Fiidmeereey
waa aroor!
Maansadan
oo ah maanso dheer kana kooban 186 meeris waxa tiriyay Abwaanka
caanka
ah ee Xasan
Xaaji Cabdillaahi "Xasan-Ganey",
waxayna soo baxday sanadkii
1980kii, markaas oo ahayd markii ugu horeysay ee uu xukunkii
qabyaaladeystaha
ahaa ee keli-talisku yidhi: " Waan laba kacleeyay." Hadaba
intaanan maansada bilaabin, waxa habboon inaan soo bandhigo sharax
iyo
macne kooban oo uu Abwaanku ka bixiyay kalmadda
"fiidmeereey waa aroor" Kaas oo ku bilaabmaya sidan:
(Wakhtigaas
kor ku xusan ee uu xukunkaasi yidhi : “ Waan laba kacleeyay” wuxuu
xukunkaasi mootannaa muddo sagaal sanadood ama toban sanadood ah oo uu sidii
meydkii Qaabiil uun tunka ku sitay isagoo markaa u arkaayay in wax laga
xumeeyay dad badanna u laynaayay , qaar badanna u xidhay.
Xukunkaas
mudada dheer mootanna ayuu
kolna fooxiso ula tagayay,kolna faaliye ula tagayay, kolna ula tagaayay
mid falal-low ah!
meydkana cidi qardhaas uma dhigato.
Sidaas darteed wuxuu la mid ahaa maalinta qiyaamaha nin odhan doona:
"Imikaan toobad keenayaa, oo waan soomaayaa waanan tukannayaa!"
Markaa
kalmadda fFiidmeereey waa aroor “ la yidhaa macneheedu waxa weeyi: maanta
toobad lagaa aqbalayo iyo wax kuusoo noolaanaya midna ma jiro. )
Maansadu
waxay ku bilaabantay sidatan:
Marbuu
foolxumo ka koray.
Allaha
faxanbaa asturay
Sadana
muu fahamsanayn.
Firuu
duubkii la tegay.
Fas
dahabuu dhigay khamaar.
Farsamo
aan aadmi tubin.
Fahdii
baa lagaga helay.
Fursadda
walqasheediyo.
Fiduhu
may kala dambeyn.
Halkaa
lagu faataxee.
Markuu
faashluhu khaldamay.
Inuu
fidhmay muu ogaan.
Ninkii
finjiriir ma kicin.
Fuulfuul
waa caadadii
Halkiibuu
fooraraa.
Raqdii
buu fadhanayaa.
Firaaqana
wuxuu u helay.
Ammaan
uu faalalsaday.
…………………..
Qabiilkuu
faafiyaa.
Fadqaladuu
daajiyaa.
Naxliga
faxalbuu ku yahay.
Macsina
wuu wada fatahay.
Faquuqbaa
lala tashaday.
Finkaa
baanaa la yidhi.
Fiixdaa
saarbaa la yidhi.
Fidmada
daa baa la yidhi
fadhoocigu
diid garta ee.
Bartii
fiintuu ka riday
Xaquu
faraciisa jaray.
Fankii
qarankuu lunsaday.
Dhaqaalihii
baa fakhriyay.
Dulmaa
food isla galay.
La,aanbaa
timi firkada.
Dadkoo
gaajo u findigay.
Halkaa
faqash wuxuu ka yidhi.
Faa’iidaan
taaganahay.
Walwaal
faantuu wadaa.
Fud
weynbuu riixayaa.
Buur
dheerbuu fananayaa.
Gadaal
ula faagashada
Cabbaar
wuu firix dhabtee
Fig
baastaa durugsanayd.
Halkaa
faqash waxa kaga dhacay
Wixii
faraqa ugu jiray
Markuu
faashluhu khaldamo
Ibleyskuna
fidhiqtankiyo
Falaadkiyo
gubashadiyo
Fajaasada
wuu yaqaan.
Fuluhu
boogtiisii arag
Dambiga
meel kale ku fiiq.
Fadhigii
wuxuu yidhi ka kacay
Hayeeshee
faaraxaw.
Falaadhu
gilgilashadii.
Fircoon
may kaga gu’inee.
Foocaarbaa
soo shalwaday.
Fooruhu
wuxuu sidayba keen
Fagaarana
way ahayd
Finigina
wey jirtaa.
Faqbaa
hoos loogu yidhi
Fiintaa
roob kaa taqaan.
Hortaabay
foodhyi lahayd.
Fidhada
caalwaagu wado.
Miyaa
lagu faanayaa.
Fadkee
lagu guulayaa
Filkii
mo’og waalanaa.
Miyuu
fooldhaqan yaqaan.
Faqbaa
hoos loogu yidhi.
Fuqii
been sheegaayay.
Faruuryuhu
balaqsan yihiin.
Faqbaa
hoos loogu yidhi.
Riduu
orgi foofiyuu.
Fuuleed
ugu yidhi hadhkii.
Anaa
kagu filanee daaq.
Baqana
fiidkii lahaa.
Halkeen
kuula firdhadaa.
Faciisii
hebel miyaa ?!
Magaankuu
fuushanaa.
Inuu
fagal gaabis yahay.
Markuu
fiirsaday gondaha.
Dabayl
fowfow lehiyo.
Maxaa
falanfooli timi.
Fur
iyo boorbaa ku go’an.
Faqbaa
hoos loogu yidhi
Maxaa
ceeb feedhatoo.
Timaha
sino loogu furay.
Shinkeeda
u foolatayee.
Fadeexad
ninkii kufsaday.
Maruun
filanwaa ku yimi.
Fadaro
uurkii ku nacay.
Fajaciisaa
lala irmacayaa.
Fuushadu
inay duli lahayd.
Haddaan
laga sii fekerin.
Fufkuna
caal barar layimi.
Farakha
Aabbaa dhalayee.
Maxaa
loo fiigayaa.
Fiidmeereey
waa aroor.
Maxaa
boog fadhida neceb.
Gacmaa
lagu fiiqayaa.
Fiidmeereey
waa aroor
Maxay
habar fooxisiyo
Faal
been kuu sheegayaan.
Fiidmeereey
waa aroor.
Maxaa
fiqi saahidiyo.
Intii
faral iyo sunneba.
Sujuud
ugu foorartaa.
Ilaahbaa
ferej baxshee
Baryada
samada u furan.
Maqbuullada
laga fasaxo.
Far
iyo suul lagugu qaad.
Habaar
kuusoo faraa.
Fiidmeereey
waa aroor.
Maxaa
foojiganayaal.
Guushooda
u fooganiyo.
Bulshada
faydane ku jira.
Muxuu
foogada bannaan.
Fidaa’igu
eegayaa.
Sidii
loo fulin lahaaba.
Maxay
falanqaynayaan.
Fiidmeereey
waa aroor.
Maxaa
hanad fiicaniyo.
Farshaxan
suugaan tirshiyo.
Fashiistooy
Aabbahaa.
Waagii
fool saa la yidhi.
Gumaystihii
wada firxaday.
Wixii
ferenji iska tagay.
Kolay
Faransiis ku tahay.
Haweenkii
ficiltamee.
Kurtood
fayga u jariyo.
Farriidkuna
taahayaan.
Shantaa
dheh fadhiisinkii.
Markuu
fasalku is bedellay.
Faqii
waa laga koree.
Ka
fool waxa loogu yidhi.
Ninkii
fiitada lahaa.
Adduunyadu
filin ahaa.
Ninkay
farxadda u listee.
Markuu
dhamo falanfalxada.
Ayaamo
faxaaxsadaa.
Inuu
fajac iyo dhibiyo.
Xumaan
ka finaaqi karo.
Ma
fahamsane waa ma jire.
Ka
fool waxa loogu yidhi.
felegga
kugu yuururiyo.
Waqtigu
kugu faadhumee.
Waayuhu
kugu fidi lugaha.
Waxaadan
fileynin iyo.
Falaadhiba
waa naxdinee.
Taladu
way foolxun tehee.
Miyaan
fidhi kugu go’nayn.
Ka
fool waxa loogu yidhi .
Hadday
foojigo wax tari.
Sowtii
Faacuul la dilay!
Sidii
Faraw iyo ugaadh.
Raggii
fadalkaaga guray.
Faagaray
kugu qabteen.
Faalgureyana
wey sitaan.
Bankuna
food saaro ma leh.
Furuqa
oofaha degiyo.
Fantana
adigaa qarsaday.
Muxuu
foodhyaamayaa.
Fogaa
meel laga qufacay.
Faraa
kaa yaal jannada.
Ninkii
Faqatiir ahaa .
Furaashkiisii
ku olol.
Waakaa
doobbigii fatahay.
Dukhsaa
fuud kulul ku dhacay.
Dhamaan
ficiliyo dhacdana.
Kolay
tahay firi hadhuudh.
Findhicil
qudhi kama maqnee.
Faafreebkaygu
jiraa.
Maxkamaddii
waa la furay.
Fircoonbay
saarayaan.
Fayl
weynbay daba sitaan.
Ciyaal
way foodhyayaan.
Wadani
wuu faraxsan yahay.
Dadkuu
wada feentayee .
Dhiiggiisii
fuuqdasiyo.
Fiqiirkuna
waa mudici.
Falag-guna
marag u noqoy.
Fuulfuul
waxay leeyihiin.
Faduul
iyo waa Berbera.
Faduushii
geysay waayee.
Naftaada
adaa falayee.
Sideed
u furdaamin kari.
Maxaa
Faqash helay wacdaro.
----------Dhamaad----------
W.T.
Abwaanka Xasan Xaaji Cabdillaahi " Xasan-Ganey"
W.Q.
Axmed Iid Aadan.
ahmediid@hotmail.com
