Waxaan
dhawaan booqday maxaabiista dalka Somaliland gaar ahaan kuwa ku xidhan jeelka
Mandheera oo aad uga fog saxaafada iyo booqashada dadka degan magaalooyinka
hargeysa iyoBurco, qaarkoodna aanay lahayn ehel iyo qaraabo soo booqata ama
awoodi karta boqashadooda.
Somalilandfuture)
Hadaba inkastoo aad looga qayliyo xaalada maxaabiista oo ay dhawr jeer ka
hadleen hay,adaha xuquuqda Aadamaha qaabilsan iyo saxaafaduba, ay jireena
masuuliyiin ka soo hadlay jeelasha xaaladooda xilliyo kala duwan oo kaga
hadlay saxaafad jamhuuriya iyo haatufba sida Boqor Cismaan Buurmadow markii uu
xidhnaa iyo qaar kaloo badan oo iyagu laftoodu ahadhibane.
Hadana waxaan aan la arag hore ama
aan lagu soo gudbin saxaafada xaalada dhabta ah ee ay maxaabiistaasi ku sugan
tahay ka hadal mooye. Hadaba waxaan aad uga naxay xaalada dhabta ah ee ay
kujirto Somaliland dadka ay xukumeen oo qaarkood u dhintay silic iyo dhibaato
ka soo waajahday Somaliland qaarna ay iminka qarka u saaran yihiin geeri aan
la miisaami karin. Waxaan ka
codsanaynaa dhamaan reer Somaliland in ay culays saaraan masuuliyiinta qaranka
Somaliland oo ku mashquulay u jawaabista mucaaradka ilaawayna danta guud iyo
masuuluino waxa ay tahay oo aanay jirin cid ilaalinaysa xuquuqda muwaadinka
reer Somaliland ee xidhan cid ku tumanaysa mooyee.
Sawirkan waxaanu u soo qaadnay si
qarsoodi ah oo aan naloo fasixin, waxaa kaloo jirta haddii lagaa dareemo in
aad saxaafada kasocoto laguuma sii daynayo jeelsha ama laguuma ogolaanayo in
aad gashid si aad u ogaato xaalada dhabta ah.
Waxaan qabaa in jeelka Hargeysa ee uu ka hadlay Boqor Cismaan yahay
jano. Sawirkani waa nin maxbuusa
oo buka oo intii uu ku jiray jeelka wax ka noqday maskaxda oo inta la xidhay
aan haysan daryeel ee dhex jiifa jeelkaisaga oo ka xidhan gacmaha.
Fadlan haloo kaco maxaabiista oo
xaaladooda wax ahalaga qabto, waxa isna jiray maxbuus jeelka Berbera ku
dhintay cimilada oo aad u saraysay awgeed intii aan la xukumin, soona xidheen
guddida nabadgelyadu waa sida qoyskii sheegay, oo markii meel si wacan uga
qaato hawada waayey geeriyooday. Masuuliyiinta
jeelka oo hore awx looga waydiiyay arrinta waxay sheegeen in aan hadalkaa
qoyska waxba ka jirin ee uu iskii ugu timi geeridii xaqa ahayd.
Cabdilaahi Maxamuud Cali
Somalilandfuture.com
