[TABLET IV]
ÉN biš-li biš-li qi-di-e qi-di-e
rag-gu u si-e-nu e te-ru-ub at-lak
at-ta man-nu mâr man-ni at-ti man-nu mârat man-ni
šá áš-ba-tu-nu-ma ip-še-ku-nu up-šá-še-ku-nu
5. te-te-ni-ip-pu-šá-ni ia-a-ši
lip-šur dé-a mašmašu
lis-bal-kit kiš-pi-ku-nu
dasari-lú-du10 mašmaš ilimeš mâr dé-a apqallu
a-kas-si-ku-nu-ši a-kam-mi-ku-nu-ši a-nam-din-ku-nu-ši
10. a-na dgira qa-mi-e qa-li-i ka-si-i
ka-ši-du šá fkaššapâtimeš
dgira qa-mu-ú li-tal-lal i-da-ai
ip-šú bar-tu a-mat limuttim râmu zêru
dipalâa zitarrutâa kadibbidâ KUŠ.HUNGA
15. šabalbalâa su-ud pa-ni u šá-ni-e tè-e-mu
te-pu-šá-ni tu-še-pi-šá-ni dgira lip-šur
a-na lúpagri ta-hi-ra-in-ni te-pu-šá-ni tu-še-pi-šá-ni dgira lip-šur
a-na gul-gul-la-ti tap-qí-da-in-ni te-pu-šá-ni tu-še-pi-šá-ni dgira lip-šur
a-na etim kim-ti-ia tap-qí-da-in-ni te-pu-šá-ni tu-še-pi-šá-ni dgira lip-šur
20. a-na etim a-hi-i tap-qí-da-in-ni te-pu-šá-ni tu-še-pi-šá-ni dgira lip-šur
a-na etimmi mur-tappi-du šá pa-qí-da la i-šu-u te-pu-šá-ni tu-še-pi-šá-ni dgira lip-šur
a-na etim har-bi na-du-ti tap-qí-da-in-ni te-pu-šá-ni tu-še-pi-šá-ni dgira lip-šur
a-na sêri ki-di u na-me-e tap-qí-da-in-ni te-pu-šá-ni tu-še-pi-šá-ni dgira lip-šur
a-na dûri ù sa-me-ti tap-qí-da-in-ni te-pu-šá-ni tu-še-pi-šá-ni dgira lip-šur
25. a-na dbe-lit sêri u ba-ma-a-ti tap-qí-da-in-ni te-pu-šá-ni tu-še-pi-šá-ni dgira lip-šur
a-na utûn la-ab-ti tinûri kinûni KI.UT.BA ù nap-pa-ha-ti tap-qí-da-in-ni te-pu-šá-ni
tu-še-pi-šá-ni dgira lip-šur
salmânimeš-ia a-na lúpagri tap-qí-da te-pu-šá-ni tu-še-pi-šá-ni dgira lip-šur
salmânimeš-ia a-na lúpagri ta-hi-ra te-pu-šá-ni tu-še-pi-šá-ni dgira lip-šur
salmânimeš-ia it-ti lúpagri tuš-ni-il-la te-pu-šá-ni tu-še-pi-šá-ni dgira lip-šur
30. salmânimeš-ia ina sûn lúpagri tuš-ni-il-la te-pu-šá-ni tu-še-pi-šá-ni dgira lip-šur
salmânimeš-ia ina qimah lúpagri taq-bi-ra te-pu-šá-ni tu-še-pi-šá-ni dgira lip-šur
salmânimeš-ia a-na gul-gul-la-ti tap-qí-da te-pu-šá-ni tu-še-pi-šá-ni dgira lip-šur
salmânimeš-ia ina igâri tap-ha-a te-pu-šá-ni tu-še-pi-šá-ni dgira lip-šur
salmânimeš-ia ina asquppati tuš-ni-il-la te-pu-šá-ni tu-še-pi-šá-ni dgira lip-šur
35. salmânimeš-ia ina bi-' šá dûri tap-ha-a te-pu-šá-ni tu-še-pi-šá-ni dgira lip-šur
salmânimeš-ia ina ti-tur-ri taq-bi-ra-ma um-ma-nu ú-kab-bí-su te-pu-šá-ni tu-še-pi-šá-ni dgira lip-šur
salmânimeš-ia ina bu-ri iqi šá lúašlaki bûra tap-ta-a taq-bi-ra te-pu-šá-ni tu-še-pi-šá-ni
dgira lip-šur
salmânimeš-ia ina iqi šá lúlâkuribbi bûra tap-ta-a taq-bi-ra te-pu-šá-ni tu-še-pi-šá-ni
dgira lip-šur
salmânimeš-ia lu-u šá isbîni lu-u šá iserini lu-u šá lipî
40. lu-u šá iškûri lu-u šá kuspi
lu-u šá itti lu-u šá titi lu-u šá liši
salmânimeš sir-ri-ia pa-ni-ia u la-ni-ia te-pu-šâ-ma
kalba tu-šá-ki-la šahâ tu-šá-ki-la
issuru tu-šá-ki-la ana nâri taddâa
45. salmânimeš-ia a-na la-maš-ti mârat da-nim
tap-qí-da te-pu-šá-ni tu-še-pi-šá-ni dgira lip-šur
salmânimeš-ia a-na dgira tap-qí-da te-pu-šá-ni tu-še-pi-šá-ni dgira lip-šur
mêmeš-ia it-ti lúpagri tuš-ni-il-la te-pu-šá-ni tu-še-pi-šá-ni dgira lip-šur
mêmeš-ia ina sûn lúpagri tuš-ni-il-la te-pu-šá-ni tu-še-pi-šá-ni dgira lip-šur
50. mêmeš-ia ina qimah l;úpagri taq-bi-ra te-pu-šá-ni tu-še-pi-šá-ni dgira lip-šur
ina ..... -tim mêmeš-ia taq-bi-ra te-pu-šá-ni tu-še-pi-šá-ni dgira lip-šur
ina ..... -tim mêmeš-ia taq-bi-ra te-pu-šá-ni tu-še-pi-šá-ni dgira lip-šur
ina ..... -me mêmeš-ia tah-ba-a te-pu-šá-ni tu-še-pi-šá-ni dgira lip-šur
mêmeš-ia ana dgilgameš ta-ad-di-na te-pu-šá-ni tu-še-pi-šá-ni dgira lip-šur
55. ana .... -li-e ta-hi-ra-in-ni te-pu-šá-ni tu-še-pi-šá-ni dgira lip-šur
zikurudâa a-na pa-ni dsin te-pu-šá-ni tu-še-pi-šá-ni dgira lip-šur
zikurudâa a-na pa-ni dšul-pa-è-a te-pu-šá-ni tu-še-pi-šá-ni dgira lip-šur
zikurudâa a-na pa-ni MULU4-KA-DU8-A
58a. zikurudâa................................. te-pu-šá-ni tu-še-pi-šá-ni dgira lip-šur
58b. zikurudâa................................. te-pu-šá-ni tu-še-pi-šá-ni dgira lip-šur
58c. zikurudâa................................. te-pu-šá-ni tu-še-pi-šá-ni dgira lip-šur
58d. zikurudâa................................. te-pu-šá-ni tu-še-pi-šá-ni dgira lip-šur
58e. zikurudâa................................. te-pu-šá-ni tu-še-pi-šá-ni dgira lip-šur
(break of about 6 lines)
59. .............. GAB TIN taš-........
60. ................meš u uhuli tu-ram-me-ki-in-ni
..................... tap-qi-da...............
................ -a-ti tu-še-bi-la...........
................ bîtu tu-šá-áš-qi ai..........
ina pân....................... -zi u bâb bîti ma-...........
65. ina pân ib-ri tap-pi u ki-na-at-ti KI.MINA
ina pân abi u ummi ahi u ahati mâri u mârti KI.MINA
ina pân bîti u bâbi ardi u amti sih-ri u ra-bi šá bîti KI.MINA
elî a-me-ri-ia tu-šam-ri-si-in-ni....
ak-ta-mi-ku-nu-ši ak-ta-si-ku-nu-ši at-ta-din-ku-nu-ši
70. ana dgira qa-mi-i qa-li-i ka-si-i
ka-ši-du šá fkaššapâtimeš
dgira qa-mu-ú li-pat-tir rik-si-ku-nu
li-pa-áš-šir kiš-pi-ku-nu li-na-as si-ir-qi-ku-nu
ina qí-bit dmarduk mâr dé-a apqalli
75. u dgira a-ri-ru ap-qal mâr da-nim qar-du TU6.ÉN
ÉN at-ti man-nu fkaššaptu šá zitarrutâa êpušaša
lu-u ib-ru lu-u tap-pu-u
lu-u ahu lu-u it-ba-ru
lu-u ú-ba-ra lu-u mâr âli
80. lu-u mu-du-u lu-u la mûdû
lu-u lúkaššapu lu-u fkaššaptu
lu-u zikaru lu-u sinništu lu-ú hab-lu lu-ú ha-bil-ti
lu-u lúkur-gar-ru-u lu-u sah-hi-ru
lu-u ... lu-u nar-šin-du-u lu-u muš-lahhêe
85. lu-u a-gu-gi-lu-u lišanu nukur-tum šá ina mâti ibašši
.......-tu giškak-ku-šu li-še-bir-ma
................... -mid-su-nu-te TU6.ÉN
ÉN nir-ti-ià fkaššapti-ia5 u ku-šá-pa-ti-ia5
(10 lines missing)
is ...................
90. ma-...............
a-........-si-šú-nu-ti......
a-ta-am-ma-ak-šú-nu-ti ki-..........
a-šak-kan-šú-nu-ti ana pi-i dgira qa-mi-i
qa-li-i ka-si-i ka-ši-du
95. šá fkaššapatimeš TU6.ÉN
ÉN šá dšamšiši man-nu abu-šú man-nu ummu-šu
man-nu a-hat-su-ma šu-ú da-a-a-nu
šá dmarduk dsin d...................
ilu git-ma-lu.....................
100. dšamaš ............................
ù ši-i diš-tar a-hat-su-ma šu-u da-a-a-nu
kiš-pi ú-hal-laq..............
ep-šu bar-tum âmat lemut-tim
ú-pa-šar ...............................TU6.ÉN
105. ÉN i-pu-šá-ni i-te-ni-ip-pu-šá-ni
gu-ti-e-ti e-la-ma-a-ti
ma-rat ha-ni-gal-bat-a-ti
6 ina mâti i-rak-ka-sa-a-ni rik-si
6 riksi-ši-na 7 pit-ru-ú-a
110. šá mûša ip-pu-sa-nim-ma
šá kal u4-mu a-pa-áš-šar-ši-na-ti
šá kal u4-mu ip-pu-šá-nim-ma
šá mûša a-pa-áš-šar-ši-na-ti
a-šak-kan-ši-na-a-ti ana pi-i dgira qa-mi-i
115. qa-li-i ka-si-i ka-ši-du
šá fkaššapatimeš TU6.ÉN
ÉN ru-'ú-a kaš-šá-pat ana-ku pa-ši-ra-ak
fkaššaptu kas-šá-pat ana-ku pa-ši-ra-ak
fkaššaptu e-la-ma-a-ti ana-ku pa-ši-ra-ak
120. fkaššaptu qu-ta-a-ti ana-ku pa-ši-ra-ak
fkaššaptu su-ta-a-ti ana-ku pa-ši-ra-ak
fkaššaptu lul-lu-ba-a-ti ana-ku pa-ši-ra-ak
fkaššaptu ha-bi-gal-ba-at ana-ku pa-ši-ra-ak
fkaššaptu a-gu-gi-lat ana-ku pa-ši-ra-ak
125. fkaššaptu nar-šin-da-at ana-ku pa-ši-ra-ak
fkaššaptu mušlahhat ana-ku pa-ši-ra-ak
fkaššaptu eš-še-ba-a-ti ana-ku pa-ši-ra-ak
fkaššaptu qur-qur-ra-a-ti ana-ku pa-ši-ra-ak
fkaššaptu ši-i râbis bâbi-ia ana-ku pa-ši-ra-ak
130. fkaššaptu mârat âli-ia ana-ku pa-ši-ra-ak
áš-pur a-na e-rib dšamši salmânimeš-si-na il-qu-tu-ú-ni
šá 7 u 7 fkaššapâtimeš salmânimeš-ši-na
ana dgira ap-qid
ana ú-tu-ni a-lik-ti a-šar-rap-ši-na-ti
135. dgibil qu-mi lúkaššapi u fkaššapti
dgibil qu-li lúkaššapi u fkaššapti
dgibil qu-mi-ši-na-a-ti
dgibil qu-li-ši-na-a-ti
dgibil kušus-si-na-a-ti
140. dgibil a-ru-uh-ši-na-a-ti
dgibil šu-ta-bil-si-na-a-ti
ez-zu dgibil li-ni-ih-ka-na-ši
dgibil lu-li-mu li-...-ki-na-ši
lúkaššapu u fkaššaptu e-piš u e-piš-tum
145. šu-nu lu-u ............... -kam-ma
ana-ku mêmeš mîli-ma
lu-u-ba-'-ši-na-a-ti TU6.ÉN
ÉN e-piš-tum ù muš-te-piš-tum
tuppu IVkam ma-aq-lu-ú