أرجوك لا ترحلين

حبيبتي ..

بديت اكتب لك وخانتني الحروف .. ومدري متى تحسين بحالتي ..

ألتي غدت من الفرقا جروح ..

يمرني طيفك بعيد .. لحظة ويروح ..

ولكن .. للأسف .. هجرتيني .. وهاجرت معك أفراحي ..

وانتي تركتي لي أحزاني .. وما ضيك ..

حبيبتي ..

وقتي معك .. ما أقدر أنساه .. لأن روحي تحبك ..

تعشقك .. تهواك .. وما تتمنى سواك ..

ولي قلبٍ يحن .. وفكر مشغول بذكراك .. ومع الأسف ..

ياليت النهاية .. مثل البداية ..

آآآآآه‍ ..

البداية كانت .. خطواتٍ تثبت نفسها بدماء الحب ..

وعيونك تغصبني .. أعزف الحان الشوق ..

وحروف اسمك سكنت شفاتي ..

ولكن النهاية ..

دموع تعانق الواقع .. ذكرياتٍ تموت بلا جنازة ..

قلوب مجروحة ومقطعة في بحيرة الوداع ..

حبيبتي ..

كلما تذكرتك .. يصحى الحزن بداخلي .. وقلبي يصرخ ويصيح ..

من شدة مواجعي .. وأنيني ..

ويزداد حنيني .. وشوقي ولهفتي .. لمواويلك ..

وفجأة .. احس بلحظة انفجار ذاتي ..

أفقد الذاكرة .. عن كل شئ .. وفي كل شئ .. الا عنك ..

وتثور بعيني براكين الحزن ..

وتفيض شلالات الدموع ..

مع اني قاطعٍ على نفسي وعد .. وعهد .. بأني ما ابكي على فراقك ..

ولكن ما باليد حيلة ..

وفي لحظة سكوني .. وصمتي ..

تنفجر أنفاسي من جديد بوسط صدري .. وأموت في كل لحظة ..

وكل شيءٍ فيني يموت .. ولا يبقى سوى ..

أنيني للماضي ..

أنين فؤادي .. لأنه يتلفظ ذكراك ..

ويكرر حروف اسمك .. ويناديك .. محبوبتي ..

وينك ؟؟ تعالي ..

أرجوووك .. لا ترحلين ..

/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\

تنسيق الصفحة :

دايم يندم الكثيري dyk78@hotmail.com

/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\