| ILOCANO CORNER |
 |
Kangrunaan Iti Amin A Kangrunaan A Gunglo |
Wen! Isu ti Agpayso!Kadagupan dagiti aganay a 95 a unit organizations iti salinong ti OFCC, maysa ti United Laoaguenos of Hawaii (ULOH) kadagiti 48 a kangrunaan wenno masao nga Outstanding. Abril 2002 idi maited daytoy a kangrunaan a pammigbig iti ULOH iti rabii ti OFCC Gala Night- Pacific Beach Hotel. Adda masnop a nagbatayan ti Committee on Selection, mairaman ti kinaaktibo, kinamannakitinnulong ken kinapateg dagiti proyekto a pakairanudan ti kamengna ken iti pamilia dagiti kameng, ti estudiante man iti dadduma pay. Iti labes dayta, segun iti presidente ti OFCC, Eddie Agas Sr., nangpilida pay iti KANGRUNAAN KADAGITI KANGRUNAAN. Adda wenno iti labes a pagrukodan (criteria) wenno pakapilian ti outstanding kas nadakamaten iti ngato, adda pay nainayon a mamagbalin a naipangpangruna ken naisangsangayan a unit organization ti ULOH a nakaragpat iti dayta a pammadayaw ken pannakabigbigna a kas gunglo iti sirok ti payong ti OFCC. Mabalin nga adda mangsupring ken agkuna nga adda wenno adu met ti aktibo a gunglo ti OFCC, agpayso, ngem simamata ti gimong, ti ULOH ti maibilang a maysa a kaaktibuan iti agdama. Husto, ngem iti panagpili iti kangrunaan, adda la banag a pakaidasigan. Sao man, aramidman, wenno komitment man ken consistency, mabalinen a mangidasig ti maysa a gunglo- kas iti ULOH. Iti nagsasaruno a tawen iti 2000 ken 2001, maysa latta kadagiti TOP TEN OUTSTANDING UNIT ORGANIZATION. Nagaget ken mannakitinnulong ngamin unay ti ULOH. Manipud iti Hawaii agingga idiyay Laoag, mabalinda ti mangipatulod ti dua a trak iti bombero babaen iti panagkaykaysada a kameng, ken, wen, dagiti tulong ti sabsabali, pakairamanan dagiti adda iti komunidad, iti gobierno, iti siudad ken estado, iti Honolulu Fire Department ken daduma pay. Saanda met a paudi a makigamulo mismo kadagiti proyekto iti FilCom Center, Sirmata 2004, INA, Typhoon Feria, Adopt-a-Hwy Clean Up Project, Tree Planting for Life, Feeding the Homeless, ken dadduma pay. Kaaduan a kamengda ket aktiboda pay kadagiti sabsabali a gunglo kas iti Filipino Chamber of Commerce, Filipino Coalition for Solidarity, ken dauloda kadagiti adu a komite ken responsible a posision iti UFCH ken OFCC. Beri bisibolda kadagiti miting man ken aktibidad iti gimong kas iti MOTTEP. Dagiti agdama nga opisial ti ULOH: Mell Felipe Dick, isu ti General Manager iti Mortgage Finance Corporation. Isu ti simmukat ken ni Angie Borromeo, maysa met kadagiti kaaktibuan iti gimong ita iti gimong dagiti babbai ken iti UFCH ken Philippine Cultural Foundation of Hawaii, ken dadduma. Sakbay a nabotosan ni Mell, nagpaay a sekretaria ken bise, ken pangulo dagiti komite. Dadduma nga opisial da Marlene Manzano, 1stVP; Carlota Ader, 2ndVP; Rose Borromeo, sekretaria; Luz Bareng, ass't secretary; Marina Corpuz ken Clarita Ancheta, corresponding secretaries; Connie Ramirez, tesorera; Baybee Hufana, auditor. William Cudal, Rolly Corpuz, Greg Nicolas, ken Rolly Hernandez, business managers. Richard Abadilla, Anabel Cabebe, Eric Garo, Dolly Ortal, P.R.O.'s. Jun Salenda, Efren Constantino, George Borromeo ken Richard Borromeo, sarhento. Dagiti immuna a nagpaay nga presidente a nangrienda ti ULOH ket nagbalin a kameng ti Board of Advisers da Peter Bareng, Roland Bueno, Cefe Caver, Mito Ablan, Franklin Borromeo, Larry Ramirez, Angie Borromeo. Saan nga agsardeng ti kinaaktibo dagiti pasado nga presidenteda kangrunaanna dagitoy agkabannuag kas kada Franklin Borromeo, Angie Borromeo ken Larry Ramirez iti man OFCC ken UFCH. Aktiboda pay iti INA, Philippine Consulate General, FilCom Center ken dadduma pay. Nabayagen ken aktibo latta ti ULOH iti OFCC ken UFCH. Nabangon ti ULOH tapno mamagkaykaysa kadagiti amin nga annak ti Laoag City nga agnaeden iti Hawaii. Mangtulong kadagiti annakda a nasaririt iti panagadalda. Tumulong pay ti ULOH iti komunidad. Tulongan da pay ti mismo nga Laoag City. Saluduak dagiti taga ULOH. Keep up the outstanding job! Dateline: August 29, 2002, FilCom Center, |
"Tapno mapapigsa ken mataginayon ti urnos ti partido," kinuna ni Edith Pascua, presidente ti kabuangay nga Hawaii's Filipino Democrats (HFD). Kas paset ti programa, linuktan ni Christopher Ovit, panglukat a kararag ti indauluan ni Rev. Alex Vergara. Nagsarita ni Lorraine Akiba, pangulo ti Democratic Party, iti tallaong, binigbig met ni Akiba ni Hues Peter Aduja, immuna a Filipino a nabotosan iti House of Representative, Territory of Hawaii. Nagsarita ni Gobernador Benjamin J. Cayetano, binigbigna ti kinapilipinona nga anak ti sakada a taga Urdaneta, Pangasinan. Binigbigna dagiti kadaraanna, ken dagiti amin a mangsupsuporta kenkuana. Binigbigna dagiti agdama a kadaraan iti pagpandayan ti linteg, dagiti lima a Democrat, tallo a Senador a Democrat ken ni Robert Bunda, San Nicolas, Ilocos Norte. Binigbigna nga adda tallo a kadaraan a nagpaay iti Hawaii Supreme Court, Benjamin Menor (San Nicolas, Ilocos Norte) ken dua nga annak ti Bacarra, Ilocos Norte, Hues Mario Ramil ken Simeon Acoba. Nagsarita met ni LG Mazie Hirono, kandidato para Gobernador. |
