Werwerka
iyo Walaaca ay shacbigu ka qabaan guushii doorashadii sida nabadgelyada ah ku
dhacday inay curyaamiso ku dhawaaqid la,aanta go,aanka doroashada
SDWO.COM -
Somaliland waxa ka dhacday doorasho aad iyo aad u qiimo badan oo
aduunka oo dhan laga amaanay iyadii oo lagu tilmaamay inay ahayd doorasho aan
caalamka oo dhan sidaas dhibta yar uga dhicin, amaantaasna waxa iska leh
shacbiga Somaliland oo u dhabar adaygay iskuna raacay inay doorashadaasi si
nabadgelyo ah uga qaybgalaan, runtiina riyadii shacbigu way u hirgashay mar
hadii codeeyntii miyi iyo magaalaba ku dhamaatay guul. Inta hadhay waxa laga
sugayaa gudida dooroshooyinkuna in si guul ah ku dhameeyaan.
Hadaba waxa ay shacabigu aad uga werwer
qabaan habka tirinta cododka iyo muranada ka taagan meelaha qaarkood sida la
soo sheegayo Caynabo, Awdal iyo laba sanduuq oo ka tirsan Gebiley.
Waxa kale oo laga werwer qabaa faragalinta xad dhaafka ah ee
masuuliyiin ka tirsan xukumadu ku hayaan hab socodka tirinta taasi oo aan
ahayn hawl ay iyagu leyihiin isla markaana ah mid u taala muraqibiinta sadexda
xisbi iyo komishanka iyo musharixiinta, hadba wixii qalad ka soo baxana ay
iyagu kawada xaajoodaan sidaasna ugu soo gudbiyaan gidida doorashooyinka
qaranka.
Waxaad moodaa guushii ay gaadheen
dadweynaha reer Somaliland ee ahayd u soo bixidii codaynta iyo nabad galyadii
ay ku dhameeyeen in lagaga daba galgalanayow oo komishanka doorashooyinku
kalintiisi gabay , gaabisna ka dhigay tirinta codadka oo lagu dhamaystiri kari
lahaa muda yar oo gaaban oo aanu muran iyo isboobtoona ka dhasheen.
Waxa kale oo aad moodaa in gudiga ilaalinta anshax doorashadu ku
eekaysiyay hawshiisi wakhatigii olalahu xidhmay lakiin aanay waxa talaabooyin
ah qaadin mudadan lagu jiro tirinta oo ah mid xasaasiya muhiimna ay ahayd in
la ilaaliyo anshaxa iyo asluubta goobaha lagu tirinayow codadka.
Waxaanu soo jeedinaynaa in gudida
dooroshooyinku ku dhawaaqaan natiijooyinka ka soo baxay goob kasta oo
latiriyay iyada oo latix raacayo heshiiska muraaqbiintu wada saxeexeen ee
laysla meeldhigay, maadaam oo ay muraaqqibiintu yihiin dadka sadexda xisbi iyo
komishanku goobkasta u soo doorteen inaanay ka dhagaysan cidii soo jeedinaysa
qalad aanay iyagu ku kala qaybsanayn iyaga oo kaliyin ahaadan cida lagala
xisaabtamayow waxana laga weydiin karo wixii qalad ku kala dhex jira lakiin
qof goobta aan joogin in lagala xaajoodaa waa qalad, inay talaabo ka qaadaan
cidkasta oo ku kacda inay faragalin ku sameeyaan dadka loo igmaday tirinta
codadka.
Ugu danbaytii waxaanu leenahay yaan
lamoodin in idhihii aduunku inaga jeesteen mar hadii codbixintii dhamaatay
waxaad se ogaataan inay hawsha intii yarayd dhamaatay lakiin intii caalamku
inooga fidhiyay hadhay, waa lacodayn karaa lakiin muhiimka xaqa iyo garsoorku
waxa uu ku jiraa tirinta oo laga dhex dawan karo xornimada ay doorasho u
dhacado lakiin hadii tiradu khalkhasho kushubasho iyo isboob yimaado waa
barkuma taal codayntii dadku nabad galyada ku dhameeyeen.
Long Live Somaliland
Guled Cabdi Sheekhaash - Gudoomiye - SDWO
Axmed Maxamed Yusuf - Gudoomiye ku xigeen
- SDWO
Mukhtar Axmed Sh. Adan - Xoghaya guud ee
SDWO
