Weftigii
uu hogaaminayey Madaxweynaha Jamhuuriyadda Somaliland, Mudane Daahir Rayaale
Kaahin, kadib markii uu socdaalkii uu ku joogay Dalka Norway uu soo dhammaaday,
waxa uu shalay gallinkii hore soo gaadhay Magaalada Berlin ee dalka Jarmalka,
weftigo oo halkaasi wadahadalo kula yeeshay Wasaaradda Arrimaha Dibadda ee
Jarmalka, wadahadalada dhexmaray Weftiga Somaliland iyo Dawladda Jarmalka,
waxa uga qayb galay Weftiga Wasiirka Wasaaradda Warfaafinta iyadoo Xubnaha
Wasaaradda Arrimaha Dibadda ee Jarmalkana uu horkacayey Reiner Morell oo ah
Madaxa Qaybta Bariga Africa ee Geeska
Africa ( Head of East Africa Division, Horn of Africa). Wasiirku wuxuu
uga waramay Madaxdii uu halkaa kula kulmay, xaaladdu dalku soo maray, iyo ta
imika uu ku sugan yahay, iyadoo uu uga waramay horumarka laga gaadhay
dhinacyada Nabadgelyada, Dib-u-dhiska iyo Dimuqraadiyada Somaliland.
Wasiirku
wuxuu aad ugu dheeraaday sida ay
Somaliland
wax u qabsatay iyadoon bulshada caalamka ka helin wax taageero ah.
Wasiirku
wuxuu ka codsaday in
Somaliland
wax ay qabsatay lagu ixtiraamo, laguna gacan qabto.
Mudane,
Reiner Morell Madaxa Qaybta
Barigta Africa ee Geeska Africa, waxa uu aad ugu amaanay Somaliland waxay
qabsatay, isagoo sheegay in ay tahay wax ku dayasho mudan horumarkaa ay
Somaliland mudada kooban ku gaadhay, wuxuu Mudanuhu ballan qaaday in uu wixii
ay Somaliland la qaban karaan ay la qaban doonaan, isla markaana ay joogtayn
doonaan wada xidhiidhka labada Dal.
Kullankaasi
uu Wasiirku kula kulmay xubnahaasi muhiimka ah ee ka socday Wasaaradda
Arrimaha Dibadda ee Jarmalku, wuxuu ku soo gebagaboobay jawi is af-garad.
Kullankaasi
waxa Wasiirka kala qayb galay xubno ka mid ah weftiga Madaxweynaha JSL.
Siciid
Muxumed Xuseen
Xog.
Fulinta Wasiirka W/Warfaafinta
Click
Here- DISCUSSION - DOOD FURAN - KA DHIIBO FIGRADAADA
