Waraysi
- Gudoomiyaha Xidhiidhka Jaaliyadaha Yurub iyo Xukuumada
Somaliland
Click
Here- DISCUSSION - DOOD FURAN - KA DHIIBO FIGRADAADA
Abdifatah:
Waxaan Diyaarinay goob joogayaal ka qayb gala dooroshooyinka
baarlamanka ee dhowaan dhicidoona
SDWO (London) Waxa noo
suurto gashay inaan waraysi kula yeelano magaalada London
Gudoomiyaha xidhiidhiyaha jaaliyadaha Yurub iyo
xukuumada Somaliland Mr Cabdifatax Siciid Axmed anagoo dhawr
arimood waxa ka weydiinay waxa uu waraysigaasi u dhacay sidan:-
SDWO:
Cabdifatax tan iyo intii madaxweyne Riyaale kuu magaacaabay
jagadan gudoomiyaha xidhiidhka Jaaliyadaha yurub iyo xukuumada
Somaliland hawlaha ugu waaweeyn ee aad qabtay kuwee baa ugu
muhiinsanaabaad is odhankartaa?
Abdifatax: Intii xilka madaxwaynuhu ii magacaabay waxaan qabatay
waxyaabo badan oo halkan aan lagu soo koobi karin, waxana ka
mid ah in aan sameeyey Email gurub oo jaaliyadaha yurub
iskugu xidhkooda fududaysa,
waxaa kaloo jirta in aan sameeyay shirar badan oo ka
dhacay aqalka dalkan ingiriiska ee loo yaqaano house of
commonska oo aanu ka hadalnay qadiyadda somaliland iyo
horumarkeeda halkaas oo ay xubno ka tirsan baarlamanka dalkan
Britain ay in door ah ka soo qaby galeen, waxaa iyadana jirta
in aanu dhowr goor la shirnay wasaaradda arrimaha dibadda oo
aanu shirno sadexdii biloodma mar, waxa iyadan jirtay shir ay
jaaliyaddu qabatay 2003 jaaliyadan UK ku qabatay aan ka qaby
galay wakhtigaas oo ahaa mid si wanaagsan loo soo abaabulay.
SDWO:
Wax xidhiidh iyo wada shaqayn ahi ma idinka dhaxeeyaa wakiilka
Somaliland ee UK?bal ma nooyara sharaxi kartaa xidhiidhkiina?
Abdifatah:
Xidhiiidhka
aniga iyo Wakiilka Somaliland Missionka aad buu u
wanaagsan yahay waxaan kuu sheegi karayaa in aan wakhti walba
wadda xidhiidhno. oo ay shalay ugu dambeesay aanu qadka
telefoonka ku wadda xidhiidhnay
SDWO:
Hadda sidaan lawada socono waxaa loo diyaargaroobayaa
doorashooyinkii Baarlamanka Somaliland oo la filayo inay
dhacaan 29ka September ee sanadkan, isla markaasna aad ku
sugantahay UK, wax kuu qorshaysani ma jiraan ama hawl aad
qabatay oo ku saabsan hawlahaas dooroshooyinka?
Abdifatah: Sida aanu lawada soconaba waxaanu ognahay in ay dooroshooyinkii
dhicidoonana bisha soo socota September 29 hadii ilaahay
yidhaaaodo. waxaa jirta in aanu wadnay ilaa iyo bishii April
2003, sidii aan u heli lahayn dad goob-joogayaal ah oo ka
qeyb qaata doorashada S/land waxaana noo suurto gashay inaan
goob joogayaal diyaarino.
SDWO:
Dadkan goobjoogayaasha ah ee aad hada noo sheegtay bal noo
kala sheeg intay yahiin iyo meelaha ay ka kala socdaan iyo
xiliga ay bixidoonaanba iyo cida kharashkooda bixinaysa?
Abdifatah:
Dadka goob-joogayaasha ah ee ka qeyb qaadanaya doorashadu inta
aan ilaa hadda ognahay waa 16 (lix iyo toban xubnood) oo ka
kala socda Saxaafada dalka Ingiriiska iyo Hayahada Caalamiga
ah sida CARE INTERNATIONAL, ragga ka socda jaamicadaha
qaarkood iyo ragg ka mida khubaradii joogi jirtay S/land
mudadooyinkii aan la qaadan xornimada, waxaanan filaynaa in
qolada ugu danbeysaa ay ka baxaan halkani 23/9/05, Dadkaasi
iyaga ayaa kharashka ku baxayana iska bixinaya mudada ay
hawshaasi ku jiraan,
SDWO:
Xukuumada ma ku wargelisay hawshan baaxada leh ee aad qabatay
isla markaana sidee bay xukuumadu u soo dhoweysay arintan?
Abdifatah:
Xukuumadu
aad ayey u soo dhaweysay markiii aan la socodsiinay, ilaa
iminka si joogta ah ayaan ugu wada soconaa, si wacana waa ugu
diyaar soo dhaweyntooda iyo ina ay u fududeyso hawshooda wixii
ay ugu baahdaan.
SDWO:
Adigu miyay qorshaha kuugu jirtaa inaad tagto dalkii xiliga
dooroshooyinka?
Abdifatah:
Haa
waan ku tala jiraa in aan tago mudada ay doorashadu dhacayso,
hadii Eebbe idmo
SDWO:
Hadii aan u galo xaga xidhiidhka jaaliyadaha, waxa jirtay
dhowaan in uu shir weyni ka dhacay dalka maraykanaka oo ay soo
qabanqabisay ururka Sopra oo aqoonyahano, siyaasiyiin,
waxgarad iyo dad ajaanibiba ka soo qaybgaleen, adigu
shaqsi ahaan sharikaas sidaad u aragtay?
Abdifatah:
Annigu
aad iyo aad ayaan shirka Mareykanka ka dhacay u soo
dhaweynayey sida dadweynaha S/land oo ee qurba jooga ahiba
usoo dhoweeyeen, waxaanan u arkaa shir loo baahnaa isla
markaasna xiligii loo baahnaa dhacay, dalkeenan wax badan
mustaqbalka u tarikara.
SDWO:
Sidaan la wada socono ururka SSE (Somaliland Society Europe)
ayaa iyaguna ka dabaqaatay shirkaas maraykanka ka
dhacay oo iyaguna ku dhawaaqay inay shir ku qabanayaa
balaadhan markii u horeysay magaalada London Bishan September,
shirkan isag laftiisa ka waran, ma is odhankartaa maadaama shirkii maraykanku uu dhowaan uu
dhacay si guulana ku dhamaaday in kani yara degdeg yahay oo uu
ku fiicnaan lahaa sanadka danbe si dadkii kii hore ka qayb
galay ay kana uga qaybgeli karaan?
Abdifatah:
Sida
aad adiguba Guuleed su,aashaada ku jirta eed u aragto in uu
deg-deg yahay Shirka lagu qabanqaabiyey Magaca SSE, ayuu aniga
iyo dadweyne badan oo ka mida Qurba-jooga Yurub aan u aragnaa
in uu yahay shir aad loogu deg-degay, maantana aanu
munaasib ahayn wakhtigani oo Shirkii Mareykan hadda si wacan u
dhacay, waxaanan dad badan ku tilaamayaan shirkani mid
lagu qanjilayo ( COPY-CAT ) shirkaasi dhawaanta ka dhacay
Cariga Mareykanka, oo lagu heshiiyey in Sand ka dib la qabto
shir noociis oo kale ah, lagana heshiin doono dalka Martida
loo noqon doono, kaasi oon niyada ku haynay in aan u soo
hogaamino in lagu qabto YURUB gaar ahaan London. Xidhiidh aan la sameeyay wakiilka Somaliland ee UK iyo
Jaaliyada Somaliland Society UK iyaguna waxay ii sheegeen
inaanay waxba kala socon shirkaas laguna soo wargelinin.
SDWO:
Ururkan
SSE waxaan filayaa in lagu aasaasay mar xaflad weyn oo 18ka
May ahayd 2001kii lagu sameeyay dalka Holland oo dad 4 kun
gaadhayaa ay ka soo qaayb galeen oo ka kala yimid aduunka oo
dhan gaar ahaan qaarada yurub.
adiga laftaaduna wax baad ka ogeyd amba asaasaayashii
baad ka mid ahayd, bal wax yar nooga sheeg siduu
ururkaasi u aasaasmay iyo figradii uu ku yimid iyo
marxaladahii kala duwanaa ee uu soo maray?
Abdifatah: Sida Qurbo-jooga YURUB ka wada war qabeen adiguna aad
su,aashaada ku xustay, ururkani waxa la gu aasaasay
dalka HOLLAND, magaaladiisa HAAYG 19/5/2001, ee maaha sida uu
IID CALI SALAAN ku
xusay warqadiisa ku jirta internetka in la aasaasay 2003.,
waxaanan ka mid ahaa asaasayaashii ururkan Anniga iyo Faysal
cali Waraabe Gudoomiyaha UCID iyo toban xubnood oo kale.
Ujeedada ururukani oo ahayd in loo sameeyo xidhiidh Jaaliyaha
Mujtamaca S/land ee ku nool Yurub sidii loo mideyn lahaa ayna
u wada yeelan lahaayeen xidhiidh qudha iyo cod Guud oo matala.
waxa kale oo ilaa imika qabyo ah, oon u
ballansanahay in bisha November/05 ee sannadkani aan
qabano, oo London ka dhici doono dib u habeyn lagu
sameyno doono, lagu dooran doono gudiyo cusub oo ka hawl gala
Ururka S/land Society U.K iyo SSE isla markaasna loo mideyn
lahaa labada urur.
SDWO:
Su,aasha
u danbaysa Cabdifatax waxa jirtay in doorashada markii u
horeysay dib loo dhigay ay ahayd inay dhacdo bishii March ee
sanadkan, markaa maadaama dib loo dhigay adna aad u
xilsaarantahay xidhiidhinta jaaliyadaha iyo xukuumada ma isku
dayday inaad xukuumada ku qanciso in doorashada lagu beego
xiliga ay qurbojooga somaliland ay fasaxyada ku joogaan dalkii maadaama
ay aad u jecelyahiin inay ka qaybqaataan dooroshooyinka?
Abdifatah:
Marka kastaba codsigayga way ku jirtay in lagu beego wakhtiga aan
fasaxyada ku jirno, laakiin waxa aan laga gudbi kari waa
qorshaha ay mar kastaba keenaan Gudiga Dooroshooyinka Qaranka,
taasi oo cid kastaba Xukuumad iyo shacbiba la wada raacayo,
waana ka xunnahay, inkastab oo xubno badan oo reer Yurub ahi
aan ogahay in ay
ku jiraan liisaska u sharaxan Baarlamanka S/land, taasi oon
aad ugu hambalyeynayo gaar ahaan Xukuumadu in ay
tixgalisay codsigaygii ahaa in wax lanaga siiyo xubnaha
tarytamayaasha ee Baarlamnka.
Ugu danbayntii
waxaan jecelahay in aan u gudbiyo Saxaafada S/land gaar ahaan
kuwa dalka ka soo baxa iyo internetkaba, in ay noqoto
saxaafada S/land mid Xallan oo Xalaal ka ah in ay dadweyanaha
S/land ku kala abuurto isnecabaysi iyo Aflagaado u kala gudbin,
waxaana aan leeyahay sida waayaha danbe ka muuqata saxafada
waa in la kala saaraa Cida xilka haysa iyo xidhiidhkiisa Gobol
ama Qoys, laguna dhaliilaa wax distooriyan xaq loogu leeyahay..
lagana daayo aflagaadooyinka xidhiidhkiisa kale.
SDWO
NEWS DESK
