وش تبين ؟؟

وش تبين ..

علميني .. وش تبين ..

ياللي تركتِ لي أهات .. وانين ..

طيفك يطاردني .. همسك يراودني .. من حين الى حين ..

ولا أدري .. وش تبين ..

خطفتي اسمي وعنواني .. وتكلمتي بعظمة الساني ..

وأسلوب نفس أسلوبي ..

والمشكلة .. باني اقول ..

(( ودعتني .. رمتني .. واتركتني ))

وانتي .. تقولين ..

(( راح .. خلاني .. وراح ))

زين ..الحين .. أبيك تعلميني ..

منهو اللي فينا .. اللي راح ؟؟

انا .. ولا انتي .. ولا الافراح .. والليالي الملاح ..

بس على شرط .. قبل ما تعلميني ..

ابيك تقولِ لي .. ولو بالسر ..

وش تبين ؟؟

فأنا .. زي ما أنا .. وعنواني هنا .. ما تغير .. ولا تغيّرت .. مع فصول السنة ..

بس انتي اللي تغيّرتي .. عقب الوفا .. تبدلتي ..وانقعطتي ..

رغم انك .. وعدتيني بالوصال .. ولا في مجال ..

للغياب .. للعذاب .. للسهر .. بانصاف الليال ..

وبعد هذا كله .. وأشياء ما اقدر أقوله ..

تقولين ..

(( راح .. بس ما قصّر .. عطاني ورد .. وأشواك وجراح ))

ولا تبين .. تقولِ لي .. ولو بينك وبيني ..

وش تبين ؟؟

أنا بأقلك شي .. بس ما أبيك تزعلين .. علي..

تراني .. ما أحبك .. ولا أبي أسير على دربك ..

ولكني .. يا نور عيني .. أقدرك .. وأعزك ..

مثلك .. مثل غيرك ..

بس منزلتك بالقلب .. أرفع .. وأسمى .. من غيرك ..

بس منزلتك بالقلب .. أرفع .. وأسمى من الحب ..

فإذا .. كنتٍ تحبيني .. وتبيني .. أحبك .. فأعذريني ..إن رديت اطلبك ..

وأقلك .. ما أحبك !!

مع إني داري .. بإن ردي ..راح يزعلك ..

ولا يخليكٍ .. تقولٍ لي ..

وش تبين ؟؟

اسمعي .. أنا بأقلك سر .. عن الحب .. لا تقولينه لأحد ..

أنا بأقلك .. لأني أعرفك .. صاينة للعهد ..

عطني إذنك .. أبا أهمس فيه السر ..

(( إذا كان على الحب .. فكلنا يا حبي نحب .. بعضنا البعض يالبشر ))

فأنا مثلا ..

أحب أبوي .. أحب أمي .. أحب جهلي .. أحب علمي ..

أحب اللعب .. أحب الشعر ..

أحب .. أحب .. أحب ..

بس حب .. عن حب .. يختلف ..

مثل إختلاف .. الليل عن النهار .. والعبير اللي بالأزهار ..

رغم إن الأساس واحد .. والمكان واحد ..

بس .. النوع يختلف .. مثل الاختلاف اللي بينا ..

ولا ندري .. إن كان الخطا فينا .. ولا في اللي قال ..

(( ودعتني .. رمتني واتركتني ))

ولا في اللي قالت ..

(( راح .. خلاني .. وراح ))

ولا .. في الزمن اللي مخلينا ايعاد .. عن بعضنا .. رغم .. قربنا من بعضنا ..

بس .. كل هذا .. ما يهم .. لو انتي .. تكرمتي .. وتقولٍ لي ..

وش تبين ؟؟

أنا في طبعي صريح .. وبداخلي .. طير جريح ..

من الصقور .. من النسور .. من ناس .. يلعبون بالشعور ..

فـ بعض البشر .. يبيّن لك حبه .. ويتقرب لك .. ويبيك بقربه ..

ويلملم لك .. خيوط شعاع الشمس .. ويخاف عليك .. من الهمس .. واللمس ..

إلين مايوقعك بالحفرة .. وتندمين .. ويرميك بوسط بحره .. وتغرقين ..

وانتي .. ومع الاسف .. ما تعرفين ..

وش تبين ؟؟

وبعض البشر .. يحبك إيه .. وبشتاق لك .. اكثر من شوقك إليه ..

ويخاف .. عليك .. من الهوى .. اللي يجيك .. من قلبه .. اللي يبيك ..

من نفسك .. وروحك .. ومن نظرة .. عينيك ..

اللي اسلبت .. عقله .. وفكره .. وشتت .. أيام دهره ..

بس .. متمسك بصبره .. ويخفي عليك شوقه .. وحنينه .. آهاته .. وأنينه ..

تدرين ليش ؟؟

لأنه خايف .. من الجراح .. إذا قلبك خلاه .. وراح ..

ويجي له يوم .. ويقول :

مثل ما قلتِ عني اليوم ..

(( راح .. خلاني وراح .. عذب قلبي .. واستراح ))

بس .. أبي أتأكد .. انتي .. قلتٍ كذا ؟؟

زين .. ليش ..؟ وليه .. ؟ ولماذ..؟؟

وبكل أساليب الإستفسار .. ابيك .. تريحين المحتار .. وتقولٍ لي ..

وش تبين ؟؟