lipu sewi
jan sewi Jawe li pali e jan (creation)
jan sewi Jawe li pali e jan li pana e nimi tawa ona. jan Adam li lon. jan Adam li wile pana e nimi tawa soweli ali e kala ali e waso ali e akesi ali. jan Adam li wile jo e meli. jan sewi Jawe li pana e meli tawa jan Adam. jan Adam li pana e nimi "Eve" tawa meli ni. jan sewi Jawe li toki lawa tawa e ni tawa jan tu ni: "o moku ala e kili ni. ona li ken pana e sona ike e sona pona."
tenpo li pini. jan Eve li toki tawa akesi ike. akesi ike li toki e ni: "sina wile sona la o moku e kili sona." jan Eve li moku e kili sona. jan Eve li pana e kili tawa jan Adam. jan Adam li moku e kili. ona li lukin e ni: ona li jo ala e len. ona li kepeken e len kasi. jan sewi Jawe li lon ma kili. jan sewi Jawe li toki e ni: "jan Adam o! jan Eve o! sina lon seme?"
jan Adam li toki e ni: "mi lon." jan sewi Jawe li toki e ni: "sina moku ala moku e kili sona?" jan Adam li toki e ni: "mi moku e ona. mi pilin ike tan ni."
jan sewi Jawe li pana e len tawa jan Adam en tawa jan Eve. jan sewi Jawe li toki e ni: "toki mi li lawa ala e sina. jan Adam o, sina ken ala awen lon ma pona. sina wile pali. jan Eve o, sina wile pana e jan lili.
jan Cain e jan Abel
jan Eve li pana e jan lili tu. jan lili wan li jo e nimi. ona li "Cain." jan lili tu li jo e nimi. ona li "Abel". jan Cain li pali e kili. jan Abel li pali e soweli. tenpo li pini. jan Abel li pana e soweli tawa jan sewi Jawe. jan sewi Jawe li olin e soweli jan Abel. jan Cain li pana e kili tawa jan sewi Jawe. taso jan sewi Jawe li olin lili e kili jan Cain. jan Cain li moli e jan Able tan ni. jan sewi Jawe toki e ni tawa jan Cain: "sina wile ala jo e kili! jan ala li moki e sina."
tomo tawa suli pi telo
jan ale li ike. tan ni,jan sewi Jawe li wile pakala a ma. taso jan Noah li pona. jan sewi Jawe li pakala ala e ona tan ni. jan sewi Jawe li toki e ni tawa jan Noah "sina wile pali e tomo tawa suli pi telo. telo mute li kama tawa ma. sina wile pana e soweli e akesi e waso ale lon e tomo tawa pi telo. tenpo kama lili la mi wile moli e jan ale. mi wile moli ala e sina e kulupu sina. tenpo pini. telo mute li kama tawa ma. tenpo mute pini. jan Noah li pana e waso. taso ona li lukin ala e ma. tenpo pini lili la jan Noah li pana e waso: ona li kama ala.tan ni: jan Noah sona e ni: ma li lon. tomo tawa pi telo li lon e nena ma. nimi pi nena ma li "Ararat". jan sewi Jawe li pali e kule sewi. ona li pali e ni tan ni. ona li toki e ni tawa jan Noah : tenpo kama la mi wile pakala ala e ma kepeken e telo.
ma tomo pi toki nasa
jan ali li kepeken e toki wan sama.jan li kama tan nasin pi kama suno li kama tawa ma Sinale li awen lon ni. jan li toki e ni: "o kama! mi mute o pali e kiwen. o seli e ona." jan mute li toki e ni: "o kama! mi mute o pali e tomo mute e tomo palisa suli. sewi pi tomo palisa li lon sewi kon. nimi pi mi mute o kama suli! mi wile ala e ni: mi mute li lon ma ante mute." jan sewi Jawe li kama anpa li lukin e ma tomo e tomo palisa. jan sewi Jawe li toki e ni: jan li lon ma wan li kepeken e toki sama li pali e tomo palisa. tenpo ni la ona mute li ken pali e ijo ike mute. mi wile tawa anpa li wile pakala e toki pi jan mute ni. mi wile e ni: jan li sona ala e toki pi jan ante.jan sewi Jawe li kama e ni: jan li lon ma mute li ken ala pali e tomo. nimi pi ma tomo ni li toki nasa tan ni: jan sewi Jawe li pakala e toki pi jan ali. tan ma tomo toki nasa la jan sewi Jawe li tawa e jan tawa ma mute.
o toki pi jan sewi
mama pi mi mute o, sina lon ma sewi.
nimi sina li pona.
ma sina o kama.
o pali e wile sina lon ma sewi en lon ma.
o pana e moku pi tenpo suno ni tawa mi mute.
o weka e pali ike mi. sama la o weka e pali ike pi jan ante.
o kama e ni: mi wile ala ike.
o lawa e mi tan ike.
tenpo ali la ma en ken en pona li pi sina. Amen.
Son 23
jan sewi li lawa e mi.
mi wile ala.
tan sina, mi lape lon ma.
sina lawa e mi tawa telo.
tan sina, mi pona.
sina lawa e mi lon nasin sewi tan nimi sina.
mi tawa lon nasin pi ike, sina poka e mi.
ijo sina li pona tawa mi.
sina pali e moku. sina pana e ona tawa mi e jan ike mi.
sina pana e telo sewi lon mi.
tenpo ale la ale li pona.
tenpo ale la mi awen lon tomo sina.
