الروس والأمريكان عاملين يتباهوا على بعض
الروس بيقولوا: احنا طلعنا للفضاء الأول.الأمريكان بيقولوا: احنا نزلنا على القمر
الأول
صاحبنا الصعيدى واقف بيتفرج وسألهم طيب ولجيتم ايه فوج؟
قالوله: رمل وزلط.
قالهم: اهو احنا بجه اللى طلعناه.
اتنين مساطيل اعدين يحششو في المقابر ومرت جنازة فواحد بيقول للتاني هي جنازة مين
دي يا محمد؟ فرد علية دي جنازة الشيخ محروس فقال الاولاني يا حول الله وتاني يوم
وهما اعدين في نفس المكان مرت جنازة فنفس الشخص سال بيقول للتاني هي جنازة مين دي
يا محمد؟ فرد عليه دي جنازة الشيخ محروس فقال الاولاني يا حول الله وتالت يوم وهما
اعدين في نفس المكان مرت جنازة فنفس الشخص سال بيقول للتاني هي جنازة مين دي يا
محمد؟ فرد عليه دي جنازة الشيخ محروس فرد عليه هي الدنيا ملطشة معاه كدة لية
شلة
صحاب بيشتغلوا فى دولة خليجية, عرفوا ان واحد منهم ابوه مات وكانوا مش عارفين ازاى
يقولوله، وقع أختيارهم فى الآخر على الصعيدى اللى فيهم وهو يقوله.
الصعيدى راح سأله: آخر مرة شفت فيها أبوك كانت من أد ايه؟
الضحية رد: من 9 شهور تقريبا.
الصعيدى: أدى دقنى أهه لو شفته تانى
واحد حشاش خد مرتبه أول الشهر .. فبيقسم فلوسه ميت جنيه ايجار .. ميت جنيه كهرباء
.. ميتين جنيه حشيش
راح الباب مخبط
قال المحشش : مين
قالولو البوليس
راح مقطع الميتين جنيه بتوع الحشيش
ليه الصعايدة لما يحتاجوا يدقوا مسمار فى الحيطة يجمعوا 10 تنفار؟
- 1 يمسك المسمار.
- 9 يزقوا الحيطة
مرة واحد صعيدي سافر السعودية فشاف ماكنة كانز .....فكل ما يحط العملة ينزلو كانز ....الناس واقفة ورا بتقولو احنا عاطشنين و الجو حر ..قالهم لأ طول ما انا بكسب هالعب!!!
إتنين طرش واقفين على محطة الأوتوبيس فدار بينهم هذا الحوار
-الأوتوبيس ده رايح مصر الجديدة ؟؟
-إيه ؟ على الحديدة ؟؟ ليه إنت طالب إحسان ؟؟
-بذرة الكتان ؟تلاقيها عند العطار
-الجزار ! إنت عاوز لحمة ؟؟
-زحمة ؟! معلش أصل ده معاد خروج الموظفين
-نور الدين ؟! معرفوش
-متشربوش ؟؟ ليه كفا الله الشر
-راس البر ! دا مصيف هادى
-المعادى ؟؟ دى ضاحية جميلة
-بليلة !!! إنت جعان
-عيان ؟؟ متروح للدكتور
-حنطور ؟! دى مواصلة جميلة توصلك لحاد الباب
-هباب !@ و أنا إلى كنت فاكرك محترم
-إتخرم ؟؟ هو مين ؟؟
-أسبرين ؟؟ ليه إنت عنك صداع ؟؟
-قراع ؟ دا مرض خطير
-فطير ؟؟ده تقيل على المعدة و تمنه غالى
-خالى ؟؟ إنت تعرفه ؟؟ دا كبير فى السن
-جن ؟!إنت راكبك عفريت !!!!
-كبريت ؟ عاوز تولع ؟؟
-أتدلع ؟؟؟؟!ليه مفيش حد غيرك أتدلع عليه
فمر بيهم راجل شرطة لقاهم بيتخانقوا فقالهم : واقفين هنا بتعملوا إيه قالولوا :
مستنيين الإوتوبيس
فقالهم : يانهاركم إسود . جواسيس ؟؟ طب تعالوا معايا على القسم
مرة واحد صعيدي عمل اتنين ويب سايت
فبيسالوا عملت ليه اتنين
فألهم واحد صيفي و واحد شتوي
قالوله ازاي
قالهم واحد شتوي دبليو دبليو دبليو دوت هريدي دوت كوم
و واحد صيفي دبليو دبليو دبليو دوت هريدي دوت نص كوم
If you want to add your joke email me
