PRESS RELEASE
Dimoqraadiyadii
aan sedexda jeer u codeynay ma waxay ina dhaxalsiisay in ardaydii Gebiley
iyo waalidkood habeen madoow la xukumo – Waa Ayaan darro
Click
here - The
History of Somaliland
(Press Release - Somaliland
Democracy Watch Organisation - SDWO) – Maanta iyadoo Somaliland meel
fiican aduunka uu magaceedu ka marayo hadana waxa ayaan darro ah oo wax aad
looga xumaado ah sida xukuumada Somaliland ay sida badheedhka ah ugu
tumanayso xaquuqada binu aadamka iyo xoriyatal qawlka.
Sida aan ka wada warqabano
waxa dhowaan magaalada gebiley ka dhacday fal aad u qalfsan oo aad u faal
xun isla markaasna aan ka turjumayn xornimo ku noolaanshaha muwaadintiinta
ee uu dastuurku qeexay. Ardaydu
iyagoo ka cabanaya waxqabadka dowlada hoose ee gebiley ayay is hortumeen
xafiiska dowlada hoose.
Waxa wax lalayaabay noqotay
markii habeen madoow ardaydii guryahooga loogu daatay sidii taliskii
macangaga ahaa ee dalkan laga xoreeyay dabadeena saldhiga booliska ee
Gebiley labadii habeenimo xukun degdeg ah lagu riday isla habeenkiina loo
dhaadhiciyey jeelkii siyaad bare uu ku cabudhin jiray bulshada ee Mandheera.
Dooroshooyin iyo
dimoqraadiyad baan aduunka tusaynaa waxba inoo qabanmaayso hadii ay weli
taagantahay wixii lagula dagaalmay taliskii hore ee car juuq dheh, xukuumadu
waxa ay si badheedh ah ugu xadgubtay qodob dastuuri ah qodobkiisa 43 aad
ee xuquuqda qofka xoriyada laga qaaday, xubintiisa 2 aad ayaa odhanaysa (Qofka
xorriyadda looga qaaday fal-dembiyeed lagu eedeeyey awgeed, waxa uu xaq u
leeyahay in lagu horgeeyo Maxkamad 48 (sideed iyo afartan) saacadood - laga
bilaabo marka la qabtay).
Waxaan iyaguna aan ilaa
hada ka hadlin arintan xisbiyada mucaaridka ah ee shacbigu sida diiran ugu
codeeyay aqlabiyadii barlmankana siiyeen si ay uga hortistaagaan oo ay
dhufays uga noqdaan xukuumada oo cabudhinweyn ku haysa xaquuqal iinsaanka.
Waxaan xisbiyada leenahay dadweynahii idiin codeeyay jeelasha ayay ku jiraan
abaalgudkiina weli way idinka sugayaan.
Shacbigana waxaan leenahay
inyar baa ka hadhee hinjiyaay oo barlmankan cusub ajandahiisa koowaad waxay
tahay tirtirida gudida xaaraanta ku dhisan ee xukunka degdega oo
loo adeegsado qofkii la rabo in sifo sharci darro ah lagu xidho sida
ardaydan gebiley iyo waalidiintooda.
Xukuumada waxaan u soo
jeedinaynaa in si shuruud la,aan ah ardaydaas iyo walidiintoodba loogu soo
celiyo xoriyadoodii iyadii oo bil ramadaan lagu jiro isla markaasna ay
xukuumadu ka waantoowdo falalka noocan oo kale ah oo aanay dhicin dheriga
waxa karka ka keena waa kulaylkee aan shcabiga la gadoodsiin.
Baarlamankan cusubna waxaan
u soo jeedinlahayn intaydaan ka hadlin musuqmaasaq iyo wax isdaba marin waxa
la iidkna fadhiyaa inaad cadaalada dalka sugtaan oo jeelashaa soo wada
martaa soona eegtaan dhawrka boqol ee qof ee bilaa maxkamada jeelasha uga
buuxa isla markaasna ku amartaan cideey khusayso in xoriyadooda dadkaas loo
soo celiyo.
Long Live Somaliland
Guuleed
Cabdi Sheekhaash – Gudoomiyaha SDWO
Axmed
Maxamed Yusuf – Gudoomiye ku xigeenka SDWO
Mukhtar
Axmed Sh. Adan – Xoghayaha guud ee SDWO
