QORAALKA WAXA ISKA LEH QOFKA KU SAXEEXAN ISLA MARKAASNA  QORAALKANI KAMA TURJUMAYO ARAGTIDA URURKAN SOMALILAND DEMOCRACY WATCH ORGANISATION  WIXII FAALO AH EE AAD KA QABTO QOFKA AYAAD TOOS UGU DIRI KARTAA, AMA HADII AAD RABTO INAAD QORAAL JAWAAB AH LAGUU DAABACO WAAD NOO SOO DIRIKARTAA

Xus oo Xasuuso Mujaahidka Dahsoon

 Waxa qorey: Ahmed-Nuur Mohamed 

Wiigagan u danbeeyay waxaa warbaahinta dalalka reer galbeedka aad loogaga faaloonayay xuska dagaalkii ay sida wada jirka ah u galeen dawladihii isku bahaystay xoreyntii Faransiika iyo jabintii Jarmalka.  Dagaalkaasi oo haatan laga joogo mud lixdan (60) sanadood ah ayaa hadan sida loo xusayo loona xusuusanyo manta oo mudadaasi ka soo wareegtay aad moodaa inuu ahaa dagaal dhacay shalay amaba waxaad moodaa inuu ka danbeeyay dagaalkii lagu galay dalka ciraaq ee wali socda. Waxaad telifashanada aad ka arkaysaa waraysiyo lala yeelanyo dadkii ka qaybqaatay intoodii noolayd iyada oo lagaynayo goobihii ay ka dhaceen dagaaladii ugu adkaa waxaad kaloo aad arkaysaa iyada oo madaxda wadamaadaasi ka qayb galayaan furitaano iyo xaflado lagu xusayo dagaalkaasi. 

Hadaba waxaa nasiib daro ah iyada oo dagaalkii qadhaadhaa ee umada reer Somaliland kula soo noqtay xornimadeed oo ay manta ka soo wareegtay mudo yar oo aad u gaaban isla markaana wali ku jira maskaxada intii u soo joogtay isla markaan naafadii, burburkii iyo khasaarihii u umada gaadhsiiyayna muuqdaan walina laga soo kaban uu noqdo mid la iloobo mudnaatii uu lahaana hoos loo dhigo lagana hore mariyo xusaskale oo aan qiimo ugu fadhiyin umada reer Somaliland.   

Maata waxay ahayd maalintii beer lagu xuso oo lagu xasuusto loo dhisi lahaa

mujaahidiintii ku shahiida, maata waxay ahayd malintii naafada iyo agoonta la daryeeli lahaa, manta waxay ahayd maalintii hooyadii curadkeeda weyday ku samri lahayd, manta waxay ahayd maalintii ilmihii madfaca lagu ababiyay ku hadhsan lahaa.  Nasiib daro waxay noqotay in dhamaanba intii daryaalka u baahnayd loogu badalo xadhig, jidhdil iyo hanjabaad joogto ah taasi oo ah intii markii horaba laqaadan waayay lagana dagaalamay.

 

Waxaa is weydiin leh halka ay ka taagan tahay xukumadu halgankaasi oo ah mid madmadow ku jiro, hadii ay noqoto sida ay u xusto iyo hadii ay noqto falalka foosha xun ee ay mudooyinkan dabe caadaysatayba waxaanan ku soo gunaanadyaa maqaalkan mujaahidka hadsoon in umada reer Somaliland inteeda danaysa nabada iyo dimuquraadiyada xusuunaadaan isla markaana ilaashadaan xoriyada ay manta hadhsanyaan oo ah mid dhiigbadani u taatay kana feejignaadaan inaanay dib u soo noqon xumaantii ay qaadan waayeen mudo hore. 

Qore: Ahmed-Nuur Mohamed 

London 

Nuur1999@hotmail.com