Gabay
cusub oo ku saabsan habka casirga ah ee hada loo haasaawo ama dad dhul dheer
kala joogaa u sheekaystaan ama u doodaan ee loo yaqaan Paltalk (Chatline)
Tixdan
la magac baxday Casri waliba yaab lehe
waxa tiriyey Cabdilaahi Sogob oo jooga dalka qadar. tixdani waxay
sifaynaysaa qaayb netka ka mid ah oo la yidhaahdo Paltalk oo raad badan ku
yeelatay nolosha dad badan oo soomaaliyeed. Waa qayb lagu sheekaysan karo cod,
qoraal iyo muuqaalba. Waxa laga hadala waxyaalo aad u kala duwan oo la
jaan qaadaya aqoonta dadka ee kala duwan. Erayo af-somaali ah ayaa kusoo caan
baxay qaybtan sida luuq, fuq, iyo qaar kaloo badan.
Kusoo dhawoow gabayga.
Meel
aan barkimo qaadin, oo boqol ku haasowdo
Oo sida hudheel baaxad
wayn, la iskusoo booqdo
Oo baashiraad iyo
sallaan, lagula boobaayo
Nin bartaana kaba
baaqsankarin, baloow adigaale
Hadba
hadalka baabkii furma, eey bogasho kuu hayso
Inaad gacanta kor u
baacisaa, laga bilaabaaye
Safka lagama boodee
waxaad, kor u baqooshaaba
Halkaad beegsanaysiyo
markaad, baarka sare gaadho
Waa loo badheedhaa
halkii, kula balaadhnayde
Dumarkaaabay qaar
baaanisaha, barro nadhaafeene
Barashada sinaantiyo
xornimo, paaloow adigaale
Hadaad
qolo bayaankeeda, iyo baaqa garan waydo
Biyo diidku wuu
furanyahee, adiga oon buuqin
Baabuurna adigoon
kaxayn, bacadna dheemaalin
Qol kalaabad uga
siibaxdaa, paloow adigaale
Bilis
xaawalay iyo rag, waa kalama baydhaane
Cidlo lagama beermeen,
hadii layska baal maro’e
Carmal baashaheedii
wacnaa, boogi kala gaadhay
Oo beenta way
necebtahee, barasho waayeele
Iyo qaar sidii geenyo
ba’an, weli yar buubaala
Iyo qaar haduun
baaluqoo, sheeko baranaaya
Gidigood rag waw
baahanyee, paloow adigaale
Ragga
qaar caruur badatay, iyo beel u talinaaya
Oo baddaha waawayn in
badan, lacag ka baadhaayay
Iyo qaar haduun soo
baxoo, barka fidhanaaya
Bartan aay kawada
doodayaan, paloow adigaale
Qaar
baadigoobkii cilmiga, wada bidaaraystay
Oo maadadii ay barteen,
Boon ka dhaga haatan
Iyo qaar ba’daba aan
aqoon, alufna aan koowsan
Meel aan lakala buug
sarayn, paloow adigaale
Bidhaantiisa
ruux aanad arag, baydna kula joogin
Ood dunida baasheeda
kale, uga balwaynaayso
Boholyoowna kugu
reebikaara, paalow adigaale
Bigta
kamarada iyo luuqa, waa la isku baadhaaye
Nin waliba siduu
doorbidaa, wow banaantahaye
Arimaha badh waan
qarinayaa, paaloow adigaale
Cabdilahi sogob
Sogob70@hotmail.com
