БРАНІСЛАЎ ТАРАШКЕВІЧ "10 ПАМЯТАК БЕЛАРУСКАГА ПРАВАПІСУ"

1. Мяккі знак, як і належыць, пазначае мяккасьць:
сьвята, абедзьве, празь мяне, сьцьвердзіць.

Пасьля С 3 Ц ДЗ Н ь пішацца перад мяккімі зычнымі, апроч Г К X. (Нагадаю: мяккія будуць тыя зычныя, за якімі йдуць І Е Ё Ю Я Ь).
СЬвіснуў, але скінуў; раСЬлі, але беларускі.

2. Разьдзяляльны мяккі знак пішам пасьля С 3 Н Л перад Е Ё Ю Я, а таксама I, калі яно пад націскам:
бязьядзерны, маньяк, зь імі ці бязь іх.

3. Доўгія мяккія гукі пішам празь мяккі знак:
калосьсе, палозьзе, судзьдзя.

Ня тычыцца прыставак на Д:
ад-дзел, ад-цеміць.

4. Зьбегі зычных пішуцца як чуваць:
чэх — чэСкі, Парыж — ПарыСкі, УзбэЦкая й КазаСкая рэспублікі.

Пішам як чуваць: еЖДЖу, пяШЧаны. Я сьмяюся — ты сьмяесься.

5. У ды І заўсёды скарачаюцца пасьля галосных, калі перад імі няма знаку прыпынку й на іх ня падае націск:
на ўскрайне, на ймя, на Йвана.

6. Чужаземныя (заходня-эўрапейскія) словы маюць Л мяккае, як у тых мовах, адкуль яны прыйшлі:
лямант, акуляры, калёна, плян, клямка, клюб, дэталь.

7. 3 гэтае ж прычыны ў чужаземных словах пасьля зычных, акрамя Л і К, пішам Э:
пэрыяд, мэтар, праспэкт, газэта. Але — анкета.

Увага: пасьля Г і Х можа пісацца Е:
хЕўра й хЭўра, гЕнЭрал і гЭнЭрал.

У чужаземных словах пасьля 3 С Д Т пішацца й вымаўляецца Ы:
сынонім, дыктар, Бразылія.

Увага: -зія, -сія, -зійны, -сійны пішацца праз I:
калізія, камісійны, сэсія.

8. Вымаўляецца й пішацца -ТАР, -ДАР у словах:
тэатар, мэтар, літар, кадар, монстар і падобных. Але: 36 кадраў, 5 мэтраў.

9. Пасьля У вьімаўляецца й пішацца В перад А:
у вадзін вагон, у варанжавым сьвятле.

10. Е пераходзіць у Я ў першьім складзе перад націскам у НЕ і БЕЗ, нават калі яны пішуцца асобна:
бяз волі, ня прыйдзеш, але: без ахвоты, невызначальны.