës në rajon. Propozimi i përfaqësuersit të UNMIK-ut që në të gjitha doganat e rajonit të përdorët e njëjta tiketë në paketimin e duhanit është pranuar edhe nga ministrat e Financave të rajonit. Sipas shefit të UNMIK-ut, kjo është një menyrë e mirë për të identifikuar se a është doganuar duhani i importuar dhe nga cili shtet është prodhuar. “Kontrabandimi i cigareve është një problem rajonal. Jemi duke bërë hapin e parë për ndreqjen e imazhit të rajonit. Kosova ka fituar një reputacion të keq si vend, mirëpo ajo nuk është vetëm vend i krijimit por edhe i luftimit të krimit”, u tha Shtajner ministrave të Financave.
Majko me Robertson në Bruksel: Diskutohet anëtarësimi në NATO e rruga Durrës-Prishtinë
TIRANE, 10 maj 2002
- Kryeministri i Shqipërisë, Pandeli Majko, u takua sot në Bruksel me sekretarin e përgjithshëm të NATO-s, lordin Xhorxh Robertson. Ky takim është në vazhdën e takimeve që zyrtarët e NATO-s i zhvillojnë me udhëheqësit e vendeve që janë kandidate potenciale për t'u anëtarësuar në NATO. Në këtë takim, ku Kryeministri shoqërohet nga anëtarë të kabinetit të tij dhe disa deputetë, po diskutohet rreth forcimit të bashkëpunimit Shqipëri-NATO, ecurisë së reformave në vend, kryesisht atyre në fushën ushtarake, si dhe rreth synimeve të vendeve kandidate për anëtarësim në NATO, në prag të Samitit të Pragës. Kryeministri Pandeli Majko, gjatë rrugës së kthimit për në Atdhe, do të bëjë edhe një ndalesë në Zvicër, ku do të takojë përfaqësues të organizatave të emigrantëve dhe biznesit shqiptar me qëndrim në Zvicër, të interesuar për të kontribuar në ndërtimin e rrugës Durrës-Kukës-Prishtinë.
Gjykata dënon me 23 vjet burg gjermanin Bartetzko për sulmin me bombë në Prishtinë
PRISHTINE, 10 maj 2002
- Gjykata e Qarkut të Prishtinës ka dënuar sot me 23 vjet burg gjermanin Roland Bartetzko, i cili akuzohet se ka hedhur në erë Zyrën e Beogradit në Prishtinë, në prill të vitit të kaluar. Një trup gjykues ndërkombëtar e dënoi atë për vrasje, tentativë vrasjeje dhe kryerje të sulmeve terroriste. Lajmi e pohon zëdhënësi i UNMIK-ut, Andrea Anxheli, sipas të cilit, Gjykata e ka marrë këtë vendim gjatë pasdites së sotme. Sulmi me bombë ndodhi në prill të vitit të kaluar dhe në të gjeti vdekjen, një serb Aleksandar Petrovic, 48 vjeç dhe katër të tjerë u plagosën. Bartetzko gjatë gjithë kohës së gjykimit të tij i ka kundërshtuar akuzat kundër tij, duke thënë se është i pafajshëm. Prokurorët e kanë akuzuar atë se ka qenë një mercenar, por a ii ka thënë trupit gjykues së kurrë nuk kishte marrë para nga ish-Ushtria Çlirimtare e Kosovës.
Senatori amerikan Bajden: Serbia duhet të plotësojë katër kushte, nëse do ndihma
UASHINGTON, 10 maj 2002
– Senatori Xhozef Bajden, kryetar i Komitetit për Politikë të Jashtme në Senatin amerikan, u dha mirënjohje qeveritarëve të Beogradit për hapat në reforma, mirëpo tërhoqi vërejtjen se para Serbisë gjendet një rrugë e gjatë, kur është fjala për inkuadrimin e plotë në bashkësinë ndërkombëtare. Në fjalën e mbajtur në Nju Jork, senator Bajden, njeriu kyç për krijimin e politikës së Kongresit amerikan, theksoi katër fusha të cilat janë vendimtare për përcaktimin e SHBA-ve në përtrirjen e ndihmave bilaterale Serbisë dhe ndihmën ndërkombëtare për Serbinë e Malin e Zi, të suspenduar më 31 mars. Duke e theksuar se ky është fillimi, Bajden theksoi katër kushtet, plotësimi i të cilave kërkohet nga Kongresi për t’i përtrirë ndihmat amerikane për Serbinë. E para, ndërprerja e ndikimit negativ të Beogradit në jetën politike të Kosovës dhe në Republikën serbe. E dyta, plotësimi në tërësi i të gjitha obligimeve para se gjithash zënia dhe dorëzimi në Hagë i të gjithë të akuzuarve nga luftërat në ish-Jugosllavi, duke filluar nga gjenerali Mladiq, nëse gjendet ende në Serbi. E treta, ndërpreja e tashme e ndarjes së Mitrovicës, në mënyrë që të lejohen dhjetra mijëra shqiptarë të kthehen në veriun e Mitrovicës, në këmbim të kthimit të dhjetra mijëra serbëve e romëve në pjesën jugore. Dhe nën katër, obligimi i Koshtunicës dhe Gjingjiqit që publikisht të deklarohen mbi sjelljen e Serbisë gjatë viteve të nëntëdhjetë dhe duke kërkuar falje për fushatën e gjenocidit në Kosovë, Bosnjë dhe Kroaci, thuhet në fund të kushteve të vëna nga Xhozef Bajden.
Halimi: Shefqet Musliu dha kontribut në marrëveshjen paqësore në Luginën e Preshevës
PRESHEVE, 10 maj 2002
- Lidhur me arrestimin e Shefqet Musliu, komandantit të ish-UÇPMB-së, Riza Halimi, kryetar i Këshillit Koordinues të përfaqësuesve politikë shqiptar të Luginës së Preshevës, thotë se ende nuk janë të njohura shkaqet e arrestimit dhe se për momentin nuk mund të japë ndonjë koment pa u zbardhur rasti. Por Halimi megjithatë është shprehur se Shefqet Musliu ka dhënë kontributin e tij gjatë procesit negociator dhe në arritjen e marrëveshjes paqësore që i dha fund konfliktit të armatosur në luginën e Preshevës. Shefqet Musliu është arrestuar të mërkurën në Gjilan nga ana e KFOR-it amerikan dhe tani po mbahet në burgun ushtarak amerikan Bondstil, dhe ende nuk janë dhënë hollësi rreth shkaqeve të arrestimit të tij.
Vazhdon takimi i partive nënshkruese të Marrëveshjes së Ohrit në Maqedoni
SHKUP, 10 maj 2002
- Liderët e katër partive nënshkruese të Marrëveshjes së Ohrit pritet të takohen edhe sot për të vazhduar diskutimin lidhur me disa çështje që kanë mbetur ende të paimplementuara, pas nënshrkimit të Marrëveshjes së Ohrit. Ata u takuan dje për të shqyrtuar mundësinë e afrimit të qëndrimeve rreth pakos së ligjeve që duhet të miratohen sipas kësaj marrëveshjeje. Mirëpo, takimi u bllokua, pas propozimit të nënkryetarit të Partisë Demokratike Shqiptare, Menduh Thaçi, që zgjedhjet parlamentare të 15 shtatorit të mbahen sipas modelit proporcional dhe Maqedonia të jetë një njësi zgjedhore. Ky propozim ishte befasi për të gjithë, meqë PDSH-ja e kishte pranuar propozimin që Maqedonia të ndahej në 6 njësi zgjedhore. Këtë propozim e ka përkrahur në mënyrë indirekte edhe kryetari i VMRO-DPMNE-së, Lubço Georgievski, ndërsa lideri i LSDM-së, Branko Cërvenkosvki, ka reaguar ashpër kundër propozimit të Thaçit dhe atmosfera në takim është tensionuar. Ndërmjetësi i Bashkimit Evropian, Alen Lë Roa dhe i dërguari amerikan, Xhejms Holms, e kanë ndërprerë takimin. Ambasadori Holms kërkon nga liderët partiakë që të tejkalojnë mosmarrëveshjet dhe të fillojnë aktivitet për miratimin e ligjeve që dalin nga ndryshimet kushtetese, e pastaj të fillojnë aktivitet zgjedhore. Takimi i liderëve nënshkruese të Marrëveshjes së Ohrit vazhdoi sot.
E enjte 9 maj 2002
Dhjetëra studentë lëndohen nga ndërhyrja e policisë në Prishtinë Kosovapress njofton se dhjetëra studentë shqiptarë janë lënduar, ndërkohë që udhëheqësi i tyre është arrestuar nga policia e UNMIK-ut pas mbajtjes së protestës paqësore në qendër të Prishtinës, në mbështetje të ruajtjes së tërësisë.

Edhe QIK-u bën me dije:
Protestë e studentëve kundër ndarjes së Kosovës-Organizuar nga Unioni i Pavarur i Studentëve të UP, sot në Prishtinë, para Teatrit Kombëtar (njëqind metra nga godina e Parlamentit të Kosovës, ku po mbahej debati parlamentar), u mbajt një protestë, ku morën pjesë disa qindra vetë, kryesisht studentë. Kjo protestë u thirr kundër ndarjes së qytetit të Mitrovicës dhe kundër marrjes së territoreve të Ksoovës nga shtetet fqinje. Mu në atë kohë kryeadministratori i Kosovës, Mihael Shtajner po u bënte thirrje deputetëve të mos konfrontohen me administratën e bashkësisë ndërkombëtare. Policia intervenoi për të shpërndarë protesuteusit, meqenëse ata nuk kishin marrë leje për të mbajtur protestën. Zëdhëdhënësi i policisë Derek Çepell tha se policia me këtë rast ka arrestuar dy persona, në mesin e tyre edhe udhëheqësin e studentëve. Poashtu njoftohet edhe për të lënduar.
RTV21 poashtu njofton për:
Të lënduar e të arrestuar në një protestë në Prishtinë: Mbroni tërësinë territoriale

-Në kohën që në Kuvendin e Kosovës diskutohej rreth pjesës veriore të Mitrovicës dhe rreth kufirit të Kosovës, në Prishtinë u mbajt një protestë në të cilën u kërkua mbrojtja e tërësisë territorale të Kosovës. Policia e UNMIK-ut i shpërndau protestuesit, pasi organizatori, Unioni i Pavarur i Srtudentëve të Universitetit të Prishtinës, nuk kishte marrë leje për organizimin e protestës. Ndërkohë disa persona, të cilët thuhet se e kanë provokuar policinë, janë arrestuar. Studentët dhe qytetarët protestuan para Teatrit Kombëtar në Prishtinë me gjithë tentimin e policisë së UNMIK-ut për parandalimin e protestës. Protesta u mbajt në shënjë mbështetjeje të institucioneve të Kosovës, për mbrojtjen e tërësisë territoriale të Kosovës. "Deputetët e Kuvendit të Kosovës përfaqësojnë vullnetin e popullit dhe kur atyre ju merret fjala dhe e drejta për të vendosur është i censuruar i gjithë populli", tha kryetari i Unionit të Pavarur të Studentëve të Universitetit të Prishtinës, Gani Morina, i cituar nga RTV21. Protestën e përkrahën edhe asociacionet e dala nga lufta. Në emër të Shoqatës së Veteranëve të Luftës së UÇK-së, Sadik Halitjaha tha se askush nuk kërkon më tepër veç respektimit të vullnetit dhe të drejtave të njeriut. Para fillimit të protestës dhe gjatë shpërndarjes qytetarët dhe studentët u penguan nga policia e UNMIK-ut. Me këtë rast pati edhe të lënduar. Zëdhënësi i policisë së UNMK-ut për rajonin e Prishtinës Manuel Inestroza thotë se protestuesit nuk kanë pasur leje për të protestuar, ai mohon të jetë përdorur dhunë nga ana e policisë ndërkombëtare për shpërndarjen e protestuesve Sipas tij policia është provokuar nga protestuesit. "Organizatorit të protestës i është thënë që të shpërndajë turmën në mënyrë paqësore. Janë dhënë disa opcione; njëra nga ato ka qenë që të merret leja për të protestuar 48 orë me herët. Iu është thënë disa herë edhe në gjuhën shqipe dhe pasi i kanë refuzuar urdhërat e policisë atëherë njësiti special i Indisë dhe policia e UNMIK-ut kanë vazhduar të shpërndajnë turmën”, tha Inestroza. Ai tha se deri më tash janë arrestuar dy persona, të cilët po mbahen ne paraburgim dhe po zhvillohen hetime ndaj tyre. Ai poashtu theksoi se në protestë janë lënduar edhe 2 policë që sipas tij kanë e pesuar nga gurët e demonstruesve. Nga ana tjetër kryetari i UPSUP Gani Morina thotë se në fakt ata kanë qenë të lejuar për mbajtjen e protestës.

Shtajner:"Ne jemi në garë me kohën dhe nuk kemi kohë për ta humbur kot"
Prishtinë, 9 maj 2002
- Në fund të debateve të deputetëve të Kuvendit të Kosovës, atyre iu drejtua kryeadministratori i Kosovës Miahel Shtajner. "Sa më mirë që të merreni me pushtetin që tashmë e keni, aq më tepër pushtet do të merrni, dhe ky është programi ynë dhe këtë dëshironi edhe ju ta arrini", tha Shtajner. Ai shtoi se ka dëgjuar me kujdes këtë debat dhe nuk pajtohet me çdo gjë që u tha aty, por tha se ishte një debat dinjitoz dhe profesional dhe deputetët duhet të kenë mundësi që edhe në të ardhmen të shprehin dëshirën e atyre që i kanë zgjedhur. Por Shtajner porositi deputetët që të mos bien në kundërshtim me bashkësinë...
Ndërkaq duke folur për takimin e tij në Këshillin e Sigurimit, Shtajner tha se ka dy lajme nga atje: një të mirë dhe një të keq. Lajmi i mirë është se KS përkrah nismat tona, kurse lajmi i keq është se të gjithë anëtarët e KS kishin kritika e vërejtje të shumta dhe nuk e ka pasur lehtë që t'i dëgjonte gjithë përfaqësuesit e 15 shteteve me vërejtjet e tyre veç e veç.
Mihael Shtajner poashtu tha se e kupton dëshirën e deputetëve për të diskutuar, megjithëse kanë diskutuar jashtë kompetencave të tyre, por ata e kanë punën e vet për ta bërë kurse UNMIK-u dhe KFOR-i i kanë punët e tyre për të kryer.
Sipas rezolutës 1244, tha ai, UNMIK-u mban kontrollin e çështjeve të sigurisë dhe të marrëdhënieve ndërkombëtare dhe Korniza kushtetuese është shumë e qartë në këtë drejtim.
Duke folur lidhur me marrëveshjen për kufirin me Maqedoninë, Shtajner tha se bashkësia ndërkombëtare, Këshilli i Sigurimit të OKB-së në marsin e vitit të kaluar ka marrë një qëndrim lidhur me këtë dhe kjo duhet të respketohet, pra marrëveshja për kufirin. Shtajner theksoi ai merr udhëzime nga Këshilli i Sigurimit duke shtuar se nëse KS thotë se duhet të respektohet marrëveshja, ai nuk mund të bëjë asgjë tjetër dhe ai ka duart e lidhura për këtë çështje. Shtajner tha se atij i ka mbeteur të merret me brengat e njerëzve të cilët janë prekur me kufirin dhe ata, premtoi Shtajner, do të kenë të drejtë të punojnë tokat e tyre.
Në vazhdim ai foli edhe për problemet praktike për të cilat i ka disktuar me autoritetet maqedoanse për pranimin e tabelave të veturave dhe dokumentet e udhëtimit nga ana e Shkupit.
Ndërkaq duke folur për problemin e Mitrovicës Shtajner tha se gjendja aktuale është e papranueshme. Ai tha se e vërteta është se ai e ka trashëguar këtë gjendje, por pajtohet me deputetët se gjendja nuk mund të qëndrojë kështu siç është. "Unë kurrë nuk kam folur për rojet e urës. Gjithmonë kam thënë bandat e urës. Unë nuk e shfrytëzoj shprehjen rojet e urës dhe unë i kam thënë KS-së se ne nuk do të tolerojmë strukturat paralele dhe nuk do t'i toleroj ose pranoj se do të jenë pjesë e zgjidhjes", nënvizoi Shtanjer.
Por në realitet, pranoi Shtajner, ende nuk ka arritur të zgjidhë problemin e Mitrovicës. Ai tha se nuk do të ketë ndarje të Kosovës dhe nuk do të ketë kthim në status kuonë e viteve të 90.
Duke folur për krimet dhe dhunën Shtajner tha nesër në Prishtinë do të mbahet një konferencë e ministrave të financave të rajonit për trafikun e cigareve dhe ky do të jetë hapi i parë për të treguar se Kosova nuk është vetëm pjesë e problemit, por poashtu është edhe pjesë e zgjidhjes.
"Ne jemi në garë me kohën dhe nuk kemi kohë për ta humbur kot", tha në fund të fjalimit të tij Mihael Shtajner.
Për veriun e Kosovës dhe për kufijtë deputetët zhvilluan debate të ashpra në Parlamentin e Kosovës
Prishtinë, 9 maj 2002
- Në seancën e sotme të Parlamentit të Kosovës të gjithë deputetët u përqendruan dhe diskutuan për problemet e veriut të Kosovës, për marrëveshjen në mes të Beogradit dhe të Shkupit për kufirin dhe për tendencat e shteteve fqinje që të shtyhen kufijtë e Kosovës ne disa pika. Por para fillimit të këtij debati, deputeti Fatmir Rexhepi kërkoi ngë Kryesia e Parlamentit që të jipet një informatë për gjendjen e Gjilanit pas tërmetit dhe për pasojat e këtij termeti.
Në vazhdim të debatit Fatmir Bajrami, deputet i PDK-së, foli për tendencën e prekjes së kufijve, duke theksuar se rezoluta 1244, vazhdimisht ka njohur kufijtë e Kosovës dhe autoritetin e UNMIK-ut në tërë territorin. Ai përmendi edhe akte të tjera juridike që e njohin tërësinë territoriale të Kosovës, por që fatkeqësisht nuk respektohen. Ai kërkoi nga Presidenti i Kosovës, nga qeveria, Shtajneri dhe autoritetet e tjera që pushteti të ushtrohet mbi gjithë Kosovën. Ndërkaq, Fatmir Limaj (poashtu nga PDK-ja) pasi bëri vërejtje në punën e Kryesisë së kuvendit dhe të kryetarit, u përqendrua në disa momente të debatit të sotëm.
Fatmir Sejdiu, (deputet i LDK-së) që në fillim të diskutimit të tij theksoi se tema e sotme e debatit të Parlamentit ëhstë problemi vital për Kosovën. Duke folur për kornizën kushtetuese, proceseve që i kanë paraprirë dhe momenteve kyqe të debateve të asaj kohe, Sejdiu tha se megjithatë është thënë dhe është sanskonuar se çështja e kufinjve e të tërësisë territioriale të Kosovës është çështje e paprkeeshme. Ndërkaq, shkëputjen e territorit në komunën e Vitisë, përkatësisht marrëveshjen e dy subjekteve jashtë institucioneve ndërkombëtare, ai e quajti skandal, sepse edhe në Kornizën kushtetuese parashikohet mbrojtja e tërësisë territoriale të Kosovës.
Nekibe Kemendi (LDK) tha që në fillim se lidhur me draftin kushetes kam shprehur mendimin tim se ingerencat për atë draft-kornizë për Kuvendin e Kosovës janë kthyer në kushetutën e vitiit 1963. Mirëpo, fuqia për vendosje për aprovimin e kronizës nuk ishte në duart e kosovarëve. Ajo pati vërejtje edhe në letrën e Shtajnerit, dërguar dje Kuvendit të Kosovës dhe Kryesisë, ku kërkohej që Parlamenti të mos debatonte për çështjen e kufijve. Çka do të arrihet me këtë - do të institucionalizohet ndarja e veriut të Kosovës nga terësia territoriale e Kosovës, tha zonja Kelmendi, pyeti zonja Kelmendi dhe theksoi se me rezolutë do të pranohet një marrëveshej e vjetme, ku nuk kanë marrë pjesë autoritetet e UNMK-ut, madje është anashkaluar ky autoritet. Ajo e kontestoi letrën e Shtajnerit, sipas pikave të Kornizës kushtetuese. Znj. Kelmendi kërkoi që Kuvendi të sjellë një rezolutë dhe që ajo rezolutë të përfillet nga autoritetet ndërkombëtare, sepse vetëm në këtë mënyrë do të kthehet autoriteti i PSPS-së dhe do të respektohet rezoluta 1244, meqë ajo rezolutë është suspenduar në një pjesë të saj me rastin e arritjes së marrëveshjes në mes të dy shteteve fqinje. Zonja Kelmendi ishte këmbëngulëse se Kuvend i Kosovës si organi më i lartë i vetëqeverisjes së Kosovës duhet të diskutojë haptas dhe duhet të nxjerrë një rezolutë për këtë çëshje nga e cila varet ardhmëria e sigurtë e Kosovës dhe hapja e rrugës për integrimet e të gjitha komuniteteve në Kosovë.
Deputeti nga Mitrovica, Ramadan Kelmendi (LDK) me mjaft emocione theksoi problemet kyçe të Mitrovicës, pasojat e ndarjes së Veriut, izolimit të dhjetrave fshatrave shqiptare dhe bandave të urës të cilat e kanë paralizuar jetën dhe e kanë ndarë këtë pjesë të Kosovës. Ai pastaj prezentoi një hartë, ku parashikohej kthimi i të shpëngulurve në pjesën veriore të Mitrovicës. Meqë, tha ai, "edhe unë jam nga ajo pjesë, për mua parashikohet që në vitin 2006 të kthehem në shtëpinë time".
Mark Krasniqi, (PSHDK) duke bërë një paralelizëm historik, tha se edhe pse ndërkombëtarët thonë se nuk duhet kthyer historisë, ai po i kthehet sepse ajo po përseritet. Territoret shqiptare filluan të copëtohen dhe t'u jipen serbëve, malazezëve e grekëve grabitqarë me Kongresin e Berlinit. Vazhduan edhe më vonë dhe po përseriten edhe tash. Serbët, hap pas hapi po e marrin edhe pjesën tjetër të territorit shqiptar dhe ku do të ndalen? Në Durrës, Vlorë?, pyeti Mark Krasniqi. Ai falenderoi faktorin ndërkombëtar për ndihmën e madhe që kanë dhënë, por ai (faktori ndërkombëtar) duhet t'i mbrojë territoret etnike e historike të shqiptarëve.
Në debatet e sotme morën pjesë më shumë se 20 deputetë, pjesa më e madhe e të cilëve diskutuan për problemet e veriut të Mitrovicës, të territoreve të tjera që po shkëputen nga Kosova dhe për tendencat që këto territore të merren.
Doris Pak përuroi Qendrën për Studime Evropiane
Prishtinë, 9 maj 2002
- Anëtarja e Parlamentit Evropian dhe kryetare Komisionit për marrëdhënie me vendet e Evropës Juglindore zonja Doris Pak përuroi sot në Prishtinë Qendrën për Studime Evropiane si pjesë përbërëse të Universitetit të Prishtinës.
Më pas zonja Pak mbajti edhe një ligjëratë në Fakultetin Juridik mbi politikën e Bashkimit Evropian në raport me Evropën Juglindore. "Kjo ditë për mua është plot me emocione. Isha e shqetësuar për situatën në Kosovë 12 vjet me radhë. Për mua kjo është një ditë e gëzuar, ngase po shoh që UP po punon dhe po hapet një fushë e re e studimeve për çështje evropiane". Doris Pak tha më tutje se Kosova është pjesë e Evropës dhe të gjithë studentët që do të studiojnë këtu do ta çojnë Kosovën përpara që të jetë anëtare e BE-së, theksoi ndër të tjera zonja Pak.
Dëshmitari Thaçi në Hagë: Pashë me sy si u vranë 17 civilë e dhunuan 50 gra shqiptare
HAGE, 8 maj 2002
- Sot vazhdoi gjykimi i ish presidentit jugosllav Sllobodan Millosheviq, të akuzuar për gjenocid dhe krime të luftës në Kosovë e Kroaci. Dëshmitari Osman Thaçi nga fshati Demjan i Gjakovës, tha se me sytë e tij kishte parë se si forcat serbe, para mijëra refugjatëve kishin vrarë 17 civilë, dhe pastaj kishin dhunuar mbi 50 gra shqiptare. Osman Thaçi tha se refugjatët më pas ishin detyruar të nisen drejt kufirit me Shqipërinë, ku u janë marrë të gjitha dokumentat e identifikimit. Dëshmitarët e tjerë rrëfyen edhe për plaçkitje të njerëzve dhe shtëpive, të cilave më pas forcat serbe u kishin vënë zjarrin.
Në Bajram Curr janë vrarë me armë zjarri dy pjesëtarë të familjes Haklaj dhe kjo ngjarje lidhet me vrasjen e Azem Hajdarit
Tropojë, 9 maj 2002
- Dje para dite në qytetin e Bajram Currit janë vrarë me armë zjarri babë e bir të familjes Haklaj dhe këto viktima kanë lidhje të afërta me ngjarjen e Fatmir Haklajt. Elez Haklaj është xhaxhai i Fatmir Haklajt, ish-shefit të vrarë të Komesariatit të policisë së Tropojës, një nga personazhet e njohura në ngjarjet e viteve të fundit në këtë vend si dhe i akuzuari kryesor nga prokuroria dhe nga gjykata shqiptare si autor i vrasjes së deputetit demokrat Azem Hajdari në shtator të vitit 1988 para selisë së Partisë Demokratike në Tiranë. Drejtuesit e policisë vendore në Tropojë konfirmuan ngjarjen duke pohuar se ajo ka lidhje me vrasjet e ditëve të fundit në këtë rreth.
Gjatë dhjetë vjetëve të fundit në këtë rajon janë vrarë për hakmarrje 150 qytetarë.

Kryetari Rugova përfundon dëshminë në Hagë: S’kishte gjenocid ndaj serbëve, por e kundërta
HAGE, 6 maj 2002
- Presidenti i Kosovës, Ibrahim Rugova, e përfundoi sot dëshminë e tij në Tribunalin e Hagës, kundër ish-diktatorit serb, Sllobodan Millosheviq. Rugova ka kundërshtuar tezën e Millosheviqit se gjatë kohës së luftës në Kosovë, Rugova nuk ishte në arrest shtëpiak, por nën mbrojtjen e forcave serbe. Sipas të dërguarit special të Radiotelevizionit 21 në Hagë, Eugen Saraçini, i akuzuari u përpoq t'ia atribuonte kryetarit Rugova edhe një afishe në të cilën kërkohej nga qytetarët shqiptarë që të largoheshin nga Kosova e të shkonin në Shqipëri dhe në Maqedoni. Ndërkaq, Ushtrisë Çlirimtare të Kosovës u përpoq t'ia atribuonte vrasjen e disa veprimtarëve të Lidhjes Demokratike të Kosovës. Në dëshminë e presidentit Rugova u hodhën poshtë të gjitha pretendimet e Millosheviqit. Në ditën e dytë të kundërpyetjeve nga ish-presidenti jugosllav, Rugova mohoi me forcë ekzistencën e një gjenocidi kundër serbëve të Kosovës, i përmendur nga Millosheviqi. "Ju lutem, mos i bëni lëmsh të gjitha. Nuk ka pasur ndonjë gjenocid kundër serbëve, ka ndodhur e kundërta", tha Rugova. Millosheviq tha edhe një herë se e kishte shpëtuar Rugovën nga një tentativë për vrasje nga ana e UÇK-së në m në maj 1999. "Nuk është e vërtetë. Nuk ka pasur asnjë përpjekje nga ana e shqiptarëve për të më vrarë", u përgjigj Rugova. Ai nënvizoi se shqiptarët e Kosovës kishin frikën e vrasjes nga "paraushtarakët, policët dhe vullnetarë të tjerë serbë".(RTV21)
Hagë: Dëshmia e Presidentit Rugova rrënoi shpifjet dhe arrogancën e të akuzuarit
Hagë, 6 maj 2002
– Përfundoi dëshmia e Presidentit të Kosovës Dr. Ibrahim Rugova në Gjyqin Ndërkombëtarë të Hagës kundër të akuzuarit për krime luftë dhe krime kundër njerëzimit, Sllobodan Millosheviqit. Gjatë dy ditëve, dëshmia e Presidentit të Kosovës ishte dëshmia më përmbajtësore, më gjithëpërfshirëse që kapi një periudhë gati 20 vjeçare dhe rrëfimi më interesantë e më i rëndësishëm që u bë prej fillimit të këtij gjykimi të shekullit, siç po e quajnë mediat botërore. Ballafaqimi i të akuzuarit më dëshmitarin kryesor ishte një ndër betejat më të ashpra, të drejtpërdrejta dhe pa ekuivoke, ku u thanë shumë fjalë të ashpra, u demantuan shumë shpifje të Millosheviqit, i cili gjatë gjithë kohës është përpjekur që krimet e veta t'ua mveshë shqiptarëve dhe NATO-s, ndërsa burgosjen e Dr.Rugovës ta nxjerrë si "shpëtim", gjë që u përgënjeshtrua disa herë me argmumente dhe me një gjakftohtësi të madhe nga dëshmitari Rugova. "Nuk kam kërkar mbrojtje nga i akuzuari, por kam kërkuar që të më lejojë daljen nga Kosova në Maqedoni", tha Rugova, ashtu sikurse që theksoi se gjatë gjithë kësaj kohe ishte në arrest shtëpiak, pra i burgosur i Beogradit. "Nuk është e vërtetë se më kanë kërcënuar shqiptarët, por është vrarë një person nga serbët, ai ka qenë ish-shoferi im dhe nje person tjetër, që kanë ardhur të më lirojnë, për të cilët kam mësuar më vonë", tha Dr. Rugova, në kundërpyejet e të akuzuarit. Ndërsa në insistimin e Millosheviqit se kinse ka kërkuar nga ai që ta mbrojë, Rugova tha se nuk e kam zakon të flasë fjalë të rënda, por këto që po thotë i akuzuari janë një gëshjeshtër. Rugova e theksoi se shqiptarët nuk do ta kishin vrarë, as që është frikësuar prej shqiptarëve. Në shpifjet e të akzuarit se serbë janë helmuar e vrarë nga shqiptarët gjatë viteve të tetëdhjetë, Dr. Rugova tha se nuk është e vërtetë, përkundrazi janë serbët ata që i kanë helmuar puset e shqiptarëve dhe i kanë vrarë, sidomos gjatë kohës së luftës. Ka pasur gjenocid ndaj shqiptarëve, kur dihet se janë dëbuar mbi 800 mijë shqiptarë, janë vrarë 10 mijë shqiptarë, 4 mijë janë të zhdukur, mbi 120 mijë shtëpi janë shkatërruar. Në vazhdim të pyetjeve mbërthyese i akuzuari përpiqej ta zinte ngushtë për vrasjet politike pas hyrjes së trupave të NATO-s, për të cilat Dr.Rugova tha se UNMIKut në Kosovë kanë arrestuar njerëz dhe ata do të përpigjen para drejtësisë dhe do të dënohen. Ndërsa për vrasjen e Fehmi Aganit tha se atë e kanë vrarë serbët, duke e theksuar se këtë informacion e ka dërguar një organizatë joqeveritare nga Beogradi. Dr. Rugova përmendi edhe një emër të një serbi, që ka marrë pjesë në ekzekutim. Në vazhdim u fol shumë për Konferencën e Rambujesë, ku Millosheviqi insistonte se ajo ka qenë e imponuar, ndërsa Rugova tha se atë marrëveshje nuk e përfillën serbët, të cilët edhe nuk e nënshkruan. U fol shumë për një pamflet, i cili kishte qarkulluar ato ditë të bombardimeve, ku bëhej thirrje që shqiptarët ta zbraznin Kosovën, ndërsa ishte me nënshkrimin e Presidentit Rugova dhe me ëmblemin e UÇK-së. Dr. Rugova e mohoi atë pamflet të cilin e nxori i akuzuari si argument se kinse janë shqiptarët ata që kishin ndikuar në shpërnguljen e shqiptarëve nga Kosova. Presidenti Rugova e vuri në dyshim autorësinë shqiptare të këtij pamfleti. Pyetja e fundit e të akuzuarit ishte: - Ku do ta bëni vendin D. Rugova, kur të tërhiqen trupat e NATO-s - e që ishte një shpërthim i histerisë rrugaçe të të akuzuarit, në kulmin e dëshprimit për betejën e humbur dhe për gënjeshtrat që i tha aq shpesh dhe që u zhvesëen nga dëshmitari me një lehtësi e agumentim dinjitoz. Dëshmia e Presidentit të Kosovës, ishte një dëshmi dinjitoze, e thënë me gjakftohtësi dhe me fuqinë e fjalës që peshonte, sepse përqendrohej në argmentimin e asaj që e thoshte, duke injoruar përpjekjet e të akuzuarit për ta futur në kurthin e grindjeve të pafundme dhe debateve shterrpe. Pastaj vazhduan pyetjet mbërthyese të miqve të Millosheviqit, përkatësish siç e quajtën vetën “Miqtë e gjyqit”. Ishte avokati Vladimirov ai i cili insistonte në disa pyetje, drejtuar Rugovës, për të legjitimuar heqjen e autonomisë së Kosovë me kinse të drejtë, gjë që e kundërshtoi Rugova, duke e ritheksuar se të gjitha këto ndryshime janë bërë me tanke dhe pa vullnetin e shqiptarëve të Kosovës. Shqiptarët kishin krijuar shtetin e tyre paralel dhe kishin zgjedhur organet e tyre legjitime. Avokati i të akuzuarit e pyeti për LDK-në, UÇK-në, për QIK-un, për kushtetutën etj. Rugova kërkoi që si dokument në Gjyq të hyjë edhe Kushtetuta e Republikës së Kosovës dhe Kushtetuta e vitit 1974, gjë që u pranua. Seanca përfundoi pas disa pyetjeve plotësuese të prokuror Xhefri Najsit dhe të gjyqtarëve.(QIK)

Deputetët gjermanë: Nuk do të pranojmë që Kosova të jetë pjesë e Jugosllavisë
PRISHTINE, 2 maj 2002- “Nuk do të pranojmë që Kosova të jetë pjesë e Jugosllavisë”. Kështu u shpreh sot kryesuesi i grupit parlamentar gjerman, Helmut Lipelt, pas takimit me kryeministrin e Kosovës Bajram Rexhepi dhe kryetarin e Kuvendit, Nexhat Daci. “Shpresojmë që statusi përfundimtarë i Kosovës do të jetë demokratik dhe i pranueshëm për të gjithë qytetarët”, tha Lipelt, i cituar nga RTV21. Sipas deputetit gjerman, statusi final i Kosovës duhet të vendoset kur të krijohen të gjitha kushtet për një gjë të tillë. "Unë e njoh shumë mirë historinë e këtij vendi. Unë e dij se popullata e këtushme ka plagë të thella, prandaj kurrë nuk do të pajtohesha dhe nuk do të pajtohem që Kosova të jetë pjesë e Jugosllavisë", tha Lipelt. Ai shtoi se i kupton kosovarët që duan sa më shpejt të ndodhë kjo, por sipas tij, ka disa çështje që e pengojnë këtë siç është Rezoluta 1244 e Këshillit të Sigurimit. Kryetari i Kuvendit të Kosovës, Nexhat Daci tha se parlamenti i Gjermanisë është më aktivi në Evropë dhe se marrëdhëniet midis këtij institucioni dhe Kuvendit të Kosovës janë duke shkuar në drejtimin e duhur. Ndërsa kryeministri Bajram Rexhepi tha se me grupin parlamentar gjerman, është biseduar lidhur me kthimin e refugjatëve kosovarë nga Gjermania në Kosovë. Grupi parlamentar gjerman që po qëndron në Kosovë, është i përbërë me deputet nga pozita dhe nga opozita.
Dy tërmete të tjera sot në Gjilan, autoritetet bëjnë thirrje për ndihma
GJILAN, 2 maj 2002- Gjilani edhe sot ka qenë dy herë epiqendër e lëkundjeve të lehta të tokës. Enti Hidrometerologjik i Prishtinës bëri të ditur se dridhja e parë ka ndodhur në orën 5 e 31 minuta, ndërkaq e dyta u ndje rreth orës 9 e 30 minuta. Komandanti i Zonës së Gjashtë të Trupave të Mbrojtjes së Kosovës, kolonel Imri Ilazi, ka thënë se pjesëtarët e zonës mbrojtëse që e komandon ai, edhe mbrëme kanë vazhduar të ofrojnë ndihmë në ngritjen e tendave dhe në shpërndarjen e ushqimeve. Administratori ndërkombëtar, Bob Simons, ka thënë sot se në Gjilan ka filluar shqyrtimi dhe vendosja e prioriteteve për sanimin e gjendjes. Ai ka thënë se gjatë ditës së sotme, në Gjilan do të arrijë edhe grupi i ekspertëve të UNMIK-ut, të cilët do të ndihmojnë ekipet vendore në vlerësimin e gjendjes së objekteve shoqërore dhe private. Drejtori i Drejtorisë Komunale për Arsim, Fadil Gashi, ka kërkuar një rivlerësim të dëmtimeve në objektet shkollore. Ai ka thënë se 16 shkolla janë vlerësuar të papërdorshme nga ekspertët dhe vazhdimi i vitit shkollor do të jetë i pamundur, në qoftë se nuk sigurohen objekte aleternative ose tenda. Nga ana tjetër, grupet për ndihma kanë njoftuar se kërkesat emergjente të popullatës janë më të mëdha se sa mundësitë, prandaj, në shumë raste, ato nuk mund të përmbushen. Tash për tash, më së shumti kanë nevojë për ndihma banorët e fshatit Malishevë e Epërme, i cili ka pësuar dëmet më të mëdha. Kryetari i Shtabit të krizës, Lutfi Haziri, ka thënë se të gjithë banorët e këtij fshati jetojnë në tenda. Ai ka kërkuar që të shikohet mundësia e rrënimit të një objekti të dëmtuar të banimit në Livoç të Epërm, ku vazhdon të jetojë një familje me disa anëtarë të hendikepuar psikikë, të cilët, përkundër evakuimit, insistojnë të kthehen në shtëpi. Haziri ka theksuar se Shtabi i Krfizës është në kontakt me katër ente seizmologjike të shteteve fqinje: Maqedonisë, Shqipërisë, Malit të Zi dhe Greqisë, të cilat po i regjistrojnë këto dridhje.
Shoqata belge "Ballkan Aksy" ndihmon Gjilanin me 25 mijë euro
GJILAN, 2 maj 2002- Përfaqësuesi i zyrës belge në Prishtinë Steven Hagen, në një takim me Shtabin e krizës në Gjilan, ka premtuar ndihmën e menjëhershme nga Qeveria belge në vlerë prej 25 mijë eurosh. Kjo është ndihma emergjente e Qeverisë belge, ka thënë udhëheqësi i zyrës "Ballkan aksy", Shpresim Arifi. Po ashtu Gjilanin e ka vizituar edhe Nekibe Kelmendi, deputete e Parlamentit të Kosovës, e cila pas shkatërrimeve që ka parë në qytet dhe në fshatin Zhegër, ka apeluar tek donatorët e mëdhenj që të ndihmojnë për përmirësimin e gjendjes. Ajo ka përkujtuar se Gjilani ishte komuna më e suksesshme në Kosovë në realizimin e shumë programeve investive dhe integrimin e komuniteteve në shoqëri.
Lidhur me vjedhjen e 4.5 milionë eurove, një ekip kontrolli nga Brukseli është nisur në Prishtinë dhe anasjelltas
Bruksel, Prishtinë 2 maj 2002- Dyshimet e ngritura për vjedhjen e 4.5 milionë eurove nga Fondi i Kosovës për energji kanë shkaktuar reagime dhe shqetësime në selinë e Komisionit Evriopian në Bruksel. Njëri nga zëdhënësit e tij tha sot para gazetarëve se kjo çështje po ndiqet me shumë vemendje nga Zyra evropiane e zbulimit të përvetësimeve. Ndërkaq njëri nga zyrtarët e kësaj agjencie deklaroi sot se një ekip kontrolli i kësaj zyre është nisur në Prishtinë për të konstatuar akuzat e ngritura për mashrtim dhe korrupcion. Në bazë të konkluzioneve do të merret edhe masa përkatëse, tha ai. Deri më tash Komisioni kishte refuzuar të pranonte çfarëdo lloj marlverzimesh të fondeve nga zyrtarët e UNMIk-ut. Por tani që skandali u bë publik të martën e kaluar ai po detyrohet ta merret seriozisht me këtë problem. Ndërkohë nga UNMIK-u u bë e ditur sot në Prishtinë se shefi shtyllës së katërt të UNMIK-ut Endi Berpark ka shkuar sot në Bruksel për të marrë pjesë në zhvillimin e hetimeve në njësinë anti-korrupcion, të rreth 4.5 milionë eurove të vjedhura.
Lajmi për vjedhjen e 4,5 milion eurosh duket se nuk e habiti opinionin në Kosovë, shkruan shtypi i Prishtinës
Prishtinë, 2 maj 2002- Lajmi për vjedhjen e 4,5 milion eurosh të dhënë të martën nga Endi Barpark, zyrtar i lartë ndërkombëtar duket se nuk e habiti opinionin shqiptar. Shtypi i Prishtinës ka shkruar edhe më parë për keqpërdorime në Korporatën Energjetike të Kosovës, ndërsa pas këtij lajmi gazetat shkruajnë se dyshohet që shuma e keqpërdorur mund të jetë dhjetë herë më e madhe se sa ajo që u dha nga zyrtarët ndëkombëtarë. Donatorët ndërkombëtarë, kryesisht Bashkësia Evropiane ka investuar në energjinë e Kosovës (KEK) mbi 400 milionë euro, ndërsa rryma elektrike ende nuk është stabilizuar. Poashtu, burimet shqiptare në KEK e demantojnë deklaratën e Endi Barpark se sinjali për vjedhjen e 4,5 milion eurosh është dhënë nga BE-ja në Bruksel. Përkunrazi, thonë ato, burime inicimi është bërë kohë më parë nga zyrtarët vendas, duke u përmendur edhe personin i cili e ka hetuar dhe e ka konstatuar vjedhjen. Zyrtarët vendorë, madje janë kërcënuar se nëse nuk hulumtohet kjo vjedhje do ta bëjnë publike pa pëlqimin e zyrtarëve ndërkombëtarë dhe do të inicojnë procedurën gjyqësore. Gjurmëve të këij lajmi, thuhet se paratë duhet të kenë përfunduar në një xhirollogari në Gjibraltar, ndërsa për një keqpërdorim të mëparshëm, para këto që pastaj u khyen sërish në KEK nga kërcënimi, përmendet Xhoe Trashler, ish-zyrtar i lartë i UNMK-ut. Për Trashlerin thuhet se e ka firmën e regjistruar në Gjibraltar, ndërsa ka bërë disa kontrata për energji në emër të kësaj firme. Megjithëse as ndërkombëtarët nuk e kanë të qartë se kur është bërë vjedhja e 4,5 milion eurosh, a është blerë rryma nga Bullgaria a Serbia, ata thonë se kanë fakte për vjedhjen e këtyre mjeteve. Për këtë rast, është angazhuar ekipi i hetuesve të Zyrës Evropiane për Luftë kundër korrupcionit.

Presidenti Rugova niset në Hagë: Do të dëshmojë për dy takimet me Millosheviçin
PRISHTINE, 1 maj 2002
- Kryetari i Kosovës Ibrahim Rugova ka udhëtuar për në Hagë. Lajmin e konfirmuan për RTV21 sot burime të afërta me presidencën. Dr.Rugova pritet që nesër ose pasnesër të paraqitet si dëshmitar në Tribunalin e Hagës në gjykimin e ish-kryetarit jugosllav, Sllobodan Millosheviq. Në një vizitë të para disa ditëve të kryeporkurores së Hagës Karla Del Ponte, ajo u shpreh se një nga qëllimet e udhëtimit të saj në Kosovë ishte edhe marrja e konfirmimit prej Rugovës që ai do të paraqitej si dëshmitar në gjyqin kundër Millosheviçit. Pas paraqitjes së disa shqiptarëve si dëshmitarë në këtë gjykatë, mes të cilëve edhe politikani Mahmut Bakalli dhe botuesi e publicisti Veton Surroi, presidenti i Kosovës Ibrahim Rugova është personaliteti më i lartë shqiptar që ofron dëshminë e tij kundër ish-presidentit jugosllav. Rugova pritet të dëshmojë në Hagë për dy takimet me Milosheviçin në Beograd.
fjalimi 24.04.2002
Fjala e kryeadministratorit të Kosovës përpara Këshillit të Sigurimit të OKB-së në Nju-Jork
Nga Michael Steiner, Përfaqësues Special i Sekretarit të Përgjithshëm
24 prill 2002

Z. Kryetar, anëtarë të Këshillit, Kam kënaqësinë t'ju them se operacioni i Kombeve të Bashkuara në Kosovë, konform Rezolutës 1244, ka hyrë në një fazë të re e cila na mundëson që të dalim me propozime të reja për rrugën e mëtejshme. Në periudhën prej qershorit të vitit 1999, UNMIK-u është përqendruar në krizën humanitare, në shërbimet themelore dhe në ndalimin e armiqësive të hapura, me mbështetjen e KFOR-it. Njëmend, Kosova në të cilën patën arritur parardhësit e mi më herët dukej shumë ndryshe prej Kosovës sot.

I. Çka është arritur?
Policia dhe drejtësia: Ne kemi një polici dhe një sistem funksional të drejtësisë. Shkalla e krimit ka rënë dukshëm. Gjatë gjysmës së dytë të vitit 1999 janë shënuar 500 vrasje, 250 në vitin 2000 ndërsa 136 vitin e kaluar. Që nga janari i vitit 2002 janë shënuar 16 sish dhe nëse vazhdon ky trend kësisoj atëherë sivjet mund të presim më pak se 100 vrasje.
Ekonomia: Është duke filluar së funksionuari ngadalë. Buxheti i Konsoliduar i Kosovës për vitin 2002 prej 374 milionë euro tani financohet mbi 95% nga tatimi dhe të hyrat vendore. Duke filluar nga ky muaj, qytetarët kanë filluar të paguajnë tatimin në të ardhura. Deri më tani janë regjistruar më tepër se 50.000 subjekte afariste. Shkalla e prodhimit të energjisë elektrike është katërfishuar që nga viti 1999.
Shërbimet publike: Infrastruktura sociale është rindërtuar nga fillimi. Kemi rreth 1.100 shkolla me gjithsej 450.000 nxënës. Janë meremetuar dhe pajisur pesë spitale rajonale. Janë rreth 360 objekte funksionale shëndetësore anekënd Kosovës. 130.000 pensionistë do të fillojnë të marrin pensione duke filluar nga korriku i vitit 2002.

II. prioritetet
Ne kemi tani Institucionet e Përkohshme të Vetëqeverisjes (IPVQ). Çka ka ndryshuar? Deri më tani misioni ynë ka pasur një pikëpamje të gjerë se në ç'drejtim po shkon, po nuk e kemi parë se si do të arrinim deri atje. Tani ne mund të shohim më qartë se si duhet strukturuar ky shteg. Rruga nuk është e pafund. Ne kemi vizion se si ta përfundojmë punën tonë.
Ne duhet të shikojmë si brenda ashtu edhe jashtë. Ne duhet ta bartim pushtetin brenda Kosovës tek Qeveria e Përkohshme. Ne duhet gjithashtu t'i bindim kosovarët që të shikojnë përtej Kosovës drejt Beogradit dhe rajonit.
Cilat janë prioritetet tona?
Së pari, institucione të qëndrueshme: Tani ne kemi partnerë kosovarë me të cilët mund të punojmë.: Presidentin Rugova, Kryeministrin Rexhepi dhe Kryetarin e Kuvendit Daci. Ne duhet t'i konsolidojmë Institucionet e Përkohshme, të sigurojmë që ato të jenë të efektshme, përfaqësuese dhe transparente. Do të bëjmë përpjekje të posaçme për ta garantuar karakterin shumëetnik të tyre në të gjitha nivelet. Serbët e Kosovës janë pajtuar me propozimin tim për pjesëmarrje në Qeveri. Ata do ta propozojnë një Ministër të Bujqësisë si dhe një Koordinator Ndërministror për Kthimet. Ky është përparim i theksueshëm. Në nivelin lokal, zgjedhjet e organizuara komunale nga OSBE-ja këtë vjeshtë do të jenë kyqe. Ka arsye shumë të mira pse serbët e Kosovës, sidomos, i duan këto zgjedhje tani.
Së dyti, stimulimi i ekonomisë: Shkalla e papunësisë prej 50% është në një gjendje të padurueshme. Në të njëjtën kohë UNMIK-u është duke u tkurrur. Është shënuar tashmë një rënie e theksueshme e parave të donatorëve. Ndërsa Kosova nuk ka mundësi të marrë hua në tregjet ndërkombëtare. Prandaj, kjo e bënë ngritjen e themeleve të ekonomisë edhe më të rëndësishme. Privatizimi është element kyq. Privatizimi nuk do ta zgjidhë problemin në aspektin afatshkurtër, mirëpo ai është mbështetja e vetme për vende të sigurta pune në aspektin afatgjatë. Legjislacioni për krijimin e Agjencisë së Mirëbesimit të Kosovës, e cila do të jetë bartëse e privatizimit, i është dërguar tanimë Qeverisë së Përkohshme për të bërë vërejtjet e tyre. Së treti, sundimi i ligjit: Policia dhe gjyqësia efektive janë të domosdoshme. Ne do t'ia bartim gradualisht përgjegjësitë policore Forcës shumëetnike Policore të Kosovës nën mbikëqyrjen e UNMIK-ut. Më lejoni t'ju shpreh mirënjohje policëve trima dhe policeve trimëresha të UNMIK-ut. Para pak kohësh, policia speciale polake tregoi pëkushtimin e saj në një mënyrë shembullore. Ne gjithashtu jemi duke i përforcuar mundësitë tona për luftimin efikas të kriminalitetit të organizuar, terrorizmit dhe korrupsionit. Megjithatë, më duhet të theksoj se me të filluar të arrestimeve të rëndësishme të bandave kriminale ne duhet të parashikojmë një kundërpërgjigjje kriminale. Komandanti i KFOR-it Gjeneral Marcel Valentin dhe unë qëndrojmë krah për krah për ta mbajtur rendin. Ne duhet deomos të llogarisim në mbështetjen tuaj, sidomos kur të ngushtohet puna. Së fundi, kthimet: Tani që serbët e Kosovës do të marrin pjesë në Qeveri, ne kemi mundësi të përqendrohemi në mënyrë më efikase në përpjekjet e përbashkuara për t'i ndihmuar kthimet. Vitet 2002 dhe 2003 do të jenë vendimtare. Ne jemi të përkushtuar për krijimin e parakushteve për kthime substanciale. Tashmë është kryer vlerësimi i dëmeve në mbi 80 fshatra dhe treva urbane të pakicave. Kthimi i serbëve në 14 fshatra dhe kthimi i pakicave joserbe në 7 lokacione duhet të fillojë brenda tre muajve të ardhshëm. Serbët e Kosovës do të kenë përfaqësuesit e tyre zyrtarë që do të punojnë në kuadër të Qeverisë dhe në zyrën time. Tani është koha të punojmë për një përparim të njëmendët përkitazi me kthimet. Për këtë unë duhet deomos ta kërkoj ndihmën tuaj. Kur të fillojmë kthimet, në bazë të qasjes sonë të përbashkuar, ne duhet të jemi t'i sigurojmë paratë për t'i shoqëruar të kthyerit. Në këtë mënyrë mund të realizojmë kthime të qëndrueshme.
Këtu dëshiroj të potencoj një çështje më të gjerë që lidhet me çështjen paraprake. Ne duhet ta ndjekim një qasje në dy binarë. Multietniciteti dhe integrimi janë dy elementet që përforcojnë njëri-tjetrin në këtë rast. Në njërën anë, shqiptarët e Kosovës si komunitet shumicë duhet ta vëjnë në praktikë atë që predikojnë liderët e tyre. Multietnicitet do të thotë të bëjnë ç'është e mundur për t'i inkurajuar komunitetet më të vogla që të qëndrojnë në Kosovë dhe t'i mundësojnë kthimet. Në anën tjetër, komunitetet më të vogla duhet të marrin pjesë në institucionet që i kemi ngritur ne konform Rezolutës 1244. Ata duhet deomos të integrohen dhe t'i heqin dorë nga strukturat paralele. Sundimi i ligjit duhet të vlejë çdokund në Kosovë. Kjo vlen edhe për Mitrovicën.
Nuk do të ketë kurrëfarë multietniciteti pa integrim. Mirëpo nuk do të ketë as kurrëfarë integrimi pa multietnicitet.
Integrimi brenda Kosovës duhet të përplotësohet me anë të forcimit të marrëdhënieve me Beogradin dhe bashkëpunimin brenda rajonit. Mu sikurse që Kosova është faktor që ndikon në stabilitetin brenda rajonit, ashtu edhe marrëdhëniet me fqinjët rajonalë ndikojnë në stabilitetin në Kosovë. Unë tashmë i kam bërë udhëtimet e mia të para në Beograd, Shkup, Tiranë dhe Sarajevë. Ne do të vazhdojmë ta kultivojmë dialogun rajonal si në nivelin dypalësh ashtu edhe në atë shumëpalësh. Beogradi do të jetë partner krucial në këtë proces.

III. Kriteret vlerësuese
Unë i përshkrova prioritetet e Misionit tim. Puna për sendërtimin e Rezolutës 1244 tani është një përpjekje e përbashkët me Institucionet e Përkohshme.
Ne jemi duke ua bartur përgjegjësitë tona këtyre Institucioneve gjatë procesit të ndërtimit të autonomisë substanciale. Kjo do të na afrojë edhe më shumë drejt fazës kur do të jetë koha për fillimin e procesit politik me qëllim të përcaktimit të statusit të ardhshëm të Kosovës. Kjo do të jetë një nga përgjegjësitë e mia kryesore ashtu siç parashihet në pikën 11(e) të Rezolutës 1244.
Por ende nuk ka ardhur koha për këtë. Institucionet dhe shoqëria e Kosovës duhet të tregojnë se janë të gatshëm për këtë proces ? pa e paragjykuar rezultatin e tij. Ne duhet deomos ta bëjmë të qartë se çka kërkohet prej tyre. Prandaj, unë jam duke i hyrë një procesi të kritereve vlerësuese. Këto kritere vlerësuese duhet të përmbushen para se të niset diskutimi për statusin, në përputhje me Rezolutën 1244.
Kriteret vlerësuese në fjalë janë:
- ekzistimi i institucioneve efektive, përfaqësuese dhe funskionale; - zbatimi i sundimit të ligjit;
- liria e lëvizjes;
- respektimi i të drejtës së të gjithë kosovarëve për të qëndruar dhe për t'u kthyer në Kosovë;
- zhvillimi i një bazeje të shëndoshë të ekonomisë së tregut;
- qartësia e titullarit të pronës;
- dialogu i normalizuar me Beogradin dhe
- reduktimi dhe transformimi i Trupës Mbrojtëse të Kosovës në përputhje me mandatin e saj.
Ju e keni para vetes një ilustrim të mendimit tonë për kriteret vlerësuese. Këto kritere vlerësuese artikulojnë atë çka ne presim nga liderët dhe popullata e gjerë e Kosovës. Ato pasqyrojnë Parimet dhe Prioritetet në Marrëveshjen e Koalicionit të nënshkruar më 28 shkurt nga partitë politike që kanë formuar Qeverinë. Duke nxitur debatin publik, ne mund të fitojmë gjithashtu përkrahje të gjerë për reformat e nevojshme.
Përmbushja e këtyre kritereve vlerësuese është synim në vetëvete. Kosova mund të ecën përpara drejt një shoqërie të ndershme dhe të drejtë vetëm kur të jenë përmbushur parakushtet minimale dhe kur ndryshimet në institucione të jenë të qëndrueshme edhe pa praninë ndërkombëtare.
Këtë unë jua ofrojë si "strategji dalëse" e cila në realitet është "strategji hyrëse" në proceset integruese evropiane. Kriteret vlerësuese përplotësojnë parakushtet që duhet t'i përmbushë Kosova për t'u kualifikuar për procesin e Stabilizimit dhe Asociimit.
*** Unë mbështetem në Këshillin e Sigurimit për këtë strategji. Mirëpo, përveç mbështetjes politike, mua më duhet edhe mbështetja e juaj e vazhdueshme teknike dhe financiare. Kjo është e domosdoshme për përmbushjen e prioriteteve tona. Po, neve do të na duhet ta zvogëlojmë angazhimin tonë. Por jo në çastin kur duhet ta kapitalizojmë punën tonë të mëhershme. Unë jam i brengosur për zvogëlimin e parakohshëm të paraparë të buxhetit për paqëruajtje në Kosovë. Pas maratonit që kemi vrapuar që nga viti 1999, do të ishte tragjike poqëse ligështohemi me t'iu afruar finishit.
Fazat e ardhshme të bartjes së pushtetit do të kenë sukses vetëm me ndihmën tuaj. Dhe vetëm me përkrahjen tuaj Kosova do të jetë në gjendje të zhvillojë një dialog të normalizuar dhe marrëdhënie kuptimplotë me fqinjët e saj.
Sa më shumë që investojmë tani, aq më e stabile, e qëndrueshme dhe e drejtë do jetë shoqëria që do ta lëmë pas. A mund t'ia lejojmë vetes që të mos ketë kthime? Mbani mend: Kosova stabile është kyqe për stabilitetin e rajonit. Sa më shumë mbështetje që na jepni, aq më shpejtë do të jemi në gjendje t'i zvogëlojmë shpenzimet dhe personelin ndërkombëtar.
Ju keni vizituar Kosovën dy herë. Ju e keni parë atë si zhvillohej. Aty ku ka pasur dikur rrënoja tash ka rrugë, shkolla dhe spitale. Aty ku ka pasur anarki dikur tani ka institucione me mandat demokratik. Kjo u arrit përmes pranisë sonë ndërkombëtare dhe parave që i kemi zotuar ne. Unë dëshiroj t'ju ftoj që të vini përsëri dhe të shihni atë që keni arritur ju.
Z. Kryetar, ne duhet ta përfundojmë punën që e kemi filluar së bashku. Ajo ende merr kohë. Kjo është tani faza vendimtare.
Ju falemnderit.

DEBATIME JETIKE KOSOVARE

E enjte,18 prill 2002 APEL SYGJERUES/publik/
- DREJTUAR SUBJEKTIT POLITIK NË KOSOVË DHE INSTITUCIONEVE TË DALURA NGA ZGJEDHJET E PËRGJITHSHME TË 17 NENDORIT 2001
Çfar duhet të jenë disa nga vizionet politike për t'a avancuar e ndimuar zgjidhjen e drejtë e definitive për statusin final të Kosovës.
Duke u bazuar në dilemat e vazhdueshme të shfaqura nga një pjesë e faktorit relevant ndërkombëtar, lidhur me statusin politik ende të pa definuar për Kosovë, dhe shiquar disa nga tendencat e ca qarqeve të caktuara pèr ta neglizhuar apo mohuar realitetin e ri në Kosovë, pas luftës çlirimtare që e bëri UÇK-ja, dhe përpjekjet pa ngurrim për ta defaktorizuar faktorin politik Shqiptar në Kosovë, si popull i motivuar nga vlerat e luftës çlirimtare, synojmë,pa dyshim,të drejtën tonë të natyrshme entnike historike për liri e demokraci dhe barazi me të gjithë popujt tjerë në keto hapsira ballkanike e evropjane.
Mendoi se forcat politike relavante se bashku me tërë spektrin politik dhe popullin e Kosovës që ishin në bërjen e luftës për çlirimin e Kosovës nga okupatori fashist sërb, duhet që me përgjegjësi historike nga rrethanat e reja politike të ndërmarrim angazhime të avancuara politike, intelektuale dhe kombëtare siç vijon:
1. Të angazhohemi më fuqishëm në avancimin e proqeseve politike që statuesi final për Kosovën të zgjidhët në pajtim me vullnetin e popullit të sajë konform të drejtës ndërkombëtare. Është koha e fundit (mbase shumë të vonuar)kur institucjonet tona të dalura nga zgjedhjet e nëndorit të vitit të kaluar, të marrin inciativat duke qenë më dinamik, të guximshëm në reflektimin e avancimit politiko-diplomatik të çështjës së Kosovës si çështje që kerkon zgjidhje të plotë e definitive.
2. Që faktori politik shqipar në Kosovë të mos jetë në pozicion dytësor, ne relacion me faktet e ndodhura, ku rolin vendimtar e merrë vetëm faktori ndërkombëtar, si psh: shiqo marrëveshjet e krijuara në mes të dy ish repuplikave të Jugosllavisë, Serbisë dhe Maqedonisë lidhur me ndryshimin e kufirit të Kosovës, dhe shiqo se çfarë veprohet me pjesën veriore të Kosovës e në veçanti me qytetin e Mitrovicës, marraveshtja e arritur në mes të dy ish Repuplikave Jugosllave, Serbisë dhe Malit të Zi, me të cilin akt gjithsesi preket çështja fundamentale e Kosovës, sa i perket të drejtës se suksesionit nga Serbija lidhur me rezulluten 1244 të OKB, apo takimet e emisarit spezial te OKB për Kosovën me shtetar dhe qeveri të ndryshme nga shtetet fqijë dhe marraveshtja e tyre pa u pytur fare faktori relevant politik dhe populli i Kosovës.
3. Qe faktori politik relevant shqiptar në Kosovë të krijon një bashkëpunim të mirë dhe të gjithanshëm me faktorin nderkombëtar, vetem nga pozitat e të barabartëve, pa u ndier indiferent, në bashkpunim të sinqertë në të mirën e Kosovës dhe popullit të sajë.
4. Të angazhoheni për funksionimin e vertetë të shtetit ligjor, përmes ndertimit të institucioneve te dalura nga zgjidhjet e pergjithshme të mbajtura me parë.
5. Te kerkohet në rrugën institucionale përmes parlamentit ndryshimi i të ashtuquaturës Korniza kushtetuse.
6. Të inicohet formimi i një komisioni për hartimin e Kushtetutës për Kosovën, në një nga sencat e ardhshme të parlamentit-sa me parë, dhe
7. Duke u bërë keto angazhime sigurisht se institucjonet e Kosovës do të i marrin kompetencat tyre ligjore nga rrafshi juridik, dhe me Kushtetutë do të sanksionohet edhe e drejta e Kosovës dhe popullit te sajë të deklarohet për mes Referendumit për statusin final të sajë.
Keto janë disa nga angazhimet që unë mendoi se duhet të jenë me një prioritet të nguteshëm për forcat politike relevante dhe institucionet në Kosovë, për të qenë të përgjegjshem moralisht, politikisht dhe kombëtarishtë, para historisë që po e kalon Kosova dhe populli i sajë.
Sylë ARIFI
Bazel,16.o4.o2
Vizitorë të nderuar,mos pritoni lexojeni këtë reagim që sipas ERENIKUT ngjet me atë rastin,kur fiket drita dhe në sofër e keqja ia zen dorën nuses dhe bërtet: E zura kush po na e vjedh mishin paranesh! Pas leximit mund të leni një P.S. (të shfaqni mendimin tuaj) ashtu siç e bëmë ne në fund të ketij reagimi,dhe ta dërgoni nëpërmjet emailit ereniku@excite.com
Baton Haxhiu në “rolin” e njeriut të përshtatshëm për sigurimin serb..!?
Reagim ndaj intervistës së z.Baton Haxhiut dhënë të përditshmes “Zëri i ditës”
Nga Besim KRASNIQI, publicist
Baton Haxhiu, ish kryeredaktor i “Kohës Ditore” siç dihet në gazetarinë shqiptare bëri emër si kryeredaktor i një gazete ditore e financuar nga Fondi i Sorrosit e jo nga donacionet e fituara nga shitja e saj në treg, duke u imponuar në opinionin shqiptar çdoherë me artikuj dhe lajme “senzacionale” të cilat siç duket, tani pas publikimit të këtij fejtoni në gazetën “Zëri i Ditës”, do ta kenë pasur burimin edhe nga telefonat celularë dhe kushedi edhe nga kush jo tjetër! Kjo intervistë të bën të kuptosh se sa njeri i “madh” paskësh qenë ky “kryeredaktor” gazete në shoqërinë e Kosovës. Narcizoizmin e tij të njohur dhe të tepruar prej “politikani” e shfaqi pikërisht tani pasi që u largua nga gazeta sorrosiane ku për vite të tëra e kishte gjetur veten, krahas idhullit të tij, por që pengesa kryesore për t’u ngjitur sa më lartë mbi të tjerët qëndronte aty se ai gjithmonë ishte nën “hijen” e padronit të tij V. Surroit. Por, as largimi nga “shtëpia e tij” e fildishtë nuk do t’i mjaftojë atij për t’u popullarizuar (imponuar) si emër, edhe pse përfundimisht me këtë intervistë e zbuloi vetë karakterin e tij origjinal prej poltroni në gazetarinë shqiptare e deri tek “njeriu më i përshtatshëm” për Sigurimin shtetëror (UDB-në) serb, si dhe shumë “vlera” të tjera të tij “politike” të cilat flasin qartë mbi personalitetin e tij tejet labil dhe shumë të dyshimtë!? Falë asaj se këto ditë në Gjermani arriti edhe një gazetë ditore nga Kosova; “Zëri i Ditës” e cila mbijetesën e saj gazetareske si shumë gazeta tjera e kërkon në të njëjtën formë sikurse edhe Baton Haxhiu, d.m.th. duke iu ofruar lexuesve fejtone “senzacionale” politike, pra edhe neve që përkohësisht gjendemi jashtë atdheut na u dha rasti që ta lexojmë këtë intervistë “ekskluzive”. Pse e përmendëm këtë gazetë? Ish kryeredaktori i “KD” z. Baton Haxhiu ashtu siç diti të përbirohet në gazetën ku ishte kryeredaktor, duket se në të njëjtin stil arriti të depërtojë pa ndonjë vështirësi edhe tek gazeta në fjalë, e cila nga data një marsi ka zënë të shitet edhe në diasporën shqiptare, për t’iu imponuar lexuesve me një intervistë “eksluzive”, nën moton “Baton Haxhiu, pjesëmarrës i drejtëpërdrejtë i takimeve sekrete shqiptaro-serbe”!? A nuk mjafton vetë përmbajtja e titullit të kësaj interviste që të zbulohet para lexuesve i gjithë “misteri” i rolit tejet të dyshimt të B. Haxhiut para dhe gjatë luftës në Kosovë, edhe pse ai në përgjigjet e tij bën përpjekje që vetvetën ta paraqes si njërën ndër hallkat më kyçe politike që kanë patur ndikim në përcaktimin e rrjedhave dhe ngjarjeve në Kosovë gjatë viteve 1990-99, të cilat, mjerisht, sipas mendimit tonë morën dimensione tragjike për shqiptarët, mu për shkakun se politikës shqiptare dhe liderëve të saj të mirëfilltë siç ishte Dr. Ibrahim Rugova iu bënë pengesa dhe imponime politike nga njerëz që bartnin “filozofi” politike të llojit, siç ishte Baton Haxhiu me kompani, të cilët të brumosur me hipërmegalomani prej “qytetarësh” dhe me “superstrukturë” politike e dalë nga eminenca gri e kastës politike shqiptare të viteve të 70-80-ta, e cila nuk çonte dorë nga lufta për pushtet, Lëvizjes sonë kombëtare për çlirim dhe pavarësi i sollën padyshim dëme të mëdha politike që e goditnin ate nga brenda?! Kjo tendencë është evidente edhe sot, ngase as atëherë ky tip “politikanësh” i pajisur me egon e “supërstrukturës” politike nuk ishte e vetëdijshme për rolin negativ që kishte në dëmë të Kosovës, duke e konsideruar vetën si “faktorë” kryesorë pa të cilin, gjithnjë sipas tyre, nuk mund të gjindej kurrëfarë zgjidhjeje për çështjen e Kosovës...?! Duke i nënçmuar forcat e mirëfillta intelektuale dhe kombëtare, duke i përgojuar dhe minimizuar vlerat reale të liderëve të vërtetë të kombit, duke tentuar që vetë të bëhen “qendra” të vendosjes politike në Kosovë përmes opinioneve dhe qëndrimeve politike të servuara në opinion përmes një gazete të përditshme, mjeranët si B.Haxhiu mendonin se në këtë mënyrë po i kontribuonin zgjidhjes së çështjes së Kosovës. Përkundrazi, duke e sharë primitivisht liderin kombëtar Dr. Rugovën, Kosovës i sollën dëme të mëdha dhe atë e penguan në çdo aspekt që të zhvillohej normalisht, mbase vetë z. Bakalli është dashur ta dijë se me armikun barbarë serbë nuk mund të kenë sukses kurrëfarë dialogjesh, as ato sekrete. Kishin harruar këta “shpëtimtarë” të Kosovës faktin se çdo popull në kohë dhe rrethana të caktuara historike gjithëherë nga gjiu i tij nxjerrë udhëheqësit dhe liderët e vetë më të besuar të cilët udhëheqin atë drejtë aspiratave të veta kombëtare, siç ndodhi pikërisht me kombin shqiptar në Kosovë gjatë dekadës së fundit të shekullit të kaluar i cili në çastet më të vështira të historisë që po kalonte nxori dhe zgjodhi për lider të vetë Dr. Ibrahim Rugovën, i cili gjithmonë i vetëdijshëm për këtë fakt asnjëherë në jetën dhe sjelljet e tij nuk iu shmang idealeve kombëtare të popullit të vetë, i cili disa herë do ia jap votën dhe do e legjitimojë për kryetar të Kosovës. Pastaj, nga kjo intervistë dalin shumë pyetje si: çfarë dëshiron të zbulojë Baton Haxhiu me këtë intervistë “eksluzive”? Pse M.Bakalli, F.Agani por edhe B.Bukoshi kishin “besim” tek ky individ, i cili nuk përfaqësonte asgjë më tepër se një gazetë ditore? Në fillim të intervistës e cila fillon me titullin pyetës “Si u përgadit takimi sekret Bakalli-Stanishiq në Brezovicë?” Baton Haxhiu në një mënyrë sqaron rolin e tij tepër “të rëndësishëm” në ndërmjetësimin e tij për të mundësuar takimin e komunistit të vjetër Mahmut Bakallit me Stanishiqin, njeriun më përgjegjës për krime në Kosovë pas kasapit të Ballkanit Millosheviq. Se pse u zgjodh M.Bakalli për negocuesin më të përshtatshëm për Serbinë, pse nuk u zgjodhën njerëz dhe politikanë tjerë nga ana e UDB-së serbe, por pikërisht z. Bakalli dhe B.Haxhiu..?! Kjo nuk do koment ! Por, pse Sigurimi serb zgjodhi Baton Haxhiun si njeriun më të përshtatshëm për këtë “rol ndërmjetësues”, mos ndoshta pse ishte më i mençuri nga të tjerët, pse kishte ndonjë kapacitet të madh politik, pse ishte ndonjë funksionarë i lartë politikë, pse kishte autoritet në popull ? Çfarë lidhjesh kishte Baton Haxhiu me Sigurimin serb gjatë gjithë kohës sa ishte kryeredaktor? Pse Baton Haxhiu kishte simpatinë e madhe nga ana e Mahmut Bakallit? Cilat janë arsyet e urrejtjes që kishte Baton Haxhiu ndaj Dr.Ibrahim Rugovës? Pse nuk i besonte Dr.Rugova Baton Baxhiut? Pse intervista e tij është fund e krye në shërbim të minimizimit të figurës politike e kombëtare të Dr.Ibrahim Rugovës, dhe atë tri ditë pas zgjedhjes së tij për kryetar të Kosovës? Pse e boton “”Zëri i Ditës” një intervistë të tillë me Baton Haxhiun dhe pikërisht në këtë kohë? Çfarë dëshiron të arrij kjo e përditshme me këto “eksluzivitete”..?! Janë këto si dhe shumë pyetje tjera që na imponohen rreth kësaj interviste të botuar në gazetën ditore “Zëri i Ditës” e cila në vend se lexuesit mërgimtarë t’i ofrojë shkrime dhe analiza mbi gjendjen politike, ekonomike dhe sociale në Kosovë, në vend se t’i ofrojë atij shkrime rreth jetës së familjeve dhe fatit të qindra të zhdukurve, të burgosurëve, të dëbuarëve, për shqiptarët dhe rininë të cilët po e braktisin vendin, në vend se të shkruajë për problemin e narkomanisë, prostitucionit, hajnisë, vrasjeve dhe krimit politik në Kosovë, të shkruajë dhe trajtojë shumë probleme me të cilat ballafaqohet mërgata shqiptare sot, ajo lexuesit i sjellë “fejtone” ekskluzive me prapavijë të caktuar politike, përmes të cilit në mënyrë të paskrupullt fyhet dhe nënçmohet figura e ndritur dhe patriotike e kryetarit të Kosovës Dr. Rugovës, hiç më vonë se tri ditë pasi që ai u zgjodh për kryetar legjitim të Kosovës duke lejuar që i intervistuari ta ç’fryejë mëllanin e vetë politik të mbushur përplotë me shprehje primitive kundër kryetarit të Kosovës (në vazhdimin e –IV-të, kryetarin e Kosovës thotë se ishte: “si një paçavër, si një lodër”), ku siç dihet mirëfilli, pranë luftës çlirimtare dhe gjakut të derdhur të mijëra shqiptarëve, falë edhe angazhimit intelektual dhe politik të kryetarit Rugova, sot e kemi Kosovën e lirë dhe të mbrojtur nga 40 mijë ushtarë të NATO-s, ku sot kemi mbi 4 mijë policë ndërkombëtarë që e mbrojnë popullin shqiptar nga rreziqet e ndryshme, që sot Kosova e ka praktikisht bërthamën e fortë të ushtrisë së vetë (TMK-në), që sot ta ketë institucionin e Kryetarit, Parlamentin, Qeverinë me dhjetë resore, etj.

P.S.-(nga ERENIKU)
Bukur e thënë po ..sikur i vije ca erë drojtjeje edhe kesaj shfryerje dhe derdhje mullani ndaj një të ligu(B.Haxhiut) nga një (Besim Krasniqi),që gjykuar sipas këtij mendimi të tij,kah fundi,pakës shkarazi me lakadredhi, ka cazë veladonin e një ligësie pothuajse të së njejtës kategori.
Prandaj pa ngurruar ngase nuk kemi kohë pë kopalla e pysim hapët:
Pse, ju Besim, ngurroni të zëni në gojë EMRIN: U Ç K ?!!!
Pak a shumë i gjithë populli e din se kush ia ka frikën UÇK-ës dhe kush ngurron ta përmend.
Mjafton të t'a themi se (mbase nuk e ditke!!!)asaj i frikësohen dhe e kanë ende halë në sy vetëm ata,që e deshën Kosovën,pa mua e pa ty,pa shqiptarë-vetëm me shqiptarçiqa.
O zot...ruajna nga i ligu, se as s'të vret e as s'të falë!

E enjte,7 mars 2002

Dr. Bajram Rexhepi, në Bi-Bi-Si: Nuk më ka befasuar pakënaqësia e Beogradit me emërimin tim
Prishtinë, 7 maras 2002
”Do të bëj çmos që të jetë kryeministër i të gjithë qytetarëve pavarësisht nga përkatësia kombëtare apo fetare e tyre”. Kështu ka thënë kryeministri i Kosovës, Bajram Rexhepi në një intervistë të tij për seksionin shqip në Bi-Bi-Si, të botuar të enjten. Kryeministri Rexhepi në intervistë ka shprehur interesimin e tij që të kompletohet kabineti qeveritar dhe të krijohet infrastruktura ligjore, të angazhohen ekspertë si parakusht për sukses të qeverisë, që mëpastaj të orientohen drejt zhvillimit ekonomik, transformimit të pronës, zbutjes së papunësisë. “Unë e kam shprehur mendimin tim se do t'i favorizoj brezat e ri të cilët, janë të pajisur me një edukim të lartë, të cilët kanë vizione të qarta për të ardhmen. Mandati im për zgjedhjen e ministrave ka qenë i kufizuar dhe kjo ka qenë pjesë e marrëveshjes të cilën unë e respektoj”, ka thënë dr. Bajram Rexhepi, kryeministër i Kosovës, duke shtuar se nga askush në kabinetin e tij ai nuk do të kërkojë që “dikush ta harrojë bazën deleguese partiake, por do të insistoj që si qeveri të funksionojmë si një trup i vetëm, që parësore e ka çështjen e Kosovës”. Kryeministri i Kosovës i ka thënë Bi-Bi-Si-së se nuk do të ndjekë politikë konfrontimi me administratën ndërkombëtare. “Ne nuk do të shkojmë në konfrontim me kyeadministratorin, por në një bashkëpunim shumë të ngushtë dhe besoj se këtë do t'ia arrijmë. Unë them se kemi fat që zoti Shtajner, është këtu. Ndoshta është herët të thuhet një gjë e tillë, por tashpërtash duket të jetë shumë pragmatik, i përgatitur shumë mirë politikisht, njeri që njeh tërë situatën në Ballkan, njeri që njeh mentalitetin e njerëzve e kështu me rradhë. Është inkurajuese puna e tij dhe unë e kam një qasje përafërsisht të njejtë me te dhe them se shumë lehtë gjejmë gjuhë të përbashkët bashkëpunimi”, ka thënë dr. Bajram Rexhepi. Duke folur për pakënaqësitë e Beogradit të shprehura menjëherë pas emërimit të tij në postin e kryeministrit të Kosovës, dr. Rexhepi ka thënë: “Unë sinqerisht nuk e kam pritur që ata të jenë të kënaqur, mirëpo do të ishte mirë që edhe ata t’i respektojnë rezultatet e zgjedhjeve, së paku për hirë të një fqinjësie të mirë, por kjo është çështje e tyre. Unë nuk jam aspak i befasuar me këtë qëndrim të tyrin”. Kryeministri i Kosovës, duke u përgjigjur në pyetjen e Bi-Bi-Si-së se ku e sheh veten pas tri vjetësh, ka deklaruar: “Ndoshta kjo mund të tingellojë si demagogji apo modesti. Unë me të vërtetë dua që të punoj dhe të kontribuoj për idealin tim dhe ai pa hezitim dhe pa e fshehur fare, është pavarësia e Kosovës. Një Kosovë e zhvilluar demokratike, e hapur ndaj botës dhe jo e izoluar por e gatshme që të futet në integrimet rajonale dhe si një vizion pak më largët edhe në Evropë, ku e kemi edhe vendin. Sa në përket mua personalisht nuk është shumë me rëndësi se ku do të jetë Bajram Rexhepi. Unë e kam profesionin tim gjithnjë dhe deri në atë moment që do të mund të kontribuoj për çështjën e Kosovës do të jem i gatshëm të punoj. Në atë moment që unë do të bëhëm pengesë, nuk do të pres që të ndodhë një gjë e tillë, por do t'i kthehem profesionit tim si kirurg”.
Shtypi shqip në Kosovë: Serbia paralajmëron stacione të policisë në enklavat serbe!
Prishtinë, 7 mars 2002
Edhe në shtypin kosovar të së enjtes dominojnë shkrimet për homazhet që janë duke u organizuar në varrezat e dëshmorëve të lirisë, në kuadër të manifestimit “Epopeja e UÇK-së” që i kushtohet katërvjetorit të luftës çlirimtare dhe rënies heroike të Komandantit Legjendar Adem Jashari. Duke folur për “Epopenë e UÇK-së”, në Akademinë përkujtimore të mbajtur në Teatrin Kombëtar, akademik Rexhep Qosja thotë: “Nuk është thënë kot: ‘trimit i vjen edhe Zoti në ndihmë’. Kur të binden se UÇK-ja ishte më rrënjëthellë se ç’e kishin pandehur në fillim, se ishte shprehje e vullnetit historik të popullit shqiptar, se koncepti i saj shoqëror ishte demokratik, kurse orientimi properëndimor, SHBA dhe Bashkimi Evropian do ta pranojnë UÇK-në si faktor ushtarak e politik”. “Trimin legjendar Adem Jasharin dhe dëshmorët e tjerë të UÇK-së i përkujtojmë sot në disa kushte, çfarë i kanë dëshiruar ata: i përkujtojmë në Kosovën e lirë, prej së cilës janë nxjerrë ushtria dhe policia serbe që, me fjalë, me buletine, me mbledhje partiake, me konferenca shtypi, sidomos, me zgjedhje të ashtuquajtura ‘të lira dhe demokratike’ nën regjimin serb, nuk do të nxirreshin jo për 10, jo për 100, por as për 1.000 vjetët e ardhshme!”, thotë, ndër të tjera, akademik Qosja në fjalimin e tij në akademinë përkujtimore me rastin e katër-vjetorit të rënies së komandantit legjendar Adem Jashari. “Historia e Kosovës është e lidhur përjetësisht me emrin e Adem Jasharit…”, citon “Zëri” fjalët e komandantit të TMK-së, gjenerallejtënant Agim Çeku në akademinë përkujtimore në Prishtinë. “Ne dhamë diçka për Kosovën, sepse ia kishim borxh atdheut”, ka theksuar Murat Jashari, duke folur në emër të familjes Jashari. “Zëri”, “Epoka e Re”, “24 Orë” dhe gazetat tjera, shkruajnë edhe për vizitën që i ka bërë Prekazit Shefi i Zyrës gjermane në Prishtinë, Mihael Shmunk, i cili ka vendosur buçeta lulesh mbi varrin e komandantit legjendar Adem Jashari. “Pikërisht gjaku i derdhur i Jasharajve ka ngritur një Kosovë të re, të lirë dhe demokratike dhe shpresoj se ata nuk do të harrohen kurrë”, ka thënë shefi i Zyrës gjermane, Shmunk në Prekaz. “Muja ishte një ndër figurat më emblematike të UÇK-së”. Në nëntitullin e këtij shkrimi thuhet: “Komandant Mujë Krasniqi ishte hartues i planeve dhe kryes i aksioneve të suksesshme, pjesëmarrës i shumë betejave, njëri nga treshi i parë publik i UÇK-së, luftëta, gama e veprimeve të cilit shtrihej në tërë Kosovën”, ndërkaq janë disa nga titujt dhe nëntitujt e gazetave me rastin e zbulimit te lapidarit për dëshmorët Mujë e Ali Krasniqi dhe Beqir Gashi. Ajo që tërheq më së tepërmi vemendjen në shtypin e sotëm kosovar padyshim është paralajmërimi serb për të vendosur stacione të policisë serbe nëpër enklavat serbe në Kosovë. Me titull “Serbia paralajmëron stacione të policisë në enklava në Kosovë”, si dhe një tjetër: “Çoviq: Kam marrë garancione se do të realizohet marrëveshja e nënshkruar me Hakerupin”, “Epoka e Re” shkruan se “gjenerali i Ministrisë së Punëve të Brendshme të Serbisë dhe anëtari i “Këshillit Koordinues për Kosovën”, Svetislav Gjurgjeviq, ka paralajmëruar hapjen e stacioneve të posaçme të policisë në enklavat me popullsi serbe dhe joshqiptare në Kosovë”. Në një shkrim tjetër të kësaj gazete, ndërkaq, duke raportuar nga konferenca për gazetarë e kryeadministratorit Shtajner, thuhet se “Beogradi të mos përzihet në punët e Prishtinës, porositë Steiner. Prishtina nuk është Beograd. Kryeadministratori Shtajner është zotuar se në Kosovë nuk do të lejohen institucione paralele. Me Rezolutën 1244, UNMIK-u duhet të jetë i pranishëm në tërë Kosovën. Kjo vlen edhe për veriun dhe, gjithashtu, vlen edhe për Mitrovicën… Ne jemi duke punuar për këtë, për ne linja është e qartë”, është shprehur Shtajner. Nga ana tjetër, zëvendëskryeministri serb Nebojsha Çoviq, ka deklaruar se “kam marrë garanci se do të realizohet marrëveshja e nënshkruar me Hakerupin”. Në një takim që ka pasur me serbët në enklavën serbe në Llapnasellë të Prishtinës Çoviq është shprehur se “me Shtajnerin është arritur hap konkret dhe korrekt për zgjidhjen e problemit të funksionimit të Kuvendit dhe Qeverisë së Kosovës dhe përfshirjen e koalicionit ‘Povratak’ në këto institucione. Duhet të kemi durim (u është drejtuar ai serbëve të këtij lokaliteti) por edhe të ballafaqohemi me problemet, në mënyrë që në bashkëpunim me bashkësinë ndërkombëtare dhe veprim të përbashkët të ruajmë praninë tonë në këto hapësira (Kosovë – v.j.) në mënyrë që të realizohet Rezoluta 1244 e KS të OKB”, ka thënë Çoviq. Pas kësaj deklarate më të re të zyrtarit serb, na kujtohet marrëveshja e arritur ndërmjet ish-kryeadministratorit Kushner me peshkopin serb Artemije, për (siç është theksuar atëherë) sigurimin e enklavave serbe në Kosovë. Siç dihet ajo marrëveshje është kundërshtuar ashpër nga kryetari i PDK-së, Hashim Thaçi, i cili e pati pezulluar pjesëmarrjen në KPA. Po ashtu marrëveshjen e kishte kundërshtuar edhe akademik Qosja. I vetmi nga shqiptarët që është pajtuar me atë marrëveshje ka qenë Ibrahim Rugova. Ndërkaq, në një intervistë me drejtorin e Institutit Kombëtar Demokratik për Çështje Ndërkombëtare (NDI) në Kosovë, Scoot Bates, ai thotë për “Epokën e Re” se “Kuvendi dhe Qeveria duhet t’ua japin besën qytetarëve. Çdo qytetar ka të drejtë të kërkojë informata të caktuara nga Qeveria dhe Kuvendi dhe një ligj që e mundëson këtë është ‘akti mbi lirinë e informacionit’, të ekzistojë kodi i mirësjelljes, i cili do të aprovohet nga Kuvendi”. Në vazhdim thuhet se Bates ka shtuar se “kosovarët do të duhej të jenë shumë krenarë për demokracinë që po krijojnë. E dini se SHBA-ve iu janë dashur 6 vjet paas luftës për të vendosur një demokraci të vërtetë, lufta ka përfunduar në vitin 1783 dhe ne zgjodhëm kryetarin Uashington 6 vjet më vonë”, është shprehur Bates. “Njëshi zero e hiq – Ibrahim Rugova”, është titulli i një shkrimi tjetër në këtë gazetë, në të cilin, ndër të tjera, thuhet edhe kjo: “Por ai nuk është as zero e as hiç. Ai është hiç më pak e hiç më shumë se kryetari i Kosovës, dhe ka të njëjtin emër si e kishte edhe më parë, Ibrahim Rugova. Mos vallë për të është më e rëndësishmja ngritja e një pallati, për të cilin gjen vend edhe në fjalën përshëndetëse me rastin e zgjedhjes së tij, sesa të rënët, pa të cilët, edhe ai vetë, as që do të mund të mendonte për një pallat të tillë dhe do të mbetej tek barakat e Lidhjes së Shkrimtarëve, as dyqind metra larg vëzhgimit të milicisë serbe? Rugova si duket nuk del dot nga vetja”. Ndërkaq, gazeta “Kosova sot”, përveç informatave nga ngjarjet që e kanë karakterizuar aktualitetin në Kosovë dhe botë, shkruan edhe për një temë tjetër. Me titullin “Ku janë milionat e 200 mijë automjeteve të regjistruara?”, “Kosova sot” shkruan: “Pas luftës fshatra dhe qytete të Kosoës janë vërshuar nga autovetura të të gjitha llojeve. Është theksuar se një pjesë e madhe e tyre janë të vjedhura dhe janë sjellë në Kosovë pas skadimit të afatit të përdorimit të tyre në shtetet perëndimore, kryesisht në Gjermani, Zvixcër dhe Itali. Qendrat e regjistrimit të automjeteve kanë njohtuar se deri nga mesi i majit të vitit të kaluar janë regjistruar gjithsej 165.475 automobila. Sa vetura, në të vërtetë, janë regjistruar deri më sot dhe ku janë derdhur këto para nga regjistrimi i tyre? Pse qytetarët serbë janë lejuar nga administrata ndërkombëtare që të bëjnë regjistrimet e automjeteve të tyre në lokalitetet, në të cilat njihen si enklava të kontrolluara nga ky minoritet?”./përmbledhur nga kosovapress/
E mërkure,06 mars 2002
Dëshmi për masakrat e Likoshanit e Qirezit - Gjykata refuzon kërkesën e Millosheviqit për t'u liruar përkohësisht
Hagë, 6 mars 2002
- Sabit Kadriu nga fshati Brushnik të Vushtrisë, ishte dëshmitari tjetër shqiptar, i cili sot para Gjyqit Ndërkombëtar të Hagës rrëfeu për dhunën policore serbe ndaj popullatës shqiptare në Kosovë. Z.Kadriu, meqë ishte kryetar i KLDMNJ-së në Vushtri, tregoi edhe për punë e shërbimit sekret, që e ndiqte veprimtarinë e këtij këshilli. Duke rrëfyer për dhunën sistematike të serbëve, Kadriu tha se prej prillit të vitit 1991 nuk ka pasur shtëpi shqiptare, që nuk është bastisur. Ndërkaq, i pyetur për UÇK-në, ku e kishte vëllaun, ai tha se ajo ka filluar të zgjërohet në Drenicë në vitin 1998. Për Qirez e Likoshan, ai tha se me 28 shkurt ka dëgjuar të shtëna armësh, të cilat njerëzit i kanë dëgjuar edhe në Vushtri, madje ishin këto të shtëna artilerike. Në fshatin Dubovc ka takuar fshatarë që kishin ikur nga dhuna e konfliktet. Kryetari i KLDMNJ-së përmendi forcat serbe të cilat kishin rrethuar Qirezin e Likoshanin dhe kishte pasur luftime. Forca të mëdha policore kishin ardhur edhe nga Serbia. Ai kishte parë edhe dy helikopterë që kishin hapur zjarr. "Policia dhe ushtria kishin vepruar së bashku në këtë rast, por edhe në raste të tjera si psh. me 22 shtator të vitit 1998", tha Kadriu. Në Vojnik forcat serbe kishin shkuar për kontroll dhe njëri ka shtënë në vetëmbrojtje, rrëfeu dëshmitari. Ai dëshmoi para gjyqit se si shkoi në vizitë në Qirezë, ku ishin vrarë katër anëtarë të familjes Sejdijaj. Poashtu, tha ai, janë vrarë edhe dy të tjerë, emrat e të cilëve nuk i kishte mësuar. Në Likoshan ishin 12 të vrarë nga familja Ahmetaj. Siç tha ai, ka parë kufomat në familjen Sejdijaj, djemtë student dhe vajza, që ishin goditur në kokë nga armët. Sabit Kadriu tregoi se ishte dëshmitar i varrimit të 12 anëtarëve të familjes Ahmetaj, të gjithë meshkuj të vrarë. Z. Kadriu tha se ka parë vendin ku janë ekezekutuar disa dhe aty kishte gjetur gjymtyrë trupash, ndërsa trupat ishin hequr nga policia. Ndërkaq, i pyetur për gjendjen e kufomave të familjes Ahmetaj, ai tha se shumica e trupave kanë qenë të masakruar e të gjymtuar, kurse ai ka bërë forografime që janë deponuar në KMDLNJ. Kadriu foli edhe për sulmin mbi familjen Jasharaj. Ai ka dëgjuar të shtënat me armë në Prekaz. I pyetur nga prokurori se të vrarë ka pasur, ai tha se mbi 60 vetë dhe pas dy ditësh ka shkuar me disa veprimtarë të KMDLNJ-së për t'i varrosur. Të gjitha viktimat ishin vendosur në një depo materiali ndërtimor dhe kanë qenë të masakruara dhe se ka pasur burra, gra e fëmijë. Në vazhdim ai foli për zhvendosjen e popullatës nga Prekazi dhe fshatrat perreth drejtë Vushtrisë, ku ndjeheshin më të sigurtë. "Kryqi i Kuq ka bërë regjistrimin e popullatës së zhvendosur, por jo të të gjithëve", tha dëshmitari. Popullata e zhvendosur nga Drenica u vendosën në Vushtri dhe fshatrat përreth. Dëshmitari pastaj tregoi se në prill të vitit 1998 në fshatin e tij u vendosën forcat ushtarake. Në pyetjen e prokurorit se a kishte konflikte në qershor dhe korrik të 1998, ai tha se pati konflikte të armatosura dhe pati zhvendosje të popullatës. Ai tregoi se si forcat ushtarake provokonin fshatarët. Një natë gjatë shpërnguljes, tregoi ai se si ka vdekur një foshnje 8 muajshe. Lëvizja e popullatë përfshinte numrin 30-40 mijë vetash, të cilët iknin edhe në qytete të tjera. Në fund të seancës së sotme gjykatësi Riçard Mej tha se kolegji i gjykatës refuzon kërkesën e Millosheviqit që të lirohet përkohësisht dhe të mbrohet në liri.
Haziri: Pritet integrimi i pushtetit lokal të Kosovës në Këshillin e Evropës
Prishtinë, 6 mars 2002
Më 22 mars të këtij viti në Këshillin e Evropës pritet të votohet për pranimin e statusit në nivel vëzhgimi dhe ky është hap i madh i integrimit të pushtetit lokal të Kosovës në Këshillin e Evropës", tha të mërkurën kryetari i AKK-së, Lutfi Haziri. Të shtunën, më 9 mars, në Prishtinë do të mbahet mbledhja e Bordit të Asociacionit të Komunave të Kosovës. Sipas z.Haziri, kryetar i KK të Gjilanit, mbledhja e Bordit mbahet si rezultat i Kuvendit të Punës së Asociacionit të Komunave të Kosovës ditë më parë. “Në këtë mbledhje të Bordit të AKK-së do të fillojë implementimi i dinamikës së programit strategjik, ndërkohë që do të shtohet niveli i bashkëpunimit edhe me presidentin dhe Qeverinë e sapozgjedhur të Kosovës për koordinimin e punëve të mëtejme”, ka thën ai.
Shkup: Çashule kërkon sqarim për kufirin e Kosovës me Maqedoninë
Shkup, 6 mars 2002
Ministri maqedonas i Punëve të Jashtme, Sllobodan Çashule, kërkoi të mërkurën nga autoritetet në Prishtinë që "t'i sqarojnë informatat se institucionet e Kosovës nuk e njohin vijën kufitare ndërmjet Maqedonisë dhe “RFJsë", bënë të ditur Kosovapress.
"Nga kryetari i degës ekzekutive të vetadministrimit lokal në Kosovë , Bajram Rexhepi dhe administratori civil i KB-ve në Kosovë, Mihael Shtajner, kërkojmë shpjegim për informatat e sotme të agjencive, ku janë paraqitur dy punë ekstremisht të rrezikshme- se institucionet kosovare nuk e njohin linjën kufitare ndërmjet Maqedonisë dhe Jugosllavisë, me të cilën, gjoja, krahina ka humbur 2.500 hektarë dhe se Parlamenti kosovar do të miratojë deklaratë për revidimin e marrëveshjes për kufirin. Këto janë punë të rrezikshme", ka thënë ministri maqedonas i Punëve të Jashtme, Çashule.
Çashule i quan punë të rrezikshme mosnjohjen e Marrëveshjes Shkup-Beograd dhe Deklaratën e ardhshme të Kuvendit të Kosovës për revidim të asaj marrëveshjeje të papranushme për Kosovën. . "Maqedonia nuk pranon dhe nuk do të pranojë revidim të vullnetit të shprehur lirisht të qytetarëve të Maqedonisë dhe të Federatës sovrane të Jugosllavisë", tha ai. Ai njoftoi se MPJ e Maqedonisë u ka dërguar nota pesë anëtarëve të përhershëm të Këshillit të Sigurimit. Sipas ministrit maqedonas të Punëve të Jashtme, Shkupi zyrtar “pret përgjigje ndaj notave, por edhe deklaratë të shefit të administratës civile të Kosovës me shpjegim për tërë situatën, si dhe dënim dhe reterim të qëdrimeve të Rexhepit”.
Gjithnjë sipas ministrit Çashule "kjo s'është asgjë më shumë se tejkalim i ingerencave të disa strukturave të Kosovës”, sepse për Çashulën “thjesht, Kosova nuk është shtet".
Shpifjet e Millosheviqit dhe qartësia e dëshmitarit
Hagë, 6 mars 2002 (sipas QIK-ut)
- Qamil Shabani, dëshmitar nga Zhegra, në seancën e sotme të Tribunalit të Hagës, vazhdoi dëshmitë dhe përgjigjet në pyetjet e të akuzuarit Millosheviq dhe në ndërhyrjet e gjykatësit. Pyetjet e të akuzuarit ishin policore, kurthuese, që synonin ta ngatërronin dëshmitarin dhe ta zhvlerësonin dëshminë e tij të qartë e të detajizuar. Millosheviqi, përsëriste vazhdimisht disa pyetje në forma të tjera, duke u sjellë në rreth dhe duke i komentuar ngjarjet e situatat, gjë që e detyroi gjykatësin të ndërhyjë disa herë ndaj komenteve të tij dhe t'ia tërheqë vërejtjen të akuzuarit. Millosheviqi ishte tejet arrogant, cinik, me nervozë të theksuar dhe imponues, duke i tejkaluar normat e mirësjelljes e tolerancës në gjyq. Z.Shabani, disa herë ia demantoi konstatimet e dezinformatat e të akuzuarit. Njëherë i akuzuari shpifi se kinse vëllaun e dëshmitarit Shaban Shabanin e ka vrarë ushtria serbe në kufirin shqiptar, ndërsa dëshmitari tha se nuk është e vërtetë, meqë vëllai i tij ka vdekur nga infarkti në Durrës. Herën tjetër përmendi emra të shpifur të shqiptarëve, për të cilët dëshmitari tha se këta emra nuk ekzistojnë dhe se nuk janë nga fshati Zhegër. Millosheviqi këmbëngulte për Shkollën Teknike të Gjilanit, ku paskan vijuar, sipas tij mësimin nxënësit shqiptarë, kurse dëshmitari poashtu, e hodhi poshtë një shpifje të tillë, duke e theksuar se nxënësit shqiptarë kanë vijuar mësimin në shtëpitë-shkolla. Gjyqi vazhdon seancën pas një pushimni të shkurtër me marrjen në pyetje të dëshmitarëve.
Sot në Hagë dëshmoi mësuesi Qamil Shabani, TPI hedhë poshtë kërkesën e Milosheviqit për lirim të përkohshëm
Hagë, Prishtinë, 6 mars 2002 (sipas Kosovapress-it)
Në seancën e sotme në Hagë kundër kryekriminelit Milosheviq ka dëshmuar mësuesi Qamil Shabani, nga Zhegra e Gjilanit, i cili ka hedhur poshtë të gjitha deklaratat e Milosheviqit, sipas të cilave “UÇK dhe planet e NATO-s shkatërruan fshatin ku Qamili jetonte”, bëjnë të ditur agjencitë e lajmeve. "Policët serbë dhe ushtria dogjën Zhegrën, janë fakte të cilat i akuzuari tenton t’i hedhë poshtë", i ka thënë trupit gjykues deshmitari Shabani. Shabani nënvizoi se "NATO goditi zonat e pabanuara nga shqiptarët”. NATO bombardoi ato zona ku forcat serbe kishin hyrë më pare, ka thënë ai, bëjnë të ditur agjencitë e lajmeve. Informacionet më të fundit nga Haga kanë bërë të ditur se TPI ka hedhë poshtë kërkesën e kriminelit Milosheviq për lirim të përkohshëm. Sipas agjencisë italiane të lajmeve ANSA, së cilës i është referuar Balkanëeb, këtë vendim e dha kryegjykatësi Riçard Mei, në fund te seancës së sotme./kps/
Kryeministri Rexhepi takon Demekas: Së shpejti FMN-ja do të hapë seli në Prishtinë
RTV21 njofdton se,sotKryeministri i Kosovës Bajram Rexhepi priti këshilltarin e lartë të Fondit Monetar Nderkombëtar Dimitri Demekas. Në këtë takim u bisedua për prioritetet e Qeverisë së Kosovës dhe për mënyrat e bashkëpunimit të qeverisë me Fondin Monetar Nderkombëtar. Demekas premtoi se FMN së shpejti do ta hapë përfaqësinë e tij në Kosovë me çka do të krijohen mundësitë e një bashkëpunimi më të ngushtë. Kryeministri i Kosovës kërkoi ndihmën e FMN për organizimin dhe fuqizimin e praktikave të menaxhimit të Buxhetit të Kosovës. Demekas i premtoi Kryeministrit të Kosovës se të hënën do ta bartë mesazhin nga Kosova në mbledhjen e donatorëve në Bruksel që të mos harrohet Kosova. Kryeministri Rexhepi theksoi se krahas angazhimit për zhvillim ekonomik, zbutjes së papunësisë, thithjes së investimeve të jashtme, thellimit të reformës në arsim, rritjes së mirëqenies për të gjithë qytetarët, lufta kundër korrupsionit do të jetë obligim i përhershëm i Qeverisë së Kosovës. Ndërkohë sot Kryeministri i Kosovës Bajram Rexhepi priti edhe Drejtorin e Ministrisë së Punëve të Jashtme të Britanisë së Madhe për Evropën Juglindore James Bevan i cili shoqërohej nga shefi i Zyrës së Britanisë së Madhe në Prishtinë Endrju Lloid. Zyrtarët britanikë i përcollën kryeministrit të Kosovës Rexhepi urimet dhe përshëndetjet e Kryeministrit Toni Bler me rastin e zgjedhjes së tij kryeministër dhe e siguruan për mbështetje dhe përkrahje të plotë të Qeverisë nga Britania e Madhe. Në takim u bisedua për prioritetet e Qeverisë, kahjet e zhvillimit ekonomik të Kosovës dhe bashkëpunimit me vendet në rajon.
Shtainer takon Covicin në Prishtinë: Dua që Beogradi të mos përzihet në punët e Kosovës
Zëvendëskryeministri i Serbisë, Nebojsha Çoviq ka qëndruar sot në Prishtinë, ku është takuar me kryeadministratorin e Kosovës, Mihael Shtajner. "Nuk do të përzihem në punët e Beogradit, por dua që as Beogradi të mos përzihet në punët e Kosovës", tha kryeadministratori i Kosovës Shtajner pas takimit me zëvendëskryeministrin serb Çoviq. Takimi mes tyre është zhvilluar në selinë e UNMIK-ut në Prishtinë dhe ka zgjatur rreth 2 orë. Gazetarëve të shumtë që prisnin jashtë selisë së UNMIK-ut zëvendëskryeinistri i Serbisë Çoviq nuk u deklaroi asgjë dhe menjëherë pas takimit, ai është larguar me shpejtësi të madhe, i rrethuar nga një numër i madh i pjesëtarëve të sigurimit të UNMIK-ut. Në konferencën për gazetarë pas këtij takimi, kryeadministratori i Kosovës Mihael Shtajner, tha se me zëvendëskryeministrin e Serbisë janë diskutuar çështje të ndryshme. “Këtu rregullat e lojës janë shumë të qarta - Prishtina nuk është Beograd e as Beogradi nuk është Prishtinë. Nuk do të përzihem në punët e Beogradit, por dua që as Beogradi të mos përzihet në punët e Kosovës”, tha Mihael Shtainer. Sipas Radiotelevizionit 21, ai u shpreh se Çoviqit i ka thënë se në Kosovë nuk do të lejohen struktura paralele. "Në Kosovë kemi një administratë dhe atë nuk mund ta shumëzojmë”, shtoi Shtajner. Kryeadministratori i Kosovës tha se në takim me zëvendëskryeministrin e Serbisë janë diskutuar edhe disa çështje për të cilat serbët e Kosovës kanë shfaqur pakënaqësi. Shtajner shtoi se për problemet e serbëve në Kosovë do të diskutohet me përfaqësuesit e koalicionit serb "Kthimi" dhe jo me zyrtarët e Beogradit. Çoviq ditë më parë ka akuzuar kryeministrin e Kosovës, Bajram Rexhepi për krime lufte. Por kryeadministratori i Kosovës, Mihael Shtajner i hodhi poshtë këto akuza duke shtuar se “organet kompetente nuk kanë gjetur asnjë fakt që do të vërtetonte akuzat e qeverisë së Serbisë”. Shtainer tha se me zëvendëskryeministrin e Serbisë, Nebojsha Çoviq ka biseduar edhe për çështjen e të burgosurve shqiptarë nëpër burgjet e Serbisë. "Kosovarët e kanë të qartë qëndrimin tim në lidhje me këtë çështje", tha kryeadministratori e Kosovës Mihael Shtajner. Që në fjalimin e parë për publikun kosovar, në një nga pikat e deklaratës së tij, Shtainer ka kërkuar që të lirohen menjëherë të gjithë të burgosurit shqiptarë që mbahen nëpër burgjet e Serbisë.
Rugova-Abramovic: Tani të hapet diskutimi për statusin final të Kosovës
Kryetari i Kosovës, Ibrahim Rugova sot u takua me përfaqësuesin e lartë të Grupit Ndërkombëtar të Krizës, ambasadorin Norton Abramovic. Ai e përgëzoi Rugovën për postin e ri. "Më vjen mirë që e shoh dr.Rugovën në postin e kryetarit të Kosovës", tha Abramovic. Në takim janë diskutuar mundësitë e gjetjes së formave për të hapur diskutimin për statusin final të Kosovës. "Mendoj se është shumë e nevojshme që të fillohet të bisedohet për statusin final të Kosovës. E di se ka shumë individë apo grupe që nuk e dëshirojnë një gjë të tillë, por ne do të vazhdojmë ta kërkojmë një gjë të tillë”, tha Abramovic. “Unë nuk kam ide se kur mund të zgjidhet statusi përfundimtar i Kosovës, por është me rëndësi të jashtëzakonshme një proces i diskutimit brenda vetë bashkësisë ndërkombëtare për këtë problem. Unë personalisht besoj se Kosova duhet të ketë pavarësinë dhe unë mendoj se kështu do të ndodhë", nënvizoi përfaqësuesi i lartë i Grupit Ndërkombëtar të Krizës, ambasadori Norton Abramovic. Ai theksoi se institucionet e krijuara në Kosovë në këtë fazë duhet të vendosin një qeveri efektive sepse në këtë mënyrë do të krijoheshin kushtet e nevojshme që kosovarët t'i realizojnë synimet e tyre.
Rugova-Bevën: Britania dhe aleatët do të përkrahin pa masë insitucionet e krijuara në Kosovë
Kryetari i Kosovës, Ibrahim Rugova sot u takua me drejtorin e Ministrisë së Jashtme për Evropë Juglindore të Britanisë së Madhe, Xhejms Bevën. Zyrtari britanik tha se solli përgëzime dhe mesazhe për insitucionet e Kosovës, nga struktutarat më të larta britanike. "Gjendemi në një moment historik për Kosovën. Qeveria britanike si dhe aleatët tanë do të përkrahin pa masë insitucionet e krijuara. Puna e rëndë për Kosovën tani ka filluar. Insitucionet e posakrijuara duhet të punojnë në drejtim të një jete demokratike për të gjithë qytetarët e Kosovës", tha drejtori e Ministrisë së Jashtme të Britanisë së Madhe, Xhejms Bevën.
Në shtypin e Kosovës dominojnë shkrimet nga “Epopeja e UÇK-së”, si ngjarje madhore kombtare
Prishtinë, 6 mars 2002
“Adem Jashari është gjallë. Ai u nderua nga mbarë kombi të martën”, “Që në start Rugova mungoi aty ku nuk duhet. Ai edhe më tej nuk i nderon ata që e ulën në karrigën e kryetarit!!!”, “Atë që arriti Adem Jashari, do ta vazhdojmë ne, tha kryeministri Rexhepi”, ishin vetëm disa nga titujt në ballinat e gazetave të sotme shqipe të Kosovës, kushtuar ngjarjes së madhe të manifestimit qendror që u mbajt në stadiumin e qytetit në Prishtinë, “Epopeja e UÇK-së”, e cila do të vazhdojë edhe të mërkurën dhe të enjten, e që i kushtohet luftës çlirimtare dhe rënies heroike të komandantit Legjendar Adem Jashari, sakrificë kjo që është më meritorja për lirinë të cilën e gëzojmë sot. Gazeta “Epoka e Re”, duke raportuar gjerësisht për këtë ngjarje madhore kombëtare, me titullin “Adem Jashari është gjallë…”, në një anterfile të ilustruar edhe me foton ku shihet kryeministri i Kosovës dr. Bajram Rexhepi, Rifat Jashari, vëlla i Komandantit Legjendar dhe kryetari i PDK-së, Hashim Thaçi, shkruan: “Komandanti Legjendar i UÇK-së, Adem Jashari dhe familja Jashari, katër vjet më parë u sakrifikuan për të bërë që drita ta mund errësirën, që liria ta mund robërinë. Gjatë gjithë periudhës së luftës, të gjithë luftëtarët e UÇK-së ishin të motiuar dhe të udhëhequr nga shembulli i Komandantit Legjendar Adem Jashari. Dëshmorët luftuan dhe bënë sakrificën sublime për lirinë tonë, andaj ne i kujtojmë gjithnjë me dhembje, pietet e krenari”.
Gjithnjë duke shkruar për “Epopenë…”, gazeta konstaton edhe këtë: “Kryetari i Kosovës Ibrahim Rugova nuk e ka mbajtur fjalën, thuhet më tej në këtë gazetë, duke theksuar se “Si kryetar e kishte vendin aty. Por, edhe ky manifestim u krye edhe pa të, si gjithmonë, sikundër edhe lufta që është bërë pa të dhe me të kundër! “Turp”, shfrynte Agnesa”.
Gazeta “Koha Ditore” ndërkaq shkruan “Në manifestimin “Epopeja e UÇK-së”, të organizuar nga TMK-ja, përveç qindra mijëra qytetarëve nga mbarë Kosova, prezentë ishin edhe shumë personalitete nga skena politike dhe ajo ushtarake e Kosovës, ndërkaq vërehej mungesa e presidentit të Kosovës, Ibrahim Rugova dhe e anëtarëve të LDK-së”.
Edhe në një shkrim tjetër të gazetës “Epoka e Re” me titull “Sa pështirë të jesh Ibrahim Rugovë më 5 mars…”, bëhet fjalë për mungesën e Rugovës në manifestimin “Epopeja e UÇK-së”, ku, ndër të tjera thuhet: “Presidenti i guralecëve të kristaltë nuk ka denjuar ta nderojë as katër vjet pas flijimit KOMANDANTIN LEGJENDAR të Ushtrisë Çlirimtare të Kosovës. Vetëm kur ballafaqon Ibrahim Rugovën me Adem Jasharin, arrin të kuptosh më së miri latinin e vjetër në proverbin për të vdekurin e gjallë dhe të gjallin e vdekur. Kjo u pa më 5 mars. Lirinë që s’e solli (por e fundosi) Ibrahim Rugova i gjallë, e solli Adem Jashari për së rëni. Edhe sot e nesër, në rojë të saj, me të njëjtat përmasa fuqishëm qëndron për së rëni Komandanti Legjendar, por jo edhe presidenti i guralecëve të kristaltë. Kryetari Rugova, sigurisht, ndërkohë që ka munguar në nderimet për Adem Jasharin, ka shkëmbyer guralecë në “Shtëpinë e Bardhë” të Kosovës me ndonjë, për të, më të madh dhe më meritor se Adem Jashari ose e ka shfletuar ditarin e tij duke evokuar ku ka qenë katër vjet më parë dhe si ka zhvilluar negociatat me Beogradin”.
“Zëri” me titullin “Epopeja e UÇK-së” i dhuron Prishtinës ditën e saj më madhështore”, shkruan: “Parakalimi madhështor i pjesëtarëe të TMK-së rrugëve të Prishtinës dhe parada në stadiumin e qytetit shënuan në mënyrë madhështore hapjen e manifesetimeve në katërvjetorin e rënies së komandantit legjendar Adem Jashari, familjes dhe bashkëluftëtarëve të tij”.
Gazeta “24 Orë”, që është e përditshmja më e re që botohet në Prishtinë, me titullin “Me Jasharajt dhe Prekazin nisi rrjedha çlirimtare e Kosovës”, shkruan gjerësisht për “Epopenë e UÇK-së”. Më tej kjo gazetë, ndër të tjera, shkruan: “Në Prekaz nisi qëndresa historike, lindi vlera që tashmë nuk i takon vetëm Prekazit dhe Drenicës, por mbarë kombit dhe brezave që do të vijnë. Trimin legjendar, Adem Jashari, dhe dëshmorët t’i përjetësojmë në “Monumentin e Lirisë”, që gjithnjë t’i shohim ne dhe brezat e ardhshëm, me qëllim që pamjet e tyre, sot e tutje, të mbajnë të zgjuar ndërgjegjen tonë. Komandant Adem Jashari dhe UÇK-ja ditën të marrin rolin e tyre historik, që ka bazën në sakrificën e popullit dhe të gjakut të derdhur. Para katër vjetësh, në Prekazin heroik, filloi Epopeja e UÇK-së, që lëvizi edhe faktorin ndërkombëtar, i cili deri në atë kohë ishte i përgjumur”, shkruan gazeta “24 Orë”.
“Amaneti i dëshmorëve - udhërrëfim për të nesërmen”, është titulli i së përditshmes “Kosova Sot” me nëntitullin në vazhdim: “Rifat Jashari edhe një herë bëri thirrje për unitet”, “se pa një bashkim të mirëfilltë dhe korrekt, e kemi të vështirë t’i arrijmë qëllimet tona”. “Komandanti legjendar, Adem Jashari dhe familja Jashari, katër vjet më parë, në luftën heroike u sakrifikuan në mënyrë që drita ta mund errësirën, që liria ta mund robërinë’, citohen fjalët e kryeministrit Bajram Rexhepi, duke shtuar se “gjatë gjithë periudhës së luftës, të gjithë luftëtarët e UÇK-së ishin të motivaur dhe të udhëhequr nga shembulli i komandantit Adem Jashari”.
Të përditshmet kosovare në gjuhën shqipe raportet e tyre nga “Epopeja e UÇK-së” i kanë ilustruar edhe me fotografi nga kjo ngjarje.
Të gjitha gazetat shqipe në Kosovë, ndërkaq, kanë raportuar edhe për vënien e gurthemelit të “Monumentit të Lirisë” në hapësirat e Fakultetit Filologjik në Prishtinë. Edhe në këtë solemnitet është vërejtur mungesa e Rugovës dhe stafit drejtues të LDK-së.
Po ashtu gazetat e sotme në Kosovë kanë raportuar edhe për qëndrimin e kryeministrit të Kosovës dr.Bajram Rexhepi se Qeveria e Kosovës nuk e njeh marrëveshjen ndërmjet IRJ të Maqedonisë dhe “RFJ”-së për kufijtë. Kryeministri Bajram Rexhepi gjatë takimit me komandantin e KFOR-it, Marcel Valenten, përveç çështjes së sigurisë, ka prekur edhe çështjen e kufirit të Kosovës me Maqedoninë, si një ndër problemet acute për popullatën e fshatrave kufitare, të cilët nuk mund t’i punojnë tokat e tyre. Kryeministri ka theksuar se është e papranueshme marrëveshja, e cila së shpejti do të hedhe në diskutim në Parlamentin e Kosovës.
Ndërkaq, gazeta “Zëri” boton edhe një intervistë ekskluzive me komandantin e SHP të TMK-së, gjenerallejtnant Agim Çeku, i cili, duke folur për raportet ndërmjet TMK-së dhe zyrtarëve më të lartë ndërkombëtarë në Kosovë, KFOR-it dhe UNMIK-ut, ndër të tjera, thotë: “Tanimë po shihet se është një mangësi në konceptin e bashkësisë ndërkombëtare. Ata hezitojnë që ta njohin realitetin, se TMK ka ecur dhe se nuk kthehet prapa. Është e pamundur që kushdoqoftë TMK-në ta kthejë në ’99-tën. TMK tanimë duket si ushtri, mendon si ushtri dhe vepron si ushtri. Dhe këtë realitet disa e kanë shumë vështirë ta pranojnë”, thotë gjeneral Çeku. “Ne kërkojmë që të zgjerohet misioni i TMK-së, me më shumë kompetenca dhe më shumë trajnim dhe familjarizim me armë. Me një fjalë kërkojmë elementet ushtarake Brenda TMK-së: Gradat, emërtimin e njësive me terme ushtarake si brigada, batalion, kompani, tog, zonë e mbrojtjes e jo grup rajonal punues…”, ka theksuar, ndër të tjera, gjeneral Agim Çeku.
Mbahet mbledhja e Bordit të Asociacionit të Komunave të Kosovës
Prishtinë, 6 mars 2002(nga QIK-u) Të shtunën më 9 mars, në mjediset e Kuvendit Komunal të Prishtinës, mbahet mbledhja e Bordit të Asociacionit të Komunave të Kosovës. Lutfi Haziri, kryetar i Asociacionit tha se në këtë mbledhje të Bordit të AKK-së do të fillojë implementimi i dinamikës së programit strategjik, ndërkohë që do të shtohet niveli i bashkëpunimit edhe me Presidentin dhe Qeverinë e sapozgjedhur të Kosovës për koordinimin e punëve të mëtejme. Po ashtu Lutfi Haziri thekson se më 22 mars të këtij viti në Këshillin e Evropës pritet që Kosova të marrë statusin e vëzhguesit, duke thënë se ky do të jetë një hap i madh i integrimit të pushtetit lokal të Kosovës në Këshillin e Evropës.
“Miqtë e TMK-së” nga Nju-Jorku, urojnë zgjedhjen e institucioneve të Kosovës
Nju-Jork, 6 mars 2002(nga Kosovapress) Lajmi për formimin e Qeverisë së Kosovës erdhi si sihariq edhe për diasporën shqiptare të Amerikës, bën të ditur korrespondenti i Kosovapressit në Nju-Jork. Në një deklaratë për Kosovapressin, Shoqata Miqtë e TMK-së, me seli në Nju-Jork, shprehë konsideratën e saj të thëllë dhe gëzimin e pakufishën me rastin e formimit të qeverisë së Kosovës, themelit të shtetësisë së saj. Formimi i Qeverisë së Kosovës thuhet në deklaratë ka rëndësi jetike për zhvillimet e mëtutjeshme si dhe i hap rrugë njohjes së pavarësisë së Kosovës nga qarqet perëndimore. Një shtet si Kosova, me territorin e vet, gjuhën, forcën mbrojtëse (TMK-në), shërbimin policor, me qeverinë e vet, parlamentin, e, së fundi, edhe presidentin, meriton të jetë shtet i ri i Evropës, pasi që nuk i mungon asnjë element shtetformues, thuhet më tej në deklaratë. Formimi i Qeverisë së Kosovës është akti më i lartë politik i lidereve tanë deri më sot, njëherit kjo e then mitin serb dhe të qarqeve tjera perverse antishqiptare se shqipetarët nuk janë të zotët të udhëheqin veten e tyre. Është një shtytje e fuqishme e lëvizjës sonë që, njëherit, e hapë rrugën e njohjes së pavarësisë në qarqet e politikës ndërkombëtare. Kosova duhet të pavarësohet, ajo nuk mund të jetë ndryshe, këtë e di edhe bashkësia ndërkombëtare, thuhët më tej në deklaratë. Besojmë se strukturat e Qeverisë së Kosovës janë koshiente, të matura, tolerante dhe do të vihen gjithnjë në shërbim të shoqërisë kosovare. Edhe pse presidenti i Kosovës (deri dje kryetar partie) ende nuk e ka pranuar rolin e UÇK-së si faktorin kryesor të të gjitha këtyre ndryshimeve në shoqërinë kosovare, por edhe në rajon, e as TMK-në si forcën mbrojtëse të Kosovës (ushtrinë e ardhshme të saj) duke qenë apolitikë dhe të pandikuar nga asnjë ideologji, edhe atij ia urojmë postin e kryetarit, thuhet në urimin e Shoqatës Miqtë e TMK-së, të degës në Nju-Jork. Përshëndesim dhe urojmë dr. Bajram Rexhepin, me rastin e ardhjes në krye të Qeverisë së Kosovës, i cili ndryshe nga i pari (që e përmendëm më lartë) në momentet më kritike u gjend pranë kombit të vet, ku më ndërgjegjen më të lartë e barti uniformën e UÇK-së duke u bërë krah i fortë i luftës sonë për liri e pavarësi, vazhdon deklarata për Kosovapressin e shoqatës Miqtë e TMK-së. Është kënaqësi e veçantë që në Qeverinë e Kosovës të ketë kuadro profesioniste dhe atdhetarë si dr. Bajram Rexhepi, i cili nuk u përul para brutalitetit shtazarak të armikut, nuk ndryshoi në aspektin kohor të rrethanave të çastit dhe në aspektin politik kurrë nuk qe mikroskopik, thuhet në deklaratë. Urojmë që ta respektoni vullnetin e popullit që gjer më tani nuk u respektua gjithaq, vetëm për të plotësuar dëshira individësh, përfundon deklarata dhënë Kosovapressit, nga Dega e Shoqatës Miqtë e TMK-së në Nju-Jork.
Zgjedhja e Rugovës për kryetar Kosove, shkakton protestë institucionale në Kaçanik
Kaçanik, 6 mars (njoftim i Kosovapress-it) I pakënaqur dhe i revoltuar nga zgjedhja e Ibrahim Rugovës për kryetar të Kosovës, Xhabit Zharku, nënkruetar i KK të Kaçanikut, ka dhënë dorëheqje të parevokueshme. “Nga pozita e nënkryetarit të KK-së do të duhej ta njihja Ibrahim Rugovën për kryetar të Kosovës, ndërsa si qytetar nuk jam i obliguar ta njoh. Kjo edhe është arsyeja kryesore e dorëheqjes sime”, ka theksuar Zharku. “Ai që nuk e njohu UÇK-në dhe luftëtarët e saj, nuk ka të drejtë morale të vihet në ballë të popullit”, shkruan, ndër të tjera, në letrën, adresuar kryetarit të KK-së, Tahir Çaka. Në letër, po ashtu shkruan edhe këtë: “Edhe pse thellësisht i pakënaqur me qëndrimet e fundit të PDK-së, ende kam besim te PDK-ja dhe kryetari i saj, të cilët do të gjejnë mënyra dhe forcë për të avancuar çështjen kombëtare dhe për të çuar në vend amanetin e dëshmorëve, prandaj vazshdoj të mbetem anëtar i PDK-së…”. Xhabir Zharku, 38-vjeçar, ka qenë komandant i fundit i brigadës 162 “Agim Bajrami” të ish-UÇK-së së Kaçanikut.
E hënë 4 mars 2002
Kosova sot u bë me kryetar -president dhe kryeminister
Prishtinë,e hënë,4 mars 2002,ora 12 e 22 minuta(ereniku)
Në seancën e sotme të parlamentit te Kosovës ( e cila po vazhdon punen me prezentimin e presidentit dhe kryeministrit )u bë miratimi i marraveshjes se arrijtur dhe të nëbnshkruar nga të tre partitë më të mëdhaja te Kosovës LDK,PDK dhe AAK me ndërmjetësimin e amdministratorit Michail Stajner.Për miratimin e marrëveshjës votuan 88 deputet.Ky sukses u arrijt në 45 minutat e para të seancës.
Në seancë janë prezent personalitete zyrtare-politikaj të vendeve të ndryshme të botës të cilë mu në këtë moment kur po shenojmë këtë informim Presidenti i Kosovës I. Rugova po i përshëndet përzemërsisht për të gjitha përkrahjet e bëra nga ana e tyre për ndërtimin e institucioneve demokratike të Kosovës.Në fund të fjalës se tij presidenti tha se dyert e presidencës janë të hapura për të gjithë,janë institucione tuajat dhe unë jamë në sherbimin tuaj.Propozoi për ndertimin e një shtepie presidence-Shtëpi të Bardhë të Kosovës duke kerkuar edhe ndihmën e ndërkombëtarëve për ndertimin e saj.
Kryeministri i Kosovës Dr. Bajram Rexhepi e mori fjalen duke falenderuar të gjithë qytetarët e Kosovës dhe ndërkombëtarëve në kontributine e dhë në ndertimin e institucioneve. Falenderoj të gjithë ate që bënë populli dhe UÇK,duke premtuar se do të bëjmë çdo gjë që është në të mirë të të gjithë popullit të Kosovës që nga zgjidhja emergjente elirimit të të burgosurve tanë që pa të drejtë mbahen ende nëpër burgjet serbe e deri tek gjelbrimi i Prshtinës etj.Falenderoj dhe premtoj bashkëpunim te perafert eme perfaqësuesit nderkombetar OSBE UMNIK NATO dhe organizmat tjerë nderko9mbëtarë. Me ket rast uroj të gjithë qytetarët e Kosovës per institucionet demokratike të cilat janë të tyre dhe unë do të jem në sherbim te tyre .Ne vazhdim na duhet të themelojmë kabinetin me ekspert nga fushat e ndryshme të jetës për të shpënë më pëpara çështjen e Kosovës.
Nga intervistat e transmetuara DREJTPERDREJT nga RTV21 përfaqësuesi zyrtar gjerman Shmuk e quajti ditë gëzimi jo vetëm për kosovaret po edhe për të gjithë ndërkombëtaret.Më në fund qytetarët e Kosovës e kanë qeverinë e tyre.Premtoj dhe njoftoj menjëherë për shkëmbimin e një delegacioni prej 10 deputeteve kosovare me ato gjermane për arritje bashkpunimi në fusha të ndryshme të jetës.Fjalë të mira miradije dhe kënaqësie tha edhe përfaqësuesi i zyrës amerikane Xhon Mejzis dhe edhe administratori Shtajner.
Mbledhja po vazhdon.Për ju që jeni kyçur tani,mund të lidheni drejtperdrejt në www.radio21.net për të ndjekur drejperdrejt rrjedhën e punimeve në parlament.
Lajmet më të rëndësishme gjatë ketij uikendi,2 dhe 3 mars 2002
Partitë shqiptare kundërshtojnë masat e rrepta të Beogradit në Luginën e Preshevës
Dy partitë shqiptare në Luginën e Preshevës, Partia për Veprim Demokratik dhe Partia e Bashkimit Demokratik të Shqiptarëve, kundërshtojnë vendimin e qeverisë së Serbisë për futjen e masave të jashtëzakonshme edhe në komunën e Preshevës, ku pushtetin lokal e kanë shqiptarët. Zyrtarë të të dyja partive kanë thënë se vendimi bie ndesh me interesat e banorëve shqiptarë të komunës dhe si i tillë është i papranueshëm. Reagimi i politikanëve të Preshevës erdhi një ditë pas miratimit në Kuvendin e Serbisë të vendimit për futjen e masave të përkohshme në Luginën e Preshevës. Nënkryetari i qeverisë së Serbisë tha në Beograd se “Kuvendi komunal i Preshevës, Bujanocit dhe Medvegjës duhet të shpërndahet më 25 prill, kur do të formohen këshillat komunale, të cilat do të ushtrojnë të gjitha funksionet lokale të pushtetit deri me realizimin e zgjedhjeve te parakohshme lokale, në mes të qershorit".
Partitë kosovare publikojnë kandidatët e tyre: Ja emrat e 10 ministrave të qeverisë së Kosovës
RTV21 dhe mediat tjera në kosovë bëjnë me dije se liderët e partive politike, kryeadministratori i Kosovës Mihael Shtajner dhe kandidati për kryeministër Bajram Rexhepi, kanë bërë publikë emrat e ministrave të 10 ministrive të qeverisë së Kosovës. Në bazë të marrëveshjes politike të nëshkruar mes tre liderëve, Ibrahim Rugova, Hashim Thaçi dhe Ramush Haradinaj, Lidhjes Demokratike të Kosovës do t'i takojnë Ministria e Arsimit, Ministria për Ekonomi dhe Financa, Ministria e Transportit dhe Telekokomunakcionit dhe ajo e Rinisë, Sporteve dhe e Kulturës. PDK-ja do të ketë Ministrinë e Shërbimeve Publike dhe Ministrinë për Industri dhe Tregti, AAK-ja Ministrinë e Planifikimit Hapësinor dhe Ministrinë e Punës dhe të Mirëqenies Sociale. Serbët do të marrin Ministrinë e Bujqësisë dhe të Pylltarisë, ndërsa minoritetet e tjera, të përfaqësuara nga koalicioni "Vatan", Ministrinë e Shëndetësisë. Sipas marrëveshjes, katër ministri i takojnë LDK-së, nga dy u takojnë PDK-së dhe AAK-së, ndërsa dy të tjera u takojnë pakicave kombëtare në mesin e të cilave njëra i takon pakicës serbe. Të gjitha këto bashkë me emrin e presidentit të Kosovës dhe të kryeminstrit të Kosovës do të votohen në pako në mbledhjen e Paralamentit të Kosovës të caktuar për ditën e hënë. Emrat e kandidatëve për ministra në kabinetin e ri qeveritar të Kosovës:
Lista e kandidatëve për ministra në qeverinë e Kosovës
Ministër i Ekonomisë e Financave------------------- Aliu Sadriu (LDK)
Ministër i Arsimit------------------------------------ Rexhep Osmani (LDK)
Ministër Transportit e Telekomunikacionit----------- Zef Morina (LDK)
Ministër i Kulturës, Rinisë e Sportit------------------ Behxhet Brajshori (LDK)
Ministër i Shërbimeve Publike----------------------- Jakup Krasniqi (PDK)
Ministër i Tregëtisë dhe Industrisë------------------- Ali Jakupi (PDK)
Ministër i Planifikimit Hapësinor--------------------- Ethem Çekun (AAK)
Ministër i Punës e Mirëqenies Sociale--------------- Ahmet Isufin (AAK)
Ministër i Shëndetësisë------------------------------ Numan Baliq (Vatan)
Ministër i Pylltarisë dhe Bujqësisë------------------- Goran Markoviç (Kthimi)
Instituti për Integrime Evro-Atlantike: Integrimi i Kosovës në BE ndaras nga Serbia e Mali i Zi
Raportet e Kosovës me Bashkimin Evropian dhe integrimi në procesin e asocim-stabilizimit, ishin nder çështjet që u diskutuan në tryezën e sotme "Idea Evropiane 50 vjet më vonë. Këtë projekt e ka organizuar Instituti i Kosovës për Integrime Evro-Atlantike dhe e ka mbështetur Fondacioni i Kosovës për Shoqëri Civile dhe Agjencia Evropiane për Rindërtim. Mesazhi i tryezës së sotme drejtuar Brukselit dhe BE-së ishte integrimi i Kosovës në Bashkimit Evropian, ndaras nga Serbia dhe Mali i zi. Në këtë tryezë njofton RTV21, u diskutua përvoja e Evropës Perëndimore pas luftës së dytë botërore dhe nxjerrja e mësimit nga ky proces për Kosovën e pasluftës. "Bashkimi Evropian duhet t'i tregojë Beogradit se rruga e tij për Bruksel shpie pa Prishtinën dhe Podgoricën”, tha Blerim Reka, drejtor i Institutit i Kosovës për Integrime Evro-Atlantike. Sipas Rekës, BE është në Kosovë përmes Agjencisë Evropiane për Rindërtim dhe valutës euro. “Kosova nuk është në BE, por së shpejti pritet të hapet konzulata e BE në Prishtinë. Kosova nuk merr pjesë në procesin e asocim-stabilizimit pikërisht për shkak të kushteve që ia përcakton BE, sipas të cilave Kosova duhet të jetë shtet sovran dhe i pavarur, si shtetet tjera të Ballkanit si Sllovenia, Kroacia, Maqedonia. Në këtë tryezë morën pjesë edhe përfaqësues të Bashkimit Evropian, përfaqësues të zyrave diplomatike në Kosovë,politikanë si dhe ekspert të ndryshëm të kësaj lëmie. Jurgen Vos, nga Shtylla e IV e UNMIK-ut dhe Bashkimi Evropian, tha se “ky është një takim jashtëzakonisht i dobishëm sepse i bën bashkë përfaqësuesit kosovarë dhe ata ndërkombëtarë me interes të veçantë, sjell bashkëpunimin evropian me atë transatlantik, në kohën kur euro është bërë valuta e vetme në Kosovë”. Ndërsa Bernard Garanshe, shefi i Zyrës Franceze në Prishtinë, tha se “rikonsolidimi dhe integrimi nuk është diçka që ndodh një herë dhe përfundon në një kohë të caktuar, por është proces që vazhdon”. “Kudo dhe kurdo që filloni, herët ose vonë , ju jeni aty dhe kjo është e vërtetë për secilin dhe të gjithë anëtarët e Bashkimit Evropian. Ne besojmë se ju nuk do t’ju duhen shumë vjet, progresi do të bëhet shumë shpejt këtu”, tha Garanshe. Sipas kryetarit të Institutit të Kosovës për Integrime Evro-Atlantike, Blerim Rekës, ky projekt do të vazhdojë në katër cikle gjatë tërë vitit. Projekti e ka mbështetur Fondacioni i Kosovës për Shoqeri civile dhe Agjencia Evropiane për Rindërtim.
E premte,1 mars 2002
Sot vazhdon gjykimi i kriminelit Millosheviq me deshmitë e një deshmitari sekret.Gjykimi bëhet me dyer të mbylura - jo publik.

Grupi parlamentar i LDK-së në Kuvendin e Kosovës përkrah marrëveshjen e nënshkruar mes tri subjekteve politike

Edhe kryetarët e degëve të LDK-së përkrahin marrëveshjen e nënshkruar mes tri partive politike

Deputetët serbë nuk do të votojnë për kandidatin për president të Kosovës Ibrahim Rugova
Beograd, 1 mars 2002- Deputeti i Parlamentit të Kosovës nga koalicioni serb "Kthimi", Oliver Ivanoviq, deklaroi se deputetët serbë nuk do të votojnë më 4 mars për kandidatin për president të Kosovës, Ibrahim Rugova. Serbët nuk do të votojnë, si edhe më parë, sepse nuk kanë arsye për ndryshimin e qëndrimit dhe se asgjë për serbët nuk ka ndryshuar, tha Ivanoviq. Sipas tij mbledhja e së hënës do të jetë vetëm një formalitet, sepse Shtajneri me liderët shqiptarë ka arritur koncensusin rreth kandidatëve për president dhe kryeministër të Kosovës./sipas QIK-ut/
Ali Ahmeti: Këshilli Koordinues do të vendosë për të ardhmen e shqiptarëve në Maqedoni
Tetovë, 1 mars 2002
Duke qartësuar për Kosovapresin rolin dhe funksionin e Këshillit Koordinues dhe çështjen se kujt do t'i japë llogari ky Këshilli Koordinues për punën e tij, AliAhmeti tha se Këshilli Koordinues do t'i japë llogari vetëm popullit shqiptar në Maqedoni. Me këtë përfaqësuesi politik I Ushtrisë Çlirimtare Kombëtare bëri të qartë se ky Këshill është dhe dotë jetë një organ dhe trup politik mbipartiak i shqiptarëve, që do të vendosë për proceset dhe të ardhmen e shqiptarëve në Maqedoni.
Ali Ahmeti tha se së shpejti do të mbahet edhe mbledhja e parë e Këshillit, ku do të shpallet edhe platforma dhe programi i punës së Këshillit Koordinues të Subjketit Politik të Shqiptarëve të Maqedonisë.
Ky është një hap shumë i rëndësishëm dhe se një hap të tillë shqiptarët do të dëshironin ta ndërmerrnin edhe maqedonasit, tha ai.
UT i shkruan Këshillit Koordinues të Shqiptarëve në Maqedoni: "Ndër prioritetet të jetë zyrtarizimi i Universitetit të Tetovës"
Shkup, 1 mars 2002
Universiteti i Tetovës i është drejtuar me një letër të hapur Këshillit Koordinues të Shqiptarëve në Maqedoni. Në këtë letër thuhet:
”Me rastin e themelimit të Këshillit Koordinues të Shqiptarëve në Maqedoni dëshirojmë t'ju përshëndetim dhe t'ju urojmë punë të mbarë. Ne duam të shpresojmë se ju duke qenë të vetëdijshëm për detyrat, obligimet dhe përgjegjësitë që jeni duke marrë kundrejt fatit të popullit shqiptar në Maqedoni, me anë të këtij Këshilli do të veheni në mbrojtje të interesave tona kombëtare, duke i nxjerrë në plan të parë ato që janë me rëndësi jetike për të sotmen dhe të ardhmen e popullit tonë. Ëndrra e bardhë, vullneti dhe nevoja ekzistenciale e shqiptarëve në Maqedoni prej kohësh ka qenë edukimi, emancipimi dhe arsimimi i mirëfilltë kombëtar që sot është bërë realitet me themelimin, me punën dhe traditën tetëvjeçare të Universitetit të Tetovës. Prandaj, një ndër prioritetet Tuaja dhe tonat me rëndësi të veçantë kombëtare duhet të jetë zyrtarizimi i Universitetit të Tetovës në bazë të dokumentacionit të tij përkatës, aq më tepër kur institucionet Tuaja që Ju i përfaqësoni në këtë Këshill janë një ndër ato që e kanë nënshkruar dhe vulosur Aktin e Themelimit të këtij Universiteti me status dhe financim shtetëror. Pikërisht kjo është edhe dëshira e popullit tonë, e 13.000 studentëve aty, 400 pedagogëve, e mijëra ushtarëve të Ushtrisë Çlirimtare Kombëtare që luftuan e dhanë jetën për këtë ideal të shenjtë, e intelegjencies sonë dhe e gjithë subjekteve tona politike dhe jopolitike shqiptare në Maqedoni. Ndodhemi para një momenti të përshtatshëm historik për zyrtarizimin e Universitetit të Tetovës dhe këtë mund ta bëjmë më shpejt dhe më lehtë me një bashkërenditje forcash, mendimesh dhe veprimesh tona që mund të dalin nga ky Këshill Koordinues. Me zyrtarizimin e Universitetit të Tetovës, ne do t'i kemi të gjitha ato gjëra hyjnore që na duhen jetësisht dhe po i kërkojmë e po sakrifikojmë shekuj me radhë: drejtësinë, barazinë, lirinë, paqen dhe demokracinë.
Për t'ia arritur këtij qëllimi human, fisnik dhe paqësor ne jemi të gatshëm të bisedojmë me të gjithë ata që janë të sinqertë dhe ia duan të mirën Universitetit të Tetovës"- thuhet në letërn e hapur të Senatit të Universitetit të Tetovës dërguar Këshillit Koordinues të Shqiptarëve të Maqedonisë.
Prishtinë, 1 mars 2002
Të enjten në Qirez dhe Likoshan u përkujtua katërvjetori i betejës së Qirezit dhe Likoshanit, ku edhe krisen pushkët e para të Ushtrisë Çlirimtare të Kosovës. Kjo betejë ishte një nga më të rëndat, ngase forcat policore, ushtarake dhe paramilitare serbe pas humbjeve të pësuara vranë e masakruan në shenjë hakmarrjeje 16 anëtarë të familjës Ahmeti, në mesin e të cilëve edhe një grua shtatëzënë dhe fëmjë. Në përvjetorin e katërt, në Qirez dhe Likoshan u organizua akademi përkujtimore, ku folën Ahmet Latifi, , Izet Ibrahimi, Murat Jashari, Zeqir Rexhepi, Xhevdet Ahmeti dhe familjarë të dëshmorëve. Pas akademisë, në vendin e qujtur tek Lisat, ku edhe filloi beteja e parë kundër forcave serbe, u zbulua lapidary i dëshmorëve të Qirezit dhe Likoshanit. Lapidarin e zbuloi Murat Jashari, anëtar i familjës së komandantit legjendar Adem Jashari.
Anëtari i kryesisë së nëndegës në Vllahi tërhiqet nga LDK-ja: Nuk dua të mbajë përgjegjësi për gabimet e partisë
Mitrovicë, 1 mars 2002 Kosovapress bën me dije se Xhylazim Peci, veprimtar shumëvjeçar i Lidhjës Demokratike të Kosovës (LDK) njëherit edhe anëtar i deritashëm I kryesisë së nëndegës 21-Vllahi, ka dhënë dorëheqje të parevokueshme nga anëtarësia e kësaj partie.
"Kam vendosur të japë dorëheqje të parevokueshme nga funksionet dhe anëtarësia e LDK-së”, ka deklaruar për mediat z.Peci, mësues në shkollën fillore "Isa Boletini" paralelja e ndarë në fshatin Zhazhë, aktivist i LDK-së që nga themelimi i saj, anëtar i kryesisë së nëndegës 21-Vllahi dhe kryetar i aktivit nr.2 i fshatit Zhazhë . Ndër shkaqet që e kanë shtyrë në një vendim të tillë ai ka theksuar "mospajtimet me disa hapa dhe veprime të pamatura dhe politikisht të dëmshme për çështjen tonë kombëtare të kreut më të lartë të LDK-së, siç ishte rasti me pranimin e kornizës kushtetuese të Kosovës, pastaj mosangazhimin e kreut të LDK-së për bashkëqeversije konstruktive dhe të mirëfilltë me subjektet tjera shqiptare me rastin e konstituimit të organeve më të larta të Kosovës të dala nga zgjedhjet e përgjithshme të 17 nëntorit në Kosovë, për shkak të pranimit të propozim statutit të komunës së Mitrovicës nga ana e delegatëve të LDK-së pa konsultim paraprak me elektoratin e vet, e sidomos pranimit të nenit 5 dhe të nenit 6 që janë në kundërshtim të drejtëpërdrejt me interesat e qytetarëve të fshatrave Kelmend, Boletin dhe Zhazhë".
Ajo që edhe më shumë e irriton këtë ish anëtarë të LDK-së është gjendja katastrofale në fshatrat Zhazhë, Boletin dhe Kelmend, ku mungon liria e lëvizjes dhe dominon papunësia totale. “Asnjë njeri nga Zhazha nuk punon dhe se në vitin 2001 nuk është ndertuar asnjë shtëpi edhe pse për këtë presin më shumë se 36 familje, të shpërndara nëpër Mitrovicë e gjetiu dhe tani nga 50 familje në këtë fshat jetojnë vetëm 20 familje. Unë nuk dua që për shkak të mosangazhimit të të kreut të LDK-së dhe udhëheqëve komunal të mbajë përgjegjësi për këtë gjendje”, tha ai.
Dy pjesëtarë të SHPK-së në Mitrovicë parandalojnë plaçkitjen e 500 mijë eurove
Mitrovicë, 1 mars 2002
Dy pjestarë të Shërbimit Policor të Kosovës(SHPK-së) kanë parandaluar të enjten një plaçkitje të madhe prej 500.000 eurosh para objektit të filialës së Bankës së RE të Kosovës, në qendër të Mitrovicës . Lidhur me këtë John Nill ,komandant i policisë së UNMIK-ut në rajonin e Mitrovicës në një konferencë për gazetarë ka falenderuar dy pjestarët e SHPK-së për guximin dhe profesinonalizmin e tyre që ka rezultuar me arrestimin e njërit nga plaçkitësit dhe kthimin e parave , si dhe menaxherin e bankës që ishtevu në ndjekje pas plaqkitëse. Komandanti i policisë, John Nill duke përshkruar këtë rast tha se rreth orës 11:40 të të enjtës menaxheri i bankës që mbate qantën me para dhe një roje deri sa ishin duke hyrë në bankë janë sulmuar nga dy shqiptarë të maskuar e të armatosur.Roja është gjuajtur në tokë dhe qanta me 500 mijë euro është marrë. Në kohën kur menaxheri ka filluar të ndjek të dyshuarit që iknin këmbë në drejtim të tregut, patrulla e biciklistëve e SHPK-së, që ishte duke partulluar në terren është vënë në ndjekje dhe njëri nga policët ka arritur të ndaloi të dyshuarin, i cili kishte qantën me para. Polici tjetër ka ndjekur të dyshuarin e dytë, i cili ka shtenë edhe me armë . Edhe pas kësaj polici ka vazhduar ta ndjek derisa i dyshuari ka hyrë në turmën e fëmijëve, jeta e të cilëve ka mundur të rrezikohej nga ndjekja e mëtutjeshme, tha komandanti i policisë Jon Nill. Ai tha se është paradaluar një plaçkitje dhe në burg kemi një të dyshuar, një armë dhe dy maska, ndërkohë që I bëri edhe një përshkrim të dyshuarin e dytë. Dy policët, Azem Sadiku dhe Afrim Shyti, poashtu kanë dhënë disa detaje rreth këtij parandalimi të plaçkitjës së parave. Z.Sadiku tha se pasi kishte marrë informata nga qytetarët është vënë në ndjekje dhe ka zënë të dyshuarin me qantën e parave në oborrin e një shtëpie private afër tregut. Zyrtaret e policisë nuk kanë dhënë identitetin e personit të ndaluar.
Administrata e Bushit kritikoi Tribunalin e Hagës
Uashington, 1 mars 2002
- Adiministrata e presidentit të Shteteve të Bashkuara, Xhorxh Bush kritikoi sot Tribunalin e Kombeve të Bashkuara për krime lufte në Hagë për ato që tha se janë gabime në profesionalizëm dhe menaxhment dhe se Tribunali duhet të kompletojë misionin deri në vitin 2008. Ambasadori amerikan për çështje të krimeve të luftës, Pjer-Rishard Prosper ka thënë se proceset janë të ngadalshme, të shtrejta, joefikase dhe, siç është shprehur tepër të bartura nga eksperienca e përditëshme e njerzve dhe viktimave.
LPK: Respektojmë marrëveshjen politike, por s’votojmë për Rugovën
PrishtinëLëvizja Popullore e Kosovës deklaron se e respekton të drejtën e subjekteve politike që të krijojnë koalicion, por apelon që në Kuvendin e Kosovës të votohet kundër kandidaturës së dr. Ibrahim Rugovës për kryetar të Kosovës. Në një prononcim të kësaj partie u bëhet apel edhe deputetëve të Partisë Demokratike të Kosovës, deputetëve të Aleancës për Ardhmërinë e Kosovës si edhe deputetëve të Lidhjes Demokratike që të votojnë kundër kandidaturës së z. Rugova, por për një kandidat tjetër të Lidhjes Demokratike të Kosovës.
Shtajner i jep fund markës: Tani me Euron, Kosova praën vendeve evropiane
Prishtinë Kryeadministratori i Kosovës, Mihajl Shtajner, shënoi sot simbolikisht përfundimin e përdorimit të markës gjermane. "Kosova në një aspekt është shumë më përpara se, për shembull, Danimarka, Suedia e Britania e Madhe, sepse Kosova është pjesë e vendeve që e kanë valutë euron", deklaroi Shtajner gjatë vizitës në Tregun e Gjelbër të Prishtinës. Markat e fundit gjermane Shtajner i shpenzoi duke blerë gjësende në treg. Ai tha se nuk është e rastësishme ardhja e tij në treg. Shtajner ka shtuar se me përfundimin e krijimit të institucioneve duhet të përqëndrohen në ekonomi. “Mbrëmë kam ndenjur deri vonë zgjuar duke u munduar ta ndihmojmë procesin e ndërtimit të institucioneve. Ka lidhje në mes të qeverisë dhe nxitjes së ekonomisë dhe kjo është arsyeja që kam ardhur këtu", tha Shtajner. Sipas tij, rëndësi e veçantë u duhet kushtuar ndërmarrjeve të vogla dhe të mesme.
E enjte,28 shkurt 2002
Të hënën seanca e ardhshme e Parlamentit të Kosovës
Prishtinë, 28 shkurt 2002
Sipas njoftimeve më të reja nga mediat publikuese kosovare dhe agjencisë së lajmeve KOSOVAPRESS,bëhet me dije se mbrëmë, pas arritjes së marrëveshjes ndërpartiake për bashkëqeverisjen në Kosovës, kryetari i Parlamentit, Nexhat Daci, ka thënë për gazetarët se senaca e ardhshme e parlamentare do të mbahet shumë shpejtë dhe aty do të formalizohohet marrëveshja.
Ndërkohë,seanca vijuese e Parlamentit të Kosovës do të mbahet të hënën e javës së ardhshme, kur do të vendoset për presidentin dhe kryeministrin e Kosovës.
Bajram Rexhepi, kandidat i PDK-së për kryeministër
Prishtinë, 28 shkurt 2002
I lindur më 3 qershor 1954, specialist në drejtimin kirurgjisë së përgjithshme, kryetari i Degës së PDK-së në Mitrovicë dhe njeri e veprimtar shumë reputativ në Mitrovicës, i angazhuar në radhë të Ushtrisë Çlirimtare të Kosovës gjatë kohës së luftës, është kandidati Partisë Demokratike të Kosovës për kryeministër.
Dr. Bajram Rexhepi ka qenë prefekti i parë Mitrovicës, pas çlirimit të Kosovës. Është i martuar, ka një vajzë dhe jeton në pjesën veriore të Mitrovicës, në shtëpinë e tij, në fshatin Suhodoll. Në momentin kur ka marrë lajmin se është njëri ndër kandidatët e mundshëm të PDK-së për kryeministër të Kosovës, dr. Rexhepi ka qenë duke e kryer punën e mjekut kujdestar në Shtëpinë e Shëndetit në Mitrovicë.
I vendosur, i qetë dhe i zgjuar, këto janë tiparet që karakterizojnë kryeministrin e parë të Qeverisë së Kosovës, të pranuar edhe ndërkombëtarisht.
Qytetarët e Mitrovicës kujtojnë angazhimin e tij të madh për kthimin e banorëve shqiptarë në shtëpitë e tyre në veri të Mitrovicës, bashkimin e qytetit të ndarë si dhe vendosmërinë e tij për të jetuar edhe vetë atje.
Thuhet se një ndër prioritetet e angazhimit të tij në rolin e kryeministrit të Kosovës do të jenë përpjekjet për bashkimin e qytetit të ndarë.
Bajram Rexhepi ka preferuar më parë se konceptin pacifist dhe të satus-quos të përfaqësuar nga LDK-ja, atë të rezistencës aktive dhe të veprimeve për çlirim. Kirurgu mitrovicas, me kohë ka braktisur radhët e LDK-së, ku ka bërë pjesë deri në fillimin e luftës, dhe iu është bashkuar atyre të Ushtrisë Çlirimtare të Kosovës. /marrë nga kps/
Kush është kandidati për president të Kosovës?
Prishtinë, 28 shkurt 2002
I edukuar për letërsi në Prishtinë e Sorbonë, Ibrahim Rugova ka një backgraund të bujshëm politik. Kritiku letrar me nam i Kosovës hyri në rrugën e politikës në fund të viteve të tetëdhjeta, në kohën e thyerjeve të mëdha në ish-Jugosllavinë e Titos dhe fillimit të shpërbërjes së saj. Atëkohë ai njëkohësisht ishte edhe kryetar i Shoqatës së Shkrimtarëve të Kosovës.
Ai në fillim u zgjodh kryetar i një shoqate të quajtur Lidhja Demokratike e Kosovës, e cila u formua në dhjetor të vitit 1989 nga një grup intelektualësh kosovarë. Ajo pretendonte që në këtë mënyrë të kanalizojë e sistemojë përpjekjet e mëtejme të shqiptarëve të Kosovës, që përbënin mbi 90 për qind të popullsisë së gjithmbarshme të saj, për të qenë të barabartë me popujt tjerë të ish-federatës.
Disa muaj më vonë, kur pluralizmi pranohet si sistem politik në ish-Jugosllavi, LDK-ja e udhëhequr nga Ibrahim Rugova regjistrohet në Beograd, në listën e gjatë të shumë subjekteve të sapokrijuara politike të hapësirës së atëhershme të ish-RSFJ-së.
Lideri karizmatik me shall rreth qafe, proklamonte rezistencën gandiste në Kosovë dhe arriti që për një periudhë të shkurtër kohe të frenojë kryengritjen spontane të shqiptarëve kundër represionit të vazhdueshëm të Beogradit mbi ta. Filozofia e tij dominuese në fushën e politikës kishte për esencë durimin dhe gjakftohtësinë.
Gradulisht nga rrethi i ngushtë i partisë së tij do të fillojnë të largohen emra të njohur intelektualësh shqiptarë të cilët kishin inicuar dhe kishin bërë themelimin e organizatës së quajtur Lidhja Demokratike e Kosovës. Besimin në këtë organizim të përbashkët filluan që në fillim të të nëntëdhjetave ta humbin edhe shumë grupe dhe organizata të shqiptarëve si në Kosovë ashtu edhe në emigracion, që përbëheshin nga njerëz të përndjekur nga regjimi i Beogradit. Këto organizata politike do të shqyrtojnë paralelisht strategji tjetër me atë të doktorit të letërsisë, i cili më parë se konfrontimin, preferonte dialogun dhe kompromisin me regjimin shtypës të Beogradit. Kryetari i LDK-së kishte gëzuar dy herë gjatë kohës së okupimit serb mandatin e presidentit të zgjedhur përmes zgjedhjesh të improvizuara në Kosovë (1992 dhe 1998), në të cilat zgjedhje kishte marrë pjesë mbi 90 për qind e popullsisë së Kosovës.
Lideri me shall, më 1997, kishte kundërshtuar edhe mbajtjen e protestave të studentëve të Universitetit të Prishtinës të cilët kërkonin lirimin e objekteve të tyre, nga të cilat që më 1991 ishin përzënë dhunshëm nga policia serbe. Fillimi i luftës në Kosovë, Ibrahim Rugovën do ta gjejë në pozicionin përballë saj. Ai për asnjë moment nuk e ka përkrahur luftën e Ushtrisë Çlirimtare të Kosovës, e cila veprimtarinë e saj e bëri të njohur publikisht më 28 nëntor 1997, në një fshat të Drenicës. Ndërkohë që kishte kundërshtuar siç e quante ai, metodën e konfrontimit me Serbinë qoftë me protesta apo edhe me luftë, lideri karizmatik kishte nënshkruar disa marrëveshje me regjimin e Milosheviqit rreth çështjeve të arsimit në Kosovë, marrëveshje këto që nuk u jetësuan kurrë.
Në vitin 1998, në kohën kur Kosovën veç e kishte përfshirë lufta e armatosur dhe kishin ndodhur dy masakra të mëdha të forcave serbe në Likoshan e Qirez dhe në Prekaz të Ultë të Drenicës, lideri pacifist kishte zhvilluar jo shumë ditë më pas dy takime publike në Beograd me Sllobodan Milosheviqin, ndërkohë që këto ditë mediat kanë bërë të ditur edhe për shumë takime sekrete atë kohë dhe para saj. Mediat vendëse kishin kritikuar vizitat e kryetarit të LDK-së në rezidencën e Milosheviqit.
Më 1 prill 1999, lideri karizmatik, me syze e shall rreth qafe, do të bëjë edhe një pelegrinazh në Beograd, në kuadër të negociatave me regjimin e Milosheviqit, ndërkohë që caqet e forcave të këtij të fundit tashmë kishte një javë që ishin vënë në thumb të bombave të NATO-s, pasi që pala serbe nuk kishte nënshkruar Marrëveshjen e pranuar nga shqiptarët, që u arrit në një konferencë ndërkombëtare për Kosovën, të mbajtur në një Kështjellë franceze të shek. XV. Analistët vendas dhe ndërkombëtarë kanë thënë se ishte lufta e UÇK-së ajo që inicoi angazhimin ndërkombëtar në nivel konference enkas për Kosovën. Atëbotë, delegacionin shqiptar në Rambuje e ka kryesuar 29-vjeçari, Hashim Thaçi, drejtor politik i UÇK-së, i arsimuar për histori në Prishtinë e Tiranë dhe për shkencat politike në Universitetin e Cyrihut. Dr. Ibrahim Rugova bashkë me akademikun dhe profesorin reputativ të Kosovës, Rexhep Qosjen, bënin pjesë poashtu si dy anëtarët tjerë të kryesisë së Delegacionit shqiptar në Rambuje.
Pas çlirimit të Kosovës, kryetari i LDK-së refuzon bashkëpunimin me Qeverinë e Përkohshme të Kosovës, të formuar nga UÇK-ja në bazë të Marrëveshjes së Rambujesë. Analistë dhe ekspertë të njohur të politikës kosovare e kanë quajtur indikativ faktin që Marrëveshjen e Rambujesë, pos regjimit të Milosheviqit nuk e pati njohur as kreu i LDK-së.
Në njërën nga seancat e fundit të parlamentit të Kosovës, kur kandidati i LDK-së, Ibrahim Rugova dështoi tri herë me radhë të marrë votat e mjaftueshme për president, një deputet i LPK-së ka kërkuar verifikimin e figurës së këtij kandidati dhe ka potencuar faktin, siç ka thënë ai, se ai ka një të kaluar të dyshimtë, nuk e ka pranuar UÇK-në dhe ka bashkëpunuar me regjimin e Milosheviqit, edhe më 1 prill 1999, në kohën kur edhe Aleanca Veriatlantike kishte filluar luftën kundër kryekriminelit të Ballkanit. Sipas Bedrush Çollakut, deputet i LPK-së në Parlamentin e Kosovës, Ibrahim Rugova ka nënshkruar marrëveshje me regjimin e Beogradit, në të cilën thuhej se është vendosur për një autonomi të Kosovës në kuadër të “RFJ”-së dhe për një Këshill Ekzekutiv kukull të saj, të propozuar nga Beogradi. Ai ka theksuar edhe faktin se Rugova para kamerave, siç ka thënë ai, “nga Beogradi ka kërkuar ndaljen e agresionit të NATO-s mbi “Jugosllavinë sovrane”
Ibrahim Rugova është kandidat i vetëm i LDK-së për president të Kosovës, ndërkohë që LDK është partia më e braktisur nga themeluesit e dikurshëm të saj. Braktisja e radhëve të kësaj partie e nisur në pjesën e parë të të nëntëdhjetave dhe e vazhduar edhe pas lufte, kur në një mbledhje të Këshillit të Përgjithshëm të saj janë larguar edhe disa emra të njohur, ka arritur kulminacionin kur ish-krahu i djathtë i Ibrahim Rugovës, dr. Bujar Bukoshi, kryeministër i qeverisë së ekzilit, ka paralajmëruar largimin nga partia dhe formimin e një subjekti tjetër politik.
LDK-ja e doktor Rugovës, e cila në zgjedhjet e improvizuara të viteve 1992 dhe 1998 kishte fituar shumicën e votave, në zgjedhjet e njohura ndërkombëtarisht të pasluftës ka treguar rënie të besimit në elektorat. Në zgjedhjet lokale të vitit 2000, kishte arritur të grumbullojë 58 për qind të votave, ndërkohë që në zgjedhjet parlamentare të 17 nëntorit të vitit 2001 ka grumbulluar reth 46 për qind të votave të elektoratit kosovar.
Në seancën e ardhshme të Parlamentit të Kosovës për kandidaturën akoma të pandryshuar të LDK-së, do të votojnë të gjithë deputetët. Në bazë të marrëveshjes, deputetët e partive rivale, veçanërisht PDK dhe AAK dhe 10 deputetë të minoriteteve joserbe, pritet të marrin pjesë në votim, mirëpo asnjëri nga ta nuk ka theksuar se do të votojnë për apo kundër kadidatit të propozuar për president të Kosovës./nga kosovapress/
Qyetarët e Kosovës të zhgënjyer dhe të mashtruar me këmbimin e markës në euro
Prishtinë, 28 shkurt 2002- Ndonëse sot është dita e fundit e përdorimit të markës gjermane në Kosovë, qytetarët në rreshta të gjatë qëndrojnë para bankave për të këmbyer paratë e mbetura. Ndërkohë sot dyqanet tregtare dhe kafiteritë nuk pranojnë më markën si mjet pagese dhe kanë vënë mbishkrimet se pagesat i bëjnë vetëm me euro.
Në bazë të përshtypjeve të qytetarëve ata fare nuk janë të kënaqur me procesin e zhvilluar këta dy muajt e fundit të këmbimit të valutave dhe ndjehen të zhgënjyer dhe të mashtruar suidomos nga bankat komerciale, të cilat kanë shfrytëzuar rastin për t'u pasuruar me provizione shumë të larta edhe deri në 2 për qind, ndonëse Autoriteti Bankar i Pagesave kishte lejuar vetëm 0.5 për qind. Në anën tjetër edhe tregtarët kanë shfrytëzuar momentin për t'i ngritur çmimet tejmase.
Barani dëshmon se të dhënat i Milosheviqit janë të rreme
Prishtinë, 28 shkurt 2002 Ç’do seancë e re në Tribunalin e Hagës, dëshmon me fakte të pamohueshme që sjellin dëshmitarët shqiptarë, për kasapin e ballkanit lidhur me krimet që i ka bërë në Kosovë. Seanca e sotme, ku dëshmitari Halit Barani, kryetar i KMDLNJ-së për Mitrovicë, u ballafaqua më të akuzuarin për krime lufte, ishte më e rënda për kryekriminelin e fundëshekullit të kaluar. Dëshmitari i sotëm Barani posedonte të dhëna më të sakta se sa ato të sherbimit informativ të Serbisë, të cilat “informojnë” kryekriminelin serb Milosheviq për tu mbrojtur në gjykimin që po mbahet kundër tij. Edhe pse në bankën e të akuzuarit, Milosheviq nuk iu shmang tentimeve që për krimet mbi shqiptarët të urdhëruara nga ai t`i akuzoi të tjerët. Këtë herë, edhe në detajet më të vogla për ngjarjet që kanë ndodhur në komunën e Mitrovicës me rrethinë , gjatë kohës së luftës, demantohej nga dëshmitari okular, Halit Barani, i cili gjatë tërë kohës së luftës ka qendruar në Mitrovicë dhe në fshatrat përreth. Në përpjekjet e tij, i akuzuari bie thellë e më thellë në gabimet më elementare siç ishte rasti kur tha për Artim Jasharin, i vrarë nga forcat serbe, se “është djali i Bislim Jasharit dhe nipi i Adem Jasharit”. Ndërkohë që dëshmitari Barani saktëson se “Artmi ishte nipi i Bislim Jasharit dhe kushëri i Adem Jasharit”. Se Milosheviqi posedon me të dhëna falso dhe të gënjeshërta dëshmon edhe fakti kur ai peyt “a e njihni policin Lulzim Ademi”. Lulzim Ademi nga Mitrovica, i vetëquajtu Drazha Mihailoviq, gjatë luftës ka bërë krime të rënda mbi popullsinë shqiptare së bashku me njësitet paramilitare serbe. I pyetur nga kryekrimineli i Ballkanit për kinse pwr vrasjen e babait të Lulzim Ademit nga UÇK-ja, dëshmitari Barani ia bëri me dije të akuzuarit se “babai i Lulzim Ademit është i gjallë dhe jeton në fshatin Braboniq” dhe se të dhënat e tij janë të rreme.
E mërkurë, 27 shkurt 2002
Në Reçicë të Tetovës sot është formuar Këshilli Koordinues i Partive Politike të Shqiptarëve në Maqedoni
Tetovë, 27 shkurt 2002 - Në Reçicë të Tetovës sot është formuar Këshilli Koordinues i Partive Politike të Shqiptarëve në Maqedoni. Duke komentuar formimin e këtij këshilli, Hajrullah Misini, i njohur si komandant Shpati, tha se Këshilli ka për qëllim të përshpejtojë procesin e implementimit të mirëfilltë të Marrëveshjes së Ohrit, të nxisë proceset e integrimit të Maqedonisë në strukturat evropiane dhe veriatlantike, të përshpejtojë procesin mirëbesimit e pajtimit ndërtenik, të marrë përgjegjësinë që artikolojë dhe të përfaqësojë tërësinë e interesit kombëtar e demokratik të shqiptarëve në Maqedoni dhe në institucionet ndërkombëtare. Ndërkaq Arbër Xhaferi, lider i PDHS-së mendon se ky këshill është një nga projektet më serioze që ka arritur të realizojë populli shqiptar në Maqedoni. "Të kishim pasur më herët këshëll të tillë koordinues me siguri shumë procese do të përshtpejtoheshin që të arriheshin rezultate më të mëdha", tha ai.
Sipas Ymer Ymerit, kryetar i PPD-së, kjo është një sihariq i mirë për popullin shqiptar në Maqedoni. "Ne shpresojmë se kjo është një nismë shumë fisnike që do të jetë edhe një këshill pajtimtar për subjektet e deritashme politike shqiptare".
Ndërsa Teuta Ajeti nga PDK u shpreh se formimi i Këshillit është një punë shumë fisnike nëse punohet me sinqeritet dhe atëherë edhe përfundimet do të jenë të mira.
Këshilli përbëhet nga nëntë anëtarë: nga ish-UÇK-ja do të jenë 3, nga PDSH, PPD e PDK nga dy anëtarë.
Shumë qytetarë u bënë nderimet e fundit vëllezërve Bytyçi
Prishtinë, 27 shkurt 2002 - Në njoftimin më të fundit të Qendrës Informative të Kosovës-(QIK-ut)thuhet se shumë qytetarë të Prishtinës e Kosovës, përfaqësues të Zyrës amerikane, përfaqësues politikë e ushtarakë, bashkëluftëtarë dhe familjarë u përshëndetën për herë të fundit me vëllezërit Yll, Agron e Mehmet Bytyçi, luftëtarë të batalionit "Atlantiku" nga Amerika. Arkivolet ishin të mbuluara me flamuj amerikanë dhe shqiptarë, kurse qytetarët duke parakaluar i mbulonin me lule. Arkivolet me trupat e vëllezërve Bytyçi qëndruan para Teatrit Kombëtar, ku Ahmeti babai i tre bijve rrinte krenar para tyre duke pritur qytetarët që parakalonin për t'u përshëndetur me dëshmorët. Poashtu aty ishte edhe ambasadori amerikan Uiliem Uoker, ish shef i Misionit verifikues të OSBE-së në Kosovë më 1998/99. Zoti Uoker tha se kjo është një dhembje e përbashkët e amerikanëve dhe shqiptarëve, duke shtuar se shumë kohë ka kaluar mes shqiptarëve dhe e di se sa kanë qenë të tmerruar kur kanë kuptuar për vrasjen e tre vëllezërve Bytyçi. Rreth orës 15.00 funerali me arkivolet e vëllezërve Bytyçi parakaloi rrugës kryesore Nëna Tereze dhe pastaj arkivolet janë vendosur në palestrën e sporteve "1 Tetori", ku në orën 16,00 do të mbahet një mbledhje përkujtimore.
Nga ora 12,00 bëhën nderimet e fundit për tre vëllezërit Bytyçi vullnetarë të UÇK-së
Prishtinë, 27 shkurt 2002 Sot Para Teatrit Kombëtar, në Prishtinë,(nga ora 12,00 deri në 15,00) bëhen nderimet e fundit për tre vëllezërit Bytyçi vullnetarë të UÇK-së nga Amerika,në prag të përcjelljes së tyre për në SHBA, shtetas të të cilave ishin këta luftëtarë të devotshëm të luftës së Kosovës për liri, Prej orës 15,00 deri në 16,00, dëhmorët do të nderohen përgjatë rrugës kryesore, nga teatri deri në palestrën e sporteve “Një Tetori”, ku në orën 16,00 do të mbahet Tubimi i fundit lamtumirës i bashkëluftëtarëve dhe bashkëkombasve të tyre në Kosovë.
Halit Berani rrëfen në Hagë për krimet e mizoritë serbe në Mitrovicë me rrethinë
Hagë, 27 shkurt 2002 - Në Gjyqin e Hagës sot në mesditë u paraqit Halit Berani, veprimtar i LDK-së dhe kryetar i Nënkëshillit për Mbrojtjen e të Drejtave dhe Lirive të Njeriut, dega e Mitrovicës. Ai pasi tha se për të gjitha këto që rrëfen ka dëshmi, ka bërë regjistrime fotografike dhe në video, në pyetjen e prokurorit se sa herë është arrestuar nga policia serbe, tregoi para trupit gjykues se për shkak të veprimtarisë së tij, është arrestuar 76 herë nga policia serbe, është keqtrajtuar rëndë shtatë herë, ndërsa zyra e tij vazhdimisht është bastisur, janë marrë dokumentacioni material, i cili ka provuar për keqtrajtimet e policisë ndaj shqiptarëve të këtij rajoni. Policët ia kanë marrë buletinët e Këshillit, ku flitej për rastet e dhunës, emrat e atyre serbëve, që kanë ushtruar dhunë ndaj popullatës shqiptare. Rrëfimi i tij filloi për vitin 1989, për kur dëshmoi se në demonstratat e shqiptarëve në Mitrovicë me 27 mars, janë vrarë 5 shqiptarë dhe janë plagosur e arrestuar dhjetra të tjerë. "Ata u vranë nga policia serbe me armë zjarri", tha ai në dëshminë e tij para gjyqit. Në vazhdim veprimtari Berani, tregoi për përjashtimin e shqiptarëve nga puna, kur u bëhej shantazh që të nënshkruanin dokumentin se ata e pranojnë republkikën e Serbisë si republikë të veten. Ata që nuk e nënshkruanin një dokument të këtillë përjashtoheshin nga puna. Ai e kishte sjellë origjinalin e këtij dokumenti në gjyqin e Hagës, që u lexua dhe u prezentua para të gjithëve, i përkthyer edhe në gjuhën angleze. Z. Berani pastaj tregoi se me 1993 mbi 250 policë shkuan në fshatin Çabër, bastisën e demoluan shtëpi, keqtrajtuan shqiptarë etj. Ai tha se pasojat e inkursionit të policisë i kishte parë vetë dhe i kishte xhiruar e fotografuar. "I njejti fshat në mars të vitit 1999, është rrethuar nga policia serbe, kur janë pushkatuar 14 fshatarë shqiptarë, katër ende evidencohen si të zhdukur. Fshati është djegur tërësisht, ndërsa popullata është dëbuar", tha në dëshminë e tij Halit Berani. Më 15,16,17 mars të vitit 1998, vazhdoi dëshminë z.Berani, ushtria e policia serbe morën ofensivë të gjërë në fshatrat e Shalës, kur vranë 16 shqiptarë, burra e gra, dëbuan shumë sish nga shtëpitë e tyre dhe dogjën pjesërisht 12 fshatra. Pastaj ai tha se në Stantërg janë vrarë katër shqiptarë, në Kaçandoll gjashtë, ndërsa në fshatrat tjera nga një. Më 5-7 mars në fshatin Prekaz të Poshtëm të Skënderajt ushtria serbe vrau 57 shqiptarë, prej të cilëve 20 nga familja Jasharaj, dogjën të gjitha shtëpitë, pastaj kufomat i morën në Prishtinë, për t'i kthyer pastaj sërish. Ai tha se ka parë tanket serbe, duke lëvizuar nga Fabrika e municionit në Skënderaj drejt fshatit Prekaz. Më 13 mars 1998, vazhdoi dëshmitari Berani, në Tregun e Mitrivicës, ditën e pazarit, ushtria dhe policia serbe kanë hedhur tri granata në mes të tregut. Me atë rast kanë vdekur shtatë shqiptarë, janë plagosur mbi 90 të tjerë, emrat e të cilëve ka arritur t'i evidencojë, tha ai, sepse ka pasur edhe më shumë, ndërsa gjashtë prej të plagosurve kanë mbetur të gjymtë edhe sot e kësaj dite. Berani dëshmoi edhe për vrasjen e Latif Berishës, kryetar i degës së LDK-së në Mitrovicë dhe profesor universitar. "Më 24 mars, pas orës 23,30 hynë në shtëpinë e Latif Berishës serbë të maskuar, e nxorën Berishën nga dhoma dhe e pushkatuan para derës së shtëpisë". Poashtu, Agim Hajrizin, kryetar i Sindikatës, po atë natë njerëz të maskuar e kanë pushkatuar atë, nënën e tij dhe djalin 11-vjeçar. Më 25 mars ushtria serbe që i kishte kazermat në Mitrovicë, kanë hyrë në lagjena fqinje të kazermës, duke shtënë me armë zjarri, i kanë dëbuar shqiptarët pjesërisht nga shtëpitë dhe u kanë thënë të nisën në Shqipëri. Brenda tri ditëve janë dëbuar të gjithë shqiptarët e asaj lagje që kishte 8000 banorë, tha zoti Berani. Dëshmia e tij dhe përgjigjet në pyetjet e të akuzuarit vazhdojnë në seancën e pasditës.
Sot në mbrëmje mund të nënshkruhet një marrëveshje për formimin e qeverisë së Kosovës
Prishtinë, 27 shkurt 2002 -Spas njoftimeve më të fundit nga burimet informative kosovare,bëhet me dije se dje dhe sot kreyadministratori Mihael Shtajner i ka përfunduar takimet me liderët kryesorë politikë rreth formimit të institucioneve të Kosovës. Sot Shtajner ka biseduar me kryetarin e LDK-së Dr.Ibrahim Rugova, por asnjëri nga bashkëbiseduesit nuk janë pronocuar për media. Në bazë të lajmeve që qarkullojnë sot, por që nuk janë konfirmuar, merret vesh se LDK-ja do të marrë postin e presidentit, kurse posti i kryeministrit do t'i takojë PDK-së. Në qeverinë e Kosovës LDK-ja do të marrë pesë ministri, nga dy ministri PDK-ja dhe AAK-ja, kurse nga një minoriteti serb dhe një minoritetet e tjera. Pra do të formohen edhe dy ministri nga nëntë sa parashihte Korniza kushtetuese. Deri në orët e mbrëmjes PDK-ja duhet të dërgojë emrin e kryeministrit, e pastaj mund të nënshkruhet një marrëveshje e partive politike me administratorin Shtajner. Sipas njoftimeve presidenti dhe qeveria do të votëbesohen në paketë në një mbledhje të Kuvendit të Kosovës.
Prapë arrestime të shqiptarëve nga policia maqedonase
Shkup, 27 shkurt 2002 - Dje qeveria e mbështeti tekstin e propozimligjit për amnesti, kurse në orët e mbrëmjes policia ndërmori aksion për arrestimin e ish pjesëtarëve të UÇK-së. Në lagjen e Seravës dhe Gazi Babës mbrëmë janë bastisur disa shtëpi. Në mungesë të një ish-luftëtari policia arreston babanë e tij Abdyl Llamallari, Musa Llamallarin, ish-ushtar, së bashku me bashkëshorten dhe dy fëmijët e mitur, Xhemil mbiemrin e të cilit nuk e mësuam dhe një mysafir i cili rastësisht ka qëlluar në shtëpinë e tyre. Policia ka arrestuar edhe Fatmiren nga Kumanova, motra e së cilës humbi jetën në konfliktin e armatosur në rajonin e Likovës si dhe nusen e vëllait të saj Safeten. Policia maqedonase ka arrestuar edhe Hamzi Muratin në vendkalimin kufitarë të Bllacës. Se ku saktësisht ndodhen këta të arrestuar askush nuk di. Nga aksionet e fundit policore shihet qartë se kush nuk dëshiron rikthimin e paqes e as respektimin e ligjit për amnesti i cili duhet së shpejti të miratohet edhe nga parlamenti maqedon. Vetë policia maqedonase tensionon gjendjen në Maqedoni, thonë shqiptarët e këtushëm të cilët janë befasuar shumë nga arrestimet e fundit. Shtëpitë e bastisura ka vizituar misioni i OSBE-së në Shkup, por jo edhe ekipet televizive të redaksive shqipe në Shkup edhe pse janë njohtuar me kohë.
Letër falenderimi nga Familja Gërvalla Prishtinë
27 shkurt 2002 Në nje letër dërguar redaksisë së Kosovapress-it nga Familja Gërvalla (fëmijët dhe bashkëshortja e Jusuf Gërvallës), thuhët : Ne, bashkëshortja dhe fëmijët e Jusuf Gërvallës, dëshirojmë të falenderojmë dhe t’i shprehim mirënjohjen tonë popullit të Kosovës dhe të gjithë atyre, që kanë udhëtuar me qindra kilometra nga të gjitha trojet shqiptare dhe nga diaspora, dhe të cilët me atë pritje madhështore dhe me nderimet e fundit të bëra për tre bijte e vet, na e lehtësuan dhimbjen shumëfish. Me këtë rast dëshirojmë të falenderojmë edhe komunat e Deçanit, të Prishtinës dhe të Pejës, të gjithë banorët e Dubovikut dhe të fshatrave përreth, si dhe personelin e aeroportit të Prishtinës për mirëkuptimin dhe për ndihmën, që i ofruan familjes, duke bërë të mundur një varrim dinjitoz dhe në përputhje me kërkesat tona, të shprehura edhe publikisht. Në këtë kuadër, falenderojmë Kryetarin e Kuvendit të Kosovës, prof. Nexhat Daci, të gjitha institucionet, partitë politike dhe personalitetet e ndryshme për pjesmarrjen e tyre si dhe per respektin e treguar ndaj dëshirës së familjes së Jusufit, që ky rivarrim të mbahet dhe të përfundojë si një ceremoni familjare, pa ngjyrime politike dhe pompozitete të rastit. Megjithatë, kjo kërkesë e fëmijëvë të Jusufit nuk u respektua plotësisht gjatë rivarrimit dhe ky rast u shfrytëzua për ta instrumentalizuar politikisht ceremoninë, gjë për të cilën shprehim habinë dhe keqardhjen tonë. Së fundi, dëshirojmë të shprehim kënaqësine tonë se pas 20 vitesh, arritëm të kthejmë në vendlindje eshtrat e babait tonë, Jusuf Gërvalla, duke çuar në vend amanetin e tij për t’u varrosur në fshatin e tyre të lindjes, Dubovik. Me mirënjohje të thellë, Bashkëshortja dhe fëmijët e Jusuf Gërvallës , thuhët në fund të letrës
Spastrimi etnik i qytetit të Pejës nën kërcënimin e terrorit të policisë e të ushtrisë serbe
Hagë, 27 shkurt 2002 - Gjyqi Ndërkombëtar i Hagës, pas shqyrtimeve procedurale, vazhdoi sot seancën me dëshminë e Besnik Sokolit nga Peja. Ai rrëfeu për spastrimet etnike të shqiptarëve nga qyteti i tij, granatimit të periferisë së qytetit, djegies së shtëpive e lagjeve të tëra. Z. Sokoli dëshmoi para trupit gjykues së në qytet mbretëronte një panik i përgjithshëm, qysh më 24 mars, ndërsa ditët vijuese ishin edhe më të rënda. Pas peripecive të shumta, tha Sokoli, policia na grumbulloi në qendër të qytetit, përkatësisht para hotel "Metohisë", ku më 28 mars ishin rreth 30.000 veta, gra, burra, fëmije, të cilëve u tha se do t'i dërgonin me autobusë dhe me kamionë transportues për në Mal të Zi. Krahas autobusëve të cilët ngarkoheshin me shqiptarë të dëbuar, nën mbikqyrjen e policisë dhe nën drejtimin e autobusëve nga ta, Sokoli tha se rreth kësaj popullate të grumbulluar me dhunë silleshin policë të armatosur me vetura policie, autoblinda, por edhe dy tanke ushtarake silleshin në afërsi. Ai tregoi për sjelljen e vrazhdë të policisë ndaj popullatës civile e të pambrojtur. Atë personalisht e morën 6 policë serbë, e futën në lokalet e hotelit dhe e keqtrajtuan disa orë, duke i thënë "Ku është NATO tash, ku është UÇK-ja" etj. Prej 25 marsit të vitit 1999 deri me 27 mars ka pasur granatime të vazhdueshme në Zatra të Pejës. Më 28 mars, dëshmon Sokoli, se ka parë dyqane të boshatisura, të plaçkitura dhe të thyera. "Kam vërejtur shumë policë të armatosur në qytet, ndërsa qyteti ishte i boshatisur. Vendasit tregonin se policia po vret shqiptarë dhe po djeg shtëpi. Derisa u nisëm për në Rozhajë këmbë, policia na ktheu në udhëkryqin e rrugës për në Rozhajë dhe na dëtyroi që t'i bashkangjitemi turmës para hotel "Metohisë", tha ai. Zoti Sokoli ishte punëtor i Misionit vëzhgues të OSBE-së, ndërsa kishte frikë për sigurinë e tij personale, sepse dihej qëndrimi armiqësor i serbëve ndaj vëzhguesve ndërkombëtarë. Ai tha se nuk u shpërngul nga Peja se ua kishte frikën bombardimeve të NATO-s, sepse si tha ai shtëpia e tij nuk ishte në afërsi të ndonjë stacioni policie, apo barakave të ushtrisë, por terrori e dhuna në Pejë ishte tepër e madhe, frika e jashtëzkonshme. Me autobusë, vazhdoi rrëfimin e tij, z. Sokoli, të cilët i vozisnin policët, ai dhe shqiptarë të tjerë janë dërguar në Prizren, prej aty, poashtu në përcjellje të policisë janë dërguar në kufirin shqiptar, ku policia serbe ua mori dokumentet e identifikimit e të tjerëve edhe tabelat e veturave, ndërsa në Shqipëri ka arritur më 29 mars të vitit 1999. Me 16-17 qershor është kthyer në Pejë ku e ka gjetur shtëpinë e djegur.
Nekibe Kelmendi: Gjyqi i Hagës ka shumë prova e dëshmi për kriminelin Millosheviq dhe krimet e serbëve në Kosovë
Prishtinë, 26 shkurt 2002- Nga Tribunali Ndërkombëtar i Hagës u kthye në Prishtinë, Nekibe Kelmendi, sekretare e përgjitshme e LDK-së dhe një nga dëshmitarët e Tribunalit, dëshmia e së cilë është deponuar. Ajo gjatë qëndrimit në gjykatoren e Tribunalit ka përcjellë gjykimin e Millosheviqit poashtu, por ka mbajtur disa konferenca shtypi dhe ka dhënë shumë intervista për mediat më të fuqishme elektronike në botë në të cilat ka folur për krimet serbe në Kosovë. Duke folur për përshtypjet e saj nga gjyqi i Hagës, zonja Kelmendi tha: - Kur Millosheviqi i ka filluar krimet në Kosovë, ai nuk ka menduar se do të formohet një Tribunal ndërkombëtar për krimet që i ka bërë ai. Edhe kur është formuar Tribunali, ai nuk ka menduar se një ditë do të ekstradohet në këtë gjyq dhe, se do të përgjigjet për krimet e veta. Ndërkaq duke folur për vetë procesin kundër Millosheviqit, ajo tha: - Mendoj se ky është një proces historik, një proces i shekullit. Është hera e parë pas 50 vjetesh një kryetar shteti. Ndërkaq, sipas qëndrimit që ka dhe me krimet që ka bërë, Millosheviqi nga dallon nga Hitleri. Gjatë këtij procesi është duke u shkruar një kapitull i përgjakshëm i historisë shqiptare në Kosovë me dëshmitë, shpalimet e përmasave të krimit, - thotë zonja Kelemendi. Sllobodan Millosheviqi, i akuzuar për krime lufte dhe gjenocid gjatë seancave të deritashme shihet se ai nuk ka ndryshuar, as me qëndrime dhe tregon se nuk është penduar për krimet që i ka bërë, përkundrazi ai edhe më tutje është tejet agresiv ndaj trupit gjykues, ndaj viktimave dhe ndaj dëshmitarëve, thotë Nekibe Kelmendi deh shton se Millosheviqi gjatë seancave gjuqësore asnjëherë nuk përpiqet t'i pyesë dëshmutarët për krimet që i ka bërë ai dhe ushtria e policia e tij në Kosovë, por vazhdimisht përpiqet që të krijojë konfuzion në rrëfimin e dëshmitarëve, t'i dezorientojë, duke synuar zhvlerësimin e dëshmive të tyre. Ndërkaq, nga informacioni që ka i akuzuari Millosheviq, shihet qartazi se megjithatë është realizuar ai premtimi i një zyrtari të lartë të Beogradit, i quajtur Dragolub Miqunoviq, i cili para fillimit të gjykimit tha se do të formohen ekipe ekspertësh që do ta ndihmojnë Millosheviqin në mbrojtjen gjyqësore. "Mendoj se në këtë proces gjyqësor Millosheviqi ka ndihmën e Beogradit zyrtar dhe ndihmën e KGB-së ruse, sepse ka informacion të bollshëm dhe të detajizuar për dëshmitarët, për vendet e zonat. Ai duket se ka pasur dhe ka njerëz në Kosovë, të cilët edhe sot e kësaj dite mbledhin të dhëna e shënime që i duhen të akuzuarit për t'u mbrojtur. Këto të dhëna duket se i dërgohen me postën elektronike dhe me forma të tjera të komunikimit", është e bindur zonja Kelmendi. Sipas saj janë dy arsye që serbët dhe zyrtarët e lartë të Beogradit e ndjekin me simpati dhe e ndihmojnë mbrojtjen e Millosheviqit. Shihet se ai ka ithtarë të shumtë në mesin e zyrtarëve të lartë dhe në mesin e të rinjve, por edhe për ta shfajësuar Jugosllavinë e mbetur si shtet dhe njëkohësisht për ta shfajësuar popullin serb nga përgjegjësia kolektive dhe ndëshkimi kolektiv. Megjithatë, shton zonja Kelmendi, Millosheviqi është i ballafaqur me prova të pakontestueshme. Por, ajo thotë se vërejtjet e saja ndaj Gjyqit Ndërkombëtarë të Hagës janë se gjyqtarët kanë qëndrim të butë, përkatësisht qëndrim jashtëzakonisht tolerant ndaj kërkesave të Millosheviqit. Ai është i burgosuri më i privilegjuar. Pastaj gjuqi toleron që i akuzuari të dalë jashtë esencës, duke u marrë me çështje periferike, ose fare të parëndësishme për këtë proces. Lejon që ai vazhdimisht ta fyejë institucionin e gjyqit dhe të gjyqtarëve. "E kuptoj sistemin gjyqësor anglo-sakson, por nuk është e udhës dhe nuk është korrekte që i akuzuari për krime lufte dhe gjenocid të maltretojë dhe të fyejë dëshmitarët", thotë ajo. "Ndërkaq e kuptoj qëndrimin e tij ndaj viktimave, ai është i paskrupullt, është monstrum, sepse ai po ua bën vrasjen e dytë në mënyrën se si po sillet në gjyq", nënvizoi zonja Kelmendi. Nekibe Kelmendi thotë se është formuar njëfarë "komiteti për mbrojtjen" e Millosheviqit me një avokat francez të quajtur Verzhe. Ai komitet, thotë znj. Kelmendi, bën propagandë të ulët se kinse viktimat në radhët e shqiptarëve janë shkaktuar nga bombardimet e NATO-s, se shqiptarët janë shpërngulur si pasojë e këtyre bombardimeve, pastaj ka edhe një tezë të çoroditur se kinse raportet serbo-shqiptare kanë qenë krejtësisht normale deri në paraqitjen e forcave të UÇK-së etj. Poshtu në bazë të vrojtimit, znj Kelmendi thotë se shihet se Millosheviqi i ka kontrolluar të gjitha hallkat e aparatit represiv policoro -ushtrak serb. Kështu, kur flet për masakrën ndaj familjes Jasharaj, ai nuk ngurron të thotë se u kanë dhënë afat dy orë që ta braktisin shtëpinë, pra ai e ka ditur në detaje masakrën dhe vrasjen e kësaj familjeje, apo të masakrave të tjera që kanë ndodhur në Kosovë. Ose rasti tjetër, kur thotë se i ka urdhëruar forcat policore që të mos shtiejnë në popullatën civile, edhe nëse në mesin e tyre ka pjesëtarë të UÇK-së. "Mendoj se ky është fillimi i gjykimit të Millosheviqit, ndërsa ai do të ballafaqohet me prova e dëshmitarë të drejtpëdrejtë, por edhe me dëshmi të deponuara", thekson në vazhdim zonja Kelmendi. "Dihet se Tribunali i Hagës ka marrë në pyetje 1300 dëshmitarë. Nga ata dëshmitarë edhe mua më kanë marrë në pyetje tri herë nga Tribunali i Hagës. Pra, ka paralajmërime se edhe unë do të jem dëshmitare në gjykimin kundër kriminelit Millosheviq", thotë ajo dhe shton se ka fakte për ekzistimin e planit për spastrimin etnik, deportimin e shqiptarëve nga Kosova, si dhe prova e materiale të tjera që e bëjnë të bazuar akuzën kundër tij. Zonja Kelmendi thotë se gjatë qëndrimit në Hagë ka qenë e përcjellë nga shërbimi sekret i Sërbisë, gjë që ka paraqitur rrezik për jetën e saj, por, vazhdon ajo, megjithatë "unë jam paraqitur para mediave elektronike dhe të shkruara dhe kam mbajtur shumë konferenca shtypi", tha në fund të deklaratës dhënë QIK-ut zonja Nekibe Kelmendi, lidhur me përshtypjet e saja në Tribunalin e Hagës.
E marte,26 shkurt 2002
Shtypi në Kosovë e quan vrasje të dytë rivarrimin e ndarë të dëshmorëve të lirisë
Prishtinë, 26 shkurt 2002 “Vrasja e dytë e heronjve”, “Pse Dubovika e Dukagjini tradhtuan Jusufin e Bardhoshin”, “Në varrezat e Bad Canstatt-it askund flamuri kombëtar, askund lulet e lamtumirës për Jusifin, Kadriun e Bardhoshin”, “Ata nuk është dashur të ndahen, por të paraqesin simbolin e bashkimit” janë vetëm disa nga titujt në gazetat e sotme ditore “Epoka e Re” dhe “24 Orë” që botohen në Prishtinë dhe që i kushtohen kthimit nga Gjermania të eshtrave të vëllezërve Gërvalla dhe Kadri Zeka pas njëzet vjetësh dhe rivarrimit të tyre të ndarë në vendlindjet e tyre. Në të vërtetë, edhe te qytetarët e Kosovës, rivarrimi i ndarë i dëshmorëve të lirisë, ka hasur në një revoltë të madhe. Sidomos i shihet për të madhe familjes Gërvalla, e cila (sipas zëdhënësit të Shtabit të Përgjithshëm të TMK-së, Shemsi Syla), pos që nuk pranoi që rivarrimi të bëhet në varrezat e dëshmorëve në Prishtinë, nuk ka pranuar që pjesëtarët e TMK-së t’i përcjellin eshtrat e vëllezërve Gërvalla për në vendlindjen e tyre në Dubovikë të Deçanit, ku edhe u bë rivarrimi i tyre. Një paradoks tjetër ka ndodhur në rivarrimin e eshtrave të vëllezërve Gërvalla. Në të vërtetë, në rivarrim kanë marrë pjesë edhe aso personalitetesh, të cilët në kohën kur ranë dëshmorë vëllezërit Gërvalla dhe Kadri Zeka, ishin në strukturat udhëheqëse politike dhe ushtarake të sistemit komunist titist, siç është rasti me Ibrahim Rugovën dhe Tahir Zemajn. Në atë kohë, Ibrahim Rugova ishte sekretar i Lidhjes së Komunistave në Institutin Albanologjik në Prishtinë, cili madje kishte kërkuar të diferencoheshin të gjithë kolegët e tij që kishin përkrahur demonstratat e ’81-shes dhe kërkesat për Kosovën Republikë, për të cilën ranë dëshmorët e lirisë. Ndërsa Tahir Zemaj, në kohën kur UDB-ja jugosllave vrau në pritë dëshmorët e lartëpërmendur, ishte në KOS-in jugosllav! Në vështrimin e autorit Rasim Selmanaj, në gazetën më të re në Kosovë “24 Orë”, që ka filluar para do kohësh të botohet në Prishtinë, ndër të tjera thuhet: “Kasta e njerëzve, që asnjëherë nuk e vizituan Dubovikun, ata që më penguan në kujtimin dhe nderimin e dëshmorëve për vite të tëra, ata që ma dërguan policinë serbe për të më penguar në këtë mision të shenjtë, sot i pashë tek silleshin vërdallë rreth truallit të familjes Gërvalla. Kurrë nuk e kam besuar se në Kosovën e pasluftës do të ndodhin gjëra kaq të shëmtuara. Në fillim nuk e kam ditur, pos as besuar se po këta njerëz do ta marrin bekimin e familjes Gërvalla për t’i ndarë dëshmorët, madje për të shkuar edhe më larg, deri te mospranimi i pjesëmarrjes në nderim ndaj tyre edhe të Trupave të Mbrojtjes së Kosovës”. Për dallim nga rivarrimi i dëshmorëve në Dubovikë të Deçanit, rivarrimi i dëshmorit Kadri Zeka, ishte vërtetë madhështor, ngase me TMK-në në ballë ecte kolona e gjatë prej mijëra qytetarëve gjilanas, në përcjelljen e fundit të birit të tyre dhe të Kosovës. Lidhur me ceremoninë e përshëndetjes me Kadri Zekën dhe Jusuf e Bardhosh Gërvallën, që u mbajt në varrezat e Bad Canstatt-it afër Shtutgardit të Gjermanisë, “Epoka e Re” shkruan: “Organizatorët, sipas shpalljes publike, Lidhja Demokratike e Kosovës, nuk kishte marrë mundimin as për të bërë diçka më shumë: Askund flamuri kombëtar, askund lulet e lamtumirës. Gjithçka si një procession i zakonshëm. Në fund “Epoka e Re” i drejtohet kështu Gjilanit dhe Dukagjinit: “Kadri Zeka dhe ti, popull i Gjilanit, krenohuni. Dukagjin, pse lejove që eshtrat e bijve më të mirë të nënçmohen mu në vendlindjen e tyre. Përgjigjuni tani ju ideator të kësaj tradhtie që ia bëtë Jusufit e Bardhoshit!”./marrë nga kosovapress/
Kundër Milosheviqit sot dëshmoi dëshmitarja e parë nga Izbica e Skënderajt
Hagë, 26 shkurt 2002 Të martën në Hagë u paraqit dëshmitarja e parë nga fshati Izbicë i komunës së Skënderajt, e cila dëshmoi për atë që kishte ndodhur në fshatin e saj. Më 28 mars 1999, në fshtin e saj forcat e urdhëruara nga Milosheviqi kishin masakruar 150 burra shqiptarë, duke shkaktuar njërën ndër masakrat më të mëdha që ata kishin bërë në mbarë Kosovën. Dëshmitarja iu përgjigj pyetjeve të prokurorisë se si forcat serbe i kishin dëbuar me dhunë shqiptarët nga Izbica për në Shqipëri dhe si ajo ishte ndarë nga foshnja e saj gjashtëmuajshe, e cila ng auria kishte vdekur në fshatin Tushilë të Skënderajt, në duart e së motrës së dëshmitares. “Me 28 mars, në fshatin Izbicë kemi qenë diku rreth 3.000 veta kur na kanë granatuar ushtria dhe policia serbë ndërkohë që ne ishim të detyruar të grumbullohemi në një fushë, derisa kanë ardhur forca serbe dhe kanë bërë ndarjen e burrave dhe të grave”, ka thënë dëshmitarja nga Izbica, vendmasakra e njohur e forcave të Milosheviqit në Drenicë. Ajo ka thënë se pastaj gratë janë nisur për në Skënderaj ndërsa të 150 burrat e ndarë ishin pushkatuar në fushën e fshatit Izbicë. Gjatë bisedës së prokurorit më dëshmitaren, i akuzuari për krime lufte, kryekrimineli Milosheviq mbante qëndrim të mërrolur dhe kohëpaskohe shënonte.
Kerkohet ndihmë
Malishevë, 26 shkurt 2002 Leonora (Hysen) Buzhala nga Llozica, nxënëse e klasës së katërt në shkollën e mesme "Lasgush Poradeci" të Kijevës, pasi ka bërë ampultimin (prerjen) e këmbës së djathtë në spitalin e Prishtinës, ka nevojë urgjente që të ketë trajtim të mëtutjeshëm për shërim. Nga kushtet tejet të vështira familjare, Leonora nuk ka mundësi për t’i bërë të hollat e nevojshme për shërim të mëtutjeshëm, prandaj familja e saj i ka lutur qytetarët dhe institucionet arsimore të komunës së Malishevës dhe të tjera për t’i ndihmuar sa më parë që është e mundur, ngase gjendja shëndetësore e vajzës së tyre gjithnjë e më shumë është duke u keqësuar. Të interesuarit mund të lajmërohen në numrin e xhirollogarisë 2711020013971, Banka e Re e Kosovës . Kjo familje i falënderon të gjithë ata që kanë mirkuptim për këtë çështje humanitare.
Hashim Thaçi: Në Kosovë të triumfojë koncepti i vlerës politike e kombëtare
Prishtinë, 26 shkurt 2002 “Pas luftës kanë ndodhur deformime të mëdha në Kosovë. Apriori është paragjykuar. Unë kam kërkuar gjithmonë që në Kosovë të funksionojë ligji, rendi, toleranca. Kam kërkuar garanci dhe mbështetje nga ndërkombëtarët për formimin e komisionit për verifikimin e pasurisë së personaliteteve publike të dhjetëvjetëshit të fundit deri sot, pastaj komisionin për hetimin e krimit ekonomik dhe politik, sepse këto fenomene ekzistojnë. Dikush i frikësohet transparencës. Unë nuk dua të jamë ombrellë e prapaskenave dhe e konstruksioneve që bëhen në emër të fenomeneve të lartpërmendura”, ka theksuar kryetari i Partisë Demokratike të Kosovës, Hashim Thaçi në një intervistë për gazetën e sotme ditore “Zëri” të Prishtinës. Duke folur për zgjedhjet dhe vonesën në ndërtimin e institucioneve, Thaçi ka theksuar se “zgjedhjet e përgjithshme treguan se qytetarët e Kosovës gjithnjë e më tepër dinë të vlerësojnë zgjedhjet e lira, të ndërtojnë jetën plurale, shoqërinë civile, tolerancën qytetare dhe se kuptojnë përgjegjësinë e tyre në krijimin e institucioneve demokratike. Pas përfundimit të zgjedhjeve më 17 nëntor, PDK-ja ka kërkuar që të gjendet modus për një qeverisje të koalicionit të gjerë ku do të bënin pjesë PDK, AAK, LDK, si dhe minoritarët. Kjo formë e qeverisjes sipas marrëveshjes do të sillte shumë favore për Kosovën dhe synimet e saja për të ardhmen. Por, ndodhi ajo që ndodhi, ngurtësi, sjellje autoritare, përpjekje për monopol partiak mbi institucionet nga partia e cila fitoi më tepër vota në zgjedhjet e përgjithshme, që më tepër paraqet reflektim nostalgjikësh të një nomenklature të mendësisë totalitare të sistemit të djeshëm të rrënuar politik mbi konceptin e pushtetit që e donë gjithsesi. Rezultati i zgjedhjeve tregoi se në Kosovë asnjë parti nuk ka fituar zgjedhjet në kuptimin që të mund të vendoste e vetme në krijimin e institucioneve, andaj çka ndodhi. Lidershipi i partisë me më shumë vota, duke mos reflektuar nga realiteti, por duke u joshur nga egoja e pushtetit, do të synonte deri në agresivitet verbal, që me çdo kusht ta arrijë këtë. Opinioni ka përcjellë seancat tona në Parlament, ato vërtet që nga takimi i parë ishin më tepër një turp sesa një çast historik për vendin tonë, në vend se të ndodhte e kundërta?! Partia që nuk ka shumicën e duhur na ballafaqon me një avaz të një koncepti dështakësh fatalistë të bartur nga e kaluara. Dy mandate parlamenti (1992-99) i krijoi dhe të dyja pa i konstituuar i eliminoi, duke mos pasur apo së paku ofruar një zgjidhje. Edhe pse partia-lider e di se pa bashkëpunim me të tjerët nuk mund të krijojë institucionet, thuajse nuk dëshiron apo nuk do ta kuptojë se duhet të zgjedhë koalicion me faktorë relevantë të forcave parlamentare siç janë, PDK-ja, AAK-ja dhe partitë e respektuara të minoriteteve joserbe apo me koalicionin serb “Kthimi” (“Povratak”). LDK-ja duhet të zgjedhë, e të mos na mbajë peng të gjithëve. Ne jemi deklaruar se nuk ndërrojmë partnerët për bashkëqeverisje”, tha Thaçi. PDK-ja ka identitet origjinal politik mbi të cilin kemi fituar votat, me ritëm stabil ngritjeje në elektorat, pa barriera e ndikime të sistemit të kaluar dështak politik. Është shqetësues fakti kur një parti (LDK – v.j.) me më tepër vota të elektoratit nuk ka aftësi dhe kreativitet veprimi e menaxhimi të këtyre votave, aq sa të afrojë rreth platformës së vet ndonjë parti tjetër, së paku një. Këtu shtrohet pyetja pse ndodh kjo?! Kemi të bëjmë me paaftësi, mendje përjashtuese, krizë bashkëpunimi, kryeneqësi agresive të tipit snobist ballkanik, e clia po e çon vendin në një situatë paradokdale?! Kreu i këtij grupimi politik kërkon nga komuniteti ndërkombëtar të shtyhen edhe zgjedhjet lokale, të cilat duhet të mbahen në vjeshtën e këtij viti, kërkon ndryshimin e disa paragrafeve të Kornizës Kushtetuese që kanë të bëjnë vetëm me zgjedhjen e presidentit, e nuk pajtohet assesi që t’i hyjë ndryshimeve thelbësore të kësaj kornize, që lidhen esencialisht me të ardhmen e Kosovës. Vërtet është për të dyshuar në aftësinë institucionale të këtij soji politik”, tha Thaçi në vazhdim. Në konstatimin e “Zërit” se pas tërheqjes së AAK-së nga kërkesa për ndonjërin nga tri postet e para dhe pajtimit, në parim, në bisedat e zhvilluara në Zyrën amerikane, dhe se më pas doli se nuk është arritur pajtimi, Thaçi shtoi se PDK-ja filozofinë e vet të bashkëpunimit me subjektet e tjera politike e bazon në orientimet programore, konceptuale dhe politikën e saj koherente. “Marrëveshja në Zyrën amerikena nuk kishte të bënte për apo kundër X, Y personalitetit apo liderit, por ishte pajtueshmëri midis tri partive politike më të mëdha të vendit, e arritur me ndërmjetësim ndërkombëtar. Marrëveshja midis partive nuk duhet të arrihet për liderët e tyre, por për çështje madhore, pastaj është çështje krejt tjetër se cili lider i kësaj apo asaj partie dëshiron që të jetë i propozuar për postet udhëheqëse. Unë respektoj procedurat demokratike të demokracisë së brendshme të entitetit politik që e udhëheqi”, tha ai. “Nuk jam ithtar i lidhjes së proceseve për emra të veçantë, edhe pse janë disa rregulla në procedura zgjedhore, është e drejtë e organeve që të propozojnë kandidatët e vet për postet më me përgjegjësi institucionale në nivel të vendit dhe në kuadër të saj një propozim të këtillë e ka bërë edhe Kryesia e PDK-së, Këshilli Drejtues dhe Grupi Parlamentar i PDK-së për kryetarin e saj, që ka qenë, thashë, në kundërshtim me vullnetin tim për momentin aktual të angazhimeve të mia politike”, ishte përgjigja e z.Thaçi në pyetjen se pas propozimit të PDK-së për kryeministër, përse nuk është rikonfirmuar apo ndryshuar ky propozim. Në insistimin e “Zërit” se a pritet të rikonfirmohet kandidatura e Hashim Thaçit për kryeministër nga PDK-ja, kryetari i Partisë Demokratike të Kosovës theksoi se nga organet drejtuese të PDK-së ekziston propozimi për kryeministër, përkundër kundërshtimit tim. “Kjo, është shumë parimore dhe respekt i madh për mua. Në të njëjtën kohë, më lejoni të them se me gjithë respektin për organet që më kanë propozuar duke më besuar këtë post, unë vazhdoj të insistoj se nuk është e domosdoshme që kryetari i PDK-së të jetë edhe kryeministër i Kosovës”. Në pyetjen e “Zwrit” se “është shkruar për Ju dhe për Rugovën, si personalitete që po e mbani peng procesin”, Thaçi u përgjigj: “Unë jam njeri që nuk i iki përgjegjësisë, ashtu si dhe dua që dhe të tjerët rreth meje ta kuptojnë se posti më afër se privilegji i monentit është sakrificë, dhe shans për të treguar veten në sfidat e përgjegjësisë. Kam pranuar të jam kryeministër i vendit gjatë bombardimeve të NATO-s dhe në një periudhë të shkurtër pas luftës. Kjo ka qenë koha më e vështirë që ka kaluar Kosova dhe qytetarët e saj ndonjëherë. Si mandatar i qeverisë, tri herë e kam kaluar kufirin ilegalisht në rrethana lufte, jam përpjekur të jam afër qytetarëve të mi në momente të rënda dhe të mos shkëputem nga ndikimi në diplomaci Unë nuk i ika përgjegjësisë në udhëheqjen për çlirimin e Kosovës, isha aktiv, për të mos thënë i vetmi nga politikanët shqiptarë, në terren që me përgjegjësi u ballafaqova nga pala shqiptare me ndërkombëtarët dhe ardhjen e tyre në Kosovë, e konsideroj sukses të jashtëzakonshëm jo vetëm timin, por dhe të të gjithë kosovarëve, që askush nga ndërkombëtarët nuk humbi jetën me fajin e kosovarëve. E kam bartur peshën e rëndë të periudhës së pasluftës, e di se shumë njerëz të thirrur në emër të luftës kanë shfrytëzuar periudhën e pasluftës për pazare të tyre, më vjen mirë se gjërat po kristalizohen dhe po shihet se kush e bëri luftën për çlirim dhe kush përfitoi nga ajo, ka pasur deformime dhe keqpërdorime gjatë dhe pas lufte, por, megjithatë, bashkërisht me ndërkombëtarët nuk lejuam deformime ekstreme që do të mund të na vënin në një situatë ekstreme negative. Morali politik i liderëve mund të vlerësohet veç e veç e jo kuturu. Unë dhe Rugova jemi dy botëra të ndryshme, sepse i takojmë gjeneratave dhe koncepteve të ndryshme, pastaj kemi rrugë të ndryshme të futjes sonë në politikë si nga forma, ashtu dhe rrethanat, pastaj labirinthet e veprimeve tona janë shumë të ndryshme. Në aspektin e politikës së sotshme nuk është e zakonshme që një kryetar partie kur fiton votat e mjaftueshyme apo në koalicion të mos kandidohet për postet institucionale thuani Ju, por unë them se kjo jozakonshmëri ndodh në demokracitë e brishta ballkanase, e jo në demokracitë perëndimore”, tha Thaçi. Ndërsa në pyetjen se çfarë mendimi keni për Shtajnerin, sepse me Hakerupin keni pasur marrëdhënie të tensionuara, Thaçi u përgjigj: “Është një fatkeqësi mentaliteti në Kosovë, ngatërrohen raportet e individit me konceptet. Unë jam në politikë, ngase e kam ndërtuar konceptin, politikën dhe vizionin tim, e jo politika mua. Koncepti im politik dhe kombëtar, pos suksesit për çlirimin e Kosovës, sot përkrahet nga elektorati i fuqishëm në Kosovë. Me z.Hakerup mundemi fare thjesht të pijmë miqësisht kafe në Evropë apo në Kosovë, por në aspektin politik marrëdhëniet e mia me Hakerupin kanë qenë mospajtim parimor nga makinacionet që ai ka krijuar”, tha Thaçi, duke shtuar se “Shtajner e ka një pasqyrë shumë të mirë nga ish-kryeadministratori se si nuk duhet punuar. Përshtypjet e mia janë se ai do të angazhohet maksimalisht që sa më parë të ndërtojmë institucionet, ashtu që t’i hyjmë bashkërisht një reformimi më të përgjithshëm institucional dhe shoqëror kosovar”. E ndiej edhe obligim, tha Thaçi në vazhdim se qytetarët e Kosovës me votën e tyre më 17 nëntor, rrëzuan skemat e parapërgatitura nga qarqe të caktuara, skema këto që nuk ishin në përputhshmëri me vullnetin e qytetarëve të Kosovës, skematikët ‘profesionistë’ besonin në vazhdimin e inercionit elektoral kosovar. Procesin janë duke e mbajtur peng hartuesit e atyre projekteve dashakeqëse dhe antidemokratike, çdoherë që jemi afër marrëveshjeve ata nervozohen, bëhen agresivë dhe përmes mekanizmave të ndryshëm arrijnë të ndikojnë në prishjen e marrëveshjeve, ata ende nuk pajtohen që janë përbaltur ato skema, u takojnë arkivave. PDK-ja është e përcaktuar që bashkarisht me ndërkombëtarët të punojë në ndërtimin e pushtetit ligjor e demokratik, e jo pushtet të imponuar (të forcës) apo sipas tipit meritokrat, theksoi ai. “Unë nuk jam i armiqësuar me asnjë njeri, nuk jam ai i cili e konsideron asnjë parti politike apo lider si armik”, ishte përgjigja e Thaçi në pyetjen e “Zërit” se “a kanë të drejtë ata që flasin për PDK-në dhe LDK-në si dhe për liderët e tyre të armiqësaur mes vete? “Me forcat e tjera politike unë synoj të gjej më tepër pika të cilat mund të na ofrojnë, e jo ato që na ndajnë. Ne jemi konkurrentë politikë dhe asgjë më tepër. Bashkëpunimi PDK – LDK është i domosdoshëm jo vetëm në këtë fazë që po e kalojmë, por edhe në të ardhmen. Nga ky bashkëpunim fiton Kosova dhe qytetarët e saj. Tek të dy partitë ekzistojnë njerëz të ngurtë që hezitojnë për bashkëpunim me njëri-tjetrin. Këtu duhet të manifestohet një lidership i guximshëm dhe i arsyeshëm nëse synojmë ndërtimin e skenës politike kosovare me vlera dhe arsye të shëndosha. PDK-ja do të rrezikojë edhe humbjen e caktuar të votave, por nuk do të pranojë logjikën e mbylljes në vetvete. Do të bashkëpunojmë me të gjithë, kemi ndërtuar partneritet të besueshëm me të gjitha partitë parlamentare shqiptare e minoritare, në ndërkohë që vazhdojmë të refuzohemi vetëm nga kru i LDK-së, por jo edhe LDK-ja. Kjo, mendoj unë, është krejt e pakuptueshme”, tha Thaçi. Lidhur me arrestimet e fundit të disa ish-pjesëtarëve të UÇK-së, Thaçi tha se qëndrimet e PDK-së i janë të njohura opinionit publik të brendshëm dhe atij ndërkombtar. “Kjo kërkon një studim shumë të thellë edhe nga forcat politike kosovare edhe nga komuniteti ndërkombëtar, në mënyrë që të kuptohet më drejt koha para luftës, gjatë saj, por edhe pas luftës. Kam punuar me tërë qenien time për nxjerrjen e ligjeve, dhe për mua ligji është mbi të gjithë kur përdoret drejt, por edhe kur do të ketë deformime të ligjeve, gjithmonë do të flas shumë hapur, i pëlqeu dikujt kjo apo jo. Nuk do të lejoj që askush të fshihet pas emrit tim, qoftë ai njeri i ish-UÇK-së, nëse vërtet vepron kundër ligjit, ashtu si dhe do të jam përherë në mbrojtje të dinjitetit dhe të drejtave të qytetarëve që mund të jenë cenuar, në këtë kontekst është dhe arrestimi i nxituar dhe spektakular i tre luftëtarëve të lirisë”, tha ai. Në pyetjen tjetër lidhur me “përpjekjet e Beogradit për një lloj balansimi me gjykimin e kryekriminelit në Hagë, duke përmendur emra si Thaçi, Haradinaj, Çeku”, Thaçi u përgjigj: “Opinioni është mësuar që të përmendet emri im dhe i njerëzve të tjerë dhe jam shumë i lumtur që kam qenë njëri ndër ata që kanë udhëhequr politikisht rezistencën kundër pushtuesit serb, në veçanti sepse në këtë angazhim kam fituar mbështetjen ndërkombëtare. Serbia gjithmonë kur ka probleme të veta të brendshme, mundohet të tërheqë vëmendjen në Kosovë. Kështu vazhdon edhe tash. Ajo nuk mund të pajtohet lehtë me realitetin demokratik kosovar. Ne duhet të ecim përpara sa më shpejt që është e mundur, pavarësisht prej pengesave”, tha, në fund, Hashim Thaçi.
E hënë 25 shkurt 2002
Aneksimi maqedonas i 2500 hektarëve të Kosovës ka pasuar deklarata kontradiktore NATO - OKB
Prishtinë, 25 shkurt 2002 Konfuzioni i krijuar në mes të organeve më të larta të OKB-së dhe NATO-s, në njërën anë, dhe UNMIK-ut dhe KFOR-it, në anën tjetër, me deklarata të papajtueshme e kontradiktore lidhur me “marrëveshjen” serbo-maqedone rreth kufirit maqedono-kosovar, që është bërë pa përfaqësimin e organeve kompetente të Kosovës, ka shkaktuar huti në mesin e qytetarëve të Kosovës. Ky qëndrim i autoriteteve më të larta të OKB-së, dhe të NATO-së, thonë analistë të ndryshëm vendorë, mund t’i nxisë qytetarët e Kosovës që ta zbehin besimin në misionarët e quajtur UNMIK dhe KFOR, të cilët e administrojnë Kosovën në bazë të Rezolutës 1244, e cila është miratuar në qershor të vitit 1999, nga vetë Këshilli i Sigurimit të Kombeve të Bashkuara, dhe të tilët kanë pranuar marrëveshjen ndërmjet IRJM-së dhe RFJ-së, që Kosovës si territor i administruar nga OKB-ja, t’i cungohet hapësira gjeografike për rreth 2500 hektarë. Brigadieri, Keith Huber, komandant i Brigadës Shumëkombëshe të Lindjes kishte thënë javën e kaluar në një konferencë për shtyp se marrëveshja në mes të Shkupit dhe Beogradit për ridefinimin e vijës kufitare është ilegale dhe s’e ka pëlqimin e Kosovës. Gjithashtu, edhe komandanti i forcave paqeruajtëse të KFOR-it në Kosovë, Marsel Valentin, e pati kundërshtuar këtë marrëveshje, ndërsa, në anën tjetër, ambasadori i NATO-s në Maqedoni, Klaus Volers, ka thënë se “NATO-ja e respekton tërësisht Marrëveshjen maqedono-jugosllave lidhur me kufirin, të nënshkruar më 23 shkurt të vitit 2001”. ”NATO dhe Maqedonia e kanë nënshkruar një marrëveshje për sigurimin e kufirit dhe për thellimin e bashkpunimit ndërmjet KFOR-it dhe forcave maqedonase të sigurimit, e quajtur Procedura e përkohshme operative. Kjo marrëveshje nënkupton sigurimin e linjës kufitare e cila përcaktohet me anë të marrëveshjes ndërmjet Jugosllavisë dhe Maqedonisë”, ka thënë ambasadori i Volers, duke sqaruar qëndrimin e NATO-s lidhur me këtë marrëveshje. Zëdhënsja e UNMIK-ut, Susan Manuell, në një deklaratë dhënë agjencisë gjermane të lajmeve DPA, ka thënë se “territori i Kosovës nuk mund të jetë subjekt i ndonjë marrëveshjeje përderisa KS i OKB-së të mos e autorizojë statusin final të saj”. Ndërsa, Sekretari i Përgjithshëm i OKB-së, Kofi Anan i cituar nga agjencitë e lajmeve, ka thënë se “organizata që drejton ai, respekton marrëveshjen ndërmjet IRJM-së dhe RFJ-së”, si dhe ka shtuar se “marrëveshja për caktimin e kufijve duhet respektuar nga të gjithë”, duke harruar se ende nuk është autorizuar statusi final i Kosovës nga ana e OKB-së dhe që kjo pjesë e Kosovës nuk është dhe nuk ka qenë asnjëherë nën IRMJ-në, ashtu sikurse ajo është në pronësi të banorëve shqiptarë që jetojnë në Kosovë. Këtu gjithashtu është bërë edhe shkelja më e rëndë e të drejtave themelore mbi pronësinë private, duke iu cenuar e drejta e punës pronarëve shqiptarë që të ponojnë të lirë tokat e tyre, pasi që këto tashmë i kontrollon një vend që dhunon të drejtat më elementare të shqiptarëve./nga kosovapress//
Marrëveshja mes Shkupit e Beogradit për kufijtë nuk është regjistruar në OKB
Nju Jork, 25 shkurt 2002 - Marrëveshja mes Maqedonisë dhe Jugosllavisë për caktimin e kufijve ende nuk është regjistruar në arkivin e OKB-së. Kjo marrëveshje, ka shkaktuar një valë reagimesh në nivelin lokal dhe ndërkombëtar, në veçanti pas një deklarate të gjeneralit amerikan të forcave të KFOR-it Kith Hjuber. Ai tha se KFOR-i nuk e njeh marrëveshjen e arritur mes Boegradit dhe Shkupit të paktën ku Maqedonia kufizohet me Kosovën. Burime anonime brenda OKB-së thonë se Beogradi e as Shkupi nuk kanë paraqitur çështjen e marrëveshjes së arritur mes tyre në mënyrë procedurale në Sekretariatin e OKB-së në Nju Jork, njoftojnë radiot e huaja. Kjo marrëveshje nuk është regjistruar në asnjë dokument arkivi dhe ajo nuk është arkivuar sipas procedurës së domosdoshme. Përndryshe Këshilli i Sigurimti të OKB-së sot në rend dite do të ketë situatën në Kosovë.
Çashule në OKB për kufinjtë kontestues
Shkup, 25 shkurt 2002-Ministri i punëve të jashtme i Maqedonisë Sllobodan Çashule gjendet në Nju- Jork në Këshillin e Sigurimit të Kombeve të Bashkuara. Çashule ndodhet për ta prezantuar qëndrimin e Maqedonisë rreth gjendjes në Kosovë dhe realizimin e rezolutës 1244. Qenësore e kësaj vizite të Çashules në takimin e Këshillit të Sigurimit të Kombeve të Bashkuara është evitimi i çdo dileme rreth kontestimit të vijës kufitare mes Maqedonisë dhe Kosovës, të nënshkruar me Beogradin. Këtë vijë kufitare e definuar mes Maqedonisë dhe Serbisë pa konsultuar faktorin administrativë në Kosovë, e kontestoi gjenerali amerikan Hubert, gjë që e alarmoi Maqedoninë me të gjitha strukturat shtetërore, mediave me gjithë opinionin maqedon. Bile ky kontestim tani e dërgoi Çashulen në Nju Jork. Çashule atje dëshiron ta bindë OKB-në se Maqedonia ka të drejtë, kur i ndryshon kufijtë dhe disa pjesë ia merr Kosovës, siç është lokacioni ose lartësia e Kodra Furrës, që konsiderohet si vend me peshë strategjike. Ky lokacion me rezolutën 1244 ka qenë në territorin e Kosovës, kurse me marrëveshjen në mes të Maqedonisë dhe Serbisë i takon Maqedonisë.
Dëshmitari Morina: Ushtria serbe granatoi dhe dogji fshatin
Hagë, 25 shkurt 2002 - Në seancën e sotme të Gjyqit Ndërkombëtar të Hagës, vazhdoi dëshmia e zotit Morina për vrasjet dhe masakrat në fshatin Landovicë dhe në fshatrat përreth. Ai tha se pas vrasjes së tre ushtarëve serbë në fshat nga një civil shqiptarë dhe pastaj vrasjes së civilit shqiptar, ushtria serbe bombardoi fshatin dhe dogji shtëpitë, duke mos zgjedhur caqet. Ai tha në vazhdim se ushtria serbe u kishte dhënë ultimatum serbëve lokalë që t'u thonë shqiptarëve për t'u shpërngulur nga fshati për 24 orë, ose do të pësonin edhe ata. Pastaj, Morina vazhdoi me dëshminë se u organizuan me autobusë dhe i braktisën fshatrat, sepse po të gjendshin në fshat, apo në rrugë, do të vriteshin nga ushtarët serbë, kështu që u detyruan të ikin në Shqipëri. Forcat serbe kanë djegur atë ditë pjesërisht fshatin Piranë për ta djegur pastaj në tërësi. Granatimet kanë zgjatur katër orë dhe pastaj ka adhur një autobus me ushtarë. Në pyetjet e të akuzuarit Sllobodan Millosheviq, i cili ngarkohet për krime lufte dhe për gjenocid, Morina tha se NATO-ja nuk e ka bombarduar fshatin e tij dhe fshatrat përreth. Poashtu, në pyetjet insistuese të Millosheviqit për ekzistimin e ushtarëve të UÇK-së, madje edhe të shtabit në afërsi të fshatit, Morina tha se pjesëtarë të UÇK-së nuk ka patur fare. Nndërhyrjet me pyetje tendencioze të Millosheviqit, e detyruan gjykatësin që t'ia ndërpresë shpesh pyetjet dhe ta orientojë në gjërat relevante për gjyqin dhe dëshminë e z.Morona. Gjyqi po e vazhdon seancën me dëshmitarin nga Suhareka Agron Berisha.
Jusuf e Bardhosh Gërvalla dhe Kadri Zeka i kthehen tokës së Kosovës
Prishtinë, 25 shkurt 2002- Jusufi, Bardhoshi dhe Kadriu u vranë më 17 janar 1982, në Untergrupenbah të Gjërmanis, nga njerëz të shërbimit sekret jugosllav . Eshtrat e tre martirëve pushonin në varrezat e Bad Kanstatit të Gjermanisë, ku qenë varrosur 20 vjet më parë. Eshtrat e tre dëshmorëve në mëngjesin e 24 shkurtit u sollen me aeroplan nga Gjermania në Kosovë, ndërsa pasdite me nderime të mëdha nga bashëkombasit e tyre u rivarrosen ndaras, Jusufi e Bardhoshi në Dubovikë të Deçanit, ndërsa Kadriu në “Varrezat e Dëshmorëve “ në Gjilan. Në përcjellje të policisë dhe nga familjarët e tyre, të ardhur enkas për këtë ngjarje në Kosovë, arkivolet e tre martirëve të kombit kanë mbrritur rreth orës 9 e 30 minuta në sheshin “Skënderbeu”, para Teatrit Kombëtar në Prishtinë. Eshtrat e tre martirëve u priten nga mijëra qytetarëve, të cilët kanë dalur për t’u bërë nderimet e fundit tri simboleve të bashkimit dhe të luftës për liri. Të pranishëm ishin kryetari i Kuvendit të Kosovës akademik Nexhat Daci, komandanti i TMK-së, gjenerallejtënant Agim Çeku, shefi i misionit gjermanë në Kosovë Mihael Shmunk, ish-komandanti i UÇK-së Azem Syla, bashkëpunëtor të dëshmorëve dhe, përfaqësuesë të partive politike. Duke i quajtur Jusufin, Bardhishin dhe Kadriun “të dashurit e Kosovës”, akademik Nexhat Daci, tha se shpirti i tyre liridashës ishte me Kosovën dhe me kosovarët, atëherë kur ata zhvillonin betejat ilegale. Kortezhi me arkivolet e Jusuf dhe Bardhosh Gërvallës ka vazhduar për në fshatinë e lindjes në Dubovik Deçanit nën përcjelljen e policisë, ndërsa arkivoli i Kadri Zekës, pasi ka parakaluar pranë pjesëtarëve të Gardës së Kosovës të TMK-së, që i bënin nderimet në dalje të qytetit të Prishtinës, vazhdoi nën percjelljen e TMK-së për në Gjilan. Sipas një deklarate të përgjegjësit për informim të SHP të TMK-së, Shemsi Syla, familja Gërvalla nuk ka pranuar që Jusufit e Bardhoshit t’u bëhen nderime ushtarake. Mijëra banorë të komunës së Deçanit pritën dje me madhështi eshtrat e dëshmorëve Jusuf dhe Bardhosh Gërvalla, në Dubovikë ku u bë rivarrimi i . Në ceremoninë publike të rivarrimit në sheshin e fshatit, ishin mbledhur mijëra qytetarë të shumtë nga mbarë Kosova, në mesin e tyre edhe liderët e LDK-së e AAK-së dhe pjesëtarë të TMK-së . Për figurën shumë dimensionale të Jusuf Gërvallës dhe ndikimin e tij në përpjekjet e popullit për krijimin e Kosovës së lirë folën Zekeria Cana, i biri i Jusuf Gërvallës Premton Gërvalla, i cili rikujtoi se puna e babait dhe axhës së tij së bashku me Kadri Zekën u ndërprenë nga plumbat e armiqve para njëzet vjetësh./marrë nga kosovapress/
Në varrezat e dëshmorëve në Gjilan prehet i qetë deshmori Kadri Zeka
Gjilan, 25 shkurt 2002 Dhimbja, pikëllimi dhe krenaria kishin pushtuar mijëra qytetarë, të cilët kishin dalur për ta pritur dhe për ti bërë nderime dëshmorit të kombit Kadri Zeka, arkivoli me eshtrat e të cilit, nën përcjellje të TMK-së, arriti të dielën në Gjilan. Para platos së teatrit të qytetit të Gjilanit, dëshmorit të kombit i bënë homazhe qytetarë të shumtë si pjestarë të familjes, drejtues institucional e politik të Gjilanit, Kosovës, bashkëveprimtarë dhe bashkëmendimtarë të Kadriut nga viset e ndryshme të Kosovës por edhe nga diaspora. Për shkak të shiut që biente që nga orët e mesditës, akademia përkujtimore që ishte paraparë të mbahet para platos u zhvillua në sallën e teatrit, e cila ishte e vogël për t'i nxënë të gjithë të interesuarit. Fillimit të akademisë i ka paraprirë intonimi i Himnit Kombëtar, ekzekutuar nga kori Collegium Cantorum nën dirigjimin e Gjergj Kaçinarit dhe një minutë heshtje në shenjë nderimi. "Kosova po kthen eshtrat e tre bijëve të saj, për here të parë në historinë e saj. Sot e kemi më lehtë t'i nderojmë dëshmorët, ngase ata i kemi këtu", theksoi Basri Musmurati në cilësinë e drejtuesit të akademisë, ndërsa për jetën dhe veprimtarinë e dëshmorëve foli Mehmet Hajrizi, bashkëveprimtar i heroit i cili paraqiti një historik të shkurtër të veprimtarisë patriotike të vëllezëve Gërvalla dhe Kadri Zekës. Këta heronj ai i ka quajtur si "atdhetarët më të përparuar, të cilët i dhanë jetë dhe seriozitet Lëvizjes Kombëtare shqiptare". Këta dëshmorë i cilësoi guximi intelektual dhe trimëria, përvijoi ai me konstatimin se "bashkuan mërgatën në shërbim të çështjes madhore, e cila deri në atë kohë ishte e paorganizuar" "Roli bashkues i tyre mbetet i shenjtë dhe ata nuk i përkasin asnjë partie, por gjithë kombit" pohoi Hajrizi dhe shtoi se "Ata mërgatën e kthyen në një forcë madhore e jetike, ndërkohë që vetë ishin ambasdorë të çështjes shqiptare. Idetë e Kadri Zekës, Jusuf Gërvallës dhe të vëllaut të tij Bardhosh Gërvalla u mishëruan në zemrat e rinisë, e cila me luftën heroike të UÇK-së kombit i solli më të mundshmën - lirinë. Kadri Zeka, Jusuf dhe Bardhosh Gërvalla e meritojnë atdheun më tepër se secili nesh. Ata edhe sot i duhen Kosovës...janë nderi dhe krenaria e saj. Vetëm popujtë që nderojnë dëshmorët e meritojnë lirinë, kurse ata erdhën t'i bëjnë roje lirisë së Kosovës", përfundoi Hajrizi. Në emër të Shtabit të Përgjithshëm të TMK-së në akademi foli nënkoloneli, Shemsi Syla i cili u shpreh se Dimensioni qe reflekton vepra e Kadriut, Jusufit e Bardhoshit i ka kaluar me kohë kufijtë e lokal dhe është bërë pjesë e pandashme e krenarisë, për të shtuar edhe se tani Kadri Zeka nuk është vetëm I Gjilanit, sikurse që nuk janë vetëm të Dubovikut Jusuf Gërvalla e Bardhosh Gërvalla, ngase ata askush nuk mund t'i ndajë ". Kujtime për Kadri Zekën, në emër të mërgimtarëve evokoi bashkëveprimtari i Kadriut, Ismet Rashiti. Fare në fund, aktorët Jashar Shahiqi e Ramadan Kurti deklamuan vargje dhe lexuan njërin nga fjalimet e Kadri Zekës, mbajtur para mërgimtarëve në Zvicër. Sheshit Rexhep Mala e Nuhi Berisha vazhdimisht I shtoheshin kolona njerëzish, të cilët vërshuan kodrës së dëshmorëve. Kortezhit të gjatë i priu TMK-ja dhe qytetarët me kurora të shumta lulesh. Në Varreza, nuk ka pasur fjalime, si pasojë e prishjes së vazhdueshme të motit që e shtyu organizatorin që të bëjë reduktimin e ceremonisë. Në fund, ceremonia e lëshimit të eshtrave në varreza u përcoll me nderime të larta të ushtarakëve të TMK-së, me vendosje të shumta kurorash. Pas më shumë se 20 vitesh eshtrat e dëshmorit Kadri Zeka që nga e diela prehen të qetë në varrezat e dëshmorëve të kombit në Gjilan./nga kosovapress/
Demagogjia e Millosheviqit dhe papjekuria e Bakallit
Nga Naim Balidemaj
Politikanët e vjetër shqiptarë të nomenklaturës vetëqeverisëse titiste, edhe sot e kësaj dite vuajnë nga sindromi i inferioritetit ndaj ish padronëve të tyre në Beograd. Kjo u vërejtë gjatë dëshmisë së Mahmut Bakallit në Hagë, i cili dukej i hutuar dhe i pa përgaditur për një ballafaqim të denjë me kryekasapin e ballkanit. Millosheviqi edhe njëherë dëshmoi se pas tij është i tërë llumi serb duke filluar nga Sinodi Shenjtë i Kishës Pravosllave Serbe, Akademia e Shkencave dhe Arteve të Serbisë dhe dora e hekurt e pushtetit serb-armatë-polici. Do të përqendrohem vetëm në disa replika konkrete. Në pyetjen e Millosheviqit për implikimin e terrorizmit islamik dhe rrethit Al-Kaida në Kosovë, Bakalli përgjigjet naivisht se nuk di asgjë. Është shumë e vërtetë se fundamentalizmi islamik është i implikuar thellë me politikën serbe dhe këtë është dashur ta dij Mahmut Bakalli, mbase që në kohën e Titos e deri në ditën e sotme, Jugosllavia dhe Serbia kanë kultivuar marëdhënje të mira me shtetet të cilat propagandojnë terrorizmin. Jugosllavia, si e tillë është vendi i përkrahjes më të madhe të këtyre organizatave shkatërruese dhe anti-njerëzore. Ndërsa sot Millosheviqi, sipas këshillave të disa popave kriminel serb, del "mbrojtës i vlerave dhe qytetërimit të krishterë", gjatë dëshmisë së tij thjeshtë demagogjike por efektive për të deskridituar dëshmitarin e parë nga Kosova. Armata Jugosllave dhe kreu i saj prej kohësh kanë pasur lidhje të fshehta me talibanët. Këtë e kanë dëshmuar edhe disa informacione ndërkombëtare të cilat e dijnë se, Osama Bin Laden ka qenë mysafirë i shpeshtë i Beogradit për të lidhur kontrata mbi blerjen e armëve dhe nga këto marrëveshje për para të majme Armata Jugosllave për vite me radhë ka furnizuar rrjetin Al Kaida me armë të ndryshme të prodhuara në uzinat e Serbisë. Nga fundi i viteve të tetëdhjeta, para shkatërrimit të Jugosllavisë së dytë, kur në krye të Serbisë ishte Millosheviqi, disa Slloven, Janez Jansha, Franci Zaverll, etj. publikuan në "Mladina" lidhjet e Armatës Jugosllave me organizata të ndryshme terroriste me theks të veçantë me disa islamike. Ky fakt mund të shërbente si bumerang për Millosheviqin. Gjatë luftës në gjiun persik, Millosheviqi shumë herë me krenari është krekosur për aftësitë e tankut të prodhimit jugosllav që ishte në duart e Sadam Huseinit si armë e sofistikuar jugosllave. Jo vetëm Tankset jugosllave, por edhe aeroplanët luftarak jugosllav ishin armë e fortë e Sadam Huseinit. Njëkohësisht, Serbia dhe Jugosllavia e Millosheviqit, vite me radhë nëpër akademitë ushtarake jugosllave shkolluan me mijëra oficierë të lartë të Irakut. i vetmi vend që përkrahu Irakun gjatë luftës ishte Millosheviqi dhe Jugosllavia e tij. Në kohën e Millosheviqit, është dëshmuar edhe një rast tjetër i terrorizmit ndërkombëtarë me emblemën e Jugosllavisë. Aeroplani i rrëxuar në Angli, në vitin 1989, ku humbën jetën disa qindra vetë, kishte të kurdisur bombën nga prodhimi i Kragujevcit. Mirëfilli dihet se prodhimi i armëve është nën mbikqyrjen direkte të shtetit dhe këto armë nuk mund të gjenden në treg të konsumit të gjerë, pa implikimin e thellë të aparatit shtetëror, në këtë rast terrorist jugosllav. Pra, Jugosllavia e Millosheviqit vite me radhë furnizonte dhe prfeksiononte terrorizmin ndërkombëtarë. Përveç Rusisë, vendi tjetër në botë që ushtarakisht përbën bërthamën e Moamer Al Gadafit, është Jugosllavia e Millosheviqit. Edhe sot e kësaj dite ekspertët e Armatës Jugosllave janë ekspert nëpër kampet ushtarake të këtij kasapi të shkretëtirës, me të cilin Millosheviqi deri në arrestimin e tij mbante lidhje të përafërta dhe shumë miqësore. Libia, Iraku, Afganistani, si shtete të fundamentalizmit islamik ishin aleatët natyror të Millosheviqit, kundër vlerave dhe demokracisë botërore. Këto shtete ishin përkrahëse morale dhe materjale të Millosheviqit, ndërsa ky për shpërblim i furnizonte me armë të llojeve të ndryshme. Gjatë luftës në Kosovë, në radhë të armatës dhe policisë serbe, përveç mercenarëve rus, ukrainas, bellorus, kishte mjaft militant nga radhët e Gadafit, Huseinit dhe Bin Ladenit, të cilët në emër të luftës kundër qytetërimit përendimor, vepronin me forcat militare dhe paramilitare serbe në Kosovë. Derisa Ushtria Çlirimtare e Kosovës, nuk ka pranua në radhë të veta askend që nuk e pranon emblemen dhe rregullat luftës të parashtruara nga drejtoria politike e saj. Sa i përket akuzës së Millosheviqit për implikimin e UÇK-së me tregëtinë e drogës, është vetëm një truk, për të hedhur gurin e fshehur dorën. Dihet mirëfilli se Jugosllavia e Millosheviqit, por edhe para tij, ka qenë eksportuesja më e madhe e drogës rrjeti i së cilës ka arritur deri në Kolumbia. Diplomatët jugosllav, me pasaporta diplomatike, gjithmonë i kanë pasur të mbushura valixhet me droga të ndryshme dhe ky kriminalitet është organizuar nga vetë shteti jugosllav, boss i së cilës ka qenë Millosheviqi. Në vitin 1989, në Çikago është zënë në aeroport një diplomat jugosllav me valixhen plot heroinë. Ky fakt dëshmon qartë se kush është marrë me drogën dhe shpërndarjen e saj në të gjitha pikat e globit. Një nga bashkëpuntorët e sigurimit jugosllav, i angazhuar në tregëti drogash, padyshim është edhe Daut Kadrioski, i cili Jugosllavisë i ka sjellë fitime të mëdha. Millosheviqi, i bazuar vetëm në gënjeshtra, tha se "shqiptarët kanë filluar të shpërngulen nga Kosova vetëm pas fillimit të bombardimeve nga ana e NATO-s. Bakalli, ose harroi, ose nuk e di, se gjatë periudhës dhjetë vjeçare të Millosheviqit, përmes formave të ndryshme represive, në formë të heshtur nga Kosova janë shpërngulur mbi gjashtëqind mijë shqiptarë. Vetëm gjatë vitit 1998 gadi e tërë Drenica ka qenë e shpërngulur nga vatrat e veta. Fenomeni Bllacë-Stankovec, nuk ka zgjatur vetëm njëzetekatër orë siç pretendon Millosheviqi, por ka qenë një marrëveshje e fshehtë mes Millosheviqit dhe Gligorovit për koridorin e njohur të shpërnguljes së shqiptarëve nga Kosova për në Shqipëri. Janë fakte të gjalla, ku policia dhe armata serbe, të shpërngulurve me dhunë ua kanë konfiskuar dhe asgjësuar të gjitha dokumentet personale. Duke përdorur trendet aktuale të politikës ditore, Millosheviqi pretendoi ta njollosë UÇK-në me pretekst se ajo paska vrarë qytetarë shqiptarë. Ndërsa, Bakalli duke menduar se është në ndonjë mbledhje të aktivit të Lidhjes Komuniste, "dëshmoi" se mund të ketë pasur raste të tilla individuale. Jo, shoku Mahmut, ato nuk janë raste individuale, por me ligjet e luftës kolaboracionistët dënohen. Dënimin e merituar e morën edhe ata "shumarë" dhe spijuj të Serbisë. Ata qytetarë shqipfolës ishin bashkëpuntorë të Millosheviqit dhe parapërgaditës të terrenit për "tokën e djegur". Sa i përket Hashim Thaçit dhe nofkës së tij "gjarpëri", është një fakt se në mitologjinë ilire të ruajtur deri më sot, tek shqiptarët gjarpëri është simbol I rojes së shtëpisë. Hashim Thaçi si njohës i mitologjisë shqiptare, këtë nofkë figurativisht ia dha jo vetëm vetes por tërë UÇK-së, sepse UÇK-ja vërtetë ishte roje e shtëpisë, roje e Kosovës. Dëshmitarët nga kosova kanë shumë adute në duart e veta, e kanë arsyen mbi të keqen, pavarësisht se disa ish politikanë të vjetër kanë humbur orientimin shumë kohë më parë.

NATO-ja respekton marrëveshjen e arritur mes Beogradit dhe Shkupit
Bruksel, 23 shkurt 2002- Autoritetet e NATO-s pohojnë se e mbështesin tërësinë territoriale të Maqedonisë dhe e respektojnë marrëveshjen e arritur në shkurt të vitit të kaluar mes Beogradit dhe Shkupit për përcaktimin e kufijve. Zëdhënësi i NATO-s ka deklaruar dje se Aleanca Veriatlantike mbështet tërësinë territoriale të Maqedonisë. Pasi nënvizohet se çështja e statusit ligjor të Kosovës është në kompetencë të OKB-së e cila që në mars të vitit të kaluar me anë të një deklarate kërkuan respektimin e marrëveshjes ndërmjet Maqedonisë dhe federatës jugosllave, zyrtari i Aleancës Veriatlantike thekson se jo më larg se pardje Kombet e Bashkuar ripohuan qëndrimin e tyre të pandryshuar ndaj këtij problemi. Në dritën e këtyre qëndrimeve NATO shprehu dje mbështetjen e saj për respektimin e marrëveshjes kufitare të nënshkruar nga Shkupi dhe Beogradi zyrtar që në shkurt të vitit të kaluar. Zëdhënësi i NATO-s nënvizon se KFOR-i dhe Maqedonia kanë nënshkruar një marrëveshje e njohur si procedurë e përkohshme operative e cila mundëson një bashkëpunim të dobishëm ndërmjet autoriteteve të KFOR-it dhe atyre të Shkupit. Me këtë marrëveshje pranohet vija kufitare e nënshkruar nga autoritetet maqedonase dhe ato jugosllave për përcaktimin e kufijve. Për këtë arsye NATO-ja do të vazhdojë të sigurojë edhe në të ardhmen mbrojtjen e këtyre kufijve ashtu siç ka bërë deri më sot, theksohet në deklaratën e zëdhënësit të NATO-s në Bruksel.
E premte,22 shkurt 2002
Shqiptarët në Kroaci e mirëpresin lirimin e përkohshëm të gjeneral Ademit
E premte,22 shkurt 2002 "Aleanca e Unioneve Shqiptare në Kroaci e ka mirëpritur vendimin e Gjykatës Ndërkombëtare për Krimet e Luftës në ish-Jugosllavi, që i dha liri të përkohshme gjeneralit Rahim Ademi, deri sa të fillojë gjyqi kundër tij." Kështu thuhej dje në një deklaratë të kësaj Aleance, të cilës i referohet agjencia kroate e lajmeve Hina. "Ne u jemi mirënjohës organeve shtetërore të Republikës së Kroacisë, presidentit të Republikës dhe Qeverisë që i dhanë garanci Gjykatës së Hagës për lirimin e gjeneralit Ademi, me qëllim që ai ta mbrojë veten në gjendje të lirë", vinte në dukje deklarata.
Familja e Kadri Zekës reagon kundër shpifjeve të gazetës Bota sot
Gjilan, 22 shkurt 2002 Familja e dëshmorit Kadri Zeka nuk ka mudnur të heshtë të enjten përballë shpifjeve të gazetës Bota sot, e cila për interesa të caktuara ka manipuluar edhe me emrin e dëshmorit Kadri Zeka, të vrarë më 17 janar në Gjermani. Familja e Kadri Zekës ka lëshuar një deklaratë lidhur me këtë. Në gazetën Bota Sot është dhënë njoftimi se Dega e LDK-së në Gjermani është marrë vesh lidhur me homazhet e organizuara për Vëllazërit Gërvalla dhe Kadri Zekën në Shtutgart, me rastin e rivarrimit të eshtrave të tyre. Këtu përmendet marrëveshja me familjet e dëshmorëve. Lidhur me këtë Familja e dëshmorit Kadri Zeka ka lëshuar një deklaratë për opinion në të cilën thuhet: "Ne njoftojmë opinionin se Familja Zeka nuk është marrë vesh me asnjë parti, e aq më pak me LDK-në, lidhur me homazhet dhe në përgjithësi me rivarrimin e eshtrave të dëshmorëve. Mendojmë se homazhet do të ishte mirë të bëheshin nga të gjithë të interesuarit pa dallime, po ashtu do të ishte mirë që organizimi i tyre të bëhej bashkërisht nga të gjitha subjektet e interesuara që veprojnë atje”, thuhet në fund të reagimit të familjes së dëshmorit Kadri Zeka, lidhur me shpifjet e së enjtes në të përditshmen Bota sot.
Eshtrat e Kadri Zekës pushojnë në varrezat e dëshmorëve në Gjilan
Gjilan, 22 shkurt 2002 "Me 24 shkurt do të bëhet rrivarrimi i eshtrave të dëshmorëve Jusuf e Bardhosh Gërvalla dhe Kadri Zeka, të vrarë para 20 viteteve nga policia sekrete jugosllave, por ështe prekëse për neve ndarja që do bëhet me rastin e rrivarrimit", është shprehur Ilmi Ramadani kryetar i Këshillit Organizativ, me rastin e takimit të përfaqësues nga Këshilli organizativ i rrivarrimit me gazetarë, të enjten, në orët e pasdites, në Gjilan.
Megjithatë, shtoi Ilmi Ramadani, ishte dëshira e familjes që vëllezërit Gërvalla të varrosen në fshatin e tyre të lindjes, ndërsa Kadri Zeka do të varroset në varrezat e dëshmorëve në Gjilan.
Këshilli teknik dhe ai i rrivarrimit kanë bërë të gjitha përgatitjet për organizimin e ceremonialit të rrivarrimit të dëshmorëve, është shprehur kryetari i këshillit organizativ.
Përfaqësuesi tjetër nga Shtabi i Përgjithshëm i TMK-së, Shemsi Syla, ka bërë të ditur rrjedhjen e ardhjes së eshtrave të dëshmorit Kadri Zeka nga Prishtina deri në aktin e fundit të rrivarrimit. Eprori i lartë i TMK-së ka theksuar se dëshmorëve në Prishtinë, në sheshin Skenderbeu, TMK-ja do t’u bëjë nderime prakalimi.
Sipas Shemsi Sylës, eshtrat e dëshmorit Kadri Zeka do të përcillen me nderime nga pjesëtarët e TMK-së dhe nëpër Ferizaj do të arrijnë në Gjilan. Në Gjilan pritet t’i bëhen homazhe dëshmorit nga ana e qytetarëve, gjithnjë në roje nderi të TMK-së, Zona VI Mbrojtëse dhe më pas, pas orës përkujtimore, funerali do të niset për në varrezat e dëshmorëve ku edhe do të prehet i qetë.
Ndërsa, nënkryetari i komunës së Gjilanit, Xhemajl Hyseni, theksoi se ky manifestim është dashur të organizohej nën patronatin e komunës, megjithatë komuna do ta kryejë pjesën e obligimeve të veta.
Të mërkurën në Mushtisht të Therandës, nga familjarë e bashkëvendas u përkujtua dëshmori Jakup Shabani, me rastin e 50-vjetorit të rënies së tij.
Therandë, 22 shkurt 2002 Jakupi ishte pjesëmarrës i Lidhjes së Dytë të Prizrenit dhe nuk u pajtua për asnjë moment me pushtusein serbo-sllav të tokave shqipetare. Ai me vite qëndroi në malet e vendlindjes së tij dhe në Rahovec, duke e luftuar pushtuesin. Më 20 shkurt 1952, ushtria serbe pasi bie në gjurmë se Shabani gjindet në shtëpi, me trupa të shumta i bën një rrethim. Pushtuesi i merr djalin e madh dhe Jakupit i kërkojnë të dorëzohet, se përndryshe do t’i vritshin djalin. Luftëtari i dëshmuar nuk pranon të bije i gjallë në dorë të armikut, sepse si shume atdhetarë të tjerë ishte i betuar në çlirimin e tokave të robëruara shqiptare, me një plumb qëllon veten, duke lënë një emër të pashlyer në idenë dhe qëllimet e tij për çlirim dhe bashkim kombëtar.
E enjte,21 shkurt 2002
Shahin Elshani nga Negavci i Rahovecit sot është duke dëshmuar kundër kriminelit Milosheviq në Hagë
Hagë, Prishtinë, 21 shkurt 2002(shkruan Kosovapress) Shahin Elshani, nga fshati Nagavc i Rahovecit ka qenë dëshmitari i radhës në Tribunalin e Hagës në gjykimin e kryekriminelit Milosheviq.
Ish ekonomisti i dëbuar me dhunë nga puna në fillim të të nëntëdhjetave tani bujk, ka filluar të dëshmojë qartë dhe prerë kundër Milosheviqit, për dallim nga dëshmitari i parë, Mahmut Bakalli. Elshani ka qenë shumë i qartë dhe konkret në përgjigjet në pyetjet e zyrtarëve të Tribunalit të Hagës. Ai gjatë tërë kohës ka dhënë detaje të krimeve serbe mbi shqiptarët civilë në fshatrat e Rahovecit dhe dëbimet e tyre gjatë kohës së luftës.
Seanca, pas një pauze të shkurtër, po vazhdon edhe në këto momente të raportimit, kur dëshmitari Elshani që ka humbur të afërm dhe pjesëtarë të familjes, është duke folur për mënyrën e dëbimit me dhunë të tij dhe të bashkëqytetarëve për në Shiqpëri.
Përndryshe, dje dhe sot në mëngjes kryekrimineli Milosheviq, në Tribunalin e Hagës është përballur me dëshmitarin e parë të drejtpërdrejtë.
Agim Zeqiri, një bujk shqiptar nga Kosova, i ka akuzuar forcat serbe se kanë vrarë 16 anëtarë të familjes së tij. 69 kufoma nga fshati Celinë janë zhvarrosur nga hetuesit ndërkombëtarë. Milosheviqi ka bërë pyetje edhe ndaj këtij dëshmitari i cili gajtë tërë kohës ka manifestuar edhe problemet e mëdha shëndetësore që kishte.
Zoti Zeqiri, që ishte këshilltar në fshatin e tij, tha se kishte ndihmuar me shërbime të vogla 300 anëtarë të Ushtrisë Çlirimtare të Kosovës, që ishin vendosur pranë fshatit të tij.
Më parë, kryegjykatësi nuk ka pranuar të dëgjojë dëshmitë e një dëshmitari të prokurorëve - një nga hetuesit e gjykatës - i cili kishte grumbulluar më shumë se një mijë deklarata dëshmitarësh nga vendet e krimeve në të gjithë Kosovën.
Kryegjyqtari Richard May tha se provat e kryehetuesit të akuzës në Kosovë, Kevin Kurtis, duhet të ishin përfshirë në fjalën hapëse të prokurorëve.
Hagë: Masakra e popullatës së pambrojtur në Landovicë nga ushtria dhe policia serbe
Hagë, 21 shkurt (shkruan QIK-u) - Në seancën e pasditës vazhduan përgjegjet e Fehim Elshanit, i cili arriti që ta neutralizojë plotësisht të akuzuarin Millosheviq dhe avokatin e tij. "Nuk dua të deklarohem për gjërat për të cilat nuk kam dëshmuar", tha në njërën nga përgjigjet e tij Elshani, gjë që edhe gjykatësi e tumiri, megjithëse në shumicën e pyetjeve të tij ai dha edhe detaje të tjera plotësese. "Në fshat nuk kishim gjasa teorike që të kthehemi, në Prizren konsideroheshim banorë ilegalë nga policia serbe, kështu që vendosëm të ikim në Shqipëri", tha Elshani për arsyen e shpërnguljes në Shqipëri.
Rrëfimi i tij pasoi me dramën që pati me të mbesen, Valentinën nëntëvjeçare, së cilës gjatë luftës iu këputur këmba. Ai u përgjegj në mënyrë detajizuese në të gjitha pyetjet mbërthyese të Milosheviqit dhe ishte superior në dëshmimin e tij shterues.
Në vazhdim para trupit gjykues të Hagës, doli dëshmitari tjetër Halil Morina nga fshati Landovicë për të dëshmuar për masakrën që bëri ushtria dhe policia serbe ndaj bashkëfshatarëve të tij të pambrojtur dhe për granatimet e shtëpitë e djegura. Ushtria ka granatuar fshatin tri orë rresht, fliste ai me vështirësi. Pastaj, hynë trupat e rregullta të ushtrisë dhe policët serbë, të cilët vranë fshatarët e pambrojtur, që nuk kishin mundur ose nuk kishin arritur të iknin, derisa shumica e fshatarave tashmë kishin braktisur shtëpitë dhe pronën e tyre, duke u strehuar në një përrua. Halil Morina, bujk nga Landovica, i lindur me 1938, baba i tetë fëmijëve të rritur tha se ishte dëshmitar i vrasjes së tre fshatarëve nga ushtria dhe policia serbe. Në fshat, tha ai në vazhdim, janë vrarë 14 fshatarë, për aq sa mund të dëshmonte ai. Ndërkaq, pretekst, sipas rrëfimit të tij ishte përleshja në mes të një fshatari të Landovicës dhe katër ushtarëve serbë, ku u vranë tre ushtarë serbë dhe bashkëfshatari i z. Morina. Në masakrën e Landovicës, sipas dëshmisë së Morinës, kishin marrë pjesë 120-150 trupa serbe. Disa nga emrat e të vrarëve ai i përmendi në këtë dëshmi.
Gjyqi do të vazhdojë seancën të hënën në orën 9,30 minuta, u tha në fund të seancës së sotme.
Arrestimi brutal i pesë shqiptarëve në Shkup
Shkup, 21 shkurt 2002 - Polica maqedonase dje, në orët e hershme të mëngjesit ka arrestuar pesë shqiptarë. Aksioni policor është ndërrmarë në lagjen e Dizhonit dhe të Butelit. Në mesin e të arrestuarve është edhe një 16-vjeçar. Sipas familjarëve preteksti i ndërhyrjes brutale policore, ka qenë pjesëmarrja e tyre në ish UÇK-në, edhe pse ata nuk kanë treguar asgjë. Arrestimi u bë me britma e të shara vulgare të policisë maqedonase dhe nga kjo gjuhë ata kuptuan se policia kërkon ish-luftëtarët e UÇK-së. Numri i policëve ishte i madh, ndërsa gjatë arrestimit, ata kanë demoluar e shkatërruar çdo gjë nëpër shtëpi, kanë torturuar anëtarët e familjeve në sytë e fëmijëve, të cilët thuhet se kanë pësuar trishtim të madh.
Policët me autoblinda dhe të armatosur deri në dhëmbë janë futur nëpër shtëpi me tërbim, duke lënë përshtypjen se imitojnë aksionet policore nëpër filmat amerikan. Për këtë aksion policor janë alarmuar të gjitha organizatat ndërkombëtare. Në vendin e ngjarjes ishin edhe përfaqësues të OSBE-së.
Në njoftimin zyrtar të policisë thuhet se ata i përkisnin një grupi të ish-pjesëtarëve të ish-UÇK-së në brigadën e ish-komandant Telit, të vrarë brutalisht po nga policia maqedonase. Për të arrestuarit policia thotë se nga biznismenët shqiptarë me kërcënime armësh, kanë kërkuar edhe shuma të mëdha parash, gjoja për UÇK-në.
Deklarata për amnesti e kryetarit Trajkovski shihet se nuk funksionon, ndërsa është vështirë të besohet se edhe ligji për amnesti, një ditë do të respektohet nga policia maqedonase dhe institucionet e Maqedonisë. Pos arrestimeve të këtilla, policia maqedonase gjenë pretekse të tjera për ndjekjen e ish-luftëtarëve si armëmbajtje pa leje.(njofton QIK-u)
Daci takohet me Shtajnerin: Brenda 2 javëve do të gjendet zgjidhja për institucionet e Kosovës
E enjte,21 shkurt 2002 Pritet që brenda 2 javëve të gjendet zgjidhje për krijimin e institucioneve të Kosovës. Kështu tha kryetari i Kuvendit të Kosovës, Nexhat Daci pas takimit sot në mbrëmje me kryeadministratorin e Kosovës, Mihael Shtajner. Daci pas takimit të sontëm është shprehur shumë optimist rreth krijimit të insitucioneve të Kosovës. Ai nuk dha hollësi rreth asaj se si do të duken institucionet e ardhshme të Kosovës, por tha se zgjidhja është e vetmja alternativë për Kosovën. Nga ana tjetër kryeadministratori i Kosovës, Mihael Shtajner pritet që nesër të takojë liderët e partive më të mëdha politike të Kosovës.
OKB: S'e njohim marrëveshjen e kufijve mes Beogradit dhe Shkupit
Kombet e Bashkuara nuk e njohin marrëveshjen e kufijve, nënshkruar në shkurt të vitit të kaluar mes Jugosllavisë dhe Maqedonisë, akord ky që përfshin edhe Kosovën. Qeveria e Shkupit ka reaguar ashpër pas deklarimit të komandantit të kontigjentit amerikan të KFOR-it gjeneralit Keith Huber, i cili e quajti "ilegale" këtë marrëveshje. "Deklarata të këtij lloji bëhen vetëm nga ata që kanë provokuar konfliktin e armatosur e që me sa duket duan të rikthejnë trazirat", tha zëdhënësi i qeverisë maqedonase, Georgi Trendafilov. Ndërkohë, administratori i rajonit të Gjilanit në Kosovë, gjeneral Verdecchia, tha se zyra politike e Kombeve të Bashkuara ka pohuar se nuk e njohin marrëveshjen pasi ajo është bërë vetëm mes Beogradit dhe Shkupit, pa përfshirë përfaqësuesit e tyre. Zona që ka ndezur konfliktin, është një copë toke prej 400 hektarësh, e cila i përkiste Kosovës, por pas marrëveshjes i ka kaluar Maqedonisë. Ajo korrespondon me një zonë strategjike, 1500 metra mbi nivelin e detit, e cila është përdorur nga ushtria maqedonase gjatë konfliktit. Kjo ka acaruar shqiptarët pasi e përdornin ata për për qëllimet e tyre. Por përfaqësuesit e Kombeve të Bashkuara e kanë shpjeguar ndryshe konfliktin rreth kësaj pjese toke. Verdecchia tha se kjo zonë përdorej nga blegtorët shqiptarë, që tashmë nuk kanë më pjesën e tyre të kullotjes, të zënë nga ushtarët maqedonas.
UNMIK: Jugosllavia s’mund të nënshkruajë kurrfarë marrëveshjeje kufitare në emër të Kosovës
Misioni i Organizatës së Kombeve të Bashkuara në Kosovë e ka hedhur poshtë marrëveshjen për kufijtë, të nënshkruar vitin e kaluar nga autoritetet e Beogradit dhe Shkupit, duke theksuar se në bazë të Rezolutës 1244 të Këshillit të Sigurimit, RFJ-ja nuk mund të nënshkruaj kurrfarë marrëveshjeje në emër të Kosovës. Zëdhënësja e UNMIK-ut në Prishtinë, Suzan Manuel, ka deklaruar se territori i Kosovës nuk mund të jetë subjekt i asnjë marrëveshjeje derisa Këshilli i Sigurimit të Organzatës së Kombeve të Bashkuara të autorizojë statusin final të saj. Edhe drejtori i Zyrës së Informacionit në Misionin e UNMIK-ut, Sejmon Hajzellok e ka hedhur poshtë mundësinë që dikush tjetër, pos Organizatës së Kombeve të Bashkuara të nënshkruajë marrëveshje për kufijtë e Kosovës. Hajzellok ka theksuar se UNMIK-u njeh vetëm ata kufij që kanë qenë të njohur dhe të pranuar në kohën kur është nxjerrë Rezoluta 1244. Ai ka hedhur poshtë mundësinë e çfarëdo marrëveshje që ka të bëjë me Kosovën e cila është nën administrimin ndërkombëtar që nga qershori i vitit 1999.
Trajkovski thotë se nuk mund të ketë dyshime në validitetin e marrëveshjes për kufijtë
Shkup, 21 shkurt 2002 - Presidenti maqedonas Boris Trajkovski thotë se nuk mund të ketë dyshime në validitetin e marrëveshjes për kufijtë që e kanë nëshkruar vitin e kaluar Maqedonia me Jugosllavinë, pasi ajo u hodh poshtë nga Misioni i OKB-së në Kosovë.
Trajkovski thotë se marrëveshja në fjalë është ratifikuar nga parlamentet e të dy vendeve dhe është "përshëndetur" nga bashkësia ndërkombëtare.
Por kjo marrëveshje është kundërshtuar ashpër nga të gjitha subjektet politike të Kosovës, duke u quajtur si inekzistente, meqenëse është bërë pa përfaqësuesit e Kosovës.
Peja përkujton 170-vjetorin e lindjes dhe 100-vjetorin e vrasjes së Haxhi Zekës
Pejë, 21 shkurt 2002 Në Pejë të mërkurën u mbajt solemnitet me rastin e 170-vjetorit të lindjes dhe 100-vjetorit të vrasjes së partiotit shqiptar Haxhi Zekës, ndërkohë që mijëra qytetarë morën pjesë në ceremoninë e përkujtimit të tij.
Në një manifestim në Sheshin para Shtëpisë së Mallrave, e cila që në mbledhjen e fundit të kuvendit mban emrin e Kaxhi Zekës, edhe u vu gurthemeli i shtatores së atdhetarit. Lopatat e para të betonit në këtë themel i kanë vënë kryetari KK të Pejës Ali Lajçi, Komandanti i Zonës III Mbrojtëse të TMK-së gjeneralmajori Shaban Shala dhe historiani Zekeria Cana.
Nga një kurorë lulesh e kanë vënë delegacionet e KK të Pejës, Bordit të Drejtorëve, Administrata e UNMIK-ut, Komanda e Zonës III Mbrojtëse të TMK-së, subjektet politike dhe veteranët e arsimit. Ndërsa, në orën 15,00, në kino-teatrin “Jusuf Gërvalla”, Drejtorati për Kulturë, Shkencë dhe Arsim organizoi një akademi për jetën dhe veprrn e Haxhi Zekës.
Dita e shënimit të jubileut të Haxhi Zekës përfundoi me një ekspozitë të shkollës së mesme të artit “Odhise Paskali”, që u hap nga drejtoresha Emine Gorani, në të cilën nxënësit e kësaj shkolle ekspozuan punimet e veta./nga kps/
Të shtunën, homazhe në Varrezat e Shtutgartit
Cyrih, 21 shkurt 2002 Bashkëveprimtarët e dëshmorit Kadri Zeka që jetojnë në Zvicër, përkatësisht në Gjenevë, Bern, Biel e Bienne, Cyrih, Sangallë dhe Lucern, njoftojnë opinionin se janë bërë të gjitha përgatitjet për sjelljen e eshtrave të dëshmorëve Kadri Zeka dhe vëllezërve Jusuf e Bardhosh Gërvalla në Kosovë, thuhet në një njoftim të tyrin.
Ata më tej njoftojnë të gjithë bashkatdhetarët se homazhe për dëshmorët do të bëhen të shtunën nga ora 11,00 tek varrëzat kryesore të Shtutgardit. Në të njëtën ditë do të nisen për në Prishtinë. Në rivarrosjen e dëshmorëve në mënyrë të organizuar do të merr pjesë një numër i madh bashkatdhetarësh e bashkveprimtarësh të dëshmorëve nga Zvicra dhe Gjermania, thuhet në fund të njoftimit./shkruan kps/
E mërkurë, Shkurt 20, 2002
Në veri të Mitrovicës, ekstremistët serbë sulmojnë dy shtëpi shqiptare
Mitrovicë, 20 shkurt 2002 Grupe të ekstremistëve serbë kanë sulmuar të martën mbrëma dy shtëpi shqiptare në lagjen Kodra e Minatorëve që gjendet në veri të Mitrovicës, kanë njoftuar banrorët e kësaj lagjeje. Zeqir Rushiti, një veprimtar i lagjes tha se grupe të serbëve me gurë e gjësende tjera kanë xhyer xhamat e shtëpisë së Zef Gjokës dhe të shtëpisë së Isan Mustafës. Kjo nuk është hera e parë që huliganët serbë sulmojnë shtëpitë shqiptare me ç’rast dëmtojnë dhe gjatë këtij sulmi sipas Rushitit në këtë lagje nuk ishte asnjë patrullë e KFOR-it dhe policisë. Ne kemi kërkuar nga KFOR-i dhe policia që këto famileje shqiptare e turke të mbrohen meqë kanë mbetë jashtë punkteve mbrojtëse të KFOR-it, tha ai./
Reagimet e ashpra maqedonase ndaj deklaratës së gjeneralit amerikan për kufirin me Maqedoninë
Shkup,20 shkurt 2002"Qeveria Maqedonase është e shokuar nga deklarata e gjeneralit amerikan Kejt Huber dhe tani është kërkuar sqarim nga Kombet e Bashkuara", deklaroi sot zëdhënësi i Qeverisë së Republikës së Maqedonisë Gjorgji Trendafillov. Ai theksoi se "deklaratat e këtilla vetëm i janë duke i nxitur ata që shkaktuan përleshje të armatosura në Maqedoni që të vazhdojnë me incidente". Komandanti i brigadës multietnike "Lindje" të KFOR-it Kejt Huber, në konferencën për shtyp, të cilën e mbajti javën e kaluar në Gjilan, deklaroi se marrëveshja midis Shkupit dhe Beogradit për korrigjimin ose ridefinimin e kufijve është ilegale. "Ministria e Punëve të Jashtme e Republikës së Maqedonisë i hedh poshtë deklaratat e disa përfaqësuesve zyrtarë të KFOR-it dhe UNMIK-ut në Kosovë, lidhur me Marrëveshjen për shënimin e kufirit mes Republikës së Maqedonisë dhe RF të Jugosllavisë", thuhet në kumtesën e MPJ-së. Ministria e Punëve të Jashtme në kumtesën e sotme thotë se "bëhet fjalë për marrëveshje të arritur mes dy shteteve sovrane, anëtare të OKB-së, në bazë të Marrëveshjes për rregullimin e marrëdhënieve dhe përparimin e bashkëpunimit mes Republikës së Maqedonisë dhe RF të Jugosllavisë më 8 prill të vitit 1996, e në pajtim të Kartës së KB-ve, duke i respektuar parimet e sovranitetit, integritetit territorial dhe pavarsinë politike. Në pajtim me dispozitat përfundimtare, Marrëveshja formalisht hyri në fuqi më 16 qershor të vitit 2001, gjegjësisht 30 ditë pas këmbimit të instrumenteve ratifikuese". "Ministria e Punëve të Jashtme sot iu bëri thirrje përfaqësuesve të UNMIK-ut, KFOR-it, NATO-s dhe SHBA-ve që të japin sqarim për qëndrimet e tilla, ndërsa njëherit u dha instruksion ambasadorëve të Republikës së Maqedonisë në misionet e OKB-ve dhe NATO-s që të dërgojnë note proteste deri te këto organizata", thuhet në fund të kumtesës së Ministrisë së Punëve të Jashtme të Republikës së Maqedonisë. / njoftim i RTV 21/
Viktima e parë shqiptare dëshmon kundër Milloshevicit: Kështu i mbijetova masakrës në Celinë

Hagë, 20 shkurt 2002
RTV 21 njoftoi se dëshmitari i parë prej viktimave që dëshmoi sot në gjyqin kundër Millosheviçit në Hagë tregoi se si ushtria serbe dogji fshatin e tij, i vrau thuajse të gjithë familjen dhe e rrahu për vdekje. Agim Zeqiri, një fermer 49-vjeçar, u ul në stolin e dëshmitarëve ditën e shtatë të gjyqit kundër ish-diktatorit serb dhe përshkroi ditën e terrorit të vitit 1999 në Celinë, një fshat ku më pas hetuesit zhvarrosën 69 trupa. Zeqiri tha se 16 nga 18 anëtarët e familjes së tij, të moshës nga 1,5 deri në 62-vjeçare, u vranë dhe ai desh mbeti invalid pas goditjeve që mori në kokë dhe trup. Ai përshkroi se si ditën pas fillimit të bombardimeve të NATO-s më 24 mars 1999, trupa me uniforma ushtarake u futën në fshatin që ndodhet në Jug të Kosovës dhe nisën të djegin, të qëllojnë e të rrahin. “Ata e rrethuan tërë fshatin”, tha Zeqiri, që fliste prerë dhe qartë. “Ata erdhën dhe dogjën tërë shtëpitë”. Ndërsa jepte dëshminë e tij, Zeqiri ishte ulur në karrige në mënyrë të tillë që t’i kthente kurrizin Millosheviçit, i cili e dëgjonte duke mbajtur ndonjëherë shënime. Ndërkohë më parë, në seancën e sotme të Gjykatës Ndërkombëtare të Hagës u prezantuan dëshmi materiale për deportimin e dhunshëm të popullsisë shqiptare nga Kosova. Dëshmitari Stiven Spargo, paraqiti para trupit gjykues harta për rrugët nga kanë ecur refugjatët shqiptarë. Drejtimi i parë ishte nga Prishtina e Ferizaj për në Maqedoni, drejtimi tjetër ishte zhvendosja e refugjatëve në Shqipëri, nëpërmjet pikës kufitare në Qafë-Morinë, ndërsa drejtimi i tretë ishte dëbimi i shqiptarëve për në Mal të Zi. Spargo paraqiti edhe harta qytetesh dje pika të përqendrimit të shqiptarëve prej nga ka filluar lëvizja e tyre drejt kufijve. Gjykatës së Hagës sot iu paraqitën si dëshmi materiale edhe disa videokaseta. Videokaseta e parë, e cila zgjat një orë e gjysmë, ishte xhiruar në qytetin e Gjakovës, ku tregohet dëbimi i njerëzve nga shtëpitë. Tri videokaseta të tjera, të cilat janë deponuar në gjykatë, prokurori shpjegoi se janë të kompiluara nga BBC-ja, kurse janë transmetuar në lajmet e atyre ditëve. Në një nga videokasetat e BBC-së shihen të zhvendosurit shqiptarë mes periudhës 26 mars - 29 prill 1999. Ajo tregon njerëz të zhvendosur që arrijnë në pikat kufitare apo duke ecur në hekurudhë dhe në trena. Në të njëjtën videokasetë ka filmime edhe nga kampet në Maqedoni dhe në Shqipëri. Ndërkaq, në videokasetën e tretë shihen pamje të qytetit të Prishtinës, ku shihen njerëz të zhvendosur, dhe arritja e KFOR-it në Prizren. Që të tria videokasetat e BBC-së zgjasin 2 orë e 30 minuta. Ndërkaq, në një videokasetë të xhiruar nga banorët e fshatit Studime të Vushtrrisë, tha në vazhdim gjykatësi, shihen njerëz të sëmurë. Stiven Sparago tha se në bazë të shënimeve të Komesariatit të Lartë të Kombeve të Bashkuara për Refugjatë, në Maqedoni, në Shqipëri dhe në Mal të Zi ishin zhvendosur 800 mijë shqiptarë. Sipas dëshmive materiale, lëvizja e shqiptarëve për në këto vende ka filluar më 24 mars dhe ka vazhduar deri dy ditë pas nënshkrimit të marrëveshjes teknike të Kumanovës. Në vazhdimin e kësaj seance dëshmitarit Sparago iu shtruan pyetje nga i akuzuari Millosheviq. Shumë prej pyetjeve nuk u proceduan, për shkak se kryegjyqtari Geoeffry Nice, i vlerësoi ato të parakohshme ose jo të lidhura me dëshmitë e dëshmitarit Sparago.
Një fshatar nga Kosova dëshmoi kundër Milosheviqit
Hagë, 20 shkurt 2002 (sipas Kosovapress-it) Një dëshmitar kosovar, lidhur me dhunën ushtruar nga forcat serbe në Kosovë, para pak kohësh në Hagë ka filluar dëshminë e tij kundër ish-presidentit jugosllav Sllobodan Millosheviq. Pala akuzuese ka thirrur për të dëshmuar një fshatar 49-vjeçar, Agim Zeqiri, nga fshati Celinë. Dëshmitari tha se që në fillim të bombardimeve të NATO-s në mars të 1999, ushtria jugosllave hyri nëpër fshatra duke i vënë zjarrin shtëpive dhe duke vrarë banorët, me këtë rast duke vrarë 16 anëtarë të familjes së tij, gjë që është kontestuar nga kryekrimineli Millosheviq. Dëshmitari tha se kishte shpëtuar, pasi ishte larguar fshehurazi nga ajo zonë. Ndërkohë, gatishmëri që të paraqitet si dëshmitar para Tribunalit të Hagës shprehu edhe kryetari malazez Milo Gjukanoviq. Shefi i shtetit malazez deklaroi se në kuadër të bashkëpunimit mes Tribunalit të Hagës dhe Malit të Zi, ai është i obliguar që të paraqitet në Hagë nëse thirret.
Libri i Borisav Joviqit merret si dëshmi nga gjykata e Hagës
Hagë 20 shkurt 2002(sipas QIK-ut) - Atë që nuk mundi apo nuk diti ta thotë dje dëshmitari Mahmut Bakalli para gjykatës së Hagës, sidomos për suprimimin me dhunë të autonomisë së Kosovës në bazë të Kushtetutës së 1974, mbrëmë u bë e ditur se Tribunali i Hagës ka marrë si dëshmi librin e Borisav Joviqit mu lidhur me këto çështje. Joviq në kohën e suprimimit të autonomisë së Kosovës më 1989 ishte kryetar i Kuvendit të Serbisë dhe një nga kreatorët e shuarjes së autonomisë dhe organizator kryesor këtyre ndryshimeve dhe ai në këtë libër përshkruan në detaje të gjitha makinacionet e Beogradit kundër Kosovës në atë kohë. Borisav Joviq më vonë ra në konflikt me Millosheviqin u tërhoq nga politika.
Haga do të çjerrë edhe maskën e Ibrahim Rugovës, thotë Bajrush Xhemajli
Therandë, 20 shkurt 2002 Sipas njofdtimeve të kosovapress-it gjatë një vizite për shqyrtimin e çështjeve organizative në Degën e PDK-së në Therandë, Bajrush Xhemajli, zyrtar i lartë i kësaj partie ka komentuar edhe atmosferën dhe zhvillimet në Gjykatën e Hagës. „Haga do të çjerrë shumë maska e edhe atë të Ibrahim Rugovës”, ka thënë zoti Xhemajli para anëtarëve dhe aktivistëve të kësaj partie në qytetin e Therandës. Në grupin e zyrtarëve të lartë të PDK-së në këtë vizitë punë ishin edhe Ibrahim Shala, anëtar i kryesisë së PDK-së, Driton Lajçi, deputet në Parlamentin e Kosovës dhe anëtar i Këshillit Drejtues të kësaj partie, dhe verpimtarët e organizatës rinore të PDK-së, Mevledin Krasniqi e Safet Hoxha. Shkrirja e PQLK-së dhe aktivizimi ynë në PDK është vetëm vazhdim pozitiv i kontributin tonë në procesin e përgjithshëm, ka thënë ish-kryetari i PQLK-së Ibrahim Shala.
Gjenerali Rrahim Ademi mbrohet në liri
Zagreb, 20 shkurt 2002 Gjenerali i ushtrisë kroate me prejardhje shqiptare Rrahim Ademi është liruar të mbrohet në liri nga Tribunali i Hagës, ka vërtetuar të mërkurën zëvendëskryeministri kroat Goran Graniq. Sipas tij, gjeneral Ademi pritet që nesër (e enjte) të arrijë në Kroaci.
Me këtë rast, zëvendëskryeministri kroat Graniq, gjatë konferencës për gazetarë, e ka vlerësuar pozitivisht qëndrimin e Gjyqit të Hagës për shkak se nuk ka kërkuar që gjeneral Rrahim Ademin ta përcjellë policia, por ai do të përcillet nga zyrtarët e qeverisë kroate.
Gjeneral Ademi është akuzuar nga gjykata e Hagës për krime lufte gjatë operacionit të forcave kroate në Megjaçki Xhep.
Për lirimin e Rrahim Ademit dhe mbrojtjen e tij në liri ka garantuar Qeveria e Kroacisë.
E marte,19 shkurt 2002
Batalioni i xhenios vizitoi kullën e Isa Boletinit
Mitrovicë, 19 shkurt 2002 Batalioni 34 i xhenios që vepron në kuadër të Zonës së IV Mbrojtëse të TMK-së, të martën, ka vizituar Kullën e Isa Boletinit, në Boletin të Shalës së Bajgorës. Komandanti i këtij batalioni, Nexhat Dedija, ka thënë se qëllimi i kësaj vizite ishte që t’i bëhet një vizitë një figure më eminente që nga koha e Skenderbeut e deri në kohën e tij. "Është një nder për ne që të njoftohemi në tërësi me historinë e heroit Isa Boletini, por njëherit është në interes të të gjithë qytetarëve të Kosovës dhe institucioneve të saj që ta vizitojnë këtë kullë”, ka thënë komandnanti Dedija. Ai ka premtuar se batalioni që ai e komandon është në gjendje të ndimojë në meremetimin e këtij objekti, pa marrë parasysh se kush do të jetë iniciator për këtë. Ne jemi në dijeni se toka në të cilën gjendet kisha orthodokse është pronë e trashëgimtarëve të Isa Boletinit, e jo pronë e kishës. Për historinë e heroit në fjalë, ushtarëve u ka folur Imer Miftari, profesor i histories, njëherit, ish-epror i UÇK-së në Zonën Operative të Shalës. Drejtori i shkollës së fshatit Boletin, Fatmir Kelmendi, në emër të personelit mësimdhënës dhe në emër të banorëve të fshatrave Boletin dhe Zhazhë, pasi ka falënderuar për këtë vizitë, tha se është një gëzim i madh për ne që pikërisht në kullën e Isa Boletinit kanë ardhur çlirimtarët që ia sollën lirinë Kosovës, pra pikërisht në këtë vend që ka vlerë të madhe edhe për faktin se në këtë kullë është hapur shkolla e parë shqipe në rajonin e Mitrovicës në vitin 1899, ku mësuesi i parë ka qenë Imer efendia. Kelmendi ka thënë se është kërkesë e banorëve të këtyre fshatrave që në këtë vend të sillen eshtrat e heroit Isa Boletini dhe të bëhet rindërtimi i kullës së tij.
Shoqatat e dala nga lufta: Jusuf e Bardhosh Gërvalla dhe Kadri Zeka të mos varrosen ndarazi
E marte,19 shkurt 2002 Shoqatat e dala nga lufta në Kosovë kanë kërkuar sot që tre heronjtë Jusuf e Bardhosh Gërvalla dhe Kadri Zeka të mos varrosen ndarazi. Në një letër dërguar të Shoqatës së Veteranëve të Luftës së Ushtrisë Çlirimtare të Kosovës, Shoqata e Invalidëve të Luftës së Ushtrisë Çlirimtare të Kosovës, Shoqata e Familjeve të Dëshmorëve të Luftës së Ushtrisë Çlirimtare të Kosovës drejtuar Këshillit Organizativ për Rivarrimin e Heronjve të Kombit Jusuf e Bardhosh Gërvalla dhe Kadri Zeka thuhet: “Kërkojmë të çfuqizohet vendimi për rivarrosjen e tyre në vendlindje dhe të ndarë. Një gjë të tillë nuk do ta pranonin as edhe vetë ata, po të ishin gjallë. Ky këshill duhet të zëvendësohet me një këshill të nivelit kombëtar, i cili do të organizonte rivarrimin e heronjve të kombit në varrezat e dëshmorëve në kryeqytetin e Kosovës, në Prishtinë. Rivarrimi i tyre të merr karakter gjithëkombëtar e asesi të bëhet në bazë grupore, klanore apo partiake. Ne, Shoqata e Veteranëve të Luftës së UÇK-së, ajo e Invalidëve të Luftës së UÇK-së dhe Shoqata e Familjeve të Dëshmorëve, pa qëllim për të marrë kompetencat e familjeve të dëshmorëve, konkretisht të Jusufit, Bardhoshit dhe Kadriut, megjithatë shfrytëzojmë të drejtën për të kërkuar mosndarjen e tyre për së vdekuri, mosvrasjen e tyre për së dyti, por respektimin dhe ngritjen e tyre në piadestalin më të lartë të kombit, ashtu siç e meritojnë ata. Prandaj, historia do ta vërtetojë arsyeshmërinë e kërkesës sonë dhe do t’i bashkojë ashtu siç ishin, të pandarë, në veprimtari për idealin e tyre të shenjtë për lirinë e popullit shqiptar. Kërkojmë ndjesë dhe mirëkuptim nga familjet e tyre, njëherit kërkojmë që të heqin dorë nga vendimi i mëhershëm”, thuhet në fund të letrës së këtyre tri shoqatave që përfaqësojnë vlera të luftës së ish-Ushtrisë Çlirimtare të Kosovës
Për nder të përvjetorit të grevës së minatorëve, turnir i madh shahu në Mitrovicë
Mitrovicë, 19 shkurt 2002 Për nder të përvjetorit të trembëdhjetë të grevës së minatorëve të Trepçës (greva e vitit 1989), në organizim të klubit të shahut “Minatori”, kampion aktual i Kosovës, më 23 e 24 shkurt, në Mitrovicë do të organizohet një turne, ku do të luhet shah i përshpejtuar, sipas sistemit zviceran, me nëntë xhiro, kurse loja do të zgjasë 25 minuta për secilin shahist. Shpërblimi për fituesin e turneut është 825 euro dhe është siguruar nga SH.A. “Dardania”, në këtë qytet. Në turne janë ftuar të marrin pjesë mbi 120 shahistë nga Kosova, Shqipëria, Maqedonia, Mali i Zi, Kosova Lindore, diaspora si dhe shahistë përfaqësues të KFOR-it, UNMIK-ut, OSBE-së dhe OJQ-ve që punojnë në Mitrovicë. Deri më tani, pjesëmarrjen e kanë paralajmëruar fituesi i turneut të kaluar, mjeshtri Fazli Jetullahu, dy mjeshtrit ndërkombëtarë Bedri Sadiku i Kosovës dhe Ilir Seitaj nga Shqipëria, mjeshtrit e FIDE-së, A. Fejzullahu, B. Bujupi dhe M. Xheladini të Kosovës, Z. Zulo, V.Adhami dhe I. Karkanqe të Shqipërisë, kampioni i Kosovës, Naim Sahitaj, klubi i shahut “Fiei” nga Shqipëria si dhe shahistë nga Maqedonia, me në krye kandidatët mjeshtër Nahi Hasani, kampin i shumëfishtë i Ulqinit, kandidati mjeshtër Gani Bisha dhe shahistë të tjerë nga Kosova dhe Presheva.
Bakalli përfundon dëshminë në Hagë: S’ka asnjë projekt për Shqipërinë e madhe
E marte,19 shkurt 2002 (sipas RTV 21) Në seancën e sotme të Gjyqit Ndërkombëtar të Hagës, i akuzuari për krime lufte dhe gjenocid Sllobodan Millosheviç, iu drejtua me pyetje mbërthyese dëshmitarit të parë Mahmut Bakallit. Në pyetjet e parreshtura dhe agresive, Millosheviçi përpiqej që ta mohojë segregacionin që ua kishte bërë shqiptarëve të Kosovës, synonte që të paraqesë sikur ndryshimet kushtetuese janë bërë me pëlqimin e shqiptarëve, përkatësisht "përfaqësuesve" të tyre. Sidomos pyetjet e të akuzuarit përpiqeshin të rrëzonin dëshmitë e Bakallit për krimet e luftës dhe spastrimet. Dëshmitari Bakalli gjatë dëshmimit dhe përgjegjes në pyetjet e të akuzuarit tha se Millosheviçi ishte fajtor për vrasjen e mijëra shqiptarëve të paarmatosur dhe të pambrojtur. Për takimet sekrete me përfaqësuesit e shërbimit të sigurimit serb dhe për takimet publike, Bakalli ka folur me fakte, duke dëshmuar dhe argumentuar ekzistimin e planit serb për spastrimet etnike të shqiptarëve të Kosovës. Pastaj gjyqi ka vazhduar me pyetje, për të cilat kryegjyqtari Richard May ka ndërhyrë shpesh se nuk kanë pasur të bëjnë me aktpadinë. Millosheviç e ka pyetur dëshmitarin Bakalli se nëse ai ka qenë në dijeni të planeve për një Shqipëri të Madhe. "Nuk ekziston projekti i Shqipërisë së Madhe, por ekziston vetëm projekti për liri, demokraci dhe Kosova të jetë e pavarur”, tha Bakalli. Millosheviçi e pyeti Bakallin edhe për sulmet e UÇK në Serbinë Jugore. Bakalli i është përgjigjur se, "ti, Millosheviç e di mirë pse ndodhin këto sulme, nuk janë sulme që janë bërë nga UÇK-ja". Ish-Presidenti jugosllav ka deklaruar se Mahmut Bakalli ka qenë këshilltari i Adem Demaçit, krahut politik të ish-UÇK-së. Bakalli iu përgjigj se, "nuk dua të fsheh të vërtetën”. “Unë e them me mburrje që kam qenë këshilltar i tij, por nuk kam pasur lidhje të drejtpërdrejta me ta (UÇK-në)”, tha Bakalli. Ndërkohë sot gjatë deklarimeve të tij të mëparshme, Bakalli është shprehur se "kushtetuta jugosllave është modifikuar duke anulluar statusin e autonomisë së Kosovës. Në pyetjet e Millosheviçit edhe më tej vërehej qartë tendenca e tij për të fajësuar shqiptarët për gjithë atë që ka ndodhur në Kosovë, në kohën kur ai ishte kryetar i Serbisë dhe Jugosllavisë së atëhershme. Ai kërkonte përgjegje nga dëshmitari në lidhje me disa vrasje individuale të serbëve, të cilat, sipas Millosheviçit, kishin ndodhur në kohën kur Mahmut Bakalli ka qenë funksionar i lartë politik i Kosovës. Lidhur me këtë çështje Mahmut Bakalli pohoi se ka pasur raste të vrasjes së serbëve në atë kohë në Kosovë, por ai ka shtuar se të gjithë autorët e këtyre vrasjeve janë dënuar ashpër nga organet e atëhershme të drejtësisë në Kosovë. "Nuk kam njohuri për asnjë llojë dhune etnike të shqiptarëve ndaj serbëve në Kosovë, por kam njohuri se për vrasjen e 12 mijë shqiptarëve civil gjatë konfliktit në Kosovë, përfshirë këtu fëmijë, gra dhe pleq, fajtor është Sllobodan Millosheviçi", ka dëshmuar Bakalli. Millosheviçi e pyeti Bakallin nëse popullata shqiptare është larguar nga Kosova për shkak të bombardimeve të NATO-së mbi caqet serbe. Ndërsa, nga ana e tij Bakalli dëshmonte se civilët shqiptarë në atë kohë, janë dëbuar nga Kosova me dhunë nga policia dhe ushtria serbe. Në ditën e sotme të gjykimit, i akuzuari, ish-kryetari i Serbisë dhe Jugosllavisë, Sllobodan Millosheviq shumë herë i drejtonte pyetje dëshmitarit për periudhën kur i akuzuari nuk ishte në pushtet, por ndërpritej nga gjykatësi kryesor Richard May, me aryen se pyetjet nuk kanë të bëjnë me aktakuzën me të cilën ngarkohet Millosheviçi. Duke ju përgjigjur pyetjeve, shumë herë agresive të Millosheviçit, Mahmut Bakalli dëshmoi edhe për dëbimin masiv nga puna të shqiptarëve të Kosovës, në kohën kur Millosheviç ishte kryetar i Serbisë dhe Jugosllavisë. Bakalli gjithashtu shpalosi fakte edhe për burgosjet e shumta politike të shqiptarëve të Kosovës nga organet gjyqësore në kohën e regjimit të Millosheviçit. I akuzuari i Tribunalit të Hagës, Sllobodan Millosheviç edhe sot kërkonte sqarime lidhur me takimet e mëhershme sekrete të Bakallit me përfaqësuesit e shërbimit të sigurimit serb. Edhe për këtë çështje dëshmitarit Mahmut Bakalli nuk i mungonin faktet e bollshme për të dëshmuar ekzistimin e planit serb për spastrimet etnike të shqiptarëve nga Kosova.
Gjykimi i kryekriminelit: Një dëshmi e zbehtë e Mahmut Bakallit në vazhdim të senacës në Hagë
Hagë, Prishtinë, 19 shkurt 2002 ora 16,30 (sipas Kosovapressit)
Megjithë përpjekjet për mbrojtjen e së vërtetës që ka ndodhë në Kosovë e ish-Jugosllavi në kohën e sundimit të kryekriminelit Milosheviq, qasja e Mahmut Bakallit si dëshmitar i parë në Gjykatën e Hagës, ka qenë relativisht e zbehtë. Përballë pyetjeve të vazhdueshme të Milosheviqit, Bakalli nuk ka arritur të ofrojë faktet e bollshme të cilat ekzistojnë në lidhje me krimet e Milosheviqit në Kosovë dhe hapësirën e ish-Jugosllavisë. Ndërkohë, i akuzuari për krime lufte, Sllobodan Milosheviq, është thirrur në historinë e Kosovës të shkruar në mënyrë të rreme nga serbët, pa pasur parasysh se çfarë kishte ndodhur realisht në Kosovë, gjatë tërë kohës së pas Luftës së Dytë Botërore. Në vazhdimin e seansës së të martës, kryekrimineli Milosheviq mundohej të paraqiste se shqiptarët i kanë ndjekur serbët nga Kosova, duke marrë shembuj individualë. Këtu dëshmitari, Bakalli, merr shembullin e një shqiptari që për hakmarrje ka vrarë një serb, nga organet e atëhershme kosovare, sa ishte edhe Bakalli në pushtet, dhe është dënuar më pastaj me dënimin kapital, me vdekje. Gjithashtu, pati replika edhe rreth termeve terrorizëm dhe krim, ku Milosheviqi përmes rasteve individuale mundohej t’i fajësonte shqiptarët kolektivisht, dhe të mbulonte krimet e tij kolektive ndaj shqiptarëve. Kaptinë e veçantë ishte edhe definimi i Kosovës në federatën jugosllave, ku Bakalli, duke u thirrur në Kushtetutën e vitit 1974, bënte dallimin dhe definonte se si ka funsionuar Kosova para ndryshimeve të dhunshme kushtetuese të bëra nga Milosheviqi, më 1989. Edhe për gazetat në gjuhën shqipe, i akuzuari mundohej të tregonte se nuk kishin qenë të ndaluara nga regjimi serb. Këtu dëshmitari u përgjigj se “në Kosovë kanë lindur shumë gazeta dhe janë ndaluar dhe kërcënuar nga regjimi i Serbisë”. I akuzuari u mundua që pyetjes së tij t’i japë kahje tjetër, duke u thirrë në bojkotin kolektiv të punëtorëve shqiptarë gjatë kohës kur ai e udhëhiqte Serbinë dhe Jugosllavinë, ndërkaq Bakalli theksoi se “është bërë largimi i tyre në formën tjetër, pasi që është kërkuar që punëtorët shqiptarë të jenë lojalë ndaj shtetit serb, e të cilin shqiptarët nuk e kanë njohur kurrë, prandaj ky ishte qëllim politik i inponuar nga Serbia me në krye të akuzuarin Milosheviq, ka thënë ai. Me theks të posaqëm i akuzuari për krime lufte, kishte potencuar qëllimisht disa pyetje provokative me qëllim të kompromitimit të UÇK-së dhe vetë Hashim Thaqit, ish-drejtor politik i UÇK-së dhe tani kryetar i PDK-së, duke u munduar që këtë ta paraqesë si bashkëpuntor të Osama Bin Ladenit. Kreyekrimeneli Milosheviq, në pyetjen direkte se a ishte për ty e logjikshme pjesëmarrja e Thaçit në Rambuje si udhëheqës i grupit shqiptarë, merr nga Bakalli përgjigjen se “ishte e drejtë pikërisht pjesmarrja e Hashim Thaçit, si kryesues i grupit shqiptarë pjesmarrës në Konferencën e Rambujesë pasi që atje delegacioni shqiptar duhej të ishte në përbërje të gjerë dhe se Thaçi në atë kohë ishte faktor real për Kosovën”. Shpifjet e Milosheviqit për lidhjet e Thaçit me Bin Ladenin, Mahmut Bakalli i ka hedhur poshtë si plotësisht të pavërteta. “Akuzat e bëra nga Milosheviqi janë të pavërteta, duke thënë se në bazë të deklaratave të kompetentëve ndërkombëtarë të vendosur në Kosovë nuk ka fakte se jane vrasje politike dhe se nuk dihen autorë e këtyre krimeve”, ka qenë përgjigjia e Bakallit në pyetjen e Milosheviqit se a janë vrasje politike vrasjet e bashkëpunëtorëve të Ibrahim Rugovës. Në pyetjen e drejtuar nga kryekrimineli Milosheviq se a keni njohuri për ekzistimin e Shqipërisë së Madhe, duke aluduar në Shqipërinë e gjatë kohës së Luftës së Dytë Botërore, Bakalli u përgjigj: “Jo! Nocioni Shqipëri e Madhe është produkt i vetë Serbisë, pasi që asnjë parti politike në Kosovë nuk ka në programin e vet si dhe nuk ekziston asnjë platformë kombëtare shqiptare për këtë qëllim”. Gjatë gjithë kohës, i akuzuari mundohej të futej në detaje të parëndësishme për vetë procesin gjyqësor që po zhvillohet kundër tij në këtë Tribunal. Në fund të seancës, nga prokuroria u diskutuan çështjet teknike të vazhdimit të punës, ndërkohë që kryekrimineli serb sillet sikur të ishte në vizitë pune e jo në gjyqin që i bëhet atij për krimet më të mëdha në Ballkan, duke treguar se ai paska planifikuar takim familjar të enjten. Për habi udhëheqësi i këtij tribunali u deklarua se nëse keni planifikuar takimin, atëherë të enjten nuk do të mbahet seanca. Seanca e vazhdon nesër në orën 9:30.
Vazhdon gjykimi, Bakalli mposhtë Milosheviqin
Prishtinë, 19 shkurt 2002 ora 11,00 (sipas Kosovapressit)
Të marten, në Gjykatën e Hagës vazhdoi seanca në të cilën krimineli Milosheviq e filloi me pyetje drejtuar Mahmut Bakallit, dëshmitarit të parë kundër tij. Në këtë seancë Bakalli u ballafaqua direkt me kryekriminelin e akuzuari për krime lufte nga Tribunali Ndërkombëtar i Hagës. Gjatë tërë kohës, i akuzuari i shtronte pyetje dëshmitarit, duke provuar të ikte nga tema, “gjykimi i tij” që zhvillohet në këtë Tribunal, duke provuar t’i kompromitonte të gjithë të tjerët e, në veçanti UÇK-në dhe udhëheqësit e saj. Por, edhe kësaj radhe, me një maturi të lartë, duke ofruar gjithmonë fakte, Bakalli i përgjigjej gjakftohtë dhe, siç thoshte ai, “jam krenar që kam qenë këshilltar i Demaçit gjatë kohës kur ai ishte udhëheqës politik i Ushtrisë Çlirimtare të Kosovës (UÇK)”. Gjatë seances, disa herë u desh që të ndërhynte edhe përfaqësuesi i Tribunalit të Hagës, pasi që vërehej haptas qëllimi i Milosheviqit për të ikur nga tema që zhvillohej aty. Seanca, pas një pauze të shkurtë, po vazhdon me pyetjet e Milosheviqit për dëshmitarin të parë kundër kryekriminelit Milosheviq.
Pyetjet mbërthyese të Millosheviqit për të krijuar huti te dëshmitari Bakalli"
Hagë, 19 shkurt 2002 (sipas QIK-ut)
- Në dy seancat e sotme të Gjyqit Ndërkombëtar të Hagës, i akuzuari për krime lufte dhe gjenocid Sllobodan Milosheviq, iu drejtua me pyetje mbërthyese dëshmitarit të parë Mahmut Bakallit. Në pyetjet e parreshtura dhe agresive, Milosheviqi përpiqej që ta mohojë segregacionin që ua kishte bërë shqiptarëve të Kosovës, synonte që të paraqesë sikur ndryshimet kushtetuese janë bërë me pëlqimin e shqiptarëve, përkatësisht "përfaqësuesve" të tyre. Sidomos pyetjet e të akuzuarit përpiqeshin të rrëzonin dëshmitë e Bakallit për krimet e luftës dhe spastrimet etnike dhe kinse për mungesën e informacionit të ish-kryetarit të Jugosllavisë së cunguar për masakrat që janë bërë në Kosovë, duke ia lënë barrën e këtyre krimeve disa grupeve të papërgjegjshme serbe. Dëshmitari Bakalli gjatë dëshmimit dhe përgjegjes në pyetjet e të akuzuarit tha se Milosheviqi ishte fajtor për vrasjen e mijëra shqiptarëve të paarmatosur dhe të pambrojtur. Zoti Bakalli edhe pse do të duhej të kishte mjaft fakte e dëshmi relevante, në situata krijonte përshtypjen e pasigurisë, pështjellimit, harronte datat e disa nga ngjarjet kryesore politike në Kosovë. Pasiviteti i tij politik gjatë një periudhe të gjatë sikur ia kishte zventuar edhe pasivitetin e informacioneve politike dhe jo vetëm politike, por edhe ato të dëshmimit. Megjithatë, për takimet sekrete me përfaqësuesit e shërbimit të sigurimit serb dhe për takimet publike, nuk i mungonin faktet dhe ky dëshmim ishte material i bollshëm për të dëshmuar e argumentuar ekzistimin e planit serb për spastrimet etnike të shqiptarëve të Kosovës.
E hënë,18 shkurt 2002
Bakalli: Plani për pastrimin etnik të shqiptarëve ekzistonte shumë më herët"
Hagë, 18 shkurt 2002 - Në seancën e pasditës të Gjyqit Ndërkombëtar të Hagës, u paraqit dëshmitari i parë. Ishte ky Mahmut Bakalli, ish-funksionar i lartë i Kosovës e tani deputet i Kuvendit të Kosovës. Ai para trupit gjykues që po e gjykon Milosheviqin për krime lufte dhe gjenocid, tha se kishte pasur disa takime me diktarorin Milosheviq dhe takime paraprake me përfaqësuesit e pushtetit serb. Takimet ishin zhvilluar në Prishtinë, Brezovice dhe së fundi edhe në Beograd, në rezidencën e Milosheviqit. Pasi bëri një rezyme të dhunës, apartheidit, vrasjeve e krimeve, Mahmut Bakalli foli edhe për ekzistimin e planit serb për pastrimin etnik të Kosovës. Në takimin e parë që kishte pasur me shefin e sigurimit shtetëror të Serbisë të instaluar në Kosovë, Bakalli tha se zyrtari serb ndër të tjerat ia kishte përmendur mundësinë që, nëse shqiptarët nuk i pranojnë kushtet e Serbisë, atëherë ata kanë planin e quajtur "Toka e djegur", sipas të cilit ishte do të digjeshin 700 lokalitete shqiptare. Edhe herën e dytë në Brezovicë, tha Bakalla, shefi i sigurimit Stanishiq ia ka përmendur mundësinë e zbatimit të këtij plani. Ndërkaq, në takimin e parë me Milosheviqin më 15 prill në Beograd, Bakalli tha se ia ka bërë me dije ish-kryetarit të Jugosllavisë së cunguar se ai bart përgjegjësinë për dhunën dhe krimet që po bëhen në Kosovë, duke ia përmendur ndër të tjerat rastin e masakrimit të familjes Jasharaj në Prekaz. Ndërkaq, në takimin e dytë, të zhvilluar një muaj më vonë (15 maj), Bakalli tha se përafërsisht ia ka përsëritur gjërat e njejta për përgjegjësinë e Milosheviqit ndaj dhunës në Kosovë. Në këtë takim, ku ishte edhe Dr. Ibrahim Rugovën, Bakalli tha se Dr. Rugova i ka thënë Miloshevqit që të respektojë vullnetin e shprehur të shqiptarëve të Kosovës për pavarësi. Mahmut Bakalli, dëshmitari i parë në procesin ndërkombëtar kundër Milosheviqit përmendi edhe shumë argumente të tjera, të cilat flisnin për represionin serb ndaj shqiptarëve të Kosovës, për ekzistimin e planit për pastrimin etnik të shqiptarëve dhe për nxitjen e luftës nga Milosheviqi.(sipas QIK-ut)
Përfundoi dëgjimi i Milosheviqit, i cili edhe sot për krimet e veta akuzoi tërë botën, madje edhe viktimat e tij
Prishtinë, 18 shkurt 2002 Të hënën në Tribunalin Ndërkombëtar të Hagës, seanca ka vazhduar me dëgjimin e të akuzuarit Sllobodan Milosheviq, ish kryetarit të Serbisë dhe Jugosllavisë, i cili akuzohet për krime lufte të bëra në Kosovë, Kroaci dhe Bosnjë e Hercegovinë. Gjatë tërë fjalimit, kryekrimineli i Ballkanit është shprehur se “aktakuza e ngritur kundër tij është e rrejshme dhe falso” dhe se gjoja vetëm ai flet të vërtetën dhe se ”ai është më superior, ku drejtësia është në anën e tij”, sikurse ka thënë krimineli në fund të fjalimit të tij të sotëm. Milosheviq gjatë fjalimit është orientuar në taktikën e vjetër, të cilën e kishte përdorur gjatë karrierës së tij në pushtet, duke fajësuar për të gjitha krimet, të cilat i kishte kryer ai dhe aparati i tij i dhunës, jo vetëm shqiptarët, kroatët, boshnjakët, por edhe tërë bashkësinë ndërkombëtare. Gjithashtu ai u orientua edhe në, siç ka thënë ai, “faktet historike”, ”politiko strategjike” dhe në urrejtjen personale ndaj tij, duke theksuar se ai vetë “është i kërcënuar dhe shantazhuar nga të tjerët, së bashku me familjen”. Historikisht ai mundohej që popullin serb të paraqesë edhe si viktimë nga popujt tjerë në Ballkan e, sidomos në Kroaci, derisa për Kosovën në shfaqjen e një videokasete e cila u emitua gjatë kohës së caktuar për të, ai e fajësonte, ish-kryetarin e ish-RSFJ-së, Titon, se gjoja ai është fajtor për dhënien e autonomisë së plotë të Kosovës në kuadër të Jugosllavisë dhe se pas Luftës II Botërore, siç tha ai, “Titoja ndaloi në Serbi serbët e shpërngulur me dhunë nga Kosova”. Fillimin e luftës në Kroaci ai e quajti si lojë të ndërkombëtarëve. ”Lufta në Kroaci është bërë me hudhjen e benzinës në zjarr nga ndërkombëtarët e konkretisht të pranimit të shtetit kroat nga Gjermania”. “Serbia dhe unë personalisht kemi luftuar për një zgjidhje politike si në Bosnjë, ashtu edhe në Kroaci, në tërë atë kohë jam munduar që të ndihmoj paqen. Unë akuzohem për një krim që është bërë nga të tjerët, nga ata që e kanë krijuar këtë tribunal”, theksoi kryekrimineli Milosheviqi, duke mos e pranuar asnjëherë fajësinë e tij për të gjithë tragjedinë që ka ndodhur në Ballkan. Duke folur për granatimin e Dubrovnikut, ai pranon se ky granatim është krim, por kurrsesi nuk e pranon fajin për granatimet që janë bërë nga ushtria serbe, duke theksuar se “Serbia nuk ka pasur lidhje me granatimin dhe bombardimin e Dubrovnikut”. Qëllimi përfundimtar i fjalimit të kryekriminelit të Ballkanit në Tribunalin e Hagës ishte që edhe kësaj radhe t’i fajësonte të gjithë të tjerët përveç serbëve dhe vetes si dhe të thirrej në aktakuza gjoja të rreme që janë bërë kundër tij nga Tribunali që ai nuk e pranon si gjyq, e që është i krijuar nga bashkësia ndërkombëtare që ka bërë agresion në Serbi.
Dëgjimi i të akuzuarit ishte pjesa e parë e seancës së sotme, e cila përfundoi dhe do të vazhdojë më vonë me dëgjimin e dëshmitarit të parë që, siç dihet, do të jetë ish-politikani komunist Mahmut Bakalli, tani deputet i AAK-së në Parlamentin e Kosovës.
KMDLNJ: Absurde, Milosheviq ka vrarë 12 mijë njerëz ndërkaq akuzohet vetëm për 900 vrasje
Prishtinë, 18 shkurt 2002 Në ditën e parë të javës së dytë të gjykimit të kryekriminelit të Ballkanit para Tribunalit Ndërkombëtar të Hagës, Bexhet Shala, drejtor ekzekutiv i KMDLNJ-së, i ka thënë Kosovapressit se “është e pakuptimtë që në Kosovën në të cilën janë vrarë mbi 12.000 njerëz, urdhëruesi i këtyre vrasjeve akuzohet vetëm për 900 të tilla”.
Këshilli për Mbrojtjen e të Drejtave dhe Lirive të Njeriut e ka akuzuar për gjenocid qysh para një dekade kryekriminelin e Ballkanit, Sllobodan Milosheviq.
Dihet mirë se gjatë konfliktit të armatosur në Kosovë janë vrarë 12.000 njerëz, shumica e të cilëve janë civilë. KMDLNJ-ja, në vitin 1999 ka denoncuar që Milosheviqi me bashkëpunëtorët e tij ka bërë krime të papara mbi popullatën shqiptare në Kosovë.
“Ne e kemi denoncuar këtë edhe dy herë më herët, para vitit 1999, kurse në këtë vit ne kemi bërë plotësimin e denoncimeve të mëparshme dhe mund të them se është një satisfaksion në aktakuzën të cilën e ka dorzuar KMDLNJ-ja së bashku me dosjet tjera, përfshirë këtu të gjithë personat që më vonë janë gjetë në tribunalin e Hagës”, ka thënë Shala, duke bërë të ditur se ky organizëm ka identifikuar të gjithë ata persona që kanë qenë të inkriminuar në krime ndaj shqiptarëve dhe popullsisë civile.,br> “Ai mundohet t’i japë një karakter politik këtij gjykimi”, ka thënë më tej Bexhet Shala, duke pyetur se “deri kur ai ka të drejtë në këtë?”. Mbase bashkësia ndërkombëtare ka bërë shumë lëshime, sepse ajo shumë kohë atë e ka parë si një lojtar të paqes, si një njeri i cili i sjellë paqe kësaj pjese të ballkanit”, ka thënë ai.
Sipas drejtorit ekzekutiv të Këshillit për Mbrojtjen e të drejtave dhe lirive të njeriut në Prishtinë, Milosheviqi ka qenë në maje të piramidës së krimit, ai ka qenë projektuesi i saj, ai që ka urdhëruar këto krime, pra pafajsia e tij është e padiskutueshme. “Por nuk është vetëm Milosheviqi fajtor”, shton Shala, sipas të cilit “ai duhet ta marrë dënimin e merituar, sikurse edhe të gjithë bashkëpunëtorët e tij, që duhet të jenë në Tribunalin e Hagës”.
Behxhet Shala i ka thënë Kosovapressit se srbët duhet ta bëjnë një pastrim të shpirtit, sepse tani për tani “60 përqind të popullatës serbe nuk e shohin Milosheviqin si fajtor, e në një formë këta të gjithë kanë ushqyer krimin”. Ai ka thënë se “aparati i cili ka kryer krimet në Kosovë ka mbetur i paprekur, pra stuktura ushtarake policore e ndoshta edhe ajo paramilitare, ka mbetur përafërsisht ajo që ka qenë gjatë konfliktit të armatosur”.
Fare në fund, për drejtorin ekzekutiv të KMDLNJ-së, “gjykimi i Milosheviqit në Tribunalin e Hagës është i rëndësishëm për faktin se për herë të parë aty dhe në atë mënyrë një ish-kryetar shteti gjykohet nga mekanizma ndërkombëtarë për krimet e bëra”.
Del Ponte tha se ka prova të reja kundër Millosheviqit"
Romë, 18 shkurt 2002 - "Do të nxjerrim prova të reja kundër Millosheviqit me të cilat do të tregojmë sesi ai kishte financuar grupet paramilitare përmes llogarive të fshehta bankare, deklaroi kryeprokurorja e Tribunalit të Hagës Karla del Ponte për gazetën italiane "Korriera della sera". Gazeta pohon se në duart e Del Pontes tashmë gjenden dokumentet që kanë arritur nga organet greke të drejtësisë.
NATO nuk ka informacione për ndonjë riorganizim të lëvizjes guerilje shqiptare në Maqedoni"
Shkup, 18 shkurt 2002 - Aleanca e Atlantikut të Veriut nuk ka informacione për ndonjë riorganizim të lëvizjes guerilje shqiptare në Maqedoni, tha sot Krejg Retklif, zëdhënës i misionit të NATO-s në Shkup. Kjo deklaratë u bë pas komenteve të mediave maqedonase se kinse një grup guerilësh shqiptarë ka shpenzuar prej muajit tetor 4 milionë dollarë për blerjen e armëve të sofistifikuara.
Njoftohet për një shpërthim të fuqishëm në grumbullin e gypave që duhej vendosur në ujësjellësin për fshatrat Luçan dhe Tërnoc "
Preshevë, 18 shkurt 2002 - Policia e Vranjës ka konfirmuar se të shtunën ka ndodhur një shpërthim i fuqishëm në grumbullin e gypave që duhej vendosur në ujësjellësin për fshatrat Luçan dhe Tërnoc i Madh në Luginën e Preshevës, që u cilësua si akt terrorist, por pa viktima dhe ka ndërmarrë gjurmimin, siç thuhet të terroristëve. Ndonëse askush nuk u pajtua shprehimisht për këtë shpërthim autoritetet serbe thanë se ai kishte për qëllim të frikësojë dhe të dëbojë së andejmi banorët serbë dhe kanë kërkuar nga liderët e shqiptarëve që ta dënojnë aktin.
Kthehen në vendlindje eshtrat e dëshmorëve Jusuf e Bardhosh Gërvalla dhe Kadri Zeka
Prishtinë, 18 shkurt 2002
Nga agjencitë informative dhe mediat shqiptare bëhet me dije se 24 shkurti i ketij vitit (2002) do të jetë dita e atdhesimit të eshtrave të vëllezërve Gërvalla dhe Kadri Zekës.
Në një njoftim për Kosovapressin, në emë të familjes, djali i atdhetarit Jusuf Gërvalla, Premtoni, ka bërë të ditur se 24 shkurti i këtij viti do të jetë dita kur në vendlindjen e tyre, në Dubovik të Deçanit, do të bëhet rivarrimi apo atdhesimi i eshtrave të vëllezërve Jusuf e Bardhosh Gërvalla.
“Kanë kaluar njëzet vjet, që nga nata e 17 Janarit 1982, kur në pabesi të plotë, u vranë këta tre dëshmorë të kombit shqiptar nga dora e zezë e UDB-së jugosllave dhe po aq vite, që kur familja dhe shokët e tyre u detyruan që ata t’i varrosin në Shtutgart të Gjermanisë, pasi që trupat e tyre nuk u lejuan të ktheheshin në vendlindje, në Kosovë”, thuhet në fillim të njoftimit të Premton Gërvallës drejtuar Kosovapressit.
Pas njëzet vitesh nën dhe të huaj dhe larg vendlindjes së tyre të dashur, sot, ka ardhur dita që Kosovës t’i kthehen bijtë e saj më të devotshëm, Jusuf Gërvalla, Bardhosh Gërvalla dhe Kadri Zeka. Me këtë rast, Familja Gërvalla njofton të gjithë të interesuarit se varrimi i Jusuf Gërvallës dhe Bardhosh Gërvallës do të bëhet më 24 shkurt 2002, në varrezat e fshatit Dubovik (komuna e Deçanit), pra në vendlindjen e tyre, aty ku me zemër të hapur nga plagët e njëzet viteve të shkuara do t’i presë nëna Ajshe, në fund të njoftimit.
Ndërkohë, në një njoftim të lëshuar nga Familja e Kadri Zekës, bëhet e ditur se po më datën 24 shkurt, por në Varrezat e Dëshmorëve në Gjilan, do të bëhet rivarrimi i eshtrave të Kadri Zekës. “Ne, familja e Kadri Zekës, kishim dëshirë dhe u angazhuam që Jusuf e Bardhosh Gërvalla e Kadri Zeka të rivarroseshin bashkë, por për shkaqe që nuk vareshin nga ne, kjo nuk u bë e mundur. Shpresojmë se ata një ditë, megjithatë do të prehen bashkë në varrezat e dëshmorëve të lirisë, ashtu siç vepruan dhe ashtu siç duan shumë e shumë bashkëveprimtarë të tyre. Me këtë rast dëshirojmë ta shprehim respektin tonë për të gjithë ata qindra e mijëra njerëz, të cilët për njëzet vjet me radhë bënë homazhe tek varrezat e vëllezërve Gërvalla dhe Kadri Zekës dhe të për të gjithë ata të cilët ishin pranë nesh në kohë shumë të vështira. Duke shprehur po ashtu bindjen tonë se çështja e rivarrimit të tyre nuk do të duhej t'i takonte familjes, shfrytëzojmë rastin t'i falënderojmë të gjitha subjektet dhe asociacionet e ndryshme, të cilat u interesuan dhe po angazhohen për organizimin e këtij rivarrimi”, thuhet në fund të njoftimit të familjes së atdhetarit Kadri Zeka.
E diele, 17 shkurt 2002
Mahmut Bakalli, të hënën dëshmitar në Hagë
Prishtinë, 16 shkurt 2002 Edhe burimet e Kosovapressit njoftojnë se tanimë është bërë e qartë se deputeti i Parlamentit të Kosovës, Mahmut Bakalli, do të jetë dëshmitari i parë i prokurorisë në gjykimin e kriminelit Milosheviq.
Në bazë të burimeve tona mësohet se Mahmut Bakalli është diku në një hotel në afersi të Hagës, por gjykatësi May nuk e ka përfillur dëshirën e tij që t’i lejohet atij që edhe para dëshmisë në gjykatore ta përcillte gjykimin.
Në bazë të kësaj Bakalli është nën rregullat që cakton për deshmitarët Statusi i Tribunalit të Hagës dhe nuk ka të drejtë të kontaktojë me gazetarë.
U promovua libri "Prizreni i lashtë" i autorit Muhamet Shukriu
Prishtinë, 16 shkurt 2002 Në Bibliotekën Kombëtare, në Prishtinë, të premten u promovua libri “Prizreni i lashtë”, i autorit Muhamet Shukriu.
Në këtë libër shfaqet një mozaik kulturor i qytetit të Prizrenit, i cili është i mbushur plot monumente, të cilat shënojnë diçka nga historia jonë individuale, kolektive dhe krijuese të këtij qyteti.
Autori i librit, Muhamet Shukriu, tha se “puna e hartimit të këtij libri daton që nga viti 1962, kur edhe kishte filluar mbledhja e materialeve dhe kërkoi që edhe në të ardhmen të bëhen më shpesh libra të tilla”.
Kritiku Ali Aliu tha se “kjo vepër sjellë gjurmë nga lashtësia jonë shpirtërore dhe kulturore nëpër kohë”. Për veçoritë dhe vlerat e këtij libri foli edhe dr. Drita Gunga, e cila e cila u përqëndrua në dy segmente të rëndësishme të këtij libri, në atë të hulumtimit dhe studimit të vlerave arkeologjike të tij, si dhe në çështjen e ruajtjes së trashëgimisë.
I pranishëm në këtë promovim ishte edhe historiani Jusuf Bajraktari, i cili tha se ”ky është një eviniment për aktualitetin e sotëm kosovar.
Në Mitrovicë u formua Këshilli i banorëve të Veriut të Mitrovicës
Mitrovicë, 16 shkurt 2002 Kryefamiljarët dhe disa banorë të pjesës veriore të Mitrovicës, të shtunën kanë mbajtur një tubim në ambientet e shkollës fillore "Ismail Qemajli", në pjesën jugore të qytetit, në të cilën u diskutuan format e mundshme për kthimin e banorëve në pronat e tyre, në veri të Mitrovicës.
"Kërkojmë nga faktori ndërkombëtar civilo-ushtarak siguri për kthimin e banorëve nëpër shtëpi dhe banesat tona, në pjesën veriore të Mitrovicës, për të jetuar në vatrat tona shekullore", tha të shtunën pas takimit përfaqësuesi i Këshillit të banoreve, Ibrahim Bala.
Në këtë takim u formua këshilli prej shtatë anëtarëve, në përbërje të të cilit janë: Ibrahim Bala, Shyqyri Çeliku, Fetah Musliu, Faik Jashari, Elmaze Zeka, Xhafer Berisha dhe Ismail Rafuna
E shtune, Shkurt 16, 2002
Mahmut Bakalli do të dëshmojë në Hagë për planin serb "Toka e Djegu"
Siç bëhet e ditur nga Haga, dëshmitari i parë kundër Milosheviçit do të jetë Mahmut Bakalli, deputet i Parlamentit të Kosovës. Sipas disa burimeve ai do të dëshmonte për takimet e fshehta që janë bërë mes shqiptarëve dhe serbëve për të gjetur një zgjidhje politike të çështjes së Kosovës, por edhe për ekzistimin e një plani të "Tokës së djegur" që kanë pasur serbët të përgatitur për shqiptarët. Për këtë mund të dëshmonte edhe një dëshmitar nga Serbia, me gjasë një zyrtar i lartë i shërbimeve sekrete serbe që ka ditur për të gjitha këto plane.
Emërtohet sheshi "Haxhi Zeka" në qendër të Pejës
Pejë, 16 shkurt 2002- Kuvendi Komunal i Pejës miratoi konceptin për emërtimin e sheshit Haxhi Zeka para Shtëpisë së Mallrave dhe ngritjen e Kompleksit memorial të dëshmorëve të të gjitha periudhave kombëtare në parkun Karagaç.
Projekti i parë parasheh ngritjen e sheshit Haxhi Zeka, në të cilën do të jetë shtatorja e patriotit të shquar. Do të shënohet edhe viti jubilar i 100-të i vdekjes së tij.
Ndërkaq, projekti i dytë ngritjen e kompleksit memorial për dëshmorët e të gjitha periudhave kombëtare, në kuadër të së cilës do të jenë edhe qendra rinore, ambientet sportive e rekreative, muzeu etj.
Kuvendi komunal i Pejës miratoi edhe konceptin, sipas të cilit në javën e ardhshme do të ngritet komisioni për shënimin e përvjetorëve të datave të rëndësishme historike. Poashtu, miratoi vendimin që Biblioteka e qytetit të Pejës të emërtohet me emrin e shkrimtarit dhe personalitetit të shquar Azem Shkreli.
Kryeadministratori Shtajner takoi me liderët e partive politike të Kosovës
Prishtinë, 16 shkurt 2002 Të shtunën në lokalet e UNMIK-ut kryeadministratori i ri i Kosovës Mihajl Shtajner u takua me liderët e partive politike kryesore të Kosovës - me Kryeparlementarin Daci, kryetarin e PDK Thaçin dhe kryetarin e LDK-së, Rugovën.
Ndonëse takimet mbaheshin me dyer të mbylllura, Kosovapress arriti t’i marrë vetëm poronocimet e liderëve shqiptarë, të cilët folën për gazetarët e shumtë.
Kryeparlamentari Nexhat Daci, në prononcimin e tij, tha: ”Ky ishte takimi i parë me kryeadministratorin Shtajner, ishte pra, si çdo herë takimet e para, një takim njohje sepse takimet shërbejn për njohje dhe natyrisht se do të kemi bashkëpunim të mirë me mikun tonë gjerman“. Lidhur me takimin me kryeadminstratorin Shtajner, kryetari i Partisë Demokratike të Kosovës, Hashim Thaçi, tha: ”Ishte një takim shumë miqësor me zotin Shtajner. Shkëmbyem mendime rreth situatës aktuale politike dhe të sigurisë në Kosovë, gjithashtu edhe për hapat e mëtutjeshëm që duhet të ndërrmarrim bashkërisht me administratën ndërkombëtare në ndertimin e institucioneve të Kosovës. Unë shpresoj se në një të ardhme të afërt mund të gjejmë një kompromis të një qeverie me bazë të gjerë të kualicionit, në mënyrë që të jenë funksionale institucionet e Kosovës”. Në pytejen se në çka e bazon këtë shpresë, Thaçi tha se: ”Unë gjithmonë kam qenë optimist dhe do të vazhdoj të jem i tillë, që të kemi një reflektim të kuptimit më realist dhe do të kemi një respektim të rezultatit zgjedhor dhe të realitetit të deputeve në Parlamentuin e Kosovës dhe kompromisi është i domosdoshëm për momentin që po kalojmë, procesin politik dhe hapat e mëtutjeshëm që duhet t’i ndërmarrim për ndërtimin e institucioneve dhe për zhvillimin ekonomik të Kosovës dhe pozicionin politik të saj në mënyrë që të hapet edhe çështja e statusit politik të Kosovës dhe të jemi bashkarshtë aty ku flitet për Kosovën dhe aty ku vendoset për të mos jetë vetëm një parti, por të jetë mbarë Kosova dhe populli i saj“.
Serbia do të dorëzojë edhe katër zyrytarë të lartë në Hagë
Berlin, 16 shkurt 2002- Kryeministri i Serbisë, Zoran Gjingjiq, i ka deklaruar një gazete gjermane se është i gatshëm ta ndihmojë procesin e Sllobodan Millosheviqit në Gjykatën e Hagës me dorëzimin e katër zyrtarëve të lartë të ish-regjimit, në mesin e të cilëve edhe presidentin aktual të Serbisë, Millan Milutinoviq. Gjingjiq ka paralajmëruar dorëzimin e tyre në një afat prej dy muajsh.
Dëshmitari alivanoset, prokurori Hartman ndalon ndihmën e parë
Prishtinë, 16 shkurt 2002 Dita e tretë e rastit Bartetezko kthehet në dramë-njofton kosovapress.
Derisa prokurori ndërkombëtar për Kosovën, Michael Hartman, përpiqej të argumentonte se pjesëtari i stafit të Bartetzkos nuk kishte të drejtë t’i jepte ndihmën e parë dëshmitarit të alivanosur, i akuzuari Roland Bartetzko ka marrë një shishe me ujë nga tavolina e mbrojtjes për t’ia hedhur të alivanosurit në përpjekje për t’ia kthyer vetëdijen.
Cem Cetin, dëshitar në rastin Bartetzko, ka rënë përtokë derisa prokurori ndërkomëtar, Michael Hartman, ishte duke i shtruar pyetje. Kjo ka ndodhur në momentin kur eksperti Cetin, si dëshmitar i ftuar nga prokurori, ka rënë në lajthitje nga pyetjet sugjestive të prokurorit, dhe pas disa vërejtjeve të kryetares së grupit gjykues që të mos e ndërrojë dëshminë, ka rënë në konkluzione.
Eksperti turk është përplasur për tokë nga banka e dëshmitarit dhe ka humbur vetëdijën duke ngelur pa ndihmë.
Në këtë rast ka filluar një konflikt verbal mes avokatit mbrojtës, Tom Gashit, dhe prokurorit Michael Hartman, i cili duket se këtë moment e ka kuptuar se është duke u shfaqur arrogancë e tepruar dhe është tërhequr duke lejuar që t’i jipet ndihma e parë dëshmitarit.
Megjithatë shumica e pikëpyetjeve të lidhura me evidencat materiale dhe sidomos me gjurmët e gishtave kanë ngelur pa ndonjë përgjigje që do të conte gjykimin në ndonjërin drejtim. Mirëpo kjo pritet të sqarohet kur të dëshmojnë eksertët që kanë bërë krahasimin e fakteve materiale të gjetura në vendin e ngjarjes me të dhënat dhe dëshmitë rreth të akuzuarit Roland Bartetzko, i cili si ish-pjesëtar i UÇK-së është njohur me emrin Shabani.
Dy nga rrëfimet për shumë dhunimet që bënë në Kosovë kriminelët e Milosheviqit
Prishtinë, 16 shkurt 2002 Ushtarët e kryekasapit të Ballkanit, Sllobodan Milosheviq kishin bërë vrasjen e shumëfishtë të shqiptarëve në Kosovë. Përpos masakrave mbi fëmijët, gratë dhe pleqtë, ata kanë kryer aktin më makabër mbi femrat apo të rejat shqiptare. Dy nga rrëfimet në vazhdim flasin vetë.
Arbenita nuk kishte arritur ta shihte trupin e së motrës më, që kur i ndanë serbët nga kolona për në stacionin e trenit. Ajo, për ditë me radhë, nuk kishte mundur të besonte se e motra e saj 16-vjeçare ka vdekur pas torturave që kishte parë t’i bënin serbët.
Arbenita rrinte e ulur çdo ditë me orë të tëra te dera e shtëpisë dhe priste t’i kthehej e motra. Gjatë kishin pritur hetuesit e Tribunalit të Hagës që ajo ta fillonte rrëfimin e saj për atë që i kishte ndodhur asaj dhe së motrës më të re.
“Kur na ndanë policët e ushtarët serbë me ne kishte edhe dhjetëra femra të tjera dhe as që më shkoi mendja se ata do të mund të na dhunonin. Me vete kisha pak para, me të cilat shpresoja t’i shpëtoja vdekjes. Kur na futën në një shtëpi të bukur në lagjen e Arbërisë, mendova se do të na plaçkisin dhe të na lirojnë. Kur po binte nata, në dhomën ku ishim ne, pesë femra, erdhën dhjetë policë. Na urdhëruan që të zhvishemi, ndërsa motra ime provoi të kërcejë nga dritarja. E morën policët dhe fillun ta rrahin. I mëshonin aq shumë, sa mundnin, gjoksit, barkut dhe organeve gjenitale. Kur ajo mbeti e shtrirë në tokë, njëri me thikë ia hoqi të gjitha rrobat. Ajo tani më nuk kishte as zë të klithte. Ne shihnim si ajo gërrithte tokën me gishtrinj dhe kur provente t’i mëshonte atij, polici tjetër i mëshonte me kondak në kokë. Kur ajo e humbi vetëdijen, unë arrita t’i iku nga duart policit që më mbate mua dhe të tjerave në dhomë dhe na detyronim ta shikonim”. Është ky rrëfimi i Arbenitës.
“Ajo nuk jepte shenja jete dhe kur i hodha pak ujë, u përpoq të thoshte diçka. Unë po qaja dhe polici që më mbante m’u afrua dhe më detyroi me maje të thikës të shtrihem. Kur e pashë se do edhe mua të më çnderojë, shpejt e mora një vazo, që ishte pranë meje dhe i rashë në kokë. Ai u ngrit shpejt, më lidhi për tavolinë dhe e bëri atë që deshi. Nuk di diçka më të rëndë që mund të ketë në jetë, më të turpshme dhe më fatale. Isha e vdekur dhe mbeta e vdekur, edhe pse jetoj. Kur desha të ikë, kur të njëtën gjë po ia bënin edhe njërës në dhomë, filluan me dara të m’i heqin thonjtë. I sheh duart e mia, ndoshta më beson, po shpirtin tim askush nuk mund ta shohë dhe askush nuk mund kurrë të besojë se si ndihem unë, sa dhembje mban shpirti im, o zot….”, ka thënë në fund të rrëfimit të saj Arbenita.
Ndërkaq, S.S., nuk dëshironte ta fillonte para nënës dhe kur ajo doli, nisi rrëfimin e saj: “Nuk kam menduar kurrë se njeriu mundet kaq shumë të durojë. Edhe për vete, por edhe për të tjerët, në raste të tilla kam menduar se do t’i dorëzohen vdekjes. Unë në duart e shkive rashë më 1 prill, në ditët kur po bëheshin dëbimet masive.
Kur më ndan nga familja, mendoja vetëm për ata, por kur më dërguan në vendin ku ishin strehuar policët dhe në tavolinën e përgjakur pashë flokë femrash, thonj dhe veshje femrash, e dita se çka po më ndodh. Më nuk mendova se kam dikë në botë dhe se çka do të ndodhë me ta, kisha vetëm hallin tim”.
“Kur unë po mendoja dhe po frikësohesha se çka do të ndodhë me mua, më thirri një nga ata që e udhëhiqte atë grup kriminelësh. Aty, mbi tavolinën e tij, kishte raki dhe sytë e tij të skuqur e të qartur i tregonin të gjitha. Në gjoks kishte një zinxhir me plot stoli dhe më tej në një qoshe të strehimores kishte përplot veshje femrash. ‘Këtu duhet të zhveshesh e pastaj ta shoh a je për mua, për eprorët ose për ushtarët’, më tha ai në gjuhën serbe dhe vazhdonte të pinte raki, tregon ajo. Unë po rrija aty gjoja se nuk e kuptova, por ai ma ktheu këtë urdhër në shqip. E shikova dhe, edhe pse e frikësuar, i thashë ‘jo’. Ai hodhi shishen me raki dhe u ngrit si i tërbuar. ‘Mua askush s’guxon të ma e thejë urdhrin, unë jam Dragan Spasiq, unë jam njeriu që me dorën time kam prerë mbi 50 shqiptarë e ti, kuçkë!’- klithte ai si i marrë. ‘Qenka rruga e vdekjes kjo’, mendova dhe kur ai më goditi me kondak pushke, nuk qava, e shihja gjakun që më shkonte nga hundët, por s’më dhimbsej jeta, doja të vdisja e jo të bija në dorën e tij. Por, pas pak, ai u qetësua dhe i urdhëroi ushtarët e tij të më zhveshin. O zot, nuk mund ta marrësh me mend se si ndihesh. ‘Duhet të vallëzosh, ec vallëzo’, - më thoshte, e unë isha kërrusur e ulur, që të mos shihej trupi lakuriq . ‘E sheh atë trup atje, do të ta bëj më zi’,- më thoshte ai e unë nuk e kisha vërejtur trupin e një vajze të bërë copë-copë, në afri të rrobave të viktimave, që ata i kishin bërë si mua. Nuk fola, por dy nga ata erdhën dhe më lidhën në tavolinën e përgjakur. M’i lidhën këmbë e duar dhe më shikonin si bisha. Dikur ai, shefi i tyre, u zhvesh dhe filloi të më çnderojë, të tjerët qeshnin e flisnin çka u tekej, shikonin e talleshin, derisa unë përpëlitesha me vdekjen. Ai u largua vetëm kur u ngop për të vazhduar më tej edhe disa të tjerë, thotë S.S., njëra nga shumë shqiptaret e dhunuara nga kriminelët që kryenin punën e urdhëruar nga Milosheviq.
E njëjta gjë më ndodhi disa ditë me radhë dhe pas disa ditësh më hodhën ashtu lakuriqe buzë rrugës, ku kishte edhe shumë kosovarë të tjerë, që po iknin për në Shqipëri. Vetëm kur vërejta se një grua po më mbulonte, pashë se trupi im ishte i prerë me thika në shumë vende dhe se në trupin tim kishte të vizatuara disa kryqe dhe shenjat e simbolit të kryekriminelit Milosheviq, thotë ajo. ‘Mos më merr, më le të vdes, të lutem’,- i thashë asaj, por ajo më pëshpëriti ngadalë. Edhe pak rrugë kemi deri në tokën nënë, ja e sheh rrugën, - përpiqej ajo të më ndihmonte, kurse unë e shikoja rrugën që më dukej se po ecte me mua dhe shpresoja se po vdisja, sepse për mua ajo ishte dhe mbeti rruga e vdekjes, thotë S.S., e cila vështirë e kishte të marrë veten pas tërë asaj që kishte përjetuar nga ushatrët e policët e Milosheviqit./marrë nga kosovapress/.
Ndërgjegja e Zotit dhe ndërgjegja shqiptare fajësojnë Milosheviqin si përgjegjës kryesor për krimet në Kosovë "
Tiranë, 16 shkurt 2002 - Disa parti dhe asociacione të tjera joqeveritare dhe fetare në Shqipëri, Kosovë, Maqedoni, Mal të Zi dhe në treva të tjera shqiptare, kanë nënshkruar një peticion të rëndësishëm për sensibilizmain dhe ndërgjegjësimin e opinionit ndërkombëtar për të drejtat e shqiptarëve dhe të drejtat njerëzore kudo që ata jetojnë. Peticioni i parë do t'i drejtohet Tribunalit Ndërkombëtar për Krimet e Luftës në Hagë, si pjesë e dëshmive që ndërgjegjja e Zotit dhe ndërgjegja shqiptare fajësojnë Milosheviqin si përgjegjës kryesor për krimet e bëra në Kosovë, si dhe për krime të tjera në Ballkan.
E premte 15 shkurt 2002
SHBA-të mund të sulmojnë Irakun
Uashington, 15 shkurt 2002- Shtetet e Bashkuara të Amerikës do të konsultojnë aleatët para se presidenti Bush të marrë vendimin për aksionin kundër Irakut, tha sekretari amerikan i Shtetit Kolin Pauell. SHBA-të kanë të drejtë për të gjitha obsionet, duke përfshirë edhe ndërhyrjen ushtarake, thotë Pauell.
Shtainer: Tani është koha e fundit që partitë politike të veprojnë bashkërisht për formimin e qeverisë
“Çështje kryesore që dëshiroj të bëj këtu është qeverisja e mirë, tha sot kryeadministratori i ri i Kosovës Mihal Shtajner, në konferencën e parë për gazetarë në Prishtinë. Ai theksoi se nuk mund të gjendet asnjë shoqëri funksionale në Evropë pa qeverisje të qëndrueshme. Shtajner deklaroi se është koha që partitë t'i tejkalojnë mosmarrëveshjet e tyre dhe t'i respektojnë qytetarët, që votuan për ta. Kryeadministratori i ri njoftoi se nesër do të takohet me liderët kryesorë politikë të Kosovës. "Ata do të më tregojnë se si e vlerësojnë gjendjen aktuale në Kosovë. Eshtë një mënyrë e mirë për t'i dëgjuar se çfarë kanë për t'i thënë pupullit të Kosovës dhe ç' presin liderët kryesorë politikë", tha Shtajner. “Unë nuk dëshiroj të dramatizoj zgjedhjen e qeverisë, por gjendja e tillë ndikon në situatën e këtushme, edhe pse kjo mund të ndodhë edhe në vende të tjera", tha Shtajner. Duke folur rreth situatës së krijuar në mes partive politike të Kosovës, Shtajner theksoi se tash është koha e fundit që partitë politike t'i tejkalojnë mosmarrëveshjet e tyre dhe të veprojnë bashkërisht për formimin e qeverisë. “Liderët politikë duhet t'i respektojnë ata që votuan në zgjedhje. Liderët duhet t'i dinë përgjegjësitë e tyre. Unë do t'i ndihmoj, por në fund vendimet duhet t'i marrin ata që janë zgjedhur me votën e lirë të popullit", pohoi shefi i ri i UNMIK-ut. Në këtë takim me gazetarë kryeadministratori i Kosovë tha se çështje tjetër me rëndësi gjatë administrimit të tij në Kosovë është sundimi i ligjit. "Nëse dëshirojmë që të kemi sundim të ligjit duhet të ketë një shoqëri civile sipas modelit, që ekziston kudo në pjesën tjetër të Evropës dhe në Bashkimin Evropian", tha Shtajner. Sipas tij, askush nuk e mohon të drejtën për të protestuar në mënyrë paqësore, por duhet të mohohet e drejta për të ushtruar dhunë. "Duhet të them se fajësia apo pafajësia e dikujt duhet të vendoset në gjyq. Nuk mund të vendoset asgjë në rrugë. Nëse dikush dëshiron t'i bashkangjitet demokracive evropiane, duhet të ketë rregulla parlamentare, prej të cilave varet edhe sundimi i ligjit", tha Shtajner. Për kryeadministratorin e ri të Kosovë krijimi i vendeve të reja të punës dhe ballafaqimi i menjëhershëm me privatizimin e pronës shoqërore në Kosovë janë prioritete. "Edhe kthimi i njerëzve në Kosovë dhe siguria për kosovarët janë çështje të rëndësishme", tha kryeadministratori i Kosovës, Mihajl Shtajner.
Daci: Kosova nuk është as në krizë politike, as në krizë parlamentare
"Edhe Konferenca e sotme "Parimet e parlamentarizmit" dëshmoi se Kosova nuk është në krizë politike dhe parlamentare". Kështu tha kryetari i Kuvendit të Kosovës, akademik Nexhat Daci, pas kësaj konference të mbajtur në Prishtinë. Në këtë konferencë, parlamentarët nga Sllovenia dhe nga Lituania shpalosën përvojat e tyre para deputetëve të Kuvendit të Kosovës. "Kosova nuk është as në krizë politike, as në krizë parlamentare, por ka nevojë për sqarim të pozicioneve brenda partive në parlament", deklaroi Daci. Ai tha se modeli slloven i zgjidhjes së problemit të privatizimit, të minoriteteve e të çështjeve sociale do të ishte modeli, të cilin do ta synonte edhe ai. Pas konferencës "Parimet e parlamentarizmit", ish-kryeparlamentari slloven Janez Podobnik tha se ka ardhur në këtë konferencë për të bartur përvojat e tij personale të funksionimit të kuvendit. “Unë u përqëndrova në pika të ndryshme të funksionimit të një kuvendi, filluar prej rendit të ditës. Pastaj, si punon presidenca dhe kolegjiumi. Si krijohet qeveria. Cilat janë metodat për të dalë nga kriza kur krijohet bllokada në parlament. Si duhet gjetur mënyrën joformale të komunikimit të pozitës dhe opozitës në situata të tilla", tha Podobnik. Ndërkohë deputetët Alush Gashi nga Lidhja Demokratike e Kosovës, Jakup Krasniqi nga Partia Demokratike e Kosovës dhe Bujar Dugolli nga Aleanca për Ardhmërinë e Kosovës, ky ishte një debat konstruktiv që do të ndihmojë në funksionimin më të mirë të proceseve në parlament. Konferencën "Parimet e parlamentarizmit" e organizoi Departamenti i Demokratizimit i OSBE-së.
Mijëra vetë protestuan në Prishtinë, Prizren, Mitrovicë e Podujevë: Lironi 3 ish-pjesëtarët e UCK
Nën masat e rrepta të sigurisë nga policia e UNMIK-ut dhe Shërbimit Policor të Kosovës, sot në Prishtinë disa qindra vetë mbajtën një protestë, ku kërkuan lirimin e tre ish-pjestarëve të UÇK-së. Nëse UNMIK-u dëshiron një Kosovë demokratike, duhet të ndërpriten proceset e montuara politike kundër pjestarëve të ish UÇK-së, u tha në protestën e sotme që u mbajt para Teatrit Kombëtar në Prishtinë. Kryetari i Këshillit Organizativ të Protestës, Xhavit Jashari tha se, Kosova ka nevojë për mbështetje dhe vendosje të ligjit,por jo për legjitimim të veprimeve të serbëve, që kryen krime në Kosovë. “Akuzat ndaj pjestarëve të arrestuar të ish UÇK-së janë të pabaza”, tha anëtari i këshillit organizues të protestës, Faton Klinaku. Pjesëmarrja e protesuesve, krahasuar me herët e kaluara ishte më e pakët, kurse kordonët e policisë me pajimet për shpërndarjen e tubimeve, ishin më të pranishme se herën e kaluar. Sidomos ishin të mbrojtura institucionet ndërkombëtare, ndërtesa e Autoritetit Qendror të Pagesave, ndërtesa e Policisë etj. Para këtyre institucioneve qëndronin njësitë speciale të gatshme për intervenim, ndërsa për disa kohë dy rrugët kryesore ishin të bllokuara. Protestat e sotme ishin të qeta dhe nuk u vërejt ndonjë manifestim i dhunës në sheshin "Nëna Tereze" të kryeqytetit.
Prizren
RTV 21 njofton gjithashtu se mijëra banorë të Prizrenit dhe rrethinës, në një protestë një orëshe sot i kërkuan administratorit të ri të Kosovës që të marrë masa për t'i dhënë fund arrestimeve të shqiptarëve që ata i konsideruan me prapavijë politike. Gjithashtu mijëra mitrovicas defiluan nëpër rrugë të qytetit për të shprehur pakënaqësinë e tyre për burgosjen e tre ish-anëtarëve të UÇK-së.
Besianë(Podujevë)
Edhe në Besianë(ish Podujevë) qindra banorë të zonës së Llapit protestuan paqësisht mes masave të rrepta të sigurisë të policisë kundër arrestimit të tri bashkëvendasëve të tyre, Latif Gashit, Naim Kadriut e Nazif Mehmetit, ish-eprorë të lartë të Ushtrisë Çlirimtare të Kosovës.
Mihael Daksner tërheq vërejtjen që arsimtarët dhe nxënësit të mos marrin pjesë në protesta gjatë kohës së mësimit"
Prishtinë, 15 shkurt2002 - Zyrtari më i lartë ndërkombëtar i Departmentit të arsimit në Kosovë, Mihael Daksner, ka kërkuar dje nëpërmjet një kumtese për shtyp që t'u ndalohet rreptësisht nxënësve dhe arësimtarëve pjesëmarrja në aktivitete politike gjatë orëve të mësimit. Madje, ai ka theksuar se "është më se e qartë se pjesëmarrja e detyruar e fëmijëve në protesta të organizuara nga partitë politike në kundërshtim me ligjin në fuqi të Kosovës, është abuzim i të drejtave të fëmijëve". Daksner ka tërhequr vërejtjen gjithashtu se "Departtmenti do të bëjë një hetim dhe mund të marrë masa disiplinore kundër atyre arsimtarëve, të cilët ose kanë marrë pjesë në protesta, kanë mashtruar fëmijët që të marrin pjesë në tubime apo kanë kërcënuar kolegët që i zbatojnë ligjet".
Majko dhe Nano bien dakord: Ja lista e ministrave në qeverinë e re
Pas pesë orë bisedimesh kryetari i Partisë Socialiste, Fatos Nano dhe kryeministri i dekretuar, Pandeli Majko duket se kanë arritur marrëveshjen për kabinetin e ri qeveritar. Majkos është detyruar të vendosë patjetër këto ditë për emrat e ekipit të tij qeverisës, pasi po mbaron dhe afati i parashikuar nga Kushtetuta e vendit, për krijimin e qeverisë së re. Sipas burimeve të mirëinformuar, të cituar nga Radio Rash, keto jane emrat e kabinetit qeveritar qe do te drejtoje Pandeli Majko: Kryeminister Pandeli Majko
Zv/Kryeminister e Minister i Çështjeve Social Skender Gjinushi
Minister i Rendit Stefan Cipa
Ministre e Jashtme Arta Dade
Minister i Financave Kastriot Islami
Ministre e Zhvillimit dhe Prognozes Ermelinda Meksi
Minister i Ekonomise dhe Privatizimit Viktor Doda
Minister i Drejtesise Spiro Peci
Minister i Kultures Luan Rama
Minister i Arsimit Luan Memushi
Minister i Bujqesise Agron Duka
Minister i Shtetit per Antikorrupsionin Ndre Legisi
Minister i Integrimit Marko Bello
Minister i Mjedisit Et'hem Ruka
Minister i Shendetesise Mustafa Xhani
Shqipëria pjesëmarrëse në Panairin Ndërkombëtar të Turizmit në Madrid
Shqipëria mori pjesë në Panairin Ndërkombëtar të Turizmit, i cili u zhvillua javën e kaluar, në Madrid të Spanjës, bënë të ditur burime nga Drejtoria e Përgjithshme e Turizmit. Drejtoria e Përgjithshme e Turizmit paraqiti në Panairin Ndërkombëtar të Turizmit në Madrid, një guidë me pamje nga zona të ndryshme dhe kryesisht nga Riviera Shqiptare, me qëllim tërheqjen e sa më shumë turisteve evropiane nga Korfuzi në Sarandë. Sipas këtyre burimeve, në këtë panair u shpërndanë informacione në lidhje me zonat, agjencitë turistike që veprojnë në Shqipëri, për hotelet dhe çmimet e tyre dhe për mundësinë e organizimit të tureve të përbashkëta turistike. Drejtoria e Përgjithshme e Turizmit parashikon të marrë pjesë edhe në disa panaire ndërkombëtare që do të zhvillohen qe shpejti me qëllim për të ofruar vlerat turistike të Shqipërisë.
Klonohet macja e parë"
Teksas, 15 shkurt 2002 - Shkencëtarët në një universitet të Teksasit kanë bërë klonimin e parë në botë të një maceje. Kotelja e quajtur CC, që sipas disa njoftimeve është shkurtimi i fjalës 'Copy Cat', macja kopje, është suksesi i parë pas rreth 200 përpjekjeve. Kërkuesit shkencorë thonë se kotelja dymuajshe ishte e fortë dhe dukej se ishte në gjendje normale. Ata përdorën teknikën e ashtuquajtur bërthamore të provuar për herë të parë nga shkencëtarë skocezë në vitin 1997 kur bënë delen Dolli, e cila ishte gjitari i parë i klonuar nga qeliza të rritura.
J.Bugajski: Gjyqi i Millosheviqit është një indikacion për të ardhmen se s'ka më diktatorë"
Pragë, 15 shkurt 2002 - Gjyqi i Millosheviqit është shumë i rëndësishëm ngase i finalizon të gjitha ngjarjet gjatë një dekade të kaluar, të gjitha luftërat për të cilat Millosheviqi ishte përgjegjës, deklaroi për "Evropën e lirë", analisti i njohur amerikan Janush Bugajski. Millosheviqi është përgjegjës për vrasje masive, për nxitje të urrejtjes nacionaliste dhe një indikacion për të ardhmen se s'ka më diktatorë, s' ka më tolerim për Millosheviqin në rajon, tha Bugajski. Ai shpreson se ky është edhe pozicioni i bashkësisë ndërkombëtare dhe se gjykimi dërgon një porosi të fuqishme te të gjithë millosheviqët e vegjël që janë të fshehur në vendet e ndryshme të rajonit, theksoi analisti Janush Bugajski.

Misioni i OSBE-së në Kosovë shqyrton mundësinë e përsëritjes së zgjedhjeve
Prishtinë, 14 shkurt 2002 Kriza qeveritare në Kosovë ka nxitur edhe shqyrtimin e mundësisë së përsëritjes së zgjedhjeve në Kosovë, nga ana e autoriteteve ndërkombëtare. Burime të Kosovapressit kanë bërë të ditur se është Paskal Fieshi, shef i misionit të OSBE-së ai që ka shqyrtuar mundësinë e përsëritjes së zgjedhjeve të përgjithshme në Kosovë. Të njëjtat burime, që kanë preferuar ruajtjen e anonimitetit, janë prononcuar se varianti i këtyre zgjedhjeve do të jetë mundësia e mbajtjes së përnjehershme të zgjedhjeve lokale, të cilat edhe ashtu duhet të mbahen këtë vit, dhe të zgjedhjeve të përgjithshme të cilat do të përsëriteshin. Burimi i Kosovapressit ka bërë të ditur se votuesit kosovarë do të mbushin njëkohësisht dy fletëvotime, një për zgjedhjet e përgjithshme dhe një për ato lokale. Kjo mendohet të jetë mundësia e vetme për nxjerrjen e Kosovës nga kriza qeveritare në të cilën ajo është futur tre muaj pas zgjedhjeve të pëgjithshme të 17 nëntorit të vitit të kaluar, kur asnjë subjekt politik kosovar nuk fitoi shumicën e duhur për të udhëhqur me institucionet e Kosovës.
Të tejkalohet kriza politike në Kosovë, porosit KS i OKB-së
Nju-Jork, 14 shkurt 2002 Përmes një kumtese të lëshuar mbrëmë, Këshilli i Sigurisë i Kombeve të Bashkuara ka kërkuar nga përfaqësuesit politikë të Kosovës që t'i tejkalojnë mosmarrëveshjet dhe t'i formojnë institucionet e Qeverisë së Kosovës.
Në kumtesën e KS të OKB-së shfaqet shpresë se “administratori i ri i Kosovës Mihaill Shtajner do të bëjë gjithçka që është e nevojshme për formimin e shpejtë të organeve të reja të Kosovës”.
Këshilli i Sigurimit, gjithashtu, mendon se është e domosdoshme në Kosovë të respektohen ligjet, të vazhdojë lufta kundër kriminalitetit dhe ekstremizmit dhe të ndërtohet bashkësia multietnike, ku do të garantohet liria dhe siguria e të gjithë qytetarëve.
E mërkurë, Shkurt 13, 2002
Komisioni Ndërkombëtar për Kosovën ka shpallur propozimin "Pavarësia e kushtëzuar për Kosovën"
Nju Jork, 13 shkurt 2002 - Komisioni Ndërkombëtar i Pavarur për Kosovën, sipas një njoftimi zyrtar, ka shpallur propozimin "Pavarësia e kushtëzuar për Kosovën". Duke iu referuar po të njëtit informacion zyrtar të publikuar nga ky komision, mësohet më hollësisht rreth program-propozimit të këtij komisioni. Komisioni përbëhet nga shumë personalitete nga disa vende të botës: Richard Goldstone, kryesues, Carl Tham, bashkëkryesues, D'Almeida Attorney, Akiko Domoto, Richard Falk, Dr. Michael Ignatieff, Mary Kaldor, Martha L. Minow Jacques Rupnik, Dr. Theo Sommer, Jan Urban. Një vit pas botimit të "Raporti i Kosovës", nga Komisioni Ndërkombëtar i Pavarur për Kosovën, nxori vazhdimin që synon të provojë propozimin kryesor të tij - pavarësia e kushtëzuar për Kosovën. Rënia e Sllobodan Millosheviçit dhe dhuna në Serbinë jugore e Maqedoni, që nga raporti i tetorit 2000, bëri që komisioni të rishikojë rekomandimet fillestare të tij, vetëm për të arritur në përfundimin se pavarësia e kushtëzuar ishte ende alternativa më e mirë në tryezë për provincën. Komisioni u shpreh se duhet respektuar e drejta për vetëvendosje e Kosovës, por ai është kundër dhënies së pavarësisë së plotë, për sa kohë që vazhdon dhuna politike. Si një kompromis, komisioni sugjeroi që Kosovës t'i jepen të gjitha të drejtat e një shteti të pavarur - në politikën e brendshme si dhe të jashtme - por që siguria e saj e jashtme dhe të drejtat e pakicave të garantohen nga bashkësia ndërkombëtare.
Sipas komisionit, Kosova do të duhet të heqë dorë prej ndonjë ndryshimi kufitar në të ardhmen, si dhe prej dhunës politike të jashtme e të brendshme. Ajo gjithashtu duhet të sigurojë garanci kushtetuese të të drejtave të njeriut dhe të angazhohet ndaj bashkëpunimit rajonal. Përveç kësaj, bashkësia ndërkombëtare do të qëndrojë në Kosovë në njëfarë forme, për të siguruar mbrojtjen e pakicave.
Problemi me Kosovën është se të gjithë janë dakord se kjo status quo nuk mund të vazhdojë përgjithëmonë, megjithatë pak janë duke ofruar një zgjidhje konstruktive. Komisioni, nga ana tjetër, ka ofruar diçka që beson se mund të kapërcejë të metat e alternativave të tjera. Kjo është një përpjekje e sinqertë për të bërë një hap përpara, por sa e mundshme është pavarësia e kushtëzuar? Si fillim, koncepti largon protektoratin, megjithëse nëpërmjet një emri më elegant dhe vetë-qeverisjes vendore thelbësore. Përsa kohë që plani parashikon një prani ndërkombëtare të fortë me të drejtën për tu përfshirë në punët e brendshme të Kosovës, sovraniteti i tij në rastin më të mirë do të jetë i kufizuar. Komisioni nuk e përcakton fare se çfarë do të bëjë konkretisht bashkësia ndërkombëtare në Kosovë për të garantuar të drejtat e pakicave.
A do të ketë ajo fuqinë për të shpërndarë parlamentin? Deri ku mund të shkojë sipas pavarësisë së kushtëzuar dhe a do të ndryshojë kjo në mënyrë thelbësore nga ajo që mund të bëjë tani përfaqësuesi i posaçëm i sekretarit të përgjithshëm?
Komisioni nuk pranoi disa alternativa për statusin e ardhshëm të Kosovës, mbi bazën e asaj që shumica shqiptare nuk do ti pranonte kurrë ato. Për shembull, komisioni nuk e konsideroi autonominë brenda një republike demokratike të ish-Jugosllavisë si një zgjidhje të mundshme, nisur nga presupozimi se kosovarët nuk do ti nënshtrohen kurrë autoritetit jugosllav, megjithëse i vogël. Megjithatë sa e mundshme është që kosovarët të pranojnë pavarësinë e kushtëzuar? Ata e kanë bërë të qartë në mënyrë të përsëritur se asgjë përveç pavarësisë nuk do të funksionojë, të paktën jo më - "lufta i ka ndryshuar alternativat, siç u shpreh një udhëheqës shqiptar. Në rrethana të tilla, propozimi i komisionit nuk është më i mundshëm sesa ndonjë prej alternativave të tjera të shqyrtuara.
KFOR-i dhe UNMIK-u do të pranojnë gradat në TMK"
Prishtinë, 13 shkurt 2002- KFOR-i dhe UNMIK-u kanë pranuar propozimin e komandantit, Agim Çeku, që pjesëtarët e Trupave Mbrojtëse të Kosovës të kenë grada, që do të merren sipas parimeve të ngjashme me ato në Shërbimin Policor të Kosovës.
Deri tash, sipas rregullores së TMK-së, vetëm komandatit, Agim Çeku i pranohej grada gjeneral.
Disa nga dëshmitarët në gjykimin e Milosheviqit
Prishtinë, 13, shkurt 2002 Gjykimi i kasapit të Ballkanit ka zgjuar një interesim të madh në mbarë botën. Në ndërtesën e Gjykatës para fillimit të gjykimit të martën nuk iu lejua hyrja këshilltarit të kriminelit Millosheviq, avokatit francez Zhak Verzhes, i cili kishte harruar të akreditohet. Verzhes ishte mbrojtës edhe i kriminelit të njohur ndëkombëtar, Karlosit.
Sipas një artikulli t ënjë gazete serbe “Nacional”, nga Beogradi, të botuar edhe në të përditshmen “Zëri”, dëshmitarët tjerë të cilët do të marrin pjesë në gjykimin e Milosheviqit janë edhe gjeneral Vlastimir Gjeorgjeviq, i mbrojtur si “K-3”, Jovica Stanishiq i mbrojtur si “K-8”, Mihajl Kertes, i mbrojtur si “K-6”, Mahmut Bakalli, i mbrojtur si “K-1”, Milan Milutinoviq i mbrojtur si “K-5”, Ibrahim Rugova i mbrojtur si “K-10”, gjenerali Radosavleviq i mbrojtur si “K-7”, Uiliam Uoker, dr. Eric Baccanada, Scott Braddock, Adnan Merovci, i mbrojtur si “K-2”, Patrik Balksu, Richard Cinglinski, Omer Maisoneuve, Joseph Dreinkiovicz, Fadil Rexha, Visar Zhuniqi etj., me gjithësej 97 dëshmitarë.
Po ashtu edhe ndërmjetësusei amerikan në Ballkan Riçard Holbruk, ka deklaruar të martën se është i gatshëm të dëshmojë në gjykimin për krime lufte ndaj ish- kryetarit jugosllav Sllobodan Milosheviq në Tribunalin e Hagës.
Gjykimi i Kriminelit Milosheviq në Tribunalin e Hagës vazhdoi sot në ditën e dytë, në orën 9 e 30 minuta , kur në orët e pasdites pritet që edhe ai ta marrë fjalën.
Lirimi shqiptarëve nga burgjet serbe kusht për pranimin e Jugosllavisë në institucionet ndërkombëtare"
Strasburg, 13 shkurt 2002- Zëdhënësi special i Sekretarit të përgjithshëm të Këshillit të Evropës, Hans Peter Furer, ka deklaruar se lirimi i të burgosurve shqiptarë nga burgjet e Serbisë është një nga kuushtet për pranimin e Jugosllavisë në institucionet ndërkombëtare. "Çështja e të burgosurve shqiptarë dhe të personave të zhdukur në Kosovë janë një nga prioritetet e atyre që në Këshillin e Evropës duhet të vlerësojnë zhvillimin e situatës në Jugosllavi në vështrim të plotësimit të kushteve për anëtarësim, ka thënë Furer.
"Nuk mund të them se lirimi i të gjithë shqiptarëve është kusht për anëtarësim. Fjala është natyrisht vetëm për të burgosurit politikë. Bashkëpunimi me Tribunalin e Hagës është gjithashtu çështje shumë e rëndësishme. Asambleja parlamentare kërkon nga pushteti jugosllav të zbatojë statutin e Tribunalit, ndonëse ekziston një numër i madh i atyre në Këshillin e Evropës që mendojnë se më së miri është që kjo çështje të rregullohet me miratim të Ligjit", u ka deklaruar mediave z.Hans Peter Furer.
Filloi gjykimi i Roland Barteckos"
Prishtinë, 13 shkurt 2002- Sot nisi gjykimi i shtetasit gjerman, Roland Bartecko, procesi i parë ky në Kosovë që lidhet me akuzat për terrorizëm. Bartecko akuzohet për tentativë vrasje, vrasje dhe nxitje terrorizmi, rreth sulmit me bomba mbi zyrën jugosllave në Prishtinë, në prill të vitit të kaluar. Bartecko ka pasaportë gjermane dhe është i martuar me një grua shqiptare.
Shtajner nuk parashikon një normalizim të shpejtë të raporteve politike në Kosovë"
Këln, 13 shkurt 2002- Administratori i OKB-së në Kosovë Mihael Shtajner nuk parashikon një normalizim të shpejtë të raporteve politike politke në Kosovë. Në një intervistë dhënë radios gjermane "Dojçe rundfunk" Shtajner thekson se ai do të kërkojë kohë që procesi i afrimit mes serbëve dhe shqiptarëve në Kosovë. Diplomati gjerman ritheksoi se ai do të insistojë për një zgjidhje të shpejtë të çështjes së krijimit të qeverisë, proces ky që ka mbetur në vendnumërim që në dhjetor të vitit të shkuar. Shtajner vë në dukje gjithashtu se grupet e popullsisë në Kosovë pas përvojave traumatike të luftës është vështirë që t'i ulesh në një tryezë sikur të mos ketë ndodhur asgjë. Kjo kërkon kohë. Deri atëherë OKB-ja do t'ia arrijë t'u ofrojë njerëzve një perspektivë për të ardhmen në Kosovë.
Si detyrë kryesore Shtajner konsideron krijimin e një qeverie të qëndrueshme në Kosovë. Shprehimisht Shtajner theksoi se partitë duhet të përpiqen të gjejnë zgjidhje, ashtu siç kërkohet në të gjitha demokracitë, që pas zgjedhjeve parlamentare në nëntor të vitit të kaluar kanë dështuar tri përpjekjet e deputetëve për të zgjedhur presidentin e vendit. Shtajner thotë se pas krijimit të një qeverie në Kosovë administrata ndërkombëtare të fillojë t'ia kalojë gradualisht kompetencat kësaj qeverie.

U formua Këshilli për ndërtimin e Monumentit të Lirisë në Prishtinë
Prishtinë, 11 shkurt 2002 Të hënën në Prishtinë, u formua Këshilli për ndërtimin e Monumentit të Lirisë, maketi i të cilit ishte prezentuar në vitin e kaluar me rastin e festës kombëtare 28 Nëntorit. Këshilli përbëhet nga akademik Rexhep Qosja, prof. dr. Zenel Kelmendi, akademik Nexhat Daci, Imzot Mark Sopi, dr. Rexhep Boja, dr.Hajrullah Gorani, ish-komandanti i Shtabit të Përgjithshëm të UÇK-së, Azem Syla, ish-komandant i SHP të TMK-së, Agim Çeku, dr. Feriz Krasniqi, Vehbi Rafuna, kryetar i Shoqatës së Invalidëve të UÇK-së, Sadik Halitjaha, kryetar i Shoqatës së Veteranëve të UÇK-së, si dhe veprimtarë dhe intelektualë të tjerë të njohur nga Kosova, Shqipëria dhe vise të tjera shqiptare. Kryetar i Këshillit për ndërtimin e Monumentit të Lirisë u zgjodh akademik Rexhep Qosja, kurse sekretar Azem Syla, ish-komandant i SHP të UÇK-së. Gurthemeli i Monumentit të Lirisë do të vëhet me 5 mar 2002, në katërvjetorin e rënjes heroike të komandantit legjendar të Ushtrisë Çlirimtare të Kosovës, Adem Jashari.
Gjykimi i nesërm i Milosheviqit do të transmetohet edhe në gjuhën shqipe
Prishtinë, 11 shkurt 2002 Tribunali Ndërkombëtar për ish-Jugosllavinë nesër do ta vazhdojë gjykimin ndaj ish-presidentit “jugosllav” dhe kryekriminelit të luftërave ballkanike Sllobodan Milosheviq për krimet që ai dhe ushtria e tij kanë bërë ndaj civilëve në disa republikave ish-jugosllave dhe të Kosovës. Për herë të parë, gjykimi i Milosheviqit do të transmetohet me përkthim simultant edhe në gjuhën shqipe. Transmetimi do te jetë ne kohë reale në internet në format të rrjedhshëm Real Audio. Sipas njoftimeve të kosovapres-it,duke filluar që nga 12 shkurti procesi në Hagë mund të përcillet nëpërmjet “Domovina Net” . Momentalisht gjykimi transmetohet në gjuhët angleze, boshnjake, kroate dhe serbe, por që nga nesër transmetimi do të jetë edhe në gjuhën Shqipe. Të interesuarit që kanë dëshirë të dëgjojnë transmetimin në gjuhen shqipe që nga 12 shkurti ose më vonë, duhet të kenë ose (download) programet RealOne ose RealPalyer nga Web .
Polici lojal ndaj Milosheviqit, dëshmitar në Hagë
Hagë, 11 shkurt 2002 Njëri nga dëshmitarët kryesorë të aktakuzës në gjyqin e ish-presidentit jugosllav, Sllobodan Milosheviq, do të jetë ish-shefi i sigurimit publik të MPB-së serbe dhe ndihmësministri i policisë, Vlastimir Gjorgjeviq, shkruan "Veçernje Novosti" i Beogradit. Gazeta i referohet korrespondentit të Beogradit të gazetës holandeze Rotterdams Dagblada që pohon se Gjorgjeviqi është i gatshëm të dëshmojë kundër Milosheviqit me kusht që edhe vetë të mos akuzohet. Gjorgjeviq, një nga policët më besnikë të Milosheviqit dhe anëtari i partisë së tij, ishte në krye të resorit të sigurimit publik që nga viti 1997. U shkarkua në janar të vitit 2001 dhe u pensionua disa muaj më vonë. Në qershor të vitit 2001 braktisi “RFJ”-në dhe kinse u arratis në Moskë pas zbulimit të aferës me frigoriferin e gjetur në Danub, i cili, sipas fjalëve të dëshmitarëve, transportonte kufomat e shqiptarëve të vrarë nga Kosova në varrezat masive në Serbi. Ministri serb i punëve të brendshme Dushan Mihajloviq e ka cilësuar Gjorgjeviqin si njërin nga ekzekutuesit e urdhërit të Milosheviqit për "Sanimin e terrenit" në Kosovë, më 1999. Gazeta holandeze thekson se Gjorgjeviqi kinse ka incizimet e bisedave me Milosheviqin që do të mund të konfirmonin dëshminë e tij, njofton agjencia kroate e lajmeve HINA./shkruan kosovapress/.

Protestë madhështore në Prishtinë, në mbrojtje të vlerave të UÇK-së. Policia e UNMIK-un ushtron dhunë mbi protestuesit
Prishtinë, 8 shkurt 2002 Protesta e së premtes në Prishtinë, ka dalluar nga të gjitha protestat e deritanishme të pasluftës. Ajo do të ishte edhe më madhështore sikurse policia e UNMIK-ut të kishte lejuar hyrjen në qytet të qytetarëve të shumtë dhe punëtorëve të fabrikave dhe ndërmarrjeve të ndryshme që të premten kishin mësyer Prishtinën, sikurse 12 apo 13 vjet më parë. Në protestën e thirrur për sot në orën 12, Prishtinën e kishin mësyer qytetarë nga shumë qendra të Kosovës, si nga Prizreni, Ferizaj, Malisheva etj, një pjesë e madhe e të cilëve u nis këmbë nga jashtë kryeqytetit dhe arriti me vonesë në protestë. Dhjetëra mijëra qytetarë kanë kërkuar sërish të premten lirimin e tre ish-pjesëtarëve të UçK-së, të arrestuar nga policia e UNMIK-ut me pretekstin se kanë kryer krime gjatë luftës në Kosovë, në periudhën 1998 – qershor 1999 dhe të të gjithë pjesëtarëve të TMK-së të cilët janë arrestuar a mbahen në burgje edhe pse në mungesë provash dhe faktesh për veprat që iu mvishen. Valën e protestave që kanë përfshirë Kosovën e ka nxitur arrestimi i Latif Gashit, epror rezervë i TMK-së, Naim Kadriut, zyrtar i PDK-së në Besianë dhe Nazif Bunjakut, pjesëtarë i Shërbimit Policor të Kosovës, që të tre ish-pjesëtarë të UçK-së në Zonën Operative të Llapit. Protestën e së premtes e shpalli të hapur Sadik Krasniqi, zëdhënës i Këshillit Organizativ, i cili përveç se i përmendi kërkesat tanimë të njohura, u bëri thirrje protestusve që të jenë syçelë dhe të mos krijojnë ekcese. Vebi Rafuna, kryetar i SHIL të UçK-së, tha se “derisa UNMIK-u thotë se ato janë arrestime individuale dhe se nuk janë kundër ish-UÇK-së, në anën tjetër të gjithë ata që janë nën hetime janë ish-pjestarë të UÇK-së dhe kështu veprohet tinëzisht në shpërbërjen e TMK-së, të cilën duan nga ushtria ta shndërrojnë në një agjenci për shërbime teknike, e cila nuk do të ishte në gjendje ta mbronte Kosovën nga rikthimi i ushtrisë dhe policisë serbe”. Fjalë rasti para protestuesve mbajtën edhe Xhavit Jashari, Mustafë Sopi dhe Riza Xhakli, i liruar ditë më parë nga burgjet serbe. Më pas protestuesit kanë marshuar rrugëve të kryeqytetit, të përcjellë nga forca të shumta policore, që ishin të pajisura me mbrojtëse dhe të shoqëruar edhe nga njësi policore speciale që veprojnë në Kosovë. Gjatë marshit të protestuesve dëshmitarët thonë se disa policë i provokuan dhe fyen ata dhe më pas përdorën dhunë ndaj disa protestusve. Pas marshit dhe incidenteve, zëdhënësi i Këshillit Protestues tha se “ne nuk do të heqim dorë nga kërkesat tona dhe kërkojmë që të gjithë ata që janë kompetentë t’i marrin ato seriozisht në shqyrtim, sepse masa sa po vjen e shtohet dhe natyrisht nga paknaqsia po eskalon në probleme”. Lidhur me ekceset, Krasniqi tha “se ka pasur edhe individë të cilët kanë dashur të shkaktojnë probleme, por ne i lusim të gjithë që të mos krijojnë probleme në mënyrë që të mos japim shkas që dikush të luajë dhe ta përdhosë gjakun e ushtarëve të UÇK-së“. Në pyetjen se nëse eskalon gjendja dhe shfaqen probleme edhe më të mëdha, kush do ta merr përgjegjësinë për të, Krasniqi tha se “përgjegjësitë për ekceset, le t’i marrë policia dhe ata që nuk po i marrin parasyshë kërkesat tona“. Protesta do të vazhdojë të premten e ardhshme, dhe do të mbahet në të gjitha qendrat, duke filluar nga ora 13. /marrë nga kosovapress/
Protestuesit thyejnë xhamat e Hotel “Ilirisë” dhe makinat e policisë: Të lirohen ish-pjesëtarët e UCK
RTV 21 njofton se mijëra qytetarë nga Prishtina dhe nga qendra të tjera të Kosovës protestuan sot në Prishtinë kundër arrestimit të tre pjesëtarëve të ish-Ushtrisë Çlirimtare të Kosovës. Protestuesit, të cilët bartnin flamuj kombëtarë dhe pankarta, kërkuan lirimin e të arrestuarve. Organizatorët e protestës, përfaqësuesit e asociacioneve të dala nga ish-Ushtria Çlirimtare e Kosovës, vlerësojnë se arrestimi i pjesëtarëve të Ushtrisë Çlirimtare të Kosovës, Latif Gashit, Naim Kadriut dhe Nazif Mehmetit, të arrestuar para 11 ditësh nga policia ndërkombëtare me akuza për krime ndaj civilëve shqiptarë, është përpjekje për denigrimin moral të luftëtarëve të lirisë. Pasi ka përfunduar protesta, një grup personash ka thyer xhamat e Hotelit "Iliria" dhe disa automjete të policisë së UNMIK-ut. Gjithçka po shkonte në rregull deri kur zëdhënësi i Këshillit Organizativ të Protestës (KOP) Sadik Krasniqi kërkoi shpërndarjen e protestuesve. Atëherë, disa të rinj filluan të hedhin gurë mbi Hotelin "Iliria" dhe mbi disa automjete të policisë së UNMIK-ut që ishin afër sheshit "Nëna Terezë". Pastaj turma është shpërndarë dhe nuk janë shënuar më incidente të tjera.
Politikanët, pas incidenteve në protestë: Tubimet të bëhen të qeta
Lidhur me incidentet qe ndodhen pas tubimit te sotem në Prishtinë, gjatë të cilit protestuesit shkaktuan edhe incidente të ndryshme, kanë reaguar disa subjekte politike. Përfaqësuesit e tyre kanë porositur se te gjithe kane te drejte te protestojne, por kjo duhet bere ne menyre te qete. Sekretari i përgjithshëm i Partisë Demokratike të Kosovës, Jakup Krasniqit dhe anëtari i kryesisë së Aleancës për Ardhmërinë e Kosovës, Bujar Dugolli lidhur me këto zhvillime thanë se ruajtja e qetësisë duhet patjetër t’i shoqërojë këto tubime protestuese. Ndërkohë zyrtarët e Policisë ende nuk kanë dhënë informacion zyrtar për këtë ngjarje,njofton RTV 21.
Minoritetet mblidhen në tryezë: Tri partitë shqiptare të zhbllokojnë procesin e bisedimeve politike
Sipas informacioneve të RTV 21, sot në Prishtinë përfaqësues të minoritetit turk, boshnjak, ashkalinj dhe romë, mbajtën tryezë të rrumbullakët ku kërkuan nga liderët e tri partive shqiptare që ta zhbllokojnë procesin e bisedimeve politike. Në këtë tryezë liderët e minoriteteve vendosën që ta formojnë një komision prej tre anëtarësh, të cilët do tu bëjnë ftesë partive të shqiptare që të diskutojnë për zhbllokimin e procesit të bisedimeve në mënyrë që të arrihet marrëveshja për bashkëqeverisje. Në këtë tryezë, gjithashtu Numan Baliq nga Partia Boshnjake e Kosovës, përgënjeshtroi disa shkrime në gazetat e përditëshme, se minoritarët përfaqësues në parlamentin e Kosovës, janë me serbët dhe nuk e dëshirojnë zhvillimin e institucioneve të Kosovës.

Të shtunën në Prishtinë artistët dhe krijuesit protestojnë kundër mbajtjes në arrest të ish-luftëtarëve të UÇK-së
Prishtinë, 7 shkurt 2002 Arrestimi dhe mbajtja në burg e luftëtarëve të ish-Ushtrisë Çlirimtare të Kosovës, si dhe tendencat për të njollosur vlerat e luftës çlirimtare në Kosovë, ka hasur në indinjatë të thellë te populli i Kosovës dhe asociacionet e ndryshme, të cilat kanë shprehur revoltën e tyre përmes protestave që po organizohen në disa qytete të Kosovës.
Për të reaguar kundër një dukurie të tillë të rrezikshme dhe me prapavijë politike, Krijuesit dhe Artistët e Kosovës kanë ftuar për një protestë e cila do të mbahet të shtunën, më 9 shkurt, në orën 12. Protesta do të mbahet në Foajeun e Teatrit Kombëtar në Prishtinë.
Nesër në Prishtinë protestë gjithëpopullore me kërkesën për lirimin e tre ish-pjesëtarëve të UÇK-së
Prishtinë 7 shkurt 2002 Nesër në orën 12 mbahet një protestë gjithëpopullore me kërkesën për lirimin e tre ish-pjesëtarëve të UÇK-së. Protesta është e organizuar nga Shoqata e Invalidëve të Luftes të UÇK-së, Shoqata e të Burgosurve Politikë, Unioni i Pavarur i Studentëve të PDK-së dhe Shoqata e Familjeve të Dëshmorëve të UÇK-së. Familja Jashari, duke mos u pajtuar me akuzat kundër ish-ushtarëve të UÇK-së, tani pjesëtarë të TMK-së, ka reaguar të martën përmes një letre të kryefamiljarit Rifat Jashari, dërguar mjeteve të informimit. Kërkesa e Këshilli Organizativ të Protestave ka vetëm tri pika qendrore: Të shfuqizohen të gjitha marrëveshjet e UNMIK-ut me Beogradin, të arritura pa pëlqimin dhe dijeninë e shqiptatëve; Të ndërpriten të gjitha shkeljet e vlerave të luftës së UÇK-së dhe të bëhet lirimi i menjëhershëm i ish-ushtarëve të UÇK-së dhe pjesëtarë të TMK-së që mbahen në burgje me tendenca; dhe kërkon nga UNMIK-u që të komtribujoë në lirimin e menjëhershëm të pengjeve të luftës që mbahen në burgjet serbe si dhe zbardhjen e fatit të të zhdukurve.
Më 13 shkurt fillon gjykimi i gjermanit të akuzuar për vrasjen e kolonelit serb në Prishtinë
Prishtinë, 7 shkurt 2002 Në Gjyqin e Qarkut në Prishtinë më 13 shkurt do të fillojë gjykimi ndaj Roland Beretskit, shtetas gjerman, i cili akuzohet për vrasjen e Aleksandar Petroviqit, kolonel i Ministrisë së Punëve të Brendshme të Serbisë. Pos Petroviqit, në ekplozivin e kurdisur, në një lagje të Prishtinës, më 18 prill të vitit të kaluar u lënduan rëndë e lehtë edhe katër nënpunës serbë, të filialës së pasaporteve serbe në Prishtinë. Për sulmin është akuzuar shtetasi gjerman, i cili ishte i martuar me një shqiptare të Kosovës.
E marte, Shkurt 05, 2002
Bashkimi Evropian do të hapë një zyrë konsullore në Prishtinë, e cila do të lëshojë edhe viza për vendet e BE-së
Bruksel, 5 shkurt 2002 Ministri i brendshëm spanjoll, Mariano Rahoi, thotë se Bashkimi Europian ka në plan që të hapë zyrën e parë konsullore në Prishtinë. Sipas parashikimeve, kjo zyrë, e cila do të lëshojë viza për në 15 vendet anëtare të BE-së, do të fillojë nga puna këtë verë. Siç njofton BBC nga Brukseli, kjo shihet si një përpjekje tjetër e Bashkimit Evropian për të koordinuar politikën e tij të vizave dhe imigracionit. Vendet anëtare të Bashkimit Evropian kanë tashmë lista të përbashkëta për vendet, shtetasit e të cilave kanë nevojë për viza ose jo për të vizituar zonën e Shengenit, ku përfshihen të gjitha vendet e BE-së me përjashtim të Britanisë dhe Irlandës. Duket se ministrat e brendshëm dhe ata të drejtësisë të Bashkimit Europian kërkojnë të shkojnë edhe më tej, siç sqaron ministri i brendshëm spanjoll, Mariano Rajoy. "Ne duhet të fillojmë të ngrejmë zyra të përbashkëta konsullore. Nuk duket e arsyeshme që një individ të marrë vizën e hyrjes në një vend të Bashkimit Europian pasi atij i është refuzuar viza nga 10,11 apo 12 vendet e tjera. Në planin afatgjatë ne duhet të kemi zyra të përbashkëta konsullore. Do të shohim nëse do të jemi në gjendje që zyrën e parë ta hapim në Prishtinë, për të krijuar një ide më të qartë se si mund të funksionojë sa më mirë ky sistem", tha ministri i brendshëm i Spanjës, e cila është presidente e radhës e Bashkimit Evropian. "Përse Prishtina? Sepse do te jetë një zyrë e re dhe të gjithë do të fillojmë nga zeroja. Kjo ishte arsyeja që ne e morrëm këtë vendim dhe nuk kemi arsye që ta ndryshojmë. Ne duam që ai të kthehet në model, në shembull për të ardhmen," tha zoti Rahoi. Për banorët e Kosovës ky duket një zhvillim pozitiv. Momentalisht, për të marrë një vizë për të vizituar një vend të Bashkimit Europian, ata duhet të udhëtojnë për në zyrat konsullore në Maqedoni, Serbi, Shqipëri apo Bullgari.
Sot u shënua 57-vjetori i i themelimit të Radiotelevizionit të Prishtinës
Sot në Prishtinë u shënua 57-vjetori i themelimit të Radiotelevizionit të Prishtinës. 512 punëtorët që kanë mbetur pa punë shpresojnë se Kuvendi i Kosovës do të merret me zgjidhjen e problemit të tyre. “Radiotelevizioni i Prishtinës nuk ishte vetëm një televizion, por ishte një servis dhe fabrikë kuadrash të veprave të artit, kulturës e politikës”, tha me këtë rast Mon Asllani drejtor i Bordit Udhëheqës. Ndërsa Feriz Ratkoceri, kryetar i Sindikatës së Pavarur të Radiotelevizionit të Prishtinës, tha se punëtorët prej themelimit të këtij institucioni kanë kaluar nëpër labirinthe të ndryshme. Ratkoceri tha se ka besim të madh në qeverinë e re dhe Kuvendin e Kosovës se do t'i kthejë në vendet e tyre të punës edhe 512 punëtorët e mbetur. Me rastin e këtij përvjetori, të ndjerit Enver Malokut, gazetar dhe publicist, iu nda një mirënjohje “Post-Mortum”.
Formohet grupi nismëtar i Shoqatës së Re të Gazetarëve të Kosovës
Në Prishtinë u formua grupi nismëtar i Shoqatës së Re të Gazetarëve të Kosovës. Në këtë takim morën pjesë gazetarë të mediave nancionale dhe të atyre lokale nga mbarë Kosova. Një tubim tjetër me gazetarët e mediave që dëshirojnë të jenë anëtarë të kësaj shoqate do të mbahet më 20 të këtij muaji. Me ndërmjetësim të Agjencisë "Irex" sot u tubuan gazetarë të mediave të ndryshme që biseduan për formimin e një shoqate të re. Megjithatë kishte edhe mendime se duhet vazhduar me reformimin e shoqatës së tashme të gazetarëve, e cila momentalisht nuk funksionon, në një situatë kanë dhënë dorëheqje pjesa më e madhe e kryesisë.

Në sheshin “Skënderbej” në Prishtinë protestë madhështore me kërkesën për lirimin e tre ish-pjesëtarëve të UçK-së
Prishtinë, 4 shkurt 2002
Edhe një protesët e fuqsishmë në qendër të Prishtinës. Mijëra qytetarë kanë kërkuar të hënën lirimin e ter ish-pjesëtarëve të UçK-së, të arrestuar ditë më parë në Prishtinë.
Këshilli Organizativ i Protestave për lirimin e ish-pjesëtarëve të UçK-së të arrestuar javën e kaluar në Prishtinë, të hënën në sheshin “Skenderbej”, mbajti një protestë gjithëpopullore. Para protestuesve foli organizatori i protestës, i cili i revoltuar tha se “edhe dita e sotme radhitet në vargjet e protestave që po mbahen këto ditë nëpër qendra të Kosovës për mbrojtjen e vlerave të luftës së UçK-së, të krijuara me shumë sakrifica.
Në mbledhjen e mbajtur Këshilli Organizativ i cili përbëhet nga Shoqata e familjeve të dëshmorëve të UçK-së, Shoqata e Invalidëve të Luftës të UçK-së, shoqata e veteranëve të luftës të UçK-së, Shoqa e të Burgosurve Politikë, Unioni i Pavarur i Studentëve të Universitetit të Prishtinës, është shprehur njëri ndër organizatorët e protestave, duke u mbështetur në kërkesat e protestuasve anekënd Kosovës kërkesën e tij e ka koncentruar në tri pika: Kërkojmë që të shfuqizohen të gjitha marrëveshjet e UNMIK-ut me Beogradin, të bëra pa pëlqimin dhe dijeninë e shqiptarëve; Kërkojmë nga UNMIK-u që të ndërpriten të gjitha shkeljet e vlerave të luftës së UçK-së; dhe kërkojmë lirimin e menjëhershem të ish-ushtarëve të UçK-së dhe TMK-së që mbahen në burgje me tendenca e tortura.
Kërkojjmë nga UNMIK-u që menjëherë të bëjë lirimin e pengjeve të luftës që mbahen në burgjet serbe dhe të zbardhë fatinë e të zhdukurve, tha më tej njëri nga bashkorganizatorët e protestave. Në vazhdim, para protestuesve të shumtë fjalën e mori Xhavit Jashari, Kryetar i Këshillit Organizativ të Protestave, i cili tha: “Vrasjet kolektive, dhunimet e femrave, masakrimet e fëmijëve në bark të nënave dhe vrasjet e 15 mijë njerëzve në mënyrën më barbare ishin gjenocid, të cilin e ndaloi Ushtria çlirimtare e Kosovës, së bashku me Aleancen Veriatlantike NATO. Pastaj erdhi liria e fituar me shumë sakrifica. Administrata e UNMIK-ut i vuri në dyshim këto vlera, duke bërë veprime të gabueshme ndaj shqiptarëve, gjë e cila mund të ilustrohet edhe me burgosjet e vazhdueshme të pjesëtarëve të ish-UçK-së dhe tani TMK-së, me tendencat e caktuara ndaj tyre, sikurse ndaj rastit Ruzhdi Saramati, gjeneralit Sali Veseli, Latif Gashit, Naim Kadriut,Gani Ymerit, Alush Shalës e shumë të tjerëve si dhe suspendimit të oficerëve të lartë të TMK-së.
Nga përfaqësuesit e studentëve, fjalën e mori Abedin Selimi, i cili tha: “Studentë dhe qytetarë, jemi këtu përsëri për të thënë fjalën tonë për të gjitha këto që po ndodhin në Kosovën e pasluftës, e cila as për së afërmi nuk është ajo që do të duhej të ishte. Pse? Së pari ne sot në Kosovë po shkelet mbi vlerat më sublime të këtij populli siç është lufta e lavdishëme e UçK-së, burgosen ish-pjestarët e UçK-së dhe TMK-së me akuzat më qesharake si gjoja se kanë bërë krime lufte e ndaj kujt, ndajë vetë kriminelëve që sot kërkohen edhe nga Gjykata e Hagës.
Në vazhdimë Selimi tha se ne sot kemi dalur për të shfaqur pakënaqësinë tonë edhe një herë në mënyrën më demokratike të mundshme, e jo duke bllokuar rrugë e djegur vetura e duke goditur pjesëtarët e stafit ndërkombëtar.
Protesta e u mbyll për të vazhduar të premten në orën 12./ nga kps/

Pas Vushtrrisë, sot Gjilani dhe Ferizaj në protesta gjithëpopullore kundër arrestimit të tre ish-pjesëtarëve të UÇK-së
Prishtinë, 2 shkurt 2002
Asociacionet e dala nga UçK-ja kanë paralajmëruar protesta gjithëpopullore të shtunën në Gjilan e Ferizaj, ndërokhë sikurse vazhdimisht gjatë këtyre ditëve nuk kanë munguar as reagimet e shumta kundër arrestimit të tre ish-pjesëtarëve e komandnatëve të UÇK-së të Zonës Operative të Llapit.
“Pjesëtarët e UÇK-së nuk kanë qenë kurrë kriminelë” është thënë dje në një protestë gjithëpopullore në Vushtrri. “Ne nuk duam që Kosova të kthehet në ktehtrat e Serbisë, Serbia duhet të jetë sa më larg nesh, po qe se duan rehati në Kosovë e Ballkan, në të kundërtën edhe UNMIK-u edhe të tjerët do të ballafaqohen me probleme, me mosbindje totale të popullit ndaj UNMIK-ut dhe atyre që ndihmojnë Serbinë për t’u kthyer në Kosovë, ka thënë në reagimin e tij kryetari i SHVL të UÇK-së në Vushtrri, Sali Salihu.
Në Vushtrri sikurse edhe në qendra të tjera të Kosovës të premten kundër arrestimit të kësaj jave të tre ish-pjesëtarëve të UÇK-së me akuzën se kanë kryer krime lufte në periudhën 1998-qershor 1999, kanë protestuar mijëra qytetarë, invalidë të luftës dhe veteranë të ish-UÇK-së./marr nga kps/
24 janar 2002
Ne ditën e vrasjes se heroit Isa Boletini
Marrë nga ATSH
Isa Boletini lindi në fshatin Boletin të Mitrovicës më 16 janar 1864. Fati e solli që po në atë muaj të vitit 1916, tashmë në moshën 52-vjeçare të vritet në pabesi së bashku me njerëzit më të afërt të tij, dy djemtë, dy nipat e tre bashkëluftëtarët që nuk i'u ndanë deri në rrahjet e fundit të zemrës. Në këtë hark kohor të moshës së tij të prerë, 35 vjet Isa Boletini i vuri në shërbim të atdheut e të kombit i lidhur me një nga drejtimet më themelore të lëvizjes kombëtare shqiptare, me luftën e armatosur për çlirim dhe bashkim kombëtar.
Në fillim si luftëtar e më vonë si prijës, Isa Boletini u rrit së bashku me lëvizjen e armatosur kundërosmane të fundit të shekullit XIX e fillimit të shekullit XX. Në këtë proces ai mësoi dhe fitoi mjaft cilësi të vyera, të cilat do t'i vlejnë në përpjekjet për organizimin e udhëheqjen ushtarake të kësaj lëvizjeje. Tiparet e një udhëheqësi ushtarak ai i shfaqi që në kontaktet e para me taborret osmane i rrethuar prej tyre në kullën e Boletinit në fundit e shekullit XIX. Këto tipare do të formoheshin e zhvilloheshin plotësisht dhe do të shfaqeshin me tërëë madhështinë e tyre gjartë kryengritjeve të mëdha të viteve 1910-1912, e veçanërisht në betejat e zhvilluara në Grykën e Carralevës në maj 1910 dhe në betejat e maj-korrikut të kryengritjes së vitit 1912. Për shkallën e lartë të organizimit dhe mënyrën e drejtimit të kryengritësve, oficerët turq e vlerësuan Isa Boletinin dhe krerët e tjerë kryengritës si njerëz të shkolluar e specialistë të zotë, të cilët sipas tyre, nuk mund të ishin shqiptarë. Ndërsa, shtypi i kohës e vlerësoi Isanë si gjeneral të ushtrisë shqiptare. Bashkimin e popullit shqiptar në luftën kundërosmane, ai e shihte si faktorin kryesor të brendshëm për arritjen e fitores. "Kur të bashkohen të gjithë shqiptarët, do të theksonte Isai, e të lidhin ndër vedi një besë shqiptare, do të jemë të zotë të përzomë urdinë e turkut jo me armë, por edhe me hunjtë e gardhit". Kjo u arrit në Kryengritjen e Përgjithshme të vitit 1912. Në kuadrin e përgatitjeve të kryengritjes brenda vendit, hyjnë edhe përpjekjet e Isa Boletinit e të krerëve të tjerë për të siguruar një mbështetje e bashkëpunim me vendet fqinje. Në kushtet e refuzimit të një bashkëpunimi të tillë nga Mali i Zi dhe Bullgaria, Isa Boletini i nxitur nga nevojat e kryengritësve për armë e municion, u mundua të shfrytëzojë prirjet e Serbisë për të bashkëpunuar me kryengritësit shqiptarë. Isa Boletini punoi intensivisht për organizimin e kryengritjes. Ai mori pjesë në Kuvendin e Junikut përkrah grupit autonomist dhe miratoi programin politik me kërkesën themelore për autonominë e Shqipërisë. Për realizimin e këtij programi, ai në bashkëpunim me Hasan Prishtinën e krerë të tjerë, drejtuan forcat kryengritëse për çlirimin e qyteteve kryesore të Kosovës. Sukseset e njëpasnjëshme të kryengritjes e detyruan Portën e Lartë të ulej në bisedime me shqiptarët. Më pas, fillimi i Luftës Ballkanike në tetor 1912 e gjeti Isa Boletinin përkrah bashkëluftëtarëve të tij në hapësirën e midis Ibrit dhe Llapit. Pas rënies së Podujevës në duart e serbëve, Isai u tërhoq në drejtim të Shalës për t'u prerë hovin ushtrive serbe që vinin në drejtim të Mitrovicës. Rrethimi i Mitrovicës nga forcat serbe e detyroi Isa Boletinin të tërhiqej në drejtim të Prizrenit e prej andej në krahinat ende të papushtuara për të vijuar më tej luftën për mbrojtjen e vendit. Në Sllovë të Dibrës, Isai mësoi për aktin e madh politik kombëtar që po përgatitej në Vlorë. Vetëm aty ai pa shpëtimin e Kosovës dhe viseve të tjera shqiptare të pushtuara nga ushtria e Aleancës Ballkanike.
I zgjedhur si delegat i Kosovës, në krye të 100 luftëtarëve kosovarë ai u nis për në Vlorë. Në sheshin e flamurit për herë të parë ai u takua me Ismail Qemalin. Shtrëngimin e dorës së tij Isa Boletini e shoqëroi me urimin "Të lumtë dora Ismail Qemali" dhe mori prej plakut të urtë të Vlorës vlerësimin më të lartë për kontributin që ai kishte dhënë për shpalljen e pavarësisë "Ti më dhe krahun e fuqishëëm Isa Boletini".
Vëmendjen e Isa Boletinit, ashtu si edhe të atdhetarëve të tjerë, e tërhiqte çështja e kufijve të shtetit shqiptar. Isai u zgjodh në përbërjen e delegacionit të qeverisë së Vlorës që u nis në Londër si përfaqësues i Kosovës, fati i të cilës do të përcaktohej në Konferencën e Ambasadorëve. Vendimet e padrejta që mori Konferenca e Londrës duke lënë jashtë kufijve më shumë se gjysmën e kombit shqiptar, përforcoi bindjen tek Isai se një padrejtësi të tillë do ta zgjidhte vetë populli shqiptar. Fillimi i Luftës së Parë Botërore e gjeti Isa Boletinin në Malësinë e Gjakovës. Përqëndrimi i forcave ushtarake serbe e malazeze në kufirin shqiptar dhe bashkëpunimi i tyre me reaksionin brenda vendit e detyroi Isanë të linte Krasniqen e të zbriste në Shkodër, tashmë në gjendje të rëndë shëndetësore e në kushte tejet të vështira ekonomike, pasi gjithë pasurinë e tij e kishte vënë në shërbim të luftës për liri e pavarësi.
Në qershor 1915 forcat malazeze rrethuan Shkodrën. Për të mos rënë në dorë të tyre, Isai kërkoi strehim në Konsullatën Franceze në Shkodër dhe i kërkoi nënkonsullit që ta ndihmonte për t'u larguar në një vend asnjanës ose të ndërhynte pranë qeverisë së Malit të Zi dhe Serbisë që të lejonin kthimin e tij pranë familjes në Mitrovicë. Në qoftë se nuk do t'i realizoheshin kërkesat, Isai kishte vendosur që me çdo sakrificë të çante natën rrethimin e forcave malazeze e të largohej nga Shkodra. Por, qeveria franceze vendosi t'ia dorëzojë Isa Boletinin Malit të Zi, duke u bërë kështu drejtpërdrejtë pjesëmarrëse në krimin e shëmtuar që serbo-malazezët kryen ndaj Isait 86 vjet më parë te Ura e Podgoricës.

Gjermani Majkëll Shtajner, kryeadministrator i Kosovës
Prishtinë, 22 janar 2002 Pas një vakuumi të konsiderueshëm institucional, që nga braktisja e saj nga Hans Hakerup në njërën anë dhe ngurrimi i subjekteve politike vendase në anën tjetër për të krijuar qeverisjen vendore, më në fund Kosova ka një udhëheqës të legjitimuar. Sekretari i Përgjithshëm i Kombeve të Bashkuara e ka emëruar të hënën diplomatin gjerman Majkell Shtajner për kryeadministrator të Kosovës. Përmes një letreje drejtuar Këshillit të Sigurimit të OKB-së, sekretari i përgjithshëm Kofi Anan ka bërë të ditur se gjermani Majkëll Shtajner do të jetë pasardhës i danezit Hans Hakerup, në postin e kryedaministratorit të Kosovës, në mandatin e ardhshëm. Diplomati gjerman ka një eksperiencë në Ballkan. Pas nëshkrimit të Marrëveshjes së Dejtonit, ai ka qenë zëvendësi i parë i përfaqësuesit të të bashkësisë ndërkombëtare në Bosnjë dhe Hercegovinë, Karl Bildit. Shtajner, i njohur për gjallërinë dhe padurueshmërinë e tij aq sa edhe për shpejtësinë dhe zellin në marrjen e vendimeve, është një diplomat me prestigj në qarqet diplomatike ndërkombëtare.
Krimi që tronditi Kosovën
Prishtinë, 19 janar 2002 Krimi në Pejë është një ndër më të shëmtuarit që ka ndodhë në Kosovën e pasluftës. Vrasja e 51-vjeçarit, Ismajl Hajdaraj, është vrasje e institucionit të parë të Kosovës të njohur edhe ndërkombëtarisht - Kuvendit të saj. Ismajli ishte një nga deputetët e tij.
Mbrëmjen e së enjtes, në Pejë ka ndodhë akti më i pakuptimtë, siç e cilësuan atë edhe diplomatët dhe të akredituarit perëndimorë në Kosovë, siç e cilësoi atë edhe vetë ambasadori amerikan në Prishtinë, Xhon Menzis. Në Pejë ka ndodhë ajo që s’është dashur të ndodhë, ajo që më së paku e kemi pritur të gjithë ne shqiptarët dhe qytetarët tjerë që mendojnë pozitivisht për Kosovën, që ia duan të mirën asaj. Në Pejë ka ndodhur ajo që nuk do të dëshironte askush të ndodhë. Zymtësia e mbrëmjes së të enjtes shpejt e shpejt e mbuloi tërë Kosovën, bashkë me lajmin e kobshëm që pushtonte eterin. Lajmi për vrasjen e Hajdarajt ishte shokant e tronditës njëkohësisht, si për Kosovën e qytetarët e saj, ashtu edhe për politikanët, të cilët unanimisht e dënuan aktin dhe urgjentisht kërkuan edhe kësaj here kapjen e akterëve të krimit dhe vendosjen e tyre para drejtësisë. Natyrisht që thirrjes së tyre u bashkohemi të gjithë.
Kosova nuk ka nevojë për gjak, tmerr e lemeri. Mjaf më! Për gjak mund të ndihen të etshme vetëm ato fantazma e kukuvajka që sa herë ndodhë vrasje në Kosovë dhe për çfarëdolloj motivesh që të ndodhë ajo, turren me vrap e vrap të nxjerrin maksimumin e profitit politik e komercial të mundshëm. Për gjak dhe vrasje është më se e interesuar edhe vetë politika ekpansioniste e Beogradit që Kosovën dëshiron ta shohë në një katrahurë shoqërore e anarki vëllavrasëse. Skenarë të tillë tashmë funksionojnë akordueshëm në krahë të caktuar politikë e medialë, të cilët për shkak të repsektit ndaj deputetit tashmë të ndjerë, Hajdaraj, nuk do t’i apostrofonim këtu. Por, vetë qasja e tyre e tregon këtë, që nga tendenca dhe dëshira e madhe që vrasësi të identifikohet si shqiptar (por i krahut tjetër politik) e deri te dyshimi i madh të cilin na e ngjallë vetë qasja e tyre: Kujt kaq shumë i paska konvenuar kjo, në këtë rrethana e në Kosovën e këtyre ditëve?
Duke e thyer qartë një traditë tashmë të të afërmve të të vrarëve me reputacion në Kosovë, fjalën më të mençur e ka thënë dr. Adem Hajdaraj, vëlla i të ndjerit, duke deklaruar se nuk dyshon që vëllau t’i jetë vrarë nga partitë a rivalët politikë dhe duke shtuar se është një dorë e zezë ajo që po e bën këtë, një dorë e zezë që nuk punon për të mirën e Kosovës. Kjo deklaratë është një sinjal i kuq dhënë edhe kukuvajkave të Kosovës, që të mos ndjellin më kob, gjak, krim e zi. Në fund, të tërën do ta përmbyllnim, po ashtu me një lutje që ka dalë nga nga goja e Trime Hajdarajt, vajzës 19 vjeçare të deputetit të ndjerë: “Qoftë kjo vrasja e fundit në Kosovë!”.(Koment i Kosovapressit)
17 JANAR 2002
Me rastin e 20-vjetorit të rënies
Jusuf Gërvalla - Ideatori dhe dhëheqësi i lëvizjes sonë të rezistencës kombëtare
Shkruan: Halit Mehmetaj
17 janari shënon ngjarjen e dhembjes sonë krenare- përvjetorin e 20-të të vrasjes, në pabesi, nga UDB-ja serbe, të ideatorit dhe prijësit të Lëvizjes sonë për çlirim kombëtar, Jusuf Gërvallës, si dhe bijve të Kosovës, Kadri Zekës dhe Bardhosh Gërvallës.
Gjenia e tyre i ngriti këta burra në altarin e atdheut prej nga morën vizionin e tyre për realizimin e aspiratave shekullure, për liri, pavarësi e çlirim kombëtar të kombit shqiptar. Veprimtaria e tyre vizionare i ndryshoi rrjedhat e historisë; Ia hoqi maskën e padukshme “parajsës komuniste” në gadishullin e Ilirisë, që predikohej, me të madhe, nga fara sllave dhe veglat e tyre servile dhe e vuri një gur të madh në themelin e Dardanisë.
Falë punës titanike të Jusuf Gërvallës me shokë, gurthemelin që e vunë në Kosovën e Pranverës së Madhe të ‘81-shit nuk mundën ta zhdukin e as ta lëkundin stuhitë me shtrëngata të orgjive policore serbe, as diplomacitë e huaja mashtruese, por as axhamillëku politik i servilëve të kohës.
Jusuf Gërvalla kurrë nuk mundi t’i lëshojë pe demagogjisë dhe pabesisë, që përdorej nga nomenklatura e kameleonëve sllavë dhe shërbëtorëve të tyre ndaj popullit shqiptar.
Jusuf Gërvalla u lind në Dubovik të Deçanit në maj të vitit 1945, në një kohë vrasjesh e përndjekjesh shqiptare, me tradhëti e pabesi të shumta ndaj kombit tonë. Familja e tij, brez pas brezi u gjetën në ballë të Lëvizjes së rezistencës sonë kombëtare.
Kjo rezistencë u theksua, aq më tepër, gjatë sundimit serbo-komunist, me theks të veçantë në vitet ‘80-të, ku u dallua Jusufi.
Në frymën e një ambienti të tillë kalorsiak, thjesht shqiptar, u formua karakteri i këtij burri, që më vonë do të mbetet simbol i sakrificës për atdhe e normë kombëtare për idenë e shqiptarizmit.
Nga fundi i viteve ‘70-të, Jusufi punonte gazetar në Prishtinë dhe ndiqte njëkohësisht studimet pasuniversitare. U mor me shkrime, ku u dallua talenti i tij i rrallë, qoftë në prozë, qoftë në poezi. Arriti t’i botojë disa vepra, si: “Fluturojnë e bien”, “Kanjushë e verdhë”, “Shenjat e shenjta”, romanin “Rrotull” dhe dramën “Procesi”. E donte shumë edhe muzikën dhe pikturën.
Aty kah viti 1975 Jusufi përqendrohet me tërë qenien e tij për organizimin e Lëvizjes ilegale në Kosovë. Në verën e vitit 1979 me iniciativën e tij u formuan grupet e para treshe, ku menjëherë u formuan formacionet e para të Organizatës Ilegale të Lëvizjes për Çlirim Kombëtar të Kosovës. Mirëpo, veprimtaria organizative e Jusuf Gërvallës nuk mund të mos binte në sy nga organet e UDB-së dhe agjenturat e shumta të saj.
Mirëpo, Jusuf Gërvalla kishte arritur që ta nuhasë veprimtarinë e shërbimit sekret serb dhe para se ta arrestonin kaloi te i vëllai, Bardhoshi në Gjermani.
Atje, Jusufi u vu në përkushtim të organizimit të Lëvizjes sonë të rezistencës, ku përpiqej t’i bashkojë të gjitha grupet ilegale në një organizatë të vetme, të fortë, me qëllim që të formonte një subjekt politik shqiptar në Evropë, që do të merrej në konsideratë edhe nga faktori ndërkombëtar. Në këtë drejtim, ideatori i rezistencës sonë kombëtare, Jusuf Gërvalla, pati mjaft sukses, por ai gjithnjë pengohej nga rrymat ideologjike të emigracionit të vjetër politik me shumicën e të cilëve nuk arriti kurrë të ketë bashkëpunim, si dhe me agjenturat sllave.
Prania e Jusuf Gërvallës luajti rol të veçantë afirmativ te emigracioni shqiptar në Perëndim.
Pas shumë përpjekjesh e mundimesh, si dhe pas një pune të madhe, Jusuf Gërvalla arriti që ta formojë organizatën më të fortë ilegale, LNÇKVSHJ, e cila njëkohësisht vepronte edhe në Kosovë.
Jusuf Gërvalla pohonte gjithnjë se “Jugosllavia e AVNOJ-it do të shpërbëhej së shpejti, - prandaj, konstatonte ai, - duhet të përgatiten mirë gjeneratat e reja për një rezistencë të përgjithshme aktive në momentin e dhënë historik”.
Këtë moment historic, ai e parashikonte në çastin kur do të fillonin të shkëputeshin republikat e tjera nga Federata jugosllave. Siç po vërteton edhe koha, ky vizionar i thukt i çështjes kombëtare, i njihte mirë strukturat e sistemit vetëqeverisës, epërsitë organizuese në momentin historic, si dhe substancën e qenies shqiptare.
Kishte një intuitë të rrallë, në çaste kritike, prandaj nuk e humbte kurrë logjikën për vlerësimin e saktë të realitetit. E njihte mirë mentalitetin e bashkëvendasve dhe kujtesën historike të tyre, prej nga, edhe i formoi idetë kombëtare për çlirim e bashkim kombëtar.
Gjatë muajve maj-qershor të vitit 1980, Jusufi bashkë më shokë, përgatitën fletushkën “Lajmëtari i lirisë”, si dhe statusin dhe programin e organizatës.
300 ekzemplarë të “Lajmëtarit të lirisë” u dërguan në Kosovë, pikërisht në Gllogjan, ku ishte Komiteti drejtues i organizatës që drejtohej nga Ismajl Haradinaj.
Jusuf Gërvalla me tërë qenien e tij punoi pa kompromise e pa hile. Prandaj, e mori barrën kryesore të ngjarjeve të mëdha të pranversë së vitit ‘81 në Kosovë. Ngjarje që i shkatërruan themelet e mbeturinës Jugosllavi. Në qenien e tij kishte diçka madhështore, të mrekullushme. Vizioni i Jusuf Gërvallës për mobilizimin e kosovarëve në Perëndim, intuita e tij e mprehtë për punë organizative dhe lidhjet e tij me vendlindjen paraqitën mundësi reale për sendërtimin e kërkesës legjitime të Kosovës së pavarur. Por, atë e likuiduan, me atentat në pabesi, UDB-ja dhe shërbëtorët e saj, bashkë me vëllain e tij, Bardhoshin dhe me Kadri Zekën, në kulmin e veprimtarisë së tyre. Vrasja e tyre pati shkaktuar dhembje e pikëllim të thelllë në mbarë popullin shqiptar.
Ditët e janarit 1982, në Kosovë, e veçmas në vendlindjen e tij në Deçan, me rrethinë, u shndërruan në ditë zie e pikëllimi. Gjithkund shfaqej një indinjatë e thellë, dhembje e lot, për ideatorin dhe vizionarin e Lëvizjes sonë të rezistencës kombëtare.
Qau e tërë Kosova për bijtë e saj legjitim.
Zotësinë dhe vizionin e Jusuf Gërvallës, në parashikimin e realizimit të aspiratave kombëtare të popullit shqiptar e çmonte edhe UDB-ja jugosllave, duke e karakterizuar atë si personin më të rrezikshëm për shtetin jugosllav dhe duke e karakterizuar edhe si “truri i irredentes shqiptare”. Porosinë e ideologut dhe strategut të pashoq të Lëvizjes sonë kombëtare, Jusuf Gërvallës, si dhe të gjithë atyre që u flijuan për liri e çlirim kombëtar, e realizuan, me përpikëri, bijtë dhe bijat më të mirë të kombit tonë, të radhitur në Ushtrinë Çlirimtare të Kosovës, lufta më lavdiplotë e kombit tonë, tash e dy mijë vjet, e kësaj ushtrie dhe politika e suksesshme nacionale e Drejtorisë Politike të SHP të UÇK-së.
Populli shqiptar, kudo që ndodhet do t’i përkujtojë me pietet të lartë, për jetë e mot, bijtë e vet legjitim, të cilët për liri e çlirim kombëtar nuk kursyen as gjënë më të shtrenjtë - jetën.
Lavdi të përjetshme do të keni në panteonin e kombit shqiptar.

10 janar 2002 Maskenballi në Parlament
Prishtinë, 10 janar 2002
Njëmend të enjten nuk ka krisë qameti, por askush nuk mund të thotë që s’ka pasur maskenball në Parlamentin e Kosovës. Edhe më të apasionuarit pas televizionit, ka kohë që mezi e kanë pritur serinë e tretë parlametare, këtë të 10 janarit, dhe me po të njëjtat emocione sikurse edhe episodat e shtyrë të Esmeraldës, Luçias apo ndonjë serie tjetër latinoamerikane. Në risitë e radhës nuk mund të hyjë loja me mikrofonët e kryeparlamentarit Daci, e cila tashmë është bërë tradicionale dhe përmes së cilës këtë herë iu mbyll goja (sikurse edhe vitin e kaluar Thaçit e Limajt) njërit nga krerët e Partisë Demokratike, Hajredin Kuqit. Risia vërehej në fjalorin e Rada Trajkoviqit dhe atë të deputetëve të LDK-së, fjalor i cili pavarësisht dëgjueseve të përkthimit që i mbanin në vesh deputetët e të dyja këtyre subjekteve (LDK-“Povratak”), megjithatë reflektonte shenjat e para të një kompromisi tashmë të paralajmëruar ndërmjet tyre. Kryetari i Grupit Parlamentar të LDK-së sikur ka treguar uljen e armëve (por, këtë në relacion me serbët) të partisë në të cilën aderon, duke e eufemizuar termin pavarësi në mëvehtësi, ndërkohë që po në të njëjtin drejtim (por, avancueshëm) ka bërë hapat e saj ajo që dikur të gjitha nënat shqiptare të Kosovës i quante lavatriçe, pra njëra nga zonjat e para të nacionalshovenzmit serb, Rada Trajkoviq, duke përdorur për Kosovën termin e saj “Kosovo i Metohija”, fakt ky para të cilit kryeparlamentari Daci u tregua i përmbajtshëm, bile më i përmbajtshëm se sa në seancën e parë kur Fatmir Limajt ia ndërpreu mikrofonin meqë e përmendi Komandantin Legjendar dhe familjen Jashari. Pra, “Kosovo i Metohija” (në vend të Kosova) dhe “mëvehtësi” (në vend të “pavarësi”) janë shprehjet e reja në Parlament që flasin për një përafrim ndërmjet këtyre dy subjekteve, gjithnjë sipas marrëveshjes së arritur përmes negociatave të fshehta, në këto relacione, të bëra të ditura qartë që më parë edhe nga burimet tona. Deputetë të LDK-së në kafe-pauzat (që e qeraste Daci i Parlamentit) ndërmjet seancave, para kamerave, ashtu sikurse edhe faqeve të ndonjë gazete, duket se kot luanin maskenball duke tentuar të shplajnë të palarën e negociimeve me povratakistët, ndërkohë që po kolegë të tyre me fjalorin e vet i konfirmonin këto negociata (të fshehta), të cilat ne nuk mund të themi se qysh në fillim mund të kenë qenë edhe të suskseshme. Bile burimet e Kosovapressit, për negociata të LDK-së me “Povratakun”, është munduar t’i demantojë ai që ka qenë më i zëshmi për bashkëpunim me ta. Sikurse kanë bërë të ditur burimet tona mbrenda LDK-së, më i zëshmi për koalicion me serbët e kthyer si bumerang i një kornize kushtetuese, ka qenë vetë Fatmir Sejdiu, zyrtar i lartë i saj. Kur jemi këtu duhet thënë se negociatat LDK-“Povratak” janë treguar të paefekthsme falë rezistencës së pjesëshme, por të fortë të disa burrave (dhe grave) të matur(a) brenda partisë së Rugovës, të cilët nuk janë pajtuar me koalicionin me “Povratakun” apo i kanë rezistuar kësaj ideje, së cilës, sipas burimeve tona, më së shumti i kanë fryrë krerët me influencë të saj, si Ibrahim Rugova me klanin e tij brenda partisë. Thuhet se në takimet e nivelit pak më të gjerë të LDK-së, insistimin e Rugovës për ta bërë shtetin e mëvehtësishëm të Kosovës me “Povratakun”, e kanë kundërshtuar ata të Shkupit, pra ata zyrtarë të partisë së tij të cilët në Prillin e famshëm të vitit 1999, i kishin çu’ selam kryetarit të tyre se pas deklarimeve dakord me Milosheviqin e Milutinoviqin, në Beograd, “më nuk je president i yni”. Kësaj here ata e kanë kërcënuar të parin e LDK-së se masovikisht do ta braktisin partinë, nëse në çati të saj ai do ta vendosë edhe një flamur turpi, kësaj radhe duke u bërë bashkë me “Povratakun”. Pra, jo aq kërkesat e Rada Trajkoviqit sa rezistenca e disa të maturve në LDK, ka bërë që Rugova të mos jetë në gjendje të sigurojë votat povratakiste që do t‘ia shëronin njëherë e mirë atij kryetaromaninë, sëmundje nga e cila ai vuan tash e dymbëdhjetë vjet. Megjithatë, personalisht Rada Trajkoviq duket se mbajti premtimin paraprak të publikuar edhe në media dhe votën e saj ia dha Ibrahim Rugovës, duke bërë që të jenë 51 sish në favor të presidentizimit të tij (për këtë flasin po ashtu burime të sigurta). Daci dhe atdhetarët tjerë të LDK-së që e kanë eufemizuar (zbutur) fjalorin në Parlament, me aktualizimin e filozofisë së “mëvehtësisë”, duket se kanë filluar implementimin e marrëveshjes me Serbinë, se për tri vjet me radhë nuk do ta përmendin askund fjalën pavarësi (Pika e Parë e Marrëveshjes). Në anën tjetër askush fatkeqësisht nuk ia ‘vari’ deputetit të LPK-së në insitimin e tij që të kristalizohet edhe ana tjetër e biografisë së kandidatit për president, anë të cilën ia kurseu në paraqitje-propozimin e saj në seancën e kaluar znj. Nekibe Kelmendi, dhe që ka të bëjë me relacionet Rugova-Milosheviq, qasjen e përbashkët të tyre ndaj sulmeve të NATO-s mbi forcat serbe, qasjen ndaj Ushtrisë çlirimtare të Kosovës e kështu me radhë. Kosova mbeti pa kryetar pikërisht për këto shkaqe, edhe kësaj radhe. Dhe kjo është ndoshta shumë më mirë se sa që të kemi çfarëdo lloj kryetari dhe të zgjedhur në eufori të shpejteshpejtë dhe të pakonkurencë. Aq më mirë kur kemi kandidat për kryetar një njeri që ngurron ta tregojë gjysmën tjetër të backgraundit të tij, një kandidat që është kokëfortë në kompromiset dhe negociatat me forcat e forta dhe të shëndosha nga radhët e bashkëkombasve, por shumë i gatshëm të hedhë firmën në një letër me milosheviqët, milutinoviqët, e viqët tjerë që kanë obsesione dashakeqe ndaj Kosovës. Rugova, nga kamarierët kombëtarë e ndërkombëtarë ishte i gatshëm të nënshkruante me inercion edhe menynë që ia kishin ofruar për përzgjedhje gjelleje. Për të nuk ishte me rëndësi se çka nënshkruante por ishte me rëndësi se ajo nuk i ishte ofruar as nga Thaçi e as nga Haradinaj (edhe pse ishte meny gjelle për përzgjedhje, atij i ishte ngatërruar me ‘dokumente të rendësishme për Kosovën”. Si Don Kishoti). Tani teleshikuesit e apasionuar e presin, me të njëjtin emocion si Esmeraldën dhe seritë tjera latinoamerikane, seancën vijuese të Parlamentit të Kosovës, në të cilën sigurisht se do të bien maskat e negociatave të fshehta, të tanishme e të dikurshme. Kështu është kur partia e “fortë” e shndërron rëndësinë e Parlamentit të Parë të Kosovë nga ajo kombëtare në një rëndësi spektaklesh televizive.(Nga Ernest Luma-nxjerrë nga kosovapress).
Rugova dështon edhe në rundin e tretë , nuk dihet kur do të mbahet seanca vijuese
Prishtinë, 10 janar 2002
Rreth orës 16, në sallën e Kuvendit të Kosovës, ka përfunduar vazhdimi i seancës, ku kryetari i Kuvendit të Kosovës, Nexhat Daci, pas votimit për të tretën herë vetëm për një kandidat, ka dhënë rezultatet përfundimtare, sipas të cilave kandidati i LDK-së, Ibrahim Rugova, sërish nuk ka fituar numrin e mundshëm të votave për këtë post. Për të marrë këtë post, kandidati duhej të fitonte 50 për qind të votave, ose 61 vota. Mënyra e votimit në këtë rund ka ndërruar, ngase deputetët e Parlamentit të Kosovës, kanë votuar nga vendi, d.m.th. ulur dhe me zarfa të mbyllura. Në rundin e tretë kanë votuar 80 deputetë, nga 118 që ishin të pranishëm në Parlament, prej tyre 51 kanë votuar për kandidatin, 27 ishin të pavlefshme dhe dy abstenime. Me këtë rast, kryetari i Kuvendit të Kosovës, Nexhat Daci, mbylli seancën, duke ju drejtuar deputetëve se “për këtë do t’ju njoftoj me kohë”.
Në bibliotekën e Tetovës hapet ekspozita e librave të Kadaresë
Tetovë, 10 janar 2002
Biblioteka e Tetovës, në fund të këtij muaji, planifikon që të hapë një ekspozitë të librave të shkrimtarit të madh shqiptar, Ismajl Kadare, me rastin e ditëlindjes së tij. Drejtori i bibliotekës, Enver Neziri, i tha Kosovapress-it se “kjo bëhet për shkakun se Kadareja vazhdon të mbetet edhe më tej shkrimtari më i lexuar në bibliotekën e Tetovës”. Neziri tha se përveç titujve të shumtë në bibliotekën e Tetovës të këtij autori është siguruar edhe një komplet i librave të tij, të përkthyer në gjuhën frënge.

Luan Krasniqi fiton titullin e Kampionit evropian në boksin profesionist
Magdeburg(Gjermani), 7 janar 2002 Boksieri shqiptar, 30 vjeçari nga Juniku i Deçanit, Luan Krasniqi, ka fituar titullin e kampionit evropian në boksin profesionist në kategorinë e rëndë. Para 5600 shikuesve në sallën e “Magdeburg Bordelandhalle” në Magdeburg të Gjermanisë, Luan Krasniqi ka fituar meçin kundër gjermanit Rene Monse. I veshur kuq e zi, Krasniqi doli në ring i përcjellur nga brohoritjet dhe fishkëllimat e tifozëve të tij shqiptarë që kishin ardhur nga gjithë Evropa për ta përkrahur idolin e tyre. Dymbëdhjetë runde iu ka rezistuar Rene Morse goditjeve të Luan Krasniqit, ndërkohë që vetëm në rundin e dytë ka arritur që që boksierin gjermano-kosovar ta shpërblejë me një nokdaun. Luan Krasniqi ishte shumë më i përgatitur fizikisht sesa kundërshtari i tij, Monse. Andaj edhe ka aplikuar një luftë të mirë në duel më të. Fitorja e Luan Krasniqit, të shtunën mbrëma ka shënuar fitoren e parë të një gjermani për titull evropian, që nga koha kur Jurgen Blin nga Hamburgu kishte mposhtur spanjollin Jose Urtain, më 9 qershor të vitit 1972. “Kampionati evropian është një sfidë e madhe për mua,- ka thënë Krasniqi para meçit,- por ëndërra ime e vetme është ta sjell titullin e kampionit të botës në kategorinë e rëndë në Gjermani, sa është gjallë Max Schmeling”. Max Schmeling është gjermani i vetëm që ka qenë kampion botëror në vitet 1930-1932.

ARKIVI 2001
AKTUALITETE....Kliko